ដោយ: គង់ លាងហួរ

អន្តរជាតិ: រដ្ឋាភិបាលមីយ៉ាន់ម៉ា កំពុងដាក់ចេញវិធានការរឹតបន្តឹង ការផ្ទេរប្រាក់ចេញទៅក្រៅប្រទេស ក្រោយពីពលរដ្ឋរបស់ខ្លួនបានសម្រុកទិញខុនដូនៅប្រទេសថៃ។ នេះបើយោងតាមការចុះផ្សាយដោយសារពត៌មានជប៉ុន Nikkei asia។

តួយ៉ាង កាលពីត្រីមាសទី១ ឆ្នាំ២០២៤នេះ ពលរដ្ឋមីយ៉ាន់ម៉ា បានជាប់ចំណាត់ថ្នាក់ ជាប្រភពជនបរទេស ដែលទិញខុនដូច្រើនជាងគេទី២ នៅប្រទេសថៃ ដែលមានចំនួនរហូតដល់ចំនួន៣៩២យូនីត ដែលមានទំហំទឹកប្រាក់សរុបជិត៦០លានដុល្លារអាមេរិក។

ពលរដ្ឋរបស់ប្រទេសមីយ៉ាន់ម៉ា ដែលជាប្រទេសក្រីក្រមួយនៅតំបន់អាស៊ាន និងកំពុងមានសង្គ្រាមស៊ីវិល បានសម្រុកទិញខុនដូក្នុងប្រទេសថៃ ដើម្បីគេចចេញពីអស្ថិរភាពនយោបាយ នៅក្នុងប្រទេសរបស់ខ្លួន។តាមរយៈការចាត់ចំណាត់ការបែបនេះ របស់អាជ្ញាធរមីយ៉ាន់ម៉ាចំពោះការទិញខុនដូនៅប្រទេសថៃ នោះ ការណ៍នេះនឹងអាចជះផលប៉ះពាល់ ដល់ទំហំនៃការលក់ខុនដូ នៅប្រទេសថៃនៅត្រីមាសទី២ និងត្រីមាសទី៣ ឆ្នាំ២០២៤។

លោក Prasert Taedullayasatit ប្រធានសមាគមអ្នកអភិវឌ្ឍន៍ខុនដូថៃបានលើកឡើងថា គិតចាប់តាំងពីខែមេសា មកទល់ពេលនេះ មីយ៉ាន់ម៉ា បានដាក់ចេញបទបញ្ជារឹតបន្តឹង រាល់ការផ្ទេរប្រាក់ចេញក្រៅប្រទេស ដែលមានទំហំទឹកប្រាក់ជាង២៧លានដុល្លារ ដែលការណ៍នេះ នាំឱ្យទីផ្សារខុនដូរបស់ប្រទេសថៃមានការថមថយចុះ។

យោងតាមមជ្ឈមណ្ឌលព័ត៌មាន អចលនទ្រព្យថៃ(REIC) បានបញ្ជាក់ឱ្យដឹងថា កាលពីឆ្នាំ២០២២កន្លងទៅ អ្នកទិញខុនដូមកពីប្រទេសមីយ៉ាន់ម៉ា ជាប់ចំណាត់ថ្នាក់លេខ៦ ប្រសិនបើគិតអំពីចំនួនខុនដូ ដែលពួកគេបានទិញ។ ប៉ុន្តែពលរដ្ឋមីយ៉ាន់ម៉ា ឈរនៅលេខរៀងទី៣ ប្រសិនបើគិតអំពីតម្លៃខុនដូសរុប។

កាលពីឆ្នាំ២០២២ ពលរដ្ឋមីយ៉ាន់ម៉ា បានទិញខុនដូនៅប្រទេសថៃសរុបចំនួន៣៤៩យូនីត ដែលមានតម្លៃជាង៦៩លានដុល្លារអាមេរិក។ ចំណែកនៅឆ្នាំ២០២៣ ចំនួននៃការទិញបានកើនឡើងដល់៥៦៤យូនីត ដែលមានតម្លៃជាង១០០លានដុល្លារអាមេរិក។

ចំនួនពលរដ្ឋមីយ៉ាន់ម៉ា ដែលបានចូលមកទិញខុនដូ នៅក្នុងប្រទេសថៃ បានកើនឡើងជាលំដាប់ ក្រោយពីមានរដ្ឋប្រហារយោធា និងអស្ថិរភាពនយោបាយ នៅក្នុងប្រទេសនេះ ចាប់តាំងពីឆ្នាំ២០២១មកម្ល៉េះ៕ប្រភព:Nikkei asia៕

        ដោយៈ គង់ សូរិយា

        ភ្នំពេញៈ បុរីKS Residence បានបញ្ចប់ការសាងសង់១០០ភាគរយហើយ ជាមួយម៉ូតផ្ទះបែបសហសម័យ ដែលផ្តល់ការរស់នៅប្រកបដោយផាសុខភាព។

លោកឧកញ៉ាបណ្ឌិតគីម ហ៊ាងស្ថាបនិកបុរី ខេ អេស រ៉េស៊ីដេន (Borey KS Residence)បានសរសេរលើបណ្តាញទំនាក់ទំនងសង្គមនាព្រឹកថ្ងៃទី១៨ មិថុនាថា បុរីនេះមានទីតាំងនៅស្រុកកៀន​ស្វាយ គឺបានបញ្ចប់ការសាងសង់ ១០០% ហើយមានប្លង់រឹង LMAP ស្រាប់។

បុរីនេះមានលក្ខណៈពិសេសដូចជា ទី១ ផ្ទះមាន ២បន្ទប់គេង ៣បន្ទប់ទឹក ចតឡានបាន១ ចតម៉ូតូបាន៣ ក្នុងរបងផ្ទះជាលក្ខណៈឯកជន លក់ក្នុងតម្លៃ$50,000 ឬជួល$80! ។ ទី២ ផ្ទះមាន ៣បន្ទប់គេង ៣បន្ទប់ទឹក ចតឡានបាន១ ចតម៉ូតូបាន៣ ក្នុងរបងផ្ទះជាលក្ខណៈឯកជន លក់$63,000 ឬជួល $100!។

ទី៣ ផ្ទះមាន៤បន្ទប់គេង ៥បន្ទប់ទឹក ចតឡាន១ ឬ២ ចតម៉ូតូបាន១០ ក្នុងរបងផ្ទះជាលក្ខណៈឯកជន លក់$120,000 ឬជួល $300!។ ទី៤ ដីទំហំជាង១ហត ជាប់បុរីលើផ្លូវបេតុង ជួល$1,000 ប្រចាំខែ! ។ ទី៥ លោកអ្នកចង់ទិញក៏បាន ចង់ជួលក៏បាន ហើយបើចង់ដោះដូរដីគ្នាក៏បាន អាស្រ័យតាមទីតាំង តម្លៃ និងការពេញចិត្តជាក់ស្តែង។ អតិថិជនចាប់អារម្មណ៍អាចទំនាក់ទំនងលេខទូរស័ព្ទ០៩៥ ៩៦​២០០០, 086 48 55 66៕

ធ្មេចបើកៗ ដល់ពាក់កណ្ដាលឆ្នាំទៀតហើយ! សម្រាប់លោកអ្នកដែលកំពុងមានបំណងចង់វិនិយោគ ឬទិញផ្ទះសម្រាប់រស់នៅក្នុងខែមិថុនានេះ ក៏នឹងមានឱកាសទទួលបានការផ្ដល់ជូនដ៏ចំណេញពីបុរី វិមានសំណាង ផងដែរ។ ការផ្តល់ជូននេះ គឺជាប្រម៉ូសិនដ៏ធំមិនធ្លាប់មាន សម្រាប់ឆ្នាំ២០២៤នេះ គឺប្រូម៉ូសិន Mid-Year Promotion ដ៏ធំសម្បើមខ្លាំងមែនទែន គឺទទួលបានសេវាកាត់ប្លង់រឹង LMAP និងសេវាសន្តិសុខរយៈពេលមួយឆ្នាំពេញ។

ការផ្ដល់ជូននេះមានសុពលភាពត្រឹមតែថ្ងៃ២៣ ខែមិថុនា ឆ្នាំ២០២៤ នេះប៉ុណ្ណោះ។ មិនតែប៉ុណ្ណោះ បុរី វិមានសំណាង នៅមានដំណឹងកាន់តែពិសេស ជូនដល់អតិថិជនដែលមានបំណងស្វែងរក គេហដ្ឋានកក់ក្តៅសម្រាប់គ្រួសារ លែងបារម្ភរឿងការបង់ប្រាក់ទៀតហើយ។ ជាមួយកម្ចីពីធនាគារដៃគូរបស់បុរី វិមានសំណាង កាន់តែឆាប់រហ័សជាមួយកម្ចីរហូតទៅដល់80ភាគរយ រយះពេល25ឆ្នាំ បូករួមជាមួយនឹងការផ្តលជូន Fee 1%, Free សេវាដាក់បន្ទុក, Free សេវាធានារ៉ាប់រង និង Free សេវាកម្មវាយតម្លៃយ៉ាងពិសេសបំផុតមិនធ្លាប់មាន។

សម្រាប់ព័ត៌មានបន្ថែម សូមអញ្ជើញមកកាន់គ្រប់ការិយាល័យលក់របស់បុរី វិមានសំណាង ដើម្បីសាកសួរព័ត៌មានលម្អិត ឬទាក់ទងតាមលេខទូរសព្ទ 011 62 6789។

        ដោយៈ គង់ សូរិយា

        ឥណ្ឌាៈ  ក្រសួងទេសចរណ៍ ផ្នែកឯកជន និងក្រុមសិល្បៈ មកពីក្រសួងវប្បធម៌និងវិចិត្រសិល្បៈ ចូលរួមរៀបចំពិធីបើកជាផ្លូវការ “ឆ្នាំទេសចរណ៍កម្ពុជា-ឥណ្ឌា លើកទី១ ២០២៤” នៅសណ្ឋាគារ Shangri-La Eros ទីក្រុងញ៉ូដេលី។

កម្មវិធីនេះប្រារពធ្វើឡើង តាមរយៈជើងហោះហើរត្រង់លើកដំបូង ភ្នំពេញ-ញ៉ូដេលី  របស់ក្រុមហ៊ុនអាកាសចរណ៍ជាតិ កម្ពុជា អង្គរ អ៊ែរ (Cambodia Angkor Air) ដែលបានចាប់ផ្តើមហោះហើរលើកដំបូង កាលពីថ្ងៃទី១៦ ខែមិថុនា ឆ្នាំ២០២៤។

គោលបំណងនៃការរៀបចំពិធីបើកជាផ្លូវការ “ឆ្នាំទេសចរណ៍កម្ពុជា-ឥណ្ឌា លើកទី១ ២០២៤”នេះ ដើម្បីជំរុញការផ្សព្វផ្សាយទេស​ចរណ៍កម្ពុជាក្នុងទីផ្សារឥណ្ឌា និងអនុវត្តយុទ្ធនាការ “ឆ្នាំទេសចរណ៍កម្ពុជា-ឥណ្ឌា លើកទី១ ២០២៤” ដែលដាក់ចេញដោយរាជរដ្ឋាភិបាល នៃព្រះរាជាណាចក្រកម្ពុជា ដោយមានការចូលរួមពី ថ្នាក់ដឹកនាំនៃក្រសួងទេសចរណ៍របស់ប្រទេសទាំងពីរ (កម្ពុជា និងឥណ្ឌា) ស្ថានទូត កម្ពុជា ប្រចាំសាធារណរដ្ឋឥណ្ឌា ធុរកិច្ចទេសចរណ៍កម្ពុជា ធុរកិច្ចទេសចរណ៍ឥណ្ឌា និងបណ្តាសារព័ត៌មានឥណ្ឌា សរុបប្រមាណ ២០០នាក់៕

ដោយ: គង់ លាងហួរ

ប៉េកាំង: ប្រព័ន្ធផ្សព្វផ្សាយចិនបានរាយការណ៍ថា រថភ្លើងល្បឿនលឿនពិសេស ដែលមានបំពាក់ធ្នើរសម្រាប់គេង ដំបូងគេបង្អស់ បានធ្វើដំណើរចេញពីតំបន់រដ្ឋបាលពិសេសហុងកុង (HKSAR) មកដល់ស្ថានីយ៍នៅទីក្រុងប៉េកាំង កាលពីព្រឹកថ្ងៃអាទិត្យចុងសប្តាហ៍មុន ដោយមានការទទួលស្វាគមន៍យ៉ាងកក់ក្តៅ។

ក្រុមអ្នកវិភាគបានលើកឡើងថា “ការតភ្ជាប់ផ្លូវដែកថ្មីនេះ នឹងជួយសម្រួលដល់ការផ្លាស់ប្តូររវាងប្រជាជន និងប្រជាជន វិស័យទេស ចរណ៍ និងវិស័យពាណិជ្ជកម្ម ព្រមទាំងជំរុញការធ្វើសមាហរណកម្មហុងកុងជាមួយតំបន់ចិនដីគោកផងដែរ”។

សេវាកម្មរថភ្លើងថ្មីនេះ បើកដំណើរការរវាងស្ថានីយ៍ West Kowloon របស់ទីក្រុងហុងកុង និងស្ថានីយ៍រថភ្លើង Beijing West រៀងរាល់ថ្ងៃច័ន្ទដល់ថ្ងៃសុក្រ។  ពេលវេលា ដែលត្រូវចំណាយក្នុងការធ្វើដំណើររវាងទីក្រុងប៉េកាំង និងទីក្រុងហុងកុង ត្រូវកាត់បន្ថយពី២៤ម៉ោងកន្លះ មកនៅត្រឹម១២ម៉ោងកន្លះប៉ុណ្ណោះ។

អ្នកដំណើរហុងកុងម្នាក់ ដែលមាននាមត្រកូល Koo បានបង្ហាញក្តីរំភើបចំពោះការធ្វើដំណើរនាលើកនេះ។ អ្នកដំណើររូបនោះបានបញ្ជាក់ថា“រថភ្លើងថ្មីនេះផ្តល់ឱ្យមនុស្សចាស់ នូវជម្រើសដ៏ងាយស្រួល និងមានផាសុកភាពក្នុងការធ្វើដំណើរ ព្រោះការធ្វើដំណើរមានរយៈពេលជាង១២ម៉ោង ប៉ុន្តែនៅក្នុងទូររថភ្លើង មានបំពាក់ធ្នើរសម្រាប់គេង”។

លោក Lam Sai-hung លេខាធិការទទួលបន្ទុកលើការដឹកជញ្ជូន និងភស្តុភារនៃតំបន់រដ្ឋបាលពិសេស ក្រុងហុងកុង ក៏បានជិះនៅលើរថភ្លើងនេះផងដែរ ដើម្បីត្រួតពិនិត្យមើលដំណើរការរបស់រថភ្លើងនាពេលនោះ។

លោក Yiu Pak-leung សមាជិកក្រុមប្រឹក្សានីតិប្បញ្ញត្តិហុងកុង បានលើកឡើងថា “រថភ្លើងនេះ នឹងមានភាពទាក់ទាញជាពិសេសសម្រាប់ភ្ញៀវទេសចរណ៍ ដែលដើរកំសាន្តជាលក្ខណៈក្រុមគ្រួសារ និងអ្នកដំណើរ ដែលមានវ័យចំណាស់ ដោយផ្តល់នូវផាសុកភាព និងអាចទាក់ទាញ អ្នកមិនចូលចិត្តធ្វើដំណើរនៅលើយន្តហោះ”។

យោងតាមរបាយការណ៍ពីក្រុមហ៊ុន China State Railway Group បានឱ្យដឹងថា “ចំនួនអ្នកធ្វើដំណើរឆ្លងកាត់ រវាងទីក្រុងហុងកុង និងតំបន់ចិនដីគោក បានកើនឡើង៧៩,៣ភាគរយ ដល់ចំនួន១០,៧៧លាននាក់ គិតចាប់ពីខែមករាដល់ខែឧសភា ឆ្នាំ២០២៤នេះបើធៀបនឹងរយៈពេលដូចគ្នាកាលពីឆ្នាំមុន”៕ប្រភព:The Nation ៕

ដោយ: គង់ លាងហួរ

បាងកក: ប្រទេស​ថៃ កម្ពុជា និង​វៀតណាម កំពុងសហ​ការ​ចាប់​ដៃ​គ្នា​បង្កើត​ផ្លូវ​ទេសចរណ៍សមុទ្រ​ ដែល​តភ្ជាប់​បណ្តាកោះ​នៅក្បែរ​ខេត្ត​ត្រាត​នៃប្រទេសថៃ ជាមួយ​នឹងខេត្ត​ព្រះសីហនុ ​របស់​កម្ពុជា និង​ខេត្ត Kiên Giang របស់​វៀតណាម។

ផែនការនេះត្រូវបានតាក់តែងឡើង ក្នុងគោលបំណងដើម្បីជំរុញវិស័យពាណិជ្ជកម្ម ការវិនិយោគ វិស័យទេសចរណ៍ និងឧស្សាហកម្ម (Mice) ដែលកាត់មកពីពាក្យថា “កិច្ចប្រជុំ ការលើកទឹកចិត្ត សន្និសីទ និងការតាំងពិពណ៌”។

លោក Chamnan Srisawat ប្រធានក្រុមប្រឹក្សាទេសចរណ៍នៃប្រទេសថៃ (TCT) បានលើកឡើងថា “យើងបាននិងកំពុងជំរុញឱ្យមានការរៀបចំសន្និសីទ ច្រករបៀងសេដ្ឋកិច្ចកម្ពុជា-វៀតណាម-ថៃ (CVTEC) ដោយក្នុងនោះ មានការិយាល័យសន្និបាត និងពិព័រណ៍ថៃ (TCEB) ជាអ្នករៀបចំ និងជាអ្នកឧបត្ថម្ភធំ”។

លោកបានបន្តថា ការរៀបចំសន្និសីទខាងលើ មានគោលបំណង ដើម្បីជំរុញការតភ្ជាប់ផ្លូវសមុទ្រ រវាងប្រទេសជិតខាងទាំង៣ ដែលនឹងបង្កើតទីផ្សារមួយក្រោមគំនិតនៃ “ទីផ្សារតែមួយ គោលដៅបី” ។

លោក Chamnan Srisawat បានមានប្រសាសន៍ឱ្យដឹងទៀតថា “ផ្លូវសមុទ្រនេះ នឹងមិនត្រឹមតែដើរតួនាទីជាផ្លូវ សេដ្ឋកិច្ចទំនើបប៉ុណ្ណោះទេ ប៉ុន្តែវាក៏ជាផ្លូវទេសចរណ៍ដ៏ទាក់ទាញមួយ បូករួមជាមួយនឹងធម្មជាតិ និងវប្បធម៌ដ៏ស្រស់បំព្រងផងដែរ”។

ជាមួយគ្នានេះ លោក Natthapong Sanguanjit អភិបាលខេត្តត្រាត បានលើកឡើងថា  “រឿងសំខាន់គឺយើងត្រូវស្វែងរកមធ្យោបាយដើម្បីជំរុញវិស័យទេសចរណ៍ ដែលតភ្ជាប់តំបន់ឆ្នេរភាគខាងកើត នៃប្រទេសទាំង៣ជាមួយគ្នាតាមរយៈផ្លូវសមុទ្រ”។

លោក Apichai Somboonpakorn អគ្គនាយករងនៃការិ​យាល័យសន្និបាត និងពិព័រណ៍ថៃ (TCEB) ជឿជាក់ថា “ប្រទេសថៃបានត្រៀមខ្លួនរួចជាស្រេច សម្រាប់គម្រោងនេះ ហើយប្រសិនបើជោគ​ជ័យ នោះគម្រោងនេះនឹងអនុញ្ញាតឱ្យភ្ញៀវទេសចរណ៍ អាចធ្វើដំណើរពីទីក្រុងប៉ាតាយ៉ា ទៅកាន់កំពង់ផែ Laem Chabang។ បន្ទាប់មកទៀត ពួកគេនឹងធ្វើដំណើរបន្តទៅកាន់ខេត្តត្រាត ខេត្តព្រះសីហនុ និងខេត្ត Kiên Giang និងធ្វើដំណើរបកបញ្ច្រាសទៅវិញ”។

ចំណែក លោកស្រី Wiyada Suang អនុប្រធានក្រុមប្រឹក្សាទេសចរណ៍ខេត្តត្រាត បានមានប្រសាសន៍ឱ្យដឹងថា “ផ្លូវទេសចរណ៍សមុទ្រនេះ គ្រោងបើកដាក់ឱ្យដំណើរការ នៅក្នុងរដូវកាលដែលសម្បូរភ្ញៀវទេសចរណ៍(High season) ក្នុងខែវិច្ឆិកា ឆ្នាំ២០២៤នេះ៕ប្រភព: Bangkok Post៕

ដោយៈ គង់ សូរិយា

        សៀមរាបៈ លោកស្រី Emeraude Toubia តារាសម្តែងសញ្ជាតិអាមេរិក ដែលមានអ្នកតាមដានចំនួន៣លាននាក់ នៅលើបណ្តាញសង្គមអ៊ីនស្តាក្រាម (IG) បានមកទស្សនាប្រាសាទអង្គរវត្ត សំណង់អច្ឆរិយៈរបស់ខ្មែរ។

នៅលើគណនីអ៊ីនស្តាក្រាមរបស់ខ្លួន នៅថ្ងៃទី១៧ ខែមិថុនា ឆ្នាំ២០២៤ ជាមួយនឹងការបង្ហោះរូបថត៦សន្លឹក ដ៏ល្អឥតខ្ចោះ ដែលត្រូវបានថតនៅប្រាសាទអង្គរតូច តារាងសម្តែងវ័យ៣៥ឆ្នាំរូបនេះ បានសរសេរខ្លឹមសារថា “ភាពអស្ចារ្យនៃអង្គរវត្ត”។

ការបង្ហោះនេះ ត្រូវបានអ្នកប្រើប្រាស់បណ្តាញសង្គម របស់កម្ពុជា ចូលទៅថ្លែងសារស្វាគមន៍ និងជូនពរនាង ឱ្យលេងកម្សាន្តដោយរីករាយ និងសុខសប្បាយក្នុងប្រទេសដ៏ល្អផូរផង់នេះផងដែរ។

ប្រាសាទអង្គរវត្ត ត្រូវបានស្ថាបនាឡើង ក្នុងរជ្ជកាលព្រះបាទសូរ្យវរ្ម័នទី២ ចាប់ពីឆ្នាំ១១១៣-១១៥០ ដែលជាមហាប្រាសាទដ៏អស្ចារ្យជាងគេមួយព្រះអង្គ ក្នុងប្រវត្តិសាស្ត្រខ្មែរ ហើយបច្ចុប្បន្នក៏បានជាប់ឈ្មោះ ជាសំណង់សាសនដ្ឋានដ៏ធំជាងគេ នៅលើពិភពលោកផងដែរ៕

ដោយ: គង់ លាងហួរ
អន្តរជាតិ: បើប្រៀបធៀបនឹងតម្លៃក្នុងពេលបិទការជួញដូរកាលពីថ្ងៃសុក្រសប្តាហ៍មុន គេសង្កេតឃើញថា តម្លៃហាងឆេងមាសបានបន្តធ្លាក់ថ្លៃចុះនៅល្ងាចថ្ងៃច័ន្ទនេះ ខណៈពេលដែលក្រុមមន្ត្រីធនាគារកណ្តាលអាមេរិកអះអាងថា ធនាគារនេះអាចនឹងបញ្ចុះអត្រាការប្រាក់ត្រឹមតែមួយលើកប៉ុណ្ណោះនៅឆ្នាំ២០២៤នេះ។

តួយ៉ាង តម្លៃមាស Spot Gold បានធ្លាក់ចុះ០,៥៤%ដល់២៣១៩,៩៧ដុល្លារ ក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានធ្លាក់ចុះ០,៥៤ភាគរយដូចគ្នាដល់២៣៣៦,៤០ដុល្លារ ក្នុងមួយអោន គិតត្រឹមម៉ោង៥:៤២នាទីល្ងាច។

គិតត្រឹមពេលបិទការជួញដូរកាលពីថ្ងៃសុក្រសប្តាហ៍មុន តម្លៃមាស Spot Gold បានស្ថិតនៅត្រឹម២៣៣២,៥២ដុល្លារ ក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold future បានស្ថិតនៅត្រឹម២៣៤៩,១០ដុល្លារ ក្នុងមួយអោន៕