តើមានកត្តាអ្វីខ្លះដែលជំរុញឱ្យសេដ្ឋកិច្ចអាមេរិក មានប្រៀបជាង តំបន់អឺរ៉ុប?

ដោយ: គង់ លាងហួរ
អន្តរជាតិ: ស្របពេលដែលប្រទេសនានា នៅជុំវិញពិភពលោកបានជួបការលំបាក ក្នុងការងើបឡើងវិញពីវិបត្តិសេដ្ឋកិច្ច ដែលបង្កឡើងដោយជំងឺរាតត្បាតនោះ ស្រាប់តែសហរដ្ឋអាមេរិកបានលេចត្រដែតឡើងជាពិសេស។
ដោយសារសម្រេចបាននូវ កំណើនសេដ្ឋកិច្ចយ៉ាងឆាប់រហ័ស ទីផ្សារការងារដ៏រឹងមាំ និងការធ្លាក់ចុះនៃអតិផរណា សហរដ្ឋអាមេរិកបានវ៉ាដាច់សមភាគីរបស់ខ្លួន នៅតំបន់ប៉ែកខាងអឺរ៉ុប និងប្រទេសផ្សេងទៀតនៅជុំវិញពិភពលោក។

ជាក់ស្តែង សេដ្ឋកិច្ចរបស់សហរដ្ឋអាមេរិក សម្រេចបានកំណើនក្នុងរង្វង់៣,៣% នៅក្នុងត្រីមាសទី៤ ឆ្នាំ២០២៣ ដែលលើសពីការរំពឹងទុករបស់សេដ្ឋវិទូក្នុងរង្វង់២% ។
កំណើនសេដ្ឋកិច្ចដ៏រឹងមាំនៅត្រីមាសទី៤ បានជំរុញឱ្យសេដ្ឋកិច្ចអាមេរិក នៅក្នុងឆ្នាំ២០២៣ទាំងមូលកើនឡើង ក្នុងអត្រាប្រចាំឆ្នាំចំនួន២,៥% ដោយវ៉ាដាច់ប្រទេស ដែលមានសេដ្ឋកិច្ចជឿនលឿនផ្សេងទៀតទាំងអស់ ហើយនឹងបន្តនិន្នាការនេះ នៅឆ្នាំ២០២៤ថែមទៀត។
ខាងក្រោមនេះគឺជាហេតុផលមួយចំនួន ដែលជំរុញឱ្យសេដ្ឋកិច្ចអាមេរិក មានប្រៀបជាងបណ្តាប្រទេសនៅតំបន់អឺរ៉ុប។

ទី១: ការចាក់បញ្ចូលទឹកប្រាក់រាប់ពាន់លានដុល្លារ ចូលទៅក្នុងចរន្តសេដ្ឋកិច្ច
នៅពេលដែលជំងឺរាតត្បាតកូវីដ-១៩ បានវាយប្រហារមកលើទីផ្សារការងារ និងជីវិតសង្គម បណ្តាប្រទេសនានា បានដាក់ចេញវិធីជួយដល់ពលរដ្ឋ ដែលជាប់គាំងនៅផ្ទះ រួមទាំងមនុស្សជាច្រើនដែលបាត់បង់ការងារ ឬមិនអាចធ្វើការបាន។
នៅខែមីនា ឆ្នាំ២០២០ សភាអាមេរិកបានប្រញាប់ប្រញាល់អនុម័តកញ្ចប់ថវិកា ជំរុញសេដ្ឋកិច្ចចំនួន២,២ទ្រីលានដុល្លារ ដែលបានផ្តល់លំហូរសាច់ប្រាក់ ចូលទៅក្នុងចរន្តសេដ្ឋកិច្ច របស់កម្មករអាមេរិក គ្រួសារ និងអាជីវកម្ម។ នេះគឺជាការចាក់បញ្ចូលសាច់ប្រាក់ ដ៏ច្រើនបំផុតនៅក្នុងប្រវត្តិសាស្ត្រអាមេរិក។
ទី២: ភាពរឹងមាំក្នុងទីផ្សារការងារ
ការហក់ឡើងនៃអត្រាអតិផរណា គឺជាបទពិសោធន៍ដ៏ឈឺចាប់មួយ សម្រាប់ជនជាតិអាមេរិកជាច្រើន។ ប៉ុន្តែភាពរឹងមាំនៃទីផ្សារការងារ បានជួយដល់ការរកប្រាក់ចំណូល ដែលជាម៉ាស៊ីនជំរុញការចំណាយរបស់អ្នកប្រើប្រាស់។
អត្រាអ្នកគ្មានការងារធ្វើ នៅសហរដ្ឋអាមេរិក បានធ្លាក់ចុះក្រោម៤% ចាប់តាំងពីខែកុម្ភៈ ឆ្នាំ២០២២ ដែលជាកម្រិតទាបបំផុតក្នុងប្រវត្តិសាស្ត្រ ខណៈដែលប្រាក់ឈ្នួលពិតប្រាកដ ក៏បានកើនឡើងផងដែរ។
ទី៣: ឯករាជ្យភាពលើវិស័យថាមពល
សហរដ្ឋអាមេរិក គឺជាប្រភពនាំចេញថាមពលដ៏ធំបំផុតមួយនៅលើពិភពលោក ដែលអ្នកជំនាញបានអះអាងថា ការនាំចេញនេះបានជួយដល់ភាពរឹងមាំរបស់សេដ្ឋកិច្ចអាមេរិក។
អ្នកវិភាគលើកឡើងថា នៅពេលដែលប្រទេសរុស្ស៊ី បានបើកការឈ្លានពាន ទៅលើប្រទេសអ៊ុយក្រែនក្នុងខែកុម្ភៈ ឆ្នាំ២០២២ តម្លៃថាមពលបានកើនឡើងយ៉ាងគំហុក ហើយតំបន់អឺរ៉ុបបានរងឥទ្ធិពលពីការហក់ឡើងថ្លៃ ថាមពលខ្លាំងជាងអាមេរិកឆ្ងាយណាស់។
តួយ៉ាង ប្រទេសអាល្លឺម៉ង់ ដែលជាមជ្ឈមណ្ឌលផលិតកម្មដ៏ធំរបស់អឺរ៉ុប បានជួបប្រទះវិបត្តិអតិផរណា លើតម្លៃថាមពលដោយសារប្រទេសនេះ ធ្លាប់ពឹងផ្អែកខ្លាំងលើឧស្ម័នធម្មជាតិ ដែលនាំចូលពីប្រទេសរុស្ស៊ី តាមរយៈបំពង់បង្ហូរ Nord Stream 2៕ប្រភព៖BBC៕

110m-year-old dinosaur fossils found

KHON KAEN: A new set of dinosaur fossils, estimated to be up to 110 million years old, has been found in Nam Phong district of this northeastern province. They are believed to belong to the sauropod and spinosaurid species.

According to the Department of Mineral Resources, a team led by Sasa-On Khansubha, a palaeontologist from the Sirindhorn Dinosaur Museum, and officers from the Mineral Resources Office Region 2 (Khon Kaen) conducted an initial survey on the fossil sites in tambon Muang Wan, which now have fencing around them to ensure villagers don’t damage the sites.The initial survey started on Jan 31 after Chaowalit Boonchai, a villager, posted about one of the fossils on his Facebook account. He also notified the authorities.

Ms Sasa-On said the fossils, which date back at least 100 million to 110 million years, were discovered with a burrow trace on a fine sandstone layer of the Khok Kruat Formation, one of the stone formations that belonged to the Khorat stratigraphic group.

The fossils consist of the spine of a sauropod, a long-neck herbivore that lived during the Late Triassic to Late Cretaceous era; and the teeth of a spinosaurid, a fish-eating dinosaur species that lived during the Cretaceous era. Source: Bangkok Post

សភាពាណិជ្ជកម្មដាក់ចេញគោលដៅពង្រីកសាខាសភាដល់ គ្រប់រាជធានី ខេត្តទាំង២៥

ដោយៈ គង់ សូរិយា

ភ្នំពេញៈ សភាពាណិជ្ជកម្មកម្ពុជា (CCC) បានអះអាងថា នឹងពង្រីកការបង្កើតការិយាល័យតំណាងរបស់ខ្លួន នៅតាមបណ្តារាជធានី ខេត្ត២៥នៅទូទាំងប្រទេស។

ជាមួយគ្នានេះ សភាពាណិជ្ជកម្ពុជា នឹងពង្រីកការិយាល័យនៅតាមបណ្តាប្រទេសនានាបន្ថែមទៀត នៅលើពិភពលោក ដើម្បីចូលរួមចំណែក ក្នុងការផ្តល់ព័ត៌មាន និងទាក់ទាញវិនិយោគពីបរទេសមកកម្ពុជា។

អនុប្រធានសភាពាណិជកម្មកម្ពុជា អ្នកឧកញ៉ាលឹម ហេងបានមានប្រសាសន៍ឲ្យដឹងកាលពីថ្ងៃទី១៣ កុម្ភៈ ថា ក្នុងជំនួបរវាងប្រធានសភាពាណិជ្ជកម្មកម្ពុជា ដែលដឹកនាំដោយអ្នកឧកញ៉ា គិត ម៉េង ទៅកាន់ក្រសួងពាណិជ្ជកម្ម ដោយជួបជាមួយលោកជំទាវ ចម និម្មល កាលពីថ្ងៃទី១២ កន្លងមកដើម្បីបង្ហាញជំនួបនេះ គឺជាភាពជាដៃគូរវាងសភាពាណិជ្ជកម្មកម្ពុជា និងក្រសួងពាណិជ្ជកម្ម ដែលជាអាណាព្យាបាល ដោយខាងសភា បានដាក់ចេញផែនការយុទ្ធសាស្ត្រ សម្រាប់អនុវត្តក្នុងឆ្នាំ២០២៤នេះ ដើម្បីពង្រីកកិច្ចប្រតិបត្តិការទាំងក្នុងប្រទេស និងក្រៅប្រទេស។ អ្នកឧកញ៉ាបានបញ្ជាក់ថា “ទិសដៅរបស់យើងក្នុងឆ្នាំ២០២៤ នេះ យើងនឹងពង្រីកការិយាល័យតំណាងសភាពាណិជ្ជកម្មឱ្យបាន២៥ រាជធានី ខេត្ត”។ លោកបន្តថា “ជាមួយគ្នានេះដែរ យើងក៏នឹងពង្រីកការិយាល័យ តំណាងសភាពាណិជ្ជកម្មកម្ពុជា នៅក្រៅប្រទេសនានាផងដែរ”។

លើសពីនេះសភា ក៏នឹងរៀបចំវេទិកាធុរកិច្ចផ្សេងៗ ជាពិសេសក្នុងពេលអមដំណើរ លោកនាយករដ្ឋមន្ត្រី ទៅក្រៅប្រទេសនានា ដើម្បីឱ្យមានជំនួបធុរកិច្ច និងកិច្ចប្រជុំធុរកិច្ចផ្សេងៗ”។

អ្នកឧកញ៉ាលឹម ហេងបានបន្តថា ជាមួយគ្នានោះដែរ យើងនឹងប្តេជ្ញាចូលរួមជាមួយរាជរដ្ឋាភិបាល ក្នុងការបង្កើតច្បាប់ពាណិជ្ជកម្មផ្សេងៗជាដើម។ យើងដឹងស្រាប់ហើយថា សភាពាណិជ្ជកម្មកម្ពុជាគឺជាគ្រឹះស្ថានសាធារណរបស់រដ្ឋ ដែលតំណាងឱ្យវិស័យឯកជនតែមួយគត់នៅកម្ពុជា ដោយយើងមានកិច្ចសហប្រតិបត្តិការ ក្នុងក្របខ័ណ្ឌអាស៊ាន យើងមានក្រុមប្រឹក្សាធុរកិច្ចអាស៊ាន និងអាស៊ានបូកអាមេរិក ជប៉ុន កាណាដា ចិន និងអូស្ត្រាលីជាដើម។

កាលពីខែឧសភា ឆ្នាំ២០២៣ CCC បានបើកការិយាល័យតំណាងចំនួន២ នៅប្រទេសអូស្ត្រាលី គឺនៅទីក្រុងមែលប៊ន និងនៅស៊ីដនី។លើសពីនេះ នាពេលកន្លងមក CCC ក៏បានបើកការិយាល័យ តំណាងរបស់ខ្លួន នៅប្រទេសកាណាដា សហរដ្ឋអាមេរិក និងប្រទេសជប៉ុនផងដែរ៕

262 Fifth Avenue Nears Topping Out in NoMad, Manhattan

Construction has reached the roof parapet of 262 Fifth Avenue, a 56-story residential skyscraper in NoMad, Manhattan.

Designed by Meganom with SLCE Architects as the executive architect and developed by Boris Kuzinez of Five Points Development under the Five Points 262 Project LLC, the 860-foot-tall structure will yield 26 condominium units with an average scope of 3,200 square feet, including at least one quadruplex unit.GEA Consulting Engineers is the MEP engineer and CM & Associates Construction Management is the general contractor for the project, which rises from a 5,000-square-foot plot at the southwest corner of Fifth Avenue and West 29th Street.

The reinforced concrete superstructure continued its steady ascent since our last update in late December, when crews were forming the double-height floors on the upper half.Recent photos show the building structurally topped out, with crews erecting the steel framework for the rectangular canopy that will cover the communal roof terrace.

YIMBY expects this work to wrap up before the end of the month. Façade installation has yet to begin, but could commence in the coming weeks. Source: New York YIMBY

កម្ពុជានឹងបង្កើតការងារបានចំនួន១០,២ លានកន្លែងនៅ ឆ្នាំ២០២៦ខាងមុខ

ដោយៈគង់ ម៉ាលីនណា

ភ្នំពេញៈ ជាមួយនឹងអត្រាការងារកើនឡើង ជាមធ្យម ២.៥ ភាគរយក្នុងមួយឆ្នាំ កម្ពុជានឹងបង្កើតការងារបន្ថែម សម្រាប់ប្រជាពលរដ្ឋប្រហែល២៣៥.០០០នាក់ក្នុងមួយឆ្នាំ ដែលបង្កើនឱកាសការងារដល់ប្រមាណ១០,២ លានកន្លែងក្នុងរយៈពេល៣ឆ្នាំខាងមុខ។

ផ្អែកលើព្រឹត្តិបត្រព័ត៌មានទីផ្សារការងារ ដែលចេញផ្សាយដោយក្រសួងការងារ និងបណ្តុះបណ្តាលវិជ្ជាជីវៈកាលពីថ្ងៃសុក្រ សេដ្ឋកិច្ចពិភពលោកក្នុងឆ្នាំចុងក្រោយនេះ មានភាពរឹងមាំជាងការរំពឹងទុក ដែលនាំឱ្យមានការព្យាករណ៍ថា វានឹងបន្តកើនឡើងជាវិជ្ជមាននៅឆ្នាំនេះ ជាពិសេសនៅក្នុងប្រទេសចិន សហរដ្ឋអាមេរិក និងបណ្តាប្រទេសនៅអឺរ៉ុប ដែលជាប្រទេសនាំចេញសម្រាប់កម្ពុជា។

ព្រឹត្តិបត្រព័ត៌មានទីផ្សារការងារ ដែលបានបោះពុម្ភផ្សាយក្នុងឆមាសទី១ ឆ្នាំ ២០២៤ បានបង្ហាញថា កម្ពុជាអាចនឹងរក្សាបាននូវកំណើនសេដ្ឋកិច្ច៦,៦ភាគរយ ដោយបង្កើតឱកាសការងារបន្ថែមសម្រាប់ប្រជាពលរដ្ឋចំនួន២២០.០០០នាក់ កើនឡើង២,៣ភាគរយនៅឆ្នាំនេះ ជាពិសេសនៅក្នុងផ្នែកភោជនីយដ្ឋានសំណង់ សេវាកម្មដឹកជញ្ជូន លក់ដុំ និងរាយ។

លោកកត្តា អ៊ន អ្នកនាំពាក្យក្រសួងការងារ និងបណ្តុះបណ្តាលវិជ្ជាជីវៈបានមានប្រសាសន៍ឲ្យដឹងថា “ចាប់តាំងពីជំងឺCovid-19ត្រូវបានគ្រប់គ្រងទាំងស្រុង កម្ពុជចាកំពុងពន្លឿនការអភិវឌ្ឍន៍ ស្ទើរតែគ្រប់វិស័យ ដោយរំពឹងថាសេដ្ឋកិច្ចជាតិ នឹងកើនឡើង៦,៦ភាគរយនៅឆ្នាំនេះ”។

លោកបានបន្តទៀតថា “ការរំពឹងទុកនេះ ត្រូវបានទទួលស្គាល់ដោយធនាគារពិភពលោក និងធនាគារអភិវឌ្ឍន៍អាស៊ី (ADB)”។លោកបន្ថែមថា “នៅដើមឆ្នាំនេះ រាជរដ្ឋាភិបាលកម្ពុជាបានដំឡើងប្រាក់បៀវត្សរ៍ ដល់កម្មករកាត់ដេរដល់២០៤ដុល្លារ ហើយថែមទាំងពិចារណាដំឡើងប្រាក់បៀវត្សរ៍ ដល់កម្មករសំណង់ និងអ្នកបោសសម្អាតផងដែរ”។

ចាប់ពីឆ្នាំ២០២៤-២០២៦ កម្ពុជាអាចនឹងបង្កើតការងារបន្ថែមសម្រាប់ប្រជាពលរដ្ឋចំនួន២៣៥.០០០ នាក់ក្នុងមួយឆ្នាំ ហើយការកើនឡើងជាមធ្យម២,៥ភាគរយ ជារៀងរាល់ឆ្នាំនឹងបង្កើនចំនួនការងារសរុបដល់១០,២ លានកន្លែង។

មុខរបរដែលមានតម្រូវការខ្ពស់ រួមមាន ជាងសិប្បករ កម្មករជំនាញដែលប្រើកម្លាំង អ្នកលក់ អ្នករត់តុអ្នកជូលជុលគ្រឿងម៉ាស៊ីន និងអ្នកដំឡើង។ ក្រៅពីនេះ អ្នកដែលមិនមានជំនាញ មានការអប់រំតិច ឬមិនទាន់បានបញ្ចប់ថ្នាក់បឋមសិក្សា នឹងត្រូវប្រឈមនឹងភាពគ្មានការងារធ្វើ ដូច្នេះពួកគេត្រូវស្វែងរកការបណ្តុះបណ្តាលជំនាញបន្ថែមទៀត ដើម្បីធានាថាពួកគេនឹងអាចតាមទាន់ នឹងការវិវត្តន៍នៅក្នុងប្រទេស។

ប៉ុន្តែអ្នកដែលបានបញ្ចប់ថ្នាក់សិក្សាបឋមភូមិ និងមធ្យមសិក្សាទុតិយភូមិ នឹងមានភាពងាយស្រួល ក្នុងការស្វែងរកការងារធ្វើ ដោយសារឱកាសកំពុងកើនឡើងខ្លាំង ប៉ុន្តែពួកគេក៏ទាមទារការបណ្តុះបណ្តាលបន្ថែម ដើម្បីផ្លាស់ប្តូរជំនាញ ឬបន្ថែមជំនាញថ្មីទៅក្នុងអាជីពរបស់ពួកគេ ដែលស្របតាមសេដ្ឋកិច្ច ដែលកំពុងរីកចម្រើននៅក្នុងប្រទេស។

ជាងនេះទៅទៀត សិស្សបញ្ចប់ថ្នាក់បរិញ្ញាបត្របច្ចេកទេស និងវិជ្ជាជីវៈកម្រិតមួយ ពីរ និងបី ព្រមទាំងសិស្សបញ្ចប់ថ្នាក់បរិញ្ញាបត្របច្ចេកទេសខ្ពស់ ត្រូវបានគេរំពឹងថា នឹងទទួលបានភាពរីកចម្រើនកាន់តែលឿនក្នុងអាជីពរបស់ពួកគេ ខណៈដែលនិស្សិតបញ្ចប់ការសិក្សាថ្នាក់ឧត្តមសិក្សា ក៏ត្រូវបានព្យាករណ៍ថា នឹងរីកចម្រើនរួមជាមួយនឹងការអភិវឌ្ឍន៍សេដ្ឋកិច្ចរបស់ប្រទេសផងដែរ។

ជាមួយគ្នានេះ ជំនាញដែលនិយោជក ត្រូវការក្នុងប៉ុន្មានឆ្នាំខាងមុខ មានភាសាអង់គ្លេស និងភាសាចិន ជំនាញបច្ចេកទេស ជំនាញអនុវត្តជាក់ស្តែង ការដោះស្រាយបញ្ហា ជំនាញទំនាក់ទំនង ជំនាញសម្របសម្រួល ការគ្រប់គ្រងពេលវេលា ការត្រួតពិនិត្យ និងសេវាកម្មអតិថិជន។

យោងតាមមូលនិធិរូបិយវត្ថុអន្តរជាតិ (IMF) ស្ថានភាពទីផ្សារការងារពិភពលោកនៅតែមានស្ថិរភាព ដែលនាំឱ្យមានកំណើនការងារចំនួន២,២ភាគរយក្នុងឆ្នាំ២០២៣ ប៉ុន្តែការកើនឡើងនេះគឺតិចជាងឆ្នាំមុនដែលមាន២,៨ភាគរយ។ សម្រាប់ឆ្នាំនេះ ពិភពលោកត្រូវបានគេរំពឹងថា នឹងបង្កើតការងារបន្ថែម សម្រាប់មនុស្សចំនួន៥២,៨លាននាក់ កើនឡើង០,៨ភាគរយបើធៀបនឹងឆ្នាំមុន៕

លោកMark Zuckerberg និងលោកGautam Adani ជាប់ឈ្មោះជាមហាសេដ្ឋីដែលរកចំណូលបានខ្ពស់ជាងគេនៅដើមឆ្នាំនេះ

ដោយ: គង់ លាងហួរ

អន្តរជាតិ: នៅក្នុងរយៈពេល២ខែដំបូង នៃឆ្នាំ២០២៤នេះ មហាសេដ្ឋីឥណ្ឌា លោកGautam Adani បានក្លាយជាបុគ្គលដែលរកចំណូ លបានច្រើនបំផុតទី២ នៅលើពិភពលោកលោក បន្ទាប់ពីស្ថាបនិកក្រុមហ៊ុន Meta លោក Mark Zuckerberg។

យោងតាមសារព័ត៌មាន Bloomberg បានចុះផ្សាយថា ក្នុងរយៈពេល២ខែនេះ ស្ថាបនិកបណ្តាញសង្គម Facebook លោក Mark Zuckerberg រកចំណូលបានជាង៤០ពាន់លានដុល្លារ ខណៈដែលមហាសេដ្ឋីឥណ្ឌា លោកAdani រកចំណូលបានជាង១៦ពាន់លានដុល្លារ។

ការរកបានប្រាក់ចំណូល ដ៏ច្រើនសន្ធឹកសន្ធាប់នេះ បានជំរុញឱ្យទ្រព្យសម្បត្តិសរុប របស់ម្ចាស់ក្រុមហ៊ុនAdani Group កើនឡើងដល់ទំហំទឹកប្រាក់ប្រមាណ១០១ពាន់លានដុល្លារ តាមពីក្រោយមហាសេដ្ឋីឥណ្ឌាម្នាក់ទៀតគឺ លោក Mukesh Ambani ត្រឹមតែ៧ពាន់លានដុល្លារប៉ុណ្ណោះ។

ទ្រព្យសម្បត្តិដ៏មហាសាលរបស់លោក Gautam Adani បានហក់ឡើង ដល់កម្រិត១០០ពាន់លានដុល្លារជាលើកដំបូង គិតចាប់តាំងពីក្រុមហ៊ុនស្រាវជ្រាវអាមេរិកដ៏តូចមួយ ឈ្មោះ Hindenburg បានចេញផ្សាយរបាយការណ៍ បង្អាប់កេរ្តិ៍ឈ្មោះរបស់លោក។

ក្រុមហ៊ុនស្រាវជ្រាវមួយនេះ ធ្លាប់បានចោទប្រកាន់ថា លោក Adani បានលួចបន្លំទិន្នន័យផ្សារហ៊ុន ដែលការណ៍នេះ បានធ្វើឱ្យក្រុមហ៊ុនរបស់លោក ខាតបង់ប្រាក់អស់មិនចេះតិច និងធ្វើឱ្យទ្រព្យសម្បត្តិផ្ទាល់ខ្លួនរបស់លោកដាំក្បាលចុះ អស់រាប់ពាន់លានដុល្លារកាលពីពេលមុន៕

តើការិយាល័យនៅក្នុងទីក្រុងបាងកក និងហាណូយមានតម្លៃជួលចំនួនប៉ុន្មានក្នុងមួយម៉ែត្រការ៉េ?

ដោយៈ គង់ លាងហួរ

អន្តរជាតិ: តម្លៃការិយាល័យនៅតាមប្រទេសនីមួយៗ សុទ្ធតែខុសផ្សេងៗពីគ្នា អាស្រ័យទៅលើទីតាំងភូមិសាស្ត្រ និងប្រភេទអគារ។ខាងក្រោមនេះគឺជាតម្លៃជួលការិយាល័យ នៅក្នុងទីក្រុងធំៗរបស់ប្រទេសថៃ និងប្រទេសវៀតណាម។

ទី១: ទីក្រុងបាងកក ប្រទេសថៃ
ថៃគឺជាប្រទេសដែលមានសេដ្ឋកិច្ចធំជាងគេទី២ នៅក្នុងតំបន់អាស៊ាន បន្ទាប់ពីប្រទេសឥណ្ឌូនេស៊ី។ ប្រទេសថៃ ក៏មានទីតាំងអំណោយផល ដែលក្រុមហ៊ុនបរទេសជាច្រើន ចូលមកបណ្តាក់ទុនវិនិយោគផងដែរ។

កាលពីឆ្នាំ២០២៣កន្លងទៅ ថៃទាក់ទាញលំហូរFDI បានប្រមាណ២៤ពាន់លានដុល្លារ។ នៅពេលដែលជនបរទេស ចូលមកបណ្តាក់ទុន ច្បាស់ណាស់ថា ពួកគេនឹងស្វែងរកការិយាល័យធ្វើការ ហើយបើយើងក្រឡេកមកមើល អំពីតម្លៃជួលការិយាល័យ នៅរាជធានីមួយនេះវិញ ក៏មិនសូវថោកប៉ុន្មានដែរ។

តួយ៉ាងការិយាល័យលំដាប់ A នៅក្នុងរាជធានីបាងកក មានតម្លៃជួលប្រចាំខែ ជាមធ្យមចំនួន៣២,៨ដុល្លារ ក្នុងមួយម៉ែត្រការ៉េ ដែលអាស្រ័យលើទីតាំង និងគម្រោងអភិវឌ្ឍន៍។ចំណែក ការិយាល័យលំដាប់B នៅក្នុងរាជធានីបាងកក មានតម្លៃជួលប្រចាំខែ ជាមធ្យមចំនួន២៣,៤២ដុល្លារ ក្នុងមួយម៉ែត្រការ៉េ ខណៈដែល ការិយាល័យលំដាប់C មានតម្លៃជួលប្រចាំខែជាមធ្យមចំនួន១៤,២៦ដុល្លារ ក្នុងមួយម៉ែត្រការ៉េ។

ទី២: ទីក្រុងហាណូយ ប្រទេសវៀតណាម
ទីក្រុងហាណូយ គឺជាឈ្មោះរដ្ឋធានីនៃប្រទេសវៀតណាម និងមានប្រជាជនរស់នៅប្រមាណ៥,២៥លាននាក់។ ទីក្រុងហាណូយ គឺជាមជ្ឈមណ្ឌលសេដ្ឋកិច្ចដ៏ធំមួយ នៅក្នុងប្រទេសវៀតណាម និងជាមេដែកស្រូបទាញ អ្នកវិនិយោគមកពីជុំវិញពិភពលោក។

យោងតាមរបាយការណ៍ថ្មីៗនេះបានបង្ហាញថា កាលពីខែមករា វិស័យអចលនទ្រព្យ គឺជាប្រភពចម្បងទី១ ដែលទាក់ទាញលំហូរវិនិយោគផ្ទាល់ពីបរទេស(FDI) បានច្រើនជាងគេចូលមកកាន់ប្រទេសវៀតណាម។

បើក្រឡេកមកមើល តម្លៃជួលការិយាល័យ នៅក្នុងទីក្រុងមួយនេះវិញ ក៏មានតម្លៃគួរឱ្យចាប់អារម្មណ៍ផងដែរ ខណៈតម្លៃទាំងនោះអាចប្រែប្រួលអាស្រ័យទៅលើទីតាំង និងប្រភេទអគារ។

តួយ៉ាង ការិយាល័យលំដាប់A នៅក្នុងរដ្ឋធានីហាណូយ មានតម្លៃជួលប្រចាំខែ ជាមធ្យមចំនួន២៨ដុល្លារ ក្នុងមួយម៉ែត្រការ៉េ ខណៈការិយាល័យលំដាប់B មានតម្លៃជួលប្រចាំខែជាមធ្យមចំនួន១៥ដុល្លារ ក្នុងមួយម៉ែត្រការ៉េ៕

អគារលំនៅដ្ឋានខ្ពស់កប់ពពកមួយនៅទីក្រុងញ៉ូវយ៉កគ្រោងនឹងបញ្ចប់ការសាងសង់ក្នុងពេលឆាប់ៗនេះ

ដោយ: គង់ លាងហួរ

អន្តរជាតិ: គម្រោងអគារលំនៅដ្ឋានខ្ពស់កប់ពពក ដែលមានឈ្មោះថា 262 Fifth Avenue អាចនឹងបញ្ចប់ការសាងសង់គ្រោងអគារក្នុងពេលឆាប់ៗខាងមុខនេះ។

អគារនេះមានកំពស់២៦០ម៉ែត្រ និងមាន៥៦ជាន់ ដែលមានទីតាំងស្ថិតនៅក្នុងសង្កាត់ Manhattan ទីក្រុងញ៉ូវយ៉ក។ អគារនេះត្រូវបានរចនាដោយក្រុមហ៊ុន Meganom និងអភិវឌ្ឍឡើងដោយក្រុមហ៊ុន Five Points Development។

គម្រោងសាងសង់អគារលំនៅដ្ឋាននេះ ត្រូវបានគេដាក់ឈ្មោះថា “Five Points 262 Project LLC” ដែលមានទំហំផ្ទៃក្រឡាសរុប១៣៩.១៦៨ហ្វីតការ៉េ និងមានលំនៅដ្ឋាន៤១យូនីត បូករួមទាំងកន្លែងលក់រាយទំហំ១០.៨៥០ហ្វីតការ៉េ ស្ថិតនៅជាន់ទីពីរ។ក្នុងគម្រោងនេះផងដែរ ក្រុមហ៊ុន CM & Associates Construction Management, LLC គឺជា អ្នកម៉ៅការទូទៅសម្រាប់ផ្នែកអចលនទ្រព្យតែម្តង។ ចំណែកឯរចនាបថនៃអគារលំនៅដ្ឋាននេះវិញ ត្រូវបានរចនាឲ្យមានទំហំទទឹងស្ដើង និងមានកម្ពស់ខ្ពស់។
ចំណែកផ្នែកចំហៀងសងខាងនៃអគារ នឹងត្រូវបានបំពាក់ដោយកញ្ចក់ថ្លា ហើយផ្នែកខាងមុខ និងខាងក្រោយ នឹងត្រូវបានរចនាជាជញ្ជាំងបិទជិត ជាមួយនឹងការរចនាបង្អួចតាមជាន់នីមួយៗ មានរាងជារង្វង់មូលដូចៗគ្នា។

គម្រោងអគារមួយនេះ នឹងក្លាយទៅជាអគារលំនៅដ្ឋាន ដែលមានកម្ពស់ខ្ពស់កប់ពពកមួយទៀត ត្រៀមនឹងរះត្រដែតឡើង នៅចំកណ្តាលតំបន់ Manhattan ក្នុងទីក្រុង New York នាខាងមុខនេះ៕

អ្នកជំនាញលើកឡើងពីចរន្តនៃការទិញ លក់អចលនទ្រព្យចាប់ពី ចុងឆ្នាំ២០២៣ រហូតមកទល់ពេលនេះ

ដោយៈ គង់ សូរិយា

ភ្នំពេញៈ អ្នកជំនាញជើងចាស់ក្នុងវិស័យអចលនទ្រព្យ លោកស៊ា ឆៃលីនបានឲ្យដឹថថា ទោះបីស្ថានភាពទីផ្សារ មិនទាន់ពុះកញ្រ្ជោលក្តី ប៉ុន្តែសកម្មភាពទិញ លក់ ជួលក្នុងវិស័យនេះបានចាប់ផ្តើមងើបឡើងវិញ ចាប់តាំងពីពាក់កណ្តាលឆ្នាំ២០២៣ រហូតមកទល់ពេលនេះ។

អគ្គនាយកក្រុមហ៊ុនឆៃលីន ស៊ា រៀលធី លោកស៊ា ឆៃលីនបានបង្ហើបឲ្យដឹងកាលពីដើមសប្តាហ៍នេះថា តាមរយៈសកម្មភាពដែលក្រុមហ៊ុនរបស់យើងទទួលបាន គឺយើងឃើញមានសញ្ញាវិជ្ជមានច្រើន នៅក្នុងទីផ្សារទិញ លក់ ជួលអចលនទ្រព្យបានកើនឡើង។លោកបន្តថា តាមរយៈការជួបជុំ ក្នុងកម្មវិធីLand Matchingរបស់សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា ដែលមានថ្នាក់ដឹកនាំក្រុមហ៊ុនជាច្រើន ដែលមានបទពិសោធន៍ និងក្រមសីលធ៌មវិជ្ជាជីវៈជារៀងរាល់សប្តាហ៍ ហើយតាមរយៈការជួបជុំនេះ យើងទទួលបានសកម្មភាពនៃការទិញ លក់ជាហូរហែរក្នុងទីផ្សារនេះ។

លោកស៊ា ឆៃលីនបានបន្តថា “តម្រូវការចាប់ផ្តើមកើនឡើងបណ្តើរៗ ធៀបនឹងឆ្នាំ២០២៣ ខណៈពេលមានចំនួនអ្នកលក់កាន់តែកើនឡើង”។ លោកបន្តថា “ជាមួយគ្នានេះ អ្នកទិញឬអ្នកវិនិយោគក៏កំពុងរង់ចាំមើលថា តើតម្លៃអចលនទ្រព្យនឹងបន្តធ្លាក់ចុះ បន្តទៀតឬយ៉ាងណា? ដើម្បីពួកគេចូលទិញមិនហួសពេល”។

លោកបន្តថា ម្ចាស់ទ្រព្យជាច្រើនទាំងជាតិ អន្តរជាតិបានសាកសួរច្រើន មកកាន់លោកទាក់ទងស្ថានភាពទីផ្សារ ដែលតាមពិតស្ថានភាពទីផ្សារ គឺទិន្នន័យរបស់បុគ្គលិករបស់លោក ឃើញថាទីផ្សារពិតជាងើបឡើង ប៉ុន្តែអ្វីៗស្ថិតក្នុងដំណាក់កាល មិនទាន់មានសភាពពុះកញ្រ្ជោលនៅឡើយទេ៕

តើព្រែកជីកហ្វូណនតេជោផ្តល់ផលចំណេញផ្នែកសេដ្ឋកិច្ច សង្គមបែបណា?

ដោយៈ ជេស៊ីកា

ភ្នំពេញៈ ព្រែកជីកហ្វូណនតេជោ ដែលគ្រោងជីកនៅចុងឆ្នាំនេះ នឹងផ្តល់ផលចំណេញ យ៉ាងសម្បើមដល់សេស្ឋកិច្ច និងសង្គមជាតិ។

យោងតាមឯកសារស្តីពី ការសិក្សាសមិទ្ឋិលទ្ឋភាពគម្រោងផ្លូវនាវាចរណ៍ និងប្រព័ន្ឋភស្តុភារកម្មទន្លេបាសាក់ របស់ក្រសួងសាធារណៈការ និងដឹកជញ្ជូនបានឲ្យដឹងថា គំរោងព្រែកជីកហ្វូណនតេជោ នឹងបង្កើតតំបន់ពាណិជ្ជកម្ម និងមជ្ឈមណ្ឌលភស្តុភារកម្ម ការអភិវឌ្ឍកំពង់ផែរណបថ្មីជាច្រើន ពង្រីកតំបន់អភិវឌ្ឍន៍កសិកម្ម ធារាសាស្រ្ត និងចិញ្ចឹមសត្វ ជួយគាំទ្រប៉ូលសេដ្ឋកិច្ចទី៤របស់កម្ពុជា។

ឯកសារដដែលបានបង្ហាញទៀតថា ព្រែកជីកនេះ នឹងបង្កើតការងារបន្ថែម នៅកំពង់ផែស្វយ័តភ្នំពេញ កំពង់ផែស្វ័យតខេត្តព្រះសីហនុ និងកំពង់ផែផ្សេងទៀត ជម្រុញការអភិវឌ្ឍទីក្រុង និងនគរូបនីយកម្ម ជម្រុញការរីកចម្រើនផ្នែកអចលនទ្រព្យ ផលប្រយោជន៍ផ្នែកវារីវប្បកម្ម ដោយទទួលបានទិន្នផលត្រី៤៥០តោនក្នុងមួយឆ្នាំ ផ្តល់ផលប្រយោជន៍លើវិស័យទេសចរណ៍ វិស័យឧស្សាហកម្មជាដើម។

លើសពីនេះ ព្រែកជីកហ្វូណនតេជោ ដែលមានចម្ងាយប្រមាណ១៨០គីឡូម៉ែត្រ និងគ្រោងចំណាយថវិកា១៧០០លានដុល្លារ នឹងផ្តល់ផលប្រយោជន៍ផ្នែកសេដ្ឋកិច្ច សង្គមដល់ប្រជាពលរដ្ឋចំនួន១,៦លាននាក់ផងដែរ។

ឯកសារដដែលបានឲ្យដឹងទៀតថា ព្រែកជីកនេះនឹងផ្តល់ផលចំណេញត្រលប់ផ្នែកសេដ្ឋកិច្ចខ្ពស់ ពិសេសនឹងផ្តល់ផលចំណេញក្នុងទំហំទឹកប្រាក់ចន្លោះពី៨៨ ទៅ៥៧០លានដុល្លារអាមេរិក ក្នុងមួយឆ្នាំផងដែរ៕