ដោយៈ រ៉ាណេត
សៀមរាបៈ គម្រោងបុរីអង្គរលែនដ៍ម៉ាកក្រុងសៀមរាប ដែលមានតម្លៃវិនិយោគ ២០០លានដុល្លារអាមេរិក កំពុងតែមានសកម្មភាពយ៉ាងមមាញឹកក្នុងកាសាងសង់ដើម្បីឆ្លើយតបទៅនឹងតម្រូវការរបស់អតិថិជន។
បុរីអង្គរលែនដ៏ម៉ាក តម្លៃ២០០លានដុល្លារនៅស្រុកបន្ទាយស្រីកំពុងទាក់ទាញការចាប់អារម្មណ៍
សហភាគហ៊ុននិកនៃគម្រោងអភិវឌ្ឍបុរី អង្គរលែនដ៍ម៉ាក លោកសាស្ត្រាចារ្យ ទួស សាភឿន បានមានប្រសាសន៍ប្រាប់តាមទូរស័ព្ទ កាលពីល្ងាចថ្ងៃទី១៧ ខែកក្កដា ឆ្នាំ២០១៩ថា ពេលនេះការសាងសង់បុរីលំនៅដ្ឋានដ៏ទំនើបមួយនេះ កំពុងតែបន្តសកម្មភាពយ៉ាងមមាញឹកប្រកបដោយភាពរលូន ខណៈបញ្ហាកាលពីប៉ុន្មានខែមុននោះ គ្រាន់តែជាការភ័ណ្ឌច្រឡំរវាងគម្រោងរបស់លោក និងគម្រោងអភិវឌ្ឍរបស់ក្រុមហ៊ុនដទៃតែប៉ុណ្ណោះ ប៉ុន្តែពេលនេះគ្មានបញ្ហាចោទនោះទេ។
លោកបានបន្តទៀតថា “ពេលនេះគម្រោងរបស់យើង កំពុងតែមមាញឹកក្នុងការសាងសង់ទៅតាមផែនការដែលបានគ្រោងទុក”។ លោកបន្តទៀតថា “ឥលូវនេះ ក្រៅពីការវាទដីឱ្យស្មើល្អ សង់ជាតំបន់សួនច្បារ គម្រោងលំនៅដ្ឋាន និងការរៀបចំហេដ្ឋារចនាសម្ព័ន្ធ ដូចជាបណ្តាញទឹកស្អាត ប្រព័ន្ធបង្ហូរទឹក បណ្តាញអគ្គិសនី គឺក្រុមហ៊ុនកំពុងតែសាងសង់ខ្លោងទ្វារ និងផ្ទះគំរូ ក្រោមការទទួលបានការអនុញ្ញាតពីអជ្ញាធរ”។
តាមគម្រោង បុរីនេះនឹងចាប់ផ្តើមសាងសង់នៅត្រឹមខែវិច្ឆិកា ឆ្នាំ២០១៩ខាងមុខនេះ នឹងចាប់ផ្តើមចាក់បេតុងហើយ”។
ជាមួយនឹងការបញ្ជាក់ពីសកម្មភាពដំណើរការរបស់គម្រោង លោកសាស្ត្រាចារ្យក៏បានប្រាប់ឱ្យដឹងផងដែរថា នៅក្នុងគម្រោងអភិវឌ្ឍបុរីអង្គរលែនដ៍ម៉ាក “ក្រុមហ៊ុនរៀបចំឱ្យតំបន់នេះ ឱ្យក្លាយជាតំបន់ពិសិដ្ឋ មានលក្ខណៈពិសេសជាងគេ”។ បើនិយាយពីប្លង់លំនៅដ្ឋានវិញ គឺធានាថាស្អាតជាងគេបង្អស់នៅក្នុងស្រុកខ្មែរ រចនាឡើងតាមរចនាបទខ្មែរទំនើប ប្លង់បាតគឺរចនាជារបៀបសណ្ឋាគារប៊ូទិក លំដាប់ផ្កាយ៤ ហើយទីតាំងក៏ល្អជាងគេ មើលឃើញភ្នំទាំង៣ គឺភ្នំបូក ភ្នំដី និងភ្នំគូលែន។
រាល់គម្រោង និងប្លង់របស់បុរីអង្គរលែនដ៍ម៉ាក មានលក្ខណៈពិសេសព្រោះយករចនាបទផ្ទះខ្មែរ ។ លក្ខណៈពិសេសមួយទៀត គឺរចនាទៅតាមទិសខ្យល់ ទ្វារ បង្អួចត្រូវបានរៀបចំ បែទៅរកប្រភពខ្យល់ទាំងអស់ និងមានរន្ឋខ្យល់ចេញចូលនៅផ្នែកដំបូល ដើម្បីយកកំដៅក្តៅចេញ កុំអោយក្តៅជះចូលមកខាងក្នុងផ្ទះ។ ផ្នែកខាងក្នុងផ្ទះគឺរស់នៅដោយមិនចាំបាច់ប្រើមាស៊ីនត្រជាក់ គឺយើងអាចរស់នៅប្រកបដោយផាសុខភាព ទោះក្នុងខែក្តៅកម្រិតណាក៏ដោយ។
ដោយឡែកចំពោះទំហំផ្ទះក្នុងគម្រោងនេះមានចំនួន៦ម៉ូដ សម្រាប់ជាជម្រើស ដោយរាប់ចាប់ពីតម្លៃទាបបំផុត
៤៨,៨៨៨ដុល្លារ និងខ្ពស់បំផុតជាង១៤ម៉ឺនដុល្លារ ហើយបច្ចប្បន្នតម្លៃទាំងអស់នេះគឺលក់ក្នុងប្រម៉ូសិនពិសេស។ គ្រាន់តែក្រុមហ៊ុនសាងសង់ផ្ទះ៤០ ខ្នងក្នុងលក្ខណៈសាកល្បងបានលក់អស់២៧ខ្នង នេះមិនទាន់ប្រកាស់លក់ផ្លូវការនៅឡើយទេ ហើយផ្ទះប្រភេទនេះមាន៤០០ខ្នង៕
