ក្រុមហ៊ុនផលិតកង់ឡានចិន Double star បានបើកការដ្ឋានសាងសង់រោងចក្រជាផ្លូវការនៅតំបន់សេដ្ឋកិច្ចពិសេសខេត្តក្រចេះហើយ

ដោយ: គង់ លាងហួរ
ភ្នំពេញ: គម្រោងសាងសង់រោងចក្រផលិតសំបកកង់រថយន្តរបស់ក្រុមហ៊ុនញូបាសស្តារ ខេមបូឌា ត្រាយ ខូអិលធីឌី (NEWBUSTAR (Cambodia) Trie Co.,Ltd) ជាមួយទុនវិនិយោគ ១៣៨លានដុល្លារ បានបើកការដ្ឋានសាងសង់ជាផ្លូវការហើយកាលពីថ្ងៃទី៩ ខែឧសភា ឆ្នាំ២០២៣នេះ។

ពិធីនេះត្រូវបានអញ្ជើញចូលរួមជាអធិបអធិបតីភាពដោយលោក វ៉ា ថន អភិបាលខេត្តក្រចេះ និងលោក ឆៃ យ៉ុន សើន ប្រធានក្រុមហ៊ុនញូបាសស្តារ ខេមបូឌា ត្រាយ ខូអិលធីឌី ព្រមជាមួយនិងភ្ញៀវកិត្តិយ័សសំខាន់ៗជាច្រើននាក់ទៀត។

រោងចក្រនេះ នឹងត្រូវសាងសង់លាតសន្ធឹងនៅលើផ្ទៃដីទំហំ៤០ហិកតា ក្រោមទុនវិនិយោគប្រមាណ១៣៨លានដុល្លារ ដោយគ្រោងនឹងសាងសង់ឱ្យបានបញ្ចប់រួចរាល់នៅក្នុងដំណាក់ទី១ នៅក្នុងខែតុលា ឆ្នាំ២០២៣ខាងមុខនេះ។

រោងចក្រផលិតសំបកកង់រថយន្តដ៏ធំនេះ ត្រូវបានវិនិយោគដោយក្រុមហ៊ុន ញូបាសស្តារ ខេមបូឌា ត្រាយ ខូអិលធីឌី (NEWBUSTAR (Cambodia) Trie Co.,Ltd) ឬ Double Star មកពីទីក្រុងឈីងតាវ ខេត្តសានទុង នៃសាធារណរដ្ឋប្រជាមានិតចិន។

ថ្លែងនាឱកាសនោះ លោកអភិបាលខេត្ត វ៉ា ថន បានធ្វើការវាយតម្លៃខ្ពស់ចំពោះវឌ្ឍនភាព និងសមិទ្ធផលថ្មីៗ នៅក្នុងតំបន់រដ្ឋបាលសេដ្ឋកិច្ចពិសេស យូ ប៊ី អ៊ី ស្នួល ដែលកំពុងរួមចំណែកជាមួយរដ្ឋបាលស្រុកស្នួល និងរដ្ឋបាលខេត្តក្រចេះ។

លោក វ៉ា ថន ក៏បានស្នើដល់លោកប្រធានតំបន់រដ្ឋបាលសេដ្ឋកិច្ចពិសេសយូ ប៊ី អ៊ី ស្នួល ឱ្យបន្តកៀរគរដល់វិនិយោគិនចិន និងអ្នកវិនិយោគប្រទេសផ្សេងៗទៀត ចូលមកធ្វើការវិនិយោគ លើវិស័យកសិកម្ម ឧស្សាហកម្ម ធនធានរ៉ែ ពាណិជ្ជកម្ម ទេសចរណ៍ វប្បធម៌ និងវិស័យដែលមានសក្ដានុពលផ្សេងៗទៀតនៅក្នុងខេត្តក្រចេះផងដែរ៕

សម្តេចតេជោនឹងបញ្ជូនអ្នកជំនាញកសិកម្មកម្ពុជាសិក្សាពីលទ្ឋភាពដាំដុះនៅប្រទេសទីម័រឡេស្តេ

ដោយៈ គង់ សូរិយា

ឥណ្ឌូនេស៊ីៈ លោក Taur Matan Ruak នាយករដ្ឋមន្រ្តីទីម័រខាងកើត បានលើកឡើងថា វត្តមានរបស់ទីម័រ ក្នុងកិច្ចប្រជុំកំពូលអាស៊ាន នាពេលនេះ មិនអាចកាត់ផ្តាច់ពីការជួយជ្រោមជ្រែង តាំងពីដើមរហូតមករបស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជានោះឡើយ។

លោក Taur Matan Ruak ត្រូវបានអញ្ជើញឱ្យចូលរួមក្នុងកិច្ចប្រជុំកំពូលអាស៊ាន លើកទី៤២ និងកិច្ចប្រជុំកំពូលពាក់ព័ន្ធក្នុងក្របខ័ណ្ឌអាស៊ាន ដែលនឹងប្រព្រឹត្តទៅពីថ្ងៃទី១០ ដល់ទី១១ ខែឧសភា ឆ្នាំ២០២៣ នៅទីក្រុងឡាប៊ូនបាចូ សាធារណរដ្ឋឥណ្ឌូនេស៊ី ជាគោលការណ៍ ក្នុងនាមជាសមាជិកទី១១ របស់អាស៊ាន។នៅមុនកិច្ចប្រជុំនេះ លោកមានជំនួបទ្វេភាគីជាមួយ សម្តេចតេជោ ហ៊ុន សែន។

នៅក្នុងជំនួប លោកនាយករដ្ឋមន្រ្តីទីម័រខាងកើត ក៏បានថ្លែងអំណរគុណចំពោះ សម្តេចតេជោ ហ៊ុន សែន ដែលបានជួយជ្រោមជ្រែងកិច្ចការងារយ៉ាងច្រើន ពីដើមរៀងមកដើម្បីឲ្យសមាគមអាស៊ានទទួលយកទីម័រខាងកើត ជាសមាជិកទី១១ ជាមួយគ្រួសារអាស៊ាន។

លោកនាយករដ្ឋមន្ត្រី នៃប្រទេសទីម័រខាងកើត ក៏បានជំរាបសម្តេចតេជោថា វត្តមានរបស់ទីម័រខាងកើត មកកាន់កិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធ នៅប្រទេសឥណ្ឌូនេស៊ីនាពេលនេះ គឺមិនអាចកាត់ផ្ដាច់បាន ពីការជួយជ្រោមជ្រែងរបស់សម្ដេចតេជោ ហ៊ុន សែន នោះទេ ។

លោកនាយករដ្ឋមន្រ្តីទីម័រខាងកើត បានជំរាបសម្តេចថា ការអញ្ជើញរបស់ទីម័រឡេស្ត នៅក្នុងកិច្ចប្រជុំកំពូលអាស៊ាន នៅឯប្រទេសឥណ្ឌូនេស៊ីនាពេលនេះ គឺជាលើកទីមួយ នៃប្រវត្តិសាស្ត្រដែលសម្តេចតេជោ ហ៊ុន សែន បានជ្រោមជ្រែង។

សម្តេចតេជោ ហ៊ុន សែន បានបង្ហាញពីបំណងរបស់សម្តេចចង់ឲ្យទីម័រខាងកើត ចូលជាសមាជិកពេញសិទ្ធិតែម្តងនៅអាស៊ាន។ អំពីកិច្ចសហប្រតិបត្តិការ រវាងប្រទេសកម្ពុជា និងទីម័រខាងកើត។សម្តេចតេជោ ហ៊ុន សែន មានប្រសាសន៍ថា សម្តេចចង់ឲ្យទីម័រមានសន្តិសុខស្បៀង។

សម្តេចបន្តថា សម្តេចមានបំណង ចង់ឲ្យអ្នកវិនិយោគរបស់ទីម័រខាងកើត មកវិនិយោគនៅក្នុងប្រទេសកម្ពុជា បង្កើតរោងចក្រកិនស្រូវនាំអង្ករចេញទៅកាន់ទីម័រ ដោយឡែកកន្ទក់សម្រាប់ផលិតជាចំណីសត្វ។ សម្តេចបានបញ្ជាក់បន្ថែមថា ប្រសិនបើប្រទេសទីម័រឯកភាព កម្ពុជា នឹងបញ្ជូនអ្នកជំនាញផ្នែកកសិកម្ម ទៅសិក្សាដីនៅឯប្រទេសទីម័រខាងកើត ថាតើស្ថានភាពដីនៅទីនោះ អាចដាំដុះទៅលើដំណាំអ្វីបានផលច្រើន។

លោកនាយករដ្ឋមន្រ្តីទីម៉រខាងកើត បានទទួលយកនូវអនុសាសន៍របស់សម្ដេចតេជោ ហ៊ុន សែន ពាក់ព័ន្ធទៅនឹងសន្តិសុខស្បៀង ដើម្បីឲ្យមានការអភិវឌ្ឍវិស័យកសិកម្ម ដោយខ្លួនឯង និងមានសន្តិសុខស្បៀង៕

តើមានកត្តាអ្វីទើបជម្រុញឲ្យសេដ្ឋីធំៗបន្តទិញអចលនទ្រព្យ នៅសិង្ហបុរី ?

ដោយៈ សុខុម

សឹង្ហបុរី: រដ្ឋាភិបាលសិង្ហបុរី កាលពីចុងខែមេសា បានប្រកាសដំឡើងពន្ធប្រថាប់ត្រា បន្ថែមលើអ្នកទិញ (ABSD) ទ្វេដងឈានរហូតដល់៦០%សម្រាប់ជនបរទេស ដែលទិញអចលនទ្រព្យនៅទីនេះ ហើយនេះ ជាវិធានការជុំចុងក្រោយ ដើម្បីធ្វើឱ្យទីផ្សារអចលនទ្រព្យស្ងប់រម្ងាប់ និងមានស្ថិរភាព។

ទោះជាយ៉ាងណា បណ្ដាជនបរទេសដែលជាអតិថិជនរបស់ភ្នាក់ងារអចលនទ្រព្យ Aric Lim បានបង្ហាញក្ដីបារម្ភថា ការដំឡើងពន្ធប្រថាប់ត្រានេះ ប្រហែលមិនមែន ជាការដំឡើងផ្ដាច់ព្រ័ត្រឡើយ ដែលមានន័យថា អាចនឹងមានការដំឡើងបន្ថែមទៀត នៅថ្ងៃអនាគត។

លោក Aric Lim ដែលបម្រើការងារ នៅក្រុមហ៊ុនប្រឹក្សាអចលនទ្រព្យ Huttons Asia លើកឡើងថា “អតិថិជនសួរថា ‘តើការដំឡើងពន្ធប្រថាប់ត្រា៦០% ជាការដំឡើងលើកចុងក្រោយបង្អស់? គ្មានអ្នកណាដឹងទេ មែនទេ?’។

លោក Aric Lim បានប្រាប់លោក Steven Chia ដែលមកពីសារព័ត៌មាន CNA ក្នុងកម្មវិធី Podcast មួយដែលមានឈ្មោះ Heart of the Matter ថា ការដំឡើងពន្ធប្រថាប់ត្រា បន្ថែមលើអ្នកទិញ (ABSD) ទ្វេដងពី៣០%រហូតដល់៦០% សម្រាប់អ្នកទិញជាជនបរទេស ជាដំបូងប្រហែលជាអាចបង្អាក់ អ្នកដែលចង់មកតាំងលំនៅក្នុងប្រទេសសិង្ហបុរី។ ប៉ុន្តែមិនយូរទេ ពួកគេនឹងបន្តទិញដដែល។

ក្នុងចំណោមការឡើងជុំថ្មី ដែលត្រូវបានប្រកាសកាលពីយប់ថ្ងៃពុធ ទី២៦ ខែមេសា ការដំឡើងពន្ធប្រថាប់ត្រាបន្ថែម លើអ្នកទិញ (ABSD) នេះគឺជាការកើនឡើងខ្ពស់បំផុត។

លោកបន្តថា “នេះគឺជាវិធានការជុំទី៣ ហើយដើម្បីធ្វើឱ្យទីផ្សារអចលនទ្រព្យស្ងប់រម្ងាប់ និងមានស្ថិរភាព ចាប់តាំងពីខែធ្នូ ឆ្នាំ២០២១ មក”។

យោងតាមទិន្នន័យរបស់អាជ្ញាធរអភិវឌ្ឍន៍ទីក្រុង (URA) បង្ហាញថា ចំនួនអ្នកទិញជាជនបរទេស បានកើនឡើងដល់៦,៩%ក្នុងត្រីមាសទី១ ដើមឆ្នាំ២០២៣ បើធៀបនឹង៣,១%ក្នុងរយៈពេលដូចគ្នាកាលពីឆ្នាំមុន។

ថ្លែងទៅកាន់ប្រព័ន្ធផ្សព្វផ្សាយមួយថ្ងៃ បន្ទាប់ពីការប្រកាសនេះ រដ្ឋមន្ត្រីក្រសួងអភិវឌ្ឍន៍ជាតិ លោក Desmond Lee បានពន្យល់ថា ការដំឡើងពន្ធប្រថាប់ត្រា បន្ថែមលើអ្នកទិញ (ABSD) គឺជា “វិធានការបង្ការទុកជាមុន” ដើម្បីកាត់បន្ថយតម្រូវការវិនិយោគ របស់ពលរដ្ឋក្នុងស្រុក និងជនបរទេស ខណៈចំណាប់អារម្មណ៍ លើទីផ្សារលំនៅដ្ឋាននេះនៅតែបន្តកើនឡើង។

លោកបន្ថែមថា “ចំណាប់អារម្មណ៍របស់ជនបរទេស លើអចលនទ្រព្យ លំនៅដ្ឋានក្នុងប្រទេសសិង្ហបុរី បន្តកើនឡើងខ្លាំង”។ លោកបន្តថា “ដូច្នេះប្រសិនបើយើងមិនចាត់វិធានការ ទប់ស្កាត់ជាមុនទេ យើងអាចមើលឃើញចំនួន វិនិយោគទាំងក្នុងស្រុក និងដោយជនបរទេសកើនឡើង ហើយវានឹងបន្ថែមភាពតានតឹង ដល់ពលរដ្ឋសិង្ហបុរី ដែលកំពុងស្វែងរកទិញអចលនទ្រព្យ លំនៅដ្ឋានសម្រាប់រស់នៅជាចម្បង”។

*បើអចលនទ្រព្យនៅសិង្ហបុរី ចេះតែឡើងថ្លៃកប់ពពកបែបនេះ ហេតុអ្វីជនបរទេស ដែលមានស្ដុកស្ដម្ភនៅតែបន្តទិញ?

ឆ្លើយតបនឹងសំណួរនេះ លោក Aric Lim បានលើកឡើងថា “ខ្ញុំឃើញមានរំហូរជនបរទេសយ៉ាងច្រើន ជាពិសេសដោយសារតែសិង្ហបុរី ជាកន្លែងជ្រកកោន ដ៏មានសុវត្ថិភាពសម្រាប់ពួកគេនាំគ្រួសារ និងកូនៗរបស់ពួកគេមកទីនេះ ដើម្បីស្វែងរកការសិក្សា។ ហើយបន្ទាប់មក ពួកគេចង់ចាក់ឫសបោះមូលដ្ឋាននៅទីនេះ ព្រោះតែនៅទីនេះមានបរិយាកាសសុខស្រួល សម្រាប់ពួកគេរស់នៅ និងមានសុវត្ថិភាពខ្លាំង។ នៅពេលប្រៀបធៀបប្រទេស ទាំងអស់នៅអាស៊ី ខ្ញុំគិតថា សិង្ហបុរី ជាប់នៅកំពូលតារាង”៕ CNA៕

តម្លៃដីធ្លីនៅតាមបណ្តោយខ្សែផ្លូវរថភ្លើងប្រទេសថៃហក់ឡើង ខ្លាំងបំផុត

ដោយ: គង់ លាងហួរ

អន្តរជាតិ: សន្ទស្សន៍តម្លៃដីនៅទីក្រុងបាងកក បានកើនឡើងក្នុងត្រីមាសទីមួយនៃឆ្នាំ២០២៣នេះ ជាមួយនឹងកំណើនពីរខ្ទង់(double-digit increas) និងជំរុញដោយការកើនឡើង នៃតម្លៃដីនៅតាមតំបន់ជាយក្រុង។

លោក Vichai Viratkapan អគ្គនាយកស្តីទីនៃមជ្ឈមណ្ឌលព័ត៌មានអចលនទ្រព្យ (REIC) បានមានប្រសាសន៍ថា “ការកើនឡើងនៃតម្លៃដីនៅជាយក្រុងបាងកក គឺមានអត្រាខ្ពស់ជាងទីតាំងនៅក្នុងកណ្តាលទីក្រុង”។ REIC បានរាយការណ៍ថា សន្ទស្សន៍តម្លៃដីទំនេរ នៅទីក្រុងបាងកក ក្នុងត្រីមាសទី១ ឆ្នាំ២០២៣នេះ កើនឡើង១៣,១% ធៀបនឹងរយៈពេលដូចគ្នាក្នុងឆ្នាំ២០២២ និងកើនឡើង១,១% ធៀបនឹងត្រីមាសទី៤ ឆ្នាំ២០២២។លោកបានមានប្រសាសន៍ថា “ទីតាំងកំពូលទាំងប្រាំ ដែលធានានូវការកើនឡើងខ្ពស់បំផុត ពីមួយឆ្នាំទៅមួយឆ្នាំ នៃសន្ទស្សន៍តម្លៃដីទំនេរទាំងអស់ គឺស្ថិតនៅក្រៅទីក្រុងបាងកក ដែលអត្រាកំណើនមានចន្លោះពី២៥,៧% ទៅដល់៦៨,២%”។

លោក Vichai បានបន្តថា “ហេតុផលសំខាន់ នៃការកើនឡើងនៃតម្លៃដីនៅទីតាំងទាំងនោះ បណ្តាលមកពីតម្លៃមូលដ្ឋានទាប ដោយសារដីមានតម្លៃសមរម្យ តំបន់ទាំងនេះមានភាពស័ក្តិសម សម្រាប់ការអភិវឌ្ឍន៍ផ្ទះតូចៗក្នុងតម្លៃសមរម្យ និងឆ្លើយតបនឹងតម្រូវការដ៏ធំ”។

ការវិនិយោគលើការអភិវឌ្ឍន៍អចលនទ្រព្យ តាមបណ្តោយខ្សែរថភ្លើងធំៗដែលមានស្រាប់ និងអនាគតក៏បានរួមចំណែក ដល់ការកើនឡើងនៃតម្លៃដីធ្លី នៅក្នុងតំបន់ទាំងនោះផងដែរ។

ការកើនឡើងខ្ពស់បំផុតពីមួយឆ្នាំ ទៅមួយឆ្នាំនៃសន្ទស្សន៍តម្លៃដីទំនេរក្នុងចំណោមទីតាំងទាំងអស់ ដែលនៅជិតបណ្តាញដឹកជញ្ជូនសាធារណៈនាពេលបច្ចុប្បន្ន និងអនាគតគឺនៅតំបន់ក្បែរខ្សែរថភ្លើងពណ៌ស្វាយ ដែលរត់ពីទីក្រុង Bang Yai ក្នុងខេត្ត Nonthaburi ទៅកាន់ទីក្រុង Tao Poon។

ការកើនឡើងខ្ពស់បំផុតលំដាប់ទី២ នៃសន្ទស្សន៍តម្លៃដី គឺស្ថិតនៅក្នុងតំបន់ ដែលនៅជិតខ្សែរថភ្លើងពណ៌បៃតង ដែលរត់ពីទីក្រុង Ku Kot ទៅទីក្រុង Lam Luk Ka នាពេលអនាគត ជាមួយនឹងការកើនឡើងក្នុងអត្រា៩,២% រហូតដល់៣៣៩,៨៕

សញ្ញាវិជ្ជមានៈ ការធ្វើដំណើរតាមផ្លូវអាកាសកើនឡើងជាង២០ភាគរយអំឡុងស៊ីហ្គេមលើកទី៣២

ដោយៈ ច្រាយ ចំណាន

ភ្នំពេញៈ ចំនួនភ្ញៀវទេសចរ ដែលធ្វើដំណើរតាមផ្លូវអាកាសមកប្រទេសកម្ពុជានឹងមានកំណើនជាង២០ភាគរយ បើគិតចាប់ពីសប្តាហ៍ទី៤ នៃខែមេសា រហូតដល់ចុងខែឧសភា នេះ។

កម្ពុជា បាននិងកំពុងធ្វើជាម្ចាស់ផ្ទះ នៃព្រឹត្តិការណ៍ជាប្រវត្តិសាស្ត្រដែលបានរង់ចាំរយៈពេល៦៤ឆ្នាំ។ ព្រឹត្តិការណ៍កីឡាស៊ីហ្គេមបានចាប់ផ្តើមពីថ្ងៃទី៥ ដល់ថ្ងៃទី ១៧ ខែឧសភា ខណៈព្រឹត្តិការណ៍អាស៊ានបារ៉ាហ្គេម លើកទី១២ នឹងធ្វើពីថ្ងៃទី ៣ ដល់ថ្ងៃទី ៩ ខែមិថុនា។

អនុរដ្ឋលេខាធិការ និងជាអ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិល លោកស៊ិន ចាន់សិរីវុត្ថា បានមានប្រសាសន៍ថា គិតចាប់ពីចុងសប្តាហ៍នៃខែមេសា រហូតដល់សប្តាហ៍ទី ៤ នៃខែឧសភា នេះតួលេខ នៃការធ្វើដំណើរតាមផ្លូវអាកាស បានកើនជាង១០ភាគរយបន្ថែមទៀត ទៅលើកំណើន១០ ភាគរយនៃខែធម្មតា។

លោកបានបញ្ជាក់ថា ជាទូទៅបើយើងមើលតួលេខ ការហោះហើរនាខែធម្មតា ក៏មានកំណើន១០ភាគរយដែរ ប៉ុន្តែគ្រាន់តែចាប់ពីសប្តាហ៍ទី៤ នៃខែមេសាដល់ចុងខែឧសភា គឺកើនជាង១០ភាគរយទៀតនៃអត្រាប្រចាំខែរបស់យើង”។លោកបន្តថា “ដូច្នេះយើងអាចនិយាយថាកំណើនពីសប្តាហ៍ទី៤ នៃខែមេសា ដល់សប្តាហ៍ទី ៤ នៃខែឧសភា គឺនឹងទទួលបានកំណើនជាង២០ភាគរយ”។

លោក ធួន ស៊ីណាន ប្រធានសមាគមទេសចរណ៍អាស៊ីបាស៊ីហ្វិកកម្ពុជាបានមានប្រសាសន៍ថា ព្រឹត្តិការណ៍កីឡាថ្នាក់តំបន់ធំៗ ទាំងពីរនេះ បានជួយលើកមុខមាត់កម្ពុជា មិនត្រឹមតែទៅក្នុងតំបន់ប៉ុណ្ណោះទេ ប៉ុន្តែក៏ទាក់ទាញចំណាប់អារម្មណ៍ សម្រាប់ភ្ញៀវទេសចរពីបណ្តាប្រទេសនានា លើពិភពលោកឱ្យចង់មកទស្សនា និងតាមដានប្រភេទកីឡានានាផងដែរ។

លោកនិយាយថា “នេះគឺជាព្រឹត្តិការណ៍ប្រវត្តិសាស្ត្រ ដែលទន្ទឹងរង់ចាំរយៈពេល៦៤ឆ្នាំមកហើយ”។ លោកបន្តថា “យើងពិតជារៀបចំបានល្អដោយទទួលបាន ការសរសើរពីបណ្តាប្រទេស នៅក្នុងតំបន់ និងប្រទេសផ្សេងៗទៀតលើពិភពលោក”។

រដ្ឋមន្ត្រីនៃក្រសួងទេសចរណ៍ លោក ថោង ខុន កាលពីដើមខែឧសភា បានលើកឡើងថា ព្រឹត្តិការណ៍កីឡាទាំង២ នេះនឹងជួយទាក់ទាញភ្ញៀវទេសចរ ឱ្យចូលមកទស្សនាកម្ពុជា យ៉ាងហោចណាស់ក៏បានជាង ៤ លាននាក់ដែរក្នុងឆ្នាំ ២០២៣ នេះ ដោយសារតែគិតត្រឹមត្រីមាសទី១ កម្ពុជាទទួលបានភ្ញៀវទេសចរណ៍អន្តរជាតិ ប្រមាណ១,២ លាននាក់រួចស្រេចហើយ៕

ក្រុមហ៊ុនអចលនទ្រព្យនៅក្រុង Shenzhen កំពុងបញ្ចុះតម្លៃផ្ទះដើម្បីទាក់ទាញអតិថិជនហុងកុង

ដោយ: គង់ លាងហួរ

អន្តរជាតិ: ក្រុមហ៊ុនអចលនទ្រព្យចិន នៅទូទាំងតំបន់ Greater Bay Area កំពុងបង្កើនទីផ្សារលក់អចលនទ្រព្យ លំដាប់ខ្ពស់របស់ពួកគេ ទៅកាន់ប្រជាជនហុងកុង ចំពេលមានកំណើនការលក់ធ្លាក់ចុះនៅក្នុងតំបន់ រួមទាំងនៅទីក្រុង Shenzhen ផងដែរ។

លោក Sammy Po Siu-ming នាយកប្រតិបត្តិនៃផ្នែកលំនៅដ្ឋានរបស់ Midland Realty សម្រាប់ទីក្រុងហុងកុង និងម៉ាកាវ បានមានប្រសាសន៍ថា ក្រុមហ៊ុនអភិវឌ្ឍន៍អចលនទ្រព្យ នៅក្នុងទីក្រុង Shenzhen បានផ្តល់ការផ្សព្វផ្សាយបន្ថែមទៀត កាលពីខែមុនក្នុងទីក្រុងហុងកុង ដែលអ្នកស្រុកបានបង្ហាញ ពីការចាប់អារម្មណ៍កាន់តែខ្លាំងឡើង ចំពោះអចលនទ្រព្យដីគោក ចាប់តាំងពីព្រំដែនបានបើកឡើងវិញ ដោយផ្តល់ជម្រើស នៃការដឹកជញ្ជូនដ៏ងាយស្រួល និងតម្លៃផ្ទះទាបជាងមុន។ដំណើរទេសចរណ៍អចលនទ្រព្យ នៅក្នុងតំបន់ Greater Bay Area កាន់តែមានប្រជាប្រិយភាព សម្រាប់ជនជាតិហុងកុងក្នុងរយៈពេលពីរខែដំបូង បន្ទាប់ពីព្រំដែនបានបើកឡើងវិញ។

អតិថិជនបានបង្ហាញការចាប់អារម្មណ៍ កាន់តែច្រើនទៅលើផ្ទះនៅតំបន់ Zhuhai និង Zhongshan ដោយសារតម្លៃទាប ដោយផ្ទះល្វែងខ្លះលក់ ក្នុងតម្លៃក្រោម១លានយ័ន ប៉ុន្តែក្រុងShenzhen មានអត្ថប្រយោជន៍បន្ថែម ដោយសាររួមព្រំដែនជាមួយទីក្រុងហុងកុង។

East Pacific Group គឺជាក្រុមហ៊ុនអភិវឌ្ឍន៍ចុងក្រោយបង្អស់ដែលមានមូលដ្ឋាននៅទីក្រុង Shenzhen ដែលបានរៀបចំផ្សព្វផ្សាយការលក់នៅក្នុងទីក្រុងហុងកុង។

ក្រុមហ៊ុននេះ បានលក់អចលនទ្រព្យ១១យូនីត ក្នុងចំណោម៣០យូនីត នៅក្នុងអំឡុងពេលនៃថ្ងៃ ឈប់សម្រាកទិវាពលកម្មខែឧសភា ជាមួយនឹងតម្លៃលក់ជាមធ្យមជាង៧,៩លានយ័ន។ លើសពីនេះចំនួន៥០% នៃយូនីតទាំងនោះត្រូវបានទិញ ដោយអតិថិជនហុងកុង ជាមួយការបញ្ចុះតម្លៃ១៥ភាគរយ។

ការលក់មានភាពយឺតយ៉ាវ ដោយសារការចំណាយរបស់អ្នកទិញក្នុងស្រុកធ្លាក់ចុះ ក្នុងអំឡុងពេលជំងឺរាតត្បាត។ ដូច្នេះហើយ អ្នកអភិវឌ្ឍន៍មួយចំនួន នៅទូទាំងតំបន់ Greater Bay Area បានកំណត់ក្តីសង្ឃឹមរបស់ពួកគេលើអតិថិជនហុងកុង។

លោក Andy Lee Yiu-chi នាយកប្រតិបត្តិក្រុមហ៊ុន Centaline Property Agency របស់ប្រទេសចិន បានអះអាងថា “ទីផ្សារលំនៅដ្ឋានក្នុងទីក្រុង Shenzhen កំពុងវិលវល់ក្នុងប៉ុន្មានខែថ្មីៗនេះ ដែលបានបន្ថែមសម្ពាធ ដល់អ្នកអភិវឌ្ឍន៍ដីគោក និងបានជំរុញឱ្យពួកគេមួយចំនួនងាកទៅរកទីផ្សារហុងកុង”៕

គំរោងBay Of The Lightនឹងបោះទុនវិនិយោគ១៦ពាន់លានដុល្លារដែលរួមចំណែកដល់ការអភិវឌ្ឍន៍ខេត្តព្រះសីហនុ

ដោយៈ គង់ សិរីជេស៊ីកា

ព្រះសីហនុៈ ទីក្រុងព្រះសីហនុ កំពុងស្វាគមន៍ទីក្រុងថ្មីមួយទំហំជាង៨០០ហិកតា ជាមួយទុនវិនិយោគប្រមាណ១៦ពាន់លានដុល្លារអាមេរិក។

លោក Edward Lee នាយកប្រតិបត្តិនៃក្រុមហ៊ុនPrince Real Estate ដែលបាននិងកំពុងអភិវឌ្ឈន៍គំរោងនេះយ៉ាងសកម្មបានថ្លែងឲ្យដឹងកាលពីសប្តាហ៍មុនថា ការកែលម្អហេដ្ឋារចនាសម្ព័ន្ធក្នុងក្រុងព្រះសីហនុ និងគម្រោងវិនិយោគ Bay of Lights New Township តម្លៃ១៦ពាន់លានដុល្លារ ដែលគ្រោងនឹងបញ្ចប់នៅឆ្នាំ២០២៨។

លោកបញ្ជាក់ថា “គម្រោងនេះ មានគោលបំណងប្រែក្លាយតំបន់នេះ ទៅជាទីក្រុងឆ្នេរសមុទ្របៃតង ដែលត្រូវបានរំពឹងថា នឹងជំរុញសេដ្ឋកិច្ចក្នុងតំបន់ និងរួមចំណែក ដល់ការអភិវឌ្ឍន៍ខេត្តព្រះសីហនុឡើងវិញ”។

លោក Edward បញ្ជាក់ថា លោកបានធ្វើដំណើរ ទៅកាន់ក្រុងព្រះសីហនុ ជារៀងរាល់សប្តាហ៍ ដើម្បីពិនិត្យមើលគម្រោង ដែលយើងកំពុងអភិវឌ្ឍ ហើយទីក្រុងនេះ កំពុងចាប់ផ្តើមដំណើរការសកម្មឡើងវិញ ក្រោយវិបត្តិជំងឺកូវីដ។

លោកបានមានប្រសាសន៍ថា “រដ្ឋាភិបាលក៏កំពុងអនុវត្តន៍គំនិតផ្តួចផ្តើម ប្រតិបត្តិការអគារមិនទាន់សាងសង់បញ្ចប់ ដែលអាចផ្តល់អត្ថប្រយោជន៍ ដល់អ្នកអភិវឌ្ឍន៍ក្នុងស្រុក ឬអន្តរជាតិ ដែលអាចកាន់កាប់គម្រោងនេះ”៕

Dollar edges up on credit report, sterling hovers near one-year high

SINGAPORE : The dollar crept higher on Tuesday after a survey showed U.S. credit conditions were less gloomy than expected, while the pound flirted with a one-year peak on expectations the Bank of England will raise interest rates this week.

Data showing China’s imports contracted sharply in April from a year earlier while exports grew more slowly than in March, had little impact on currencies.

The offshore yuan slipped 0.1 per cent to 6.9282 per U.S. dollar and the onshore yuan similarly fell about 0.1 per cent to 6.9218 per dollar.

“There were doubts that last month’s strong trade figures could be sustained, and so far that seems to be the case,” said Matt Simpson, senior market analyst at City Index.

“That can feed into concerns of lower growth, especially when accompanied with the
softer PMI figures for April.”

Last month, China’s official PMI showed manufacturing activity unexpectedly shrank in April, in another sign of the country’s struggling economic recovery following COVID.

Source: CNA

Japan says G7 to discuss strengthening global banking system

TOKYO :Finance leaders of the Group of Seven (G7) advanced economies will discuss this week ways to strengthen the global financial system, Japanese Finance Minister Shunichi Suzuki said on Tuesday, as recent U.S. bank failures shed light on the heightening risk of digital bank
runs.

“The environment surrounding finance has changed dramatically with the emergence of social media and Internet banking,” said Suzuki, who will chair the G7 finance leaders’ gathering to be held in the Japanese city of Niigata on May 11-13.

“Responding to such changes have become a common challenge for countries across the world, including Japan,” he said, adding that the topic will be among many issues to be discussed at this week’s G7 meeting.

The recent collapse of First Republic Bank has exacerbated investor worries about the U.S. banking sector, and raised calls for better global oversight by regulators to new risks such as digital bank runs.

“Concerns over banks’ credit-worthiness have yet to subside since the U.S. regional bank failure in May,” Suzuki said.

“We’re watching the situation with a strong sense of alarm, as markets and economies are globally intertwined,” he said, adding that Japan’s banking system was stable as a whole.

Japan would aim to issue a G7 joint communique after the finance leaders’ meeting, which may stress the need for authorities to remain vigilant to banking-sector woes, two government sources with direct knowledge of the matter said.

“There won’t be much change to the basic message agreed upon in April,” one of the sources said on condition of anonymity as he was not authorised to speak publicly.

In a joint statement issued in April after their meeting in Washington D.C., the G7 finance chiefs said they stood ready to take “appropriate actions” to maintain the stability and resilience of the global financial system.

The Nikkei newspaper reported on Tuesday the G7 finance leaders will discuss setting up individual emergency plans in case they face digital bank runs.

U.S. Treasury Secretary Janet Yellen, who will travel to Japan, will tell her G7 counterparts that the U.S. banking system remains sound, a senior Treasury official said on Friday.

Source: Reuters

ទុនបម្រុងអន្តរជាតិរបស់មហាយក្សចិន កើនឡើងលើសរំពឹងទុកឈានដល់៣,២០៥ទ្រីលានដុល្លារ ក្នុងខែមេសា

សុខុម

ប៉េកាំង: ទុនបម្រុងអន្តរជាតិ (Forex Reserves) របស់មហាយក្សចិន បានកើនឡើងខ្ពស់លើសពីការរំពឹងទុកក្នុងខែមេសា ខណៈប្រាក់ដុល្លារ បានធ្លាក់ថ្លៃទល់នឹងរូបិយប័ណ្ណសំខាន់ៗផ្សេងទៀត។ នេះបើយោងតាមទិន្នន័យផ្លូវការបានបង្ហាញកាលពីថ្ងៃអាទិត្យ ទី៧ ខែឧសភា។

ទុនបម្រុងអន្តរជាតិរបស់ប្រទេសចិន ដែលជាទុនបម្រុងអន្តរជាតិដ៏ធំបំផុតក្នុងពិភពលោក បានកើនឡើង២១ពាន់លានដុល្លារអាមេរិក ឈានដល់៣,២០៥ទ្រីលានដុល្លារអាមេរិក បើធៀបនឹង៣,១៩២ទ្រីលានដុល្លារអាមេរិក បើយោងតាមអ្វីដែលទីភ្នាក់ងារព័ត៌មាន Reuters បានធ្វើការស្ទង់មតិក្រុមអ្នកវិភាគ និងធៀបនឹង៣,១៨៤ទ្រីលានដុល្លារអាមេរិក នៅក្នុងខែមីនា។រូបិយប័ណ្ណយ័ន (Yuan) របស់ប្រទេសចិន បានធ្លាក់ថ្លៃ០,៦៣%ទល់នឹងរូបិយប័ណ្ណដុល្លារ ខណៈប្រាក់ដុល្លារ កាលពីខែមុនបានធ្លាក់ថ្លៃ០,៩៤%ទល់នឹងរូបិយប័ណ្ណសំខាន់ៗផ្សេងទៀត។

ប្រទេសចិន បានរក្សាទុកដុំមាសចំនួន២,០៨៦លានតោននៅត្រឹមដំណាច់ខែមេសា ដែលកើនឡើងពី២,០៧៨លានតោននៅត្រឹមដំណាច់ខែមីនា។

តម្លៃនៃទុនបម្រុងមាសរបស់ប្រទេសចិន បានកើនឡើងដល់១៣២,៣៥ពាន់លានដុល្លារអាមេរិក នៅត្រឹមដំណាច់ខែមេសា ពី១៣១,៦៥ពាន់លានដុល្លារអាមេរិក នៅត្រឹមដំណាច់ខែមីនា៕ Reuters

1...941942943...3,257 Page 942 of 3,257