តំបន់រាម ខេត្តព្រះសីហនុទាក់ទាញគំរោងអភិវឌ្ឍន៍តម្លៃរាប់លានដុល្លារថ្មីមួយទៀត

ដោយៈ វឌ្ឍនៈ

ភ្នំពេញៈ គម្រោងសហគមន៍អាជីវកម្មរាម ដែលស្ថិតនៅក្នុងតំបន់សក្ដានុពល នៃខេត្តព្រះសីហនុ បានប្រកាសបើកសម្ពោធនិងប្រកាសលក់ជាផ្លូវការ ក្រោមអធិបតីភាពលោក ឯម ភាព អភិបាលរងខេត្តព្រះសីហនុ នៅព្រឹកថ្ងៃទី២៥ មីនា ២០២៣ នៅក្នុងទីតាំងគម្រោងនេះផ្ទាល់ ។

គម្រោងសហគមន៍អាជីវកម្មរាម ជាគម្រោងអភិវឌ្ឍន៍ដីឡូត៏អាជីវកម្មដ៏ធំមួយ នៅក្នុងទីក្រុងរាមនៃខេត្តព្រះសីហនុ ដែលមានទំហំផ្ទៃដី៧ហិចតា និងមានផែនការអភិវឌ្ឍ ទៅជាសហគមន៍អាជីវកម្មចម្រុះ រួមមានផ្សារទំនើប ហាងកាហ្វេ ហាងលក់ទំនិញ រោងភាពយន្ត សណ្ឋាគារ និងអាជីវកម្មជាច្រើនទៀត ។

លោកជិន ច័ន្ធឆាយ៉ា ម្ចាស់គម្រោងសហមន៍អាជីវកម្មរាមបានមានប្រសសាន៍ឱ្យដឹង ក្នុងពិធីសម្ភោធគំរោងខាងលើកាលពីចុងសប្តាហ៍មុនថា គម្រោងទាំងមូលមានផ្ទៃដីសរុបប្រមាណ៧ហិចតា ហើយក្នុងនោះ គ្រាន់តែដីសម្រាប់សាងសង់ ហេដ្ឋារចនាសម្ព័ន្ធអស់ប្រមាណ៣ហិចតា និងនៅសល់ប្រមាណ៤ហិចតា គឺយើងអភិវឌ្ឍន៍ជាដីឡូត៏អាជីវកម្ម ។

លោកបន្តថា “យើងសង្ឃឹមថាគម្រោងអភិវឌ្ឍន៍នេះ នឹងទាក់ទាញបងប្អូនអាជីវករកម្ពុជា មកចូលរួចអភិវឌ្ឍន៍អាជីវកម្ម និងបង្កើតជាសហគមន៍អាជីវកម្ម នៅក្នុងតំបន់នៅពេលឆាប់ៗនេះផងដែរ”។លោកបន្តថា “នៅក្នុងសហគមន៍អាជីវកម្មមួយនេះ យើងនឹងបង្កើតទៅជាតំបន់ពាណិជ្ជកម្មចម្រុះ រួមមានជាសណ្ឋាគារ រីសត ផ្សារទំនើប ហាងលក់ទំនិញ ហាងកាហ្វេ និងអាជីវកម្មទាក់ទាញជាច្រើនទៀត”។

លោកជិន ច័ន្ទឆាយាបានបន្តថា ក្រុមហ៊ុនរបស់យើងនឹងជំរុញឱ្យសកម្មភាពអាជីវកម្ម នៅក្នុងសហគមន៍អាជីវកម្មរាម ចាប់ផ្ដើមឲ្យមានសភាពមមាញឹកនៅអំឡុងឆ្នាំ២០២៤ខាងមុខនេះ។ លោកបន្តថា ដោយមិនទាន់រាប់បញ្ចូលតម្លៃដី គ្រាន់តែហេដ្ឋារចនាសម្ព័ន្ធ នៅក្នុងគម្រោងមួយនេះ យើងបានចំណាយថវិកាប្រមាណ ៣លានដុល្លារអាមេរិក ដោយក្នុងគម្រោងនេះ មានអភិវឌ្ឍន៍ជាផ្លូវបេតុងអ៊ុតកៅស៊ូ មានទំហំធំៗរហូតដល់៣៧ម៉ែត្រ មានប្រព័ន្ធលូ ប្រព័ន្ធទឹកស្អាត និងប្រព័ន្ធភ្លើងដែលបង្កប់នៅក្រោមដីទាំងអស់។

ចូលរួមជាអធិបតីក្នុងពិធីនោះ លោកឯម ភាព អភិបាលរងខេត្តព្រះសីហនុបានឱ្យដឹងថា ដូចយើងបានដឹងទាំងអស់គ្នាហើយថា ខេត្តព្រះសីហនុ គឺជាខេត្តដែលមានសក្ដានុពល ដោយយើងមានផ្លូវល្បឿនលឿនតភ្ជាប់ពីភ្នំពេញ មានផ្លូវដែក មានកំពង់ផែ និងមានព្រលានយន្តហោះផងដែរ ។ ម្យ៉ាងទៀត ចាប់តាំងពីផ្លូវល្បឿនលឿនបានបើកឱ្យដំណើរការ ក៏ឃើញថាមានប្រជាពលរដ្ឋភ្ញៀវទេសចរជាតិ និងអន្តរជាតិជាច្រើនកុះករ បានមកលេងនៅក្នុងខេត្តព្រះសីហនុ។

ជាក់ស្ដែងនៅរៀងរាល់ល្ងាចថ្ងៃសុក្រ និងថ្ងៃសៅរ៍ អាទិត្យមានការកកស្ទះចរាចរណ៍ នៅតាមតំបន់ឆ្នេរនៃខេត្តព្រះសីហនុ ដោយសារតែប្រជាពលរដ្ឋមកលេងកម្សាន្តច្រើន ។

លោកបន្តថា “គម្រោងអភិវឌ្ឍន៍សហគមន៍អាជីវកម្មរាមនេះ វាបានជំរុញឱ្យខេត្តព្រះសីហនុ កាន់តែមានសក្ដានុពលបន្ថែមទៀត ហើយក៏ជាឱកាសមួយ សម្រាប់អ្នកវិនិយោគចាប់យក ស្របនឹងសេដ្ឋកិច្ចរបស់កម្ពុជា ក៏ចាប់ផ្ដើមងើបឡើងបណ្ដើរៗវិញ ដែលធ្វើឱ្យអ្នកវិនិយោគទាំងខ្មែរ និងបរទេស ចូលមកកាន់ខេត្តព្រះសីហនុជាបន្តបន្ទាប់ទៀត”។

លោកឯម ភាពបានបន្តថា ជាក់ស្ដែងកន្លងមកនេះ យើងបានឃើញហើយថា ភ្ញៀវបរទេសជាពិសេសពីប្រទេសចិន បានធ្វើដំណើរមកកាន់ខេត្តព្រះសីហនុឡើងវិញ ដែលធ្វើឱ្យសកម្មភាពជើងហោះហើរនៅអាកាសយានដ្ឋានអន្តរជាតិ កងកេងមមាញឹកឡើងវិញផងដែរ ។

ចំណែកលោកសន សៀប ប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា ក៏បានមានប្រសាសន៍ផងដែរថា ឱកាសនៃការវិនិយោគអចលនទ្រព្យ នៅក្នុងខេត្តព្រះសីហនុ គឺមានភាពរ៉ឹងមាំនៅថ្ងៃអនាគត និងមានរយៈពេលវែង ហើយលោកជឿជាក់ថាទីក្រុងព្រះសីហនុ នឹងក្លាយជាទីក្រុងទំនើបមួយ ដែលមិនចាញ់ទីក្រុងទំនើបៗនៅលើពិភពលោកប៉ុន្មាននោះទេ។

លោកបន្តថា “ក្នុងរយៈពេលជិត១ត្រីមាសកន្លងទៅនេះ លំហូរវិនិយោគិនបរទេសចូលមកកម្ពុជា ចាប់ផ្ដើមមាននិន្នាការកើនឡើងវិញហើយ ជាពិសេសវិនិយោគិនមកពីប្រទេសចិន ដោយឃើញថាកំណើនជើងហោះហើរ ពីបរទេសចូលមកកម្ពុជាក៏កើនឡើង ទាំងអ្នកវិនិយោគថ្មីៗ និងអ្នកវិនិយោគរួចហើយ និងបានមកមើលពីឱកាសនៃការវិនិយោគនៅកម្ពុជាបន្ថែមទៀត”។ .

គម្រោងសហគមន៍អាជីវកម្មរាម បានទទួលបានសិទ្ធិលក់ផ្ដាច់មុខដោយក្រុមហ៊ុន KH25 Property ។

សម្រាប់ព័ត៌មានបន្ថែមអាចទាក់ទង តាមរយៈលេខទូរសព្ទ 092 207 308/ 087 207 308 ។ឬក៏ចូលទៅកាន់គេហទំព័ររបស់ក្រុមហ៊ុន ៖http://https://kh25property.com ៕

អ្នកជំនាញបង្ហាញពីប្រភេទដី និងទីតាំងដីដែលនៅតែមានសក្តា នុពលក្នុងការវិនិយោគ

ដោយៈ ជេស៊ីកា

ភ្នំពេញៈ អ្នកជំនាញបាននិយាយថា ដីធ្លីនៅតែមានសក្តានុពលក្នុងការវិនិយោគនៅកម្ពុជា បើទោះជាមានវិបត្តិ ប៉ុន្តែវានៅតែមានអត្រាចំណេញប្រចាំឆ្នាំ៦ភាគរយ។

លោកផល សម្បត្តិប្រធានផ្នែកវាយតម្លៃនៃក្រុមហ៊ុនPropNex Cambodia បានមានប្រសាសន៍ក្នុងសិក្ខាសាលាស្តីពី “ឱកាសនៃវិនិយោគឆ្នាំ២០២៣កាលពីរសៀលថ្ងៃទី២៤ មិនាកន្លងមកថា ទោះបីជាបញ្ហាកូវីដ បញ្ហាវិបត្តិសេដ្ឋកិច្ចសកលកើតឡើង ប៉ុន្តែវិស័យនេះនៅតែមានសភាពរ៉ឹងមាំនៅឡើយ។

លោកបន្តថា “ទោះបីដីធ្លីមានបញ្ហាបន្តិចមែន ប៉ុន្តែវានៅតែមានកំនើន ប៉ុន្តែតើទីតាំងមួយណាដែលយើងគួរវិនិយោគ ដីប្រភេទណាគួរវិនិយោគ គឺជាកត្តាចំបង”។

លោកផល សម្បត្តិបានចង្អុលបង្ហាញថា ដីកសិកម្ម ដីសម្រាប់វិស័យឧស្សាហកម្ម និងដីប្រភេទលំនៅដ្ឋាន នៅតែមានសក្តានុពលក្នុងការវិនិយោគ ដោយសារតែដីប្រភេទខាងលើនេះ មានតម្លៃធូរថ្លៃនៅឡើយ។ លោកបន្តថា នៅពេលយើងទិញដីធំ យើងអាចធ្វើផែនការបានច្រើន ប៉ុន្តែនៅពេលយើងទិញដីតូច វាពិបាកក្នុងការរៀបចំ។

លោកផល សម្បត្តិបានបន្តទៀតថា ដោយសារតម្លៃដីប្រភេទនេះ នៅទាប គឺមានឱកាសកើនឡើងច្រើន ពិសេសដីស្ថិតនៅតំបន់ភាគខាងកើត និងភាគខាងត្បូងរាជធានីភ្នំពេញ នៅតាមតម្លៃសមរម្យ។

លោកបានលើកជាឧទាហរណ៍ថា ដីនៅភាគខាងត្បូងរាជធានីភ្នំពេញ តាមបណ្តោយមហាវិថីសម្តេចតេជោ នៅពេលប្រកាសគំរោងទីក្រុងរណប ដីនៅទីនេះមានតម្លៃ៥០០ដុល្លារក្នុងមួយម៉ែត្រការ៉េ ប៉ុន្តែនៅពេលប្រកាសសាងសង់ផ្លូវ ដីនៅតំបន់នេះបានកើនដល់៧០០ដុល្លារក្នុងមួយម៉ែត្រការ៉េ។ ពេលផ្លូវសាងសង់រួច និងមានគំរោងអភិវឌ្ឍន៍ចាប់ផ្តើម បានធ្វើឲ្យតម្លៃដីនៅតំបន់នេះ កើនឡើងដល់ជាង២០០០ដុល្លារក្នុងមួយម៉ែត្រការ៉េ៕

ឧបនាយករដ្ឋមន្រ្តីជា សុផារ៉ាចូលរួមសម្ភោធគំរោងឆ្នេរសមុទ្រ គំរូមួយនៅក្រុងកែប

ដោយៈ គង់ សូរិយា

ខេត្តកែបៈ កាលពីចុងសប្តាហ៍មុន លោកឧបនាយករដ្ឋមន្រ្តីជា សុផារ៉ា រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់បានអញ្ជើញចូលរួម ពិធីសម្ពោធគម្រោងឆ្នេរសមុទ្រគំរូ របស់សណ្ឋាគារថ្ងៃបាំងឆ័ត្រ។

លោកសោម ពិសិដ្ឋអភិបាលនៃគណៈអភិបាលខេត្តកែប បានសរសេរលើបណ្តាញទំនាក់ទំនងសង្គមរបស់ខ្លូនថា “ជាការលើកទឹកចិត្តដល់វិស័យឯកជន ក្នុងខេត្តរបស់ឯកឧត្តមឧបនាយករដ្ឋមន្ត្រី ដើម្បីរួមចំណែកអភិវឌ្ឍន៍វិស័យទេសចរណ៍ ពិសេសស្រូបទាញភ្ញៀវទេសចរឲ្យមកសម្រាកលម្ហែកម្សាន្ត នៅខេត្តកែបបន្ថែមទៀត។

រាជរដ្ឋាភិបាលកម្ពុជាបានរៀបចំផែនការមេ ក្នុងការទាក់ទាញទេសចរណ៍រយៈពេលវែងឆ្នាំ២០២២ ២០៣៥ ដោយប្រែក្លាយខេត្តកែប ជាតំបន់លំហែរកាយកម្រិតខ្ពស់៕

នាយកប្រតិបត្ដិអាមេរិក កំពូលៗរួមទាំង CEO របស់ Apple នឹងចូលរួមកិច្ចប្រជុំកំពូលនៅចិន ស្របពេលមានបញ្ហាខ្សែសង្វាក់ផ្គត់ផ្គង់

សុខុម

ប៉េកាំង: លោក Tim Cook នាយកប្រតិបត្តិក្រុមហ៊ុនបច្ចេកវិទ្យាខ្នាតយក្ស Apple នឹងស្ថិតក្នុងចំណោមនាយកប្រតិបត្តិអាមេរិក កំពូលៗដែលនឹងចូលរួមក្នុងកិច្ចប្រជុំកំពូលមួយរៀបចំដោយរដ្ឋាភិបាលចិន នៅក្នុងប្រទេសចិន នាចុងសប្តាហ៍នេះ។

ការចូលរួមរបស់នាយកប្រតិបត្តិក្រុមហ៊ុនអាមេរិក កំពូលៗទាំងនេះគឺដើម្បីបង្ហាញការប្តេជ្ញាចិត្តរបស់ពួកគេចំពោះទីផ្សារប្រទេសចិន ដែលជាសេដ្ឋកិច្ចធំបំផុតទី២ របស់ពិភពលោក ស្របពេលក្រុមហ៊ុនធំៗរបស់សហរដ្ឋអាមេរិក ប្រឈមនឹងហានិភ័យនានា និងការកែសម្រួលខ្សែសង្វាក់ផ្គត់ផ្គង់។ នេះបើយោងតាមសារព័ត៌មាន South China Morning Post ចុះផ្សាយកាលពីថ្ងៃសុក្រ ទី២៤ ខែមីនា នេះ។

នាយកប្រតិបត្តិអាមេរិក កំពូលៗដែលនឹងរួមដំណើរជាមួយលោក Tim Cook នាយកប្រតិបត្តិ Apple ដែលក្រុមហ៊ុនដ៏មានតម្លៃបំផុតរបស់ពិភពលោកដើម្បីចូលរួមក្នុងវេទិកាអភិវឌ្ឍន៍ចិន (China Development Forum (CDF)) រួមមានលោក Jon Moeller នាយកប្រតិបត្តិក្រុមហ៊ុនទំនិញប្រើប្រាស់ដ៏ធំ Procter & Gamble លោក Stephen Schwarzman នាយកប្រតិបត្តិក្រុមហ៊ុនវិនិយោគ Blackstone និងលោក Ray Dalio ស្ថាបនិកមូលនិធិការពារហានិភ័យធំបំផុតរបស់ពិភពលោក Bridgewater Associates ផងដែរ។

កិច្ចប្រជុំរយៈពេល២ថ្ងៃដែលគេមើលឃើញថាជាការឆ្លើយតបរបស់ទីក្រុងប៉េកាំង ចំពោះកិច្ចប្រជុំកំពូលប្រចាំឆ្នាំនៃវេទិកាសេដ្ឋកិច្ចពិភពលោក (World Economic Forum) នៅទីក្រុងដាវ៉ូស ប្រទេសស្វីស នេះនឹងក្លាយជាកិច្ចប្រជុំ CDF ដោយផ្ទាល់ជាលើកដំបូងក្នុងរយៈពេល៣ឆ្នាំមកនេះចាប់តាំងពីការផ្ទុះវិបត្ដិកូវីដ-១៩។

នាយកប្រតិបត្តិចម្រុះជាតិសាសន៍ដែលនឹងចូលរួមក្នុងព្រឹត្តិការណ៍ ដែលប្រារព្ធឡើងនៅអគារការទូត Diaoyutai State Guesthouse ក្នុងទីក្រុងប៉េកាំង នេះគ្រោងនឹងជួបជាមួយរដ្ឋមន្ត្រីសេដ្ឋកិច្ច និងមន្ត្រីកំពូលរបស់ប្រទេសចិន ហើយពួកគេអាចនឹងជួបជាមួយនាយករដ្ឋមន្ត្រីចិន ឡើងកាន់តំណែងថ្មីលោក Li Qiang ផងដែរ៕ South China Morning Post៕

Shanghai targets 5% growth in property investment in 2023

BEIJING : China’s financial hub Shanghai has a goal of 5 per cent growth in property investment in 2023, the city’s house management bureau said on Friday, after investment in the city’s property sector shrank by 1.1 per cent in 2022.

The metropolitan city of 26 million people was hit hard by strict COVID lockdowns a year ago, trapping property buyers at home and disrupting construction by real estate developers.

Shanghai is seeking to achieve 5 per cent growth in property investment this year and will let the sector play an effective role in stabilising its economic growth, the bureau said in a public notice. That is expected to increase the city’s property investment to around 523 billion yuan ($76.37 billion).

The city will work “to stabilise land prices, home prices and expectations” and “prevent and defuse risks in the real estate market,” the notice said.

Property investment by developers nationwide fell by 5.7 per cent in January-February, data by the National Bureau of Statistics showed, a recovery compared with a 12 per cent slump in December and a 10 per cent decline for the whole of last year.

However, policymakers said
risks remain in the property market. State land sales revenue declined further in the first two months of the year, suggesting property developers remain cautious even after authorities stepped up support to help them weather a severe financing shortage.

($1 = 6.8485 Chinese yuan renminbi)

Source: Reuters

China tops Thailand’s FDI chart but ‘more investment going to Vietnam’

China topped the chart of foreign direct investment (FDI) in Thai industrial estates last month, accounting for 23.68% of total FDI of 14.76 billion baht.

Singaporean investors were second (12.41%), followed by Japanese (11.65%), Indian (6.39%) and Taiwanese (6.02%), said the Industrial Estate Authority of Thailand (IEAT) on Sunday.

IEAT governor Veeris Ammarapala said the trend of Chinese businesses moving their manufacturing bases to Southeast Asia started last year, with Thailand and Vietnam the most popular choices for top-tier electronic manufacturers.

Another factor driving Chinese investment is agreements signed between the two countries at last year’s Apec Summit to promote joint investment under China’s Belt and Road Initiative and the Thailand 4.0 policy, Veeris said.

He added China also topped the chart for FDI in 2022 with 77.3 billion baht of the total 433 billion baht. Next came Japan with 50.7 billion baht, followed by the United States (50.3 billion baht), Taiwan (45.2 billion baht) and Singapore (44.2 billion baht).

“We expect to see more Chinese investors establish manufacturing bases in Thailand this year after China lifted travel restrictions for its people,” he said.

“The IEAT will work with related agencies to promote investment in target industries including electric vehicles, smart electronics, medical, bio and circular industries.”

Source: The Nation Thailand

ទីក្រុងសៀងហៃកំណត់គោលដៅជម្រុញកំណើនលើការវិនិយោគអចលនទ្រព្យកើនឡើង៥ភាគរយ

ដោយ: គង់ លាងហួរ

ប៉េកាំងៈ យោងតាមការិយាល័យគ្រប់គ្រងលំនៅដ្ឋាន របស់ទីក្រុងបានឱ្យដឹងថា ទីក្រុងសៀងហៃ បានគោលដៅកំណើន៥ភាគរយនៅក្នុងការវិនិយោគអចលនទ្រព្យ នៅឆ្នាំ២០២៣នេះ បន្ទាប់ពីការវិនិយោគ ក្នុងវិស័យអចលនទ្រព្យរបស់ទីក្រុងនេះ បានធ្លាក់ចុះ១,១ភាគរយក្នុងឆ្នាំ២០២២។

ទីក្រុងដែលមានប្រជាជនរស់នៅ ចំនួន២៦លាននាក់នេះត្រូវបានរងផលប៉ះពាល់យ៉ាងខ្លាំង ដោយការបិទខ្ទប់យ៉ាងតឹងរ៉ឹងកាលពីមួយឆ្នាំមុន ដោយបានទប់ស្កាត់អ្នកទិញអចលនទ្រព្យ មិនឱ្យចេញពីផ្ទះ និងរំខានដល់ការសាងសង់ របស់ក្រុមហ៊ុនអភិវឌ្ឍន៍អចលនទ្រព្យនានាផងដែរ។

ការិយាល័យខាងលើនេះបានឱ្យដឹង នៅក្នុងសេចក្តីជូនដំណឹងជាសាធារណៈថា ទីក្រុងសៀងហៃកំពុងខិតខំ សម្រេចបាននូវកំនើន៥ភាគរយ នៅក្នុងការវិនិយោគអចលនទ្រព្យនៅឆ្នាំនេះ ហើយនឹងអនុញ្ញាតឱ្យវិស័យនេះ ដើរតួនាទីយ៉ាងមានប្រសិទ្ធភាព ក្នុងការរក្សាស្ថិរភាពកំណើនសេដ្ឋកិច្ចរបស់ខ្លួន។

ហេតុនោះត្រូវបានគេរំពឹងថា វានឹងបង្កើនការវិនិយោគអចលនទ្រព្យរបស់ទីក្រុងសៀងហៃ ដល់ប្រហែល៥២៣ពាន់លានយ័ន(៧៦,៣៧ពាន់លានដុល្លារអាមេរិក)។

សេចក្តីជូនដំណឹងនោះបានបន្តឱ្យដឹងទៀតថា “ទីក្រុងសៀងហៃនឹងធ្វើការដើម្បីរក្សាស្ថិរភាពតម្លៃដីធ្លី តម្លៃផ្ទះ ការរំពឹងទុក ថែមទាំងការពារ និងកាត់បន្ថយហានិភ័យ នៅក្នុងទីផ្សារអចលនទ្រព្យផងដែរ”។

យោងតាមទិន្នន័យរបស់ការិយាល័យស្ថិតិជាតិ បានបង្ហាញថា ការវិនិយោគលើអចលនទ្រព្យ របស់អ្នកអភិវឌ្ឍន៍នៅទូទាំងប្រទេសបានធ្លាក់ចុះ៥,៧ភាគរយ នៅក្នុងខែមករាដល់ខែកុម្ភៈ ដែលនោះជាការស្ទុះងើបឡើងវិញ បើធៀបនឹងការធ្លាក់ចុះ១២ភាគរយ នៅក្នុងខែធ្នូ និងការធ្លាក់ចុះ១០ភាគរយ សម្រាប់ពេញមួយឆ្នាំ២០២២កន្លងទៅ។

ទោះជាយ៉ាងណាក្តី ក្រុមអ្នកបង្កើតគោលនយោបាយបានអះអាងថា ហានិភ័យនៅតែមាន នៅក្នុងទីផ្សារអចលនទ្រព្យ។ ប្រាក់ចំណូលពីការលក់ដីរបស់រដ្ឋ បានធ្លាក់ចុះបន្ថែមទៀត ក្នុងរយៈពេល២ខែដំបូងនៃឆ្នាំនេះ ដែលបង្ហាញថាអ្នកអភិវឌ្ឍន៍អចលនទ្រព្យនៅតែមានការប្រុងប្រយ័ត្ន ទោះបីជាអាជ្ញាធរបានបង្កើនការគាំទ្រ ដើម្បីជួយពួកគេទប់ទល់នឹងការខ្វះខាតផ្នែកហិរញ្ញវត្ថុយ៉ាងណាក្តី៕

អគ្គកុងស៊ុលចិននឹងជម្រុញកិច្ចសហប្រតិបត្តិការដើម្បីលើកកំពស់សេដ្ឋកិច្ចនៅខេត្តសៀមរាប និងឧត្តេរមានជ័យ

ដោយៈ គង់ សូរិយា

សៀមរាបៈ ប្រធានសភាពាណិជ្ជកម្មមណ្ឌលសៀមរាប-ឧត្តរមានជ័យ លោកឧកញ៉ាហ៊ុយ ភៀវ បានបញ្ជាក់ថា អគ្គកុងស៊ុលចិន ប្រចាំខេត្តសៀមរាប បានសន្យាថា នឹងធ្វើសហប្រតិបត្តិការ ជាមួយសភាពាណិជ្ជកម្មមណ្ឌលខេត្តសៀមរាប -ឧត្តរមានជ័យ ដើម្បីធ្វើឱ្យប្រសើរឡើងនូវកំណើនសេដ្ឋកិច្ចក្នុងតំបន់មួយនេះ។ នេះបើយោងតាមមន្ទីរព័ត៌មានខេត្តសៀមរាប។

ការលើកឡើងនេះ ត្រូវបានធ្វើឡើងក្រោយពេល ដែលដឹកនាំសមាជិកជ្រើស តាំងសភាពាណិជ្ជកម្មមណ្ឌលសៀមរាប -ឧត្តរមានជ័យ ដើម្បីជួបសម្តែងការគួរសម និងពិភាក្សាការងារជាមួយ លោកលី ជីជៀ (Lui Zhi Jie) អគ្គកុងស៊ុលចិន ប្រចាំខេត្តសៀមរាប នៅព្រឹកថ្ងៃទី ២៣ ខែមីនានេះ។

លោកហ៊ុយ ភៀវបានលើកឡើងពីសក្តានុពលជាច្រើន របស់ខេត្តសៀមរាប ដូចជាវិស័យទេសចរណ៍ និងវិស័យកសិកម្ម ជាដើម ដែលជាសក្តានុពលស្នូលរបស់ខេត្តសៀមរាប។ នៅសៀមរាប វិស័យកសិកម្ម មានដំឡូងមី និងស្វាយចន្ទី ហើយត្រូវបានស្នើសុំខាងភាគីចិនឱ្យមកវិនិយោគវិស័យកសិកម្មនេះផង ប្រសិនបើមានអ្នកវិនិយោគិនមក។

ទាក់ទងនឹងវិស័យទេសចរណ៍វិញ គឺសុំជួយឱ្យអ្នកទេសចរចិនមកទស្សនាខេត្តសៀមរាប និងបង្កើតមជ្ឈមណ្ឌលសម្រាប់អ្នកទេសចរឱ្យបានច្រើនផងដែរ។

លោកឧកញ៉ាហ៊ុយ ភៀវបានបញ្ជាក់ថា “និយាយឱ្យចំខាងភាគីចិនគាត់គាំទ្រ និងទទួលយកអ្វីដែលយើងចង់សហការ។ គាត់និងជំរុញសហការជាមួយយើង”។

ក្រៅពីវិស័យទេសចរណ៍ ដ៏មានវិស័យ វិស័យកសិកម្ម ក៏ជាផ្នែកមួយយ៉ាងសំខាន់ នៅក្នុងការជំរុញកំណើនសេដ្ឋកិច្ចផងដែរ៕

ប្រទេសកាតារំលេចអគារតម្លៃ៦០០លានដុល្លារ ដែលបង្ហាញពីស្ថាបត្យកម្មសំណង់ដ៏ទាក់ទាញ

ដោយៈ សុខុម

កាតា: សម្រាប់អគារថ្មីដែលមានឈ្មោះថា Katara Towers មួយនេះ ពិតជាមានភាពលេចធ្លោយ៉ាងខ្លាំង ដោយសារវារំលេចនូវរចនាបថស្ថាបត្យកម្មប្លែកអស្ចារ្យ ជាមួយនឹងរាងដាវកោងភ្លោះខ្វែងទល់ខ្នងគ្នា។

ដោយមានទីតាំងស្ថិតនៅក្នុងទីក្រុងដូហា (Doha) ប្រទេសកាតា អគារតម្លៃ៦០០លានដុល្លារ នេះត្រូវបានបែងចែងចែក និងកាន់កាប់ម្ខាងម្នាក់ ដោយប៊្រែនសណ្ឋាគារប្រណីត២ ដាច់ដោយឡែកពីគ្នា គឺសណ្ឋាគារ Fairmont Hotels and Resorts និងសណ្ឋាគារ Raffles Hotels & Resorts ដែលសុទ្ធតែជាលំដាប់ផ្កាយ៥ និងផ្កាយ៦។

យោងតាង Wikipeadia ឱ្យដឹងថា អគារ៤០ជាន់នេះមានកម្ពស់២១១ម៉ែត្រ ដែលគិតជាផ្ទៃជាន់សរុប៣០០.០០០ម៉ែត្រការ៉េ ហើយលោក Sheikh Ali bin Ahmed Al Kuwari ដែលជាអ្នកនយោបាយដ៏មានកេរ្ដិ៍ឈ្មោះមួយរូបគឺជាម្ចាស់អគារនេះ។

ឌីហ្សាញឡើងដោយក្រុមហ៊ុនស្ថាបត្យកម្ម Dar Al-Handasah និងសាងសង់ដោយក្រុមហ៊ុន HBK Contracting Co WLL អគារនេះ ត្រូវបានដំណើរការសាងសង់ក្នុងឆ្នាំ២០១៤ និងបញ្ចប់ជាស្ថាពរនៅក្នុងឆ្នាំ២០២២។

ទោះជាយ៉ាងណា សណ្ឋាគារ Fairmont Hotels and Resorts និងសណ្ឋាគារ Raffles Hotels & Resorts ទើបតែបានបើកសម្ពោធជាផ្លូវការនៅខែមករា ដើមឆ្នាំ២០២៣ ប៉ុណ្ណោះ។

ដើម្បីជ្រាបកាន់តែច្បាស់ថា តើអគារ និងសណ្ឋាគារទាំងពីរស្រស់ស្អាតកម្រិតណា សូមទស្សនារូបភាពខាងក្រោមទាំងអស់គ្នា៕ CNN៕

អ្នកជំនាញអះអាងថាវិស័យអចលនទ្រព្យនៅកម្ពុជាកម្រើកឡើងវិញបន្តិចបន្តួចនៅដើមឆ្នាំ២០២៣

ដោយៈ រតនៈ

ភ្នំពេញៈ បើទោះជាកូវីដ-១៩ ហាក់ស្ងប់ស្ងាត់ទៅវិញហើយក្តី ប៉ុន្តែអ្នកជំនាញផ្នែកអចលនទ្រព្យនៅកម្ពុជាអះអាងថា វិស័យអចលនទ្រព្យនៅកម្ពុជា មិនមានសកម្មភាពកម្រើកខ្លាំង គួរឱ្យកត់សម្គាល់នោះទេ ខណៈដែលអ្នកវិនិយោគធំៗកំពុងតែឃ្លាំមើលនៅឡើយ។

លោកឧកញ៉ាឃាង ពុទ្ធី ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យកម្ពុជាបានប្រាប់ propertyareas.asiaកាលពីរសៀលថ្ងៃទី២៤ មិនានេះថា នៅដើមឆ្នាំ២០២៣នេះការជួលអចលនទ្រព្យហាក់ម្រើកឡើងបន្តិចបន្តួច ខណៈដែលចិនបានបើកការហោះហើរមកកាន់ប្រទេសកម្ពុជា ការិយាល័យ និងសណ្ឋាគារ មួយចំនួនបានបើកធ្វើដំណើរការហើយ។

លោកបន្តថា ការកម្រើកឡើងវិញនេះ មិនមានអ្វីជាដុំកំភួននោះទេ សម្រាប់វិស័យអចលនទ្រព្យនោះទេ ដែលករណីនេះលោកថាប្រជាពលរដ្ឋ កុំទាន់ពុះកញ្ជ្រោលរឿងអចលនទ្រព្យ ប្រសិនបើហិរញ្ញ វត្ថុរបស់ពួកគាត់មិនទាន់មានភាពគ្រប់គ្រាន់ ជាពិសេសគឺការខ្ចីប្រាក់មកវិនិយោគលើវិស័យអចលនទ្រព្យពេលនេះ។

ចំណែកលោកឧកញ៉ា ចេង ខេង អគ្គនាយកក្រុមហ៊ុនអចលនទ្រព្យCPL បានមានប្រសាសន៍ឲ្យដឹងនៅថ្ងៃដដែកថា វិស័យអចលនទ្រព្យនៅដើមឆ្នាំ២០២៣នេះ ហាក់នៅទ្រឹង បើទោះជាមានការការលក់ដូរបានមួយចំនួនក្តី ជាពិសេសដីឡូត៍ដែលនៅតំបន់ជាយក្រុង និងដីធ្លីដែលដាក់លក់ប្រញាប់។

លោកបន្តថា “យ៉ាងនេះក្តីប្រសិនបើមានការទិញដូរ ជាបន្តបន្ទាប់គឺអាចនឹងមានការវិនិយោគធំៗ ចូលមកក្នុងវិស័យអចលនទ្រព្យនេះ”។ លោកឱ្យដឹងថា “សព្វថ្ងៃមានក្រុមអ្នកវិនិយោគមួយចំនួនបាន និងកំពុងឃ្លាំមើលស្ថានភាពអចលនទ្រព្យនៅកម្ពុជា មុននឹងសម្រេចថា ដាក់ទុនវិនិយោគលើវិស័យមួយនេះ ខណៈដែលក្នុងកំឡុងពេលកូវីដ-១៩ គឺមិនមានឡើងសូម្បីការឃ្លាំមើល លើវិស័យអចលនទ្រព្យនេះ”។

យោងតាមរបាយការណ៍របស់ ក្រសួងរៀបចំដែនដី នគរូបនីយកម្ម និងសំណង់ បានបញ្ជាក់ថា គិតត្រឹមដំណាច់ឆ្នាំ២០២២នេះ គម្រោងបុរីលំនៅឋាន និងបណ្ដុំលំនៅឋានមានលក្ខណៈជាបុរីមានចំនួន៥១០គម្រោង៕

1...993994995...3,258 Page 994 of 3,258