រដ្ឋាភិបាលផ្តល់ការលើកលែងពន្ធ៩ឆ្នាំ ដើម្បីទាក់ទាញការវិនិយោគពីបរទេសមកកម្ពុជា

ដោយៈ គង់ ហ្វីអូណា

ភ្នំពេញៈ សម្តេចធិបតីហ៊ុន ម៉ាណែត នាយករដ្ឋមន្ត្រីនៃកម្ពុជា បានផ្តល់ការលើកលែងពន្ធចំនួន៩ឆ្នាំ ចំពោះវិនិយោគិនដែលបានបោះទុនវិនិយោគនៅកម្ពុជា។ នេះបើតាមការលើកឡើងក្នុងវេទិកាធុរកិច្ចបារាំង-កម្ពុជា នៅទីក្រុងប៉ារីសកាលពីថ្ងៃទី១៥ ខែមករា ឆ្នាំ២០២៤ កន្លងទៅ។

នៅក្នុងវេទិការនោះ សម្តេចធិបតីហ៊ុន ម៉ាណែត បានបញ្ជាក់ថា រាជរដ្ឋាភិបាលបាន និងកំពុងធ្វើសកម្មភាពយ៉ាងសកម្ម ក្នុងការជំរុញ និងបង្កើតបរិយាកាសអំណោយផល ដល់ការវិនិយោគ ដើម្បីទាក់ទាញមូលធនក្នុងស្រុក និងក្រៅប្រទេស ដោយប្រកាន់ភ្ជាប់នូវគោលការណ៍បើកចំហរ តម្លាភាព ភាពអាចព្យាករបាន និងធានាការប្រកួតប្រជែងដោយស្មើភាព និងគ្មានការរើសអើង និងបន្តការលើកលែងពន្ធរយៈពេល៩ឆ្នាំ ដល់វិនិយោគិនបរទេស និងការសម្រួលវិធានច្បាប់ចុះបញ្ជី សម្រាប់ជាអាជីវកម្មបរទេស ក្នុងការបង្កើតនិងការធ្វើប្រតិបត្តិការអាជីវកម្មនៅកម្ពុជា។

សម្តេច ហ៊ុន ម៉ាណែតក៏បានលើកឡើងបន្ថែម ទាក់ទងនឹងទំហំពាណិជ្ជកម្មទ្វេរភាគី រវាងកម្ពុជា-បារាំងនៅឆ្នាំ២០២៣ ដែលបានកើនឡើងចំនួន ៥១៥លានដុល្លារ និងទំហំពាណិជ្ជកម្មទ្វេភាគីកម្ពុជា-អឺរ៉ុបដែលមានចំនួន៤,៦ពាន់លានដុល្លារនៅឆ្នាំ២០២៣ផងដែរ៕

ក្រុមអ្នកជំនាញកំពុងធ្វើការរួមគ្នាដើម្បីជម្រុញ និងលើកស្ទួយវិស័យអចលនទ្រព្យនៅកម្ពុជា

ដោយៈ ជេស៊ីកា

ភ្នំពេញៈ ក្រុមអ្នកជំនាញនៃសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បាននិងកំពុងរួមគ្នា ដើម្បីជម្រុញកិច្ចសហការ និងជួយដល់អ្នកអភិវឌ្ឍន៍នៅកម្ពុជា។

ថ្នាក់ដឹកនាំសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា រួមជាមួយនឹងសមា ជិក-សមាជិកក្រុមហ៊ុនវាយតម្លៃអចលនវត្ថុ និងគណៈកម្មការវាយតម្លៃអចលនវត្ថុ បានជួបប្រជុំគ្នាប្រចាំសប្តាហ៍ ដើម្បីរួមគ្នាពង្រឹងគុណភាពផ្នែកវាយតម្លៃ និងជម្រុញការផ្តល់សេវាកម្មអចលនវត្ថុ និងបង្កើនការលក់នៅកម្ពុជា។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជាលោកសន សៀប បានមានប្រសាសន៍ឲ្យដឹងកាលពីចុងសប្តាហ៍មុនថា ការជួបជុំគ្នានេះ ដើម្បីជំរុញរួបរួមគ្នាពង្រឹងសមត្ថភាពបុគ្គលិក ភាពជាអ្នកដឹកនាំម្ចាស់ក្រុមហ៊ុន ចែករំលែកចំណេះដឹង ពាក់ព័ន្ធទៅនឹងការលក់, យុទ្ធសាស្ត្រការគ្រប់គ្រងបុគ្គលិក និងថ្លៃសេវា និងកម្រៃជើងសាវិជ្ជាជីវៈ សម្រាប់ការផ្ដល់សេវាកម្មវាយតម្លៃ និងសេវាកម្មអចលនវត្ថុ នៅក្នុងប្រទេសកម្ពុជា។លោកបញ្ជាក់ថា “ការជួបជុំគ្នានេះ សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ក៏បានចាប់ដៃគូសហការជាមួយសមាជិក សមាគម ដែលផ្ដល់សេវាកម្មវាយតម្លៃអចលនវត្ថុ ប្រមាណ៣០ក្រុមហ៊ុន”។ លោកបន្តថា បន្ថែមពីនោះទៀត សេវាកម្មវាយតម្លៃអចលនវត្ថុ គឺផ្ដោតទៅលើគុណភាពជាចម្បង ជៀសវាងការប្រកួតប្រជែង ទៅលើសេវាកម្មវាយតម្លៃអចលនវត្ថុ ហើយស្របជាមួយនឹងការគោរពច្បាប់របស់រាជរដ្ឋាភិបាលកម្ពុជា។លោកសន សៀបបានបន្តថា សមាគម និងសមាជិក សមាជិកាបាននិងកំពុងធ្វើការងារនេះ ជាមួយម្ចាស់គំរោងនានាទាំងបុរី ខុនដូ ដើម្បីលក់ ប៉ុន្តែយើងក៏ផ្តោតលើគំរោងស្របច្បាប់ ដែលមានទាំងអាជ្ញាប័ណ្ណលក់ អាជ្ញាប័ណ្ណសាងសង់ និងច្បាប់បទដ្ឋានគតិយុត្តិនានាដែលច្បាប់តម្រូវផងដែរ។

ជាមួយគ្នានេះ លោក វ៉ា វីរៈ នាយកក្រុមហ៊ុន Century 21 Fortuna Investment បានលើកឡើងថា ការជួបជុំគ្នានេះវាគឺជាពេលវេលាដ៏ល្អបំផុត បើទោះបីជា ស្ថានភាពនៅឆ្នាំ ២០២៣កន្លងមកនេះ វិស័យអចលនទ្រព្យមានផលប៉ះពាល់យ៉ាងខ្លាំង ប៉ុន្តែការជួបជុំរបស់យើង គឺជួបដើម្បីរកដំណោះស្រាយផ្សេងៗ ដែលត្រូវរៀនសូត្រ និងចែករំលែកពីគ្នាទៅវិញទៅមក ទាំងផ្នែកជំនាញ ,ផ្នែកផ្លូវច្បាប់ និងបង្ហាញទីតាំងដីធ្លីកន្លែងល្អៗ។លោកបន្តថា “ការជួបជុំនេះ មិនមែនទាល់តែស្ថានភាពលំបាកបានជួបជុំគ្នានោះទេ ប៉ុន្តែទោះបីជាស្ថានភាពល្អ ក៏យើងនៅតែបន្តសកម្មភាពបែបនេះទៀត ដើម្បីជំរុញឲ្យវិស័យអចលនទ្រព្យ នៅកម្ពុជា ឲ្យកាន់តែរីកចម្រើនបន្ថែមទៀតនាពេលខាងមុខ”។លើសពីនេះ លោកស្រីតាំង ហួរ អនុប្រធានសមាគមអ្នកវាយតម្លាំ និងភ្នាក់ងារអចលនវត្ថុកម្ពុជាបានបញ្ជាក់ឲ្យដឹងផងដែរថា ក្នុងស្ថានភាពនេះ ការរួបរួមពិតជាមានសារៈសំខាន់ណាស់ ដើម្បីទទួលបាននូវលទ្ឋផលឈ្នះ ឈ្នះទាំងអស់គ្នា ដោយយើងផ្តល់ឲ្យអ្នកអភិវឌ្ឍន៍ឈ្នះ ហើយយើងក្នុងនាមជាក្រុមហ៊ុនលក់ និងប្រឹក្សាយោបល់ ក៏ទទួលបានជោគជ័យផងដែរ។លោកស្រីបន្តថា “ហេតុនេះ ទើបយើងរៀបចំកម្មវិធីជួបគ្នារៀងរាល់សប្តាហ៍ ដើម្បីពិភាក្សានិងដាក់ចេញយុទ្ឋសាស្រ្តនានា ក្នុងការជម្រុញលើកស្ទួយវិស៧យនេះ”៕

ថៃចង់ការចរចាបើកច្រកចូលប្រាសាទព្រះវិហារឡើងវិញ ស្របពេលនាយករដ្ឋមន្រ្តីកម្ពុជានឹងបំពេញទស្សនកិច្ចនៅដើមខែកុម្ភៈ

ដោយៈ គង់ សូរិយា

ភ្នំពេញៈ អ្នកទេសចរដើរកាត់គោបុរៈមួយ ក្នុងចំណោមគោបុរៈទាំងប្រាំ នៅប្រាសាទព្រះវិហារក្នុងឆ្នាំ២០២១។ វិវាទជាច្រើនបានកើតឡើងជុំវិញរមណីដ្ឋានប្រវត្តិសាស្ត្រ រវាងកម្ពុជានិងថៃអស់ជាច្រើនសតវត្សរ៍។

សមាជិកសភាគណបក្សភឿថៃ នៅខេត្តស៊ីសាកេត ចង់ឲ្យនាយករដ្ឋមន្ត្រី លោកសេដ្ឋា ថាថាវីស៊ីន ពិភាក្សាអំពីលទ្ធភាពចូលទៅកាន់ប្រាសាទព្រះវិហារ ក្នុងអំឡុងកិច្ចប្រជុំនាពេលខាងមុខ ជាមួយសមភាគីកម្ពុជា សម្តេចធិបតីបណ្ឌិត ហ៊ុន ម៉ាណែតនាយករដ្ឋមន្រ្តីកម្ពុជា។

ច្រកចូលទៅកាន់តំបន់បេតិកភណ្ឌពិភព លោករបស់អង្គការយូណេស្កូ ពីស្រុកកាន់ថារ៉ាឡាក់ នៃខេត្តស៊ីសាកេត ត្រូវបានបិទតាំងពីឆ្នាំ២០០៨ នៅពេលដែលសកម្មភាពយោធា ត្រូវបានបង្កើនរវាងភាគីទាំងសង នៅជាប់ព្រំដែន។ ការប៉ះទង្គិចគ្នាដោយយោធា ដែលបានកើតឡើង ក្នុងឆ្នាំ២០១១ ត្រូវបានរាយការណ៍ថា មានអ្នកស្លាប់ចំនួន៣៤នាក់ ។ ពីរឆ្នាំក្រោយមក តុលាការយុត្តិធម៌អន្តរជាតិបានសម្រេចថា ដីដែលនៅជាប់នឹងប្រាសាទនៅខាងកើត និងខាងលិចជារបស់កម្ពុជា។

សេចក្តីសម្រេចឆ្នាំ១៩៦២ ដែលបានបញ្ចប់វិវាទអស់ជាច្រើនទស្សវត្សរ៍បានបញ្ជាក់ថា ផ្នែកខាងត្បូងនៃប្រាសាទ គឺជាទឹកដីកម្ពុជា ហើយផ្នែកខាងជើងជារបស់ថៃ។

បណ្ឌិត ភូមីន លីធីរ៉ាប្រាសើត (Phumin Leethiraprasert)សមាជិកសភាគណបក្សភឿថៃ មណ្ឌលលេខ៤ ប្រចាំខេត្តស៊ីសាកេត មានប្រសាសន៍ថា សមាជិកសភាខេត្ត គ្រោងនឹងជម្រាបជូនលោក សេដ្ឋា នៅថ្ងៃពុធ អំពីបញ្ហាខ្មែរ-ថៃ។

លោកបានថ្លែងថា សមាជិកសភាសង្ឃឹមថា មេដឹកនាំទាំងពីរអាចយល់ព្រម លើការបើកទេសចរណ៍ឡើងវិញ ជុំវិញតំបន់ប្រាសាទព្រះវិហារ។លោកបណ្ឌិត ភូមីន បានថ្លែងថា ការបើកឡើងវិញដែលរង់ចាំអស់រយៈពេលជាយូរ គឺអាស្រ័យលើការចរចា រវាងនាយករដ្ឋមន្ត្រីទាំងពីរ។

លោកបញ្ជាក់ថា “ខ្ញុំជឿថា ការបើកទេសចរណ៍ឡើងវិញជុំវិញតំបន់ប្រាសាទ ឆ្លុះបញ្ចាំងពីចំណងមិត្តភាព រវាងប្រជាជាតិទាំងពីរ ដូច្នេះការបើកឡើងវិញគឺពិតជាអាចទៅរួច”។

មានការព្យាយាម ដើម្បីបើកច្រកចូលទៅកាន់រមណីដ្ឋានវប្បធម៌ និងប្រវត្តិសាស្រ្ត ក្នុងរយៈពេលប៉ុន្មានខែថ្មីៗនេះ ហើយបញ្ហានេះក៏បានទាក់ទាញចំណាប់អារម្មណ៍ ពីគណៈកម្មាធិការសភាកិច្ចការបរទេស ដែលដឹកនាំដោយសមាជិកសភាបក្សភឿថៃ លោក ណុបផាដន ផាត់ថាម៉ា (Noppadon Patama)។

កាលពីដើមខែនេះ គណៈកម្មការបានកោះអញ្ជើញលោក អានុភុង ស៊ុកសុំនីត (Anupong Suksomnit) អភិបាលខេត្តស៊ីសាកេត និងតំណាងមកពីផ្នែកយោធា ដើម្បីផ្តល់ព័ត៌មានអំពីភាពតានតឹងនៅតាមព្រំដែន។

លោក អានុភុង បានប្រាប់អង្គប្រជុំថា អាជ្ញាធរខេត្តបានឯកភាពក្នុងកិច្ចប្រជុំរបស់ពួកគេ កាលពីខែវិច្ឆិកាឆ្នាំមុន ដើម្បីស្នើសុំឱ្យរដ្ឋាភិបាលថៃ និងកម្ពុជា ធ្វើការរួមគ្នាដើម្បីជំរុញទេសចរណ៍ជុំវិញប្រាសាទ។

យោងតាមអភិបាលខេត្តបានឱ្យដឹងថា វិស័យឯកជនក៏បានគាំទ្រចលនានេះផងដែរ ជាមួយនឹងផែនការបញ្ចុះបញ្ចូល ស្ថាប័នពាណិជ្ជកម្ម និងជំនួញ ឱ្យចូលរួមក្នុងយុទ្ធនាការ សម្រាប់ការស្តារទេសចរណ៍ឡើងវិញ។

លោក ណុបផាដន អតីតរដ្ឋមន្ត្រីការបរទេស ក៏បានសម្តែងការគាំទ្រ ចំពោះការបើកឡើងវិញ ដែលនឹងជំរុញពាណិជ្ជកម្មតាមព្រំដែន ការវិនិយោគ និងពង្រឹងទំនាក់ទំនងរវាងប្រជាជនក្នុងតំបន់។

យោងតាមអ្នកនាំពាក្យរដ្ឋាភិបាល លោក ឆៃ វ៉ាឆារុង (Chai Wacharonke) បានឱ្យដឹងថា នាយករដ្ឋមន្ត្រីកម្ពុជានឹងធ្វើទស្សនកិច្ចជាផ្លូវការ នៅថ្ងៃទី៧ ខែកុម្ភៈ។ ការអភិវឌ្ឍន៍រួមគ្នានៃធនធានថាមពលក្នុងសមុទ្រ នៅក្នុងតំបន់ទាមទារត្រួតស៊ីគ្នា (OCA) ត្រូវបានគេនិយាយថាជាធាតុសំខាន់ នៅក្នុងរបៀបវារៈរបស់មេដឹកនាំទាំងពីរ៕ Bangkok Post

Interview: Cambodian senior gov’t official paints brighter picture for Cambodia-China economic, trade cooperation

PHNOM PENH, A Cambodian senior government official has painted a rosier picture for Cambodia-China economic and trade cooperation in 2024, saying that a steady increase in bilateral trade and investment volumes has benefited both countries and peoples.

Sok Siphana, a senior minister and chairman emeritus of the Board of Directors of the Asian Vision Institute, said 2024 is the year to implement the China-Cambodia community with a shared future in the new era and the China-Cambodia People-to-People Exchange Year.

“China-Cambodia economic and trade cooperation will continue to deepen and become a driving force for the China-Cambodia economy as well as an important driving force for sustainable social development,” he told Xinhua
in a recent interview.

“The potential of China-Cambodia tourism cooperation will continue to be better explored, and Cambodia’s infrastructure investment will achieve a higher growth,” he added.

Siphana said the construction of the “Industrial Development Corridor” and the “Fish and Rice Corridor” will achieve new developments.
He said Cambodia’s economic growth is expected to rebound to 5.8 percent in 2024, citing a World Bank’s recent report.

The senior minister said Cambodia and China had achieved good results in their trade and investment ties in 2023 amid declining global demand, saying that the two-way trade increased last year, as China’s investment in Cambodia accounted for 66 percent of the kingdom’s foreign investment sources.

He said China had been Cambodia’s largest trading partner for 12 consecutive years and remained the Southeast Asian country’s biggest source of foreign direct investment.

Siphana said the formal entry into force of the China-Cambodia Free Trade Agreement and the Regional Comprehensive Economic Partnership Agreement (RCEP) have injected vitality to the continued growth of the bilateral trade volume.

According to him, Cambodia’s rice, cassava, bananas, mangoes, longans, peppers and other categories of high-quality agricultural products are approved to be exported to China.

Durians and bird’s nest are currently undergoing market access assessment, he said, adding that China has become the largest export market for Cambodian bananas and longans.

Siphana said Cambodia is committed to maintaining its high-level diplomacy with China and supporting the Belt and Road Initiative (BRI).
“The BRI is an important factor in attracting more Chinese investment,” he said.

The senior minister added that the BRI is deeply aligned with the first phase of Cambodia’s Pentagonal Strategy, enriching the “Diamond Hexagon” cooperation framework between the two countries, as well as playing an important role in Cambodia’s economic development and improvement of people’s livelihood.

He highlighted flagship BRI projects in the kingdom, including the Siem Reap Angkor International Airport officially launched last November, the Phnom Penh-Sihanoukville Expressway formally put into operation in November 2022, and the ongoing construction of the second expressway from Phnom Penh to Bavet.

“A large number of infrastructure projects such as roads, bridges, airports, and ports implemented by Chinese-funded enterprises have promoted Cambodia’s economic development and connectivity,” Siphana said.

He added that the construction of hydropower stations and transmission grids invested by China, the construction of multiple industrial parks such as the Sihanoukville Special Economy Zone, and the construction of car tire and cement plants have improved the level of industrialization in Cambodia and created a large number of jobs and tax revenues for the kingdom.

“Investments from Chinese technology companies have also expanded Cambodia’s digital economy and green economy,” he said. “China and Cambodia have achieved outstanding results in jointly building a high-quality, high-level and high-standard community with a shared future.

តើប្រទេសថៃដាក់ចេញយុទ្ធសាស្ត្រអ្វីខ្លះ ដើម្បីទាក់ទាញភ្ញៀវទេសចរបរទេសឱ្យបាន៤០លាននាក់ នៅឆ្នាំនេះ?

ដោយ: គង់ លាងហួរ
បាងកក: ក្រសួងទេសចរណ៍ និងកីឡាថៃបានដាក់ចេញផែនការជំរុញការចំណាយ និងការស្នាក់នៅរយៈពេលយូររបស់ភ្ញៀវទេសចរ តាមរយៈផលិតផលអំណាចទន់(soft power) ព្រឹត្តិការណ៍ ពិធីបុណ្យ និងវិធានការសុវត្ថិភាព ដើម្បីទាក់ទាញចិត្តភ្ញៀវទេសចរ។

តួយ៉ាង រដ្ឋាភិបាលថៃបានកំណត់គោលដៅទាក់ទាញភ្ញៀវទេសចរបរទេសឱ្យបានចំនួន៤០លាននាក់នៅឆ្នាំ២០២៤នេះ និងគោលដៅប្រាក់ចំណូលប្រមាណ៦៤,៦ពាន់លានដុល្លារ។

លោកស្រី Sudawan Wangsuphakijkosol រដ្ឋមន្ត្រីក្រសួងទេសចរណ៍ និងកីឡា បានអះអាងថា ក្រសួងនឹងផ្តោតលើការបង្កើនចំនួនភ្ញៀវទេសចរ ការចំណាយរបស់ភ្ញៀវ និងរយៈពេលស្នាក់នៅ។យុទ្ធសាស្ត្រសំខាន់ៗ ដែលរដ្ឋាភិបាលថៃបានដាក់ចេញរួមមានដូចខាងក្រោម៖
ទី១: ក្រសួង និង អាជ្ញាធរពាក់ព័ន្ធនឹងសហការ ដើម្បីស្តារទំនុកចិត្តដល់ភ្ញៀវទេសចរបរទេស ដោយធានាថាពួកគេអាចធ្វើដំណើរក្នុងប្រទេសថៃ ដោយសុវត្ថិភាព។

ទី២: ប្រើប្រាស់វិស័យទេសចរណ៍ជាយន្តការពង្រឹងទំនាក់ទំនងរវាងបណ្តាប្រទេសសមាជិកអាស៊ាន ខណៈកិច្ចប្រជុំរវាងក្រសួងទេសចរណ៍ក្នុងតំបន់នឹងរៀបចំនៅក្នុងប្រទេសឡាវនៅចុងខែមករានេះ។

ទី៣: ដាក់ចេញគោលនយោបាយលើកលែងទិដ្ឋាការអចិន្ត្រៃយ៍សម្រាប់ភ្ញៀវទេសចរចិន និងបណ្តោះអាសន្នសម្រាប់ពលរដ្ឋមកពីប្រទេសជាច្រើនផ្សេងទៀត ដូចជាឥណ្ឌា រុស្សុី និងអឺរ៉ុបជាដើម។

ទី៤: រៀបចំកម្មវិធី Roadshow ទៅកាន់ប្រទេសកូរ៉េខាងត្បូង ដើម្បីទាក់ទាញភ្ញៀវទេសចរដែលមានគុណភាពខ្ពស់ ក៏ដូចជាអ្នកវិនិយោគ។

ទី៥: បង្ហាញគោលដៅទេសចរណ៍ថ្មីៗ នៅទីក្រុងលំដាប់ទីពីរ ដូចជា ឈៀងម៉ៃ និងឈុនបុរីជាដើម ព្រមទាំងដាក់តាំងបង្ហាញផលិតផលអំណាចទន់ និងសហការជាមួយក្រុមហ៊ុនអាកាសចរណ៍ និងអ្នកពាក់ព័ន្ធទាំងអស់។

ទី៦: បង្កើនចំនួនជើងហោះហើរពិសេស (chartered) ដើម្បីតភ្ជាប់ទៅកាន់ទីក្រុងថ្មីៗនៅក្នុងទីផ្សារដែលមានសក្តានុពល ដូចជាចិន និងរុស្សុីជាដើម។

ទី៧: ផ្តល់ការលើកទឹកចិត្តក្នុងទម្រង់នៃការផ្សព្វផ្សាយរួមគ្នាសម្រាប់ក្រុមហ៊ុនអាកាសចរណ៍ថៃ និងក្រុមហ៊ុនបរទេស។
ទី៨: រៀបចំសំណើថវិកា ៣០ លានបាតបន្ថែមពីលើថវិកា៥០ លានបាត ដែលបានស្នើឡើងពីមុន ដើម្បីជួយដល់ភ្ញៀវទេសចរបរទេស ក្នុងករណីរបួស ឬស្លាប់៕ប្រភព៖Bangkok Post៕

PM Srettha urges ASEAN to hike minimum wages

Prime Minister Srettha Thavisin said yesterday Thailand should not continue to use low labour cost as an incentive to draw foreign investments and urged ASEAN countries to work together to increase their minimum wages.

“Low labour cost should not be the attracting point. The attracting point should be clean energy, good international schools, good public health care system, fair capital market, zero corruption, and ease of doing business,” Sretth said during a panel discussion on “Learning from ASEAN” on the sidelines of the World Economic Forum in Davos.

While blaming low labour cost as a hindrance to the region’s growth, Srettha said he intends to discuss with Prime Minister Hun Manet of Cambodia and Prime Minister Anwar Ibrahim on how ASEAN countries should consider hiking their minimum wages.

“Leaders of ASEAN countries should work together to lift the minimum wages to a reasonable level,” he said, adding that other incentives should be used to attract investments from the US, Europe and China. A video clip of Srettha’s remarks was posted on X yesterday. Source: Thai PBS

មន្ត្រីជាន់ខ្ពស់បង្ហាញសុទិដ្ឋិនិយមចំពោះការវិនិយោគ និងពាណិជ្ជកម្មរវាងកម្ពុជា និងចិនក្នុងឆ្នាំនេះ

ដោយ: គង់ លាងហួរ

អន្តរជាតិ: មន្ត្រីជាន់ខ្ពស់កម្ពុជាបានបង្ហាញសុទិដ្ឋិនិយមសម្រាប់កិច្ចសហប្រតិបត្តិការសេដ្ឋកិច្ច និងពាណិជ្ជកម្មរវាងកម្ពុជា និងប្រទេសចិននៅឆ្នាំ២០២៤នេះ។

ក្នុងបទសម្ភាសន៍កាលពីពេលថ្មីៗនេះ ជាមួយសារពត៌មាន Xinhua លោកបណ្ឌិត សុក ស៊ីផាន់ណា ទេសរដ្ឋមន្ត្រីទទួលបន្ទុកបេសកកម្មពិសេស បានលើកឡើងថា ការកើនឡើងជាលំដាប់នៃទំហំពាណិជ្ជកម្ម និងការវិនិយោគទ្វេរភាគី បានផ្តល់ផលប្រយោជន៍ដល់ប្រទេស និងប្រជាជនទាំងពីរ។

លោកបន្តថា “ឆ្នាំ២០២៤នេះ គឺជាឆ្នាំដើម្បីអនុវត្តសហគមន៍ចិន-កម្ពុជា ដែលមានអនាគតរួមគ្នា ក្នុងយុគសម័យថ្មី និងជាឆ្នាំផ្លាស់ប្តូរប្រជាជន និងប្រជាជនចិន-កម្ពុជា”។ លោកបានបញ្ជាក់ថា “កិច្ចសហប្រតិបត្តិការសេដ្ឋកិច្ច និងពាណិជ្ជកម្មចិន-កម្ពុជា នឹងបន្តធ្វើឱ្យស៊ីជម្រៅ និងក្លាយជាកម្លាំងចលករ សម្រាប់សេដ្ឋកិច្ចចិន និងកម្ពុជា ក៏ដូចជាកម្លាំងចលករដ៏សំខាន់សម្រាប់ការអភិវឌ្ឍន៍សង្គមប្រកបដោយចីរភាព”។

លោកបានលើកឡើងថា សក្ដានុពលនៃកិច្ចសហប្រតិបត្តិការទេសចរណ៍ចិន-កម្ពុជា នឹងបន្តត្រូវបានស្វែងយល់ ឱ្យកាន់តែប្រសើរឡើង ហើយការវិនិយោគលើហេដ្ឋារចនាសម្ព័ន្ធរបស់កម្ពុជា ក៏នឹងសម្រេចបាននូវកំណើនខ្ពស់ជាងមុនផងដែរ។ លោកបណ្ឌិតសុក ស៊ីផាន់ណា បានមានប្រសាសន៍ឱ្យដឹងទៀតថា ការសាងសង់ “ច្រករបៀងអភិវឌ្ឍន៍ឧស្សាហកម្ម” និង “ច្រករបៀងត្រី និងស្រូវ” នឹងសម្រេចបាននូវការអភិវឌ្ឍន៍ថ្មីៗ។

លោកទេសរដ្ឋមន្ត្រីបានបញ្ជាក់ថា កម្ពុជា និងចិន សម្រេចបានលទ្ធផលល្អ ក្នុងទំនាក់ទំនងពាណិជ្ជកម្ម និងវិនិយោគក្នុងឆ្នាំ២០២៣ ស្របពេលមានការធ្លាក់ចុះនៃតម្រូវការសកល។ លោកបន្តថា “ទំហំពាណិជ្ជកម្មទ្វេរភាគី បានកើនឡើងកាលពីឆ្នាំមុន ខណៈការវិនិយោគរបស់ប្រទេសចិននៅកម្ពុជា បានគ្របដណ្តប់៦៦ភាគរយនៃប្រភពវិនិយោគសរុបពីបរទេស”។

លោកសុក ស៊ីផាន់ណា បានមានប្រសាសន៍ឱ្យដឹងថា កម្ពុជាប្តេជ្ញារក្សាទំនាក់ទំនងការទូតកម្រិតខ្ពស់ របស់ខ្លួនជាមួយប្រទេសចិន និងគាំទ្រគំនិតផ្តួចផ្តើមខ្សែក្រវ៉ាត់ និងផ្លូវ (BRI)។ លោកបានបន្ថែមថា គំនិតផ្តួចផ្តើម BRI មានភាពស៊ីសង្វាក់គ្នា ជាមួយយុទ្ធសាស្ត្របញ្ចកោណដំណាក់កាលទី១ ព្រមទាំងពង្រឹងក្របខណ្ឌកិច្ចសហប្រតិបត្តិការត្បូងពេជ្រ រវាងប្រទេសទាំង២ និងដើរតួនាទីយ៉ាងសំខាន់ ក្នុងការអភិវឌ្ឍន៍សេដ្ឋកិច្ច និងលើកកម្ពស់ជីវភាពរស់នៅរបស់ប្រជាជនកម្ពុជា។

មន្ត្រីជាន់ខ្ពស់រូបនេះ បានអះអាងថា “គម្រោងហេដ្ឋារចនាសម្ព័ន្ធមួយចំនួនធំ ដូចជាផ្លូវថ្នល់ ស្ពាន អាកាសយានដ្ឋាន ទំនប់វារីអគ្គិសនី និងកំពង់ផែ ដែលសាងសង់ឡើងដោយក្រុមហ៊ុនចិន បានជំរុញការអភិវឌ្ឍន៍ និងការតភ្ជាប់ខាងផ្នែកសេដ្ឋកិច្ចរបស់កម្ពុជា”។

លោកបន្ថែមថា “ការវិនិយោគពីក្រុមហ៊ុនបច្ចេកវិទ្យាចិន ក៏បានពង្រីកសេដ្ឋកិច្ចឌីជីថលរបស់កម្ពុជាផងដែរ ហើយប្រទេសចិន និងកម្ពុជា សម្រេចបានលទ្ធផលដ៏លេចធ្លោ ក្នុងការរួមគ្នាកសាងសហគមន៍ប្រកបដោយគុណភាពខ្ពស់ កម្រិតខ្ពស់ និងស្តង់ដារខ្ពស់ ជាមួយនឹងអនាគតរួមគ្នា”៕

ពាណិជ្ជកម្មរវាងប្រទេសចិន និងរុស្ស៊ីសម្រេចបានទំហំទឹកប្រាក់ជាង២៤០ពាន់លានដុល្លារអាមេរិក

ដោយ: គង់ លាងហួរ

ប៉េកាំង: យោងតាមទិន្នន័យពីរដ្ឋបាលគយ នៃប្រទេសចិន បានបង្ហាញថា ពាណិជ្ជកម្មរវាងរុស្ស៊ី និងចិន សម្រេចបានទំហំទឹកប្រាក់២៤០,១ពាន់លានដុល្លារនៅក្នុងឆ្នាំ២០២៣ ពោលគឺកើនឡើងប្រមាណ ២៦,៣ភាគរយបើធៀបនឹងឆ្នាំ២០២២។

ស្របពេលកំពុងជាប់ទណ្ឌកម្ម ពីបណ្តាប្រទេសលោកខាងលិច ដោយសារ ការបើកសង្រ្គាមឈ្លានពានទៅលើអ៊ុយក្រែន ទំហំពាណិជ្ជកម្មរបស់រុស្ស៊ី ជាមួយប្រទេសចិន បានកើនឡើងយ៉ាងគំហុក។

តួយ៉ាងទីក្រុងមូស្គូ បានបង្កើនការនាំចូលទំនិញ ពីប្រទេសចិន ដូចជា ទូរស័ព្ទដៃ រថយន្ត និងសម្ភារផ្សេងៗទៀត ខណៈដែលទីក្រុងប៉េកាំង បាននាំចូលប្រេងឆៅពីប្រទេសរុស្ស៊ី យ៉ាងច្រើនសន្ធឹកសន្ធាប់ ក្នុងតម្លៃធូរថ្លៃ។កាលពីឆ្នាំ២០២៣ ការនាំចេញរបស់ប្រទេសចិន ទៅកាន់ប្រទេសរុស្ស៊ី បានកើនឡើង៤៦,៩ភាគរយ បើធៀបនឹងឆ្នាំ២០២២ និងកើនឡើង៦៤,២ភាគរយ បើធៀបនឹងឆ្នាំ២០២១ ខណៈការនាំចូលរបស់ប្រទេសចិនពីប្រទេសរុស្ស៊ី បានកើនឡើងដល់១៣ភាគរយ ក្នុងឆ្នាំ២០២៣។

លោកឧបនាយករដ្ឋមន្ត្រីរុស្ស៊ី Alexander Novak បានលើកឡើងថា ចំនួន៥០%នៃការនាំចេញប្រេងសរុបរបស់រុស្ស៊ី គឺនាំទៅកាន់ប្រទេសចិន។ ជាក់ស្តែង ចាប់តាំងពីសង្រ្គាមនៅអ៊ុយក្រែនបានផ្ទុះឡើង ប្រទេសចិន និងឥណ្ឌា បានសម្រុកបង្កើនការនាំចូលប្រេងពីរុស្ស៊ីយ៉ាងគំហុក ដោយសាររុស្ស៊ី បានលក់បញ្ចុះតម្លៃថោកៗ។ជាមួយគ្នានេះ លោក Zhang Hanhui ឯកអគ្គរដ្ឋទូតចិនប្រចាំប្រទេសរុស្ស៊ីបានថ្លែង ក្នុងបទសម្ភាសន៍មួយជាមួយសារព័ត៌មាន RIA ថា រដ្ឋាភិបាលទីក្រុងប៉េកាំង មានបំណងពង្រីកកិច្ចសហប្រតិបត្តិការ នៅក្នុងវិស័យថាមពលជាមួយទីក្រុងមូស្គូ៕

បារាំងសម្រេចផ្តល់ហិរញ្ញប្បទានប្រមាណ២៣៥លានដុល្លារដល់កម្ពុជាសម្រាប់វិស័យទឹកស្អាត ថាមពល និងការបណ្តុះបណ្តាលវិជ្ជាជីវៈ

ដោយៈ គង់ ហ្វីអូណា

ភ្នំពេញៈ ក្រសួងសេដ្ឋកិច្ច និងហិរញ្ញវត្ថុកម្ពុជា និងទីភ្នាក់ងារបារាំងសម្រាប់អភិវឌ្ឍន៍ (AFD) កាលពីថ្ងៃទី១៨ ខែមករា ឆ្នាំ២០២៤ បានចុះហត្ថលេខាលើកិច្ចព្រមព្រៀង ផ្តល់ហិរញ្ញប្បទានចំនួនបីសម្រាប់វិស័យទឹកស្អាត ថាមពល និងការបណ្តុះបណ្តាលវិជ្ជាជីវៈ ក្នុងទំហំទឹកប្រាក់ដ៏ច្រើនមិនធ្លាប់មានពីមុនមក។

ការចុះហត្ថលេខានេះ ធ្វើឡើងនៅទីក្រុងប៉ារីស៍ ក្នុងអំឡុងដំណើរទស្សនកិច្ចផ្លូវការ នៅប្រទេសបារាំងរបស់សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា។ នេះបើយោងតាមសេចក្តីប្រកាសព័ត៌មានរួមគ្នារបស់ក្រសួងសេដ្ឋកិច្ច និងហិរញ្ញវត្ថុ និងទីភ្នាក់ងារបារាំងសម្រាប់អភិវឌ្ឍន៍ (AFD) ដែលចេញផ្សាយនៅថ្ងៃនេះ។

សេចក្តីប្រកាសព័ត៌មានដដែលនេះបានបញ្ជាក់ថា ចាប់តាំងពីការបើកដំណើរការនៅកម្ពុជានៅឆ្នាំ១៩៩៣មក ទីភ្នាក់ងារ AFD បានដើរតួនាទីសំខាន់ ក្នុងការគាំទ្រដល់ការអភិវឌ្ឍប្រទេសកម្ពុជា ដោយបានផ្តល់ហិរញ្ញប្បទានសរុបជាង១,៥ពាន់លានអឺរ៉ូ រាប់បញ្ចូលទាំងហិរញ្ញប្បទានថ្មីៗផ្តល់ជូនសម្រាប់ឆ្នាំ ២០២៣។ហិរញ្ញប្បទានសម្បទានទាំងបីខាងលើ បង្ហាញឱ្យឃើញពីការបង្កើនហិរញ្ញប្បទាន ប្រចាំឆ្នាំរបស់ទីភ្នាក់ងារ AFD ដល់ប្រទេសកម្ពុជា ហើយឆ្លុះបញ្ចាំងពីគុណភាព នៃចំណងទាក់ទងរវាងប្រទេសទាំងពីរ។ ហិរញ្ញប្បទានទាំងនេះ នឹងជួយទ្រទ្រង់ការផ្លាស់ប្តូររបស់កម្ពុជាឆ្ពោះទៅកាន់សេដ្ឋកិច្ច ដែលមានលក្ខណៈលូតលាស់ ប្រកបដោយបរិយាប័ន្ន និងចីរភាព ក្នុងវិស័យអាទិភាពចំនួនបី ស្របតាមយុទ្ធសាស្រ្តបញ្ចកោណ ដំណាក់កាលទី១ របស់រាជរដ្ឋាភិបាល។

ចំពោះវិស័យទឹកស្អាត ហិរញ្ញប្បទានរបស់ទីភ្នាក់ងារ AFD ចំនួន ១២០លានអឺរ៉ូ (ប្រមាណ១៣១លានដុល្លារ) នឹងអនុញ្ញាតឱ្យមានការចាប់ផ្តើមដំណាក់កាលទី៣ នៃរោងចក្រចម្រោះទឹកស្អាតបាក់ខែង ដែលគ្រប់គ្រងដោយ រដ្ឋាករទឹកស្វយ័តក្រុងភ្នំពេញ។ ជាមួយសមត្ថភាពផ្គត់ផ្គង់ទឹកស្អាតសរុប៦០០.០០០ម៉ែត្រគូបក្នុងមួយថ្ងៃ រោងចក្រប្រព្រឹត្តកម្មទឹកស្អាតនេះ នឹងក្លាយទៅជារោងចក្រផលិតទឹកស្អាតធំបំផុតមួយនៅអាស៊ីអាគ្នេយ៍ ហើយក៏ជាស្ថានីយកម្រិតពិភពលោកមួយផងដែរ លើផ្នែកគុណភាពនៃសំណង់ បច្ចេកវិទ្យា ប្រសិទ្ធភាពថាមពល និងគុណភាពទឹកដែលត្រូវបានផលិត។ការផ្តល់ហិរញ្ញប្បទានបន្ថែមរបស់ទីភ្នាក់ងារAFD ដែលមានចំនួន៨០លានអឺរ៉ូ គ្រោងធ្វើឡើងសម្រាប់ឆ្នាំ២០២៤ ដើម្បីបង្កើន ជួសជុល និងពង្រីកបណ្តាញបញ្ជូន និងចែកចាយទឹកស្អាត។ ជាងនេះទៅទៀត ជំនួយឥតសំណងរបស់គណៈកម្មការអឺរ៉ុប កំពុងត្រូវបានពិនិត្យ និងអនុម័តនៅឆ្នាំ២០២៤ ក្នុងគោលដៅបំពេញបន្ថែមហិរញ្ញប្បទាននេះ ដោយពង្រឹងការគិតគូរ ដល់ផលប៉ះពាល់លើសង្គម និងបរិស្ថាន រួមទាំងនិរន្តភាពនៃការវិនិយោគផងដែរ។

គម្រោងរបស់ក្រុមអឺរ៉ុប គឺស្ថិតក្នុងចំណោមគម្រោងចម្បងៗនៃក្របខ័ណ្ឌGlobal Gateway របស់សហភាពអឺរ៉ុប សម្រាប់ប្រទេសកម្ពុជា ដែលនឹងប្រកាសនៅឆ្នាំ២០២៤។

ចំណែកក្នុងវិស័យថាមពល ហិរញ្ញប្បទានក្រោមរូបភាពជាកម្ចីរបស់AFD ចំនួនប្រមាណ៧៨លានដុល្លារ នឹងអនុញ្ញាតឱ្យអគ្គិសនីកម្ពុជាបង្កើនទំនុកចិត្ត និងប្រសិទ្ធភាពបណ្តាញបញ្ជូនអគ្គិសនី តាមរយៈការដាក់ពង្រាយអនុស្ថានីយ៍ ឌីជីថលទីមួយនៅកម្ពុជា។

ស្របតាមគោលដៅជាតិ ក្នុងការបង្កើនការប្រើប្រាស់ថាមពលកកើតឡើងវិញឱ្យបាន ៧០%ក្នុងឆ្នាំ២០៣០ គម្រោងនេះនឹងធ្វើឲ្យអគ្គិសនីកម្ពុជាមានសមត្ថភាពខ្ពស់ ក្នុងការស្តុកថាមពល (៧៥មេហ្កាវ៉ាត់ម៉ោង -គឺស្ថិតក្នុងចំណោមសមត្ថភាព ស្តិកថាមពលខ្ពស់បំផុតក្នុងតំបន់) ដើម្បីពន្លឿនសមាហរណកម្មប្រភពថាមពល កកើតឡើងវិញ ដូចជាថាមពលព្រះអាទិត្យ និងថាមពលខ្យល់។

ក្នុងន័យនេះ បណ្តាញអគ្គិសនីជាតិរបស់កម្ពុជា នឹងកាន់តែការពារបរិស្ថាន និងធ្វើឱ្យអ្នកប្រើប្រាស់កាន់តែមានទំនុកចិត្ត។

ដោយឡែក ក្នុងកបណ្តុះបណ្តាលវិជ្ជាជីវៈ ហិរញ្ញប្បទានក្រោមរូបភាពជាកម្ចីរបស់ទីភ្នាក់ងារ AFD ចំនូន២៥លានអឺរ៉ូ (២៧លានដុល្លារ) ដែលបន្ថែមលើប្រាក់៨០លានដុល្លារ ផ្តល់ដោយធនាគារអភិវឌ្ឍន៍អាស៊ី នឹងអនុញ្ញាតឱ្យមានការពង្រឹង ការបណ្តុះបណ្តាលវិជ្ជាជីវៈកម្រិតខ្ពស់មួយ តាមរយៈក្រសួងការងារ និងបណ្តុះបណ្តាលវិជ្ជាជីវៈ ព្រមទាំងជួយអភិវឌ្ឍធនធានមនុស្ស និងគាំទ្រដល់ការបែ្រក្លាយសេដ្ឋកិច្ចកម្ពុជា ឆ្ពោះទៅកាន់សេដ្ឋកិច្ច ដែលផ្តោតលើឧស្សាហកម្ម គាំទ្រដោយបច្ចេកវិទ្យា និងវិទ្យាសាស្រ្ត។

ការផ្តល់ហិញ្ញប្បទាននេះ នឹងជួយដល់ការបណ្តុះបណ្តាល ប្រជាពលរដ្ឋកម្ពុជា ដើម្បីទទួលបានការងារនៅពេលអនាគត ជាពិសេសក្នុងវិស័យការងារបៃតង និងមុខអាជីពឌីជីថល ក្នុងក្របខ័ណ្ឌនៃគម្រោង Global Gatway របស់សហភាពអឺរ៉ុបនៅកម្ពុជា ដែលមានឈ្មោះថា “ភាពជាដៃគូដើម្បីការអប់រំ សម្រាប់ការងារបៃតង និងឌីជីថល”។

ក្នុងពិធីចុះហត្ថលេខាខាងលើ លោក រស់ សីលវ៉ា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុកម្ពុជា បានឆ្លៀតឱកាសគូសបញ្ជាក់អំពីទំនាក់ទំនងទ្វេរភាគី ប្រកបដោយចីរភាព និងរឹងមាំ ធ្វើឡើងដោយទីភ្នាក់ងារ AFD ជាច្រើនឆ្នាំកន្លងមក។

លោកបានឲ្យដឹងទៀតថា ក្នុងពេលដែលប្រទេសកម្ពុជាបានឆ្លងកាត់ដំណាក់កាលដំបូងៗនៃការអភិវឌ្ឍ យើងកំពុងស្ថិតលើមាគ៌ាមួយដ៏ល្អប្រសើរ ដើម្បីធ្វើការលើវិស័យផ្គត់ផ្គង់ទឹកស្អាត ថាមពល និងការអភិវឌ្ឍមនុស្ស។ បញ្ហាប្រឈមនៃការអភិវឌ្ឍ អាចត្រូវបានដោះស្រាយ ដើម្បីផ្តល់ផលវិជ្ជមាន ដល់កំណើនសេដ្ឋកិច្ចរបស់យើង។ ដោយមានការគាំទ្ររឹងមាំពីទីភ្នាក់ងារ AFD សេដ្ឋកិច្ចកម្ពុជាកំពុងត្រូវបានពង្រឹង បានឆ្លងកាត់បញ្ហាប្រឈមសាកល ហើយបន្តឆ្ពោះទៅមុខដើម្បីសម្រេចបានជោគជ័យថ្មីៗទៀត”។

កម្ពុជាចង់ឃើញកិច្ចសហការថ្មីៗ លេចចេញជារូបរាងឡើង ដើម្បីបង្កើតបរិស្ថានជីវិតមួយដ៏ខ្លាំងក្លា រឹងមាំ និងប្រកបដោយគុណភាពសម្រាប់ប្រជាពលរដ្ឋ។

ចំណែកលោកស្រី Marie-Hélène Loison អគ្គនាយិការងទីភ្នាក់ងារ AFD បានប្រកាសថា ក្នុងឱកាសនៃខួប៣០ឆ្នំារបស់ទីភ្នាក់ងារ AFD នៅកម្ពុជា គម្រោងទាំងបីនេះ គឺជាដំណាក់កាលថ្មីមួយនៃទំនាក់ទំនងរវាងប្រទេសយើងទាំងពីរ ដោយឆ្លុះបញ្ចាំងឱ្យឃើញពីឆន្ទៈរបស់ទីភ្នាក់ងារAFD ក្នុងការពង្រឹងភាពជាដៃគូជាមួយកម្ពុជា ដើម្បីគំាទ្រ ដល់ហេដ្ឋារចនាសម្ព័ន្ធប្រកបដោយចីរភាព និងមានភាពធន់ជាមួយអាកាសធាតុ ក៏ដូចជាការអភិវឌ្ឍធនធានមនុស្សនៅកម្ពុជា។

លោកស្រីបន្ថែមថា នៅឆ្នាំ២០២៤ ទីភ្នាក់ងារបារាំងសម្រាប់អភិវឌ្ឍន៍ នឹងបន្តសកម្មភាពរបស់ខ្លួន នៅក្នុងវិស័យថាមពល ទឹក ទឹកស្អាត ធនធានមនុស្ស និងការអភិវឌ្ឍជនបទ ដើម្បីផ្តល់អត្ថប្រយោជន៍ដល់ប្រជាពលរដ្ឋកម្ពុជា៕

អ្នកជំនាញបង្ហាញស្ថានភាពពិតនៃវិស័យអចលនទ្រព្យនាពេលដើមឆ្នាំនេះ និងបង្ហើបពីផ្នែកដែលកំពុងងើបឡើងសន្សឹមៗ

ដោយៈ គង់ សូរិយា

ភ្នំពេញៈ អ្នកជំនាញអចលនទ្រព្យជើងចាស់ និងក្លាយជាអ្នកអភិវឌ្ឍន៍មួយរូបក្នុងវិស័យនេះ លោកឧកញ៉ានួន រិទ្ឋី បានលើកឡើងនូនស្ថានភាពពិតក្នុងវិស័យនេះ នៅដើមឆ្នាំ២០២៤ ខណៈមនុស្សជាច្រើនកំពុងរង់ចាំមើល។

លោកឧកញ៉ា នួន រិទ្ធី ប្រធានក្រុមប្រឹក្សាភិបាលក្រុមហ៊ុនអចលនទ្រព្យ KFA Group បានមានប្រសាសន៍ឲ្យដឹងនៅចុងសប្តាហ៍នេះថា ស្ថានភាពវិស័យអចលនទ្រព្យ ក្នុងប្រទេសកម្ពុជានាពេលបច្ចុប្បន្ននេះ ហាក់មិនសូវខុសប្លែកប៉ុន្មាន ពីអំឡុងពេលកូវីដ១៩ ដំណាក់ទី២នោះដែរ អ្វីៗនៅតែបន្តមានភាពស្ងប់ស្ងាត់។

លោកបង្ហើបថា ក្នុងវិស័យនេះ មានការបែងចែកជា៤ផ្នែក រួមមាន ផ្នែកដីកសិកម្ម ដីសម្រាប់ឧស្សាហកម្ម ផ្នែកលំនៅឋាន និងផ្នែកពាណិជ្ជកម្ម។លោកឧកញ៉ានួន រិទ្ឋីបានបន្តថា ក្នុងចំណោមផ្នែកធំៗចំនួន៤ ក្នុងវិស័យអចលនទ្រព្យនេះ យើងឃើញថា ផ្នែកកសិកម្ម និងឧស្សាហកម្មនៅមានដំណើរល្អ ជាពិសេសកសិកម្ម ដោយដីសម្រាប់កសិកម្មមានតម្រូវការខ្ពស់ តែយ៉ាងណាក្ដី ដីធ្លីក្នុងផ្នែកនេះមិនមានការប្រែប្រួលខ្លាំងណាស់ណាទេ។

លោកបន្តថា សម្រាប់អចលនទ្រព្យផ្នែកលំនៅឋាន ផ្ទះសំបែង ឃើញថាបន្តថមថយ ដោយការអភិវឌ្ឍបានដកឃ្លាមួយរយៈ ដោយមិនមានការអភិវឌ្ឍច្រើនដូចមុនកូវីដនោះទេ។ ជាមួយគ្នានោះដែរ តម្លៃលំនៅឋាន បានធ្លាក់ចុះចន្លោះពី១៥ ទៅ២៥ភាគរយ ជាពិសេសលំនៅឋានដែលមានការអភិវឌ្ឍថ្មីៗ ខណៈដែលអ្នកអភិវឌ្ឍន៍មួយចំនួនបានកែប្រែតម្លៃផ្ទះសាជាថ្មី។លោកឧញ៉ាបន្ថែមថា នៅក្នុងដំណាក់កាលនៃវិបត្តិនេះ លំនៅឋានតម្លៃសមរម្យ ក៏នៅតែអាចលក់ចេញបានជាហូរហែរ ដោយសារអ្នកអភិវឌ្ឍន៍លំនៅឋានប្រភេទនេះ ផ្ដល់លក្ខខណ្ឌបង់ប្រាក់ដោយរំលស់ជាប្រចាំខែ ហើយអ្នកដែលមានលុយសុទ្ធ សម្រាប់ទិញបង់ផ្ដាច់ក៏មានចំនួនច្រើន ទើបធ្វើឱ្យទីផ្សារនៃប្រភេទនេះ នៅតែមានភាពរលូន ។

ចំណែកទីផ្សារខុនដូវិញ ក៏ឃើញថា គម្រោងដែលបានសាងសង់រួចរាល់ហើយ មានមនុស្សរស់នៅពេញៗដោយតម្លៃខុនដូប្រភេទនេះក៏មិនមានការប្រែប្រួលដែរ។ ចំណែកខុនដូដែលមិនទាន់សាងសង់រួចឃើញថា តម្លៃបានថមថយបន្តិច ដោយសារអ្នកទិញក៏មានចំនួនថមថយជាងមុនដែរ។យោងតាមការសិក្សារបស់ក្រុមហ៊ុនCBRE Cambodia បានបង្ហាញថា ចំនួនវិនិយោគិនចិន ដែលជាវិនិយោគិនធ្លាប់ជាប់លំដាប់ថ្នាក់ទី១នៅកម្ពុជា នៅមិនទាន់បានចូលមកកាន់កម្ពុជា ក្នុងចំនួនច្រើននោះទេ ក្នុងឆ្នាំ២០២៤នេះ ឬអាចនិយាយថាកុំទាន់រំពឹងលើការវិលត្រលប់របស់វិនិយោគិនចិន ចូលមកកម្ពុជាវិញក្នុងឆ្នាំ២០២៤នេះ ។

លំនៅដ្ឋានតម្លៃសមរម្យ អាចនៅតែមានសក្តានុពលក្នុងទីផ្សារនេះ ខណៈអ្នកវិនិយោគអន្តរជាតិ បានបង្ហាញការចាប់អារម្មណ៍លើផ្នែកនេះផងដែរ។

ថ្នាក់ដឹកនាំក្រុមហ៊ុនLippo Group ដែលមានមូលដ្ឋាននៅប្រទេសឥណ្ឌូនេស៊ី បានបង្ហាញបំណងវិនិយោគក្នុងវិស័យនេះ ក្នុងជំនួបជាមួយសម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា អំឡុងពេលសម្តេចអញ្ជើញចូលរូមកិច្ចប្រជុំ ក្នុងវេទិកាសេដ្ឋកិច្ចពិភពលោកនៅទីក្រុងដាវ៉ូស ប្រទេសស្វីស ក្នុងសប្តាហ៍នេះ៕

1...655656657...3,249 Page 656 of 3,249