វិភាគៈ ដំណើរទស្សនកិច្ចពោរពេញដោយថាមវ័ន្ត ផលប្រយោជន៍និងភាពជាដៃគូយុទ្ឋសាស្រ្ត

ដោយៈ យិន លាងគង់ប្រធានសមាគមសហគ្រិនសារព័ត៌មានសេដ្ឋកិច្ចកម្ពុជា

សេអ៊ូលៈ ជាមួយស្នាមញញឹមជាប់ជាប្រចាំ សម្តេចធិបតីហ៊ុន ម៉ាណែតនាយករដ្ឋមន្រ្តី នៃកម្ពុជាបានបង្ហាញនូវថាមវ័ន្ត ក្នុងនាមជាមេដឹកនាំវ័យក្មេង និងប្រកបដោយទេពកោសល្យម្នាក់ ក្នុងចំណោមមេដឹកនាំតំបន់។

អ្នកពូនជ្រុំ

ទំនាក់ទំនងរវាងព្រះរាជាណាចក្រកម្ពុជា និងសាធារណៈរដ្ឋកូរ៉េបានចាប់ផ្តើមនៅឆ្នាំ១៩៧០ ប៉ុន្តែត្រូវបានកាត់ផ្តាច់នៅឆ្នាំ១៩៧៥ ដល់ឆ្នាំ១៩៧៩ ក្រោមការគ្រប់គ្រងដោយរបបកម្ពុជា ប្រជាធិបតេយ្យហើយទំនាក់ទំនងកាទូតនេះ បានផ្សារភ្ជាប់ឡើងវិញ ដោយសម្តេចតេជោហ៊ុន សែនអតីតនាយករដ្ឋមន្រ្តីនៃកម្ពុជានៅឆ្នាំ១៩៩៧ បន្ទាប់មកទំនាក់ទំនងនេះ ត្រូវបានពូនជ្រុំចំណងមិត្តភាព កិច្ចសហប្រតិបត្តិការលើអ្វីលើសពីមិត្ត និងបានក្លាយជាដៃគូយុទ្ឋសាស្រ្តមួយ សម្រាប់ប្រទេសទាំងពីរ ដែលបានចុះកិច្ចព្រមព្រៀងពាណិជ្ជកម្មសេរីទ្វេរភាគីជាមួយគ្នាកាលពីឆ្នាំមុន។

ការភ្ជាប់ទំនាក់ទំនងនេះ ក៏ឈានដល់ការចុះឯកសារពិធីសារលើកិច្ចព្រមព្រៀងនានាជាមួយរដ្ឋាភិបាល បរទេស ជាពិសេសជាមួ យរដ្ឋាភិបាល នៃប្រទេសជាសមាជិក សមាគមប្រជាជាតិអាស៊ីអាគ្នេយ៍ ហៅកាត់ថា ASEAN ផងដែរ។

ក្នុងពេលជាមួយគ្នានោះដែរ ទំនាក់ទំនងរវាងប្រទេសទាំងពីរ កម្ពុជា- កូរ៉េ ត្រូវបានបង្កើតឡើងវិញនៅក្នុងឆ្នាំ១៩៩៧ ដែលចាប់ពីពេលនោះមក ទំនាក់ទំនងទ្វេរភាគីនេះ ត្រូវបានអភិវឌ្ឍន៍យ៉ាងឆាប់រហ័ស។ ក្រោយមកក្រោមទំនាក់ទំនងការទូត នៃប្រទេសទាំងពីរនេះ រដ្ឋាភិបាលនៃសាធារណរដ្ឋកូរ៉េ បានបង្កើតស្ថានទូតប្រចាំនៅព្រះរាជាណាចក្រកម្ពុជា នៅក្នុងឆ្នាំ១៩៩៨។

ចំណែកឯរាជរដ្ឋាភិបាល នៃព្រះរាជាណាចក្រកម្ពុជា ក៏បានបង្កើតស្ថានទូតរបស់ខ្លួន ប្រចាំនៅសាធារណរដ្ឋកូរ៉េ ផងដែរនៅក្នុងឆ្នាំ២០០១។

ការប្រែក្លាយពីទំនាក់ទំនងការទូត ទៅជាចំណងការទូតក្រោយការបង្កើតឱ្យមានស្ថានទូត ប្រចាំនៅប្រទេសទាំងពីរនេះ បានជម្រុញឱ្យមានកិច្ចសហប្រតិបត្តិការជិតស្និទ្ធ និងកាន់តែមាន លក្ខណៈស៊ីជម្រៅ ដោយប្រមុខរដ្ឋាភិបាលនៃប្រទេសទាំងពីរ រួមទាំងសមាជិកសំខាន់ៗនៃរដ្ឋបាល ទាំងពីរ បានធ្វើការប្រាស្រ័យទាក់ទងគ្នាជាប្រចាំ និងក្នុងដំណើរទស្សនកិច្ចផ្លូវការទៅវិញទៅមក។

ទន្ទឹមនោះ ផងដែរ នៅឆ្នាំ២០០០ រដ្ឋាភិបាលនៃសាធារណរដ្ឋកូរ៉េ បានចាត់តាំងលោក Lee Myung- Bak ឱ្យធ្វើជាទីប្រឹក្សាពិសេសទទួលបន្ទុកផ្នែកសេដ្ឋកិច្ចរបស់លោក ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ចាប់តាំងពីឆ្នាំ២០០០ រហូតដល់ឆ្នាំ២០០៨។

ការធ្វើជាទីប្រឹក្សាពិសេស ទទួលបន្ទុកផ្នែកសេដ្ឋកិច្ចរបស់លោក Ly Myung-Bak នេះ បានធ្វើឱ្យកិច្ចសហប្រតិបត្តិការផ្នែកសេដ្ឋកិច្ចរវាងប្រទេសទាំងពីរ កម្ពុជា-កូរ៉េ មានការរីកចម្រើនកាន់តែស៊ីជម្រៅ និងរីកធំធាត់។ ចំណងទំនាក់ទំនងនេះ កាន់តែស៊ីជម្រៅថែមមួយកម្រិតទៀត និងបានជះពន្លឺដ៏ត្រចះត្រចង់សម្រាប់ កិច្ចសហប្រតិបត្តិការទ្វេរភាគី រហូតមកដល់បច្ចុប្បន្ន គឺនៅពេលដែលលោក Ly Myung-Bak បានក្លាយទៅជាប្រធានាធិបតី នៃសាធារណរដ្ឋកូរ៉េ នៅឆ្នាំ២០០៨។

ប្រការនេះបានបង្កឱ្យមានទំនាក់ ទំនងកាន់តែល្អ និងបានប្រែក្លាយប្រទេសទាំងពីរ ឱ្យទៅជាដៃគូពិភាក្សាជិតស្និទ្ធ ទាំងកិច្ចសហប្រតិ- បត្តិការលើផ្នែកសង្គម ផ្នែកនយោបាយ និងផ្នែកសេដ្ឋកិច្ច ដែលត្រូវបានមើលឃើញ ជាលក្ខណៈទ្វេរភាគី និងជាលក្ខណៈកញ្ចប់ ដែលស្ថិតនៅក្រោមក្របខណ្ឌ ASEAN ដូចជាក្នុងកិច្ចប្រជុំអាស៊ាន បូកបី (ASEAN + 3) កិច្ចប្រជុំវេទិកាតំបន់អាស៊ាន (ASEAN Regional Forum) កិច្ចប្រជុំអាស៊ាន-កូរ៉េ ។ល។

វត្តមានក្រុមហ៊ុនកូរ៉េនៅកម្ពុជា

ជាមួយនឹងទំនាក់ទំនងកាទូតកាន់តែប្រសើរ ត្រូវបានពង្រឹង និងពង្រីកជាប់ជាប្រចាំ ក្រុមហ៊ុនកូរ៉េកាន់តែច្រើនបានសម្រេចបណ្តាក់ទុនវិនិយោគនៅកម្ពុជា។

យោងតាមទិន្នន័យពីអគ្គនាយកពន្ធដាបានឲ្យដឹងថា ក្រុមហ៊ុនកូរ៉េ ដែលបាននិងកំពុងបោះទុនវិនយោគ នៅកម្ពុជាបានកើនឡើងដល់ជាង១៦០០ក្រុមហ៊ុន ជាមួយទំហំទុនវិនិយោគជាង៥០០០លានដុល្លារអាមេរិក។

បច្ចុប្បន្នក្រុមហ៊ុនកូរ៉េ កំពុងវិនិយោគលើគំរោងធំៗ ជាច្រើននៅកម្ពុជា ដូចជា ក្រុមហ៊ុន YUNWOO ដែលកំពុងវិនិយោគ សាងសង់អាគារ Gold Tower 42, Booyoung Town, De Castle Condo, CAMKO CITY និងគំរោងជាច្រើនទៀត ហើយកាលពីមួយទសវត្សរ៍មុន កូរ៉េជាប្រទេសនាំមុខគេ ក្នុងការវិនិយោគ លើវិស័យសំណង់ និងអចលនទ្រព្យនៅកម្ពុជា។

តារារះថ្មីលើទំនាក់ទំនងចាស់

ជាតារាមួយដួង ក្នុងបរិបទនយោបាយកម្ពុជា សម្តេចមហាបវរធិបតីហ៊ុន ម៉ាណែតបានបំពេញទស្សនកិច្ចនៅសាធារណៈរដ្ឋកូរ៉េ ក្នុងរយៈពេលវែងមួយ ដែលបានចាប់ផ្តើមពីថ្ងៃទី១៥ ដល់១៨ ឧសភា។ ដំណើរទស្សនកិច្ចរយៈពេលវែងជាប្រវត្តិសាស្រ្តនេះ ត្រូវបានគេមើលឃើញក្នុងទិដ្ឋភាពសំខាន់ៗចំនួន៥ ដូចជា ទី១ ពង្រឹង ពង្រីកមិត្តភាព និងកិច្ចសហប្រតិបត្តិការរវាងប្រទេសទាំងពីរ ជាក់ស្តែងមេដឹកនាំទាំងពីរបានដំឡើងកម្រិតទំនាក់ទំនង មកជា “ភាពជាដៃគូយុទ្ឋសាស្រ្ត” ទី២ ការបង្កើននូវឧត្តមភាពសេដ្ឋកិច្ច តាមរយៈការពង្រីកទំហំពាណិជ្ជកម្ម និងការវិនិយោគ ទី៣ ការជម្រុញបង្កើនចំនួនពលករកម្ពុជាទៅធ្វើការនៅប្រទេសកូរ៉េកាន់តែច្រើន ដែលពួកគេនឹងនាំចំណូលរាប់ពាន់លានដុល្លារមកក្នុងសេដ្ឋកិច្ចរបស់ប្រទេស។

ទី៤ យុទ្ឋសាស្រ្តគោះទ្វារវិនិយោគិន ត្រូវបានផ្សារភ្ជាប់ជាមួយដំណើរទស្សនកិច្ចនេះ ដែលជាក់ស្តែងមេដឹកនាំក្រុមហ៊ុនកូរ៉េធំៗប្រមាណ៣០ ត្រូវបានអនុញ្ញាត្តឲ្យចូលជួបសម្តេចធិបតីហ៊ុន ម៉ាណែត ដើម្បីពិភាក្សា និងសិក្សាពីឱកាសវិនិយោគនៅកម្ពុជា និងទី៥ ការបង្ហាញពីកាលានុវត្តន៍ភាព និងបើកបង្ហាញជាចំហពីបរិយាកាសអំណោយផល នៃការវិនិយោគនៅកម្ពុជា តាមរយៈការរៀបចំវេទិកាធុរកិច្ចកម្ពុជា កូរ៉េ។

ក្នុងជំនួបជាមួយលោកYoon Suk Yeol ក្នុងដំណើរទស្សនកិច្ចជាប្រវត្តិសាស្រ្តរបស់សម្តេចមហាបវរធិបតីហ៊ុន ម៉ាណែតទៅកាន់សាធារណៈរដ្ឋកូរ៉េ ប្រធានាធិបតីកូរ៉េ បានសម្តែងនូវកិច្ចស្វាគមន៍ចំពោះការអញ្ជើញបំពេញទស្សនកិច្ចផ្លូវការជាលើកទី១ ក្នុងនាមជានាយករដ្ឋមន្ត្រីរបស់សម្តេចធិបតី និងគណៈប្រតិភូជាន់ខ្ពស់កម្ពុជា នៅសាធារណរដ្ឋកូរ៉េ។

ប្រធានាធិបតីកូរ៉េបានបញ្ជាក់ប្រាប់សម្តេចធិបតីថា “ដំណើរទស្សនកិច្ចផ្លូវការរបស់សម្តេចធិបតី នាឱកាសនេះ ទំនាក់ទំនង និងកិច្ចសហប្រតិបត្តិការ សាធារណរដ្ឋកូរ៉េ- ព្រះរាជាណាចក្រកម្ពុជា នឹងកាន់តែរីកចម្រើន និងរ៉ឹងមាំបន្ថែមទៀត”។

ថ្នាក់ដឹកនាំទាំងពីរបានពិភាក្សា លើកិច្ចសហប្រតិបត្តិការទ្វេភាគី ដោយគ្របដណ្តប់លើវិស័យសំខាន់ៗរួមមាន៖ វិស័យនយោបាយ សេដ្ឋកិច្ចនិងពាណិជ្ជកម្ម អភិវឌ្ឍន៍ហេដ្ឋារចនាសម្ព័ន្ធ ការពារជាតិ និងសន្តិសុខ និងវិស័យផ្សេងៗទៀត។ ជាលទ្ធផល ថ្នាក់ដឹកនាំទាំងពីរ បានឯកភាពគ្នាលើការពង្រឹង និងពង្រីកកិច្ចសហប្រតិបត្តិការល្អដែលមានស្រាប់ និងដំឡើងកម្រិតទំនាក់ទំនងទៅជា “ភាពជាដៃគូយុទ្ធសាស្រ្ត” ដើម្បីជំរុញកិច្ចសហប្រតិបតិ្តការឱ្យកាន់តែជិតស្និទ្ធ និងប្រកបដោយវិបុលភាព។

គំនិតផ្តួចផ្តើមថ្មី

ក្នុងចេតនា និងសុទិដ្ឋិនិយម លើទំនាក់ទំនងនៃប្រទេសទាំងពីរ ដែលកំពុងឆ្ពោះទៅកាន់វិបុលភាព ថ្នាក់ដឹកនាំទាំងពីរ ក៏បានរំលេចឡើងអំពីគំនិតផ្តួចផ្តើមចំនួនពីរ រួមមាន(១) ការបង្កើតយន្តការពិគ្រោះយោបល់ទៀងទាត់ (Regular Consultation Sessions) រវាងសមាគមធុរកិច្ចកូរ៉េនៅកម្ពុជា និងរាជរដ្ឋាភិបាលកម្ពុជា និង (២) ការបង្កើតតំបន់សេដ្ឋកិច្ចពិសេស សម្រាប់តែក្រុមហ៊ុនវិនិយោគកូរ៉េ តាមរយៈនៃការបង្កើតបរិស្ថានធុរកិច្ច អំណោយផលដោយឡែកសម្រាប់ការវិនិយោគរបស់ក្រុមហ៊ុនកូរ៉េ ដែលធ្វើអាជីវកម្មរបស់ខ្លួននៅកម្ពុជា ដូចនៅក្នុងប្រទេសកូរ៉េ។

ចំពោះវិស័យសេដ្ឋកិច្ច និងពាណិជ្ជកម្ម ថ្នាក់ដឹកនាំទាំងពីរបានឯកភាពគ្នាលើការខិតខំ ជំរុញពាណិជ្ជកម្មនិងវិនិយោគ ឱ្យកាន់តែល្អប្រសើរ តាមរយៈកិច្ចព្រមព្រៀងពាណិជ្ជកម្មសេរី ដូចជា កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ (Cambodia-Korea FTA) និងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP)។

ថ្នាក់ដឹកនាំទាំងពីរបានបន្តពិភាក្សាគ្នា លើបញ្ហាក្នុងតំបន់ និងអន្តរជាតិ ដែលក្នុងនោះ សម្តេចធិបតី បានវាយតម្លៃខ្ពស់ចំពោះកិច្ចសហការរបស់កូរ៉េ ដែលបានចូលរួមជួយចំណែក នៅក្នុងក្របខ័ណ្ឌមេគង្គ និងការបង្កើតភាពជាដៃគូគ្រប់ជ្រុងជ្រោយ អាស៊ាន-កូរ៉េ (ASEAN-Korea Comprehensive Strategic Partnership) ជាដើម។

ទំហំទុនវិនិយោគរបស់កូរ៉េនៅកម្ពុជា

ក្នុងវិស័យសំណង់ និងអចលនទ្រព្យ ក្រុមហ៊ុនកូរ៉េបានឈរចំណាត់ថ្នាក់ទី១ ស្ទើរមួយទសវត្សរ៍ ដោយក្រុមហ៊ុនកូរ៉េដំបូងគេបានសាងសង់ខុនដូនៅទីក្រុងភ្នំពេញ The De Castle នៅក្នុងខ័ណ្ឌទួលគោក ក្រុមហ៊ុនKAMCO City ជាក្រុមហ៊ុនដំបូង ដែលបានប្រកាសសាងសង់ “ទីក្រុងរណប”ដំបូងគេនៅរាជធានីភ្នំពេញ។ ក្រុមហ៊ុនYUNWOO បានប្រកាសសាងសង់អាគារពាណិជ្ជកម្មខ្ពស់ជាងគេ និងដំបូងគេនៅរាជធានីភ្នំពេញ គឺGold Tower42 ប៉ុន្តែគួរឲ្យសោកស្តាយគំរោងនេះ បានជាប់គាំងរហូតមកទល់ពេលនេះ។

បើគិតត្រឹមខែកុម្ភៈ ឆ្នាំ២០២២ កម្ពុជាទទួលបានគម្រោងវិនិយោគ ពីប្រទេសកូរ៉េចំនួន២១៩គម្រោង គិតជាទឹកប្រាក់វិនិយៅកមានចំនួនសរុបជាង៥ពាន់លានដុល្លារអាមេរិក ប៉ុន្តែចំនួននេះបានកើនឡើងកាន់តែច្រើន គិតរហូតមកដល់ឆ្នាំ២០២៤នេះ ដោយវត្តមានក្រុមហ៊ុនហិរញ្ញវត្ថុកូរ៉េធំៗជាច្រើន បានបង្ហាញវត្តិមាននៅកម្ពុជា ដូចជា KB Bank, Woori Bank, Shinhan Bank, PPCB Bankជាដើម។

ការពង្រឹង និងពង្រីកទំនាក់ទំនង ដំឡើងកម្រិតទំនាក់ទំនងមកជា “ភាពជាដៃគូយុទ្ឋសាស្រ្ត” ជាផ្លែផ្កានៃទំនាក់ទំនងកាទូតដែលបានក្រាលព្រំមាសដោយសម្តេចតេជោហ៊ុន សែនអតីតនាយករដ្ឋមន្រ្តីនៃកម្ពុជា និងបន្តកសាងពូនជ្រុំដោយសម្តេចមហាបវរធិបតី ដែលជាថ្នាក់ដឹកនាំកម្ពុជា ក្នុងយុគសម័យថ្មី ជាមួយទស្សនទានថ្មី ក្នុងការនាំនាវាកម្ពុជាលយលឿនទៅមុខបន្ថែមទៀត៕

រយៈពេល៤ថ្ងៃនៃដំណើរទស្សនកិច្ចនៅកូរ៉េសម្តេចធិបតីបានជួបថ្នាក់ដឹកនាំក្រុមហ៊ុនកូរ៉េជាង៣០

ដោយៈ គង់ សូរិយា

កូរ៉េខាងត្បូងៈ ក្នុងឱកាសបំពេញទស្សនកិច្ច នៅសាធារណៈរដ្ឋកូរ៉េ ក្រៅពីពង្រឹងពង្រីកកិច្ចសហប្រតិបត្តិការជាមួយមេដឹកនាំកូរ៉េ សម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា បានជួបពិភាក្សានិងបង្ហាញពីសក្តានុពលវិនិយោគ ជាមួយថ្នាក់ដឹកនាំក្រុមហ៊ុនធំៗជាង៣០។

អ្វីកាន់តែពិសេសនៃដំណើរទស្សនកិច្ច របស់ប្រមុខរដ្ឋរយៈពេល៤ថ្ងៃ ដែលបានចាប់ផ្តើមពីថ្ងៃទី១៥ ដល់១៨ ឧសភា ឆ្នាំ២០២៤នេះ សម្តេចធិបតី និងប្រធានាធិបតីកូរ៉េលោកយ៉ូន សុខយ៉ុលបានសម្រេចដំឡើងកម្រិត ទំនាក់ទំនងប្រទេសទាំងពីរ ឈានដល់កម្រិតភាព “ជាដៃគូយុទ្ឋសាស្រ្ត”។

ក្នុងឱកាសបំពេញទស្សនកិច្ចនេះ សម្តេចធិបតីហ៊ុន ម៉ាណែតក៏បានអញ្ជើញជាអធិតបីក្នុងវេទិកាធុរកិច្ចកម្ពុជា កូរ៉េ និងបានជួបជាមួយនិស្សិតដែលកំពុងសិក្សា និងអ្នកធ្វើការនៅប្រទេសកូរ៉េផងដែរ៕

China goes on a $1 trln apartment-buying spree

China’s national team is going house hunting. State-owned enterprises and local governments are answering Beijing’s call to purchase the country’s vast swathe of unsold apartments. That should help put a floor on plunging property prices.

Local authorities in Hangzhou, home to corporate titans Alibaba (9988.HK), opens new tab and Geely Automobile (0175.HK), opens new tab, kicked off the bold initiative by announcing they will buy up to 100,000 square feet of apartments in Linan district at market prices and rent them out at affordable rates. Other regions are set to follow: the ruling Politburo in April called for a nationwide effort to reduce housing inventory.

China’s cabinet, the State Council, is also considering a proposal that would see local governments and state-owned enterprises buying unsold homes from distressed developers using loans from state lenders, Bloomberg reported, opens new tab on Wednesday, citing sources.

It’s an ambitious undertaking that represents a shift from earlier piecemeal efforts to prop up housing prices. Those included targeted financial support to a “whitelist” of property projects.

As of the end of last year, China had a combined floor area of unsold homes of up to 3.6 billion square feet, per official data. Analysts at Tianfeng Securities estimate it will cost 7 trillion yuan, or nearly $1 trillion, to buy the entire stock.

Notable beneficiaries include the cash-strapped Country Garden (2007.HK), opens new tab, the country’s largest private developer which is facing a liquidation petition from creditors on Friday, as well as Agile Group, which earlier this week defaulted on its U.S. dollar bond. Hong Kong’s Hang Seng Mainland Properties Index rallied nearly 6% on Thursday.

The risk is that local governments are already sitting on 110 trillion yuan of debt, estimates the IMF.

SOEs like China Resources Land (1109.HK), opens new tab are also grappling with a slowing economy and will be pushed to take on less profitable public housing projects, straining balance sheets even more. The central government, for its part, is set to issue 1 trillion yuan worth of long-term sovereign bonds. That may not be enough. Rebuilding confidence in the property market will come at a huge cost.

Source: reuters

សម្តេចធិបតីអបអរសាទរកីឡាករធឿន ធារ៉ាត្រូវបានទស្សនាវដ្តីForbesចាត់បញ្ចូលក្នុងចំណោមជនមានឥទ្ឋិពលបំផុតទាំង៣០រូបនៅអាស៊ី

ដោយៈ គង់ សូរិយា

ភ្នំពេញៈ សម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជាបានផ្ញើរសារអបអរសាទរកីឡាករធឿន ធារ៉ាដែលត្រូវបានទស្សនាវដ្តីForbes ចាត់បញ្ចូលក្នុងចំណោមបុគ្គល មានឥទ្ឋិពលបំផុតទាំង៣០រូបនៅអាស៊ី។

សម្តេចបានសរសរលើបណ្តាញទំនាក់ទំនងសង្គមថា អបអរសាទរកីឡាករគុនខ្មែរ ធឿន ធារ៉ា ត្រូវបានទស្សនាវដ្តី Forbes ចាត់បញ្ចូលក្នុង 30 Under 30 Asia Class of 2024. ដែលរួមមានបណ្តាសហគ្រិនជោគជ័យ អ្នកដែលមានឥទ្ធិពល និងអ្នកនាំឲ្យមានវឌ្ឍនភាពក្នុងអាជីពរបស់ខ្លួនឡើង ដល់ចំនុចកំពូល។ Forbes គឺជាទស្សនាវដ្តីល្បីល្បាញបំផុត ក្នុងការចាត់ចំណាត់ថ្នាក់អ្នកមានមហាសេដ្ឋី នានាលើពិភពលោក។

កីឡាករធឿន ធារ៉ាបានចាប់ផ្តើមហាត់ប្រដាល់ តាំងពីអាយុ១០ឆ្នាំ ដោយលោកមានស្រុកកំណើតនៅខេត្តព្រៃវែង ប្រទេសកម្ពុជា។កីឡាករូបនេះ មានប្រវត្តិវាយជាង១០០ដង និងបានឈ្នះ កីឡាករល្បីៗជាច្រើននៅទូទាំងពិភពលោក៕

នាយករដ្ឋមន្ត្រីថៃ ស្នើ ឲ្យ លោកប្រធានាធិបតីបារាំង Macron បង្កើត ក្រុម WhatsApp ៣ត្រីភាគីជាមួយ សម្តេចធិបតី

ដោយ: គង់ លាងហួរ
បាងកក: នាយករដ្ឋមន្ត្រីថៃ លោក សេដ្ឋា ថាវីស៊ីន បានស្នើឲ្យលោកប្រធានាធិបតីបារាំង Emmanuel Macron បង្កើតក្រុមពិភាក្សាតាមកម្មវិធី WhatsApp ជាមួយលោក និងសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដើម្បីឱ្យថ្នាក់ដឹកនាំទាំង៣រូបអាចពិភាក្សាលើបញ្ហាអន្តរជាតិបានយ៉ាងងាយស្រួល និងកាន់តែលឿនជាងមុន។

លោកសេដ្ឋា ថាវីសុីន បានស្នើបែបនេះក្នុងអំឡុងដំណើរទស្សនកិច្ចរបស់លោកទៅកាន់ទីក្រុងប៉ារីស ប្រទេសបារាំង ដើម្បីចូលរួមវេទិកាធុរកិច្ចថៃ-បារាំង ក៏ដូចជាជួបជាមួយលោក Macron។

នាយករដ្ឋមន្ត្រីថៃរូបនេះបានថ្លែងប្រាប់អ្នកយកព័ត៌មានកាលពីថ្ងៃព្រហស្បតិ៍ម្សិលមិញនេះថា បន្ទាប់ពីចូលរួមកិច្ចប្រជុំដែលមានរយៈពេលជិត៤ម៉ោងជាមួយលោក Macron បាននាំឱ្យភាគីទាំងពីរយល់ព្រមសហការគ្នាលើវិស័យផ្សេងៗជាច្រើន។

លោក សេដ្ឋា បន្ថែមថា ក្នុងជំនួបនោះ លោកបានចែករំលែកព័ត៌មានទំនាក់ទំនងរបស់លោកជាមួយលោក Macron តាមរយៈកម្មវិធី WhatsApp។ នៅពេលនោះ លោក Macron បានមានប្រសាសន៍ថា លោកមានទំនាក់ទំនងជិតស្និទ្ធជាមួយសម្តេចធិបតី ហ៊ុន ម៉ាណែត។ដូច្នេះ លោក សេដ្ឋា ក៏បានស្នើឱ្យថ្នាក់ដឹកទាំង៣រូបបង្កើតក្រុម WhatsApp ដើម្បីពិភាក្សាអំពីបញ្ហាផ្សេងៗទាក់ទងនឹងប្រទេសបារាំង និងតំបន់អាស៊ាន។

ជាមួយគ្នានោះ លោក Macron បានសម្តែងការអាណិតអាសូរចំពោះចំណាប់ខ្មាំងថៃ ដែលត្រូវបានឃុំខ្លួននៅតំបន់ហ្គាហ្សា ដោយលោកបានប្តេជ្ញាខិតខំប្រឹងប្រែងឱ្យអស់ពីសមត្ថភាព ដើម្បីចរចាបទឈប់បាញ់បណ្តោះអាសន្ន ក្នុងអំឡុងព្រឹត្តិការណ៍កីឡាអូឡាំពិកនៅទីក្រុងប៉ារីស ឆ្នាំ២០២៤ ដែលនឹងប្រព្រឹត្តទៅចាប់ពីថ្ងៃទី២៦ ខែកក្កដាដល់ថ្ងៃទី១១ខែសីហាខាងមុខ។

ជុំវិញបញ្ហាអាស៊ាន លោក សេដ្ឋា បានថ្លែងប្រាប់ Macron ថា “លោកបានប្រគល់ភារកិច្ចឱ្យរដ្ឋមន្ត្រីការបរទេសថៃ ក្នុងការសម្របសម្រួលកិច្ចចរចាសន្តិភាពរវាងរបបយោធាមីយ៉ាន់ម៉ា និងក្រុមជនជាតិភាគតិច ខណៈដែលថ្នាក់ដឹកនាំបារាំងបានឆ្លើយតបបញ្ជាក់ពីការត្រៀមខ្លួនជាស្រេចដើម្បីគាំទ្រកិច្ចខិតខំប្រឹងប្រែងនេះ និងផ្តល់ជំនួយចាំបាច់។

លើសពីនេះ លោក Macron ក៏បានអះអាងផងដែរថា ប្រទេសបារាំងនឹងបន្តគាំទ្រប្រទេសថៃក្នុងការជំរុញឱ្យសហភាពអឺរ៉ុបលើកលែងទិដ្ឋាការ Schengen សម្រាប់អ្នកធ្វើដំណើរថៃ។ លោកជឿជាក់ថា ការពិភាក្សាលើបញ្ហានេះអាចនឹងចាប់ផ្តើមនៅក្នុងខែសីហាខាងមុខ នៅពេលដែលការបោះឆ្នោតសភាអឺរ៉ុបត្រូវបានបញ្ចប់នៅក្នុងខែមិថុនា។

ជាពិសេស លោកប្រធានាធិបតី បារាំង Emmanuel Macron ក៏បាន អញ្ជើញ ភាគីថៃ ឱ្យ ចូលរួម ក្នុង សន្និសីទ ស្តីពី បញ្ញា សិប្បនិម្មិត (AI) ដែល បារាំង គ្រោងនឹង ធ្វើជា ម្ចាស់ផ្ទះ ក្នុង ឆ្នាំ ២០២៥ខាងមុខ៕ប្រភព: The Nation៕

សេដ្ឋកិច្ចរបស់ប្រទេសជប៉ុនធ្លាក់ចុះដល់បាតនៅក្នុងត្រីមាសទី១

ដោយ: គង់ លាងហួរ

តូក្យូ: សេដ្ឋកិច្ចរបស់ប្រទេសជប៉ុន បានធ្លាក់ចុះក្នុងត្រីមាសទី១ ដោយសារការប្រើប្រាស់ និងតម្រូវការខាងក្រៅថយចុះ ហើយនេះជាបញ្ហាប្រឈមថ្មី សម្រាប់ធនាគារកណ្តាលជប៉ុន ដែលគ្រោងដំឡើងអត្រាការប្រាក់បន្ថែម។

យោងតាមទិន្នន័យដែលចេញផ្សាយ ដោយរដ្ឋាភិបាលជប៉ុននៅថ្ងៃព្រហស្បតិ៍ ទី១៦ ខែឧសភានេះ បង្ហាញថា សេដ្ឋកិច្ចរបស់ប្រទេសជប៉ុន បានធ្លាក់ចុះក្នុងអត្រាប្រចាំឆ្នាំ២% ក្នុងអំឡុងខែមករា ដល់ខែមីនា បើធៀបនឹងការព្យាករណ៍ថា នឹងធ្លាក់ចុះត្រឹមតែ១,៥ភាគរយ ប៉ុន្តែប្រសិនបើគិតមូលដ្ឋានប្រចាំត្រីមាស សេដ្ឋកិច្ចជប៉ុនបានធ្លាក់ចុះ០,៥%នៅត្រីមាសទី១។

ការប្រើប្រាស់ឯកជន ដែលគ្របដណ្តប់ជាងពាក់កណ្តាលនៃសេដ្ឋកិច្ចរបស់ជប៉ុនបានធ្លាក់ចុះ០,៧% បើធៀបនឹងការព្យាករណ៍ថា នឹងធ្លាក់ចុះ០,២%។ គិតត្រឹមត្រីមាសទី១ ឆ្នាំនេះ ការប្រើប្រាស់បានធ្លាក់ចុះ អស់រយៈពេល៤ត្រីមាសជាប់ៗគ្នាមកហើយ ដែលនេះជាការធ្លាក់ចុះក្នុងរយៈពេលវែងបំផុត មិនធ្លាប់មានចាប់តាំងពីឆ្នាំ២០០៩។

ចំណែកការចំណាយមូលធន ដែលជាកត្តាជំរុញដ៏សំខាន់នៃតម្រូវការឯកជនបានធ្លាក់ចុះ០,៨% នៅក្នុងត្រីមាសទីមួយ បើធៀបនឹងការរំពឹងទុកថា នឹងធ្លាក់ចុះ០,៧% បើទោះបីជាប្រាក់ចំណូលសាជីវកម្ម បានកើនឡើងយ៉ាងគំហុកយ៉ាងណាក្តី។

យ៉ាងណាមិញ លោក Yoshimasa Maruyama ប្រធានសេដ្ឋវិទូទីផ្សារនៅក្រុមហ៊ុន SMBC Nikko Securities បានលើកឡើងថា “សេដ្ឋកិច្ចរបស់ប្រទេសជប៉ុន បានធ្លាក់ចុះដល់បាតនៅក្នុងត្រីមាសទី១។ ដូច្នេះសេដ្ឋកិច្ចនឹងស្ទុះងើបឡើងវិញ ក្នុងត្រីមាសទី២ ដោយសារការដំឡើងប្រាក់ឈ្នួល ទោះបីជាការប្រើប្រាស់សេវាកម្ម បន្តស្ថិតក្នុងសភាពមិនច្បាស់លាស់យ៉ាងណាក្តី”។

ទន្ទឹមនឹងនេះ ក្រុមអ្នកបង្កើតគោលនយោបាយជប៉ុន កំពុងពឹងផ្អែកលើការដំឡើងប្រាក់ឈ្នួល និងការកាត់បន្ថយពន្ធលើប្រាក់ចំណូល ចាប់ពីខែមិថុនាខាងមុខ ដើម្បីជួយជំរុញការប្រើប្រាស់របស់ប្រជាជន។

ទោះជាយ៉ាងនេះក្តី ការដាំក្បាលចុះយ៉ាងគំហុកនៃតម្លៃប្រាក់យ៉េនដល់កម្រិតទាបបំផុត មិនធ្លាប់មានចាប់តាំងពីឆ្នាំ១៩៩០ បានជំរុញឱ្យមានការព្រួយបារម្ភ អំពីថ្លៃចំណាយលើការរស់នៅ ដែលកើនឡើងកាន់តែខ្ពស់ និងបង្ខំឱ្យប្រជាជនជប៉ុនកាត់បន្ថយការប្រើប្រាស់៕ប្រភព: Reuters៕

រដ្ឋបាលក្នុងតំបន់នៅប្រទេសចិន ត្រូវការទុនជិត១ទ្រីលានដុល្លារ ដើម្បីទិញផ្ទះជាប់គាំងលក់មិនចេញឱ្យអស់ពីស្តុក

ដោយ: គង់ លាងហួរ
ប៉េកាំង: នៅថ្ងៃសុក្រ ទី១៧ ខែឧសភានេះ ប្រទេសចិនបានប្រកាសផែនការរបស់រដ្ឋបាលក្នុងតំបន់ ក្នុងការទិញអាផាតមុិនមួយចំនួន និងប្តេជ្ញាខិតខំបញ្ចប់ការសាងសង់ផ្ទះដែលមិនទាន់រួចរាល់ ដើម្បីប្រគល់ដល់អតិថិជនដែលបានបង់ប្រាក់រួច។

ជាក់ស្តែង អាជ្ញាធរក្នុងតំបន់នៅទីក្រុង Hangzhou បានប្រកាសថា ពួកគេនឹងទិញផ្ទះអាផាតមុិនចំនួន១០០.០០០ហ្វីតការ៉េដែលជាប់គាំងលក់មិនចេញ នៅក្នុងសង្កាត់Linan ក្នុងតម្លៃទីផ្សារ និងជួលត្រឡប់ទៅវិញក្នុងតម្លៃសមរម្យ។

ចំណែកឯ តំបន់មូលដ្ឋានផ្សេងទៀតត្រូវបានគេរំពឹងថា នឹងអនុវត្តន៍តាមចំណាត់ការនេះ បន្ទាប់ពីការិយាល័យនយោបាយនៃប្រទេសចិន បានអំពាវនាវឱ្យមានកិច្ចខិតខំប្រឹងប្រែងទូទាំងប្រទេសដើម្បីកាត់បន្ថយចំនួនលំនៅដ្ឋានដែលនៅសេសសល់លក់មិនចេញ។ជាមួយគ្នានេះ ក្រុមប្រឹក្សារដ្ឋចិនក៏កំពុងពិចារណាទៅលើសំណើមួយ ដែលអនុញ្ញាតឱ្យរដ្ឋបាលក្នុងតំបន់ និងសហគ្រាសរដ្ឋ អាចប្រើប្រាស់ប្រាក់កម្ចីពីធនាគាររដ្ឋ ដើម្បីប្រមូលទិញផ្ទះដែលមិនទាន់លក់ចេញពីអ្នកអភិវឌ្ឍន៍ដែលកំពុងជួបវិបត្តិ។

យោងតាមទិន្នន័យផ្លូវការពីក្រសួងលំនៅដ្ឋាន និងអភិវឌ្ឍន៍ទីក្រុង-ជនបទបង្ហាញថា គិតត្រឹមចុងឆ្នាំ២០២៣ ចំនួនផ្ទះដែលជាប់គាំងលក់មិនចេញនៅក្នុងប្រទេសចិន មានផ្ទៃក្រឡាសរុបប្រមាណ៣,៦ពាន់លានហ្វីតការ៉េ ខណៈក្រុមអ្នកវិភាគនៅក្រុមហ៊ុន Tianfeng Securities ប៉ាន់ប្រមាណថា រដ្ឋាភិបាលនឹងត្រូវការទុនវិនិយោគចំនួន៧ទ្រីលានយ័ន ឬស្មើជិត១ទ្រីលានដុល្លារ ដើម្បីប្រមូលទិញផ្ទះទាំងនោះឱ្យអស់ពីស្តុក។

អ្នកអភិវឌ្ឍន៍ ដែលទទួលផលគួរឱ្យកត់សម្គាល់ពីចំណាត់ការទាំងនេះ រួមមានដូចជា ក្រុមហ៊ុន Country Garden ដែលកំពុងប្រឈមមុខនឹងម្ចាស់បំណុល ដែលទាមទារឱ្យរំលាយក្រុមហ៊ុននេះចោល ក៏ដូចជាក្រុមហ៊ុន Agile Group ដែលបានខកខានទូទាត់សងមូលបត្របំណុលជាប្រាក់ដុល្លារកាលពីដើមសប្តាហ៍នេះ។

លោកឧបនាយករដ្ឋមន្ត្រីចិន He Lifeng បានថ្លែងប្រាប់កិច្ចប្រជុំតាមអ៊ីនធឺណិតជាមួយអាជ្ញាធរផ្សេងទៀតថា រដ្ឋបាលក្នុងតំបន់អាចទិញផ្ទះក្នុងតម្លៃសមហេតុផល ហើយផ្ទះទាំងនោះនឹងត្រូវបានប្រែក្លាយជាលំនៅដ្ឋានដែលមានតម្លៃសមរម្យ។

លោក He Lifeng ក៏បានបញ្ជាក់ផងដែរថា រដ្ឋបាលក្នុងតំបន់ ដែលបច្ចុប្បន្ន កំពុងជាប់ផុងក្នុងបំណុលប្រហែល៩ទ្រីលានដុល្លារ អាចទិញដី ដែលបានលក់ទៅឱ្យអ្នកអភិវឌ្ឍន៍ត្រឡប់មកវិញ ហើយអាជ្ញាធរនឹងខិតខំតស៊ូដើម្បីបញ្ចប់គម្រោងដែលជាប់គាំង។

ដោយឡែក ធនាគារកណ្តាលនៃប្រទេសចិន(PBOC)បានប្រកាសថា ខ្លួននឹងកាត់បន្ថយអត្រាការប្រាក់លើកម្ចីទិញផ្ទះបន្ថែមទៀត និងបន្ធូរបន្ថយតម្រូវការទូទាត់បង់ប្រាក់កក់មុន៕ប្រភព: Reuters៕

Hong Kong is missing out on Asia-Pacific office property boom as supply glut puts off investors: Colliers

Hong Kong is missing out on an office investment boom in the Asia-Pacific region this year as a supply glut and high vacancy rates put investors off the segment, according to analysts.

In the first three months of the year, investment in office space in Hong Kong amounted to HK$242 million (US$31 million) in the form of two deals, according to Colliers.

The entire Asia-Pacific region received US$11.5 billion of investment in office property in the quarter, with Japan, South Korea, China, Taiwan and Australia taking the largest shares, the property consultancy said.

Japan saw 50 deals worth about US$4.4 billion, while South Korea saw 31 office properties change hands for US$2.75 billion. In mainland China, investment came to US$1.8 billion via 23 deals, while Taiwan recorded US$800 million of transactions followed by Australia’s US$497 million, according to the data compiled by Colliers.

“I don’t think the office sector in Hong Kong will pick up very quickly [as there is a] high vacancy rate and there will also be more supply coming up in the next few years,” said Thomas Chak, co-head of capital markets and investment services at Colliers Hong Kong, during a webinar discussing the state of investment in the region’s property market.

Vacancy estimates vary considerably among property agencies but all point to an office real estate segment that is doing poorly.

For example, Colliers said the vacancy rate in Hong Kong’s prime office space hit a record of 15.1 per cent towards the end of August last year. Knight Frank, meanwhile, said it peaked at 12.2 per cent in March this year. Source: scmp

មន្ត្រីជាន់ខ្ពស់: ប្រទេសថៃអាចនឹងផ្លាស់ប្តូររាជធានីរបស់ខ្លួនពី ចេញពីទីក្រុងបាងកក

ដោយ: គង់ លាងហួរ

អន្តរជាតិ: មន្ត្រីជាន់ខ្ពស់ថៃមួយរូបអះអាងថា ប្រទេសថៃប្រហែលជាត្រូវពិចារណា ផ្លាស់ប្តូរទីតាំងរាជធានីបាងកក របស់ខ្លួនដោយសារតែការកើនឡើង នៃកម្រិតទឹកសមុទ្រ និងការជន់លិចទីក្រុងនៅពេលរដូវវស្សាចូលមកដល់។ នេះបើយោងតាមកាសែតហុងកុង South China Morning Post។

ទីក្រុងបាងកក ដែលបានកសាងឡើងលើផ្ទៃដី ដែលធ្លាប់ជាដីភក់កម្ពស់ប្រហែល១ម៉ែត្រកន្លះ ពីកម្ពស់ទឹកសមុទ្រ ត្រូវគេរំពឹងថា នឹងក្លាយជាទីក្រុង ដែលរងការប៉ះពាល់ខ្លាំងបំផុតមួយ នៅលើពិភពលោក ដូចទៅនឹងទីក្រុងហ្សាការតា ប្រទេសឥណ្ឌូណេស៊ី និងទីក្រុងម៉ានីល ប្រទេសហ្វីលីពីន។

លោក Pavich Kesavawong អគ្គនាយករងនៃនាយកដ្ឋានបម្រែបម្រួលអាកាសធាតុ និងបរិស្ថាន ចំណុះឱ្យរដ្ឋាភិបាលថៃ បានព្រមានថា ទីក្រុងបាងកក ប្រហែលជាមិនអាចសម្របខ្លួន ជាមួយពិភពលោក ស្របពេលកំដៅបន្តហក់ឡើងដូចពេលបច្ចុប្បន្នបានទេ។

លោកបានឱ្យដឹងបន្តថា រដ្ឋបាលទីក្រុងបាងកកកំពុងរិះរកវិធានការនានា ដែលរួមមានទាំងការកសាង ជញ្ជាំងទប់ស្កាត់ទឹកជំនន់ ស្រដៀងទៅនឹងវិធីសាស្ត្រ ដែលត្រូវបានប្រើប្រាស់ នៅក្នុងប្រទេសហូឡង់។
ប៉ុន្តែ លោក Pavich បានបញ្ជាក់ថា “យើងក៏កំពុងគិតគូរអំពីការផ្លាស់ប្តូររាជធានីផងដែរ ដោយកត់សម្គាល់ថា ការពិភាក្សានៅតែមានសម្មតិកម្ម ហើយបញ្ហាគឺស្មុគស្មាញណាស់”។

លោកបានបញ្ជាក់ថា “ក្នុងមតិផ្ទាល់ខ្លួន ខ្ញុំគិតថា ការប្តូររាជធានីគឺជាជម្រើសល្អ។ ដូច្នេះយើងអាចបំបែករាជធានី តំបន់រដ្ឋាភិបាល និងតំបន់អាជីវកម្ម”។ លោកបន្ថែមថា “ទីក្រុងបាងកក នឹងនៅតែជារាជធានីរបស់រដ្ឋាភិបាល ប៉ុន្តែយើងត្រូវផ្លាស់ប្តូរតំបន់អាជីវកម្ម”។

ជាមួយគ្នានេះ ប្រទេសថៃកំពុងរងឥទ្ធិពល ពីការប្រែប្រួលអាកាសធាតុ នៅទូទាំងវិស័យមួយចំនួន រាប់ចាប់តាំងពីកសិករ ដែលជួបប្រទះនឹងកម្ដៅ និងគ្រោះរាំងស្ងួត រហូតដល់អាជីវកម្មទេសចរណ៍ ដែលរងផលប៉ះពាល់ ដោយសារការប្រែពណ៌ផ្កាថ្ម និងការបំពុលខ្យល់អាកាស។

យ៉ាងណាមិញ លោក Pavich បានទទួលស្គាល់ថា កិច្ចខិតខំប្រឹងប្រែងរបស់រដ្ឋាភិបាល ក្នុងការដោះស្រាយបញ្ហា នៃការបំពុលខ្យល់ ជាពិសេសនៅភាគខាងជើងនៃប្រទេសថៃ មិនទាន់ទទួលបានផ្លែផ្កានៅឡើយទេ៕ប្រភព: SCMP៕

រដ្ឋាភិបាលអូស្ត្រាលីបោះទុនបន្ថែម៦ពាន់លានដុល្លារដើម្បី ដោះស្រាយវិបត្តិលំនៅដ្ឋាន

ដោយ: គង់ លាងហួរ

អន្តរជាតិ: រដ្ឋាភិបាលអូស្ត្រាលី បានដាក់ចេញយុទ្ធសាស្ត្ររបស់ខ្លួន ដើម្បីដោះស្រាយទីផ្សារលំនៅដ្ឋាន ដែលកំពុងជួបវិបត្តិខ្វះខាតការផ្គត់ផ្គង់ រហូតនាំឱ្យតម្លៃផ្ទះនៅក្នុងប្រទេសមួយនេះ ហក់ឡើងខ្ពស់កប់ពពក។

ជាក់ស្តែង នៅត្រីមាសទី១ ឆ្នាំ២០២៤នេះ តម្លៃផ្ទះជាមធ្យមនៅក្នុងទីក្រុងស៊ីដនី បានកើនឡើងក្នុងអត្រាប្រចាំឆ្នាំ ចំនួន៩,៦ភាគរយ ដល់១.១៣៩.៣៧៥ដុល្លារក្នុងមួយយូនីត ខណៈតម្លៃផ្ទះនៅទីក្រុងម៊ែលប៊នបានកើនឡើង៣,២% ដល់៧៧៨.៨៩២ដុល្លារក្នុងមួយយូនីត។

ដើម្បីឆ្លើយតបនឹងបញ្ហានេះ អូស្តា្រលីបានបោះទុនបន្ថែមចំនួន៦,២ពាន់លានដុល្លារ សម្រាប់វិធានការថ្មី ក្នុងការជំរុញការផ្គត់ផ្គង់លំនៅដ្ឋាន តាមរយៈការវិនិយោគលើលំនៅដ្ឋានសង្គម ការកែលម្អហេដ្ឋារចនាសម្ព័ន្ធ និងការស្នាក់នៅរបស់សិស្ស។ទុនវិនិយោគថ្មីនេះ បានបូកបន្ថែមពីលើគម្រោង Homes for Australia ដែលទើបត្រូវបានបង្កើតថ្មី ដែលមានទំហំទឹកប្រាក់៣២ពាន់លានដុល្លារ។ គម្រោងនេះត្រូវបានបង្កើតឡើង ក្នុងគោលបំណងជំរុញការសាងសង់ផ្ទះថ្មី ចំនួន១,២លានយូនីត ក្នុងរយៈពេល៥ឆ្នាំខាងមុខ។

ហេរញ្ញិកអូស្ត្រាលី លោក Jim Chalmers បានថ្លែងសុន្ទរកថារបស់លោកទៅកាន់សភាថា “គោលដៅសំខាន់ចំនួន២នៃការអនុម័តថវិកាវិនិយោគនេះ គឺដើម្បីបន្ធូរបន្ថយថ្លៃដើមនៃការរស់នៅ និងការកសាងផ្ទះបន្ថែមទៀត សម្រាប់ប្រជាជនអូស្ត្រាលី”។

លោក Chalmers បានបន្តថា “ក្នុងរយៈពេល៥ឆ្នាំខាងមុខរាប់ចាប់ពីខែកក្កដា ឆ្នាំនេះ យើងមានគោលបំណងសាងសង់ផ្ទះចំនួន១,២លានយូនីត”។ លោកបន្ថែមថា “គោលដៅរបស់យើងគឺមានមហិច្ឆតា ប៉ុន្តែយើងនឹងអាចសម្រេចបាន ប្រសិនបើយើងទាំងអស់គ្នាធ្វើការជាមួយគ្នា”។

ចំណែក លោកស្រី Julie Collins រដ្ឋមន្ត្រីក្រសួងលំនៅដ្ឋានអូស្ត្រាលីបានលើកឡើងថា “ការបង្កើនការផ្គត់ផ្គង់ គឺជាដំណោះស្រាយដ៏ល្អបំផុត និងយូរអង្វែងបំផុត ចំពោះកង្វះលំនៅដ្ឋាននៅក្នុងប្រទេសអូស្ត្រាលី”៕ប្រភព:news.com.au៕

1...526527528...3,243 Page 527 of 3,243