អ្នកជំនាញៈដីធ្លីនៅតំបន់អរិយក្សត្រនឹងមានសន្ទុះខ្លាំងនៅពេលស្ពាន ចាប់ផ្តើមសាងសង់

ដោយៈ សុផារី

ភ្នំពេញៈ គម្រោងសាងសង់ស្ពានឆ្លងទន្លេរបានកំពុងធ្វើឱ្យតំបន់អរិយក្សត្រ ក្លាយជាតំបន់មួយដែលមានសក្ដានុពលខ្ពស់ ហើយបង្កើនភាពងាយស្រួល និងធ្វើឱ្យការអភិវឌ្ឍកាន់តែមានភាពអ៊ូអរ ហើយត្រូវបានរំពឹងនឹងប្រែក្លាយជាទីក្រុងរណបមួយនាពេលខាងមុខនេះ។

យ៉ាងណាក្តី យោងតាមការសង្គេតរបស់អ្នកជំនាញ ទីផ្សារអចលនទ្រព្យនៅក្នុងតំបន់នេះ នៅមិនទាន់មានសន្ទុះខ្លាំងណាស់ណានោះទេ ដោយគេត្រូវរង់ចាំ រហូតដល់គម្រោងស្ពានមិត្តភាពកម្ពុជា កូរ៉េចាប់ផ្តើមលេចរូបរាង ហើយមានការរៀបចំគម្រោង ហេដ្ឋារចនាសម្ព័ន្ធក្នុងមូលដ្ឋាន ឱ្យបានគ្រប់ជ្រុងជ្រោយជាមុនសិន។

លោក ច្រឹក សុខនីម អគ្គនាយកក្រុមហ៊ុន Century 21 Mekong បានមានប្រសាសន៍កាលពីពេលថ្មីៗនេះថា តម្លៃដីធ្លីនៅក្នុងក្រុងអរិយក្សត្រនៅមិនមានការឡើងថ្លៃខ្លាំងនោះទេ ពីព្រោះទាំងប្រជាពលរដ្ឋ និងអ្នកវិនិយោគនៅបន្តប្រឈមនឹងវិបត្តិនៅឡើយ។

លោកបញ្ជាក់ថា “តម្លៃដីធ្លីនៅទីនោះនឹងអាចមានកំណើនឡើង នៅពេលដែលគម្រោងស្ពានមិត្តភាពកម្ពុជា កូរ៉េ ដែលឆ្លងទន្លេរមេគង្គ និងទន្លេរសាប ទៅកាន់តំបន់អរិយក្សត្រ ត្រូវបានសាងសង់រួច និងដាក់ឱ្យដំណើរការជាផ្លូវការ”។

លោកមានប្រសាសន៍ថា “ផលចំណេញពីអចលនទ្រព្យ ក្នុងតំបន់នោះអាស្រ័យលើការអភិវឌ្ឍ និងយន្តការ ការពង្រីកទីក្រុង ឬតំបន់ប្រជុំជនទៅច្រើន។ ប្រសិនបើមានតំបន់ប្រជុំជនច្រើន នោះការអភិវឌ្ឍនៅតំបន់អរិយក្សត្រនោះនឹងកើនឡើង”។

អ្នកជំនាញរូបនេះលើកឡើងថា តាមរយៈគម្រោងស្ពាននេះ បានជួយសម្រួលការធ្វើដំណើរ របស់ប្រជាពលរដ្ឋទៅមករវាងភ្នំពេញ និងអរិយក្សត្រ ដែលជួយឱ្យចំណេញពេលវេលា និងថវិកា ជាពិសេសវាថែមទាំងជួយជំរុញនូវកំណើនសេដ្ឋកិច្ច ពង្រីកសក្ដានុពលតំបន់ និងជួយជំរុញឱ្យតម្លៃដីធ្លីមានការកើនឡើងផងដែរ។

ជាមួយគ្នានេះ លោក ថាន់ ចាន់ណា អគ្គនាយកក្រុមហ៊ុន ចាន់ណាលែន បានបង្ហាញពីសញ្ញាល្អប្រសើរ តាំងពីមានការប្រកាសនូវគម្រោងស្ពានមិត្តភាពមកថា មានប្រជាពលរដ្ឋ និងអ្នកវិនិយោគមួយចំនួនធំបានចាប់យកឱកាសក្នុងការទិញដី ឬលំនៅឋាន នៅប៉ែកខាងអរិយក្សត្រច្រើនជាងមុន។ តាមរយៈលំហូរប្រជាជនចូលមកតាំងទីលំនៅ និងវិនិយោគ លោកជឿជាក់ថា តំបន់នេះនឹងមានភាពអ៊ូអរកាន់តែខ្លាំងឡើង។

លោកបន្តថា “ទោះបីជាគម្រោងស្ពាន មិនទាន់ត្រូវបានបុកគ្រឹះសាងសង់ក្តី ប៉ុន្តែគម្រោងនេះ បានបង្ហាញដោយថ្នាក់ដឹកនាំ រាជរដ្ឋាភិបាលរួចរាល់ហើយ”។ លោកបន្តថា “ដូច្នេះមិនយូរ មិនឆាប់ គម្រោងនេះនឹងចេញរូបរាង ហើយតម្លៃអចលនទ្រព្យនៅក្នុងមូលដ្ឋាន នឹងមានការកើនឡើងខ្លាំង នៅពេលស្ពានចាប់ផ្តើមដំណើរការ”។

ស្របពេលជាមួយគ្នានេះ រដ្ឋបាលខេត្តកណ្តាល កាលពីដើមសប្តាហ៍កន្លងមក បានរៀបចំកិច្ចប្រជុំ ក្នុងគោលបំណងពន្លឿនកិច្ចការក្នុងការរៀបចំ និងដាក់ឱ្យដំណើរការក្រុងអរិយក្សត្រ និងក្រុងសំពៅពូន និងរៀបចំគម្រោងផែនការ និងថវិកា ដើម្បីសាងសង់សំណង់អគាររដ្ឋបាលក្រុង ឱ្យបានឆាប់រហ័ស។

ស្ពានមិត្តភាពកម្ពុជា-សាធារណរដ្ឋកូរ៉េ (ផ្សារចាស់-ជ្រោយចង្វារ និងជ្រោយចង្វារ-អរិយក្សត្រ) គ្រោងបើកការដ្ឋានសាងសង់ជាផ្លូវការ នៅក្នុងឆ្នាំ២០២៣នេះ ដោយទទួលកម្ចីចំនួន២៤៥លានដុល្លារអាមេរិក ពីប្រទេសកូរ៉េខាងត្បូង៕

តំបន់ឬុស្សីកែវជ្រោយចង្វារនឹងបង្ហាញសក្ដានុពលកាន់តែខ្លាំងក្រោយសំណង់ហេដ្ឋារចនាសម្ព័ន្ធធំពីរដាក់ដំណើរការឆ្នាំនេះ

ដោយៈ វឌ្ឍនៈ

ភ្នំពេញៈ ខ័ណ្ឌឬស្សីកែវ និងជ្រោយចង្វារ នឹងកាន់តែបង្ហាញពីសក្ដានុពលផ្នែកអចលនទ្រព្យកាន់តែខ្លាំងឡើងបន្ថែមទៀត ស្របនឹងសំណង់ហេ ដ្ឋារចនាសម្ព័ន្ធធំៗពីរ នឹងត្រូវដាក់ដំណើរការនៅឆ្នាំ២០២៣នេះ ជាពិសេសនៅក្នុងត្រីមាសទី១នៃឆ្នាំ។

សំណង់ហេដ្ឋារចនាសម្ព័ន្ធធំៗពីរ ដែលនឹងត្រូវដាក់ឱ្យដំណើរការក្នុងឆ្នាំ ២០២៣នេះ រួមមានស្ពានអាកាសឬស្សីកែវនៅលើផ្លូវជាតិលេខ៥ និងស្ពានខ្សែកាបឆ្លងទន្លេពីឬស្សីកែវ ទៅកាន់ទីក្រុងរណបជ្រោយចង្វាររបស់OCICក្នុងនោះដែរ ស្ពានអាកាសឬស្សីកែវ នឹងត្រូវដាក់ដំណើរការនៅដើមខែ មីនា ២០២៣ និងស្ពានខ្សែកាបឆ្លងទន្លេរ នឹងគ្រោងដាក់ដំណើរការនៅមុនចូលឆ្នាំខ្មែរខាងមុខនេះ ។

អ្នកជំនាញនៃវិស័យអចលនទ្រព្យកម្ពុជា បានកត់សម្គាល់ឃើញថាតំបន់ណា ដែលមានការអភិវឌ្ឍហេដ្ឋារចនាសម្ព័ន្ធថ្មីៗ តំបន់នោះតែងតែទទួលបានការចាប់អារម្មណ៍ពីសំណាក់វិនិយោគិន ហើយតម្លៃអចលនទ្រព្យនៅតំបន់នោះ ក៏នឹងត្រូវឡើងថ្លៃមួយកម្រិតទៀតដែរ ។

ហេតុនេះរាជរដ្ឋាភិបាល ក៏បានខិតខំក្នុងការកសាង ហេដ្ឋារចនាសម្ព័ន្ធជាច្រើនជាពិសេសតំបន់ដែលមានតម្រូវការចាំបាច់។

អ្នកស្រីតាំង ហួរ អគ្គនាយិកាក្រុមហ៊ុន AMATAK Property Service បានថ្លែងនាពេលកន្លងមកឱ្យដឹងថា តំបន់ជ្រោយចង្វារនឹងក្លាយជាទីក្រុងថ្មីដ៏ពេញនិយម និងមានសក្ដានុពលខ្ពស់ ជាពិសេសទីក្រុងជ្រោយចង្វារ នឹងកាន់តែទាក់ទាញការអភិវឌ្ឍ ជាតំបន់ពាណិជ្ជកម្មនិងលំនៅឋានកាន់តែច្រើន ។

បើតាមរបាយការណ៍វាយតម្លៃរបស់សមាគមអ្នកវាយតម្លៃ និងភ្នាក់ងារអចលនវត្ថុកម្ពុជាបានបង្ហាញថា ដីធ្លីនៅខណ្ឌឬស្សីមានចាប់ពី៥០០ដុល្លារ ដល់៣៩០០ដុល្លារអាមេរិក ក្នុងមួយម៉ែត្រការ៉េ ក្នុងនោះតំបន់ទួលសង្កែមានតម្លៃដីខ្ពស់ជាងគេ និងទាបជាងគេនោតំបន់សង្កាត់ស្វាយប៉ាក និងសង្កាត់គីឡូម៉ែត្រលេខ៦ ដែលមានតម្លៃពី៥០០ដុល្លារ ទៅ១០០០ដុល្លារអាមេរិកក្នុងម៉ែត្រការ៉េ។

ដោយឡែកតំបន់ជ្រោយចង្វារវិញតម្លៃដីធ្លីឃើញថា មានចន្លោះពី១៧០០ដុល្លារ ទៅ៣៩០០ដុល្លារអាមេរិក ក្នុងមួយម៉ែត្រការ៉េ ហើយតំបន់នៃខណ្ឌជ្រោយចង្វារ ដែលមានតម្លៃដីទាបជាងគេ គឺសង្កាត់កោះដាច់ដែលគេអាចរកបានក្នុងតម្លៃពី២០ដុល្លារអាមេរិក ទៅ៣៦០ដុល្លារអាមេរិកអាស្រ័យទៅលើទីតាំងផ្លូវតូចឬផ្លូវធំ៕

January price index of Hong Kong’s lived-in homes marks surprise uptick as influx of investors rekindles transactions

Hong Kong’s home prices jumped last month, as the city’s reopened borders and steady influx of visitors and investors rekindled transactions and helped a widely watched index of lived-in homes end its seven-month losing streak.

The city’s index of second-hand homes rose 2 points, or by 0.6 per cent, to 336.1 in January, according to data provided by the Rating and Valuation Department, the benchmark’s biggest monthly increase since April 2022.

The unexpected uptick may have legs, taking gains to 1 per cent in February and increase by 2 per cent in March, as a government announcement to relax the stamp duty on first-home buyers adds fuel to the housing market, said Ricacorp’s research head Derek Chan.

“This is faster than we expected”, said Chan, who expects the index to climb by 3.6 per cent in the first quarter. “We expected a U-shaped recovery. Now it may be a V-shaped rebound”.

Flats measuring between 753 and 1,075 square feet (up to 99.9 square metres), considered the most in-demand sizes for Hong Kong’s average households, recorded the biggest price increases because they were the most sought after, the data showed.

Transactions resumed last month, while prices picked up in 79 housing estates, more than half of the 138 compounds tracked by Midland Realty, one of the city’s largest property agencies.

Source: SCMP

Korea vows more incentives for foreign investment in key areas

Korea’s trade minister said Thursday the government will provide more incentives to overseas businesses investing in high-end industries playing key roles in the supply chain, as the country aims to attract more investment amid economic uncertainties.

Trade Minister Ahn Duk-geun made the remark in a statement released ahead of his planned meeting with foreign business organizations later in the day, where the country plans to share its vision to become a “global hub of innovation.”

“We plan to support business activities of foreign businesses, who have made investments here by trusting Korea,” Ahn said.

“Korea will also make proactive efforts to revamp supportive measures and improve the investment environment to further prop up foreign investment that contributes to the country’s economic growth,” he said.

Foreigners, meanwhile, pledged to invest a record $30.45 billion here in 2022, up 3.2 percent from a year earlier, the data by the Ministry of Trade, Industry and Energy showed last month. The previous record high was $29.51 billion in 2021.

The trade ministry said Korea will continue to make the market more accessible for overseas investors by providing more legal information in English, as well as expanding communication with foreign companies.

Source: Yonhap

តម្លៃផ្ទះនៅទីក្រុងហុងកុងបង្ហាញសញ្ញានៃការស្ទុះងើបឡើងវិញយ៉ាងលឿននៅក្នុងខែមករា

ដោយ: គង់ លាងហួរ

ហុងកុង: តម្លៃផ្ទះនៅទីក្រុងហុងកុងបានកើនឡើង កាលពីខែមករា ដោយសារការបើកព្រំដែនឡើងវិញ និងលំហូរចូលជាលំដាប់ នៃអ្នកទស្សនា និងវិនិយោគិនដែលជួយឱ្យសន្ទស្សន៍ តម្លៃផ្ទះបញ្ចប់ការខាតបង់រយៈពេល៧ខែរបស់ខ្លួន។

សន្ទស្សន៍ផ្ទះប្រភេទទី២ នៅទីក្រុងហុងកុងបានកើនឡើង២ពិន្ទុ ឬ០,៦ភាគរយដល់៣៣៦,១ ក្នុងខែមករា ដែលជាការកើនឡើងប្រចាំខែដ៏ធំបំផុតរបស់សន្ទស្សន៍ គោលចាប់តាំងពីខែមេសា ឆ្នាំ២០២២។

លោក Derek Chan ប្រធានផ្នែកស្រាវជ្រាវរបស់ទីភ្នាក់ងារអចលនទ្រព្យ Ricacorp បានមានប្រសាសន៍ថា “ការកើនឡើង ដែលមិនបានរំពឹងទុកនេះអាចបន្តក្នុងរយៈពេលយូរ ដោយទទួលបានការកើនឡើងដល់១ភាគរយនៅក្នុងខែកុម្ភៈ និងកើនឡើង២ភាគរយក្នុងខែមីនា ខណៈរដ្ឋាភិបាល បានប្រកាសបន្ធូរបន្ថយពន្ធប្រថាប់ត្រា លើអ្នកទិញផ្ទះលើកដំបូង”។

លោក Derek Chan បានបន្តថា “យើងបានរំពឹងទុកពីការងើបឡើងវិញរាងជាអក្សរ U តែឥឡូវនេះ វាអាចជាការស្ទុះងើបឡើងវិញរាងអក្សរ V ហើយនេះជាការងើបឡើងវិញ យ៉ាងលឿនជាងការរំពឹងទុករបស់យើង”។

ទិន្នន័យបានបង្ហាញថា តម្លៃផ្ទះល្វែងដែលមានទំហំចន្លោះពី៧៥៣ទៅ១.០៧៥ហ្វីតការ៉េ (រហូតដល់៩៩,៩ម៉ែត្រការ៉េ) និងចាត់ទុកថាជាទំហំ ដែលត្រូវការបំផុត សម្រាប់គ្រួសារខ្នាតមធ្យម នៅទីក្រុងហុងកុងបានកើនឡើងយ៉ាងខ្លាំងបំផុត។

គម្រោងលំនៅដ្ឋាន Taikoo Shing របស់ក្រុមហ៊ុន Swire Properties នៅភាគខាងកើតនៃកោះហុងកុង បានមើលឃើញពីការកើនឡើងដ៏ធំបំផុតកាលពីខែមករា ដែលតម្លៃផ្ទះជាមធ្យមបានកើនឡើង២២,៣ភាគរយ ដល់ចំនួន១៧.៦៥៦ដុល្លារហុងកុងក្នុងមួយហ្វីតការ៉េ។

លោក Chan បានអះអាងថា “ប្រសិនបើសន្ទុះនៅតែល្អ នោះតម្លៃផ្ទះអាចនឹងកើនឡើងបន្ថែមទៀត៥ភាគ រយនៅក្នុងត្រីមាសទី២ ដែលជំរុញឱ្យតម្លៃផ្ទះអាចកើនឡើងសរុប ជិតដល់៩ភាគរយនៅក្នុងឆមាសទី១”៕

ក្រុមវិនិយោគិនចាប់អារម្មណ៍ទិញសណ្ឋាគារលំដាប់ខ្ពស់នៅប៉ាតាយ៉ា ខណៈអតិថិជនមានការចំណាយខ្ពស់

ដោយ: គង់ លាងហួរ

អន្តរជាតិ: ប្រតិបត្តិករប៉ាតាយ៉ាបាននិយាយថា វិនិយោគិនបានចាប់អារម្មណ៍លើការទិញ សណ្ឋាគារលំដាប់ខ្ពស់ធំៗ ដោយសារតែមានតម្រូវការខ្ពស់ពីសំណាក់ភ្ញៀវឯករាជ្យ ជំនួសឱ្យសណ្ឋាគារ ដែលផ្តោតលើក្រុមទេសចរណ៍ធំៗ ដែលមានទីតាំងមិនអំណោយផល និងផ្តល់ផលចំណេញទាប។

លោក Thanet Supornsahasrungsi ប្រធានក្រុមប្រឹក្សាទេស ចរណ៍ Chon Buri បានមានប្រសាសន៍ថា “សណ្ឋាគារលំដាប់ផ្កាយ៤ និងផ្កាយ៥ ឬដែលមានទីតាំងនៅជិតឆ្នេរសមុទ្រ និងកណ្តាលទីក្រុង គឺជាការវិនិយោគទាក់ទាញជាងគេ ដោយសារអតិថិជនមានទំនោរ ទៅរកការចំណា យខ្ពស់ ហើយវិនិយោគិនបានសិក្សាពីកូវីដ-១៩ថា ទីតាំងគឺជាកត្តាសំខា ន់”។

លោកបានបន្តថា “ក្រោយការរីករាលដាលនៃជំងឺកូវីដ-១៩ អ្នកធ្វើដំណើរឯករាជ្យទំនង ជាជ្រើសរើសសណ្ឋាគារ ដែលមានទីតាំងងាយស្រួល ដែលពួកគេអាចធ្វើដំណើរពីកន្លែងមួយ ទៅកន្លែងមួយបានយ៉ាងងាយស្រួល”។

ទោះបីជាក្រុមទេសចរណ៍ចិន បានចាប់ផ្តើមត្រឡប់មកវិញក្តី ប៉ុន្តែសណ្ឋាគារ ដែលកំណត់គោលដៅទេសចរណ៍ធំៗ ដែលមានបន្ទប់ប្រហែលពី១០០ទៅ២០០បន្ទប់ មិនមែនជាជម្រើសអំណោយផល សម្រាប់ការវិនិយោគនោះទេ ដោយសារតែទីតាំងរបស់ពួកគេនៅជាយក្រុង ដែលទាម ទារឡានក្រុងធ្វើដំណើរទៅកាន់កន្លែងផ្សេងទៀត។

ក្រុមហ៊ុនប្រឹក្សាអចលនទ្រព្យ JLL Thailand បានព្យាករណ៍ថា “ប្រតិបត្តិការសណ្ឋាគារ នៅទូទាំងប្រទេសថៃ នឹងឈានដល់១២ពាន់លានបាតនៅឆ្នាំ២០២៣នេះ”។

លោក Thanet បានបញ្ជាក់ថា “ប្រតិបត្តិការទាំងនោះភាគច្រើនបានមកពីកិច្ចព្រមព្រៀងធំៗ ដែលមានតម្លៃចន្លោះពី១ ទៅ២ពាន់លានបាត ជំនួសឱ្យអចលនទ្រព្យខ្នាតតូចៗ”។

លោកបានមានប្រសាសន៍ថា “នៅឆ្នាំនេះ ទីផ្សារវិនិយោគសណ្ឋាគារនឹងមិនឃើញមានអ្វីធំដុំនោះទេ ដោយសារតែម្ចាស់សណ្ឋាគារ ដែលរងផលប៉ះពាល់ដោយជំងឺរាតត្បាត បានលក់អចលនទ្រព្យរបស់ពួកគេរួចទៅហើ យ ដើម្បីកាត់បន្ថយការខាតបង់ក្នុងរយៈពេល៣ឆ្នាំកន្លងមកនេះ៕

ការសម្រុកទិញប្រេង និងឧស្ម័នរុស្ស៊ីឥតឈប់ឈរពីសំណាក់មហាយក្សចិនជួយឱ្យសេដ្ឋកិច្ចរុស្ស៊ីមិនដួលរលំ

ដោយៈ សុខុម

អន្តរជាតិ: ទោះបីជាលោកខាងលិច និងបណ្ដាសម្ព័ន្ធមិត្តបានបង្កើនការដាក់ទណ្ឌកម្មយ៉ាងធ្ងន់ធ្ងរ ជាបន្តបន្ទាប់ទៅលើប្រទេសរុស្ស៊ី ចំពោះការបញ្ឆេះសង្គ្រាមចូលឈ្លានពានអ៊ុយក្រែន យ៉ាងណាក្ដី ក៏កំណើនតម្រូវការនាំចូលថាមពលរុស្ស៊ី បានជួយឱ្យសេដ្ឋកិច្ចរុស្ស៊ី នៅតែអាចដំណើរការបានធម្មតា ជៀសផុតពីការដួលរលំ។

ប្រទេសចិន ដែលសេដ្ឋកិច្ចធំបំផុតនៅអាស៊ី និងប្រទេសឥណ្ឌា ដែលជាសេដ្ឋកិច្ចធំបំផុតទី៣ នៅអាស៊ី គឺជាអ្នកទិញប្រេង និងឧស្ម័នរុស្ស៊ី ច្រើនជាងគេបំផុត។ នេះបើយោងតាមសារព័ត៌មាន Aljazeera ចុះផ្សាយនៅថ្ងៃសុក្រ ទី២៤ ខែកុម្ភៈ នេះ។

ទោះជារងទណ្ឌកម្មផង និងទទួលរងផលប៉ះពាល់ ពីវិបត្តិកូវីដ-១៩ ផងយ៉ាងណាក្ដី ក៏សេដ្ឋកិច្ចរុស្ស៊ីបានធ្លាក់ចុះត្រឹមតែ២,១%ប៉ុណ្ណោះ ក្នុងឆ្នាំ២០២២ ពោលគឺតិចជាងឆ្ងាយណាស់ បើធៀបនឹងការធ្លាក់ចុះរហូតដល់ទៅ១២% ដែលស្ថាប័នអន្តរជាតិបានធ្វើការព្យាករមុននេះ។

*តើតម្រូវការថាមពលរុស្ស៊ី ពីសំណាក់ប្រទេសចិន និងឥណ្ឌា កើនឡើងដល់ថ្នាក់ណា?

ប្រទេសចិន និងប្រទេសឥណ្ឌា ដែលសុទ្ធតែបានបដិសេធមិនថ្កោលទោសរុស្ស៊ី ឬដាក់ទណ្ឌកម្មលើរុស្ស៊ី ឡើយចំពោះការបញ្ឆេះសង្រ្គាមឈ្លានពានអ៊ុយក្រែន បានក្លាយជាអ្នកទិញប្រេងឆៅរុស្ស៊ី ដ៏ធំបំផុតកាលពីឆ្នាំមុន ខណៈបណ្ដាប្រទេសលោកខាងលិច បានរឹតបន្តឹងការនាំចូល និងបានដាក់ទណ្ឌកម្ម។

ការនាំចូលប្រេងឆៅរុស្ស៊ី ពីសំណាក់ប្រទេសចិន បានកើនឡើង៨%ក្នុងឆ្នាំ២០២២ ដែលស្មើនឹង១,៧២លានបារ៉ែលក្នុងមួយថ្ងៃ (bpd) នេះបើយោងតាមទិន្នន័យគយរបស់ប្រទេសចិន ដែលធ្វើឱ្យប្រទេសរុស្ស៊ីក្លាយជាអ្នកផ្គត់ផ្គង់ដ៏ធំបំផុតទី២ នៅអាស៊ីបូព៌ា។

ក្រុមហ៊ុនវិភាគទីផ្សារទំនិញ Kpler បានប៉ាន់ប្រមាណថា ប្រទេសចិន នឹងនាំចូលប្រេង ប្រមាណ៥,៦២លានបារ៉ែល ក្នុងមួយថ្ងៃក្នុងខែកុម្ភៈ ដើមឆ្នាំ២០២៣ ដែលច្រើនបំផុតមិនធ្លាប់មាន។

ការនាំចូលរបស់ប្រទេសចិន នូវឧស្ម័នបញ្ជូនតាមបំពង់បង្ហូររបស់រុស្ស៊ី បានកើនឡើង២,៦ដង ឈានដល់៣,៩៨ពាន់លានដុល្លារអាមេរិក ហើយការនាំចូលរបស់ប្រទេសចិន នូវឧស្ម័នធម្មជាតិរាវរុស្ស៊ី បានកើនឡើង២,៤ដង ឈានដល់៦,៧៥ពាន់លានដុល្លារអាមេរិក។

ទន្ទឹមនឹងនេះដែរ ការនាំចូលធ្យូងថ្មរុស្ស៊ី ពីសំណាក់ប្រទេសចិន កាលពីឆ្នាំមុនបានកើនឡើង២០% ឈានដល់៦៨,០៦លានតោន។

ប្រទេសឥណ្ឌា ដែលបានក្លាយជាអ្នកទិញប្រេងរុស្ស៊ីធំបំផុតនោះ បាននាំចូលប្រេងរុស្ស៊ី ច្រើនបំផុតមិនធ្លាប់មានរហូតដល់ទៅ១,៤លានបារ៉ែ ក្នុងមួយថ្ងៃក្នុងខែមករា ដោយកើនឡើងជាង៩%បើធៀបនឹងខែធ្នូ។

ការនាំចូលធ្យូងថ្មរុស្ស៊ី ពីសំណាក់ឥណ្ឌា ក្នុងឆ្នាំ២០២២ បានកើនឡើងជិត១៥% ឈានដល់១៦១,១៨លានតោន៕ Aljazeera៕

មកស្វែងយល់ពីចំណុចពិសេសៗនៃទឹកពិសារ “ឋានសួគ៌បូកគោ”

តំណក់ទឹកភ្លៀង ដែលមិនរងការបំពុលពីបរិយាកាស និងផ្សែងយានយន្តផ្សេងៗ ត្រូវបានយកមកប្រើប្រាស់ ដើម្បីផលិតទឹកពិសារ “ឋានសួគ៌បូកគោ” ដើម្បីលើកកំពស់សុខភាពអ្នកពិសារ និងមានសារធាតុទ្រទ្រង់រាងកាយយ៉ាងប្រសើរ។

ដោយមានកំពស់១០៧៥ម៉ែត្រ ឧទ្យានជាតិព្រះមុនីវង្សបូកគោ ជាតំបន់ដ៏ពិសិដ្ឋមួយ ដែលមានអាកាសធាតុត្រជាក់គ្រប់រដូវកាល។ តំណក់ទឹក ដែលត្រូវបានទាញយកមកប្រើប្រាស់ សំរាប់ទឹកពិសារ “ឋានសួគ៌បូកគោ” មានគុណភាពខ្ពស់ ជួយសុខភាពអ្នកពិសារ ប្រៀបដូចជាទឹកដែលត្រូវបានទាញយកពីភ្នំហ្វូជីប្រទេសជប៉ុន។

ជាមួយនឹងសេវាកម្ម ពោរពេញដោយភាពសំរិតសំរាំងនិងការពង្រីកសេវាកម្ម ចែកចាយកាន់តែទូលំទូលាយ ទឹកពិសារឋានសួគ៌បូកគោបាន និងកំពុងចាប់ផ្តើមពេញនិយម និងជ្រើសរើសយកមកទទួលទានពីសំណាក់ប្រជាពលរដ្ឋខ្មែរ។ទឹកពិសាឋានសួគ៌បូកគោត្រូវបានផលិតនិងវេចខ្ចប់នៅក្នុងសហគ្រាស ផលិតទឹកពិសានៅលើភ្នំបូកគោ ជាប្រភពទឹកស្អាតមិនមានសារធាតុពុលនិងមេរោគផ្សេងៗហើយផ្តល់នូវសុខភាពល្អចំពោះសុខភាពមនុស្សគ្រប់វ័យ។

លោក សៅ សារិន នាយកចាត់ការទូទៅស្តីទីសណ្ឋាគារឋានសួគ៌សុខា បានមានប្រសាសន៍ឲ្យដឹងថា “លក្ខណៈពិសេសរបស់ “ទឹកពិសាឋានសួគ៌បូកគោ ជាទឹកធម្មជាតិ នៅលើកំពូលភ្នំបូកគោ ដែលមានរយៈកម្ពស់១.០៧៥ម៉ែត្រពីនីវ៉ូទឹកសមុទ្រ ខ្ពស់ជាងទឹកស្ទឹង អូរ អណ្តូង ទន្លេ ជាដើម”។

លោកបានបន្តថា “ប្រសិនបើទឹកពិសារចេញ ពីប្រភពទឹកស្ទឹង អូរ អណ្តូង ទន្លេ គេត្រូវប្រើប្រាស់សារធាតុគីមី ដើម្បីបំបាត់ក្លិននិងធ្វើឱ្យថ្លា។ ប៉ុន្តែសម្រាប់ទឹកពិសាឋានសួគ៌បូកគោ ជាទឹកធម្មជាតិ ដែលមិនមានសារធាតុគីមីឡើយ”។

យោងតាមការសិក្សារបស់អ្នកជំនាញ មកពីប្រទេសម៉ាឡេស៊ី បានការកោតសរសើរ និងទទួលស្គាល់ចំពោះគុណភាព នៃទឹកពិសាឋានសួគ៌បូកគោយ៉ាងខ្លាំង ដោយសារតែទឹកពិសាររបស់យើង មានប្រភពមកពីប្រភពទឹកដែលមាននីវ៉ូខ្ពស់ មិនមានសារធាតុគីមីនានាហូរចូលឡើយ។ លោកបន្តថា ដោយសារភ្នំបូកគោមានកំពស់ខ្ពស់ ហេតុនេះផ្ទៃបឹងផ្ទុកទឹករបស់យើង ស្រូបយកដំណក់ទឹកភ្ញៀងស្អាត ដែលជាទឹកមិនរងការបំពុលពីផ្សែងបំពុល និងសារធាតុគីមីផ្សេងៗឡើយ។

កម្រិតPH៨របស់ទឹកពិសាឋានសួគ៌បូកគោ ជួយពង្រឹងជាតិអាល់កាឡាំង ដែលប្រឆាំងនឹងជំងឺបេះដូង ប្រឆាំងនឹងជាតិអាស៊ីតក្នុងរាងកាយ ជាពិសេសជួយឱ្យសម្ពាធឈាមដំណើរបានល្អ។ តាមការសិក្សា កម្រិតPHលើសពី៧ ត្រូវបានគេទទួលស្គាល់ថា ជាទឹកអាល់កាលីន ដែលល្អសម្រាប់សុខភាព ព្រោះវាអាចជួយក្នុងការបន្សាបជាតិអាស៊ីតនៅក្នុងខ្លួនយើង។

ទឹកពិសាឋានសួគ៌បូកគោជាទឹកពិសា ដែលទទួលស្គាល់ពីអង្គភាពអន្តរជាតិ ដែលបញ្ជាក់ពីសុវត្ថិភាពចំណីអាហារ មិនមានផលប៉ះពាល់ដល់សុខភាពអ្នកពិសា។គ្រប់តំណាក់កាលនៃការផលិត ត្រូវបានដំណើរការយ៉ាងល្អនិងមានការយកចិត្តទុកដាក់ខ្ពស់បំផុត ដោយត្រូវបានផលិតដោយដោយប្រព័ន្ធចម្រុះ Reverse Osmosis និងសម្លាប់មេរោគដោយ UV និងOzone និងតាមការតម្រូវនៃស្តង់ដារកម្ពុជា CS 009:2005 សម្រាប់ទឹកពិសារប្រកប ដោយអនាម័យនិងគុណភាពខ្ពស់ ISO 9001-2015 ជាទឹកពិសាដែលមានគុណភាពទទួលស្គាល់តាមកម្រិតស្តង់ដារអន្តជាតិHACCP។

ទឹកពិសាឋានសួគ៌បូកគោមានបួនចំណុះ គឺចំណុះ៣៣០មីលីលីត្រ ៥០០មីលីលីត្រ១៥០០មីលីលីត្រ និង២០លីត្រ។រោងចក្រផលិតទឹក ត្រូវបានសាងសង់នៅលើភ្នំបូកគោ ស្រុកទឹកឈូ ខេត្តកំពត ដោយប្រើប្រាស់នូវខ្សែចង្វាក់ផលិតកម្ម ទំនើបនិងបច្ចេកវិទ្យាខ្ពស់បំផុត។

លោកសៅ សារិនបានឲ្យដឹងទៀតថា ខ្សែចង្វាក់ផលិតកម្មនេះបានចាប់ផ្តើមនៅក្នុងខែធ្នូ ឆ្នាំ២០១៧ មានសមត្ថភាពផលិតទឹកពិសារបានជាមធ្យម ចំនួន១.២០០កេសក្នុងមួយថ្ងៃ សម្រាប់ចំណុះ៥០០មលនិង៣៣០មល។ សម្រាប់ចំណុះ១៥០០មល ជាមធ្យមផលិតបានចំនួន១.២០០ដបក្នុងមួយថ្ងៃ។
លោក អ្នកអាចរកទិញទឹកពិសាឋានសួគ៌បូកគោ ពីក្រុមហ៊ុនដោយផ្ទាល់សម្រាប់ការប្រើប្រាស់ ក្នុងការិយាល័យ គេហដ្ឋាន ឬហាងលក់ទំនិញរបស់លោកអ្នកតាមរយៈលេខ088 94 94 614។
ពិសារទឹកឋានសួគ៌បូកគោ ដើម្បីលើកកំពស់ផលិតផលជាតិ និងលើកកំពស់សុខភាពរបស់អ្នក៕Ph

សកម្មភាពវិនិយោគនិងតម្លៃដីធ្លីតាមបណ្ដោយផ្លូវជាតិលេខ៤រំពឹងល្អឡើងវិញក្រោយគម្រោងអភិវឌ្ឍន៍ផ្លូវនេះបញ្ចប់

ដោយៈ វឌ្ឍនៈ

ភ្នំពេញៈ គម្រោងផ្លូវលើកកម្ពស់ កម្រិតគុណភាពផ្លូវជាតិលេខ៤ កំពុងមានភាពមាញឹក ក្នុងការសាងសង់និងអភិវឌ្ឍន៍ ដែលផ្លូវនេះវានៅតែមានសារសំខាន់ ក្នុងការបម្រើដល់វិស័យដឹកជញ្ជូនក្នុងប្រទេសកម្ពុជា បើទោះបីជាផ្លូវល្បឿនលឿនភ្នំពេញ ក្រុងព្រះសីហនុបានដាក់ដំណើរការរួចរាល់ក្ដី។

អ្នកជំនាញនៃវិស័យអចលននវត្ថុកម្ពុជា មើលឃើញថានៅពេលគម្រោងផ្លូវនេះ អភិវឌ្ឍន៍រួចរាល់ វានឹងជំរុញឱ្យសកម្មភាព នៃការវិនិយោគនិងតម្លៃដីធ្លីមានភាពប្រសើរឡើងវិញ។

បើតាមការសង្កេតជាក់ស្ដែងអាជីវកម្ម ក៏ដូចជា សកម្មភាពចរាចរណ៍នៅតាមបណ្ដោយផ្លូវជាតិលេខ៤ ហាក់មានការថមថយខ្លាំងបន្ទាប់ពីផ្លូវល្បឿនលឿន បានសាងសង់រួចនិងដាក់ដំណើរការ ដោយអ្នកដំណើរភាគច្រើន បានធ្វើដំណើរតាមផ្លូវល្បឿនលឿន ជំនួសឱ្យផ្លូវជាតិលេខ៤ ពីព្រោះតែវាលឿនរហ័ស ចំណាយពេលខ្លី និងអស់ថវិកាតិចបើទោះបីជាត្រូវបង់កម្រៃសេវាក៏ដោយ ។

លោកប៉ូ អ៊ាវគង់ អគ្គនាយកក្រុមហ៊ុន Advance បានមានប្រសាសន៍តាមទូរសព្ទនៅល្ងាចថ្ងៃទី២៤ កុម្ភៈ ២០២៣នេះឱ្យដឹងថា ទោះបីជាផ្លូវល្បឿនលឿនភ្នំពេញ ក្រុងព្រះសីហនុ បានដាក់ដំណើរការក្ដី តែផ្លូវជាតិលេខ៤នឹងនៅតែមានសារសំខាន់ ក្នុងការដឹកជញ្ជូន ជាពិសេសការដឹកជញ្ជូនឆ្លងកាត់ខេត្តមួយទៅខេត្តមួយ។ ផ្លូវនេះ នឹងកាន់តែមមាញឹកឡើងវិញនៅពេលវាសាងសង់រួចរាល់ ដោយមួយប្រជាពលរដ្ឋមួយចំនួន នឹងអាចមានជម្រើស ក្នុងការប្រើប្រាស់ផ្លូវល្បឿនលឿនឬក៏ផ្លូវជាតិលេខ៤ ។

លោកបន្ថែមថា ចំណែកសកម្មភាពវិនិយោគ ដូចជា ឧស្សាហកម្មរោងចក្រ សហគ្រាសនៅតំបន់ដែលជាប់នឹងផ្លូវជាតិលេខ ក៏ដូចជាការអភិវឌ្ឍលំនៅឋាននៅតាមបណ្ដោយផ្លូវនេះ ក៏នឹងកើតឡើងនៅពេលដែលផ្លូវបានស្ថាបនាជាថ្មីរួចរាល់ ។

លោកទេសរដ្ឋមន្រ្តីស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនបានមានប្រសាសន៍ថា ដើមឡើយផ្លូវជាតិលេខ៤ មានទទឹងតែ៧ម៉ែត្រប៉ុណ្ណោះ តែដោយសារតែចរាចរណ៍មានភាពមមាញឹក រាជរដ្ឋាភិបាលក៏សម្រេច ពង្រីកទទឹងផ្លូវនេះ រហូតដល់១០ម៉ែត្រ ដោយក្នុងនោះប្រវែង៤០គីឡូម៉ែត្រនឹងពង្រីកពី២គន្លងទៅ៤គន្លង ។

លោកបន្តថា បើតាមផែនការដែលបានគ្រោងទុក ផ្លូវប្រវែង១៧០គីឡូម៉ែត្រ នឹងត្រូវបញ្ចប់នៅដំណាច់ឆ្នាំ២០២៣នេះ ហើយប្រវែង២៦គីឡូម៉ែត្រទៀតនឹងត្រូវបញ្ចប់នៅក្នុងឆ្នាំ២០២៤ ។ ដោយឡែកស្ពានចាស់ចំនួន២៤ ក៏នឹងត្រូវពង្រីកទំហំរហូតដល់១០ម៉ែត្រ និងសាងសង់ស្ពានថ្មីចំនួន៨កន្លែងទៀត៕

សម្តេចតេជោនឹងប្រកាសដាក់ឲ្យដំណើរការកម្មវិធីកែទម្រង់ហិរញ្ញវត្ថុសាធារណៈដំណាក់កាលទី៤នៅចុងខែមិនា

ដោយៈ ម៉ាលីនណា

ភ្នំពេញៈ រដ្ឋាភិបាលតាមរយៈក្រសួងសេដ្ឋកិច្ច និងហិរញ្ញវត្ថុ កំពុងរៀបចំផែនការ អនុវត្តកម្មវិធីកែទម្រង់ ការគ្រប់គ្រងហិរញ្ញវត្ថុសាធារណៈ ដំណាក់កាលទី៤ “គណនេយ្យភាពសមិទ្ធកម្ម” ឆ្នាំ២០២៣-២០២៧។

ពិធីប្រកាសជាផ្លួវការនូវកម្មវិធីនេះ នឹងត្រូវដាក់ឱ្យអនុវត្តជាផ្លូវការក្រោមអធិបតីភាពរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជានៅថ្ងៃទី២០ ខែមីនា ឆ្នាំ២០២៣ខាងមុខ។

អគ្គបណ្ឌិតសភាចារ្យ ឧបនាយករដ្ឋមន្រ្តី បានផ្តល់ការវាយតម្លៃខ្ពស់ និងកោតសរសើរ ចំពោះក្រុមការងារ កែទម្រង់ការគ្រប់គ្រងហិរញ្ញវត្ថុសាធារណៈ នៃក្រសួងស្ថាប័ន និងអង្គភាពក្រោមឱវាទក្រសួងសេដ្ឋកិច្ច និងហិរញ្ញវត្ថុ ព្រមទាំងកិច្ចសហប្រតិបត្តិការ ជាមួយដៃគូអភិវឌ្ឍន៍ ដែលបានចូលរួមកសាងភាពរឹងមាំ នៃប្រព័ន្ធគ្រប់គ្រងហិរញ្ញវត្ថុសាធារណៈកម្ពុជា ដែលជាកម្មវិធីកែទម្រង់ស្នូល ឈានឆ្ពោះទៅសម្រេចឱ្យបាននូវគោលដៅ នៃផែនការយុទ្ធសាស្រ្តអភិវឌ្ឍន៍ជាតិ និងការអភិវឌ្ឍសេដ្ឋកិច្ចប្រកបដោយចីរភាពនៅកម្ពុជា។

យោងតាមសេចក្ដីប្រកាសព័ត៌មាន របស់ក្រសួងសេដ្ឋកិច្ច និងហិរញ្ញវត្ថុ នៅថ្ងៃទី២៣ ខែកុម្ភៈ ឆ្នាំ២០២៣បានឲ្យដឹងថា កម្មវិធីកែទម្រង់ការគ្រប់គ្រងហិរញ្ញវត្ថុសាធារណៈ ជាកម្មវិធីកែទម្រង់ស្នូលនៃកម្មវិធីកែទម្រង់សំខាន់ៗ របស់រាជរដ្ឋាភិបាលកម្ពុជា ដើម្បីឈានឆ្ពោះទៅពង្រឹងអភិបាលកិច្ច តាមរយៈការប្រកាន់ខ្ជាប់ ការអនុវត្តនូវអភិក្រមជាខឿន ឬជាដំណាក់កាល់ៗ (ឬហៅថា Platform Approach) ដោយត្រូវបានកំណត់ចក្ខុវិស័យ ប្រកបដោយមហិច្ឆិតា និងប្រាកដនិយមពោល គឺកសាងប្រព័ន្ធគ្រប់គ្រងហិរញ្ញវត្ថុសាធារណៈកម្ពុជា ឱ្យស្របតាមស្តង់ដា និងឧត្តមានុវត្តន៍ជាអន្តរជាតិ ដែលមានគោលដៅផ្លាស់ប្តូរប្រព័ន្ធហិរញ្ញវត្ថុសាធារណៈ ដែលផ្តោតលើធាតុចូល និងមានលក្ខណៈមជ្ឈការឆ្ពោះ ទៅប្រព័ន្ធដែលផ្ដោតលើធាតុចេញ ឬលទ្ធផល និងមានលក្ខណៈវិមជ្ឈការ។

ក្នុងទស្សនវិស័យដ៏ពិសិដ្ឋនេះ ប្រព័ន្ធគ្រប់គ្រងហិរញ្ញវត្ថុសាធារណៈត្រូវបាននិងកំពុងធ្វើទំនើបកម្មជាបណ្តើរៗ និងកាន់តែស៊ីជម្រៅលើគ្រប់សមាសធាតុស្នូល នៃការគ្រប់គ្រងហិរញ្ញវត្ថុសាធារណៈ តាមរយៈការកសាង និងកែលម្អប្រព័ន្ធ, ក្របខ័ណ្ឌគតិយុត្ត, ស្ថាប័ននីយកម្ម និងធនធានមនុស្ស៕

1...1,0331,0341,035...3,259 Page 1,034 of 3,259