ការកំណត់អត្តសញ្ញាណអាគារជាប់គាំងបានបញ្ចប់ហើយ ស្របពេលអាជ្ញាធរត្រៀមរៀបចំZoning

ដោយៈ ជេស៊ីកា

ព្រះសីហនុៈ មន្រ្តីជាន់ខ្ពស់ខេត្តព្រះសីហនុបានថ្លែងថា ការកំណត់អត្តសញ្ញាណអាគារជាប់គាំង នៅក្រុងព្រះសីហនុបានបញ្ចប់ហើយ។

អភិបាលរងខេត្តព្រះសីហនុ លោកឡុង ឌីម៉ងបានមានប្រសាសន៍ឲ្យដឹង តាមបណ្តាញតេឡេក្រាមកាលពីថ្ងៃទី១៨ តុលាថា “ការកំណត់អត្តសញ្ញាណអាគារជាប់គាំង នៅក្រុងព្រះសីហនុបានបញ្ចប់ហើយ។ ចំណែកដំណាក់កាលបន្ទាប់ គឺការរៀចំបែងចែកZooning ថាតំបន់ណាគួរធ្វើអី? តំបន់ណាគួរធ្វើអី ដើម្បីយកគំរោងទាំងនោះទៅបង្ហាញអ្នកវិនិយោគទី៣។លោកបញ្ជាក់ថា “ក្រុមការងារអន្តរក្រសួង នឹងរង់ចាំធ្វើសិក្ខាសាលាផ្សព្វផ្សាយ ពីរបៀបរបបក្នុងការដោះស្រាយ ជូនដល់ម្ចាស់អាគារជាប់គាំងនានានៅពេលខាងមុខ”។ទោះជាយ៉ាងណា លោកឡុង ឌីម៉ង់មិនទាន់បញ្ជាក់ពីចំនួនជាក់លាក់ នៃអាគារជាប់គាំង ដែលបានកំណត់អត្តសញ្ញាណមានចំនួនប៉ុន្មាននោះទេ។មន្រ្តីជាន់ខ្ពស់មួយរូប ដែលមានសមត្ថកិច្ចដោះស្រាយបញ្ហាអាគារជាប់គាំង នៅក្រុងព្រះសីហនុ បានលើកឡើងក្នុងលក្ខខ័ណ្ឌមិនបញ្ចេញឈ្មោះថា ការដោះស្រាយបញ្ហាអាគារជាប់គាំង មានភាពស្មុគ្រស្មាញណាស់ ដោយសារម្ចាស់ដីជាច្រើន បានរឹបអូសយកអាគារ ដែលសាងសង់ឡើងដោយក្រុមហ៊ុនចិន ក្នុងហេតុផលម្ចាស់អាគារ មិនបានបង់ប្រាក់ដល់តម្លៃដីរបស់ខ្លួន និងករណីស្មុគ្រស្មាញជាច្រើនទៀត។

មន្រ្តីដដែលបានបន្តថា ការដោះស្រាយតាមផ្លូវតុលាការ មិនអាចជាជម្រើសនោះទេ ដោយសារប្រព័ន្ឋតុលាការ នៅទីក្រុងព្រះសីហនុមានបញ្ហាទាក់ទងនឹងតម្លាភាព និងសុច្ចរឹតភាព ដែលធ្វើឲ្យអ្នកវិនិយោគជាច្រើនអស់ជំនឿចិត្ត។

លោកបន្តថា “ការដោះស្រាយបញ្ហាអាគារទាំងនោះ មានតែវិធីសាស្រ្តសម្របសម្រួល និងឈរលើគោលការណ៍ឈ្នះ ឈ្នះទាំងអស់គ្នា ទើបអ្វីៗដំណើរការបានដោយរលូន”៕

ការវាយប្រហារតាមប្រព័ន្ធអ៊ីនធឺណិតទ្រង់ទ្រាយធំអាចធ្វើឱ្យពិភពលោកខាតបង់ប្រាក់៣,៥ទ្រីលានដុល្លារ

តែម សុខុម

ក្រុងឡុងដ៍: ទីផ្សារធានារ៉ាប់រងពាណិជ្ជកម្ម Lloyd’s of London នៃប្រទេសអង់គ្លេស បានទម្លាយឱ្យដឹងកាលពីថ្ងៃពុធ ទី១៨ ខែតុលា ថា ការវាយប្រហារតាមប្រព័ន្ធអ៊ីនធឺណិតទ្រង់ទ្រាយធំមួយលើប្រព័ន្ធទូទាត់សេវាហិរញ្ញវត្ថុអាចបណ្ដាលឱ្យខាតបង់ជាកលចំនួន៣,៥ទ្រីលានដុល្លារអាមេរិក។

ហើយភាគច្រើននៃការខាងបង់ទាំងនោះ មិនត្រូវបានគ្របដណ្ដប់ដោយការធានារ៉ាប់រងនោះឡើយ។ នេះបើយោងតាមសារព័ត៌មាន CNA ចុះផ្សាយកាលពីថ្ងៃពុធ ទី១៨ ខែតុលា។

ផ្អែកតាមសេណារីយ៉ូហានិភ័យជាប្រព័ន្ធដែលបង្កើតឡើងដោយទីផ្សារធានារ៉ាប់រងពាណិជ្ជកម្ម Lloyd’s of London និងមជ្ឈមណ្ឌលសម្រាប់ការសិក្សាពីហានិភ័យ (Center for Risk Studies) នៃសកលវិទ្យា Cambridge នៃប្រទេសអង់គ្លេស បង្ហាញថា សហរដ្ឋអាមេរិក នឹងទទួលរងការខាតបង់ចំនួន១,១ទ្រីលានដុល្លារ ក្នុងរយៈពេល៥ឆ្នាំពីការវាយប្រហារបែបនេះដែលនឹងបង្កការរអាក់រអួលយ៉ាងទូលំទូលាយដល់អាជីវកម្មទូទាំងពិភពលោក។ទីផ្សារធានារ៉ាប់រងខាងលើនិយាយថា ប្រទេសចិន នឹងប្រឈមការខាតបង់ចំនួន៤៧០ពាន់លានដុល្លារ និងប្រទេសជប៉ុន ចំនួន២០០ពាន់លានដុល្លារ ក្នុងរយៈពេលដូចគ្នានេះ។

ទីផ្សារធានារ៉ាប់រងដដែលនិយាយទៀតថា ការធានារ៉ាប់រងលើប្រព័ន្ធអ៊ីនធឺណិតមានបុព្វលាភរ៉ាប់រង (ចំនួនទឹកប្រាក់ដែលបង់ទៅឱ្យក្រុមហ៊ុនធានារ៉ាប់រងជាការតបស្នងចំពោះកិច្ចសន្យាធានារ៉ាប់រងមួយ) មានចំនួនសរុបជាង៩ពាន់លានដុល្លារ ក្នុងឆ្នាំ២០២២ ហើយត្រូវបានព្យាករថានឹងកើនឡើងដល់២៥ពាន់លានដុល្លារ នៅឆ្នាំ២០២៥។

ក្រុមភ្នាក់ងារកម្រៃជើងសារនិយាយថា ការព្រួយបារម្ភអំពីតម្លៃនៃការធានារ៉ាប់រងបែបនេះ និងថាតើក្រុមហ៊ុនធានារ៉ាប់រងនឹងផ្តល់ការធានារ៉ាប់រងក្នុងករណីសង្រ្គាមដែរឬក៏អត់ កំពុងធ្វើឱ្យអតិថិជនដែលមានសក្តានុពលមួយចំនួនរារែក។

ទីផ្សារធានារ៉ាប់រងខាងលើបញ្ជាក់ថា ជាង២០%នៃបុព្វលាភតាមអ៊ីនធឺណិតទូទាំងពិភពលោកគឺស្ថិតនៅក្នុងទីផ្សាររបស់ទីផ្សាររបស់ខ្លួន។ក្រុមហ៊ុនធានារ៉ាប់រងតាមអ៊ីនធឺណិតធំៗរួមមានក្រុមហ៊ុន Beazley និងក្រុមហ៊ុន Hiscox ស្ថិតក្នុងចំណោមក្រុមហ៊ុនធានារ៉ាប់រងជាង៥០នៅក្នុងទីផ្សាររបស់ទីផ្សារធានារ៉ាប់រងពាណិជ្ជកម្ម Lloyd’s of London៕ Reuters៕

ដំណឹងល្អៈផ្សារបោះដុំអាស៊ានទំហំ២០ហិកតានៅជាយក្រុងភ្នំពេញនឹងបើកដំណើរការឆាប់ៗខាងមុខ

ដោយៈ គង់ សូរិយា

ភ្នំពេញៈ បើមិនមានការប្រែប្រួលទេ ផ្សារបោះដុំអាស៊ាន-អន្តរជាតិ ឬផ្សារដើមគរថ្មី គ្រោងនឹងចាប់ផ្តើមបើកដំណើរការនៅមុនដំណាច់ឆ្នាំ២០២៣នេះហើយ។

គិតរហូតមកដល់ពេលនេះ មានអាជីវករប្រហែល៧០ភាគរយ បានមកចុះឈ្មោះអាជីវកម្មរួចរាល់។ផ្សារបោះដុំអាស៊ាន-អន្តរជាតិ ឬផ្សារដើមគរថ្មី បានចាប់ផ្តើមសាងសង់ក្នុង២០២២ លើផ្ទៃដីជាង២០ហិកតា ដោយសមាគមអភិវឌ្ឍន៍ពាណិជ្ជកម្មហ្គាន់ស៊ី ប្រទេសចិន។ គម្រោងនេះ ស្ថិតនៅតាមបណ្តោយមហាវិថីឈ្នះឈ្នះ ក្នុងសង្កាត់គោករកា ខណ្ឌព្រែកព្នៅ ដែលបានសាងសង់រួចដំណាក់កាលទី១ ហើយដែលមានស្តង់លក់ដូរ ចំនួន៦០០០ ស្តង់។ក្នុងអំឡុងពេលចុះទៅពិនិត្យមើល ពីវឌ្ឍនភាពសំណង់ផ្សារបោះដុំអាស៊ាន-អន្តរជាតិ ឬហៅថា ផ្សារដើមគរថ្មី ជាមួយលោក Wang Wen Tian ឯកអគ្គរដ្ឋទូតចិនប្រចាំកម្ពុជា កាលពីថ្ងៃទី១២ ខែតុលាកន្លងមក លោក ឃួង ស្រេង អភិបាលរាជធានីភ្នំពេញ បាននិយាយថា នៅពេលបើកដំណើរការផ្សារនេះ នឹងក្លាយជាកន្លែងបោះដុំទំនិញក្នុងស្រុក និងក៏អាចមានទំនិញនាំចូល ពីក្រៅប្រទេសផងដែរ។ ទំនិញ ដែលដាក់តាំងលក់នៅទីនោះ អាចមានចម្រុះជាច្រើនមុខទំនិញ ។លោកថ្លែងថា “ផ្សារបោះដុំនេះ សំដៅដល់កន្លែងបោះដុំបន្លែ សម្ភារ គ្រឿងសង្ហារិម… ។ល។ ដែលការបោះដុំនេះ គឺអាចយកមកពីប្រទេសជិតខាងក៏ដូចជាប្រទេសចិន ដើម្បីយកមកបោះដុំ និងចែកចាយជូនបណ្តាខេត្តទាំង ២៤។ ទីតាំងនេះគឺសមរម្យបំផុត”។លោកបន្ថែមថា ផ្សារនេះក៏នឹងជួយរំលែកបងប្អូន អាជីវករពីលើផ្លូវព្រះមុនីរ៉េត(ផ្សារដើមគរ) ដែលបង្កឱ្យបាត់សណ្តាប់ធ្នាប់នៅក្នុងរាជធានីភ្នំពេញផងដែរ។លោកឯកអគ្គរដ្ឋទូត Wang Wen Tian បានអបអរសាទរ ចំពោះគម្រោងវិនិយោគផ្សារបោះដុំ ដ៏ធំលើកដំបូងនៅរាជធានីភ្នំពេញមួយនេះ ដោយបញ្ជាក់ថា នេះជាការបង្ហាញឱ្យឃើញពីចំណងមិត្តភាព សាមគ្គីភាព និងកិច្ចសហប្រតិបត្តិការ នៃយុទ្ធសាស្ត្រត្បូងពេជ្រ កម្ពុជា-ចិន ដែលផ្តួចផ្តើមឡើងដោយប្រមុខដឹកនាំ នៃប្រទេសទាំង២ ។

តំណាងសមាគមអភិវឌ្ឍន៍ពាណិជ្ជកម្មហ្គាន់ស៊ី បានឱ្យដឹងថា នៅខែ១២(ខែធ្នូ) ក្រុមហ៊ុននឹងរៀបចំប្រគល់តូប ទៅដល់ម្ចាស់អាជីវកម្ម ដើម្បីឱ្យពួកគាត់ចូលមករៀបចំតូបរៀងៗខ្លួន ក្នុងលើកិច្ចសន្យារយៈពេល៥ឆ្នាំ ក្នុងនោះ២ឆ្នាំដំបូងគឺមិនគិតតម្លៃជួលឡើយ។ នេះជាផ្សារធំជាងគេនៅក្នុងប្រទេសកម្ពុជា ដោយអាចផ្ទុកទំនិញបាន ៦០ ០០០តោន ហើយនឹងមានផលិតផលក្នុងស្រុក(កម្ពុជា) និងផលិតផលនាំចូលពីប្រទេសនានា ពិសេសប្រទេសជិតខាងដូចជា ចិន វៀតណាម និងថៃ ជាដើម។យោងតាមរបាយការណ៍ក្រសួងកសិកម្ម រុក្ខាប្រមាញ់ និងនេសាទបានឱ្យដឹងថា ក្នុងរយៈពេល៩ខែ ឆ្នាំ២០២៣ នេះកម្ពុជាបាននាំចេញកសិផលប្រមាណ៥,៥លានតោន ទៅកាន់ទីផ្សារអន្តរជាតិ(៧១ប្រទេស) ដោយទទួលបានចំណូលជាង ៣,២១ពាន់លានដុល្លារ។ ក្នុងចំណោមកសិផល ដែលបាននាំចេញទាំងអស់ គឺការនាំចេញអង្ករមានចំនួនជាង៤៥ម៉ឺនតោន, ស្រូវជាង ១,៨លានតោន និងកសិផលក្រៅពីស្រូវ- អង្ករចំនួនជាង៣,៣លានតោន ដោយបាននាំចេញទៅកាន់ ៧១ប្រទេស៕

លោកយិន លាងគង់ផ្ញើសារលិខិតជូនពរ សម្តេចមហាបវរធិបតី ហ៊ុន ម៉ាណែត ក្នុងឱកាសខួបកំណើតគម្រប់៤៦ ឈានចូល៤៧ឆ្នាំ

ក្នុងឱកាសដ៏នក្ខត្តឫក្ស មង្គលសួស្តី នៃថ្ងៃខួបកំណើត សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា គម្រប់៤៦ឆ្នាំ ឈានចូល៤៧ឆ្នាំ នាថ្ងៃទី២០ ខែតុលា ឆ្នាំ២០២៣ លោកយិន លាងគង់ សហស្ថាបនិកនិងជាអគ្គនាយកគេហទំព័រProperty Area និង Cambodia Financial Timeព្រមទាំងថ្នាក់ដឹកនាំ បុគ្គលិកទាំងអស់ សូមបួងសួងដល់គុណបុណ្យព្រះរតនត្រៃ វត្ថុស័ក្តិសិទ្ធិក្នុងលោក ទេវតាឆ្នាំថ្មី តាមជួយបីបាច់ថែរក្សាការពារ និងសូមប្រោសប្រទាននូវសព្វសាធុការពរ បវរមហាប្រសើរ សិរីសួស្ដី ជ័យមង្គល វិបុលសុខគ្រប់ប្រការ ជូនចំពោះ សម្តេចមហាបវរធិបតី និងលោកជំទាវ ព្រមទាំងបុត្រ។

ឆ្លៀតក្នុងឱកាសដ៏ថ្លៃថ្លានេះ យើងខ្ញុំសូមសម្ដែងនូវការគោរពដឹងគុណយ៉ាងជ្រាលជូនចំពោះ សម្តេចមហាបវរធិបតី ដែលបានយកអស់កម្លាំងកាយចិត្ត និងបញ្ញាស្មារតី ពុះពាររាល់ឧបសគ្គក្នុងការចូលរួមថែរក្សាសុខសន្តិភាព ស្ថិរភាពពេញលេញ ក្នុងការការពារបូរណភាពទឹកដី ការពារអធិបតេយ្យភាពជាតិ ដែលជាមូលដ្ឋានគ្រឹះដ៏សំខាន់ក្នុងការអភិវឌ្ឍប្រទេសជាតិ ឲ្យកាន់តែរីកចម្រើនលើគ្រប់វិស័យ ស្មើមុខស្មើមាត់ជាមួយបណ្តាប្រទេសក្នុងតំបន់ និងពិភពលោក។
ស្ថិតក្នុងឱកាសដ៏មហោឡារិក ប្រកបដោយក្តីសោមនស្សរីករាយនេះ យើងខ្ញុំទាំងអស់គ្នា សូមគោរពជូនពរ សម្តេចមហា បវរធិបតី និង លោកជំទាវ ព្រមទាំងបុត្រ សូមប្រកបដោយសុខភាពល្អបរិបូរណ៍ កម្លាំងពលំមាំមួន ជន្មាយុយឺនយូរ បញ្ញាញាណវាងវៃ ដើម្បីបន្តបេសកកម្មដ៏ឧត្តុង្គឧត្តម បម្រើជាតិមាតុភូមិដ៏បវរនៃយើង និងសូមប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕

កម្ពុជា និងប្រទេសអាស៊ានចំនួន៦ផ្សេងទៀតកំពុងសម្រុកពង្រីកអាកាសយានដ្ឋានធំៗ ដើម្បីបង្កើនសមត្ថភាពផ្ទុកដំណើរដល់៦៥៣លាននាក់នៅឆ្នាំ២០៣០

ដោយ: គង់ លាងហួរ
អន្តរជាតិ: បណ្តាប្រទេសសមាជិកអាស៊ានកំពុងសម្រុកពង្រីកអាកាសយានដ្ឋានធំៗរបស់ខ្លួន ដើម្បីឆ្លើយតបនឹងការកើនឡើងនៃតម្រូវការក្នុងស្រុក ក៏ដូចជាទាក់ទាញការវិនិយោគបរទេស និងអ្នកធ្វើដំណើរដើម្បីជំរុញកំណើនសេដ្ឋកិច្ច ទោះបីជាផែនការមួយចំនួនកំពុងបង្កើនក្តីបារម្ភអំពីការវិនិយោគហួសកម្រិតយ៉ាងណាក្តី។

យោងតាមការស្រាវជ្រាវរបស់កាសែត Nikkei Asia លើផែនការពង្រីកព្រលានយន្តហោះក្បែររដ្ឋធានី និងរាជធានីនៃបណ្តាប្រទេសចំនួន៧នៅក្នុងតំបន់អាស៊ាន ដូចជា ថៃ វៀតណាម ហ្វីលីពីន ម៉ាឡេស៊ី ឥណ្ឌូនេស៊ី សិង្ហបុរី និងកម្ពុជា បានរកឃើញថា សមត្ថភាពដឹកជញ្ជូនអ្នកដំណើរសរុបប្រចាំឆ្នាំនឹងកើនឡើងដល់យ៉ាងតិចណាស់៦៥៣លាននាក់នៅឆ្នាំ២០៣០ ដែលកើនឡើងជិតទ្វេរដងបើធៀបនឹងចំនួន៣៣៦លាននាក់គិតត្រឹមខែមករាឆ្នាំ២០២៣នេះ។

ជាក់ស្តែងកម្ពុជានឹងបើកព្រលានយន្តហោះអន្តរជាតិថ្មីមួយនៅជិតរាជធានីភ្នំពេញនៅឆ្នាំ២០២៥ ដែលមានទុនវិនិយោគសរុបចំនួន១,៥ ពាន់លានដុល្លារ ក្នុងការសាងសង់។ ដំណាក់កាលដំបូងព្រលានយន្តហោះអន្តរជាតិថ្មីមួយនេះនឹងអាចផ្ទុកអ្នកដំណើរបាន១៣លាននាក់ ហើយសមត្ថភាពផ្ទុកអ្នកដំណើរនឹងកើនឡើងដល់៣០លាននាក់នៅឆ្នាំ២០៣០។

ជាមួយគ្នានេះ ប្រទេសម៉ាឡេស៊ី មានគម្រោងផ្ទុកអ្នកដំណើរឱ្យបាន១៥០លាននាក់នៅព្រលានយន្តហោះរបស់ខ្លួនដែលបង្កើនសមត្ថភាពបច្ចុប្បន្នទ្វេរដង។ ចំណែកប្រទេសសិង្ហបុរី មានគោលដៅទទួលបានអ្នកដំណើរ១៤០លាននាក់កើនឡើង៧៥%ធៀប នឹងតួលេខសព្វថ្ងៃនេះ។ ប៉ុន្តែកាលបរិច្ឆេទបញ្ចប់គម្រោងរបស់ប្រទេសទាំងពីរមិនទាន់សម្រេចនៅឡើយនោះទេ។

ចំណែក ប្រទេសហ្វីលីពីនកំពុងរៀបចំគម្រោងពង្រីកព្រលានយន្តហោះចំនួនបួនជុំវិញទីក្រុងម៉ានីល ប៉ុន្តែតួនាទីសម្រាប់ព្រលានយន្តហោះនីមួយៗ មិនទាន់ត្រូវបានកំណត់ច្បាស់លាស់នៅឡើយនោះទេ។

ទន្ទឹមនឹងនេះ ប្រទេសវៀតណាមគ្រោងនឹងបោះទុនវិនិយោគជិត១០០ពាន់ពាន់លានដុង (ប្រហែល៤ពាន់លានដុល្លារ) ដើម្បីបង្កើនសមត្ថភាពផ្ទុកអ្នកដំណើរនៅអាកាសយានដ្ឋានអន្តរជាតិ Noi Bai របស់ទីក្រុងហាណូយដល់៦០លាននាក់នៅឆ្នាំ២០៣០ ដែលស្មើនឹង២,៥ដងនៃសមត្ថភាពផ្ទុកបច្ចុប្បន្ន។

នៅឯប្រទេសថៃវិញ ស្ថានីយផ្កាយរណបមួយបានបើកដំណើរការនៅអាកាសយានដ្ឋានសុវណ្ណភូមិ ក្បែរទីក្រុងបាងកក កាលពីខែកញ្ញាកន្លងទៅ។

នាយករដ្ឋមន្ត្រីថៃលោក សេដ្ឋា ថាវីស៊ីន បានថ្លែងនៅក្នុងពិធីបើកសម្ពោធនោះថា“ការដាក់ឱ្យដំណើរការស្ថានីផ្កាយរណបនេះកើតឡើងក្នុងពេលដ៏ល្អបំផុតសម្រាប់ការស្តារសេដ្ឋកិច្ចក្នុងស្រុកឡើងវិញ”។

លោកសេដ្ឋា បានសម្តែងក្តីសង្ឃឹមថា ការពង្រីកនេះនឹងរួមចំណែកដល់ការងើបឡើងវិញនៃឧស្សាហកម្មទេសចរណ៍របស់ប្រទេសថៃ ដែលរងផលប៉ះពាល់ដោយសារជំងឺរាតត្បាតកូវីដ-១៩។

ស្ថានីយផ្កាយរណបនេះអាចផ្ទុកយន្តហោះបានដល់ទៅ២៨គ្រឿង និងអាចផ្ទុកអ្នកដំណើរបាន១៥លាននាក់ក្នុងមួយឆ្នាំ។ នៅពេលដែលស្ថានីយផ្កាយរណបនេះបើកដំណើរការពេញលេញ សមត្ថភាពផ្ទុកអ្នកដំណើររួមរបស់អាកាសយានដ្ឋានសុវណ្ណភូមិនឹងកើនឡើង៣០% ដល់៦០លាននាក់ជារៀងរាល់ឆ្នាំ ដើម្បីកាត់បន្ថយការកកស្ទះ។

អាកាសយានដ្ឋានសុវណ្ណភូមិក៏រំពឹងថា ផ្លូវរត់ទី៣នឹងអាចបញ្ចប់ការសាងសង់រួចរាល់នៅឆ្នាំ២០២៤ខាងមុខ។ បន្ថែមពីនេះ អាកាសយានដ្ឋានសុវណ្ណភូមិគ្រោងសាងសង់ស្ថានីយផ្កាយរណបទី២ និងផ្លូវរត់មួយទៀតនៅឆ្នាំ២០៣០ និងបង្កើនសមត្ថភាពគ្រប់គ្រងអ្នកដំណើរប្រចាំឆ្នាំដល់១៥០លាននាក់។

ម៉្យាងទៀត រដ្ឋាភិបាលថៃគ្រោងពង្រីកព្រលានយន្តហោះ ចំនួន២ទៀត គឺអាកាសយានដ្ឋាន អន្តរជាតិ ដុនមឿង ក្បែរទីក្រុងបាងកក និង អាកាសយានដ្ឋានអ៊ូតាប៉ាវ ដែលស្ថិតនៅភាគអាគ្នេយ៍នៃរាជធានីបាងកក។ សមត្ថភាពផ្ទុកអ្នកដំណើរសរុបរបស់អាកាសយានដ្ឋានទាំង៣(សុវណ្ណភូមិ ដុនមឿង និងអ៊ូតាប៉ាវ) នឹងកើនឡើងដល់២០០លាននាក់នៅឆ្នាំ២០៣០។

ជាងនេះទៅទៀត ប្រទេសថៃគ្រោងនឹងសាងសង់ផ្លូវរថភ្លើងល្បឿនលឿនតភ្ជាប់អាកាសយានដ្ឋានទាំង៣ គឺសុវណ្ណភូមិ-ដុនមឿង-អ៊ូតាប៉ាវ ប៉ុន្តែការសាងសង់មិនទាន់បានចាប់ផ្តើមនៅឡើយទេ ដោយសារតែមានការពន្យារពេលក្នុងការទទួលបានដីសម្រាប់ស្ថាបនាគម្រោងនេះ៕

ការវិនិយោគលើទ្រព្យសកម្មថេរនៅប្រទេសចិនកើនឡើង៣,២ភាគរយ ក្នុងរយៈពេល៨ខែ

ដោយ: គង់ លាងហួរ
ប៉េកាំង: យោងតាមទិន្នន័យពីការិយាល័យស្ថិតិជាតិបានបង្ហាញកាលពីថ្ងៃសុក្រថា ការវិនិយោគលើទ្រព្យសកម្មថេររបស់ប្រទេសចិនបានកើនឡើង៣,២ភាគរយនៅក្នុងរយៈពេលប្រាំបីខែដំបូង ឆ្នាំ២០២៣នេះ បើធៀបនឹងរយៈពេលដូចគ្នាកាលពីឆ្នាំមុន។

នេះបើយោងតាមសារពត៌មានរដ្ឋចិន Xinhua ចុះផ្សាយនៅថ្ងៃសុក្រ ទី១៥ ខែកញ្ញា ឆ្នាំ២០២៣។
ការិយាល័យស្ថិតិជាតិបានបញ្ជាក់នៅក្នុងសេចក្តីថ្លែងការណ៍មួយថា ការវិនិយោគសរុបមានទំហំទឹកប្រាក់ចំនួន៣២,៧ពាន់ពាន់លានយ័ន (ប្រហែល៤,៥៦ពាន់ពាន់លានដុល្លារអាមេរិក) ក្នុងរយៈពេល៨ខែដំបូងដើមឆ្នាំនេះ។ការវិនិយោគលើការសាងសង់ហេដ្ឋារចនាសម្ព័ន្ធបានកើនឡើង៦,៤ភាគរយ ហើយការវិនិយោគលើវិស័យផលិតកម្មបានកើនឡើង៥,៩ភាគរយ បើធៀបនឹងរយៈពេល៨ខែដំបូងដូចគ្នាកាលពីឆ្នាំមុន។

មូលធនដែលហូរចូលទៅក្នុងការអភិវឌ្ឍន៍ វិស័យអចលនទ្រព្យបានធ្លាក់ចុះ៨,៨ភាគរយ ខណៈដែលការវិនិយោគពីវិស័យឯកជនបានធ្លាក់ចុះ០,៧ភាគរយនៅក្នុងរយៈពេល៨ខែដំបូងនេះ។

វិស័យឧស្សាហកម្ម បច្ចេកវិទ្យា ជាន់ខ្ពស់ សម្រេចបាន នូវកំណើន យ៉ាង ឆាប់ រហ័ស ដោយ ការ វិនិយោគ លើវិស័យនេះបាន កើន ឡើង១១,៣ភាគរយ បើធៀបនឹងរយៈពេល៨ខែដំបូងដូចគ្នាកាលពីឆ្នាំមុន។

ជាក់ស្តែង ក្នុងរយៈពេល៨ខែ ឆ្នាំនេះ ការវិនិយោគទៅលើវិស័យផលិតកម្ម និងសេវាកម្មបច្ចេកវិទ្យាជាន់ខ្ពស់ បានកើនឡើង១១,២ភាគរយ និង១១,៥ភាគរយរៀងៗគ្នាបើធៀបនឹងរយៈពេលដូចគ្នា កាលពីឆ្នាំ២០២២៕

Cambodia expects more Chinese visitor arrivals to drive tourism growth

Chey Sreykhuoch, a souvenir vendor at the Angkor Archeological Park here in northwest Cambodia, is eager to see more Chinese tourists coming, saying they were the major source of her income in the pre-COVID era.

Selling a variety of souvenirs such as Tro (traditional spike fiddle), drums, walking sticks, Angkor paintings, beaded bracelets and necklaces, and traditional scarves at Ta Prohm temple in the Angkor complex for many years, Sreykhuoch noticed that Chinese holidaymakers like shopping and buying souvenirs.

“They are big spenders for souvenirs,” she told Xinhua on Tuesday. “I want to see them coming back to Cambodia as they did before the pandemic.” Sreykhuoch said currently, Chinese tourists have gradually returned to Angkor, but the number is still relatively low compared to the pre-pandemic level.

“We want more Chinese tourists to come and visit Cambodia because our country is very safe, unlike some media reports that have published negative news about our Cambodia,” she said.

The 26-year-old vendor recommends that tourists visit the Angkor Wat temple, Bayon temple and Ta Prohm temple if they spend their holidays in Siem Reap because these ancient temples are grand and unique.

Hong Peng, a Chinese-speaking tour guide at the Angkor Archeological Park, has a strong belief that the Siem Reap-Angkor International Airport (SAI), which started its commercial operation on Monday, will attract more Chinese airlines to fly directly to Siem Reap, bringing more Chinese tourists to Cambodia.

“The COVID-19 pandemic in the last three years had impacted the tourism sector, resulting in a sharp decline in tourist numbers,” he told Xinhua. “With the opening of the new airport, we hope the number of tourists will return to the pre-pandemic level.”

The 40-year-old tour guide said tourists should not miss a visit to the Angkor Wat temple, one of the kingdom’s most important heritage sites, if they come to Siem Reap province.

The 401-square-km Angkor Archeological Park, inscribed on the World Heritage List of the United Nations Educational, Scientific and Cultural Organization (UNESCO) in 1992, is the most popular tourist destination in Cambodia.

“Angkor Wat is amazing. If you like culture and history, it’s definitely worth a visit,” Peng Wangxi, a Chinese businessman from Shanghai who visited Cambodia on a business trip, told Xinhua while paying a visit to the National Museum of Museum in Phnom Penh recently.

“It’s rich in cultural heritage with a unique charm,” Peng noted when speaking of Angkor Archeological Park. Source: Xinhua

លោក ចូ បៃឌិនពិចារណាស្នើជំនួយ១០០ពាន់លានដុល្លារបន្ថែមសម្រាប់អ៊ីស្រាអែល អ៊ុយក្រែន និងតៃវ៉ាន់

ដោយៈ តែម សុខុម

វ៉ាស៊ីនតោន: ប្រភពច្បាស់ការបានទម្លាយឱ្យដឹង កាលពីថ្ងៃអង្គារ ទី១៧ ខែតុលា ថា ប្រធានាធិបតីអាមេរិក លោក ចូ បៃឌិន អាចនឹងពិចារណា ស្នើសុំជំនួយបន្ថែមប្រមាណ១០០ពាន់លានដុល្លារ ដែលនឹងរួមបញ្ចូលទាំងជំនួយការពារជាតិ សម្រាប់អ៊ីស្រាអែល អ៊ុយក្រែន និងតៃវ៉ាន់ផងដែរ។

មានការរំពឹងទុកខ្ពស់ថា លោក ចូ បៃឌិន នឹងស្នើឱ្យសភាអនុម័តសេចក្ដីព្រាងចំណាយបន្ថែមនេះ នៅប៉ុន្មានថ្ងៃខាងមុខ ខណៈរដ្ឋាភិបាលក្រុងវ៉ាស៊ីនតោន ឆ្លើយតបទៅនឹងការវាយប្រហារ ដ៏សាហាវកាលពីថ្ងៃទី៧ ខែតុលា ដោយក្រុមសកម្មប្រយុទ្ធហាម៉ាស់ (Hamas) ទៅលើអ៊ីស្រាអែល ខណៈកំពុងសម្លឹងបន្តគាំទ្រអ៊ុយក្រែន ទប់ទល់នឹងការឈ្លានពានរបស់រុស្ស៊ី។ដំណឹងដ៏គួរឱ្យភ្ញាក់ផ្អើលនេះបានលេចឮ នៅពេលលោក ចូ បៃដិន ត្រៀមចេញដំណើរទៅកាន់ទីក្រុងតេល អាវីវ (Tel Aviv) និងក្រុងអាមម៉ាន់ (Amman) នៃប្រទេសអ៊ីស្រាអែល ដើម្បីបង្ហាញការគាំទ្រដល់អ៊ីស្រាអែល ព្រមទាំងដើម្បីជួបជាមួយមេដឹកនាំ នៃប្រទេសហ្ស៊កដានី និងប្រទេសអេហ្ស៊ីប ស្តីពីវិបត្តិមនុស្សធម៌ នៅតំបន់ហ្គាហ្សា (Gaza) នៃទឹកដីប៉ាឡេស្ទីនផងដែរ។

ក្រុមថ្នាក់ដឹកនាំព្រឹទ្ធសភាអាមេរិក បានលើកឡើងកាលពីថ្ងៃអង្គារ ទី១៧ ខែតុលា ថា ពួកគេរំពឹងថា លោក ចូ បៃដិន នឹងបញ្ជូនឱ្យពួកគេនូវសំណើមួយ នៅចុងសប្តាហ៍នេះ ដើម្បីស្នើសុំជំនួយច្រើនពាន់លានដុល្លារ សម្រាប់អ៊ីស្រាអែល អ៊ុយក្រែន និងតៃវ៉ាន់ និងសម្រាប់សន្តិសុខ នៅតាមព្រំដែនសហរដ្ឋអាមេរិក។

ប្រភពបានទម្លាយឱ្យដឹងថា ក្រុមមន្ត្រីរដ្ឋាភិបាលក្រុងវ៉ាស៊ីនតោន បាននិងកំពុងធ្វើការលើសំណើនេះ ជាច្រើនសប្តាហ៍មកហើយ៕ The Edge Markets៕

ក្រសួងទេសចរណ៍ចង់អភិវឌ្ឍន៍តំបន់ឆ្នេរសមុទ្រត្រូវទាមទារ អភិក្រម4P

ដោយៈ គង់ ហ្វីអូណា

កោះកុងៈ មន្រ្តីជាន់ខ្ពស់ក្រសួងទេសចរណ៍ បានលើកឡើងថា ចង់អភិវឌ្ឍន៍តំបន់ឆ្នេរសមុទ្រ បានលុះត្រាទាមទារឱ្យអភិក្រម៤P ទើបប្រែក្លាយកម្ពុជា ជាគោលដៅទេសចរណ៍ កម្រិតពិភពលោកប្រកបដោយបដិសណ្ឋារកិច្ចល្អ ជាទីកន្លែងសម្រាប់ការរស់នៅ និងទស្សនាយ៉ាងល្អប្រសើរ។

លោកសុខ សុគុណអនុរដ្ឋលេខាធិការក្រសួងទេសចរណ៍ បានថ្លែងក្នុងពិធីបើកសិក្ខាសាលា ពិគ្រោះយោបល់ស្តីពី ផែនការជំរុញការវិនិយោគ និងអភិវឌ្ឍន៍ ទេសចរណ៍ខេត្តតំបន់ឆ្នេរសមុទ្រកម្ពុជា ឆ្នាំ២០២៤-២០២៨។តើអ្វីជា៤P ពាក្យ4P សំដៅដល់ពាក្យដែលមានអត្ថន័យដូចជា Public, People, Private and Partner “រដ្ឋ-ឯកជន-ប្រជាពលរដ្ឋ និងដៃគូអភិវឌ្ឍន៍”។លោកអនុរដ្ឋលេខាធិការ ក៏បានបន្ថែមចក្ខុវិស័យ បេសកកម្ម និងយុទ្ធសាស្ត្រ បង្កើន៥” (BUILD 5, Branding Management,Unique Selling Point, Inbound Design Quality Travel, Leverage and Diversification and Develop Competitive Sites and Resources) S «Hajm» (3Ds, Design Institution Structure, Digitalization Transformation and Development of Human Resources) j ទើបកម្ពុជាប្រែក្លាយកម្ពុជា ជាគោលដៅទេសចរណ៍ កម្រិតពិភពលោកប្រកបដោយ បដិសណ្ឋារកិច្ចល្អ ភាពកក់ក្ដៅ ជាទីកន្លែងដែលមានលក្ខខណ្ឌប្រសើរបំផុតសម្រាប់ការរស់នៅ និងទស្សនា។

មន្រ្តីជាន់ខ្ពស់ក្រសួងទេសចរណ៍ បន្តលើកឡើងរសៀលថ្ងៃទី១៨ ខែតុលា ឆ្នាំ២០២៣ថា ការរៀបចំផែនការជំរុញការវិនិយោគ និងអភិវឌ្ឍន៍ទេសចរណ៍ តំបន់ឆ្នេរសមុទ្រកម្ពុជា ២០២៤- ២០២៨ ដ៏មានសារៈសំខាន់ នៅលើទឹកដីដែលពោរពេញ ដោយភាពអាទិ៍កំបាំង ជាសក្តានុពលមិនចេះរីងស្ងួត ក្នុងការអភិវឌ្ឍវិស័យទេសចរណ៍ នៅខេត្តកោះកុង។លោកសុខ សុគុណបានបញ្ជាក់ថា សិក្ខាសាលាដ៏មានសារៈសំខាន់ ក្នុងគោលដៅជំរុញ និងអភិវឌ្ឍន៍ទេសចរណ៍ នៅខេត្តតំបន់ឆ្នេរសមុទ្រកម្ពុជា ឱ្យកាន់តែមានភាពទាក់ទាញទេសចរ និងការវិនិយោគ។

ជាមួយគ្នានេះ លោក ស្រេង ហុង អភិបាលរងខេត្តកោះកុង ពេញចិត្តយ៉ាងខ្លាំង ចំពោះកិច្ចប្រឹងប្រែងរបស់ក្រសួងទេសចរណ៍ និងរាជរដ្ឋាភិបាល ដោយចង់ប្រែក្លាយខេត្តកោះកុង ឱ្យមានការអភិវឌ្ឍន៍វិស័យទេសចរណ៍កាន់ខ្លាំងមិនថា តែទេសចរណ៍បែបអេកូធម្មជាតិ។លោកបានសម្តែងសុទិដ្ឋិនិយមថា ខេត្តកោះកុងជាខេត្តមួយដែលសម្បូរទៅដោយធនធានធម្មជាតិ ព្រៃភ្នំ ជ្រោះ ជ្រុងជ្រលងដងអូរ ស្ទឹង ព្រែកជាច្រើនដែលកត្តាទាំងអស់នេះ បានអំណោយផលទៅដល់ការអភិវឌ្ឍន៍ វិស័យអេកូទេសចរណ៍បែបធម្មជាតិ ជាពិសេសខេត្តក៏មានឆ្នេរសមុទ្រវែង ជាងខេត្តតំបន់ឆ្នេរទាំងបីទៀត ហើយត្រូវបានបញ្ចូលជាសមាជិក ក្លឹបឆ្នេរស្អាតជាងគេលើសកលលោក ដែលត្រូវបានប្រសិទ្ធិនាមថា តារារះនាទិសនិរតី៕

ព្រីនស៍ វ័ន ត្រូពិកា អាងហែលទឹកសារធាតុរ៉ែដំបូងគេនៅភ្នំពេញ ចាប់ផ្តើមយុគសម័យថ្មីនៃសុខុមាលភាព

ប៉ុន្មានឆ្នាំចុងក្រោយនេះ មនុស្សបានយកចិត្តទុកដាក់យ៉ាងខ្លាំងចំពោះសុខភាព និងបរិយាកាសរស់នៅ។ តើអតិថិជនត្រូវការកន្លែងរស់នៅបែបណា? ក្រុមអតិថិជនកម្រិតមធ្យមទៅកម្រិតខ្ពស់កាន់តែយកចិត្តទុកដាក់ខ្លាំងឡើងអំពីបញ្ហាសុខភាពរបស់គ្រួសារពួកគេ ដូចនេះពួកគេចង់បានកន្លែងរស់នៅកាន់តែធំទូលាយ និងបរិយាកាសស្នាក់នៅប្រកបដោយផាសុកភាព។

ព្រីនស៍ វ័ន ត្រូពិកា ជាគម្រោងលក់ដាច់ជាងគេក្នុងខណ្ឌសែនសុខ និងជាគម្រោងបុរីវីឡាបែបសួនច្បារលំដាប់ខ្ពស់ដំបូងគេរបស់ Prince Group ដែលត្រូវបានសាងសង់ឡើងស្របតាមគោលគំនិត «កសាងជីវិតឲ្យកាន់តែប្រសើរ»។ ប្រភេទផ្ទះដែលមានកម្ពស់ 3.5 ជាន់ដំបូងគេនៅភ្នំពេញត្រូវបានរចនាឡើងដើម្បីបំពេញតម្រូវការរបស់គ្រួសារផ្សេងៗគ្នា។ គម្រោងមានផ្ទះ 7 ប្រភេទ រួមមាន ផ្ទះអាជីវកម្ម វីឡាកូនកាត់ វីឡាភ្លោះ វីឡាទោល និងវីឡាឃ្វីន។ល។

ទេសភាពក្នុងគម្រោងត្រូវបានរៀបចំឡើងតាមគំនិតសិល្បៈគំនូរបែបស្រមើស្រមៃ (Impressionist) របស់ លោក Monet ដោយរួមបញ្ចូលការរចនាទេសភាពបែបអ៊ឺរ៉ុប និងអាមេរិក ដើម្បីបង្កើតទេសភាពដ៏គួរឲ្យទាក់ទាញ។ អ្នករស់នៅទីនេះ នឹងអាចរីករាយជាមួយទេសភាពដ៏ ស្រស់ស្អាតនៅគ្រប់ទីកន្លែងដែលអ្នកឆ្លងកាត់។ ពេលសម្រាកចុងសប្តាហ៍ អ្នកក៏អាចរីករាយជាមួយអាងហែលទឹកលំដាប់ខ្ពស់ បន្ទប់ស្នុកឃ័រ បន្ទប់ហាត់ប្រាណ បន្ទប់យូហ្គា និងបាររ៉ូមេនទិកផងដែរ។

អាងហែលទឹកសារធាតុរ៉ែ ព្រីនស៍ វ័ន ត្រូពិកា

ការរចនារបស់ព្រីនស៍ វ័ន ត្រូពិកាបានគិតគូរយ៉ាងល្អិតល្អិនចំពោះសុខភាពរាងកាយរបស់ម្ចាស់ផ្ទះនីមួយៗ ជាពិសេសគឺមានរៀបចំអាងហែលទឹកសារធាតុរ៉េ ដើម្បីជាជំនួយដល់ការថែទាំសុខភាពក៏ដូចជាផ្តល់នូវបទពិសោធរស់នៅដ៏ពិសេសផងដែរ។

អាងហែលទឹកនេះប្រើប្រាស់ទឹកដែលសម្បូរទៅដោយសារធាតុជាង 30 មុខដូចជា រ៉ាដុន ហ្វ្លុយអូរីន និងរ៉ាដ្យូម ដើម្បីជំនួសទឹកអាងហែលទឹកធម្មតា។ ក្នុងចំណោមនោះ សារធាតុរ៉ាដុនជួយធ្វើឲ្យកាយសម្បទាមានភាពប្រសើរឡើង ហើយគ្រប់គ្រងប្រព័ន្ធ endocrine និងជំរុញការរំលាយអាហារ។ ប្រសិនបើអ្នកហែលទឹកជាប្រចាំ វានឹងជួយសម្រួលដល់ការលើសរសៃឈាមបេះដូង ប្រព័ន្ធប្រសាទ និងជំងឺស្បែក។

លើសពីនេះ ទឹកសារធាតុរ៉ែនេះក៏អាចធ្វើឲ្យអាងហែលទឹកកាន់តែស្រស់ថ្លា និងមានរសជាតិប្រហែលទៅនឹងទឹកសមុទ្រ ដូច្នេះអ្នកអាចទទួលបានអារម្មណ៍ធម្មជាតិកាន់តែច្រើននៅពេលហែលទឹក។ ម្យ៉ាងវិញទៀត វាមានភាពល្អប្រសើរជាងអាងហែលទឹកដែលប្រើជាតិក្លរីន ដែលនឹងមិនងាយបង្កឲ្យរលាកភ្នែក និងរលាកស្បែកទេ គឺធ្វើឲ្យការហែលទឹកកាន់តែមានផាសុកភាពជាងមុនទៀត។

ប្រព័ន្ធអាងហែលទឹកសារធាតុរ៉ែ ជាទូទៅត្រូវការសារធាតុគីមីតិចជាងមុន ដើម្បីរក្សាគុណភាពទឹក។ នេះជួយកាត់បន្ថយផលប៉ះពាល់បរិស្ថាន និងកាត់បន្ថយការពឹងផ្អែកលើសារធាតុគីមី។
ទន្ទឹមនឹងការធានាសុវត្ថិភាព និងសុខភាពនៃគុណភាពទឹក យើងក៏ការពារបរិស្ថានធម្មជាតិផងដែរ។

នៅពេលអនាគត ក្រុមហ៊ុន ព្រីនស៍ រៀល អ៊ីស្ទេត គ្រុប នឹងបន្តគិតគូរលើការកែទម្រង់ទីក្រុងទាំងមូល និងការធ្វើផែនការ និងប្រតិបត្តិការ ព្រមទាំងបន្តប្រមូលបទពិសោធក្នុងការសាងសង់ ប្រកាន់ខ្ជាប់នូវគោលបំណងដើម បន្តការអភិវឌ្ឍទីក្រុងប្រកបដោយតុល្យភាព និងពហុវិស័យក្នុងគោលបំណងបង្កើតលទ្ធភាពបន្ថែមទៀតសម្រាប់ការអភិវឌ្ឍកម្ពុជាប្រកបដោយចីរភាពនាពេលអនាគត។

ព័ត៌មានផ្សព្វផ្សាយ៖

ព្រីនស៍ វ័ន ត្រូពិកា ជាគម្រោងបុរីវីឡាលក់ដាច់ជាងគេក្នុងខណ្ឌសែនសុខ។ តម្លៃចាប់ពី 160,000ឡើង និងបង់រំលស់ $399/ខែ។
ការសងប្រាក់វិញដោយមិនចាំបាច់មានហេតុផលក្នុងរយៈពេល 45 ថ្ងៃ។អ្វីដែលលោកអ្នកឃើញ គឺជាអ្វីដែលអ្នកទទួលបាន។ សំណង់ធានាគុណភាព។
បង់មុន 5% រំលស់គ្មានការប្រាក់ 5% កម្ចី 90% ក្រោយប្រគល់ផ្ទះ។ការស្នើឥណទានងាយស្រួល។
លោកអ្នកនឹងទទួលបានPrince Black Card សម្រាប់រាល់ការទិញផ្ទះនៅព្រីនស៍ វ័ន ត្រូពិកា ដែលអាចទទួលបានសេវាកម្ម VIP ពីគ្រប់ក្រុមហ៊ុនបុត្រសម្ព័ន្ធរបស់ Prince Group។

ទូរស័ព្ទ៖ (0)763099999
អាសយដ្ឋាន៖ ផ្ទះលេខ 1667 ផ្លូវ 1019 សង្កាត់ឃ្មួញ ខណ្ឌសែនសុខ រាជធានីភ្នំពេញ

1...879880881...3,380 Page 880 of 3,380