ឯកសារចំនួនបីគ្រោងនឹងអនុម័តក្នុងកិច្ចប្រជុំកំពូលនៃកិច្ចសហប្រតិបត្តិការមេគង្គ-ឡានឆាងលើកទី៤

ដោយៈ គង់ ហ្វីអូណា

ភ្នំពេញៈ ឯកសារសំខាន់ៗចំនួនបី គ្រោងនឹងអនុម័តក្នុងអំឡុងពេលនៃកិច្ចប្រជុំកំពូល នៃកិច្ចសហប្រតិបត្តិការមេគង្គ -ឡានឆាង លើកទី៤។

ឯកសារទាំងនោះ រួមមាន ទី១ សេចក្តីថ្លែងការណ៍ទីក្រុងណៃពិដោ ទី២ ផែនការសកម្មភាពប្រាំឆ្នាំស្ដីពី កិច្ចសហប្រតិបត្តិការមេគង្គ-ឡានឆាង (២០២៣-២០២៧) និងទី៣ គំនិតផ្តួចផ្តើមរួមស្ដីពីការអភិវឌ្ឍច្រករបៀង នវានុវត្តន៍នៃកិច្ចសហប្រតិបត្តិការមេគង្គ-ឡានឆាង។ នេះបើតាម សេចក្តីប្រកាសព័ត៌មាន របស់ក្រសួងការបរទេស និងសហប្រតិបត្តិការអន្តរជាតិ។

សេចក្តីប្រកាសព័ត៌មានដដែលបានឱ្យដឹងថា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នឹងអញ្ជើញចូលរួមកិច្ចប្រជុំកំពូល នៃកិច្ចសហប្រតិបត្តិការមេគង្គ-ឡានឆាង លើកទី៤ ដែលនឹងប្រព្រឹត្តទៅនៅថ្ងៃទី ២៥ ខែធ្នូ ឆ្នាំ២០២៣ តាមប្រព័ន្ធវីដេអូ តបតាមការអញ្ជើញ របស់សហប្រធាននៃកិច្ចប្រជុំគឺ នាយឧត្ដមសេនីយ៍ មីន អោងឡាំង ប្រធានក្រុមប្រឹក្សារដ្ឋបាលរដ្ឋនៃសាធារណរដ្ឋ សហភាពមីយ៉ាន់ម៉ា និងលោកលី ឈាង នាយករដ្ឋមន្ត្រីនៃសាធារណរដ្ឋប្រជាមានិតចិន។

ក្រោមមូលបទ “ចូលរួមកសាងសហគមន៍វាសនារួមគ្នា និងទំនើបកម្ម ក្នុងចំណោមប្រទេសមេគង្គ-ឡានឆាង” ថ្នាក់ដឹកនាំនៃកិច្ចសហប្រតិបត្តិការមេគង្គ-ឡានឆាង នឹងពិនិត្យឡើងវិញនូវវឌ្ឍនភាព ដែលសម្រេចបាន ក្រោមកិច្ចសហប្រតិបត្តិការនេះ និងកំណត់ទិសដៅអនាគត សម្រាប់ការពង្រីកវិស័យ នៃកិច្ចសហប្រតិបត្តិការ និងជំរុញបន្ថែមនូវទំនុកចិត្តទៅវិញទៅមក ក៏ដូចជា ពង្រឹងភាពជាដៃគូក្នុងចំណោមបណ្តាប្រទេសមេគង្គ-ឡានឆាង ដើម្បីរួមចំណែកដល់ការអភិវឌ្ឍសេដ្ឋកិច្ច-សង្គម និងលើកកម្ពស់សុខុមាលភាពរបស់ប្រជាជននៅក្នុងអនុតំបន់មេគង្គ-ឡានឆាង។

សេចក្តីប្រកាសព័ត៌មានដដែលបានបន្តថា កិច្ចប្រជុំកំពូលនៃកិច្ចសហប្រតិបត្តិការមេគង្គ-ឡានឆាងលើកទី៤នេះ នឹងក្លាយជាព្រឹត្តិការណ៍ដ៏សំខាន់ សម្រាប់ប្រទេសសមាជិកមេគង្គ-ឡានឆាង ដើម្បីសម្រេចបាននូវគោលដៅរួម ក្នុងការលើកកម្ពស់សន្តិភាព ស្ថិរភាព និងវិបុលភាពនៅក្នុងអនុតំបន់ ព្រមទាំងជំរុញកិច្ចសហប្រតិបត្តិការមេគង្គ -ឡានឆាង ឈានទៅមុខបន្ថែមទៀត តាមរយៈការដាក់ឱ្យអនុវត្តផែនការសកម្មភាពប្រាំឆ្នាំស្តីពី កិច្ចសហប្រតិបត្តិការមេគង្គ-ឡានឆាង៕

អ្នកវិភាគៈ កត្តាសំខាន់ចំនួនបីកំពុងបង្កហានិភ័យដល់ការវិនិយោគលើវិស័យអចលនទ្រព្យនិងធ្វើឲ្យទីផ្សារមានបញ្ហា

ដោយៈ គង់ សូរិយា

ភ្នំពេញៈ កំណើនប្រាក់ចំណូលប្រចាំឆ្នាំ របស់មនុស្សម្នាក់ៗ ធៀបនឹងកំណើនតម្លៃអចលនទ្រព្យ បានក្លាយជាបញ្ហាប្រឈមមួយនៅក្នុងទីផ្សារក្នុងវិស័យនេះ រួមទាំងបញ្ហាប្រឈមមួយចំនួនទៀត។

អគ្គនាយកក្រុមហ៊ុនAdvance Real Estate Co, Ltdលោកប៉ូ អ៊ាវគង់ បានពន្យល់យ៉ាងលំអិតពីបញ្ហាទីផ្សារ ហានិភ័យ និងការកើនឡើងតម្លៃអចលនទ្រព្យកាលពីសប្តាហ៍មុន។

លោកបានមានប្រសាសន៍ថា កន្លងមកយើងបានធ្វើការសិក្សាលើបញ្ហានេះ ទាក់ទងនឹងកំណើនប្រាក់ចំណូល ប្រចាំឆ្នាំរបស់ប្រជាពលរដ្ឋ ដែលមានចន្លោះ៥ ទៅ៨ភាគរយ ប៉ុន្តែវិស័យអចលនទ្រព្យមានកំណើន ចន្លោះពី១០ ទៅ២០ភាគរយប្រចាំឆ្នាំ។

លោកបន្តថា “កំណើននេះហើយ បានធ្វើឲ្យទីផ្សារអចលនទ្រព្យឈានទៅដល់ការគឿងគរ ដែលអ្នកនៅក្នុងវិស័យនេះខ្លះ មិនអាចព្យាករណ៍បាន”។ លោកបន្តថា “ខ្ញុំបានប្រាប់អ្នកវិនិយោគមួយចំនួន តាំងពីឆ្នាំ២០១៨ ២០១៩ ឲ្យមានការប្រុងប្រយ័ត្ន ព្រោះថាការកើនតម្លៃក្នុងវិស័យនេះ មិនមានអ្វីទប់ស្កាត់ឬយន្តការណាមួយ បានដាក់ចេញ ដើម្បីធ្វើឲ្យវាមានការរីកចម្រើន ប្រកបដោយនិរន្តរភាពដូចប្រទេសអភិវឌ្ឍន៍មួយចំនួនឡើយ”។

លោកប៉ូ អ៊ាវគង់បានបន្តថា អ្នកសរសេរលើសៀវភៅទាក់ទងនឹងវិស័យនេះ មួយចំនួនបានលើកឡើងថា វិបត្តិសេដ្ឋកិច្ចបានធ្វើឲ្យវិស័យអចលនទ្រព្យគឿងគរ គឺដោយសារការគ្មានយន្តការគ្រប់គ្រង ឲ្យច្បាស់លាស់ និងត្រឹមត្រូវ ពិសេសប្រទេសកំពុងអភិវឌ្ឍន៍ ដូចជាប្រទេសកម្ពុជាយើង។

លោកបន្តថា “នៅពេលយើងគ្មានយន្តការ គ្រប់គ្រងច្បាស់លាស់ វានឹងធ្វើឲ្យទីផ្សារប៉ោងឡើង និងធ្វើឲ្យទីផ្សារគ្មានភាពមិនប្រាកដប្រជា”។ លោកបន្តថា “យើងដើរមកដល់ឆ្នាំ២០២១ ដល់ឆ្នាំ២០២៣នេះ សេដ្ឋកិច្ចពិភពលោកមានភាពមិនច្បាស់លាស់ ការគាំងលំហូរសាច់ប្រាក់កើតមានឡើង គឺយើងគ្មានវិធីសាស្រ្តដោះស្រាយឡើយ ព្រោះយើងគ្មានយន្តការនៃការដោះស្រាយ និងការគ្រប់គ្រងតាំងពីដើមមក”។

លោកប៉ូ អ៊ាវគង់បានពន្យល់ទៀតថា កង្វះយន្តការនៃការគ្រប់គ្រង វាក៏បង្កនូវហានិភ័យដល់ទីផ្សារ ហើយការកើតមានវិបត្តិក្នុងទីផ្សារកន្លងមកនេះ បានធ្វើឲ្យមេដឹកនាំប្រទេសមួយចំនួន បានបង្កើតយន្តការគ្រប់គ្រង ដោយគេមិនបណ្តែតបណ្តោយឡើយ។ នៅពេលពួកគេមើលឃើញស្ថានភាពមិនស្រួល ពួកគេចាប់ផ្តើមបញ្ចេញយន្តការក្នុងការទប់ស្កាត់ ព្រោះបើបណ្តោយឲ្យមានវិបត្តិកើតឡើង វាបង្កឲ្យមានវិបត្តិសេដ្ឋកិច្ច និងប៉ះពាល់ដល់ផលទុនជាតិសរុបច្រើន។

លោកបន្តថា “ពីមុនមកអ្នកណាមានលុយ ក៏បានវិនិយោគលើវិស័យដីធ្លី ហើយនៅពេលមានបញ្ហាបែបនេះ ពួកគាត់មិនដឹងដោះស្រាយបែបណា សូម្បីតែលក់ដីលក់មិនចេញ គាត់ក៏មិនដឹងពីមូលហេតុអីផងដែរ”។ លោកបន្តថា “អ្វីជាចំណុចខ្វះខាតរបស់យើង គឺខ្វះយន្តការក្នុងការគ្រប់គ្រង ខ្វះការចូលរួម និងខ្វះការប្រឹក្សាយោបល់ពីអ្នកជំនាញពិតប្រាកដ”៕

វៀតណាមផ្តល់អាទិភាពដល់គម្រោងផ្លូវល្បឿនលឿនតភ្ជាប់ពីក្រុងហូជីមិញមកកាន់ខេត្តជាប់ព្រំដែនជាមួយកម្ពុជា

ដោយ: គង់ លាងហួរ

អន្តរជាតិ: ទីក្រុងហូជីមិញគ្រោងផ្តល់អាទិភាព ដល់គម្រោងដឹកជញ្ជូនចំនួន៥៩ រួមមានគម្រោងសាងសង់ផ្លូវហាយវេ ផ្លូវជាតិ និងផ្លូវក្រវ៉ាត់ក្រុងក្នុងរយៈពេល៧ឆ្នាំខាងមុខ ក្រោមទុនវិនិយោគប្រមាណ៩,៥ពាន់លានដុល្លារអាមេរិក។

នាយកដ្ឋានដឹកជញ្ជូនទីក្រុងហូជីមិញ បានគូសបញ្ជាក់បែបនេះ នៅក្នុងផែនការ សម្រាប់គម្រោងដឹកជញ្ជូនសំខាន់ៗ ដែលត្រូវអនុវត្តចាប់ពីឆ្នាំ២០២៤ ដល់ឆ្នាំ២០៣០ខាងមុខ និងត្រូវបានដាក់ជូនគណៈកម្មាធិការប្រជាជនកាលពីថ្ងៃសុក្រសប្តាហ៍មុន។

នៅក្នុងផែនការនោះ រួមមាន គម្រោងសាងសង់ផ្លូវល្បឿនលឿនចំនួន៤ខ្សែ ដែលក្នុងនោះ ផ្លូវល្បឿនលឿនចំនួន២ខ្សែ ត្រូវបានស្នើភ្ជាប់ទៅកាន់ស្រុក Moc Bai ក្នុងខេត្ត Tay Ninh ជាប់ព្រំដែនកម្ពុជា និងស្រុក Chon Thanh ក្នុងខេត្ត Binh Phuoc កាត់តាមខេត្ត Binh Duong។

គម្រោងសាងសង់ផ្លូវល្បឿនលឿន២ខ្សែទៀត រួមមាន ផ្លូវល្បឿនលឿនហូជីមិញ-ឡុងថាញ់-ដាវយ៉ាយ តភ្ជាប់ទៅកាន់ខេត្តដុងណាយ និងផ្លូវល្បឿនលឿនហូជីមិញ – ទ្រុងលួង ភ្ជាប់ទៅកាន់ដីសណ្ដមេគង្គ ដែលនឹងត្រូវពង្រីក។

កំណាត់ផ្លូវជាតិលេខ១ ផ្លូវជាតិលេខ១៣ និងផ្លូវជាតិលេខ ២២A ដែលរត់កាត់ទីក្រុងហូជីមិញ នឹងត្រូវបានកែលម្អ និងពង្រីកដោយចំណាយថវិកាចំនួន៣៤ពាន់ពាន់លានដុង។

ទឹកប្រាក់ចំនួន១៤ពាន់ពាន់លានដុង នឹងត្រូវបានចាក់បញ្ចូលទៅក្នុងគម្រោងសាងសង់ បញ្ចប់ផ្លូវក្រវ៉ាត់ក្រុងលេខ២ ដើម្បីបន្ធូរបន្ថយការកកស្ទះចរាចរណ៍ដ៏រ៉ាំរ៉ៃ នៅតំបន់ខាងក្នុងទីក្រុង ដោយអនុញ្ញាតឱ្យរថយន្តកុងតឺន័រ អាចធ្វើដំណើរតាមខ្សែក្រវ៉ាត់ក្រុង។

គម្រោងផ្សេងទៀត រួមមានដូចជា ការសាងសង់ស្ពាន Thu Thiem4 ដែលស្ពាននេះត្រូវបានគេរំពឹងថា នឹងដើរតួនាទីយ៉ាងសំខាន់ ក្នុងការបង្កើនការតភ្ជាប់ ជាមួយប៉ែកភាគខាងត្បូងនៃទីក្រុងហូជីមិញ៕VNExpress៕

លោកឧកញ៉ាចេង ខេងៈ ចរន្តដោះដូរដីធ្លីនៅតំបន់ជាប់មាត់ ព្រែកហ្វូណនតេជោចាប់ផ្តើមកំរើកឡើង

ដោយៈ ជេស៊ីកា

កណ្តាល/កែបៈ លោកឧកញ៉ាចេង ខេងអគ្គនាយកក្រុមហ៊ុនCPL ដែលជាជើងចាស់មួយរូប ក្នុងវិស័យអចលនទ្រព្យបានបង្ហើបឲ្យដឹងថា ការទិញ លក់ដីធ្លីនៅតំបន់ជាប់មាត់ព្រែកហ្វូណនតេជោ បានចាប់ផ្តើមមានសកម្មភាពដោះដូរច្រើន ជាមួយនឹងកំនើនតម្លៃផងដែរ។

លោកឧកញ៉ាបានមានប្រសាសន៍ឲ្យដឹង កាលពីសប្តាហ៍មុនថា ការទិញ លក់ដីធ្លីនៅតំបន់ខាងលើ មានសកម្មភាពគ្រាន់បើ ក្នុងមួយរយៈពេលចុងក្រោយនេះ ហើយតម្លៃដីនៅតំបន់នោះមានការកើនឡើងផងដែរ ដែលបច្ចុប្បន្នដីមានតម្លៃចន្លោះពី១០ ទៅ២០ដុល្លារអាមេរិក អាស្រ័យលើតំបន់ ទំហំ និងទីតាំងសក្តានុពលជាក់ស្តែង។លោកបន្តថា “រហូតមកទល់ពេលនេះ អ្នករកស៊ីក្នុងវិស័យនេះបានដឹងពីទីតាំងជាក់លាក់ ដែលត្រូវជីកព្រែកនេះរួចហើយ ហេតុនេះ ទើបមានសកម្មភាពទិញ លក់នៅតំបន់នេះ”។

ព្រែកជីកហ្វូណនតេជោ បានសិក្សាបញ្ចប់រួចហើយ ដោយមានប្រវែងប្រមាណ១៨០គីឡូម៉ែត្រ ដែលវាជាព្រែកជីកប្រវត្តិសាស្រ្តមួយ សម្រាប់សម័យតេជោ ដែលការជីកព្រែកនេះគ្រោងនឹងចំណាយថវិកាប្រមាណ១៧០០លានដុល្លារអាមេរិក និងផ្តល់ផលប្រយោជន៍ដល់ប្រជាជននៅតាមដងព្រែកនេះ ប្រមាណ១,៦លាននាក់ផងដែរ។

ព្រែកជីកនេះ នឹងចាប់ផ្តើមចេញពីទន្លេរបាសាក់ ឆ្ពោះទៅកាន់សមុទ្រក្នុងខេត្តកែប ដែលវានឹងក្លាយជាផ្លូវដឹកជញ្ជូនដ៏សំខាន់ ក្នុងការសមាហរណកម្មផ្ទៃក្នុងកម្ពុជាផង និងកាត់បន្ថយការពឹងផ្អែកលើប្រទេសជិតខាងផង។

សម្តេចធិបតីហ៊ុន ម៉ាណែតនាយករដ្ឋមន្រ្តីនៃកម្ពុជា បានថ្លែងកាលពីសប្តាហ៍មុនថា ការជីកព្រែកហ្វូណនតេជោ គ្មានអ្វីអាថ៌កំបាំងក្រៅពីជម្រុញការអភិវឌ្ឍន៍កម្ពុជា និងជម្រុញកំណើនសេដ្ឋកិច្ចជាតិប៉ុណ្ណោះ៕

ដំណឹងល្អៈ ចាប់ពីឆ្នាំ២០២៤ប្រជាពលរដ្ឋខ្មែរអាចចាយប្រាក់រៀលតាមរយៈការស្គេនលើUnionPay QR Code នៅទូទាំងពិភពលោក

ដោយៈ ម៉ាលីនណា

ភ្នំពេញៈ ចាប់ពីដើមឆ្នាំ២០២៤ខាងមុខ ប្រជាជនកម្ពុជាអាចប្រើប្រាស់ប្រាក់រៀល ក្នុងប្រព័ន្ធទូទាត់បាគង ដើម្បីទូទាត់ថ្លៃទំនិញ -សេវាកម្មនៅក្នុងប្រទេសចិន និងបណ្តាប្រទេសផ្សេងៗទៀត ក្នុងបណ្តាញទូទាត់UnionPay នៅទូទាំងពិភពលោក ដោយគ្រាន់តែស្កេនឃ្យូអរកូត (UnionPay QR Code) របស់ក្រុមហ៊ុន UPI។

ព័ត៌មានដ៏មានសារៈសំខាន់នេះ ត្រូវបានបញ្ជាក់ឲ្យដឹងក្នុងពេលធនាគារជាតិនៃកម្ពុជា(NBC) និងក្រុមហ៊ុន UnionPay International (UPI) បានប្រកាសដាក់ឱ្យដំណើរការប្រតិបត្តិការទូទាត់ឆ្លងដែនតាមឃ្យូអរកូត (QR Code) ជាផ្លូវការកាលពីសប្តាហ៍មុន។យោងតាមព័ត៌មាន ដែលបានបង្ហាញនៅលើបណ្តាញទំនាក់ទំនងសង្គមរបស់ធនាគារជាតិនៃកម្ពុជា បានឲ្យដឹងទៀតថា ដំណើរការប្រតិបត្តិការទូទាត់ឆ្លងដែន តាមរយៈឃ្យូអរកូតនេះ គឺជាសមិទ្ធផលថ្មីមួយទៀត នៃចក្ខុវិស័យពង្រីកវិសាលភាព ប្រតិបត្តិការទូទាត់ឆ្លងដែន តាមឃ្យូអរកូតរបស់ប្រព័ន្ធបាគង ឱ្យកាន់តែទូលំទូលាយ។

តាមរយៈក្របខណ្ឌកិច្ចសហប្រតិបត្តិការនេះ អតិថិជនរបស់ក្រុមហ៊ុនUPI អាចស្កេនKHQR Code ដើម្បីទូទាត់ថ្លៃទំនិញ-សេវាកម្ម ទៅឱ្យអាជីវករ ឬម្ចាស់ហាងលក់ទំនិញ- សេវាកម្មនៅកម្ពុជា ជាប្រាក់រៀលបាន។ធនាគារជាតិបានបញ្ជាក់ថា “សមិទ្ធផលថ្មីនេះក៏បានឆ្លុះបញ្ចាំង អំពីគោលបំណងនៃសហគមន៍អាស៊ាន ដែលប្តេជ្ញាលើកកម្ពស់ប្រតិបត្តិការទូទាត់ឆ្លងដែនជារូបិយវត្ថុជាតិ ប្រកបដោយប្រសិទ្ធភាព និងសុវត្ថិភាព”។ ប្រភពដដែលបានឲ្យដឹងទៀតថា ដំណើរការនេះបានរួមចំណែកយ៉ាងសកម្ម ក្នុងដំណើរការជំរុញបរិវត្តន៍កម្មឌីជីថល និងពង្រឹងទំនាក់ទំនងសេដ្ឋកិច្ច រវាងប្រទេសកម្ពុជា និងប្រទេសចិនផងដែរ៕

ពិធីប្រកាសដាក់ឱ្យដំណើរការ ប្រតិបត្តិការទូទាត់ឆ្លងដែនតាមឃ្យូអរកូតនេះ បានប្រព្រឹត្តិទៅក្រោមអធិបតីភាព ដ៏ខ្ពង់ខ្ពស់របស់លោកជំទាវបណ្ឌិត ជា សិរី ទេសាភិបាលធនាគារជាតិនៃកម្ពុជា និងមានវត្តមានចូលរួមពី លោកWang Wentian ឯកអគ្គរដ្ឋទូតនៃសាធារណរដ្ឋប្រជាមានិតចិន ប្រចាំនៅប្រទេសកម្ពុជា ព្រមទាំងតំណាងពីក្រសួងទេសចរណ៍ ក្រុមហ៊ុនUPI និងគ្រឹះស្ថានធនាគារនិងហិរញ្ញវត្ថុសរុបប្រមាណ១៥០រូប៕

Thailand’s THB1.31-trillion exports threatened by Red Sea conflicts

Thailand’s exports to Europe and the Middle East, worth an estimated 1.31 trillion baht, are facing disruption due to militants attacking vessels along a major shipping route in the Red Sea, experts have warned.

Assoc Prof Aat Pisanwanich, a scholar on international economics, warned that the country’s export shipments via this route could be severely affected as many shipping firms were forced to use a longer route south of the African continent, leading to higher costs.

He noted that about 15% of world shipping traffic transits via the Suez Canal, the shortest shipping route between Europe and Asia. He estimated that about US$3 trillion of the total global trade of $25 trillion relies on this shipping route.

According to the academic, Thailand’s exports to 15 Middle Eastern countries totalled US$10.99 billion last year, accounting for 4% of all Thai exports. Thai exports to 27 European Union nations (excluding the United Kingdom) were worth $26.81 billion, representing 9.3% of all exports from the kingdom.

“In total, Thai exports to the two major markets were worth about 1.31 trillion baht,” Aat said. Thai exports to Europe and the Middle East include farm products, processed agricultural goods, car parts, electrical appliances, and rubber.

The academic warned that if the ongoing war between Israel and the Hamas militant group in the Gaza Strip expands to include other militant groups in the region, namely the Houthi rebels in Yemen and the Hezbollah militants in Lebanon, the global economy and trade could see a new crisis.

Shipping cost will increase due to the higher costs of fuel and insurance resulting from the armed conflicts. If ships can no longer pass through this route and have to do a detour south of Africa, the transportation costs could rise by at least 15% and the supply chain would be disrupted,” Aat said.

“Thai exporters should closely follow the developments and plan ahead to cope with it,” he added. Source: The nation

ផ្លូវហោះហើរពីគូឡាឡាំពួ ទៅសិង្ហបុរី ជាប់ឈ្មោះជាផ្លូវមមាញឹកជាងគេបំផុតក្នុងពិភពលោកប្រចាំឆ្នាំ២០២៣

ដោយ: គង់ លាងហួរ

អន្តរជាតិ: យោងតាមក្រុមហ៊ុនផ្តល់ទិន្នន័យ លើការធ្វើដំណើរ (OAG) បានបង្ហាញថា ផ្លូវហោះហើរដ៏មមាញឹកបំផុត ក្នុងពិភពលោក ដែលជាប់ចំណាត់ថ្នាក់លេខ១ ក្នុងឆ្នាំ២០២៣នេះ គឺផ្លូវហោះហើរពីទីក្រុងគូឡាឡាំពួr ទៅទីក្រុងសិង្ហបុរី។

ផ្លូវហោះហើរពីទីក្រុងបាងកក- ទៅទីក្រុងសិង្ហបុរី និងផ្លូវហោះហើរពីទីក្រុងបាងកក-ទៅទីក្រុងសេអ៊ូល ជាប់ចំណាត់ថ្នាក់ចុងក្រោយគេ ក្នុងចំណោមផ្លូវហោះហើរអន្តរជាតិ ដ៏មមាញឹកបំផុតទាំង១០របស់ពិភពលោក ក្នុងឆ្នាំ២០២៣នេះ។

ផ្លូវហោះហើរទាំង២នេះ ទទួលបានភ្ញៀវទេសចរជាង៣លាននាក់ប្រហាក់ប្រហែលគ្នានៅឆ្នាំនេះ ដែលតួលេខនេះបង្ហាញថា ផ្លូវហោះហើរបាងកក -សិង្ហបុរីជាប់ចំណាត់ថ្នាក់លេខ៩ ខណៈផ្លូវហោះហើរបាងកក-សេអ៊ូល ជាប់ចំណាត់ថ្នាក់លេខ១០ ពោលគឺជាចំណាត់ថ្នាក់ចុងក្រោយគេ ក្នុងចំណោមផ្លូវហោះហើរអន្តរជាតិ ដ៏មមាញឹកបំផុតទាំង១០នៅលើពិភពលោក។ខាងក្រោមនេះគឺជាចំនួនភ្ញៀវទេសចរ ដែលធ្វើដំណើរតាមជើងហោះហើរអន្តរជាតិ ដ៏មមាញឹកបំផុតទាំង១០ នៅលើពិភពលោកក្នុងឆ្នាំ២០២៣។

ទី១. ជើងហោះហើរពីទីក្រុងគូឡាឡាំពួ -ទៅទីក្រុងសិង្ហបុរី មានភ្ញៀវទេសចរចំនួន៤.៨៩១.៩៥២នាក់។
ទី២. ជើងហោះហើរពីទីក្រុងCairo- ទៅទីក្រុងJeddah មានភ្ញៀវទេសចរចំនួន៤.៨៩១.៩៥២នាក់។
ទី៣.ជើងហោះហើរពីទីក្រុងហុងកុង -ទៅទីក្រុងតៃប៉ិ មានភ្ញៀវទេសចរចំនួន៤.៥៦៨.២៨០នាក់។
ទី៤.ជើងហោះហើរពីទីក្រុងសេអ៊ូល -ទៅទីក្រុងអូសាកា មានភ្ញៀវទេសចរចំនួន៤.២១៨.៤៨៤នាក់។
ទី៥. ជើងហោះហើរពីទីក្រុងសេអ៊ូល -ទៅទីក្រុងតូក្យូ មានភ្ញៀវទេសចរចំនួន៤.១៥៥.៤១៨នាក់។
ទី៦.ជើងហោះហើរពីទីក្រុងឌូបៃ -ទៅទីក្រុងរីយ៉ាដ មានភ្ញៀវទេសចរចំនួន៣.៩៩០.០៧៦នាក់។
ទី៧.ជើងហោះហើរពីទីក្រុងហ្សាកាតា -ទៅទីក្រុងសិង្ហបុរី មានភ្ញៀវទេសចរចំនួន៣.៩១០.៥០២នាក់។
ទី៨.ជើងហោះហើរពីទីក្រុងញូវយ៉ក -ទៅទីក្រុងឡុងដ៍ មានភ្ញៀវទេសចរចំនួន៣.៨៧៨.៥៩០នាក់។
ទី៩.ជើងហោះហើរពីទីក្រុងបាងកក -ទៅទីក្រុងសិង្ហបុរី មានភ្ញៀវទេសចរចំនួន៣.៤៧៨.៤៧៤នាក់។
ទី១០.ជើងហោះហើរពីទីក្រុងបាងកក ទៅទីក្រុងសេអ៊ូល មានភ្ញៀវទេសចរចំនួន៣.៣៦២.៩៦៨នាក់៕

ប៉ូលីសវៀតណាមបានចាប់ឃុំខ្លួនអនុរដ្ឋមន្ត្រីក្រសួងមួយរូបពីបទពុករលួយ និងគ្រប់គ្រងទ្រព្យសម្បត្តិរដ្ឋមិនត្រឹមត្រូវ

ដោយ: គង់ លាងហួរ

ហាណូយៈ មន្ត្រីជាន់ខ្ពស់របស់វៀតណាមម្នាក់ ត្រូវបានប៉ូលីសចាប់ខ្លួន ពីបទស៊ីសំណូកសូកប៉ាន់ ការរំលោភអំណាច និងការគ្រប់គ្រងទ្រព្យសម្បត្តិរដ្ឋមិនត្រឹមត្រូវ ពាក់ព័ន្ធនឹងក្រុមហ៊ុនពាណិជ្ជកម្មប្រេង។

យោងតាមក្រសួងសន្តិសុខ របស់ប្រទេសវៀតណាមបានឱ្យដឹងកាលពីថ្ងៃព្រហស្បតិ៍ ទី២១ ខែធ្នូ ថា ប៉ូលីសវៀតណាមបានចាប់ខ្លួនអនុរដ្ឋមន្ត្រីក្រសួងឧស្សាហកម្ម និងពាណិជ្ជកម្មលោកDo Thang Hai ក្រោមការចោទប្រកាន់ពីបទស៊ីសំណូក។

ក្រសួងសន្តិសុខសាធារណៈ ដែលគ្រប់គ្រងដោយប៉ូលិសបានឱ្យដឹងនៅក្នុងសេចក្តីថ្លែងការណ៍មួយថា លោក Hai ត្រូវបានឃុំខ្លួន ដែលជាផ្នែកមួយ នៃការស៊ើបអង្កេតលើការចោទប្រកាន់ថា លោកបានប្រព្រឹត្តខុស នៅឯក្រុមហ៊ុនពាណិជ្ជកម្មប្រេងមួយ កន្លែងនៅភាគខាងត្បូងប្រទេសវៀតណាម។
ការចាប់ខ្លួននេះកើតមានឡើង ស្របពេលដែលប្រទេសវៀតណាម កំពុងបើកយុទ្ធនាការប្រឆាំងអំពើពុករលួយ។ ក្រោមយុទ្ធនាការនេះ មន្ត្រីរាប់រយនាក់ត្រូវបានស៊ើបអង្កេត និងជាច្រើននាក់ត្រូវបានបង្ខំឱ្យលាលែងពីតំណែង រួមទាំងអតីតប្រធានាធិបតីវៀតណាមលោក Nguyen Xuan Phuc និងឧបនាយករដ្ឋមន្ត្រីពីររូបផងដែរ។

កាសែតរដ្ឋវៀតណាម Tuoi Tre បានរាយការណ៍ថា កាលពីថ្ងៃព្រហស្បតិ៍ម្សិលមិញនេះ ប៉ូលីសក៏បានចុះទៅឆែកឆេរផ្ទះរបស់លោក Hai និងការិយាល័យរបស់លោកផងដែរ។ទោះជាយ៉ាងនេះក្តី ក្រសួងឧស្សាហកម្ម និងពាណិជ្ជកម្មរបស់ប្រទេសវៀតណាម មិនបានឆ្លើយតបភ្លាមៗ ចំពោះសំណើសុំការអត្ថាធិប្បាយរបស់សារពត៌មាន Reuters នោះទេ។

លោក Hai បានធ្វើជាអ្នកនាំពាក្យក្រសួងពាណិជ្ជកម្មអស់ជាច្រើនឆ្នាំមកហើយ។ លោកបានធ្វើជាអនុរដ្ឋមន្ត្រីតាំងពីឆ្នាំ២០១៤មកម្ល៉េះ។ នៅក្រសួង លោកទទួលបន្ទុកលើនាយកដ្ឋានទីផ្សារក្នុងស្រុក នាយកដ្ឋានទីផ្សារអឺរ៉ុប-អាមេរិក ការិយាល័យឧស្សាហកម្ម ព្រមទាំងផ្តល់ការណែនាំដោយផ្ទាល់លើវិស័យនានាដូចជាប្រេងឥន្ធនៈ ការផ្សព្វផ្សាយពាណិជ្ជកម្ម និងទីផ្សារនៃបណ្តាប្រទេសអឺរ៉ុប និងអាមេរិក៕

កម្ពុជា ចិន នឹងបើកព្រឹត្ដិការណ៍ឆ្នាំនៃការផ្លាស់ប្ដូរប្រជាជននិងប្រជាជនជាផ្លូវការ នៅតំបន់អង្គរក្នុងខែមករា ឆ្នាំ២០២៤ខាងមុខ

ដោយៈ គង់ សូរិយា

ភ្នំពេញៈ ស្វាគមន៍នៅឆ្នាំ២០២៤មកដល់ រដ្ឋាភិបាលកម្ពុជា ចិននឹងបើកព្រឹត្តិការណ៍ឆ្នាំ នៃការផ្លាស់ប្តូរប្រជាជន និងប្រជាជននៃប្រទេសទាំងពីរ ដែលគេរំពឹងថា នឹងនាំមកនូវលំហូរភ្ញៀវទេសចរណ៍ និងការវិនិយោគ។

លោកជុក ជំនោ អគ្គនាយក នៃអគ្គនាយដ្ឋានអភិវឌ្ឍន៍ផលិតផលទេសចរណ៍នៃក្រសួងទេសចរណ៍បានឱ្យដឹងថា បន្ទាប់ពីមានកិច្ចពិភាក្សាមួយ រវាងក្រសួងវប្បធម៌និងវិចិត្រសិល្បៈរបស់កម្ពុជា និងក្រសួងវប្បធម៌របស់ប្រទេសចិន នៅខេត្តសៀមរាប នាថ្ងៃទី២១ ខែធ្នូឆ្នាំ២០២៣ ក្នុងការត្រៀមបើកព្រឹត្ដិការណ៍ឆ្នាំ នៃការផ្លាស់ប្ដូរប្រជាជននិងប្រជាជន រវាងប្រទេសទាំងពីរ ដែលធ្វើឡើងនៅតំបន់អង្គរនោះ ក្រសួងទាំងពីរ បានកំណត់យកថ្ងៃទី១៤ ខែមករា ឆ្នាំ២០២៤ខាងមុខនេះជាព្រឹត្ដិការណ៍ឆ្នាំ នៃការផ្លាស់ប្ដូរប្រជាជន និងប្រជាជនរវាងប្រទេសកម្ពុជា និងប្រទេសចិន ។លោកបន្តថា ព្រឹត្ដិការណ៍នេះ សិល្បករល្បីៗមកពីប្រទេសចិន និងកម្ពុជា សម្ដែងសិល្បៈវប្បធម៌រួមគ្នា ដើម្បីបង្កើតចំណងមិត្ដភាពប្រទេសទាំងពីរ ជាពិសេសធ្វើយ៉ាងណា ឱ្យមានការទាក់ទាញអ្នកទេសចរចិន ទៅទស្សនាប្រទេសកម្ពុជា ឱ្យកាន់តែច្រើនជាបន្ដបន្ទាប់ ព្រោះនៅក្នុងព្រឹត្ដិការណ៍នោះ មានគណៈប្រតិភូចិនប្រមាណមួយពាន់នាក់ចូលរួមទស្សនា និងសិល្បៈករនៃប្រទេសចិនប្រមាណ១០០នាក់ ព្រមទាំងសិល្បៈករខ្មែរជាច្រើននាក់ផងដែរ ហើយក្រោយពីបញ្ចាប់ពីព្រឹត្ដិការណ៍នេះ ប្រទេសទាំងពីរនៅតែបន្ដរួមគ្នា ផ្សព្វផ្សាយគោលដៅទេសចរណ៍អង្គរ ឱ្យកាន់តែច្រើននៅក្នុងឆ្នាំ២០២៤នេះ ។ លោកជុក ជំនោ បន្ដទៀតថា នៅឆ្នាំ២០២៤ខាងមុននេះ រដ្ឋាភិបាលប្រទេសទាំងពីរ បានកំណត់នៃការគោរពពិធីនេះជាសំខាន់ ដូចនេះ ក្រុមការងារនៃក្រសួងវប្បធម៌និងទេសចរចិន ព្រមទាំងស្ថាប័នពាក់ព័ន្ធប្រទេសកម្ពុជា បានជួបជុំពិភាក្សាគ្នា ត្រៀមបើកព្រឹត្ដិការណ៍នេះឱ្យបានទូលំទូលាយ ដោយអោយអ្នកទស្សនាពីការសម្បែងសិល្បៈរួមគ្នា នៅតំបន់អង្គរ ខណៈដែលព្រឹត្ដិការណ៍នេះ ធ្វើឡើងជាផ្លូវការលើកទីមួយ ក្រោយពីបញ្ចប់វិបត្ដិជំងឺកូវី១៩។

លោកអះអាងថា ព្រឹត្ដិការណ៍នេះ មិនត្រឹមតែទាក់ទាញអ្នកទេសចរចិន មកកាន់ទីផ្សារកម្ពុជាប៉ុណ្ណោះទេ ថែមទាំងបានរិតចំណងមិត្ដភាពប្រជាជន និងប្រជាជន វប្បធម៌ អរិយធម៌ ប្រពៃណីនៃប្រទេសទាំងពីរថែមមួយកំរិតទៀត។ ព្រឹត្ដិការណ៍នេះ នឹងបើកទស្សនាដោយទូលាយ៕

តើទីផ្សារដីធ្លីនៅប្រទេសវៀតណាម ថៃ និងឥណ្ឌូនេស៊ីស្ថានភាព បែបណាក្នុងឆ្នាំនេះ?

ដោយ: គង់ លាងហួរ

អន្តរជាតិ: ប្រសិនបើយើងនិយាយអំពីវិស័យអចលនទ្រព្យ នោះយើងជាក់ជានឹកឃើញភ្លាម ដល់ផ្នែកខុនដូ ឬអាផាតម៉ិន ប៉ុន្តែក្នុងនោះ ផ្នែកដីឡូតិ៍ក៏ទទួលបានការចាប់អារម្មណ៍ ពីអ្នកវិនិយោគគួរឱ្យកត់សម្គាល់ផងដែរ ព្រោះហាងឆេងដី អាចមានការប្រែប្រួលខ្លាំង អាស្រ័យលើកត្តាជាច្រើន។

ដូច្នេះហើយ ខាងក្រោមនេះគឺជាការសិក្សាស្រាវជ្រាវ និងចងក្រងចំណុចមួយចំនួន ទាក់ទងនឹងទីផ្សារដីធ្លីនៅតំបន់អាស៊ាន៖

ទី១: ប្រទេសវៀតណាម
យោងតាមគេហទំព័រអចលនទ្រព្យ លំដាប់លេខ១របស់វៀតណាម Batdongsan.com បានឱ្យដឹងថា ការលក់ឡាយឡុងដីឡូតិ៍បានថយចុះ នៅក្នុងឆមាសទី២ ឆ្នាំ២០២៣ ហើយផ្នែកនេះនៅតែមានប្រជាប្រិយភាពបំផុត នៅលើទីផ្សារអចលនទ្រព្យ។

លោក Dinh Minh Tuan នាយកតំបន់ភាគខាងត្បូងរបស់គេហទំព័រ Batdongsan បានអះអាងថា ការបង្ហោះលក់ឡាយឡុងដីឡូតិ៍ នៅលើគេហទំព័រBatdongsan បានធ្លាក់ចុះយ៉ាងខ្លាំងគិតចាប់តាំងពីពាក់កណ្តាលឆ្នាំ២០២៣នេះមក។ លោកបានបន្តថា ផ្នែកដីឡូតិ៍នៅតែទទួលបានការចាប់អារម្មណ៍ខ្លាំងបំផុតក្នុងចំណោមអ្នកវិនិយោគ។

យោងតាមការស្ទង់មតិនាពេលថ្មីៗនេះ ដោយគេហទំព័រ Batdongsan បានបង្ហាញថា មួយភាគបីនៃអ្នកចូលរួមបានឆ្លើយថា ពួកគេភាគច្រើន ចាប់អារម្មណ៍លើផ្នែកដីធ្លី នៅឆ្នាំ២០២៤ ដោយ៣០%នៃអ្នកចូលរួមជឿជាក់ថា ទីផ្សារដីធ្លីនឹងងើបឡើងវិញនៅត្រីមាសទីមួយឆ្នាំក្រោយ។

លោក Tuan បានពន្យល់ថា ទោះបីជាតម្លៃដីមានស្ថិរភាពយ៉ាងណាក្តី ប៉ុន្តែទំហំនៃការជួញដូរដីធ្លី មិនបានត្រឡប់ទៅកាន់កម្រិតមុនជំងឺកូវីដនោះទេ ដែលបណ្តាលមកពីកង្វះសាច់ប្រាក់ ងាយស្រួលក្នុងអំឡុងពេលមានវិបត្តិសេដ្ឋកិច្ច។

លោកបានបន្ថែមថា ក្នុងចំណោមឈ្មួញកណ្តាលអចលនទ្រព្យជាង៥០០នាក់ ដែលបានចូលរួមក្នុងការស្ទង់មតិខាងលើនេះ ក្នុងនោះ៤០%នៃពួកគេ បានដឹងថា ចំនួននៃប្រតិបត្តិការទិញ-លក់ដីធ្លីបានធ្លាក់ចុះក្នុងរយៈពេលប្រាំមួយខែកន្លងមកនេះ។

ទី២: ប្រទេសថៃ
តម្លៃដីធ្លីនៅក្នុងទីក្រុងបាងកក និងតំបន់ជាយក្រុង ដែលមានប្រជាពលរដ្ឋសរុបប្រមាណ១០លាននាក់ ត្រូវបានស្ថាប័នជំនាញថៃអះអាងថា នៅតែបន្តកើនឡើង ប៉ុន្តែទោះបីជាយ៉ាងណាក្តី វាកើនឡើង នៅក្នុងល្បឿនមួយដ៏យឺត បើធៀបនឹងមុនមានវិបត្តិជំងឺកូវីដ-១៩ ។

បច្ចុប្បន្នដី ដែលថ្លៃបំផុតនៅទីក្រុងបាងកក គឺមានតម្លៃប្រមាណជា២៥.០០០ដុល្លារ ក្នុងមួយម៉ែត្រការ៉េ ខណៈដែលដីនៅជាយក្រុង អាចមានតម្លៃប្រមាណ៥០០ដុល្លារ ក្នុងមួយម៉ែត្រការ៉េ។

យោងតាមសារព័ត៌មាន The Nation បានចុះផ្សាយថា តម្លៃដីនៅទីក្រុងបាងកក និងជាយក្រុងបាងកក បានកើនឡើងខ្ពស់នៅក្នុងត្រីមាសទី២នៃឆ្នាំនេះ ប៉ុន្តែក្នុងល្បឿនយឺតជាង ធៀបនឹងត្រីមាសទីមួយ និងយឺតជាងឆ្នាំមុន។

លោក Vichai Viratkapan នាយកស្តីទីនៃមជ្ឈមណ្ឌលព័ត៌មានអចលនទ្រព្យ(REIC) បានលើកឡើងថា សន្ទស្សន៍តម្លៃដី ដែលគ្មានការសាងសង់អគារនៅទីក្រុងបាងកក និងជាយក្រុងបាងកក ក្នុងត្រីមាសទីពីរឆ្នាំនេះ ស្ថិតក្នុងរង្វង់១៧៦,៥ពិន្ទុ ដោយកើនឡើងជាង ៦% បើធៀបនឹងរយៈពេលដូចគ្នាកាលពីឆ្នាំមុន ប៉ុន្តែបើធៀបនឹងត្រីមាសទី១ គឺបានធ្លាក់ចុះ២,៤% ។

ទី៣: ប្រទេសឥណ្ឌូនេស៊ី
គិតនៅត្រឹមត្រីមាសទីពីរនៃឆ្នាំ២០២៣នេះ ដីធ្លី ដែលស្ថិតក្នុងតំបន់ឧស្សាហកម្មនៅទីក្រុងហ្សាកាតា មានតម្លៃជាមធ្យមប្រមាណ៥,៧៥លានរូពៀ(ប្រហែល៣៧១ដុល្លារអាមេរិក) ក្នុងមួយម៉ែត្រការ៉េ។

ហ្សាការតាគឺជារដ្ឋធានី និងជាមជ្ឈមណ្ឌលហិរញ្ញវត្ថុរបស់ប្រទេសឥណ្ឌូណេស៊ី។ ដូច្នេះហើយ វាមិនគួរឱ្យភ្ញាក់ផ្អើលទេ ដែលតម្លៃដីជាមធ្យមនៅទីនោះ គឺមានកម្រិតខ្ពស់ជាងខ្លាំង បើប្រៀបធៀបទៅនឹងតំបន់ដាច់ស្រយាលផ្សេងទៀត៕

1...812813814...3,380 Page 813 of 3,380