ក្រុង Riyadh របស់ប្រទេសអារ៉ាប៊ីសាអូឌីតជាប់ចំណាត់ថ្នាក់ជាទីក្រុងឆ្លាតវៃសកលដ៏ល្អបំផុតមួយ

ដោយ: គង់ លាងហួរ

អន្តរជាតិ: ទីក្រុង Riyadh បានយកឈ្នះរដ្ឋធានី នៃប្រទេសបារាំង អាល្លឺម៉ង់ និងអេស្ប៉ាញ ក្នុងចំណាត់ថ្នាក់ទីក្រុងឆ្លាតវៃជាសកល ដោយមានទីក្រុង Makkah Jeddah និង Madinah បានរួមបញ្ចូលក្នុងបញ្ជីនេះជាលើកដំបូង។

បញ្ជីដែលស្វែងរកវិធីដែលបច្ចេកវិទ្យា កំពុងផ្តល់លទ្ធភាពឱ្យទីក្រុងនានាសម្រេចបាន នូវគុណភាពជីវិតកាន់តែខ្ពស់ សម្រាប់អ្នករស់នៅរបស់ពួកគេ បានដាក់រដ្ឋធានីអារ៉ាប៊ីសាអូឌីត (Riyadh) ឱ្យជាប់ចំណាត់ថ្នាក់ទី៣០ ក្នុងចំណាត់ថ្នាក់ពិភពលោក ដែលធ្វើឱ្យវាក្លាយជាទីក្រុងអារ៉ាប់ខ្ពស់បំផុតទី៣។

ចំណែក ទីក្រុង Makkah ជាប់ចំណាត់ថ្នាក់ទី៥២ ដែលនៅតែធ្វើឱ្យវាក្លាយជាទីក្រុងអារ៉ាប់ខ្ពស់បំផុតទី៤ ដោយទីក្រុង Jeddah ជាប់ចំណាត់ថ្នាក់ទី៥៦ និងទីក្រុងMadinah ជាប់ចំណាត់ថ្នាក់ទី៨៥។

លើសពីនេះទៀត ទីក្រុង Abu Dhabi និងទីក្រុង Dubai បាននាំមុខគេ សម្រាប់បណ្តាទីក្រុងអារ៉ាប់នានា ដោយចូលមកនៅចំណាត់ថ្នាក់ទី១៣ និងទី១៧ រៀងៗគ្នា។

យោងតាមទីភ្នាក់ងារសារព័ត៌មាន អារ៉ាប៊ីសាអូឌីតបានឱ្យដឹងថា អង្គការសង្កេតការណ៍ទីក្រុងឆ្លាតវៃ គឺជាសន្ទស្សន៍សកលមួយ ដែលវាយតម្លៃការត្រៀមខ្លួនរបស់ទីក្រុង ហើយវាជាឧបករណ៍វាយតម្លៃ និងវិធីសាស្រ្តរួម អន្តរកម្មសម្រាប់អ្នករៀបចំ ផែនការទីក្រុង អ្នកធ្វើការសម្រេចចិត្ត និងអ្នកស្រាវជ្រាវ ដើម្បីវាយតម្លៃប្រព័ន្ធបច្ចេកវិទ្យាឆ្លាតវៃ និងរួមចំណែកលើកកម្ពស់ ជីវភាពរស់នៅរបស់ប្រជាពលរដ្ឋ។

ភាពប្រសើរឡើងនៃចំណាត់ថ្នាក់ ទីក្រុងរបស់អារ៉ាប៊ីសាអូឌីតនេះនៅក្នុងសន្ទស្សន៍ទីក្រុងឆ្លាតវៃ គឺជាលទ្ធផលនៃការខិតខំប្រឹងប្រែងសហការរបស់ភ្នាក់ងារពាក់ព័ន្ធទាំងអស់ រួមទាំងវេទិកាទីក្រុងឆ្លាតវៃជាតិ ដែលបើកដំណើរការដោយអាជ្ញាធរទិន្នន័យ និងបញ្ញាសិប្បនិមិត្តរបស់អារ៉ាប៊ីសាអូឌីត៕

បុរីបុស្បាប្រកាសបើកលក់គម្រោងផ្ទះវីឡាទំនើបម៉ូតថ្មីជាមួយ នឹងការបញ្ចុះតម្លៃពិសេសជូនអតិថិជន

ដោយៈ វឌ្ឈនៈ

ភ្នំពេញៈ បុរីបុស្បាបានប្រកាសបើកលក់ជាផ្លូវការ នូវផ្ទះវីឡាទំនើបម៉ូតថ្មីរបស់ខ្លួន កាលពីថ្ងៃទី៨ មេសា ២០២៣ ដោយមានការបញ្ចុះតម្លៃពិសេសជូនអតិថិជនផងដែរ។

ពិធីប្រកាសបើកលក់គម្រោងផ្ទះវីឡាម៉ូតថ្មីនេះដែរ ក៏មានការចូលរួមពីភ្ញៀវកិត្តិយសជាច្រើន រួមទាំងមានការចូលរួមពីលោកឆន សុវណ្ណារាជ និងអ្នកនាងមាស សុខសោភា តារាចម្រៀងល្បីប្រចាំប្រទេសកម្ពុជាផងដែរ។

យោងតាមសេចក្ដីប្រកាសព័ត៌មានរបស់បុរីបុស្បា បានឱ្យដឹងថា ការដាក់ចេញលក់ផ្ទះវីឡាដ៏ប្រណិតមួយនេះ គឺដើម្បីឆ្លើយតបទៅនឹងការសំណូមពរ របស់អតិថិជន ដែលតែងតែគាំទ្រ និងមានក្ដីស្រម៉ៃ ចង់រស់នៅក្នុងបុរីបុស្បា ជាមួយនឹងតម្លៃដ៏ល្អបំផុតនេះ។ ប្រណិតភាព ភាពស៊ីវិល័យ និងផាសុកភាពរបស់វីឡាកូនកាត់មួយនេះ គឺជាប្រភេទវីឡាលំដាប់ស្តង់ដារ ដែលរចនាបថខាងក្រៅ ផ្ដល់ភាពស្រស់ស្អាតគ្រប់សម័យកាល ទាំងម៉ូតផ្ទ ពណ៌ផ្ទះ និងការតុបតែង រំលេចនូវភាពឆើតឆាយ និងភាពថ្លៃថ្នូរសម្រាប់ការរស់នៅរបស់មនុស្សមស័យថ្មី។

រីឯរចនាបថខាងក្នុងវិញ មានភាពធំទូលាយ ផ្ដល់ជូនពន្លឺ និងខ្យល់អាកាសចេញចូលគ្រប់គ្រាន់ ធំទូលាយ ដែលផ្ដល់ឱ្យគ្រួសារនូវបទពិសោធន៍រស់នៅថ្មី រស់រវើក និងសម្បូរបែប ជាមួយធម្មជាតិថែមទៀតផង ។

បន្ទប់ទទួលភ្ញៀវមានទំហំស្រឡះ សម្រាប់ការស្វាគមន៍ភ្ញៀវយ៉ាងកក់ក្ដៅ មានបរិវេណសម្រាប់ការពិភាក្សាការងារផ្សេងៗ ។ បន្ទប់ញ៉ាំអាហារមានភាពប្រណិត ឥតខ្ចោះ ដែលលោកអ្នកអាចបំពាក់នូវសម្ភារៈទំនើប ទាន់សម័យ និងគុណភាពខ្ពស់ ។

ក្រុមហ៊ុនបុស្បាក៏បានបង្ហាញ ពីលក្ខណៈពិសេសរបស់វីឡាកូនកាត់ម៉ូតថ្មីនេះផងដែរ ដូចជា មានរបងព័ទ្ធជុំវិញប្រកបដោយសុវត្ថិភាព គ្រប់ផ្ទះបែទៅទិសខាងកើត គ្រប់ជាន់មានកម្ពស់ខ្ពស់ស្រឡះល្អ ហើយផ្ទះមានរចនាបថទំនើប និងទាន់សម័យផងដែរ ។ អ្វីដែលពិសេសនោះគឺលក្ខខណ្ឌបង់ប្រាក់ ងាយស្រួលបំផុតមិនធ្លាប់មាន ជាមួយនឹងការបញ្ចុះតម្លៃដ៏ធំសម្បើម ដោយសំណង់ក៏មានភាពរឹងមាំលើសពី៥០ឆ្នាំ ។

ក្នុងសេចក្ដីប្រកាសព័ត៌មានដដែលបានឱ្យដឹងថា រាល់អតិថិជនដែលទិញវីឡាកូនកាត់ នៅក្នុងខែមេសានេះ នឹងទទួលបានការផ្ដល់ជូនដ៏ពិសេស ដែលមិនធ្លាប់មាន ដូចជា ការបញ្ចុះតម្លៃដ៏ធំសម្បើមរហូតដល់៣៣ភាគរយ បង់រំលស់ឥតការប្រាក់រហូតដល់២៤ខែ លក្ខខណ្ឌបង់ប្រាក់ងាយស្រួលដែលមិនធ្លាប់ ។ អតិថិជនអាចបង់រំលស់ក៏មានការបញ្ចុះតម្លៃបង់ផ្ដាច់ ក៏មានការបញ្ចុះតម្លៃផងដែរ ។

លោកទឹម វណ្ណនី នាយកប្រតិបត្តិនៃក្រុមហ៊ុនបុរីបុស្បា បានមានប្រសាសន៍ថា ក្រុមហ៊ុនមានចក្ខុវិស័យអភិវឌ្ឍន៍ លំនៅឋានឱ្យបាន១ម៉ឺនផ្ទះ នៅក្នុងឆ្នាំ២០៣០ និងជាផ្ទះប្រកបដោយគុណភាពសម្រាប់ផ្ដល់ជូនប្រជាពលរដ្ឋ ដែលកំពុងមានតម្រូវការលំនៅឋាន សម្រាប់ស្នាក់នៅ។

គម្រោងបុស្បា អប្សរមេរា មានផ្ទះប្រណិតៗចំនួន៨ប្រភេទ រួមមាន វីឡាទោសហេរ៉ូ វីឡាទោសអេនជែល វីឡាភ្លោះស៊ុបពើធ្វីន វីឡាភ្លោះ ម៉ូឌឺនធ្វីន វីឡាកូនកាត់ ផ្ទះអាជីវកម្មខ្នាតធំ ផ្ទះអាជីវកម្មខ្នាតមធ្យម A និង B ៕

លោកឧកញ៉ាកាង សុធីបង្ហាញពីវិធីសាស្រ្ត និងទីតាំងគួរ វិនិយោគផ្នែកដីធ្លី

ដោយៈ ជេស៊ីកា

ភ្នំពេញៈ អ្នកវិនិយោគដីធ្លីជាច្រើនបាន និងកំពុងសម្លឹងរកឱកាសវិនិយោគលើដីធ្លី ដើម្បីទទួលបានផលចំណេញខ្ពស់ ជាពិសេសនោះនៅក្នុងដំណាក់កាលមួយ ដែលអ្នកលក់ដីច្រើនជាងអ្នកទិញ។

លោកឧកញ៉ាកាង សុធី វិនិយោគិនដីធ្លីជាអគ្គនាយកក្រុមហ៊ុនអចលនទ្រព្យ Century 21 Land Station បានបង្ហាញពីគន្លឹះមួយចំនួនដល់វិនិយោគិន សម្រាប់ជាទុនមុននឹងសម្រេចទិញដីធ្លី នៅតំបន់ណាមួយនោះ។

លោកបានមានប្រសាសន៍ថា មុនទិញដីនៅតំបន់ណា ដើម្បីឱ្យទទួលបានផលចំណេញខ្ពស់ក្នុងរយៈពេលខ្លះ គេត្រូវមើលទៅកត្តាអភិវឌ្ឍន៍ហេដ្ឋារចនាសម្ព័ន្ធ ។

លោកបន្តថា “យើងត្រូវតាមដាននូវព័ត៌មាន ពីការអភិវឌ្ឍរបស់រដ្ឋាភិបាល ព្រោះនៅពេលរដ្ឋាភិបាលប្រកាស ពីការអភិវឌ្ឍនៅតំបន់ណាមួយ តំបន់នោះនឹងមានការឡើងថ្លៃដីធ្លីភ្លាមៗ”។ លោកបន្តថា “ដូច្នេះបើសិនជាយើង តាមដានព័ត៌មានជាប់លាប់ ពីផែនការអភិវឌ្ឍរបស់រដ្ឋាភិបាលនោះ យើងនឹងមានឱកាសមុនគេ ក្នុងការទិញដីធ្លីសម្រាប់យកផលចំណេញ”។

លោកឧកញ៉ាកាង សុធីបានបន្តទៀតថា ក្រោយពីរដ្ឋាភិបាលប្រកាសរួច ការអភិវឌ្ឍមិនទាន់ត្រូវបានធ្វើឡើងភ្លាមៗទេ។ ដូច្នេះយើងតាមដានមើលថា តើគម្រោងនោះអភិវឌ្ឍន៍នៅពេលណា។ ដូច្នេះនៅពេលអភិវឌ្ឍន៍ យើងអាចមានឱកាស ក្នុងការទិញដីនោះម្ដងទៀត ដើម្បីទទួលបានផលចំនេញនៅពេលអនាគត។

លោកបន្តថា “ការឡើងថ្លៃដីមិនទាន់ត្រូវបានបញ្ចប់ទេ នៅពេលគម្រោងអភិវឌ្ឍន៍បានធ្វើរួចរាល់ ឱកាសនៃការឡើងថ្លៃដីធ្លី ក៏បានឡើងមួយកម្រិតទៀតដែរ ដូច្នេះហើយអ្នកចេះក្ដាប់ឱកាសទាំងនោះ នឹងទទួលបានផលចំណេញក្នុងរយៈពេលខ្លះ”។

ជាមួយគ្នានេះ ឧកញ៉ាកាង សុធីក៏បានហាមអ្នកទិញដីធ្លី មិនគួរទិញដីក្នុងតំបន់មួយចំនួនផងដែរដូចជា តំបន់ជាប់ម៉ុងខ្មោច តំបន់ផ្លូវទ័ល តំបន់មានផ្លូវូតូចៗ ដីមានរាងសណ្ឋានមិនស្អាត ដីគ្មានកម្មសិទ្ឋច្បាស់លាស់ជាដើម៕

ដំណឹងល្អៈស្ពានយោងដោយខ្សែកាបតភ្ជាប់ពីផ្លូវជាតិលេខ៥ទៅកាន់ទីក្រុងរណបជ្រោយចង្វារបើកដំណើរការថ្ងៃនេះហើយ

ដោយៈ គង់ សូរិយា

ភ្នំពេញៈ ការធ្វើដំណើរកាន់តែងាយស្រួលហើយ សម្រាប់អ្នកឆ្លងកាត់តំបន់នេះ ដោយស្ពានយោងដោយខ្សែកាបឆ្លងកាត់ទន្លេសាប ដែលតភ្ជាប់ពីផ្លូវជាតិលេខ៥ ទៅកាន់តំបន់ជ្រោយចង្វារបានបើកដំណើការនៅថ្ងៃនេះ។

នៅថ្ងៃទី១០ មេសា ២០២៣ រដ្ឋបាលរាជធានីភ្នំពេញបានបើកអោយដំណើរការបណ្តោះអាសន្ន ស្ពានបេតុងខ្សែកាបឫស្សីកែវដើម្បីសំរួលការកកស្ទះចរាចរ ហើយនឹងបិទស្ពានដែកបេឡេវិញ។ នេះជាស្ពានខ្សែកាបលើកដំបូង ដែលបានកសាងឡើងក្នុងរាជធានីភ្នំពេញ។

Investors pour into Chinese stocks, bonds lifting March EM capital flows: IIF

LONDON: Investors ploughing into Chinese stocks and bonds lifted emerging market portfolio flows for a third straight month in March, data from the Institute of International Finance (IIF) showed on Thursday (Apr 6).
Overall, investors put US$9.4 billion into emerging markets, including US$6.8 billion into stocks and US$2.6 billion into debt securities.

The combined monthly figure, while positive, is the lowest of 2023, showing cooling enthusiasm for emerging market investments as central bank rate hikes worldwide aimed at tackling inflation increased funding costs for debt.

Flows into Chinese stocks more than doubled from February to US$7.2 billion, bringing total investment into Chinese equities this year to US$30 billion, with the removal of COVID-19 restrictions still boosting
markets.

Money going into Chinese debt also rose, to US$3 billion, from US$800 million in February.

But emerging markets outside China saw outflows of US$500 million from equities and US$400 million from bonds.

“Markets have begun to take a more cautious approach to developing-market assets as an early-year rally fades and a soft landing for the global economy appears,” IIF economist Jonathan Fortun said in a statement.

“We see a crowding out effect from EM debt, with juicy yields available in more mature markets, the incentive is lower for investors to take on extra risk,” he added.

Source: Reuters

ក្រុមវិនិយោគិនជាច្រើននាំគ្នាវិនិយោគចូលទីផ្សារភាគហ៊ុន និងមូលបត្របំណុលរបស់ប្រទេសចិន

ដោយ: គង់ លាងហួរ
ក្រុងឡុងដ៍ៈ យោងតាមទិន្នន័យ ពី វិទ្យាស្ថាន ហិរញ្ញវត្ថុ អន្តរជាតិ (IIF) បាន បង្ហាញ ថា វិនិយោគិន ដែល ហូរចូល ផ្សារហ៊ុន និង មូលបត្រ បំណុល របស់ ប្រទេស ចិន បាន ធ្វើ ឲ្យ លំហូរ ផលបត្រនៃ ទីផ្សារ កំពុង រីកចម្រើន ក្នុង រយៈពេល ៣ខែ ជាប់ ៗគ្នា។

សរុបមក វិនិយោគិនបានដាក់ថវិកា៩,៤ពាន់លានដុល្លារចូលទៅក្នុងទីផ្សារដែលកំពុងរីកចម្រើន ដែលក្នុងនោះ៦,៨ពាន់លានដុល្លារដាក់ទៅក្នុងភាគហ៊ុន និង២,៦ពាន់លានដុល្លារទៀតទៅក្នុងមូលបត្របំណុល។

លំហូរចូលផ្សារហ៊ុនចិនកើនឡើងជាងទ្វេរដងពីខែកុម្ភៈដល់៧,២ពាន់លានដុល្លារ ដែលនាំឱ្យការវិនិយោគសរុបទៅក្នុងភាគហ៊ុនរបស់ចិននៅឆ្នាំនេះកើនរហូតដល់ទៅ៣០ពាន់លានដុល្លារ ដោយការលុបចោលការរឹតបន្តឹងលើជំងឺកូវីដ នៅតែជំរុញទីផ្សារ។

ប្រាក់ ដែល ហូរចូល ទៅ ក្នុង បំណុល ចិន ក៏ បាន កើន ឡើង ដល់៣ពាន់ លាន ដុល្លារ ផង ដែរ ពី៨០០លាន ដុល្លារ ក្នុង ខែ កុម្ភៈ។ ប៉ុន្តែទីផ្សារដែលកំពុងរីកចម្រើននៅខាងក្រៅប្រទេសចិនបានមើលឃើញលំហូរចេញ(Outflow)ចំនួន៥០០លានដុល្លារពីភាគហ៊ុន និង៤០០លានដុល្លារពីមូលបត្របំណុល។

លោក Jonathan Fortun សេដ្ឋវិទូរបស់ IIF បានឱ្យដឹងនៅក្នុងសេចក្តីថ្លែងការណ៍មួយថា “ទីផ្សារបានចាប់ផ្តើមប្រើវិធីសាស្រ្តប្រុងប្រយ័ត្នបន្ថែមទៀតចំពោះការអភិវឌ្ឍទ្រព្យសកម្មទីផ្សារ ស្របពេលដែលការកើនឡើងនៅដើមឆ្នាំបានធ្លាក់ចុះ ហើយការធ្លាក់ចុះសន្សឹមៗនៃសេដ្ឋកិច្ចពិភពលោកបានលេចចេញឡើង”៕

Global trade growth to slow to 1.7 percent in 2023 : WTO report

GENEVA, April 5 (Xinhua) — Global trade growth in 2023 will slow to 1.7 percent, the World Trade Organization (WTO) said in its annual trade statistics and outlook report,
published on Wednesday.

The volume of world merchandise trade has been weighed down by the effects of the conflict in Ukraine, high inflation, tighter monetary policy and financial market uncertainty, the report said.

However, the forecast for trade growth in 2023 is up from the previous estimate of 1.0 percent from last October.

China’s adjustment of its COVID-19 measures is a “key factor” in this increase, the report said. The reopening of China is expected to boost international trade, the report said.

Dragged down by a sharp slump in the fourth quarter, world trade volume grew by 2.7 percent, “a smaller-than-expected increase”.

According to WTO economists, the global GDP at market exchange rates will grow by 2.4 percent in 2023.

Meanwhile, projections for trade and GDP growth in 2023 are below the averages for the past 12 years, of 2.6 percent and 2.7 percent respectively.

“The lingering effects of COVID-19 and the rising geopolitical tensions were the main factors impacting trade and output in 2022, and this is likely to be the case in 2023 as well,” said Ralph Ossa, WTO Chief Economist.

Interest rate hikes in advanced economies have also revealed weaknesses in banking systems that could lead to wider financial instability if left unchecked, he said.

“Governments and regulators need to be alert to these and other financial risks in the coming months,” he added.

Source: Xinhua

អង្គការ WTO ព្យាករណ៍ថា កំណើនពាណិជ្ជកម្មសកលនឹងដាំក្បាលចុះដល់១,៧ភាគរយនៅឆ្នាំ២០២៣នេះ

ដោយ: គង់ លាងហួរ
ហ្សឺណែវៈ អង្គការពាណិជ្ជកម្មពិភពលោក
(WTO) បានឱ្យដឹងនៅក្នុងរបាយការណ៍ស្ថិតិ និងទស្សនវិស័យពាណិជ្ជកម្មប្រចាំឆ្នាំរបស់ខ្លួនដែលបានចេញផ្សាយថា កំណើនពាណិជ្ជកម្មសកលនៅឆ្នាំ២០២៣នេះនឹងថយចុះមកត្រឹម១,៧ភាគរយ។

របាយការណ៍បានបន្តថា ទំហំពាណិជ្ជកម្មទំនិញពិភពលោកត្រូវបានរងគ្រោះដោយឥទ្ធិពលនៃសង្គ្រាមក្នុងប្រទេសអ៊ុយក្រែន អតិផរណាហក់ឡើងខ្ពស់ គោលនយោបាយរូបិយវត្ថុកាន់តែតឹងតែង និងភាពមិនច្បាស់លាស់នៃទីផ្សារហិរញ្ញវត្ថុ។

ទោះជាយ៉ាងនេះក្តី ការព្យាករណ៍សម្រាប់កំណើនពាណិជ្ជកម្មនៅឆ្នាំនេះគឺកើនឡើងពីការប៉ាន់ប្រមាណពីមុន១ភាគរយ កាលពីខែតុលាឆ្នាំ២០២២ ដោយសារការកែសម្រួលវិធានការកូវីដរបស់ប្រទេសចិន គឺជាកត្តាសំខាន់មួយ។ របាយ ការណ៍ នោះបញ្ជាក់ថា ការ បើក ប្រទេស ចិន ឡើង វិញ ត្រូវ បាន គេ រំពឹង ថា នឹង ជួយជំរុញ ដល់ពាណិជ្ជកម្ម អន្តរជាតិ។

ទន្ទឹមនឹងនោះ ការព្យាករណ៍សម្រាប់កំណើនពាណិជ្ជកម្ម និង GDP នៅឆ្នាំ២០២៣នេះគឺទាបជាងមធ្យមភាគសម្រាប់រយៈពេល១២ឆ្នាំកន្លងមកគឺ២,៦ភាគរយ និង២,៧ភាគរយរៀងៗគ្នា។

លោក Ralph Ossa ប្រធានសេដ្ឋវិទូ WTO បានមានប្រសាសន៍ថា “ផលប៉ះពាល់ដ៏យូរអង្វែងនៃជំងឺកូវីដ និងការកើនឡើងនៃភាពតានតឹងភូមិសាស្ត្រនយោបាយ គឺជាកត្តាចម្បងដែលជះឥទ្ធិពលដល់ពាណិជ្ជកម្ម និងទិន្នផលនៅឆ្នាំ២០២២ ហើយនេះទំនងជាករណីសម្រាប់ឆ្នាំ២០២៣ផងដែរ”។

លោកបានមានប្រសាសន៍ថា “ការដំឡើងអត្រាការប្រាក់នៅក្នុងប្រទេសដែលមានសេដ្ឋកិច្ចជឿនលឿនក៏បានបង្ហាញពីភាពទន់ខ្សោយនៅក្នុងប្រព័ន្ធធនាគារ ដែលអាចនាំឱ្យមានអស្ថិរភាពហិរញ្ញវត្ថុកាន់តែទូលំទូលាយ ប្រសិនបើមិនត្រូវបានត្រួតពិនិត្យ”។

លោកបានបន្ថែមថា “រដ្ឋាភិបាល និងនិយតករត្រូវប្រុងប្រយ័ត្នចំពោះហានិភ័យហិរញ្ញវត្ថុទាំងនេះ និងហានិភ័យផ្សេងទៀតនៅក្នុងរយៈពេលប៉ុន្មានខែខាងមុខនេះ”៕

វត្តមានសមាគមឧកញ៉ាកម្ពុជា មានសារៈសំខាន់ណាស់ ក្នុងការជួយទាក់ទាញវិនិយោគិនបរទេសនិងបង្កើនការវិនិយោគនៅកម្ពុជា

ដោយ៖ វឌ្ឍនៈ

ភ្នំពេញ៖ ក្នុងជំនួបជាមួយសមាគមឧកញ៉ាកម្ពុជា កាលពីរសៀលថ្ងៃទី៦ មេសា ២០២៣ លោក សុខ ចិន្ដាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជាបានមានប្រសាសន៍ថា វត្តមានសមាគមឧកញ៉ាកម្ពុជា មានសារៈសំខាន់ណាស់ ក្នុងការជួយទាក់ទាញវិនិយោគិនបរទេសនិងបង្កើនការវិនិយោគនៅកម្ពុជា ។

លោកមានប្រសាសន៍បន្តថា ក្រុមប្រឹក្សាអភិវឌ្ឍន៍កម្ពុជា និងសមាគមឧកញ៉ាកម្ពុជា នឹងធ្វើសកម្មភាពរួមគ្នា ក្នុងភាពជាដៃគូ ជំរុញកំណើនវិនិយោគនៅក្នុងស្រុក និងទាក់ទាញវិនិយោគបរទេស ដើម្បីលើកកម្ពស់ការធ្វើពាណិជ្ជកម្ម និងវិនិយោគនៅកម្ពុជា ហើយសមាគមឧកញ៉ាកម្ពុជា គឺជាដៃគូថ្មីមួយបន្ថែមទៀត ក្នុងការជួយដល់ក្រុមប្រឹក្សាអភិវឌ្ឍន៍កម្ពុជា ទាក់ទាញវិនិយោគិនបរទេស និងពង្រីកកំណើនវិនិយោគនៅកម្ពុជា។

លោកបន្ថែមថាកន្លងមក ក្រុមប្រឹក្សាអភិវឌ្ឍន៍កម្ពុជា បានធ្វើការជាមួយវិស័យឯកជនជាច្រើន ដូចជាសភាពាណិជ្ជកម្មកម្ពុជាជាដើម ប៉ុន្តែកិច្ចការដែលគ្រោងធ្វើជាមួយសមាគមឧកញ៉ា នៅពេលខាងមុខ នឹងមិនជាន់គ្នាជាមួយសភាពាណិជ្ជកម្មកម្ពុជានោះទេ ពោលគឺអ្វីដែលត្រូវធ្វើបន្ទាប់ គឺជាសកម្មភាពដែលមិនដូចគ្នានឹងសភាពាណិជ្ជកម្មឡើយ ។លោកថា “វត្តមានសមាគមឧកញ៉ាកម្ពុជា មានសារៈសំខាន់ណាស់ ក្នុងការជួយទាក់ទាញវិនិយោគិនបរទេស ព្រោះជាទូទៅអ្នកវិនិយោគពីបរទេស ដែលមកស្វែងរកឱកាសវិនិយោគនៅកម្ពុជា តែងតែជួបជាមួយស្ថាប័នរដ្ឋ ស្ថានទូតរបស់គេ ប៉ុន្តែក្នុងនោះគេក៏ចង់ជួបជាមួយធុរជនក្នុងស្រុកដែរ ដើម្បីស្វែងយល់ ឬសហការគ្នា” ។

លោកឧកញ៉ា ហ៊ុន ឡាក់ អគ្គលេខាធិការសមាគមឧកញ៉ាកម្ពុជា បានឱ្យដឹងថា តាមសេចក្ដីជូនដំណឹង របស់រាជរដ្ឋាភិបាល បានបញ្ជាក់ថា សមាគមឧកញ៉ាកម្ពុជា ស្ថិតនៅក្រោមអភិបាលកិច្ចផ្នែកបច្ចេកទេស របស់ក្រុមប្រឹក្សាអភិវឌ្ឍន៍កម្ពុជា ហេតុនេះបេសកកម្មរបស់សមាគមនេះ នឹងចូលរួមលើកកម្ពស់ពាណិជ្ជកម្ម និងវិនិយោគនៅកម្ពុជា។

លោកឧកញ៉ាបន្តថា ក្នុងជំនួបនេះ ដើម្បីជជែកពិភាក្សាគ្នានៅលើយន្តការ ដែលមានរៀបចំផែនការ ថាតើនៅក្នុងឆ្នាំ២០២៣ យើងនឹងធ្វើអ្វី ហើយឆ្នាំបន្តបន្ទាប់ទៀតយើងនឹងធ្វើអ្វីទៀត ក្នុងគោលបំណង ដើម្បីលើកកម្ពុជាពាណិជ្ជកម្មនិងវិនិយោគ ៕

កម្ពុជាលើកលែងពន្ធរហូតដល់៩ឆ្នាំសម្រាប់ការវិនិយោគវិស័យបច្ចេកវិទ្យាខ្ពស់

ដោយ: គង់ លាងហួរ
ភ្នំពេញ: លោក សំ ច័ន្ទមុនី មន្ត្រីផ្នែកទំនាក់ទំនងសាធារណៈ និងជំរុញការវិនិយោគឯកជនរបស់ក្រុមប្រឹក្សាអភិវឌ្ឍន៍កម្ពុជា (CDC) បានឱ្យដឹងថា ការវិនិយោគក្នុងឧស្សាហកម្មបច្ចេកវិទ្យាខ្ពស់នៅកម្ពុជាអាចទាក់ទាញការលើកលែងពន្ធរយៈពេល៩ឆ្នាំ។

ក្នុងពេលធ្វើបទបង្ហាញអំពីឱកាសវិនិយោគនៅកម្ពុជា ដើម្បីជាប្រយោជន៍ដល់គណៈប្រតិភូធុរកិច្ចកម្រិតខ្ពស់មកពីប្រទេសឥណ្ឌានៅសណ្ឋាគារ Sun and Moon Riverside ក្នុងរាជធានីភ្នំពេញលោក សំ ច័ន្ទមុនី បានមានប្រសាសន៍ថា ក្រៅពីឧស្សាហកម្មនេះក៏អាចទទួលបាននូវការលើកទឹកចិត្តផ្សេងទៀតជាច្រើនផងដែរសម្រាប់រយៈពេល១៥ឆ្នាំ។

យោងតាមមន្ត្រី CDC បានឱ្យដឹងថា កម្ពុជាជាប្រទេសបើកចំហរបំផុតមួយក្នុងពិភពលោក ហើយយើងអនុញ្ញាតឱ្យមានកម្មសិទ្ធិបរទេស១០០ភាគរយនៅក្នុងអាជីវកម្មជាង៩៩ភាគរយ។

លោកបានមានប្រសាសន៍ថា “ការវិនិយោគពីបរទេស១០០ភាគរយត្រូវបានអនុញ្ញាតនៅក្នុងអាជីវកម្ម និងឧស្សាហកម្មស្ទើរតែទាំងអស់នៅក្នុងប្រទេសកម្ពុជា ដែលធ្វើឱ្យប្រទេសនេះមានលក្ខណៈល្អបំផុតក្នុងពិភពលោកសម្រាប់ការវិនិយោគពីបរទេស”។

កម្ពុជាមិនអនុញ្ញាតឱ្យជនបរទេសទិញដីក្នុងប្រទេសនោះទេ ប៉ុន្តែពួកគេអាចកាន់កាប់ខុនដូ ឬអាផាតមិនចាប់ពីជាន់ទីមួយតទៅ។ ពន្ធលើប្រាក់ចំណូលសាជីវកម្មសម្រាប់ឧស្សាហកម្មភាគច្រើនក៏ត្រូវបានរក្សាក្នុងអត្រា២០ភាគរយនៅក្នុងប្រទេសកម្ពុជាផងដែរ។

ការលើកលែងពន្ធសម្រាប់ការវិនិយោគបរទេសក្នុងប្រទេសកម្ពុជាមានរយៈពេលចាប់ពី៣ឆ្នាំទៅដល់៩ឆ្នាំ។ ក្រុមហ៊ុនឧស្សាហកម្មក៏ត្រូវបានអនុញ្ញាតឱ្យនាំចូលសម្ភារសំណង់ និងឧបករណ៍សំណង់ ដោយមិនចាំបាច់បង់ពន្ធផងដែរ។

អត្ថប្រយោជន៍មួយទៀតនៃការវិនិយោគនៅកម្ពុជា គឺដោយសារប្រទេសនេះមានកិច្ចព្រមព្រៀងពាណិជ្ជកម្មទ្វេរភាគីជាមួយមហាអំណាចឧស្សាហកម្មកំពូលមួយចំនួនក្នុងពិភពលោក ដូចជាប្រទេសចិន និងកូរ៉េខាងត្បូង។

បច្ចុប្បន្ននេះ កម្ពុជាក៏កំពុងបញ្ចប់សន្ធិសញ្ញាពាណិជ្ជកម្មទ្វេរភាគីជាមួយ UAE ហៅថា កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ (CEPA)៕

1...975976977...3,258 Page 976 of 3,258