អ្នកជំនាញអះអាងថាវិស័យអចលនទ្រព្យនៅកម្ពុជាកម្រើកឡើងវិញបន្តិចបន្តួចនៅដើមឆ្នាំ២០២៣

ដោយៈ រតនៈ

ភ្នំពេញៈ បើទោះជាកូវីដ-១៩ ហាក់ស្ងប់ស្ងាត់ទៅវិញហើយក្តី ប៉ុន្តែអ្នកជំនាញផ្នែកអចលនទ្រព្យនៅកម្ពុជាអះអាងថា វិស័យអចលនទ្រព្យនៅកម្ពុជា មិនមានសកម្មភាពកម្រើកខ្លាំង គួរឱ្យកត់សម្គាល់នោះទេ ខណៈដែលអ្នកវិនិយោគធំៗកំពុងតែឃ្លាំមើលនៅឡើយ។

លោកឧកញ៉ាឃាង ពុទ្ធី ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យកម្ពុជាបានប្រាប់ propertyareas.asiaកាលពីរសៀលថ្ងៃទី២៤ មិនានេះថា នៅដើមឆ្នាំ២០២៣នេះការជួលអចលនទ្រព្យហាក់ម្រើកឡើងបន្តិចបន្តួច ខណៈដែលចិនបានបើកការហោះហើរមកកាន់ប្រទេសកម្ពុជា ការិយាល័យ និងសណ្ឋាគារ មួយចំនួនបានបើកធ្វើដំណើរការហើយ។

លោកបន្តថា ការកម្រើកឡើងវិញនេះ មិនមានអ្វីជាដុំកំភួននោះទេ សម្រាប់វិស័យអចលនទ្រព្យនោះទេ ដែលករណីនេះលោកថាប្រជាពលរដ្ឋ កុំទាន់ពុះកញ្ជ្រោលរឿងអចលនទ្រព្យ ប្រសិនបើហិរញ្ញ វត្ថុរបស់ពួកគាត់មិនទាន់មានភាពគ្រប់គ្រាន់ ជាពិសេសគឺការខ្ចីប្រាក់មកវិនិយោគលើវិស័យអចលនទ្រព្យពេលនេះ។

ចំណែកលោកឧកញ៉ា ចេង ខេង អគ្គនាយកក្រុមហ៊ុនអចលនទ្រព្យCPL បានមានប្រសាសន៍ឲ្យដឹងនៅថ្ងៃដដែកថា វិស័យអចលនទ្រព្យនៅដើមឆ្នាំ២០២៣នេះ ហាក់នៅទ្រឹង បើទោះជាមានការការលក់ដូរបានមួយចំនួនក្តី ជាពិសេសដីឡូត៍ដែលនៅតំបន់ជាយក្រុង និងដីធ្លីដែលដាក់លក់ប្រញាប់។

លោកបន្តថា “យ៉ាងនេះក្តីប្រសិនបើមានការទិញដូរ ជាបន្តបន្ទាប់គឺអាចនឹងមានការវិនិយោគធំៗ ចូលមកក្នុងវិស័យអចលនទ្រព្យនេះ”។ លោកឱ្យដឹងថា “សព្វថ្ងៃមានក្រុមអ្នកវិនិយោគមួយចំនួនបាន និងកំពុងឃ្លាំមើលស្ថានភាពអចលនទ្រព្យនៅកម្ពុជា មុននឹងសម្រេចថា ដាក់ទុនវិនិយោគលើវិស័យមួយនេះ ខណៈដែលក្នុងកំឡុងពេលកូវីដ-១៩ គឺមិនមានឡើងសូម្បីការឃ្លាំមើល លើវិស័យអចលនទ្រព្យនេះ”។

យោងតាមរបាយការណ៍របស់ ក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា គិតត្រឹមដំណាច់ឆ្នាំ២០២២នេះ គម្រោងបុរីលំនៅឋាន និងបណ្ដុំលំនៅឋានមានលក្ខណៈជាបុរីមានចំនួន៥១០គម្រោង៕

ការពង្រីកនិងលើកកំពស់ផ្លួវលេខ៣៣សម្រេចបានជិត២០ភាគរយហើយ

ដោយៈ គង់ សូរិយា

កំពតៈ គម្រោងពង្រីក និងលើកកម្រិតគុណភាពផ្លូវជាតិលេខ៣៣(ទីរួមខេត្តកំពត-ច្រកលក) សម្រេចបានលទ្ធផល១៩%ហើយ គិតរហូតមកទល់ពេលនេះ។

ក្រុមមន្រ្តីក្រសួងសាធារណៈការ និងដឹកជញ្ជូនដឹកនាំដោយលោកទេស តារារ័ត្នអគ្គនាយករងនៃអគ្គនាយកដ្ឋានបច្ចេកទេស និងទំនាក់ទំនងសាធារណៈ នៃក្រសួងសាធារណៈការកាលពីថ្ងៃទី២៤ ខែមីនា ឆ្នាំ២០២៣ បានអញ្ជើញចុះត្រួតពិនិត្យបច្ចេកទេសសាងសង់ និងវឌ្ឍនភាពការងារ នៃគម្រោងពង្រីក និងលើកកម្រិតគុណភាពផ្លូវជាតិលេខ៣៣ ពីទីរួមខេត្តកំពត ដល់ច្រកលក។

ការចុះពិនិត្យនាឱកាសនេះ អនុវត្តស្របតាមទិសដៅដែលក្រុមការងារបានរៀបចំឡើង ក្នុងការពិនិត្យលើការងារបច្ចេកទេស និងសុវត្ថិភាពក្នុងការដ្ឋានសាងសង់ ដើម្បីវាយតម្លៃលើវឌ្ឍនភាពការងាររបស់គម្រោងនេះ ធានាឱ្យបានគុណភាពផ្លូវថ្នល់ ស្របតាមបទដ្ឋាន សំដៅបម្រើប្រយោជន៍រួមរបស់ប្រជាពលរដ្ឋ។

គិតចាប់ពីបើកការដ្ឋានកាលពីថ្ងៃទី៣០ ខែធ្នូ ឆ្នាំ២០២២ បច្ចុប្បន្នគម្រោងនេះ សម្រេចលទ្ធផលសាងសង់បានប្រមាណ១៩% ហើយ គិតត្រឹមថ្ងៃទី០៣ ខែមីនា ឆ្នាំ២០២៣កន្លងទៅ។

ក្រុមការងារនៃអង្គភាពអនុវត្តគម្រោង ក៏បានពាំនាំមតិផ្តាំផ្ញើរបស់លោកប៉ាល់ ចន្ទតារា ប្រធានគ្រប់គ្រងសម្របសម្រួលគម្រោង (PMU) ណែនាំដល់ក្រុមហ៊ុន CRBC ត្រូវបង្កើនការយកចិត្តទុកដាក់ឱ្យបានខ្ពស់បំផុត លើការអនុវត្តការងារឱ្យបានត្រឹមត្រូវ តាមលក្ខណៈបច្ចេកទេស ពិសេសត្រូវគិតគូរឱ្យបានហ្មត់ចត់ ពីសុវត្ថិភាពនៅតាមការដ្ឋានសាងសង់ ដោយក្រុមហ៊ុនត្រូវពិនិត្យបន្ថែម លើការដាក់ផ្លាកសញ្ញាជូនដំណឹង ផ្លាកសញ្ញាបញ្ជៀសចរាចរណ៍ និងការស្រោចទឹកកាត់បន្ថយដីហុយ ដើម្បីជៀសវាងការរំខាន ដល់បងប្អូនប្រជាពលរដ្ឋ។

ដោយហេតុថាគម្រោងនេះ កំពុងស្ថិតក្នុងការសាងសង់នៅឡើយ ក្រសួងសូមស្នើការយោគយល់ និងអធ្យាស្រ័យខ្ពស់ពីបងប្អូនប្រជាពលរដ្ឋដែលទទួលរងការរំខាន និងផលប៉ះពាល់ផ្សេងៗពីគម្រោងការដ្ឋាន។ ជាមួយគ្នានេះ ក្រសួងក៏សូមធ្វើការអំពាវនាវដល់ប្រជាពលរដ្ឋគ្រប់រូប សូមចូលរួមគោរពច្បាប់ចរាចរណ៍ឱ្យបានខ្ជាប់ខ្ជួន សូមកុំបើកបរក្នុងស្ថានភាពស្រវឹង ឬបើកបរលើសល្បឿនដែលកំណត់ដោយច្បាប់ និងសូមគោរពសញ្ញាចរាចរណ៍ ដែលបានកំណត់ដាក់ជូន ដើម្បីសុខសុវត្ថិភាព និងជៀសវាងកុំឱ្យមានគ្រោះថ្នាក់ចរាចរណ៍កើតមានឡើង៕

Hong Kong government announces measures to lure wealthy family offices

HONG KONG: Hong Kong’s government announced a series of measures on Friday (Mar 24) to attract wealthy family offices to set up in the financial hub as authorities try to restore business confidence and investor allure after three years of severe COVID-19 rules.

A revamped investment migration scheme, new tax concessions and incentives such as art storage facilities at the city’s international airport will be part of the offerings for family offices in the Chinese special administrative region, the government said in a statement.

The announcement comes as the former British colony holds the Wealth for Good summit on Friday, which it said had attendance from more than 100 family offices and business figures including former Yahoo CEO Jerry Yang, tycoon Richard Li, Robert Rosen of the Bill and Melinda Gates Foundation and Neil Shen, founding managing partner at Sequoia China.

“The policy statement demonstrates our determination to develop Hong Kong into a leading global family office hub,” Paul Chan, the city’s financial secretary said.

Chan said this would help bolster Hong Kong’s financial sector as well as areas including technology, green, arts and culture and philanthropy.

City leader John Lee said last year that he had set a target of attracting 200 large family offices to set up in Hong Kong by 2025.

Hong Kong’s push to attract wealthy families comes as many wealthy individuals and companies shifted to rival financial hubs such as Singapore after Beijing’s imposition of a national security law on Hong Kong in 2020.

The shift was accelerated by stringent COVID-19 curbs that sealed Hong Kong’s borders and isolated it from the rest of the world as it followed China’s zero-COVID policy.

Hong Kong has tried to rejuvenate its image by hosting a series of events and conferences designed to appeal to international visitors including Art Basel this week and the Rugby Sevens and music festival Creamfields in April.

Source: Reuters/gs

ក្រុមហ៊ុន ប៉េង ហួត គ្រុប បរិច្ចាគថវិកាចំនួន ២០ម៉ឺន ដុល្លារអាមេរិក ជូនមូលនិធិតេជោ១២៥ នៃគណៈយុទ្ធមិត្តជំនាន់បម្រើកងទ័ព ឆ្នាំ១៩៧៨

ក្រុមហ៊ុន ប៉េង ហួត គ្រុប បាននាំយកថវិកាសរុបចំនួន ២០ម៉ឺន ដុល្លារអាមេរិក បរិច្ចាគជូនមូលនិធិតេជោ១២៥ នៃគណៈយុទ្ធមិត្តជំនាន់បម្រើកងទ័ពឆ្នាំ១៩៧៨ ដើម្បីចូលរួមចំណែកជួយសម្រួលដោះស្រាយដល់ជីវភាពនៃគណៈយុទ្ធមិត្តជំនាន់បម្រើកងទ័ពឆ្នាំ១៩៧៨ តាមរយៈ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងឯកឧត្តម សេង ទៀង ជំនួយការផ្ទាល់សម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅទីតាំងអគារទីស្នាក់ការកណ្តាលគណបក្សប្រជាជនកម្ពុជា នាព្រឹកថ្ងៃទី២៤ ខែមីនា ឆ្នាំ២០២៣។

កាយវិការនៃការចែករំលែក និងការជួយគ្នាក្នុងគ្រាលំបាក របស់ក្រុមហ៊ុន ប៉េង ហួត គ្រុប នេះគឺត្រូវបានមហាជនមានការកោតសរសើរពីគុណតម្លៃរបស់ក្រុមហ៊ុន និងទឹកចិត្តដ៏ប្រពៃរបស់ថ្នាក់ដឹកនាំដែលតែងតែចូលរួមដោះស្រាយនូវរាលការលំបាកជាមួយរាជរដ្ឋាភិបាល រាល់ពេលមានទុក្ខលំបាកកន្លងមក ចាប់តាំងពីក្រុមហ៊ុនចាប់ផ្តើមដំបូង និងរីកចម្រើនរហូតមកដល់ពេលនេះ ហើយក៏នឹងបន្តនៅពេលខាងមុខទៀតផងដែរ ខណៈក្រុមហ៊ុន ប៉េង ហួត គ្រុប ប្រកាន់ភ្ជាប់ការចែករំលែកគឺជាគំរូដ៏ល្អនៃវប្បធម៌សាមគ្គីគ្នាជាធ្លុងមួយជួយគ្នាក្នុងគ្រាលំបាក។

គណៈយុទ្ធមិត្តបម្រើកងទ័ពឆ្នាំ១៩៧៨នេះ ដែលមានសម្ដេចតេជោ ហ៊ុន សែន នាយករដ្ឋមន្ដ្រីនៃកម្ពុជា ជាប្រធានកិត្តិយស។ រីឯ «១២៥» គឺជាឈ្មោះអង្គភាពដំបូងនៃកងកម្លាំងសាមគ្គីសង្គ្រោះជាតិកម្ពុជា ដែលត្រូវបានបង្កើតឡើងនៅថ្ងៃទី១២ ខែឧសភា ឆ្នាំ១៩៧៨ មានសម្តេចតេជោ ហ៊ុន សែន ជាស្ថាបនិក និងជាអគ្គមគ្គុទេសក៍ ដែលមានគោលដៅឆ្ពោះទៅវាយផ្តួលរំលំរបបប្រល័យពូជសាសន៍ រំដោះប្រទេសជាតិ សង្រ្គោះអាយុជីវិតប្រជាជន។

សូមបញ្ជាក់ផងដែរ ក្រុមហ៊ុន ប៉េង ហួត គ្រុប បានកំណត់អាទិភាពការងារសង្គមរបស់ក្រុមហ៊ុន ដែលមានសសរស្ដម្ភធំ ៣ ហើយក៏ស្របទៅនឹងគោលការណ៍របស់អង្គការសហប្រជាជាតិ ពោលគឺ៖ ការងារ «បរិស្ថាន អប់រំ និង សង្គម។» កន្លងមកតាមរយៈការងារសង្គម ដែលក្រុមហ៊ុនបានធ្វើរួមមាន៖ ការឧបត្ថម្ភកសាងហេដ្ឋារចនាសម្ព័ន្ធ ការកសាងព្រះវិហារនិងវត្តអារាម ការសាងសង់ផ្ទះជូនអតីតយុទ្ធជននិងយោធិនពិការ ការចូលរួមបរិច្ចាគថវិកាជារៀងរាល់ឆ្នាំជូនកាកបាទក្រហមកម្ពុជា មន្ទីរពេទ្យគន្ធបុប្ផា មន្ទីរពេទ្យកុមារអង្គរ និងសមាគមគ្រូពេទ្យស្ម័គ្រចិត្ត យុវជនសម្តេចតេជោ ព្រមទាំងរៀបចំកម្មវិធីស្ម័គ្រចិត្តបរិច្ចាគឈាម ដល់មជ្ឈមណ្ឌលជាតិផ្តល់ឈាម។ល៕

China says it has never deliberately pursued trade surplus with US

BEIJING: China has never deliberately pursued a trade surplus with the United States, Shu Jueting, a commerce ministry spokesperson, said on Thursday (Mar 23), despite signs that China is continuing to reduce its reliance on American exports.

Although American export data published on Feb 7 shows that exports to China increased by US$2.4 billion on the year to hit a “record high” of US$153.8 billion in 2022, that is an “empty statement”, according to a new report from the Peterson Institute for International Economics (PIIE). It identifies inflation as primarily responsible for this figure.

In response to a question from Reuters on whether Chinese officials should be worried that a widening surplus with the United States could hinder China’s efforts to lower US tariffs on Chinese goods, Shu said the United States should “lift trade restrictions on Chinese enterprises as soon as possible”.

She said this was needed to “create the conditions for enterprises from both sides to expand trade cooperation and reduce the trade deficit through dialogue”.

The goods trade gap with China widened by $29.4 billion to US$382.9 billion in 2022.
Researchers at the PIIE have cautioned that “newly released data from 2022 show that US exports are falling further and further behind their foreign peers selling into the Chinese market”.

Trade tensions between the United States and China have been simmering ever since the US-China Phase One Trade Deal expired at the end of 2021.

Source: Reuters/zl

រដ្ឋបាលពិសេសហុងកុង ប្រកាសវិធានការជាច្រើនដើម្បីទាក់ទាញការិយាល័យគ្រួសារអ្នកមានស្តុកស្តម្ភ

ដោយ: គង់ លាងហួរ
ហុងកុង: រដ្ឋបាលទីក្រុងហុងកុងបានប្រកាសពីវិធានការជាបន្តបន្ទាប់នៅថ្ងៃសុក្រនេះ ដើម្បីទាក់ទាញការិយាល័យគ្រួសារអ្នកមានទ្រព្យស្តុកស្តម្ភឱ្យមកបង្កើតទីតាំងនៅទីនេះ ខណៈដែលអាជ្ញាធរព្យាយាមស្តារទំនុកចិត្តអាជីវកម្ម និងទាក់ទាញវិនិយោគិនឡើងវិញ ក្រោយពីវិធានការកូវីដដ៏តឹងតែងរយៈពេល៣ឆ្នាំ។

រដ្ឋបាលហុងកុងបានឱ្យដឹងនៅក្នុងសេចក្តីថ្លែងការណ៍មួយថា គម្រោងការធ្វើចំណាកស្រុកនៃការវិនិយោគដែលត្រូវបានកែលម្អ សម្បទានពន្ធថ្មី និងការលើកទឹកចិត្តផ្សេងៗ ដូចជាឃ្លាំងស្តុកសិល្បៈនៅឯអាកាសយានដ្ឋានអន្តរជាតិរបស់ទីក្រុងនឹងក្លាយជាផ្នែកមួយនៃការផ្តល់ជូនសម្រាប់ការិយាល័យគ្រួសារនៅក្នុងតំបន់រដ្ឋបាលពិសេសរបស់ចិន។

ការប្រកាសនេះធ្វើឡើង ស្របពេលដែលអតីតអាណានិគមអង់គ្លេសរៀបចំកិច្ចប្រជុំកំពូល Wealth for Good នៅថ្ងៃសុក្រ ដែលខ្លួនបាននិយាយថាមានការចូលរួមពីការិយាល័យគ្រួសារ និងតួអង្គអាជីវកម្មល្បីៗជាង១០០ ដូចជានាយកប្រតិបត្តិ Yahoo លោក Jerry Yang មហាសេដ្ឋី Richard Li លោក Robert Rosen នៃមូលនិធិ Bill and Melinda Gates និងលោក Neil Shen ស្ថាបនិកដៃគូគ្រប់គ្រងនៅក្រុមហ៊ុន Sequoia China ។

លោក Paul Chan លេខាធិការហិរញ្ញវត្ថុរបស់ទីក្រុងបានមានប្រសាសន៍ថា “សេចក្តីថ្លែងការណ៍គោលនយោបាយបង្ហាញពីការប្តេជ្ញាចិត្តរបស់យើងក្នុងការអភិវឌ្ឍទីក្រុងហុងកុងទៅជាមជ្ឈមណ្ឌលការិយាល័យគ្រួសារឈានមុខគេនៅលើពិភពលោក”។

លោក Paul Chan បានបន្តថា “នេះនឹងជួយជំរុញវិស័យហិរញ្ញវត្ថុរបស់ទីក្រុងហុងកុង ក៏ដូចជាវិស័យនានា រួមទាំងបច្ចេកវិទ្យា បៃតង សិល្បៈ វប្បធម៌ និងសប្បុរសធម៌ផងដែរ”។

លោក John Lee នាយកប្រតិបត្តិហុងកុង បានមានប្រសាសន៍កាលពីឆ្នាំ២០២២ថា “លោកបានកំណត់គោលដៅទាក់ទាញការិយាល័យគ្រួសារធំចំនួន២០០ឱ្យមកបង្កើតទីតាំងនៅទីក្រុងហុងកុងនៅឆ្នាំ២០២៥”។

ការជំរុញរបស់ក្រុងហុងកុងក្នុងការទាក់ទាញគ្រួសារអ្នកមានស្តុកស្តម្ភ បានកើតមានឡើង ខណៈបុគ្គល និងក្រុមហ៊ុនដែលមានទ្រព្យសម្បត្តិជាច្រើនបានផ្លាស់ប្តូរទៅកាន់មជ្ឈមណ្ឌលហិរញ្ញវត្ថុ ដែលជាគូប្រជែងរបស់ខ្លួនដូចជាសិង្ហបុរី បន្ទាប់ពីទីក្រុងប៉េកាំងបានដាក់ច្បាប់សន្តិសុខជាតិលើទីក្រុងហុងកុងក្នុងឆ្នាំ២០២០។

ការផ្លាស់ប្តូរនេះត្រូវបានពន្លឿន ដោយសារការទប់ស្កាត់ជំងឺឆ្លងដ៏តឹងរ៉ឹង ដែលបានបិទព្រំដែនរបស់ទីក្រុងហុងកុង និងផ្តាច់ចេញពីពិភពលោកទាំងមូល ដោយសារការអនុវត្តតាមគោលនយោបាយសូន្យកូវីដរបស់ប្រទេសចិន។

លើសពីនេះ ទីក្រុងហុងកុងក៏បានព្យាយាមធ្វើឱ្យរូបភាពរបស់ខ្លួនមានភាពស្រស់ថ្លាឡើងវិញ ដោយរៀបចំព្រឹត្តិការណ៍ និងសន្និសិទជាបន្តបន្ទាប់ដែលរៀបចំឡើងដើម្បីទាក់ទាញភ្ញៀវទេសចរអន្តរជាតិផងដែរ៕

ក្រុមហ៊ុន OCIC Group និងCBRE Cambodiaចុះអនុស្សារណៈយោគយល់គ្នា MOU ក្នុងភាពជាដៃគូយុទ្ធសាស្ត្រ

ដោយ: គង់ លាងហួរ
ភ្នំពេញ: នៅថ្ងៃទី២៣ ខែមីនា ឆ្នាំ២០២៣ ក្រុមហ៊ុន OCIC Group និង CBRE Cambodia បានក្លាយជាដៃគូយុទ្ធសាស្ត្រ ដើម្បីអភិវឌ្ឍបន្ថែមនូវឱកាសវិនិយោគនានានៅក្នុងទីផ្សារអចលនទ្រព្យនៅកម្ពុជា។

ការចុះហត្ថលេខានេះមានការចូលរួមពីនាយកក្រុមហ៊ុន OCIC លោកស្រី Lim Lychin និងអនុប្រធានក្រុមហ៊ុន OCIC លោក Thierry Tea ព្រមទាំងនាយកគ្រប់គ្រង CBRE Cambodia លោក Lawrence Lennon និងនាយករងលោកស្រី Kinkesa Kim ។ ចំណែកភ្ញៀវរួមមានលោក Travis Mitchell នាយកប្រតិបត្តិសភាពាណិជ្ជកម្មអាមេរិក និងគណៈអភិបាលលោកស្រី Kim Tan Am ។

នេះជាជំហានដំបូងទី១នៃកិច្ចសហការជាថ្មីរវាងក្រុមហ៊ុនសេវាកម្មអចលនទ្រព្យពាណិជ្ជកម្មអាមេរិក និងក្រុមហ៊ុនចម្រុះអចលនទ្រព្យកម្ពុជា។ អនុស្សរណៈនៃការយោគយល់គ្នានេះ មានគោលបំណងបង្កើតឱកាសថ្មីសម្រាប់អ្នកវិនិយោគ អតិថិជន និងអ្នករស់នៅក្នុងទីប្រជុំជនផងដែរ។

ក្រុមហ៊ុន CBRE ដែលមានវត្តមាននៅក្នុងជាង១០០ប្រទេសនៅទូទាំងពិភពលោក និងក្រុមហ៊ុន OCIC Group ដែលអភិវឌ្ឍអចលនទ្រព្យលំនៅដ្ឋាន និងពាណិជ្ជកម្មខ្នាតធំ ក៏ដូចជាហេដ្ឋារចនាសម្ព័ន្ធចាប់តាំងពី២៣ឆ្នាំចុងក្រោយមកនោះ កំពុងចាប់ផ្តើមដំណាក់កាលដំបូងនៃភាពជាដៃគូកាន់តែទូលំទូលាយនេះដោយផ្តោតលើការវិវត្តន៍នៃគម្រោងរបស់ក្រុមហ៊ុន OCIC Group នៅកោះពេជ្រ ដែលមានទីតាំងនៅចំកណ្តាលរាជធានីភ្នំពេញ។

លោក Lawrence Lenon នាយកគ្រប់គ្រងក្រុមហ៊ុន CBRE Cambodia បានពន្យល់ថា “ខណៈយើងចាប់ផ្តើមអនុស្សរណៈយោគយល់គ្នាជាយុទ្ធសាស្ត្រជាមួយក្រុមហ៊ុន OCIC យើងទទួលស្គាល់សក្តានុពលដ៏ធំធេងសម្រាប់កិច្ចសហការ និងការច្នៃប្រឌិតក្នុងវិស័យអចលនទ្រព្យ។ ភាពជាដៃគូនេះនឹងមិនត្រឹមតែនាំមកនូវអត្ថប្រយោជន៍សំខាន់ៗដល់អតិថិជនរបស់យើងប៉ុណ្ណោះទេ ប៉ុន្តែថែមទាំងរួមចំណែកដល់ការអភិវឌ្ឍប្រកបដោយចីរភាពនៃទេសភាពទីក្រុងរបស់ប្រទេសកម្ពុជាផងដែរ”។

ភាពជាដៃគូនេះគឺជាសករាជថ្មីមួយនៃការអភិវឌ្ឍន៍ ដោយផ្តោតជាដំបូងលើការវិវត្តន៍របស់កោះពេជ្រ ដែលត្រូវបានអភិវឌ្ឍឡើងវិញជាលើកដំបូងដោយក្រុមហ៊ុន OCIC Group ក្រោមចក្ខុវិស័យរបស់អ្នកឧកញ៉ា បណ្ឌិត ពុង ឃាវសែ កាលពីឆ្នាំ២០០៥។

ចាប់ពីតំបន់វាលភក់ រហូតក្លាយទៅជាបណ្តុំរបស់ក្រុមហ៊ុន Startup ក្នុងស្រុក និងបរទេស សហគ្រាសធុនតូច និងមធ្យម និងក្រុមហ៊ុនចម្រុះជាតិសាសន៍ កោះពេជ្រកំពុងក្លាយជាអន្តរជាតិយ៉ាងឆាប់រហ័ស។

ក្រុមហ៊ុន OCIC បានប្រមូលផ្តុំអ្នកជំនាញក្នុងឧស្សាហកម្មមួយក្រុមជាមួយស្ថាបត្យករច្នៃប្រឌិតដែលមានបទពិសោធន៍ និងវ័យក្មេងមកពីប្រទេសបារាំង និងកម្ពុជា ដើម្បីអភិវឌ្ឍបន្ថែមទៀតនូវបទពិសោធន៍នៃការរស់នៅនៅកោះពេជ្រ ដើម្បីរីកចម្រើនឆ្ពោះទៅរកការក្លាយជាទីក្រុងប្រកបដោយនិរន្តរភាពរយៈពេលវែងនៅចំកណ្តាលទីក្រុងភ្នំពេញ។

លោក Thierry Tea អនុប្រធានក្រុមហ៊ុន OCIC Group បានមានប្រសាសន៍ថា “ការអភិវឌ្ឍន៍ទីក្រុងនៅគ្រប់ទីកន្លែងក្នុងពិភពលោក ត្រូវការពេលជាច្រើនទសវត្សរ៍ដើម្បីផ្លាស់ប្តូរ និងមានភាពចាស់ទុំ។ វាជាការវិនិយោគរយៈពេលវែង ជាការខិតខំប្រឹងប្រែង ហើយវាបង្ហាញពីការប្តេជ្ញាចិត្តរបស់អ្នកអភិវឌ្ឍសម្រាប់អនាគតប្រទេសជាតិ។

លោក Thierry Tea បានបន្តថា សព្វនេះកោះពេជ្រមានអ្នករស់នៅជាង១៥.០០០នាក់ លំនៅដ្ឋានជាង២.៥០០យូនីត ប្រភេទអចលនទ្រព្យចម្រុះរួមមាន បុរីវីរជន សាលាអន្តរជាតិកាណាដា (CIS) the Ecole Française Internationale (EFI) CIS Roller Dome Morgan Tower Casa Meridian ឬសួនការិយាល័យដែលទើបនឹងបង្កើតបន្ថែមថ្មីៗដូចជា Aquation និង Elysée Tower។

បេសកកម្មមួយរបស់ OCIC Group គឺបង្កើត oasis ពណ៌បៃតងនៅកណ្តាលទីក្រុង ហើយនេះជាមូលហេតុដែលសួនដូង ឧទ្យានការិយាល័យ Aquation និងឆាប់ៗនេះមជ្ឈមណ្ឌលសហគមន៍ Connexion ក្លាយជាការពិត។

យើងមានសេចក្តីសោមនស្សរីករាយដែលបានធ្វើជាសាក្សីថា កោះពេជ្រកំពុងជួបប្រទះនូវរលកថ្មីមួយនៃថាមពលជាមួយនឹងការបន្ថែមសាខាថ្មីៗរបស់ F&B រួមមាន Starbucks Brown Cafe Tube Coffee និងកន្លែងល្បីៗដូចជា Bar M enaka ភ្នំពេញ 278 ឬ Glasshouse ក្នុងចំណោមកន្លែងផ្សេងទៀតដែលកំពុងបម្រើតំបន់លំនៅដ្ឋានដែលកំពុងរីកលូតលាស់នេះ។

កោះពេជ្រកំពុងស្ថិតក្នុងដំណាក់កាលរីលចម្រើនរបស់ខ្លួន។ ជាឧទាហរណ៍នៃចក្ខុវិស័យគាំទ្រថ្មីនេះ រួមមាន ការធ្វើឱ្យប្រសើរឡើងនូវផ្លូវដើរតាមដងទន្លេ ដែលធ្វើដំណើរជុំវិញមាត់ទន្លេកោះពេជ្រទាំងមូល ដែលគ្រួសារ និងគូស្នេហ៍បានចាប់ផ្តើមរីករាយ សម្រាក និងហាត់ប្រាណរួចហើយ។

ក្រុមហ៊ុនផ្សេងៗដូចជា Food Panda Starbucks Sok Siphana Law ឬស្ថានទូតកូរ៉េខាងត្បូងក៏បានបង្កើតការិយាល័យរបស់ខ្លួននៅកោះពេជ្រផងដែរ។

ការវិវត្តន៍នេះ គូសបញ្ជាក់ពីការជឿទុកចិត្តលើហេដ្ឋារចនាសម្ព័ន្ធនានា ដែលស្រមើស្រមៃមើលឃើញដោយលោកឧកញ៉ា បណ្ឌិត ពុង ឃាវសែ ប្រធានក្រុមហ៊ុន OCIC Group កាលពីជាង១៧ឆ្នាំមុន។

ជាមួយនឹងខុនដូថ្មីជាង១.៥០០យូនីត និងវីឡាថ្មីចំនួន២០០ ដែលនឹងផុសឡើងបន្ថែមពីលើស្ពាន Norea City ដែលនឹងត្រូវបញ្ចប់នៅចុងឆ្នាំនេះ ចរាចរណ៍នៅកោះពេជ្រនឹងកើនឡើងយ៉ាងខ្លាំងនៅក្នុងរយៈពេលប៉ុន្មានខែខាងមុខនេះ។

មិនថាគ្រួសារដែលចូលចិត្តរីករាយនឹងកីឡាវាយកូនហ្គោលខ្នាតតូច ទៅលេងអាងហែលទឹក ជិះកូនឡានប្រណាំង ឬសម្រាកលំហែកាយជាមួយក្មេងៗនៅសួនដូង ដែលរចនាឡើងប្រកបដោយភាពស្និទ្ធស្នាលនឹងបរិស្ថាននោះទេ OCIC Group រួមជាមួយនឹងដៃគូ និងអតិថិជនរបស់ខ្លួនមានក្តីរំភើបរីករាយក្នុងការបង្កើតជម្រើសផ្តល់ជូនកាន់តែច្រើនសម្រាប់អ្នករាល់គ្នានៅកោះពេជ្រ ជាមួយនឹងយុទ្ធសាស្រ្តថ្មី ត្រូវបានបង្កើតឡើងតាមរយៈបណ្តាញគាំទ្រភាពជាដៃគូដែលកំពុងរីកចម្រើនដូចដែលបានចុះហត្ថលេខានៅថ្ងៃនេះ។

ក្នុងចំណោមដៃគូនានា ដែលត្រូវបានណែនាំដោយអ្នកប្រឹក្សាផ្នែកវិនិយោគអចលនទ្រព្យ Jovany Antonio គឺ Dara Ventures ដែលជាក្រុមហ៊ុន Startup ផ្តោតលើការច្នៃប្រឌិត និរន្តរភាព និងបទពិសោធន៍អតិថិជន កំពុងប្រើប្រាស់បច្ចេកវិជ្ជាអនុវត្តសម្រាប់ការវិវត្តនៃគម្រោងរបស់កោះពេជ្រ រួមមានរបៀបរស់នៅ ការកម្សាន្ត សកម្មភាពគ្រួសារ ក៏ដូចជាការចាប់ផ្ដើមអាជីវកម្ម startup និងប្រព័ន្ធអេកូឡូស៊ី SMEs ។

ភាពជាដៃគូជាមួយ CBRE នឹងគាំទ្រដល់ការធ្វើពាណិជ្ជកម្មនៃ Elysée Shophouses និងដំណាក់កាលទី៣នៃ Elite Town ។

លោក Thierry Tea បន្ថែមថា “នៅមានឱកាសសម្រាប់អាជីវកម្មបន្ថែមក្នុងការបង្កើតហាងនៅកោះពេជ្រ ចាប់ពីហាងងាយស្រួល ផ្សារទំនើប ហាងកាហ្វេ ម្ហូបបស្ចិមប្រទេស ម្ហូបខ្មែរ ហាងលក់សំលៀកបំពាក់ ឱសថស្ថាន សួនកុមារ ហាងថែទាំទារក គ្លីនិកពេទ្យ ហាងសម្រស់ កន្លែងហាត់ប្រាណ ហាងនំប៉័ង ហាងលក់វត្ថុអនុស្សាវរីយ៍ គ្រឹះស្ថានហិរញ្ញវត្ថុ ហាងបេតិកភណ្ឌវប្បធម៌ ឬកន្លែងលក់អាហារសុខភាព។ យើងកំពុងផ្សព្វផ្សាយពាណិជ្ជកម្មក្រុមហ៊ុនរបស់យើងសម្រាប់រយៈពេល១០ឆ្នាំខាងមុខ ហើយយើងរំភើបក្នុងការសហការជាមួយ CBRE ដើម្បីនាំយក និងទាក់ទាញការវិនិយោគកាន់តែច្រើនពីក្រៅប្រទេស ជាពិសេសអ្នកវិនិយោគយុទ្ធសាស្ត្រអន្តរជាតិ ដើម្បីធ្វើជាដៃគូក្នុងដំណាក់កាលបន្ទាប់នៃការអភិវឌ្ឍន៍របស់ OCIC Group”។

លោក Lawrence Lenon បានមានប្រសាសន៍ថា “យើងរំពឹងថា ភាពជាដៃគូយុទ្ធសាស្ត្រនេះជាមួយ OCIC នឹងបើកឱកាសថ្មីៗជាច្រើនសម្រាប់ក្រុមហ៊ុនទាំងពីរ រួមទាំងការទទួលបានការយល់ដឹងអំពីទីផ្សារដ៏មានតម្លៃ សេវាកម្មដែលប្រសើរឡើង និងសមត្ថភាពក្នុងការដោះស្រាយបញ្ហាប្រឈមផ្នែកអចលនទ្រព្យដ៏ស្មុគស្មាញជាមួយនឹងវិធីសាស្រ្តសហការគ្នាដោយប្រើប្រាស់ឥទ្ធិពល.ភាពខ្លាំងរបស់គ្នាទៅវិញទៅមក ហើយយើងមានទំនុកចិត្តថា យើងអាចជំរុញលទ្ធផលវិជ្ជមានសម្រាប់អតិថិជនរបស់យើង និងសហគមន៍កាន់តែទូលំទូលាយនៅក្នុងប្រទេសកម្ពុជា”។

CBRE នឹងគាំទ្រដល់ក្រុមហ៊ុន OCIC Group ក្នុងដំណើរឆ្ពោះទៅមុខ ដើម្បីបន្តអភិវឌ្ឍកោះពេជ្រ ឱ្យក្លាយជាគំរូដ៏ភ្លឺស្វាងនៃការអភិវឌ្ឍន៍ប្រកបដោយនិរន្តរភាពក្នុងរាជធានីភ្នំពេញ ជាមួយនឹងសេចក្តីប្រកាសថ្មីៗដ៏គួរឱ្យរំភើបជាច្រើនដែលនឹងមកដល់ក្នុងឆ្នាំនេះ៕

World Bank ស្វះស្វែងរកប្រាក់ពីវិស័យឯកជនបន្ថែម ខណៈតម្រូវការហិរញ្ញប្បទានប្រចាំឆ្នាំកើនឡើងដល់២,៤ទ្រីលានដុល្លារ

សុខុម

អន្តរជាតិ: លោក David Malpass ប្រធានធនាគារពិភពលោក ឬ World Bank កាលពីថ្ងៃព្រហស្បតិ៍ ទី២៣ ខែមីនា បានដាក់ចេញនៅនូវផែនទីបង្ហាញផ្លូវថ្មីមួយសម្រាប់ការចូលរួមរបស់វិស័យឯកជននៅក្នុងការផ្តល់ហិរញ្ញប្បទានគម្រោងទាំងក្នុងបណ្ដាប្រទេសដែលកំពុងរីកចម្រើន និងប្រទេសកំពុងអភិវឌ្ឍន៍ ខណៈតម្រូវការហិរញ្ញប្បទានប្រចាំឆ្នាំកើនឡើងរហូតដល់២,៤ទ្រីលានដុល្លារអាមេរិក។

លោកលើកឡើងថា តម្រូវការហិរញ្ញប្បទានដ៏ធំប្រចាំឆ្នាំតាមការប៉ាន់ប្រមាណថ្មីរបស់ធនាគារពិភពលោកនេះ អាចដោះស្រាយផលប៉ះពាល់ដែលបង្កឡើងដោយបម្រែបម្រួលអាកាសធាតុ សង្គ្រាម និងជំងឺរាតត្បាតដូចកូវីដ-១៩ ជាដើម ហើយមូលធនឯកជនគឺ “ចាំបាច់ណាស់” សម្រាប់បំពេញតម្រូវការទាំងនោះ។

លោក David Malpass កាលពីខែកុម្ភៈ ដើមឆ្នាំនេះបានប្រកាសលាលែងពីតំណែងជាប្រធានាធនាគារពិភពលោក ហើយធនាគារនេះរំពឹងថានឹងជ្រើសរើសប្រធានថ្មីជំនួសរូបលោកនៅដើមខែឧសភា ឆ្នាំនេះ។

លោកបានបន្ថែមថា កម្មវិធីនេះផ្អែកលើសសរស្តម្ភចំនួន៣ ដែលទី១ មានគោលបំណងជួយសម្រួលដល់រំហូរមូលធនកាន់តែប្រសើរតាមរយៈការផ្តល់នូវស្ថិរភាព និងតម្លាភាពដល់ម៉ាក្រូសេដ្ឋកិច្ច ខណៈការកសាងធនាគារទិន្នន័យដែលគាំទ្រដល់ការធ្វើសេចក្ដីសម្រេចចិត្ត។

ក្នុងព្រឹត្តិការណ៍មួយដែលរៀបចំដោយមជ្ឈមណ្ឌលសម្រាប់ការសិក្សាជាយុទ្ធសាស្ត្រ និងជាអន្តរជាតិ (Center for Strategic and International Studies) នៅរដ្ឋធានីវ៉ាស៊ីនតោន លោក David Malpass បានលើកឡើងថា “ផលិតផលដែលសម្រេចបានពីការវិភាគទាំងនេះនឹងផ្តោតលើអ្វីដែលប្រទេសនានាត្រូវចាត់វិធានការសម្រាប់បរិយាកាសវិនិយោគដ៏ត្រឹមត្រូវ ទីផ្សារប្រកួតប្រជែង និងតួនាទីដែលមានតុល្យភាពរបស់រដ្ឋនៅក្នុងសេដ្ឋកិច្ច”។

បន្ទាប់មក ផែនទីបង្ហាញផ្លូវងាកទៅរកការដោះស្រាយបញ្ហាសាច់ប្រាក់ ខណៈផ្តោតលើឱកាសសម្រាប់បណ្ដាសហគ្រាសរដ្ឋក្នុងការទាក់ទាញមូលធនឯកជន។

ជាចុងក្រោយ កម្មវិធីនេះមានគោលបំណងបង្កើតទីផ្សារមូលបត្រថ្នាក់វិនិយោគដែលនឹងទាក់ទាញស្ថាប័នវិនិយោគ៕ Reuters៕

តម្រូវការប្រើប្រាស់ទឹកស្អាតនៅភ្នំពេញកើនឡើងដល់ជិត៩០ម៉ឺនម៉ែត្រគូបនិងកំពុងខ្វះខាតទឹកនៅតំបន់ជាយក្រុង

ដោយ៖ វឌ្ឍនៈ

ភ្នំពេញ ៖ តម្រូវការប្រើប្រាស់ទឹកស្អាតនៅក្នុងរាជធានីភ្នំពេញ បានកើនឡើងជាបន្តបន្ទាប់ចាប់តាំងពីឆ្នាំ២០១៦ ដែលរហូតមកដល់ពេលនេះក្នុងឆ្នាំ ២០២៣ តម្រូវប្រើប្រាស់ទឹកស្អាតមានរហូតដល់៨៩ម៉ឺនម៉ែត្រគូប ក្នុងមួយថ្ងៃ ខណៈរដ្ឋាករទឹកស្វយ័តក្រុងភ្នំពេញ ផលិតទឹកស្អាតបានតែ៦៤ម៉ឺនម៉ែត្រគូបប៉ុណ្ណោះ ក្នុងមួយថ្ងៃ និងកំពុងមានការខ្វះខាតទឹកនៅតំបន់មួយចំនួនជាពិសេសនៅតំបន់ជាយក្រុង ។

យោងតាមសេចក្ដីប្រកាសព័ត៌មានរបស់រដ្ឋាករទឹកស្វយ័តក្រុងភ្នំពេញ បានឱ្យដឹងថា រាជធានីភ្នំពេញ មាននិន្នាការខ្វះទឹកស្អាតប្រើប្រាស់នាឆ្នាំ ២០១៦ និងឆ្នាំ ២០១៧ និងចាប់ផ្ដើមខ្វះទឹកប្រើប្រាស់ចាប់ពីឆ្នាំ ២០១៨រហូតដល់ឆ្នាំ ២០២៣ ។ នៅក្នុងឆ្នាំ ២០២៣នេះ តម្រូវការប្រើប្រាស់ទឹកបានកើនឡើងដល់៨៩ម៉ឺនម៉ែត្រគូបក្នុងមួយថ្ងៃ ខណៈសមត្ថភាពផលិតទឹកជាក់ស្ដែងរបស់រដ្ឋាករទឹកស្វយ័តក្រុងភ្នំពេញ មានប្រមាណតែ៦៤ម៉ឺនម៉ែត្រគូបប៉ុណ្ណោះ ក្នុងមួយថ្ងៃ ពោលគឺកំពុងខ្វះខាតទឹកផ្គត់ផ្គង់ប្រមាណ២៥ម៉ឺនម៉ែត្រគូបក្នុងមួយថ្ងៃ ។

រដ្ឋាករទឹកស្វយ័តក្រុងភ្នំពេញបានឱ្យដឹងថា ក្នុងស្ថានភាពនេះ រាជរដ្ឋាភិបាល ក្រសួងអាណាព្យាបាល និងក្រុមប្រឹក្សាភិបាល បានជួយគាំទ្រយ៉ាងពេញទំហឹងក្នុងការផ្ដល់ទុនវិនិយោគដើម្បីឱ្យរដ្ឋាករទឹកស្វយ័តក្រុងភ្នំពេញ មានលទ្ធភាពសាងសង់រោងចក្រផលិតទឹកថ្មី ដែលមានសមត្ថភាពអាចផលិតទឹកស្អាតបានក្នុងបរិមាណ៤០ម៉ឺនម៉ែត្រគូបក្នុងមួយថ្ងៃ និងបំពង់ចែកចាយទឹកថ្មីជិត១ពាន់គីឡូម៉ែត្រ ដើម្បីដោះស្រាយបញ្ហាទឹកជាជំហានៗ ឱ្យខាងតែបានចាប់ពីឆមាសទី២ឆ្នាំ ២០២៣នេះតទៅ ។

រដ្ឋាករទឹកស្វយ័តក្រុងភ្នំពេញ បានបញ្ជាក់ថា ចាប់ពីឆ្នាំ ២០២៤តទៅ សមត្ថភាពផលិតទឹកស្អាតរបស់រដ្ឋាករទឹស្វយ័តក្រុងភ្នំពេញ មានជាង១លានម៉ែត្រគូបក្នុងមួយថ្ងៃ ធៀបនឹងការព្យាករណ៍ តម្រូវការទឹកដែលមានប្រមាណ៩០ម៉ឺនម៉ែត្រគូបក្នុងមួយថ្ងៃ មានន័យថាប្រជាពលរដ្ឋរស់នៅរាជធានីភ្នំពេញ និងក្រុងតាខ្មៅទាំងអស់ នឹងមានទឹកប្រើប្រាស់គ្រប់គ្រាន់ហើយ ។

រដ្ឋាករទឹកស្វយ័តក្រុងភ្នំពេញក៏បានបង្ហាញពីតំបន់ដែលកំពុងខ្វះខាតទឹកប្រើប្រាស់នៅក្នុងរដូវប្រាំងឆ្នាំ ២០២៣នេះ រួមមានសង្កាត់ស្វាយប៉ាកខណ្ឌឬស្សីកែវ ៦សង្កាត់នៅខណ្ឌសែនសុខ សង្កាត់គោករការ សង្កាត់ក្រាំងធ្នង់ សង្កាត់សំរោងក្រោមនៃខណ្ឌពោធិ៍សែនជ័យ សង្កាត់ស្នោ សង្កាត់ភ្លើងឆេះរទេះ សង្កាត់ពងទឹក សង្កាត់កន្ទោក សង្កាត់កំបូល សង្កាត់ចោមចៅ១ ២ និង៣ សង្កាត់កាកាប១និង២ សង្កាត់ព្រៃវែង សង្កាត់ព្រៃស សង្កាត់ជើង សង្កាត់ស្ទឹងមានជ័យ១ ២ និង៣ សង្កាត់ព្រែកកំពិស សង្កាត់ព្រែកហូរ សង្កាត់ស្វាយរលំ សង្កាត់ព្រែកថ្មី និងសង្កាត់ក្បាលកោះ ។

បើតាមការសិក្សារបស់UNDP បានឱ្យដឹងថាកំណើននៃការសាងសង់អគារខ្ពស់ៗ និងកំណើនលំនៅឋាននៅក្នុងរាជធានីភ្នំពេញ បានធ្វើឱ្យតម្រូវការនៃការប្រើប្រាស់ទឹកស្អាត និងភ្លើងអគ្គិសនីមានការកើនឡើងខ្ពស់ ដែលតម្រូវឱ្យរាជរដ្ឋាភិបាលវិនិយោគលើហេដ្ឋារចនាសម្ព័ន្ធទាំងពីរនេះ ដើម្បីឆ្លើយតបនឹងសេចក្ដីត្រូវការរបស់ប្រជាពលរដ្ឋ ៕

New tax reduction for land and buildings comes into effect

The cabinet approved the decree cutting the tax in December last year.
The law was published in the Royal Gazette on March 18, taking effect on March 19.
The law applies to tax payments this year for land and buildings, including farmland, residential land, commercial land and vacant land.

For certain types of plots that were entitled to a 50% tax reduction under the previous decree, they will enjoy this 15% tax reduction on top of the 50% tax cut. This includes land for electricity-generating dams.

However, certain plots that enjoyed a 90% tax cut will not be entitled to the 15% tax reduction under this decree.

They include allocated land plots for housing project development, which received the 90% tax cut for a maximum of three years.
This latest tax cut costs local authorities 6.28 billion baht, which the Budget Bureau will offset, Mr Pornchai said.

The government cut the land and building tax by 90% during 2020-21 to mitigate the impact of the pandemic.

The government did not extend the 90% tax reduction because of the fiscal burden.
The 90% tax cut took effect in June 2020.

From 2020 to 2021, the tax reduction cost the state around 30 billion baht per year, according to the FPO.

Source: Bangkok Post

1...994995996...3,258 Page 995 of 3,258