តម្លៃទំនិញដឹកជញ្ជូនតាមរថភ្លើងចិន -អឺរ៉ុបកើនដល់ទំហំទឹកប្រាក់ជាង៣០០ពាន់លានដុល្លារ

ដោយ: គង់ លាងហួរ

ប៉េកាំង: ក្រសួងការបរទេសចិនបានឱ្យដឹងថា រថភ្លើងដឹកទំនិញចិន -អឺរ៉ុបបានដឹកជញ្ជូនទំនិញ ដែលមានតម្លៃជាង៣០០ពាន់លានដុល្លារនៅចុងឆ្នាំ២០២២ ដែលជាការជំរុញកំណើនសេដ្ឋកិច្ច នៅអឺរ៉ាស៊ី ក្រោមគំនិតផ្តួចផ្តើមខ្សែក្រវ៉ាត់ និងផ្លូវ (BRI) របស់ប្រទេសចិន។

លោកស្រី Mao Ning អ្នកនាំពាក្យរបស់ក្រសួងការបរទេសចិន បានថ្លែង នៅក្នុងសន្និសីទសារព័ត៌មាន ជាទៀងទាត់មួយកាលពីថ្ងៃព្រហស្បតិ៍ម្សិលមិញនេះថា រថភ្លើងដឹកទំនិញចិន-អឺរ៉ុបចំនួនជាង៦៥.០០០ខ្សែ បានដឹកជញ្ជូនទំនិញច្រើនជាង៦លានTEUs ទៅកាន់ទីក្រុងចំនួន២០០ ក្នុងប្រទេសចំនួន២៤នៅអឺរ៉ុប។

លោកស្រី Mao Ning បានបន្តទៀតថា“ចាប់តាំងពីគម្រោង BRI ត្រូវបានដាក់ឱ្យដំណើរការកាលពី១០ឆ្នាំមុន ផ្លូវរថភ្លើងចិន-អឺរ៉ុប Express បានក្លាយជាផ្លូវពាណិជ្ជកម្មដ៏សំខាន់មួយ នៅទូទាំងទ្វីបអឺរ៉ាស៊ី និងជាសរសៃឈាមនៃកិច្ចសហប្រតិបត្តិការ BRI ។ វាជារទេះដែកដែលអាចជំរុញការឯកភាពគ្នា និងធ្វើឱ្យមានភាពរឹងមាំនៅទូទាំងទ្វីបអឺរ៉ាស៊ី”។

ជាក់ស្តែង នៅក្នុងត្រីមាសទីមួយ នៃឆ្នាំ២០២៣នេះ ពាណិជ្ជកម្មបរទេសរវាងប្រទេសចិន និងបណ្តាប្រទេសនៅតាមបណ្តោយគម្រោងBRI បានកើនឡើងរហូតដល់ទៅ១៦,៨ភាគរយ ពីមួយឆ្នាំទៅមួយឆ្នាំ។

លោកស្រី Mao Ning បានកត់សម្គាល់ថា “រថភ្លើងដឹកទំនិញចិន-អឺរ៉ុបនឹងនាំមកនូវឱកាសកិច្ច សហប្រតិបត្តិការបន្ថែមទៀតដល់បណ្តាប្រទេសស្ថិតក្រោមគម្រោង BRI ហើយក៏បង្ហាញពីការប្តេជ្ញាចិត្តរបស់ប្រទេសចិន ចំពោះការបើកចំហកម្រិតខ្ពស់ផងដែរ”៕

គម្រោងវិនិយោគកន្រ្តកយោងខ្សែរ៉កដំបូងគេនៅកម្ពុជាកំពុងស្ថិតក្នុងដំណាក់កាលសិក្សា

ដោយៈ វឌ្ឍនៈ

ភ្នំពេញៈ គម្រោងវិនិយោគខ្សែរ៉កក្រោមការវិនិយោគ របស់វិនិយោគិនអូទ្រីស នៅក្នុងខេត្តព្រះសីហនុ កំពុងស្ថិតនៅក្នុងដំណាក់កាលនៃការសិក្សានៅឡើយទេ ដោយមិនទាន់កំណត់ពេលវេលាក្នុងការចាបផ្ដើមអភិវឌ្ឍន៍នៅឡើយទេ។

គម្រោងនេះ នឹងត្រូវអភិវឌ្ឍនៅ ក្នុងគម្រោង Bay Of Light របស់ក្រុមហ៊ុន Canopy Sands Development ជាបុត្រសម្ព័ន្ធរបស់ Prince Holding ។

លោក David Richard នាយកផ្នែកបដិសណ្ឋារកិច្ចនិងទេសចរណ៍នៃក្រុមហ៊ុន Canopy Sands Development បានមានប្រសាសន៍ឱ្យដឹងកាលពីដើមសប្តាហ៍នេះថា គម្រោងអភិវឌ្ឍន៍ជិះខ្សែរ៉កដំបូងគេ នៅក្នុងខេត្តព្រះសីហនុ គឺគ្រោងនឹងតភ្ជាប់ពីផ្លាកខ្មែរធ្វើបាន ទៅកាន់ទីក្រុងរាមស៊ីធី នៃរបស់គម្រោង Bay Of Light ហើយបច្ចុប្បន្ននេះ គម្រោងវិនិយោគខ្សែរ៉កនេះដែរ មិនទាន់ច្បាស់លាស់ពីកាលបរិច្ឆេទនៃការសាងសង់នៅឡើយទេ ។

លោកបន្តថា ”ពេលនេះ ក្រុមហ៊ុនវិនិយោគមកពីអូទ្រីស បាននិងកំពុងសិក្សា ពីលទ្ធភាពរបស់ខ្លួនក្នុងការអភិវឌ្ឍ ដោយមានអ្នកជំនាញនៃក្រុមហ៊ុនអភិវឌ្ឍន៍ទាំងនោះ បានមកសិក្សាបន្ថែមយ៉ាងលំអិតរួចហើយ ” ។

លោកបន្តថា នៅពេលគម្រោងខ្សែរ៉កនេះ សាងសង់រួច នឹងធ្វើឱ្យខេត្តព្រះសីហនុ ក្លាយជាតំបន់ទេសចរណ៍ ទាក់ទាញកាន់តែខ្លាំង ហើយរំពឹងថា ភ្ញៀវទេសចរមកពីគ្រប់ទិសទី នឹងចូលមកកាន់ខេត្តព្រះសីហនុ ស្របនឹងគម្រោងអភិវឌ្ឍន៍ Bay Of Light របស់យើងក៏កំពុងតែសម្រុកក្នុងការអភិវឌ្ឍ ទៅតាមដំណាក់កាលជាបន្តបន្ទាប់ ។

បើតាមលោក Ian Tan អ្នកគ្រប់គ្រងទូទៅនៃក្រុមហ៊ុន Canopy Sands Development បានឱ្យដឹងថា បើតាមការរំពឹងរបស់ក្រុមហ៊ុនវិនិយោគ គម្រោងអភិវឌ្ឍន៍ខ្សែរ៉កនេះ នឹងអាចចាប់ផ្ដើមសាងសង់នៅ រយៈ៥ឆ្នាំខាងមុខ តែបើសិនមានអ្វីប្រែប្រួល វាអាចនឹងពន្យារពេលបន្តិច ឬក៏អាចឆាប់ៗដូច្នេះហើយ ទើបយើងបានអាចកំណត់ពីកាលបរិច្ឆេទច្បាស់លាស់។

លោកឡុង ឌីម៉ង់ អភិបាលរងខេត្តព្រះសីហនុ ក៏បានមានប្រសាសន៍ផងដែរថា ការសិក្សាគម្រោងវិនិយោគខ្សែរ៉កនេះ មិនមែនជាការសិក្សាលេងៗនោះទេ គឺក្រុមហ៊ុនបានតាំងចិត្តមកសិក្សា និងតាំងចិត្តក្នុងការវិនិយោគពិតៗ ហើយក៏កំពុងសិក្សាឱ្យបានចប់សព្វគ្រប់និងឈានទៅដល់ការចាប់ផ្ដើមអភិវឌ្ឍន៍នៅពេលឆាប់ៗនេះ៕

ធនាគារឈានមុខមួយ និងViettel CambodiaចុះMOUលើកិច្ចសហប្រតិបត្តិការក្នុងការផ្តល់សេវា និងយុទ្ធសាស្ត្រទីផ្សារ

ដោយៈ សូរិយា វង្ស

ភ្នំពេញៈ ធនាគារហត្ថា ដែលជាធនាគារមួយក្នុងចំណោមធនាគារពាណិជ្ជឈានមុខគេនៅកម្ពុជា បានចុះហត្ថលេខាលើអនុស្សរណៈនៃការយោគយល់គ្នា(MOU) ជាមួយក្រុមហ៊ុន វៀតធេល ខេមបូឌា (Metfone) ដែលជាក្រុមហ៊ុន ប្រតិបត្តិករទូរស័ព្ទចល័តឈានមុខគេនៅកម្ពុជា។

តាមរយៈអនុស្សរណៈ នៃការយោគយល់គ្នានេះ ភាគីទាំងពីរនឹងធ្វើសហប្រតិបត្តិការក្នុងការផ្តល់សេវា និងយុទ្ធសាស្ត្រទីផ្សារសម្រាប់គ្នាទៅវិញទៅមក ក្នុងគោលបំណងផ្តល់ផលប្រយោជន៍ ជូនដល់អតិថិជន និងបុគ្គលិកនៃភាគីទាំងពីរ។ លើសពីនេះ ភាគីទាំងពីរក៏យល់ព្រម ក្នុងលក្ខណៈសហប្រតិបត្តិការបង្កើត មូលដ្ឋានសុច្ឆន្ទៈសម្រាប់កិច្ចខិតខំប្រឹងប្រែងរួមគ្នា នាពេលអនាគត ដើម្បីផ្តល់ប្រយោ ជន៍ជាច្រើនទៀតជូនដល់អតិថិជនខ្លួន និងប្រជាពលរដ្ឋកម្ពុជាផងដែរ។

លោកឧកញ៉ា ហួត អៀងតុង ប្រធានអគ្គនាយកធនាគារហត្ថា បានមានប្រសាសន៍ ក្នុងពិធីចុះហត្ថលេខាកាលពីថ្ងៃទី២៧ មេសាថា “ការសហការគ្នារវាង ធនាគារហត្ថា និងក្រុមហ៊ុនវៀតធេល ខេមបូឌា (Metfone) ក្នុងថ្ងៃនេះ ពិតមានសារៈសំខាន់ និងផ្តល់អត្ថប្រយោជន៍ជាច្រើនដល់អតិថិជន និងបុគ្គលិករបស់ធនាគារហត្ថា។

លោកបន្តថា បុគ្គលិក និងអតិថិជនរបស់យើង នឹងអាចបង់ថ្លៃសេវាអ៊ីនធឺណេតតាមរយៈ Hattha Mobile ទទួលបានតម្លៃពិសេសនៃកញ្ចប់ទិន្នន័យអ៊ីនធឺណេត (eGift Service) ទទួលបានកញ្ចប់ពិសេសនៃសេវាអ៊ីធឺណេត សម្រាប់ប្រើប្រាស់នៅគេហដ្ឋាន (Internet Home Package ) ទទួលបានតម្លៃពិសេសសម្រាប់កញ្ចប់សេវាផ្ញើសារ (SMS Brand and E-Connect) ទទួលបានការគាំទ្រការផ្សព្វផ្សាយសេវាកម្ម របស់ធនាគារហត្ថានៅលើអែប CamID ព្រមទាំងសេវាកម្មផ្សេងៗជាច្រើនទៀត ដែលបុគ្គលិក និងអតិថិជនរបស់ ធនាគារហត្ថា នឹងទទួលបានពីកិច្ចសហការគ្នានេះ”។

លោកឧកញ៉ាហួត អៀងតុងបានបន្តថា “ក្នុងយុគសម័យឌីជីថលនេះ សេវាអ៊ីនធឺណេតដើរតួយ៉ាងសំខាន់ ក្នុងការធ្វើប្រតិបត្តិការហិរញ្ញវត្ថុ តាមរយៈម៉ូបាលប៊ែងឃីង និងលើប្រព័ន្ធអនឡាញផ្សេងទៀត ហេតុដូច្នេះ ធនាគារ ហត្ថា មានជំនឿជាក់លើ ក្រុមហ៊ុន វៀតធេល ខេមបូឌា (Metfone) ក្នុងការផ្តល់ជូននូវសេវាអ៊ីនធឺណេតដ៏ល្អ និងកញ្ចប់តម្លៃសមរម្យ ជូនដល់អតិថិជនរបស់ ធនាគារហត្ថា ដែលប្រើប្រាស់សេវា Metfone។

បន្ថែមពីលើនេះ លោកមានជំនឿជាក់ថា ការសហការរវាង ធនាគារ ហត្ថា និង ក្រុមហ៊ុន វៀតធេល ខេមបូឌា (Metfone) នឹងផ្តល់ភាពងាយស្រួលដល់អតិថិជនរបស់ ធនាគារ ហត្ថា ដែលប្រើសេវា Metfone ព្រមទាំងកាត់បន្ថយការចំណាយ របស់ពួកគាត់មួយចំណែកផងដែរ។”

ចំណែកលោក Cao Manh Duc អគ្គនាយកក្រុមហ៊ុន វៀតធេល ខេមបូឌា បានមានប្រសាសន៍ថា “ការចុះហត្ថ លេខាលើកិច្ចព្រមព្រៀងសហប្រតិបត្តិការ ជាយុទ្ធសាស្ត្រនៅថ្ងៃនេះ រវាងក្រុមហ៊ុនរបស់យើងទាំងពីរមិនត្រឹមតែរំពឹងថា នឹងពង្រឹងទំនាក់ទំនងរវាងមិត្តហ្វូន និងធនាគារហត្ថាប៉ុណ្ណោះទេ ប៉ុន្តែវាក៏ជាចំណុចរបត់មួយ ក្នុងការពង្រីកកិច្ចសហប្រតិបត្តិការ លើវិស័យជាច្រើនលើការបំលាស់ប្តូរឌីជីថលនិងទូរគមនាគមន៍សម្រាប់ ឧស្សាហកម្មធនាគារជូនអ្នកប្រើប្រាស់នៅកម្ពុជា។”

អំពីធនាគារ ហត្ថា គ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត បានប្រែក្លាយជា ធនាគារពាណិជ្ជជាផ្លូវការក្នុងនៅ ខែសីហា ឆ្នាំ ២០២០ បន្ទាប់ពីបានផ្តល់សេវាហិរញ្ញវត្ថុក្នុងប្រទេសកម្ពុជាអស់រយៈពេលជិត៣០ឆ្នាំ។

គិតត្រឹមខែមីនា ឆ្នាំ ២០២៣ ធនាគារ ហត្ថា មានការិយាល័យសាខាសរុបចំនួន ១៧៧ ការិយាល័យ ATM ចំនួន ១៤៣ ទីតាំង និងគណនីរបស់អតិថិជនជាង៦៤៣ពាន់គណនី ដែលមានផលប័ត្រសរុបជាង១.៩ ពាន់លានដុល្លារ និងផលប័ត្រសន្សំសរុបជាង១.៣ ពាន់លានដុល្លារ។

ធនាគារហត្ថា បានផ្តល់សេវាកម្មហិរញ្ញវត្ថុ យ៉ាងទូលំទូលាយសម្រាប់អតិថិជន រួមមានប្រាក់កម្ចី ប្រាក់បញ្ញើសន្សំ សេវាផ្ទេរប្រាក់ក្នុងស្រុក សេវាផ្ទេរប្រាក់ឆ្លងធនាគារ ទៅកាន់ធនាគារក្នុងស្រុក សេវាផ្ទេរប្រាក់ឆ្លងប្រទេស សេវាអេធីអឹម សេវាធនាគារចល័ត (Hattha Mobile) សេវាបើកប្រាក់បៀវត្សរ៍ ក៏ដូចជាភ្នាក់ងារធានារ៉ាប់រង និង សេវាកម្មហិរញ្ញវត្ថុជាច្រើនទៀត។

ធនាគារហត្ថា គឺជាក្រុមបុត្រសម្ព័ន្ធរបស់ធនាគារ Krungsri Bank ដែលជាធនាគារពាណិជ្ជធំជាងគេទីប្រាំ នៅក្នុងព្រះរាជាណាចក្រថៃ និងជាសមាជិកនៃក្រុម Mitsubishi UFJ Financial Group (MUFG) ដែលជាក្រុមហិរញ្ញវត្ថុ ដ៏ធំបំផុតរបស់ប្រទេសជប៉ុន ហើយក៏ជាសម្ព័ន្ធសេវាកម្មហិរញ្ញវត្ថុដ៏ធំបំផុតមួយ នៅក្នុងពិភពលោកផងដែរ។

អំពីក្រុមហ៊ុន វៀតធេល ខេមបូឌាៈ ក្នុងរយៈពេល 14 ឆ្នាំនៃប្រតិបត្តិការអាជីវកម្ម មិត្តហ្វូន បច្ចុប្បន្នគឺជាប្រតិបត្តិករទូរគមនាគមន៍ធំជាងគេ ក្នុងប្រទេសកម្ពុជា ដែលមានអតិថិជនប្រើប្រាស់ជាង 9លាននាក់។ ទោះបីជាឧស្សាហកម្ម ទូរគមនាគមន៍ ពិភពលោកមានការកើនឡើងក៏ដោយ មិត្តហ្វូននៅតែបន្តរក្សាសន្ទុះកំណើនរបស់ ខ្លួនទាក់ទងនឹង ប្រាក់ចំណូល ដែលបច្ចុប្បន្នក្រុមហ៊ុនមានតម្លៃរហូតដល់ 1 ពាន់លានដុល្លារអាមេរិក។ កិច្ចខិតខំប្រឹងប្រែងប្រកបដោយភាពច្នៃប្រឌិតឥតឈប់ឈររបស់មិត្តហ្វូន គឺជាចក្ខុវិស័យនៃការអភិវឌ្ឍ ប្រកបដោយនិរន្តរភាព ដោយបន្តបញ្ជាក់ពីជំហររបស់ខ្លួន ក្នុងនាមជាម៉ាកយីហោត្រួសត្រាយផ្លូវនៅក្នុង វិស័យបច្ចេកវិទ្យា៕

ឧកញ៉ាម៉ន សុខាបង្ហាញចំណុចសំខាន់ៗចំនួន២ ដើម្បីបញ្ចៀសការខាតបង់ពីការវិនិយោគដីឡូត៍

ដោយៈ សហការី

ភ្នំពេញៈ ក្នុងពេលបច្ចុប្បន្ននេះ យើងសង្កេតឃើញមានបញ្ហាកើតឡើងជាបន្តបន្ទាប់ ទាំងបញ្ហាតូច និងបញ្ហាធំដែលបណ្តាលអោយមានផលប៉ះពាល់ដល់ វិស័យអចលនទ្រព្យគួរឲ្យកត់សម្គាល់ តួយ៉ាងដូចជា ផ្នែកអភិវឌ្ឍដីឡូត៍ហាក់ឃើញមានបញ្ហា និងក្តីកង្វល់ច្រើនជាងគេ ក្នុងចំណោមបណ្តាអចលនទ្រព្យផ្សេងទៀត។

លោកឧកញ៉ាម៉ន សុខាប្រធានសមាគមអ្នកអភិវឌ្ឍន៍ដីឡូត៍កម្ពុជាបានមានប្រសាសន៍ឲ្យដឹងកាលពីដើមសប្តាហ៍នេះថា ក្នុងនាមយើងខ្ញុំជាថ្នាក់ដឹកនាំសមាគម និងជាអ្នកអភិវឌ្ឍន៍ សូមផ្តល់ព័ត៌មាន និងលើកទឹកចិត្តជូនបងប្អូនប្រជាពលរដ្ឋ ដែលជាអ្នកវិនិយោគដីឡូត៍គប្បីសិក្សាព័ត៌មាន មុនពេលសម្រចចិត្តទិញដីឡូត៍ទាំងនោះ ដើម្បីជៀងវាងមានបញ្ហា ព្រមទាំងខាតបង់ថវិកា និងពេលវេលា ដែលមាន២ចំណុចសំខាន់ៗដូចខាងក្រោម

ទី១ ពាក់ព័ន្ធនឹងផ្លូវច្បាប់ សម្រាប់ក្រុមហ៊ុនត្រូវមាន

– វិញ្ញាបនបត្រ ចុះបញ្ជីពាណិជ្ជកម្ម ក្នុងក្រសួងពាណិជ្ជកម្ម។

– បណ្ណពន្ធប៉ាតង់ ចុះបញ្ជីនៅអគ្គនាយកដ្ឋានពន្ធដារ។

– វិញ្ញ្ញាបនបត្រសម្គាល់ម្ចាស់អចលនវត្ថុ (ប្លង់រឹង)ត្រឹមត្រូវ។

-មានលិខិតអនុញ្ញាតអភិវឌ្ឍដី ពីក្រសួងរៀបចំដែនដីនគរូបនីយកម្ម និងសំណង់។

-មានអាជ្ញាប័ណ្ណអភិវឌ្ឍដីឡូត៍ ពីនិយ័តករ អាជីវកម្មអចលនវត្ថុ និងបញ្ចាំ។

-មានប្លង់រឹងបំបែកក្បាលដីរួចរាល់(ប្រសិនបើមាន)។

ទី២ កត្តាគម្រោងមាន

-ទីតាំងមានសក្តានុពល និងមិនឆ្ងាយពីទីប្រជុំជន ឬតំបន់អភិវឌ្ឍធំៗ។

-ផែនការមេសម្រាប់អភិឌ្ឍគម្រោងត្រឹមត្រូវ។

-សកម្មភាពអភិវឌ្ឍជាបន្តបន្ទាប់។

-ក្រុមហ៊ុន និងម្ចាស់គម្រោងមានកេរ្តិ៍ឈ្មោះល្អក្នុងសង្គម។

-គម្រោងមានគុណតម្លៃ គ្រប់គ្រាន់។

-តម្លៃលក់សមរម្យ ក្នុងទីផ្សារ។

-មានប្លង់ អាចប្រើប្រាស់អាស្រ័យផលបានភ្លាមៗ។

លោកឧកញ៉ាម៉ន សុខាបានបន្តអំពាវនាវឲ្យប្រជាពលរដ្ឋ និងអតិថិជនដីឡូត៍ទាំងអស់ ស្វែងយល់បន្ថែមអំពីអត្ថប្រយោជន៍ ការទិញអចលនទ្រព្យពីគម្រោង ដែលស្របច្បាប់ និងគុណវិបត្តិនៃការទិញ អចលនទ្រព្យគម្រោងខុសច្បាប់ ព្រមទាំងអំពាវនាវឲ្យសាធារណជន និងអតិថិជន គាំទ្រគម្រោងអភិវឌ្ឍមានអាជ្ញាបណ្ណត្រឹមត្រូវ និងស្របច្បាប់ ពី ន.អ.ប និងបន្តបង់ប្រាក់ប្រចាំជូនគម្រោង ដែលស្របច្បាប់តាមកិច្ចសន្យាទិញ លក់របស់លោកអ្នក៕

US growth cools in first quarter as recession fears deepen

WASHINGTON: US economic growth lost steam in the first quarter this year, said the Commerce Department on Thursday (Apr 27), as the possibility of a mild recession brews while consumer spending weakens.

Consumption has provided a boost to the world’s biggest economy, giving it a strong start to 2023, but recent banking sector turmoil and rising interest rates are likely to weigh on the outlook.

US gross domestic product rose at an annual rate of 1.1 per cent in the January to March period, down from 2.6 per cent in the fourth quarter last year.

“Compared to the fourth quarter, the deceleration in real GDP in the first quarter primarily reflected a downturn in private inventory investment and a slowdown in nonresidential fixed investment,” said the Commerce Department.

It added that this was partly offset by an acceleration in consumer spending and an upturn in exports.

The GDP growth figure “reflected increases in consumer spending, exports, federal government spending”, along with some forms of investment, said the department in a statement.

Economic activity has been easing as the US central bank rapidly hiked the benchmark lending rate to tackle stubborn inflation, while the full fallout from recent financial sector unrest – following the failures of three midsized lenders last month – is yet to be seen.

Source: AFP

ផ្សារហ៊ុននៅតំបន់អាសុីហក់ឡើងថ្លៃនៅថ្ងៃសុក្រនេះ ខណៈវិនិយោគិនកំពុងរង់ចាំការសម្រេចគោលនយោបាយរបស់ធនាគារកណ្តាលជប៉ុន

ដោយ: គង់ លាងហួរ
អន្តរជាតិ: ផ្សារហ៊ុនអាស៊ីហក់ឡើងថ្លៃនៅថ្ងៃសុក្រនេះ ខណៈប្រាក់ចំណូលសាជីវកម្មដ៏រឹងមាំបានជួយបង្កើនអារម្មណ៍ ទោះជាក្តីបារម្ភពីភាពទន់ខ្សោយនៃសេដ្ឋកិច្ចនៅតែបន្តកើតមាន ហើយអ្នកវិនិយោគក៏កំពុងរង់ចាំការសម្រេចចិត្តគោលនយោបាយពីធនាគារកណ្តាលជប៉ុនផងដែរ។

សន្ទស្សន៍ភាគហ៊ុនអាស៊ីប៉ាស៊ីហ្វិកដ៏ទូលំទូលាយបំផុតរបស់ MSCI នៅខាងក្រៅប្រទេសជប៉ុនហក់ឡើង០,៩៤ភាគរយ ប៉ុន្តែនៅតែមានដំណើរឆ្ពោះទៅរកការបញ្ចប់ខែនេះទាបជាង១,៤ភាគរយ។
សន្ទស្សន៍ផ្សារហ៊ុន Nikkei របស់ជប៉ុនបានហក់ឡើង០,៥១ភាគរយ ខណៈដែលសន្ទស្សន៍ S&P/ASX 200 របស់អូស្ត្រាលី បានហក់ឡើង០,៣៣ភាគរយ។

ផ្សារហ៊ុនរបស់សហរដ្ឋអាមេរិកបានហក់ឡើងថ្លៃយ៉ាងខ្លាំងកាលពីថ្ងៃព្រហស្បតិ៍ដោយសារលទ្ធផលសុទិដ្ឋិនិយមពីក្រុមហ៊ុនបច្ចេកវិទ្យានានា ហើយភាគហ៊ុនរបស់ក្រុមហ៊ុន Meta Platforms Inc រួមទាំង Microsoft Corp និង Alphabet Inc បានហក់ឡើង។

ផ្សារហ៊ុនចិនបានធ្លាក់ថ្លៃ ខណៈពេលដែលសន្ទស្សន៍ Hang Seng របស់ហុងកុងមានបានហក់ឡើង០,៥ភាគរយ។ ភាពតានតឹងភូមិសាស្ត្រនយោបាយ រួមជាមួយនឹងការព្រួយបារម្ភលើទស្សនវិស័យសេដ្ឋកិច្ចពិភពលោកបានធ្វើឱ្យអារម្មណ៍អ្នកវិនិយោគធ្លាក់ចុះក្នុងរយៈពេលប៉ុន្មានសប្តាហ៍ថ្មីៗនេះ។

យោងតាមទិន្នន័យបានបង្ហាញថាសេដ្ឋកិច្ចអាមេរិកបានធ្លាក់ចុះច្រើនជាងការរំពឹងទុកនៅក្នុងត្រីមាសទីមួយ បើទោះបីជាកំណើនតម្លៃបានហក់ឡើងខ្លាំងជាងអ្នកសេដ្ឋកិច្ចបានព្យាករណ៍ទុកយ៉ាងណាក្តី។

លោក Taylor Nugent សេដ្ឋវិទូនៅធនាគារជាតិអូស្ត្រាលីបានអះអាងថា “ទិន្នន័យនេះបង្ហាញពីលទ្ធផលរួមបញ្ចូលគ្នាដែលមិនសប្បាយចិត្តនៃកំណើនអន់ជាងការរំពឹងទុក និងការកើនឡើងតម្លៃខ្លាំងជាងការរំពឹងទុកនៅក្នុងត្រីមាសទីមួយ”៕

តម្លៃបន្ទប់សណ្ឋាគារនៅប្រទេសជប៉ុនហក់ឡើងខ្ពស់ ស្របពេលតម្រូវការកើនឡើង

ដោយៈ សុខុម

តូក្យូ: តម្លៃបន្ទប់សណ្ឋាគារបាន និងកំពុងហក់ឡើងខ្ពស់នៅទូទាំងប្រទេសជប៉ុប ខណៈភ្ញៀវទេសចរណ៍សម្រុកត្រលប់ទៅដើរលេងកម្សាន្តនៅប្រទេសនេះឡើងវិញ បន្ទាប់ពីបន្ធូរបន្ថយការរឹតបន្តឹងព្រំដែនក្នុងវិធានការទប់ស្កាត់ការឆ្លងកូវីដ-១៩។

ការស្ទង់មតិបង្ហាញថា ក្នុងត្រីមាសទី១ ដើមឆ្នាំ២០២៣ តម្លៃសណ្ឋាគារ បានហក់ឡើងប្រមាណ១៥% បើធៀបនឹងឆ្នាំសារពើពន្ធ២០១៩ មុនពេលផ្ទុះវិបត្តិកូវីដ-១៩។ នេះបើយោងតាមសារព័ត៌មាន Japan Times ចុះផ្សាយកាលពីថ្ងៃព្រហស្បតិ៍ ទី២៧ ខែមេសា។

STR 2023 ដែលជាក្រុមហ៊ុនស្រាវជ្រាវ របស់សហរដ្ឋអាមេរិក ឯកទេសខាងឧស្សាហកម្ម បដិសណ្ឋារកិច្ចបានឱ្យដឹងថា តម្លៃជាមធ្យម សម្រាប់បន្ទប់សណ្ឋាគារក្នុងប្រទេសជប៉ុន រវាងត្រីមាសទី១ ដើមឆ្នាំ២០១៩ និងត្រីមាសទី១ ដើមឆ្នាំ២០២៣ មានភាពខុសគ្នាក្នុងរង្វង់១៦ដុល្លារអាមេរិក ដែលចាត់ថាជាតួលេខខ្ពស់។

តម្លៃបន្ទប់ជាមធ្យមហក់ឡើង ប្រមាណ១៥% ក្នុងត្រីមាសទី១ ដើមឆ្នាំ២០២៣ បើធៀបនឹងឆ្នាំសារពើពន្ធ២០១៩។

លោក Shiori Sakurai នាយកគ្រប់គ្រងផ្នែកអភិវឌ្ឍន៍អាជីវកម្មនៃក្រុមហ៊ុនSTR 2023 បានគូសបញ្ជាក់ថា ការឡើងថ្លៃនេះគឺដោយសារមានកត្តារួមផ្សំជាច្រើន រួមមាន យុទ្ធនាការគាំទ្រដំណើរកម្សាន្តទូទាំងប្រទេស ភ្ញៀវទេសចរអ្នកមាន មកពីសហរដ្ឋអាមេរិក អង់គ្លេស អូស្ត្រាលី និងបារាំង ប្រាក់យ៉េន ចុះថោក និងការឡើងថ្លៃទំនិញ ជាពិសេសថ្លៃថាមពលហក់ឡើងខ្ពស់។

ក្រុមហ៊ុនខ្សែសង្វាក់សណ្ឋាគារ ក្នុងស្រុកដ៏ធំ APA Group បាននិយាយថា គិតត្រឹមថ្ងៃទី៣១ ខែមីនា អត្រាតម្លៃបន្ទប់សណ្ឋាគារសម្រាប់ឆ្នាំសារពើពន្ធ២០២៣ បានហក់ឡើងលើសទ្វេរដង បើធៀបនឹងសារពើពន្ធ២០១៩៕ Japan Times៕

Amid changing market, Thai high-end condos see spike in rental demand

For the first time in three years, there is a surge in demand to rent luxury condominiums in Thailand, mostly from foreigners affected by the Russia-Ukraine war and long-term-stay foreigners. Rents of high-end condominiums in Bangkok have soared to 100,000 baht per month.

Sunchai Kooakachai, director and head of research and consultancy at Knight Frank Thailand, believes it would be a positive sign for the condominium market if rentals start to recover as the Covid-19 crisis eases, and people start travelling overseas again. In Thailand, this is reflected in the increasing number of foreign tourists since the end of last year, as well as foreign corporate workers and long-term-stay foreign visitors.

The recovery of the condominium market has been partly facilitated by the Russia-Ukraine war, especially in Bangkok, where there has been an influx of Russian tourists. The increase in demand has helped stimulate the condo rental market. Moreover, with China opening up, there would be a group of FIT (free individual travellers) visiting Thailand, which would help stimulate the condo rental market, Sunchai said.

This is an opportunity to generate income from renting out to foreigners, especially high-end condos in the central business district where foreigners are interested in staying for extended periods (long-stay), pushing up rental rates. For example, the rent of a one-bedroom condo in the Lumpini, Sathon, and Silom areas near a large department store during the Covid-19 period dropped to 35,000 baht per month, but now the price has increased to 50,000 baht per month, on par with before the pandemic, Sunchai added.

The rental market for condominiums in Bangkok still has limitations due to the large number of hotels that are ready to accommodate tourists. However, there are still groups of tourists who want to travel independently and prefer to rent condos instead of using hotel services, as it is more expensive. This trend is growing and the strong demand is driving up condominium rental rates, according to Sunchai.

Recently, there has been a significant increase in demand for condos in the rental range of 50,000-70,000 baht per month up to 100,000 baht per month. This group of customers has high purchasing power that focuses on renting high-end condos, Sunchai said.

Source: The Nation

កំណើនសេដ្ឋកិច្ចអាមេរិកធ្លាក់ចុះដល់១,១ភាគរយនៅត្រីមាសទី១ស្របពេលមានការភ័យខ្លាចពីវិបត្តិសេដ្ឋកិច្ច

ដោយ: គង់ លាងហួរ

វ៉ាស៊ីនតោន: នាយកដ្ឋានពាណិជ្ជកម្មអាមេរិក បានឱ្យដឹងនៅថ្ងៃព្រហស្បតិ៍ ទី២៧ ខែមេសា ថា កំណើនសេដ្ឋកិច្ចរបស់សហរដ្ឋអាមេរិកបានបាត់បង់សន្ទុះ នៅត្រីមាសទីមួយក្នុងឆ្នាំនេះ ខណៈលទ្ធភាពនៃវិបត្តិសេដ្ឋកិច្ចស្រាលមួយ(mild recession)ជិតកើតឡើង។

ផលិតផលក្នុងស្រុកសរុប របស់សហរដ្ឋអាមេរិកបានកើនឡើងក្នុងអត្រាប្រចាំឆ្នាំត្រឹម១,១ភាគរយប៉ុណ្ណោះ ក្នុងអំឡុងខែមករាដល់ខែមីនា ពោលគឺធ្លាក់ចុះពី២,៦ភាគរយ នៅក្នុងត្រីមាសទី៤ កាលពីឆ្នាំមុន។

ការប្រើប្រាស់បានផ្តល់នូវការជំរុញ ដល់សេដ្ឋកិច្ចរបស់អាមេរិក ប៉ុន្តែភាពចលាចល ក្នុងវិស័យធនាគារនាពេលថ្មីៗនេះ និងការកើនឡើងនៃអត្រាការប្រាក់ អាចនឹងធ្វើឱ្យទស្សនវិស័យជួបបញ្ហា ឬមានការធ្លាក់ចុះ។

នាយកដ្ឋានពាណិជ្ជកម្មបានអះអាងថា “បើប្រៀបធៀបទៅនឹងត្រីមាសទី៤ ការថយចុះនៃផលិតផល ក្នុងស្រុកសរុបពិតប្រាកដនៅក្នុងត្រីមាសទីមួយ បានឆ្លុះបញ្ចាំងពីការធ្លាក់ចុះ នៃការវិនិយោគសារពើភ័ណ្ឌឯកជន និងការធ្លាក់ចុះនៃការវិនិយោគថេរ មិនមែនលំនៅដ្ឋាន”។

នាយកដ្ឋានពាណិជ្ជកម្មបានបន្ថែមទៀតថា នេះត្រូវបានទូទាត់មួយផ្នែក ដោយការបង្កើនល្បឿន នៃការចំណាយរបស់អ្នកប្រើប្រាស់ និងការកើនឡើង នៃការនាំចេញរបស់សហរដ្ឋអាមេរិកផងដែរ។

នាយកដ្ឋានខាងលើបានឱ្យដឹង នៅក្នុងសេចក្តីថ្លែងការណ៍មួយថា “តួលេខកំណើនGDP បានឆ្លុះបញ្ចាំងពីការកើនឡើង នៃការចំណាយអ្នកប្រើប្រាស់ ការនាំចេញ ការចំណាយរបស់រដ្ឋាភិបាលសហព័ន្ធ រួមជាមួយនឹងទម្រង់នៃការវិនិយោគមួយចំនួន”។

សកម្មភាពសេដ្ឋកិច្ចបាននឹងកំពុងធូរស្រាល ខណៈដែលធនាគារកណ្តាលអាមេរិក បានដំឡើងអត្រាប្រាក់កម្ចី គោលយ៉ាងឆាប់រហ័សដើម្បីដោះស្រាយអតិផរណា។

ចំណែក លទ្ធផលអវិជ្ជមានពេញលេញ ដែលចេញពីភាពចលាចល ក្នុងវិស័យហិរញ្ញវត្ថុនាពេលថ្មីៗនេះ បន្ទាប់ពីមានការដួលរលំនៃធនាគារខ្នាតតូចចំនួន៣កាលពីខែមុន មិនទាន់ត្រូវបានគេមើលឃើញនៅឡើយនោះទេ៕

វិនិយោគិនហូរចូលទៅកាន់ខេត្តព្រះសីហនុស្ថិតក្នុងទម្រង់ចំនួន៣

ដោយៈ វឌ្ឈនៈ

ភ្នំពេញៈ ក្នុងអំឡុងឆ្នាំ ២០១៧ រហូតដល់ចុងឆ្នាំ ២០១៩ ខេត្តព្រះសីហនុគឺមានការអភិវឌ្ឍខ្លាំង ហើយក្នុងនោះមានវិនិយោគិនជាច្រើនចាប់អារម្មណ៍ និងសម្រុកវិនិយោគលើអគារសំណង់ និងវិស័យជាច្រើនក្នុងខេត្តព្រះសីហនុ ជាពិសេសវិនិយោគិនជនជាតិចិន។

ប៉ុន្តែចាប់តាំងពីចុងឆ្នាំ២០១៩ រហូតដល់មានវិបត្តិកូវីដ១៩ សកម្មភាពវិនិយោគនៅក្នុងខេត្តនេះ ក៏បានថមថយជាបន្តបន្ទាប់ តែមកដល់ពេលនេះ ការវិនិយោគក៏ចាប់ផ្ដើមជាមួយទម្រង់៣ប្រភេទ។

លោកគួច ចំរើន អភិបាលខេត្តព្រះសីហនុបានមានប្រសាសន៍ឲ្យដឹងនៅក្នុងសប្តាហ៍នេះថា បច្ចុប្បន្ននេះ វិនិយោគិនបរទេស ទាំងវិនិយោគិនចិន និងវិនិយោគិនជាតិសាសន៍ផ្សេងទៀត បានចូលមកកាន់ខេត្តព្រះសីហនុវិញបណ្ដើរៗហើយក្នុងនោះដែរ ការវិលចូលរបស់ពួកគេគឺមានទម្រង់៣ប្រភេទ។

លោកបន្តថា ទម្រង់ទី១ គឺជាក្រុមអ្នកវិនិយោគ ដែលតស៊ូក្រាញននៀលជាមួយនឹងវិបត្តិ និងបញ្ហាដែលកម្ពុជា ក៏ដូចជា ពិភពលោកជួបប្រទះ ។ ពួកគាត់មិនបានទៅណាទេ គឺនៅតែបន្តការងារដោយលំបាករបស់ខ្លួន ហើយរង់ចាំពេលណាស្ថានភាព បានប្រសើរពួកគាត់ នឹងចាប់ផ្ដើមសម្រុកការងារឡើងវិញ ហើយក្រោយពីវិបត្តិកូវីដ១៩បានបញ្ចប់ គម្រោងវិនិយោគ ដែលក្រុមវិនិយោគទាំងនេះបានធ្វើ ក៏ចាប់ផ្ដើមបញ្ចប់ និងដាក់ដំណើរការជាបន្តបន្ទាប់ផងដែរ ។

សម្រាប់ទម្រង់ទី២គឺ ជាក្រុមអ្នកវិនិយោគបានផ្អាកសកម្ម ដោយសារវិបត្តិហិរញ្ញវត្ថុ ធ្វើឱ្យពួកគេមិនមានលទ្ធភាព ក្នុងការបន្តសកម្មភាព ។ ក្រោយរដ្ឋាភិបាលបានបើកទូលាយឡើងវិញ និងអនុញ្ញាតឱ្យមានការវិនិយោគពីខាងក្រៅ ក្រុមអ្នកវិនិយោគទាំងនេះ ក៏បានស្វែងរកការវិនិយោគពីខាងក្រៅ ដើម្បីបន្តប្រតិបត្តិការគម្រោងវិនិយោគរបស់ខ្លួនឡើងវិញផងដែរ។

ក្រុមអ្នកវិនិយោគទាំងនេះ ក៏បានបន្តទាក់ទង ជាមួយអាជ្ញាធរ និងរដ្ឋបាលខេត្ត ពីការអនុគ្រោះនានា ដើម្បីឱ្យពួកគេមានលទ្ធភាពក្នុងបន្តគម្រោងរបស់ខ្លួន។

ការវិនិយោគទម្រង់ទី៣ នៅក្នុងខេត្តព្រះសីហនុ ជាក្រុមអ្នកវិនិយោគថ្មីៗទាំងចិន និងប្រទេសផ្សេងៗទៀត ក៏បានចូលមករកការវិនិយោគនៅក្នុងខេត្តព្រះសីហនុ។ ជាក់ស្ដែង ក្រោយស្ថានភាពវិបត្តិកូវីដ១៩បានធូរស្រាល និងស្ទើរបញ្ចប់ទាំងស្រុងទៅហើយនោះ វិនិយោគិនបរទេសជាច្រើន បានមកកាន់ខេត្តព្រះសីហនុ និងកំពុងសម្លឹងពីឱកាសក្នុងការវិនិយោគនៅក្នុងខេត្តនេះ ដោយរំពឹងថានៅចុងឆ្នាំនេះ សកម្មភាពវិនិយោគនៅក្នុងខេត្តព្រះសីហនុ កាន់តែច្រើនឡើងៗ៕

1...955956957...3,257 Page 956 of 3,257