ដោយៈ ចំណាន

    ភ្នំពេញៈ សមាគមសហគ្រិនសារព័ត៌មានសេដ្ឋកិច្ចកម្ពុជា(CEMEA​) សហការជាមួយក្រុមហ៊ុនINVA Real Estate បាននិងកំពុងត្រៀមរៀបចំកម្មវិធីបណ្តុះបណ្តាល និងចែករំលែកការផ្សារភ្ជាប់រវាងម្ចាស់អាជីវកម្ម ជាមួយនឹងសារព័ត៌មានក្នុងយុគសម័យAI និងស្ថានភាពអចលនទ្រព្យកម្ពុជា។

កម្មវិធីនេះនឹងប្រារពធ្វើនៅថ្ងៃទី៤ កក្កដា ឆ្នាំ២០២៦ នៅទីតាំង The Factory Phnom Penh ស្ថិតនៅតាមបណ្តោយផ្លូវជាតិលេខ២ ក្នុងសង្កាត់ចក្រអង្រែលើ ខ័ណ្ឌមានជ័យ រាជធានីភ្នំពេញ។

លោកយិន លាងគង់ប្រធានសមាគម CEMEA បានមានប្រសា​សន៍ឲ្យដឹងកាលពីថ្ងៃទី២ កក្កដា ថា ស្របពេលបរិបទនៃការរីកចម្រើនបច្ចេកវិទ្យា និងបញ្ហាក្នុងអាជីវកម្មេះជាច្រើន យើងចង់យកឱកាសនេះ ដើម្បីចែករំលែក និងបំផុសគំនិតរួមគ្នា ដើម្បីម្ចាស់អាជីវកម្មអាចយល់ពីវិធីធ្វើការងារជាមួយអ្នកសារព័ត៌មាន និងប្រើប្រាស់បច្ចេកវិទ្យាAI ពិសេ​ស​នឹងមានការចែករំលែកពីព័ត៌មាន និងស្ថានភាពទីផ្សារអចលនវត្ថុនៅកម្ពុជាផងដែរ។

លោកបញ្ជាក់ថា “ព័ត៌មានអចលនទ្រព្យថ្មីៗជាច្រើន ទាក់ទងនឹងស្ថានភាពទីផ្សារអចលនវត្ថុនៅពេលបច្ចុប្បន្ន នឹងមានការចែករំលែក និងការបំផុសគំនិតរួមគ្នាក្នុងកម្មវិធីនេះ”។ លោកបន្ថែមថា “ការជ្រាបច្បាស់ពីព័៏ត៌មានមានសារៈសំខាន់ណាស់ ដើម្បីប្រើប្រាស់ជាមួលដ្ឋានក្នុងការសម្រេចចិត្តលើការលក់ និងការវិនិយោគក្នុងវិស៧យនេះ”។

ជាមួយគ្នានេះ លោកចេង វុទ្ធី អគ្គនាយកក្រុមហ៊ុនអចលនទ្រព្យ INVA បានមានប្រសាសន៍ថា ក្នុងបរិបទដែលសេដ្ឋកិច្ច និងទីផ្សារអច​លនទ្រព្យកំពុងប្រឈមនឹងការប្រែប្រួល ការប្រើប្រាស់បច្ចេកវិទ្យាAI បានក្លាយជាឧបករណ៍ ដ៏សំខាន់សម្រាប់អ្នកជំនាញ និងអ្នកវិនិយោគក្នុងការសម្រេចចិត្តប្រកបដោយទិន្នន័យ។

លោកបញ្ជាក់ថា អ្នកចូលរួមនឹងទទួលបានអត្ថប្រយោជន៍ជាច្រើនរួមមាន ទី១ ស្វែងយល់ពីការប្រើប្រាស់ AI ដើម្បីបង្កើនប្រសិទ្ធភាពការងារក្នុងវិស័យអចលនទ្រព្យ។ ទី២ រៀនវិភាគទិន្នន័យទីផ្សារ និងនិន្នាការតម្លៃអចលនទ្រព្យដោយមានការគាំទ្រពីAI។ទី៣ ស្គាល់វិធីស្វែងរកឱកាសវិនិយោគថ្មីៗ ទោះបីស្ថិតក្នុងស្ថានភាពទីផ្សារមានភាពមិនច្បាស់លាស់ក៏ដោយ។

ទី៤ អភិវឌ្ឍជំនាញក្នុងការវាយតម្លៃហានិភ័យ និងធ្វើការសម្រេចចិត្តវិនិយោគកាន់តែមានប្រសិទ្ធភាព។ ទី៥ រៀនយុទ្ធសាស្ត្របង្កើតអត្ថប្រយោជន៍ប្រកួតប្រជែងដោយប្រើAI ក្នុងការធ្វើទីផ្សារ ការលក់ និងការផ្តល់សេវាកម្មអតិថិជន។

លោកចេង វុទ្ធីបានបន្តទៀតថា អ្នកចូលរួមកម្មវិធីនេះ ក៏នឹងទទួលបានចំណេះដឹង អំពីការរៀបចំផែនការវិនិយោគរយៈពេលខ្លី និងរយៈពេលវែង ដើម្បីឆ្លើយតបនឹងការប្រែប្រួលនៃទីផ្សារ។ ផ្លាស់ប្តូរបទពិសោធន៍ និងបង្កើតបណ្តាញទំនាក់ទំនងជាមួយអ្នកជំនាញ និងអ្នកវិនិយោគផ្សេងៗ។

វាគ្មិនចំណានៗនឹងចូលរួមក្នុងកម្មវិធីនេះ រួមមាន ទី១ លោកបណ្ឌិតតេង រិទ្ធី អគ្គនាយកគំរោងVictoria Park នៅក្នុងខេត្តកណ្តាល និងគំរោងHeritage Park ស្ថិតក្នុងស្រុកបន្ទាយស្រី ខេត្តសៀមរាប និងជាអ្នកអភិវឌ្ឍន៍ដែលមានបទពិសោធន៍ រយៈពេល២០ឆ្នាំក្នុងវិស័យនេះ។ ទី២ លោកយិន លាងគង់ អ្នកវិភាគស្ថានភាពសេដ្ឋកិច្ច អចលនទ្រព្យ និងជាអ្នកដឹកនាំស្ថាប័នសារព័ត៌មានសេដ្ឋកិច្ច និងអចលនទ្រព្យឈានមុខគេ Propertyarea.asia។

ទី៣ លោកចេង វុទ្ធីអគ្គនាយកក្រុមហ៊ុនINVA Real Estate ដែលមានបទពិសោធន៍ដឹកនាំក្រុមភ្នាក់ងាររទិញ លក់ ក្​នុងវិស័យនេះរយៈពេលជិត២០ឆ្នាំ ទី៤ លោកKARL DIEDERICH អ្នកអភិវឌ្ឍន៍មុខជំនួញនៃក្រុមហ៊ុនThe Factory Phnom Penh ទី៥ លោកអ៊ិន មានអ្នកជំនាញAI និងKH Coin រយៈពេលជាង២០ឆ្នាំនៅកម្ពុជា និងអន្តរជាតិ ទី៦ លោកកៃ គឹមសុង អតីតនិពន្ធនាយកសារព័ត៌មានភ្នំពេញប៉ុស្ត៍ និងបច្ចុប្បន្នជាចាងហ្វាងសារព័ត៌មានAmazadia និងទី៧ លោកអាន ច័ន្ទថ្លា អតីតអ្នកវិភាគព័ត៌មានសេដ្ឋកិច្ច ប្រចាំទូរទស្ស​ន៍​CNC/​CTN និងបច្ចុប្បន្នជាចាងហ្វាងសារព័ត៌មានអនឡាញCEN។

លោកយិន លាងគង់បានមានប្រសាសន៍ឲ្យដឹងទៀតថា កម្មវិធីពិសេសរយៈពេល១ថ្ងៃពេញនេះ នឹងផ្តល់ជូនលោក អ្នកនូវចំណេះដឹង ព័ត៌មានថ្មីៗ និងទស្សទាននៃការអភិវឌ្ឍក្នុងបរិបទថ្មីនៅកម្ពុជា។

កម្មវិធីនេះក៏មានការសហការឧបត្ថម្ភពីក្រុមហ៊ុនINVA Real Estate ក្រុមហ៊ុន Victoria Parkland និងការគាំទ្រពីគំរោង The Factory Phnom Penh៕

ដោយ: សហសេវិក
អន្តរជាតិ: គិតត្រឹមខែកក្កដា ឆ្នាំ២០២៦ ទីផ្សារអចលនទ្រព្យសកលកំពុងស្ថិតក្នុងការងើបឡើងវិញកម្រិតមធ្យម។ ប៉ុន្តែ ស្ថានភាពមានភាពខុសគ្នាយ៉ាងខ្លាំងទៅតាមតំបន់ និងប្រភេទអចលនទ្រព្យ។

បើប្រៀបធៀបទៅនឹងឆ្នាំ ២០២២-២០២៤ សកម្មភាពវិនិយោគបានប្រសើរឡើង ដោយសារអតិផរណាបានថយចុះនៅក្នុងប្រទេសជាច្រើន ហើយអត្រាការប្រាក់កាន់តែមានស្ថេរភាព ទោះបីជាហានិភ័យភូមិសាស្ត្រនយោបាយនៅតែបន្តជះឥទ្ធិពលដល់ទំនុកចិត្តអ្នកវិនិយោគក្តី។

តួយ៉ាង នៅសហរដ្ឋអាមេរិក ការវិនិយោគពាណិជ្ជកម្មកំពុងងើបឡើងវិញ។ មជ្ឈមណ្ឌលទិន្នន័យ ភស្តុភារកម្ម និងលំនៅឋានដែលមានគុណភាពខ្ពស់នៅតែមានភាពទាក់ទាញ។

ស្ថានភាពទីផ្សារការិយាល័យនៅតែមានភាពខុសគ្នារវាងអគារលំដាប់ខ្ពស់ និងអគារចាស់ៗ។ លទ្ធភាពស្វែងរកប្រាក់កម្ចីនៅតែមានឧបសគ្គ ប៉ុន្តែក៏កំពុងបង្ហាញសញ្ញាភាពប្រសើរឡើងខ្លះផងដែរ។

នៅតំបន់អឺរ៉ុប ទីផ្សារកំពុងងើបឡើងវិញសន្សឹមៗ ខណៈការសាងសង់ថ្មីនៅមានកំណត់កំពុងគាំទ្រដល់កំណើននៃតម្លៃជួល។ តម្រូវការការិយាល័យកំពុងកើនឡើងនៅក្នុងទីក្រុងធំៗ។ ការថយចុះនៃអតិផរណាកំពុងធ្វើឱ្យទំនុកចិត្តរបស់វិនិយោគិនប្រសើរឡើង។

ទីផ្សារអចលនទ្រព្យនៅប្រទេសចិនចាប់ផ្តើមមានស្ថិរភាពឡើងវិញ បន្ទាប់ពីដាំក្បាលចុះអស់រយៈពេលជាច្រើនឆ្នាំ ស្របពេលវិធានការគាំទ្រពីរដ្ឋាភិបាល។ ប៉ុន្តែ ការផ្គត់ផ្គង់លើសតម្រូវការនៅតែជាបញ្ហានៅក្នុងទីក្រុងមួយចំនួន។

ទីផ្សារអចលនទ្រព្យនៅប្រទេសឥណ្ឌាជាទីផ្សារដ៏រឹងមាំបំផុតមួយរបស់ពិភពលោក។ ការលក់លំនៅដ្ឋាន និងការជួលការិយាល័យបន្តកើនឡើង ដែលជំរុញដោយក្រុមហ៊ុនបច្ចេកវិទ្យា និងការវិនិយោគលើហេដ្ឋារចនាសម្ព័ន្ធ។

នៅតំបន់មជ្ឈិមបូព៌ា ជាពិសេសបណ្តាប្រទេសឈូងសមុទ្រ តម្រូវការអចលនទ្រព្យត្រូវបានជំរុញដោយការធ្វើពិពិធកម្មសេដ្ឋកិច្ច ទេសចរណ៍ និងការវិនិយោគបរទេស។ លំនៅឋានប្រណីត បដិសណ្ឋារកិច្ច និងភស្តុភារកម្មនៅតែមានភាពសកម្មខ្លាំង ហើយគម្រោងអភិវឌ្ឍន៍ធំៗបន្តទាក់ទាញអ្នកវិនិយោគអន្តរជាតិ។

នៅប្រទេសអូស្ត្រាលី ប្រតិបត្តិការពាណិជ្ជកម្មកំពុងកើនឡើង។ ទីផ្សារអចលនទ្រព្យឧស្សាហកម្ម និងលក់រាយកំពុងនាំមុខគេក្នុងការងើបឡើងវិញ។ កង្វះលំនៅឋានតម្លៃសមរម្យនៅតែជាបញ្ហាប្រឈមដ៏សំខាន់មួយ ខណៈបណ្តាអ្នកអភិវឌ្ឍន៍បន្តប្រឈមមុខនឹងការចំណាយខ្ពស់លើការសាងសង់៕

ដោយ: សហសេវិក
អន្តរជាតិ: តម្លៃផ្ទះនៅប្រទេសនូវែលសេឡង់បានធ្លាក់ចុះរយៈពេល៣ខែជាប់ៗគ្នានៅក្នុងខែមិថុនា ដោយជិតដល់កម្រិតទាបបំផុតក្នុងរយៈពេល៣ឆ្នាំ ខណៈដែលវិបត្តិប្រេងសកលបានប៉ះពាល់ដល់ប្រាក់ចំណូលគ្រួសារ និងទំនុកចិត្តអ្នកប្រើប្រាស់។

តម្លៃផ្ទះនៅខែមិថុនាបានធ្លាក់ចុះ០,២ភាគរយបើធៀបនឹងខែឧសភា។នេះបើយោងតាមរបាយការណ៍ពីក្រុមហ៊ុនប្រឹក្សាយោបល់ផ្នែកអចលនទ្រព្យ Cotality។

តម្លៃផ្ទះនៅប្រទេសនូវែលសេឡង់បានធ្លាក់ចុះ ០,៨ភាគរយក្នុងរយៈពេលត្រឹមតែ៣ខែប៉ុណ្ណោះ ហើយជាកម្រិតទាបបំផុតចាប់តាំងពីខែកក្កដា ឆ្នាំ ២០២៣។

ការធ្លាក់ចុះនៃតម្លៃផ្ទះបានគំរាមកំហែងដល់ទំនុកចិត្តរបស់អ្នកប្រើប្រាស់ ដែលបានធ្លាក់ចុះដល់កម្រិតទាបបំផុតក្នុងរយៈពេលជិត៣ឆ្នាំ ដោយសារការកើនឡើងនៃតម្លៃប្រេងឥន្ធនៈ និងការធ្លាក់ចុះនៃសេដ្ឋកិច្ចនៅក្នុងត្រីមាសទីពីរ។

ធនាគារកណ្តាលនូវែលសេឡង់ (RBNZ) ត្រូវបានគេរំពឹងថា នឹងដំឡើងអត្រាការប្រាក់ ដើម្បីទប់ទល់នឹងសម្ពាធអតិផរណា ដែលជាសូចនាករចង្អុលបង្ហាញបន្ថែមទៀតថា តម្លៃផ្ទះអាចនឹងស្ថិតនៅទ្រឹង ពេញមួយឆ្នាំ ២០២៦។

លោក Kelvin Davidson ប្រធានសេដ្ឋវិទូអចលនទ្រព្យនៅក្រុមហ៊ុន Cotality បានអះអាងថា «ការផ្គត់ផ្គង់នៅលើទីផ្សារ និងជម្រើសរបស់អ្នកទិញនៅតែមានកម្រិតខ្ពស់។ លើសពីនេះ ជម្លោះនៅមជ្ឈិមបូព៌ាបានជះផលប៉ះពាល់លើសេដ្ឋកិច្ច អតិផរណា និងអត្រាការប្រាក់កម្ចីទិញផ្ទះ»៕ប្រភព: Bloomberg៕

ដោយៈ គង់ សូរិយា

    ភ្នំពេញៈ ស្ថាប័នវាយតម្លៃអន្តរជាតិជាច្រើន បានមើលឃើញថាចាប់ពីពេលនេះដល់ឆ្នាំ ២០៣០ ឱកាសដ៏រឹងមាំបំផុតនៅក្នុងប្រទេសកម្ពុជា ទំនងជាស្ថិតនៅក្នុងផ្នែកអចលនទ្រព្យ ដែលគាំទ្រដោយមូលដ្ឋានគ្រឹះរយៈពេលវែងដូចជា នគរូបនីយកម្ម ហេដ្ឋារចនាសម្ព័ន្ធ ការអភិវឌ្ឍឧស្សាហកម្ម និងការកើនឡើងនៃប្រាក់ចំណូលគ្រួសារ។

អ្នកវិភាគជាច្រើន រួមទាំង IPS Cambodia, Knight Frank Cambodia, និងស្ថាប័នដូចជាធនាគារពិភពលោក និងធនាគារអភិ​វឌ្ឍន៍អាស៊ី ជាទូទៅសង្កត់ធ្ងន់ថា តម្រូវការកំពុងក្លាយជាជម្រើសកាន់តែច្រើន និងភ្ជាប់ទៅនឹងមូលដ្ឋានគ្រឹះសេដ្ឋកិច្ចជាជាងការរំពឹងទុក។

នេះជារបៀប ដែលខ្ញុំនឹងចាត់ថ្នាក់វិស័យសម្រាប់ឆ្នាំ ២០២៦-២០៣០ ដែលគេឃើញទិដ្ឋភាពមួយចំនួនដូចជា ទី១១. ដីលំនៅដ្ឋាននៅក្នុងច្រករបៀងកំណើនយុទ្ធសាស្ត្រ (សក្តានុពលខ្ពស់បំផុត)។

ទី២ ដីនៅជិតតំបន់ទីក្រុង ដែលកំពុងពង្រីកជុំវិញទីក្រុងភ្នំពេញ តាខ្មៅ និងតាមបណ្តោយផ្លូវហាយវេសំខាន់ៗ អាចកើនឡើងគួរឱ្យកត់សម្គាល់ ប្រសិនបើហេដ្ឋារចនាសម្ព័ន្ធ និងកំណើនប្រជាជននៅតែបន្ត។

ផ្តោតលើទីតាំង ដែលមានផ្លូវដែលបានបញ្ចប់ ឬផ្តល់មូលនិធិ សេវាប្រើប្រាស់ និងការងារនៅក្បែរនោះ។

១. លំនៅដ្ឋានដែលមានតម្លៃសមរម្យ

ផ្ទះដែលមានតម្លៃសម្រាប់គ្រួសា រដែលមានប្រាក់ចំណូលមធ្យមដែលកំពុងកើនឡើងរបស់ប្រទេសកម្ពុជា ទំនងជាឃើញតម្រូវការមានស្ថេរភាពជាងគម្រោងប្រណីត។

ជាមួយគ្នានេះ តម្រូវការអ្នកប្រើប្រាស់ចុងក្រោយ មានទំនោរមានភាពធន់ជាងតម្រូវការប៉ាន់ស្មាន។

២. អចលនទ្រព្យឧស្សាហកម្ម និងឡូជីស្ទីក

ការវិនិយោគលើឃ្លាំង រោងចក្រ និងឧទ្យានឡូជីស្ទីកគួរតែទទួលបានអត្ថប្រយោជន៍ ប្រសិនបើការនាំចេញផលិតកម្ម និងការវិនិយោគផ្ទាល់ពីបរទេសបន្តពង្រីក។ វាជាជាវិស័យមួយ ក្នុងចំណោមវិស័យដែលអ្នកប្រឹក្សាអចលនទ្រព្យអន្តរជាតិ ជាច្រើនមើលឃើញជាវិជ្ជមានក្នុងរយៈពេលមធ្យម។

៣. អចលនទ្រព្យលក់រាយនៅក្នុងស្រុកជាយក្រុងដែលកំពុងរីកចម្រើន

មជ្ឈមណ្ឌលលក់រាយសហគមន៍ និងផ្ទះអាជីវកម្មនៅក្នុងតំបន់លំនៅដ្ឋាន ដែលកំពុងពង្រីកអាចដំណើរការបានល្អ នៅកន្លែងដែលកំណើនប្រជាជនមានភាពរឹងមាំ។

៤. អគារការិយាល័យថ្នាក់A

ការិយាល័យសំខាន់ៗអាចប្រសើរឡើងបន្តិចម្តងៗ នៅពេលដែលសកម្មភាពអាជីវកម្មពង្រីក ទោះបីជាការផ្គត់ផ្គង់នៅតែខ្ពស់ នៅក្នុងតំបន់មួយចំនួនក៏ដោយ។

៥. ខុនដូ

ទីផ្សារនេះ នៅតែមានឱកាសជ្រើសរើសមាន នៅក្នុងគម្រោងដែលមានទីតាំងល្អ ជាមួយនឹងតម្រូវការជួលខ្លាំង។ ជារួម វិស័យនេះនៅតែមានការប្រកួតប្រជែងកាន់តែខ្លាំង ដោយសារតែការផ្គត់ផ្គង់ដែលមានស្រាប់។

យុទ្ធសាស្ត្រវិនិយោគរហូតដល់ឆ្នាំ២០៣០ ប្រសិនបើគោលដៅរបស់អ្នកគឺការកើនឡើងដើមទុន ជាជាងប្រាក់ចំណូលពីការជួល អ្នកវិភាគជាច្រើននឹងផ្តល់អាទិភាពដល់។ ចំនួនពី៥០ ទៅ៦០ភាគរយ ដីលំនៅដ្ឋានយុទ្ធសាស្ត្រ។ ចាប់ពី២០-៣០ភាគរយ ជាការអភិវឌ្ឍលំនៅដ្ឋានដែលមានតម្លៃសមរម្យ។

ចំនួនចាប់ពី១០ ទៅ២០ភាគរយ ជាអចលនទ្រព្យឧស្សាហកម្ម ឬឡូជីស្ទីក ប្រសិនបើអាចចូលដំណើរការបាន។

កត្តាសំខាន់ៗដែលអាចគាំទ្រទីផ្សារនៅឆ្នាំ ២០៣០ រួមមានដូចជា កំណើនសេដ្ឋកិច្ចជាបន្តបន្ទាប់របស់ប្រទេសកម្ពុជា។ ការពង្រីកហេដ្ឋារចនាសម្ព័ន្ធដឹកជញ្ជូន។ ការវិនិយោគផ្ទាល់ពីបរទេសកាន់តែច្រើន។
នគរូបនីយកម្មបន្តរីកចម្រើន និងការកើនឡើងនៃប្រាក់ចំណូលគ្រួសារ ខណៈដែលប្រទេសនេះ មានគោលបំណងពង្រឹងសេដ្ឋកិច្ច ដែលមានចំណូលខ្ពស់-មធ្យមរបស់ខ្លួន។

ទោះជាយ៉ាហណាក​ម្ពុជា ក៏មានហានិភ័យធំបំផុតនៅតែជាការចំណាយខ្ពស់ លើការខ្ចីប្រាក់ កំណើនសេដ្ឋកិច្ចពិភពលោកយឺត និងការផ្គត់ផ្គង់លើសនៅក្នុងផ្នែកអចលនទ្រព្យមួយចំនួន ជាពិសេសទីផ្សារខុនដូ និងការិយាល័យមួយចំនួន៕

ដោយៈ ចំណាន

    ភ្នំពេញៈ របាយការណ៍បានបង្ហាញថា គិតត្រឹមឆ្នាំ២០២៦ អ្នកទិញក្នុងស្រុកនៅកម្ពុជា បានគ្របដណ្តប់ចំនួនភាគច្រើននៃប្រតិបត្តិការអចលនទ្រព្យទាំងអស់តាមបរិមាណ។

យ៉ាងណាក៏ដោយទំហំទីផ្សារនេះ អាស្រ័យលើផ្នែកអចលនទ្រព្យដូចជា ទី១ ដីធ្លី ផ្ទះដែលមានដីឡូត៍ និងផ្ទះអាជីវកម្ម៖ ភាគច្រើនជាវិនិយោគិនក្នុងស្រុក និងម្ចាស់កម្មសិទ្ធិកម្ពុជា ពីព្រោះជនបរទេសជាទូទៅមិនអាចកាន់កាប់ដីធ្លី ដោយផ្ទាល់ក្រោមច្បាប់កម្ពុជាបានទេ។

ទី២ខុនដូៈ  អ្នកទិញបរទេស នៅតែមានសារៈសំខាន់ខ្លាំងណាស់។ យោងតាមរបាយការណ៍ទីផ្សារថ្មីៗនេះ អ្នកទិញអន្តរជាតិមានចំនួនជាង៦០% នៃការទិញខុនដូ ខណៈដែលអ្នកទិញកម្ពុជាកំពុងបង្កើនចំណែករបស់ពួកគេបន្តិចម្តងៗ នៅពេលដែលប្រាក់ចំណូលកើនឡើង និងមនុស្សកាន់តែច្រើនទិញផ្ទះ សម្រាប់ប្រើប្រាស់ផ្ទាល់ខ្លួន។

អ្នកវិភាគដែលត្រូវបានលើកឡើងញឹកញាប់បំផុត សម្រាប់ការវិភាគអំពីអ្នកដែលកំពុងវិនិយោគ នៅក្នុងទីផ្សារអចលនទ្រព្យរបស់ប្រទេសកម្ពុជារួមមានក្រុមហ៊ុន Knight Frank Cambodia បោះពុម្ពផ្សាយរបាយការណ៍ទីផ្សារស្តីពី និន្នាការលំនៅដ្ឋាន ពាណិជ្ជកម្ម ដីធ្លី និងការវិនិយោគ។ ក្រុមស្រាវជ្រាវរបស់ខ្លួនវិភាគលំហូរវិនិយោគ ក្នុងស្រុក និងបរទេស។

របាយការណ៍ឆ្នាំ២០២៦ របស់ពួកគេបានបញ្ជាក់ថា អ្នកទិញបរទេសនៅតែមានចំនួនជាង៦០% នៃការទិញខុនដូ ខណៈពេលដែលតម្រូវការរបស់កម្ពុជាកំពុងកើនឡើង។នេះបើយោងតាមគេហទំព័របរទេសមួយ។

លើសពីនេះ ក្រុមហ៊ុនAPS កម្ពុជា បានផ្តល់នូវទស្សនវិស័យទីផ្សារប្រចាំត្រីមាស ហើយបានរាយការណ៍ថា អ្នកអភិវឌ្ឍន៍កំពុងកំណត់គោលដៅកាន់តែខ្លាំងឡើង ចំពោះម្ចាស់អចលនទ្រព្យ និងលំនៅដ្ឋានដែលមានតម្លៃសមរម្យនៅកម្ពុជានៅឆ្នាំ២០២៦។

ជាមួយគ្នានេះស្ថាប័នជាតិដូចជា ធនាគារជាតិនៃកម្ពុជា និងក្រសួងរៀបចំដែនដី នគរូបនីយកម្ម និងសំណង់ ស្ថាប័នរដ្ឋាភិបាលទាំងនេះ បោះពុម្ពផ្សាយទិន្នន័យផ្លូវការ និងព័ត៌មានគោលនយោបាយ ដែលអ្នកវិភាគជាច្រើនប្រើប្រាស់ ដើម្បីវាយតម្លៃទីផ្សារអចលនទ្រព្យ៕