ឥណ្ឌាសម្លឹងឃើញចំណែកទីផ្សាររបស់សហរដ្ឋអាមេរិកក្នុងការនាំចេញបន្ទះស្រូបពន្លឺព្រះអាទិត្យ

ដោយ: គង់ លាងហួរ
អន្តរជាតិ: បណ្តាក្រុមហ៊ុនឥណ្ឌាកំពុងងាកទៅបំពេញចន្លោះប្រហោងមួយចំនួន បន្ទាប់ពីសហរដ្ឋអាមេរិកបានសម្រេចដំឡើងពន្ធលើការនាំចូលទំនិញពីប្រទេសចិន ដោយទីក្រុងវ៉ាស៊ីនតោនបានបង្កើនការបង្ក្រាបលើក្រុមហ៊ុនផលិតបន្ទះសូឡាដែលមានទំនាក់ទំនងជាមួយទីក្រុងប៉េកាំង។

លោក Sumant Sinha ប្រធានប្រតិបត្តិក្រុមហ៊ុន ReNew ដែលជាក្រុមហ៊ុនមួយក្នុងចំណោមក្រុមហ៊ុនផលិតថាមពលកកើតឡើងវិញដ៏ធំបំផុតរបស់ឥណ្ឌា បានថ្លែងប្រាប់កាសែត Financial Times ថា ថាមពលពន្លឺព្រះអាទិត្យពីប្រទេសឥណ្ឌានឹងស្រូបទាក់ទាញបានតម្រូវការ ខណៈទីក្រុងវ៉ាស៊ីនតោនកាត់បន្ថយការពឹងផ្អែកផ្នែកថាមពលលើប្រទេសចិន។

លោក Sinha បានបន្តថា “សហរដ្ឋអាមេរិកកំពុងធ្វើពិពិធកម្មលើការនាំចូលទំនិញមួយចំនួនពីចិន ហើយឥណ្ឌាពិតជាអាចទាញបានផលប្រយោជន៍ពីយុទ្ធសាស្ត្តចិនបូកមួយ ដរាបណាឱ្យតែពាក់ព័ន្ធនឹងខ្សែសង្វាក់ផ្គត់ផ្គង់បច្ចេកវិទ្យាបៃតង”។

លោកបានបន្ថែមថា ក្រុមហ៊ុន ReNew របស់លោក កំពុងពិចារណាលើការនាំចេញថាមពលពន្លឺព្រះអាទិត្យរបស់ខ្លួនពីរោងចក្រនៅក្នុងប្រទេសឥណ្ឌាទៅកាន់អាមេរិក ដើម្បីបំពេញចន្លោះប្រហោងរបស់ក្រុមហ៊ុនចិន។

បច្ចុប្បន្ន ទីក្រុងវ៉ាស៊ីនតោនកំពុងពិចារណាចំពោះការយកពន្ធបន្ថែមទៀតលើការនាំចូលថាមពលពន្លឺព្រះអាទិត្យដើម្បីការពារឧស្សាហកម្មក្នុងស្រុក ដោយសារលំហូរបន្ទះសូឡាពីប្រទេសចិនបានជំរុញឱ្យតម្លៃបន្ទះសូឡានៅលើពិភពលោកដាំក្បាលចុះ។

កាលពីសប្តាហ៍មុន ក្រសួងពាណិជ្ជកម្មអាមេរិកបានចេញផ្សាយរបាយការណ៍ប៉ាន់ប្រមាណបឋមលើផែនការយកពន្ធចំនួន២៩៣ភាគរយលើការនាំចូលបន្ទះស្រូបថាមពលពន្លឺព្រះអាទិត្យពីបណ្តាប្រទេសចំនួន៤ នៅតំបន់អាស៊ាន ដោយសារអ្នកផ្គត់ផ្គង់ភាគច្រើនរបស់ពួកគេជាក្រុមហ៊ុនចិន។

លោក Subrahmanyam Pulipaka ប្រធានប្រតិបត្តិរបស់សហព័ន្ធថាមពលពន្លឺព្រះអាទិត្យថ្នាក់ជាតិនៃប្រទេសឥណ្ឌាបានមានប្រសាសន៍ឱ្យដឹងថា “ពុំមានក្រុមហ៊ុនផលិតបន្ទះសូឡាណាមួយនៅក្នុងប្រទេសឥណ្ឌា ដែលមិនគិតគូរអំពីការនាំចេញរបស់ខ្លួនពួកគេនោះទេ”៕ប្រភព: Financial Times៕

ទីផ្សារម៉ាកយីហោប្រណីតនៅទូទាំងតំបន់អាស៊ានកំពុងរីកចម្រើនខ្លាំង ខណៈចំនួនក្រុមអ្នកមានកើនឡើង

ដោយ: គង់ លាងហួរ
អន្តរជាតិ: ទីផ្សារម៉ាកយីហោប្រណីតនៅតំបន់អាស៊ានកំពុងរីកចម្រើនយ៉ាងខ្លាំង ដោយសារការកើនឡើងនៃចំនួនបុគ្គលដែលមានទ្រព្យសម្បត្តិស្តុកស្តម្ភចាប់ពី៣០លានដុល្លារអាមេរិកឡើងទៅ (UHNWI) ។

បណ្តាប្រទេសសមាជិកអាស៊ានដូចជាសិង្ហបុរី ម៉ាឡេស៊ី និងឥណ្ឌូនេស៊ី កំពុងនាំមុខគេក្នុងការសម្រេចបានកំណើននេះ។ចំណែក ទំហំប្រាក់ចំណូលសរុបពីទីផ្សារប្រណីតអាស៊ានត្រូវបានគេរំពឹងថា នឹងកើនឡើងដល់១៦,០១ពាន់លានដុល្លារក្នុងឆ្នាំ២០២៤ កើនឡើងពី១៤,៣៨ពាន់លានដុល្លារក្នុងឆ្នាំ២០២២។

ជាមួយគ្នានេះ ទីផ្សារម៉ាកយីហោប្រណីតរបស់ប្រទេសថៃត្រូវបានគេព្យាករណ៍ថា នឹងវ៉ាដាច់ប្រទេសសិង្ហបុរីនៅក្នុងឆ្នាំ២០២៤។នេះបើយោងតាមរបាយការណ៍ថ្មីពីស្ថាប័នសិក្សាយុទ្ធសាស្ត្រសកល Canvas8។

តួយ៉ាង តម្លៃទីផ្សារម៉ាកយីហោប្រណីតរបស់ប្រទេសថៃត្រូវបានគេប៉ាន់ប្រមាណថា នឹងកើនឡើងដល់ទំហំទឹកប្រាក់៤,៩៣ពាន់លានដុល្លារនៅឆ្នាំ២០២៤ បើធៀបនឹងការព្យាករណ៍ទំហំទីផ្សារម៉ាកយីហោប្រណីតរបស់សិង្ហបុរីចំនួន៤,២៣ពាន់លានដុល្លារ។

របាយការណ៍ពីស្ថាប័នសិក្សាយុទ្ធសាស្ត្រសកល Canvas8 បានគូសបញ្ជាក់ពីវិធីសាស្ត្រ ដែលអ្នកដើរទិញឥវ៉ាន់នៅតាមផ្សារទំនើបក្នុងតំបន់អាស៊ានកំពុងផ្លាស់ប្តូរទិដ្ឋភាពជាសកល ខណៈប្រទេសថៃ និងវៀតណាមកំពុងប្រកួតប្រជែងជាមួយមជ្ឈមណ្ឌលម៉ាកយីហោប្រណីតដូចជាសិង្ហបុរីជាដើម។

លោក Jose Luis Legaspi អតីតសាស្ត្រាចារ្យផ្នែកទីផ្សារនៅសាកលវិទ្យាល័យ De La Salle ក្នុងទីក្រុងម៉ានីលនៃប្រទេសហ្វីលីពីន បានលើកឡើងថា កំណើនសេដ្ឋកិច្ចដ៏ឆាប់រហ័សរបស់តំបន់អាស៊ានក្នុងរយៈពេលពីរទសវត្សរ៍កន្លងមកនេះ បានធ្វើឱ្យអ្នកប្រើប្រាស់ទំនិញប្រណីតក្លាយជាកម្លាំងដ៏សំខាន់នៅក្នុងទីផ្សារ។

លោកបន្តថា“ប្រជាជននៅតំបន់អាស៊ានមានអំណាចនៃការទិញ និងការចំណាយខ្ពស់។ ការណ៍នេះមានភាពខុសប្លែក បើធៀបនឹងស្ថានភាពកាលពីប៉ុន្មានទស្សវត្សរ៍មុន ដែលនៅពេលនោះ គេសង្កេតឃើញមានតែប្រទេសជប៉ុនប៉ុណ្ណោះ ដែលនាំមុខគេខាងផ្នែកទីផ្សារម៉ាកយីហោប្រណីតនៅតំបន់អាស៊ី”។

លោកបានបន្ថែមថា “បច្ចុប្បន្ន ម៉ាកយីហោប្រណីតល្បីៗកំពុងផ្តោតលើកិច្ចខិតខំប្រឹងប្រែងផ្នែកទីផ្សារ ឬការធ្វើ Marketing របស់ពួកគេដើម្បីឈានជើងចូលមកកាន់តំបន់អាស៊ាន ដែលជាទីផ្សារដ៏ធំបំផុតនាពេលបច្ចុប្បន្នរបស់ពួកគេ”៕ប្រភព: The Independent Singapore News៕

តើសេដ្ឋកិច្ចនៅក្នុងតំបន់អាស៊ានបូក៣មានស្ថានភាពវិវត្តន៍យ៉ាងណានៅឆ្នាំ២០២៤នេះ?

ដោយ: គង់ លាងហួរ
អន្តរជាតិ: ការិយាល័យស្រាវជ្រាវម៉ាក្រូសេដ្ឋកិច្ចអាស៊ាន+៣(Amro)បានទាញទម្លាក់ការព្យាករណ៍កំណើនសេដ្ឋកិច្ចនៅឆ្នាំនេះសម្រាប់តំបន់អាស៊ានបូក៣ ពី៤,៤ភាគរយមកនៅសល់ត្រឹម៤,២ភាគរយ ដោយសារតែសេដ្ឋកិច្ចរបស់ប្រទេសចិន និងវៀតណាម។

តំបន់អាស៊ានបូក៣ រួមមានបណ្តាប្រទេសជាសមាជិកអាស៊ានចំនួន១០ បូករួមជាមួយប្រទេសចំនួន៣ផ្សេងទៀតប្រទេសចិន និងទីក្រុងហុងកុង ប្រទេសជប៉ុន និងប្រទេសកូរ៉េខាងត្បូង។

ស្ថាប័នព្យាករណ៍ម៉ាក្រូសេដ្ឋកិច្ច ដែលមានមូលដ្ឋាននៅប្រទេសសិង្ហបុរី បានទាញទម្លាក់ការព្យាករណ៍កំណើនសេដ្ឋកិច្ចចិននៅឆ្នាំ២០២៤ពី៥,៣ភាគរយមកនៅត្រឹម៥ភាគរយ និងទាញទម្លាក់ការព្យាករណ៍កំណើនសេដ្ឋកិច្ចរបស់ប្រទេសវៀតណាមពី៦,៣ភាគរយមកនៅត្រឹម៦,២ភាគរយ។

ដោយឡែក សេដ្ឋកិច្ចរបស់សមាគមប្រជាជាតិអាស៊ីអាគ្នេយ៍ទាំងមូល ឬអាស៊ាន ត្រូវបានគេរំពឹងថា នឹងកើនឡើងក្នុងរង្វង់៤,៧ភាគរយនៅឆ្នាំ២០២៤ ខណៈកំណើនសេដ្ឋកិច្ចរបស់ប្រទេសចិន ប្រទេសជប៉ុន និងប្រទេសកូរ៉េខាងត្បូងត្រូវបានព្យាករណ៍ថា នឹងកើនឡើងត្រឹមតែ៤,១ភាគរយជារួម។

របាយការណ៍បានបន្តថា “កំណើនសេដ្ឋកិច្ចក្នុងតំបន់អាស៊ានបូក៣ នឹងត្រូវបានជំរុញ ដោយការបន្តស្ទុះងើបឡើងវិញនៃពាណិជ្ជកម្មអន្តរជាតិ ភាពធន់នៃតម្រូវការក្នុងស្រុក និងការជំរុញវិស័យទេសចរណ៍តាមរយៈគោលនយោបាយលើកលែងទិដ្ឋាការនៅក្នុងបណ្តាប្រទេសមួយចំនួន”។

យ៉ាងណាមិញ របាយការណ៍របស់ស្ថាប័នខាងលើបានកត់សម្គាល់ថា ការទម្លាក់ការព្យាករណ៍កំណើនសេដ្ឋកិច្ចរបស់តំបន់អាស៊ានបូក៣បណ្តាលមកពីលទ្ធផលនៃកំណើនសេដ្ឋកិច្ចចិននៅឆមាសទី១ ឆ្នាំនេះ ផ្តល់សញ្ញាថា ប្រទេសចិនកំពុងឆ្ពោះទៅសម្រេចបានគោលដៅកំណើន GDP ប្រចាំឆ្នាំត្រឹមតែ៥ភាគរយប៉ុណ្ណោះ។

របាយការណ៍បានបន្ថែមថា “កត្តាសំខាន់ៗ ដែលរួមចំណែកដល់ការធ្លាក់ចុះនៃកំណើនសេដ្ឋកិច្ចក្នុងតំបន់ រួមមាន បញ្ហាទីផ្សារការងាររបស់សហរដ្ឋអាមេរិក ការថយចុះនៃកំណើនសេដ្ឋកិច្ចចិននៅត្រីមាសទី២ ចលាចលនៃទីផ្សារហិរញ្ញវត្ថុសកលនៅខែសីហា និងការបោះឆ្នោតប្រធានាធិបតីអាមេរិកនាខែវិច្ឆិកាខាងមុខ”៕ប្រភព: SCMP៕

រដ្ឋបាលទីក្រុងហុងកុងគ្រោងនឹងដាក់លក់ដីបន្ថែមទៀត ដើម្បីបន្តជំរុញការផ្គត់ផ្គង់លំនៅដ្ឋាន

ដោយ: គង់ លាងហួរ
អន្តរជាតិ: រដ្ឋបាលក្រុងហុងកុងគ្រោងដាក់លក់ដីលំនៅដ្ឋានមួយទីតាំង ដោយបោះជំហានមួយទៀតឆ្ពោះទៅរកការបន្ធូរបន្ថយការផ្គត់ផ្គង់លំនៅដ្ឋានរបស់ទីក្រុង មុនពេលមានការធ្លាក់ចុះនៃអត្រាការប្រាក់លើកម្ចីទិញផ្ទះ។

លោកស្រី Bernadette Linn Hon-ho មន្ដ្រីជាន់ខ្ពស់នៃរដ្ឋបាលក្រុងហុងកុង បានគូសបញ្ជាក់ថា ដីឡូតិ៍ទាំងនោះមានទីតាំងនៅសង្កាត់ Tai Wai សង្កាត់ Sha Tin តំបន់ដែនដីថ្មី និងនៅសង្កាត់ Hung Shui Kiu ដោយគ្រោងដាក់លក់ចាប់ពីខែតុលានេះដល់ដំណាច់ចុងខែធ្នូខាងមុខ។

ដីឡូតិ៍ទំហំ៣.៥៨០ម៉ែត្រការ៉េ ដែលមានទីតាំងស្ថិតនៅលើផ្លូវ Mei Tin នឹងផ្គត់ផ្គង់ផ្ទះល្វែងបានសរុបចំនួន៣៦០យូនីត។ដើមឡើយ ដីឡូតិ៍នៅទីនោះពុំមែនជាផ្នែកមួយនៃកម្មវិធីប្រកាសលក់ដីកាលពីខែកុម្ភៈនោះទេ ដោយសារការសិក្សាបច្ចេកទេសនៅពេលនោះមិនទាន់ត្រូវបានបញ្ចប់។

លោកស្រី Bernadette បន្តថា “ក្រោយពេលយើងបានបញ្ចប់ការសិក្សាពាក់ព័ន្ធផ្សេងៗរួចមក យើងយល់ឃើញថា មានភាពស័ក្តិសម ក្នុងការដាក់បញ្ចូលដីឡូតិ៍នេះទៅក្នុងកម្មវិធីលក់ដី ហើយដាក់ឱ្យដេញថ្លៃនៅក្នុងត្រីមាសទី៤នេះ”។

លោកស្រីបញ្ជាក់ថា “យើងបានតាមដានប្រតិកម្មរបស់ទីផ្សារចំពោះការលក់ទីតាំងដីលំនៅដ្ឋាននៅសង្កាត់ Sha Tin ក្នុងរយៈពេល២ត្រីមាសដំបូង ក៏ដូចជាចំណាប់អារម្មណ៍របស់អ្នកអភិវឌ្ឍន៍នាពេលបច្ចុប្បន្នទៅលើដីឡូតិ៍ខ្នាតតូច ដែលមានបណ្តាញដឹកជញ្ជូន និងគ្រឿងបរិក្ខារនានា”។

ក្រុមហ៊ុនអចលនទ្រព្យ Sun Hung Kai Properties ជាអ្នកឈ្នះការប្រកួតប្រជែងក្នុងចំណោមអ្នកដេញថ្លៃចំនួន១១ក្រុមហ៊ុន លើផ្ទៃដីទំហំ២.៤២៥ម៉ែត្រការ៉េនៅសង្កាត់ Sha Tin ជាដីលំនៅដ្ឋានតែមួយគត់ ដែលត្រូវបានដាក់លក់ក្នុងអំឡុងខែមេសាដល់ខែមិថុនា៕ប្រភព: SCMP៕

U.S. developer Panattoni says India should ease land acquisition process amid warehousing boom

The head of U.S.-based industrial real estate developer Panattoni has urged India to streamline its land acquisition processes which he said make it difficult for developers to cash in on a warehousing boom in the country.

Foreign and domestic real estate developers are building more warehouses in India to cater to growing storage demand of companies, but land acquisition is often a sticking point in a country where multiple farmers or other people can own a piece of land, and transfer processes are complex and take time.

While India offers opportunities for expansion, “the biggest challenge is land itself – permissions (and) availability of data to acquire land,” said Robert Dobrzycki, CEO of Panattoni, which owns large industrial real estate assets in the U.S., Canada and Europe and entered the Indian market in 2022.

“We would like to do more and more. We would like to maximize the presence. But we are usually limited by external factors” like land availability, Dobrzycki told Reuters in an interview on Friday.

Panattoni has plans to invest $100 million annually in India over the next 2-3 years and is hopeful of signing 3-4 land transactions in 2024. It has previously said it took eight months to complete acquisition formalities for its first complex near New Delhi where construction will start in the coming weeks.

India’s infrastructure drive fuels high demand for land, leaving few plots in good locations, and surging prices hit developers’ returns as rentals fall behind, executives say.

There has been a rush for leased modern warehouse space which hit a two-year peak in the final quarter of 2023, according to real estate firm Colliers, as India’s economic growth continues to outstrip many advanced nations.

Panattoni has embarked on a “west-to-east expansion” starting with India and hopes to also enter Japan, Australia over the next two years, Dobrzycki added.
As well as Panattoni, a Blackstone Indian joint venture and U.S.-based Prologis are also expanding in India.

Source: NST Online

Philippines aims to have commercial nuclear power plants by 2032

The Philippines aims to have commercially operational nuclear power plants by 2032, with at least 1,200 megawatts (MW) initially entering the country’s power mix, the Philippines’ Department of Energy said Wednesday.

The Philippines unveiled its nuclear energy roadmap at 68th General Conference of the International Atomic Energy Agency (IAEA) held in Vienna, Austria, last week, the department said in its press release.

During the high-level general debate of the IAEA conference, Philippine Energy Undersecretary Sharon Garin described 2024 as a landmark year for the Philippines with the release of its nuclear roadmap, which outlines the country’s path forward using the IAEA’s milestones approach to develop a
nuclear program.

“We aim to have commercially operational nuclear power plants by 2032, with at least 1,200 MW initially entering the country’s power mix, gradually increasing to 4,800 MW by 2050,” Garin said.

Garin emphasized that the Philippines has been actively working to establish an independent nuclear regulatory authority to oversee the safe and secure development of the country’s nuclear energy program.

She further noted that the government is giving high priority to the passage of key legislation focused on nuclear safety, ensuring that the legal and regulatory frameworks are in place to safeguard public health, environmental protection, and national security as the country moves toward harnessing nuclear power.

In November, the Philippines will host the International Nuclear Supply Chain Forum in Manila, bringing government and private sector stakeholders to explore partnership opportunities in nuclear energy.

Source: Xinhua

ក្រុមហ៊ុនមួយគ្រោងបង្កើតសារៈមន្ទីរអ៊ីមមើស៊ីវអង្គរ នៅខេត្តសៀមរាប

ដោយៈ គង់ សូរិយា

សៀមរាបៈ អាជ្ញាធរជាតិអប្សរា និងក្រុមហ៊ុនអ៊ីមមើស៊ីវ អង្គរ ចុះអនុស្សរណៈនៃការយោគយល់គ្នាស្តីពី ការបង្កើត “សារមន្ទីរអ៉ីមមើស៊ីវ អង្គរ”នៅក្នុងខេត្តសៀមរាប។

ពិធីចុះMOUនេះ ធ្វើឡើងរវាងអាជ្ញាធរជាតិអប្សរា និងក្រុមហ៊ុនអ៊ីមមើស៊ីវ អង្គរ ដើម្បីបង្កើតសារមន្ទីរអ៊ីមមើស៊ីវ អង្គរ ដើម្បីបង្កើតបទពិសោធន៍ថ្មី ឬជាកញ្ចប់ទេសចរណ៍ថ្មីនៅក្នុងខេត្តសៀមរាប។

លោកបណ្ឌិត ហង់ ពៅ អគ្គនាយកអាជ្ញាធរជាតិអប្សរា មានប្រសាសន៍ បន្ទាប់ពីពិធីចុះហត្ថលេខា កាលពីពេលថ្មីៗនេះថា ភាពជាដៃគូនៃកិច្ចសហប្រតិបត្តិការនេះ ស្របតាមបេសកកម្មរបស់អាជ្ញាធរជាតិអប្សរា ក្នុងការថែរក្សា និងផ្សព្វផ្សាយរមណីយដ្ឋានអង្គរ។ គម្រោងកិច្ចសហប្រតិបត្តិការនេះដែរ នឹងជំរុញឱ្យភ្ញៀវទេសចរទទួលបាន បទពិសោធន៍ថ្មីៗកាន់តែប្រសើរ និងរួមចំណែកដល់កិច្ចខិតខំប្រឹងប្រែងអភិរក្សបែបឌីជីថល ធ្វើឱ្យអង្គរជារូបតំណាងផ្នែកវប្បធម៌ពិភពលោកដ៏រឹងមាំ។

គម្រោងខាងលើនេះ អាជ្ញាធរជាតិអប្សរានឹងផ្តល់ ការណែនាំផ្នែកវិទ្យាសាស្រ្ត ដើម្បីធានាបាននូវភាពត្រឹមត្រូវ នៃប្រវត្តិសាស្រ្ត និងបញ្ហារស៊ើបផ្នែកវប្បធម៌ ទន្ទឹមនឹងនោះ ក្រុមហ៊ុនអ៉ីមមើស៊ីវ អង្គរ នឹងអភិវឌ្ឍន៍ និងគ្រប់គ្រងសារមន្ទីរ។

លោកកែ ប៊ិនសូរស្មី នាយកប្រតិបត្តិក្រុមហ៊ុនអ៊ីមមើស៊ីវ អង្គរបានបញ្ជាក់ថា កិច្ចសហប្រតិបត្តិការនេះ មានសារសំខាន់ណាស់ សម្រាប់ចែករំលែកប្រវត្តិសាស្រ្តអង្គរ តាមរយៈបច្ចេកវិទ្យាថ្មីៗ។ សារមន្ទីរអ៊ីមមើស៊ីវ អង្គរ នឹងផ្តល់ជូននូវការធ្វើដំណើរឆ្លងកាត់ពេលវេលា ធ្វើឱ្យអ្នកទស្សនាយល់ដឹងកាន់តែស៊ីជម្រៅអំពីបេតិកភណ្ឌវប្បធម៌របស់កម្ពុជា ស្របពេលជាមួយគ្នានោះ ក៏ធានាបាននូវការអភិរក្សកេរដំណែល នៃបេតិកភណ្ឌវប្បធម៌។

គម្រោងខាងលើនេះ មិនមែនផ្តល់តែបទពិសោធន៍បែបសារមន្ទីរប៉ុណ្ណោះទេ ប៉ុន្តែជាផ្នែកមួយនៃគំនិតផ្តួចផ្តើមនេះ គឺការស្កេនប្រាសាទទ្រង់ទ្រាយធំ នឹងត្រូវបានធ្វើឡើង ដែលជាព្រឹត្តិការណ៍ដ៏សំខាន់មួយ ក្នុងការបង្កើតបណ្ណាល័យឌីជីថលអំពីប្រាសាទអង្គរ។ កិច្ចខិតខំប្រឹងប្រែងអភិរក្សបែបឌីជីថលនេះ ធានាបាននូវកេរដំណែលរបស់ប្រាសាទ សម្រាប់មនុស្សជំនាន់ក្រោយ៕

ThaiBev readies THB18 billion for 2025 business expansion

Food and beverage giant Thai Beverage (ThaiBev) has announced an expansion plan worth 18 billion baht, targeting alcoholic and non-alcoholic drinks, dairy products, food, and sustainability operations.

During a press briefing in Bangkok on Tuesday, chief executive Thapana Sirivadhanabhakdi outlined the company’s six-year strategy, dubbed “Sustainable Growth to Passion 2030”, which focuses on consumer reach and digital transformation.

The first focus, “Reach Competitively”, aims to satisfy customers who tend to switch providers if they have to wait longer than 30 seconds.

The second focus, “Digital for Growth”, aligns with the rising use of smartphones.

Starting next year, ThaiBev will boost investment from 7-8 billion baht to 18 billion baht, said Prapakon Thongtheppairot, president and head of the spirits business.

Of this budget, 9.5 billion baht is earmarked for the non-alcoholic drinks segment, which includes the 8-billion-baht flagship Agri Valley Farm in Malaysia for
dairy production, he said.

ThaiBev will also invest 3 billion baht to establish a beer factory in Cambodia with initial capacity of 50 million litres, and 2.5 billion baht in the spirits business, said Prapakorn.

Finally, 1 billion baht will be used to expand the food business and 2 billion baht for
the group’s sustainability operations.

Songwit Sritham, chief executive of beer business (Thailand), said the Thai beer market is expected to recover to pre-Covid levels of 2 billion litres in 2025, thanks to the rapidly rebounding tourism industry.

“ThaiBev aims to maintain its market leader position next year by expanding its product portfolio to a mass premium group, including Chang Cold Brew, Federbräu, and Chang Unpasteurized,” he said.
Aggressive marketing with innovative technology would place Chang as the No 1 beer in the Thai market, he predicted.

Kosit Suksingha, chief executive of non-alcoholic beverage (Thailand), said he expected to see 2-digit annual growth for ThaiBev following investment in the Agri Valley Farm, citing the high profit margin for dairy products in Thailand and neighbouring countries.

He added that ThaiBev will next year introduce health products under the brand “F&N Nutriwell”, while launching its Oishi green tea and Tea Pot milk brands in Cambodia.

Source: The Nation

ម៉ាឡេសុីប្រឈមមុខនឹងបញ្ហាគម្លាតរវាងតម្លៃលំនៅដ្ឋានខ្ពស់ និងប្រាក់ចំណូលរបស់ប្រជាជន

ដោយ: គង់ លាងហួរ
អន្តរជាតិ: ការពិបាកស្វែងរកផ្ទះមានតម្លៃសមរម្យនៅតែជាបញ្ហាចម្បងនៅក្នុងទីផ្សារអចលនទ្រព្យម៉ាឡេសុី ខណៈតម្លៃផ្ទះជាមធ្យមមានទំហំទឹកប្រាក់៣៣៥.០០០រីងហ្គីត(ប្រមាណ៧៨.៤០៨ដុល្លារ)ក្នុងមួយយូនីត។

ផ្ទុយទៅវិញ ប្រាក់ខែជាមធ្យមប្រចាំខែរបស់ប្រជាជនម៉ាឡេសុីមានទំហំទឹកប្រាក់ប្រហែលពី៣.០០០រីងហ្គីត ទៅដល់៣.៥០០រីងហ្គីតប៉ុណ្ណោះ(ប្រហែល៧០២ដុល្លារទៅ៨២០ដុល្លារ)ក្នុងមួយខែ។

ស្ថាប័នសិក្សាស្រាវជ្រាវហិរញ្ញវត្ថុ Kenanga Research បានលើកឡើងថា ប្រជាជនម៉ាឡេស៊ីជាច្រើនប្រឈមមុខនឹងគម្លាតនេះ ជាពិសេសអ្នកទិញផ្ទះលើកដំបូងដែលមានអាយុក្រោម៣៥ឆ្នាំ។

យោងតាមទិន្នន័យរបស់មជ្ឈមណ្ឌលព័ត៌មានអចលនទ្រព្យជាតិម៉ាឡេសុី (Napic)បង្ហាញថា នៅក្នុងត្រីមាសទី២ នៃឆ្នាំនេះ ស្តុកលំនៅដ្ឋានដែលលក់មិនចេញមានចំនួន១២៧.១៨០យូនីត ហើយភាគច្រើនត្រូវបានប្រមូលផ្តុំនៅរដ្ឋ Johor រដ្ឋ Selangor និងទីក្រុងគូឡាឡាំពួរ។

តួលេខខាងលើបង្ហាញសញ្ញានៃការកើនឡើងចំនួន៣ភាគរយ បើធៀបនឹងស្តុកលំនៅដ្ឋានដែលលក់មិនចេញចំនួន១២៥.៣៦២យូនីតនៅក្នុងត្រីមាសទីមួយ។ លំនៅដ្ឋានដែលលក់មិនវេញមួយផ្នែកធំមានតម្លៃក្រោម៣០មុឺនរីងហ្គីត ក្នុងមួយយូនីត។

ស្ថាប័ន Kenanga Research បានអះអាងថា “ទោះបីជាមានការខិតខំប្រឹងប្រែងដើម្បីបង្កើនជម្រើសលំនៅដ្ឋានដែលមានតម្លៃសមរម្យយ៉ាងណាក្តី ក៏ប្រជាជនម៉ាឡេស៊ីជាច្រើន ជាពិសេសអ្នកទិញវ័យក្មេងនៅតែប្រឈមមុខនឹងបញ្ហាក្នុងការទិញផ្ទះដោយសារតែកម្រិតប្រាក់ចំណូលមិនគ្រប់គ្រាន់ ការលំបាកក្នុងការទទួលបានប្រាក់កម្ចីទិញផ្ទះ និងការកើនឡើងនៃការចំណាយលើការរស់នៅ”៕ប្រភព: NST Online៕

តម្លៃហាងឆេងមាសបានធ្លាក់ថ្លៃចុះនៅថ្ងៃច័ន្ទនេះ

ដោយ: គង់ លាងហួរ
អន្តរជាតិ: តម្លៃហាងឆេងមាសបានធ្លាក់ថ្លៃចុះក្នុងការជួញដូរនៅព្រឹកថ្ងៃច័ន្ទនេះ បន្ទាប់ពីទិន្នន័យបានបង្ហាញថា ទីផ្សារការងារអាមេរិកមានភាពរឹងមាំ ខណៈអត្រាអ្នកគ្មានការងារធ្វើនៅសហរដ្ឋអាមេរិកបានធ្លាក់ចុះមកនៅត្រឹម៤,១ភាគរយកាលពីខែកញ្ញា។

តួយ៉ាង តម្លៃមាស Spot Gold បានធ្លាក់ចុះ០,២៦ភាគរយដល់២៦៤៥,២១ដុល្លារក្នុងមួយអោន ខណៈតម្លៃហាងឆេងមាសរបស់សហរដ្ឋអាមេរិក U.S. gold futures បានធ្លាក់ចុះ០,០៧ភាគរយដល់២៦៦៥,៩០ដុល្លារក្នុងមួយអោន គិតត្រឹមម៉ោង១០:៤៦នាទីព្រឹក។

គិតត្រឹមពេលបិទការជួញដូរកាលពីថ្ងៃសុក្រសប្តាហ៍មុន តម្លៃមាស Spot Gold បានបិទនៅត្រឹម២៦៥២,២៤ដុល្លារក្នុងមួយអោន ខណៈតម្លៃមាស U.S. gold futures បានបិទនៅត្រឹម២៦៦៧,៨០ដុល្លារក្នុងមួយអោន។

យោងតាមឧបករណ៍ CME FedWatch បានឱ្យដឹងថា បច្ចុប្បន្ន ទីផ្សារមើលឃើញឱកាស៩៨ភាគរយ ដែលធនាគារកណ្តាលអាមេរិក(Fed) អាចនឹងបញ្ចុះអត្រាការប្រាក់ចំនួន០,២៥ភាគរយបន្ថែមទៀតក្នុងកិច្ចប្រជុំគោលនយោបាយប្រចាំខែវិច្ឆិកាខាងមុខ។

សន្ទស្សន៍ប្រាក់ដុល្លារ ដែលវាស់វែងរូបិយប័ណ្ណប្រាក់ដុល្លារអាមេរិក ធៀបនឹងរូបិយប័ណ្ណធំៗចំនួន៦ ដូចជាប្រាក់យ៉េន និងប្រាក់អឺរ៉ូ បានធ្លាក់ថ្លៃចុះតិចតួចមកនៅត្រឹម១០២,៤៨ពិន្ទុនៅព្រឹកថ្ងៃច័ន្ទនេះ បន្ទាប់ពីបិទការជួញដូរត្រឹម១០២,៥២ពិន្ទុកាលពីថ្ងៃសុក្រសប្តាហ៍មុន។

តម្លៃលោហៈធាតុប្រាក់ Spot silver បានធ្លាក់ចុះ០,១៤%ដល់៣២,៣៥ដុល្លារ ក្នុងមួយអោន ខណៈតម្លៃផ្លាទីន បានធ្លាក់ចុះ០,៤៦%ដល់៩៩៧,១០ដុល្លារក្នុងមួយអោន ហើយតម្លៃ palladium បានងើបឡើង១,៨៥%ដល់១.០១៧ដុល្លារក្នុងមួយអោន គិតត្រឹមម៉ោង១០:៤៦នាទីព្រឹក៕

1...533534535...3,378 Page 534 of 3,378