អ្នកធុរកិច្ចបរទេសបង្ហាញពីសក្តានុពលឱកាសវិនិយោគលើវិស័យអប់រំនៅកម្ពុជា ក្រោយរដ្ឋាភិបាលប្រកាសបន្ថយពន្ធដល់គ្រឹះស្ថានអប់រំទាំងអស់

ដោយ: គង់ លាងហួរ
ភ្នំពេញ: នៅក្នុងវិធានការដ៏សំខាន់មួយដើម្បីជំរុញវិស័យអប់រំក្នុងប្រទេស រាជរដ្ឋាភិបាលកម្ពុជា បានសម្រេចបន្តការបន្ធូរបន្ថយពន្ធ ដែលគ្រឹះស្ថានឧត្តមសិក្សាទទួលបានរហូតដល់បច្ចុប្បន្ន ដល់គ្រឹះស្ថានអប់រំទាំងអស់ ចាប់ពីខែមករា ឆ្នាំ២០២៤ សម្រាប់រយៈពេល៥ឆ្នាំ រហូតដល់ដំណាច់ឆ្នាំ២០២៨។

ការសម្រេចនេះត្រូវបាន ធ្វើឡើងដោយសម្តេចតេជោនាយក រដ្ឋមន្ត្រីក្នុងកិច្ចប្រជុំជាមួយ សមាគមឧត្តមសិក្សា កម្ពុជាកាលពីពេលថ្មីៗនេះ។ សេចក្តីសម្រេចនេះត្រូវបានផ្តល់សច្ចាប័នដោយទីស្តីការគណៈរដ្ឋមន្ត្រី។

ការលាតត្រដាងនេះរៀបចំធ្វើឡើងនៅក្នុងវេទិកាធ្វើបច្ចុប្បន្នភាពពន្ធដែលរៀបចំដោយសភាពាណិជ្ជកម្មអាមេរិកនៅកម្ពុជា(AmCham) លោក Casey Barnett ប្រធានសាលា CamEd Business School មានប្រសាសន៍ថា “ការបន្ថយពន្ធអាចទាក់ទាញការវិនិយោគឯកជនកាន់តែច្រើននៅក្នុងវិស័យអប់រំនៅក្នុងប្រទេសកម្ពុជា និងរួមចំណែកយ៉ាងសំខាន់ដល់ការរីកចម្រើននៃវិស័យនេះ”។

ការបន្ធូរបន្ថយពន្ធនឹងលើកលែងគ្រឹះស្ថានអប់រំពីកាតព្វកិច្ចបង់ពន្ធលើប្រាក់ចំណូល ប្រាក់រំដោះពន្ធលើប្រាក់ចំណូល ការបង់ពន្ធអប្បបរមាអាករលើតម្លៃបន្ថែម និងពន្ធកាត់ទុកលើសេវាកម្ម ការប្រាក់ និងភាគលាភហើយអាហារូបករណ៍ និងការបញ្ចុះតម្លៃសម្រាប់ថ្លៃសិក្សាក៏នឹងមិនត្រូវបានចាត់ទុកជាប្រាក់ចំណូលជាប់ពន្ធផងដែរ។

ទោះយ៉ាងណាក្តីស្ថាប័នអប់រំត្រូវបន្តបង់ពន្ធ លើប្រាក់បៀវត្សរ៍ពន្ធលើការជួលពន្ធលើ អចលនទ្រព្យ និងពន្ធ ប៉ាតង់។ ពួកគេក៏មានកាតព្វកិច្ចអនុវត្តតាមបទប្បញ្ញត្តិទាក់ទងនឹងពន្ធ រួមទាំងការថែរក្សាកំណត់ត្រាគណនេយ្យដែលមានចែងក្នុងមាត្រា១០ និង១១។

លោក Casey បានចង្អុលបង្ហាញថា ការបន្ធូរបន្ថយពន្ធសម្រាប់វិស័យអប់រំមិនមែនជាផ្នែកនៃច្បាប់ថ្មីស្តីពីពន្ធដារទេ ប៉ុន្តែជាការសម្រេចចិត្តដាច់ដោយឡែកពីគ្នាដោយសម្តេចតេជោនាយករដ្ឋមន្ត្រី។

ទន្ទឹមនឹងនេះនៅក្នុងបទបង្ហាញមួយ ប្រធានគណៈកម្មាធិការពន្ធ AmCham លោក Clint O’Connell មានប្រសាសន៍ថា ច្បាប់ថ្មីស្តីពីពន្ធដារ មិនមែនជាការកែប្រែពេញលេញនៃច្បាប់មុននោះទេ។ ច្បាប់ថ្មីដែលរដ្ឋសភា បានអនុម័តកាលពីសប្តាហ៍មុន កំពុងរង់ចាំការប្រកាសដាក់ឱ្យប្រើប្រាស់ដោយរដ្ឋាភិបាល ដោយមានការយល់ព្រមពីព្រះមហាក្សត្រ ហើយច្បាប់នេះនឹងចូលជាធរមាននៅខែមករា ឆ្នាំ២០២៤។

លោក Clint បានបន្តទៀតថា បទប្បញ្ញត្តិជាច្រើនទាក់ទងនឹងការយកពន្ធនៅកម្ពុជាត្រូវបានបង្រួបបង្រួម និងដាក់នៅក្រោមឆ័ត្រតែមួយនៅក្នុងច្បាប់ថ្មី។ ជាលទ្ធផលច្បាប់ថ្មីនេះមាន២០ជំពូក ធៀបនឹង៧ជំពូកកាលពីមុន។

ច្បាប់ថ្មីនេះក៏បានបញ្ចូលនូវការអនុវត្ត ពន្ធល្អជាអន្តរជាតិមួយចំនួនផងដែរ ដូចជាការចៀសវាងការយកពន្ធទ្វេ រដង។ ច្បាប់ថ្មីក៏បានផ្តល់អំណាចបន្ថែមទៀតដល់អគ្គនាយកដ្ឋានពន្ធដារ (GDT) ទាក់ទងនឹងការរឹបអូសទ្រព្យសម្បត្តិសម្រាប់ឧក្រិដ្ឋកម្មពន្ធធ្ងន់ធ្ងរ រួមជាមួយនឹងការណែនាំនៃច្បាប់ប្រឆាំងការជៀសវាងទូទៅ (GAAR)។

ច្បាប់ថ្មីនេះមិនមានការលើកទឹកចិត្តថ្មីសម្រាប់វិស័យធុរកិច្ច ក្រៅពីការដាក់បញ្ចូលនូវអ្វីដែលបានដាក់បញ្ចូលរួចហើយនៅក្នុងច្បាប់វិនិយោគឆ្នាំ២០២១នោះទេ។

លោក Clint បានចង្អុលបង្ហាញថា “ការលើកទឹកចិត្តសម្រាប់វិស័យធុរកិច្ចរួមទាំងការវិនិយោគថ្មី ត្រូវបានផ្តល់ឱ្យរួចទៅហើយក្នុងច្បាប់វិនិយោគថ្មី”។

លោក ឡោ វិចិត្រ អនុប្រធានសមាគមពាណិជ្ជកម្មចិនកម្ពុជា មានប្រសាសន៍ថា “ច្បាប់ពន្ធថ្មីនេះ នឹងជួយជាពិសេសដល់សហគ្រាសធុនតូច និងមធ្យម (SMEs) ចូលរួមចំណែក៥៧ភាគរយនៃផលិតផលក្នុងស្រុកសរុបរបស់កម្ពុជា និងផ្តល់ការងារ៧០ភាគរយនៃការងារទាំងអស់ផងដែរ”។

លោក ឡោ វិចិត្រ បានបន្តទៀតថា“គោលបំណងនៃច្បាប់ថ្មីនេះគឺដើម្បីប្រែក្លាយប្រទេសកម្ពុជាទៅជាប្រទេសដែលមានចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានប្រាក់ចំណូលខ្ពស់នៅឆ្នាំ២០៥០”។

លោកបន្ថែមថា “គួបផ្សំនឹងច្បាប់វិនិយោគថ្មីផងនោះ ច្បាប់ថ្មីស្តីពីពន្ធដារ នឹងជួយដល់កម្ពុជា ក្នុងការទាក់ទាញការវិនិយោគកាន់តែច្រើន និងធ្វើឱ្យកម្ពុជាក្លាយជាប្រទេសមានសេដ្ឋកិច្ចរីកលូតលាស់លឿនបំផុតមួយក្នុងតំបន់ផងដែរ”៕

ក្រុងឌូបៃ គ្រោងសាងសង់ស្ថានីយចំណតតាក់ស៊ីហោះដំបូងបង្អស់របស់ពិភពលោក

សុខុម

ឌូបៃ: ក្រុមហ៊ុនស្ថាបត្យកម្មដ៏ល្បីល្បាញរបស់អង់គ្លេស Foster + Partners បានបញ្ចេញខន់សិបឌីហ្សាញ “ស្ថានីយចំណតតាក់ស៊ីហោះ” ដំបូងបង្អស់របស់ពិភពលោកដែលនឹងតភ្ជាប់ទីតាំងដ៏ពេញនិយមបំផុតនានាក្នុងទីក្រុងឌូបៃ និងផ្តល់សេវាធ្វើដំណើរល្បឿនលឿនដោយមិនបំភាយឧស្ម័នកាបូនិកទៅលើបរិយាកាស។

ក្រុមហ៊ុន Foster + Partners បានទម្លាយឱ្យដឹងថា ការឌីហ្សាញប្លង់នេះត្រូវបានធ្វើឡើងក្រោមកិច្ចសហការជាមួយក្រុមហ៊ុនដឹកជញ្ជូនផ្លូវអាកាស Skyports Infrastructure និងអនុម័តដោយព្រះអង្គម្ចាស់ Sheikh Mohammed Bin Rashid Al Maktoum ដែលជាចៅហ្វាយក្រុងឌូបៃ។

ស្ថានីយចំណតតាក់ស៊ីហោះនេះនឹងមានទីតាំងជាប់អាកាសយានដ្ឋានអន្តរជាតិក្រងឌូបៃ (Dubai International Airport) និងរួមបញ្ចូលជាមួយបណ្តាញអាកាសយានដ្ឋានដែលមានស្រាប់ ក៏ដូចជាមជ្ឈមណ្ឌលដឹកជញ្ជូនដែលនៅជុំវិញនោះ។

លោក David Summerfield ប្រធានស្ទូឌីយោនៅក្រុមហ៊ុន Foster + Partners បានលើកឡើងតាមរយៈសេចក្តីប្រកាសព័ត៌មានថា “យើងមានសេចក្តីសោមនស្សរីករាយយ៉ាងខ្លាំងដែលបានបង្កើតខន់សិបស្ថានីយចំណតសម្រាប់ឧស្សាហកម្មដឹកជញ្ជូនតាមផ្លូវអាកាស ដែលនឹងផ្លាស់ប្ដូរទម្លាប់ធ្វើដំណើររបស់ប្រជាជននៅក្រុងឌូបៃ”។

លោកបានបន្ថែមថា ស្ថានីយចំណតនេះនឹងតភ្ជាប់ជាមួយអាកាសយានដ្ឋានក្រុងឌូបៃ និងស្ថានីយរថភ្លើង Dubai Metro “ដើម្បីផ្តល់សេវាធ្វើដំណើរដ៏អស្ចារ្យប្រកបដោយនិរន្តរភាពនៅទូទាំងទីក្រុងសម្រាប់អ្នកដំណើរជាតិ និងអន្តរជាតិ”។

ព្រះអង្គម្ចាស់ Sheikh Mohammed Bin Rashid Al Maktoum ធ្លាប់បានសរសេរបង្ហោះលើបណ្ដាញទំនាក់ទំនងសង្គម Twitter កាលពីខែកុម្ភៈ ដើមឆ្នាំនេះថា ស្ថានីយចំណតតាក់ស៊ីហោះនេះនឹងចាប់ផ្ដើមដំណើរការនៅក្រុងឌូបៃ ក្នុងពេល៣ឆ្នាំក្រោយ។

ទោះជាយ៉ាងណា គ្មានកាលបរិច្ឆេទជាក់លាក់សម្រាប់ការចាប់ផ្ដើមសាងសង់ និងទំហំទុនវិនិយោគសម្រាប់ស្ថានីយចំណតនេះនៅឡើយទេ៕ CNN៕

Japan aims to attract 749 bln USD in foreign direct investment by 2030

The Japanese government said on Wednesday that it plans to attract 100 trillion yen (749 billion U.S. dollars) worth of foreign direct investment by 2030, in a bid to promote Japan’s economic growth, local media reported.

The numerical target, included in a new action plan, is roughly double the 46.6 trillion yen (349 billion dollars) of foreign investment at the end of 2022, Kyodo News reported.

Japan wants to boost its standing as a production and research hub, capitalizing on a weak yen that would serve as an incentive for foreign investment, the report said.

The plan also calls for drawing
more foreign talents and remote workers known as “digital nomads,” as the country faces acute labor shortages and the working population is projected to shrink further.

Under the plan, Japan will use funds and other resources to attract investment in strategic areas, such as semiconductors, digitalization, green technology and health care, and will seek to develop necessary human resources via tripartite cooperation among the government, firms and academia, according to the report.

Source: Xinhua

Boeing signs agreement to expand collaboration with S. Korean partners

Boeing announced on Tuesday the company has signed a new partnering agreement with South Korea’s industry to expand joint research and development activities and further develop aviation technologies.

Boeing, the Korea Evaluation Institute of Industrial Technology (KEIT), and the Korea Institute for Advancement of Technology (KIAT) will collaborate on advanced production systems for commercial aircraft manufacturing, urban air mobility, aerospace semiconductors and cultivating industry talent in South Korea, the company said in a press release.

KEIT will identify South Korean companies with potential for participation, while KIAT will focus on defining areas for research, development, and commercialization of advanced components for airplanes.

Through collaboration, Boeing and research institutions will seek opportunities to cooperate across the private and public sectors. These efforts are intended to enhance the competitiveness of South Korea’s aerospace industry and strengthen Boeing’s future aerospace capabilities, the release said.

According to Boeing, the company has spent more than 4 billion U.S. dollars with over 50 South Korean suppliers over the past 15 years.

Source: Xinhua

ធនាគារ ហត្ថា ម.ក ឈ្នះពានរង្វាន់ IFR Asia Awards “Frontier Markets Issue in 2022″

ភ្នំពេញ ថ្ងៃទី 26 ខែ មេសា ឆ្នាំ 2023 – ធនាគារ ហត្ថា ម.ក ជាធនាគារពាណិជ្ជដែលមានបណ្ដាញធំបំផុតលំដាប់ទី២ ផ្អែកលើសាខាប្រតិបត្តិការក្នុង ព្រះរាជាណាចក្រកម្ពុជា បានទទួលពានរង្វាន់ Frontier Market Issue Award 2022 ពី International Financing Review Asia (IFR Asia Awards) ដែលរៀបចំដោយ International Financing Review Asia។ ពានរង្វាន់នេះបានទទួលស្គាល់ពីសមិទ្ធផលឆ្នើម និងភាពជោគជ័យក្នុងការបោះជំហានចូលផ្សារមូលបត្រនៅក្រៅប្រទេស(ទីផ្សារមូលបត្រព្រះរាជាណាចក្រថៃ) ដើម្បីបោះផ្សាយមូលបត្របំណុល ក្នុងគោលដៅកែនប្រមូលមូលនិធិពីក្រៅប្រទេសមកបំពេញតម្រូវការឥណទានរបស់ប្រជាពលរដ្ឋនៅក្នុងព្រះរាជាណាចក្រកម្ពុជា យកទៅពង្រីកមុខរបរ ឬអាជីវកម្ម។

ពិធីប្រគល់ពានរង្វាន់ត្រូវបានធ្វើឡើងនៅប្រទេសសិង្ហបុរី។

គូសបញ្ជាក់ថា៖ បន្ទាប់ពីទទួលបានការអនុញ្ញាតពីធនាគារជាតិ នៃកម្ពុជា និងនិយ័តករមូលបត្រកម្ពុជា ធនាគារ ហត្ថា បានបោះផ្សាយមូលបត្របំណុលដោយជោគជ័យក្នុងចំនួនទឹកប្រាក់ប្រមាណ ៨០ លានដុល្លារអាមេរិក ជារូបិយបណ្ណថៃបាត នៅក្នុងផ្សារមូលបត្រនៃព្រះរាជាណាចក្រថៃ ក្នុងគោលបំណងចម្បង កែនប្រមូលមូលនិធិពីក្រៅប្រទេសមកបំពេញតម្រូវការឥណទានរបស់ប្រជាពលរដ្ឋនៅក្នុងព្រះរាជាណាចក្រកម្ពុជា យកទៅពង្រីកមុខរបរ ឬអាជីវកម្មដើម្បីចូលរួមចំណែកដល់ការអភិវឌ្ឍសេដ្ឋកិច្ចជាតិ និងសង្គមកម្ពុជា។

ឆ្លៀតក្នុងឱកាសប្រកបដោយក្តីមោទនានេះ ធនាគារ ហត្ថា ម.ក សូមគោរពថ្លែងអំណរគុណយ៉ាងជ្រាលជ្រៅចំពោះ ការខិតខំគាំទ្រពីអាជ្ញាធរអាណាព្យាបាល គឺធនាគារជាតិនៃកម្ពុជា និងនិយ័តករមូលបត្រកម្ពុជា រហូត ធនាគារ ហត្ថា ទទួលបានភាពជោគជ័យក្នុងការបោះផ្សាយបណ្ណបំណុល និងឈ្នះពានរង្វាន់ IFR Asia Awards “Frontier Markets Issue in 2022” នាពេលនេះ។

អំពីធនាគារ ហត្ថា៖

ធនាគារ ហត្ថា ម.ក បានកម្លាយខ្លួនពី គ្រឹះស្ថានមីក្រូហិរញ្ញវត្ថុ ហត្ថាកសិករ លីមីតធីត នៅក្នុងនៅ ខែសីហា ឆ្នាំ ២០២០ បន្ទាប់ពីបានផ្តល់សេវាហិរញ្ញវត្ថុក្នុងប្រទេសកម្ពុជាអស់រយៈពេលជិត ៣០ ឆ្នាំ។

គិតត្រឹមខែមីនា ឆ្នាំ ២០២៣ ធនាគារ ហត្ថា មានការិយាល័យសាខាសរុបចំនួន ១៧៧ ការិយាល័យ ATM ចំនួន ១៤៣ ទីតាំង និងគណនីរបស់អតិថិជនជាង ៦៤៣ ពាន់គណនី ដែលមានផលប័ត្រសរុបជាង ១.៩ ពាន់លានដុល្លារ និងផលប័ត្រសន្សំសរុបជាង ១.៣ ពាន់លានដុល្លារ។ ធនាគារ ហត្ថា បានផ្តល់សេវាកម្មហិរញ្ញវត្ថុយ៉ាងទូលំទូលាយសម្រាប់អតិថិជន រួមមានប្រាក់កម្ចី ប្រាក់បញ្ញើសន្សំ សេវាផ្ទេរប្រាក់ក្នុងស្រុក សេវាផ្ទេរប្រាក់ឆ្លងធនាគារទៅកាន់ធនាគារក្នុងស្រុក សេវាផ្ទេរប្រាក់ឆ្លងប្រទេស សេវាអេធីអឹម សេវាធនាគារចល័ត (Hattha Mobile) សេវាបើកប្រាក់បៀវត្សរ៍ ក៏ដូចជាភ្នាក់ងារធានារ៉ាប់រង និង សេវាកម្មហិរញ្ញវត្ថុជាច្រើនទៀត។

ធនាគារ ហត្ថា គឺជាក្រុមបុត្រសម្ព័ន្ធរបស់ធនាគារ Krungsri Bank ដែលជាធនាគារពាណិជ្ជធំជាងគេទីប្រាំនៅក្នុងព្រះរាជាណាចក្រថៃ និងជាសមាជិកនៃក្រុម Mitsubishi UFJ Financial Group (MUFG) ដែលជាក្រុមហិរញ្ញវត្ថុដ៏ធំបំផុតរបស់ប្រទេសជប៉ុន ហើយក៏ជាសម្ព័ន្ធសេវាកម្មហិរញ្ញវត្ថុដ៏ធំបំផុតមួយនៅក្នុងពិភពលោកផងដែរ។

ប្រទេសជប៉ុនគ្រោងទាក់ទាញលំហូរ FDI ឱ្យបានចំនួន៧៤៩ពាន់លានដុល្លារនៅឆ្នាំ២០៣០

ដោយ: គង់ លាងហួរ

តូក្យូ: ប្រព័ន្ធផ្សព្វផ្សាយក្នុងស្រុកបានរាយការណ៍ថា រដ្ឋាភិបាលជប៉ុន គ្រោងទាក់ទាញលំហូរវិនិយោគផ្ទាល់ពីបរទេស ដែលមានតម្លៃ១០០ពាន់ពាន់លានយ៉េន (ប្រហែល៧៤៩ពាន់លានដុល្លារ) នៅឆ្នាំ២០៣០ ក្នុងគោលបំណងជំរុញ កំណើនសេដ្ឋកិច្ចរបស់ប្រទេសជប៉ុន។

សារពត៌មាន Kyodo News បានរាយការណ៍ថា គោលដៅជាលេខ ដែលដាក់បញ្ចូលទៅក្នុងផែនការសកម្មភាពថ្មី គឺស្មើប្រហែលទ្វេរដង នៃការវិនិយោគបរទេស ទំហំចំនួន៤៦,៦ពាន់ពាន់លានយ៉េន (៣៤៩ពាន់លានដុល្លារ) នៅចុងឆ្នាំ២០២២។

ប្រទេសជប៉ុនចង់បង្កើនជំហររបស់ខ្លួន ជាមជ្ឈមណ្ឌលផលិតកម្ម និងស្រាវជ្រាវ ដោយប្រើប្រាស់ការធ្លាក់ថ្លៃនៃប្រាក់យ៉េន ដើម្បីបម្រើជាការលើកទឹកចិត្តមួយ សម្រាប់ការវិនិយោគពីបរទេស។

ផែនការនេះក៏អំពាវនាវឱ្យទាក់ទាញ អ្នកដែលមានទេពកោសល្យពីបរទេស និងក្រុមDigital Nomad ខណៈដែលប្រទេសនេះប្រឈមនឹងការខ្វះខាតកម្លាំងពលកម្មធ្ងន់ធ្ងរ ហើយចំនួនប្រជាជនធ្វើការត្រូវបានគេព្យាករណ៍ថា នឹងធ្លាក់ចុះបន្ថែមទៀត។

Digital Nomad គឺជាក្រុមមនុស្សដែលប្រើប្រាស់ជិវិត នៅខាងក្រៅការិយាល័យដោយធ្វើការផង និងធ្វើដំណើរកម្សាន្តផង ដោយប្រើអ៊ីនធឺណេត ជាមធ្យោបាយចម្បងក្នុងការរកប្រាក់។

នៅក្រោមផែនការនេះ ប្រទេសជប៉ុននឹងប្រើប្រាស់មូលនិធិ និងធនធានផ្សេងទៀត ដើម្បីទាក់ទាញការវិនិយោគ លើវិស័យយុទ្ធសាស្ត្រ ដូចជាបន្ទះ semiconductors ឌីជីថលនីយកម្ម បច្ចេកវិទ្យាបៃតង និងការថែទាំសុខភាព ហើយនឹងស្វែងរកការអភិវឌ្ឍធនធានមនុស្សចាំបាច់ តាមរយៈកិច្ចសហប្រតិបត្តិការត្រីភាគី ក្នុងចំណោម រដ្ឋាភិបាល ក្រុមហ៊ុន និងបណ្ឌិត្យសភា៕

ខេត្តព្រះសីហនុត្រៀមរៀបចំវេទិកាទេសចរណ៍មេគង្គឆ្នាំ២០២៣ជាមួយវត្តមានប្រតិភូមកចូលរួមជិត២០ប្រទេស

ដោយៈ និស្ស័យ

ព្រះសីហនុៈ រដ្ឋមន្រ្តីក្រសួងទេសចរណ៍ លោកបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មការអន្តរក្រសួងដើម្បីរៀបចំ កិច្ចប្រជុំការងារទេសចរណ៍លើកទី៥១ និងវេទិកាទេសចរណ៍មេគង្គឆ្នាំ២០២៣។

កិច្ចប្រជុំនពមានការចូលរូមផងដែរ ពីលោកគួច ចំរើន អភិបាលនៃ គណៈអភិបាលខេត្តព្រះសីហនុ។វេទិកាទេសចរណ៍មេគង្គឆ្នាំ២០២៣ ក្រោមប្រធានបទ “ការគិតឡើងវិញសម្រាប់ភាពធន់ និងឌីជីថលនីយកម្ម (Rethink Resilience and Digitalization)នៅសណ្ឋាគារឯករាជ្យ ដោយមានការចូលរួមពីឯកឧត្តម លោកជំទាវ ថ្នាក់ដឹកនាំ នៃបណ្តាប្រទេសជាសមាជិកមហាអនុតំបន់មេគង្គ លោកឯកអគ្គរដ្ឋទូត លោក លោកស្រី តំណាងអង្គទូតពាក់ព័ន្ធ និងភ្ញៀវកិតិ្តយស។

លោកគួច ចំរើន អភិបាលខេត្តព្រះសីហនុ បានថ្លែងថា វេទិកាទេសចរណ៍មេគង្គក្រោមប្រធានបទ “គិតគូរឡើងវិញពីភាពធន់ និងឌីជីថល នីយកម្ម (Rethink Resilience and Digitalization)” ពិតជាមានសារៈសំខាន់ ផ្តល់ឱកាសឱ្យវាគ្មិនជាតិ-អន្តរជាតិ ដែលមានចំណេះដឹង និងបទពិសោធន៍ល្អៗ ចូលរួមពិភាក្សាលើប្រធានបទមួយចំនួនដូចជា៖ ១.ទេសចរណ៍វ័យឆ្លាត និងគោលដៅទេសចរណ៍វ័យឆ្លាតតាមរយៈបច្ចេកវិទ្យា ២.ការផ្តល់ភាពអង់អាចដល់ស្រ្តី ក្នុងវិស័យទេសចរណ៍ ៣.ការពង្រឹងមូលធនមនុស្ស ដើម្បីភាពធន់ក្នុងវិស័យទេស ចរណ៍ជាផ្នែកមួយសំខាន់ ក្នុងផែនការយុទ្ធសាស្រ្តអភិវឌ្ឍទេសចរណ៍ ឆ្លើយតបទៅនឹងតម្រូវការ និងនវានុវត្តន៍ជាក់ស្តែងក្នុងវិស័យទេសចរណ៍ នាពេលបច្ចុប្បន្ន ក៏ដូចជាទៅអនាគត។

លោករដ្ឋមន្ត្រី ថោង ខុន បានស្វាគមន៍វត្តមានរបស់គណៈប្រតិភូ និងភ្ញៀវកិត្តិយស មកពីប្រទេសចំនួន១៩ មកកាន់វេទិកាទេសចរណ៍មេគង្គឆ្នាំ២០២៣ ដែលកម្ពុជាបានធ្វើជាម្ចាស់ផ្ទះ និងបានអះអាងថា នេះជាលើកទី៣ ហើយដែលកម្ពុជាធ្វើជាម្ចាស់ផ្ទះនៃវេទិកាទេសចរណ៍មេគង្គនេះ។

វេទិកានេះគឺជាវេទិកាកិច្ចសហប្រតិបត្តិការ ដ៏ទូលំទូលាយមួយរបស់ GMS រវាងរដ្ឋាភិបាល អ្នករៀបចំគោលនយោបាយ វិទ្យាស្ថាន អ្នកជំនាញ អាជ្ញាធរពាក់ព័ន្ធ អ្នកពាក់ព័ន្ធវិស័យឯកជន និងសាធារណៈក្នុងឧស្សាហកម្មទេសចរណ៍ ដើម្បីពិភាក្សា និងចែករំលែកការអនុវត្តល្អៗ បទពិសោធន៍ ស្ថានភាពបច្ចុប្បន្ននៃការអភិវឌ្ឍន៍ទេសចរណ៍ ការសិក្សាទីផ្សារ និងការផ្សព្វផ្សាយទេសចរណ៍ក្នុងតំបន់ GMS ។

លោកបណ្ឌិត ថោង ខុន បានបន្ថែមទៀតថា ឆ្នាំ២០២៣ រាជរដ្ឋាភិបាលបានដាក់ចេញ ឆ្នាំទស្សនាកម្ពុជា ២០២៣ ក្រោមប្រធានបទ”គ្រប់ថ្ងៃ គឺជាអច្ឆរិយៈភាព”។ លើសពីនេះកម្ពុជាបានត្រៀមខ្លួនរួចជាស្រេចក្នុងការធ្វើជាម្ចាស់ផ្ទះ កីឡាស៊ីហ្គេមលើកទី៣២ ចាប់ពីថ្ងៃទី៥-១៧ ឧសភា និងអាស៊ានប៉ារ៉ាហ្គេមលើកទី១២ ចាប់ពីថ្ងៃទី ៣-៩ ខែមិថុនា ជាលើកដំបូងក្នុងប្រវត្តិសាស្ត្ររយៈពេល ៦៤ឆ្នាំ ក្រោមប្រធានបទ “កីឡារស់ក្នុងសន្តិភាព”។

ក្នុងនោះដែរលោកក៏បានអញ្ជើញ លោក លោកស្រី ចូលរួមទស្សនាការប្រកួតកីឡាស៊ីហ្គេម និងអាស៊ានប៉ារ៉ាហ្គេម ឆ្នាំ២០២៣ នៅកម្ពុជា ខណៈពេលនេះយើងនៅសល់ពេល៩ថ្ងៃទៀតពីពិធីបើក។

លោកបណ្ឌិត ថោង ខុន ក៏បានស្នើឱ្យប្រទេសសមាជិក GMS ទាំងអស់បន្តអនុវត្តយ៉ាងសកម្ម នូវផែនការ និងសកម្មភាពអាទិភាពដែលមានស្រាប់ដូចជា៖ យុទ្ធសាស្ត្រទេសចរណ៍មេគង្គ ២០១៦-២០២៥ បង្កើនការចូលរួមសកម្មភាព ភាពជាដៃគូសាធារណៈ និងឯកជន។

ជំរុញការទំនាក់ទំនង និងការផ្សព្វផ្សាយទេសចរណ៍រួមគ្នា “ប្រទេសចំនួនប្រាំមួយ ទិសដៅតែមួយ (Six countries, One distination)» តាមរយៈការអនុវត្តផែនការ ទំនាក់ទំនងការស្តារទេសចរណ៍ GMS (GMS Tourism Recovery Communication Plan) និងសកម្មភាពផ្សព្វផ្សាយរួមគ្នា ដើម្បីគាំទ្រដល់ការស្តារទេសចរណ៍ប្រកបដោយសុវត្ថិភាព និងនិរន្តរភាពក្នុងតំបន់មហាអនុតំបន់មេគង្គ។ ជម្រុញការអនុវត្ត GMS Tourism Recovery Toolkits ដើម្បីជួយដល់អ្នកពាក់ព័ន្ធ ក្នុងវិស័យទេសចរណ៍នៅក្នុងតំបន់ GMS ដើម្បីកសាងឡើងវិញ នូវវិស័យទេសចរណ៍របស់ពួកគេ ឱ្យកាន់តែមានប្រសិទ្ធភាព បន្តសហការជាមួយដៃគូអភិវឌ្ឍន៍ អង្គការអន្តរជាតិ វិស័យឯកជន និងប្រព័ន្ធផ្សព្វផ្សាយ ដើម្បីជំរុញការងើបឡើងវិញប្រកបដោយភាពធន់។

តាមរយៈការពិភាក្សា នៅក្នុងវេទិកាទេសចរណ៍មេគង្គឆ្នាំ២០២៣នេះ នឹងទទួលបានការយល់ដឹងបន្ថែម ជាមូលដ្ឋានគ្រឹះសម្រាប់ការអភិវឌ្ឍក្របខ័ណ្ឌច្បាប់ចាំបាច់ ដើម្បីលើកកម្ពស់ និងជម្រុញការអភិវឌ្ឍទេសចរណ៍សម្រាប់តំបន់ GMS ទាំងមូលផងដែរ៕

ប្រធានសមាគមកម្ពុជា ជប៉ុនកំពុងធ្វើការសំខាន់ចំនួន៤និងបានបង្ហើបក្នុងជំនួបជាមួយសម្តេចតេជោ

ដោយៈ ហ្វីអូណា

ភ្នំពេញៈ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអនុញ្ញាតឲ្យលោក តាកាហាស៊ី ហ្វូមីអាគី (Takahashi fumiaki) ប្រធានសមាគមជប៉ុន-កម្ពុជា ចូលជួបសម្តែងការគួរសម និងពិភាក្សាការងារ។

ក្នុងជំនួបនៅវិមានសន្តិភាព នារសៀលថ្ងៃទី២៦ ខែមេសាឆ្នាំ២០២៣ កន្លងមក លោកតាកាហាស៊ី បានគោរពរាយការណ៍ជូនសម្ដេចតេជោ អំពីវឌ្ឍនភាពរបស់សមាគមជប៉ុន -កម្ពុជា ដែលក្នុងនោះទី១- កំពុងរៀបចំវេទិកាព័ត៌មាន អំពីសក្ដានុពលវិនិយោគនៅកម្ពុជា ដើម្បីផ្សព្វផ្សាយដល់ប្រជាជនជប៉ុន ជាពិសេសសហគ្រាសខ្នាតតូច និងមធ្យមជប៉ុន ដែលកំពុងស្វែងរកការវិនិយោគ នៅក្រៅប្រទេស។

ទី២-កំពុងជំរុញការអភិវឌ្ឍធនធានមនុស្ស លើវិស័យកែសម្ផស្ស, លើសវិស័យជួសជុលយានយន្ត និងលើវិស័យ បដិសណ្ឋារកិច្ច។ទី៣-កំពុងរៀបចំខួប ៧០ឆ្នាំ នៃទំនាក់ទំនងការទូតរវាងប្រទេសទាំងពីរ ដែលក្នុងនោះ នឹងមានការអុចកាំជ្រួចអបអរសាទរផងដែរ នៅថ្ងៃទី១៩ ខែកញ្ញា ឆ្នាំ ២០២៣ ខាងមុខ។

ទី៤- ជំរុញការនាំចេញផលិតផលពីកម្ពុជាទៅជប៉ុន និងកែច្នៃផលិតផលកម្ពុជា សម្រាប់ដាក់លក់លើកទីផ្សារ។

ទី៥- គោរពសម្ដែងការអបអរសាទរជូន ចំពោះសម្ដេចតេជោ ដែលបានរៀបចំ និងដឹកនាំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធទទួលបានជោគជ័យយ៉ាងត្រចះត្រចង់។

ជាការឆ្លើយតប សម្ដេចតេជោ ហ៊ុន សែន បានថ្លែងអំណរគុណជូនចំពោះឯកឧត្តម តាកាហាស៊ី ដែលបានធ្វើរបាយការណ៍ជូនសម្ដេច ហើយបានលើកទឹកចិត្ត ឱ្យបន្តការខិតខំចលនាអ្នកវិនិយោគមកកម្ពុជា ដែលជាអាទិភាពរបស់កម្ពុជា ហើយនៅពេលនេះ កម្ពុជា ក៏មានច្បាប់វិនិយោគថ្មីដែរ ដែលច្បាប់វិនិយោគនោះ នឹងផ្ដល់នូវភាពអនុគ្រោះច្រើន សម្រាប់ការវិនិយោគនៅកម្ពុជា។

សម្ដេចតេជោ ក៏បានស្នើសុំឲ្យលោកតាកាហាស៊ី បន្តជួយដល់កម្ពុជាលើការអភិវឌ្ឍធនធានមនុស្ស ហើយក៏បានជម្រាបជូនឯកឧត្តមផងដែរថា កម្ពុជា នៅពេលនេះ កំពុងមានគម្រោងបណ្ដុះបណ្ដាលជនក្រីក្រ ប្រមាណ១,៥លាននាក់ ដើម្បីឲ្យពួកគាត់ងាយរកការងារធ្វើ។ ជាមួយគ្នានោះដែរ សម្ដេចតេជោ បានស្នើសុំឲ្យលោក តាកាហាស៊ី ជំរុញការនាំផលិតផលកម្ពុជា ទៅកាន់ប្រទេសជប៉ុន។

សម្ដេចបានមានប្រសាសន៍ថា “ផលិតផលរបស់កម្ពុជានៅពេលនេះ មានគុណភាពល្អ ហើយមិនប្រើគីមីច្រើនទេ”។

សម្ដេចតេជោ នាយករដ្ឋមន្ត្រី ក៏បានថ្លែងអំណរគុណជូនចំពោះឯកឧត្តម តាកាហាស៊ីដែលបានអបអរសាទរ ចំពោះការដឹកនាំរៀបចំកិច្ចប្រជុំកំពូលអាស៊ាន និងកិច្ចប្រជុំកំពូលពាក់ព័ន្ធ។ សម្ដេចថា នៅពេលដែលកម្ពុជា ដឹកនាំកិច្ចប្រជុំកំពូលអាស៊ាន និងកិច្ចប្រជុំពាក់ព័ន្ធនោះ គឺស្ថានភាពមានការពិបាកច្រើន ទាំងនៅក្នុងតំបន់ និងទាំងក្នុងពិភពលោក ព្រោះថានៅពេលនោះ គឺមានបញ្ហាពាក់ព័ន្ធនឹងប្រទេសមីយ៉ាន់ម៉ា ពាក់ព័ន្ធនឹងបញ្ហាសមុទ្រចិនខាងត្បូង ក៏ដូចជាបញ្ហាតៃវ៉ាន់, បញ្ហាសង្គ្រាមរុស្ស៊ី និងអ៊ុយក្រែន ក៏ដូចជាបញ្ហាការប្រឈមមុខខាងផ្នែកភូមិសាស្ត្រនយោបាយផងដែរ។

ប៉ុន្តែទោះជាយ៉ាងណាក៏ដោយ កម្ពុជា បានដឹកនាំកិច្ចប្រជុំដោយរក្សាបាននៅមជ្ឈភាពអាស៊ាន, សាមគ្គីភាពអាស៊ាន និងរក្សាបាននូវឥទ្ធិពលអាស៊ាន ក៏ដូចជាបានចេញសេចក្ដីថ្លែងការណ៍ និងឯកសារទាំងអស់ ដោយគ្មានការប្រឈមមុខដាក់គ្នាឡើយ ៕

ក្រុមហ៊ុនអាមេរិក Boeing ចាប់ដៃគូជាមួយកូរ៉េខាងត្បូង ដើម្បីពង្រីកសកម្មភាពស្រាវជ្រាវ និងអភិវឌ្ឍបច្ចេកវិទ្យាអាកាសចរណ៍

ដោយ: គង់ លាងហួរ

សាន់ហ្វ្រាន់ស៊ីស្កូៈ ក្រុមហ៊ុន Boeing បានចុះហត្ថលេខាលើកិច្ចព្រមព្រៀងភាពជាដៃគូថ្មីមួយ ជាមួយឧស្សាហកម្មរបស់ប្រទេសកូរ៉េខាងត្បូង ដើម្បីពង្រីកសកម្មភាពស្រាវជ្រាវ និងអភិវឌ្ឍរួមគ្នានូវបច្ចេកវិទ្យាអាកាសចរណ៍បន្ថែមទៀត។

ក្រុមហ៊ុន Boeing វិទ្យាស្ថានវាយតម្លៃឧស្សាហកម្ម បច្ចេកវិទ្យាកូរ៉េ (KEIT) និងវិទ្យាស្ថាន Korea Institute for Advancement of Technology (KIAT) នឹងសហការគ្នាលើប្រព័ន្ធ ផលិតកម្មកម្រិតខ្ពស់ សម្រាប់ការផលិតយន្តហោះពាណិជ្ជកម្ម ការចល័តខ្យល់ក្នុងទីក្រុង គ្រឿងអេឡិចត្រូនិកក្នុងលំហអាកាស និងបណ្តុះទេពកោសល្យឧស្សាហកម្មនៅក្នុងប្រទេសកូរ៉េខាងត្បូង។

វិទ្យាស្ថានវាយតម្លៃឧស្សាហកម្មបច្ចេកវិទ្យាកូរ៉េ (KEIT) នឹងកំណត់អត្តសញ្ញាណក្រុមហ៊ុនកូរ៉េខាងត្បូង ដែលមានសក្តានុពលសម្រាប់ការចូលរួម ខណៈដែលវិទ្យាស្ថាន KIAT នឹងផ្តោតលើការកំណត់តំបន់សម្រាប់ការស្រាវជ្រាវ ការអភិវឌ្ឍន៍ និងការធ្វើពាណិជ្ជកម្មនៃសមាសធាតុទំនើបកម្រិតខ្ពស់សម្រាប់យន្តហោះ។

តាមរយៈកិច្ចសហប្រតិបត្តិការនេះ ក្រុមហ៊ុន Boeing និងស្ថាប័នស្រាវជ្រាវខាងលើ នឹងស្វែងរកឱកាស ដើម្បីធ្វើកិច្ចសហប្រតិបត្តិការលើវិស័យឯកជន និងសាធារណៈ។ កិច្ចខិតខំប្រឹងប្រែងទាំងនេះមានគោលបំណងលើកកម្ពស់ ការប្រកួតប្រជែងនៃឧស្សាហកម្មអវកាសរបស់កូរ៉េខាងត្បូង និងពង្រឹងសមត្ថភាពអវកាសនាពេលអនាគតរបស់ក្រុមហ៊ុន Boeing ។

យោងតាមក្រុមហ៊ុន Boeing បានឱ្យដឹងថា ក្រុមហ៊ុនខ្លួនបានចំណាយប្រាក់ជាង៤ពាន់លានដុល្លារអាមេរិក ជាមួយក្រុមហ៊ុនផ្គត់ផ្គង់កូរ៉េខាងត្បូងជាង៥០ នៅក្នុងរយៈពេល១៥ឆ្នាំកន្លងមកនេះ៕

វិមានក្រឹមឡាំង ព្រមានរឹបអូសទ្រព្យសម្បត្តិរបស់លោកខាងលិច បន្ថែមទៀតជាការសងសឹក

ដោយៈ សុខុម

ម៉ូស្គូ: វិមានក្រឹមឡាំង បានព្រមានក្ដែងៗកាលពីថ្ងៃពុធ ទី២៦ ខែមេសា ថា ខ្លួនអាចនឹងរឹបអូសទ្រព្យសម្បត្តិ របស់លោកខាងលិច បន្ថែមទៀតជាការសងសឹក ចំពោះចំណាត់ការប្រឆាំងនឹងបណ្ដាក្រុមហ៊ុនរុស្ស៊ី។

ការព្រមាននេះធ្វើឡើង បន្ទាប់ពីរុស្ស៊ី បានរឹបអូសយកមកកាន់កាប់ជាបណ្តោះអាសន្ន នូវទ្រព្យសម្បត្តិរបស់ក្រុមហ៊ុនអឺរ៉ុបចំនួន២។

ប្រធានាធិបតីរុស្ស៊ី លោក វ្ល៉ាឌីមៀ ពូទីន កាលពីល្ងាចថ្ងៃអង្គារ ទី២៥ ខែមេសា បានចុះហត្ថលេខាលើក្រឹត្យ រឹបអូសយកមកកាន់កាប់ជាបណ្តោះអាសន្ន នូវទ្រព្យសម្បត្តិរបស់ក្រុមហ៊ុនហ្វាំងឡង់ Fortum និងក្រុមហ៊ុនអាល្លឺម៉ង់ Uniper ដែលក្រុមហ៊ុនទាំង២នេះ ដំណើរការរោងចក្រថាមពលនៅក្នុងប្រទេសរុស្ស៊ី។

ជាការឆ្លើយតប ក្រុមហ៊ុន Fortum និយាយថា ខ្លួនកំពុង “បើកការស៊ើបអង្កេត” ខណៈក្រុមហ៊ុន Uniper ដែលធ្លាប់ជាបុត្រសម្ព័ន្ធរបស់ Fortum បញ្ជាក់ថា ខ្លួនកំពុង “ពិនិត្យមើល” ចំណាត់ការនេះ។

អ្នកនាំពាក្យក្រសួងហិរញ្ញវត្ថុ នៃប្រទេសអាល្លឺម៉ង់ បញ្ជាក់ថា រដ្ឋាភិបាលក្រុងប៊ែរឡាំង ចាំបាច់ត្រូវធ្វើការវាយតម្លៃផលប៉ះពាល់ ជាក់ស្តែងនៃក្រឹត្យរបស់ប្រទេសរុស្ស៊ី។

លោកស្រី Tytti Tuppurainen រដ្ឋមន្ត្រីជិតចប់អាណត្តិនៃប្រទេសហ្វាំងឡង់ ទទួលបន្ទុកគ្រប់គ្រងទ្រព្យសម្បត្តិរដ្ឋ បានសរសេរបង្ហោះលើបណ្ដាញទំនាក់ទំនងសង្គម Twitter ថា ដំណឹងនេះ “គួរឱ្យព្រួយបារម្ភ” ហើយថារដ្ឋក្នុងនាមជាម្ចាស់ភាគច្រើន របស់ក្រុមហ៊ុន Fortum នឹងតាមដានបញ្ហានេះយ៉ាងយកចិត្តទុកដាក់បំផុត។

ទីក្រុងមូស្គូ បានបញ្ចេញប្រតិកម្ម ទាំងកំហឹងឆេះឆួលឆ្លើយតបទៅនឹងព័ត៌មាន ដែលចុះផ្សាយថា ក្រុមប្រទេស G7 កំពុងពិចារណាដាក់បម្រាមទាំងស្រុង លើការនាំចេញទៅកាន់ប្រទេសរុស្ស៊ី ខណៈប្រទេសជាច្រើន បានអំពាវនាវឱ្យដាក់ទណ្ឌកម្ម កាន់តែធ្ងន់ធ្ងរលើប្រទេសរុស្ស៊ី ដើម្បីកាត់បន្ថយសមត្ថភាពរបស់រុស្ស៊ី នៅក្នុងការធ្វើសង្គ្រាមនៅប្រទេសអ៊ុយក្រែន។

ទន្ទឹមនឹងនេះ សហភាពអឺរ៉ុប ក៏កំពុងសម្លឹងរកឱកាសយកមកប្រើប្រាស់ នូវទ្រព្យសម្បត្តិរបស់រុស្ស៊ី ដែលត្រូវបានបង្កក ដើម្បីកសាងប្រទេសអ៊ុយក្រែន ឡើងវិញផងដែរ៕ Reuters៕

1...957958959...3,257 Page 958 of 3,257