រដ្ឋាភិបាលថៃអនុម័តសាងសង់ផ្លូវរថភ្លើងតភ្ជាប់ពីខេត្ត Surat Thani ទៅកាន់ក្រុង Hat Yai ក្បែរព្រំដែនម៉ាឡេសុី

17.PR , Promotion Feb (W. 1280px x H.671px)

ដោយ: គង់ លាងហួរ
បាងកក: គណៈកម្មាធិការបរិស្ថានជាតិបានអនុម័តលើការវាយតម្លៃផលប៉ះពាល់បរិស្ថាន (EIA) សម្រាប់ការសាងសង់ផ្លូវរថភ្លើងតភ្ជាប់ពីខេត្ត Surat Thani ទៅកាន់ក្រុង Hat Yai ក្នុង ខេត្ត Songkhla និងអាងស្តុកទឹកនៅឈៀងរ៉ៃ។

នៅថ្ងៃចន្ទនេះ គណៈកម្មាធិការដែលដឹកនាំដោយលោក Prawit Wongsuwan ឧបនាយករដ្ឋមន្ត្រីផុតអាណត្តិរបស់ប្រទេសថៃបានអនុម័តការសិក្សាលើការវាយតម្លៃផលប៉ះពាល់បរិស្ថាន EIA សម្រាប់ផ្លូវរថភ្លើងខាងលើដែលមានតម្លៃ៥៧,៣៨ពាន់លានបាត(ប្រហែល១,៦៥ពាន់លានដុល្លារ)។គណៈកម្មាធិការក៏បានអនុម័ត EIA ដើម្បីសាងសង់អាងស្តុកទឹកនៅក្នុងស្រុក Mae Fah Luang នៃខេត្តឈៀងរ៉ៃ ក៏ដូចជាការកែសម្រួលស្តង់ដារត្រួតពិនិត្យគុណភាពខ្យល់សម្រាប់រោងចក្រថាមពល ដើម្បីគ្រប់គ្រងការបញ្ចេញផ្សែង និងការបំពុលធូលី។

គណៈកម្មាធិការក៏បានសិក្សាឃើញផងដែរថា សហគមន៍នៅទូទាំងប្រទេសបានចាប់ផ្តើមបំបែកកាកសំណល់ពុលចេញពីកាកសំណល់ដែលអាចកែច្នៃឡើងវិញបាន ប៉ុន្តែបរិមាណកាកសំណល់ពុលបានកើនឡើង។

ទន្ទឹមគ្នានោះដែរ លោក Prawit បានណែនាំដល់ក្រសួងធនធានធម្មជាតិ និងបរិស្ថាន បន្តតាមដានការបំពុលខ្យល់ ទឹក និងសំឡេង ក៏ដូចជាការចាត់ចែងសំរាម ដើម្បីធានាឱ្យស្ថានការណ៍បន្តប្រសើរឡើង។

លើសពីនេះ គណៈកម្មការក៏បានអនុម័តលើរបាយការណ៍ឆ្នាំ២០២២ ស្តីពីការបំពុលទូទាំងប្រទេស ដែលបានសន្និដ្ឋានថា គុណភាពនៃធនធានទឹកសមុទ្រ និងទឹកសាប ព្រមទាំងទឹកក្រោមដីមានភាពប្រសើរឡើង។ របាយការណ៍នោះក៏បានអះអាងដែរថា កម្រិតនៃការបំពុលបរិយាកាសក៏មានភាពប្រសើរឡើងផងដែរ៕

CICCបង្ហាញគម្រោងចំនួន៥ សម្រាប់ចូលរួមអភិវឌ្ឍន៍ខេត្តនិងផ្តល់ការងារជូនប្រជាពលរដ្ឋក្នុងខេត្តសៀមរាប

ដោយៈ គង់ សូរិយា

សៀមរាបៈ សមាគមពាណិជ្ជកម្មអន្តរជាតិកម្ពុជា (CICC) និងសហការីចូលជួបសម្តែងការគួរសម និងពិភាក្សាការងារផ្សេងៗពាក់ព័ន្ធនឹងគម្រោងមួយចំនួន ដើម្បីរៀបចំផែនការអភិវឌ្ឍខេត្តសៀមរាប។

លោក Johnny Mo នាយកសមាគមពាណិជ្ជកម្មអន្តរជាតិកម្ពុជា (CICC) បានថ្លែងប្រាប់លោកទៀ សីហា អភិបាល នៃគណៈអភិបាលខេត្តថា លោកមានគម្រោងមួយចំនួន៥ ដើម្បីចូលរួមចំណែកការអភិវឌ្ឍខេត្តសៀមរាប កាន់តែប្រសើរបន្ថែមទៀត ពិសេសជួយដល់ប្រជាពលរដ្ឋឱ្យមានការងារធ្វើផងដែរ។ជាមួយនឹងគម្រោងទាំង ៥គម្រោង គឺផ្តោតទៅលើការងារសំខាន់ៗជាច្រើនដូចជា
ទី១. គម្រោងសេវាកម្មដឹកជញ្ជូនអគ្គិសនី
ទី២.គម្រោងមជ្ឈមណ្ឌលវប្បធម៌ព្រះពុទ្ធសាសនា
ទី៣. គម្រោងមជ្ឈមណ្ឌលផលិតកម្មភាពយន្ត និងតន្ត្រីរបស់កម្ពុជា
ទី៤. គម្រោងគ្រប់គ្រងសណ្ឋាគារ និងអចលនទ្រព្យ និងទី៥. គម្រោងសាងសង់ផ្ទះចូលនិវត្តន៍។

លោកអភិបាលខេត្តសៀមរាប ទៀ សីហា បានថ្លែងអំណរគុណយ៉ាងជ្រាលជ្រៅចំពោះ លោក Johnny Mo នាយកសមាគមពាណិជ្ជកម្មអន្តរជាតិកម្ពុជា (CICC) និងសហការី ដែលបានចូលជួបសម្តែងការគួរសម និងបង្ហាញអំពីគម្រោងទាំង៥គម្រោង សម្រាប់អភិវឌ្ឍន៍ខេត្តសៀមរាបបន្ថែម ពិសេសគឺការផ្តល់ការងារជូន ដល់ប្រជាពលរដ្ឋថែមទៀតផង៕

ក្រុមហ៊ុនHongkong Land បោះទុន៨០០០លានដុល្លារសាងសង់មជ្ឈមណ្ឌលពាណិជ្ជកម្មចម្រុះនៅក្រុងសៀងហៃ

ដោយ: គង់ លាងហួរ

ហុងកុង: ក្រុមហ៊ុន HongkongLand ដែលជាម្ចាស់ដីពាណិជ្ជកម្មដ៏ធំបំផុត កំពុងចាប់ផ្តើមការវិនិយោគ ដ៏ធំបំផុតមិនធ្លាប់មាន ជាមួយគម្រោងប្រើប្រាស់ចម្រុះ តម្លៃ៨ពាន់លានដុល្លារនៅក្នុងទីក្រុងសៀងហៃ។

យោងតាមការចុះផ្សាយដោយសារព៌តមានThe South China Morning Post បានឱ្យដឹងថា គម្រោងនេះ ត្រូវបានគេហៅឈ្មោះថា West Bund Financial Hub មានទីតាំងនៅ Xuhui Waterfront ឬ West Bund របស់ទីក្រុងសៀងហៃ។

ក្នុងរយៈពេល៥ឆ្នាំខាងមុខ ក្រុមហ៊ុនអភិវឌ្ឍន៍នឹងចាប់ផ្តើមគម្រោងថ្មីចំនួន១០ នៅក្នុងទីក្រុងចិនដីគោកចំនួន៧ ដែលមានដូចជា Shanghai Chongqing Chengdu Wuhan Nanjing Hangzhou និង Suzhou។

បច្ចុប្បន្ននេះ ក្រុមហ៊ុន Hongkong Land គ្រប់គ្រងអចលនទ្រព្យបែបពាណិជ្ជកម្ម នៅទីក្រុងហុងកុង ម៉ាកាវ ប៉េកាំង ឆុងឈីង និងសៀងហៃ។

លោក Ling Chang Feng នាយកប្រតិបត្តិក្រុមហ៊ុនអចលនទ្រព្យពាណិជ្ជកម្ម Hongkong Land បញ្ជាក់ក្នុងការឆ្លើយតបតាមអ៊ីមែលថា “យើងមានទំនុកចិត្តលើទស្សនវិស័យ កំណើនរយៈពេលវែងសម្រាប់ប្រទេសចិន”។ លោកបន្តថា “វណ្ណៈកណ្តាលរបស់ប្រទេសចិនត្រូវបានគេរំពឹងថា នឹងបន្តកើនឡើង ហើយសេដ្ឋកិច្ចជាតិនឹងត្រូវបានជំរុញ និងការផ្តោតសំខាន់កាន់តែខ្លាំង ទៅលើការផ្តល់អចលនទ្រព្យដែលមានគុណភាពខ្ពស់”។

លោក Martin Wong ប្រធានផ្នែកស្រាវជ្រាវ និងប្រឹក្សា Greater China នៅក្រុមហ៊ុន Knight Frank បានលើកឡើងថាទស្សនវិស័យ នៃទីផ្សារអចលនទ្រព្យពាណិជ្ជកម្ម នៅទីក្រុងសៀងហៃកំពុងមានភាពជោគជ័យ នៅក្នុងរយៈពេលវែង ហើយទ្រព្យសកម្មនានាដូចជាការលក់រាយ និងមជ្ឈមណ្ឌលទិន្នន័យ នឹងត្រូវបានស្វែងរកដោយអ្នកវិនិយោគ។ការសាងសង់គម្រោងប្រើប្រាស់ចម្រុះ ខាងលើនេះនឹងត្រូវចែកចេញជា៣ដំណាក់កាល។ ដំណាក់កាលដំបូងទី១ នឹងផ្តល់ជូននូវអចលនទ្រព្យលំនៅដ្ឋាន ហើយការលក់នឹងចាប់ផ្តើមនៅក្នុងឆ្នាំ២០២៣នេះ។

ដំណាក់កាលទី២ រួមមានការសាងសង់ការិយាល័យ សណ្ឋាគារប្រណិត មជ្ឈមណ្ឌលសន្និបាត និងកន្លែងវប្បធម៌ផ្សេងទៀត ទំនងជានឹងត្រូវបញ្ចប់នៅក្នុងដំណាក់កាល ក្នុងចន្លោះរវាងឆ្នាំ២០២៤ និងឆ្នាំ២០២៦ខាងមុខ។

ចំណែក ដំណាក់កាលទី៣ រួមមានការិយាល័យ និងផ្នែកលក់រាយដ៏ប្រណិត ក៏ដូចជា សណ្ឋាគារប្រណិតទំនើប និងផ្ទះល្វែងសេវាកម្ម ហើយដំណាក់កាលនេះ ត្រូវបានគេរំពឹងថា នឹងត្រូវសាងសង់បញ្ចប់រវាងឆ្នាំ២០២៦ និងឆ្នាំ២០២៧៕

វិភាគៈតើភាគខាងលិចក្រុងភ្នំពេញនឹងវិវត្តន៍បែបណា?

ដោយៈ វិភាគដោយលោកយិន លាងគង់

ភ្នំពេញៈ តំបន់ផ្លូវជាតិលេខ៣ ផ្លូវជាតិលេខ៤ បាននិងកំពុងរីកចម្រើន ផ្នែកនគរូបនីយកម្មយ៉ាងលឿនស្លេវ ជាមួយកំណើនប្រជាសាស្រ្ត សេដ្ឋកិច្ច និងសង្គម។

ផ្នែកខាងលិចរាជធានី និយាយពីផ្លូវជាតិលេខ៣ ការរីកចម្រើនបាននិងកំពុងតភ្ជាប់រាជធានីភ្នំពេញ ទៅដល់ទីប្រជុំជនស្រុកត្រាំកក់ (អង្គតាសោម)បណ្តើរៗ ស្របពេលផ្លូវជាតិលេខ៤ វិស័យសំណង់ រោងចក្រ សហគ្រាស មជ្ឈមណ្ឌលពាណិជ្ជកម្ម បាននិងកំពុងតភ្ជាប់ជាមួយខេត្តកំពង់ស្ពឺ ខណៈផ្លូវជាតិលេខ៤១ និងផ្លូវជាតិលេខ៥១បាននិងកំពុងទទូលផល ពីគោលនយោបាយរបស់រាជរដ្ឋាភិបាល ដែលបានជម្រុញឲ្យរោងចក្រ សហគ្រាស រើចេញពីកណ្តាលរាជធានី ហើយទៅបោះទីតាំងនៅលើផ្លូវរណបទាំងពីរនេះ។
តើភាគខាងលិចនឹងរីកចម្រើនដូចម្តេចក្នុងទម្រង់បែបណា?
នៅពេលលើកឡើងសំណួរនេះ យើងត្រូវសិក្សាលើកត្តាសេដ្ឋកិច្ច និងប្រជាសាស្រ្តក្នុងតំបន់ ដែលការពិតកាលពី១០ឆ្នាំមុន ចេញពីចោមចៅ ឆ្ពោះទៅកាន់ទឹកដី ខេត្តកំពត ភាគច្រើនដីនៅតំបន់នេះជាវាលស្រែ និងបឹងតូចធំ។ មូលដ្ឋានសេដ្ឋកិច្ចរបស់ប្រជាពលរដ្ឋ គឺពឹងផ្អែកលើវិស័យកសិកម្មជាចម្បង ប៉ុន្តែបច្ចុប្បន្នពួកគេបានបោះបង់ការធ្វើស្រែខ្លះ និងបានប្តូររបរពីធ្វើស្រែ មកលក់ដូរនៅតាមមុខរោងចក្រ សហគ្រាសនានា និងប្រកបរបរបន្ទាប់បន្សំមួយចំនួន។

មូលដ្ឋានសេដ្ឋកិច្ចគ្រួសារ នឹងឆ្លុះបញ្ចាំងពីមូលដ្ឋាន និងអំណាចនៃការទិញរបស់ពួកគេ ហេតុនេះអ្នកវិនិយោគធំៗក៏វិភាគច្រើន មុនសម្រេចចិត្តវិនិយោគ លើមជ្ឈមណ្ឌលពាណិជ្ជកម្ម ឬផ្សារទំនើបធំៗផងដែរ ព្រោះអ្នកវិនិយោគពួកគេសម្លឹងមើល អំណាចនៃការទិញជាមុន មុនសម្រេចចិត្តបោះទុន។

ដូចគ្នានេះ ផ្សារទំនើបAEON Mall មុនពួកគេសាងសង់និងបើកដំណើរការផ្សារនេះនៅឆ្នាំ២០១៥ ពួកគេបានសិក្សាពីប្រាក់ចំណូលពីសេដ្ឋកិច្ច ពីស្ថេរភាពនយោបាយ និងមូលដ្ឋានសន្តិភាពយ៉ាងយូរមុនពួកគេសាងសង់ និងបើកដំណើរការផ្សារទី១ របស់ពួកគេនៅឆ្នាំ២០១៥។ផ្លូវជាតិលេខ៤
តំបន់ស្ថិតនៅស្របតាមផ្លូវជាតិលេខ៤ ក៏មានសភាពស្រដៀងគ្នានឹងផ្លូវជាតិលេខ៣ ដែលអ្នកវិនិយោគលំនៅដ្ឋាន សាងសង់ផ្សារ បានផ្តោតលើអ្នកមានចំណូលមធ្យមចុះ ជាជាងផ្តោតលើលំនៅដ្ឋានលំដាប់អភិជន។

ប៉ុន្តែការមានផ្លូវខេត្តរណបចំនួនពីរ គឺផ្លូវលេខ៤១ និងផ្លូវលេខ៥១ បានជួយឲ្យសកម្មភាពសេដ្ឋកិច្ច និងឧស្សាហកម្មនៅតាមបណ្តោយផ្លូវជាតិលេខ៤ មានសភាពរសរវើកជាង ហើយបុរីធំៗមួយចំនួនបានបោះទុនវិនិយោគនៅលើផ្លូវនេះ ប៉ុន្តែគំរោងធំមួយរបស់ចិន ដែលវិនិយោគនៅតំបន់នេះ ក៏បានពន្យាពេលផងដែរ។

ក្រៅពីកត្តាសុខសន្តិភាព ការរីកចម្រើនសេដ្ឋកិច្ច និងមូលដ្ឋានសេដ្ឋកិច្ចនៅក្នុងតំបន់ ដែលនាំឲ្យមានការរីកចម្រើន របស់តំបន់ណាមួយ នឹងពឹងផ្អែកសំខាន់លើសេដ្ឋកិច្ចមូលដ្ឋាន និងអំណាចនៃការទិញក្នុងតំបន់ ដែលអ្នកវិនិយោគ និងអ្នកអភិវឌ្ឈន៍ឆ្លាតវៃ ពួកគេតែងតែសម្លឹងមើលចំណុចនេះមុនគេ មុនពួកគេសម្រេចចិត្តបោះទុន រាប់លានដុល្លារនៅតំបន់នោះ។

តើរយៈពេល៥ឆ្នាំខាងមុខតំបន់ភាគខាងលិចនឹងវិវត្តន៍បែបណា?
ប្រសិនជាស្ថានភាពសេដ្ឋកិច្ចពិភពលោក មានភាពប្រសើរឡើង ការប្រែប្រួលភូមិសាស្រ្ត នយោបាយក្នុងតំបន់ អាចទស្សន៍ទាយបាន មហាអំណាចធំៗ មានភាពស្រុះស្រួលគ្នា ដើម្បីរុញសេដ្ឋកិច្ចពិភពលោកឆ្ពោះទៅរកវិបុលភាព សម្រាប់មនុស្សជាតិ តំបន់ស្ថិតនៅលើផ្លូវជាតិសំខាន់ៗទាំងពីរ និងផ្លូវរណបទាំងពីរ(ផ្លូវលេខ៤១ និងផ្លូវលេខ៥១) នឹងទាក់ទាញការវិនិយោគពីរោងចក្រ សហគ្រាសកាន់តែច្រើន អំណាចនៃការទិញកើនឡើង ដោយសារប្រាក់ចំណូលរបស់កម្មករ កម្មការិនីកើនឡើង។

ទោះជាយ៉ាងណារយៈពេល៥ ទៅ១០ឆ្នាំខាងមុខ តំបន់នេះនឹងមិនមានករប្រែប្រួលច្រើននៅឡើយទេ ដោយសារប្រជាពលរដ្ឋក្នុងតំបន់ មិនទាន់សម្រេចចិត្តរស់នៅតាមខុនដូនៅឡើយ ព្រោះដីវាលស្រែនៅមានសភាពល្វឹងល្វើយ និងសម្លេងកង្កែប ហ៊ីង ចង្រិតយំនៅកំដររាត្រីកាលដដែល៕

មន្រ្តីជាន់ខ្ពស់រដ្ឋាភិបាលៈ ស្រុកល្វាឯម នឹងក្លាយជាក្រុងរណបថ្មីមួយទៀតនៅពេលអនាគត

ដោយៈ ហ្វីអូណា

កណ្តាលៈ លោកបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្តី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុបានថ្លែងថា ស្រុកល្វាឯម នឹងក្លាយជាទីក្រុងរណបថ្មីមួយ ក្រោយស្ពានឆ្លងកាត់ពីជ្រោយចង្វារ មកកាន់ក្រុងអរិយក្សត្រ និងស្ពានឆ្លងកាត់ទន្លេមេគង្គពីស្រុកកៀនស្វាយ មកស្រុកល្វាឯម ស្ថាបនារួចនៅឆ្នាំ២០២៧ខាងមុខនេះ។

លោកបញ្ជាក់ថា “សមិទ្ឋផល និងវឌ្ឍនភាពនេះសបញ្ជាក់ឲ្យឃើញពីតម្លៃ នៃសុខសន្តិភាព ទើបយើងមានឱកាសអភិវឌ្ឍន៍ប្រទេសឲ្យកាន់តែរីកចម្រើនឡើង ពីមួយកម្រិតទៅកម្រិត”។

ឧបនាយករដ្ឋមន្ដ្រី អូន ព័ន្ធមុនីរ័ត្ន ថ្លែងបែបនេះ ក្នុងពិធីសម្ពោធដាក់ឲ្យប្រើប្រាស់ជាផ្លូវការផ្លូវបេតុងអាមេ២ខ្សែ ផ្លូវក្រាលគ្រួសក្រហមចំនួន១ខ្សែ នៅឃុំកោះរះ ឃុំថ្មគរ ឃុំព្រៃករៃ និងឃុំទឹកឃ្លាំង ស្រុកល្វាឯម នៅថ្ងៃទី២៣ ខែមិថុនា ឆ្នាំ២០២៣។លោកអគ្គបណ្ឌិតសភាចារ្យ អូន ព័ន្ធមុនីរ័ត្នជាប្រធានក្រុមការងារគណបក្សប្រជាជនចុះជួយស្រុកល្វាឯម ខេត្តកណ្តាល។

ឧបនាយករដ្ឋមន្ត្រីបានបន្តថា គម្រោងស្ពានដែលឆ្លងកាត់ពីស្រុកកៀនស្វាយ មកស្រុកល្វាឯមនេះ គ្រោងនឹងធ្វើថ្នល់លើអាកាស រហូតដល់ផ្លូវល្បឿនលឿនតែម្ដង តែឆ្លងកាត់តាមការពិចារណាក្នុងទិសដៅ ដើម្បីផលប្រយោជន៍ប្រជាជន ក្រសួងសាម៉ីពាក់ព័ន្ធ បានពិភាក្សាគ្នា ដោយឈរលើផលប្រយោជន៍ប្រជាជនជាធំ ក៏សម្រេចថា សាងសង់ជាផ្លូវក្រោមវិញ ដើម្បីបង្កភាពងាយស្រួល ដល់ពលរដ្ឋទាំងផ្នែកសេដ្ឋកិច្ចដីធ្លី និងការធ្វើដំណើរផងដែរ។

លោកបានបន្តថា “ការរីកចម្រើននេះ ក៏អាស្រ័យលើកត្តាសុខសន្តិភាពជាធំ ដែលជាមូលដ្ឋានសំខាន់បំផុត ញ៉ាំងឲ្យយើងមានឱកាសក្នុងការកសាងជាតិ មាតុភូមិឲ្យរីកចម្រើនឡើងក្រោមការដឹកនាំ និងរកបានសន្តិភាពដោយលំបាកលំបិន ពីសំណាក់សម្ដេចតេជោ ហ៊ុន សែន”។ លោកបន្តថា “ដូច្នេះយើងទាំងអស់គ្នា ត្រូវប្ដេជ្ញាថែរក្សាសន្តិភាពឲ្យគង់វង្សជាដាច់ខាត ទោះក្នុងតម្លៃណាក៏ដោយ ត្រូវរួមគ្នាការពារសន្តិភាព ឲ្យបានស្ថិតស្ថេរជាអមតៈ និងបោះឆ្នោតជូនគណបក្សប្រជាជនកម្ពុជាទាំងអស់គ្នា”។លោកបញ្ជាក់បន្ថែមថា “ការអភិវឌ្ឍសង្គម-សេដ្ឋកិច្ច នៅកម្ពុជា បាននិងកំពុងបន្តឈានឡើង ជាលំដាប់ឥតឈប់ឈរនៅលើមាគ៌ាដ៏ត្រឹមត្រូវ និងប្រកបដោយក្ដីសង្ឃឹម”។ លោកបន្តថា មនុញ្ញផល នៃការអភិវឌ្ឍដែលយើងទាំងអស់គ្នា កំពុងតែក្រេបជញ្ជក់សព្វថ្ងៃនេះ កើតចេញពីការដឹកនាំប្រកបដោយគតិបណ្ឌិត និងភាពឈ្លាសវៃរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ដែលបាននាំមកជូនប្រទេស និងប្រជាជាតិយើង នូវសុខសន្តិភាពពេញផ្ទៃប្រទេស និងបន្តដឹកនាំអភិវឌ្ឍន៍ប្រទេសចេញពីបាតដៃទទេ រហូតសម្រេចបាននូវសមិទ្ធផលជាច្រើនឥតគណនា ដូចបច្ចុប្បន្ន។

ឧបនាយករដ្ឋមន្ត្រី អូន ព័ន្ធមុនីរ័ត្ន ស្នើឲ្យរដ្ឋបាលខេត្ត ជំរុញដល់ក្រុមការងាររាជរដ្ឋាភិបាលគ្រប់លំដាប់ថ្នាក់ គណៈបញ្ជាការឯកភាពគ្រប់លំដាប់ថ្នាក់ រដ្ឋបាលស្រុកកៀនស្វាយ ក៏ដូចជាប្រជាពលរដ្ឋទូទៅ បន្តយកចិត្តទុកដាក់លើការងារសំខាន់ៗមួយចំនួន ដែលបានដាក់ចេញ ដោយត្រូវបំពេញការងារទាំងនោះឲ្យបានល្អ ចេញជាលទ្ធផលផ្លែផ្កាសមប្រកប៕

វីឡាធំ ភូមិគ្រឹះអស្ចារ្យ និងការរស់នៅបែបអភិជន ពិតជាស័ក្ដិសមជាមួយ ឈុតសាឡុង Roslinda ជា Collection ធំបំផុតពី Deluxe Arte របស់ប្រទេសអ៊ីតាលី!

ដោយ:សហការី
វីឡាធំ ភូមិគ្រឹះអស្ចារ្យ និងការរស់នៅបែបអភិជន ពិតជាស័ក្ដិសមជាមួយ ឈុតសាឡុង Roslinda ជា Collection ធំបំផុតពី Deluxe Arte របស់ប្រទេសអ៊ីតាលី!

Roslinda មានអត្ថន័យដើមចេញពីភាសាអាល្លឺម៉ង់ ហើយក៏ជាឈ្មោះរបស់មនុស្សស្រី ដែលពេញនិយមតាំងពីបុរាណកាល។ ដោយឈ្មោះ Roslinda ចេញពីឈ្មោះពីររួមបញ្ចូលគ្នា Rosa និង Linda ។ ដោយ Rosa មានន័យថា “ផ្កាកូលាប” និង Linda មានន័យថា “ស្រស់ស្អាត” ។ ដូច្នេះ Roslinda មានអត្ថន័យថា “ផ្កាកូលាបដ៏ស្រស់ស្អាត” ។

គ្រោងទាំងមូលនៃឈុតសាឡុង Roslinda នេះផ្ទាល់ត្រូវបានចម្លាក់ឡើង ពីដៃសុទ្ធសាធ ប្រើប្រាស់ឈើប្រណិតដ៏កម្រពីប៉ែកអឺរ៉ុប មានឈ្មោះ African Mahogany ដែលត្រូវបានគេយកមកតុបតែងលម្អក្នុងរថយន្តដ៏ប្រណិតម៉ាក Roll Royce ជាដើម។ សម្រាប់ចម្លាក់ និងទឹកថ្នាំពណ៍មាស (Brush Gold) ត្រូវបានវិចិត្រករដ៏ជំនាញជនជាតិអ៊ីតាលី គូស ឆ្លាក់ និងលាបដោយដៃសុទ្ធសាធ យ៉ាងយកចិត្តទុកដាក់ មាន Detail ស្រមោល ភ្លឺ ងងឹត ធ្វើអោយមានភាពផុសស្រស់ស្អាត គយគន់កាន់តែយូរ កាន់តែអស្ចារ្យ។

ដោយលែកសាច់ក្រណាត់ (Fabric) មានសភាពក្រាស់ រឹងមាំ ត្បាញឡើងប្រើប្រាស់ លាយ Viscose ដែលមានគុណភាពស្មើរនឹងសរសៃសូត្រ។ សម្រាប់ឈុតសាឡុងដ៏ធំអស្ចារ្យ Roslinda នេះផ្ទាល់ ពិតជាស័ក្ដិសមណាស់សម្រាប់អតិថិជន ដែលកំពុងស្វែងរកគ្រឿងសង្ហារិមប្រណិតៗ ស្រស់ស្អាត បែប Classic មានគុណភាពខ្ពស់ មាន Brand និងប្រភពច្បាស់លាស់ សម្រាប់តុបតែងបន្ទប់ទទួលភ្ញៀវ ផ្ដល់ជូននូវសោភ័ណ្ឌភាព និងប្រណិតភាពដ៏អស្ចារ្យដល់គេហដ្ឋាន។

Limperial Home Luxury ជាហាងតែមួយគត់ ដែលទទួលនូវសិទ្ធនាំចូល និងចែកចាយផ្ដាច់មុខ គ្រឿងសង្ហារិមរបស់ប្រទេសអ៊ីតាលី Deluxe Atre នៅក្នុងព្រះរាជាណាចក្រកម្ពុជា។
Limperial Home Luxury ដែលមានអាស័យដ្ឋាននៅ អាគារ#767, ផ្លូវ កម្ពុជាក្រោម, ជិតស្ពានអាកាស៧មករា, ឬអាចទំនាក់ទំនងតាមទូរស័ព្ទ ៖ 092 222 421, 061 610 222, 016 610 222។𝐖𝐞𝐛𝐬𝐢𝐭𝐞: https://limperialluxury.com/
𝐓𝐞𝐥𝐞𝐠𝐫𝐚𝐦: t.me/limperialhomeluxury
𝐅𝐚𝐜𝐞𝐛𝐨𝐨𝐤: https://shorturl.at/eIOS8
𝐈𝐧𝐬𝐭𝐚𝐠𝐫𝐚𝐦: https://shorturl.at/bdgX7
𝐘𝐨𝐮𝐓𝐮𝐛𝐞: https://bit.ly/3E7I66M
𝐓𝐢𝐤𝐓𝐨𝐤: https://shorturl.at/gkyAH
𝐋𝐢𝐧𝐤𝐞𝐝𝐈𝐧: https://shorturl.at/irOTV
𝐌𝐚𝐩: https://bit.ly/3qPMyiY

តម្លៃដែកសំណង់ធ្លាក់ថ្លៃ១០ខែជាប់ៗគ្នាក្នុងទីផ្សារវៀតណាម

សុខុម

ហាណូយ : ទោះបីជាតម្រូវការដែកសំណង់បានកើនឡើងជាង២៦%ក្នុងខែឧសភា ធៀបនឹងខែមេសា យ៉ាងណាក្ដី ក៏តម្លៃដែកសំណង់បានធ្លាក់ថ្លៃ១០ខែជាប់ៗគ្នាក្នុងទីផ្សារវៀតណាម ហើយបណ្ដាសហគ្រាសផលិតដែករំពឹងថាពួកគេនឹងជួបការលំបាកបន្តទៀត។

របាយការណ៍ប្រចាំខែរបស់សមាគមដែកថែបវៀតណាម (VSA) បង្ហាញថា ទិន្នផលដែកសំណង់បានកើនឡើង១៤,១៨%ក្នុងខែឧសភា បើធៀបនឹងខែមេសា ឈានដល់៨១២.០៨៥តោន។ នេះបើយោងតាមសារព័ត៌មាន Vietnam News ចុះផ្សាយនៅថ្ងៃសុក្រ ទី២៣ ខែមិថុនានេះ។

ការលក់ផលិតផលដែកក្នុងខែឧសភា បានកើនឡើង២៦,០៨%ឈានដល់៩២៧.៦១៨តោន ប៉ុន្តែគ្មានការប្រែប្រួលច្រើននោះទេបើធៀបនឹងរយៈពេលដូចគ្នាកាលពីឆ្នាំមុន។ វត្ថុធាតុដើមបានឡើងថ្លៃបន្តិចនៅចុងខែឧសភា និងបន្តឡើងថ្លៃដល់ខែមិថុនា។ ទោះជាយ៉ាងណា ដោយសារតម្រូវការធ្លាក់ចុះ បណ្ដាសហគ្រាសផលិតដែកថែបត្រូវកាត់ទម្លាក់ថ្លៃជាបន្តបន្ទាប់ ហើយបានស្វែងរកការឧបត្ថម្ភធន។នៅទីផ្សារក្នុងស្រុក គិតត្រឹមថ្ងៃទី១៥ ខែមិថុនា សហគ្រាសផលិតដែកមួយចំនួនបានទម្លាក់ថ្លៃចន្លោះពី៤,២៥ដុល្លារ ដល់១១,៥០ដុល្លារ ក្នុងមួយតោនសម្រាប់ដែករ៉ូឡូ ដោយធ្លាក់ថ្លៃមកនៅត្រឹមចន្លោះពីប្រមាណ៥៩០ដុល្លារ ដល់៦៣០ដុល្លារ ក្នុងមួយតោន។

ទោះជាយ៉ាងណា សហគ្រាសផលិតដែកទាំងនោះបានរក្សាតម្លៃឱ្យនៅដដែលក្នុងតម្លៃប្រមាណ៦៤០ដុល្លារ ក្នុងមួយតោនសម្រាប់ដែកថ្នាំងអំពៅ។ នេះបើយោងតាមសារព័ត៌មាន Vietnam Post ចុះផ្សាយកាលពីថ្ងៃកាលពីដើមសប្ដាហ៍នេះ៕ Vietnam News៕

តើទណ្ឌកម្មលើមហាយក្សចិន ក្នុងករណីផ្ទុះសង្គ្រាមតៃវ៉ាន់ នឹងបង្កវិនាសកម្មដល់សេដ្ឋកិច្ចពិភពលោកធ្ងន់ធ្ងរកម្រិតណា?

សុខុម

ហុងកុង: បញ្ហាកោះតៃវ៉ាន់ គឺជាចំណុចដ៏រសើបបំផុតដែលធ្វើឱ្យទំនាក់ទំនងការទូតរវាងប្រទេសចិន និងសហរដ្ឋអាមេរិក ប្រេះឆា និងកើនឡើងកម្ដៅជាច្រើនលើកច្រើនសា បង្កការព្រួយបារម្ភពេញពិភពលោក។

ដោយសារតែកោះតៃវ៉ាន់ ប្រកាសថាខ្លួនជារដ្ឋឯករាជ្យដោយមានសហរដ្ឋអាមេរិក គាំទ្រនៅពីក្រោយ ខណៈប្រទេសចិន អះអាងរហូតមកថា តៃវ៉ាន់ គ្រាន់តែជាកោះមួយរបស់ប្រទេសចិន នោះ ពេលនេះមានការចោទជាសំណួរដ៏គួរឱ្យចាប់អារម្មណ៍មួយថា៖ តើទណ្ឌកម្មលើមហាយក្សចិន ក្នុងករណីផ្ទុះសង្គ្រាមតៃវ៉ាន់ នឹងបង្កវិនាសកម្មដល់សេដ្ឋកិច្ចពិភពលោកធ្ងន់ធ្ងរកម្រិតណា?

យោងតាមរបាយការណ៍សិក្សាស្រាវជ្រាវមួយចេញផ្សាយកាលពីថ្ងៃព្រហស្បតិ៍ ទី២២ ខែមិថុនា បង្ហាញថា ការដាក់ទណ្ឌកម្មសេដ្ឋកិច្ចពេញទំហឹងដោយក្រុមប្រទេស G7 ទៅលើរដ្ឋាភិបាលក្រុងប៉េកាំង ក្នុងករណីប្រទេសចិន បញ្ឆេះសង្រ្គាមទៅលើកោះតៃវ៉ាន់ នឹងបង្កឱ្យសេដ្ឋកិច្ចពិភពលោកទទួលរងការខាតបង់រហូតដល់ទៅ៣ទ្រីលានដុល្លារអាមេរិក ដែលស្ទើរតែស្មើផលទុនជាតិសរុប (GDP) របស់ប្រទេសអង់គ្លេស ទាំងមូល។របាយការណ៍របស់អង្គការក្រុមប្រឹក្សាអាត្លង់ទិក (Atlantic Council) និងក្រុមហ៊ុនផ្ដល់ការសិក្សាស្រាវជ្រាវឯករាជ្យ Rhodium Group នេះធ្វើឡើងក្រោយពីរដ្ឋាភិបាលក្រុងប៉េកាំង បានបង្ហើបពីបំណងព្យាយាមដណ្ដើមកោះតៃវ៉ាន់ យកមកកាន់កាប់វិញដោយប្រើកម្លាំងបាយ។

របាយការណ៍នេះក៏បង្ហាញពីមេរៀនទទួលបានពីការចូលឈ្លានពានប្រទេសអ៊ុយក្រែន នៅថ្ងៃទី២៤ ខែកុម្ភៈ ឆ្នាំ២០២២ ពីសំណាក់ប្រទេសរុស្ស៊ី ដែលមានទំហំសេដ្ឋកិច្ចត្រឹមតែ១ភាគ១០នៃទំហំសេដ្ឋកិច្ចរបស់ប្រទេសចិន ផងដែរ។

លោក Charlie Vest នាយករងក្រុមហ៊ុន Rhodium Group និងជាសហអ្នកសរសេររបាយការណ៍ដែលមានចំណងជើងថា “ការដាក់ទណ្ឌកម្មប្រទេសចិន ក្នុងវិបត្តិតៃវ៉ាន់ : សេណារីយ៉ូ និងហានិភ័យ” (Sanctioning China in a Taiwan Crisis: Scenarios and Risks) បានលើកឡើងថា “ស្ថានការណ៍កាន់តែអាក្រក់ទៅៗនៅច្រកសមុទ្រតៃវ៉ាន់ (Taiwan Strait) នឹងធ្វើឱ្យគ្រប់គ្នាខាតបង់យ៉ាងច្រើនសន្ធឹកសន្ធាប់”។

លោកបានបន្ថែមទៀតថា “ប៉ុន្តែស្ថានការណ៍កាន់អាក្រក់ទៅៗពិតជាកើតឡើង។ ហើយយើងបានមើលឃើញស្ថានការណ៍នោះយ៉ាងច្បាស់នៅអ៊ុយក្រែន។ ដូច្នេះវាពិតជាសំខាន់ណាស់ដែលយើងត្រូវគិតគូរ និងយល់ដឹងពីផលវិបាករបស់វា”។

របាយការណ៍ដែលមានកម្រាស៣៥ទំព័រនេះបង្ហាញពីគោលដៅសំខាន់ៗចំនួន៣ដែលក្រុមប្រទេស G7 រួមមានកាណាដា បារាំង អាល្លឺម៉ង់ អ៊ីតាលី ជប៉ុន អង់គ្លេស និងសហរដ្ឋអាមេរិក អាចដាក់ទណ្ឌកម្មលើក្នុងករណីរដ្ឋាភិបាលចិន ដណ្ដើមយកកោះតៃវ៉ាន់ មកវិញដោយប្រើកម្លាំងបាយ។ គោលដៅទាំង៣នោះរួមមានវិស័យហិរញ្ញវត្ថុរបស់ប្រទេសចិន ឧស្សាហកម្មនានាដែលមានទំនាក់ទំនងជាមួយយោធាចិន និងបុគ្គល ឬ ក្រុមហ៊ុនដែលមានទំនាក់ទំនងជាមួយយោធា ឬ ថ្នាក់ដឹកនាំនយោបាយរបស់រដ្ឋាភិបាលក្រុងប៉េកាំង៕ South China Morning Post៕

លោក ថោង ខុន គ្រោងស្នើរាជរដ្ឋាភិបាលសុំទុកអាកាសយានដ្ឋានអន្តរជាតិចាស់នៅសៀមរាប ធ្វើជាសាលសន្និសីទ និងពិព័រណ៍អន្តរជាតិខណៈដែលអាកាសយាន្តថ្មីគ្រោងបើកនៅខែតុលានេះ

ដោយៈហ្វី អូណា

(ភ្នំពេញ)៖ លោក ថោង ខុន រដ្ឋមន្រ្តីក្រសួងទេសចរណ៍ បានផ្ដល់អនុសាសន៍ឱ្យអង្គសន្និបាតក្រសួងទេសចរណ៍លើកសំណើគោរពជូនសម្ដេចតេជោនាយករដ្ឋមន្ត្រី ដើម្បីស្នើសុំទុកអាកាសយានដ្ឋានអន្តរជាតិចាស់នៅខេត្តសៀមរាប ធ្វើជាសាលសន្និសីទ និងពិព័រណ៍អន្តរជាតិ ព្រមទាំងអាចពិនិត្យលទ្ធភាពសាងសង់ពហុកីឡដ្ឋានមួយនៅទីតាំងសមស្របណាមួយ។

ការលើកឡើងរបស់លោករដ្ឋមន្ត្រី ថោង ខុន គឺនៅពិធីបិទសន្និបាតបូកសរុបការងារទេសចរណ៍ ការបូកសរុបផែនការស្តារ និងលើកស្ទួយវិស័យទេសចរណ៍កម្ពុជាក្នុងនិងក្រោយវិបត្តិជំងឺកូវីដ-១៩ ឆមាសទី២ ឆ្នាំ២០២២ ឆមាសទី១ ឆ្នាំ២០២៣ និងលើកទិសដៅអនុវត្តបន្ត ឆ្នាំ២០២៣-២០២៤។ សន្និបាទនេះធ្វើឡើងរយៈពេល២ថ្ងៃ ចាប់ពីថ្ងៃទី២១-២២ ខែមិថុនា ឆ្នាំ២០២៣ នៅសណ្ឋាគាររ៉េស៊ីដង់សុខាភ្នំពេញ។នាឱកាសនោះ លោករដ្ឋមន្ត្រីបានផ្ដល់អនុសាសន៍ឱ្យអង្គសន្និបាតក្រសួងទេសចរណ៍លើកសំណើគោរពជូនសម្ដេចតេជោនាយករដ្ឋមន្ត្រី ដើម្បីស្នើសុំទុកអាកាសយានដ្ឋានអន្តរជាតិចាស់នៅខេត្តសៀមរាប ធ្វើជាសាលសន្និសីទ និងពិព័រណ៍អន្តរជាតិ ក្រោយពេលអាកាសយានដ្ឋានអន្តរជាតិសៀមរាប-អង្គរដាក់ឱ្យដំណើរជាផ្លូវការ។
លោករដ្ឋមន្ត្រីក៏បានផ្ដល់អនុសាសន៍ឱ្យអង្គសន្និបាតក្រសួងទេសចរណ៍លើកសំណើគោរពជូនសម្ដេចតេជោនាយករដ្ឋមន្ត្រី ដើម្បីពិនិត្យលទ្ធភាពសាងសង់ពហុកីឡដ្ឋានមួយនៅទីតាំងក្បែរនោះ ឬទីតាំងសមស្របណាមួយ ដើម្បីបង្កើនផលិតផលទេសចរណ៍ រៀបចំព្រឹត្តិការណ៍ទេសចរណ៍ រួមចំណែកដល់ការទាក់ទាញភ្ញៀវទេសចរទៅកាន់ខេត្តសៀមរាប។

បើតាមការគ្រោងទុក នាខែតុលា ឆ្នាំ២០២៣ខាងមុខនេះ អាកាសយានដ្ឋានអន្តរជាតិសៀមរាប-អង្គរនឹងត្រូវបើកដំណើរការជាផ្លូវហើយ។ អាកាសយានដ្ឋានថ្មីនេះបានចាប់ផ្តើមសាងសង់កាលពីខែមីនា ឆ្នាំ២០២០ ដោយក្រុមហ៊ុន Angkor International Airport Investment (Cambodia) Co.,Ltd ហៅកាត់ AIAI ក្រោមទុនវិនិយោគប្រមាណ៨៨០លានដុល្លារ។ អាកាសយានដ្ឋានអន្តរជាតិនេះដែរលាតសន្ធឹងលើផ្ទៃដីប្រមាណ៧០០ហិកតា ស្ថិតនៅស្រុកសូទ្រនិគម ខេត្តសៀមរាប ដែលមានចម្ងាយប្រមាណ៥០គីឡូម៉ែត្រពីទីប្រជុំជនក្រុងសៀមរាប និងចម្ងាយ៤០គីឡូម៉ែត្រពីរមណីយដ្ឋានបេតិកភណ្ឌអង្គរ៕

Korean businesses seek to boost presence in Vietnam

Korean businesses are exploring new investment opportunities in Vietnam, seeing huge potential in the rapidly growing Southeast Asian country which last year emerged as Korea’s third-largest trade partner following China and the U.S.

The pivot is aimed at reducing Korea’s economic reliance on China, where Korean businesses face uncertainties due to the rivalry between China and the U.S. over supply chains and other issues.

The increasing interest in Vietnam has been reflected in visits to the country by more than 200 Korean business leaders, including the chiefs of Korea’s top four conglomerates, who are accompanying President Yoon Suk Yeol’s state visit to the Southeast Asian country as an economic delegation.

Industry officials expect the heads of the conglomerates ― Samsung Electronics Chairman Lee Jae-yong, SK Group Chairman Chey Tae-won, Hyundai Motor Group Executive Chair Chung Euisun, and LG Group Chairman Koo Kwang-mo ― to inspect facilities there and announce new investment opportunities.

For Lee Jae-yong, Vietnam has become a regular business destination due to Samsung Electronics producing nearly half of its Galaxy smartphones in factories there. Korea’s significance there is further emphasized as the Galaxy smartphone contributes to about one-fifth of Vietnam’s total exports.

Yoon could accompany Lee on a visit to Samsung Electronics’ R&D Center in Hanoi. Samsung Electronics currently operates six production subsidiaries, sales units and R&D centers in Vietnam, producing crucial components ranging from flagship models, home appliances, communication equipment and displays to camera modules.

Source: korea times

1...886887888...3,256 Page 887 of 3,256