ដោយ: គង់ លាងហួរ
វៀងច័ន្ទ: កាសែត Bangkok Post បានចុះផ្សាយថា នាយករដ្ឋមន្ត្រីថៃ លោក សេដ្ឋា ថាវីស៊ីន បានបំពេញទស្សនកិច្ចនៅប្រទេសឡាវ កាលពីថ្ងៃចន្ទ ហើយបានស្នើឱ្យប្រទេសទាំងពីរ សាងសង់ស្ពានផ្លូវដែកថ្មីមួយ ដើម្បីជួយសម្រួលដល់ការធ្វើពាណិជ្ជកម្មទ្វេរភាគីបន្ថែមទៀត។
លោក Chai Wacharonke អ្នកនាំពាក្យរបស់រដ្ឋាភិបាលថៃ បានមានប្រសាសន៍ឱ្យដឹងថា លោក សេដ្ឋា បានស្នើឱ្យប្រទេសទាំងពីរ ធ្វើការកែលម្អការដឹកជញ្ជូន និងពាណិជ្ជកម្មទ្វេរភាគី ហើយប្រែក្លាយប្រទេសឡាវ និងភាគឦសាននៃប្រទេសថៃ ទៅជា “តំបន់រីកចម្រើនរួមគ្នា” ។
គោលបំណងនៃការបង្កើត តំបន់រីកចម្រើនរួមគ្នានេះ គឺដើម្បីបង្កើនទំហំពាណិជ្ជកម្មទ្វេរភាគី ឱ្យហក់ឡើងដល់១១ពាន់លានដុល្លារអាមេរិកនៅត្រឹមឆ្នាំ២០២៥។
ក្នុងឱកាសនៃដំណើរទស្សនកិច្ច ទៅកាន់ប្រទេសឡាវនោះ លោក សេដ្ឋា បានស្នើគម្រោងសាងសង់ស្ពាន ផ្លូវរថភ្លើងថ្មីមួយ ឆ្លងកាត់ទន្លេមេគង្គ ដោយតភ្ជាប់ពីខេត្ត Nong Khai របស់ប្រទេសថៃទៅកាន់ទីក្រុងវៀងចន្ទន៍ប្រទេសឡាវ។
លោក Chai បានបន្តថា រដ្ឋាភិបាលថៃបានត្រៀមខ្លួនរួចជាស្រេច ក្នុងការផ្តល់ប្រាក់កម្ចីដល់ប្រទេសឡាវ ដើម្បីផ្តល់មូលនិធិដល់គម្រោងនេះ ខណ:ប្រទេសថៃ ក៏មានចំណាប់អារម្មណ៍ក្នុងការនាំចូលថាមពលស្អាតបន្ថែមទៀត ពីប្រទេសឡាវ ដើម្បីជំរុញកំណើនឧស្សាហកម្មរបស់ខ្លួន។
អ្នកនាំពាក្យរបស់រដ្ឋាភិបាលថៃ រូបនេះអះអាងទៀតថា ភាគីទាំងពីរ ក៏បានឯកភាពគ្នាជាគោលការណ៍ ក្នុងការកសាងស្ពានមិត្តភាពទី៦ តភ្ជាប់ពីខេត្ត Ubon Ratchathani ទៅកាន់ខេត្ត Salavan ក្នុងប្រទេសឡាវផងដែរ។
លើសពីនេះ លោក សេដ្ឋា ថាវីស៊ីន បានសន្យាថា ប្រទេសថៃនឹងជួយអភិវឌ្ឍហេដ្ឋារចនាសម្ព័ន្ធមូលដ្ឋាន ដើម្បីប្រែក្លាយប្រទេសឡាវដែលគ្មានកំពង់ផែសមុទ្រ ទៅជាប្រទេសដែលមានផ្លូវគមនាគមន៍ដឹកជញ្ជូនតភ្ជាប់ទៅកាន់ពិភពលោក៕
លោកអភិបាលខេត្តបានបង្ហាញថា បច្ចុប្បន្ន រដ្ឋបាលខេត្តព្រះសីហនុ បានចូលរួមយ៉ាងសកម្ម ក្រោមការចង្អុលបង្ហាញពីគណៈកម្មាធិការសម្របសម្រួល អន្តរក្រសួងរៀបចំផែនការមេ ដើម្បីអភិវឌ្ឍខេត្តព្រះសីហនុ ទៅជាតំបន់សេដ្ឋកិច្ចគំរូពហុបំណង ដោយបានសិក្សាបែងចែកជាតំបន់លំនៅឋាន ពាណិជ្ចកម្ម ឧស្សាហកម្ម រដ្ឋបាល ហិរញ្ញវត្ថុ ទេសចរណ៍ តំបន់សាសនា និងវប្បធម៌ជាដើម ។
យោងតាមគណៈកម្មាធិការគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា បានឱ្យដឹងថា ប្រទេសកម្ពុជាមានឆ្នេរសមុទ្រ លាតសន្ធឹងប្រវែង៤៤០គីឡូម៉ែត្រ ដោយរាប់បញ្ចូលខេត្តចំនួន៤ រួមមាន ខេត្តព្រះសីហនុ ខេត្តកោះកុង ខេត្តកំពត និងខេត្តកែប។
ធនធានសមុទ្រយ៉ាងច្រើនអនេក ដែលមាននៅតាមតំបន់មាត់សមុទ្រ និងកោះនានា ជាពិសេសនៅក្នុងខេត្តព្រះសីហនុ ដែលគេឃើញមានឆ្នេរសមុទ្រស្អាតៗ ទឹកសមុទ្រខៀវស្រងាត់ ទេសភាពស្រស់បំព្រង ត្រីសមុទ្រតូចធំ និងផ្កាថ្ម រួមជាមួយនឹងហេដ្ឋារចនាសម្ព័ន្ធទ្រទ្រង់ថ្មីៗជាច្រើន៕
លោកស៊ុន ចាន់ថុល បានសម្តែងការស្វាគមន៍ និងអរគុណវិនិយោគិនជប៉ុន ដែលបានពង្រឹង និងពង្រីកប្រតិបត្តិការធុរកិច្ច និងវិនិយោគនៅកម្ពុជា ដែលទាំងនេះគឺជាការឆ្លុះបញ្ចាំង ឱ្យឃើញពីការផ្តល់សេចក្តីទុកចិត្ត ពីសំណាក់វិនិយោគិនជប៉ុន មកលើរាជរដ្ឋាភិបាលកម្ពុជា ជាពិសេសការចាប់យកឱកាស ដ៏អំណោយផលពីច្បាប់វិនិយោគថ្មីរបស់កម្ពុជា និងលក្ខខណ្ឌទីផ្សារនាំចេញដ៏ល្អ ដែលកម្ពុជាកំពុងមានពីសំណាក់ប្រទេសធំៗជាច្រើនលើពិភពលោក។
លោកបានបញ្ជាក់ថា “នេះឆ្លុះបញ្ចាំងឱ្យឃើញពីការផ្តល់នូវសេចក្តីទុកចិត្ត ពីសំណាក់វិនិយោគិនបរទេសនិយាយជារួម និយាយដោយឡែកវិនិយោគិនជប៉ុន មកលើរាជរដ្ឋាភិបាលកម្ពុជា ជាពិសេសការច្បាមយកកាលានុវត្តភាព ជាអតិបរមាពីកត្តាសុខសន្តិភាព ស្ថិរភាពម៉ាក្រូសេដ្ឋកិច្ច បរិស្ថានវិនិយោគដែលមានភាពអនុគ្រោះ និងរបបវិនិយោគ ដែលបើកចំហអំណោយផល សម្រាប់ការវិនិយោគ និងធានាបាននូវភាពប្រកួតប្រជែង”។
កិច្ចប្រជុំទ្វេភាគីនេះ គឺជាផ្នែកមួយនៃយន្តការថែរទាំវិនិយោគដែលត្រូវបានរៀបចំឡើង ចាប់តាំងពីថ្ងៃទី១១ ខែសីហា ឆ្នាំ២០០៩ ក្រោមក្របខ័ណ្ឌ នៃកិច្ចព្រមព្រៀងរវាងកម្ពុជា និងជប៉ុន ស្តីពីសេរីភាវូបនីយកម្ម ការជំរុញ និងការការពារវិនិយោគ ដែលត្រូវបានចុះហត្ថលេខាដោយ អតីតនាយករដ្ឋមន្ត្រីកម្ពុជា លោក ហ៊ុន សែន និងអតីតនាយករដ្ឋមន្ត្រីជប៉ុន លោកស៊ីនហ្សូ អាបេ កាលពីថ្ងៃទី១៤ ខែមិថុនា ឆ្នាំ២០០៧។
ទាក់ទងការវិនិយោគលើវិស័យសំណង់ និងអចលនទ្រព្យនៅកម្ពុជា តើទទួលបានផលចំណេញដូចមុនឬទេ? អ្នកស្រីអាន សុធីតាអគ្គនាយិកាក្រុមហ៊ុនPropNex Cambodia បានមានប្រសាសន៍ថា ផលចំណេញពីការវិនិយោគនៅកម្ពុជា បានថយចុះអំឡុងវិបត្តិសេដ្ឋកិច្ច ដែលបណ្តាលមកពីជំងឺកូវីដ១៩ និងសង្រ្គាមរវាងរុស្ស៊ី អ៊ុយក្រែន និងភាពតានតឹងភូមិសាស្រ្តនយោបាយនានា។
តាមរយៈសេចក្តីព្រាងច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ ២០២៤ ដែលត្រូវបានគណៈរដ្ឋមន្ត្រីអនុម័តទាំងស្រុង នាចុងសប្តាហ៍មុននេះ បានបញ្ជាក់អំពីចំនួនថវិកា ដែលត្រូវគ្រោងចំនួន ៦៧៤.៥ ប៊ីលានរៀល សមមូលនឹងប្រមាណ១៦៥ លានដុល្លារ សម្រាប់បម្រើ ដល់ការធ្វើស្ថាបនូបនីយកម្មកម្មវិធីជាតិ ជំនួយសង្គមសម្រាប់គ្រួសារក្រីក្រ ក្រុមជនងាយរងគ្រោះនៅក្នុងគ្រួសារក្រីក្រ និង គ្រួសារងាររងហានិភ័យ នៅក្នុងគ្រាមានវិបត្តិសេដ្ឋកិច្ច និងគ្រាមានគ្រោះអាសន្ន។
កិច្ចប្រជុំបានប្រព្រឹត្តទៅនៅទីក្រុងហូជីមិញ ប្រទេសវៀតណាម ដោយមានការចូលរួមពីសំណាក់ មន្រ្តីជាន់ខ្ពស់នៃក្រសួង ស្ថាប័ន និងរដ្ឋបាលខេត្តពាក់ព័ន្ធ របស់ភាគីទាំងសងខាង ព្រមទាំងសម្រេចបានលទ្ធផលប្រកបដោយផ្លែផ្កា។
