ក្រុមហ៊ុនធំមួយរបស់កូរ៉េបង្ហាញពីផែនការពង្រីកការវិនិយោគនៅកម្ពុជា

ដោយៈ ម៉ាណា

ភ្នំពេញៈ ថ្នាក់ដឹកនាំក្រុមហ៊ុន Yura Harness Cambodia បានប្រកាស ពីផែនការពង្រីកឱកាសវិនិយោគនៅកម្ពុជា បន្ទាប់ពីក្រុមហ៊ុននេះបានបោះទុនវិនិយោគនៅកម្ពុជារួចហើយ។

ព័ត៌មាននេះត្រូវបានលើកឡើង ក្នុងឱកាសលោកជា វុទ្ធី អគ្គលេខាធិការគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា បានដឹកនាំសហការីទទួលជួបពិភាក្សាការងារ ជាមួយប្រតិភូក្រុមហ៊ុន Yura Harness Cambodia ដឹកនាំដោយលោក DooYeun Lee អគ្គនាយកក្រុមហ៊ុន។

ក្រុមហ៊ុនYura Harness Cambodia ជាក្រុមហ៊ុនមកពីសាធារណរដ្ឋកូរ៉េ បានមកបណ្តាក់ទុនវិនិយោគ បង្កើតរោងចក្រផលិតខ្សែភ្លើង ក្នុងរថយន្តនៅកម្ពុជាតាំងពីឆ្នាំ២០២២ ហើយបច្ចុប្បន្នមានកម្មករនិយោជិតសរុបចំនួន ១.១០០នាក់។

ក្នុងជំនួបពិភាក្សាការងារនេះ លោក DooYeun Lee បានរាយការណ៍អំពីវឌ្ឍនភាព នៃសកម្មភាពវិនិយោគ របស់ក្រុមហ៊ុននៅកម្ពុជាដែលមានភាពល្អប្រសើរជាបន្តបន្ទាប់ និងបានជម្រាបជូនអំពីផែនការនៃការពង្រីកការវិនិយោគ។ ទន្ទឹមនឹងតម្រូវការជ្រើសរើសកម្មករបន្ថែម និងតម្រូវការវត្ថុធាតុដើមក្នុងស្រុក។

លោកក៏បានជម្រាបជូនអំពី ការគិគគូរបណ្តុះបណ្តាលជំនាញដល់កម្មករនិយោជិតកម្ពុជា។ ក្នុងរយៈពេលដែលបម្រើការងារនៅកម្ពុជាក្នុងឧស្សាហកម្ម យានយន្តប៉ុន្មានឆ្នាំកន្លងមកនេះ លោក DooYeun Lee បានកត់សម្គាល់ឃើញថា កម្ពុជាមានឧត្តមភាពខ្ពស់សម្រាប់ការវិនិយោគ ផលិតគ្រឿងបន្លាស់រថយន្ត។

បន្ថែមលើនេះ លោកបានចែករំលែកនូវទស្សនៈ មួយចំនួនសំដៅចូលរួមធ្វើឱ្យបរិយាកាសវិនិយោគនៅកម្ពុជា កាន់តែមានភាពល្អប្រសើរ។

លោកអគ្គលេខាធិការ បានវាយតម្លៃខ្ពស់ចំពោះសកម្មភាពវិនិយោគរបស់ក្រុមហ៊ុននាពេលកន្លងមក ហើយក៏បានសម្តែងនូវការគាំទ្រចំពោះគម្រោងពង្រីកការវិនិយោគ ក៏ដូចជាគម្រោងបណ្តុះបណ្តាលជំនាញដល់កម្មករនិយោជិតកម្ពុជា។

ជាមួយគ្នានេះ លោកបានគូសបញ្ជាក់ ពីកិច្ចខិតខំប្រឹងប្រែងឥតឈប់ឈររបស់រាជរដ្ឋាភិបាលកម្ពុជា ក្នុងការកែលម្អបរិយាកាសវិនិយោគ តាមរយៈការអភិវឌ្ឍហេដ្ឋារចនាសម្ព័ន្ធ និងការបន្តដាក់ចេញនូវវិធានការគាំទ្រនានាដល់ផ្នែកឯកជន សំដៅលើកកម្ពស់ភាពប្រកួតប្រជែងរបស់កម្ពុជា ក្នុងបរិបទនៃស្ថានភាពពិភពលោកបច្ចុប្បន្ន៕

ប្រទេសម៉ាឡេស៊ីកំពុងក្លាយជាជម្រើសវិនិយោគដ៏ទាក់ទាញលើមជ្ឈមណ្ឌលទិន្នន័យ

ដោយ: សហសេវិក
អន្តរជាតិ: ប្រទេសម៉ាឡេស៊ី ជាពិសេសរដ្ឋ Johor កំពុងក្លាយជាជម្រើសមួយដែលថ្លៃដើមសមរម្យជាងប្រទេសសិង្ហបុរីសម្រាប់ការវិនិយោគលើមជ្ឈមណ្ឌលទិន្នន័យ ខណៈម៉ាឡេសុីមានដីច្រើនជាង ស្ថិរភាពនៃការផ្គត់ផ្គង់ថាមពល និងការលើកទឹកចិត្តដ៏ទាក់ទាញ។

យោងតាមការវាយតម្លៃរបស់ទីភ្នាក់ងារឥណទាន Moody’s ទីក្រុង Johor មានភាពទាក់ទាញចំពោះក្រុមហ៊ុនបច្ចេកវិទ្យាធំៗ ដោយសារររដ្ឋនេះមានទីតាំងនៅជិតប្រទេសសិង្ហបុរី និងលទ្ធភាពទទួលបានការតភ្ជាប់សកលដ៏រឹងមាំរបស់ប្រទេសសិង្ហបុរី។

បច្ចុប្បន្ន ទីក្រុង Johor មានសមត្ថភាពមជ្ឈមណ្ឌលទិន្នន័យប្រហែល៨៩៧មេហ្គាវ៉ាត់ និងគម្រោងថ្មីៗជាច្រើនកំពុងស្ថិតក្នុងការអភិវឌ្ឍន៍។ ក្រុមហ៊ុនធំៗដូចជា Microsoft និង Oracle បានប្តេជ្ញាបណ្តាក់ទុនវិនិយោគនៅទីនោះ បន្ទាប់ពីក្រុមហ៊ុន ByteDance បានឈានជើងចូល។

ប្រទេសសិង្ហបុរីនៅតែជាមជ្ឈមណ្ឌលទិន្នន័យដ៏ធំ និងទំនើបបំផុតរបស់តំបន់អាស៊ាន ដែលមានសមត្ថភាពប្រហែល១ជីហ្គាវ៉ាត់។ ទោះជាយ៉ាងណា កង្វះដីធ្លី កង្វះខាតថាមពល និងច្បាប់ស្តីពីនិរន្តរភាពកំពុងជះផលប៉ះពាល់ដល់វិស័យមជ្ឈមណ្ឌលទិន្នន័យរបស់សិង្ហបុរី។

ក្រុមហ៊ុន Moody’s បានអះអាងថា ប្រទេសម៉ាឡេស៊ី ជាទីផ្សារមជ្ឈមណ្ឌលទិន្នន័យដែលមានការរីកចម្រើនលឿនបំផុតមួយនៅក្នុងតំបន់អាស៊ីខាងត្បូង និងអាស៊ីអាគ្នេយ៍ ខណៈប្រទេសនេះមានហេដ្ឋារចនាសម្ព័ន្ធអគ្គិសនី និងបញ្ជូនទិន្នន័យគ្រប់គ្រាន់។

ទោះជាយ៉ាងណា ប្រទេសម៉ាឡេស៊ីនឹងត្រូវការការវិនិយោគសំខាន់ៗក្នុងការផលិតថាមពល និងការធ្វើឱ្យប្រសើរឡើងនូវបណ្តាញអគ្គិសនី ដើម្បីគាំទ្រដល់តម្រូវការនាពេលអនាគត៕ប្រភព: Bernama៕

តើផ្នែកអ្វីខ្លះនៃវិស័យអចលនទ្រព្យគួរវិនិយោគនៅក្នុងក្រុងសៀមរាប ឆ្នាំ២០២៦នេះ?

ដោយៈ ចំណាន

សៀមរាបៈ អ្នកជំនាញបានផ្តល់ការវិភាគថា សៀមរាបមិនមែនជាកន្លែងល្អបំផុត សម្រាប់អចលនទ្រព្យ “លក់ចេញរហ័ស”នោះទេ ប៉ុន្តែវានៅតែមានឱកាសសម្រាប់រយៈពេលវែង។

ទោះជាយ៉ាងណាមានវិស័យមួយចំនួន កំពុងរីកចម្រើន និងត្រូវបានចង្អុលបង្ហាញពីសក្តានុពលផងដែរ។

១. សណ្ឋាគារប៊ូទិក និងអាផាតមិនសេវាកម្ម

ផ្នែកនេះ នៅតែជាវិស័យដែលមានសក្តានុពលបំផុត ប្រសិនបើវិស័យទេសចរណ៍ងើបឡើងវិញបន្តិចម្តងៗ។

តើតំបន់ណាដែលមានសក្តានុពល អ្នកជំនាញបានមើលឃើញថា តំបន់វត្តបូព៌ សង្កាត់សាលាកំរើក តំបន់ជាប់មាត់ស្ទឹងសៀមរាប ជាតំបន់នៅជិតទីក្រុងចាស់ ប៉ុន្តែមិនគួរនៅខាងក្នុងផ្លូវផាប់ស្ទ្រីតទេ។

អ្នកវិនិយោគគួរផ្តោតលើយុទ្ធសាស្ត្របែបណា អ្នកធុរកិច្ចគួរផ្តោតលើរមណីយដ្ឋានប៊ូទិកតូចៗ វីឡាអាងហែលទឹក អាផាតមិនសេវាកម្មសម្រាប់ជនបរទេសស្នាក់នៅរយៈពេលវែង កន្លែងស្នាក់នៅសុខុមាលភាពឬបែបអេកូ។

រដ្ឋាភិបាលបន្តគាំទ្រអាជីវកម្មទេសចរណ៍ ជាមួយនឹងការលើកទឹកចិត្តពន្ធរហូតដល់ឆ្នាំ២០២៦។ ទេសចរណ៍ប្រណីត និងសុខុមាលភាពក៏កំពុងរីកចម្រើនលឿនជាង ទេសចរណ៍ទ្រង់ទ្រាយធំផងដែរ។ឧទាហរណ៍នៃគម្រោងបដិសណ្ឋារកិច្ច បែបសហគមន៍។

២. ដីលំនៅដ្ឋាននៅជិតច្រករបៀងអាកាសយានដ្ឋាន

ការតភ្ជាប់អាកាសយានដ្ឋានថ្មី និងផ្លូវថ្នល់នៅតែបង្កើតសក្តានុពលរយៈពេលវែង ដល់អ្នកវិនិតយោគលើអចលនទ្រព្យ ដោយគួរទិញដីមានទំហំមធ្យម និងត្រូវរង់ចាំរយៈពេលមធ្យម ទៅរយៈពេលវែង ឬយកមកអភិវឌ្ឍន៍ ផ្តោតលើការប្រើប្រាស់ចម្រុះនាពេលអនាគត ឬសេវាកម្មគាំទ្រទេសចរណ៍។

តំបន់គួរឱ្យចាប់អារម្មណ៍ រួមមានទី១ ច្រករបៀងផ្លូវអាកាសយានដ្ឋាន ទី២ តំបន់ផ្លូវជាតិលេខ៦ដែលត្រូវបានពង្រីក និងទិសដៅកំណើននៅភាគខាងលិចទីក្រុង។

ជាមួយនឹងការបន្តរៀបចំ គម្រោងទីក្រុងឆ្លាតវៃដំណាក់កាលទី២ ដែលគាំទ្រដោយJICA អាចបង្កើនភាពទាក់ទាញ នៃការអភិវឌ្ឍទីក្រុងរយៈពេលវែង។

៣. លំនៅដ្ឋានលំនៅដ្ឋានដែលមានតម្លៃសមរម្យ

សៀមរាបឥឡូវនេះ មានអ្នកធ្វើដំណើរតាមឌីជីថល អ្នកចូលនិវត្តន៍ បុគ្គលិកអង្គការមិនមែនរដ្ឋាភិបាល និងជនបរទេសស្នាក់នៅរយៈពេលវែងកាន់តែច្រើន ដែលផ្តល់ឱកាសល្អដល់សេវាកម្មមួយចំនូន ដូចជា ផ្ទះអាជីវកម្មក្រោមតម្លៃទីផ្សារមធ្យម។ សហគមន៍តូចៗដែលមានរបងព័ទ្ធជុំវិញ។ ផ្ទះជួលសម្រាប់គ្រួសារ ដែលមានប្រាក់ចំណូលមធ្យមក្នុងស្រុក។

ការអភិវឌ្ឍទាំងនេះ គួរផ្តោតលើតំបន់មួយចំនួនដួចជា ភូមិតាភុល វត្តបូព៌ សាលាកំរើក តំបន់ជុំវិញផ្លូវក្រវ៉ាត់ក្រុងជាដើម។

៤. ផ្ទះអាជីវកម្មនៅជិតចរាចរណ៍ក្នុងស្រុកដែលមានស្ថេរភាព

មិនមែនតំបន់ទេសចរណ៍ទាំងអស់ សុទ្ធតែរឹងមាំនៅពេលនេះទេ។ តំបន់កណ្តាលមួយចំនួននៅតែទន់ខ្សោយ ដោយសារតែចំនួនភ្ញៀវទេសចរនៅតែមានការប្រែប្រួល។

អ្នកជំនាញបានលើកឡើងថា វិធីសាស្រ្តកាន់តែប្រសើរ គឺគួរវិនិយោគនៅជិតសាលារៀន នៅជិតទីផ្សារក្នុងស្រុក និងនៅជិតសហគមន៍លំនៅដ្ឋានដែលកំពុងរីកចម្រើន៕

មន្រ្តីជាន់ខ្ពស់កម្ពុជាចូលរួមវេទិកាសកលស្តីពីការកាត់បន្ថយភាពក្រីក្រ និងការអភិវឌ្ឍ ជាមួយប្រទេសជាង៥០នៅប្រទេសចិន

ដោយៈ គង់ សូរិយា

ប្រទេសចិនៈ តបតាមការអញ្ជើញរបស់រដ្ឋាភិបាលចិន លោកវង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានឡើងថ្លែងសុន្ទរកថា បើកតំណាងឱ្យប្រទេសកំពុងអភិវឌ្ឍ ក្នុងកម្មវិធី វេទិកាសកលស្តីពីការកាត់បន្ថយភាពក្រីក្រ និងការអភិវឌ្ឍ ឆ្នាំ២០២៦ (2026 Global Poverty Reduction and Development Forum) ក្រោមប្រធានបទ Uniting Global Efforts to Advance Poverty Reduction» នៅរដ្ឋធានីប៉េកាំង សាធារណរដ្ឋប្រជាមានិតចិន។

វេទិកានេះ ប្រព្រឹត្តទៅរយៈពេល៣ថ្ងៃ ចាប់ពីថ្ងៃទី២៦ ដល់ថ្ងៃទី២៨ ខែឧសភា ឆ្នាំ២០២៦ ដែលរៀបចំដោយក្រសួងកសិកម្ម និងកិច្ចការអភិវឌ្ឍន៍ជនបទចិន និងមជ្ឈមណ្ឌលកាត់បន្ថយភាពក្រីក្រអន្តរជាតិ នៃសាធារណរដ្ឋប្រជាមានិតចិន (IPRCC) ដោយមានកាអញ្ជើញចូលរួមពីគណៈប្រតិភូ ប្រទេសកំពុងអភិវឌ្ឍចំនួន៥៤ និងអង្គការអន្តរជាតិចំនួន៩។

កម្មវិធីបើកវេទិកាសកលនេះ ក៏មានការថ្លែងសុន្ទរកថាពីសំណាក់លោក Liu Guozhong ឧបនាយករដ្ឋមន្ត្រី នៃសាធារណរដ្ឋប្រជាមានិតចិន លោកAntonio Guterres អគ្គលេខាធិការអង្គការសហប្រជាជាតិ (តាមរយៈការអានសារដោយឯកឧត្តម Stephen Jackson អ្នកសម្របសម្រួលប្រចាំអង្គការសហប្រជាជាតិប្រចាំសាធារណរដ្ឋប្រជាមានិតចិន) និងលោក Mariano Assanami Sabino ឧបនាយករដ្ឋមន្រ្តី នៃសាធារណរដ្ឋប្រជាធិបតេយ្យទីម័រឡេស្តេ។

ឧបនាយករដ្ឋមន្ត្រីប្រចាំការ វង្សី វិស្សុត មានប្រសាសន៍លើកឡើងអំពីភាពជោគជ័យរបស់ប្រទេសចិន ក្នុងការកាត់បន្ថយភាពក្រីក្រ គឺជាសមិទ្ធផលអភិវឌ្ឍន៍ដ៏លេចធ្លោ ក្នុងសម័យទំនើប ដោយបានរំដោះប្រជាជនចិនជាង៨០០លាននាក់ ឱ្យចាកផុតពីភាពក្រីក្រ ក្នុងរយៈពេលបួនទសវត្សរ៍ចុងក្រោយនេះ។

ក្នុងន័យនេះ កម្ពុជាសូមស្វាគមន៍ ភាពជាដៃគូសកលសម្រាប់ការកាត់បន្ថយភាពក្រីក្រ និងការអភិវឌ្ឍ (Global Partnership for Poverty Alleviation and Development – GPPAD) ដែលជាវេទិកាសកល សម្រាប់ការចែករំលែកបទពិសោធ និងការរៀនសូត្រពីគ្នាទៅវិញទៅមក ក្នុងខណៈដែលការកាត់បន្ថយភាពក្រីក្រ នៅតែជាស្នូលនៃរបៀបវារៈអភិវឌ្ឍន៍ ប្រកបដោយចីរភាពសកលឆ្នាំ២០៣០ កាន់តែខិតជិតចូលមកដល់។

លោកឧបនាយករដ្ឋមន្ត្រីប្រចាំការ ក៏បានលើកឡើងអំពីបទពិសោធន៍របស់កម្ពុជា ជូនអង្គវេទិកាសកល ដោយបានគូសរំលេចថា សន្តិភាព គឺជាមូលដ្ឋានគ្រឹះនៃការអភិវឌ្ឍ និងការកាត់បន្ថយភាពក្រីក្រ។ ក្រោមការដឹកនាំដ៏ប៉ិនប្រសប់របស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភា នៃព្រះរាជាណាចក្រកម្ពុជា កម្ពុជាបានស្តារឡើងវិញនូវសន្តិភាព, ការបើកចំហសេដ្ឋកិច្ច និងការធ្វើសមាហរណកម្មចូលក្នុងតំបន់និងសកលលោក។

លោកបញ្ជាក់ងា “សន្តិភាពនេះ បានផ្តល់ទំនុកចិត្តដល់ប្រជាជនកម្ពុជាថា “ថ្ងៃស្អែក នឹងប្រសើរជាងថ្ងៃម្សិលមិញ”។

លោកវង្សី វិស្សុតបានបន្តថា បច្ចុប្បន្នក្រោមការដឹកនាំប្រកបដោយចក្ខុវិស័យវែងឆ្ងាយ និងប្រាកដនិយមរបស់ សម្តេចមហាបវរធិបតី ហ៊ុន ម៉ាណែតនាយករដ្ឋមន្ត្រី នៃព្រះរាជាណាចក្រកម្ពុជា រាជរដ្ឋាភិបាលកម្ពុជាបាននិងកំពុងជំរុញការអនុវត្ត “យុទ្ធសាស្ត្របញ្ចកោណ ដំណាក់កាលទី១” ដោយបន្តយកប្រជាជនជាស្នូល និងជាអាទិភាពទី១ និងដើម្បីធ្វើឱ្យកំណើនកាន់តែមានអត្ថន័យ សម្រាប់ជីវភាពរស់នៅប្រចាំថ្ងៃរបស់ប្រជាជន ពិសេសនៅតាមតំបន់ជនបទ តាមរយៈការលើកកម្ពស់ប្រាក់ចំណូល ការបង្កើតការងារសមរម្យ ការវិនិយោគលើមូលធនមនុស្ស និងការពង្រឹងប្រព័ន្ធគាំពារសង្គម ព្រមទាំងការកសាងភាពជាដៃគូដែលផ្តល់លទ្ធផលជាក់ស្តែង។

ឧបនាយករដ្ឋមន្ត្រីប្រចាំការ បានលើកឡើងថា ការចូលរួមរបស់កម្ពុជាក្នុងវេទិកានេះ មិនមែនបង្ហាញពីគំរូដ៏ល្អឥតខ្ចោះនោះទេ ឬចម្លងតាមគំរូណាមួយនោះទេ ប៉ុន្តែគឺការចូលរួមចែករំលែកនូវបទពិសោធរបស់កម្ពុជា ពីជម្លោះឆ្ពោះទៅសន្តិភាព ពីការស្តារឡើងវិញឆ្ពោះទៅរកកំណើនសេដ្ឋកិច្ច និងពីកំណើនសេដ្ឋកិច្ច ឆ្ពោះទៅរកការអភិវឌ្ឍប្រកបដោយបរិយាបន្ន និងភាពធន់ជាងមុន។

ក្នុងន័យនេះ កម្ពុជាមានជំនឿយ៉ាងមុតមាំថា ការកាត់បន្ថយភាពក្រីក្រ គឺពិតជាអាចសម្រេចទៅបាន តាមរយៈការរក្សាឱ្យបាននូវសន្តិភាព ការអភិវឌ្ឍដែលយកប្រជាជនជាស្នូល ការពង្រឹងធនធានមនុស្ស ព្រមទាំងកិច្ចសហការ រវាងប្រទេសនិងប្រទេស ប្រកបដោយភាពបើកចំហ និងភាពជាដៃគូដ៏ពិតប្រាកដ។

លោកបានសង្កត់ធ្ងន់ថា“ភាពជាដៃគូនៅតែជាកត្តាស្នូល សម្រាប់ការអភិវឌ្ឍរបស់កម្ពុជា ហើយភាពរីកចម្រើននិងការអភិវឌ្ឍសង្គម-សេដ្ឋកិច្ចរបស់កម្ពុជា ក្នុងរយៈពេលជាងពីរទសវត្សរ៍កន្លងមកនេះ មិនអាចកាត់ផ្តាច់បានឡើយពីតួនាទី កិច្ចសហប្រតិបត្តិការ និងការគាំទ្ររបស់ប្រទេសចិន នៅក្នុងក្របខ័ណ្ឌនៃភាពជាដៃគូយុទ្ធសាស្ត្រគ្រប់ជ្រុងជ្រោយរវាងប្រទេសទាំងពីរ”។

ក្នុងន័យនេះ កម្ពុជាមានជំនឿយ៉ាងមុតមាំថា ដំណាក់កាលថ្មីនៃភាពជាដៃគូកម្ពុជា-ចិន ក្រោមក្របខណ្ឌ “កិច្ចសហប្រតិបត្តិការត្បូងពេជ្រ” នឹងកាន់តែរឹងមាំ និងសកម្មបន្ថែមទៀត ដោយនាំមកនូវលទ្ធផលផ្លែផ្កា និងចូលរួមចំណែកយ៉ាងសំខាន់ ក្នុងការជំរុញការកាត់បន្ថយភាពក្រីក្រ និងការអភិវឌ្ឍនៅកម្ពុជា ព្រមទាំងការកសាងសហគមន៍វាសនារួមរវាងកម្ពុជា-ចិន គ្រប់រដូវកាល ក្នុងយុគសម័យថ្មី។

ឧបនាយករដ្ឋមន្ត្រីប្រចាំការ បានលើកឡើងថា ការកាត់បន្ថយភាពក្រីក្រ ទាមទារនូវបរិស្ថាននៃកិច្ចសហប្រតិបត្តិការ អន្តរជាតិប្រកបដោយភាពបើកចំហ ហើយក៏គ្មានប្រទេសណាមួយអាចសម្រេចកិច្ចការនេះតែម្នាក់ឯងដែរ។ ទន្ទឹមនេះ ប្រទេសកំពុងអភិវឌ្ឍត្រូវការស្ថិរភាពទីផ្សារ ការវិនិយោគ បច្ចេកវិទ្យា ខ្សែច្រវាក់ផ្គត់ផ្គង់ប្រកបដោយភាពធន់ និងកាលានុវត្តភាពប្រកបដោយសមធម៌ ដើម្បីអភិវឌ្ឍប្រទេសឱ្យរីកចម្រើន។

ឈរលើមូលដ្ឋាននេះ ពាណិជ្ជកម្មសេរី និងសកលភាវូបនីយកម្មប្រកបដោយសមធម៌និងបរិយាបន្ន ព្រមទាំងពហុភាគីនិយមប្រកបដោយប្រសិទ្ធភាព នៅតែជាកត្តាចាំបាច់បំផុត ដែលមិនអាចខ្វះបាន។ ក៏ប៉ុន្តែ កិច្ចការទាំងនេះទាមទារ នូវសណ្តាប់ធ្នាប់ពិភពលោកមួយដែលមានភាពរឹងមាំ។ ក្នុងបរិបទនេះ កម្ពុជាសូមវាយតម្លៃខ្ពស់ និងកោតសរសើរចំពោះ តួនាទីដ៏សំខាន់របស់ប្រទេសចិន ក្នុងកិច្ចអភិវឌ្ឍន៍អន្តរជាតិ ជាពិសេសក្រោមគំនិតផ្តួចផ្តើម “ខ្សែក្រវាត់ និងផ្លូវ”និង“គំនិតផ្តួចផ្តើមអភិវឌ្ឍន៍សកល” ព្រមទាំងគំនិតផ្តួចផ្តើមផ្សេងទៀត៕

Cambodia Travel Match 2026 Mini-Series to Promote Cambodia Tourism to the World

By MoT
Phnom Penh, His Excellency HUOT Hak, Minister

of Tourism, presided over the opening ceremony of the Cambodia Travel Match 2026 Mini-Series, an important platform aimed at promoting Cambodia’s tourism sector to the global market while strengthening cooperation between international tourism buyers from China, Vietnam, and Myanmar and local tourism sellers. The event seeks to expand business networks, exchange experiences, and share the latest information on tourism development at both regional and global levels, Approximately 200 participants attended the event.

On this occasion, H.E. the Minister expressed his appreciation to the Pacific Asia Travel Association (PATA), the Cambodia Tourism Federation (CTF), the Cambodia Tourism Board (CTB), sponsoring partners, and all stakeholders for their collaboration in organizing this significant event to contribute to the promotion of Cambodia’s tourism sector.

H.E. the Minister emphasized that the Cambodia Travel Match 2026, now being organized for the third time, serves as a comprehensive and sustainable tourism marketplace that reflects Cambodia’s proactive response to the rapidly changing global tourism landscape through stronger market connectivity and long-term partnerships.

At the same time, H.E. the Minister highlighted that despite uncertainties in the global and regional economic and geopolitical situation in 2025, Cambodia still welcomed approximately 5.6 million international tourists, demonstrating the quality growth and resilience of Cambodia’s tourism sector. During the first four months of 2026 alone, Cambodia received more than 1.3 million international tourists, of which over 330,000 were Chinese tourists, ranking first, followed by approximately 312,000 Vietnamese tourists in second place, and more than 10,000 tourists from Myanmar.

H.E. the Minister also informed the gathering that the Royal Government of Cambodia has approved in principle the Visa Exemption Pilot Program for Chinese tourists for a four-month period from 15 June to 15 October 2026. This historic decision for Cambodia’s tourism sector presents an important opportunity for tourism operators to further promote and attract more visitors to Cambodia.

H.E. the Minister stressed that Cambodia is a safe destination for tourism and investment under the visionary and dynamic leadership of Samdech Moha Borvor Thipadei Hun Manet, Prime Minister of the Kingdom of Cambodia, during the 7th mandate of the Royal Government. The government continues to preserve peace, political stability, security, public order, and socio-economic development based on the foundation of lasting peace established by Samdech Akka Moha Sena Padei Techo Hun Sen, former Prime Minister and current Acting Head of State of the Kingdom of Cambodia.

H.E. the Minister further noted that Cambodia is rich in world-renowned cultural heritage, particularly the Angkor area, vibrant cities, beautiful coastal destinations, the Mekong River and Tonle Sap Lake landscapes, eco-tourism areas, community-based tourism destinations, and Khmer cuisine with unique identity and authenticity.

In addition, Cambodia offers a dynamic investment environment supported by the Royal Government’s strong support for the private sector, improving infrastructure, and stronger regional connectivity through Techo International Airport and Siem Reap-Angkor International Airport. These developments are strengthening Cambodia’s role as a regional tourism and business hub while creating new investment opportunities in hospitality, aviation, logistics, meetings and events, integrated resorts, eco-tourism, and multi-destination tourism.

Before concluding, H.E.the Minister informed the audience that the Ministry of Tourism has officially launched the “Visit Cambodia in the Green Season” campaign from May to October, a special season for tourists to experience new perspectives on Cambodia’s natural beauty and cultural heritage. The campaign features special promotional packages aligned with the “6 Musts” campaign, including: Must See, Must Stay, Must Taste, Must Visit, Must Try, and Must Buy.

n closing, H.E. the Minister expressed his sincere appreciation to PATA, CTF, CTB, sponsoring partners, and all stakeholders for their close cooperation with the Ministry of Tourism in successfully organizing this event as planned.

តើវិស័យអចលនទ្រព្យកម្ពុជា មួយទសវត្សកន្លងមកនេះផ្តល់ផលវិជ្ជមានបែបណាដល់សេដ្ឋកិច្ច?

ដោយៈ គង់ សូរិយា

ភ្នំពេញៈ កាលពីជាង១០ឆ្នាំមុន (ប្រហែលឆ្នាំ២០០៤ -២០១៦) អចលនទ្រព្យ និងសំណង់បានក្លាយជាម៉ាស៊ីនមួយ ក្នុងចំណោមម៉ាស៊ីនដ៏ខ្លាំងបំផុត ដែលចាក់បញ្ចូលប្រាក់ចូល ទៅក្នុងចរន្តសេដ្ឋកិច្ចកម្ពុជា។

វិស័យនេះបានប៉ះពាល់ ដល់កំណើនផលិតផលក្នុងស្រុកសរុប (GDP) ការងារ ធនាគារ ការវិនិយោគបរទេស និងការអភិវឌ្ឍទីក្រុង។

ទិន្នន័យខាងក្រោមនេះ ជារបៀបដែលវាបានចាក់បញ្ចូលថ្លៃដើម និងប្រាក់ទៅក្នុងសេដ្ឋកិច្ចកម្ពុជា។

១. សំណង់ និងអចលនទ្រព្យ បានក្លាយជាកម្លាំងចលករដ៏សំខាន់នៃផលិតផលក្នុងស្រុកសរុប(GDP)

ប្រហែលឆ្នាំ២០១៥- ២០១៦ សេដ្ឋកិច្ចកម្ពុជាបានកើនឡើងជិត ៧%ជារៀងរាល់ឆ្នាំ ហើយអង្គការដូចជាធនាគារពិភពលោក និងមូលនិធិរូបិយវត្ថុអន្តរជាតិបាននិយាយថា សំណង់ និងអចលនទ្រព្យគឺជាកម្លាំងចលករកំណើនដ៏សំខាន់។

ការរីកចម្រើនរួមមាន ខុនដូ លំនៅឋានបុរី អគារពាណិជ្ជកម្ម សណ្ឋាគារ កាស៊ីណូ អគារការិយាល័យ ការរំពឹងទុកដីធ្លី ជាពិសេសនៅក្នុងរាជធានីភ្នំពេញ ក្រុងព្រះសីហនុ សៀមរាប ក្រុងបាវិត ក្រុងប៉ោយប៉ែតនៃខេត្តបន្ទាយមានជ័យ។

២. ការវិនិយោគបរទេសយ៉ាងច្រើនបានចូលមកក្នុងប្រទេសកម្ពុជា

វិនិយោគិនចិន និងវិនិយោគិនមកពីតំបន់ជាច្រើន បានចាក់បញ្ចូលប្រាក់រាប់ពាន់លានដុល្លារ ទៅក្នុងការទិញដី អភិវឌ្ឍន៍គម្រោងធំៗ សាងសង់អគារខ្ពស់ៗ អភិវឌ្ឍន៍ហេដ្ឋារចនាសម្ព័ន្ធ និងការអភិវឌ្ឍឆ្នេរសមុទ្រជាដើម។

លំហូរចូលទុនវិនិយោគផ្ទាល់ពីបរទេស (FDI) បានឈានដល់ប្រហែល១,៨ពាន់លានដុល្លារអាមេរិក ក្នុងឆ្នាំ២០១៥ ស្មើនឹងប្រហែល១០ភាគរយនៃផលិតផលក្នុងស្រុកសរុបរបស់កម្ពុជា។

លំហូរសាច់ប្រាក់នេះត្រូវបានចរាចរតាមរយៈ ក្រុមហ៊ុនសំណង់
ការនាំចូលស៊ីម៉ង់ត និងដែកថែប ប្រាក់ខែកម្មករ ប្រាក់កម្ចីធនាគារ ម្ចាស់ដីលក់អចលនទ្រព្យជាដើម។

៣. សំណង់បានបង្កើតការងារយ៉ាងច្រើន

វិស័យនេះបានស្រូបយកកម្មករ រាប់រយរាប់ពាន់នាក់មកពីខេត្តជនបទ ដោយពួកគេបានផ្លាស់ប្តូរពីវិស័យកសិកម្មទៅជា ការងារសំណង់ សេវាកម្មអចលនទ្រព្យ ការដឹកជញ្ជូន និងខ្សែសង្វាក់ផ្គត់ផ្គង់សម្ភារៈជាដើម។

ធនាគារពិភពលោកបានកត់សម្គាល់ថា ការពង្រីកវិស័យសំណង់បានជួយកាត់បន្ថយភាពក្រីក្រ និងបង្កើនប្រាក់ចំណូលមិនមែនកសិកម្មសម្រាប់គ្រួសារជនបទ។

សកម្មភាពទាំងនេះបានជួយដល់ ការបង្កើនការចំណាយរបស់គ្រួសារ បង្កើនការធ្វើចំណាកស្រុកក្នុងទីក្រុង និងពង្រីកក្រុមអ្នកមានចំណូលមធ្យម។

៤. ឥណទានធនាគារបានពង្រីកយ៉ាងឆាប់រហ័ស

ធនាគារ និងស្ថាប័នមីក្រូហិរញ្ញវត្ថុ ទទួលបានហិរញ្ញប្បទានយ៉ាងច្រើន ការទិញលំនៅដ្ឋាន ការរំពឹងទុកអចលនទ្រព្យ គម្រោងបុរី ការវិនិយោគដីធ្លី។

កំណើនឥណទានឯកជន បានឈានដល់ជិត៣០%ជារៀងរាល់ឆ្នាំ។ លំហូរមួលធននេះ បានចាក់បញ្ចូលសាច់ប្រាក់ងាយស្រួលចូលទៅក្នុងសេដ្ឋកិច្ច ប៉ុន្តែក៏បានកើនឡើងផងដែរ ដូចជា បំណុលគ្រួសារការពឹងផ្អែកលើអចលនទ្រព្យ ហានិភ័យហិរញ្ញវត្ថុ។

៥. អចលនទ្រព្យបានជំរុញឧស្សាហកម្មជាច្រើនទៀត

អចលនទ្រព្យបានបង្កើតតម្រូវការសម្រាប់សម្ភារៈ និងវត្ថុធាតុដើមមួយចំនួនដូចជា ស៊ីម៉ង់ត៍ ដែកថែប កញ្ចក់ គ្រឿងសង្ហារិម ម៉ាស៊ីនត្រជាក់ ផ្សារទំនើប ភោជនីយដ្ឋានភស្តុភារ។

ដូច្នេះគម្រោងសាងសង់មួយបានបង្កើត “ឥទ្ធិពលលើសពីទ្វេរគុណ” នៅទូទាំងវិស័យជាច្រើន។

ឧទាហរណ៍ ម្ចាស់ដីទទួលបានទ្រព្យសម្បត្តិ កម្មករទទួលបានប្រាក់ឈ្នួល ធនាគារទទួលបានការប្រាក់ រដ្ឋាភិបាលប្រមូលពន្ធ និងថ្លៃសេវាអនុញ្ញាត។

៦. តម្លៃដីក្នុងទីក្រុងបានកើនឡើងយ៉ាងឆាប់រហ័ស

ចាប់ពីប្រហែលឆ្នាំ ២០១៣-២០១៩ តម្លៃដីនៅភ្នំពេញបានកើនឡើង។ ក្រុងព្រះសីហនុបានក្លាយជាចំណុចក្តៅ នៃការវិនិយោគរបស់ចិន។ តំបន់ក្បែរផ្លូវហាយវេ និងទីក្រុងរណបបានកើនឡើង។

មូលដ្ឋាននៃការរីកចម្រើននេះបានបង្កើត នូវទ្រព្យសម្បត្តិសម្រាប់ម្ចាស់ដី ឥរិយាបថវិនិយោគបែបស្មាន។ ការកើនឡើងនៃថ្លៃរស់នៅ និងថ្លៃជួល។

អ្នកវិភាគមួយចំនួនក្រោយមកបានព្រមានថា “ទីផ្សារបានឡើងកំដៅខ្លាំងពេក និងពឹងផ្អែកលើដើមទុនបរទេសច្រើនពេក”។

ការរីកចម្រើនផ្នែកអចលនទ្រព្យបានជួយកម្ពុជា លើការរក្សាកំណើនផលិតផល ក្នុងស្រុកសរុបប្រហែល៧ភាគរយ ពង្រីកទីក្រុងយ៉ាងឆាប់រហ័ស ទាក់ទាញដើមទុនបរទេស សាងសង់ហេដ្ឋារចនាសម្ព័ន្ធទំនើប ពង្រីកការងារ ប៉ុន្តែវាក៏បានបង្កើតហានិភ័យផងដែរ ដោយកំណើនបំណុលខ្ពស់ ការផ្គត់ផ្គង់អចលនទ្រព្យលើស ការពឹងផ្អែកលើការវិនិយោគរបស់ចិន វិសមភាពកើនឡើង។

តាមការសង្កេតទូទៅ អារម្មណ៍ប្រជាជនសព្វថ្ងៃនេះ ពួកគេនៅតែគិតថា “កម្ពុជានៅតែមានអារម្មណ៍ថា នឹងទទួលបានអត្ថប្រយោជន៍ ក៏ដូចជា រងផលវិបាកនៃវដ្តចាក់បញ្ចូលអចលនទ្រព្យពី១០ឆ្នាំមុន”៕

អភិបាលខេត្តផ្សព្វផ្សាយនិងទាក់ទាញអ្នកវិនិយោគទីក្រុងហឺហ្វី មកស្វែងយល់ពីសក្តានុពលពិតប្រាកដរបស់ខេត្តព្រះសីហនុ

ដោយៈ ម៉ាណា

ប្រទេសចិនៈ អភិបាល នៃគណៈអភិបាលខេត្តព្រះសីហនុ លោកម៉ាង ស៊ីណេត បានអញ្ជើញដឹកនាំប្រតិភូខេត្ត ចូលរួមក្នុង “វេទិកាជំនួបអ្នកវិនិយោគឧស្សាហកម្មទីក្រុងហឺហ្វី-ខេត្តអានហួយ និងខេត្តព្រះសីហនុ (កម្ពុជា)”។

វេទិកានេះ បានរៀបចំឡើងនៅទីក្រុងហឺហ្វី សាធារណរដ្ឋប្រជាមានិតចិន ដោយមានការសហការពីរដ្ឋបាលក្រុងហឺហ្វី និងអគ្គកុងស៊ុលកម្ពុជាប្រចាំទីក្រុងសៀងហៃ។

កម្មវិធីនេះមានការអញ្ជើញចូលរួមពី លោកYang Li ប្រធានការិយាល័យការបរទេសទីក្រុងហឺហ្វី លោកងួន វិសុទ្ធ អគ្គកុងស៊ុលកម្ពុជាប្រចាំទីក្រុងសៀងហៃ ព្រមទាំងតំណាងសហគ្រាស និងក្រុមហ៊ុនវិនិយោគឈានមុខពីទីក្រុងហឺហ្វីចំនួន៥០ក្រុមហ៊ុន។

បណ្តាក្រុមហ៊ុនចិនដែលបានចូលរួម ក្នុងជំនួបផ្គូរផ្គងធុរកិច្ចនេះ ភាគច្រើនជាសហគ្រាសធំៗ ដែលរកស៊ីលើវិស័យសក្តានុពលជាច្រើន រួមមាន៖ វិស័យគ្រប់គ្រងទឹក និងបរិស្ថាន៖ ក្រុមហ៊ុន Anhui Shunyu Water Affairs និង Anhui Tongyuan Environment Energy Saving។

វិស័យថាមពលថ្មី និងបច្ចេកវិទ្យាឆ្លាតវៃ៖ ក្រុមហ៊ុន Anhui Oukun New Energy, Sichuang Electronics និង Anhui Shengyun Intelligent Technology។

វិស័យសំណង់ និងវិស្វកម្ម៖ ក្រុមហ៊ុន Anhui Runye Construction Engineering និង Anhui Yifeng Engineering Project Management។

វិស័យពាណិជ្ជកម្ម នាំចេញ-នាំចូល និងវិស័យផ្សេងៗទៀត។

នៅក្នុងសន្ទរកថាបើក លោកម៉ាង ស៊ីណេត បានគូសបញ្ជាក់ថា ជំនួបនាពេលនេះឆ្លុះបញ្ចាំង ពីការលើកកម្ពស់ទំនាក់ទំនងមិត្តភាពជា “មិត្តដែកថែប និងជាដៃគូយុទ្ធសាស្ត្រគ្រប់ជ្រុងជ្រោយ” ។ នេះជាលទ្ធផលនៃភាពស៊ីសង្វាក់គ្នារវាង យុទ្ធសាស្ត្របញ្ចកោណ របស់រាជរដ្ឋាភិបាលកម្ពុជា ក្រោមការដឹកនាំរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងគំនិតផ្តួចផ្តើម “ខ្សែក្រវាត់ និងផ្លូវ” របស់ឯកឧត្តមប្រធានាធិបតី ស៊ី ជីនពីង ក្នុងការជំរុញក្របខណ្ឌកិច្ចសហប្រតិបត្តិការត្បូងពេជ្រ ពន្លឿនការកសាង “ច្រករបៀងឧស្សាហកម្ម និងបច្ចេកវិទ្យា” និងច្រករបៀងមច្ឆា និងអង្ករ។

លោកអភិបាលខេត្ត បានធ្វើបទបង្ហាញពីភាពទាក់ទាញ និងសក្តានុពលរបស់ខេត្តព្រះសីហនុ ដែលជាប៉ូលសេដ្ឋកិច្ចដ៏សំខាន់របស់កម្ពុជា ក្នុងនាមជាទីក្រុងកំពង់ផែ ឧស្សាហកម្ម ពាណិជ្ជកម្ម និងទេសចរណ៍។

បច្ចុប្បន្ន ខេត្តព្រះសីហនុ មានតំបន់សេដ្ឋកិច្ចពិសេស កំពុងដំណើរការចំនួន៧ទីតាំង។ បន្ថែមលើនេះ រាជរដ្ឋាភិបាលបាននិងកំពុងរៀបចំ “ផែនការមេអភិវឌ្ឍខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង (២០២៥-២០៣៨)” សិក្សាដោយវិទ្យាស្ថាន UPDIS នៃទីក្រុងសិនជិន ដើម្បីប្រែក្លាយខេត្តទៅជាច្រកទ្វារអន្តរជាតិ តំបន់ឧស្សាហកម្ម មជ្ឈមណ្ឌលពាណិជ្ជកម្ម មជ្ឈមណ្ឌលហិរញ្ញវត្ថុអន្តរជាតិ ទីក្រុងបៃតង ចីរភាព និងទីក្រុងវៃឆ្លាតក្នុងតំបន់អាស៊ាន

អភិបាល នៃគណៈអភិបាលខេត្តព្រះសីហនុ លោកម៉ាង ស៊ីណេត

ពិសេសជាងនេះទៅទៀត លោកបានលើកឡើងពី “កម្មវិធីពិសេសជំរុញការវិនិយោគក្នុងខេត្តព្រះសីហនុ ឆ្នាំ២០២៤” របស់សម្តេចធិបតី ហ៊ុន ម៉ាណែត ដែលផ្តល់ការលើកទឹកចិត្តពិសេសរួមមាន១. ការលើកទឹកចិត្តផ្នែកពន្ធ៖ លើកលែងពន្ធលើប្រាក់ចំណូល ពន្ធអប្បបរមារយៈពេល៣ឆ្នាំ និងការនាំចូលសម្ភារសំណង់ បរិក្ខារផលិតកម្ម គឺពន្ធនិងអាករជាបន្ទុករបស់រដ្ឋ។

២. ការគាំទ្រផ្នែករដ្ឋបាល៖ សម្រួលនីតិវិធីលិខិតអនុញ្ញាតសាងសង់ អាជ្ញាប័ណ្ណ និងលិខិតបទដ្ឋាននានា ដោយរហ័ស តម្លាភាព និងប្រសិទ្ធភាព។

ជំនួបនេះ មិនត្រឹមតែជាវេទិកាបង្ហាញ ពីភាពទាក់ទាញនៃបរិយាកាសវិនិយោគ របស់ខេត្តព្រះសីហនុប៉ុណ្ណោះទេ ប៉ុន្តែថែមទាំងជាស្ពានចម្លងដ៏សំខាន់ក្នុងការរឹតចំណងមិត្តភាព និងកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងការវិនិយោគរវាងរដ្ឋបាលខេត្តព្រះសីហនុ និងទីក្រុងហឺហ្វី ឱ្យកាន់តែស៊ីជម្រៅ និងរឹងមាំថែមទៀត ដើម្បីឈានទៅសម្រេចបាននូវការអភិវឌ្ឍប្រកបដោយនិរន្តរភាព និងផលប្រយោជន៍ទៅវិញទៅមកសម្រាប់ប្រជាជនខេត្តក្រុងទាំងពីរ។

លោកម៉ាង ស៊ីណេតបានអះអាងថា “កម្ពុជានិងខេត្តព្រះសីហនុ មានសន្តិភាព ស្ថិរភាពនយោបាយ សន្តិសុខ និងសុវត្ថិភាពសង្គមល្អប្រសើរ ព្រមទាំងមានប្រជាពលរដ្ឋរស់រាយរាក់ទាក់ ពោរពេញដោយស្នាមញញឹម”។ លោកបន្តថា “រដ្ឋបាលខេត្តបានដាក់ចេញនូវចក្ខុវិស័យ “ភាពជោគជ័យរបស់អ្នកវិនិយោគ គឺជាភាពរីករាយរបស់យើងខ្ញុំ” សូមចាប់ដៃជាមួយរដ្ឋបាល ខេត្តព្រះសីហនុ ដើម្បីឆ្ពោះទៅរកភាពជោគជ័យទាំងអស់គ្នា”៕

តើអ្នកធុរកិច្ចចិនបោះទុនប៉ុន្មានពាន់លានដុល្លារចូលក្នុងវិស័យអចលនទ្រព្យកម្ពុជា១០ឆ្នាំចុងក្រោយនេះ?

ដោយៈ ស៊ីវ ម៉េង

ភ្នំពេញៈ រហូតមកទល់ពេលនេះ មិនមានតួលេខផ្លូវការតែមួយសម្រាប់ “ការវិនិយោគរបស់ចិនលើអចលនទ្រព្យកម្ពុជា” ក្នុងរយៈពេល១០ឆ្នាំចុងក្រោយនេះទេ។

របាយការណ៍ជាច្រើន បានរួមបញ្ចូលគ្នានូវវិស័យសំណង់ ហេដ្ឋារចនាសម្ព័ន្ធ កាស៊ីណូ ទេសចរណ៍ និងអចលនទ្រព្យ។

ប៉ុន្តែដោយផ្អែកលើទិន្នន័យរបស់រដ្ឋាភិបាល របាយការណ៍របស់ CDC និងការស្រាវជ្រាវទីផ្សារ អ្នកវិភាគប៉ាន់ប្រមាណថា វិនិយោគិនចិន បានចាក់បញ្ចូលមូលធនប្រហែល១៥ ទៅ៣០ ពាន់លានដុល្លារអាមេរិកទៅក្នុងវិស័យអចលនទ្រព្យ និងវិស័យសំណង់របស់កម្ពុជា ក្នុងអំឡុងពេលរីកចម្រើនដ៏សំខាន់ ចាប់ពីឆ្នាំ២០១៣-២០២៣។

ខាងក្រោមនេះជាការវិភាគ ដែលអ្នកវិភាគតែងតែលើកឡើងមានដូចជា ទី១ ការវិនិយោគរបស់ចិន លើគ្រប់វិស័យទាំងអស់នៃប្រទេសកម្ពុជា បានឈានដល់រាប់សិបពាន់លានដុល្លារ ក្នុងរយៈពេលមួយទសវត្សរ៍កន្លងមក។

អចលនទ្រព្យ បានក្លាយជាគោលដៅធំបំផុតមួយ បន្ទាប់ពីឆ្នាំ ២០១៥ ជាពិសេសនៅក្នុងរាជធានីភ្នំពេញ ក្រុងព្រះសីហនុ និងខេត្តសៀមរាប

គម្រោងនៃការវិនិយោគសំខាន់ៗរួមមាន ការសាងសង់ខុនដូ
កាស៊ីណូ សណ្ឋាគារ និងរមណីយដ្ឋាន អគារពាណិជ្ជកម្ម ការអភិវឌ្ឍបុរី ការប៉ាន់ស្មានដីធ្លី និងគម្រោងធំៗចម្រុះជាដើម។

ឧទាហរណ៍ដ៏ល្បីល្បាញមួយ នៅក្រុងព្រះសីហនុតែមួយ មន្ត្រីខេត្តបានរាយការណ៍ អំពីគម្រោងដែលមានតម្លៃប្រហែល៣០ពាន់លានដុល្លារអាមេរិកនៅឆ្នាំ២០២០ ដែលភាគច្រើនត្រូវបានផ្សារភ្ជាប់ទៅនឹងវិនិយោគិន និងអ្នកអភិវឌ្ឍន៍ចិន។

ការស្រាវជ្រាវក៏បង្ហាញផងដែរថា ចាប់ពីឆ្នាំ២០១៣ ដល់២០២១ ការវិនិយោគរបស់ចិន ដែលប្រមូលផ្តុំនៅក្នុងប្រទេសកម្ពុជាមានចំនួនសរុបប្រហែល៦,៩៦ពាន់លានដុល្លារអាមេរិក ដែលបានកត់ត្រាជាផ្លូវការពីការវិនិយោគផ្ទាល់ពីបរទេស (FDI) ប៉ុន្តែនេះមិនរាប់បញ្ចូលការទិញអចលនទ្រព្យឯកជនទាំងអស់ ការបណ្តាក់ទុនរួមគ្នា ការផ្តល់មូលនិធិនៅក្រៅប្រទេស ឬប្រាក់អចលនទ្រព្យដែលប៉ាន់ស្មាននោះទេ។

ក្រុមហ៊ុនចិនបានមកគ្របដណ្ដប់ លើផ្នែកធំៗនៃវិស័យសំណង់របស់ប្រទេសកម្ពុជា និងគម្រោងអគារខ្ពស់ៗជាច្រើន នៅក្នុងទីក្រុងភ្នំពេញ ក្នុងអំឡុងពេលនៃការរីកចម្រើននៃខុនដូ។

ហេតុអ្វីបានជាការរីកចម្រើននេះ បានថយចុះបន្ទាប់ពីឆ្នាំ២០២០? មូលហេតុចម្បងបណ្តាលមកពី កត្តាសំខាន់ៗជាច្រើនដូចជា ទី១ វិបត្តិ អចលនទ្រព្យរបស់ប្រទេសចិនកូវីដ-១៩ ទី២ ការបង្ក្រាបល្បែងស៊ីសងតាមអ៊ីនធឺណិត នៅក្នុងប្រទេសកម្ពុជា ទី៣ ការផ្គត់ផ្គង់ខុនដូ និងការិយាល័យលើសកម្រិត ទី៤ ការគ្រប់គ្រងមូលធន កាន់តែតឹងរ៉ឹងពីប្រទេសចិន និងទី៥សេដ្ឋកិច្ចពិភពលោកយឺតយ៉ាវ។

សព្វថ្ងៃនេះ ការវិនិយោគរបស់ចិន នៅតែមានសារៈសំខាន់ ប៉ុន្តែវាកំពុងផ្លាស់ប្តូរទៅរក វិស័័យឧស្សាហកម្ម ភស្តុភារកម្ម តំបន់សេដ្ឋកិច្ចពិសេស ហេដ្ឋារចនាសម្ព័ន្ធ និងផលិតកម្ម។

ជំនួសឱ្យខុនដូ ដែលប៉ាន់ស្មានសុទ្ធសាធ ដូចក្នុងអំឡុងឆ្នាំ ២០១៦ ដល់ ២០១៩៕

ឧស្សាហកម្មទេសចរណ៍នៅខេត្តសៀមរាបកំពុងច្របាច់បញ្ចូលគ្នានូវប្រវត្តិសាស្រ្ត និងល្បាយនៃវប្បធ៌មសហសម័យ

ដោយៈ ម៉ានីន

សៀមរាបៈ បោះជំហានមួយៗលើផ្លូវក្រឡាចក្រត្រង់ នៃថ្មភក់ឆ្ពោះទៅកាន់ប្រាង្គអង្កឬអច្ឆរិយៈ អ្នកអាចស្រម៉ៃនឹកដល់អតីតកាលដ៏រ៉ុងរឿងនៃអាណាចក្រ ដែលបាត់បង់ទៅរយរយឆ្នាំមកនេះ។

ប៉ុន្តែនៅលើដងផ្លូវ សម្លេងតុក តុក ស៊ីភ្លេយានយន្ត និងសម្លេងអ៊ូរអរនៃភ្ញៀវទេសចរណ៍ចម្រុះជាតិសាសន៍ គេហាក់បានឃើញនូវការផ្សារភ្ជាប់អតីតកាល និងសហសម័យដ៏រសរវើកមួយ។

ភាពអស្ចារ្យនៃរមណីយដ្ឋាន និងតំបន់ទេសចរណ៍អង្គរនៅសៀមរាបសព្វថ្ងៃនេះ មិនមែនគ្រាន់តែជាប្រាសាទទៀតទេ។ វាកំពុងក្លាយជាល្បាយនៃបេតិកភណ្ឌ រមណីយដ្ឋានប្រណីត និងបទពិសោធន៍ទេសចរណ៍ទំនើប។

១. បេតិកភណ្ឌអង្គរដ៏ល្បីល្បាញលើពិភពលោក

ចំណុចខ្លាំងបំផុតនៅតែជាអង្គរវត្ត គឺវិមានប្រវត្តិសាស្ត្រដ៏អស្ចារ្យបំផុតមួយរបស់ពិភពលោក និងជាតំបន់យូណេស្កូ។ ព្រះអាទិត្យរះ ស្ថាបត្យកម្មខ្មែរ និងរឿងរ៉ាវអាណាចក្របុរាណ ទាក់ទាញភ្ញៀវទេសចររាប់លាននាក់មកពីជុំវិញពិភពលោក។

២. រមណីយដ្ឋានរចនាបថខ្មែរប្រណីត

រមណីយដ្ឋានជាច្រើន ត្រូវបានរចនាឡើងជាមួយនឹងវប្បធម៌ខ្មែរ សួនច្បារ ស្ប៉ា និងបរិស្ថានស្ងប់ស្ងាត់។ រមណីយដ្ឋានដូចជា Angkor Palace Resort & Spa និង Sofitel Angkor Phokeethra Golf & Spa Resort រួមបញ្ចូលគ្នានូវភាពប្រណីត ជាមួយនឹងអត្តសញ្ញាណប្រពៃណីខ្មែរ ដែលអ្នកទេសចរចូលចិត្តជាពិសេស លើសួនច្បារត្រូពិច
ស្ថាបត្យកម្មខ្មែរ អាងហែលទឹកធំៗ ស្ប៉ា និងសុខុមាលភា។បរិយាកាសស្ងប់ស្ងាត់ក្បែរប្រាសាទ។

៣. បទពិសោធន៍ទេសចរណ៍ថ្មីៗ

ទីក្រុងសៀមរាប កំពុងបន្ថែមកន្លែងទាក់ទាញទំនើបៗ មិនមែនគ្រាន់តែប្រាសាទទេ ប៉ុន្តែវាមានសកម្មភាពជាច្រើនដូចជា កង់ Ferris យក្ស Angkor Eye ដែលមានទេសភាពទីក្រុង និងប្រាសាទ 360ឌឺក្រេ។ បទពិសោធន៍វប្បធម៌ឌីជីថល “Immersive Angkor” ត្រូវបានគ្រោងទុកសម្រាប់ឆ្នាំ២០២៦។

ផ្សំ និងច្របាច់បញ្ចូលគ្នានូវទេសចរណ៍សុខុមាលភាពប្រណីត និងភូមិវប្បធម៌ ក៏បានផ្តល់នូវបទពិសោធន៍សិល្បៈ និងមរតកអរិយធ៌ម ដែលបានបាត់បង់ទៅ។ អរិយធ៌មនេះ ជួយអ្នកទេសចរស្នាក់នៅបានយូរជាងការទៅទស្សនាត្រឹមតែ១ ទៅ២ថ្ងៃប៉ុណ្ណោះ។

៤. អាកាសយានដ្ឋានថ្មីជំរុញទេសចរណ៍

អាកាសយានដ្ឋានអន្តរជាតិសៀមរាប- អង្គរថ្មី កំពុងជួយវិស័យទេសចរណ៍ឱ្យរីកចម្រើន ជាមួយនឹងជើងហោះហើរអន្តរជាតិកាន់តែច្រើននិងសមត្ថភាពធំជាងមុន។

អាកាសយានដ្ឋាន ដែលចំណាយធំលើសផែនការនេះ បានធ្វើអោយប្រសើរឡើង ការតភ្ជាប់ពីតំបន់អាស៊ាន និងចិន ទេសចរណ៍ប្រណីត។ ការវិនិយោគសណ្ឋាគារ និងការរៀបចំសន្និសីទអន្តរជាតិ។

៥. គោលដៅរ៉ូមែនទិក និងវប្បធម៌

ថ្មីៗនេះ អង្គរបានក្លាយជាកន្លែងពេញនិយមយ៉ាងខ្លាំង សម្រាប់សំណើរៀបការ ទេសចរណ៍ក្រេបទឹកឃ្មុំ ការថតរូបប្រណីត ការធ្វើដំណើរខាងវិញ្ញាណ និងសុខុមាលភាព។

ប្រព័ន្ធផ្សព្វផ្សាយសង្គម បានធ្វើឱ្យអង្គរកាន់តែល្បីល្បាញទូទាំងពិភពលោក។

៦. សក្តានុពលនាពេលអនាគត

អ្នកជំនាញ និងអ្នកធ្វើដំណើរកាន់តែច្រើនឡើងៗ មើលឃើញថា សៀមរាបកំពុងវិវត្តន៍ពី “ទស្សនាប្រាសាទ រួចចាកចេញ” ទៅជាទេសចរណ៍សុខុមាលភាព ការធ្វើដំណើរយឺតៗបែបប្រណីត គោលដៅវប្បធម៌ ទេសចរណ៍គ្រួសារ ទេសចរណ៍ធម្មជាតិ ស្របពេលនិន្នាការនេះកំពុងកើនឡើងបន្ទាប់ពីជំងឺរាតត្បាត។

អរិយធម៌ខ្មែរបុរាណ ដែលបន្សល់នួវរូបសំណាកឆ្លាក់ជាប់ជញ្ជាំង របាំក្បាច់បុរាណ អូចជា របាំអប្សរ៉ា និងរមណីយដ្ឋាបែបច្នៃប្រឌិតជាច្រើនទៀត កំពុងងរួមផ្សំទីក្រុងនេះ ជាមួយនឹងទេសចរណ៍ទំនើបបែបប្រណីត និងប្រវត្តិសាស្រ្តនៃអតីតកាលដ៏ចែងចាំង។

ទីក្រុងនេះ ជាកន្លែងកម្រ នៅក្នុងតំបន់អាស៊ាន ដែលអាចរួមបញ្ចូលគ្នា អច្ឆរិយៈអាយុ១០០០ឆ្នាំ រមណីយដ្ឋានប្រណីត វប្បធម៌រឹងមាំ ការធ្វើដំណើរក្នុងតម្លៃសមរម្យ អាកាសយានដ្ឋានទំនើបបរិយាកាសសន្តិភាព។ នៅក្នុងគោលដៅតែមួយដូចជាសៀមរាប៕

តំបន់សេដ្ឋកិច្ចពិសេសមួយនៅក្រុងបាវិតបានស្វាគមន៍គម្រោងវិនិយោគចំនួន២

ដោយៈ ចំណាន

ស្វាយរៀងៈ ខេត្តស្វាយរៀងបានស្វាគមន៍ ក្រុមហ៊ុនធំៗចំនួនពីររបស់ចិន ក្នុងការដាក់ទុនវិនិយោគ នៅក្នុងតំបន់សេដ្ឋកិច្ចពិសេសឈីលូ (Qilu SEZ) នាពេលឆាប់ៗខាងមុខនេះ។

គំរោងវិនិយោគនព បានបង្ហាញនូវការជឿជាក់លើរាជរដ្ឋាភិបាលកម្ពុជា និងការពង្រីក និងពង្រឹងកិច្ចសហប្រតិបត្តិការសេដ្ឋកិច្ច និងការអភិវឌ្ឍឧស្សាហកម្ម នៅក្នុងខេត្ត។

ការបង្ហាញចំណាប់អារម្មណ៍វិនិយោគ ក្នុងខេត្តស្វាយរៀងនេះ ធ្វើឡើងក្នុងឱកាសដែលអភិបាលខេត្តស្វាយរៀង បានដឹកនាំប្រតិភូរដ្ឋបាលខេត្ត ធ្វើដំណើរទស្សនកិច្ចការងារនៅខេត្តសានដុង និងនៅក្រុងZibo នៃសាធាររដ្ឋប្រជាមានិតប្រទេសចិន ចាប់ពីថ្ងៃទី២៥-២៧ ខែឧសភាឆ្នាំ២០២៦នេះ។ លោកប៉េង ពោធិ៍សា បានចូលរួមក្នុងកិច្ចប្រជុំសំខាន់ៗមួយចំនួនរួមមាន ចូលរួមកម្មវិធី “Shandong International Friendship Cities Cooperation and Exchange Week and 7th China-CEEC Local Leaders’ Meeting) និងកម្មវិធីវេទិការពិភាក្សារវាងថ្នាក់ដឹកនាំខេត្ត ក្រុងសម្ព័ន្ធមិត្តនៅទីក្រុងជីណាន (Jinan)ខេត្តសានទុង (Shandong)។

ទន្ទឹមគ្នានេះ លោកបានជួបប្រជុំជាមួយថ្នាក់ដឹកនាំមកពីបណ្តាប្រទេសនានានៅក្រោមប្រធានបទ “Meet you in Zibo”និងធ្វើបទបង្ហាញស្តីពី សក្តានុពលរបស់ខេត្តស្វាយរៀង ដើម្បីទាក់ទាញអ្នកវិនិយោគ ននិងចូលរួមជំនួបពិភាក្សាការងារ ជាមួយអ្នកវិនិយោគនៅខេត្តសានដុង។

លោកប៉េង ពោធិ៍សា បានថ្លែងនូវក្តីរីករាយ ដែលបានទទួលនូវការស្វាគមន៍យ៉ាងកក់ក្តៅ ពីសំណាក់ថ្នាក់ដឹកនាំខេត្តសានដុង និងដៃគូវិនិយោគនានា ដែលមានចំណាប់អារម្មណ៍ចំពោះប្រទេសកម្ពុជា ជាពិសេសខេត្តស្វាយរៀង។

លោកបានបន្ថែមថា រដ្ឋបាលខេត្តសូមស្វាគមន៍ យ៉ាងកក់ក្តៅចំពោះក្រុមហ៊ុនចំនួនពីរ ដែលបានប្តេជ្ញាចិត្តក្នុងការដាក់ទុនវិនិយោគនៅក្នុងតំបន់សេដ្ឋកិច្ចពិសេសឈីលូ (Qilu SEZ) នាពេលឆាប់ៗខាងមុខនេះ។ ទាំងនេះបានស្តែងឱ្យឃើញ បានកាន់តែច្បាស់នូវការជឿជាក់លើរាជរដ្ឋាភិបាលកម្ពុជា ដែលជាការបោះជំហានទៅមុខមួយទៀតក្នុងការពង្រីក និងពង្រឹងកិច្ចសហប្រតិបត្តិការសេដ្ឋកិច្ច និងការអភិវឌ្ឍឧស្សាហកម្ម នៅក្នុងខេត្ត។

ក្រុមហ៊ុនទាំងពីរ ដែលបានសម្រេចដាក់ទុនវិនិយោគ នៅក្នុងតំបន់ឈីលូ រួមមាន ១-Shanghai Qixiang New Materials Technology Co.,Ltd. ២Runze Packaging Materials Co,.Ltd. ជាក្រុមហ៊ុនផលិតវត្ថុធាតុដើម ដើម្បីផ្គត់ផ្គង់ ទៅដល់រោងចក្រផលិតសំបកកង់ឡាន៕