រដ្ឋមន្រ្តីក្រសួងព័ត៌មានអំពាវនាវកុំឲ្យមានការចែករំលែករឿងអវិជ្ជមានលើបណ្តាញសង្គម

ដោយៈ គង់ សូរិយា

ភ្នំពេញៈ រដ្ឋមន្រ្តីក្រសួងព័តមាន លោកនេត្រ ភ័ត្រា បានស្នើឲ្យប្រជាពលរដ្ឋ កុំមានការចែករំលែករឿងអវិជ្ជមាន លើបណ្តាញទំនាក់ទំនងសង្គម។

លោកបានសរសេរលើបណ្តាញ ទំនាក់ទំនងសង្គមរបស់ខ្លូនកាលពីចុងសប្តាហ៍មុនថា នៅប៉ុន្មានថ្ងៃនេះ សង្កេតឃើញថាមានការចែករំលែក និងផ្សព្វផ្សាយរូបភាពហិង្សា និងឃាតកម្មនៅតាមហ្វេសប៊ុក តិកតុក ប្រព័ន្ធទំនាក់ទំនងតេឡេក្រាម និងបណ្តាញសង្គមផ្សេងទៀត, សូមបងប្អូនអ្នកប្រើប្រាស់បណ្តាញសង្គម គ្រប់ប្រភេទកុំបន្តចែករំលែក និងផ្សព្វផ្សាយនូវរូបភាពទាំងនោះ ព្រោះវាបានប៉ះពាល់ដល់ផ្លូវចិត្ត និងអារម្មណ៍របស់ក្រុមគ្រួសារជនរងគ្រោះ ដែលកំពុងតែរងនូវភាពឈឺចាប់ និងការបាត់បង់សមាជិកគ្រួសាររបស់ខ្លួន និងក៏បានប៉ះពាល់ដល់ផ្លូវចិត្ត និងសតិអារម្មណ៍របស់បងប្អូនប្រជាពលរដ្ឋផ្សេងៗទៀតផងដែរ។

លោកបន្តថា ចំពោះបងប្អូនអ្នកសារព័ត៌មាន សូមគោរពគោលការណ៍នៃក្រមសីលធម៌ ដែលចែងក្នុងច្បាប់ស្តីពីរបបសារព័ត៌មាន គឺហាមបោះពុម្ពផ្សាយអត្ថបទ ឬរូបភាពអាសអាភាស និងរូបភាពនៃអំពើហិង្សា។ ដើម្បីគោរពដល់ក្រុមគ្រួសារនៃជនរងគ្រោះ និងជនរងគ្រោះ បងប្អូនអាចចែករំលែករូបភាព ដែលមិនប៉ះពាល់ដល់សេចក្តីថ្លៃថ្នូរ និងឯកជនភាពរបស់ជនរងគ្រោះ ឬធ្វើឱ្យរូបភាពនោះប្ល័រ (រូបមិនច្បាស់) មុននឹងផ្សព្វផ្សាយ និងចែករំលែក។

លោកនេត្រ ភ័ត្រាបានបញ្ជាក់ថា “ធ្វើដូច្នេះ គឺគោរពក្រមសីលធម៌វិជ្ជាជីវៈផង និងគោរពដល់ជនរងគ្រោះផង”៕

តើអំឡុងវិបត្តិបែបនេះ អ្នកវិនិយោគដីធ្លីគួរជ្រើសរើសយក ទីតាំងណា?

ដោយៈ គង់ សូរិយា

ភ្នំពេញៈ ការសម្រេចចិត្តវិនិយោគដីធ្លីនាពេលនេះ អាចជារឿងត្រឹមត្រូវ ឬមានបញ្ហា អាស្រ័យលើលំហូរសាច់ប្រាក់របស់អ្នក។

ប៉ុន្តែប្រសិនជាអ្នកមានទឹកប្រាក់វិនិយោគ គួរជ្រើសរើសទីតាំងណា? ដើម្បីមានទីផ្សារ និងនៅតែមានឱកាសលក់ចេញ និងមានផលចំណេញលឿនសម្រាប់ពេលអនាគត?។

លោកយិន លាងគង់សហស្ថាបនិក និងជាអគ្គនាយកគេហទំព័រPropertyarea.aia ដែលបានតាមដានដំណើរវិវត្តន៍ ក្នុងវិស័យនេះបានលើកឡើងថា អ្នកវិនិយោគដីធ្លីអំឡុងពេលនេះ គួរសិក្សាលើមូលដ្ឋានមួយចំនួនដូចជា ទីតាំង លំហូរសាច់ប្រាក់ល្អ ការប្រឈមនឹងការជាប់គាំងរយៈពេលវែង និងកត្តាសេដ្ឋកិច្ចមូលដ្ឋាន។

ទីតាំង

ទីតាំង ទីតាំង ទីតាំង នៅតែមានសារៈសំខាន់សម្រាប់ការវិនិយោគនាពេលនេះ និងគ្រប់ពេលវេលា ហេតុនេះការជ្រើសរើសទីតាំងត្រឹមត្រូវពិតជាមានាសារៈសំខាន់ណាស់ ព្រោះទីតាំងវាជាប់ពាក់ព័ន្ឋនឹងកត្តាប្រជាសាស្រ្ត នគរូបនីយកម្ម និងតម្រូវការរបស់ទីផ្សារ។

ដូច្នេះ តំបន់ជាយក្រុង ផ្លូវក្រវ៉ាត់ក្រុងទី៣ និងទី៤ ដែលនឹងសាងសង់បន្តនាពេលខាងមុខ នៅតែមានឱកាសចំណេញ និងងាយលក់ចេញ ដោយសារកត្តាប្រជាសាស្រ្ត ការរីកចម្រើននៃហេដ្ឋារចនាសម្ព័ន្ឋ និងកត្តាមួយចំនួនទៀត។

លំហូរសាច់ប្រាក់ល្អ

ក្នុងស្ថានភាពនេះ ការគិតគូរពីលំហូរសាច់ប្រាក់ ពិតជារឿងត្រូវពិចារណាម្តងហើយម្តងទៀត ដោយសារភាពមិនច្បាស់លាស់នៃសេដ្ឋកិច្ចសកល បើទោះបីជាសេដ្ឋកិច្ចកម្ពុជា បានបង្ហាញសញ្ញារ៉ឹងមាំក្តី។

ដូច្នេះការសម្រេចចិត្ត គួរតែធ្វើឡើងលើមូលដ្ឋានមួយចំនួន ដូចជា ភាពចាំបាច់ ការទិញដើម្បីគោលបំណងជាក់លាក់ ទិញអាចបង្កើតប្រាក់ចំណូលត្រលប់មកវិញ និងមូលដ្ឋានហិរញ្ញវត្ថុឬលំហូរសាច់ប្រាក់មានស្ថេរភាពរយៈពេលវែង។

ការប្រឈមនឹងភាពជាប់គាំងរយៈពេលវែង

ដោយសារភាពមិនច្បាស់លាស់ នៃនិន្នាការជាសាកល រួមទាំងវិបត្តិសេដ្ឋកិច្ចផង បាននិងកំពុងធ្វើឲ្យការវិនិយោគ លើអចលនទ្រព្យ ពិសេសដីធ្លី ត្រូវចំណាយពេលយូរជាងមុន ដើម្បីលក់ចេញ និងទទួលបានផលចំណេញ។

អ្វីដែលអ្នកទិញ ឬអ្នកវិនិយោគត្រូវគិត គឺហានិភ័យនៃការលក់មិនចេញ និងការជាប់គាំងអចលនទ្រព្យរយៈពេលវែង។ នេះជាចំណុចគួរពិចារណាបំផុត។

កត្តាសេដ្ឋកិច្ចមូលដ្ឋាន

ការទិញដីនៅខេត្តឆ្ងាយៗពីរាជធានីភ្នំពេញ គួរតែពិចារណាផងដែរ ប៉ុន្តែបើទិញដីសម្រាប់សាងសង់ផ្ទះលំហែរ វាជារឿងគួរឲ្យចាប់អារម្មណ៍ ប៉ុន្តែការទិញដីដើម្បីវិនិយោគយកផលចំណេញ ឬធ្វើអាជីវកម្មអ្វីមួយ គួរពិចារណាលើកត្តាសេដ្ឋកិច្ចមូលដ្ឋានជាចម្បង។

សេដ្ឋកិច្ចមូលដ្ឋានសំដៅដល់ កត្តាប្រជាសាស្រ្ត ឬតំបន់ដែលមានសកម្មភាពសេដ្ឋកិច្ច និងមានមនុស្សរស់នៅច្រើន ព្រោះតំបន់មនុស្សរស់នៅច្រើន ជាតំបន់ដែលនៅតែមានតម្រូវការដីធ្លី ព្រោះជាតំបន់ដែលមានលំហូរសាច់ប្រាក់សកម្ម៕

ការវិភាគ៖ មហាយក្សចិន ចំណេញប្រាក់ច្រើនពាន់លានដុល្លារ ពីការនាំចូលប្រេងដែលជាប់ទណ្ឌកម្ម

ដោយ៖ តែម សុខុម

សិង្ហបុរី: ប្រទេសចិន បានចំណេញប្រាក់ជិត១០ពាន់លានដុល្លារអាមេរិក ក្នុងឆ្នាំនេះតាមរយៈការសម្រុកទិញប្រេងពីបណ្ដាប្រទេសដែលទទួលរងទណ្ឌកម្មរបស់លោកខាងលិច។ នេះបើយោងតាមការវិភាគរបស់ទីភ្នាក់ងារព័ត៌មាន Reuters ដោយផ្អែកលើទិន្នន័យពីពាណិជ្ជករ និងអ្នកតាមដានកប៉ាល់។

សារព័ត៌មាន CNA ចុះផ្សាយកាលពីថ្ងៃពុធ ទី១១ ខែតុលា ថា ផលវិបាកនៃទណ្ឌកម្មដាក់ដោយសហរដ្ឋអាមេរិក និងប្រទេសជាច្រើនទៀតទៅលើប្រទេសរុស្ស៊ី អ៊ីរ៉ង់ និងវេណេស៊ុយអេឡា បានធ្វើឱ្យធ្លាក់ចុះនូវថ្លៃដើមនាំចូលប្រេងសម្រាប់បណ្ដាក្រុមហ៊ុនចម្រាញ់ប្រេងក្នុងប្រទេសចិន ជាគូប្រជែងសេដ្ឋកិច្ចកំពូលដែលជារឿយៗរិះគន់ការដាក់ទណ្ឌកម្ម “ជាឯកតោភាគី” បែបនេះ។

ការវិភាគរបស់ទីភ្នាក់ងារព័ត៌មាន Reuters លើការចំណេញយ៉ាងសម្បើមរបស់ប្រទេសចិន ពីការទិញប្រេងពីប្រទេសជាប់ទណ្ឌកម្មទាំង៣ បានធ្វើការប្រៀបធៀបទៅនឹងប្រេងដែលបណ្ដាក្រុមហ៊ុននាំចូលរបស់ចិន ទិញពីបណ្ដាប្រទេសផលិតប្រេងដែលមិនរងទណ្ឌកម្ម។

ការទិញរបស់ប្រទេសចិន ក៏ជាប្រភពចំណូលដ៏សំខាន់សម្រាប់រដ្ឋាភិបាលក្រុងមូស្គូ រដ្ឋាភិបាលក្រុងតេហេរ៉ង់ និងរដ្ឋាភិបាលក្រុងការ៉ាកាស ដែលសេដ្ឋកិច្ចនៃប្រទេសទាំងនេះបានដាំក្បាលចុះដោយសារទណ្ឌកម្មរបស់លោកខាងលិច និងការធ្លាក់ចុះនៃការវិនិយោគ។

យោងតាមទិន្នន័យជាមធ្យមដែលផ្តល់ដោយក្រុមហ៊ុនតាមដានកប៉ាល់ដឹកប្រេង Vortexa និង Kpler ឱ្យដឹងថា ប្រទេសចិន បានដឹកជញ្ជូនប្រេងឆៅចំនួន២,៧៦៥លានបារ៉ែលក្នុងមួយថ្ងៃ (bpd) តាមផ្លូវសមុទ្រពីប្រទេសអ៊ីរ៉ង់ រុស្ស៊ី និងវេណេស៊ុយអេឡា ក្នុងរយៈពេល៩ខែដំបូងដើមឆ្នាំ២០២៣។

ការវិភាគរបស់ទីភ្នាក់ងារព័ត៌មាន Reuters បានរកឃើញថា ប្រទេសទាំង៣នេះបានគ្របដណ្ដប់១ភាគ៤នៃការនាំចូលរបស់ប្រទេសចិន នៅចន្លោះខែមករា ដល់ខែកញ្ញា ដែលកើនឡើងពីប្រមាណ២១%ក្នុងឆ្នាំ២០២២ ដោយជំនួសជម្រើសពីតំបន់មជ្ឈិមបូព៌ា អាហ្វ្រិកខាងលិច និងអាមេរិកខាងត្បូង។

ទោះជាយ៉ាងណា ក្រសួងការបរទេសចិន មិនបានឆ្លើយតបទៅនឹងសំណើរបស់ទីភ្នាក់ងារព័ត៌មាន Reuters ដែលសុំឱ្យធ្វើការឆ្លើយបំភ្លឺជុំវិញបញ្ហានេះឡើយ។ ផ្ទុយទៅវិញ នៅក្នុងសេចក្តីថ្លែងការណ៍មួយ ក្រសួងនេះបានប្រកាសជំហររបស់ខ្លួនជាថ្មីម្ដងទៀតថា រដ្ឋាភិបាលក្រុងប៉េកាំង ប្រឆាំងនឹងការដាក់ទណ្ឌកម្មជាឯកតោភាគី ហើយការធ្វើពាណិជ្ជកម្មជាប្រក្រតីរបស់ប្រទេសចិន សមនឹងទទួលបានការគោរព និងការការពារ។

ទន្ទឹមនេះរដ្ឋបាលគយនៃប្រទេសចិន ក៏មិនបានឆ្លើយតបនឹងសំណើសុំការឆ្លើយបំភ្លឺនោះដែរ៕ Reuters៕

ប្រទេសចិនចេញគោលការណ៍ណែនាំផ្លូវច្បាប់ ដើម្បីគាំទ្រដល់អាជីវកម្មឯកជន

ដោយ: គង់ លាងហួរ

អន្តរជាតិ: ប្រព័ន្ធផ្សព្វផ្សាយរដ្ឋចិន CCTV បានចុះផ្សាយថា តុលាការកំពូលរបស់ប្រទេសចិនកាលពីថ្ងៃអង្គារបានចេញសេចក្តីណែនាំដើម្បីកែលម្អបរិយាកាសផ្លូវច្បាប់សម្រាប់អាជីវកម្មឯកជន ដោយស្នើឱ្យមានការខិតខំប្រឹងប្រែងជាថ្មីដោយអ្នកបង្កើតគោលនយោបាយដើម្បីគាំទ្រដល់វិស័យឯកជន ដែលជាកត្តាជំរុញកំណើនសេដ្ឋកិច្ចដ៏សំខាន់មួយ។

វិស័យឯកជនរបស់ប្រទេសចិនកំពុងពិបាកស្ទុះងើបឡើងវិញពីផលប៉ះពាល់នៃការទប់ស្កាត់ជំងឺកូវីដ-១៩ និងការបង្ក្រាបបទប្បញ្ញត្តិទូលំទូលាយដែលផ្តោតលើវិស័យនានារាប់ចាប់ពីបច្ចេកវិទ្យារហូតដល់ការបង្រៀនឯកជន។

កាលពីខែកក្កដាកន្លងទៅ រដ្ឋាភិបាលចិនបានប្រកាសនូវផែនការ ដើម្បីពង្រឹងវិស័យឯកជន ដូចជាការពង្រីកការគាំទ្រផ្នែកពន្ធដារ និងថ្លៃសេវា ដែលផ្តោតលើអាជីវកម្មខ្នាតតូច ប៉ុន្តែទំនុកចិត្តក្នុងចំណោមក្រុមហ៊ុនអាជីវកម្មឯកជនមិនបានបង្ហាញពីភាពប្រសើរឡើងនោះឡើយ។

គោលការណ៍ណែនាំដែលចេញផ្សាយដោយតុលាការប្រជាជនកំពូលបានសង្កត់ធ្ងន់លើការការពារផ្លូវច្បាប់របស់ក្រុមហ៊ុនឯកជន និងសិទ្ធិបុគ្គលិកលក្ខណៈរបស់សហគ្រិន។ នេះបើយោងតាមទូរទស្សន៍ CCTV ។

ទូរទស្សន៍ CCTV បានរាយការណ៍ទៀតថា ដើម្បីកែលម្អការយល់ឃើញរបស់សាធារណៈជនចំពោះវិស័យឯកជន គោលការណ៍ណែនាំរបស់តុលាការបានបញ្ជាក់ថា អាជ្ញាធរនឹងបង្រ្កាបលើអាកប្បកិរិយាមួយចំនួន ដូចជាការបង្កាច់បង្ខូច ការមាក់ងាយ ឬការប្រមាថដល់ក្រុមហ៊ុនឯកជន និងសហគ្រិន និងការបំភាន់សាធារណជនតាមអុីនធឺណិត ដើម្បីទាក់ទាញការចាប់អារម្មណ៍។

CCTV បានបន្តថា អាជ្ញាធរក៏នឹងបង្ក្រាបលើការរំលោភសិទ្ធិ និងផលប្រយោជន៍ស្របច្បាប់របស់ក្រុមហ៊ុនឯកជនផងដែរ ដោយលើកឡើងតាមគោលការណ៍ណែនាំ។

គោលការណ៍ណែនាំខាងលើក៏បានសង្កត់ធ្ងន់លើតម្រូវការក្នុងការពង្រីកបណ្តាញផ្តល់ហិរញ្ញប្បទានសម្រាប់ក្រុមហ៊ុនឯកជនខ្នាតតូច និងមធ្យម និងបានប្តេជ្ញាដោះស្រាយជាមួយបញ្ហាប្រាក់កម្ចីខុសច្បាប់។

គោលការណ៍ណែនាំនេះបានធ្វើឡើង ស្របពេលដែលប្រទេសចិនកំពុងស្វែងរកការវិនិយោគឯកជនសម្រាប់គម្រោងធំៗចំនួន៤.៨៩៤ ជាមួយនឹងទុនវិនិយោគសរុបចំនួន៥,២៧ទ្រីលានយ័ន (៧២៣ពាន់លានដុល្លារ) បន្ទាប់ពីការវិនិយោគឯកជននៅក្នុងប្រទេសនេះបានធ្លាក់ចុះ០,៧ភាគរយក្នុងរយៈពេល៨ខែដំបូងនៃឆ្នាំនេះបើធៀបនឹងឆ្នាំមុន៕

កម្ពុជារកចំណូលបាន៤២៤លានដុល្លារពីការនាំចេញកង់ក្នុងរយៈពេល៩ខែដំបូង

ដោយ: គង់ លាងហួរ

ភ្នំពេញ: យោងតាមរបាយការណ៍របស់ក្រសួងពាណិជ្ជកម្មបានឱ្យដឹងកាលពីថ្ងៃពុធថា កម្ពុជាបាននាំចេញកង់ ដែលមានតម្លៃ៤២៤លានដុល្លារទៅកាន់ទីផ្សារបរទេសក្នុងរយៈពេល៩ខែដំបូងដើមឆ្នាំ២០២៣នេះ ដែលជាការថយចុះចំនួន៤២,៨ភាគរយធៀបនឹងរយៈពេលដូចគ្នាកាលពីឆ្នាំមុន។

រដ្ឋលេខាធិការ និងជាអ្នកនាំពាក្យក្រសួងពាណិជ្ជកម្ម លោក ប៉ែន សុវិជាតិ បានមានប្រសាសន៍ថា កង់ “Made-in-Cambodia” ត្រូវបាននាំចេញទៅកាន់សហភាពអឺរ៉ុប សហរដ្ឋអាមេរិក អង់គ្លេស កាណាដា ជប៉ុន និងចិន ក្នុងចំណោមប្រទេសដទៃទៀត។

លោកបានប្រាប់សារពត៌មាន Xinhua ថា “ការធ្លាក់ចុះនេះគឺដោយសារតែការធ្លាក់ចុះនៃសេដ្ឋកិច្ចពិភពលោក និងភាពមិនច្បាស់លាស់សកល ដែលបណ្តាលឱ្យមានការថយចុះនៃការបញ្ជាទិញ” ។

លោក ប៉ែន សុវិជាតិ បានបញ្ជាក់ថា កង់គឺជាផលិតផលផលិតកម្មដ៏សំខាន់មួយរបស់កម្ពុជាសម្រាប់ការនាំចេញ បន្ទាប់ពីសម្លៀកបំពាក់ ស្បែកជើង និងទំនិញធ្វើដំណើរ។

បច្ចុប្បន្ន ប្រទេសកម្ពុជាមានរោងចក្រផលិតកង់ចំនួន៥ ដែលរោងចក្រទាំងអស់នោះ ស្ថិតនៅក្នុងតំបន់សេដ្ឋកិច្ចពិសេសក្នុងក្រុងបាវិត ខេត្តស្វាយរៀង ជាប់ព្រំដែនជាមួយប្រទេសវៀតណាម៕

ធនាគារកណ្ដាលអ៊ីស្រាអែល ប្រកាសលក់រូបិយប័ណ្ណបរទេស៣០ពាន់លានដុល្លារ បន្ទាប់ពីរូបិយប័ណ្ណក្នុងស្រុកធ្លាក់ថ្លៃខ្លាំង

ដោយ៖ សុខុម

ហ្សេរូសាឡឹម: ធនាគារកណ្ដាលអ៊ីស្រាអែល (Bank of Israel) បានប្រកាសកាលពីថ្ងៃច័ន្ទ ទី៩ ខែតុលា ថា ខ្លួននឹងលក់រូបិយប័ណ្ណបរទេសចំនួន៣០ពាន់លានដុល្លារ ក្នុងទីផ្សារសេរីដើម្បីរក្សាស្ថិរភាពរូបិយប័ណ្ណជាតិ Shekel អំឡុងសង្គ្រាមរបស់អ៊ីស្រាអែល ជាមួយក្រុមហាម៉ាស់ (Hamas) នៅតំបន់ហ្គាហ្សា (Gaza Strip) នៃទឹកដីប៉ាឡេស្ទីន។

ការលក់រូបិយប័ណ្ណបរទេសលើកដំបូងមិនធ្លាប់មានរបស់ធនាគារកណ្តាលអ៊ីស្រាអែល នេះបានធ្វើឱ្យទីផ្សារស្ងប់រម្ងាប់ទៅវិញយ៉ាងឆាប់រហ័ស ខណៈរូបិយប័ណ្ណជាតិ Shekel បានរើបថ្លៃឡើងវិញបន្តិច ក្រោយពីធ្លាក់ថ្លៃខ្លាំងកាលពីថ្ងៃច័ន្ទ ទី៩ ខែតុលា។

ធនាគារកណ្តាលនេះបានចេញសេចក្តីថ្លែងការណ៍ថា “ធនាគារនេះនឹងចាត់វិធានការក្នុងទីផ្សារអំឡុងពេលខាងមុខដើម្បីសម្រាលស្ថានការប្រែប្រួលនៃអត្រាប្តូរប្រាក់ Shekel និងដើម្បីផ្តល់នូវសាច់ប្រាក់ងាយស្រួលចាំបាច់ដើម្បីឱ្យទីផ្សារដំណើរការជាប្រក្រតី”។

ធនាគារនេះនិយាយថា ខ្លួននឹងផ្តល់សាច់ប្រាក់ងាយស្រួលនៅក្នុងទីផ្សារចំនួន១៥ពាន់លានដុល្លារ តាមរយៈយន្តការ SWAP ជាកិច្ចសន្យាហិរញ្ញវត្ថុដែលភាគីម្ខាងដោះដូររំហូរសាច់ប្រាក់ ឬ តម្លៃនៃទ្រព្យសកម្មណាមួយជាមួយភាគីម្ខាងទៀត។

ធនាគារនេះនិយាយថា “ធនាគារកណ្ដាលអ៊ីស្រាអែល នឹងបន្តឃ្លាំមើលស្ថានការណ៍វិវឌ្ឍន៍ តាមដានគ្រប់ទីផ្សារទាំងអស់ និងធ្វើសកម្មភាពដោយប្រើឧបករណ៍ដែលមានស្រាប់តាមការចាំបាច់”។

នៅមុនការប្រកាសនេះ ប្រាក់ Shekel បានធ្លាក់ថ្លៃជាង២%ដល់កម្រិតទាបបំផុតមិនធ្លាប់មានក្នុងរយៈពេលជិត៨ឆ្នាំមកនេះ ដោយ៣,៩២ Shekel ស្មើនឹង១ដុល្លារ។ ប្រាក់ Shekel កាលពីព្រឹកថ្ងៃច័ន្ទ ដើមសប្ដាហ៍នេះបានស្ទុះងើបឡើងវិញបន្តិចមកនៅក្នុងអត្រា៣,៨៦ Shekel ក្នុងមួយដុល្លារ ដោយធ្លាក់ចុះ០,៦៕ Aljazeera៕

គំរោងព្រែកជីក “ហ្វូណនតេជោ”ប្រវែង១៨០គីឡូម៉ែត្រត្រូវបានលើកយកមកពិភាក្សាមុនចាប់ផ្តើមដំណើរការសាងសង់នាពេលខាងមុខ

ដោយៈ គង់ សូរិយា

ភ្នំពេញៈ លោកឧបនាយករដ្ឋមន្ត្រី ស៊ុន ចាន់ថុល អនុប្រធានទី១ក្រុមប្រឹក្សាអភិវឌ្ឍន៍កម្ពុជា បានដឹកនាំកិច្ចប្រជុំពិនិត្យពិភាក្សា លើសេចក្ដីព្រាងកិច្ចព្រមព្រៀងក្របខណ្ឌ (Framework Agreement) នៃគម្រោងផ្លូវនាវាចរណ៍ និងប្រព័ន្ធភស្ដុភារកម្មទន្លេបាសាក់ “ព្រែកជីកហ្វូណនតេជោ” ជាមួយក្រុមហ៊ុនសាជីវកម្មស្ពាន និងថ្នល់ចិន(CRBC) ដឹកនាំដោយលោក Zhou Yong។

ក្នុងពិធីនោះ ក៏មានការអញ្ជើញចូលរួមពីលោក ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន ព្រមទាំងថ្នាក់ដឹកនាំស្ថាប័ន នៃគណៈកម្មការអន្តរក្រសួង និងមន្ត្រីបច្ចេកទេសពីក្រុមហ៊ុនសាជីវកម្មស្ពាន និងថ្នល់ចិន មួយចំនួនផងដែរ។

សេចក្ដីព្រាងកិច្ចព្រមព្រៀងក្របខណ្ឌ (FA) ដែលកំពុងស្ថិតក្នុងការពិនិត្យកែសម្រួលនេះ បន្ទាប់ពីបញ្ចប់ការពិនិត្យ និងចុះហត្ថលេខារួចរាល់ នឹងកំណត់បានកាន់តែច្បាស់ពីសក្ដានុពល នៃគម្រោងព្រែកជីកហ្វូណនតេជោ តាមរយៈការសិក្សាឱ្យកាន់តែស៊ីជម្រៅលើគ្រប់ផ្នែកពាក់ព័ន្ធទាំងអស់ ទាំងផលចំណេញផ្នែកសេដ្ឋកិច្ច និងសង្គម។គម្រោងផ្លូវនាវាចរណ៍ និងប្រព័ន្ធភស្ដុភារកម្មទន្លេបាសាក់ ត្រូវបានប្រសិទ្ធនាមថាគម្រោង “ព្រែកជីកហ្វូណនតេជោ” នាសម័យប្រជុំពេញអង្គគណៈរដ្ឋមន្ត្រីនីតិកាលទី៦ នៃរដ្ឋសភា កាលពីថ្ងៃទី១៩ ខែឧសភា ឆ្នាំ២០២៣ កន្លងទៅ និងបន្តមកនៅថ្ងៃទី៧ ខែមិថុនា ឆ្នាំ២០២៣ រដ្ឋាភិបាលបានសម្រេចបង្កើត គណៈកម្មការអន្តរក្រសួង ដើម្បីដំណើរការអនុវត្តគម្រោងនេះផងដែរ។

គម្រោងព្រែកជីកហ្វូណន-តេជោ ធ្វើឡើងដើម្បីពង្រីកវិសាលភាពនៃការប្រើប្រាស់សក្តានុពល លើការដឹកជញ្ជូនតាមផ្លូវទឹក សំដៅចូលរួមលើកកម្ពស់សកម្មភាពសេដ្ឋកិច្ច -សង្គមឱ្យកាន់តែមានការរីកចម្រើនឈានទៅមុខមួយកម្រិតថែមទៀត និងផ្តល់ជាដំណោះស្រាយសមស្របលើបញ្ហាប្រឈម និងឧបសគ្គនានា នៃវិស័យដឹកជញ្ជូនតាមផ្លូវទឹកដែលយើងបាន និងកំពុងជួបប្រទះនាពេលបច្ចុប្បន្ន។តាមការសិក្សា បានបង្ហាញថា ផ្លូវទឹកព្រែកជីកហ្វូណន-តេជោ មានប្រវែង១៨០គីឡូម៉ែត្រ ចាប់ពីព្រែកតាកែវនៃទន្លេមេគង្គ ឆ្លងកាត់តាមព្រែកតាឯកនៃទន្លេបាសាក់ រួចចូលតាមព្រែកតាហ៊ីង នៃទន្លេបាសាក់ ស្រុកកោះធំ និងបន្តរហូតដល់សមុទ្រខេត្តកែប ដោយឆ្លងកាត់ខេត្តចំនួន៤ រួមមាន ខេត្តកណ្តាល ខេត្តតាកែវ ខេត្តកំពត និងខេត្តកែប ដែលមានប្រជាជនសរុបប្រមាណ១.៦លាននាក់ រស់នៅអមសងខាងផ្លូវទឹក។

ផ្លូវទឹកនេះ មានទទឹងមុខកាត់ផ្នែកខាងលើ ប្រវែង១០០ម៉ែត្រ និងមុខកាត់ផ្នែកខាងក្រោមប្រមាណ៨០ម៉ែត្រ និងជម្រៅទឹកប្រមាណ៥,៤ម៉ែត្រ (ជម្រៅនាវាចរណ៍ ៤,៧ម៉ែត្រ និងគម្លាតសុវត្ថិភាព ០,៧ម៉ែត្រ) មានគន្លងនាវាចរណ៍ចំនួន២គន្លង អាចចេញ-ចូល និងជៀសគ្នាបានដោយសុវត្ថិភាព។

គម្រោងនេះ នឹងសាងសង់សន្ទះ ផ្លូវនាវាចរណ៍ចំនួន៣កន្លែង, សាងសង់ស្ពានចំនួន១១កន្លែង សាងសង់ផ្លូវអមសាងខាងប្រវែង ២០៨គីឡូម៉ែត្រ និងមានបំពាក់សញ្ញាជំនួយនាវាចរណ៍ និងហេដ្ឋារចនាសម្ព័ន្ធឆ្លងកាត់ទន្លេផ្សេងៗទៀតផងដែរ។ ការសាងសង់គម្រោងផ្លូវទឹកថ្មីនេះ ត្រូវបានប៉ាន់ស្មានថា នឹងចំណាយទុនវិនិយោគ១,៧០០លានដុល្លារអាម៉េរិក និងរយៈពេលសាងសង់ប្រមាណ៤ឆ្នាំ។

គម្រោងផ្លូវនាវាចរណ៍ និងប្រព័ន្ធភស្តុភារកម្មទន្លេបាសាក់ នឹងផ្តល់អត្ថប្រយោជន៍ជាច្រើនរួមមានដូចជា ទី១ ការកាត់បន្ថយរយៈពេល ចម្ងាយ និងតម្លៃនៃការដឹកជញ្ជូននាពេលបច្ចុប្បន្ន ទី២ ការបង្កើតតំបន់ពាណិជ្ជកម្ម និងមជ្ឈមណ្ឌលភស្តុភារកម្ម ទី៣ ការអភិវឌ្ឍផែរណបថ្មីៗជាច្រើន ទី៤ ការពង្រីកតំបន់អភិវឌ្ឍន៍កសិកម្ម ធារាសាស្រ្ត វារីវប្បកម្ម និងចិញ្ចឹមសត្វ ទី៥ ការជួយគាំទ្រដល់ការអភិវឌ្ឍប៉ូលសេដ្ឋកិច្ចទី៤របស់កម្ពុជា និងទី៦ ការបង្កើតការងារបន្ថែមនៅកំពង់ផែស្វយ័តក្រុងព្រះសីហនុ កំពង់ផែស្វយ័តភ្នំពេញ និងកំពង់ផែផេ្សងទៀត ការជំរុញការអភិវឌ្ឍទីក្រុង និងនគរូបនីយកម្ម និងការជំរុញការរីកចម្រើនផ្នែកអចលនទ្រព្យ៕

Emerging economies face China and rate pressures as IMF, World Bank meet

LONDON :Emerging economies are facing headwinds from all sides, with a recent selloff in U.S. Treasuries and China’s slowing economy adding layers of uncertainty while the Federal Reserve might not have reached the end of its rate hike cycle.

Restructuring efforts for defaulted countries could reach a breakthrough before year-end as talks continue, while the finances of nations like Pakistan and Egypt will also be under scrutiny when policy makers and asset managers gather for the World Bank and International Monetary Fund’s annual meetings in Marrakech next week.

“The external backdrop does remain challenging for emerging and frontier markets across the board and that’s out of their control,” said Joseph Cuthbertson, senior sovereign analyst at PineBridge Investments. “It very much depends on the pace and timing of a Fed pivot.”

How the $13 trillion economy’s slowdown will affect other emerging markets is still an unanswered question for investors. “Lower for longer Chinese growth is shaping a new regime of investments,” Amundi’s head of emerging markets Yerlan Syzdykov told Reuters.

Demand for commodities will be hit as the world’s second-largest economy spends less on goods and services. The World Bank trimmed its 2024 China growth forecast to 4.4 per cent from 4.8 per cent.

Meanwhile, the size and shape of the international aid for Ukraine in 2024 is unclear, and a U.S. Congress spending bill that did not include aid for Kyiv has added to uncertainty.
Debt deals for defaulted nations are expected to progress in Marrakech, as in-person meetings between creditors and government officials could yield breakthroughs.

Zambia needs to reach a formal agreement with official creditors, including the Paris Club and China. Sri Lanka is in talks with the IMF on the first review of a $2.9 billion programme. Ghana is negotiating a debt rework with both bilateral and private creditors.

“It’s necessary to establish time parameters and anchor expectations,” Georgetown law professor Anna Gelpern said, referring to the Group of 20 leading economies’ debt rework process known as the Common Framework, which has been criticised for lengthy delays.

Argentina, Pakistan and Kenya top the list of nations that might face a sovereign debt default, according to JPMorgan’s September investor survey. The Fund has provided Pakistan a bridge loan that should help tide the country over until the January general election.

Overseas debt repayments on high-yield emerging economies will total $30 billion in 2024. Much focus is on Kenya’s $2 billion bond maturing in June.

At the same time, higher interest rates mean it has been “prohibitively expensive” for single-B sovereigns to tap international bond markets since early 2022, said Gregory Smith, fund manager at London-based M&G
Investments.

Egypt might be the most likely country to swerve default, according to the JPMorgan survey.”Can the Egypt IMF programme get larger financially is the big question for the meetings,” Smith said referring to Cairo’s $3 billion loan. Source: reuters

បណ្តាប្រទេសមានសេដ្ឋកិច្ចរីកចម្រើន ប្រឈមមុខនឹងសម្ពាធជាច្រើនពីគ្រប់ទិសទី ក្នុងកិច្ចប្រជុំប្រចាំឆ្នាំរបស់ World Bank និង IMF

ដោយ: គង់ លាងហួរ
អន្តរជាតិ: បណ្តាប្រទេសដែលមានសេដ្ឋកិច្ចកំពុងរីកចម្រើន ប្រឈមភាពច្របូកច្របល់ពីគ្រប់ទិសទី ដូចជាការលក់ចេញប័ណ្ណរតនាគារអាមេរិកនាពេលថ្មីៗនេះ និងបញ្ហាសេដ្ឋកិច្ចចិនដែលកំពុងធ្លាក់ចុះ ខណៈធនាគារ Fed ប្រហែលជាមិនទាន់ឈានដល់ទីបញ្ចប់នៃការដំឡើងអត្រាការប្រាក់របស់ខ្លួននៅឡើយ។

កិច្ចខិតខំប្រឹងប្រែងរៀបចំរចនាសម្ព័ន្ធឡើងវិញសម្រាប់បណ្តាប្រទេសដែលខកខានទូទាត់សងបំណុល អាចឈានដល់របកគំហើញដ៏សំខាន់មួយ មុនដំណាច់ឆ្នាំនេះ ស្របពេលដែលកិច្ចពិភាក្សាបន្ត។ទន្ទឹមគ្នានេះ អ្នកបង្កើតគោលនយោបាយ និងអ្នកគ្រប់គ្រងទ្រព្យសម្បត្តិគ្រោងនឹងជួបប្រមូលផ្តុំគ្នាក្នុងកិច្ចប្រជុំប្រចាំឆ្នាំរបស់ធនាគារពិភពលោក និងមូលនិធិរូបិយវត្ថុអន្តរជាតិនៅទីក្រុង Marrakech ប្រទេសម៉ារ៉ុក នៅសប្តាហ៍នេះ។ខាងក្រោមនេះគឺជាបញ្ហាសំខាន់ៗ ដែលនឹងត្រូវលើកមកពិភាក្សានៅក្នុងកិច្ចប្រជុំប្រចាំឆ្នាំរបស់ធនាគារពិភពលោក និងមូលនិធិរូបិយវត្ថុអន្តរជាតិ:

ទី១/ បញ្ហានៅប្រទេសចិន
ការវិនិយោគ ដែលជាប់ផុងបំណុលរបស់ប្រទេសចិន ក្នុងវិស័យហេដ្ឋារចនាសម្ព័ន្ធ និងអចលនទ្រព្យបានកើនឡើងដល់កម្រិតខ្ពស់បំផុតហើយការនាំចេញក៏កំពុងធ្លាក់ចុះស្របតាមសេដ្ឋកិច្ចពិភពលោក។ តើការធ្លាក់ចុះនៃសេដ្ឋកិច្ចចិននឹងជះផលប៉ះពាល់ដល់ទីផ្សារដែលកំពុងរីកចម្រើនផ្សេងទៀតយ៉ាងណា នៅតែជាសំណួរដែលមិនទាន់មានចម្លើយសម្រាប់អ្នកវិនិយោគ។

ទី២/ ការផ្តល់ហិរញ្ញប្បទានដល់អ៊ុយក្រែន
អ៊ុយក្រែន ត្រូវសម្រេចចិត្តថាត្រូវធ្វើអ្វីជាមួយនឹងមូលបត្របំណុលអន្តរជាតិ ដែលមានតម្លៃ២០ពាន់លានដុល្លាររបស់ខ្លួន ដោយសារការបង្កកលើការទូទាត់មូលបត្រទាំងនេះបានផុតណត់ក្នុងខែសីហា។

ទន្ទឹមនឹងនេះ ទំហំ និងរូបរាងនៃជំនួយអន្តរជាតិសម្រាប់អ៊ុយក្រែនក្នុងឆ្នាំ២០២៤ ស្ថិតក្នុងភាពមិនច្បាស់លាស់ ហើយច្បាប់ចំណាយរបស់សភាអាមេរិក ដែលមិនរួមបញ្ចូលជំនួយសម្រាប់ទីក្រុងគៀវបានផ្តល់នូវភាពមិនច្បាស់លាស់បន្ថែមទៀត។

ទី៣/ បញ្ហាបំណុល
កិច្ចព្រមព្រៀងបំណុលសម្រាប់បណ្តាប្រទេសដែលខកខានទូទាត់សងត្រូវបានរំពឹងថា នឹងសម្រេចបានវឌ្ឍនភាពនៅក្នុងកិច្ចប្រជុំ នៅទីក្រុង Marrakech ព្រោះថាការប្រជុំដោយផ្ទាល់រវាងម្ចាស់បំណុល និងមន្ត្រីរដ្ឋាភិបាលអាចផ្តល់លទ្ធផលជោគជ័យ។

ទី៤/ ការ អភិវឌ្ឍ កំណែទម្រង់
ធនាគារពិភពលោក IMF និងធនាគារអភិវឌ្ឍន៍ពហុភាគីផ្សេងទៀតកំពុងស្ថិតក្រោមសម្ពាធក្នុងការជំរុញការផ្តល់ប្រាក់កម្ចីដល់ប្រទេសក្រីក្រ ដើម្បីផ្តល់មូលនិធិដល់ការអភិវឌ្ឍន៍ និងដោះស្រាយការប្រែប្រួលអាកាសធាតុ៕

Samsung Q3 profit set to slump 80% as chip losses persist

Samsung Electronics’ third-quarter profit is expected to drop 80% from a year earlier as the effects of an ongoing global chip glut drive losses in what is normally the South Korean tech giant’s cash cow business.

The world’s biggest maker of memory chips, smartphones and televisions will announce its third-quarter preliminary earnings results on Wednesday.

Operating profit likely fell to 2.1 trillion won ($1.56 billion) in the July-September quarter, according to a LSEG SmartEstimate from 19 analysts, weighted toward those who are more consistently accurate.
It compares with an operating profit of 10.85 trillion won in the September quarter last year.

The reversal is because its chip division, traditionally its biggest earner, likely reported quarterly losses of between 3 trillion and 4 trillion won after rock-bottom memory chip prices did not recover as fast as some had predicted.Source: reuters

1...886887888...3,380 Page 887 of 3,380