អគារការិយាល័យមួយចំនួននៅក្នុងទីក្រុងវ៉ាស៊ីនតោន និងញូវយ៉ក ប្រកាសដាក់លក់បញ្ចុះតម្លៃ

ដោយ: គង់ លាងហួរ

អន្តរជាតិ: ទីផ្សារការិយាល័យនៅសហរដ្ឋអាមេរិក បានរងផលប៉ះពាល់យ៉ាងខ្លាំង ស្របពេលដែលនិន្នាការបានផ្លាស់ប្តូរ ក្រោយការរាតត្បាតនៃជំងឺកូវីដ-១៩ ដោយបុគ្គលិកជាច្រើនបានស៊ាំ ទៅនឹងការបំពេញការងារពីផ្ទះ។

និន្នាការថ្មីនេះ បាននាំឱ្យអត្រាការិយាល័យ ដែលគេទុកទំនេរចោល នៅក្នុងសហរដ្ឋអាមេរិកកំពុងកើនឡើង ហើយសកម្មភាពជួលធ្លាក់ចុះ។

ទីក្រុងវ៉ាស៊ីនតោនឌីស៊ី ដែលជារដ្ឋធានីរបស់សហរដ្ឋអាមេរិក ស្ថិតក្នុងចំណោមទីផ្សារការិយាល័យ ដែលរងគ្រោះខ្លាំងបំផុតនៅក្នុងប្រទេសមហាអំណាចសេដ្ឋកិច្ចពិភពលោកមួយនេះ។

លើសពីនេះទៀត សូម្បីតែទីផ្សារការិយាល័យ នៅទីក្រុងញូវយ៉ក ក៏កំពុងស្ថិតក្នុងសភាពស្ងាត់ជ្រងំគ្មានអ្នកជួលផងដែរ។ ជាលទ្ធផល ម្ចាស់អគារត្រូវបង្ខំចិត្តដាក់លក់ការិយាល័យ ក្នុងការបញ្ចុះតម្លៃយ៉ាងច្រើនមិនធ្លាប់មាន។យោងតាមសារបង្ហោះនៅលើបណ្តាញសង្គមX សហគ្រិនអចលនទ្រព្យម្នាក់ជាបុរស ដែលមានគណនីឈ្មោះ Triple Net Investor បានសរសេរថា អគារការិយាល័យមួយកន្លែង នៅទីក្រុងវ៉ាស៊ីនតោន ត្រូវបានដាក់លក់បញ្ចុះតម្លៃចំនួន៧៥ភាគរយ។

បុរសរូបនោះបានសរសេរបន្ថែមថា “នៅពេលនេះ អគារដែលមានទំហំ១៧៥.០០០ហ្វីតការ៉េ ស្ថិតនៅលើផ្លូវ1101 Vermont Avenue ត្រូវបានលក់ក្នុងតម្លៃត្រឹមតែ១៦លានដុល្លារប៉ុណ្ណោះ”។

លោកបានរំលឹកថា ដើមឡើយអគារនេះ ត្រូវបានប្រកាសលក់ក្នុងតម្លៃ៦០លានដុល្លារក្នុងឆ្នាំ២០០៦ ខណៈក្នុងឆ្នាំ២០១៨ តម្លៃអគារត្រូវបានដំឡើងដល់៧២លានដុល្លារ។

ចំណែកថ្មីៗនេះ អគារការិយាល័យមួយនៅក្នុងសង្កាត់ Manhattan នៃទីក្រុងញូវយ៉ក ក៏ត្រូវបានប្រកាសដាក់លក់ក្នុងការបញ្ចុះតម្លៃចំនួន៧០ភាគរយផងដែរ ដែលការណ៍បានធ្វើឲ្យមនុស្សជាច្រើនមានការភ្ញាក់ផ្អើលយ៉ាងខ្លាំងបំផុត។

យោងតាមរបាយការណ៍មួយបានឱ្យដឹងថា អត្រានៃការចុះបញ្ជីការិយាល័យជាមធ្យមរបស់សហរដ្ឋអាមេរិក ស្ថិតនៅត្រឹមតែ៣៧,៨៣ដុល្លារប៉ុណ្ណោះ ធ្លាក់ចុះ១,២%លើមូលដ្ឋានប្រចាំឆ្នាំ៕ប្រភព:NDTV៕

តើអ្នកវិនិយោគចិនត្រលប់មកកម្ពុជាវិញហើយឬ ស្របពេលការស្វែងរកដីសម្រាប់កសិកម្ម និងឧស្សាហកម្មកើនឡើង

ដោយៈ ស៊ីវ ម៉េង

ភ្នំពេញៈ ក្នុងរយៈពេលប៉ុន្មានខែចុងក្រោយនេះ ដំណឹងពីការស្វែងរកទិញដីធំៗ ដើម្បីបង្កើតតំបន់សេដ្ឋកិច្ចពិសេស និងដីកសិកម្មធំៗរាប់រយហិកតា បានលេចឡើងយ៉ាងច្រើន ក្នុងចំណោមក្រុមហ៊ុនភ្នាក់ងារអចលនទ្រព្យនានា។

ការស្វែងរកដីបានកើតឡើង និងដៅទៅកាន់តំបន់ជុំវិញព្រលានយន្តហោះអន្តរជាតិតេជោ ក្រុងតាខ្មៅ នៅតាមបណ្តោយផ្លូវជាតិលេខ៤ និងទីតាំងមួយចំនួនទៀត ដែលការលេចលឺព័ត៌មាននេះទំនងជាការពិត។

ប៉ុន្តែអ្នកអភិវឌ្ឍន៍ខ្នាតមធ្យមមួយរូប បាននិយាយក្នុងលក្ខខ័ណ្ឌមិនបញ្ចេញឈ្មោះដោយលើកជាសំណួរថា តើអ្នកវិនិយោគចិនមកពីណា? និងពួកគេមកតាមរបៀបណា? ខណៈរដ្ឋាភិបាលចិនបានបន្តបិទលំហូរសាច់ប្រាក់ចេញក្រៅប្រទេស ក្នុងន័យជម្រុញឲ្យក្រុមហ៊ុនរបស់ខ្លួន ផ្តោតលើការវិនិយោគនៅក្នុងស្រុក ដើម្បីភាពរ៉ឹងមាំនៃសេដ្ឋកិច្ចរបស់ពួកគេ។

លោកបន្តថា “វិនិយោគចិនអាចមកកាន់កម្ពុជាតិចតួច មិនអត់សោះនោះទេ ប៉ុន្តែសកម្មភាពនៃការស្វែងរកដី អាចជាយុទ្ឋសាស្រ្តរបស់អ្នកណាម្នាក់ ដើម្បីធ្វើឲ្យទីផ្សារដីធ្លីកំរើកឡើងវិញ”។ លោកបន្តថា “មានការសាកសួរច្រើន ប៉ុន្តែជាលទ្ឋផលដូចជា មិនមានការលេចចេញរូបរាងណាមួយជាដំកំភួននោះទេ”។

ជាមួយគ្នានេះ ប្រធានសមាគមសហគ្រិនសារព័ត៌មានសេដ្ឋកិច្ចកម្ពុជា(CEMEA) លោកយិន លាងគង់ ដែលជាអ្នកវិភាគនិងតាមដានក្នុងវិស័យអចលនវត្ថុ និងសេដ្ឋកិច្ចជាតិ បានមានប្រសាសន៍ឲ្យដឹងកាលពីល្ងាចថ្ងៃទី៧ មេសាថា ការលេចលឺព័ត៌មានពីការវិលត្រលប់របស់អ្នកវិនិយោគចិន ជាដំណឹងល្អមួយ ដែលយើងមិនអាចនិយាយថា ជាព័ត៌មានបំប៉ោងទាំងស្រុងទេ ជាក់ស្តែងក្នុងត្រីមាសទី១ឆ្នាំនេះ រដ្ឋាភិបាលបានអនុម័តទុនវិនិយោគ រហូតដល់ជាង២,២លានដុល្លារអាមេរិក។

លោកបន្តថា “អ្នកវិនិយោគចិន នឹងហូរមកកាន់កម្ពុជាជាថ្មី ស្របពេលលោកវ៉ាង វិនធានឯកអគ្គរដ្ឋទូតចិន ធ្លាប់បានប្រកាសរួចហើយថា ចិននឹងបន្តជួយកម្ពុជារយៈពេល១០ឆ្នាំទៀត ដើម្បីជម្រុញការរីកចម្រើន និងវឌ្ឍនភាពសេដ្ឋកិច្ចកម្ពុជា”។ លោកបន្តថា “ប៉ុន្តែការមកដល់របស់អ្នកវិនិយោគចិន មិនមានសភាពគំហុកដូចពេលមុនឡើយ ហើយពួកគេ នឹងមិនផ្តោតលើវិស័យអចលនទ្រព្យ ក្នុងចំនួនច្រើនដូចមុនផងដែរ”។

លោកយិន លាងគង់បានបន្តថា ទំនាក់ទំនងកាន់តែប្រសើររបស់ប្រមុខរដ្ឋាភិបាលប្រទេសទាំងពីរ បានហុចផលរួចហើយដល់សេដ្ឋកិច្ច និងអចលនទ្រព្យនៅកម្ពុជា។ ហេតុនេះលំហូររបស់អ្នកវិនិយោគចិនមកកម្ពុជា មិនទំនងជាធ្វើឲ្យទីផ្សារអចលនទ្រព្យរីកចម្រើនខ្លាំងឡើយ ខណៈទីផ្សារនេះកំពុងជួបបញ្ហារួចទៅហើយ។

លោកបន្តថា ការផ្អាកបញ្ចេញឥណទាន ក្នុងទំហំទឹកប្រាក់៥២ពាន់លានដុល្លាររបស់រដ្ឋាភិបាលចិន លើគំរោងខ្សែក្រវ៉ាត់ និងផ្លូវនៅជុំវិញពិភពលោក បាននិងកំពុងបង្កើតឲ្យមានការលើកឡើងជាសំណួរថា តើចិន កំពុងមានបញ្ហាអ្វីពិតប្រាកដ? តើចិននឹងបោះបង់សម្ព័ន្ឋមិត្តរបស់ខ្លួនចោលឬយ៉ាងណា? ចម្លើយ គឺចិនពិតជាមានមហិច្ឆតាធំណាស់ ហេតុនេះចិននឹងមិនអាចបោះបង់ មហាមិត្តនានារបស់ខ្លួនឡើយ ព្រោះមហាអំណាចនេះ ត្រូវពង្រីកឥទ្ឋិពលបន្ថែមទៀតនៅក្នុងឆាកអន្តរជាតិ ដើម្បីរក្សាលំនឹងសេដ្ឋកិច្ច និងសង្គមរបស់ខ្លួន៕

ការសិក្សាផ្លូវដែកទៅជាផ្លូវរថភ្លើងល្បឿនលឿនបញ្ចប់ការសិក្សារួចហើយ ជាមួយមហិច្ឆតាផ្លូវដែកថ្មី៥ខ្សែ

ដោយៈ គង់ សូរិយា

ភ្នំពេញៈ មន្រ្តីជាន់ខ្ពស់រដ្ឋាភិបាលបានឲ្យដឹងថា ការសិក្សានិងរៀបចំផែនការស្តារផ្លូវដែកទាំងអស់ ទៅជាផ្លូវដែកល្បឿនលឿនបានបញ្ចប់ការសិក្សា និងរៀបចំផែនការរួចហើយ។

លោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងកាលពីពេលថ្មីៗនេះថា កម្ពុជាបានសិក្សា និងរៀបចំផែនការរួចរាល់ហើយ។ ផែនការអភិវឌ្ឍន៍ផ្លូវដែកនៅកម្ពុជា ចែកចេញជាពីរដំណាក់កាលរួមមាន ដំណាក់កាលមធ្យមពីឆ្នាំ២០២៣ ទៅឆ្នាំ២០២៧ និងរយៈពេលវែងពីឆ្នាំ២០២៨ ទៅឆ្នាំ២០៣៣។

លោកបញ្ជាក់ថា ក្នុងរយៈពេលមធ្យមនេះ កម្ពុជាមានគម្រោងអភិវឌ្ឍន៍ផ្លូវដែកចំនួន៣គម្រោង រួមមាន៖ គឺប្រែក្លាយផ្លូវដែកពីរខ្សែបច្ចុប្បន្ន (ភ្នំពេញ-ព្រះសីហនុ ភ្នំពេញ-ប៉ោយប៉ែត) ឱ្យក្លាយជាផ្លូវដែកអាចបើកបានល្បឿនលឿនជាងពេលបច្ចុប្បន្ន ហើយគម្រោងទី២ និងទី៣ គឺការកសាងផ្លូវរថភ្លើងភ្ជាប់រាជធានីភ្នំពេញ ទៅព្រលានយន្តហោះអន្តរជាតិតេជោ និងតភ្ជាប់ព្រលានយន្តហោះអន្តរជាតិ ខេត្តសៀមរាប ទៅកាន់ក្រុងសៀមរាប។

ដោយឡែកសម្រាប់រយៈពេលវែងពីឆ្នាំ២០២៨ ទៅឆ្នាំ២០៣៣វិញ កម្ពុជា មានគម្រោងអភិវឌ្ឍន៍ផ្លូវដែកចំនួន៥គម្រោងរួមមាន៖ ការសាងសង់ផ្លូវដែកល្បឿនលឿនភ្នំពេញ-ព្រះសីហនុ និងភ្នំពេញ-ប៉ោយប៉ែត សាងសង់ផ្លូវដែកល្បឿនលឿនភ្នំពេញ ទៅបាវិត ព្រំដែនវៀតណាម, ភ្នំពេញ ទៅប៉ោយប៉ែត កាត់តាមកំពង់ធំ និងសៀមរាប។

ក្រៅពីគម្រោងសាងសង់ផ្លូវដែក ល្បឿនលឿនទាំង៤គម្រោងនេះ កម្ពុជា ក៏នឹងសាងសង់ប្រព័ន្ធផ្លូវដែក ក្នុងរាជធានីភ្នំពេញ ដើម្បីសម្រួលការធ្វើចរាចរណ៍របស់ប្រជាពលរដ្ឋ ដែលកំពុងមានកំណើនខ្លាំង៕

ខែឧសភាកម្ពុជាស្វាគមន៍ក្រុមហ៊ុនអាកាសចរណ៍Amirate ជាមួយនឹងកំណើនភ្ញៀវទេសចរណ៍

ដោយៈ ជេស៊ីកា

ភ្នំពេញៈ ប្រសិនជាគ្មានអ្វីប្រែប្រួលទេនោះ នៅថ្ងៃទី១ខែឧសភា ឆ្នាំ២០២៤ខាងមុខនេះ កម្ពុជា និងអេមីរ៉ាតអារ៉ាប់រួម (United Arab Emirates) នឹងភ្ជាប់ជើងហោះហើរជាមួយគ្នាឡើងវិញ ដោយភ្ជាប់ភ្នំពេញ ទៅទីក្រុងឌូបៃ។

ការតភ្ជាប់របស់ក្រុមហ៊ុនអាកាសចរណ៍លំដាប់ផ្កាយ៥នេះ ធ្វើឡើងបន្ទាប់ពីផ្អាកការហោះហើរជាច្រើនឆ្នាំ ចាប់តាំងតែពីការផ្ទុះរីករាលដាលជំងឺកូវីដ១៩។

លោកស៊ីន ចាន់សេរីវុត្ថា អនុរដ្ឋលេខាធិកា និងអ្នកនាំពាក្យអាកាសចរណ៍ស៊ីវិល បានប្រាប់បានមានប្រសាសន៍ឱ្យដឹងថា រាជរដ្ឋាភិបាលកម្ពុជាបានអនុម័ត និងអនុញ្ញាតទាំំងកម្រិតនយោបាយ និងបច្ចេកទេស ជូនក្រុមហ៊ុនអាកាសចរណ៍ Emirates រួចរាល់ហើយ ក្នុងដំណើរការបើកការហោះហើរឡើងវិញ រវាងរាជធានីភ្នំពេញ-សិង្ហបុរី-ទីក្រុងឌូបៃ ចាប់ពីថ្ងៃទី១ ខែឧសភា ឆ្នាំ២០២៤តទៅ ដើម្បីជំរុញការទាក់ទាញភ្ញៀវទេសចរ និងពាណិជ្ជកម្ម។លោកបញ្ជាក់ថា “បើសិនគ្មានអ្វីប្រែប្រួល ក្រុមហ៊ុនអាកាសចរណ៍ Emirates នឹងចាប់ផ្តើមបើកការហោះហើរ ចាប់ពីថ្ងៃទី១ ខែឧសភា ឆ្នាំ២០២៤ខាងមុខតទៅ ដោយមាន៧ជើងក្នុងមួយសប្តាហ៍ គឺនឹងធ្វើការហោះហើរជារៀងរាល់ថ្ងៃ”។ លោកបន្តថា ក្រុមហ៊ុននេះ អាចនឹងប្រើប្រាស់យន្តហោះប្រភេទ Boing 777 ដែលជាប្រភេទយន្តហោះផ្លូវឆ្ងាយ និងដឹកបានមនុស្សច្រើន។

បើតាមក្រុមហ៊ុនអាកាសចរណ៍ Emirates ខ្លួននឹងប្រើប្រាស់យន្តហោះ ដែលមានប្រភេទកៅអីបីប្រភេទ យន្តហោះ Boeing 777-300ER។ ក្រុមហ៊ុន Emirates នឹងផ្តល់ជូនបន្ទប់ឯកជន First Class ចំនួន៨កៅអី កៅអីអង្គុយលក្ខណៈបែប Business Class ចំនួន ៤២ កៅអី និងកៅអីធំទូលាយបែប Economy Class ចំនួន ៣១០កៅអី។

Emirates SkyCargo ក៏នឹងផ្តល់សមត្ថភាពផ្ទុកទំនិញលើយន្តហោះ Boeing 777-300ER ជាង៣០០តោនក្នុងមួយសប្តាហ៍ សម្រាប់ការដឹកជញ្ជូនទាំងក្នុង និងក្រៅទីក្រុងភ្នំពេញ។ ទំនិញសំខាន់ៗដែលនាំចេញពីទីក្រុងភ្នំពេញ រួមមាន៖ វាយនភ័ណ្ឌ ឱសថ និងទំនិញមានតម្លៃខ្ពស់ផ្សេងទៀត៕

តើគម្រោងទីក្រុងខ្នាតយក្ស The Line អាចសម្រេចបានគោលដៅ នៅត្រឹមឆ្នាំ២០៣០ដែរឬទេ?

ដោយ: គង់ លាងហួរ

អន្តរជាតិ: ប្រទេសអារ៉ាប៊ីសាអូឌីត បានកាត់បន្ថយមហិច្ឆតា រយៈពេលមធ្យមរបស់ខ្លួន សម្រាប់ការអភិវឌ្ឍន៍តំបន់វាលខ្សាច់ទៅជាទីក្រុងខ្នាតយក្ស Neom ដែលជាគម្រោងតម្លៃរាប់ពាន់លានដុល្លារនៅក្នុងផែនការរបស់ព្រះអង្គម្ចាស់ Mohammed bin Salman។

រដ្ឋាភិបាលអារ៉ាប៊ីសាអូឌីត ប្រកាសអភិវឌ្ឍន៍គម្រោងនេះឡើង ក្នុងគោលបំណងដើម្បី ធ្វើពិពិធកម្មសេដ្ឋកិច្ចរបស់ខ្លួន ដែលបច្ចុប្បន្ន កំពុងពឹងផ្អែកខ្លាំង ទៅលើការផលិតប្រេង ។នេះបើយោងតាមប្រភពដែលដឹងពីបញ្ហាខាងលើ។

នៅឆ្នាំ២០៣០ខាងមុខ រដ្ឋាភិបាលអារ៉ាប៊ីសាអូឌីត ធ្លាប់បានបង្ហាញក្តីសង្ឃឹមថា នឹងមានប្រជាជនចំនួន១,៥លាននាក់ចូលមករស់នៅក្នុងគម្រោង The Line ដែលជាទីក្រុងដ៏ធំល្វឹងល្វើយនាពេលអនាគត ដែលធ្វើឡើងអំពីកញ្ចក់។ប៉ុន្តែនៅពេលនេះ ក្រុមមន្ត្រីរំពឹងថា ទីក្រុង The Line នេះនឹងអាចផ្ទុកប្រជាជន រស់នៅមិនដល់៣០ម៉ឺននាក់ផង នៅឆ្នាំ២០៣០ខាងមុខ ដោយសារតែបញ្ហារអាក់រអួលមួយចំនួន។ នេះបើយោងតាមប្រភពដែលដឹងអំពីបញ្ហានេះ។

ក្រុមមន្ត្រីអារ៉ាប៊ីសាអូឌីត ធ្លាប់បានថ្លែងអះអាងជាយូរមកហើយថា គម្រោងទីក្រុង The Line នឹងត្រូវបានសាងសង់ឡើងជាដំណាក់កាលៗ ដែលនឹងគ្របដណ្តប់លើតំបន់វាលខ្សាច់ ប្រវែង១៧០គីឡូម៉ែត្រតាមបណ្តោយឆ្នេរសមុទ្រ។

ទោះជាយ៉ាងណាក្តី ការសាងសង់គម្រោងខាងលើត្រូវបានគេរំពឹងថា នឹងអាចសម្រេចបានវឌ្ឍនភាព ត្រឹមតែ២,៤គីឡូម៉ែត្រប៉ុណ្ណោះនៅឆ្នាំ២០៣០។ នេះបើយោងតាមប្រភព ដែលដឹងពីបញ្ហា តែសុំមិនបញ្ចេញឈ្មោះ។

ជាលទ្ធផល ក្រុមហ៊ុនអ្នកម៉ៅការយ៉ាងតិចបំផុតចំនួន១ បានចាប់ផ្តើមបញ្ឈប់ការងាររបស់កម្មករមួយចំនួន ដែលខ្លួនបានជួលឱ្យធ្វើការនៅក្នុងគម្រោងThe Line ខាងលើ។ នេះបើយោងតាមឯកសារ ដែលត្រូវបានប្រទះឃើញដោយសារពត៌មាន Bloomberg ។យោងតាមប្រភពដែលដឹងពីបញ្ហានេះបានទម្លាយថា ការបោះជំហានថយក្រោយ នៅក្នុងការអភិវឌ្ឍន៍ទីក្រុង The Line កើតឡើង ស្របពេលដែលរដ្ឋាភិបាលអារ៉ាប៊ីសាអូឌីត មិនទាន់អនុម័តថវិកាសាងសង់ទីក្រុង Neom សម្រាប់ឆ្នាំ២០២៤នៅឡើយ។

ប៉ុន្តែជុំវិញបញ្ហានេះ ក្រុមអ្នកតំណាងទីក្រុង Neom និងមូលនិធិវិនិយោគសាធារណៈរបស់អារ៉ាប៊ីសាអូឌីត ដែលជាអង្គភាពសំខាន់ កំពុងផ្តល់មូលនិធិដល់គម្រោងនេះ បានបដិសេធមិនធ្វើការអត្ថាធិប្បាយអ្វីនោះទេ។

ទីក្រុង The Line គឺជាផ្នែកមួយ នៃផែនការបង្កើតទីក្រុងខ្នាតយក្ស Neom ដែលរួមមានទីក្រុងឧស្សាហកម្ម កំពង់ផែ និងការអភិវឌ្ឍន៍ទេសចរណ៍។ ទីក្រុងនេះក៏គ្រោងនឹងធ្វើជាម្ចាស់ផ្ទះ នៃការប្រកួតកីឡា Asian Winter Games នៅឆ្នាំ២០២៩ ដែលគ្រោងរៀបចំនៅរមណីយដ្ឋានភ្នំមួយ ដែលមានឈ្មោះថា Trojena៕ប្រភព: Bloomberg៕

អ្នកឧកញ៉ាសុខ គង់ចាប់ផ្តើមចាក់បេតុងលើផ្លូវតភ្ជាប់ពីភ្នំបូកគោ ទៅកាន់ផ្លូវជាតិលេខ៤ហើយ

ដោយៈ គង់ សូរិយា

កំពតៈ អ្នកឧកញ៉ាសុខ គង់ប្រធានក្រុមហ៊ុនសុខាអូតែលបាននិងកំពុងចាប់ផ្តើមសាងសង់ និងចាក់បេតុង លើផ្លូវតភ្ជាប់ពីចំណុចវាលស្រែ៥០០ ទៅកាន់ផ្លូវជាតិលេខ៤ហើយ។

ក្រុមហ៊ុនសុខាអូតែល បានប្រើប្រាស់អ្នកជំនាញការជាតិ អន្តរជាតិ ក្នុងការកសាងផ្លូវមួយខ្សែនេះ ដោយប្រើប្រាស់ប្រព័ន្ឋGoogle Map ដើម្បីត្រួសត្រាយតម្រាយផ្លួវនេះ ដែលជាផ្លូវថ្មី ត្រូវសាងសង់ពុះកាត់ភ្នំ ផ្ទាំងថ្មធំៗ អូរ និងជ្រោះធំៗជាច្រើន ។

អ្នកឧកញ៉ាសុខ គង់បានមានប្រសាសន៍ឲ្យដឹងកន្លងមកថា ផ្លូវថ្មីនេះ នឹងដើរតួនាទីកាន់តែសំខាន់ ក្នុងការលើកកំពស់សេដ្ឋកិច្ចនៅក្នុងខេត្តកំពត ពិសេសជម្រុញការអភិវឌ្ឍទីក្រុងបូកគោ កាន់តែសកម្ម និងរសរវើកថែមទៀត ខណៈរហូតមកទល់ពេលនេះ ក្រុមហ៊ុនសុខាអូតែល បានចំណាយប្រាក់ចន្លោះពី៤០០ ទៅ៥០០លានដុល្លាររួចហើយ ដើម្បីវិនិយោគនៅទីក្រុងនេះ។

បច្ចុប្បន្នក្រុមហ៊ុនសុខាអូតែល បាននិងកំពុងសាងសង់ពុទ្ឋបដិមាទ្រង់ព្រះភ្នែន កំពស់១០៨ម៉ែត្រ ដែលជាកំពស់ខ្ពស់ជាងគេនៅលើពិភពលោក។

ជំនួយការផ្ទាល់របស់អ្នកឧកញ៉ាសុខ គង់បានបញ្ជាក់ឲ្យដឹងកាលពីសប្តាហ៍មុនថា ផ្លូវកំពុងចាក់បេតុងបណ្តើរៗហើយ។ ចំណែកតម្លៃគម្រោងសាងសង់ផ្លូវនេះ មិនទាន់ដឹងនៅឡើយទេ។

ទោះជាយ៉ាងណា លោកមិនអាចបញ្ជាក់លំអិតបាននៅឡើយទេ ប៉ុន្តែយ៉ាងណាផ្លូវនេះ ទំនងជាត្រូវបញ្ចប់និងដាក់ឲ្យប្រើប្រាស់ដំណាលគ្នា នឹងពេលបញ្ចប់ការសាងសង់ពុទ្ឋបដិមាកំពស់១០៨ នៅចំណុចវាលស្រែ៥០០ផងដែរ ខណៈមានការរំពឹងថា ពុទ្ឋបដិមានេះនឹងទាក់ទាញពុទ្ឋបរិស័ទខ្មែរ និងភ្ញៀវទេសចរណ៍ជាតិ អន្តរជាតិរាប់ម៉ឺននាក់ធ្វើពិធីបន់ស្រន់ និងពិធីបែបពុទ្ឋសាសនា នៅទីតាំងព្រះពុទ្ឋរូបដ៏ខ្ពស់នេះ៕

Thai SMEs urged to tap trade opportunities in Cambodia and Saudi Arabia

Cambodia and Saudi Arabia are as the new oasis of opportunities for Thai small and medium-sized enterprises (SMEs) to expand trade partners, thanks to the robust economic growth and surge in investment projects, according to state agencies.

This year, the Board of Trade of Thailand and the Office of Small and Medium Enterprises Promotion (OSMEP) have partnered with Index Creative Village to participate in four international trade fairs in the two countries: Cambodia Architect & Dècor 2024; Cambodia Foodplus Expo 2024; and Cambodia Health & Beauty Expo 2024, which will take place from August 2-4 at Diamond Island Convention and Exhibition Centre in Phnom Penh

The other major event is the International Mega Fair 2024 in Riyadh from November 15-17 at the Riyadh International Convention & Exhibition Centre. The trade fairs will mainly focus on B2B markets, bringing Thai SMEs from diverse industries into contact with prospective buyers through business matching sessions.

Mek-Kreingkrai Kanjanapokin, the founder and group CEO, Index Creative Village – Thailand’s leading international trade show platform – said that Cambodia was an attractive destination as the neighbouring country’s gross domestic product in 2024 was expected to grow more than 6.3% to US$35.16 billion. Cambodia’s population will increase to 17.12 million with a young median age of 24. In addition, there is a surge in construction of mega-infrastructure and real estate including shopping malls and residential projects.
Because of Thailand’s strategic location in ASEAN, the country has a logistical advantage to boost trade ties with Cambodia, Mek said.

This year, the countries are celebrating the 74th anniversary of bilateral diplomatic relations.

Mek added that trade shows in Cambodia over the past three years have been gaining interest, especially the Health & Beauty Expo, which has become the biggest show in the country. In 2023, the event recorded trade value of 142 million baht.

Speaking of opportunities in Saudi Arabia, Mek pointed to the second edition of the International Mega Fair scheduled to be held in Riyadh. The event is offering 30 per cent more space than last year. The show will focus on mum and kids, food and beverage, health and wellness, tourism, fragrance, lifestyle, build and decor, automobile and auto parts, agriculture, and MICE industries.

Thailand-Saudi Arabia bilateral trade in 2024 is expected to increase by 20 per cent to US$12 billion. In a bid to boost business opportunities between the two countries, the Board of Trade of Thailand has urged the government to appoint a Minister Counsellor (Commercial) to Riyadh.

Meanwhile, Wachira Kaewkor, deputy director-general, Office of Small and Medium Enterprises Promotion, said that the office would subsidise 50% of exhibition space cost for medium-sized enterprises each and 80% for small and micro enterprises.

This year, there are 30 potential Thai SMEs selected by the Board of Trade of Thailand to attend the International Mega Fair 2024 in Riyadh. Source: The Nation

ឥណ្ឌូនេស៊ីបង្កើតបានផ្លូវដឹកជញ្ជូនដោយផ្ទាល់ទៅកាន់ប្រទេសចិន ដោយមិនបាច់ឆ្លងកាត់សិង្ហបុរី

ដោយ: គង់ លាងហួរ

ហ្សាការតា: អាជ្ញាធរទីក្រុងដែនកោះ Batam នៃខេត្តRiau Islands របស់ប្រទេសឥណ្ឌូនេស៊ី បានចាប់ផ្តើមបើកប្រតិបត្តិការដឹកជញ្ជូនទំនិញដោយផ្ទាល់ពីកំពង់ផែ Batuampar ទៅកាន់ខេត្ត Guangzhou និងខេត្តShenzhenរបស់ប្រទេសចិន ដើម្បីជំរុញពាណិជ្ជកម្មរវាងប្រទេសទាំង២។

សេវាកម្មដឹកជញ្ជូនដោយផ្ទាល់នេះ ត្រូវបានផ្តួចផ្តើមឡើងដោយសហគ្រាសរដ្ឋ Persero Batam និងទីភ្នាក់ងារសម្បទាន Batam សហការជាមួយក្រុមហ៊ុនដឹកជញ្ជូន SITC International Holdings ដែលមានមូលដ្ឋាននៅទីក្រុងហុងកុង។

លោក Arham S. Torik នាយកសហគ្រាស Persero Batam បានលើកឡើងថា ការដឹកជញ្ជូននេះ បានប្រើប្រាស់កប៉ាល់ MV SITC Hakata ដែលមានសមត្ថភាពផ្ទុកចំនួន១.០០០ TEUs ខណៈកប៉ាល់ នឹងត្រូវចេញដំណើរជាប្រចាំរៀងរាល់ថ្ងៃអាទិត្យ។
លោក Torik បានបន្តថា “ក្រុមហ៊ុន SITC នឹងបើកដំណើរការកប៉ាល់ចំនួន៣គ្រឿង ដើម្បីធានាបាននូវការដឹកជញ្ជូន ប្រកបដោយភាពរលូន ។ នៅក្នុងការដឹកជញ្ជូនលើកដំបូងនេះ ពីទីក្រុងដែនកោះ Batam ទៅកាន់ប្រទេសចិន យើងនឹងដឹកជញ្ជូនទំនិញចំនួន១០០កុងតឺន័រ ដែលជាកម្មសិទ្ធិរបស់ក្រុមហ៊ុន PT Eco Green”។

លោកបានបន្ថែមថា ក្រុមហ៊ុននាំចេញចំនួន៥ បានចូលរួមក្នុងផ្លូវដឹកជញ្ជូនដោយផ្ទាល់នេះរួចមកហើយ ដោយលោកសង្ឃឹមថា នឹងមានក្រុមហ៊ុនជាច្រើនទៀតចូលរួម។

លោកបានបញ្ជាក់ថា “ការដឹកជញ្ជូនដោយផ្ទាល់នេះ អាចកាត់បន្ថយថ្លៃដឹកជញ្ជូន ចំនួន៦០០ដុល្លារអាមេរិក បើប្រៀបធៀបនឹងការដឹកជញ្ជូនដោយឆ្លងកាត់ប្រទេសសិង្ហបុរី”។

ជាមួយគ្នានេះ លោក Muhammad Rudi អភិបាលក្រុង Batam ក៏បានកោតសរសើរ ចំពោះប្រតិបត្តិការនៃការដឹកជញ្ជូន ដោយផ្ទាល់ពីទីក្រុង Batam ទៅកាន់ប្រទេសចិន។

លោក Rudi បានបន្ថែមថា “នាពេលអនាគត យើងសង្ឃឹមថា ក្រុមហ៊ុនទាំងអស់នៅទីក្រុង Batam អាចទាញយកអត្ថប្រយោជន៍ពីការដឹកជញ្ជូន ដោយផ្ទាល់ទៅកាន់ប្រទេសចិន។ ឥឡូវនេះ យើងបង្កើតបានផ្លូវដឹកជញ្ជូនដោយផ្ទាល់ហើយ”៕

Cambodia approves investment projects worth 2.2 bln USD in Q1

Cambodia attracted fixed-asset investment of 2.2 billion U.S. dollars in the first quarter (Q1) of 2024, a sharp rise of 649 percent compared to the same period last year, said a Council for the Development of Cambodia (CDC)’s report released on Friday.

The Southeast Asian nation approved 106 investment projects during the January-March period this year, significantly up from only 39 projects over the same period last year, generating approximately 107,000 jobs, the CDC said.

Those new investment projects were mainly focused on industries, infrastructure, hydroelectric power, agriculture, agro-industry, and tourism, it added.

Top five foreign investors in the kingdom are from China, Singapore, Vietnam, South Korea and the United States, the CDC said, adding that investment from China accounted for 777 million dollars, or 35 percent, of the total investment.

The Cambodian Ministry of Commerce’s Secretary of State and Spokesperson Penn Sovicheat said the Regional Comprehensive Economic Partnership (RCEP) agreement, the Cambodia-China Free Trade Agreement (CCFTA), and Cambodia’s new law on investment, are key factors to attract foreign direct investment (FDI) to the kingdom.

“Both RCEP and CCFTA are magnets to attract foreign investors to Cambodia,” he told Xinhua. “FDI, especially from China, is crucial to help boost Cambodia’s economic and trade growth.”

The official said new FDI would bring new capital, technologies and employment opportunities for Cambodian people.Source: Xinhua

មហាសេដ្ឋីអាមេរិកមួយរូបបង្ហាញសុទិដ្ឋិនិយមចំពោះការវិនិយោគ នៅទីផ្សាររបស់ប្រទេសចិន

ដោយ: គង់ លាងហួរ

អន្តរជាតិ: មហាសេដ្ឋីអាមេរិកលោក Ray Dalio ប្រធានផ្នែកវិនិយោគនៅក្រុមហ៊ុន Bridgewater Associates បានបញ្ជាក់ក្នុងការបង្ហោះសារ នៅលើបណ្តាញសង្គមនាពេលថ្មីៗនេះថា បញ្ហាប្រឈមរបស់ប្រទេសចិន គឺអាចគ្រប់គ្រងបាន និងដល់ពេលវេលាហើយ ដែលត្រូវទិញភាគហ៊ុនរបស់ប្រទេសចិន។

លោក Dalio ដែលបានបណ្តាក់ទុនវិនិយោគ នៅក្នុងទីផ្សារភាគហ៊ុនរបស់ប្រទេសចិន អស់រយៈពេលជាង៤ទស្សវត្សរ៍កន្លងមក បានលើកឡើងថា “គ្មានទីផ្សារណា ដែលអាក្រក់នោះទេ មានតែការសម្រេចចិត្តមិនល្អប៉ុណ្ណោះ”។ លោកបន្ថែមថា “ខ្ញុំយល់ថា ទីផ្សារនៅក្នុងប្រទេសចិនគឺល្អ សម្រាប់ការសម្រេចចិត្តរបស់ខ្ញុំ”។

លោកបានបន្តថា “ការវិនិយោគនៅក្នុងប្រទេសចិន គឺជាភាពជោគជ័យមួយសម្រាប់ខ្ញុំ ហើយវាថែមទាំងបង្ហាញដល់បណ្តាវិនិយោគិនអំពីរបៀប ឬវិធីសាស្ត្រ ដែលពួកគេអាចប្រើប្រាស់ ដើម្បីទទួលបានលទ្ធផលល្អ ទាំងនៅក្នុងទីផ្សារខ្លាឃ្មុំ និងទីផ្សារគោ តាមរយៈការធ្វើពិពិធកម្មផលប័ត្រដ៏ឆ្លាតវៃ”។ទីផ្សារគោ (Bull Market) និងទីផ្សារខ្លាឃ្មុំ (Bear Market) ត្រូវបានគេប្រើ ដើម្បីបរិយាយពីស្ថានភាព នៃទីផ្សារហិរញ្ញវត្ថុឬទីផ្សារភាគហ៊ុន។

អ្នកជំនាញបានជ្រើសរើសពាក្យ “ទីផ្សារគោ ឬBull Market” និង “ទីផ្សារខ្លាឃ្មុំ ឬ Bear Market” មកប្រៀបធៀបអំពីរបៀបវាយប្រហារនៃសត្វទាំង២ ទៅនឹងភាពឡើងចុះនៃទីផ្សារ។

សត្វខ្លាឃ្មុំ ចូលចិត្តអូសក្រចកចុះក្រោម នៅពេលវាយប្រហារ ដែលឆ្លុះបញ្ចាំងពីតម្លៃភាគហ៊ុនធ្លាក់ថ្លៃចុះ គេឱ្យឈ្មោះថា “ទីផ្សារខ្លាឃ្មុំ”។ រីឯសត្វគោវិញ ចូលចិត្តបោលទៅមុខ និងជល់ឆ្កឹះឡើងលើ នៅពេលវាយប្រហារ ដូច្នេះនៅពេលដែលទីផ្សារភាគហ៊ុន ងើបឡើងថ្លៃ គេឱ្យឈ្មោះថា “ទីផ្សារគោ”។

លោក Dalio បានបញ្ជាក់បន្ថែមថា “ខ្ញុំនៅតែព្រួយបារម្ភអំពីបញ្ហារបស់ប្រទេសចិន ស្មើនឹងខ្ញុំព្រួយបារម្ភអំពីបញ្ហា នៅក្នុងសហរដ្ឋអាមេរិក អឺរ៉ុប និងប្រទេសផ្សេងទៀត ដែលខ្ញុំបណ្តាក់ទុនវិនិយោគ”៕ប្រភព:Xinhua៕

1...570571572...3,245 Page 571 of 3,245