មន្រ្តីជាន់ខ្ពស់កម្ពុជាស្នើដល់ក្រុមហ៊ុនCambodia Airwayពង្រីកជើងហោះហើរទៅកាន់ឥណ្ឌា និងប្រទេសចិន

ដោយៈ ច្រាយ ចំណាន

ភ្នំពេញៈ រដ្ឋមន្ត្រីក្រសួងទេសចរណ៍ លោកសុខ សូកេន បានជំរុញដល់ក្រុមហ៊ុនអាកាសចរណ៍ខេមបូឌាអ៊ែរវ៉េ ពិនិត្យលទ្ធភាពក្នុងការពង្រីកការហោះហើរត្រង់ ទៅមកទីក្រុងផ្សេងទៀត នៃប្រទេសចិន ក៏ដូចជាប្រទេសឥណ្ឌា និងទីផ្សារទេសចរណ៍សំខាន់ៗដទៃទៀតនៃពិភពលោក។

ការស្នើនេះ ធ្វើឡើងក្នុងឱកាសដែលលោករដ្ឋមន្ត្រី សុខ សូកេន ទទួលជំនួបសម្តែងការគួរសមពីលោកស្រី ជាំង អ៊ីហ្វី (JIANG YIFEI) នាយកគ្រប់គ្រងក្រុមហ៊ុនអាកាសចរណ៍Cambodia Airway នារសៀលថ្ងៃទី១៨ ខែមករា ឆ្នាំ២០២៤។

លោករដ្ឋមន្ត្រី សុខ សូកេន បានអបអរសាទរចំពោះក្រុមហ៊ុនអាកាសចរណ៍ខេមបូឌាអ៊ែរវ៉េ ដែលបានដំណើរការជើងហោះហើរចំនួនប្រមាណ២,៥០០ជើង ជាមួយនឹងអ្នកដំណើរជាង២៥០,០០០នាក់ក្នុងឆ្នាំ២០២៣។ជាមួយគ្នានោះ លោករដ្ឋមន្ត្រីបានជំរុញ ឲ្យក្រុមហ៊ុនអាកាសចរណ៍ខេមបូឌាអ៊ែរវ៉េ ពិនិត្យលទ្ធភាពលើដំណើរការ ជើងហោះហើរត្រង់ទៅមកទីក្រុង/ ខេត្តផ្សេងទៀតនាំប្រទេសចិន ក៏ដូចជាប្រទេសឥណ្ឌា និងទីផ្សារទេសចរណ៍សំខាន់ៗផ្សេងទៀត មកកាន់ប្រទេសកម្ពុជា ដើម្បីគាំទ្រយុទ្ធនាការសំខាន់ៗរបស់កម្ពុជា នៅក្នុងឆ្នាំ២០២៤នេះ ក្នុងនោះមាន “យុទ្ធនាការទស្សនាខេត្តសៀមរាបឆ្នាំ២០២៤” និង”ឆ្នាំនៃការផ្លាស់ប្តូរប្រជាជននិងប្រជាជនកម្ពុជា-ចិន” និង ឆ្នាំទេសចរណ៍កម្ពុជា-ឥណ្ឌាលើកទី១ ដើម្បីផ្សព្វផ្សាយគោលដៅទេសចរណ៍កម្ពុជាទៅកាន់តំបន់ និងពិភពលោក។ លោកស្រី ជាំង អ៊ីហ្វី បានទទួលនូវសំណើនេះ និងប្ដេជ្ញាខិតខំជំរុញកិច្ចការនេះ តាមលទ្ធភាពដែលអាចធ្វើទៅបាន និងប្តេជ្ញាចិត្តលើកកម្ពស់កិច្ចសហប្រតិបត្តិការ ក្នុងការភ្ជាប់ប្រទេសកម្ពុជាទៅកាន់ពិភពលោក។

លោករដ្ឋមន្ត្រីបានបានបង្ហាញ ពីគំនិតផ្តួចផ្តើមយុទ្ធសាស្រ្តរួមរបស់ក្រសួងទេសចរណ៍ ក្នុងការប្រែក្លាយកម្ពុជាជាគោលដៅទេសចរណ៍ប្រកបដោយភាពរស់រវើក ការប្រកួតប្រជែង ចីរភាព និងបរិយាបន្ន ដោយផ្តោតលើសសរស្តម្ភយុទ្ធសាស្ត្រចំនួន៥ ហៅកាត់ថា “បង្កើន ៥-Build” ព្រមទាំងមានសមាសធាតុគាំទ្រចំនួន៣ ហៅកាត់ថា “អភិវឌ្ឍ៣-3Ds”៕

ការស្ទង់មតិថ្មី:វិនិយោគិនជាច្រើននៅតំបន់អាស៊ីគ្រោងលក់អចលនទ្រព្យរបស់ពួកគេចេញនៅឆ្នាំនេះ ដើម្បីទូទាត់បំណុល

ដោយ: គង់ លាងហួរ

អន្តរជាតិ: យោងតាមការស្ទង់មតិថ្មីមួយ របស់ក្រុមហ៊ុនប្រឹក្សាអចលនទ្រព្យ CBRE Group បង្ហាញថា អ្នកវិនិយោគអចលនទ្រព្យជាច្រើននៅតំបន់អាស៊ី គ្រោងលក់ទ្រព្យសម្បត្តិរបស់ពួកគេចេញ នៅឆ្នាំនេះ ស្របពេលមានភាពមិនច្បាស់លាស់ខាងផ្នែកសេដ្ឋកិច្ច។

ការស្ទង់មតិខាងលើរបស់ក្រុមហ៊ុន CBRE Group បានធ្វើឡើងទៅលើអ្នកវិនិយោគចំនួន៥១០រូប។ នេះបើយោងតាមការដកស្រង់ចុះផ្សាយដោយសារពត៌មាន Bloomberg។

យោងតាមការស្ទង់មតិបានបង្ហាញថា ចំនួនជាង៤០% នៃអ្នកឆ្លើយតបបានលើកឡើងថា ពួកគេនឹងលក់ទ្រព្យសម្បត្តិ ឬអចលនវត្ថុ ចេញនៅឆ្នាំនេះ ដើម្បីទទួលបានផលចំណេញ និងទូទាត់សងបំណុល ដែលនេះជាតួលេខខ្ពស់បំផុតមិនធ្លាប់មាន គិតចាប់តាំងពីការស្ទង់មតិប្រចាំឆ្នាំបានចាប់ផ្តើមរៀបចំឡើង។

ជាមួយគ្នានេះ អ្នកវិនិយោគភាគច្រើន ដែលមានគោលបំណងលក់ទ្រព្យសម្បត្តិចេញ គឺជាអ្នកវិនិយោគអចលនទ្រព្យ ស្ថិតនៅក្នុងប្រទេសអូស្ត្រាលី ប្រទេសសិង្ហបុរី និងទីក្រុងហុងកុង។

លោក Henry Chin ប្រធានផ្នែកស្រាវជ្រាវប្រចាំតំបន់អាស៊ីប៉ាស៊ីហ្វិកនៅក្រុមហ៊ុនCBRE បានអះអាងថា “វិនិយោគិនកំពុងរង់ចាំមើលសូចនាករដែលបង្ហាញថា វដ្តនៃការកំណត់តម្លៃឡើងវិញ(Repricing) នាពេលបច្ចុប្បន្នបានបញ្ចប់ មុនពេលដែលពួកគេបណ្តាក់ទុនច្រើន ខណៈការដំឡើងអត្រាការប្រាក់ នៅក្នុងទីផ្សារធំៗរបស់ពិភពលោកបានឈានដល់ទីបញ្ចប់”។

លោកបន្តថា “អ្នកវិនិយោគនៅក្នុងទីផ្សារភាគច្រើន នៅតំបន់អាស៊ី តែមិនរាប់បញ្ចូលប្រទេសជប៉ុន នឹងបន្តប្រកាន់យកនូវវិធីសាស្ត្រនៃការរង់ចាំមើល(wait and see)”។

ភាពទុទិដ្ឋិនិយមនៅក្នុងទីផ្សារអចលនទ្រព្យ របស់ទីក្រុងហុងកុង នៅតែបន្តអូសបន្លាយ និងមានសភាពធ្ងន់ធ្ងរជាងគេបំផុត បើធៀបនឹងទីផ្សារធំៗផ្សេងទៀត។ ការវិនិយោគនៅទីក្រុងហុងកុង បានធ្លាក់ចុះ មកនៅត្រឹមកម្រិតទាបបំផុត ក្នុងរយៈពេល១៥ឆ្នាំ ខណៈដែលអត្រាការប្រាក់ បានកើនឡើងដល់កម្រិតខ្ពស់បំផុត។

ផ្ទុយទៅវិញ ទីផ្សារអចលនទ្រព្យនៅប្រទេសជប៉ុន និងកូរ៉េខាងត្បូង ត្រូវបានគេមើលឃើញថា ហាក់មានសញ្ញាវិជ្ជមាន ខុសពីទីក្រុងហុងកុង។ តួយ៉ាង ប្រទេសជប៉ុនបានជាប់ចំណាត់ថ្នាក់ ជាគោលដៅកំពូល សម្រាប់ការវិនិយោគអចលនទ្រព្យឆ្លងដែន ចំនួន៥ឆ្នាំជាប់ៗគ្នាមកហើយ ខណៈអ្នកវិនិយោគនៅប្រទេសកូរ៉េខាងត្បូង ជាងពាក់កណ្តាល គ្រោងបង្កើនដើមទុនវិនិយោគទៅលើវិស័យអចលនទ្រព្យ។

ទន្ទឹមនឹងនោះ អ្នកវិនិយោគនៅតំបន់ចិនដីគោករំពឹងថា ពួកគេនឹងជួបប្រទះ បញ្ហាកាន់តែច្រើននៅឆ្នាំ២០២៤នេះ ស្របពេលដែលវិបត្តិអចលនទ្រព្យ នៅក្នុងប្រទេសចិន មិនទាន់អាចរកឃើញច្រកចេញនៅឡើយ៕

ខេត្តព្រះសីហនុត្រៀមស្វាគមន៍ព្រលានយន្តហោះទី២នា ពេលខាងមុខ

ដោយៈ គង់ ហ្វីអូណា

ភ្នំពេញៈ ខេត្តព្រះសីហនុ បាននិងកំពុងត្រៀមបង្ហាញព្រលានយន្តហោះលំដាប់អន្តរជាតិថ្មីមួយបន្ថែមទៀត នៅលើទីក្រុងកោះរ៉ុង ដែលអភិវឌ្ឍន៍ដោយក្រុមហ៊ុនRoyal Group។

អនុរដ្ឋលេខាធិការ និងជាអ្នកនាំពាក្យរដ្ឋលេខាធិការដ្ឋានអាកាសចរស៊ីវិល លោកស៊ិន ចាន់សិរីវុត្ថា បានមានប្រសាសន៍ឲ្យដឹងកាលពីថ្ងៃទី១៨ មករាកន្លងមកថា គម្រោងសាងសង់ព្រលានយន្តហោះអន្តរជាតិកោះរ៉ុងលំដាប់4C តម្លៃ៣០០លានដុល្លារ វិនិយោគដោយក្រុមហ៊ុន រ៉ូយ៉ាល់ គ្រុប កោះរ៉ុង ឌីវេឡបមេន ខមភេនី របស់អ្នកឧកញ៉ា គិត ម៉េង បានចាប់ផ្តើមដំណើរការបណ្តើរៗហើយ ដោយបច្ចុប្បន្ននេះ ក្រុមហ៊ុននេះ បាននឹងកំពុងឈូសឆាយពង្រាបដី។លោកបញ្ជាក់ថា “បច្ចុប្បន្ននេះក្រុមហ៊ុនរ៉ូយ៉ាល់គ្រុប កោះរ៉ុង បាននិងកំពុងឈូសឆាយពង្រាបដី បន្ទាប់ពីក្រុមហ៊ុន បានដោះស្រាយបញ្ហាផលប៉ះពាល់សង្គម ជាមួយប្រជាជននៅតំបន់នោះ”។

កាលពីថ្ងៃទី១៨ ខែមករា ឆ្នាំ២០២៣ រដ្ឋលេខាធិការដ្ឋានអាកាសចរស៊ីវិល និងក្រុមហ៊ុន រ៉ូយ៉ាល់ គ្រុប កោះរ៉ុង ឌីវេឡបមេន ខមភេនី របស់អ្នកឧកញ៉ា គិត ម៉េង បានចុះកិច្ចព្រមព្រៀង និងអនុម័តប្លង់មេសាងសង់អាកាសយានដ្ឋានអន្តរជាតិកោះរ៉ុង នៅលើតំបន់អភិវឌ្ឍន៍ កោះរ៉ុង ក្រុងកោះរ៉ុង ខេត្តព្រះសីហនុ។កាលពីពេលកន្លងទៅ អ្នកឧកញ៉ា គិត ម៉េង បានបញ្ជាក់ពីការប្តេជ្ញាចិត្តសាងសង់ អាកាសយានដ្ឋានអន្តរជាតិកោះរ៉ុង (លំដាប់ 4C) នៅលើតំបន់អភិវឌ្ឍន៍កោះរ៉ុង ក្រុងកោះរ៉ុង ខេត្តព្រះសីហន តម្លៃ៣០០លានដុល្លារនេះ ឲ្យសម្រេចតាមផែនការមេ ដែលបានចុះហត្ថលេខានៅថ្ងៃទី១៨ ខែមករា ឆ្នាំ២០២៣ ដែលព្រលានយន្តហោះនេះ នឹងត្រូវចំណាយពេលវេលាសាងសង់រយៈពេល៥ឆ្នាំ។

ព្រលានយន្តហោះអន្តរជាតិកោះរ៉ុង គឺជាអាកាសយានដ្ឋានអន្តរជាតិថ្មីទី៤ ដែលបានធ្វើការវិនិយោគ ដោយមានការចូលរួមពីវិស័យឯកជន បន្ទាប់ពីអាកាសយានដ្ឋានអន្តរជាតិតារាសាគរ អាកាសយានដ្ឋានអន្តរជាតិសៀមរាប-អង្គរ និងអាកាសយានដ្ឋានអន្តរជាតិតេជោ។លោក ស៊ីន ចាន់សិរីវុត្ថា បានលើកឡើងថា ការសាងសងព្រលានយន្ដហោះនេះ ដើម្បីសម្រួលដល់ការធ្វើដំណើរ របស់ភ្ញៀវទេសចរ ហើយតាមសិក្សាស្រាវជ្រាវតំបន់ទេសចរណ៍ណា ដែលមានអាកាសយានដ្ឋាន គឺមានការអភិវឌ្ឍន៍ខ្លាំង ជាងតំបន់ទេសចរណ៍ណា ដែលមិនមានអាកាសយានដ្ឋាន។កាលពីថ្ងៃទី២៨ ខែកុម្ភៈ ឆ្នាំ២០០៨ ក្រុមហ៊ុន រ៉ូយ៉ាល់ គ្រុប ខូអិលធីឌី បានចុះហត្ថលេខាជួលកោះរ៉ុង ជាមួយក្រុមប្រឹក្សាអភិវឌ្ឍន៍កម្ពុជា ដែលជាភាគីតំណាងឲ្យរាជរដ្ឋាភិបាលកម្ពុជា ដើម្បីអភិវឌ្ឍជាតំបន់អភិវឌ្ឍន៍ពាណិជ្ជកម្ម រមណីយដ្ឋានទេសចរធម្មជាតិ រួមទាំងហេដ្ឋារចនាសម្ព័ន្ធអាកាសយានដ្ឋានផងដែរ៕

គណៈប្រតិភូធុរកិច្ចចិនស្វែងយល់ពីសក្តានុពល និងឱកាសវិនិយោគនៅខេត្តព្រះសីហនុ

ដោយៈ គង់ ហ្វីអូណា

ព្រះសីហនុៈ អភិបាលរងខេត្តព្រះសីហនុ លោកឡុង ឌីម៉ង់ បាន ទទួលជួបសំដែងការគួរសម និងពិភាក្សាការងារពាណិជ្ជកម្ម និងវិនិយោគជាមួយគណៈប្រតិភូសេដ្ឋកិច្ច និងពាណិជ្ជកម្មប៉ីហាយ ដែលដឹកនាំដោយ លោកស្រី Tan Xiuhong សមាជិកអចិន្ត្រៃយ៍នៃគណៈកម្មាធិការក្រុងប៉ីហាយ និងជាអភិបាលរងនៃគណៈអភិបាលក្រុងប៉ីហាយ នៅតំបន់ស្វយ័តជនជាតិក្វាងស៊ី សាធារណរដ្ឋប្រជាមានិតចិន នៅសាលប្រជុំក្រុមប្រឹក្សាខេត្ត។

គោលបំណងនៃការអញ្ជើញរបស់គណៈប្រតិភូ សេដ្ឋកិច្ចនិងពាណិជ្ជកម្មប៉ីហាយ មកកាន់ខេត្តព្រះសីហនុនាពេលនេះ គឺដើម្បីស្វែងយល់បន្ថែមអំពីស្ថានភាពសេដ្ឋកិច្ច និងជាពិសេសសក្តានុពលវិនិយោគរបស់ខេត្ត។លោក ឡុង ឌីម៉ង់ អភិបាលរងខេត្តព្រះសីហនុ បានធ្វើគារវកិច្ចស្វាគមន៍ ប្រកបដោយក្តីសោមនស្សរីករាយ ទទួលគណៈប្រតិភូដែលបានអញ្ជើញមក និងបានគូសបញ្ជាក់ថា ខេត្តព្រះសីហនុ ជាខេត្តដែលមានសក្តានុពលភូមិសាស្ត្រ ហេដ្ឋារចនាសម្ព័ន្ធ និងបរិយាកាសរស់ប្រកបដោយសុខុដុមរមនា ដែលមានប្រជាពលរដ្ឋចម្រុះជាតិសាសន៍ ប្រកបរបរគ្រប់ប្រភេទ ហើយក្នុងនោះមានជនជាតិចិនដែលលេចធ្លោជាងគេ។លោកអភិបាលរងខេត្ត បានជម្រាបជូនគណៈប្រតិភូអំពីស្ថានភាពភូមិសាស្ត្រ សក្តានុពល ស្ថានភាពសេដ្ឋកិច្ច ដំណើរការអភិវឌ្ឍ និងចក្ខុវិស័យរបស់កំពង់ផែទឹកជ្រៅ ផែនការអភិវឌ្ឍផ្លូវដែក និងជាពិសេសផែនការមេ ប្រែក្លាយខេត្តព្រះសីហនុ ទៅជាតំបន់សេដ្ឋកិច្ចពិសេសគំរូពហុបំណង។

លោកបានបញ្ជាក់ថា ខេត្តព្រះសីហនុបាន និងកំពុងធ្វើពិពិធកម្មសេដ្ឋកិច្ច ពោលគឺខេត្តនឹងបង្កើនប្រភព ចំណូលផ្សេងៗបន្ថែមទៀត ក្រៅពីការពឹងផ្អែក ទៅលើវិស័យទេសចរណ៍តែមួយមុខ។ ខេត្តព្រះសីហនុ នឹងប្រែក្លាយជាតំបន់មជ្ឈមណ្ឌលពាណិជ្ជកម្ម និងភស្តុភារកម្មអន្តរជាតិ មជ្ឈមណ្ឌលដឹកជញ្ជូនទំនិញ ពហុមធ្យោបាយអន្តរជាតិ មជ្ឈមណ្ឌលហិរញ្ញវត្ថុអន្តរជាតិ តំបន់ទេសចរណ៍ប្រណិត ជាពិសេសជាទីក្រុងវៃឆ្លាតនាំមុខ។ឆ្លៀតក្នុងឱកាសនោះលោកអភិបាលរងខេត្ត បានរំលឹកពីក្របខ័ណ្ឌអនុគ្រោះពន្ធ និងសន្ធិសញ្ញាពាណិជ្ជកម្មផ្សេងៗ ដែលកម្ពុជាជាសមាជិក ដែលមានភាពអំណោយផលដល់វិនិយោគិននៅកម្ពុជា។

លោកបានសង្កត់ធ្ងន់ថា ខេត្តព្រះសីហនុ ជាខេត្តដែលទទួលបានការយកចិត្តទុកដាក់ ខ្ពស់ពីរាជរដ្ឋាភិបាលកម្ពុជា។ ក្នុងនីតិកាលទី៦ ក្រោមការដឹកនាំប្រកបដោយទស្សន វិស័យវែងឆ្ងាយ ប្រកបដោយគតិបណ្ឌិតរបស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី រាជរដ្ឋាភិបាលកម្ពុជាបានដាក់ចេញ “វិធានការជាកញ្ចប់ដោះស្រាយ គម្រោងវិនិយោគជាប់គាំង នៅក្នុងខេត្តព្រះសីហនុ”។កាន់តែពិសេសជាងនេះ ទៅទៀតនាពេលអនាគតដ៏ខ្លីខាងមុខនេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងអញ្ជើញប្រកាសដាក់ឱ្យប្រើប្រាស់ “កម្មវិធីពិសេសសម្រាប់ជំរុញការវិនិយោគក្នុងខេត្តព្រះសីហនុ ឆ្នាំ២០២៤”។

ជាមួយគ្នានេះ គណៈប្រតិភូបានបង្ហាញអំពីការភ្ញាក់ផ្អើល និងកោតសរសើរ ចំពោះការអភិវឌ្ឍយ៉ាងឆាប់រហ័ស របស់ក្រុងព្រះសីហនុ បើធៀបនឹងរយៈពេល១០ឬ២០ឆ្នាំមុន។

លោកស្រី Tan Xiuhong បានរំលឹកអំពីស្ថានភាពនៃទីក្រុងកំពង់ផែប៉ីហាយ ដែលមានគំរូអភិវឌ្ឍសេដ្ឋកិច្ច ស្រដៀងគ្នានឹងខេត្តព្រះសីហនុ ហើយសព្វថ្ងៃទីក្រុងប៉ីហាយ កំពុងទទួលបានផលយ៉ាងច្រើនពីការអភិវឌ្ឍនេះ។ បច្ចុប្បន្ន ទីក្រុងប៉ីហាយ មានទេសចរប្រមាណ៥១លាននាក់។ ដូច្នេះលោកស្រីមានបំណងបង្កើនកិច្ចសហការនៅក្នុងវិស័យទេសចរណ៍។

គណៈប្រតិភូខាងលើមានបំណង រៀបចំវេទិកាដោះដូរពាណិជ្ជកម្ម ទំនិញគ្រប់មុខនៅអាស៊ី ពង្រីកទីផ្សារអន្តរជាតិ តាមរយៈការបង្កើតវេទិកាខាងលើ។ ការបង្កើនការនាំចូលវត្ថុធាតុដើម ផលិតផលពាក់កណ្តាលសម្រេច ទៅបម្រើក្នុងខ្សែសង្វាក់ផលិតកម្ម និងផលិតផលសម្រេចទៅចិន ដោយសហការជាមួយតំបន់ សេដ្ឋកិច្ចពិសេស ដែលមានស្រាប់ នៅក្នុងខេត្ត៕

China’s Q4 GDP grows 5.2% y/y, below market forecast

BEIJING : China’s economy grew 5.2 per cent in the fourth quarter from a year earlier, official data showed on Wednesday, missing analysts’ expectations slightly but still making it possible for Beijing to meet its annual growth target despite a shaky start to the year.

Analysts polled by Reuters had forecast fourth-quarter gross domestic product (GDP) would expand 5.3 per cent from a year earlier, quickening from the third quarter’s 4.9 per cent pace.

For the full-year 2023, the economy grew 5.2 per cent, data from the National Bureau of Statistics data showed, partly helped by the previous year’s low-base effect which was marked by COVID-19 lockdowns. Analysts had forecast 5.2 per cent growth.
Beijing had set a growth target of around 5 per cent for 2023.

On a quarter-by-quarter basis, GDP grew 1.0 per cent in October-December, in line with expectations for a 1.0 per cent increase and compared with a revised 1.5 per cent gain in the previous quarter.

The economy struggled to mount a strong and sustainable post-COVID pandemic bounce last year, burdened by a property crisis, weak consumer and business confidence, mounting local government debts, and sluggish global growth.Source: Reuters

Japan tightens land use rules near 6 U.S. military facilities

The Japanese government on Monday added six U.S. military and other key facilities to the list of locations where the acquisition and use of land in nearby areas is subject to tighter regulations aimed at protecting national security.

For the first time, U.S. military bases have been added to the list of sites, which now totals 399 under the land use regulation law enacted in 2021. The six sites, including two ammunition depots in Hiroshima Prefecture, are among 180 locations newly designated across 25 of the country’s 47 prefectures.

This marks the third time the government has regulated how land can be used within one kilometer of sites such as defense-related facilities and key infrastructure such as airports and power plants in addition to remote islands.

The law was enacted after the ruling Liberal Democratic Party called for stricter regulations on the use of such land as well as foreign purchases of such land.

Some opposition parties have expressed concerns about the law, saying it could restrict citizens’ rights or the government could abuse it to regulate legitimate activities such as rallies around U.S. military bases.

The newly designated locations include the Defense Ministry in Tokyo, New Chitose Airport in Hokkaido, and the Ikata nuclear power plant in Ehime Prefecture.

The law empowers authorities to scrutinize the ownership of land near designated facilities and regulate activities there to prevent interference with facility operations such as radio jamming.

Any violation of the government order is subject to imprisonment of up to two years or a fine of up to 2 million yen ($13,800).

The government is already planning to add a further 184 sites in 28 prefectures for final approval by a panel of experts.Source: Kyodo news

ក្រុមហ៊ុនTemasek Holdingsដ៏ល្បីរបស់សិង្ហបុរីមើលឃើញកម្ពុជាជាគោលដៅវិនិយោគដ៏សំខាន់មួយក្នុងតំបន់អាស៊ាន

ដោយៈ គង់ ហ្វីអូណា

ភ្នំពេញៈ ក្រុមហ៊ុនឈានមុខមួយរបស់សិង្ហបុរី ដែលមានឈ្មោះថា Temasek Holdings បានមើលឃើញកម្ពុជា ជាគោលដៅវិនិយោគដ៏សំខាន់នៅក្នុងតំបន់អាស៊ាន។

ថ្នាក់ដឹកនាំក្រុមហ៊ុននេះ មានបំណងក្នុងការពង្រីកការវិនិយោគរបស់ខ្លួននៅកម្ពុជា លើបច្ចេកវិទ្យាឌីជីថល វិស័យថាមពលកកើតឡើងវិញ និងវិស័យសំខាន់ៗមួយចំនួនទៀតជាដើម។

នៅក្នុងកិច្ចជំនួបជាមួយសម្តេចធិបតី ហ៊ុន ម៉ាណែតនាយករដ្ឋមន្រ្តីនៃកម្ពុជា នាថ្ងៃទី១៧ ខែមករា ឆ្នាំ២០២៤ ក្នុងឱកាសនៃការចូលរួមវេទិកាសេដ្ឋកិច្ចពិភពលោក ឆ្នាំ២០២៤ នៅទីក្រុងដាវ៉ូស សហព័ន្ធស្វីស លោកLim Boon Heng ប្រធានក្រុមហ៊ុន Temasek Holdings បានលើកឡើងថា ក្រុមហ៊ុនរបស់លោក មានមូលដ្ឋាននៅសិង្ហបុរី ហើយ បាននិងកំពុងមានប្រតិបត្តិការអាជីវកម្ម នៅតាមបណ្ដាប្រទេសជាច្រើន នៅក្នុងតំបន់និងពិភពលោក ដោយផ្ដោតលើលើវិស័យហិរញ្ញវត្ថុ ដឹកជញ្ជូន ទូរគមនាគមន៍ បច្ចេកវិទ្យា និងការផ្សព្វផ្សាយ និង អចលនទ្រព្យជាដើម។លោកប្រធានក្រុមហ៊ុន បានគូសបញ្ជាក់បន្ថែមទៀតថា ក្រុមហ៊ុនមានគោលដៅ ពង្រីកអាជីវកម្មរបស់ខ្លួនបន្ថែមទៀត នៅក្នុងតំបន់អាស៊ាន ដែលក្នុងនោះកម្ពុជា ក៏ជាគោលដៅអាទិភាពមួយដែរ។ ជាមួយគ្នានេះ លោកប្រធានក្រុមហ៊ុន បានបង្ហាញអំពីបំណងក្នុងការពង្រីកការវិនិយោគរបស់ខ្លួន នៅកម្ពុជាលើបច្ចេកវិទ្យាឌីជីថល វិស័យថាមពលកកើតឡើងវិញ និងវិស័យសំខាន់ៗមួយចំនួនទៀត។

លោកប្រធានក្រុមហ៊ុន បានរំឭកអំពីជំនួបរវាងរូបលោក និងសម្តេចតេជោហ៊ុន សែន នាពេលកន្លងមក ដែលក្នុងនោះលោកបានសម្ដែងនូវការកោតសរសើរ ចំពោះគំរូវីរៈភាពដឹកនាំរបស់សម្តេចតេជោផងដែរ។ថ្លែងនៅក្នុងកិច្ចជំនួបនោះដែរសម្ដេចធិបតី ហ៊ុន ម៉ាណែត នាយករដ្ឋមន្រ្តី បានប្រកាសស្វាគមន៍ក្រុមហ៊ុន Temasek Holdings ដែលមានចំណាប់អារម្មណ៍ និងបំណងក្នុងការវិនិយោគលើវិស័យ ដែលបានរៀបរាប់ខាងលើនៅកម្ពុជា ហើយសម្ដេចធិបតីបានគូសបញ្ជាក់ថា គោលនយោបាយរបស់រាជរាជរដ្ឋាភិបាលអាណត្តិទី៧ គឺយកចិត្តទុកដាក់ និងបង្កើតបរិស្ថានគាំទ្ររឹងមាំ សម្រាប់ការវិនិយោគលើគ្រប់វិស័យ ប្រកបដោយចីរភាពនៅកម្ពុជា ហើយកម្ពុជាបានបើកចំហសម្រាប់វិនិយោគិន មកពីគ្រប់ប្រទេសទាំងអស់។

សម្តេចបន្តថា លើសពីនេះទៀត រាជរដ្ឋាភិបាលកម្ពុជាបានដាក់ចេញនូវក្របខ័ណ្ឌច្បាប់ បទដ្ឋានគតិយុត្ត និងយន្តការថ្មីៗ ដើម្បីលើកកម្ពស់ គាំពារ និងលើកទឹកចិត្តដល់វិនិយោគិនបរទេស ក្នុងនោះសម្ដេចបានបញ្ជាក់ពីការវិនិយោគ លើការបង្កើតតំបន់សេដ្ឋកិច្ចពិសេស និងសួនឧស្សាហកម្ម ដោយផ្ដោតលើឧស្សហកម្មជាក់លាក់ ឬភាពជាក់ស្ដែងនៃប្រទេសនីមួយៗ៕

ទីក្រុងហ្លួងព្រះបាងប្រទេសឡាវ ប្រឈមមុខនឹងហានិភ័យនៃការលុបចេញពីបញ្ជីបេតិកភណ្ឌពិភពលោក

ដោយ: គង់ លាងហួរ

អន្តរជាតិ: អង្គការយូណេស្កូ(UNESCO) បានចេញផ្សាយរបា យការណ៍ថ្មីមួយ ដោយបានគូសបញ្ជាក់អំពី ការព្រួយបារម្ភរបស់ខ្លួនចំពោះទីក្រុងហ្លួងព្រះបាង(Luang Prabang) របស់ប្រទេសឡាវ ដែលអាចត្រូវបានដកចេញ ពីបញ្ជីបេតិកភណ្ឌពិភពលោក ប្រសិនបើគ្មានចំណាត់ការដោះស្រាយទេនោះ។

កាលពីពេលកន្លងទៅ គេសង្កេតឃើញថា ទីក្រុងDresden របស់ប្រទេសអាល្លឺម៉ង់ និងទីក្រុង Liverpool របស់ប្រទេសអង់គ្លេស ក៏ធ្លាប់ត្រូវបានដកចេញ ពីបញ្ជីបេតិកភណ្ឌ របស់អង្គការយូណេស្កូផងដែរ។

របាយការណ៍ខាងលើក៏បានគូសរំលេច អំពីគម្រោងស្ថាបនាទំនប់វារីអគ្គិសនីប្រវែង២៥គីឡូម៉ែត្រ ដែលជាការអភិវឌ្ឍន៍រួមគ្នា រវាងប្រទេសឡាវ និងប្រទេសថៃ និងអាចក្លាយជាទំនប់វារីអគ្គិសនីទី២ ដែលស្ថិតនៅក្នុងទីក្រុងហ្លួងព្រះបាង។លោក Minja Yang អតីតនាយករងនៃមជ្ឈមណ្ឌលបេតិកភណ្ឌពិភពលោករបស់អង្គការយូណេស្កូ បានអំពាវនាវឱ្យមានការសិក្សាយ៉ាងច្បាស់លាស់ អំពីផលប៉ះពាល់មកលើទីតាំងបេតិកភណ្ឌ ដែលមានតម្លៃជាសកល។

លោកបានបន្តថា “ប្រសិនបើទំនប់វារីអគ្គិសនី ពិតជាត្រូវបានសាងសង់ឡើងមែននោះ ខ្ញុំជឿជាក់ថា ទីក្រុងហ្លួងព្រះបាង អាចនឹងត្រូវបានដកចេញ ពីបញ្ជីបេតិកភណ្ឌពិភពលោក របស់អង្គការយូណេស្កូជាក់ជាមិនខាន”។

ទាក់ទិនទៅនឹងរឿងនេះដែរ ក្រុមមន្រ្តីរដ្ឋបាលក្នុងតំបន់ បានលើកឡើងពីការព្រួយបារម្ភ ដែលទីក្រុងហ្លួងព្រះបាង អាចត្រូវបានដកចេញពីបញ្ជីបេតិកភណ្ឌពិភពលោក។

ក្រុមមន្រ្តីទាំងនោះបានអះអាងថា អង្គការយូណេស្កូ បានដាក់ចេញវិធានឱ្យយើងគោរព ប៉ុន្តែមនុស្សមួយចំនួន នៅក្នុងទីក្រុងហ្លួង ព្រះបាង បានប្រព្រឹត្តផ្ទុយពីវិធាននោះ។

ហ្លួងព្រះបាង គឺជាទីក្រុងដ៏ចំណាស់មួយ ដែលត្រូវបានដាក់បញ្ចូល ទៅក្នុងបញ្ជីបេតិកភណ្ឌពិភពលោក កាលពីឆ្នាំ១៩៩៥។ គិតត្រឹមរយៈពេល៩ខែដំបូង ដើមឆ្នាំ២០២៣ ទីក្រុងហ្លួងព្រះបាងបានទាក់ទាញភ្ញៀវទេសចរចំនួន៨០០.០០០នាក់។

ស្របពេលចំនួនភ្ញៀវទេសចរ ដែលចូលទៅកាន់ទីក្រុងហ្លួង ព្រះបាង មានការកើនឡើងក្នុងរយៈពេលប៉ុន្មានឆ្នាំចុងក្រោយនេះ គេសង្កេតឃើញថា តម្លៃអចលនទ្រព្យនៅទីនោះ បានហក់ឡើងយ៉ាងគំហុក ដែលនាំឱ្យអ្នករស់នៅក្នុងទីក្រុងនេះ សម្រេចចិត្តលក់ផ្ទះ ឬជួលទៅឱ្យជនបរទេស។

ទាក់ទិននឹងបញ្ហានេះ អង្គការយូណេស្កូ ក៏បានធ្វើការអំពាវនាវ ឱ្យមានការកែប្រែមួយចំនួន ពាក់ព័ន្ធទៅនឹងអចលនទ្រព្យ នៅក្នុងទីក្រុងហ្លួងព្រះបាងផងដែរ ខណៈរាល់គម្រោងអភិវឌ្ឍន៍ថ្មីៗ ត្រូវទទួលបានការអនុម័តជាមុនសិន ពីការិយាល័យបេតិកភណ្ឌពិភពលោកក្នុងតំបន់៕ប្រភព៖Nikkei Asia៕

Vietnamese firms in Cambodia foster connections and enhance trade

Representatives from about 50 Vietnamese enterprises and Khmer businesses of Vietnamese-origin gathered in Phnom Penh on January 16 to share their experience in operating and investing in Cambodia and foster their connections.

Addressing the event, Vietnamese Ambassador to Cambodia Nguyễn Huy Tăng said the embassy wanted to learn about difficulties that the businesses are facing and listen to their proposals, thus advising authorised agencies in Cambodia and at home to seek measures.Highlighting the development of the Vietnam-Cambodia relations in 2023 and forecasting the situation in 2024, First Secretary of the Vietnamese Embassy in Cambodia Tuan Nguyen Tien said that continuing the growth trend of 2023, the Cambodian economy is forecast to expand in a fast and sustainable manner, becoming a bright spot in ASEAN.

To fulfil the target of drawing more than USS6 billion in foreign direct investment in 2024, Cambodia is likely to continue to call on foreign firms to invest in prioritised areas such as agricultural product processing, high technology, industrial production, clean energy, tourism and infrastructure construction, he said.

At the event, leaders of the businesses proposed a number of measures to support investment activities in the country. They showed their hope to form a network of Vietnamese firms in the neighbouring country to enhance mutual support.

Ambassador Nguyễn Huy Tăng hailed the efforts of Vietnamese businesses over the years, and expressed his hope that in 2024, they will enjoy more successes in Cambodia, a promising market for foreign investors in general and those from Vietnam in particular.

The diplomat asked the Vietnamese Business Club in Cambodia (VBCC) to promptly finalise procedures to establish a Vietnam-Cambodia Business Association (VCBA) to serve as a connecting point and a support venue for Vietnamese firms in the country.Source: vietnam news

រដ្ឋាភិបាលជប៉ុន ប្រកាសរឹតបន្តឹងការប្រើប្រាស់ និងការទិញដី ដោយជនបរទេសនៅក្បែរតំបន់សន្តិសុខជាតិ

ដោយ: គង់ លាងហួរ
តូក្យូ: រដ្ឋាភិបាលជប៉ុន បានបន្ថែមមូលដ្ឋានទ័ពអាមេរិកចំនួន៦ ទៅក្នុងបញ្ជីទីតាំង ដែលការទិញ និងប្រើប្រាស់ដីនៅតំបន់ក្បែរនោះត្រូវស្ថិតនៅក្រោមបទប្បញ្ញត្តិកាន់តែតឹងរ៉ឹងក្នុងគោលបំណងការពារសន្តិសុខជាតិ។

ទីតាំងមូលដ្ឋានយោធារបស់សហរដ្ឋអាមេរិកចំនួន៦ ត្រូវបានដាក់បញ្ចូល ទៅក្នុងបញ្ជីទីតាំងសរុបចំនួន៣៩៩ នៅក្នុងប្រទេសជប៉ុន ដែលស្ថិតក្រោមច្បាប់គ្រប់គ្រងការប្រើប្រាស់ដី ដែលបានអនុម័តក្នុងឆ្នាំ២០២១។

ក្នុងចំណោមទីតាំងមូលដ្ឋានយោធារបស់សហរដ្ឋអាមេរិកទាំង៦នោះ រួមមានឃ្លាំងអាវុធចំនួន២នៅក្នុងខេត្ត Hiroshima ដែលស្ថិតក្នុងចំណោមទីតាំងថ្មីចំនួន១៨០ ដែលត្រូវបានកំណត់ឱ្យស្ថិតក្រោមច្បាប់គ្រប់គ្រងការប្រើប្រាស់ដី។នេះជាលើកទី៣ហើយ ដែលរដ្ឋាភិបាលបានកំណត់អំពីរបៀប ដែលដីអាចប្រើប្រាស់បាន ក្នុងចម្ងាយ១គីឡូម៉ែត្រពី ទីតាំងសំខាន់ៗ ដូចជា មូលដ្ឋានទាក់ទងនឹងវិស័យការពារជាតិ និងហេដ្ឋារចនាសម្ព័ន្ធធំៗ ដូចជា ព្រលានយន្តហោះ និងរោងចក្រថាមពល បន្ថែមពីលើកោះដាច់ស្រយាល។

ច្បាប់នេះត្រូវបានអនុម័ត បន្ទាប់ពីគណបក្សប្រជាធិបតេយ្យសេរី ដែលកំពុងកាន់អំណាចបច្ចុប្បន្ននៅក្នុងប្រទេសជប៉ុន បានអំពាវនាវឱ្យមានបទប្បញ្ញត្តិកាន់តែតឹងរ៉ឹងលើការប្រើប្រាស់ដីទាំងនោះ និងការទិញដីទាំងនោះដោយជនបរទេស។

ច្បាប់នេះផ្តល់សិទ្ធិអំណាចដល់អាជ្ញាធរ ក្នុងការត្រួតពិនិត្យកម្មសិទ្ធិដីនៅជិតទីតាំងដែលបានកំណត់ឱ្យស្ថិតក្រោមច្បាប់ និងគ្រប់គ្រងសកម្មភាពនៅទីនោះ ដើម្បីទប់ស្កាត់មិនឱ្យមានការជ្រៀតជ្រែកទៅក្នុងប្រតិបត្តិការរបស់ទីតាំងសំខាន់ៗទាំងនោះ។

ជាមួយគ្នានេះ រាល់ការបំពានលើបទបញ្ជារបស់រដ្ឋាភិបាលអាចប្រឈមនឹងការជាប់ពន្ធនាគាររហូតដល់ពីរឆ្នាំ ឬពិន័យជាទឹកប្រាក់រហូតដល់២លានយ៉េន (ប្រហែល១៣.៨០០ដុល្លារអាមេរិក)៕ប្រភព៖Kyodo News៕

1...787788789...3,379 Page 788 of 3,379