ដោយ:សហការី

ក្នុងខែកក្កដាឆ្នាំ២០២៣នេះ គម្រោងទីក្រុងរណបជ្រោយចង្វារមានផ្ដល់ជូនការទិញផ្ទះជាមួយគោលការណ៍បង់ប្រាក់ដ៏ងាយស្រួល រួមជាមួយការចំណេញរហូតដល់ ១៤% ភ្លាមៗ។ បន្ថែមពីនេះ អតិថិជនក៏អាចបង់ប្រចាំខែត្រឹមតែ $១,៥០០ ក្នុងមួយខែ និងបង់ឥតការប្រាក់រយៈពេល ១៤ ខែជាមួយធនាគារដៃគូដោយអត្រាការប្រាក់សមរម្យ ។

សម្រាប់អតិថិជនដែលកំពុងស្វែងរកផ្ទះដ៏ប្រណីតគុណភាពសំណង់រឹងមាំថែមទាំងការ​រស់នៅក្នុងមជ្ឈដ្ឋាននៃសហគមន៍បែបទំនើបចម្រុះផ្សារភ្ជាប់ជាមួយអាជីវកម្មគ្រប់ប្រភេទ គម្រោងផ្ទះអាជីវកម្មជ្រោយចង្វារគឺជាជម្រើសដ៏ល្អឥតខ្ចោះសម្រាប់លោកអ្នក។គួរបញ្ជាក់ផងដែរថា ប្រូម៉ូសិននៃការបញ្ចុះតម្លៃ ១៤% មានរយៈពេលកំណត់ ប្រញាប់ឡើងកុំឱ្យឱកាសដ៏ល្អនេះកន្លងផុតទៅឱ្យសោះ។ទិញហើយដឹងតែចំណេញ!
ដើម្បីជ្រាបកាន់តែច្បាស់អំពីប្រូម៉ូសិន និងព័ត៌មានផ្សេងៗ សូមអញ្ជើញមកសាកសួរព័ត៌មាននៅគ្រប់ការិយាល័យលក់របស់គម្រោងជ្រោយចង្វារ ឬទាក់ទងតាមលេខទូរសព្ទ ដូចខាងក្រោម៖ 𝟎𝟗𝟗 𝟕𝟔 𝟕𝟔 𝟔𝟓 | 𝟎𝟏𝟎 𝟗𝟏 𝟗𝟎 𝟐𝟖 | 𝟎𝟗𝟑 𝟔𝟔 𝟑𝟔 𝟎𝟑 | 𝟎𝟏𝟓 𝟓𝟖 𝟏𝟓 𝟔𝟕 | 𝟎𝟗𝟑 𝟖𝟐 𝟖𝟑 𝟑𝟓 | 𝟎𝟖𝟓 𝟓𝟒 𝟓𝟗 𝟏𝟑

ប្រមុខរាជរដ្ឋាភិបាលកម្ពុជា បានសម្រេចបង្កើតគណៈកម្មការ អន្តរក្រសួង ដើម្បីជំរុញដំណើរការអនុវត្តគម្រោង ហេដ្ឋារចនាសម្ព័ន្ធ ផ្លូវល្បឿនលឿន តភ្ជាប់ ពីរាជធានីភ្នំពេញ ទៅខេត្តសៀមរាប។ នេះបើយោងតាមអនុក្រឹត្យរបស់សម្តេចតេជោ ហ៊ុន សែន ចុះហត្ថលេខាកាលពីថ្ងៃទី១១ ខែកក្កដា ឆ្នាំ ២០២៣។
ផ្លូវល្បឿនលឿនទី៣នេះ ត្រូវបានស្នើសុំវិនិយោគ ដោយក្រុមហ៊ុនសាជីវកម្មស្ពាន និងថ្នល់ ចិន (CRBC) ក្រោម ទម្រង់វិនិយោគសាងសង់-ធ្វើអាជីវកម្ម-ផ្ទេរ (BOT) ដែលមានឯកឧត្តម ស៊ុន ចាន់ថុល ទេសរដ្ឋមន្រ្តីរដ្ឋមន្រ្តី ក្រសួងសាធារណការ និងដឹកជញ្ជូនជាប្រធានគណៈកម្មការនេះ។

គួររំលឹកថា កាលពីថ្ងៃទី៧ ខែមិថុនា ឆ្នាំ២០២៣កន្លងទៅរាជរដ្ឋាភិបាលកម្ពុជាតាមរយៈក្រសួងសាធារណការនិងដឹកជញ្ជូនបានចុះកិច្ចព្រមព្រៀង ក្របខណ្ឌលើគម្រោងសាងសង់ផ្លូវល្បឿនលឿន ពី ភ្នំពេញ-សៀមរាប-ប៉ោយប៉ែត ជាមួយក្រុមហ៊ុនសាជីវកម្ម ស្ពាន និងថ្នល់ចិន (CRBC)។

ក្នុងពិធីនោះ ឯកឧត្តម ស៊ុន ចាន់ថុល បានថ្លែងប្រាប់អ្នកកាសែតថា គម្រោងផ្លូវល្បឿនលឿននេះ គឺបែងចែកជាពីរដំណាក់កាលរួមមាន ដំណាក់កាលទី១ ពីរាជធានីភ្នំពេញ ទៅ ក្រុងសៀមរាប មានប្រវែង ២៥០គីឡូម៉ែត្រ និង ដំណាក់កាលទី២ បន្តពីក្រុងសៀមរាបទៅក្រុងប៉ោយប៉ែត ប្រវែង១៥០គីឡូម៉ែត្រ៕

តែម សុខុម

ភ្នំពេញ: យោងតាមរបាយការណ៍របស់កម្មវិធីអភិវឌ្ឍន៍អង្គការសហប្រជាជាតិ (UNDP) កាលពីថ្ងៃព្រហស្បតិ៍ ទី១៣ ខែកក្កដា បង្ហាញថា អត្រានៃភាពក្រីក្រនៅកម្ពុជា បានធ្លាក់ចុះពី៣៦,៧%ក្នុងឆ្នាំ២០១៤ មកត្រឹម១៦,៦%ក្នុងឆ្នាំ២០២២។

របាយការណ៍នេះបង្ហាញទៀតថា “ចំនួនអ្នកក្រត្រូវបានកាត់បន្ថយពាក់កណ្តាលពី៥,៦លាននាក់មកនៅត្រឹម២,៨លាននាក់។ ក្នុងចំណោមប្រជាជនកម្ពុជា ៥នាក់ មានម្នាក់បានចាកចេញពីភាពក្រីក្រក្នុងរយៈពេលត្រឹមតែ៧,៥ឆ្នាំប៉ុណ្ណោះ”។ផ្អែកតាមរបាយការណ៍នេះ តំបន់ក្រីក្របំផុតរួមមានខេត្តក្រចេះ ខេត្តព្រះវិហារ និងខេត្តស្ទឹងត្រែង បានកាត់បន្ថយភាពក្រីក្របានលឿនជាងគេបំផុត។ របាយការណ៍ដដែលបន្តថា អត្រានៃភាពក្រីក្របានធ្លាក់ចុះពី៦៤,៣%មកនៅត្រឹម៣៤,៦%ក្នុងខេត្តព្រះវិហារ និងខេត្តស្ទឹងត្រែង។

យោងតាមធនាគារពិភពលោក (World Bank) បង្ហាញថា ខ្សែបន្ទាត់នៃភាពក្រីក្រក្នុងប្រទេសកម្ពុជា ដែលមានប្រជាជនប្រមាណ១៧លាននាក់ គឺត្រូវបានកំណត់យកត្រឹមប្រាក់ចំណូល១០.៩៥១រៀល ឬ ២.៧ដុល្លារអាមេរិក ក្នុងមនុស្សម្នាក់ក្នុងមួយថ្ងៃ។ នេះបើបានសេចក្ដីថា ប្រសិនបើមនុស្សម្នាក់រកចំណូលបានលើសនេះក្នុងមួយថ្ងៃមានន័យថា ពួកគេបានចេញផុតពីបន្ទាត់នៃភាពក្រីក្រហើយ។

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា មានប្រសាសន៍កាលពីខែមុនថា កម្ពុជា ត្រូវបានព្យាករថានឹងបញ្ចប់ពីឋានៈរបស់ខ្លួនជាប្រទេសអភិវឌ្ឍន៍តិចតួចនៅឆ្នាំ២០២៧។

សម្ដេចបានលើកឡើងក្នុងសុន្ទរកថាមួយថា “ខ្ញុំមានទំនុកចិត្តយ៉ាងមុតមាំថា កម្ពុជា នឹងបញ្ចប់ពីឋានៈរបស់ខ្លួនជាប្រទេសអភិវឌ្ឍន៍តិចតួចនៅឆ្នាំ២០២៧ យ៉ាងយូរ ហើយនឹងសម្រេចបាននូវគោលដៅរបស់យើងក្នុងការក្លាយជាប្រទេសដែលមានប្រាក់ចំណូលមធ្យមកម្រិតខ្ពស់នៅឆ្នាំ២០៣០”៕ Xinhua៕

ដោយៈ គង់ ម៉ាលីនណា

        ភ្នំពេញៈ  ការដ្ឋានសំណង់ចំនួន១០២៣គម្រោង នៅទូទាំងប្រ​​ទេសត្រូវបានអនុម័តឱ្យសាងសង់ ក្រោមទុនវិនិយោគសរុប១ ២៨៤,៥លានដុល្លារអាម៉េរិក។

យោងតាមព្រឹត្តិបត្រស្ថិតិសេដ្ឋកិច្ច និងហិរញ្ញវត្ថុ ចំនួនសំណង់ទាំងនេះ គឺស្ថិតនៅក្នុងត្រីមាសទី១ ឆ្នាំ២០២៣ បើធៀបនឹងរយៈពេលដូចគ្នានៃឆ្នាំ២០២២​ មានការកើនឡើងដល់២២គម្រោង។

ព្រឹត្តិបត្រស្ថិតិសេដ្ឋកិច្ច និងហិរញ្ញវត្ថុរបស់អគ្គនាយកដ្ឋានគោលនយោបាយនៃក្រសួងសេដ្ឋកិច្ច និងហិរញ្ញវត្ថុបានបង្ហាញថា ក្នុងចំណោមសំណង់ ដែលកំពុងសាងសង់ទាំង១០២៣គម្រោងនេះ គឺមាន៨៩៦គម្រោង ជាប្រភេទសំណង់លំនៅឋាននិងភូមិគ្រឹះ ខណៈសំណង់ពាណិជ្ជកម្មមាន៦១គម្រោង។ ក្រៅពីនេះ មានគំរោងសំណង់ឧស្សាហកម្មមាន៤០គម្រោង, សំណង់សាធារណៈមាន១៥គម្រោង និងសំណង់ទេសចរណ៍មាន១១គម្រោង។ការសាងសង់សំណង់ទាំងនេះ នៅក្នុងត្រីមាសទី១ ឆ្នាំ២០២៣ សុទ្ធតែមានកំណើ​នចន្លោះពី៣៦,៤ភាគរយ ដល់៧៤,៣ភាគរយ ផ្ទុយពីសំណង់លំនៅឋាននិងភូមិគ្រឹះ បែរជាធ្លាក់ក្នុងអត្រា២,៧ភាគរយទៅវិញ បើធៀបនឹងត្រីមាសទី១ ឆ្នាំ២០២២។ ​

ដ្បិតការសាងសង់នៅតាមផ្នែកនីមួយៗ មានកំណើនគួរឱ្យកត់សម្គាល់ក៏ពិតមែន​ ប៉ុន្តែក្រសួងសេដ្ឋកិច្ច និងហិរញ្ញវត្ថុព្យាករថា អនុវិស័យសំណង់នេះ អាចសម្រេចបានអត្រាកំណើនទាប ​​​ត្រឹម០,៦ភាគរយប៉ុណ្ណោះ​ប្រចាំឆ្នាំ២០២៣ ​និង២,៤ភាគរយ ក្នុងឆ្នាំ២០២៤។

ក្រសួងសេដ្ឋកិច្ចបានបញ្ជាក់ថា កំណើនទាបនៃវិស័យនេះ ដោ​យសារការងើបឡើងយឺត នៃលំហូរវិនិយោគទុនពីបរទេស ជាពិសេ​សសម្រាប់សំណង់ថ្លៃខ្ពស់ រួមមាន ខុនដូ និងសំណង់បម្រើឱ្យវិស័យពាណិជ្ជកម្ម ទេសចរណ៍ ខណៈការវិនិយោគក្នុងស្រុក នឹងនៅបន្តមានកំណើន ជាពិសេសសម្រាប់លំនៅឋានមានតម្លៃទាប ​ដោយអត្រានៃការរៀបចំគ្រួសារ និងតម្រូវការលំនៅឋាន នៅតែកើនឡើង។

ជាពិសេស សកម្មភាពសំណង់ បម្រើឱ្យវិស័យឧស្សាហកម្ម និងសេវាកម្ម មួយចំនួន ដូចជា រោងចក្រផលិតកម្ម និងអគារផ្សារទំនើប ជាដើម នឹងក្លាយជានិន្នាការថ្មី ក្នុងបរិបទក្រោយវិបត្តិកូវីដ-១៩​ ដែលនឹងចូលរួមទ្រទ្រង់ ការអភិវឌ្ឍអនុវិស័យសំណង់នេះផងដែរ។

ក្របខណ្ឌម៉ាក្រូសេដ្ឋកិច្ច និងគោលនយោបាយហិរញ្ញវត្ថុសាធារណៈឆ្នំា២០២៤ របស់ក្រសួងសេដ្ឋកិច្ច បានបញ្ជាក់ថា រដ្ឋាភិបាល​នឹងបន្តតាមដានដោយយកចិត្តទុកដាក់ខ្ពស់ លើការវិវត្តនៃអនុវិស័យនេះ ដើម្បីដាក់ចេញគោលនយោបាយ អន្តរាគមន៍ឱ្យបានទាន់ពេល សំដៅ​បញ្ចៀសហានិភ័យ​ ដែលអាចកើតមានជាយថាហេតុ ដោយទំនាក់ទំនងខ្លាំងរវាងអនុវិស័យនេះ ជាមួយវិស័យហិរញ្ញវត្ថុ៕

        ដោយៈ ហ្វីអូណា

ភ្នំពេញៈ រដ្ឋាភិបាលកម្ពុជា បាននិងកំពុងប្រែក្លាយពីឧស្សាហកម្មប្រើប្រាស់កំលាំងទៅពឹងផ្អែកជំនាញ និងបច្ចេកវិទ្យា ដោយរំពឹងថា នឹងបង្កើនផលិតភាពនៃការផលិតកាន់តែខ្លាំង ដើម្បីឆ្លើយតបនឹងទីផ្សារ និងចូលរួមចំណែកក្នុងសេដ្ឋកិច្ចជាតិកាន់តែប្រសើរ។ ខណៈបច្ចុប្បន្ននេះ វិស័យឧស្សាហកម្ម នឹងអាចចូលរួមចំណែកផលិតផលក្នុងស្រុកសរុប (GDP) កាន់តែខ្ពស់។

លោក ហេង សុខគង់ រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានលើកឡើងក្នុងវេទិកាធុរកិច្ចប្រកបដោយនិរន្តរភាព “រួមគ្នាដើម្បីភាពរីកចម្រើន របស់សហគ្រាសធុនមីក្រូ តូច និងមធ្យមនៅកម្ពុជា” ថា ជុំវិញបញ្ហានេះ រាជរដ្ឋាភិបាលបានបន្តផ្តោតការយកចិត្តទុកដាក់ លើការចូលរួមអភិវឌ្ឍន៍ផែនការសកម្មភាព គោលនយោបាយអភិវឌ្ឍន៍ឧស្សាហកម្មឆ្នាំ ២០១៥-២០២៥ តាមដំណាក់កាល និងពេលវេលានីមួយៗ។លោកបញ្ជាក់ថា “បន្ទាប់ពីការបោះឆ្នោតសកល នាពេលខាងមុខនេះ កម្ពុជាបានព្យាករពីការកើនឡើង នៃការវិនិយោគលើវិស័យបច្ចេកវិទ្យា និងរ៉ែ ដោយវិស័យឧស្សាហកម្មរំពឹងថា ក្នុងឆ្នាំ២០២៣ នឹងអាចចូលរួមចំណែ កក្នុងផលិតផលក្នុងស្រុកសរុប (GDP) ក្នុងរង្វង់ ៣៩ភាគរយ ដោយបង្កើនផលិតភាពនៃការផលិតកាន់តែខ្ពស់ នឹងចូលរួមចំណែកក្នុងសេដ្ឋកិច្ចជាតិកាន់តែប្រសើរ”។ លោកបន្តថា “កម្ពុជាបានបង្កើតបទប្បញ្ញត្តិច្បាប់ និងអនុវត្តច្បាប់វិនិយោគ ដើម្បីទាក់ទាញអ្នកវិនិយោគ ស្របពេលដែលកម្ពុជា នឹងជំរុញការបណ្តុះបណ្តាលវិជ្ជាជីវៈដល់យុវជន១,៥លាននាក់ នៅអាណត្តិក្រោយរបស់រដ្ឋាភិបាល ដើម្បីឆ្លើយតបទៅនឹងការវិវត្តន៍ នៃតម្រូវការធនធានមនុស្សនៅក្នុងប្រទេស”។លោកបណ្ឌិតបានបន្ថែមថា ស្ថិតនៅក្រោមដំបូលនៃសន្តិភាព កម្ពុជាបានធ្វើការកែទម្រង់ នូវបទដ្ឋានគតិយុត្តិជាច្រើន និងបរិយាកា​សនៃការវិនិយោគ និងធុរកិច្ចជាបន្តបន្ទាប់ ការយកចិត្តទុកដាក់ស្តារឡើងវិញបន្ទាប់ពី វិបត្តិកូវីដ១៩ ការរៀបចំប្រព័ន្ធព័ត៌មានវិទ្យា ប្រព័ន្ធឌីជីថល ការពង្រីកទីផ្សារនាំចេញ និងការអភិវឌ្ឍវិស័យហិរញ្ញវត្ថុ បានក្លាយជាកត្តាវិវត្តន៍ជាវិជ្ជមាន ក្នុងការប្រែក្លាយកម្ពុជាទៅជាទីតាំងផលិតកម្ម ធុរកិច្ច និងវិនិយោគដ៏សំខាន់ ទាំងក្នុងនិងក្រៅប្រទេស ឲ្យមកបណ្តាក់ទុននៅកម្ពុជាជាបន្តបន្ទាប់។

កាលពីឆ្នាំ២០២២ កន្លងទៅ រោងចក្រធុនធំ កំពុងដំណើរការមានចំនួន១ ៩៨២រោងចក្រ មានការកើនឡើង៥,៤៨% បើធៀបទៅនឹងឆ្នាំ ២០២១ កើនឡើងជាង៣០% បើធៀបទៅនឹងឆ្នាំ ២០១៧ និងបានផ្តល់ឱកាសការងារចំនួនជាង១លានកន្លែង (ស្ត្រីជាង ៧៥%) មានការកើនឡើងជាង ៤% បើធៀបទៅនឹងឆ្នាំ២០២១។

វិស័យនេះមានតម្លៃបរិមាណផលិតផលសរុប មានចំនួនជាង ១៥ប៊ីលានដុល្លារអាមេរិក កើនឡើង៨៣% បើធៀបនឹងឆ្នាំ ២០២១ ក្នុងនោះ តម្លៃបរិមាណផលិតផល សម្រាប់បម្រើទីផ្សារក្នុងស្រុក មានចំនួនជាង៤ប៊ីលានដុល្លារអាមេរិក និងតម្លៃបរិមាណផលិតផលសម្រាប់ធ្វើការនាំចេញ មានជាង១១ប៊ីលានដុល្លារអាមេរិក៕

ដោយៈ គង់ សូរិយា

        ភ្នំពេញៈ អ្នកជំនាញបានលើកឡើងថា ការរឹតបន្តឹងឥណទានរបស់ធនាគារនានា ជាការជួយឲ្យទីផ្សារអចលនទ្រព្យ មានភាពរឹងមាំ និងបញ្ចៀសបាននូវហានិភ័យ។

លោកខន គង្គា អគ្គនាយកក្រុមហ៊ុន ERA Cambodiaបានមានប្រសាសន៍ឲ្យដឹងកាលពីល្ងាចថ្ងៃទី១២ កក្កដាថា ការធ្វើឲ្យប្រាកដថា ឥណទាន ដែលបានបញ្ចេញជាឥណទានមានគុណភាព ពិតជាប្រសើរ ហើយវាដើរតួនាទីកាន់តែសំខាន់ឡើង ក្នុងស្ថានភាពសេដ្ឋកិច្ចបែបនេះ។លោកបន្តថា “តាមពិតទៅធនាគារនានា មិនបានបញ្ឈប់ឥណទានទេ ប៉ុន្តែការធ្វើឲ្យប្រាកដថា អ្នកខ្ចីជាមនុស្សមានគុណភាព មិនមានហានិភ័យ ជាចំណុចសំខាន់”។ លោកបន្តថា “ក្នុងស្ថានភាពបែបនេះ អ្នកទិញខុនដូ ក៏ដូចជាផ្នែកអចលនទ្រព្យដទៃទៀត ក៏អាចមើញឃើញថាម្ចាស់គំរោងណាមួយ មានទុនគ្រប់គ្រាន់និងរឹងមាំ”។

ជាមួយគ្នានេះ លោកឧកញ៉ា ហួត អៀងតុង ប្រធានអគ្គនាយកធនាគារហត្ថា បានមានប្រសាសន៍ឲ្យដឹងកាលពីពេលថ្មីៗនេះថា ការរឹតបន្តឹងឥណទាន ជាការជួយឲ្យគុណភាព និងសុខភាពក្នុងវិស័យហិរញ្ញវត្ថុរឹងមាំ ព្រោះធនាគារនិមួយៗបានដើរតួនាទីសំខាន់ ក្នុងការធ្វើឲ្យសុខភាព ក្នុងវិស័យហិរញ្ញវត្ថុកាន់តែប្រសើរ និងត្រូវបានពង្រឹងជាបន្តបន្ទាប់។លោកបន្តថា “ការជួយអតិថិជន ដែលប្រើប្រាស់ឥណទានរបស់ស្ថាប័នយើងបានជោគជ័យ គឺជាអាទិភាពរបស់យើង ព្រោះអតិថិជន ទទួលបានជោគជ័យ និងប្រើប្រាស់ឥណទានបានត្រឹមត្រូវ គឺជាជោគជ័យរួមរបស់យើង”។ លោកបន្តថា “ហេតុនេះទើប យើងនៅក្នុងវិស័យនេះ តែងតែប្រុងប្រយ័ត្ននិងជួយវិភាគ ពីហានិភ័យរបស់អតិថិជន លើមុខរបររបស់ពួកគេ មុននឹងយើងសម្រេចចិត្តផ្តល់ឥណទានដល់គាត់”៕