ដោយៈ គង់ ហ្វីអូណា

        សៀមរាបៈ គិតត្រឹមថ្ងៃទី៣០ ខែមិថុនា ឆ្នាំ២០២៣នេះ ការងារសាងសង់អាកាសយានដ្ឋាន អន្តរជាតិសៀមរាបអង្គរ សម្រេចបានចំនួនជាង៩៨%ហើយ ដែលគ្រោងដាក់ឱ្យដំណើរការហោះហើរ នៅខែតុលាខាងមុខនេះ។

នេះបើតាមការបញ្ជាក់របស់លោកស៊ិន ចាន់សិរីវុត្ថាអនុរដ្ឋលេខា​​ធិការ និងជាអ្នកនាំពាក្យ រដ្ឋលេខាធិការដ្ឋានអាកាសចរស៊ីវិល។អាកាសយានដ្ឋាននេះមានឈ្មោះជាផ្លូវការថា “អាកាសយានដ្ឋានអន្តរជាតិសៀមរាបអង្គរ” ជាអក្សរឡាតាំង “SIEM REAP ANGKOR INTERNATIONAL AIRPORT” និងមានឈ្មោះជាកូដអក្សរVDSA (ICAO code) និង SAI (IATA code)។ទម្រង់វិនិយោគ “សាងសង់-អាជីវកម្ម-ផ្ទេរ/BOT” គឺជាការកសាងហេដ្ឋារចនាសម្ព័ន្ធថ្មី (greenfield) ទាំងស្រុងលើផ្ទៃដីទំហំ ៧០០.០៦ហិកតា និងមានដីបម្រុងប្រមាណ១ ០០០ហិកតា សម្រាប់កសាងតំបន់សេដ្ឋកិច្ចពិសេស/ តំបន់ឧស្សាហកម្មរណបឱ្យអាកាសយានដ្ឋានអន្តរជាតិសៀមរាបអង្គរ ដែលអាចហៅថា “ទីក្រុងអាកាសយានដ្ឋាន/Airport City”នាពេលខាងមុខ។

ទុនវិនិយោគអាកាសយានដ្ឋាន អន្តរជាតិសៀមរាបអង្គរ មានចំនួនប្រមាណ៨៨០លានដុល្លារអាមេរិក ត្រូវបានកំណត់នៅឆ្នាំ២០១៩ ប៉ុន្តែតម្រូវការនៃទុនវិនិយោគនេះ បានកើនឡើងរហូតដល់ ១ ១០០លានដុល្លារអាមេរិក នៅឆ្នាំ២០២២។លោកស៊ិន ចាន់សិរីវុត្ថា បញ្ជាក់ឱ្យដឹងថា សម្រាប់ការទទួលយកបុគ្គលិកពីព្រលានយន្តហោះចាស់ មកព្រលានយន្តហោះថ្មី ទៅតាមការស្ម័គ្រចិត្ដ កំពុងតែវិវត្តន៍ដោយរលូន ប្រកបដោយផ្លែផ្កាគួរជាទីមោទនៈ ហើយក្រុមហ៊ុនប្រតិបត្ដិករអាកាសយានដ្ឋានថ្មីនេះ បាននិងទទួលយកទាំងអស់ នូវបុគ្គលិកទាំងឡាយណា ដែលមានបំណងមកបម្រើការងារនៅអាកាសយានដ្ឋានថ្មីនេះ ដោយអនុលោមទៅតាមក្រប ខណ្ឌគតិយុត្តិ និងគោលការណ៍ឈ្នះ-ឈ្នះ តួនាទី និងភារកិច្ច (អាជីព) របស់បុគ្គលិកដែលធ្លាប់បម្រើការងារ នៅអាកាសយានដ្ឋានចាស់នឹងត្រូវបានរក្សាដូចតួនាទីដដែល ធ្លាប់មានកន្លងមក ឬអាចទទួលបានប្រសើរជាងមុន (អាស្រ័យទៅលើការវាយតម្លៃ និងវាស់វែងសមត្ថភាពជាក់ស្តែង) ក្នុងនោះដែរ។ចំពោះអ្នកដែលមានបំណងផ្លាស់ប្ដូរអាជីព ក៏ត្រូវទទួលបានការអនុញ្ញាតផងដែរ បច្ចុប្បន្នក្រុមហ៊ុនប្រតិបត្តិករ បាននិងកំពុងជ្រើសរើសបុគ្គលិកខាងក្រៅបន្ថែមជាបណ្តើរៗ ធ្វើការបណ្ដុះបណ្ដាលជំនា​ញ ដើម្បីបំពេញបន្ថែមស្របតាមតម្រូវការ។

ចំណែកកិច្ចការសម្របសម្រួល ក្នុងការបិទអាកាសយានដ្ឋានចាស់ ដើម្បីឈានទៅបើកអាកាសយានដ្ឋានថ្មី កំពុងតែវិវត្តន៍ស្របទៅតាមលក្ខខណ្ឌ និងបែបបទបច្ចេកទេស ស្របទៅតាមតារាងកម្មវិធី និងពេលវេលាដូចដែលបានឯកភាព និងព្រាងទុកផងដែរ។

ចំពោះការទទួលបាននូវវិញ្ញាបនបត្រ អាកាសយានដ្ឋាន (Aerodrome Certificate) រដ្ឋលេខាធិការដ្ឋានអាកាសចរស៊ីវិល បាន និងកំពុងផ្តល់កិច្ចសហការសម្របសម្រួល និងផ្ដល់ការគាំទ្រជាបន្តបន្ទាប់ដល់ក្រុមហ៊ុនប្រតិបត្តិករ ក្នុងការបំពេញបាននូវលក្ខខណ្ឌតម្រូវការបច្ចេកទេស និងភាពអនុលោមសុវត្ថិភាពមួយចំនួនធំបន្ថែមទៀត ដើម្បីទទួលបាននូវវិញ្ញាបនបត្រនេះ មុននឹងបើកដាក់ឱ្យដំណើរការអាកាសយានដ្ឋានថ្មីជាផ្លូវការ។ បន្ទាប់ពីដំណាក់កាលទី១ត្រូវបានបញ្ចប់ អាកាសយានដ្ឋានអន្តរ​ជាតិសៀមរាបអង្គរ នឹងមានសមត្ថភាព ទទួលបានការចុះចតយន្តហោះរហូតដល់យន្តហោះធុនធំ ដែលប្រើប្រាស់កូដអ៊ី (Code E: A-340-300, A350-900 នឹង B777-200/300ER, B747-300/400) ដែលមានចំណតយន្តហោះចំនួន៣៨ចំណត អាចទទួលអ្នកដំណើរបានពី៧លាននាក់/ឆ្នាំ(២០២៣) ទៅ១០.៥លាននាក់/ឆ្នាំ (ឆ្នាំ២០៣០-២០៤០) ហើយអាចទទួលជើងហោះហើរបានពី ៥៨,០០០ជើង/ឆ្នាំ (២០២៣) ទៅ៨៦,០០០ជើង/ឆ្នាំ (២០៣០-២០៤០) និងអាចទទួលទំនិញ តាមផ្លូវអាកាសពី១០,០០០តោន/ឆ្នាំ (២០២៣) ទៅ ៣០,០០០តោន/ឆ្នាំ (២០៣០-២០៤០)។

ការសាងសង់ផ្លូវហាយវេពិសេស ដែលមានប្រវែង២៤.៥គីឡូ​ម៉ែត្រ ពីអាកាសយានដ្ឋានអន្តរជាតិសៀមរាបអង្គរ ទៅកាន់ទីរួមខេត្តសៀមរាប (ផ្លូវហាយវេអាកាសយានដ្ឋាន) សម្រេចបាន៩៤% ដែលផ្លូវនេះត្រូវបានតភ្ជាប់ពីផ្លូវជាតិលេខ៦ ត្រង់បង្គោលគីឡូម៉្រែតលេខ២៩៤ ត្រង់ទៅកាន់អាកាសយានដ្ឋាន។ ការសាងសង់ផ្លូវហាយវេអាកាសយានដ្ឋាននេះ គ្រោងនឹងបញ្ជប់នៅខែកញ្ញា ឆ្នាំ២០២៣។ លោកស៊ិន ចាន់សិរីវុត្ថា បន្តថា តាមការគ្រោងទុក អាកាសយានដ្ឋានអន្ដរជាតិសៀមរាបអង្គរថ្មីនេះ គ្រោងនឹងដាក់ឲ្យសម្ពោធជាផ្លូវការ នៅពាក់កណ្ដាលខែតុលា ឆ្នាំ២០២៣ ក្រោមអធិបតីភាពរបស់សម្ដេចតេជោ ហ៊ុន សែន ​នាយករដ្ឋមន្ដ្រីនៃកម្ពុជា និងថ្នាក់ដឹកនាំជាន់ខ្ពស់ របស់រាជរដ្ឋាភិបាលសាធារណរដ្ឋប្រជាមានិតចិន។

អាកាសយានដ្ឋានអន្តរជាតិសៀមរាប-អង្គរ បានចាប់ផ្តើមសាងសង់កាលពីខែមីនា ឆ្នាំ២០២០ ដោយក្រុមហ៊ុន Angkor International Airport Investment (Cambodia)Co.,Ltd (AIAI)។

ក្រុមហ៊ុនវិនិយោគអាកាសយានដ្ឋានអន្តរជាតិអង្គរ (AIAI) មានភាគហ៊ុនិក ទី១ ក្រុមហ៊ុនវិនិយោគយូណាន (Yunnan Investment Group) មានភាគហ៊ុនចំនួន ៧៦.៦% ទី២ ក្រុមហ៊ុនសំណង់យូណាន (Yunnan Construction Group) មានភាគហ៊ុនចំនួន ២០% និងទី៣ ក្រុមហ៊ុនគ្រប់គ្រង និងប្រតិបត្តិការអាកាសយានដ្ឋានយូណាន (Yunnan Airport Group) មានភាគហ៊ុនចំនួន ៣.៤%៕

ដោយៈ តែម សុខុម

បាងកក: ក្រុមហ៊ុន Starbucks Thailand ប្រចាំប្រទេសថៃ បានដាក់ចេញផែនការដ៏មហិច្ឆតា ជាមួយនឹងគម្រោងបើកហាងកាហ្វេ Starbucks ថ្មីៗរហូតដល់ទៅ៣៣៥សាខាពីឆ្នាំ២០២៣ ដល់ឆ្នាំ២០៣០។ នេះបើយោងតាមសារព័ត៌មាន Bangkok Post ចុះផ្សាយនៅថ្ងៃសុក្រ ទី៧ ខែកក្កដា នេះ។

លោកស្រី Nednapa Srisamai នាយកគ្រប់គ្រងក្រុមហ៊ុននេះថ្លែងថា យុទ្ធសាស្ត្រពង្រីកសាខានេះ នឹងធ្វើឱ្យចំនួនហាងកាហ្វេ Starbucks កើនឡើងរហូតដល់៨០០សាខា នៅក្នុងប្រទេសថៃ គិតត្រឹមឆ្នាំ២០៣០ ដោយកើនឡើងពីចំនួន៤៦៥សាខា នាពេលបច្ចុប្ប​ន្ន និងប្រមាណ៤៨០សាខានៅត្រឹមដំណាច់ឆ្នាំនេះ។លោកស្រីបន្ថែមទៀតថា “ចំណាត់ការនេះ បង្ហាញពីការប្ដេជ្ញាចិត្តរបស់ក្រុមហ៊ុនStarbucks ក្នុងការពន្លឿនកំណើននៅក្នុងប្រទេសថៃ ដែលជាទីផ្សារដ៏មានសក្ដានុពលបំផុតមួយ នៅអាស៊ីអាគ្នេយ៍”។

ទោះជាយ៉ាងណា លោកស្រីមិនបានទម្លាយព័ត៌មានលម្អិតអំពីចំនួនទុនដែលត្រូវវិនិយោគ សម្រាប់ការពង្រីកសាខាទាំងនេះឡើយ។

លោកស្រីបញ្ជាក់ថា “យើងនឹងបន្តបោះទុនវិនិយោគ នៅក្នុងប្រទេសថៃ ព្រោះយើងជឿជាក់លើសេដ្ឋកិច្ច របស់ប្រទេសនេះក្នុងរយៈពេលវែង”។លោកស្រីបន្ថែមថា “ប្រទេសថៃ បានក្លាយជាប្រទេសយុទ្ធសាស្ត្រសម្រាប់ក្រុមហ៊ុនStarbucks នៅអាស៊ីអាគ្នេយ៍ជាយូរមកហើយ ហើយយើងមានសុទិដ្ឋិនិយម ចំពោះអនាគតនៃការធ្វើជំនួញកាហ្វេនៅក្នុងប្រទេសនេះ”៕ Bangkok Post៕

ដោយៈ ហ្វីអូណា

ធនាគារជាតិនៃកម្ពុជាបានកត់សម្គាល់ឃើញថា ថ្មីៗនេះក្រុមហ៊ុនឯកជនមួយចំនួនបានផ្សព្វផ្សាយ ជាសាធារណៈយ៉ាងសកម្មតាមរយៈបណ្ដាញសង្គម ការចែកនាមប័ណ្ណ និងផ្ញើសារតាមទូរស័ព្ទជាដើម។ អាស្រ័យហេតុនេះ ធនាគារជាតិនៃកម្ពុជា សូមជម្រាបជូនសាធារណជនពីផលវិបាកធំៗ ដែលបណ្តាលមកពី ការប្រើប្រាស់កម្ចីខុសច្បាប់ ដូចខាងក្រោម ៖

• អតិថិជនអាចប្រឈមមុខនឹងបំណុលវ័ណ្ឌក ដោយសារអត្រាការប្រាក់និងកម្រៃសេវាផ្សេងៗ ខ្ពស់យ៉ាងខ្លាំងជាងគ្រឹះស្ថានដែលស្របច្បាប់ និងការគណនាការប្រាក់ពុំត្រឹមត្រូវតាមច្បាប់ និងបទប្បញ្ញត្តិ
• អតិថិជនអាចប្រឈមមុខនឹងការគំរាមកំហែង គៀបសង្កត់ គ្រោះថ្នាក់ ឬ រូបភាពផ្សេងៗ ដើម្បីបង្ខំឲ្យសងប្រាក់ដើម ការប្រាក់ និងប្រាក់ពិន័យដែលមិនសមហេតុផលទៅក្រុមហ៊ុនវិញ
• ទ្រព្យធានារបស់អតិថិជនអាចត្រូវបានក្រុមហ៊ុន… ឬអ្នកផ្ដល់កម្ចីខុសច្បាប់ រឹបអូសដោយ ពុំឆ្លងកាត់ការសម្រេចពីតុលាការ ជាដើម។

អាស្រ័យដូចបានជម្រាបជូនខាងលើ សូមសាធារណជនជ្រាបជាព័ត៌មាន និងស្នើសុំសាធារណជន បង្កើនការប្រុងប្រយ័ត្ន និងជៀសវាងការប្រើប្រាស់សេវាកម្មកម្ចីពីក្រុមហ៊ុន ឬ អ្នកផ្ដល់កម្ចីដែលគ្មានច្បាប់ អនុញ្ញាតទាំងនោះ។ … ទន្ទឹមនេះ ធនាគារជាតិនៃកម្ពុជាបានកំពុងនឹងស្នើសុំការសហការពីអាជ្ញាធរពាក់ព័ន្ធ ដើម្បីចាត់វិធានការតាមផ្លូវច្បាប់ទៅលើក្រុមហ៊ុន ឬ អ្នកផ្តល់កម្ចីខុសច្បាប់គ្រប់រូបភាពទាំងអស់។

ធនាគារជាតិនៃកម្ពុជា និងអគ្គស្នងការដ្ឋាននគរបាលជាតិ នឹងចាត់វិធានការតឹងរ៉ឹងតាមផ្លូវច្បាប់ ដល់ការផ្តល់ឥណទានខុសច្បាប់ និងការផ្សព្វផ្សាយនានាតាមគ្រប់រូបភាពពាក់ព័ន្ធនឹងការផ្តល់សេវា ហិរញ្ញវត្ថុដោយគ្មានច្បាប់អនុញ្ញាត។ទន្ទឹមនេះ ធនាគារជាតិនៃកម្ពុជា និងអគ្គស្នងការដ្ឋាននគរបាលជាតិ សូមសំណូមពរដល់ ប្រជាពលរដ្ឋត្រូវចៀសវាងដាច់ខាតចំពោះការខ្ចីប្រាក់ពីអ្នកផ្តល់សេវាហិរញ្ញវត្ថុក្រៅផ្លូវការដែលពុំមាន ការអនុញ្ញាតពីធនាគារជាតិនៃកម្ពុជា។ ដើម្បីឱ្យអាជ្ញាធរពាក់ព័ន្ធអាចចាត់វិធានការផ្លូវច្បាប់ទាន់ពេលវេលា សូមប្រជាពលរដ្ឋដែលមានព័ត៌មានពាក់ព័ន្ធនឹងសកម្មភាពផ្តល់ឥណទានខុសច្បាប់រាយការណ៍មក ធនាគារជាតិនៃកម្ពុជា តាមរយៈលេខទូរស័ព្ទចំនួន ៥ ខ្សែ៖ ០៨៥ ៦០០ ០០២, ០៨៥ ៦០០ ០០៣, ០៩៨ ២២០ ០០១, ០៩៨ ២២០ ០០២ និង ០៩៧ ២៧៨ ៣០៣០។ បន្ថែមពីនេះ ប្រជាពលរដ្ឋក៏អាច ប្រឹក្សា/សាកសួរអំពីចម្ងល់និងបញ្ហាពាក់ព័ន្ធនឹងការប្រើប្រាស់សេវាហិរញ្ញវត្ថុមកធនាគារជាតិនៃកម្ពុជា តាមរយៈលេខទូរស័ព្ទខាងលើផងដែរ។

ដោយ: គង់ លាងហួរ

អន្តរជាតិ: ក្រុមហ៊ុនសេវាកម្មអចលនទ្រព្យពាណិជ្ជកម្មសកល Cushman និង Wakefield បានអះអាងថា ការជួលផ្ទះនៅក្រុងហុងកុងត្រូវបានគេរំពឹងថា នឹងបន្តកើនឡើងនៅក្នុងឆមាសទីពីរ ឆ្នាំ២០២៣នេះ ទោះបីជាការប្រែប្រួលនៃតម្លៃផ្ទះ នៅតែបន្តកើតមានយ៉ាងណាក្តី។

ដំបូង ទីផ្សារលំនៅដ្ឋានបានមើលឃើញ ពីការងើបឡើងវិញនៃតម្លៃផ្ទះ បន្ទាប់ពីព្រំដែនទីក្រុងហុងកុង ជាមួយចិនដីគោកត្រូវបានបើកឡើងវិញកាលពីខែកុម្ភៈ។ នេះបើយោងតាមរបាយការណ៍ ដែលចេញផ្សាយដោយក្រុមហ៊ុន Cushman កាលពីថ្ងៃព្រហស្បតិ៍។ របាយ​ការណ៍​បាន​បន្ត​ថា តម្លៃ​ផ្ទះ​សម្រាប់ស្នាក់នៅ​យូរ បាន​កើន​ឡើង៤,៩ភាគរយ ​ក្នុង​រយៈ​ពេល៥ខែ​ចុង​ក្រោយ​នេះ ទោះ​បី​ជា​សន្ទស្សន៍​តម្លៃ​ផ្ទះ បាន​កត់ត្រា​ការ​ធ្លាក់​ចុះ ​ជាលើកដំបូង​របស់ខ្លួនក្នុង​ខែ​ឧសភាយ៉ាងណាក្តី។

លោកស្រី Rosanna Tang នាយកប្រតិបត្តិ និងជាប្រធានផ្នែកស្រាវជ្រាវនៅ Cushman បានលើកឡើងថា “អត្រាការប្រាក់ខ្ពស់ដ៏ជាប់លាប់ ការប្រែប្រួលទីផ្សារភាគហ៊ុនថ្មីៗ និងភាពតានតឹងភូមិសាស្ត្រនយោបាយ សុទ្ធតែមានទម្ងន់ទៅលើមនោសញ្ចេតនា និងអាចកាត់បន្ថយការងើបឡើងវិញនៃតម្លៃលំនៅដ្ឋាន”។

លោកស្រី Rosanna Tang បានបន្តថា ម្យ៉ាងវិញទៀត ទីផ្សារជួលផ្ទះ បានរាយការណ៍ពីកំណើនឡើងវិញ ចាប់តាំងពីមានការបើកព្រំដែនឡើងវិញ ហើយទីផ្សារជួល ក៏បានទទួលផលប្រយោជន៍ពីគម្រោង Top Talent Pass Scheme ដែលជាកត្តាទាក់ទាញក្រុមអ្នកដែលមានទេពកោសល្យជាច្រើន មកកាន់ទីក្រុងហុងកុងផងដែរ៕

Speaking at a meeting Thursday with leaders of the southern Dong Nai Province on land acquisition and payment of compensation for the airport, Nguyen Tien Viet, deputy general director of the Airports Corporation of Vietnam, said the construction contractor is expected to be identified this month.

“The terminal construction will begin in August. Other infrastructure like runways and aprons will also be developed around this time.”
The Dong Nai People’s Committee said around 1,810 ha of land has been cleared for the first phase of the airport.

Three consortiums are bidding for the terminal work, the largest and most expensive component of the airport: CHEC-BCEG-Vietnam Contractors, Hoa Lu and Vietur.

All include Vietnamese companies who have foreign partners from Thailand, China
and Turkey.

The Long Thanh Airport, to become Vietnam’s largest, is budgeted to cost around VND336.63 trillion.

Its construction is divided into three phases. The first, with one runway and terminal, is expected to be completed in 2025, allowing the airport to handle 25 million passengers a year.

In the second, to be completed by 2035, another runway and terminal will be added, doubling the capacity to 50 million.

Other infrastructure will be built by 2050 in the third phase, when the capacity will again double to 100 million passengers.

Source: VnExpress

ដោយៈ ហ្វីអូណា

ព្រះសីហនុៈ តំបន់សេដ្ឋកិច្ចពិសេស ក្រុងព្រះសីហនុគឺជាគម្រោងសហប្រតិបត្តិការដ៏សំខាន់ រវាង ចិននិងកម្ពុជា ក្នុងក្របខ័ណ្ឌ”ខ្សែក្រវាត់និងផ្លូវ” ដោយបានបង្កើតការងារ ជូនប្រជាពលរដ្ឋខ្មែរជាច្រើនម៉ឺននាក់។

លោកលាវ លានឈី (Liu Lianchi )អនុប្រធានគ្រប់គ្រងទៅ នៃតំបន់សេដ្ឋកិច្ចពិសេសក្រុងព្រះសីហនុ បានឱ្យដឹងថា គំនិតផ្ដួចផ្ដើម” ខ្សែក្រវាត់ និងផ្លូវ និងយុទ្ធសាស្ត្រចតុកោណរបស់កម្ពុជា បានបន្ស៊ាំគ្នាយ៉ាងខ្លាំង។លោកបន្តថា “ក្នុងនាមជាគម្រោង នៃកិច្ចសហប្រតិបត្តិការសំខា​ន់រវាងប្រទេសកម្ពុជា និងប្រទេសចិន តំបន់សេដ្ឋកិច្ច ពិសេសក្រុងព្រះសីហនុ នឹងខិតខំប្រឹងប្រែងបន្តទៀត ដើម្បីចូលរួមចំណែកក្នុងការ កសាងសហគមន៍ ជោគវាសនាកម្ពុជា-ចិននៅក្នុងយុគសម័យថ្មី”។

ជាមួយគ្នានេះ កញ្ញា ហ័ង ហ័នហ័រ (Huang Huanhua )អនុប្រធានគ្រប់គ្រងទូទៅ នៃតំបន់សេដ្ឋកិច្ចពិសេស ក្រុងព្រះសីហនុម្នាក់ទៀតបានប្រាប់ឱ្យដឹង កាលពីពេលថ្មីៗនេះផងដែរថា នៅតំបន់សេដ្ឋកិច្ចពិសេសក្រុងព្រះសីហនុនេះ មានសហគ្រាស និងអង្គភាពចំនួន១៧៥ដែលមកពីប្រទេសចិន អឺរ៉ុប និង អាមេរិក និងអាស៊ីអាគ្នេយ៍ជាដើម ហើយបានផ្តល់ឱកាសការងារចំនួនជិត៣ម៉ឺននាក់ ជូនប្រជាជនកម្ពុជា។កញ្ញាបន្តថា “ក្រុមហ៊ុនតំបន់សេដ្ឋកិច្ចពិសេសយើងខ្ញុំ មានផ្ទៃដីប្រហែល១១១៣ហិកតា។ បច្ចុប្បន្នយើងបានអភិវឌ្ឍន៍ បានជិត៦០០ហិកតាហើយ”។ កញ្ញាប​ន្តថា “បច្ចុប្បន្ននេះ តំបន់សេដ្ឋកិច្ចពិសេសក្រុងព្រះសីហនុមានក្រុមហ៊ុន សហគ្រាសចំនួន១៧៥ក្រុមហ៊ុន ហើយកំពុងដំណើរការ ក្នុងនោះ៧០ភាគរយ ជាក្រុមហ៊ុនមកពីប្រទេសចិន និង៣០ភាគរយទៀតមកពីអាមេរិក បារាំង អង់គ្លេស កូរ៉េ ជប៉ុន”។កាលពីឆ្នាំ២០១៦ មុនពេលអញ្ជើញមកបំពេញទស្សនកិច្ចផ្លូវរដ្ឋនៅប្រទេសកម្ពុជា ក្នុងអត្ថបទ ដែលចុះផ្សាយនៅប្រព័ន្ធសារព័ត៌មានកម្ពុជា ឯកឧត្តម Xi Jinping ប្រធានរដ្ឋចិនបានគូសបញ្ជាក់ថា តំបន់សេដ្ឋកិច្ចពិសេសក្រុងព្រះសីហនុ ជាគំរូនៃកិច្ចសហប្រតិបត្តិការជាក់ស្តែងរវាងចិននិងកម្ពុជា។ នៅឆ្នាំ២០១៨ ពេលចូលរួមវេទិកាកំពូលស្តីពីកិច្ចសហប្រតិបត្តិការអន្តរជាតិ ”ខ្សែក្រវាត់និងផ្លូវ” លើកទី២ដែលរៀបចំធ្វើនៅទីក្រុងប៉េកាំង សម្តេចតេជោ ហ៊ុនសែន នាយករដ្ឋមន្ត្រីនៃព្រះរាជាណា ចក្រកម្ពុជាបានថ្លែងកោតសរសើរថា តំបន់សេដ្ឋកិច្ចពិសេសក្រុងព្រះសីហនុ ជាគំរូនៃសមិទ្ធផលដ៏ធំធេង ក្នុងកិច្ចសហប្រតិបត្តិការ”ខ្សែក្រវាត់និងផ្លូវ”រវាងកម្ពុជានិងចិន។

ក្រៅពីនេះតាំងពីឆ្នាំ២០០៨មក តំបន់ សេដ្ឋកិច្ចពិសេសក្រុងព្រះសីហនុ បានពន្លឿនការកសាងឥតឈប់ឈរ ដែលបានក្លាយទៅជាតំបន់ សេដ្ឋកិច្ចពិសេសអន្តរជាតិរបស់កម្ពុជា ដែលមានហេដ្ឋារចនាសម្ព័ន្ធពេញលេញទាំងផ្នែកផលិតកម្ម និង ជីវភាពរស់នៅ៕

ដោយ: គង់ លាងហួរ

ហាណូយ: ការ​សាងសង់​ចំណត​អាកាសយានដ្ឋាន ​អន្តរជាតិ Long Thanh គ្រោងនឹង​ចាប់​ផ្តើម​ នៅ​ខែ​សីហាខាងមុខនេះ ដោយ​ចំណាយ​ថវិកា​ចំនួន៣៥ទ្រីលាន​ដុង (ប្រហែល១,៤ពាន់​លាន​ដុល្លារអាមេរិក)។

ថ្លែងក្នុងកិច្ចប្រជុំកាលពីថ្ងៃព្រហស្បតិ៍ ជាមួយថ្នាក់ដឹកនាំខេត្ត Dong Nai ស្តីពីការទិញយកដី និងការទូទាត់សំណងសម្រាប់អាកា សយានដ្ឋាន លោក Nguyen Tien Viet អគ្គនាយករងនៃសាជីវកម្មអាកាសយានដ្ឋានវៀតណាម បានមានប្រសាសន៍ថា អ្នកម៉ៅការសំណង់ត្រូវបានគេរំពឹងថា នឹងត្រូវបានកំណត់អត្តសញ្ញាណ នៅខែកក្កដានេះ។អាកាសយានដ្ឋាន Long Thanh នឹងក្លាយជាអាកាសយានដ្ឋានធំជាងគេរបស់ប្រទេសវៀតណាម ដែលត្រូវចំណាយថវិកាសាងសង់អស់ប្រមាណ៣៣៦,៦៣ ពាន់ពាន់លានដុង។

ការសាងសង់នេះ ត្រូវបានបែងចែកជាបីដំណាក់កាល។ ដំណាក់ទីមួយ រួមមានផ្លូវរត់ និងចំណតយន្តហោះត្រូវបានគេរំពឹងថា នឹងបញ្ចប់នៅឆ្នាំ២០២៥ ដែលអនុញ្ញាតឱ្យព្រលានយន្តហោះអាចផ្ទុកអ្នកដំណើរបានចំនួន២៥លាននាក់ក្នុងមួយឆ្នាំៗ។ដំណាក់កាលទីពីរ គ្រោងនឹងបញ្ចប់នៅឆ្នាំ២០៣៥ ដែលរួមមាន ការសាងសង់ផ្លូវរត់ និងស្ថានីយមួយទៀត ដែលអាចបង្កើនសមត្ថភាពផ្ទុកអ្នកដំណើរទ្វេរដងរហូតដល់៥០លាននាក់។

ចំណែកឯ ហេដ្ឋារចនាសម្ព័ន្ធផ្សេងទៀត នឹងត្រូវបានសាងសង់ឡើងនៅឆ្នាំ២០៥០ ក្នុងដំណាក់កាលទី៣ និងអាចបង្កើនសមត្ថភាពផ្ទុកអ្នកដំណើរបានរហូតដល់ទៅ១០០លាននាក់៕

ដោយ: គង់ លាងហួរ

ភ្នំពេញ: ធនាគារជាតិនៃកម្ពុជា(NBC) បានឱ្យដឹងនៅក្នុងរបាយការណ៍មួយ បានចេញផ្សាយកាលពីថ្ងៃព្រហស្បតិ៍ថា កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) និងកិច្ចព្រមព្រៀងពាណិជ្ជកម្មសេរីទ្វេរភាគី (FTAs) នឹងដើរតួនាទីយ៉ាងសំខាន់ក្នុងការទាក់ទាញការវិនិយោគ ផ្ទាល់ពីបរទេសកាន់តែច្រើនចូលមកកម្ពុជា។

យោងតាមរបាយការណ៍ស្ថិរភាពហិរញ្ញវត្ថុ របស់ធនាគារជាតិនៃកម្ពុជាបានឱ្យដឹងថា “ដោយសារកិច្ចព្រមព្រៀង RCEP និង FTAs ​​ទ្វេរភាគី កម្ពុជានឹងអាចទាក់ទាញ បានការវិនិយោគបន្ថែមទៀតនៅក្នុងរយៈពេលប៉ុន្មានឆ្នាំខាងមុខនេះ ដែលនឹងជួយជំរុញដល់ផលិតភាព និងលើកកម្ពស់ការធ្វើពិពិធកម្មសេដ្ឋកិច្ច”។

ជាក់ស្តែង កម្ពុជាបានទាក់ទាញលំហូរវិនិយោគ ទ្រព្យសកម្មថេរក្នុងទឹកប្រាក់ ចំនួន៤,៦៨ពាន់លានដុល្លារក្នុងឆ្នាំ២០២២ កើនឡើង៧,៥ភាគរយ បើធៀបនឹង៤,៣៥ពាន់លានដុល្លារនៅឆ្នាំ២០២១។

របាយការណ៍ដដែលបានឱ្យដឹងថា សេដ្ឋកិច្ចរបស់កម្ពុជាត្រូវបានព្យាករថា នឹងកើនឡើង៥,៦ភាគរយនៅឆ្នាំនេះ បន្ទាប់ពីកើនឡើង៥,២ភាគរយនៅឆ្នាំ២០២២ ដែលជំរុញដោយការនាំចេញសម្លៀកបំពាក់ ផលិតផលមិនមែនកាត់ដេរ ការងើបឡើងវិញយ៉ាងឆាប់រហ័សនៃវិស័យទេសចរណ៍ កំណើនដ៏រឹងមាំក្នុងការដឹកជញ្ជូន រួមទាំងទំនាក់ទំនង និងកសិកម្ម។

អ្នកនាំពាក្យក្រសួងពាណិជ្ជកម្មកម្ពុជា លោក ប៉ែន សុវិជាតិ បានមានប្រសាសន៍ថា កិច្ចព្រមព្រៀង RCEP និង FTAs ​​នឹងជួយកម្ពុជាឱ្យផុតពីឋានៈប្រទេសអភិវឌ្ឍតិចតួចនៅឆ្នាំ២០២៧ និងសម្រេចបានគោលដៅក្លាយជាប្រទេស ដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលខ្ពស់នៅឆ្នាំ២០៥០។លោកបានប្រាប់សារពត៌មានស៊ីនហួថា “កិច្ចព្រមព្រៀង RCEP រួមជាមួយនឹង FTAs ​​ទ្វេរភាគីមិនត្រឹមតែផ្តល់ការជំរុញ ដល់កំណើនពាណិជ្ជកម្ម ប្រកបដោយនិរន្តរភាពរបស់កម្ពុជាប៉ុណ្ណោះទេ ប៉ុន្តែថែមទាំងក្លាយជាមេដែកទាក់ទាញ លំហូរវិនិយោគផ្ទាល់ពីបរទេសផងដែរ”។

ទីប្រឹក្សាជាន់ខ្ពស់របស់រដ្ឋាភិបាលកម្ពុជា លោក សុខ ស៊ីផាន់ណា ធ្លាប់មានប្រសាសន៍ថា RCEP គឺជាកិច្ចព្រមព្រៀងដ៏សំខាន់មួយ ដែលមានសក្តានុពល ក្នុងការរៀបចំអនាគតនៃពាណិជ្ជកម្ម ក្នុងតំបន់ ដោយបើកឱកាសសម្រាប់កំណើន និងការអភិវឌ្ឍ។

លោកបានថ្លែងនៅក្នុងវេទិកា RCEP នាពេលថ្មីៗនេះនៅរាជធានីភ្នំពេញថា “ទីតាំងភូមិសាស្ត្រជាយុទ្ធសាស្ត្ររបស់កម្ពុជា រួមជាមួ​យនឹងកម្លាំងពលកម្មវ័យក្មេង និងសកម្ម បានធ្វើឱ្យកម្ពុជាក្លាយជាទិសដៅវិនិយោគ ដ៏ទាក់ទាញនៅក្នុងក្របខ័ណ្ឌ RCEP”។

លោកសុខ ស៊ីផាន់ណា បានមានប្រសាសន៍ថា “ជាមួយមូលដ្ឋានផលិតកម្ម ដែលមានភាពប្រកួតប្រជែង និងលក្ខខណ្ឌអនុគ្រោះពន្ធពាណិជ្ជកម្ម ដែលផ្តល់ដោយកិច្ចព្រមព្រៀង RCEP កម្ពុជាមានទីតាំងល្អក្នុងការទាក់ទាញការវិនិយោគ និងពង្រីកទីផ្សារនាំចេញរបស់ខ្លួន”។

លោក Joseph Matthews សាស្ត្រាចារ្យជាន់ខ្ពស់នៅសាកលវិទ្យាល័យ ប៊ែលធី អន្តរជាតិ ប្រចាំនៅទីក្រុងភ្នំពេញ មានប្រសាសន៍ថា កិច្ចព្រមព្រៀងRCEP និង FTAs ​​ទ្វេរភាគីផ្សេងទៀតនឹងអនុញ្ញាតឱ្យកម្ពុជា អាចនាំចេញទំនិញទៅកាន់ទីផ្សារធំៗ ជាមួយនឹងសម្បទានពន្ធ។

លោកបញ្ជាក់ថា “កិច្ចព្រមព្រៀងពាណិជ្ជកម្មទាំងនេះ រួមជាមួយនឹងច្បាប់វិនិយោគ ដ៏អំណោយផលរបស់កម្ពុជា គឺជាគន្លឹះក្នុងការទាក់ទាញលំហូរវិនិយោគផ្ទាល់ ពីបរទេសមកកម្ពុជា ក្នុងយុគសម័យក្រោ​យជំងឺរាតត្បាតកូវីដ-១៩”៕