ដោយ វុត្ថា
ប្រទេសថៃ៖ បាងកកជាទីក្រុងមួយក្នុងចំណោមទីក្រុង ដែលមានអ្នកទេសចរណ៍ទៅលេងកំសាន្តច្រើនបំផុតនៅលើពិភពលោក និងជាទីកន្លែងដ៏ពេញនិយមដូចទីក្រុងឡុងដ៍ និងទីក្រុងប៉ារីសដែរ។
ភ្ញៀវទេសចរណ៍បរទេសចំនួន៣៥,៥លាននាក់បានមកលេងកម្សាន្តនៅក្នុងទីក្រុងនេះជារៀងរាល់ឆ្នាំ។ នេះមានន័យថា ប្រទេសថៃជាគោលដៅ និងជាបទពិសោធន៍ដំបូងមួយអាស៊ី ដែលកំពុងរីកចម្រើនរបស់មនុស្សនៅលើពិភពលោក។
វាមិនមែនជារឿងចៃដន្យនោះទេ ដែលកំណើនភ្ញៀវទេសចរចិនបានកើតឡើងក្នុងពេលដំណាលគ្នានឹងការកើនឡើងនៃតម្លៃខុនដូ និងទំហំប្រតិបត្តិការនៅកណ្តាលទីក្រុងបាងកក។ ទីក្រុងនេះបានប្រែក្លាយជាគោលដៅកំពូល របស់អាស៊ីយ៉ាងឆាប់រហ័សសម្រាប់អ្នកទិញអចលនទ្រព្យចិននៅក្រៅប្រទេស។ ជាពិសេសមានការទិញច្រើនពីសំណាក់ប្រជាជនចិន។
ដូច្នេះទីផ្សារអចលនទ្រព្យនៅទីក្រុងបាងកក គឺប្រហែលជាជម្រើសល្អបំផុតរបស់អ្នកនៅអាស៊ីអាគ្នេយ៍ដោយសារមានអ្នកទិញ និងលំហូរអ្នកទិញបរទេសថ្មីៗ។សូមចងចាំផងដែរថា អ្នកមិនគ្រាន់តែវិនិយោគផ្ទះ ឬខុនដូទេ នៅពេលទិញអចលនទ្រព្យនៅតំបន់មាតសមុទ្រ។ អ្នកកាន់ភាគហ៊ុនជារូបិយប័ណ្ណ ដែលទ្រព្យសកម្មរបស់អ្នកត្រូវបានដាក់ឈ្មោះដូចគ្នា។
ដូច្នេះវាសមនឹងនិយាយថា ប្រាក់បាតថៃ ស្ថិតក្នុងចំណោមរូបិយប័ណ្ណល្អបំផុតរបស់អាស៊ីនាពេលបច្ចុប្បន្ននេះ។ ថ្មីៗនេះប្រាក់បាតមានលក្ខណៈប្រសើរជាងរូបិយប័ណ្ណដែលត្រូវបានគេប្រើជាញឹកញាប់ ដូចជាការរក្សាទុកដូចជាប្រាក់ដុល្លារសិង្ហបុរី។
ទីក្រុងនេះ ត្រូវបានគេស្គាល់ផងដែរថាជា “ក្រុងទេពមហានគរ” មានទីតាំងស្ថិតនៅតំបន់ដីសណ្តទន្លេចៅប្រាយ៉ានៅភាគកណ្តាលនៃប្រទេស។
នៅឆ្នាំ២០៣០ ទីក្រុងបាងកក ត្រូវបានគេរំពឹងថា នឹងក្លាយជាមហាអំណាចមួយក្នុងចំណោមហាអំណាចពិភពលោក ដែលមានចំនួនប្រជាជនលើស១០លាននាក់។
;បើយោងតាមរបាយការណ៍អង្គការសហប្រជាជាតិ ( UN World Urbanization Prospects)ចេញរបាយការណ៍របស់ខ្លួនកាលពីពេលថ្មីនេះថា ចំនួនប្រជាជននៅទីក្រុងបាងកកនាពេលបច្ចុប្បន្ននេះ ត្រូវបានប៉ាន់ប្រមាណថាមានចំនួន១០.៣៥០.២០៤ នាក់។ នៅទសវត្សរ៍ឆ្នាំ១៩៥០ ចំនួនប្រជាជននៅទីក្រុងបាងកកមានចំនួន ១,៣៦០,០០០ នាក់តែប៉ុណ្ណោះ៕
