ខេត្តស្វាយរៀងពិសេសក្រុងបាវិតទាក់ទាញតំបន់សេដ្ឋកិច្ច ពិសេសច្រើនជាងគេ

ដោយៈ គង់ សូរិយា

ស្វាយរៀងៈ អភិបាលខេត្តស្វាយរៀង លោកម៉ែន វិបុលបានឲ្យដឹងថា បច្ចុប្បន្ននេះខេត្តស្វាយរៀង មានតំបន់សេដ្ឋកិច្ចពិសេស ចំនួន១២កន្លែង និងកំពុងដំណើរការចំនួន៩កន្លែង។

ក្នុងសន្និសីទសារព័ត៌មាន របស់អង្គភាពអ្នកនាំពាក្យរាជរដ្ឋាភិបាល ស្ដីពី”ភាពជោគជ័យរយៈពេល៥ឆ្នាំ របស់រដ្ឋបាលខេត្តស្វាយរៀង”កាលពីព្រឹកថ្ងៃទគី២៧ មេសា លោក ម៉ែន វិបុល បានគូសបញ្ជាក់ថា សហគ្រាសមួយចំនួនទៀត ស្ថិតនៅក្រៅតំបន់សេដ្ឋកិច្ចពិសេស ដែលមានរោងចក្រ សហគ្រាស សរុបមានចំនួន២៦២កន្លែង បានបង្កើតការងារធ្វើជូនប្រជាពលរដ្ឋ ប្រមាណជាង៩ម៉ឺននាក់ រួមចំណែកលើកកម្ពស់ជីវភាពរស់នៅ និងកាត់បន្ថយភាពក្រីក្ររបស់ប្រជាពលរដ្ឋ។

លោកអភិបាលខេត្តបានបញ្ជាក់ថា ផលរបរដែលកម្មករនិយោជិត ទទួលបានពីការបំពេញការងារនៅតាមរោងចក្រ សហគ្រាស មានប្រមាណ២៣ ទៅ២៥លានដុល្លារអាមេរិកក្នុងមួយខែ។ លោកបន្ដទៀតថា កម្មករ កម្មការិនីទាំងអស់ ដែលកំពុងបម្រើការងារនៅតាមរោចក្រ សហគ្រាស សុទ្ធតែទទួលបាននូវប្រព័ន្ធគាំពារសង្គម លើការថែទាំសុខភាព តាមរយៈការទទួលបាន នូវប័ណ្ណបេឡាជាតិសន្តិសុខសង្គម (បសស) សម្រាប់ប្រើប្រាស់ក្នុងការថែទាំ និងព្យាបាលជំងឺដោយឥតគិតថ្លៃ។

លោកម៉ែន វិបុល បានអះអាងថា វិស័យផលិតកម្មសំខាន់ៗ ក្រៅពីសម្លៀកបំពាក់ រួមមាន ដំឡើងរថយន្ដ ផលិតកង់ នាឡិកា សំបកកង់ឡាន ម៉ាស់ បរិក្ខាសុខាភិបាល អំពូលភ្លើង ត្រង់ស្វូរអគ្គិសនី ឆ័ត្រ គ្រឿងសង្ហារឹម បារី តុក្កតា សាឡុង និងវត្ថុអនុស្សាវរីយ៍ផ្សេងៗ សម្រាប់គោលដៅនាំចេញ ទៅកាន់ទីផ្សារសហរដ្ឋអាមេរិក សហភាពអឺរ៉ុប ប្រទេសចិន និងប្រទេសផ្សេងៗទៀត។

លោកបានរំលឹកដែរថា ក្នុងអំឡុងពេលនៃការរីករាលដាលជំងឺកូវីដ-១៩ នៅខេត្តស្វាយរៀង មានរោងចក្រ សហគ្រាស ព្យួរការងារ ចំនួន៣២រោងចក្រ សហគ្រាស ស្មើនឹង១១២លើក ក្នុងនោះរោងចក្រ ក្នុងវិស័យកាត់ដេរ ដែលទទួលបានប្រាក់ឧបត្ថម្ភ ចំនួន២២រោងចក្រ ស្មើនឹងចំនួន៩១លើក កម្មករ និយោជិតដែលទទួលបានប្រាក់ចំនួន២៦,៣២៦នាក់ (ស្រី ២១,១៦៨នាក់) ស្មើនឹងទឹកប្រាក់ចំនួន១,១១៩,៧៥០ដុល្លារ និងរោងចក្រក្រៅវិស័យកាត់ដេរ មិនទទួលបានប្រាក់ឧបត្ថម្ភចំនួន១០រោងចក្រ ស្មើនឹងចំនួន២១លើក។

តំបន់សេដ្ឋកិច្ចពិសេសទាំង៩ ដែលកំពុងដំណើរការនោះ រួមមាន ទី១ តំបន់សេដ្ឋកិច្ចពិសេស មេន ហាត ធេន ស្វាយរៀង ទី២ តំបន់សេដ្ឋកិច្ចពិសេស តាយ សេង បាវិត ទី៣ តំបន់សេដ្ឋកិច្ចពិសេស ដ្រេហ្គន ឃីង (នាគរាជ) ទី៤ តំបន់សេដ្ឋកិច្ចពិសេស សានដុង សាន់សែល ទី៥ តំបន់សេដ្ឋកិច្ចពិសេស ហាយ ផាក ទី៦ តំបន់សេដ្ឋកិច្ចពិសេស ឈីលូ ជាន ពុ ចាយ ទី៧ តំបន់សេដ្ឋកិច្ចពិសេស ស្វាយរៀង ហ្គីហ្គា រីសស៍, ទី៨ តំបន់សេដ្ឋកិច្ចពិសេស អ៊ិនធើវៀ អូតូម៉ូបាល អ៊ិនដាសស្រ្ទៀល ខមផ្លេកស៍ និងទី៩ តំបន់សេដ្ឋកិច្ចពិសេស ស៊ីន បាវិត៕

ក្រុមហ៊ុនជួលជុលថែរទាំយន្តហោះម៉ាឡេស៊ីមួយគ្រោងបោះទុន១០០លានដុល្លារដើម្បីពង្រីកអាជីវកម្ម

ដោយ: គង់ លាងហួរ

សិង្ហបុរី: ក្រុមហ៊ុនមេ Capital A របស់ក្រុមហ៊ុនអាកាសចរណ៍តម្លៃទាប AirAsia របស់ម៉ាឡេស៊ី កំពុងពង្រីកអាជីវកម្មថែទាំយន្តហោះរបស់ខ្លួន ជាមួយទុនវិនិយោគចំនួន១០០លានដុល្លារ ខណៈដែលតម្រូវការធ្វើដំណើរបន្តកើនឡើងវិញ។

ក្រុមហ៊ុនបុត្រសម្ព័ន្ធថែរទាំ យន្តហោះរបស់ក្រុមហ៊ុនមេ Capital A គឺ Asia Digital Engineering កាលពីពេលម្សិលមិញនេះបានប្រកាសផ្តល់មូលនិធិពី OCP Asia ដែលជាក្រុមហ៊ុនវិនិយោគមានមូលដ្ឋាននៅប្រទេសសិង្ហបុរី។

ក្រុមហ៊ុនបុត្រសម្ព័ន្ធ Asia Digital Engineering នឹងប្រើប្រាស់ប្រាក់មួយផ្នែក សម្រាប់ចំណាយលើរោងចក្រថែរទាំ យន្តហោះដែលកំពុងស្ថិតក្រោមការសាងសង់ នៅអាកាសយានដ្ឋានអន្តរជាតិ Kuala Lumpur ដែលអាចផ្ទុកយន្តហោះចំនួន១៤គ្រឿង។

គម្រោងសាងសង់នេះ ត្រូវបានគេរំពឹងទុកថា នឹងត្រូវបញ្ចប់នៅឆមាសទីមួយ ឆ្នាំ២០២៤។

លោក Mahesh Kumar នាយកប្រតិបត្តិនៃក្រុមហ៊ុន ADE បានលើកឡើង ពីផែនការថែទាំទំនើបបំផុត បន្ថែមពីលើគ្រឿងបរិក្ខារដែលមានស្រាប់ នៅមជ្ឈមណ្ឌលប្រតិបត្តិការស្នូលរបស់ AirAsia ជាការធ្វើឱ្យក្រុមហ៊ុននេះ ក្លាយជាផ្នែកថែទាំ ជួសជុល និងអ្នកផ្តល់សេវាកម្មជួសជុលយន្តហោះដ៏ធំបំផុតមួយនៅក្នុងតំបន់។

ក្រុមហ៊ុនបុត្រសម្ព័ន្ធ ADE ដែលត្រូវបានក្រុមហ៊ុនមេ Capital A ចែកចេញពីផ្នែកថែទាំរបស់ AirAsia ក្នុងឆ្នាំ២០២០ ក៏កំពុងពង្រីកប្រតិបត្តិការទៅកាន់ ក្រុមហ៊ុនអាកាសចរណ៍ក្រៅប្រទេសផងដែរ។

ជាក់ស្តែង ក្រុមហ៊ុនបុត្រសម្ព័ន្ធនេះ បានទទួលការបញ្ជាទិញថែរទាំពីក្រុមហ៊ុនដឹកជញ្ជូនតម្លៃទាប Cebu Pacific Air របស់ប្រទេសហ្វីលីពីន និងក្រុមហ៊ុន Scoot របស់ប្រទេសសិង្ហបុរី៕

អគារជាប់គាំងនៅខេត្តព្រះសីហនុជាង១០០អគារបានចាប់ផ្ដើមដំណើរការសាងសង់ឡើងវិញហើយ

ដោយៈ វឌ្ឍនៈ

ព្រះសីហនុៈ អគារជាប់គាំងនៅខេត្តព្រះសីហនុ ចាប់តាំងពីឆ្នាំ២០១៩នោះ បានចាប់ផ្ដើមដំណើរការសាងសង់ ឡើងវិញជាបន្តបន្ទាប់ ហើយរហូតមកដល់ពេលនេះ អគារជាប់គាំងទាំងជាង១០០០ មាន១០០អគារហើយ បានចាប់ផ្ដើមសាងសង់ឡើងវិញ។

អភិបាលនៃគណៈអភិបាលខេត្តព្រះសីហនុ លោកគួច ចំរើនបានមានប្រសាសន៍ឲ្យដឹងក្នុងសប្តាហ៍នេះថា អគារខ្ពស់ៗ នៅក្នុងខេត្តព្រះសីហនុ មានចំនួន១០០៦អគារ ក្នុងនោះមាន៤០០អគារបានបញ្ចប់ និងមានប្រតិបត្តិការ ហើយ២០០អគារបានសាងសង់បញ្ចប់ដូចគ្នា តែមិនមានប្រតិបត្តិការ។

ដោយឡែក២០០អគារផ្សេងទៀត បានផ្អាកដំណើរការ ប៉ុន្តែក្នុងចំណោម២០០អគារ ដែលផ្អាកដំណើរការនោះ មានជាង១០០អគារហើយបានចាប់ផ្ដើមដំណើរការឡើងវិញ ។

លោកគួច ចំរើនបានបន្តថា ដើម្បីជំរុញឱ្យអគារជាប់គាំងទាំងនោះមានប្រតិបត្តិការ និងដំណើរការសាងសង់ រាជរដ្ឋាភិបាលបានបង្កើតក្រុមការងារមួយ ស្រាវជ្រាវនិងសិក្សាពីគម្រោងអគារជាប់គាំងទាំងនោះ ហើយក៏បានស្នើសុំទៅសម្ដេចតេជោ ផ្ដល់នូវភាពអនុគ្រោះកិច្ចការមួយចំនួនដើម្បីគាំទ្រទៅ បណ្ដាសំណង់អគារជាប់គាំងទាំងអស់ ដើម្បីឱ្យពួកគាត់មានលទ្ធភាព បន្តការវិនិយោគលើអគារទាំងនោះ។

លោកបន្តថា ”គោលនយោបាយ នៃការអនុគ្រោះទាំងអស់ភាគច្រើនទៅលើផ្នែកពន្ធ និងផ្ដល់ជូនទៅតាមផ្នែកនិមួយៗ ដោយផ្នែកខ្លះមាន៥ឆ្នាំ ផ្នែកទៀតមាន១០ឆ្នាំ”។

លោកបន្តទៀតថា ផ្នែកផ្សេងទៀតនៃគោលនយោបាយរបស់រាជរដ្ឋាភិបាលនោះ គឺការសម្របសម្រួល និងគាំទ្រផ្នែកច្បាប់ ហើយរាជរដ្ឋាភិបាល ក៏បានលើកទឹកចិត្តឱ្យមាន ការសម្របសម្រួលក្រៅប្រព័ន្ធតុលាការ ដោយរដ្ឋាភិបាលបានផ្ដល់ជាមេធាវី និងអ្នកប្រឹក្សាយោបល់ ធ្វើយ៉ាងណាឱ្យវិនិយោគិន លើអគារទាំងនោះចូលមកបញ្ចប់អគាររបស់ខ្លួន ដែលបានជាប់គាំងទាំងនោះ។

លោកគួច ចំរើនបានបន្ថែមថា សំណង់អគារជាប់គាំងទាំងនោះក៏ដោយសារតែមានទំនាស់ រវាងអ្នកសាងសង់ ម្ចាស់អគារ និងម្ចាស់ដី ក៏ដូចជាអ្នកផ្គត់ផ្គង់សម្ភារៈសំណង់ ដូចជាការមិនផ្ដល់ប្រាក់ឈ្នួលដីទៅម្ចាស់ដី មិនបានទូទាត់សម្ភារៈសំណង់ទៅអ្នកផ្គត់ផ្គង់ជាដើម ។

បើតាមលោកសន សៀប ប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជាក៏បានថ្លែងផងដែរថា យើងជឿជាក់លើរាជរដ្ឋាភិបាល ក្នុងការដោះស្រាយបញ្ហា សំណង់អគារជាប់គាំងនៅខេត្តព្រះសីហនុ ហើយមិនយូរមិនឆាប់ទេ វិនិយោគិនជាបន្តបន្ទាប់នឹងចូលមកវិនិយោគឡើងវិញ លើអគារជាប់គាំងទាំងនោះ ដែលនឹងជំរុញឱ្យខេត្តព្រះសីហនុកាន់តែមានភាពទាក់ទាញ៕

ខេត្តកំពង់ស្ពឺបើកដំណើរការរោងចក្រផលិតខ្សែបង្គំអេឡិកត្រូនិក

ដោយៈ ហ្វីអូណា

កំពង់ស្ពឺៈ នៅព្រឹកថ្ងៃពុធ ទី២៦ ខែមេសា ឆ្នាំ២០២៣ លោកហ៊ុន ម៉ានី អ្នកតំណាងរាស្រ្តមណ្ឌលខេត្តកំពង់ស្ពឺ បានអញ្ជើញជាគណៈអធិបតីក្នុងពិធីសម្ពោធដាក់ឱ្យដំណើរការជាផ្លូវការ រោងចក្រផលិតខ្សែបង្គុំគ្រឿងអេឡិចត្រូនិក រថយន្តរបស់ក្រុមហ៊ុន យូរ៉ ហានេស ខេមបូឌា YURA Harness Cambodia។

រោងចក្រនេះ ស្ថិតនៅក្នុងភូមិទួលធ្នង់ សង្កាត់រការធំ ក្រុងច្បារមន ខេត្តកំពង់ស្ពឺដែលមានការចូលរួមពី លោក លោកជំទាវ សមាជិកព្រឹទ្ធសភា និងរដ្ឋសភា លោកយឹម សុខុម ប្រធានក្រុមប្រឹក្សាភិបាលខេត្ត លោកវ៉ី សំណាង អភិបាលនៃគណៈអភិបាលខេត្ត ឯកឧត្តម លោកជំទាវ លោក លោកស្រី ក្រុមការងារថ្នាក់ជាតិ ខេត្ត ស្រុក មន្ត្រីរាជការ បុគ្គលិក កម្មករ និងប្រជាពលរដ្ឋប្រមាណ៩៦០នាក់៕

អ្នកវិនិយោគចិនៈព្រលានយន្តហោះអន្តរជាតិថ្មីខេត្តសៀមរាបសម្រេចបាន៩៥ភាគរយ និងកំពុងត្រៀមបើកដំណើរការ

ដោយៈ ជេស៊ីកា

ប្រទេសចិនៈ ថ្នាក់ដឹកនាំក្រុមហ៊ុន Yunnan Airport Group Co., Ltdបានបញ្ជាក់ពីវឌ្ឈនភាព នៃការសាងសង់ព្រលានុយន្តហោះខេត្តសៀមរាប និងកំពុងត្រៀមបើកដំណើរការនាពេលឆាប់ៗនេះ។

តំណាងឱ្យក្រុមហ៊ុន YAG និងសហការី លោកស្រី Zhao Yiayun ប្រធានប្រឹក្សាភិបាលក្រុមហ៊ុនYAG បានថ្លែងសារអរគុណយ៉ាងជ្រាលជ្រៅ ចំពោះលោកបណ្ឌិត ម៉ៅ ហាវណ្ណាល់ និងសហការីរដ្ឋលេខាធិការដ្ឋានអាកាសចរស៊ីវិលទាំងអស់ ដែលបានអញ្ជើញមកទស្សនកិច្ចដល់ក្រុមហ៊ុន នៅក្នុងខេត្តយូណាន ប្រទេសចិន។

លោកស្រីZhao Yiayung បានថ្លែងថា ថ្នាក់ដឹកនាំអាកាសចរណ៍ស៊ីវិលកម្ពុជា តែងយកចិត្តទុកដាក់ ជួយជ្រោមជ្រែងគាំទ្រលើដំណើរការសាងសង់ អាកាសយានដ្ឋានអន្តរជាតិ នៅក្នុងប្រទេសកម្ពុជា ជាពិសេសគឺ អាកាសយានដ្ឋានអន្តរជាតិសៀមរាបអង្គរ ដែលមកដល់ពេលនេះ គឺសម្រេចការសាងសង់បានសរហូតដល់៩៥% និងអាចឈានដល់ការបើកដំណើរការក្នុងពេលឆាប់ៗនេះ។

បន្ទាប់ពីដំណើរទស្សនកិច្ច ជួបជាមួយអាជ្ញាធរអាកាសចរស៊ីវិលចិន នៅក្នុងទីក្រុងប៉េកាំងរួចរាល់ និងតបតាមការអញ្ជើញរបស់ក្រុមហ៊ុន Yunnan Airport Group Co., Ltd. ហៅកាត់ថា YAG គណៈប្រតិភូរដ្ឋលេខាធិការដ្ឋានអាកាសចរស៊ីវិល ដែលដឹកនាំដោយបណ្ឌិត ម៉ៅ ហាវណ្ណាល់ រដ្ឋមន្រ្តីប្រតិភូអមនាយករដ្ឋមន្រ្តី ទទួលបន្ទុករដ្ឋលេខា ធិការដ្ឋានអាកាសចរស៊ីវិល កាលពីនៅថ្ងៃទី២៧ ខែមេសា ឆ្នាំ២០២៣ បានបន្តដំណើរធ្វើទស្សនកិច្ចទៅកាន់ ទីក្រុងគុណមិញ ខេត្តយូណាន ដើម្បីជួបពិភាក្សាការងារជាមួយក្រុមហ៊ុន Yunnan Airport Group Co., Ltd. ហៅកាត់ថា YAG។

លោកស៊ិន ចាន់សេរីវុត្ថា អនុរដ្ឋលេខាធិកា និងអ្នកនាំពាក្យអាកាសចរណ៍ស៊ីវិល បានបញ្ជាក់ថា ក្នុងជំនួបពិភាក្សានោះបណ្ឌិត ម៉ៅ ហាវណ្ណាល់ ត្រូវបានទទួលស្វាគមន៍យ៉ាងកក់ក្តៅ ដោយលោកស្រី Zhao Yiayun ជាប្រធានប្រឹក្សាភិបាលក្រុមហ៊ុន YAG និងសហការីក្រុមហ៊ុនមួយចំនួនទៀត។

លោកបន្តថា ស្ថិតក្រោមបរិយាកាសរីករាយ និងរាក់ទាក់ គណៈប្រតិភូទាំងពីរ បានពិភាក្សាស្វែងយល់លើដំណើរការ និងបទពិសោធន៍លើការសាងសង់ និងប្រតិបត្តិការគ្រប់គ្រងអាកាសយានដ្ឋាន។

ក្នុងឱកាសនោះ លោកបណ្ឌិត ម៉ៅ ហាវណ្ណាល់ រដ្ឋមន្រ្តីបានសំដែងការអរគុណ ចំពោះក្រុមហ៊ុន YAG និងភាគីមិត្តចិន ចំពោះកិច្ចសហការយ៉ាងល្អ លើវិស័យអាកាសចរស៊ីវិលនៃប្រទេសទាំងពីរ នាពេលកន្លងមក ជាពិសេសលើការវិនិយោគ លើគម្រោងហេដ្ឋារចនាសម្ព័ន្ធអាកាសយានដ្ឋាន ដែលកំពុងមានដំណើរការសាងសង់ ក្នុងព្រះរាជាណាចក្រកម្ពុជា គឺអាកាសយានដ្ឋានអន្តរជាតិសៀមរាបអង្គរ។

លោករដ្ឋមន្រ្តីក៏បានលើកឡើងផងដែរថា សមិទ្ធផលជាក់ស្តែងទាំងនេះ ដែលកើតចេញពីការសម្រេចចិត្តដ៏ត្រឹមត្រូវ លើការវិនិយោគលើអាកាសយានដ្ឋានរបស់ភាគីមិត្តចិន និងស្ថេរភាពនយោបាយ សុខសន្តិភាព ក្រោមការដឹកនាំដ៏ឈ្លាសវៃ ត្រឹមត្រូវ និងប្រកបដោយគតិបណ្ឌិត របស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា គឺបានបង្ហាញឱ្យឃើញយ៉ាងច្បាស់ មួយកម្រិតថែមទៀតពី ស្មារតីមិត្តភាពដែកថែប មិនអាចបំបែកបានកម្ពុជា-ចិន ដែលត្រូវបានពូនជ្រុំយ៉ាងយកចិត្តទុកដាក់ ដោយប្រមុខថ្នាក់ដឹកនាំនៃប្រទេសទាំងពីរ និងបន្តរីកចម្រើនកាន់តែខ្លាំងក្លា ក្នុងរយៈពេល៦៥ឆ្នាំ ក្រោយពីការបង្កើតទំនាក់ទំនងការទូត និងស្វែងរកផលប្រយោជន៍ទៅវិញទៅមក៕

ក្រសួងសុខាភិបាល ចេញសេចក្ដីណែនាំពីការការពារសុខភាព និងរក្សាសុវត្ថិភាព អំឡុងពេលទស្សនាការប្រកួតកីឡាស៉ីហ្គេមលើកទី៣២ និងអាស៊ានប៉ារ៉ាហ្គេមលើកទី១២ នៅកម្ពុជា

លោក ម៉ម ប៊ុនហេង រដ្ឋមន្ដ្រីក្រសួងសុខាភិបាល នៅថ្ងៃទី២៧ ខែមេសា ឆ្នាំ២០២៣នេះ បានចេញសេចក្ដីណែនាំស្ដីពី ការការពារសុខភាព និងរក្សាសុវត្ថិភាព អំឡុងពេលទស្សនាការប្រកួតកីឡាស៉ីហ្គេម លើកទី៣២ និងអាស៊ានប៉ារ៉ាហ្គេមលើកទី១២ នៅកម្ពុជា។

ក្នុងសេចក្ដីណែនាំដែលបណ្ដាញព័ត៌មាន Fresh News ទទួលបានក្រសួងសុខាភិបាល បានសង្កត់ធ្ងន់ថា អ្នកចូលទស្សនាទាំងអស់សូមរួមគ្នាអនុវត្តការបញ្ចៀសឲ្យបាននូវការប្រជ្រៀតគ្នា ឬច្រានគ្នា ដែលអាចឈានដល់មានបញ្ហាដួល ឬដួលសន្លប់ ឬបញ្ហាជាន់គ្នាជាដើម។

ខាងក្រោមនេះ ជាសេចក្ដីណែនាំរបស់ក្រសួងសុខាភិបាល៖

Japan population forecast to shrink 30% by 2070

Number of foreign residents projected to grow significantly as more foreign workers needed

TOKYO: Japan’s total population in 2070 is expected to fall to 87 million, shrinking 30% from its level in 2020, according to a new government estimate.

The country’s population, numbering 126.15 million as of 2020, is forecast to fall below 100 million in 2056, the National Institute of Population and Security Research said on Wednesday.

Foreign residents, including students and workers residing in Japan for more than three months, are forecast to comprise 10.8% of the population at 9.4 million in 2070, expanding from 2.2% in 2020, it said.

That projection reflects the likelihood that the government will need to bring in more foreign workers as the working-age population continues to shrink.

The Institute projects that those aged 65 or above in Japan will hit 33.67 million in 2070, comprising 40% of the total population.

The revised forecast data will be used by the government starting from next year to calculate the country’s
future pension payouts.

The government is curretly considering expanding the areas in which skilled foreign workers can receive long-term work visas to 12 from three, possibly including the food service industry, the Nikkei newspaper reported on Monday.

Rapidly ageing Japan suffers from an increasingly severe shortage of labour in a number of sectors but remains reluctant to allow a widespread immigration of foreign labourers.

The change, which could allow workers to stay for extended periods and bring their families with them, could include sectors such as food manufacturing and could take effect as early as June, the Nikkei added.

Most migrant workers in Japan currently come from countries such as Vietnam, Indonesia and the Philippines.

Source: Kyodo News and Reuters

រដ្ឋាភិបាលសិង្ហបុរីប្រកាសដំឡើងពន្ធប្រថាប់ត្រាលើអ្នកទិញផ្ទះថែមរហូតដល់៦០ភាគរយសម្រាប់ជនបរទេស

ដោយ: គង់ លាងហួរ
សិង្ហបុរី: ជនបរទេសដែលទិញអចលនទ្រព្យលំនៅដ្ឋានណាមួយក្នុងប្រទេសសិង្ហបុរីចាប់ពីថ្ងៃព្រហស្បតិ៍ ទី២៧ ខែមេសានេះ នឹងត្រូវបង់ពន្ធប្រថាប់ត្រា (ABSD) របស់អ្នកទិញផ្ទះបន្ថែមចំនួន៦០ភាគរយ ពោលគឺកើនឡើងទ្វេរដងពី៣០ភាគរយ។

នេះគឺជាការកើនឡើងខ្លាំងបំផុតក្នុងចំណោមវិធានការត្រជាក់ដែលរដ្ឋាភិបាលបានប្រកាសកាលពីយប់ថ្ងៃពុធម្សិលមិញនេះ។

ចំណែក ពលរដ្ឋសិង្ហបុរីដែលទិញអចលនទ្រព្យលំនៅដ្ឋានទី២របស់ពួកគេ នឹងត្រូវបង់អត្រា ABSD ចំនួន២០ភាគរយ កើនឡើងពី១៧ភាគរយ ខណៈអ្នកដែលទិញអចលនទ្រព្យលំនៅដ្ឋានទី៣ និងបន្ទាប់របស់ពួកគេនឹងត្រូវបង់អត្រាពន្ធរហូតដល់៣០ភាគរយ កើនឡើងពី២៥ភាគរយ។

ការយកអត្រាពន្ធ៣០ភាគរយក៏អនុវត្តចំពោះអ្នករស់នៅអចិន្ត្រៃយ៍ដែលទិញអចលនទ្រព្យលំនៅដ្ឋានទី២របស់ពួកគេផងដែរ។ នេះគឺជាវិធានការត្រជាក់ជុំទី៣ហើយរបស់រដ្ឋាភិបាលសិង្ហបុរី គិតចាប់តាំងពីខែធ្នូ ឆ្នាំ២០២១។

យោងតាមក្រសួងហិរញ្ញវត្ថុ (MOF) ក្រសួងអភិវឌ្ឍន៍ជាតិ (MND) និងអាជ្ញាធររូបិយវត្ថុសិង្ហបុរី (MAS) បានឱ្យដឹងនៅក្នុងសេចក្តីថ្លែងការណ៍រួមមួយកាលពីយប់ថ្ងៃពុធថា “ការបង្កើនអត្រា ABSD គឺដើម្បីលើកកម្ពស់ទីផ្សារអចលនទ្រព្យប្រកបដោយនិរន្តរភាព និងផ្តល់អាទិភាពដល់លំនៅដ្ឋានសម្រាប់ម្ចាស់កម្មសិទ្ធិ”។

ពួកគេបានកត់សម្គាល់ថា វិធានការពីមុនក្នុងខែធ្នូ ឆ្នាំ២០២១ និងខែកញ្ញា ឆ្នាំ២០២២ មានឥទ្ធិពលមធ្យមប៉ុណ្ណោះ។ ប៉ុន្តែ តម្លៃអចលនទ្រព្យនៅក្នុងត្រីមាសទី១ ឆ្នាំ២០២៣នេះ បានបង្ហាញពីសញ្ញាកើតថ្មីនៃការកើនឡើង ចំពេលតម្រូវការនៅមានភាពធន់៕

Singapore announces new property cooling measures, additional buyer’s stamp duty doubled to 60% for foreigners

Foreigners buying any residential property in Singapore from Thursday (Apr 27) will have to pay an additional buyer’s stamp duty (ABSD) of 60 per cent after it was doubled from 30 per cent.

This was the steepest increase among the cooling measures the government announced late on Wednesday night.

Singaporeans buying their second residential property will pay an ABSD rate of 20 per cent, up from 17 per cent, while those buying their third and subsequent residential property will have to pay an increased rate of 30 per cent, up from 25 per cent.

The rate of 30 per cent also applies to permanent residents buying their second residential property. PRs buying their third and subsequent residential property will pay an ABSD of 35 per cent, up from 30 per cent.

This is the third round of cooling measures since December 2021.

The increases in ABSD are to “promote a sustainable property market and prioritise housing for owner-occupation”, said the Ministry of Finance (MOF), the Ministry of National Development (MND) and the Monetary Authority of Singapore (MAS) in a joint statement on Wednesday night.

They noted that the earlier measures in December 2021 and September 2022 have had a “moderating effect”. However, property prices in the first quarter of 2023 showed “renewed signs of acceleration amid resilient demand”.

Source: CNA

អ្នកធុរកិច្ចបរទេសបង្ហាញពីសក្តានុពលឱកាសវិនិយោគលើវិស័យអប់រំនៅកម្ពុជា ក្រោយរដ្ឋាភិបាលប្រកាសបន្ថយពន្ធដល់គ្រឹះស្ថានអប់រំទាំងអស់

ដោយ: គង់ លាងហួរ
ភ្នំពេញ: នៅក្នុងវិធានការដ៏សំខាន់មួយដើម្បីជំរុញវិស័យអប់រំក្នុងប្រទេស រាជរដ្ឋាភិបាលកម្ពុជា បានសម្រេចបន្តការបន្ធូរបន្ថយពន្ធ ដែលគ្រឹះស្ថានឧត្តមសិក្សាទទួលបានរហូតដល់បច្ចុប្បន្ន ដល់គ្រឹះស្ថានអប់រំទាំងអស់ ចាប់ពីខែមករា ឆ្នាំ២០២៤ សម្រាប់រយៈពេល៥ឆ្នាំ រហូតដល់ដំណាច់ឆ្នាំ២០២៨។

ការសម្រេចនេះត្រូវបាន ធ្វើឡើងដោយសម្តេចតេជោនាយក រដ្ឋមន្ត្រីក្នុងកិច្ចប្រជុំជាមួយ សមាគមឧត្តមសិក្សា កម្ពុជាកាលពីពេលថ្មីៗនេះ។ សេចក្តីសម្រេចនេះត្រូវបានផ្តល់សច្ចាប័នដោយទីស្តីការគណៈរដ្ឋមន្ត្រី។

ការលាតត្រដាងនេះរៀបចំធ្វើឡើងនៅក្នុងវេទិកាធ្វើបច្ចុប្បន្នភាពពន្ធដែលរៀបចំដោយសភាពាណិជ្ជកម្មអាមេរិកនៅកម្ពុជា(AmCham) លោក Casey Barnett ប្រធានសាលា CamEd Business School មានប្រសាសន៍ថា “ការបន្ថយពន្ធអាចទាក់ទាញការវិនិយោគឯកជនកាន់តែច្រើននៅក្នុងវិស័យអប់រំនៅក្នុងប្រទេសកម្ពុជា និងរួមចំណែកយ៉ាងសំខាន់ដល់ការរីកចម្រើននៃវិស័យនេះ”។

ការបន្ធូរបន្ថយពន្ធនឹងលើកលែងគ្រឹះស្ថានអប់រំពីកាតព្វកិច្ចបង់ពន្ធលើប្រាក់ចំណូល ប្រាក់រំដោះពន្ធលើប្រាក់ចំណូល ការបង់ពន្ធអប្បបរមាអាករលើតម្លៃបន្ថែម និងពន្ធកាត់ទុកលើសេវាកម្ម ការប្រាក់ និងភាគលាភហើយអាហារូបករណ៍ និងការបញ្ចុះតម្លៃសម្រាប់ថ្លៃសិក្សាក៏នឹងមិនត្រូវបានចាត់ទុកជាប្រាក់ចំណូលជាប់ពន្ធផងដែរ។

ទោះយ៉ាងណាក្តីស្ថាប័នអប់រំត្រូវបន្តបង់ពន្ធ លើប្រាក់បៀវត្សរ៍ពន្ធលើការជួលពន្ធលើ អចលនទ្រព្យ និងពន្ធ ប៉ាតង់។ ពួកគេក៏មានកាតព្វកិច្ចអនុវត្តតាមបទប្បញ្ញត្តិទាក់ទងនឹងពន្ធ រួមទាំងការថែរក្សាកំណត់ត្រាគណនេយ្យដែលមានចែងក្នុងមាត្រា១០ និង១១។

លោក Casey បានចង្អុលបង្ហាញថា ការបន្ធូរបន្ថយពន្ធសម្រាប់វិស័យអប់រំមិនមែនជាផ្នែកនៃច្បាប់ថ្មីស្តីពីពន្ធដារទេ ប៉ុន្តែជាការសម្រេចចិត្តដាច់ដោយឡែកពីគ្នាដោយសម្តេចតេជោនាយករដ្ឋមន្ត្រី។

ទន្ទឹមនឹងនេះនៅក្នុងបទបង្ហាញមួយ ប្រធានគណៈកម្មាធិការពន្ធ AmCham លោក Clint O’Connell មានប្រសាសន៍ថា ច្បាប់ថ្មីស្តីពីពន្ធដារ មិនមែនជាការកែប្រែពេញលេញនៃច្បាប់មុននោះទេ។ ច្បាប់ថ្មីដែលរដ្ឋសភា បានអនុម័តកាលពីសប្តាហ៍មុន កំពុងរង់ចាំការប្រកាសដាក់ឱ្យប្រើប្រាស់ដោយរដ្ឋាភិបាល ដោយមានការយល់ព្រមពីព្រះមហាក្សត្រ ហើយច្បាប់នេះនឹងចូលជាធរមាននៅខែមករា ឆ្នាំ២០២៤។

លោក Clint បានបន្តទៀតថា បទប្បញ្ញត្តិជាច្រើនទាក់ទងនឹងការយកពន្ធនៅកម្ពុជាត្រូវបានបង្រួបបង្រួម និងដាក់នៅក្រោមឆ័ត្រតែមួយនៅក្នុងច្បាប់ថ្មី។ ជាលទ្ធផលច្បាប់ថ្មីនេះមាន២០ជំពូក ធៀបនឹង៧ជំពូកកាលពីមុន។

ច្បាប់ថ្មីនេះក៏បានបញ្ចូលនូវការអនុវត្ត ពន្ធល្អជាអន្តរជាតិមួយចំនួនផងដែរ ដូចជាការចៀសវាងការយកពន្ធទ្វេ រដង។ ច្បាប់ថ្មីក៏បានផ្តល់អំណាចបន្ថែមទៀតដល់អគ្គនាយកដ្ឋានពន្ធដារ (GDT) ទាក់ទងនឹងការរឹបអូសទ្រព្យសម្បត្តិសម្រាប់ឧក្រិដ្ឋកម្មពន្ធធ្ងន់ធ្ងរ រួមជាមួយនឹងការណែនាំនៃច្បាប់ប្រឆាំងការជៀសវាងទូទៅ (GAAR)។

ច្បាប់ថ្មីនេះមិនមានការលើកទឹកចិត្តថ្មីសម្រាប់វិស័យធុរកិច្ច ក្រៅពីការដាក់បញ្ចូលនូវអ្វីដែលបានដាក់បញ្ចូលរួចហើយនៅក្នុងច្បាប់វិនិយោគឆ្នាំ២០២១នោះទេ។

លោក Clint បានចង្អុលបង្ហាញថា “ការលើកទឹកចិត្តសម្រាប់វិស័យធុរកិច្ចរួមទាំងការវិនិយោគថ្មី ត្រូវបានផ្តល់ឱ្យរួចទៅហើយក្នុងច្បាប់វិនិយោគថ្មី”។

លោក ឡោ វិចិត្រ អនុប្រធានសមាគមពាណិជ្ជកម្មចិនកម្ពុជា មានប្រសាសន៍ថា “ច្បាប់ពន្ធថ្មីនេះ នឹងជួយជាពិសេសដល់សហគ្រាសធុនតូច និងមធ្យម (SMEs) ចូលរួមចំណែក៥៧ភាគរយនៃផលិតផលក្នុងស្រុកសរុបរបស់កម្ពុជា និងផ្តល់ការងារ៧០ភាគរយនៃការងារទាំងអស់ផងដែរ”។

លោក ឡោ វិចិត្រ បានបន្តទៀតថា“គោលបំណងនៃច្បាប់ថ្មីនេះគឺដើម្បីប្រែក្លាយប្រទេសកម្ពុជាទៅជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានប្រាក់ចំណូលខ្ពស់នៅឆ្នាំ២០៥០”។

លោកបន្ថែមថា “គួបផ្សំនឹងច្បាប់វិនិយោគថ្មីផងនោះ ច្បាប់ថ្មីស្តីពីពន្ធដារ នឹងជួយដល់កម្ពុជា ក្នុងការទាក់ទាញការវិនិយោគកាន់តែច្រើន និងធ្វើឱ្យកម្ពុជាក្លាយជាប្រទេសមានសេដ្ឋកិច្ចរីកលូតលាស់លឿនបំផុតមួយក្នុងតំបន់ផងដែរ”៕

1...956957958...3,257 Page 957 of 3,257