ការសិក្សាថ្មីៈ តើស្ថានភាពទីផ្សារអចលនទ្រព្យនៅរាជធានីភ្នំពេញ ក្នុងឆមាសទី១ឆ្នាំនេះមានសភាពដូចម្តេច?

ដោយ: គង់ លាងហួរ

ភ្នំពេញ: ក្រុមហ៊ុនCBRE Cambodia បានរាយការណ៍អំពីស្ថានភាពទីផ្សារអចលនទ្រព្យ នៅពាក់កណ្តាលឆ្នាំ២០២៣នេះ និងផ្តល់ព័ត៌មានសំខាន់ៗអំពីវិស័យការិយាល័យ ការលក់រាយឧស្សាហកម្ម និងវិស័យលំនៅដ្ឋាន នៅរាជធានីភ្នំពេញ នៅក្នុងឆមាសទីមួយ ឆ្នាំ២០២៣នេះ។

ទី១: វិស័យការិយាល័យ
ការផ្គត់ផ្គង់ការិយាល័យថ្មីត្រូវបានគេរំពឹងថា នឹងបន្តកើនឡើងនៅឆ្នាំនេះ ជាមួយនឹងការបន្ថែមទំហំSpace ការិយាល័យចំនួន២១៥.០០០ម៉ែត្រការ៉េ ដែលនឹងបញ្ចប់នៅឆ្នាំនេះ ដែលជំរុញការផ្គត់ផ្គង់សរុបចំនួន២៤% រហូតដល់ជាង១លានម៉ែត្រការ៉េ។អត្រាកាន់កាប់ជាមធ្យម(occupancy rate) នៅទូទាំងទីផ្សារ (អគារការិយាល័យប្រភេទម្ចាស់តែមួយ និងអគារការិយាល័យសហកម្មសិទ្ធិ) បានថយចុះបន្ថែមទៀតពី៦០% នៅក្នុងត្រីមាសមុនរហូតដល់៥៨%។ទោះបីជាតម្លៃជួលការិយាល័យ (quoting office rents) នៅគ្រប់កម្រិត Grade ទាំងអស់នៅក្នុងសង្កាត់ ពាណិជ្ជកម្មកណ្តាល និងសង្កាត់ពាណិជ្ជកម្ម មិនមែនកណ្តាលបានកើនឡើងពី២% ទៅ៤% ពីមួយឆមាសទៅមួយឆមាស(H-o-H)យ៉ាងណាក្តី ក៏ការជួលដែលសម្រេចបានគឺនៅតែដដែល។

លោក Daluch Chin អ្នកគ្រប់គ្រងជាន់ខ្ពស់ វាយតម្លៃ និងប្រឹក្សារបស់ក្រុមហ៊ុន CBRE Cambodia បានមានប្រសាសន៍ថា ការផ្គត់ផ្គង់នាពេលខាងមុខ ក្នុងរយៈពេលសេសសល់នៃឆ្នាំនេះ និងការពង្រីកអាជីវកម្មតិចជាងមុន ដូច្នេះតម្រូវការការិយាល័យថ្មីនឹងធ្លាក់ចុះទាប ហើយយើងរំពឹងថា នឹងមានសម្ពាធបន្ថែមទៀត លើការជួលការិយាល័យ និងកម្រិតកាន់កាប់ក្នុងអំឡុងពេល ដែលនៅសេសសល់នៃឆ្នាំនេះ។

ទី២: វិស័យលក់រាយ
បន្ទាប់ពីមានការដាក់ឱ្យដំណើរការថ្មី និងការសាងសង់បញ្ចប់គម្រោងលក់រាយជាច្រើននៅឆ្នាំ២០២២ ចំណែកនៅឆមាសទី១ ឆ្នាំ២០២៣នេះវិញ យើងបានសង្កេតឃើញការធ្លាក់ចុះ នៃការបញ្ចប់គម្រោងលក់រាយថ្មីៗ។ ទោះជាយ៉ាងណាក្តី ការផ្គត់ផ្គង់ត្រូវបានគេរំពឹងថា នឹងកើនឡើងបន្ថែមទៀត ជាមួយនឹងគម្រោងលក់រាយ ទំហំជាង៨៣.០០០ម៉ែត្រការ៉េ ដែលនៅសេសសល់នឹងបញ្ចប់នៅចុងឆ្នាំនេះ។ គម្រោងនាពេលខាងមុខភាគច្រើន គឺជាផ្សារទំនើបសហគមន៍ និងហាងលក់ទំនិញតាមអគារពាណិជ្ជកម្ម។

អត្រាជួលកាន់កាប់បានធ្លាក់ចុះបន្តិចបន្តួចពី៧០% នៅចុងឆ្នាំ២០២២ មកត្រឹម៦៨% នៅពាក់កណ្តាលឆ្នាំនេះ។ ចំណែកតម្លៃជួលបានធ្លាក់ចុះពី៤% ទៅ៥% ក្នុងរយៈពេល៦ខែចុងក្រោយនេះ សម្រាប់ផ្សារទំនើបខ្នាតធំ ហាងលក់ទំនិញតាមអគារពាណិជ្ជកម្ម និងផ្សារទំនើបសហគមន៍។ស្របពេលមានការធ្លាក់ចុះ ជារួមលើវិស័យលក់រាយ យើងសង្កើតមើលឃើញថា ការជួលនៅកន្លែងលក់រាយប្រភេទ Prime High Street (ហាងលក់ទំនិញតាមផ្លូវធំៗ) បានបន្តងើបឡើងវិញ ដោយឈានដល់ទៅ៩៥% នៃកម្រិតក្នុងឆ្នាំ២០១៩។

ទី៣: វិស័យលំនៅដ្ឋាន
បន្ទាប់ពីការពង្រីកយ៉ាងខ្លាំងក្លា ក្នុងរយៈពេលប៉ុន្មានឆ្នាំចុងក្រោយនេះ ទីផ្សារអចលនទ្រព្យលំនៅដ្ឋាន នៅក្នុងឆមាសទី១ កំពុងប្រឈមមុខ នឹងការប្រកួតប្រជែងដ៏ស្វិតស្វាញ ក្នុងការលក់ ដោយភ្ជាប់ជាមួយនឹងតម្រូវការធ្លាក់ចុះ។

ជាក់ស្តែង គឺមានតែខុនដូ និងគម្រោងអចលនទ្រព្យមួយចំនួនប៉ុណ្ណោះ នៅក្នុងទីតាំងសំខាន់ៗដែលអាចរក្សា ឬដំឡើងថ្លៃបន្តិចបាន ខណៈអ្នកអភិវឌ្ឍន៍ភាគច្រើន បានបន្តផ្តល់ការបញ្ចុះតម្លៃ និងលក្ខខណ្ឌបង់ប្រាក់កាន់តែអំណោយផល។រយៈពេល៦ខែដំបូង ឆ្នាំ២០២៣នេះ យើងឃើញមានការបញ្ចប់គម្រោងខុនដូថ្មីចំនួន៣ ដែលបានផ្គត់ផ្គង់ខុនដូជាង១.៦០០យូនីត។

នៅចុងឆ្នាំនេះ ការផ្គត់ផ្គង់ខុនដូត្រូវបានគេរំពឹងថា នឹងកើនឡើងដល់ជិត៥៥.០០០យូនីត ពោលគឺកើនឡើង១៦% ពីមួយឆ្នាំទៅមួយឆ្នាំ។ អ្នកនាងគឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុន CBRE Cambodia បានមានប្រសាសន៍ថា “ទោះបីជាមានការធ្លាក់ចុះយ៉ាងណាក្តី ក៏ការលក់នៅតែកើតឡើង សម្រាប់គម្រោងដែលមានទីតាំងត្រឹមត្រូវ”។

សម្រាប់អចលនទ្រព្យប្រភេទ (Landed property) ដូចជា បុរីជាដើម នៅឆមាសទីមួយនៃឆ្នាំ២០២៣នេះ គឺជាត្រីមាសដ៏ទាបបំផុតក្នុងលក្ខខណ្ឌ នៃការដាក់ដំណើរការគម្រោង ក្នុងរយៈពេល៥ឆ្នាំចុងក្រោយនេះ ពោលគឺមានត្រឹមតែ៨គម្រោងប៉ុណ្ណោះ ដែលបានបើកដំណើរការ បើធៀបនឹងចំនួន៨៨គម្រោង ដែលបានបើកដំណើរការក្នុងឆ្នាំ២០២០៕

ក្រុមអ្នកជំនាញមានសុទិដ្ឋិនិយមពីការងើបឡើងវិញនៃវិស័យអចលនទ្រព្យក្រោយការបោះឆ្នោត

ដោយៈ ជេស៊ីកា

ភ្នំពេញៈ ក្រុមអ្នកជំនាញអចលនទ្រព្យ បានសម្តែងសុទិដ្ឋិនិយម ដោយរំពឹងថា ទីផ្សារអចលនទ្រព្យ និងសំណង់នឹងងើបឡើងវិញនៅក្រោយការបោះឆ្នោតនាពេលខាងមុខនេះ។

អគ្គនាយកក្រុមហ៊ុន ERA Cambodia លោកខន គង្គាបានមានប្រសាសន៍ឲ្យដឹង កាលពីរសៀលថ្ងៃទី១២ កក្កដាថា ស្ថានភាពបច្ចុប្បន្នហាក់ស្ងប់ស្ងាត់បន្តិច ដោយសារការបោះឆ្នោត ដែលធ្វើឲ្យវិនិយោគិនក្នុងស្រុកទន្ទឹងរង់ចាំមើល បើទោះពួកគេបានដឹងថា កម្ពុជានឹងមិនមានបញ្ហាអ្វីកើតចេញពីការបោះឆ្នោតក្តី។ លោកបន្តថា “ស្ថានភាពនយោបាយ សេដ្ឋកិច្ចមានស្ថេរភាព ហើយយើងបានដឹងថា គណបក្សណានឹងឈ្នះ ប៉ុន្តែការបោះឆ្នោតនៅតែដិតជាប់អារម្មណ៍របស់ប្រជាពលរដ្ឋ”។ លោកបន្តថា “ទោះជាអ្នកក្នុងស្រុកហាក់ស្ងប់ស្ងាត់បន្តិចក្តី ប៉ុន្តែអ្នកវិនិយោគអន្តរជាតិនៅតែបន្តសកម្មភាព ជាក់ស្តែងគំរោងខុនដូថ្មីៗជាច្រើន នឹងចាប់ផ្តើមសាងសង់នៅក្រោយការបោះឆ្នោត”។

ជាមួយគ្នានេះ លោកស្រីតាំង ហួរអគ្គនាយិកាក្រុមហ៊ុន Amatak Property Service, Co, Ltd បានមានប្រសាសន៍ថា ទីផ្សារកាន់តែមានភាពប្រសើរ ហើយយើងរំពឹងក្រោយការបោះឆ្នោត អ្វីៗនឹងកាន់តែប្រសើរ ព្រោះយើងទទួលបានព៌តមានច្រើនថា អ្នកវិនិយោគចិននឹងវិលត្រលប់មកវិញ។ លោកស្រីបន្តថា “ក្រោយការរៀបចំរដ្ឋាភិបាលថ្មី អ្នកវិនិយោគពួកគេនឹងចាប់ផ្តើមឡើងវិញ ជាមួយសកម្មភាពវិនិយោគ លើកលែងតែវិបត្តិសង្រ្គាមរុស្ស៊ី និងអ៊ុយក្រែនមានសភាពកាន់តែធ្ងន់ធ្ងរ”។

ជាមួយគ្នានេះ អ្នកស្រីអាន សុធីតាអគ្គនាយិកាក្រុមហ៊ុន PropNex Cambodiaបានមានប្រសាសន៍ឲ្យដឹងថា ពិតហើយទីផ្សារ ហាក់មានសភាពស្ងប់ស្ងាត់ ប៉ុន្តែអ្វីៗនឹងមានភាពប្រសើរឡើង ដោយសារអ្នកវិនិយោគជាតិ អន្តរជាតិរង់ចាំមើលទំនោរក្រោយការបោះឆ្នោត។ លោកស្រីបន្តថា “ពួកគេកំពុងរង់ចាំអ៊ុតមើលការបោះឆ្នោត ពួកគេកំពុងរង់ចាំស្ថានភាពប្រសើរឡើង”។
ចំណែកលោកច្រឹក សុខនីមអគ្គនាយកក្រុមហ៊ុន Century21 Mekongបានមានប្រសាសន៍ឲ្យដឹងផងដែរថា យើងរំពឹង និងសង្ឃឹមថាស្ថានភាពនឹងមានសភាពប្រសើរឡើង ក្រោយការបោះឆ្នោតបញ្ចប់ ប៉ុន្តែស្ថិតក្នុងស្ថានភាពលំបាកបែបនេះ រដ្ឋាភិបាលគួរពិចារណាទម្លាក់ទុន ដើម្បីជួយអ្នកនៅក្នុងវិស័យនេះ។លោកបន្តថា “ការអន្តរគមន៍ណាមួយពីរដ្ឋាភិបាល នឹងជួយឲ្យទីផ្សារនេះងើបឡើងលឿន”៕

ហេតុអ្វីបានជាអាជីវកម្មមានបញ្ហាគៃបន្លំហានិភ័យ និងជួបបញ្ហាផ្លូវច្បាប់ច្រើន?

ហេតុអ្វីបានជាអាជីវកម្មមានបញ្ហាគៃបន្លំហានិភ័យ និងជួបបញ្ហាផ្លូវច្បាប់ច្រើន?
អាជីវកម្មមួយកាលណាមិនយល់ពីការគ្រប់គ្រងការគៃបន្លំ ហានិភ័យ និងផ្លូវច្បាប់ទេ នោះប្រាកដជាប្រឈមនឹងហានិភ័យខ្លាំងណាស់។

ម្ចាស់អាជីវកម្មនឹងធ្លាក់ក្នុងភាពជាទាសករអាជីវកម្ម គ្មានពេលសម្រាក ខាតបង់ប្រាក់ ឬចំណាយច្រើន ងាយប្រឈមការបាត់បង់ទ្រព្យសម្បត្តិ បញ្ហាបុគ្គលិក ដៃគូសហការ អតិថិជន ដៃគូប្រកួតប្រជែង និងបញ្ហាផ្លូវច្បាប់ជាច្រើនទៀត។គ្រាន់តែនឹកឃើញក៏ឈឺក្បាលខ្លាំងជំនួសដែរ ប៉ុន្តែចូលរួមកម្មវិធីបង្វឹកជំនាញ “គ្រប់គ្រងការគៃបន្លំ ហានិភ័យ និងផ្លូវច្បាប់ជាមួយ CEO Master Club ថ្ងៃទី 14-15 ខែកក្កដា ឆ្នាំ2023នេះ បងប្អូនម្ចាស់អាជីវកម្មនឹងស្រាលខ្លួនចេញពីច្រវ៉ាក់អាជីវកម្មវីដេអូ🔗:https://youtu.be/XjFvNqMmbvU
-ហេតុអ្វីត្រូវក្លាយជាសមាជិក CEO Master Club : 🔗https://bit.ly/34G0E0R

Hong Kong’s home prices to decline further amid high mortgage rates, glut of new units, lack of mainland buyers: JLL

Hong Kong’s floundering residential property market has not yet bottomed out, and the road to recovery will be long and difficult given headwinds including high interest rates, a glut of unsold new units and a lack of buying power from mainland China, according to JLL.

Factors including a volatile stock market, a challenging external economic environment and a decrease in new births and marriages are also affecting housing demand, the real estate company said in its midyear property market report, released on Tuesday.“Hong Kong’s housing market is now having the longest price adjustment since 2008, and the market has not found a bottom,” said Joseph Tsang, chairman at JLL in Hong Kong. Home prices fell by 1.2 per cent quarter-on-quarter in the second quarter of 2023, after rebounding by 4 per cent in the first quarter, and have plunged 15.9 per cent from a peak 20 months ago, JLL said.

The company now expects prices to drop 5 to 10 per cent in the second half, resulting in a total drop of 5 to 8 per cent in 2023.

The number of unsold units in completed projects is the highest since 2007, the report added. There are 83,000 housing units available in Hong Kong, with 18,000 in completed projects and the rest under construction. In addition, about 25,000 more units are expected to hit the market in 2023, according to JLL.

“Based on observations from previous cycles, current conditions do not warrant a sustainable home price recovery,” Tsang said, adding that given the headwinds surrounding the sector, the current down cycle will be longer than previous troughs.

Source: SCMP

ក្រុមហ៊ុនអាកាសចរណ៍ដ៏ធំបំផុតរបស់ប្រទេសថៃ Thai Airways គ្រោងបង្កើនជើងហោះហើរទៅកាន់ប្រទេសឥណ្ឌា

ដោយ: គង់ លាងហួរ

អន្តរជាតិ: ក្រុមហ៊ុនអាកាសចរណ៍ដ៏ធំបំផុត របស់ប្រទេសថៃ Thai Airways International បានដាក់ចេញនូវផែនការពង្រីកចំនួនយន្តហោះរបស់ខ្លួន បន្ទាប់ពីស្វែងរកការការពារការក្ស័យធន នៅឆ្នាំ២០២០ ដោយសារតែការគ្រប់គ្រងគ្មានប្រសិទ្ធភាព និងវិបត្តិជំងឺរាតត្បាត។

យោងតាមបទសម្ភាសន៍របស់កាសែត Nikkei ជាមួយនាយកប្រតិបត្តិក្រុមហ៊ុនThai Airways International លោក Chai Eamsiri ដែលមានបទពិសោធន៍ជាង៤ទសវត្សរ៍ ក្នុងវិស័យអាកាសចរណ៍ បានមានប្រសាសន៍ឱ្យដឹងថា ក្រុមហ៊ុនរបស់លោក ត្រូវតែរីកចម្រើនជាបន្ទាន់។ លោកបានបន្តថា “យើងត្រូវតែរីកចម្រើន បើមិនដូច្នេះទេ យើងនឹងមិនអាចប្រកួតប្រជែង ជាមួយក្រុមហ៊ុនអាកាសចរណ៍អន្តរជាតិផ្សេងៗទៀតបានទេ”។ក្រុមហ៊ុនអាកាសចរណ៍នេះ គ្រោងនឹងបង្កើនចំនួនយន្តហោះរបស់ខ្លួនទ្វេរដង បន្ទាប់ពីបានធ្លាក់ចុះដល់៦៥យន្តហោះ ក្រោមផែនការរៀបចំរចនាសម្ព័ន្ធពីមុនរបស់ខ្លួន ខណៈដែលក្រុមហ៊ុនឈានចូលដល់ដំណាក់កាលថ្មីមួយនៃការពង្រីកខ្លួន។លោកបានបន្តថា “យើងធ្វើការបានយ៉ាងល្អប្រសើរ លើជើងហោះហើរឆ្លងទ្វីប ដូចជាអឺរ៉ុប និងអូស្ត្រាលី ប៉ុន្តែយើងត្រូវកែលម្អផ្លូវភាគខាងលិច ដែលលោកចង់សំដៅទៅលើប្រទេសឥណ្ឌា បង់ក្លាដែស និងប៉ាគីស្ថាន”។

លោកបានសង្កត់ធ្ងន់ទៀតថា លោកដាក់ការផ្តោតអារម្មណ៍ទៅលើការវាយលុកចូលទីផ្សារឥណ្ឌា ចាប់តាំងពីឥណ្ឌាក្លាយជាប្រទេសមានចំនួនប្រជាជនច្រើនជាងគេបំផុតមួយ ក្នុងពិភពលោក និងមានទំនាក់ទំនងវប្បធម៌ រួមទាំងសេដ្ឋកិច្ចយ៉ាងរឹងមាំជាមួយប្រទេសថៃ។

ដើម្បីវាយលុកចូលទៅក្នុងទីផ្សារឥណ្ឌាថ្មី លោក Chai គ្រោងនឹងពង្រីកចំនួនយន្តហោះ របស់ក្រុមហ៊ុន Thai Airways រហូតដល់១១៣គ្រឿងនៅឆ្នាំ២០២៧ខាងមុខនេះ។ទោះជាយ៉ាងណាក្តី ការតភ្ជាប់ទៅកាន់ទីក្រុងតូចៗរបស់ឥណ្ឌានឹងត្រូវបានសម្របសម្រួលដោយយន្តហោះ “តួតូចចង្អៀត” ដែលអាចផ្ទុកអ្នកដំណើរតិចជាងមុន ប៉ុន្តែវានឹងមានប្រសិទ្ធភាពជាងសម្រាប់ជើងហោះហើរចម្ងាយខ្លី៕

ការវិភាគៈការងើបឡើងវិញនៃទីផ្សារអចលនទ្រព្យនៅទីក្រុងហុងកុងនឹងត្រូវការពេលវេលាកាន់តែច្រើន

ដោយ: គង់ លាងហួរ

អន្តរជាតិ: យោងតាមទីភ្នាក់ងារអចលនទ្រព្យ JLL បានឱ្យដឹងថា ទីផ្សារអចលនទ្រព្យលំនៅដ្ឋាន របស់ទីក្រុងហុងកុងមិនទាន់ធ្លាក់ដល់កម្រិតទាបបំផុតនៅឡើយទេ ហើយផ្លូវឆ្ពោះទៅរកការងើបឡើងវិញនឹងត្រូវការរយៈពេលយូរ និងពិបាក។

បញ្ហានេះបានាបណ្តាលមកពីការកើនឡើង នៃអត្រាការប្រាក់ដ៏ខ្ពស់ យូនីតលំនៅដ្ឋានថ្មីៗជាច្រើន ដែលលក់មិនទាន់ដាច់ និងកង្វះអំណាចនៃការទិញពីសំណាក់អតិថិជនចិន។ទីភ្នាក់ងារ JLL បានឱ្យដឹងក្នុងរបាយការណ៍ទីផ្សារអចលនទ្រព្យពាក់កណ្តាលឆ្នាំរបស់ខ្លួន ដែលបានចេញផ្សាយកាលពីថ្ងៃអង្គារថា មានកត្តាជាច្រើន ដូចជា ការប្រែប្រួលលើទីផ្សារភាគហ៊ុន បរិយាកាសសេដ្ឋកិច្ចខាងក្រៅដែលមានការប្រកួតប្រជែង ការថយចុះនៃការកើតថ្មី និងការរៀបការ ក៏កំពុងជះផលប៉ះពាល់ ទៅដល់តម្រូវការលំនៅដ្ឋានផងដែរ។

ទីភ្នាក់ងារ JLL បានបន្តថា តម្លៃផ្ទះនៅទីក្រុងហុងកុង បានធ្លាក់ចុះ១,២ភាគរយ ពីមួយត្រីមាសទៅមួយត្រីមាស ក្នុងត្រីមាសទីពីរនៃឆ្នាំ២០២៣នេះ បន្ទាប់ពីស្ទុះងើបឡើងវិញ៤ភាគរយ នៅក្នុងត្រីមាសទីមួយ និងបានដាំក្បាលចុះ១៥,៩ភាគរយ បើធៀបនឹងកម្រិតកំពូលបំផុតមួយកាលពី២០ខែមុន។

ទីភ្នាក់ងារ JLL បានធ្វើការព្យាករថា តម្លៃផ្ទះនៅទីក្រុងហុងកុងនឹងធ្លាក់ចុះពី៥ទៅ១០ភាគរយ នៅក្នុងឆមាសទីពីរ ដែលបណ្តាលឱ្យតម្លៃផ្ទះនឹងធ្លាក់ចុះសរុបចន្លោះពី៥ ទៅ៨ភាគរយនៅក្នុងឆ្នាំ២០២៣នេះ។

របាយការណ៍ដដែលបានបន្ថែមថា ចំនួនយូនីត ដែលលក់មិនទាន់ដាច់ ស្ថិតក្នុងគម្រោងដែលបានសាងសង់បញ្ចប់ គឺមានកម្រិតខ្ពស់បំផុតបើគិតចាប់តាំងពីឆ្នាំ២០០៧។ លើសពីនេះ លំនៅដ្ឋានប្រហែល២៥.០០០យូនីត បន្ថែមទៀតត្រូវបានគេរំពឹងថា នឹងវាយលុកចូលទីផ្សារនៅឆ្នាំនេះផងដែរ។

លោក Joseph Tsang ប្រធានក្រុមហ៊ុន JLL ក្នុងទីក្រុងហុងកុងបានលើកឡើងថា “ផ្អែកលើការសង្កេតពីវដ្តមុន លក្ខខណ្ឌបច្ចុប្បន្នមិនអាចធានាឱ្យមានការងើបឡើងវិញ នៃតម្លៃផ្ទះប្រកបដោយនិរន្តរភាពនោះទេ ខណៈបញ្ហាជាច្រើនកំពុងហ៊ុមព័ទ្ធ ទៅលើវិស័យនេះ ហើយវដ្តនៃការធ្លាក់ចុះបច្ចុប្បន្ន នឹងបន្តចំណាយរយៈពេលវែងបន្តទៀត”៕

ភាគហ៊ុនរបស់ក្រុមហ៊ុនអភិវឌ្ឍអចលនទ្រព្យធំៗ ហក់ឡើងថ្លៃ ក្រោយរដ្ឋាភិបាលចិនដាក់ចេញការគាំទ្រផ្នែកហិរញ្ញវត្ថុ

ដោយ: គង់ លាងហួរ

ហុងកុង: ភាគហ៊ុនរបស់ក្រុមហ៊ុនអភិវឌ្ឍន៍ អចលនទ្រព្យចិនធំៗជាច្រើនបានហក់ឡើងថ្លៃ កាលពីថ្ងៃអង្គារកន្លងទៅ បន្ទាប់ពីក្រុមនិយ័តករចិន បានពង្រីកគោលនយោបាយមួយចំនួន ទៅក្នុងកញ្ចប់សង្គ្រោះ ដែលបានដាក់ចេញនៅក្នុងខែវិច្ឆិកា ដើម្បីបង្កើនសាច់ប្រាក់ងាយស្រួលក្នុងវិស័យអចលនទ្រព្យ។

វិស័យនេះបានរងផលប៉ះពាល់ ដោយការខកខានសងបំណុលរបស់ក្រុមហ៊ុនជាច្រើន ស្របពេលមានវិបត្តិបំណុល ចាប់តាំងពីពាក់កណ្តាលឆ្នាំ២០២១ ដែលបង្កឡើងដោយសារ ការមិនទូទាត់សងបំណុលរបស់ក្រុមហ៊ុន China Evergrande Group។គិតត្រឹមម៉ោង 0200 GMT សន្ទស្សន៍ភាគហ៊ុនអចលនទ្រព្យ Hang Seng របស់ទីក្រុងហុងកុង បានហក់ឡើងដល់១ភាគរយ ខណៈដែលសន្ទស្សន៍អចលនទ្រព្យCSI300 របស់ប្រទេសចិនបានងើបឡើង០,៦ភាគរយ។ភាគហ៊ុនរបស់ក្រុមហ៊ុន Sunac China ក្រុមហ៊ុន Logan Group និងក្រុមហ៊ុន KWG Group ដែលបានចុះបញ្ជីនៅទីក្រុងហុងកុង បានហក់ឡើងថ្លៃប្រហែល៤ភាគរយ។

កាលពីខែវិច្ឆិកា ឆ្នាំ២០២២ ធនាគារប្រជាជនចិន (PBOC) បានចេញសេចក្តីជូនដំណឹងមួយ ដែលបង្ហាញពីវិធានការចំនួន១៦ ចំណុចដើម្បីគាំទ្រដល់វិស័យសាច់ប្រាក់ ដែលរួមមានការពន្យារពេលសងប្រាក់កម្ចីផងដែរ។ធនាគារដដែលបានបន្ថែមថា ការពន្យាររយៈពេល១ឆ្នាំបន្ថែមទៀត ចំពោះប្រាក់កម្ចីមានស្រាប់ប្រភេទនេះ ដែលនឹងត្រូវសងមុនដំណាច់ឆ្នាំ២០២៤ ត្រូវបានអនុញ្ញាត៕

រដ្ឋកាលីហ្វ័រញ៉ា ចំណាយជិត២០ពាន់លានដុល្លារដើម្បីដោះស្រាយបញ្ហាពលរដ្ឋគ្មានជម្រក

ដោយៈ តែម សុខុម

ឡូសអែនជើឡេស: រដ្ឋកាលីហ្វ័រញ៉ា បានចំណាយប្រាក់រហូតដល់ទៅ១៧,៥ពាន់លានដុល្លារ ដើម្បីប្រយុទ្ធប្រឆាំងនឹងភាពគ្មានផ្ទះសម្បែងក្នុងរយៈពេលត្រឹមតែ៤ឆ្នាំប៉ុណ្ណោះ។

ប៉ុន្តែនៅក្នុងរយៈពេលដូចគ្នានេះ ចាប់ពីឆ្នាំ២០២៨ ដល់ឆ្នាំ២០២២ ចំនួនពលរដ្ឋដែលគ្មានផ្ទះសម្បែង នៅក្នុងរដ្ឋនេះចេះតែកើនឡើងមិនឈប់។ទិន្នន័យសហព័ន្ធបានបង្ហាញថា ពាក់កណ្តាលនៃពលរដ្ឋអាមេរិកទាំងអស់ ដែលរស់នៅតាមដងផ្លូវ គឺរស់នៅក្នុងរដ្ឋកាលីហ្វ័រញ៉ា។នៅទូទាំងសហរដ្ឋអាមេរិក ភាពគ្មានផ្ទះសម្បែងកំពុងកើនឡើងគួរឱ្យព្រួយបារម្ភ។ ប៉ុន្តែរដ្ឋកាលីហ្វ័រញ៉ា មានចំនួនអ្នកគ្មានផ្ទះសម្បែងកើនឡើងច្រើន ជាងរដ្ឋដទៃទៀតជារៀងរាល់ឆ្នាំ។ ពលរដ្ឋគ្មានផ្ទះសម្បែងច្រើនជាង១៧០.០០០នាក់ ពេលនេះកំពុងរស់នៅក្នុងរដ្ឋនេះ។

លោក Jason Elliott ទីប្រឹក្សាជាន់ខ្ពស់របស់អភិបាលរដ្ឋលោក Gavin Newsom ទទួលបន្ទុកបញ្ហាពលរដ្ឋ គ្មានផ្ទះសម្បែងបានប្រាប់សារព័ត៌មានCNN ថា “បញ្ហាគ្មានផ្ទះសម្បែង នឹងកាន់តែអាក្រក់ទៅៗ”។ប៉ុន្តែជាមួយនឹងថវិកា១៧,៥ពាន់លានដុល្លារ រដ្ឋកាលីហ្វ័រញ៉ា អាចត្រឹមតែបង់ថ្លៃឈ្នួលផ្ទះ សម្រាប់គ្រប់គ្នាដែលគ្មានផ្ទះសម្បែងនៅរដ្ឋកាលីហ្វ័រញ៉ា សម្រាប់រយៈពេល៤ឆ្នាំប៉ុណ្ណោះ។

លោក Jason Elliott និយាយថា “យើងត្រូវការផ្ទះចំនួន២,៥លានយូនីតបន្ថែមទៀត នៅក្នុងរដ្ឋកាលីហ្វ័រញ៉ា។ នេះជាបញ្ហាដែលត្រូវការពេលរាប់ទសវត្សរ៍ ក្នុងការដោះស្រាយ ដោយសារតែជម្រើសគោលនយោបាយដែលយើងបានបង្កើតឡើង”។ លោកបន្តថា “មិនមែនយើងគ្មានកំហុសទេ។ ហើយនៅពេលខ្ញុំនិយាយថា យើងខ្ញុំ មានន័យថា ទាំងគណបក្សសាធារណរដ្ឋ និងគណបក្សប្រជាធិបតេយ្យគឺសុទ្ធតែមានកំហុសដូចគ្នា”៕ CNN៕

ទីផ្សារអចលនទ្រព្យនៅក្រុងបាវិតចាប់ផ្តើមកំរើកឡើងវិញបណ្តើរៗ ក្រោយពេលផ្លូវល្បឿនលឿនសាងសង់

ដោយៈ គង់ សូរិយា

ស្វាយរៀងៈ ស្របពេលផ្លូវល្បឿនលឿន បានបើកការដ្ឋានសាងសង់ ទីផ្សារអចលនទ្រព្យនៅក្រុងបាវិត បានចាប់ផ្តើមកំរើកឡើងវិញបណ្តើរៗ។ជាទីក្រុងមួយស្ថិត ក្នុងគោលនយោបាយអភិវឌ្ឍន៍ វិស័យឧស្សាហកម្មឆ្នាំ២០២៥ ២០២៥ ជាមួយទីក្រុង២ទៀត ក្រុងបាវិតបានទាក់ទាញការវិនិយោគ លើវិស័យឧស្សាហកម្ម កាស៊ីណូ និងសំណង់លំនៅដ្ឋាននានាផងដែរ។

លោកស្រីតាំង ហួរអគ្គនាយិកាក្រុមហ៊ុនAmatak Property Service, Co,Ltdបានមានប្រសាសន៍ឲ្យដឹង កាលពីល្ងាចថ្ងៃទី១២ កក្កដា ក្នុងដំណើរមកពីសិក្សាស្វែងយល់ ពីសក្តានុពលក្រុងបាវិតថា ទីផ្សារអចលនទ្រព្យក្នុងក្រុងបាវិត ចាប់ផ្តើមមានសញ្ញាប្រសើរឡើង ប៉ុន្តែមិនទាន់មានភាពសកម្មនៅឡើយទេ ធៀបនឹងក្រុងប៉ោយប៉ែតដែលមានសភាពមមាញឹកជាង។ លោកស្រីបន្តថា “ខ្ញុំទទួលបានព៌តមានថា អ្នកវិនិយោគចិននឹងចាប់ផ្តើមសកម្មភាពរបស់ពួកគេ និងចាប់ផ្តើមចូលមកកម្ពុជាកាន់តែច្រើនក្រោយការបោះឆ្នោត”។ លោកស្រីបន្តថា “ទោះជាយ៉ាងណាប្រសិនជាមានបញ្ហាពិភពលោក ធ្ងន់ធ្ងរណាមួយកើតមានឡើង យើងពិតជាមិនអាចព្យាករណ៍បាននោះទេ”។

លោកស្រីតាំង ហួរបានបន្តថា ស្ថានភាពទីផ្សារអចលនទ្រព្យមានភាពប្រសើរនៅតាមតំបន់ជាយក្រុង ដោយសកម្មភាពទិញលក់នៅតែកើតមាន ហើយយើងរំពឹងថា អ្វីៗនឹងប្រសើរឡើងនៅក្រោយការបោះឆ្នោត និងការបង្កើតរដ្ឋាភិបាលថ្មី”។

ជាមួយគ្នានេះ លោកទេព បញ្ញានាយកប្រតិបត្តិក្រុមហ៊ុនElites Estate Co, Ltdបានលើកឡើងផងដែរថា ច្បាស់ណាស់ក្រុងបាវិតនឹងបន្តរីកចម្រើន និងទាក់ទាញការវិនិយោគនាពេលអនាគត បន្ថែមទៀត ដោយសារតែទីតាំងភូមិសាស្រ្តអំណោយផល ការវិនិយោគហេដ្ឋាតរចនាសម្ព័ន្ឋរបស់រដ្ឋាភិបាល ពិសេសនៅពេលផ្លូវល្បឿនលឿនបញ្ចប់ នឹងធ្វើឲ្យការតភ្ជាប់ជាមួយសហគមន៍អាស៊ាន ពិសេសប្រទេសវៀតណាម កាន់តែប្រសើរឡើង។

លោកបន្តថា “តម្លៃដីធ្លីនឹងកំរើកឡើងវិញ និងបានចាប់ផ្តើមមានសញ្ញាប្រសើរលើការទិញលក់ នៅតាមចំណុចសំខាន់នានារបស់ទីក្រុងនេះ”។

ធនាគារអភិវឌ្ឍន៍អាស៊ី បានផ្តល់ជំនួយជាច្រើនលានដុល្លារអាមេរិក ដើម្បីជួយលើកកំពស់ស្តង់ដាអនាម័យ គុណភាពជីវិតរបស់ប្រជាពលរដ្ឋនៅក្រុងបាវិត ដែលគំរោងនេះបាននិងកំពុងដំណើរការ៕

ដំណឹងល្អៈសម្ដេចតេជោបង្កើតអេប Happy Watch99- Angkor Social Media ដើម្បីផ្តល់ព័ត៌មានឆាប់រហ័សដល់ពលរដ្ឋ

ដោយៈ គង់ សូរិយា

ភ្នំពេញៈ សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា នាយប់ថ្ងៃទី១២ ខែកក្កដា ឆ្នាំ២០២៣នេះ បានជម្រាបជូនបងប្អូនប្រជាពលរដ្ឋទាំងក្នុង និងក្រៅប្រទេសអំពី Appឈ្មោះ “Happy Watch99-Angkor Social Media” ដែលជា App ផ្លូវការរបស់សម្តេចតេជោ ហ៊ុន សែន ដែលបានបង្កើតឡើងដើម្បីផ្តល់ព័ត៌មាន ឆាប់រហ័សតាម រយៈ ”ទូរទស្សន៍តេជោ SPM-HD TV”។

ក្រៅពីការទស្សនាទូរទស្សន៍តេជោ (HD TV), Happy Watch កំពុងរៀបចំបន្ថែមនូវទម្រង់មួយចំនួន ដែលបងប្អូនប្រជាពលរដ្ឋជាពិសេសយុវវ័យកំពុងនិយមប្រើស្រដៀងនឹង facebook, Titk Tok, Youtube, Live ដែលនឹងបន្តដាក់អោយប្រើប្រាស់ជាបន្តបន្ទាប់។ Happy Watch បង្កើតនិងគ្រប់គ្រងដោយខ្មែរ និងដើម្បីផលប្រយោជន៍ប្រជាពលរដ្ឋខ្មែរគ្រប់ៗរូប។
សូមបងប្អូនទាញយក (download) Happy Watch មកដាក់ក្នុងទូរស័ព្វដៃ ដើម្បីទទួលបានព័ត៌មានសម្តេចតេជោ បានរហ័សជាវីដេអូ (HD TV) ដែលមានសម្លេង ពណ៌ និងរូបភាពភ្លឺច្បាស់ល្អ និងពីស្ថានីយ៍ទូរទស្សន៍ជាច្រើនទៀត នៅក្នុងប្រទេសកម្ពុជាដែលយើងអាចទស្សនាបាន នៅគ្រប់ទីកន្លែងគ្រាន់តែភ្ជាប់អ៊ិនធឺណិត (internet)។

Download “Happy Watch99” ជាមួយ QR Code នេះ *ក្រោយពីបានDownload ហើយគឺចុចលើ “Live TV” នៅជួរក្រោម ដើម្បីទស្សនាទូរទស្សន៍ SPM HD TV និងប៉ុស្ត TV ជាច្រើនទៀត៕

1...989990991...3,380 Page 990 of 3,380