ដោយៈ គង់ ម៉ាលីនណា

        ភ្នំពេញៈ លោកបណ្ឌិត ហ៊ុន ម៉ាណែត សមាជិកគណៈអចិន្ត្រៃយ៍ នៃគណៈកម្មាធិការកណ្តាល គណបក្សប្រជាជនកម្ពុជា និងជាបេក្ខជននាយករដ្ឋមន្រ្តីបានថ្លែងថា កត្តាសុខសន្តិភាព និងស្ថិរភាពនយោបាយ បានក្លាយជាមូលដ្ឋានគ្រឹះដ៏រឹងមាំ សម្រាប់ដំណើរការនៃការអភិវឌ្ឍប្រទេសជាតិលើគ្រប់វិស័យ។

លោកថ្លែងបែបនេះ ក្នុងពិធីប្រកាសសមាសភាព និងសំណេះ​សំណាលជាមួយក្រុមការងារយុវជន គណបក្សប្រជាជនកម្ពុជាខេត្តរតនគិរី នៅថ្ងៃសុក្រ ទី២៣ ខែមិថុនា ឆ្នាំ២០២៣។

លោកបណ្ឌិត ហ៊ុន ម៉ាណែត បានបញ្ជាក់ថា “កត្តាសុខសន្តិភាព និងស្ថិរភាពនយោបាយ បានក្លាយជាមូលដ្ឋានគ្រឹះដ៏រឹងមាំ សម្រាប់ដំណើរការនៃការអភិវឌ្ឍ ប្រទេសជាតិលើគ្រប់វិស័យ រួមទាំងខេត្តរតនគិរីផ្ទាល់ ដែលបានប្រែក្លាយពីខេត្តដាច់ស្រយាល មកជាខេត្តដែលកំពុងខិតកៀកជិត ទៅនឹងបណ្តាខេត្តដទៃនានាទូទាំងប្រទេស តាមរយៈការធ្វើពិពិធកម្មលើគ្រប់វិស័យ”។លោកបានបន្តថា ជាក់ស្តែង ការកសាងហេដ្ឋារចនាសម្ព័ន្ធគម​នាគមន៍ដ៏សម្បូរបែប បានធ្វើឱ្យសកម្មភាពសេដ្ឋកិច្ច-សង្គម នៅក្នុងខេត្តនេះ កាន់តែមានភាពរស់រវើក ហើយក៏បានបើកឱកាសរីកចម្រើនផ្នែកជីវភាព ដល់ប្រជាពលរដ្ឋនៅតាមមូលដ្ឋាន រួមទាំងបងប្អូនប្រជាពលរដ្ឋគ្រប់ជនជាតិ នៅក្នុងខេត្តរតនគិរី ទាំងក្នុងពេលបច្ចុ​ប្បន្ន និងតកូនចៅជាច្រើនជំនាន់ទៅមុខទៀត។

លោកបណ្ឌិតបានបញ្ជាក់ថា វឌ្ឍនភាពនេះ មិនមែនកើតទ្បើងដោយចៃដន្យនោះទេ ប៉ុន្តែជាសមិទ្ធផលនៃចក្ខុវិស័យ និងគោលជំហររឹងមាំក្នុងបុព្វហេតុឥតប្រែប្រួល របស់គណបក្សប្រជាជនកម្ពុជា គឺការបម្រើជាតិ និងប្រជាជន ដែលត្រូវបានកំណត់ ជាគោលនយោបាយអាទិភាពចម្បងបំផុត ចាប់តាំងពីថ្ងៃកំណើតបក្ស បន្តរហូតមកដល់បច្ចុប្បន្ន។

លោកបណ្ឌិតហ៊ុន ម៉ាណែតបានបន្តទៀតថា ជាក់ស្តែង គោលនយោបាយឈ្នះ-ឈ្នះ ក្រោមការដឹកនាំផ្ទាល់របស់ សម្តេចតេជោ រួមជាមួយនឹងថ្នាក់ដឹកនាំ គណបក្សប្រជាជនកម្ពុជា បានបញ្ចប់ទាំង​ស្រុងនូវសង្គ្រាម និងជម្លោះបែកបាក់ផ្ទៃក្នុង ដោយនាំមកនូវសុខសន្តិភាពពេញលេញ នៅទូទាំងប្រទេស ដែលមិនធ្លាប់មានឡើយក្នុងប្រវត្តិសាស្រ្តជាង៥០០ឆ្នាំរបស់កម្ពុជា។លោកបន្តថា នៅក្នុងគ្រប់ដំណាក់កាលទាំងអស់ នៃការប្រយុទ្ធនឹងជំងឺកូវីដ-១៩ ក្នុងរយៈកាលកន្លងមកនេះ គឺសម្តេចតេជោ ថ្នាក់ដឹកនាំ និងសមាជិក-សមាជិកា របស់គណបក្សប្រជាជនកម្ពុជា ក៏បានតម្កល់ការសង្គ្រោះអាយុជីវិតរបស់ប្រជាពលរដ្ឋ ជាកត្តាអាទិភាពចម្ប​ងបំផុតដោយក្នុងនេះ សម្តេចតេជោ បានធ្វើការវាយតម្លៃសភាពការ​ណ៍ច្បាស់លាស់ និងហ៊ានធ្វើការអារកាត់សម្រេចចិត្ត បានត្រឹមត្រូវ និងទាន់ពេលវេលា ទាំងតាមរយៈការបង្ការការពារ, ការព្យាបាល, ការចាក់វ៉ាក់សាំង និងការជួយឧបត្ថម្ភទំនុកបម្រុង ដល់ជីវភាពរស់នៅរបស់ប្រជាពលរដ្ឋ រហូតឈានដល់ការបើកដំណើរការ ប្រទេសជាប្រក្រតី និងមានលំនឹងស្ថិរភាពទ្បើងវិញ ដូចសព្វថ្ងៃនេះ។

លោក ហ៊ុន ម៉ាណែត បានថ្លែងទៀតថា ពិតណាស់ សមិទ្ធផលនានារបស់គណបក្សប្រជាជនកម្ពុជា ក្នុងរយៈកាលប្រមាណ៤៤ឆ្នាំ កន្លងមកនេះ គឺកើតឡើងពីបុព្វហេតុដ៏ត្រឹមត្រូវ និងកម្មវិធីនយោបាយច្បាស់លាស់របស់គណបក្ស ដែលត្រូវបានប្រែក្លាយជាគោលនយោ​បាយរបស់រាជរដ្ឋាភិបាល នៅរៀងរាល់អាណត្តិនយោបាយ បន្ទាប់ពីជ័យជម្នះក្នុងការបោះឆ្នោត។មួយវិញទៀត គោលនយោបាយទាំងនេះ ក៏ត្រូវបានអនុវត្តយ៉ាងមានប្រសិទ្ធភាព និងប្រសិទ្ធផល ដោយមានការចូលរួមយ៉ាងសកម្មពីសំណាក់គ្រប់យន្តការ និងតួអង្គពាក់ព័ន្ធ ជាពិសេសសកម្មជនយុវជនគណបក្សគ្រប់រូប ដែលជាកម្លាំងស្នូលដ៏មោះមុត៕

ដោយៈ គង់ សូរិយា

        ភ្នំពេញៈ លោកទេសរដ្ឋមន្រ្តីស៊ុ​ន ចាន់ថុលរដ្ឋមន្រ្តីក្រសួងសាធារណៈការ និងដឹកជញ្ជូនបានបង្ហើបឲ្យដឹងថា ក្រសួងកំពុងសិក្សាជាមួយក្រុមហ៊ុនឯកជន ដើម្បីពង្រីកផ្លូវពីក្រុងខេមរភូមិន្ទ ទៅកាន់ព្រំដែនថៃ។

លោកបានមានប្រសាសន៍ នៅក្នុងពីពិធីសម្ភោធដាក់ឲ្យប្រើប្រាស់កំពង់ផែក្នុងក្រុងខេមរៈភូមិន្ទនាព្រឹកថ្ងៃទី២៣ មិថុនានេះថា ការចុះពិនិត្យផ្លូវនេះ គឺមិនត្រឹមតែពិនិត្យទេ ប៉ុ​ន្តែក្រសួងនិងក្រុមហ៊ុនកំពុងសិក្សាជម្រើសបច្ចេកទេសមួយចំនួន ដើម្បីស្វែងរកថវិកាមកសាងសង់ផ្លូវនេះ។

លោកបន្តថា “យើងគ្រោងពង្រីកផ្លូវនេះ ពីស្ពានកោះកុង ទៅកាន់ព្រំដែនកម្ពុជា ថៃ ជាបួនគន្លងរថយន្តនាពេលខាងមុខ”។    លោកទេសរដ្ឋមន្រ្តីស៊ុន ចាន់ថុលបានបន្តថា យើងកំពុងពង្រឹង ពង្រីកផ្លូវលេខ៤៨ ដែលកន្លែងខ្លះយើងពង្រីកជាបួនគន្លង ហើយម្សិលម៉ិញនេះ យើងបានទៅមើលផ្លូវពីស្ពាន ទៅកាន់ទល់ដែនកម្ពុជា ថៃ ដើម្បីរៀបចំនិតិវិធីស្តារផ្លូវនេះឲ្យបានល្អ។ លោកបន្តថា យើងកំពុងសិក្សាថា គួរចាក់បេតុងបើបេតុងចាស់ ឬគាស់បេតុងចាស់ ចាក់បេតុងថ្មី ឬគាស់បេតុងចាស់ ហើយចាក់កៅស៊ូបេតុងវិញ តើជម្រើសមួយណាល្អជាង?។     លោកបន្តថា​ យើងកំពុងសិក្សានិងប្រៀបធៀបតម្លៃ រវាងការស្តារផ្លូវរបស់យើង ទៅកាន់ព្រំដែនក​ម្ពុជា ថៃ។ យើងកំពុងសិក្សាថាតើគួរសាងសង់ស្ពានថ្មីជាបួនគន្លង ឬរក្សាទុកស្ពានចាស់ ហើយសាងសង់ស្ពានថ្មីជាបួនគន្លងតែម្តង។

លោកបន្តថា “យើងកំពុងសិក្សា និងស្វែងរកថវិកាពីណាមក ព្រោះការសាងសង់ស្ពាន ផ្លូវមានសារៈសំខាន់ណាស់ ដើម្បីជម្រុញសេដ្ឋកិច្ចឲ្យទៅមុខ និងកាត់បន្ថយភាពក្រីក្ររបស់ប្រជាពលរដ្ឋ”៕

ដោយៈ គង់ សូរិយា

        ភ្នំពេញៈ ​អគ្គនាយកនិយ័តករអចលនទ្រព្យ និងបញ្ចាំ លោកជូ វណ្ណៈ បានមានប្រសាសន៍ឱ្យដឹងថា គិតមកដល់ពេលនេះ និយ័តករអចលនទ្រព្យ និងបញ្ចាំ ទទួលបានពាក្យបណ្តឹងពីពលរដ្ឋ ដែលត្រូវបានម្ចាស់បុរីរឹបអូសផ្ទះ ដោយសារគ្មានលទ្ធភាពបង់រំលោះបន្ត ប្រមា​ណជាង៤០០អតិថិជនហើយ ខណៈរាជរដ្ឋាភិបាលបាន និងកំពុងរៀបចំក្រុមការងារអន្តរក្រសួង ដើម្បីដោះស្រាយបញ្ហានេះ។

លោកបានគូសបញ្ជាក់បែបនេះ ធ្វើឡើងនៅក្នុងកិច្ចពិភាក្សាតុមូលស្តីពី “ស្ថានភាពទីផ្សារអចលនទ្រព្យនៅកម្ពុជា” ដែលរៀបចំឡើងដោយរាជបណ្ឌិត្យសភាកម្ពុជា នាថ្ងៃទី២៣ ខែមិថុនា ឆ្នាំ២០២៣នេះ។លោកជូ វណ្ណៈបានបន្តថា បន្ទាប់ពីសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ​បានមានប្រសាសន៍ កាលពីថ្ងៃទី៩ ខែមិថុនា ស្នើដល់ម្ចាស់បុរីទាំងអស់ ឱ្យមានការយោគយល់ដល់អ្នកបង់រំលោះផ្ទះ ​និងចៀសវាងរឹបអូសផ្ទះនោះ​ មានម្ចាស់ផ្ទះដែលត្រូវបានម្ចាស់បុរីរឹបអូសយកផ្ទះវិញ បានដាក់ពាក្យបណ្តឹងជាបន្តបន្ទាប់ មកក្រុមប្រឹក្សាអភិវឌ្ឍន៍កម្ពុជា និង​អគ្គនាយកនៃនិយ័តករអចលនទ្រព្យ និងបញ្ចាំ ដែលគិតមក​ដល់ពេលនេះ ទទួលបានពាក្យបណ្តឹង​ប្រមាណជា ៤០០អតិថិជនហើយ។

លោកបញ្ជាក់ថា “ជាយន្តការ​រដ្ឋាភិបាល ​បានបង្កើតក្រុមការងារអន្តរក្រសួង​ ដើម្បីដោះស្រាយវិវាទ​នេះ ជាមួយក្រុមហ៊ុនអភិវឌ្ឍន៍លំនៅដ្ឋាន”។លោកបន្ថែមថា បន្ទាប់ពីយើងបានប្រមូលហើយ យើងនឹងពិនិត្យមើលតាមពាក្យបណ្តឹងនីមួយៗ ដោះស្រាយអញ្ជើញក្រុមហ៊ុន​ និងអតិថិជនរបស់ក្រុមហ៊ុននោះ ពីបញ្ហាដែលបានកើតឡើង ហើយគាត់ចង់បែបណា?”។ លោកបានលើកជាឧទាហរណ៍ថា អតិថិជនខ្លះ គាត់ចង់បង់ឡើងវិញ ​ឬចង់បង់ផ្តាច់ដើម្បីបានប្លង់ យើងបានកត់ត្រាទុក ដើម្បីដោះស្រាយជាបណ្តើរៗ។

កាលពីថ្ងៃទី៩ ខែ មិថុនា ឆ្នាំ ២០២៣នេះ ​ក្នុងជំនួបសំណេះ​សំណាលជាមួយកម្មករ កម្មការិនី ​ចំនួនជិត២ម៉ឺននាក់ នៅស្រុកកំពង់ត្រឡាច និងស្រុកសាមគ្គីមានជ័យ ខេត្តកំពង់ឆ្នាំង ​សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានស្នើដល់ម្ចាស់បុរីទាំងអស់ឱ្យមានការយោគយល់ដល់អ្នកបង់រំលោះផ្ទះ ដោយត្រូវពន្យាររយៈពេលសង ឬបន្ថយចំនួនប្រាក់ ដែលត្រូវបង់ប្រចាំខែជាដើម និងត្រូវររៀបចំឥណទានឡើងវិញ ដោយចៀសវាងការរឹបអូសផ្ទះពីអតិថិជន។

សម្តេចបានឧទាហរណ៍ថា បើគាត់បង់១ខែ៥០០ដុល្លាររយៈពេល១៥ឆ្នាំ ម្ចាស់បុរីក៏អាចសម្រួលឱ្យគាត់បង់តិចជាងនេះ នៅត្រឹម៤០០ដុល្លារ ឬ៣៥០ដុល្លារក្នុងមួយខែ ប៉ុន្តែបង់រយៈពេល២០ឆ្នាំបាន។ ធ្វើយ៉ាងនេះបញ្ចៀសបាននូវការរឹបអូសភ្លាមៗ ដែលវាជារឿងឈឺចាប់មួយសម្រាប់អ្នកទិញអចលនទ្រព្យ ហើយថៅកែអត់មានអ្វីខាតទេ ម្ចាស់បុរីចំណេញទៅវិញទេ ត្រង់អី គឺការប្រាក់នៅតែជាការប្រាក់ដដែល ហើយអូសបន្លាយពេលសង។

សម្តេចបានបញ្ជាក់ថា ប្រសិនបើមិនបង់ប្រចាំខែភ្លាមរឹបអូសភ្លាម នោះសេដ្ឋកិច្ចរបស់កម្ពុជា នឹងដើរដល់ចំណុចមួយដែលគ្រោះថ្នាក់លំបាកទាំងអស់គ្នា។ សម្តេចតេជោ ហ៊ុន សែន បានបញ្ជាក់ថា ការរឹបអូស នឹងធ្វើអ្នកដែលបង់អស់លុយច្រើន ហើយនៅខ្វះតែបន្តិចបន្តួច ឬបង់បាន២ភាគ៣ នៃតម្លៃផ្ទះមានការឈឺចាប់ ដែលរដ្ឋាភិបាលកម្ពុជា ត្រូវតែគាំពាទាំងសង្ខាង​៕

ដោយ: គង់ លាងហួរ

អន្តរជាតិ: មជ្ឈមណ្ឌលព័ត៌មានអចលនទ្រព្យ(REIC) បានរាយការណ៍ថា ជនបរទេសបានចំណាយប្រាក់ ប្រហែល៤៨៧,៤លានដុល្លារលើខុនដូ ក្នុងប្រទេសថៃក្នុងកំឡុងត្រីមាសទី១ឆ្នាំនេះ កើនឡើង៦៧% ពីមួយឆ្នាំទៅមួយឆ្នាំ និងជាកម្រិតខ្ពស់បំផុតក្នុងរយៈពេលប្រាំឆ្នាំកន្លងមក។

ខុនដូសរុបចំនួន៣.៧៧៥យូនីត ដែលមានតម្លៃ១៧,១២ពាន់លានបាតត្រូវបានផ្ទេរ ទៅឱ្យជនបរទេសចាប់ពីខែមករា រហូតដល់ខែមីនា។  ចំនួននេះគឺកើនឡើង៧៩,២% បើធៀបនឹងរយៈពេលដូចគ្នាកាលពីឆ្នាំមុន។

REIC បានបន្ថែមថា ទីផ្សារអចលនទ្រព្យថៃបានលក់ខុនដូជាច្រើន ដល់ជនបរទេសចាប់តាំងពីត្រីមាសទី១ឆ្នាំមុន ដោយសារការបើកដំណើរការឡើងវិញរបស់ប្រទេសថៃ និងប្រទេសមួយចំនួនទៀត។ជនបរទេស ដែលបានទិញខុនដូច្រើនជាងគេ នៅប្រទេសថៃក្នុងត្រីមាសទី១ ឆ្នាំនេះ មានដូចជា ជនជាតិចិនទិញ១.៧៤៧យូនីត ជនជាតិរុស្ស៊ីទិញ៣៨៧យូនីត ពលរដ្ឋអាមេរិកទិញ១៥៦យូនីត ជនជាតិអង់គ្លេសទិញ១៤៦យូនីត។ ជនជាតិអាល្លឺម៉ង់ទិញ១៣១យូនីត ជនជាតិបារាំងទិញ១៣០យូនីត។ តៃវ៉ាន់ទិញ៩៤យូនីត ជនជាតិមីយ៉ាន់ម៉ាទិញ៧៦យូនីត ជនជាតិអូស្ត្រាលីទិញ៧១យូនីត ជនជាតិឥណ្ឌាទិញ៦៣យូនីត និងជនជាតិផ្សេងទៀតទិញ៧៧៤យូនីត។

ទំហំមធ្យមនៃខុនដូ ដែលពួកគេបានទិញគឺ៤៤,៧ម៉ែត្រការ៉េ មានតម្លៃជាមធ្យម៤,៥លានបាត ក្នុងមួយយូនីត ឬ១០១.៥៥៣បាតក្នុងមួយម៉ែត្រការ៉េ។

ខេត្តកំពូលទាំងប្រាំ ដែលជនបរទេសបានទិញខុនដូ និងអាផាតម៉ិនច្រើនជាងគេក្នុងត្រីមាសទី១ គឺខេត្តឈុនបុរី (១.៦០១យូនីត) បាងកក (១.៤២៣យូនីត) ខេត្តឈៀងម៉ៃ (២៤០យូនីត) ខេត្តភូកេត (២០៨យូនីត) និងខេត្ត Prachuap Khiri Khan (៩៥យូនីត) ។

លើសពីនេះទៀត រាជធានីថៃ និងទីក្រុងរមណីយដ្ឋានភាគខាងកើតរបស់ខេត្តឈុនបុរី រួមគ្នាបង្កើតបានជិត៨៥% នៃខុនដូទាំងអស់ដែលបានទិញដោយជនបរទេស ក្នុងរយៈពេលបីខែដំបូងនៃឆ្នាំនេះ៕

ដោយ: គង់ លាងហួរ

ភ្នំពេញ: ទេសរដ្ឋមន្រ្តី រដ្ឋមន្រ្តីក្រសួងសាធារណៈការ និងដឹកជញ្ជូនលោក ស៊ុន ចាន់ថុល បានមានប្រសាសន៍ថា ការសាងសង់ជីកព្រែកហ្វូណនតេជោ មានសារៈសំខាន់ណាស់ ក្នុងការកាត់បន្ថយតម្លៃដឹកជញ្ជូន និងជួយដល់ជីវភាពនៃការរស់នៅរបស់ប្រជាជនកម្ពុជា។

លោកបានមានប្រសាសន៍ ក្នុងកិច្ចសម្ភាសន៍ជាមួយទូរទស្ស​ន៍BTVកាលពីដើមសប្តាហ៍នេះថា “គម្រោងព្រែកជីកនេះ នឹងជំរុញឱ្យមានការរីកចម្រើនយ៉ាងខ្លាំង ក្នុងការដឹកជញ្ជូនតាមផ្លូវទឹករបស់កម្ពុជា ដូចដែលអាណាចក្រហ្វូណន ធ្លាប់បានដឹកទំនិញរហូតដល់អឺរ៉ុប ចិន និងឥណ្ឌាកាលពីអតីតកាលផងដែរ”។លោកបន្ថែមថា នៅក្នុងកិច្ចប្រជុំគណរដ្ឋមន្ត្រី កាលពីខែឧសភាកន្លងទៅ សម្តេចតេជោហ៊ុន សែននាយករដ្ឋមន្រ្តីនៃកម្ពុជាបានប្រគល់ភារកិច្ចដល់ក្រសួងសេដ្ឋកិច្ច និងហិរញ្ញវត្ថុដើម្បីជួយពិនិត្យមើលចំនួនថវិកា ត្រូវចំណាយលើការជីកព្រែកហ្វូណនតេជោ ឱ្យបានលំអិត និងបង្កើតគណកម្មការអន្តរក្រសួង ដើម្បីជំរុញការអភិវឌ្ឍ និងការសាងសង់ព្រែកជីកហ្វូណនតេជោនេះ”។

លើសពីនេះ ក្រុមហ៊ុនឯកជនចិនដែលបាន និងកំពុងសាងសង់ផ្លូវល្បឿនលឿននៅកម្ពុជា បានជួយសិក្សានិងមានគោលបំណងចូលរួមបោះទុនវិនិយោគ ហើយក្រុមហ៊ុនអាចចរចាររៀបចំចុះ MOU ដើ​ម្បីពិនិត្យមើលភាពត្រឹមត្រូវនៃការសាងសង់ ផលចំណេញរបស់ក្រុមហ៊ុន និងផលចំណេញសម្រាប់ជាតិ។លោកបន្ថែមថា “យើងក៏មានផែទេសចរណ៍នៅខេត្តកំពត ផែទេសចរណ៍នៅខេត្តកែបកោះទន្សាយ ហើយលោកនឹងអញ្ជើញសម្ភោធដាក់ឱ្យប្រើប្រាស់ជាផ្លូវការ នូវកំពងផែនៅខេត្តកោះកុងនៅថ្ងៃទី២៣មិថុនានេះ”។ លោកបន្តថា “ដូច្នេះហើយ យើងត្រូវសាងសង់ផែទន្លេ និងសមុទ្រឱ្យបានច្រើន ដើម្បីកាត់បន្ថយថ្លៃដឹកទំនិញ គ្រោះថ្នាក់ចរាចរណ៍ និងការខូចខាតផ្លូវថ្នល់”។

លោកស៊ុន ចាន់ថុល ចាត់ទុកថា ព្រែកជីកហ្វូណនតេជោគឺជាគម្រោងប្រវត្តិសាស្ត្រ ដែលយើងជាកូនខ្មែរត្រូវមានមោទនភាព ដែលយើងមានសុខសន្តិភាព ក្រោមការដឹកនាំដ៏ឈ្លាសវៃរបស់សម្តេចតេជោ ដែលបានផ្តល់ឱកាសឱ្យយើងបានរៀបចំ គម្រោងជាប្រវត្តិសាស្ត្រនេះឡើង ដើម្បីអនាគតនៃប្រទេសកម្ពុជា”។លោកបន្តទៀតថា ប្រព័ន្ធដឹកជញ្ជូនតាមផ្លូវទឹក តភ្ជាប់ដល់សមុទ្រ ត្រូវបានសិក្សាយ៉ាងលំអិតអស់រយៈពេល២៦ខែ ដោយប្រើប្រា​ស់បច្ចេកវិទ្យាទំនើបដូចជា ដ្រូន ផ្កាយរណប និងម៉ូដែល ដើម្បីជៀសវាងការប៉ះពាល់ដល់បរិស្ថាន ដែលផ្លូវនាវាថ្មីនេះមានចំងាយ១៨០គីឡូម៉ែត្រ ហើយព្រែកជីកនេះ មានប្រវត្តិសាស្ត្រតាំងពីអាណាចក្រហ្វូណនមកម្ល៉េះ ដោយប្រសិទ្ធិនាមថ្មីថា ជាព្រែកជីកហ្វូណនតេជោ ដើម្បីដឹកទំនិញពីទន្លេរហូតដល់សមុទ្រតែម្តង។

លោកទេសរដ្ឋមន្ត្រីបានរំលឹកថា “កាលនោះ អាណាចក្រហ្វូណនមានការរីកចម្រើនណាស់ ក្នុងការដឹកជញ្ជូនទំនិញរហូតដល់អឺរ៉ុប ចិន និងឥណ្ឌា ប៉ុន្តែព្រែកជីកនេះ ត្រូវបានបោះបង់ចោលក្នុងសតវត្សរ៍ទី៥ ឬទី៦”។

លោកបន្ថែមថា យើងបាននិងកំពុងត្រៀម ជីកព្រែកយើងនេះឱ្យបានជ្រៅជាងមុន ដើម្បីអាចអនុញ្ញាតឱ្យកប៉ាល់ចំនួន២ អាចជៀសគ្នាបាន ហើយព្រែកជីកនេះអាចជួយរំដោះទឹកជំនន់បានផងដែរ ដោយយើងធ្វើទ្វារទឹកចំនួន១៥បន្ថែមទៀត ដើម្បីអូសទាញទឹកចូលមកក្នុងព្រែកជីកនេះ”។

លោកបន្តឱ្យដឹងទៀតថា ផ្ទុយទៅវិញនៅរដូវប្រាំង យើងអាចមានទឹករហូតដើម្បីធ្វើកសិកម្ម ហើយប្រជាពលរដ្ឋកម្ពុជាចំនួន១,៦លាននាក់ ដែលរស់នៅតាមដងព្រែកជីកហ្វូណនតេជោ ប្រវែង១៨០គីឡូមែត្រនេះ អាចមានទឹកប្រើប្រាស់គ្រប់គ្រាន់ និងអាចដាក់ចិញ្ចឹមត្រីបាន ហើយភ្ញៀវទេសចរអាចធ្វើដំណើរ តាមផ្លូវទឹកទៅលេងនៅកែប កំពត ឬខេត្តព្រះសីហនុ។

លោកបញ្ជាក់ទៀតថា “នៅតាមផ្លូវព្រែកជីកនេះ នឹងអាចមានតំបន់ពាណិ​ជ្ជកម្ម មានភោជនីយដ្ឋាន មានតំបន់សេដ្ឋកិច្ចពិសេស ដូច្នេះយើងឃើញថា ការជីកព្រែកមានផលចំណេញច្រើន ដោយបច្ចេកទេសមិនមានបញ្ហាទេ ព្រោះយើងខ្លាចទឹកប្រៃហូរចូលទឹកសាប ប៉ុន្តែយើងមានទ្វារទឹកសម្រាប់ដោះស្រាយ”។

ទាក់ទិនបញ្ហាផ្លូវច្បាប់ជាមួយបណ្តាប្រទេស នៃមហាអនុតំបន់ទន្លេមេគង្គ លោកស៊ុន ចាន់ថុលបានអះអាងថា ទាក់ទិននឹងផ្លូវច្បាប់ យើងមានកិច្ចព្រមព្រៀងទន្លេមេគង្គឆ្នាំ១៩៩៥ ដែលបានចែងយ៉ាងច្បាស់ថាទន្លេមេគឺជាទន្លេរ ដែលហូរពីប្រទេសចិនមកដល់ប្រទេសភូមា ថៃ ឡាវ កម្ពុជា និងហូរទៅដល់ប្រទេសវៀតណាម។ ដៃទន្លេធម្មជាតិ ឬព្រែកគឺជាប្រព័ន្ធរបស់ទន្លេមេ ដូច្នេះបើប្រើប្រាស់ដៃទន្លេ យើងគ្រាន់តែត្រឹមជូនដំណឹង ទៅដល់ភាគី៣ទៀត ដូចជា ប្រទេសវៀតណាម ថៃ និងឡាវប៉ុណ្ណោះ។

លោកបានឱ្យដឹងទៀតថា គម្រោងព្រែកជីកនេះ មិនមានផលប៉ះពាល់ធំដុំទៅលើបរិស្ថាននោះទេ ពីព្រោះវាជាព្រែកស្រាប់ ដោយយើងគ្រាន់តែជីកឱ្យបានធំ និងជ្រៅជាងមុន តែផ្ទុយទៅវិញ យើងអាចចិញ្ចឹមត្រីបានថែមទៀត និងទទួលបានផលចំណេញ មិនប៉ះពាល់បរិស្ថាន”៕

BRUSSELS : The European Commission asked EU governments on Tuesday to come up with an extra 10 billion euros for 2024-27 to leverage a total of 160 billion euros worth of investment in key technologies, including renewable energy.

The call comes as the European Union executive is reviewing the bloc’s long-term budget that totals around 1 per cent of the EU’s GDP and pays for various joint European policies.

The review is necessary to factor into the 2021-27 shared budget the effects of the global COVID-19 pandemic, Russia’s invasion of Ukraine, an energy crisis, as well as rampant inflation and sharp interest rate rises.
Nor did the EU budget anticipate the fierce competition between Europe, the United States and China for the latest “clean” technologies to produce energy.“The future of the strategic industries should be made in Europe,” European Commission President Ursula von der Leyen said in presenting the call for more money.

The new scheme is to be called Strategic Technologies for Europe Platform (STEP) and help develop in the EU microelectronics and quantum computing, as well as renewable energy and electricity storage, among others.

“With the existing funding, and an extra €10 billion that we intend to inject, we aim to reach up to €160 billion in investments in the coming years,” von der Leyen said, adding the input would be multiplied through “crowding in of private capital”. ($1 = 0.9155 euros)

Source: Reuters

ដោយៈ គង់ សូរិយា

        ព្រះសីហនុៈ អភិបាលខេត្តព្រះសីហនុ លោកគួច ចំរើនបានថ្លែងទៅកាន់សមាជិក សភាពាណិជ្ជកម្មខេត្តនេះថា គំរោងអភិវឌ្ឍន៍ដែល​មានតម្លៃចាប់ពី៥លា​នដុល្លារអាមេរិកចុះ មិនចាំបាច់ស្នើសុំក្រុមប្រឹក្សាអភិវឌ្ឍន៍(CDC)ទេ។

        លោកបានមានប្រសាសន៍បែបនេះ ក្នុងពេលអញ្ជើញជួបសំ​ណេះ​សំណាលជាមួយសមាជិក សមាជិកាសភាពាណិជ្ជកម្ម និងអាជីវករក្នុងខេត្តព្រះសីហនុ នៅសណ្ឋាគារសុខាកាលពីដើមសប្តាហ៍នេះ។លោកគួច ចំរើន អភិបាលខេត្តព្រះសីហនុ បានថ្លែងអំណរគុណ ឧកញ៉ាប្រធានសភាពាណិជ្ជកម្មខេត្តព្រះសីហនុ សមាជិក សមាជិកាសភាពាណិជ្ជកម្មខេត្ត អាជីវករ ពាណិជ្ជករក្នុងខេត្តព្រះសីហនុ ដើម្បីធ្វើឱ្យខេត្តរបស់យើងរីកចម្រើន ត្រូវធ្វើសិក្ខាសាលាផ្សព្វផ្សាយជូនដល់អ្នកវិនិយោគជាតិ អន្តរជាតិនៅខេត្តព្រះសីហនុ ចាប់ពីខែកញ្ញាតទៅ ជាឱកាសមួយដ៏ល្អសម្រាប់អ្នកវិនិយោគ ប្រសិនបើបងប្អូនចង់វិនិយោគនៅខេត្តព្រះសីហនុ មិនចាំបាច់ទៅសុំសិទ្ធិវិនិយោគនៅ CDC នោះទេ ចំពោះការវិនិយោគ មានដើមទុនក្រោម៥លានដុល្លាអាមេរិក។

លោកបន្តថា “គ្រាន់តែស្នើសុំមកអនុគណៈកម្មការ វិនិយោគខេត្តព្រះសីហនុ និងផ្តល់ភាពងាយស្រួលផ្នែករដ្ឋបាល សម្រាប់អ្នកវិនិយោគនៅខេត្តព្រះសីហនុ យើងគួរតែផ្សព្វផ្សាយឱ្យបានទូលំទូលាយ ផ្តល់ភាពងាយស្រួលដល់បងប្អូនអាជីវករ ពាណិជ្ជកររបស់យើងរួមចំណែកដល់ការវិនិយោគនៅខេត្ត ដើម្បីជំរុញកំណើនសេដ្ឋកិច្ចសង្គមកាន់តែល្អប្រសើរថែមទៀត”។លោកបន្តថា “សង្ឃឹមថា ពាណិជ្ជករនឹងអុ្នកវិនិយោគ បានស្វែងយល់បញ្ហានេះកាន់តែច្បាស់ និងមានទំនុកចិត្ត ឈានទៅរកជោគជ័យសម្រាប់យើងទាំងអស់គ្នា”៕