ប្រទេសថៃ កំពុងជួបវិបត្តិកំណើនកម្ចីទិញផ្ទះដែលខូច ស្របពេលធនាគារដំឡើងអត្រាការប្រាក់

ដោយ៖ សុខុម

បាងកក: ប្រទេសថៃ ពេលនេះកំពុងជួបវិបត្តិកំណើនកម្ចីទិញផ្ទះមិនដំណើរការ (NPLs) ឬ កម្ចីខូចក្នុងត្រីមាសទី១ ដើមឆ្នាំ២០២៣ ដោយសារការដំឡើងអត្រាការប្រាក់ ដោយធនាគារកណ្តាលថៃ (Bank of Thailand) បានលើកទឹកចិត្តឱ្យធនាគារនានាជួយអ្នកខ្ចីប្រាក់តាមរយៈការរៀបចំឥណទានឡើងវិញ។

ធនាគារកណ្តាលថៃ កាលពីថ្ងៃច័ន្ទ ដើមសប្ដាហ៍នេះបានរាយការណ៍ពីអនុបាតប្រាក់កម្ចីមិនដំណើរការចំនួន៣,១៦%សម្រាប់កម្ចីទិញផ្ទះក្នុងប្រព័ន្ធធនាគារពាណិជ្ជ ដែលកើនឡើងពី៣,០១%ក្នុងត្រីមាសមុន។

លោកស្រី Suwannee Jatsadasak ឧបការីទេសាភិបាលធនាគារកណ្តាលថៃ បានលើកឡើងថា ការកើនឡើងនូវកម្ចីទិញផ្ទះមិនដំណើរការនេះគឺភាគច្រើនដោយសារតែការដំឡើងអត្រាការប្រាក់។

ធនាគារជាធម្មតាមានចន្ទុលការពារដើម្បីដោះស្រាយហានិភ័យឥណទានខ្ពស់នៃកម្ចីទិញផ្ទះ ស្របពេលមានការដំឡើងអត្រាការប្រាក់ ប៉ុន្តែចន្ទុលការពារនេះប្រហែលជាមិនគ្រប់គ្រាន់សម្រាប់អ្នកខ្ចីមួយចំនួននោះឡើយ។ ជាលទ្ធផល ធនាគារកណ្តាលថៃ តម្រូវឱ្យធនាគារនានាប្រើប្រាស់វិធានការបង្ការទុកជាមុនដើម្បីជួយអ្នកខ្ចីរៀបចំឥណទានឡើងវិញ។

លោកស្រី Suwannee Jatsadasak ថ្លែងថា “ធនាគារកណ្តាលថៃ បានបន្តចាត់វិធានការរៀបចំឥណទានឡើងវិញរយៈពេលវែងរហូតដល់ដំណាច់ឆ្នាំនេះ ដោយផ្តល់ឱកាសឱ្សធនាគារនានាជួយអតិថិជនក្នុងការបន្ធូរបន្ថយបន្ទុកហិរញ្ញវត្ថុរបស់ពួកគេ និងគ្រប់គ្រងឥណទានមិនដំណើរការឱ្យបានល្អ”។

ទោះជាយ៉ាងណា លោកស្រីលើកឡើងថា កម្ចីទិញផ្ទះមិនដំណើរការរបស់ប្រព័ន្ធធនាគារទាំងមូលបានធ្លាក់ចុះបន្តិចក្នុងត្រីមាសទី១ ដើមឆ្នាំនេះ ទាំងបរិមាណ និងអនុបាតដោយសារការគ្រប់គ្រងផលប័ត្រប្រាក់កម្ចីតាមរយៈការបន្តរៀបចំឥណទានឡើងវិញ ការកាត់ចោលបំណុលដែលមិនអាចទារមកវិញបាន និងការលក់ចេញទាំងកម្ចីសាជីវកម្ម និងកម្ចីលក់រាយ៕ Bangkok Post៕

ជនជាតិចិនចាប់ផ្តើមសម្រុកវិលត្រឡប់កាន់តែច្រើនទៅទិញអចលនទ្រព្យនៅប្រទេសអូស្ត្រាលី

ដោយ: គង់ លាងហួរ

អន្តរជាតិ: គិតត្រឹមរយៈពេល៣ខែដំបូដើមឆ្នាំ២០២៣ កន្លងមកនេះ ចំនួនអតិថិជនជាជនជាតិចិនដែលបានបង្ហាញនូវការសាកសួរអំពីឱកាសទិញអចលនទ្រព្យរបស់ប្រទេសអូស្ត្រាលីបានកើនឡើងយ៉ាងខ្លាំងក្លាបើប្រៀបធៀបទៅនឹងត្រីមាសមុននិងពេលវេលាដូចគ្នាកាលពីឆ្នាំ២០២២កន្លងទៅ។

យោងតាមទិន្នន័យដែលត្រូវបានចងក្រងឡើងដោយក្រុមហ៊ុន Juwai IQI បានបង្ហាញថា នៅក្នុងរយៈពេល៣ខែ គិតចាប់ពីខែមករាដល់ខែមិនា អតិថិជនជនជាតិចិនបានធ្វើការស៊ើបសួរ និងទិញអចលនទ្រព្យក្នុងប្រទេសអូស្ត្រាលីក្នុងអត្រាកំណើនរហូតដល់ទៅ១២៧ភាគរយបើធៀបទៅនឹងត្រីមាសមុននេះ។

សហស្ថាបនិកក្រុមហ៊ុន Juwai IQI លោក Daniel Ho បានថ្លែងប្រាប់ទៅកាន់ក្រុមអ្នកកាសែតរបស់សារពត៌មាន The Bloomberg ថា “យើងរំពឹងទុកថា អតិថិជនជនជាតិចិន និងការវិនិយោគដោយជនជាតិចិននៅក្នុងទីផ្សារអចលនទ្រព្យអូស្ត្រាលីនឹងមានកំណើនយ៉ាងហោចណាស់៣០ភាគរយបើធៀបទៅនឹងពេលវេលាកាលពីឆ្នាំ២០២២”។

ជនជាតិចិន ដែលជាអតិថិជនសម្រាប់ទីផ្សារអចលនទ្រព្យអូស្ត្រាលីបានត្រឡប់មកវិញយ៉ាងច្រើននៅក្នុងត្រីមាសកន្លងមកនេះ ហើយពួកគេជឿជាក់ថា ចំនួននេះនឹងកើនឡើងកាន់តែច្រើនឡើងបន្ថែមទៀតនៅក្នុងរយៈពេលដែលនៅសេសសល់នៅក្នុងឆ្នាំ២០២៣នេះ។

លើសពីនេះ ទិន្នន័យដដែលក៏បានបង្ហាញផងដែរថា ការវិនិយោគពីក្រៅប្រទេសដោយជនជាតិចិនគឺជាអ្នកនាំមុខគេនៅក្នុងទីផ្សារអចលនទ្រព្យអូស្ត្រាលីកាលពីត្រីមាសទី៤ ឆ្នាំ២០២២ ពោលគឺមានទំហំទឹកប្រាក់ប្រមាណ៣៩៨លានដុល្លារអាមេរិក៕

ក្រុមហ៊ុនអចលនទ្រព្យថៃងាកទៅសាងសង់ខុនដូតម្លៃទាបសមរម្យ ខណៈអំណាចនៃការទិញធ្លាក់ចុះ

ដោយ: គង់ លាងហួរ

អន្តរជាតិ: ក្រុមហ៊ុន Sena Development Plc ដែលជាក្រុមហ៊ុនអភិវឌ្ឍន៍ដែលបានចុះបញ្ជីក្នុងផ្សារហ៊ុនថៃ SET គ្រោងអភិវឌ្ឍគម្រោងខុនដូតម្លៃទាប និងតម្លៃសមរម្យបន្ថែមទៀត ដើម្បីឆ្លើយតបទៅនឹងការថយចុះសក្តានុពលនៃកម្លាំងទិញដែលបណ្តាលមកពីតម្លៃលំនៅដ្ឋានកាន់តែខ្ពស់។

លោក Atika Boonrodchoo ជំនួយការនាយកគ្រប់គ្រងរបស់ក្រុមហ៊ុនបានមានប្រសាសន៍ថា តម្លៃលំនៅដ្ឋានត្រូវបានគេរំពឹងថានឹងកើនឡើង៥% នៅឆ្នាំ២០២៣នេះ ដោយសារការកើនឡើងនៃតម្លៃសំណង់ រួមទាំងសម្ភារៈ និងប្រាក់ឈ្នួលកម្មករ។

លោកស្រីបន្តថា “អំណាចទិញអាចនឹងមិនអាចកែសម្រួលបានស្របតាមតម្លៃលំនៅដ្ឋានខ្ពស់នោះទេ ហើយជាការឆ្លើយតប យើងនឹងដាក់ចេញគម្រោងខុនដូដែលមានតម្លៃសមរម្យបន្ថែមទៀតនៅក្នុងទីតាំងនៅខាងក្រៅទីក្រុងបាងកក ដែលតម្លៃនៃការអភិវឌ្ឍន៍ទាបជាងបើធៀបនឹងតំបន់ខាងក្នុងទីក្រុង”។

ខណៈដែលរដ្ឋាភិបាលថៃថ្មីអាចដំឡើងប្រាក់ឈ្នួលអប្បបរមា ក្រុមហ៊ុននឹងតាមដានយ៉ាងដិតដល់នូវគោលនយោបាយ និងវាយតម្លៃថាតើការអនុវត្តនេះនឹងធ្វើឡើងភ្លាមៗ ឬជាដំណាក់កាល។

លោកស្រីបានបញ្ជាក់ថា “យើងនឹងខិតខំរក្សាតុល្យភាពឱ្យបានល្អប្រសើរចំពេលមានស្ថានភាពដ៏លំបាក ហើយយើងនឹងធ្វើការជាមួយអ្នកម៉ៅការដើម្បីកែសម្រួលការចំណាយមួយចំនួនដើម្បីទប់ទល់នឹងការដំឡើងប្រាក់ឈ្នួល”។

លោកស្រីបានបន្ថែមទៀតថា “នេះអាចឱ្យក្រុមហ៊ុនរក្សាការចំណាយក្នុងកម្រិតសមហេតុផលសម្រាប់ការលក់ផលិតផល និងកាត់បន្ថយផលប៉ះពាល់លើប្រាក់ចំណេញ និងអំណាចទិញរបស់អតិថិជន”។

ដោយសារអតិថិជននៅក្រៅប្រទេសភាគច្រើនរបស់ក្រុមហ៊ុនគឺជាជនជាតិចិន ដូចនេះក្រុមហ៊ុននឹងតាមដានយ៉ាងដិតដល់នូវគោលនយោបាយបរទេសរបស់រដ្ឋាភិបាលថៃថ្មី ហើយក្រុមហ៊ុននេះនឹងកែសម្រួលយុទ្ធសាស្ត្រឱ្យស្របទៅតាមស្ថានភាពវិវត្តន៍៕

ក្រសួងទេសចរណ៍កម្ពុជាកំពុងស្វែងរកជម្រើសទូទាត់តាមប្រព័ន្ធឌីជីថលសម្រាប់ទាក់ទាញភ្ញៀវទេសចរចិន

ដោយ: គង់ លាងហួរ

ភ្នំពេញ: កម្ពុជាបានចាត់វិធានការដើម្បីធ្វើឱ្យមានភាពងាយស្រួលបន្ថែមសម្រាប់ភ្ញៀវទេសចរក្នុងការធ្វើដំណើរ និងទូទាត់ថ្លៃទំនិញ និងសេវាកម្ម ក្នុងគោលបំណងទាក់ទាញភ្ញៀវទេសចរចិនចំនួន១លាននាក់នៅឆ្នាំ២០២៣នេះ។

ក្រុមមន្ត្រីក្រសួងទេសចរណ៍កាលពីថ្ងៃចន្ទដើមសប្តាហ៍នេះបានជួបពិភាក្សាជាមួយ UnionPay International ដែលជាក្រុមហ៊ុនបុត្រសម្ព័ន្ធរបស់ China UnionPay នៅទីស្តីការក្រសួងដើម្បីពិភាក្សាអំពីវិធីជំរុញជម្រើសទូទាត់តាមប្រព័ន្ធឌីជីថលសម្រាប់ភ្ញៀវទេសចរ។

លោក នេប សាមុត រដ្ឋលេខាធិការក្រសួងទេសចរណ៍ និងមន្ត្រីជាន់ខ្ពស់ផ្សេងទៀតនៃក្រសួងទេសចរណ៍បានជួបពិភាក្សាជាមួយលោក Cai Huiming អគ្គនាយកនៃក្រុមហ៊ុន UnionPay International Asia Southeast Asia ទាក់ទងនឹងជម្រើសទូទាត់តាមប្រព័ន្ធឌីជីថល។

កិច្ចពិភាក្សាបានផ្តោតលើកិច្ចសហប្រតិបត្តិការលើគំនិតផ្តួចផ្តើមមួយចំនួន ដូចជាប្រព័ន្ធវាយតម្លៃត្រៀមខ្លួនជាស្រេចរបស់ប្រទេសចិន ការទូទាត់តាមប្រព័ន្ធឌីជីថល ការបណ្តុះបណ្តាលចំណេះដឹងឌីជីថលសម្រាប់ប្រតិបត្តិករទេសចរណ៍ និងការលើកកម្ពស់កម្មវិធី Cambodia Pass។

កិច្ចប្រជុំក៏បានពិភាក្សាផងដែរអំពីការផ្សព្វផ្សាយគោលដៅទេសចរណ៍កម្ពុជាទៅកាន់ទីផ្សារប្រទេសចិនដោយផ្ទាល់តាមរយៈទីផ្សារសង្គម និងឌីជីថល ជាពិសេសតាមរយៈបណ្តាញធនាគាររបស់ UnionPay របស់ប្រទេសចិននៅក្នុងតំបន់អាស៊ីអាគ្នេយ៍ និងតាមអុីនធឺណិត។

ប្រព័ន្ធវាយតម្លៃរបស់ចិនត្រៀមខ្លួនជាស្រេច គឺជាកម្មវិធីធានាគុណភាពដែលមានគោលបំណងលើកកំពស់គុណភាពសេវាកម្មទេសចរណ៍នៅកម្ពុជា ដើម្បីធ្វើឱ្យឧស្សាហកម្មនេះអាចត្រៀមខ្លួនរួចជាស្រេចដើម្បីស្វាគមន៍ភ្ញៀវទេសចរចិននៅឆ្នាំនេះ។

ជាមួយគ្នានេះ នាយកដ្ឋានស្ថិតិទេសចរណ៍បានរៀបចំសិក្ខាសាលាស្តីពីស្ថិតិទេសចរណ៍ និងការកសាងសមត្ថភាពមន្ត្រីជំនាញក្នុងខេត្តបាត់ដំបង។ សិក្ខាសាលានេះមានការចូលរួមពីតំណាងមន្ទីរទេសចរណ៍រាជធានី ខេត្ត និងមន្ទីរនានា ព្រមទាំងសិស្សានុសិស្សចំនួន១៨០នាក់។

សិក្ខាសាលានេះធ្វើឡើងដើម្បីពិភាក្សាអំពីស្តង់ដារសម្រាប់ការចងក្រង និងដំណើរការទិន្នន័យទេសចរណ៍ ក៏ដូចជាភាពស៊ីសង្វាក់គ្នានៃទិន្នន័យប្រព័ន្ធស្ថិតិទេសចរណ៍។ សិក្ខាសាលានេះក៏គ្របដណ្តប់លើការប្រើប្រាស់ទូរគមនាគមន៍ និងបច្ចេកវិទ្យាព័ត៌មាន ការផ្សព្វផ្សាយស្ថិតិទេសចរណ៍ សូចនាករសំខាន់ៗ និងវិធីកែលម្អគុណភាពទិន្នន័យទេសចរណ៍ផងដែរ។

ថ្លែងក្នុងពិធីមួយកាលពីពេលថ្មីៗនេះនៅរាជធានីភ្នំពេញ លោក ឈួន តារា រដ្ឋលេខាធិការក្រសួងពាណិជ្ជកម្ម ក៏បានរំលឹកសារជាថ្មីអំពីសារៈសំខាន់នៃការពង្រឹងទំនាក់ទំនងចិន-កម្ពុជាលើវិស័យផ្សេងៗ រួមទាំងវិស័យទេសចរណ៍ផងដែរ។

លោកបញ្ជាក់ថា “ប្រទេសទាំងពីរនឹងសហការរៀបចំព្រឹត្តិការណ៍ផ្សេងៗ ដើម្បីពង្រឹង និងពង្រីកកិច្ចសហប្រតិបត្តិការលើវិស័យនានាដូចជា ពាណិជ្ជកម្ម ការវិនិយោគ និងទេសចរណ៍ ក៏ដូចជាវិស័យអាទិភាពផ្សេងៗទៀតផងដែរ”៕

មហាយក្សចិន គ្រោងសាងសង់តំបន់ប្រមូលផ្តុំឧស្សាហកម្មជឿនលឿនលំដាប់ថ្នាក់ពិភពលោក Jing-Jin-Ji

ដោយ៖ សុខុម

ប៉េកាំងៈ ប្រទេសចិន គ្រោងសាងសង់តំបន់ប្រមូលផ្តុំឧស្សាហកម្ម (Industrial Clusters) ជឿនលៀនលំដាប់ថ្នាក់ពិភពលោកក្នុងតំបន់ប៉េកាំង-ធានជីន-ហឺប៉ី (Beijing-Tianjin-Hebei Region) ដែលផ្តោតលើការផលិតផលដូចជារថយន្តអគ្គិសនី និងមនុស្សយន្តជាដើមដើម្បីក្លាយជាអ្នកឈានមុខគេនៅក្នុងការប្រកួតប្រជែងលើពិភពលោក។

នៅពេលភាពតានតឹងបានកើនឡើងកាន់តែខ្លាំងជាមួយសហរដ្ឋអាមេរិក មេដឹកនាំចិន បានសន្យាថានឹងកសាងប្រព័ន្ធឧស្សាហកម្មដ៏ទំនើបមួយ និងសម្រេចឱ្យបាននូវរបកគំហើញថ្មីៗផ្នែកបច្ចេកវិទ្យាដើម្បីឈ្នះ “គំនិតផ្តួចផ្តើមជាយុទ្ធសាស្ត្រនេះ”។

ក្នុងរយៈពេលមួយទសវត្សរ៍ចុងក្រោយនេះ ប្រទេសចិន បានព្យាយាមធ្វើសមាហរណកម្មសេដ្ឋកិច្ចនៃក្រុងប៉េកាំង ក្រុងធានជីន (Tianjin) និងខេត្តហឺប៉ី (Hebei) ឱ្យឈ្មោះថា Jing-Jin-Ji ដែលអាចកាត់បន្ថយគម្លាតប្រាក់ចំណូលក្នុងតំបន់នេះ និងទប់ស្កាត់ការបំពុលបរិស្ថានផងដែរ។

ក្រសួងឧស្សាហកម្ម និងបច្ចេកវិទ្យាព័ត៌មាននៃប្រទេសចិន បានចេញសេចក្តីថ្លែងការណ៍កាលពីថ្ងៃអង្គារ ទី២៣ ខែឧសភា ថា “ដោយប្រឈមមុខនឹងស្ថានភាពថ្មី ភារកិច្ចថ្មី និងលក្ខខណ្ឌតម្រូវថ្មីៗ ក្នុងនាមជាតំបន់ខ្ពង់រាបអភិវឌ្ឍន៍ឧស្សាហកម្មដ៏សំខាន់នៅក្នុងប្រទេសចិន ភារកិច្ចនៃការលើកកម្ពស់ការអភិវឌ្ឍឧស្សាហកម្មនៅតំបន់ក្រុងប៉េកាំង-ធានជីន-ហឺប៉ី គឺកាន់តែបន្ទាន់ថែមទៀត”។

ក្រសួងនេះនិយាយថា ការអភិវឌ្ឍក្នុងតំបន់នេះនឹងផ្តោតលើវិស័យដូចជាសៀគ្វីរួមបញ្ចូលគ្នា (Integrated Circuits) សុវត្ថិភាពបណ្តាញ និងឧបករណ៍ថាមពល និងឧស្សាហកម្មជីវឱសថ។

ក្រសួងនិយាយទៀតថា ខ្លួនក៏នឹងអភិវឌ្ឍឧស្សាហកម្មក្នុងផ្នែករថយន្តថាមពលថ្មី យានយន្តឆ្លាតវៃ ជីវវេជ្ជសាស្ត្រ ថាមពលអ៊ីដ្រូសែន មនុស្សយន្ត ក៏ដូចជាការស្រាវជ្រាវលើបញ្ញាសិប្បនិម្មិត (AI) វិទ្យាសាស្ត្រជីវិត និងបច្ចេកវិទ្យាអវកាសជាដើមផងដែរ។

ទោះជាយ៉ាងណា គ្មានការបញ្ជាក់អំពីទុនវិនិយោគ និងកាលបរិច្ឆេទនៃការចាប់ផ្ដើមសាងសង់ ព្រមទាំងការបញ្ចប់ការសាងសង់ជាស្ថាពរនៅឡើយទេ៕ Reuters៕

សម្តេចតេជោ ហ៊ុន សែន អំពាវនាវដល់ម្ចាស់បុរីទាំងអស់ គិតគូររឿងសេវាទូរស័ព្ទ និងអ៉ីនធើណេត ព្រោះពិបាកប្រើប្រាស់ខ្លាំងណាស់

(ភ្នំពេញ)៖ ជាថ្មីម្តងទៀត សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអំពាវនាវដល់ម្ចាស់បុរីទាំងអស់ ត្រូវគិតគូររឿងសេវាទូរស័ព្ទ និងអ៉ឺនធើណេត ជូនដល់ប្រជាពលរដ្ឋដែលរស់នៅក្នុងបុរី ព្រោះបច្ចុប្បន្ននេះប្រជាពលរដ្ឋ ពួកគាត់រអ៊ូរទាំខ្លាំងណាស់ ចំពោះសេវាទូរស័ព្ទ និងសេវាអ៉ីនធើណេតនេះ។

ការអំពាវនាវរបស់សម្តេចតេជោ ហ៊ុន សែន ធ្វើឡើងក្នុងឱកាសសម្តេចអញ្ជើញសម្ពោធទីតាំងថ្មីសាកលវិទ្យាល័យភូមិន្ទវិចិត្រសិល្បៈ និងចែកសញ្ញាបត្រដល់និស្សិត នៅព្រឹកថ្ងៃទី២៤ ខែឧសភា ឆ្នាំ២០២៣។

សម្តេចតេជោ ហ៊ុន សែន បានថ្លែងដូច្នេះថា «អ្វីដែលខ្ញុំចង់និយាយទៅក្រសួងប្រៃសណីយ៍ និងទូរគមនាគមន៍ ក៏ដូចជាម្ចាស់បុរីនានា ដែលកន្លងទៅតែងចុះហត្ថលេខាទៅឲ្យក្រុមហ៊ុននេះ ក្រុមហ៊ុននោះ [ក្រុមហ៊ុនអ៉ីនធើណិត] អ្នកឯកចុះហត្ថលេខាបំពានលើច្បាប់ ក្រោយមកគឺគ្រប់បុរីអនុញ្ញាតឲ្យក្រុមហ៊ុនណាចូលក៏បាន ប៉ុន្តែគេដាក់ចេញឧបសគ្គរារាំង […] អ្នករកស៉ី មន្ត្រីរាជការដែលយើងធ្វើការជាមួយរស់នៅក្នុងបុរី ក្នុងពេលបុរីអត់មានសេវាអ៉ីនធើណិត»។

សម្តេចតេជោ ហ៊ុន សែន បានជំរុញក្រសួងប្រៃសណីយ៍ និងទូរគមនាគមន៍ ពិនិត្យមើលក្រុមហ៊ុនមួយឈ្មោះ Home Internet ដោយសារសេវា Internet ក្រុមហ៊ុននេះមិនល្អ ហើយពិបាកទាក់ទងបុគ្គលិកក្រុមហ៊ុនទៀតនៅពេលមានបញ្ហា។

សម្តេចលើកឡើងថា សម្តេចធ្លាប់បានទាក់ទងជាមួយមន្ត្រីរាជរដ្ឋាភិបាលប្រមាណជា ៣នាក់ ដែលប្រើ Home Internet នេះ ហើយជួបបញ្ហា internet យឺត នៅពេលហៅបុគ្គលិកក្រុមហ៊ុនមកពិនិត្យ និងជួសជុល គឺពិបាកខ្លាំងណាស់។

សម្តេចេជោ ហ៊ុន សែន បានអំពាវនាវដល់ម្ចាស់បុរី បើកឱកាសដល់គ្រប់ក្រុមហ៊ុនទាំងអស់ ដើម្បីឲ្យមានការប្រកួតប្រជែងមួយដ៏ត្រឹមត្រូវ ងាយស្រួលដល់អ្នករស់ក្នុងបុរី ដោយសារសម័យនេះ ជាសម័យឌីជីថល ម្នាក់ៗត្រូវការប្រើប្រាស់ internet ជាចាំបាច់ ហើយច្បាប់ ស្តីពីទូរគមនាគមន៍ អត់មានអនុញ្ញាតឲ្យមានការផ្តាច់មុខនោះទេ។

សម្តេចតេជោ ហ៊ុន សែន បញ្ជាក់ថា សម្រាប់សម្តេចអត់មាន internet ស្មើនឹងអត់បាយដូច្នេះដែរ ដូច្នេះសម្តេចជំរុញឲ្យមានសេវា internet ឲ្យកាន់តែប្រសើរនៅកម្ពុជា។

សូមជម្រាបថា ដើម្បីដោះស្រាយបញ្ហា Internet តាមបុរីនេះ ក្រសួងប្រៃសណីយ៍ និងទូរគមនាគមន៍ បានចាត់តាំងក្រុមការងារចំនួន៨ សម្រាប់ចុះពង្រឹងគុណភាពសេវា នៅតាមបុរីក្នុងរាជធានីភ្នំពេញ ដោយបញ្ចប់កិច្ចសន្យាផ្តល់សិទ្ធិផ្តាច់មុខ ដល់ប្រតិបត្តិករណាមួយ ក្នុងការផ្គត់ផ្គង់សេវាអ៊ីនធឺណិត និងស្នើសុំកិច្ចសហការពីម្ចាស់បុរី ក្នុងការជំរុញគុណភាពសេវា។ បន្ថែមលើនេះក្រសួងប្រៃសណីយ៍ និងទូរគមនាគមន៍ បានទិញឧបករណ៍វាស់ស្ទង់សេវាដែលបំពាក់លើរថយន្ត (Driver Test) សម្រាប់ធ្វើការវាស់ស្ទង់គុណភាពសេវា ដើម្បីជំរុញឲ្យប្រតិបត្តិករកែលំអរសេវា ឬវិនិយោគបន្ថែម។

ក្រសួងបានជ្រើសរើសយកការពង្រឹងគុណភាពសេវានៅបុរីប៉េងហួតបឹងស្នោ ដើម្បីទៅអនុវត្តនៅតាមបុរីផ្សេងទៀត ព្រមទាំងពង្រឹងសេវានៅតាមខណ្ឌទាំង១៤ ក្នុងរាជធានីភ្នំពេញ បន្ថែមទៀតដំណាលគ្នា ដោយចាប់ផ្ដើមពីខណ្ឌដូនពេញមុនគេ៕

Cambodia receives nearly 1.3 million foreign tourists in Q1

Cambodia attracted 1.29 million international visitors in the first quarter of 2023, an increase of 709 percent from only 159,546 over the same period last year, said a Ministry of Tourism report released on Tuesday.

Thailand topped the chart among the international arrivals to the Southeast Asian nation during the January-March period this year, followed by Vietnam and China, the report said, adding that some 424,241 Thais, 207,527 Vietnamese, and 132,665 Chinese visited the kingdom during the period.

Cambodian Tourism Minister Thong Khon said the kingdom is expected to attract more than 4 million international tourists this year after China optimized its anti-COVID-19 strategy and resumed its outbound group tours earlier this year.

“China is one of the most important outbound tourism markets for the world, so China’s resumption of outbound tourism is very beneficial not only to Cambodia but also to the whole world,” he told Xinhua.

Tourism is one of the four sectors supporting the Cambodian economy. The country has three world heritage sites, namely Angkor archaeological park in northwestern Siem Reap Province, Preah Vihear Temple in northwestern Preah Vihear Province, and Sambor Prei Kuk archaeological site in central Kampong Thom province.

Besides, Cambodia is known for its pristine coastline stretching in the length of 450 km in four southwestern provinces of Sihanoukville, Kampot, Kep, and Koh Kong.

Source: Xinhua

ការផ្គត់ផ្គង់ចំនួនសណ្ឋាគារលំដាប់ប្រណីតៗនៅទូទាំងជប៉ុនកំពុងរីកដុះដាលដូចផ្សិត

ដោយ: គង់ លាងហួរ

តូក្យូ: ចាប់តាំងពីការស្នាក់នៅក្នុងទីក្រុងដ៏សំបូរបែប ទៅកាន់រមណីយដ្ឋានឆ្នេរ សណ្ឋាគារថ្លៃៗជាច្រើនកំពុងបើកដំណើរការនៅទូទាំងប្រទេសជប៉ុនយ៉ាងគគ្រឹកគគ្រេង ហើយនិន្នាការសម្រាប់កន្លែងស្នាក់នៅប្រណីតៗមិនបង្ហាញសញ្ញានៃការថមថយចុះក្នុងពេលឆាប់ៗនេះនោះទេ។

កាលពីប៉ុន្មានឆ្នាំមុន ការភ័យខ្លាចនៃការខ្វះខាតកន្លែងស្នាក់នៅបានកើនឡើងនៅមុនព្រឹត្តិការណ៍កីឡាអូឡាំពិក និងប៉ារ៉ាឡាំពិកទីក្រុងតូក្យូ ដោយពេលនោះមានការព្យាករណ៍ថា ភ្ញៀវទេសចរចំនួន៤០លាននាក់នឹងមកទស្សនា។

សព្វថ្ងៃនេះ បញ្ហាប្រឈមនៃសណ្ឋាគារអូឡាំពិចដែលមិនត្រូវបានប្រើប្រាស់ និងការរឹតបន្តឹងការធ្វើដំណើរដោយសារកូវីដ កំពុងរលត់ទៅវិញក្នុងការចងចាំ និងកើតឡើង ចំពេលមានការវាយលុកខ្លាំងនៃការបើកសណ្ឋាគារប្រណីតៗនៅទូទាំងប្រទេស ដែលភាគច្រើនសណ្ឋាគារទាំងនោះកំពុងគិតថ្លៃលើសពី១០០.០០០យ៉េន (ប្រហែល៧៣៥ដុល្លារអាមេរិក) ក្នុងមួយយប់។

យោងតាមក្រុមហ៊ុនស្រាវជ្រាវ MSCI Real Assets បានឱ្យដឹងថា វិនិយោគិនមកពីបរទេសកំពុងជះប្រាក់រកសុីចូលទៅក្នុងវិស័យសណ្ឋាគារជប៉ុនក្នុងអត្រាមួយដែលមិនធ្លាប់មានចាប់តាំងពីឆ្នាំ២០១៤។ ជាក់ស្តែង កាលពីឆ្នាំ២០២២ ប្រភពនៃអ្នកវិនិយោគនៅក្រៅប្រទេសគ្រប់ដណ្តប់ជិតពាក់កណ្តាលនៃកិច្ចព្រមព្រៀងសណ្ឋាគារតម្លៃចំនួន៤៩៤,៣ពាន់លានយ៉េន។

លើសពីនេះទៀត កិច្ចព្រមព្រៀងក្នុងទំហំទឹកប្រាក់ធំៗមួយចំនួនក៏បានធ្វើឡើងផងដែរ។

កាសែត Bloomberg បានរាយការណ៍កាលពីឆ្នាំមុនថា ក្រុមហ៊ុនភាគហ៊ុនឯកជន BentallGreenOak បានចំណាយប្រាក់៥៥ពាន់លានដុល្លារលើការទិញសណ្ឋាគារ Rihga Royal ក្នុងទីក្រុង Osaka ។

ចំណែក មូលនិធិវិនិយោគគ្រប់គ្រងដោយរដ្ឋរបស់ប្រទេសសិង្ហបុរី GIC បានចំណាយប្រាក់ចំនួន១៥០ពាន់លានយ៉េនដល់ក្រុមហ៊ុន Seibu Holdings សម្រាប់ទិញផលប័ត្រទ្រព្យសកម្មបដិសណ្ឋារកិច្ច។

ជាងនេះទៅទៀតនាពេលថ្មីៗនេះ ក្រុមហ៊ុន KKR បានសហការជាមួយក្រុមហ៊ុន Gaw Capital Partners របស់ហុងកុង ដើម្បីទិញសណ្ឋាគារ Hyatt Regency Tokyo ក្នុងប្រទេសជប៉ុន ពីក្រុមហ៊ុន Odakyu Electric Railway ក្នុងកិច្ចព្រមព្រៀងមួយតម្លៃ៥៧,១ពាន់លានយ៉េន៕

ក្រុមហ៊ុនជប៉ុនវិនិយោគបង្កើតមជ្ឈមណ្ឌលផលិតកម្ម ឌីជីថលនៅកម្ពុជា

ដោយៈ គង់ ហ្វីអូណា

ភ្នំពេញៈ នារសៀលថ្ងៃទី២៣ ខែឧសភា ឆ្នាំ២០២៣ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា បានអនុញ្ញាតឲ្យ លោក MORI MASAHIKO ប្រធានក្រុមហ៊ុន DMG MORIនៃប្រទេសជប៉ុនចូលជួបសម្ដែងការគួរសមនិងពិភាក្សាការងារ។

ក្នុងជំនួបនេះ លោក MORI MASAHIKO បានគោរពជម្រាបជូនសម្តេចតេជោ អំពីមជ្ឈមណ្ឌលផលិតកម្មឌីជីថល កម្ពុជា–ជប៉ុន ដែលមជ្ឈមណ្ឌលនេះ មានគោលបំណង៣ ទី១ ចូលរួមជំរុញការធ្វើឌីជីថលបនីយកម្ម ឧស្សាហកម្មនៅកម្ពុជា ទី២ ចូលរួមជំរុញការអភិវឌ្ឍន៍ ធនធានមនុស្សលើវិស័យឌីជីថល ឧស្សាហកម្ម និងទី៣ ជំរុញកិច្ចសហប្រតិបត្តិការ រវាងឧស្សាហកម្ម ដែលប្រើប្រាស់ប្រព័ន្ធឌីជីថល

លោក MORI MASAHIKO បាន គោរពជម្រាបជូនសម្ដេចតេជោបន្ថែមថា មជ្ឈមណ្ឌលផលិតកម្ម ឌីជីថលឧស្សាហកម្មនេះ ជាគម្រោងដែលមានកិច្ចសហប្រតិបត្តិការ រវាងរាជរដ្ឋាភិបាលជប៉ុន សាកលវិទ្យាល័យភូមិន្ទភ្នំពេញ និងក្រុមហ៊ុន DMG MORI ហើយម៉ាស៊ីនដែលយកមកកម្ពុជានៅពេលនេះគឺជាម៉ាស៊ីនដែលទំនើបបំផុតនិងជាម៉ាស៊ីនដែលចាំបាច់បំផុតសម្រាប់បម្រើឲ្យឧស្សាហកម្មនាយុគ្គសម័យឌីជីថល។

លោក MORI MASAHIKO បានបន្ថែមថា ក្រុមហ៊ុន DMG MORI នឹងនៅបន្តហ្វឹកហាត់ ដល់កម្ពុជាក្នុងការប្រើប្រាស់ ម៉ាស៊ីន និងបង្រៀនដល់និស្សិតកម្ពុជា ហើយឆ្លៀតក្នុងឱកាសនោះដែរ លោក MORI MASAHIKO ក៏បានគោរពស្នើសុំសម្ដេចតេជោមេត្តាជួយគាំទ្រលើគម្រោងនេះ។

ជាការឆ្លើយតប សម្ដេចតេជោ ហ៊ុន សែន បានសំដែងនូវការស្វាគមន៍ និងថ្លែងអំណរគុណ ព្រមទាំងបានជម្រាបជូនលោក MORI MASAHIKO ថាកម្ពុជាកំពុងជំរុញផ្នែកឌីជីថល។

កម្ពុជាមានគោលដៅ២សម្រាប់វិស័យឧស្សាហកម្មទី១ជំរុញការវិនិយោគលើវិស័យឧស្សាហកម្មបម្រើឲ្យការកែច្នៃវត្ថុធាតុដើមដែលមានស្រាប់សម្រាប់ការនាំចេញ។ទី២ទាក់ទាញបច្ចេកវិទ្យាថ្មីៗមកផលិតនៅកម្ពុជា។

ចំពោះសំណើរបស់លោក MORI MASAHIKO សុំការគាំទ្រពីសម្ដេចនោះ សម្ដេចតេជោនាយករដ្ឋមន្ត្រី បានមានប្រសាសន៍ថា សម្ដេចមិនត្រឹមតែគាំទ្រទេ ថែមទាំងបានស្នើសុំឲ្យ ក្រុមហ៊ុន DMG MORI និងរាជរដ្ឋាភិបាលនៃប្រទេសជប៉ុន បន្តជួយកម្ពុជាថែមទៀត ដើម្បីធ្វើឲ្យកម្ពុជា អាចឈានឆ្ពោះទៅមុខលើវិស័យឌីជីថលនេះ៕

Sky-high airfares have peaked, says AirAsia chief

DOHA: Airline ticket prices have peaked, at least in the market where the budget carrier AirAsia operates, according to its founder Tony Fernandes.

“We are there or thereabouts,” Mr Fernandes said in an interview on the sidelines of the Qatar Economic Forum in Doha on Tuesday. “We don’t want it to go any higher, we want it to go lower. We want to stimulate more traffic, so I think they’ve peaked.”

Airfares globally remain elevated in the wake of the Covid pandemic, with capacity and staffing unable to match a sharp rebound in demand. Mr Fernandes said there is “phenomenal” growth in Southeast Asia, and places such as the Middle East are also booming.

AirAsia aims to ride the trend by launching airlines in two more countries in the Asian region, Mr. Fernandes told Bloomberg Television. In December, the company announced plans to enter Cambodia.

“It is Asia’s time for growth,” he said, without saying which new markets the airline is considering. Capital A, the holding company for AirAsia, already operates budget airlines out of Malaysia, Indonesia, Thailand, and the Philippines. It shut down its operations in Japan and India in recent years.

Source: Bloomberg

1...922923924...3,256 Page 923 of 3,256