សួនសត្វធំជាងគេនៅភាគខាងជើងក្រុងភ្នំពេញនឹងបើកចុងឆ្នាំនេះ

ដោយ៖ ដែន ចែងចាំង

ភ្នំពេញ៖ សួនសត្វធំជាងគេនៅភ្នំពេញ និងមានឈ្មោះថា “ភ្នំពេញសាហ្វារីវើលដ៏នឹងបើកដំណើរការនៅចុងខែធ្នូ ក្នុងចុងឆ្នាំនេះហើយ បន្ទាប់ពីសួនសត្វនេះបានចំណាយពេលសាងសង់រយៈពេលប្រមាណ២ឆ្នាំ។

យោងតាមមន្ត្រីគ្រប់គ្រងសួនសត្វនេះ សុំមិនបញ្ចេញឈ្មោះបានឲ្យដឹងថា សួនសត្វដែលបានផ្លាស់ប្តូរទីតាំងពីខេត្តកោះកុង មកកាន់រាជធានីភ្នំពេញនេះបានចំណាយទុនវិនិយោគអស់ប្រមាណ១០លានដុល្លារអាមេរិក និងជាគំរោងវិនិយោគដោយលោកឧកញ៉ាលី យ៉ុងផាត់អគ្គនាយកក្រុមហ៊ុនលីយ៉ុងផាត់គ្រុប។លោកបន្តថា សួនសត្វនេះត្រូវបែងចែកជាបួនតំបន់ខុសៗគ្នា ទី១ ការសម្តែងរបស់សត្វខ្លា ទី២ ការសម្តែងរបស់សត្វក្រពើ ទី៣ ការសម្តែងរបស់សត្វស្វាអូរ៉ង់ អូតង់ និងទី៤ ការសម្តែងរបស់សត្វសេកមកពីតំបន់អាហ្វ្រិក និងប្រទេសដទៃទៀត។

សួនសត្វនេះ មានទីតាំងស្ថិតនៅក្នុងទីក្រុងរណបតេជោមរកត ស្ថិតក្នុងសង្កាត់ព្រែកតាសេក ខ័ណ្ឌជ្រោយចង្វារ រាជធានីភ្នំពេញ។

ទីប្រឹក្សាសមាគមទីភ្នាក់ងារទេសចរណ៍កម្ពុជាលោកហូ វណ្ឌីបានថ្លែងស្វា គមន៍វត្តមានសួនសត្វដ៏ធំនេះ ដោយលោកបានថ្លែងថា វាជាផលិតផលទេសចរ ណ៍ថ្មីមួយទៀតសម្រាប់ក្រុងភ្នំពេញ ដែលអាចឲ្យប្រតិបត្តិករទេសចរណ៍អាចរៀបចំខ្សែទស្សនកិច្ចបានសម្រាប់ភ្ញៀវ ដោយចាកចេញពីទីក្រុងភ្នំពេញទៅកាន់តំបន់បាក់ខែង និងឆ្ពោះទៅកាន់តំបន់ភ្នំតាម៉ៅ សម្រាប់ជាខ្សែទស្សនកិច្ចមានភា ពទាក់ទាញផងដែរ។

លោកបន្តថា “នៅរាជធានីភ្នំពេញមិនសូវមានកន្លែងកំសាន្តសម្រាប់ភ្ញៀវទេសចរណ៍ជាតិ អន្តរជាតិនោះទេ ដែលទាមទារឲ្យមានអ្នកវិនិយោគ ធ្វើការវិនិយោគរមណីយដ្ឋានកែច្នៃបន្ថែមទៀត ដើម្បីទាក់ទាញភ្ញៀវទេសចរណ៍ឲ្យស្នាក់នៅយូរ និងចំណាយប្រាក់ច្រើន”៕

តើគួរវិនិយោគលើវិស័យអាផាតម៉ិនយ៉ាងដូចម្តេចដើម្បីទទួលបានជោគជ័យ?

ដោយ៖ ដែន ចែងចាំង

ភ្នំពេញ៖ នៅពេលនេះវិស័យអាផាតម៉ិនបាន និងកំពុងប្រឈមមុខនឹងការប្រកួតប្រជែងកាន់តែតានតឹងជាងមុន នៅពេលចំនួនយូនីតខុនដូដាក់ចូលទីផ្សារកាន់តែច្រើន ដូចនេះអ្នកវិនិយោគអាផាតម៉ិនគួរធ្វើការវិនិយោគយ៉ាងដូចម្តេច ដើម្បីទាក់ទាញអតិថិជនចូលស្នាក់នៅកាន់តែច្រើន។

គេហទំព័រ propertyarea.asia សូមលើកយកនូវចំណុចពិសេសខ្លះៗពីអ្នកជំនាញនិងបានវិនិយោគក្នុងវិស័យនេះមក ចែករំលែកបទពិសោធន៍របស់ខ្លួន។

លោកឧកញ៉ា នួន រិទ្ឋី អគ្គនាយកក្រុមហ៊ុន Khmer Foundation Appraisal ដែលធ្លាប់មានបទពិសោធន៍ លើការងារទាក់ទងនឹងវិស័យនេះរយៈពេលជិត២០ឆ្នាំនៅតែសម្តែងសុទិដ្ឋិនិយមថា ទីផ្សារអាផាតម៉ិននៅតែមានកំនើនយ៉ាងរឹងមាំ ដោយផ្អែកលើលំហូរចូលអ្នកវិនិយោគថ្មីៗ ស្ថិរភាពនយោបាយ កំនើនសេដ្ឋកិច្ច ពិសេសការធ្វើសមាហរណកម្មកម្ពុជា ទៅក្នុងសហគមន៍ប្រជាជាតិអាស៊ីអាគ្នេយ៍ហៅកាត់អាស៊ាន។

លោកបានឲ្យដឹងថា ការវិនិយោគអាផាតម៉ិន ដើម្បីទទួលបានជោគជ័យត្រូវផ្អែកលើកត្តាមួយចំនួន។

ទីតាំង

ការជ្រើសរើសទីតាំងមានសារៈសំខាន់ណាស់ ដើម្បីដឹងថាគំរោងរបស់ខ្លួនគួរអភិវឌ្ឍន៍ក្នុងទំហំទឹកប្រាក់កម្រិតណា និងទាក់ទាញអតិថិជនកម្រិតណា ព្រោះប្រសិនជាទីតាំងកម្រិត A យើងអាចទទួលបានជោគជ័យ បើសិនជាសាងសង់អាផាតម៉ិនកម្រិត B ប៉ុន្តែបើទីតាំងកម្រិត B ឬ C ហើយសាងសង់អាផាតម៉ិនកម្រិត Aមិនជោគជ័យនោះទេ។ ដូច្នេះអ្នកវិនិយោគគួរតែដឹងពីទីតាំងរបស់ខ្លួន។

ការដាក់តំលៃ

ការផ្តោតលើគោលដៅអតិថិជនពិតជាសំខាន់ តែការផ្តោតលើតំលៃកាន់តែសំខាន់ ដូច្នេះការដាក់តំលៃជួលគួរតែពិនិត្យមើល ទៅលើទីតាំងអាគារអាផាតម៉ិនរបស់ខ្លួន ដើម្បីទទួលបានអ្នកជួលកាន់តែច្រើន និងធ្វើឲ្យគំរោងរបស់ខ្លួនដើរស្របតាមស្ថានភាពទីផ្សារជាក់ស្តែង។

រក្សាឌីសាញអាគារ

មិនថាទីតាំង ការដាក់តំលៃទេ និងការឌីសាញអាគារឲ្យមានភាពទាក់ទាញកាន់តែសំខាន់ផងដែរ ដើម្បីទាក់ទាញអារម្មណ៍អ្នកស្នាក់នៅឲ្យមានភាពកក់ក្តៅ និងអារម្មណ៍ប្រកបដោយភាពស្រស់ស្រាយ តាមរយៈការបំពាក់នូវស្តង់ដាអាគារមានលក្ខណៈសន្សំសំចៃថាមពល និងជាអាគារគោរពតាមស្តង់ដាបរិស្ថាន ដោយកាត់បន្ថយបាននូវការបំពុលបរិយាកាស ពោលគឺធ្វើឲ្យវាក្លាយជាអាគារបៃតង។

ការបំពាក់សម្ភារៈបរិក្ខា

ការបំពាក់សម្ភារៈបរិក្ខា ដូចជា កន្លែងហាត់ប្រាណ អាងហែលទឹក ភោជនីយដ្ឋានលើអាកាស ចំណតយានយន្តស្តង់ដា និងសេវាកម្មដទៃទៀត សុទ្ឋតែជាតម្រូវការចាំបាច់របស់អតិថិជន ប៉ុន្តែការបំពាក់សម្ភារៈ បរិក្ខា និងសេវាកម្មនានានឹងធ្វើឲ្យការចំណាយកាន់តែធំ ដូច្នេះធ្វើឲ្យតំលៃជួលកាន់តែថ្លៃ។ ដូច្នេះការបំពាក់សម្ភារៈបរិក្ខាទំនើប មានសេវាកម្មសម្បូរបែប ដើម្បីធ្វើឲ្យអ្នកស្នាក់នៅមានភាពងាយស្រួល ក៏គួរពិចារណាផងដែរ ទៅលើទីតាំងគំរោង និងគោលដៅអតិថិជន។

ទំហំបន្ទប់

តាមធម្មតាអ្នកស្នាក់នៅអាផាតម៉ិនភាគច្រើនជាគ្រួសារតូច ដែលមានគ្នាមិនលើសពីបីនាក់នោះទេ ព្រោះជនបរទេសមកធ្វើការនៅកម្ពុជា ឬប្រទេសដទៃភាគច្រើនពួកគេស្នាក់នៅបណ្តោះអាសន្ន និងមានសមាជិកគ្រួសារតូច ហេតុនេះពួកគេមិនសូវនិយមអាផាតម៉ិនដែលមានបន្ទប់ច្រើននោះទេ។

ពួកគេភាគច្រើន ត្រូវការអាផាតម៉ិនដែលមានបន្ទប់គេងមួយ ឬពីរប៉ុណ្ណោះ ហើយអាផាតម៉ិនដែលពេញនិយម និងមានអ្នកជួលច្រើន គឺជាអាផាតម៉ិនដែលមានបន្ទប់គេង១ឬពីរប៉ុណ្ណោះ។

សេវាគ្រប់គ្រងអាគារ

ការអាគារស្រស់ស្អាត មានទីតាំងល្អ និងតំលៃសមរម្យគ្រប់គ្រាន់នោះទេ គឺទាមទារឲ្យអ្នកវិនិយោគអាផាតម៉ិន មានសេវាគ្រប់គ្រងអាគារប្រកបដោយបទពិសោធន៍ និងស្តង់ដាអន្តរជាតិផងដែរ ដើម្បីឲ្យអ្នកស្នាក់នៅមានអារម្មណ៍កក់ក្តៅ និងប្រកបដោយផាសុខភាព ឧទាហរណ៍ សេវាអ៊ីនធើណេតល្បឿនលឿន មានការជួលជុលទុយោទឹកបែកជូនអតិថិជនទាន់ពេលវេលាជាដើម។

ការចងបណ្តាញ

នៅពេលបច្ចុប្បន្នពិភពជំនួញកាន់តែមានភាពប្រកួតប្រជែង ប៉ុន្តែវិធីសាស្ត្រថ្មីៗត្រូវបានអ្នកជំនួញវ័យក្មេងភាគច្រើនកំពុងចាប់យក គឺការចងបណ្តាញជំនួញរបស់ខ្លួន ដើម្បីធ្វើឲ្យជំនួញរបស់ខ្លួនទទួលបានជោគជ័យ និងមានអតិថិជនច្រើន ដែលជាការផ្តល់ផលប្រយោជន៍ឲ្យគ្នាទៅវិញទៅមក។

លោកឧកញ៉ានួន រិទ្ឋីបានបញ្ជាក់ពីបញ្ហានេះថា ការចងបណ្តាញដៃគូជំនួញមានសារៈសំខាន់ណាស់ ដើម្បីឲ្យអាផាតម៉ិនរបស់ខ្លួនទទួលជោគជ័យ ព្រោះការធ្វើជំនួញម្នាក់ឯងមិនទទួលបានជោគជ័យនោះទេ ដូច្នេះការចងបណ្តាញមានសារៈសំខាន់ណាស់ ដើម្បីផ្តល់ជូនអតិថិជនដល់គ្នាទៅវិញទៅមក និងផ្តល់ផលប្រយោជន៍ជូនគ្នាទៅវិញទៅមក៕

Maha Nakhon Tower ជាអាគារដែលខ្ពស់ជាងគេនៅប្រទេសថៃ

ដោយ៖ បុរស វុត្ថា

ភ្នំពេញ៖ ពីមុនគេស្គាល់តែអាគារបៃយ៉ុកប៉ុណ្ណោះ ដែលខ្ពស់ជាងគេនៅប្រទេសថៃ ប៉ុន្តែពេលនេះអាគារ Maha Nakhon Tower បានមកគ្រងតំណែងជំនួសអាគារបៃយ៉ុក ក្នុងនាមជាអាគារខ្ពស់ជាងគេ និងអស្ចារ្យជាងគេនៅក្រុងថេមហានគរឬក្រុងបាងកកប្រទេសថៃ។

MAHANAKON ជាអាគារខ្ពស់ជាងគេ។ អាគារមួយនេះបានដាក់អោយដំណើរការនៅក្នុងខែធ្នូ ឆ្នាំ២០១។ លក្ខណៈពិសេសនៃរូបរាងរបស់អាគារ គឺមានភាពអស្ចារ្យដោយមានកញ្ចក់ជញ្ជាំង មានរាងជារង្វង់តូចមួយចូលទៅផ្នែកម្ខាងនៃអាគារ។ អគារមួយនេះមានកម្ពស់ ប្រមាណ៣១៤,២ មែត្រ ស្មើនឹងកំពស់77 ជាន់ ហើយវាត្រូវបានគេទទួលស្គាល់ ដោយប្រឹក្សានៃអគារខ្ពស់ៗ និងលំនៅដ្ឋាន (CTBUH) កនៅថ្ងៃទី៤ឧសភាឆ្នាំ ២០១៦ដោយក្រុម ថាជាអគារដែលមានកំពស់ខ្ពស់ជាងគេនៅក្នុងប្រទេស ។

នៅក្នុងអគារនេះ មានសណ្ឋាគារប្រណីត ផ្ទះល្វែង និងលំនៅដ្ឋាន ជាពិសេសមានសណ្ឋាគារ Ritz-Carlton Residences មានផ្ទះ២០០ Unite ហើលយមានតម្លៃចន្លោះពី ១,១០០,០០០ ដុល្លារទៅ ១៧,០០,០០០ ដុល្លារដែលធ្វើឱ្យវាក្លាយជាខុនដូដែលមានតម្លៃថ្លៃបំផុតនៅបាងកក។

អគារខ្ពស់មួយនេះ ត្រូវបានគេប្រកាសសាងសង់នៅថ្ងៃទី២៧ ខែឧសភា ឆ្នាំ ២០០៩ ដោយក្រុមការងារសាងសង់រួមមានស្ថាបត្យករអាឡឺម៉ង់ អូឡេសឺរ៉េន (Ole Scheeren) អតីតដៃគូនៃក្រុមហ៊ុនរចនាប្លង់សម្រាប់ស្ថាបត្យកម្មក្រុង (Metropolitan Architecture) ក្រុមហ៊ុន Thai company Pace Development, ក្រុមហ៊ុន David Collins Studio នៅទីក្រុងឡុងដ៏ និងសាជីវកម្មអគារឧស្សាហកម្ម (Industrial Buildings Corporation) (IBC)។

នៅឆ្នាំ ២០១៥ ក្រុមហ៊ុន PACE បានទិញភាគហ៊ុនដែលនៅសល់ទាំអស់ពីអតីតដៃគូបស់ខ្លួន គឹក្រុមហ៊ុន IBC ដូច្នេះក្រុមហ៊ុនមួយនេះ បានក្លាយជាអ្នកអភិវឌ្ឍគម្រោងតែមួយគត់។ ការបើកការដ្ឋានសាងសង់អគារនេះត្រូវបានធ្វើឡើងនៅថ្ងៃទី ២០ ខែមិថុនាឆ្នាំ ២០១១ ហើយត្រូវបានបញ្ចប់ទាំងស្រុងនៅឆ្នាំ២០១៦ ។ តម្លៃគម្រោងសាងសង់មានការផ្លាស់ប្តូរក្នុងអំឡុងពេលនៃការសាងសង់ ដោយបានកើនឡើងដល់២១ពាន់លានបាត សើ្មនឹង៦២០លានដុល្លារអាមេរិក។

នៅក្នុងខែកញ្ញាឆ្នាំ២០១៤ សណ្ឋាគារ Ritz-Carlton Residences ដែលស្ថិតនៅក្នុងអគារ MahaNakhon ត្រូវបានគេដាក់ឈ្មោះថា “ការអភិវឌ្ឍអគារខុនដូល្អបំផុតប្រចាំឆ្នាំ២០១៤នៅទីក្រុងបាងកក” “Best Luxury Condo Development ២០១៤ in Bangkok” ដែលផ្តល់ដោយThailand Property Awards។

នៅខែតុលាឆ្នាំ 2014 សណ្ឋាគារ The Ritz-Carlton Residences នៅក្នុងអាគារ MahaNakhon ត្រូវបានគេអោយឈ្មោះថា “Best Thailand Development ២០១៤”និង “Best Luxury Condominium Southeast Asia”ដោយ ទទួលបាន Asia Property Awards ។

នៅឆ្នាំ ២០១៥ អគារ MahaNakhon ត្រូវបានទទួលស្គាល់ហើយផ្តល់ពានរង្វាន់ ដោយ Asia-Pacific Property Awards ដែលទទួលបានពានរង្វាន់ធំ ៗ ចំនួនបីរួមមាន ការប្រើប្រាស់ចម្រុះល្អបំផុត លំនៅដ្ឋានល្អបំផុត និងលំនៅដ្ឋានដ៏ល្អមានតម្លៃថ្លៃបំផុង( Best Mixed Use, Best Residential, and Best Residential Highrise)។ បន្ទាប់មកគម្រោងនេះ ត្រូវបានទទួលស្គាល់ហើយយកទៅធ្វើបទបង្ហាញនៅកន្លែង ក្រុមប្រឹក្សាសម្រាប់អគារខ្ពស់ៗ និងជាទីជម្រកទីលំនៅ (CTBUH ) និងនៅសាកលវិទ្យាល័យជូឡាឡុងកនផងដែរ៕

NAKI GROUP Invests 10 Million Dollars on Lower Price’s Housing Project

by : Vutha

NAKI GROUP has decided to invest 10 million dollars to build a housing project in southern Phnom Penh for low-income people.

CEO of NAKI Group Meas Nget Veasna, said in recently that the economic growth and increasing of people’s income, especially lower middle class and middle class, so he decided to invest on housing project in Borey Ravana in order to respond to the needs of the residents. The Borey is located on an area of 3 hectares of land which is sold between $ 35,000 to $ 60,000, depending on location and size of the house.

“I think that this project will be successful as the reasons I had mentioned above. Moreover I think the young couples who get salaries around 500 USD to 600 USD per month, they can buy it easily” he said “we can help them to borrow money from the bank in order to buy the house in their dream”.

“Borey RAVANA locates at the end of 60m street along the national road 2 (former CTN’s land), located in Prek Kampi district, Khan Dangkor, Phnom Penh” He added “The investment on this affordable house is in line with the social economic situation of Cambodia because our country is peaceful with economic growth every year, and the middle class is also growing”. He added.

Chrek Soknim, CEO of Century 21 Mekong, said that residential sales are still improving for this year due to increasing of population, increasing people’s income, and accepting credit from the banks.

“What I see there are many people buying a second home in the Borey is increasing, but when I look at the market trend, I see that the investors have started to capture the people who have low-income and middle-income market because this group of people is continuing growing and growing”. He said

Associate director of CBRE Cambodia, Mrs. Sothida Ann, said that the real estate market, especially housing projects for low-income and middle-income people, is in high demand because of this group of people is becoming in large number and it is a real market base where investors should look to take advantage of this market. “During the consultations, I always told the investors to focus on middle-class housing because this is the biggest market and the basis of success “. She said.

ក្រុមហ៊ុនជប៉ុនគ្រោងដាក់ទុនមហាសាលរុករករ៉ែនៅតំបន់ត្រួតស៊ីគ្នាកម្ពុជា-ថៃ

ភ្នំពេញ៖ ក្រុមហ៊ុនអ៊ីដឹម មីតស៊ុយ កូសាន ដែលមានមូលដ្ឋាននៅប្រទេសជប៉ុនគ្រោងដាក់ទុនមហាសាល ដើម្បីរុករករ៉ែនិងឧស្ម័ននៅតំបន់ឈូងសមុទ្រត្រួតស៊ីគ្នារវាងកម្ពុជា និងប្រទេសថៃ ប្រសិនជាប្រទេសទាំងពីរឯកភាពឈានដល់កិច្ចព្រមព្រៀងរួម។

លោកអ៊ីជី ហាជីវ៉ារ៉ា (Eiji Hagiwara) មន្ត្រីគ្រប់គ្រងជាន់ខ្ពស់ក្រុមហ៊ុនអ៊ីដឹម មីតស៊ុយ កូសានបានថ្លែងលើកឡើងនៅក្នុងកិច្ចពិភាក្សាការងារជាមួយ លោកស៊ុយ សែម រដ្ឋមន្ត្រីក្រសួងរ៉ែ និងថាមពលកាលពីម្សិលម៉ិញនេះថា ប្រទេសថៃក្នុងពេលបច្ចុប្បន្ន គឺមានការផ្លាស់ប្តូរជាច្រើន ព្រោះឧស្ម័នដែលកំពុងប្រើប្រាស់នៅក្នុងប្រទេសថៃសព្វថ្ងៃ គឺនៅមានសល់តិចតូចណាស់ ដែលអាចនាំឲ្យប្រទេសថៃជួបនឹងបញ្ហាជាមិនខាន ក្នុងនោះបើតាមការគ្រោងទុករបស់លោកផ្ទាល់ ប្រទេសថៃមិនអាចពន្យាពេលតំបន់ទាមទារត្រួតស៊ីគា្ន (OCA) បានយូរទៀតនោះឡើយ ប្រសិនបើភាគីថៃងាកមកសុំចរចារតំបន់នេះវិញ ក្រុមហ៊ុនរបស់លោកនឹងបោះទុនទ្រព្យសម្បត្តិ ដែលមានក្នុងក្រុមហ៊ុនទាំងអស់ សម្រាប់ការវិនិយោគប្រេងកាតនៅក្នុងតំបន់នោះ។

លោក ស៊ុយ សែម បានបញ្ជាក់ជូនប្រតិភូជប៉ុនថា កាលពីថ្ងៃទី៧ ខែកញ្ញា ឆ្នាំ២០១៧នេះ ក្នុងពេលលោកប្រាក់យុទ្ឋ ចាន់អូចារ នាយករដ្ឋមន្ត្រីនៃប្រទេសថៃ បានអញ្ជើញទស្សនកិច្ចជាផ្លូវការនៅកម្ពុជា ប្រមុខរាជរដ្ឋាភិបាលនៃប្រទេសទាំងពីរ បានចេញសេចក្តីថ្លែងការរួមមួយ ដើម្បីជម្រុញយន្តការនេះឲ្យបានលឿន នៅក្នុងតំបន់ប្រេងកាតត្រួតស៊ីគ្នានោះ។

លោកបន្តថា ភាគីកម្ពុជាបានខិតខំប្រឹងប្រែងយ៉ាងខ្លាំង នឹងឈានទៅដល់ការចរចារម្តងជាពីរដងរួចមកហើយ ក្នុងនោះភាគីថៃហាក់សំដែងនូវការទទួលយក ប៉ុន្តែជាលទ្ធផលគឺពុំបានចេញជាផ្លៃផ្ការនោះឡើយ ដោយអ្នកបច្ចេកទេសថៃ តែងតែទាញយកបញ្ហាព្រំដែន គឺចង់ឲ្យព្រំដែននៃប្រទេសទាំងពីរ ធ្វើការកំណត់ព្រំជាមុន។ ដោយឡែកកម្ពុជាវិញ គឺចង់ទុករឿងព្រំដែនដោះស្រាយជាក្រោយ ដែលធ្វើឲ្យការជជែកវែកញែកមិនបានត្រូវគ្នាឡើយ ហើយបញ្ហានេះបានបន្តទុកមកដល់សព្វថ្ងៃនេះ ប៉ុន្តែភាគីកម្ពុជានៅរងចាំចរចារជានិច្ច ដើម្បីដោះស្រាយបញ្ហាតំបន់ (OCA) នេះឲ្យចេញជារូបរាង៕

ក្រុមហ៊ុនចិនបោះទុន ១០០លានដុល្លារ សាងសង់ខុនដូកប់ពពកថ្មីមួយ

ដោយ ៖ គង់ សូរិយា

ភ្នំពេញ៖ ក្រុមហ៊ុន 4Season Construction ដែលមានមូលដ្ឋាននៅប្រទេសចិន បានសម្រេចចិត្តបោះទុនវិនិយោគ១០០លានដុល្លារអាមេរិក ដើម្បីសាងសង់ខុនដូកប់ពពកកំពស់៣៣ជាន់ថ្មីមួយនៅកណ្តាលរាជធានីភ្នំពេញ ខណៈទីផ្សារខុនដូកំពុងមានភាពរីកចម្រើនខ្លាំងនៅកម្ពុជា។

ក្រុមមហ៊ុន CSCEC ដែលជាក្រុមហ៊ុនសាងសង់អគារលំដាប់ថ្នាក់ទី១នៅឆាកអន្តរជាតិរបស់ប្រទេសចិន ជាអ្នកសាងសង់ខុនដូដែលមានឈ្មោះថា Le Bassac ស្ថិតនៅលើមហាវិថីព្រះស៊ីហនុ កែងនឹងផ្លូវលេខ២៩៥ ។

អគ្គនាយកក្រុមហ៊ុន 4Season Construction លោក Lu Hong Zhong បានថ្លែងក្នុងពិធីបុកគ្រឹះបើកការដ្ឋានសាងសង់ថា ដោយមើលឃើញពីស្ថានភាពកំណើនសេដ្ឋកិច្ចនៅកម្ពុជា និងកម្ពុជាមានសុខសន្តិភាព ស្ថិរភាពនយោបាយ ទើបលោកសម្រេចចិត្តបោះទុនវិនិយោគដ៏ច្រើននេះ។ នេះជាគម្រោងទី១ សម្រាប់ក្រុមហ៊ុនរបស់លោក ដែលបានវនិយោគលើគម្រោងអគារលំនៅដ្ឋាន ដែលមានគុណភាពខ្ពស់ និងស្ថិតនៅក្នុងការខិតខំប្រឹងប្រែង សំរិតសំរាងនូវការបំពាក់បច្ចេកវិទ្យាសុវត្ថិភាព ផាសុខភាពនិងគំនិតច្នៃប្រឌិត ។

លោកបន្ថែមទៀតថា គម្រោងនេះនឹងសាងសង់នៅលើផ្ទែដីជាង២៩០០ម៉ែត្រការ៉េ មាន៤១៧បន្ទប់ និងមានបំពាក់សេវាកម្មជាច្រើនដូចជា អាងហែលទឹក និងកន្លែងហាត់ប្រាណនៅជាន់ទី៣១។ គំរោងនេះ គ្រោងចំណាយពេលសាងសង់រយៈពេល៣ឆ្នាំ។

គម្រោងអគារខុនដូ Le Bassac មិនត្រឹមតែជាការវិនិយោគរកប្រាក់ចំណូលតែប៉ុណ្ណោះទេ ហើយគម្រោងនេះបានដាក់ទិសដៅឆ្ពោះទៅដណ្តើមយកពានរង្វាន់ Luban Award គឺជាពានរង្វាន់កិត្តិយសខ្ពស់បំផុត សម្រាប់គម្រោងសាងសង់នៅក្រៅប្រទេស ដែលមានគុណភាពល្អឥតខ្ចោះប្រចាំប្រទេសចិន។

យោងតាមការសិក្សារបស់ក្រុមហ៊ុន CBRE Cambodiaបានរកឃើញថា ការលក់ខុនដូនៅកម្ពុជាបានកើនឡើង១ភាគរយនៅក្នុងឆ្នាំនេះ ដោយកើនពី៦០ភាគរយកាលពីឆ្នាំមុន ដល់៦១ភាគរយនៅដំណាច់ត្រីមាសទី៣ឆ្នាំនេះ។

ចំនួនខុនដូនៅកម្ពុជាបានកើនឡើងជិតដល់៥០,០០០យូនីតហើយនាពេលបច្ចុប្បន្ននេះ ខណៈគំរោងខុនដូជាច្រើនបាននិងកំពុងសាងសង់ និងដាក់ចូលទីផ្សារ៕

KRISENERGY ចាប់ផ្តើមប្រកាសរុករកប្រេងនៅប្លុកថ្មីមួយ

ដោយ៖ គង់ សូរិយា

ភ្នំពេញ៖ ក្រុមហ៊ុន KRISENERGY Co, Ltd បានប្រកាសចាប់ផ្តើមរុករករ៉ែប្រេងកាតថ្មីមូយ ស្ថិតក្នុងតំបន់មួយដែលគេឲ្យឈ្មោះថា ប្លុកអប្សរា ខណៈក្រុមហ៊ុននេះកំពុងធ្វើសកម្មភាពទាញយកប្រេងកាតនៅតំបន់ប្លុក A ដែលអាចនឹងទាញយកប្រេងនៅចុងឆ្នាំ២០១៩ ឬដើមឆ្នាំ ២០២០ខាងមុខនេះ។

នាយកប្រតិបត្តិក្រុមហ៊ុន គ្រីសអេនើជី និងជាប្រធានក្រុមហ៊ុនគ្រីសអេនើជី ប្រចាំប្រទេសកម្ពុលោក Kelvin Tang ជាបានអោយដឹងនាព្រឹកថ្ងៃទី២៦ តុលានេះថា ថាសេចក្តីសម្រេចចិត្តវិនិយោគ ចុងក្រោយគឺជាការបោះ ជំហានមួយទៀត ក្នុងការដើរ ទៅមុខ សម្រាប់ ការអភិវឌ្ឍអណ្តូងប្រេងកាតអប្សរាទៅតាម ពេល វេលាដែលបានកំណត់ទុក ក្រោយពីមានការចុះហត្ថលេខាជាផ្លូវការលើ កិច្ចព្រមព្រៀងប្រេងកាត ដែល បានធ្វើឡើងកាលពីចុងខែសីហា កន្លងទៅនេះ។

លោកបន្តថា ក្រុមការងារបច្ចេកទេស និងផ្នែកប្រតិបត្តិការរបស់ក្រុមហ៊ុន កំពុងរៀបចំការដាក់ដេញថ្លៃចាំបាច់ សម្រាប់ការផ្គត់ផ្គង់ឧបករណ៍ បរិក្ខារ និងសេវាកម្មផ្សេងៗ ។ ទន្ទឹមគ្នានេះដែរ ការពិភាក្សាជាមួយភាគីដែលមានចំណាប់អារម្មណ៍ចង់ចូលរួមក្នុងគម្រោង ថ្មីនេះក៏កំពុងប្រព្រឹត្តិទៅ ដើម្បីធ្វើយ៉ាងណាកាត់បន្ថយហានិភ័យលើផ្នែកប្រតិបត្តិការនិងនិងការប្រើប្រាស់ទុនរបស់ក្រុមហ៊ុន។

បច្ចុប្បន្បក្រុមហ៊ុនគ្រីសអេនើជី គឺ ជាប្រតិបតិ្តករក្នុងប្លុក A កម្ពុជា ដែលកាន់កាប់ភាគហ៊ុន៩៥% តំណាងឲ្យរាជរដ្ឋា ភិបាលកម្ពុជា ហើយអគ្គនាយកដ្ឋានទ្រព្យសម្បត្តិរដ្ឋ និងចំណូលមិនមែនសារពើពន្ធ នៃក្រសួងសេដ្ឋកិច្ច និងហិរញ្ញវត្ថុកាន់កាប់ភាគហ៊ុនចំនួន៥% ។

តំបន់កិច្ចសន្យាប្លុក A កម្ពុជា មានទំហំ៣,០៨៣គីឡូម៉ែត្រការ៉េ ស្ថិតនៅក្នុងអាងសមុទ្រកម្ពុជាក្នុងតំបន់ឈូងសមុទ្រ ថៃ ដែលមានជម្រៅទឹកចន្លោះពី៥០ ម៉ែត្រទៅ៨០ម៉ែត្រ ។ជាមួគ្នានេះដំណាក់កាល1A នៃការអភិវឌ្ឍអណ្តូងប្រេងកាតអប្សរា ដែលស្ថិតនៅក្នុងប្លុកA កម្ពុជា ក្នុងឈូងសមុទ្រថៃគ្រោងនឹងបង្កើត ផ្លាតហ្វមក្បាលអណ្តូងផលិតកម្មដែលបញ្ជាពីចម្ងាយមួយ ទ្រទ្រង់ដល់អណ្តូងបូមប្រេងចំនួន២៤ ដែលបញ្ជូនសន្ទនីយ៍ (fluid) ដែលបូមបានក្នុងបរិមាណ៣ម៉ឺនបារែលក្នុងមួយថ្ងៃ ទៅកាន់នាវាផលិតកម្មមួយ ដែលមានសមត្ថភាពប្រព្រឹត្តិកម្មប្រេង ដោយញែកយកឧស្ម័នប្រេង និងទឹកចេញពីគ្នា ។

លោក ង៉ែត ជូ ទីប្រឹក្សាជាន់ខ្ពស់ផ្នែកសេដ្ឋកិច្ច និងអភិវឌ្ឍនៃក្រុមហ៊ុន Emerging Market Consulting បានថ្លែងថា ការទទួលបានផលប្រេងជារឿងអបអរសាទរមួយ សម្រាប់កម្ពុជា ដែលផ្តល់ឲ្យរដ្ឋាភិបាលមានលទ្ឋភាពក្នុងការចំណាយលើការវិនិយោគប្រទេស ប៉ុន្តែកម្ពុជាមិនទាន់មានច្បាប់និងបទដ្ឋានគតិយុត្តិ ដើម្បីគ្រប់គ្រងធនធានរ៉ែឲ្យមានប្រសិទ្ឋិភាពនៅឡើយ ហេតុនេះការរៀបចំច្បាប់ឲ្យបានគ្រប់គ្រាន់ ពិតជាមានសារៈសំខាន់ណាស់ ដើម្បីធ្វើឲ្យប្រាកដថាការគ្រប់គ្រងចំណូលបានពីធនធានរ៉ែមានប្រសិទ្ឋិភាព និងតម្លាភាព៕

មានដឹងទេថា មុនសម្រេចចិត្តវិនិយោគលើវិស័យអចលនទ្រព្យ ត្រូវគិតពីចំណុចអ្វីខ្លះ?

ផ្អែកតាមទ្រឹស្ដីរបស់អ្នកជំនាញផ្នែកអចនទ្រព្យ បានលើកឡើងថា ដើម្បីទទួលជោគជ័យក្នុងវិស័យណាមួយ អ្នកត្រូវតែរៀនពីវិស័យមួយនោះឱ្យស៊ីជម្រៅ និងយល់ឱ្យបានច្បាស់ ជាពិសេស គួរតែរៀនសូត្រ និងកត់សម្គាល់ពីបុគ្គលមួយចំនួនដែលទទួលបានជោគជ័យក្នុងវិស័យនោះ។ ដោយឡែក ងាកទៅកាន់ប្រធានបទខាងលើនេះវិញ ប្រសិនបើអ្នកចង់ទទួលបានភាពជោគជ័យនៅក្នុងការវិនិយោគលើវិស័យអចលនទ្រព្យ ដូច្នេះអ្នកត្រូវតែរៀនសូត្រ និងស្វែងយល់ពីវិស័យនេះ ហើយត្រូវពិចារណាថា តើគេមានវិធីសាស្ត្រអ្វីដែលអាចឱ្យបុគ្គលម្នាក់ជោគជ័យខាងផ្នែកអចលនទ្រព្យ ។ ខាងក្រោមនេះ គឺជាវិធីសាស្ត្រមួយចំនួន ដែលអ្នកទទួលបានភាពជោគជ័យក្នុងវិស័យអចលនទ្រព្យតែងតែធ្វើ ៖

1.ត្រូវតែច្បាស់លាស់ចំពោះអ្វីដែលអ្នកចង់ធ្វើ : មនុស្សភាគច្រើនបានដឹង និងគិតត្រឹមតែអ្វីពាក្យថា «មិនចង់ធ្វើ ឬមិនចាប់អារម្មណ៍ » ហើយជួនកាល «ចង់ដែរ »ប៉ុន្តែពួកគេទាំងនោះមិនសូវច្បាស់អំពី « អ្វីដែលពួកគេចង់បាន» ពិតប្រាកដនោះទេ។ ដូច្នេះ គួរតែមានការកំណត់ឱ្យបានច្បាស់ថា តើចង់បានអ្វីឱ្យពិតប្រាកដ។

2.វិនិយោគទៅលើលំហូរសាច់ប្រាក់ (Cash flow) : អ្នកជោគជ័យគេទិញរបស់ណាដែលអាចរកលុយឱ្យគេបានជាប្រចាំទោះជាទីផ្សារឡើង ឬចុះក៏ដោយ។
3.សង្ឃឹមសម្រាប់ពេលល្អបំផុត តែក៏ត្រូវរៀបគម្រោងសម្រាប់ពេលអាក្រក់បំផុត : គ្មាននរណាម្នាក់វិនិយោគដោយមានបំណងចង់ឱ្យខាតបង់នោះទេ ប៉ុន្តែជាអកុសលវាបានកើតមានឡើងចំពោះអ្នកវិនិយោគមួយចំនួន។ ដូច្នេះ បើស្ថិតក្នុងស្ថានភាពអាក្រក់បំផុត អ្វីដែលបុគ្គលជោគជ័យអាចធ្វើបាន គឺធ្វើឱ្យហានិភ័យធំប្រែក្លាយទៅជាទ្រង់ទ្រាយតូច។
4.ដឹងពីរបៀបទាក់ទាញ : ចំពោះការវិនិយោគក្នុងវិស័យអចលនទ្រព្យ ដើម្បីទាក់ទាញឱ្យទទួលបានអ្នកជួល ឬអតិថិជន អ្នកត្រូវធ្វើឱ្យពួកគេដឹងថារបស់នោះមានលក្ខណៈល្អជាងគេ។
5.មើលឱ្យបានទូលាយជានិច្ច : អ្នកវិនិយោគអចលនទ្រព្យដែលទទួលជោគជ័យតែងតែសម្លឹងមើលទៅគ្រប់អចលនទ្រព្យទាំងអស់ ព្រោះការមានអចលនទ្រព្យក្នុងដៃកាន់តែច្រើន មានន័យថាពួកគេក៏មានឱកាសកាន់តែច្រើនក្នុងការទទួលបានភាគលាភ។

ទាំងអស់នេះគ្រាន់តែជាគន្លឹះមួយចំនួន ដែលអាចជាជំនួយខ្លះៗដល់អ្នកសម្រាប់ការសម្រេចចិត្ត ប៉ុន្តែអ្នកក៏គួរស្វែងយល់ពីស្ថេរភាព និងបរិបទសង្គមដែលកើតមានជាក់ស្ដែងនៅជុំវិញខ្លួនអ្នកផងដែរ ៕

ជប៉ុនគ្រោងវិនិយោគនៅកម្ពុជាកាន់តែច្រើននាពេលខាងមុខ

ដោយ៖ គង់ សូរិយា

ភ្នំពេញ៖ រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈបានបញ្ជាក់ថា ក្រុមហ៊ុនធំរបស់ជប៉ុនជាច្រើនបាននិងកំពុងមកធ្វើការសិក្សាស្វែងយល់បន្ថែមពីកម្ពុជា និងគ្រោងចាប់ផ្តើមគំរោងវិនិយោគរបស់ពួកគេកាន់តែច្រើននៅកម្ពុជានាពេលខាងមុខនេះ លើវិស័យជាច្រើនរួមមាន វិស័យឧស្សាហកម្ម កសិកម្ម វេជ្ជសាស្ត្រ សេវាកម្ម និងហិរញ្ញវត្ថុ។

លោក អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈបានមានប្រសាសន៍ក្នុងជំនួបពិភាក្សាការងារជាមួយលោក យ៉ូស៊ី កុនដូ (Yoshio Kondo) អគ្គនាយក្រុមហ៊ុនប្រូឃេស អេស៊ា (Procast Asia) របស់ជប៉ុនកាលពីម្សិលម៉ិញនេះថា អ្នកវិនិយោគជប៉ុនបានបង្ហាញចំណាប់អារម្មណ៍ជាច្រើន ក្នុងការវិនិយោគនៅកម្ពុជានាពេលខាងមុខឆាប់ៗនេះ នៅក្នុងវិស័យខាងលើ។ លោកបន្តថា ក្រុមអ្នកវិនិយោគទាំងនេះ បានធ្វើការសិក្សារួចហើយនាពេលកន្លងមក តាមរយៈពត៌មាន ហើយពេលនេះ ពួកគេមកដើម្បីធ្វើវិនិយោគលើកវិស័យឧស្សាហកម្ម វិស័យវេជ្ជសាស្ត្រ វិស័យហិរញ្ញវត្ថុ និងសេវាកម្ម។

ប្រធានក្រុមប្រតិភូសមាគមថូកៃហ្សៃលោក Tou Kaizaikai បានលើកឡើងថា ការអញ្ជើញដល់កម្ពុជាពេលនេះ គឺដើម្បីសិក្សាស្វែងយល់បន្ថែមដើម្បីផ្លាស់ប្តូរព័ត៌មាន ហើយនៅថ្ងៃអនាគតខាងមុខ ក្រុមការងាររបស់ជប៉ុននឹងធ្វើការវិនិយោគនៅកម្ពុជា។ លោកបានបញ្ជាក់ថា មូលហេតុដែលជប៉ុនចង់ធ្វើការ វិនិយោគនៅកម្ពុជា ដោយសារមើលឃើញថា ប្រទេសកម្ពុជានាពេលអនាគតមានការរីកចម្រើនខ្លាំង។

សមាគម ថូកៃហ្សៃ មានទីតាំងនៅតំបន់ណាកូយ៉ាក់ ខេត្តអៃជិ ប្រទេសជប៉ុន ជាតំបន់មានការរីកចំរើនខ្លាំងលើវិស័យឧស្សាហកម្ម។ សមាគមនេះមានក្រុមហ៊ុនធំៗមានសមាជិកជាង ៣០០ក្រុមហ៊ុន។

សេដ្ឋវិទូម៉ី កល្យាណទីប្រឹក្សាជាន់ខ្ពស់ឧត្តមក្រុមប្រឹក្សាសេដ្ឋកិច្ចជាតិបានថ្លែងថា ជប៉ុនបានវិនិយោគលើមូលដ្ឋានសំខាន់ៗ សម្រាប់ធ្វើការវិនិយោគរយៈពេលវែងនៅកម្ពុជារួចហើយ ដែលបច្ចុប្បន្ននេះអ្នកវិនិយោគជប៉ុនបានវិនិយោគសាងសង់ខុនដូ សណ្ឋាគារ អាផាតម៉ិន ការិយាល័យ ភោជនីយដ្ឋាន មន្ទីរពេទ្យ ទីលានវាយកូនហ្គោល ក៏ដូចជាសេវាកម្មហិរញ្ញវត្ថុនានា។លោកបន្តថា តាមរយៈមូលដ្ឋានចាំបាច់ទាំងនេះ គឺជាភាពចាំបាច់សម្រាប់ទាក់ទាញអ្នកវិនិយោគជប៉ុនឲ្យមកវិនិយោគនៅកម្ពុជានាពេលអនាគតកាន់តែច្រើនថែមទៀត។

លោកបន្តថា “ការបើកជើងហោះហើរត្រង់របស់អាកាសចរណ៍ ANA កាលពីចុងឆ្នាំមុន គឺជាប្រវត្តិសាស្ត្រនៃការភ្ជាប់ទំនាក់ទំនងនយោបាយ និងសេដ្ឋកិច្ចជប៉ុន កម្ពុជាឲ្យកាន់តែរ៉ឹងមាំថែមទៀត”៕

ច្បាប់ពាណិជ្ជកម្មនឹងជួយឲ្យមុខទំនិញនៅកម្ពុជាកាន់តែមានគុណភាពជាមួយនឹងតម្លៃសមរម្យ

ដោយ៖ គង់ សូរិយា

ភ្នំពេញ៖ មន្ត្រជាន់ខ្ពស់នៃរដ្ឋាភិបាលកម្ពុជាអះអាងថា ច្បាប់ប្រកួតប្រជែងកម្ពុជានឹងជួយឲ្យទំនិញកាន់តែមានគុណភាព និងមានតម្លៃសមរម្យនៅលើទីផ្សារ។

រដ្ឋលេខាធិការក្រសួងពាណិជ្ជកម្ម លោកជំទាវតឹករ៉េត កំរ៉ងបានមានប្រសាសន៍បែបនេះ ក្នុងពិធីបើកកិច្ចប្រជុំនាព្រឹកម្សិលម៉ិញថា ច្បាប់ប្រកួតប្រជែងបាននិងកំពុងស្ថិតក្នុងការរៀបចំ និងក៏មានការចូលរួមពីពាណិជ្ជករ អាជីវករទាំងធំ និងតូច ពិសេសសហគ្រាសធុនតូច និងមធ្យម(SME)ផងដែរ។ បច្ចុប្បន្នច្បាប់នេះបាននិងកំពុងត្រួតពិតនិត្យចុងក្រោយ ដោយថ្នាក់ដឹកនាំក្រសួង ហើយរំពឹងថានឹងបញ្ជូនទៅទីស្តីការគណៈរដ្ឋមន្ត្រីនាចុងឆ្នាំនេះ។

លោក គឹម មាសសុខសីហា អគ្គនាយរងនៃអគ្គនាយកដ្ឋានកាំកុងត្រូលបានឲ្យដឹងថា ច្បាប់នេះក្រុមការងាររួមគ្នាពិចារណាយ៉ាងល្អិតល្អន់ជាលក្ខណៈអន្តរក្រសួង រវាងក្រសួងពាណិជ្ជកម្ម និងក្រសួងយុត្តិធម៌ ដើម្បីចារណាឲ្យស៊ីជម្រៅ ឲ្យសាកសមធ្វើយ៉ាងម៉េចឲ្យមានគុណភាព ទាំងការអនុវត្តន៍ក្នុង ស្រុកផង និងអន្តរជាតិផង។

នាយកប្រតិបត្តិនៃគណៈកម្មាធិការប្រកួតប្រជែង និងអ្នកប្រើប្រាស់អូស្ត្រាលី លោកស្រី រ៉េនឌី គ្រូឆីបានបញ្ជាក់ថា ច្បាប់ និងគោលនយោបាយប្រកួតប្រជែងមិនត្រឹមតែជំរុញក្នុងការបង្កើតបរិយាកាសប្រកួតប្រជែង មិនសុច្ចរិតនានាពីក្រុមហ៊ុនធំៗ ដែលមានអំណាចនៅលើទីផ្សារ និងអាចបង្កើនការជឿទុកចិត្តពីវិនិយោគិនបរទេស ក្នុងការវិនិយោគដោយផ្ទាល់នៅកម្ពុជា តាមរយៈការបង្កើតឲ្យមានទីលាន ប្រកួតប្រជែងដោយស្មើភាពរវាងក្រុមហ៊ុនក្នុងស្រុក និងក្រុមហ៊ុនបរទេស៕