សហគ្រិនស្រ្តីបង្កើតម៉ាកយីហោពាណិជ្ជកម្មចំនួន៣១ និងចុះបញ្ជីរកម្មសិទ្ឋបញ្ញារួចហើយ

ដោយៈ និស្ស័យ

ភ្នំពេញៈ ម៉ាកពាណិជ្ជកម្មចំនួន៣១ ដែលបង្កើតដោយសហគ្រិនស្ត្រី ត្រូវបានចុះបញ្ជីកម្មសិទ្ធិបញ្ញាដោយជោគជ័យ នៅនាយកដ្ឋានកម្មសិទ្ធិបញ្ញានៃក្រសួងពាណិជ្ជកម្ម ខណៈម៉ាកចំនួន៣០ម៉ាក បន្ថែមទៀត កំពុងបន្តស្នើសុំចុះបញ្ជីម៉ាក នៅនាយកដ្ឋានកម្មសិទ្ធិបញ្ញាបន្តទៀតផងដែរ។

ប្រធាននាយកដ្ឋានកម្មសិទ្ធិបញ្ញា និងជាប្រធានលេខាធិការដ្ឋានគណៈកម្មធិការជាតិគ្រប់គ្រងកម្មសិទ្ធិបញ្ញាលោកសួន វិជ្ជាបានមានប្រសាសន៍ឲ្យដឹងកាលពីសប្តាហ៍មុនថា គម្រោងនៃការលើកកម្ពស់ចំណេះដឹង នៃការប្រើប្រាស់កម្មសិទ្ធិបញ្ញា សម្រាប់សហគ្រិនស្ត្រី គឺបានផ្តល់អត្ថប្រយោជន៍យ៉ាងច្រើន ដល់សហគ្រិនស្ត្រីកម្ពុជា តាមរយៈការផ្តល់ឱកាស និងជំរុញឱ្យស្ត្រីបង្កើតគំនិតច្នៃប្រឌិត និងផលិតផលថ្មីៗ។

បន្ថែមពីនេះ ស្រ្តីក៏អាចប្រើប្រាស់នូវគំនិតច្នៃប្រឌិត និងផលិតផលកម្មសិទ្ធិបញ្ញានេះ ដើម្បីទទួលបានការគាំទ្រហិរញ្ញវត្ថុ និង អាចផ្តល់សិទ្ធិឱ្យភាគីផ្សេងទៀត អាចប្រើប្រាស់នូវកម្មសិទ្ធិបញ្ញា ដោយការផ្តល់អាជ្ញាបណ្ណកម្មសិទ្ធិបញ្ញា ដែលម្ចាស់សិទ្ធិនឹងទទួលបាននូវកម្រៃត្រឡប់មកវិញ។

លោក សួន វិជ្ជា លើកឡើងបែបនេះនៅក្នុងសិក្ខាសាលាថ្នាក់ជាតិស្តីពី “ការបញ្ចប់គម្រោងស្តីពី ការលើកកម្ពស់ចំណេះដឹងនៃការប្រើប្រាស់កម្មសិទ្ធិបញ្ញា សម្រាប់សហគ្រិនស្តី លើការកសាងកេរ្តិ៍ឈ្មោះ ការអភិវឌ្ឍផលិតផល និងការធ្វើពាណិជ្ជកម្ម”។

លោកបានបន្តថា សហគ្រិនស្ត្រីមួយចំនួន មិនបានចុះបញ្ជីការពារកម្មសិទ្ធិបញ្ញា ដែលកត្តានេះបណ្តាលមកពីកង្វះខាត ចំណេះដឹងមូលដ្ឋានកម្មសិទ្ធិបញ្ញា និងការដែលមិនទាន់យល់ដឹង ពីអត្ថប្រយោជន៍របស់កម្មសិទ្ធិបញ្ញាសម្រាប់អាជីវកម្មរបស់ខ្លួន។

លោកបានបន្ថែមថា ដោយសារកត្តានេះ នាយកដ្ឋានកម្មសិទ្ធិបញ្ញានិងអង្គការWIPO បានអនុវត្តគម្រោងនេះ ដោយជ្រើសរើសសហគ្រិនស្ត្រីចំនួន ៧០ រូប មកពីទូទាំងប្រទេស នឹងបានបែងចែកជា ៧ ក្រុម ដើម្បីចូលរួមក្នុងកម្មវិធីបង្វឹក (Mentorship program)៕

ការសាងសង់រថភ្លើងល្បឿនលឿនតភ្ជាប់ទីក្រុងណងខៃ ប្រទេសថៃនិងទីក្រុងវៀងចន្ទន៍គ្រោងបញ្ចប់នៅឆ្នាំ២០២៨

ដោយ: គង់ លាងហួរ

អន្តរជាតិ: អនុរដ្ឋមន្ត្រីក្រសួងដឹកជញ្ជូនថៃ លោក Surapong Piyachote បានឱ្យដឹងកាលពីថ្ងៃទី១៤ ខែធ្នូថា កំណាត់ផ្លូវដែកល្បឿនលឿនណងខៃ -វៀងច័ន្ទ(Nong Khai-Vientiane) ត្រូវបានរំពឹងថានឹងបញ្ចប់ការសាងសង់នៅឆ្នាំ២០២៨។

ជាមួយនឹងផែនការចំណាយប្រមាណ៣ពាន់លានបាត (ប្រហែល៨៦លានដុល្លារ) កំណាត់ផ្លូវដែកល្បឿនលឿនណងខៃ-វៀងច័ន្ទប្រវែង៧,៣គីឡូម៉ែត្រ ដែលជាកំណាត់មួយ នៃគម្រោងខ្សែផ្លូវដែកថៃ-ចិន នឹងឆ្លងកាត់ការសិក្សាពីលទ្ធភាពសាងសង់ ដែលធ្វើឡើងដោយផ្លូវដែករដ្ឋនៃប្រទេសថៃ (SRT) ។

លោកបានបន្តថា “ការជ្រើសរើសការរចនាចុងក្រោយ ត្រូវបានគេរំពឹងថា នឹងរៀបចំឡើងនៅក្នុងឆ្នាំ២០២៤ខាងមុខនេះ បន្ទាប់មកគឺដំណើរការដេញថ្លៃ ដែលគ្រោងនឹងចាប់ផ្តើមនៅឆ្នាំ២០២៥”។

ប្រទេសថៃកំពុងជំរុញគោលដៅរបស់ខ្លួន ក្នុងការធ្វើសមាហរណកម្មប្រព័ន្ធផ្លូវដែក ជាមួយគម្រោងរថភ្លើងល្បឿនលឿនបាងកក-ណងខៃ ក្នុងគោលបំណងជំរុញការតភ្ជាប់ក្នុងតំបន់ និងទស្សនវិស័យពាណិជ្ជកម្មជាមួយប្រទេសចិន តាមរយៈផ្លូវដែកឡាវ-ចិន។

ខ្សែផ្លូវដែក ដែលតភ្ជាប់ពីខេត្តណងខៃ (Nong Khai) ដល់ទីក្រុងបាងកក មានប្រវែង៦០៦គីឡូម៉ែត្រពី កំពុងស្ថិតក្រោមដំណើរការសាងសង់។

នៅពេលការសាងសង់បិទបញ្ចប់ ខ្សែផ្លូវទាំងនេះត្រូវបានគេរំពឹងថា នឹងជួយលើកកម្ពស់ដល់ការដឹកជញ្ជូនទំនិញ និងអ្នកដំណើររវាងប្រទេសថៃ និងប្រទេសចិន៕Laotian Times៕

Japan, ASEAN vow to widen cooperation as they mark 50 years of ties

TOKYO – Japan and the Association of Southeast Asian Nations agreed Sunday to deepen relations in the security and economic fields with the geopolitical environment changing amid China’s growing clout, at a summit to commemorate 50 years of friendship and cooperation.

In a “joint vision statement” issued after the gathering in Tokyo, the leaders pledged to step up cooperation on maritime security, strengthen supply chains, promote sustainable energy practices and expand people-to-people exchanges in various sectors.

Among other new efforts to further boost the economy in the fast-growing region is supporting digital startups, as well as accelerating public and private investment to achieve decarbonization, the statement showed.

Prime Minister Fumio Kishida was quoted by his
government as saying Japan will take measures to mobilize more than $35 billion in public and private funds over the next five years to facilitate investment in ASEAN, while also fostering the exchange of young business leaders with the region.

The leaders also announced the launch of a new initiative for the next-generation car industry aimed at mapping out strategies to enable ASEAN to continue being a major hub of auto production and exports.

“Based on strong mutual trust, Japan and ASEAN will tackle new challenges,” Kishida said at a press conference after the summit ended, adding he is glad that they will take a “new step toward the next 50 years.”

Indonesian President Joko Widodo, who served as co-chair, also attended the press event, saying Japan and the bloc will maintain peace and stability in the region while adhering to international law.

The meeting came as Tokyo has been bolstering its ties with developing and emerging countries collectively called the “Global South,” including the 10 ASEAN members, to capitalize on their growth and try to counter Beijing’s increasing influence.

Japan regards its relations with ASEAN as strategically important, with the bloc facing the South China Sea, home to one of the world’s busiest maritime sea lanes. Some ASEAN members have territorial claims there that overlap with China’s. Source: Kyodo News

ប៉េង ហួត គ្រុប ឧបត្ថម្ភថវិកាចំនួន ១០ម៉ឺនដុល្លារអាមេរិក ដល់មូលនិធិគន្ធបុប្ផាកម្ពុជា ក្នុងពិធីសម្ពោធដាក់ឱ្យប្រើប្រាស់ជាផ្លូវការផ្លូវជិះកង់ និង រត់ម៉ារ៉ាតុង ក្នុងគម្រោងអភិវឌ្ឍលំនៅឋានដែលធំជាងគេនៅប្រទេសកម្ពុជា

ដើម្បីចូលរួមលើកកម្ពស់សេវាសុខភាពរបស់កុមារ និងអបអរសាទរពិធីសម្ពោធជាផ្លូវការនូវផ្លូវជិះកង់ និងរត់ម៉ារ៉ាតុងចម្ងាយជាង ២គីឡូម៉ែត្រ ក្នុងគម្រោងអភិវឌ្ឍលំនៅឋានរបស់ខ្លួនដំបូងគេក្នុងប្រទេសកម្ពុជា ក្រុមហ៊ុន ប៉េង ហួត គ្រុប ឧបត្ថម្ភទឹកប្រាក់ចំនួន ១០ម៉ឺនដុល្លារអាមេរិក ដល់មូលនិធិគន្ធបុប្ផាកម្ពុជា ដើម្បីបន្តរបេសកកម្មជួយដល់កុមារកម្ពុជា នារសៀលថ្ងៃទី១៧ ខែធ្នូ ឆ្នាំ២០២៣។

ផ្លូវការផ្លូវជិះកង់ និងរត់ម៉ារ៉ាតុងនេះមានបណ្ដោយ ២,២០០ ម៉ែត្រ និងទទឹង ៧ ម៉ែត្រ ក្នុងនោះគម្លាតប្រវែងកង់ ១.៥ ម៉ែត្រ ដែលស្ថិតនៅក្នុងគម្រោងមេទី២ បុរីប៉េង ហួត ហ្រ្គេនស្តា ផ្លាទីនីម អេកូ ខូលិកសិន ខណ្ឌច្បារអំពៅ រាជធានីភ្នំពេញ អភិវឌ្ឍលើផ្ទៃដី ១៥០ហិកតា ក្នុងនោះ ៤០% ផ្ដោតលើធម្មជាតិបៃតង ខណៈផ្លូវនេះនឹងចូលរួមចំណែកលើកកម្ពស់វិស័យកីឡា និងផ្ដល់ជាអត្ថប្រយោជន៍កីឡាដើម្បីសុខភាព សម្រាប់បងប្អូនប្រជាពលរដ្ឋរស់នៅទាំងក្នុង និងក្រៅគម្រោងបុរី ប៉េង ហួត (បឹងស្នោ) រួមទាំងសាធារណជនផងដែរ។ ថ្លែងនៅក្នុងពិធីសម្ពោធផ្លូវជិះកង់ និង រត់ម៉ារ៉ាតុង លោកជំទាវ ហុង ដានី អគ្គនាយិកា របស់ក្រុមហ៊ុន បុរី ប៉េង ហួត បានលើកឡើងថា “ផ្លូវជិះកង់ និងរត់ម៉ារ៉ាតុង នេះអភិវឌ្ឍឡើងមិនត្រឹមតែចូលរួមលើកកម្ពស់ហេដ្ឋារចនាសម្ពន្ធបៃតងក្នុងគម្រោង ហ្រ្គេនស្តា ផ្លាទីនីម អេកូ ខូលិកសិន ទាំងមូលឱ្យស្រស់ស្អាតប៉ុណ្ណោះទេ ហើយថែមទាំងចូលរួមចំណែកលើកកម្ពស់វិស័យកីឡា និងសុខុមាលភាពសាធារណៈផងដែរ។ ជាពិសេសផ្លូវជិះកង់ និង រត់ម៉ារ៉ាតុង ដ៏ស្រស់ស្អាតនេះ នឹងនាំមកនូវបទពិសោធន៍ថ្មីសម្រាប់កីឡាជិះកង់ និងរត់ប្រណាំងផ្សេងៗ ហើយផ្លូវនេះចាប់ផ្ដើមទទួលស្វាគមន៍សម្រាប់ការរៀបចំព្រឹត្តិការណ៍កីឡាផ្សេងៗដូចជា កីឡាជិះកង់ និងរត់ប្រណាំងផ្សេងៗ ចាប់ពីពេលនេះតទៅផងដែរ។” លោកជំទាវបានបន្ថែមថា ផ្លូវជិះកង់ និង រត់ម៉ារ៉ាតុង រួមទាំងការបរិច្ចាគថវិកាដល់មូលនិធិគន្ធបុប្ផាកម្ពុជានេះ គឺជាផ្នែកមួយស្ថិតក្នុងបង្គោលទី៣ នៃការងារសង្គមរបស់ក្រុមហ៊ុន ប៉េង ហួត គ្រុប ដែលអាទិភាពការងារសង្គមទាំង៣នេះ ក៏ស្របទៅនឹងគោលដៅនិរន្តភាពនៃអង្គការសហប្រជាជាតិផងដែរ ពោលគឺ៖ ការងារ អប់រំ បរិស្ថាន និង សង្គម។

ក្នុងឆ្នាំ២០២៣ នេះគម្រោង បុរី ប៉េង ហួត ហ្រ្គេនស្ដា ផ្លាទីនីម (បឹងស្នោ) ទទួលលបានដៃគូសហការរៀបចំព្រឹត្តិការណ៍កីឡាជាច្រើន ជាពិសេសគឺព្រឹត្តិការណ៍រត់ប្រណាំងក្នុងន័យសប្បុរសធម៌ រត់ដើម្បីលើកកម្ពស់សុខភាព រួមទាំងការរត់ដើម្បីផ្សព្វផ្សាយពីការយល់ដឹង និងលើកម្ពស់ការងារសង្គមផ្សេងៗដោយមានអ្នកចូលរួមរត់សរុបប្រមាណ ៤,៦០០នាក់។

សូមបញ្ជាក់ថា ក្រុមហ៊ុន ប៉េង ហួត គ្រុប ត្រូវបានគេស្គាល់ថាជាក្រុមហ៊ុនប្រតិបត្តិមេត្រីភាពបរិស្ថាន ដែលគ្រប់គម្រោងលំនៅឋានមានដើមឈើរាប់ម៉ឺនដើម សួនកម្សាន្តផ្កាចម្រុះពណ៌ និងហេដ្ឋារចនាសម្ព័ន្ធបៃតងធំទូលាយ ហើយក៏ជាគោលដៅទាក់ទាញទេសចរណ៍ទាំងក្នុង និងក្រៅស្រុកផងដែរ។ គម្រោង ហ្គ្រេនស្តាផ្លាទីនីម របស់ បុរី ប៉េង ហួតដែលមានទីតាំងស្ថិតនៅតាមផ្លូវជាតិលេខ១ក្នុងខណ្ឌច្បារអំពៅមានផ្ទៃដីសរុបជិត៤០០ហិកតាជាមួយហេដ្ឋារចនាសម្ព័ន្ធ និងបរិក្ខាសម្បូរបែបដូចជាផ្សារទំនើប សាលារៀនអន្តរជាតិ ក្លឹបហាត់ប្រាណនិងវាយកូនហ្គោល សួនកម្សាន្ត ភីអេច យូរ៉ូផាក (PH Euro Park) ភោជនីយដ្ឋាន និងហាងទំនិញ។ល។ ដែលធ្វើឱ្យគម្រោងនេះក្លាយជាគម្រោងលំនៅឋានដែលធំនិងសម្បូរបែបជាងគេក្នុងប្រទេសកម្ពុជា៕

Singapore home sales hit four-month high as supply drought ends

Singapore private home sales rebounded to the highest since July, as a flurry of project launches reversed a three-month decline.

Purchases of new apartments jumped almost four times to 784 units in November from 203 a month earlier, according to figures released Friday by the Urban Redevelopment Authority.

The recovery had been widely anticipated after a recent batch of residential projects saw strong demand. They included a suburban development in the west side of the financial hub that sold 88% of the homes it made available in its first weekend.

Strong local demand has continued to buoy Singapore’s housing market, one of the most resilient and expensive in the world, despite rising interest rates and a series of curbs to cool the boom.

Still, there are signs that the market is slowing. Demand from foreigners in particular has been hit by the doubling of levies for their property purchases to 60% in April. Foreign buyers have made up about 4% of total transaction activity in the private market this year, down from more than 6% in the first quarter, according to Singapore’s central bank.

Citigroup Inc expects a sizeable pipeline of project launches next year to “weigh on sales velocity and result in flattish volumes”, analyst Brandon Lee wrote in a note this week. That will be “mitigated by stable price growth, improving affordability and limited policy risk”, he said. Source: The edge malaysia

ប្រទេសចិនដាក់តាំងបង្ហាញយន្តហោះផលិតក្នុងស្រុកC919 របស់ខ្លួននៅទីក្រុងហុងកុង

ដោយ: គង់ លាងហួរ

អន្តរជាតិ: ក្រុមហ៊ុនផលិតយន្តហោះចិន Comac បានយកយន្តហោះផលិតក្នុងស្រុកប្រភេទ C919របស់ខ្លួន ចេញទៅខាងក្រៅប្រទេសចិនដីគោក ជាលើកដំបូងកាលពីថ្ងៃពុធសប្តាហ៍មុន ដើម្បីដាក់តាំងបង្ហាញយន្តហោះប្រភេទថ្មីនេះ ទៅកាន់អតិថិជន ដែលមានសក្តានុពលនៅក្នុងទីក្រុងហុងកុង។

យន្តហោះC919 មានវត្តមាននៅក្នុងទីក្រុងហុងកុង រហូតដល់ថ្ងៃអាទិត្យ ទី១៧ ខែធ្នូ ដែលនេះជាផ្នែកមួយ នៃគោលបំណងរបស់ក្រុមហ៊ុន Comac ដើម្បីដាក់តាំងបង្ហាញយន្តហោះ ផលិតក្នុងស្រុកទៅកាន់ទស្សនិកជនអន្តរជាតិ ឱ្យកាន់តែទូលំទូលាយ។

យន្តហោះ C919 គ្រោងនឹងធ្វើការហោះហើរ ឆ្លងកាត់កំពង់ផែ Victoria Harbor នៅថ្ងៃសៅរ៍ ទី១៦ ខែធ្នូ។ដើម្បីអបអរចំពោះការមកដល់របស់យន្តហោះC919នេះ អាកាសយានដ្ឋានអន្តរជាតិហុងកុង បានរៀបចំពិធីមួយ ដែលចូលរួមដោយមន្ត្រីរដ្ឋាភិបាល រួមទាំងប្រធានរដ្ឋបាលទីក្រុងហុងកុង លោក John Lee ផងដែរ។

នៅក្នុងពិធីដាក់តាំងបង្ហាញនេះ លោក John Lee បានថ្លែងអបអរសាទរ ចំពោះសមិទ្ធផលយន្តហោះធន់ធំ C919 និងយន្តហោះធន់តូច ARJ21 ដែលផលិតដោយក្រុមហ៊ុនចិន Comac។

លោក Lee បានអះអាងថា “សមិទ្ធផលយន្តហោះ C919 គឺជាភាពជោគជ័យ ដែលបញ្ជាក់ពីការឈានមុខគេរបស់ចិន នៅក្នុងឧស្សាហកម្មដឹកជញ្ជូនផ្លូវអាកាស”។

ក្រុមហ៊ុន Commercial Aircraft Corp of China Ltd ឬគេស្គាល់ជាផ្លូវការថា Comac មានបំណងដាក់តាំងបង្ហាញយន្តហោះប្រភេទC919របស់ខ្លួន ដែលមានកៅអីអង្គុយចំនួន១៦៨ ដើម្បីប្រកួតប្រជែងនឹងយន្តហោះប្រភេទ Boeing និង Airbus របស់ក្រុមហ៊ុនលោកខាងលិច។

ក្រុមហ៊ុនបានអះអាងថា គិតចាប់ពីពេលចាប់ផ្តើមផលិត នៅក្នុងឆ្នាំ២០០៨ រហូតដល់ពេលនេះ ខ្លួនបានទទួលការបញ្ជាទិញចំនួន១.០៦១គ្រឿង ពីអតិថិជនជាង៣០ក្រុមហ៊ុន។

បច្ចុប្បន្ននេះ យន្តហោះប្រភេទC919 ចំនួន២គ្រឿង ត្រូវបានគេយកមកប្រើប្រាស់រួចទៅហើយ ដើម្បីប្រតិបត្តិការជើងហោះហើរពីទីក្រុងសៀងហៃ ទៅកាន់ទីក្រុងឆឹងទូ (Chengdu) ដែលបានដឹកអ្នកដំណើរសរុបជាង៦ម៉ឺននាក់៕

ដំណឹងល្អៈ ស្ពានតភ្ជាប់ពីតំបន់ព្រែកប្រា ឆ្ពោះទៅកាន់ផ្លូវ៦០ម៉ែត្របាននិងកំពុងត្រៀមបើកការដ្ឋានសាងសង់

ដោយ: គង់ លាងហួរ

ភ្នំពេញ: គម្រោងសាងសង់ស្ពានឆ្លងទន្លេបាសាក់ តភ្ជាប់ពីតំបន់ព្រែកប្រា ឆ្ពោះទៅកាន់ផ្លូវ៦០ម៉ែត្រ បាននិងកំពុងត្រៀមបើកការដ្ឋានសាងសង់បណ្តើរៗហើយ។

ស្ពាននេះ នឹងដើរតួនាទីសំខាន់ក្នុងការសម្រួលលំហូរចរាចរណ៍ផង និងលើកកំពស់សក្តានុពល តំបន់ស្ថិតនៅក្នុងខ័ណ្ឌច្បារអំពៅ ដែលកំពុងមានការអភិវឌ្ឍយ៉ាងឆាប់រហ័សផងដែរ។

យោងតាមឯកសាររបស់ក្រុមហ៊ុនចិន ដែលបានបង្ហាញនៅលើផ្ទាំងប៉ាណូ ដែលដាក់តាំងពីមុខការដ្ឋានសាងសង់ស្ពាន នៅប៉ែកខាងកើតទន្លេរបាសាក់បានបង្ហាញថា ស្ពាននេះ ស្ថិតនៅចំណុចចាប់ផ្តើម នៅមាត់ទន្លេបាសាក់ខាងលិច ក្នុងខណ្ឌមានជ័យ សង្កាត់ចាក់អង្រែក្រោម នៅផ្នែកខាងលិចនៃមហាវិថីឈុនគង់ និងមានចំណុចបញ្ចប់នៅមាត់ទន្លេបាសាក់ខាងកើត ក្នុងខណ្ឌច្បារអំពៅ សង្កាត់ព្រែកប្រា ក្នុងផ្នែកខាងកើតមហាវិថីឈុនគង់។ខ្សែផ្លូវសរុប នៅក្នុងគម្រោងនេះមានប្រវែង១.៦៥០ម៉ែត្រ ជាខ្សែថ្មី ដែលក្នុងនោះស្ពានទន្លេបាសាក់ (ចាក់អង្រែក្រោម-ព្រែកប្រា) មានប្រវែង៨៤៥,៧ម៉ែត្រ និងប្រវែងផ្លូវតភ្ជាប់សរុប៨០៤,៣ម៉ែត្រ។

ឯកសារដដែលបានបង្ហាញទៀតថា គម្រោងនេះ មានចម្ងាយពីទីតាំងពីស្ពានព្រះមុនីវង្ស -ទន្លេរបាសាក់ខាងលើប្រហែល៣.៩៨២ ម៉ែត្រ និងមានទីតាំងពីផ្លូវក្រវ៉ាត់ក្រុងលេខ២-ស្ពានតាខ្មៅ ទន្លេរបាសាក់ខាងក្រោម ប្រហែល៣.៦១៧ម៉ែត្រ។

ក្នុងរយៈពេលប៉ុន្មានឆ្នាំចុងក្រោយនេះ ការអភិវឌ្ឍន៍សេដ្ឋកិច្ច និងសង្គមនៅតំបន់ភាគខាងត្បូង នៃរាជធានីភ្នំពេញមានការរីកចម្រើនយ៉ាងឆាប់រហ័ស ជាមួយនឹងការកើនឡើង នៃបរិមាណចរាចរណ៍រវាងមាត់ទន្លេបាសាក់ទាំងសងខាង។

បរិមាណចរាចរណ៍នៃស្ពានមុនីវង្ស- ទន្លេរបាសាក់បច្ចុប្បន្ន និងស្ពានទន្លេតាខ្មៅ-បាសាក់ ដែលតភ្ជាប់ទៅមាត់ទន្លេទាំងពីរនេះ បានកើនលើសពីបរិមាណនៃការរចនាទុក ដោយបណ្តាលឱ្យមានការកកស្ទះចរាចរណ៍ជាញឹកញាប់។

ឯកសាររបស់ក្រុមហ៊ុនចិនបានបន្តឲ្យដឹងថា គម្រោងសាងសង់ស្ពានទន្លេបាសាក់ (ចាក់អង្រែក្រោម ព្រែកប្រា) គឺជាគម្រោងតភ្ជាប់ជាមួយមហាវិថីឈុន គង់ របស់រាជរដ្ឋាភិបាលកម្ពុជា។ ទិសដៅទៅមុខរបស់មហាវិថីឈុន គង់ ដែលកំពុងស្ថិតក្រោមការសាងសង់ គឺឆ្ពោះពីលិចទៅកើត កាត់មហាវិថីសម្តេចតេជោ ហ៊ុន សែន កាត់ផ្លូវជាតិលេខ២ ផ្លូវជាតិលេខ១១០ និងផ្លូវជាតិលេខ១។

គម្រោងស្ពានថ្មីនេះ តភ្ជាប់ជាមួយមហាវិថីសម្តេចតេជោ ហ៊ុន សែន និងផ្លូវសំខាន់ៗផ្សេងទៀត តាមរយៈមហាវិថីឈុនគង់ ដែលនឹងធ្វើឱ្យប្រសើរឡើងនូវបណ្តាញផ្លូវជុំវិញ និងសម្រួលការកកស្ទះចរាចរណ៍នាពេលបច្ចុប្បន្ន នៅពេលឆ្លងកាត់ទន្លេបាសាក់។

ឯកសារដដែលបានបញ្ជាក់ថា “ការសាងសង់គម្រោងស្ពាននេះ បានចូលរួមចំណែក ក្នុងការអភិវឌ្ឍ ផ្នែកទាំងសងខាងនៃទន្លេបាសាក់ ដើម្បីលើកកម្ពស់ការអភិវឌ្ឍប្រកបដោយគុណភាព និងនគរូបនីយកម្មក្នុងតំបន់ និងមានសារៈសំខាន់យ៉ាងខ្លាំង ចំពោះការអភិវឌ្ឍន៍សេដ្ឋកិច្ចក្នុងតំបន់”។

ទន្ទឹមគ្នានេះ តំបន់ដែលទទួលបានអត្ថប្រយោជន៍ យ៉ាងច្រើនពីគម្រោងនេះ គឺប៉ែកខាងត្បូងនៃរាជធានីភ្នំពេញ ក្រុងតាខ្មៅ និងអាកាសយានដ្ឋានអន្តរជាតិភ្នំពេញថ្មី (NPPIA)។

បច្ចុប្បន្ននេះ ការសាងសង់ និងការអភិវឌ្ឍន៍តំបន់គម្រោងមានការរីកចម្រើនខ្លាំង ស្របពេលចំនួនប្រជាជនកើនឡើង យ៉ាងឆាប់រហ័ស ប៉ុន្តែការសាងសង់ហេដ្ឋារចនាសម្ព័ន្ធ ដឹកជញ្ជូននៅមានភាពយឺតយ៉ាវនៅឡើយ។

លើសពីនេះ ស្ពានចាក់អង្រែក្រោម-ព្រែកប្រា នឹងដើរតួជាគន្លឹះនៃការអភិវឌ្ឍន៍មូលដ្ឋានដ៏ល្អសម្រាប់តំបន់ តាមរយៈការពង្រឹងការគាំទ្រការអភិវឌ្ឍន៍សេដ្ឋកិច្ច តាមខ្សែផ្លូវនៃគម្រោងខាងលើ ហើយក៏មានសារសំខាន់ៈខ្លាំង សម្រាប់ការលើកកម្ពស់ការអភិវឌ្ឍសេដ្ឋកិច្ច ការដឹកជញ្ជូន និងទេសចរណ៍សម្រាប់រាជធានីភ្នំពេញ និងប្រទេសកម្ពុជាទាំងមូល៕

រដ្ឋាភិបាលកម្ពុជា~ជប៉ុនចុះកិច្ចព្រមព្រៀងសំខាន់ៗចំនួន៧ នៅក្នុងទំនាក់ទំនងកម្រិតថ្មីមួយ

ទីក្រុងតូក្យូ៖ នារសៀលថ្ងៃចន្ទ ទី១៨ ធ្នូ ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានចូលរួមជាអធិបតីជាមួយ ឯកឧត្តម គីស៊ីដា ហ្វូមីអូ (KISHIDA Fumio) នាយករដ្ឋមន្រ្តីជប៉ុន ក្នុងពិធីចុះអនុស្សរណៈនៃការយោគយល់គ្នាលើឯកសារសំខាន់ៗមួយចំនួនដូចខាងក្រោម៖

១. គម្រោងអភិវឌ្ឍន៍មជ្ឈមណ្ឌលផ្ទុកទិន្នន័យជាតិឆ្ពោះទៅរកការលើកកម្ពស់រដ្ឋាភិបាលអេឡិចត្រូនិក
២. គម្រោងអភិវឌ្ឍន៍ប្រព័ន្ធគ្រប់គ្រងការផ្គត់ផ្គង់ទឹកស្អាតបែបឌីជីថលក្នុងតំបន់ទីប្រជុំជន
៣. គម្រោងស្នើសុំនាវាសម្រាប់វាស់ស្ទង់ជលធារសាស្ត្រ សម្រាប់ផលិតផែនទីនាវាចរណ៍អេឡិចត្រូនិក៤. កំណត់ហេតុរួមរវាងក្រសួងប្រៃសណីយ៍ និងទូរគមនាគមន៍ និងក្រសួងកិច្ចការផ្ទៃក្នុង និងគមនាគមន៍ជប៉ុន ស្ដីពីកិច្ចសហប្រតិបត្តិការសម្រាប់ការអភិវឌ្ឍន៍សេដ្ឋកិច្ច និងសង្គមឌីជីថលក្នុងប្រទេសកម្ពុជា
៥. អនុស្សរណៈនៃកិច្ចសហប្រតិបត្តិការរវាងធនាគារជាតិកម្ពុជា និងក្រសួងសេដ្ឋកិច្ច ពាណិជ្ជកម្ម និងឧស្សាហកម្មជប៉ុន ស្តីពី កិច្ចសហប្រតិបត្តិការនៃការទូទាត់ឆ្លងដែនតាមរយៈQR Code

៦. អនុស្សរណៈនៃការយោគយល់គ្នារវាងក្រសួងរ៉ែ និងថាមពល ជាមួយក្រុមហ៊ុន Minebea Mitsumi និងក្រុមហ៊ុន SchneiTec ស្តីពីកិច្ចសហប្រតិបត្តិការលើគម្រោងថាមពលព្រះអាទិត្យ (សូឡា)
៧. អនុស្សរណៈនៃការយោគយល់គ្នារវាងក្រសួងរ៉ែ និងថាមពល ជាមួយ ក្រុមហ៊ុន erex Co. Ltd និងក្រុមហ៊ុន SPHP (Cambodia) ស្ដីពីកិច្ចសហប្រតិបត្តិការលើ គម្រោងថាមពលជីវម៉ាស ។

ផ្លូវប្រវត្តិសាស្រ្តតភ្ជាប់ពីភូមិភាគពាយព្យទៅកាន់តំបន់ឆ្នេរជាលើកដំបូងសាងសង់បានជាង៧០ភាគរយហើយ

ភ្នំពេញ: បច្ចុប្បន្នគម្រោងសាងសង់ផ្លូវជាតិលេខ១០ សម្រេចបានប្រមាណ ៧៣%ហើយ គម្រោងនេះគ្រោងបញ្ចប់ការសាងសង់ទាំងស្រុងនៅក្នុងកំឡុងឆ្នាំ២០២៥។

ក្រសួងសាធារណការ និងដឹកជញ្ជូនបានឱ្យដឹងថា បច្ចុប្បន្ននេះគម្រោងសាងសង់ផ្លូវជាតិលេខ ១០ ដែលមានប្រវែងប្រមាណជិត ២០០គីឡូម៉ែត្រសម្រេចបានប្រមាណ ៧៣%ហើយ គម្រោងនេះគ្រោងបញ្ចប់ការសាងសង់ទាំងស្រុងនៅក្នុងកំឡុងឆ្នាំ២០២៥។

ជាមួយគ្នានេះការសាងសង់ស្ពានខ្ពស់ជាងគេនៅកម្ពុជាលើកំណាត់ផ្លូវមួយខ្សែនេះក៏បានសាងសង់លេច ចេញនូវសសរស្ពានហើយ។ ស្ពានខ្ពស់ជាងគេនៅកម្ពុជានេះ គឺឆ្លងកាត់ស្ទឹងឬស្សីជ្រុំ ស្ថិតនៅ ភូមិឆាយលូក ឃុំអូសោម ស្រុកវាលវែង ខេត្តពោធិ៍សាត់ ត្រង់ចន្លោះគីឡូម៉ែត្រលេខ ១២៨ និង ១២៩ បន្ទុកនៃស្ពានរចនាតាមស្តង់ដារចិនហាយវ៉េកម្រិត៣ ដែលមានបន្ទុកចំនួន ៥៥តោន ហើយ គ្រោងចំណាយថវិកាអស់ប្រមាណជាង ២២លានដុល្លារអាមេរិក និងរយៈពេលសាងសង់ ២៨ខែ ពោលគឺសាងសង់ឡើងនាខែកុម្ភ: ឆ្នាំ២០២៣ និងគ្រោងបញ្ចប់ការសាងសង់នាខែឧសភា ឆ្នាំ ២០២៥។
គម្រោងសាងសង់ផ្លូវជាតិលេខ១០ មានប្រវែងសរុបចំនួន ១៩៧,៦៩៧គីឡូម៉ែត្រតភ្ជាប់ពីស្រុកសំឡូត ខេត្តបាត់ដំបង ទៅភ្ជាប់ស្រុកវាលវែង-អូរសោម នៃខេត្តពោធិ៍សាត់ និងរហូតដល់ខេត្តកោះកុង ដែលសាងសង់ស្របតាមបទដ្ឋានបច្ចេកទេសកម្រិត៣ របស់សាធារណរដ្ឋប្រជាមានិតចិន មានទទឹងតួផ្លូវសរុបចំនួន ៩ម៉ែត្រ ជាប្រភេទផ្លូវកៅស៊ូពីរស្រទាប់ ឬហៅថា DBST មានសាងសង់ស្ពានចំនួន ២៨កន្លែង ដែលក្នុងនោះមានស្ពានខ្ពស់ជាងគេមួយដែលមានកម្ពស់ ៧៥ម៉ែត្រ បណ្តោយ៥៣០ម៉ែត្រ និងទទឹង១០ម៉ែត្រ ព្រមទាំងមានបំពាក់ផ្លាកសញ្ញាចរាចរណ៍ គំនូសចរាចរណ៍បង្គោលគីឡូម៉ែត្រ និងបង្គោលសុវត្ថិភាព។
ផ្លូវជាតិលេខ១០នេះគ្រោងចំណាយថវិកាសាងសង់ប្រមាណជាង ១៨៨លានដុល្លារជាហិរញ្ញប្បទានរបស់ប្រទេសចិន និងថវិកាបដិភាគរបស់រាជរដ្ឋាភិបាលកម្ពុជា និងបានបើកការដ្ឋានសាងសង់កាលពីថ្ងៃទី០៩ ខែមីនា ឆ្នាំ២០២០ ក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន អតីតនាយករដ្ឋមន្រ្ដីនៃព្រះរាជាណាចក្រកម្ពុជា និងឯកឧត្ដម Wang Wentian ឯកអគ្គរដ្ឋទូតចិនប្រចាំនៅកម្ពុជា៕

ដំណឹងល្អ! ក្រុមហ៊ុនជប៉ុន ចង់បង្កើតភូមិខ្មែរនៅខេត្តកាណាហ្គាវ៉ា ដើម្បីផ្សព្វផ្សាយវប្បធម៌ និងប្រពៃណីខ្មែរ

(តូក្យូ, ជប៉ុន)៖ ក្រុមហ៊ុន KOJIMA របស់ជប៉ុន បានបង្ហាញបំណងបង្កើតភូមិខ្មែរនៅក្នុងខេ ត្ត កាណា ហ្គា វ៉ា ដើម្បីផ្សព្វផ្សាយវប្បធម៌ និងប្រពៃណីខ្មែរ។

បំណងនេះត្រូវបានបង្ហាញដោយលោក កូជីម៉ា ម៉ាសាណូប៊ូ (KOJIMA Masanobu) ប្រធានក្រុមហ៊ុន KOJIMA Holdings Co., Ltd. ក្នុងពេលចូលជួបសម្តែងការគួរសម និងពិភាក្សាការងារ ជាមួយសម្តេច មហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា នៅព្រឹកថ្ងៃចន្ទ ទី១៨ ខែធ្នូ ឆ្នាំ២០២៣នេះ នាទីក្រុង តូក្យូ ប្រទេសជប៉ុន។
ក្នុងជំនួបនោះ លោក កូជីម៉ា ម៉ាសាណូប៊ូ បានថ្លែងអំណរគុណសម្តេចធិបតី ដែលបានឆ្លៀតពេលវេលា ដ៏មមា ញឹក អនុញ្ញាតឱ្យរូបលោក និងសហការី ចូលជួបសម្តែងការគួរសម។ លោក កូជីម៉ា ម៉ាសាណូប៊ូ បាន ជម្រាបជូនអំពីវឌ្ឍនភាពរីកចម្រើននៃការបណ្តុះបណ្តាល និងនាំយកកម្មសិក្សាការីខ្មែរ ទៅបម្រើការងារ នៅ ក្នុង ប្រទេសជប៉ុន។
លោក កូជីម៉ា ម៉ាសាណូប៊ូ ក៏បានជម្រាបផងដែរថា ក្រុមហ៊ុនក៏បានបើកដំណើរការមជ្ឈមណ្ឌល ពាណិជ្ជ កម្ម ឯកជនកម្ពុជា នៅទីក្រុងអាតស៊ូគិ ខេត្តកាណាហ្គាវ៉ា ដែលជាកន្លែងដ៏សំខាន់មួយក្នុងការផ្តល់ ព័ត៌មាន ពាណិជ្ជកម្ម និងវិនិយោគនៅកម្ពុជា ក៏ដូចជាការផ្សព្វផ្សាយអំពីផលិតផល និងម្ហូបអាហារខ្មែរ ការផ្លាស់ប្តូរ វប្បធម៌ ការបណ្តុះបណ្តាលធនធានមនុស្ស និងការសម្របសម្រួលធុរកិច្ចពាណិជ្ជកម្មជាដើម។

លោកប្រធានក្រុមហ៊ុន ក៏បានជម្រាបផងដែរ អំពីគម្រោងនៃការពង្រីកការវិនិយោគរបស់ខ្លួននៅក្នុង ប្រ ទេស កម្ពុជា ជាពិសេសក្នុងវិស័យកសិកម្ម សម្រាប់បម្រើដល់ការនាំចេញ និងគម្រោងនៃការ បង្កើត ភូមិ ខ្មែរនៅក្នុងខេត្តកាណាហ្គាវ៉ា ដើម្បីបង្កើនការផ្សព្វផ្សាយអំពីប្រពៃណីវប្បធម៌ខ្មែរនៅក្នុងប្រទេសជប៉ុន សំដៅ លើកកម្ពស់ទំនាក់ទំនងរវាងប្រជាជន និងប្រជាជននៃប្រទេសទាំងពីរ ឱ្យកាន់តែជិតស្និទ្ធបន្ថែមទៀត។
សម្តេចធិបតី ហ៊ុន ម៉ាណែត បានសម្តែងកិច្ចស្វាគមន៍ និងរីករាយ ចំពោះជំនួបជាមួយលោក កូជីម៉ា ម៉ា សា ណូប៊ូ និងសហការី។ សម្តេចធិបតី បានអរគុណក្រុមហ៊ុន ដែលបានបណ្តាក់ទុនវិនិយោគនៅកម្ពុជា ដែលជាការរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ចរបស់ប្រទេសកម្ពុជា។

សម្តេចធិបតី បានថ្លែងអំណរគុណក្រុមហ៊ុន ចំពោះការចូលរួមចំណែកក្នុងការជួយបណ្តុះបណ្តាល និង បញ្ជូនកម្មសិក្សាការីខ្មែរ មកធ្វើការនៅក្នុងប្រទេសជប៉ុន តាមរយៈក្រសួងការងារ និងបណ្តុះបណ្តាល វិជ្ជា ជីវៈ និងក្រសួងពាណិជ្ជកម្មកម្ពុជា។ សកម្មភាពនេះ គឺពិតជាបានផ្តល់អត្ថប្រយោជន៍ចំពោះកម្ពុជា ទាំង ចំពោះមុខ និងរយៈពេលវែង។ ផលប្រយោជន៍ចំពោះមុខ គឺការ បង្កើត ការងារ ដែលផ្តល់ប្រាក់ចំណូល និងកាត់បន្ថយភាពក្រីក្រ ខណៈដែលផលប្រយោជន៍រយៈពេលវែង គឺកម្មសិក្សាការីខ្មែរ នឹងក្លាយជាធន ធាន មនុស្សខ្មែរដែលមានបទពិសោធន៍ និងជំនាញច្បាស់លាស់ សម្រាប់ប្រទេសកម្ពុជា នាពេល អនា គត៕

1...689690691...3,250 Page 690 of 3,250