មន្រ្តីជាន់ខ្ពស់ចុះពិនិត្យស្ថានភាពផ្លូវក្នុងតំបន់ភូមិភាគឦសាន ដើម្បីសិក្សាផែនការអាទិភាពតភ្ជាប់ហេដ្ឋារចនាសម្ព័ន្ធ

ដោយៈ និស្ស័យ

ភ្នំពេញៈ លោកឡេង ធនយុទ្ធា រដ្ឋលេខាធិការក្រសួងសាធារណៈការ និងដឹកជញ្ជូន បានអញ្ជើញចុះត្រួតពិនិត្យស្ថានភាពទីតាំងផ្ទាល់ ផ្លូវតភ្ជាប់រវាងខេត្ត និងខេត្តក្នុងបណ្ដាខេត្តទាំងបួន នៃតំបន់ភាគឦសានប្រទេសកម្ពុជា រួមមានៈ ខេត្តក្រចេះ ស្ទឹងត្រែង រតនគិរី និងមណ្ឌលគិរី និងការតភ្ជាប់ជាមួយប្រទេសជិតខាងកម្ពុជា។

រាជរដ្ឋាភិបាលនីតិកាលទី៧ នៃរដ្ឋសភា ក្រោមការដឹកនាំប្រកបដោយគតិបណ្ឌិត និងចក្ខុវិស័យយ៉ាងច្បាស់លាស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បាន និងកំពុងជំរុញ និង លើកទឹកចិត្តឱ្យមានការសិក្សា និងពិនិត្យនូវលទ្ធភាពលើការអភិវឌ្ឍ នូវហេដ្ឋារចនាសម្ព័ន្ធតភ្ជាប់ក្នុងខេត្តទាំង៤ នៃតំបន់ភូមិភាគឦសាន របស់ប្រទេសឱ្យមានភាពប្រទាក់ក្រឡា ក្នុងគោលបំណង ដើម្បីអភិវឌ្ឍខេត្តទាំងបួននេះ ប្រែក្លាយទៅជាប៉ូលសេដ្ឋកិច្ចផ្នែកភាគឦសាន ជាមួយនឹងការតភ្ជាប់រួមគ្នារវាងកម្ពុជា បណ្ដាខេត្តជាប់ព្រំដែនរវាងកម្ពុជា-វៀតណាម និង កម្ពុជា-ឡាវ៕

ខេត្តចំនួន១១ទទួលបានទីលានចាក់សំរាមរួចហើយ ក្រោមជំនួយពីADB

ដោយៈ គង់ សូរិយា

ភ្នំពេញៈ ទីលានទុកដាក់សំរាមក្រុងសិរីសោភ័ណ ទីលានទី១១ក្នុងចំណោខេត្តមួយចំនួន ដែលជាគម្រោងកែលម្អ គ្រប់គ្រងបរិស្ថានក្រុងជុំវិញបឹងទន្លេសាបជំហាន២ ក្រោមកម្ចីឥណទានសម្បទានពីធនាគារអភិវឌ្ឍន៍អាស៊ី(ADB)។

លោករស់ វណ្ណា រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញចូលរួមជាអធិបតី ក្នុងពិធីសម្ពោធទីលានទុកដាក់សំរាម ក្រុងសិរីសោភ័ណនៃគម្រោងកែលម្អ គ្រប់គ្រងបរិស្ថានក្រុងជុំវិញបឹងទន្លេសាប ជំហានទី២ ក្រោមកម្ចីឥណទានសម្បទានពីធនាគារអភិវឌ្ឍន៍អាស៊ី(ADB)។

លោកលី សុវណ្ណារិទ្ធ អភិបាលខេត្តស្តីទីនៃគណ:អភិបាលខេត្តបន្ទាយមានជ័យ លោក អាន់តូនី ហ្គីល តំណាងធនាគារអភិវឌ្ឍន៍អាស៊ី(ADB) និងមន្រ្តីពាក់ព័ន្ឋចូលរួមផងដែរ។

ក្នុងឱកាសនោះផងដែរ លោករដ្ឋលេខាធិការ ក៏បានមានប្រសាសន៍ ពន្យល់ណែនាំដល់ប្រជាពលរដ្ឋ ឱ្យបានជ្រាបពីអត្ថប្រយោជន៍ នៃការសាងសង់ទីលានទុកដាក់សំរាម ក៏ដូចជា ស្ថានីយចម្រោះទឹកកខ្វក់ ដែលយើងអាចទាញផលប្រយោជន៍ មកវិញបានយ៉ាងច្រើន តាមរយ:ការធ្វើការកែច្នៃប្រើប្រាស់ឡើងវិញ ធ្វើជាជីកំប៉ុកជាដើម ជាពិសេសបើមានការទុកដាក់សំរាម និងទឹកកខ្វក់ឱ្យបានត្រឹមត្រូវ តាមបទដ្ឋានបច្ចេកទេស វាអាចកាត់បន្ថយនូវបញ្ហាឈឺថ្កាត់របស់ប្រជាពលរដ្ឋ ហើយប្រជាពលរដ្ឋ ពុំចាំបាច់ចំណាយច្រើនលើការព្យាបាលជំងឺផងដែរ។

ទន្ទឹមនឹងនេះ ប្រសិនយើងមានបរិស្ថាន ប្រកបដោយអនាម័យ នឹងរួមចំណែកបង្កើនសេដ្ឋកិច្ចជាតិ តាមរយៈការទាក់ទាញភ្ញៀវទេសចរណ៍ ដែលអាចឱ្យប្រជាពលរដ្ឋមានការងារធ្វើ និងបង្កើនប្រាក់ចំណូល ដែលធ្វើឱ្យតំបន់នោះមានការអភិវឌ្ឍន៍ជឿនលឿន។

លោករស់ វណ្ណាបានបន្តថា រាជរដ្ឋាភិបាលអាណត្តិទី៧នៃរដ្ឋសភា ក្រោមការដឹកនាំដ៏ឈ្លាសវៃ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានផ្តល់ជូនប្រជាពលរដ្ឋរួចមកហើយនូវហេដ្ឋារចនាសម្ព័ន្ធលើដី និងក្រោមដី ដូចនេះដើម្បីបន្តនិរន្តរភាពរបស់ទីលានទុកដាក់សំរាម ក៏ដូចជាស្ថានីយចម្រោះទឹកកខ្វក់ ចាំបាច់ត្រូវមានការគាំទ្រ របស់បងប្អូនប្រជាពលរដ្ឋ តាមរយៈការចូលរួមបង់ថ្លៃសេវាប្រមូលសំរាម និងថ្លៃសេវាទឹកកខ្វក់ ដែលគោលដៅចំបងគឺការថែរក្សា សុខុមាលភាពរបស់ប្រជាពលរដ្ឋ ដូចនេះយើងត្រូវចូលរួមទាំងអស់គ្នា។

ក្រសួងសាធារណការ និងដឹកជញ្ជូនបានសាងសង់រួចមកហើយ នូវទីលានទុកដាក់សំរាមតាមបណ្តាខេត្តមួយចំនួនដូចជា ខេត្តព្រះសីហនុ ខេត្តបាត់ដំបង ខេត្តពោធិ៍សាត់ ខេត្តកំពង់ឆ្នាំង ខេត្តកំពត ខេត្តកែប ខេត្តកំពង់ចាម ខេត្តកំពង់ធំ ខេត្តក្រចេះ និងខេត្តស្ទឹងត្រែង។

គម្រោងសាងសង់ទីលានទុកដាក់សំរាម ក្រុងសិរីសោភ័ណនៃគម្រោងកែលម្អ គ្រប់គ្រងបរិស្ថានក្រុងជុំវិញបឹងទន្លេសាប ជំហានទី២នេះ ប្រើប្រាស់រយ:ពេលសាងសង់ចំនួន១០ខែ (លឿនជាងកាលកំណត់៧ខែ) ដោយក្រុមហ៊ុន ហេង សម្បតិ្ត អាហរ័ណ នីហរ័ណ ដឹកជញ្ជូន និងសំណង់ ដែលមានទីតាំងស្ថិតក្នុងភូមិកង្វា សង្កាត់កំពង់ស្វាយ ក្រុងសេរីសោភ័ណ ខេត្តបន្ទាយមានជ័យ ដែលគម្រោងទាំងមូលត្រូវបានសាងសង់ឡើង នៅលើផ្ទៃដីសរុបទំហំ១១ហិកតា ដែលនឹងគ្រោងឱ្យប្រើប្រាស់ រហូតដល់ឆ្នាំ២០៤០ សម្រាប់ប្រជាជនប្រមាណជាង១២៨,២០៨នាក់ ដែលរស់នៅក្នុងសង្កាត់ម្កាក់ កំពង់ស្វាយ ព្រះពន្លា ទឹកថ្លា អូរអំបិល ភ្នៀត និងកោះពង្សសត្វ ក្រុងសិរីសោភ័ណ ខេត្តបន្ទាយមានជ័យ៕

លោកស្រីអាន សុធីតាៈ ស្ថានភាពទីផ្សារអចលនទ្រព្យត្រូវការពេលវេលាបន្ថែម ប៉ុន្តែជាឱកាសល្អបំផុតក្នុងការទិញ

ដោយៈ ស៊ីវ ម៉េង

ភ្នំពេញៈ អគ្គនាយិកាក្រុមហ៊ុនPropnex Cambodia លោកស្រីអាន សុធីតា បានលើកឡើងថា ស្ថានភាពទីផ្សារអចលនទ្រព្យនៅឆ្នាំនេះ មិនមានសញ្ញារីកចម្រើន គួរឲ្យកត់សំគាល់នៅឡើយ ដិយសារហេតុផលមួយចំនួន។

លោកស្រីបានមានប្រសាសន៍ឲ្យដឹង តាមបណ្តាញតេឡេក្រាមកាលពីចុងសប្តាហ៍មុនថា ការរីកចម្រើននៅក្នុងការអភិវឌ្ឍអចលនទ្រព្យ នៅមានកម្រិតនៅឡើយ ដោយសារមានការផ្គត់ផ្អង់ លើសតម្រូវការស្ទើរតែគ្រប់ផ្នែកនៅក្នុងឧស្សាហកម្មនេះ ទីផ្សារនេះត្រូវការពេលវេលាខ្លះ ដើម្បីស្រូបយកអចលនទ្រព្យចាស់ៗមួយចំនួនសិន មុនពេលស្ថានភាពចាប់ផ្តើមប្រសើរឡើង។

លោកស្រីបានបន្តថា “ទោះជាយ៉ាងណា មានផ្នែកមួយចំនួននៅក្នុងវិស័យនេះ មានឱកាសរីកចម្រើនខ្ពស់ ដូចជា វិស័យឧស្សាហកម្ម និងកសិកម្ម”។ លោកស្រីបន្ថែមថា “បើនិយាយពីឱកាស គឺឆ្នាំ២០២៥នេះ ឱកាសក្នុងការទិញល្អបំផុត ដោយសារអចលនទ្រព្យនឹងមានការដាក់លក់កាន់តែច្រើន និងការកាត់បន្ថយពន្ឋប្រថាប់ត្រាពីរដ្ឋាភិបាល”។

លោកស្រីអាន សុធីតាបានបន្ថែមទៀតថា ឆ្នាំនេះ នឹងមានចរន្តទិញ លក់ច្រើនធៀបនឹងឆ្នាំមុន ដោយសារមានការកាត់បន្ថយអត្រាការប្រាក់ពីធនាគារពាណិជ្ជនានា ហេតុនេះយើងជឿថា អ្នកអភិវឌ្ឍន៍ នឹងចាប់អារម្មណ៍អភិវឌ្ឍន៍នៅក្នុងវិស័យនេះ៕

រាជធានីភ្នំពេញជាប់ជាគោលដៅចំណាយតិចបំផុតទាំង៥នៅតំបន់អាស៊ីសម្រាប់ជនជាតិអាមេរិក ដែលធ្វើការផ្នែកឌីជីថល

ដោយ: គង់ លាងហួរ
អន្តរជាតិ: គេហទំព័រមគ្គុទ្ទេសក៍ទេសចរណ៍ Travel Off Path របស់សហរដ្ឋអាមេរិក បានដាក់បញ្ចូលរាជធានីភ្នំពេញជាគោលដៅចំណាយតិចបំផុតទាំង៥ នៅតំបន់អាស៊ីសម្រាប់ក្រុមអ្នកធ្វើការផ្នែកឌីជីថលជាជនជាតិអាមេរិក (Digital nomad) នៅក្នុងឆ្នាំ២០២៥នេះ។

គេហទំព័រ Travel Off Path បានលើកឡើងថា រាជធានីភ្នំពេញនៃប្រទេសកម្ពុជា បានច្របាច់បញ្ចូលគ្នានូវភាពទាក់ទាញ និងបេតិកភណ្ឌ ដែលបន្សល់ទុកតាំងពីសម័យអាណានិគមបារាំង ជាមួយនឹងការដើរលេងកំសាន្តនៅតាមមាត់ទន្លេ។ រាជធានីភ្នំពេញជាទីក្រុងដ៏មមាញឹក និងពោរពេញទៅដោយកន្លែងញ៉ាំអាហារបែបសាមញ្ញ។

ដូច្នេះ ប្រសិនបើលោកអ្នកធន់ទ្រាន់នឹងទីក្រុងធំៗ រាជធានីភ្នំពេញជាជម្រើសដ៏ល្អ ព្រោះថា រាជធានីភ្នំពេញជាទីក្រុងដ៏តូចមួយនៅតំបន់អាសុី ដែលមានចំនួនប្រជាជនប្រមាណ២,៥លាននាក់ និងសម្បូរទៅដោយឧទ្យានជាច្រើន។នេះបើយោងតាមគេហទំព័រ Travel Off Path។

លើសពីនេះ ភ្ញៀវទេសចរណ៍អន្តរជាតិ ដែលចំណាយប្រាក់ត្រឹមតែ៥ដុល្លារ ក៏អាចទទួលបានអាហារដ៏ឆ្ងាញ់ពិសានៅក្នុងភោជនីយដ្ឋានក្នុងរាជធានីភ្នំពេញផងដែរ ហើយការជួលអាផាតមុិនតាមរយៈក្រុមហ៊ុនកក់ទីតាំងស្នាក់នៅ Airbnb ដែលបំពាក់ដោយគ្រឿងសង្ហារឹម មានតម្លៃចាប់ពី៥៨៩ដុល្លារ។

គេហទំព័រ Travel Off Path គូសបញ្ជាក់ថា ក្រុមអ្នកធ្វើការផ្នែកឌីជីថល (Digital nomad) ចូលចិត្តស្វែងរកបទពិសោធន៍វប្បធម៌ និងគោលដៅដែលមានអាកាសធាតុល្អ និងមិនចូលចិត្តតំបន់សម្បូរមនុស្សច្រើននៅទ្វីបអឺរ៉ុបខាងត្បូង។

ក្រុមអ្នកធ្វើការផ្នែកឌីជីថលក៏មានការព្រួយបារម្ភផងដែរអំពីសុវត្ថិភាពផ្ទាល់ខ្លួនរបស់់ពួកគេនៅតំបន់អាមេរិកឡាទីន ឬការចំណាយខ្ពស់លើការរស់នៅក្នុងតំបន់សមុទ្រការាបៀន។ ដូច្នេះ តំបន់អាស៊ីជាជម្រើសយ៉ាងល្អឥតខ្ចោះ ដោយសារការចំណាយតិច។

គោលដៅចំណាយតិចបំផុតចំនួន៤ផ្សេងទៀត រួមមានដូចជា ទីក្រុងឈៀងម៉ៃក្នុងប្រទេសថៃ ទីក្រុង Makassar ក្នុងប្រទេសឥណ្ឌូនេសុី រួមទាំងទីក្រុង Hoi An និងទីក្រុង Da Nang របស់ប្រទេសវៀតណាម៕ប្រភព: Vnexpress៕

ក្រុមហ៊ុនយក្ស Meta សម្រេចកែប្រែគោលនយោបាយថ្មីក្នុងឆ្នាំនេះដើម្បីអនុញ្ញាតឱ្យអ្នកប្រើប្រាស់មានសេរីភាពជាងមុន

ដោយ: គង់ លាងហួរ
អន្តរជាតិ: ក្រុមហ៊ុនបច្ចេកវិទ្យាខ្នាតយក្ស Meta បានសម្រេចលុបចោលនូវមុខងារ “fact-checking” នៅលើកម្មវិធីបណ្តាញសង្គមធំៗទាំង៣ របស់ខ្លួន រួមមានដូចជា Facebook Instagram និង Thread។

ការសម្រេចចិត្តបែបនេះត្រូវបាននាយកប្រតិបត្តិ (CEO) របស់ក្រុមហ៊ុន Meta លោកមហាសេដ្ឋី Mark Zuckerberg ចាត់ទុកថា ជាការបោះជំហានមួយឈានទៅស្តារឡើងវិញនូវសិទ្ធិសេរីភាពបញ្ចេញមតិឱ្យបានទូលំទូលាយនៅលើកម្មវិធីបណ្តាញសង្គមរបស់ខ្លួន។

លោកបានមានប្រសាសន៍ឱ្យដឹងថា“ពួកយើងនឹងត្រឡប់ទៅកាន់អ្វី ដែលយើងធ្លាប់មានកាលពីពេលមុន ហើយផ្តោតលើការកាត់បន្ថយការបង្កកំហុស។ គោលនយោបាយ ឬ Policy ថ្មីរបស់យើងនឹងមានភាពសាមញ្ញជាងមុន ដើម្បីធ្វើឱ្យការបញ្ចេញមតិលើបណ្តាញសង្គម Facebook កាន់តែមានភាពងាយស្រួល”។

យោងតាមការគូសបញ្ជាក់របស់លោក Mark Zuckerberg បានឱ្យដឹងថា ក្រុមហ៊ុន Meta នឹងលុបចោលនូវមុខងារ “fact-checkers” ហើយដាក់ជំនួសមកវិញនូវមុខងារ “Community Notes” ដែលមានសភាពស្រដៀងគ្នាទៅនឹងកម្មវិធីបណ្តាញសង្គម X របស់លោកមហាសេដ្ឋី Elon Musk នាយកប្រតិបត្តិក្រុមហ៊ុន Tesla។

ការលុបចោលការរឹតត្បិតទៅលើមាតិកា ឬ contents ដែលខុសពីគោលនយោបាយរបស់កម្មវិធី Facebook Instagram និង Threads ត្រូវបានគេជឿជាក់ថា ជាការសម្រេចចិត្តរបស់លោក Mark Zuckerberg ដើម្បីកសាងទំនាក់ទំនងល្អឡើងវិញជាមួយ ប្រធានាធិបតីជាប់ឆ្នោតសហរដ្ឋអាមេរិកលោក ដូ ណាល់ត្រាំ មុនពេលលោកស្បថចូលកាន់តំណែងនៅក្នុងសេតវិមានជាផ្លូវការនៅថ្ងៃទី២០ ខែមករាឆាប់ៗខាងមុខ។

លើសពីនេះ គេក៏បានសង្កេតឃើញនាយកប្រតិបត្តិក្រុមហ៊ុន Meta រូបនេះ បានចូលរួមទទួលទានអាហារជាមួយលោកដូ ណាល់ត្រាំ ដើម្បីពិភាក្សាគ្នា ហើយលោក Mark បានបរិច្ចាគថវិកាចំនួន១លានដុល្លារអាមេរិកដល់មូលនិធិរបស់លោកត្រាំ៕ប្រភព: CNBC៕

តើសេដ្ឋកិច្ចរបស់ប្រទេសចិននៅឆ្នាំ២០២៥នេះ អាចមានស្ថានភាពល្អប្រសើរឡើងវិញដែរឬទេ?

ដោយ: គង់ លាងហួរ
អន្តរជាតិ: ក្នុងរយៈពេលប៉ុន្មានឆ្នាំថ្មីៗនេះ ប្រទេសចិនបាននិងកំពុងប្រឈមមុខនឹងការធ្លាក់ចុះនៃអត្រាកំណើនសេដ្ឋកិច្ចជាតិ និងការធ្លាក់ចុះនៃតម្រូវការប្រើប្រាស់ក្នុងស្រុក ដែលមួយផ្នែកបណ្តាលមកពីវិបត្តិអចលនទ្រព្យ។

យោងតាមរបាយការណ៍របស់ការិយាល័យស្ថិតិជាតិចិន (NBS) ដែលបានចេញផ្សាយនៅថ្ងៃទី១៧ ខែមករាបានឱ្យដឹងថា នៅត្រីមាសទី៤ ឆ្នាំ២០២៤ សេដ្ឋកិច្ចចិនបានកើនឡើងក្នុងរង្វង់៥,៤ភាគរយ ខណៈកំណើនសេដ្ឋកិច្ចចិនពេញមួយឆ្នាំ២០២៤ បានស្ថិតក្នុងរង្វង់៥ភាគរយ ស្របតាមគោលដៅរបស់រដ្ឋាភិបាលចិន។

ជាមួយគ្នានេះ ផលទុនជាតិសរុប(GDP) របស់ប្រទេសចិនសម្រេចបានទំហំទឹកប្រាក់ចំនួន១៣៤,៩ទ្រីលានយ័ន (ប្រហែល១៨,៧៧ទ្រីលានដុល្លារអាមេរិក)កាលពីឆ្នាំមុន។

យោងតាមការព្យាករណ៍ដោយធនាគារវិនិយោគខ្នាតយក្ស Goldman Sachs របស់សហរដ្ឋអាមេរិកបានបង្ហាញថា កំណើនសេដ្ឋកិច្ចរបស់ប្រទេសចិននឹងអាចធ្លាក់ចុះមកនៅត្រឹមចំនួន៤,៥ភាគរយក្នុងឆ្នាំ២០២៥នេះ។

លោកស្រី Lizzi C. Lee អ្នកជំនាញផ្នែកសេដ្ឋកិច្ចចិននៅស្ថាប័ន Asia Society ដែលមានមូលដ្ឋាននៅទីក្រុងញូវយ៉កបានលើកឡើងថា នៅឆ្នាំ២០២៥ ប្រទេសចិននឹងប្រឈមមុខជាមួយបញ្ហាសេដ្ឋកិច្ចថ្មី ដោយសារប្រធានាធិបតីអាមេរិកលោក ដូ ណាល់ត្រាំ បានប្រកាសយកពន្ធខ្ពស់លើការនាំចេញទំនិញរបស់ចិន។

តើអ្វីទៅជាយុទ្ធសាស្ត្រជំរុញកំណើនសេដ្ឋកិច្ចរបស់រដ្ឋាភិបាលចិន?

ប្រធានាធិបតីចិន លោក សុី ជីនពីង បានសង្កត់ធ្ងន់ថា ការជំរុញតម្រូវការប្រើប្រាស់ក្នុងស្រុកឱ្យបានខ្លាំងក្លា និងការកែលម្អប្រសិទ្ធភាពនៃការវិនិយោគ ជាកិច្ចការដ៏សំខាន់សម្រាប់ឆ្នាំ២០២៥។

ជាមួយគ្នានេះ អាជ្ញាធរចិនគ្រោងបង្កើនអត្រាឱនភាពសារពើពន្ធ បង្កើនការបោះផ្សាយលក់មូលបត្របំណុលរយៈពេលវែង និងបន្ធូរបន្ថយគោលនយោបាយរូបិយវត្ថុ ដើម្បីទាញទម្លាក់អត្រាសាច់ប្រាក់តម្កល់ជាកំហិត នៅតាមធនាគារនានា និងបញ្ចុះអត្រាការប្រាក់ ដើម្បីចាក់បញ្ចូលសាច់ប្រាក់ទៅក្នុងចរន្តសេដ្ឋកិច្ចចិន។

វិធានការទាំងនេះជាការផ្លាស់ប្តូរដ៏ធំមួយមិនធ្លាប់មានក្នុងគោលនយោបាយរូបិយវត្ថុរបស់ប្រទេសចិន ព្រោះគិតចាប់តាំងពីដំណាច់ចុងឆ្នាំ២០១០មក ទីក្រុងប៉េកាំងបានប្រកាន់យកនូវគោលនយោបាយសេដ្ឋកិច្ចយ៉ាងជាទីប្រុងប្រយ័ត្នបំផុត។

លោក Wang Guochen អ្នកវិភាគនៅវិទ្យាស្ថានស្រាវជ្រាវសេដ្ឋកិច្ច Chung-Hua នៅកោះតៃវ៉ាន់បានលើកឡើងថា “ការបន្ធូរបន្ថយនេះមានន័យថា អាជ្ញាធរចិននឹងចាប់ផ្តើមបោះពុម្ពក្រដាសប្រាក់បន្ថែមទៀត និងទិញមូលបត្របំណុលរបស់រដ្ឋាភិបាលក្នុងទ្រង់ទ្រាយធំនៅឆ្នាំនេះ”។

កាលពីខែកញ្ញា ឆ្នាំ២០២៤ ធនាគារកណ្ដាលចិនបានចាប់ផ្តើមអនុវត្តន៍វិធានការជំរុញសេដ្ឋកិច្ចដ៏ធំបំផុត ដោយបញ្ចេញកញ្ចប់ទុនវិនិយោគប្រហែល១ទ្រីលានយ័នទៅក្នុងប្រព័ន្ធធនាគារ។

លុះមកដល់ខែវិច្ឆិកា ឆ្នាំ២០២៤ ក្រសួងហិរញ្ញវត្ថុចិនបានបង្ហាញកញ្ចប់ផែនការហិរញ្ញប្បទានក្រោមទំហំទឹកប្រាក់ចំនួន១០ទ្រីលានយ័ន (ប្រហែល១៤ទ្រីលានដុល្លារ) ដើម្បីកាត់បន្ថយសម្ពាធបំណុលរបស់រដ្ឋបាលតាមតំបន់មូលដ្ឋាន។

តើប្រទេសចិនត្រៀមដាក់ចេញផែនការអ្វីខ្លះដើម្បីទប់ស្កាត់ឥទ្ធិពលពីការដំឡើងពន្ធគយរបស់លោក ដូ ណាល់ត្រាំ?

បើទោះបីជាថ្នាក់ដឹកនាំកំពូលរបស់ប្រទេសចិនមិនបានថ្លែងចំៗអំពីសង្គ្រាមពាណិជ្ជកម្មរវាងសហរដ្ឋអាមេរិក និងចិនយ៉ាងណាក្តី ប៉ុន្តែ ពួកគេបានសង្កត់ធ្ងន់ថា “ផលប៉ះពាល់អវិជ្ជមាន ដែលបណ្តាលមកពីការផ្លាស់ប្តូរនៃបរិយាកាសខាងក្រៅនាពេលបច្ចុប្បន្ន កាន់តែមានភាពស៊ីជម្រៅ”។

នៅក្នុងកិច្ចប្រជុំមួយជាមួយបណ្តាថ្នាក់ដឹកនាំរបស់អង្គការសេដ្ឋកិច្ចអន្តរជាតិមួយចំនួននៅទីក្រុងប៉េកាំងកាលពីចុងឆ្នាំ២០២៤ លោកប្រធានាធិបតីចិន ស៊ី ជីនពីងបានលើកឡើងថា “នៅក្នុងសង្គ្រាមពន្ធគយ នឹងគ្មានអ្នកឈ្នះនោះទេ”។

ត្រង់ចំណុចនេះ លោកស្រី Lizzi C. Lee បានអះអាងថា “គោលជំហរបច្ចុប្បន្នរបស់ទីក្រុងប៉េកាំងក្នុងការឆ្លើយតបទៅនឹងការដំឡើងពន្ធរបស់លោក ត្រាំ ជាការត្រៀមរៀបចំខ្លួនដោយប្រុងប្រយ័ត្ន ជាជាងការប្រឈមមុខដាក់គ្នាទាំងស្រុង”។

លោកស្រី Lee បានបន្ថែមថា “ស្របពេលជាមួយគ្នានេះ ប្រទេសចិនកំពុងសម្ងំធ្វើការកែលម្អយ៉ាងស្ងៀមស្ងាត់នូវឧបករណ៍គោលនយោបាយរបស់ខ្លួនដើម្បីឆ្លើយតបវិញ ប្រសិនបើភាពតានតឹងកើនឡើង”។

លោកស្រី Lee បានគូសបញ្ជាក់ទៀតថា “ប្រធានបទនានា រួមមានដូចជា ការស៊ើបអង្កេតសុវត្ថិភាពប្រព័ន្ធអុីនធឺណេត ការរឹតបន្តឹងលើការត្រួតពិនិត្យការនាំចេញ និងការត្រួតពិនិត្យបទប្បញ្ញត្តិលើក្រុមហ៊ុនបរទេសអាចស្ថិតក្នុងរបៀបវារៈនៃការពិភាក្សារបស់ប្រទេសចិន”។

ប្រទេសចិនក៏កំពុងបន្តអនុវត្តន៍យ៉ាងសកម្មនូវយុទ្ធសាស្រ្តជំរុញផលិតកម្មក្នុងស្រុក ក្នុងបរិបទដែលសង្រ្គាមបច្ចេកវិទ្យារវាងចិនជាមួយសហរដ្ឋអាមេរិកនៅតែបន្តអូសបន្លាយ ជាពិសេសការប្រណាំងប្រជែងគ្នានៅក្នុងឧស្សាហកម្មផលិតបន្ទះឈីបទំនើប។

ប៉ុន្តែ លោក Wang អះអាងថា “ការស្វែងរកឯករាជ្យភាពផ្នែកបច្ចេកវិទ្យាបន្ទះឈីប ត្រូវការទុនវិនិយោគដ៏ធំ”។ លើសពីនោះ ការផ្តល់អាទិភាពដល់ឧស្សាហកម្មទាំងនេះអាចរារាំងកំណើននៃវិស័យសេវាកម្ម។ ជាលទ្ធផល ឯករាជ្យភាពផ្នែកបច្ចេកវិទ្យា និងការពង្រីកតម្រូវការក្នុងស្រុក មានការប៉ះទង្គិចគ្នា”៕ប្រភព: DW៕

ក្រុមអ្នកវិភាគព្យាករណ៍ថា ទីផ្សារលំនៅដ្ឋានហុងកុងនឹងដាំក្បាលចុះដល់បាតនៅឆ្នាំនេះ

ដោយ: គង់ លាងហួរ
អន្តរជាតិ: យោងតាមក្រុមអ្នកវិភាគបានឱ្យដឹងថា ទីផ្សារអចលនទ្រព្យលំនៅដ្ឋានរបស់ទីក្រុងហុងកុងនឹងឈានដល់ចំណុចរបត់មួយនៅឆ្នាំនេះ បន្ទាប់ពីធ្លាក់ចុះរយៈពេល៣ឆ្នាំ ខណៈការបញ្ចុះអត្រាការប្រាក់ទាក់ទាញអ្នកទិញកាន់តែច្រើន។

ការបន្ទាបអត្រាការប្រាក់ ការហូរចូលនៃធនធានមនុស្សមានទេពកោសល្យ និងតម្លៃជួលយ៉ាងរឹងមាំនឹងជួយធ្វើឱ្យទីផ្សារមានស្ថិរភាព។

តម្លៃផ្ទះនៅទីក្រុងហុងកុង ដែលបានដាំក្បាលចុះដល់កម្រិតទាបបំផុតមិនធ្លាប់មានក្នុងរយៈពេល៨ឆ្នាំ ត្រូវបានគេរំពឹងថា នឹងធ្លាក់ចុះដល់បាតនៅឆ្នាំនេះ។

ប៉ុន្តែ យ៉ាងណាមិញ ក្រុមអ្នកវិភាគបានអះអាងថា “ការកើនឡើងនៃតម្លៃផ្ទះនៅទីក្រុងហុងកុងក្នុងឆ្នាំ២០២៥នេះនឹងនៅមានកម្រិត ដោយសារតែបញ្ហានៃការផ្គត់ផ្គង់លើសតម្រូវការមិនទាន់ដោះស្រាយចេញ”។

លោក Patrick Wong អ្នកវិភាគរបស់ស្ថាប័ន Bloomberg Intelligence បានលើកឡើងថា “ទីផ្សារអចលនទ្រព្យហុងកុងនឹងមានស្ថានភាពល្អប្រសើរនៅឆ្នាំ២០២៥ ទាំងតម្លៃ និងចំនួននៃការទិញ-លក់”។

លោកបានប៉ាន់ប្រមាណថា “តម្លៃផ្ទះអាចនឹងស្ទុះងើបឡើងវិញយ៉ាងសន្សឹមៗ ដោយសារការធ្លាក់ចុះនៃអត្រាការប្រាក់លើកម្ចីទិញផ្ទះជួយធ្វើឱ្យតម្រូវការកើនឡើង”។

យោងតាមលោក Jeff Yau អ្នកវិភាគអចលនទ្រព្យនៅក្រុមហ៊ុន DBS Group Holdings Ltd បានឱ្យដឹងថា ការកើនឡើងភាគលាភនៃការជួល(Rental Yield)លើសពីការចំណាយលើការខ្ចីប្រាក់ក៏នឹងជួយទាក់ទាញអ្នកវិនិយោគឱ្យទិញផ្ទះផងដែរ។

លោក Yau បានបន្ថែមថា “ខណៈតម្រូវការជួលផ្ទះពីសំណាក់ពលរដ្ឋចិនដីគោកមានការកើនឡើង ភាគលាភនៃការជួលនឹងកើនឡើងដល់កម្រិតមួយ ដែលស្មើនឹងអត្រាការប្រាក់លើកម្ចីទិញផ្ទះនារយៈពេលប៉ុន្មានខែខាងមុខនេះ”។

យោងតាមទីភ្នាក់ងារអចលនទ្រព្យ Centaline បានឱ្យដឹងថា ភាគលាភនៃការជួលផ្ទះនៅទីក្រុងហុងកុងស្ថិតក្នុងអត្រា៣,៤៦% កាលពីខែតុលា ឆ្នាំ២០២៤។ អត្រានេះជាកម្រិតខ្ពស់បំផុតក្នុងរយៈពេលជិត១៣ឆ្នាំ។

ទន្ទឹមគ្នានេះ បើយោងតាមទិន្នន័យពីទីភ្នាក់ងារ mReferral បានបង្ហាញថា អត្រាការប្រាក់លើកម្ចីទិញផ្ទះនៅទីក្រុងហុងកុងបានធ្លាក់ចុះមកនៅត្រឹមចំនួន៣,៥ភាគរយប៉ុណ្ណោះ ដែលប្រហាក់ប្រហែលគ្នានឹងភាគលាភនៃការជួល៕ប្រភព: Bloomberg៕

Asean poised to gain if US-China trade tensions escalate — RHB IB

Asean will be the clear beneficiary with winners in Malaysia, Vietnam, Indonesia and Thailand, assuming trade tensions continue to isolate the United States (US) and China, said RHB Investment Bank Bhd (RHB IB).

The investment bank said the key conviction in this scenario is for the US Fed Funds Rate to see a two to three-times cut by around 50 to 75 basis points reduction in 2025, thus depressing the global interest rate environment for the year ahead.

“The greenback may stay elevated in the first quarter of 2025 due to risk aversion. However, the narrowing of the US dollar’s positive carry should weaken its strength, leading the US Dollar Index to move towards 103 by year-end,” it said.
In the inflation space, RHB IB accounts for moderate supply chain congestions isolated within US shores.

“However, we are also assuming (a strong uncertainty) that Asean will see no material US-led trade sanctions despite China’s purported efforts to divert its manufacturing and investment activities into Asean,” it said.

RHB IB also assumes that the US will implement tariffs against China and selected trading partners, with China likely retaliating with its tit-for-tat tariff proposals; and the US import tariff rates increase will be gradual, and will rise to at most 30% for China, owing to further fears of intensified retaliation.

Regarding geopolitical tensions, RHB IB assumes ceasefires across key conflicts, specifically in the Russia-Ukraine and
Israel-Palestine tensions.

“Meanwhile, a war of mere words could be felt on the US-related geopolitical noise, with Trump seeing little legal and operative grounds to take over Greenland, Panama Canal and Canada,” it said.

Source: Bernama

តើកម្ពុជាគួរធ្វើដូចម្តេចដើម្បីរក្សាភាពប្រកួតប្រជែងរបស់ខ្លួន ខណៈបណ្តាប្រទេសជិតខាងក្នុងតំបន់កំពុងព្យាយាមបើកកាសុីណូ?

ដោយ: គង់ លាងហួរ
អន្តរជាតិ: ទីផ្សារកាសុីណូរបស់ប្រទេសសិង្ហបុរីកំពុងប្រឈមមុខនឹងការប្រណាំងប្រជែងពីបណ្តាប្រទេសជិតខាង ជាពិសេសប្រទេសថៃ និងហ្វីលីពីន ខណៈដែលប្រទេសទាំង២នេះរៀបចំផែនការមេអភិវឌ្ឍន៍រមណីយដ្ឋានកាសុីណូ និងបញ្ចូលគំនិតច្នៃប្រឌិតខុសៗគ្នាដើម្បីទាក់ទាញចិត្តភ្ញៀវទេសចរណ៍អន្តរជាតិ។

ជាក់ស្ដែង កាលពីពេលថ្មីៗនេះ គណៈរដ្ឋមន្ត្រីរបស់ប្រទេសថៃបានអនុម័តលើសេចក្តីព្រាងច្បាប់មួយដើម្បីធ្វើឱ្យកាសុីណូក្លាយទៅជាអាជីវកម្មស្របច្បាប់ ខណៈអគារកាសុីណូក៏ត្រូវរួមបញ្ចូលផងដែរនូវសួនកម្សាន្ត សណ្ឋាគារ និងផ្សារទំនើប។

ក្រុមមន្ត្រីអ្នកនាំពាក្យរបស់រដ្ឋាភិបាលថៃបានអះអាងថា ច្បាប់នេះនឹងត្រូវដាក់ជូនសភាដើម្បីជជែកដេញដោលលើកដំបូងនៅខែមេសាខាងមុខ។

ក្រុមអ្នកវិភាគនៅធនាគារ Citigroup បានព្យាករណ៍ថា ប្រទេសថៃអាចនឹងក្លាយជាមជ្ឈមណ្ឌលល្បែងសុីសងធំជាងគេបំផុតទី៣ របស់ពិភពលោក បន្ទាប់ពីតំបន់រដ្ឋបាលពិសេសម៉ាកាវរបស់ប្រទេសចិន និងទីក្រុង Las Vegas របស់សហរដ្ឋអាមេរិក។

យ៉ាងណាមិញ ក្រុមអ្នកវិភាគនៅតែរំពឹងថា ប្រទេសសិង្ហបុរីនឹងបន្តមានឥទ្ធិពលលើឧស្សាហកម្មល្បែងសុីសងក្នុងតំបន់អាស៊ានក្នុងរយៈពេល៥ឆ្នាំខាងមុខ។

ប៉ុន្តែ ទីក្រុងសិង្ហបុរីជួបប្រទះបញ្ហា ដោយសារតែការធ្លាក់ចុះនៃចំនួនភ្ញៀវទេសចរណ៍ ដែលចូលចិត្តលេងល្បែងស៊ីសងមកពីប្រទេសចិន ខណៈទីក្រុងប៉េកាំងបានរឹតបន្តឹងការបង្ក្រាបលើលំហូរសាច់ប្រាក់ពីអាជីវកម្មល្បែងស៊ីសង។

ធនាគារ Citigroup ព្យាករណ៍ថា ប្រាក់ចំណូលពីឧស្សាហកម្មល្បែងសុីសងរបស់ប្រទេសថៃអាចកើនឡើងដល់ទំហំទឹកប្រាក់ចំនួន៩,១ពាន់លានដុល្លារក្នុងឆ្នាំ២០៣១ លើសពីប្រាក់ចំណូលក្នុងឧស្សាហកម្មល្បែងសុីសងរបស់ប្រទេសសិង្ហបុរី ដែលមានទំហំទឹកប្រាក់ចំនួន៨,៣ពាន់លានដុល្លារ។

ជាមួយគ្នានេះ ការអនុញ្ញាតឱ្យមានការបើកកាស៊ីណូ ដោយភាពស្របច្បាប់នៅក្នុងប្រទេសថៃក៏អាចបង្កហានិភ័យដល់អាជីវកម្មកាស៊ីណូនៅតាមព្រំដែនរបស់កម្ពុជាផងដែរ។

ក្នុងន័យនេះ លោក Ben Lee ដៃគូគ្រប់គ្រងនៅក្រុមហ៊ុន iGamix បានលើកឡើងថា កម្ពុជាគួរតែបំបែកភាពផ្តាច់មុខរបស់ក្រុមហ៊ុនបរទេសនៅក្នុងវិស័យកាសុីណូរបស់ខ្លួន ព្រោះកន្លងមក កម្ពុជាបានផ្តល់អាជ្ញាបណ្ណផ្តាច់មុខសម្រាប់តែកាសុីណូ Nagaworld ប៉ុណ្ណោះ ដែលមានសិទ្ធិបើកអាជីវកម្មនៅរាជធានីភ្នំពេញ។

លោក Ben Lee បានអះអាងឱ្យដឹងបន្តទៀតថា “នៅពេលកាសុីណូនៅប្រទេសថៃបើកដាក់ឱ្យដំណើរការ នោះវានឹងជះឥទ្ធិពលយ៉ាងខ្លាំងមកលើកាសុីណូនៅតាមព្រំដែនរវាងកម្ពុជា-ថៃ។ ដូច្នេះ នៅពេលថៃពង្រីកអាជីវកម្មកាស៊ីណូដល់តាមបណ្តាខេត្តនានារបស់ខ្លួន នោះជនជាតិថៃនឹងមិនចាកចេញពីប្រទេសរបស់ពួកគេមកកាន់កម្ពុជានោះទេ”។

ជាមួយគ្នានោះ ប្រទេសវៀតណាមក៏បានអនុញ្ញាតឱ្យមានការបើកកាស៊ីណូមួយចំនួនផងដែរ។ ប៉ុន្តែ កាសុីណូវៀតណាមភាគច្រើនទទួលតែភ្ញៀវជាជនបរទេសប៉ុណ្ណោះ។

បច្ចុប្បន្ន ប្រទេសវៀតណាមកំពុងពិចារណាពង្រីកទីផ្សារកាសុីណូរបស់ខ្លួន ដើម្បីចាប់យកឱកាសបង្កើនប្រាក់ចំណូលជាតិ ពីការចំណាយរបស់ភ្ញៀវទេសចរណ៍បរទេស និងពលរដ្ឋវៀតណាម ដែលនិយមធ្វើដំណើរទៅលេងល្បែងសុីសងនៅក្រៅប្រទេស៕ប្រភព: Nikkei Asia៕

Industrial estate sales boom to persist

Land sales in industrial estates are expected to remain robust in 2025, building on strong demand from last year, driven by changes in US import and foreign policies, according to property firm Cushman & Wakefield Thailand.

Surachet Kongcheep, head of research and consultancy, said these changes will have a significant impact on various industries, particularly businesses aiming to export to the US and manufacturers based in China.

“Since last year, we’ve observed an influx of investors from China, as well as investors and entrepreneurs from other countries with production bases in China moving into Thailand,” he said.

Although Thailand may not be the top destination for these businesses, it remains a key beneficiary of expected US tariff policy changes, especially those targeting Chinese goods, said Mr Surachet.

The shift is largely driven by the relocation of production bases to Thailand, a trend expected to continue throughout 2025 and beyond, until the US revises its trade policies.

Source: Bangkok Post

1...444445446...3,378 Page 445 of 3,378