រដ្ឋមន្ត្រីពាណិជ្ជកម្មក្រៅប្រទេសបារាំង នឹងអញ្ជើញទស្សនកិច្ចកម្ពុជាពង្រឹងកិច្ចសហប្រតិបត្តិការសេដ្ឋកិច្ច

ដោយៈ គង់ ម៉ាលីនណា

ភ្នំពេញៈ លោកOlivier Becht រដ្ឋមន្ត្រីប្រតិភូនៃក្រសួងអឺរ៉ុប និងការបរទេសបារាំង ទទួលបន្ទុកពាណិជ្ជកម្មក្រៅប្រទេស ការទាក់ទាញវិនិយោគិន និងជនជាតិបារាំងនៅបរទេស នឹងអញ្ជើញមកបំពេញទស្សនកិច្ចនៅប្រទេសកម្ពុជា នៅថ្ងៃអង្គារ ទី២៤ និងថ្ងៃពុធ ទី២៥ ខែមករា ឆ្នាំ២០២៣ខាងមុខ។

ដំណើរបំពេញទស្សនកិច្ចនេះ ធ្វើឡើងក្នុងគោលដៅពង្រឹងកិច្ចសហប្រតិបត្តិការសេដ្ឋកិច្ច រវាងប្រទេសបារាំងនិងកម្ពុជា។ ដំណើរទស្សនកិច្ចនេះធ្វើឡើង បន្ទាប់ជំនួបរវាងសម្តេចនាយករដ្ឋមន្ត្រី ហ៊ុន សែន និងលោកប្រធានាធិបតីបារាំង អេម៉ានុយអ៊ែល ម៉ាក្រុង នៅទីក្រុងប៉ារីស៍ កាលពីថ្ងៃទី១៣ ខែធ្នូ ឆ្នាំ២០២២កន្លងទៅ។ នេះបើយោងតាមសេចក្តីប្រកាសពត៌មានរបស់ស្ថានទូតបារាំងប្រចាំនៅកម្ពុជា នាថ្ងៃទី២០ខែមករានេះ។

អមដំណើរដោយគណៈប្រតិភូធុរជន ដឹកនាំដោយសហព័ន្ធធុរកិច្ចបារាំង MEDEF International និង Business France លោក អូលីវេ្យ បិច នឹងជួបពិភាក្សាការងារ ជាមួយថ្នាក់ដឹកនាំកម្ពុជាជាច្រើនរូប រួមមានសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម និងឯកឧត្តម សុខ ចិន្តាសោភា រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គលេខាធិការក្រុមប្រឹក្សាអភិវឌ្ឍន៍កម្ពុជា។

ក្នុងដំណើរទស្សនិច្ចនេះ លោករដ្ឋមន្រ្តីប្រតិភូនឹងមានជំនួបផ្សេងៗជាមួយសហគមន៍បារាំងនៅកម្ពុជា ពិសេសតំណាងសហគមន៍ធុរកិច្ចបារាំងដ៏រស់រវើក។ ប្រជាពលរដ្ឋបារាំងចំនួន៥០០០នាក់ ដែលកំពង់រស់នៅកម្ពុជា បានចុះបញ្ជីជាមួយស្ថានទូត។

សេចក្តីប្រកាសពត៌មានដដែលនេះបានឱ្យដឹងថា លោករដ្ឋមន្ត្រីប្រតិភូនឹងចូលរួម ពិធីបញ្ចុះបឋមសិលាសាងសង់ឡើងវិញ នូវស្តូបរំលឹកដល់វិញ្ញាណក្ខន្ធយុទ្ធជនពលីកម្ពុជា និងបារាំងនៅក្នុងសង្គ្រាមលោកលើកទី១ តាមការសម្រេចរបស់រាជរដ្ឋាភិបាលកម្ពុជា ដែលនឹងប្រព្រឹត្តិទៅក្រោមវត្តមានរបស់ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងលោកជំទាវ ភឿង សកុណា រដ្ឋមន្រ្តីក្រសួងវប្បធម៌ និងវិចិត្រសិល្បៈ។

ក្រៅពីនេះ លោកអូលីវេ្យ បិច នឹងទៅពិនិត្យដំណើរការសាងសង់រោងចក្រប្រព្រឹត្តកម្មទឹកស្អាតបាក់ខែង ដែលទទួលបានហិរញ្ញប្បទានពីទីភ្នាក់ងារបារាំងសម្រាប់ការអភិវឌ្ឍ (AFD) ធនាគារវិនិយោគអឺរ៉ុប និងសហភាពអឺរ៉ុប។ នៅសៀមរាប លោកនឹងទស្សនាប្រាសាទអង្គរ ជាពិសេសការដ្ឋានជួសជុលប្រាសាទមេបុណ្យខាងលិច ដែលផ្តល់ហិរញ្ញវត្ថុដោយប្រទេសបារាំង។

ដំណើរទស្សនកិច្ចនេះ បង្ហាញពីការប្តេជ្ញាចិត្តកាន់តែខ្លាំងឡើងៗរបស់ប្រទេសបារាំងនៅតំបន់អាស៊ាន ដែលឆ្លុះបញ្ចាំងឱ្យឃើញ តាមរយៈការចូលរួមរបស់លោកប្រធានាធិបតីបារាំង ក្នុងកិច្ចប្រជុំកំពូលប្រទេស G20 កាលពីចុងឆ្នាំ២០២២នៅកោះបាលី និងកិច្ចប្រជុំសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) នៅទីក្រុងបាងកក។

អាស៊ីអាគ្នេយ៍គឺជាតំបន់សំខាន់មួយ នៃយុទ្ធសាស្រ្តបារាំងនៅឥណ្ឌូប៉ាស៊ីហ្វិក ដោយសារតំបន់នេះ គឺជាទីតាំងរស់រវើកជាងគេបំផុតក្នុងពិភពលោក បើនិយាយពីទិដ្ឋភាពសេដ្ឋកិច្ច ដោយមានអត្រាកំណើនខ្ពស់ ហើយអាស៊ាន គឺជាដៃគូពាណិជ្ជកម្មលំដាប់ទី៣របស់សហភាពអឺរ៉ុប៕

មហាសេដ្ឋីធំលំដាប់ទី២នៅអស៊ី លោក Hui Ka Yan បាត់បង់ទ្រព្យសម្បត្តិអស់ជិត៩៣ភាគរយ

ដោយ: គង់ លាងហួរ

ហុងកុង: នៅក្នុងរយៈពេលប៉ុន្មានឆ្នាំចុងក្រោយនេះ វាមិនមែនជារឿងអស្ចារ្យ សម្រាប់មហាសេដ្ឋីក្នុងប្រទេសចិននោះទេ ជាពិសេសមហាសេដ្ឋី ដែលបានដាក់បញ្ចូលទ្រព្យសម្បត្តិរបស់ពួកគេ នៅក្នុងទីផ្សារអចលនទ្រព្យដែលកំពុងងើបចេញពីវិបត្តិ។

ជាក់ស្តែង ទ្រព្យសម្បត្តិសុទ្ធរបស់ លោក Hui Ka Yan ប្រធានក្រុមហ៊ុនអភិវឌ្ឍន៍អចលនទ្រព្យ China Evergrande និងធ្លាប់ជាមហាសេដ្ឋីលំដាប់ទី២នៅអាស៊ី បានធ្លាក់ចុះជិត៩៣ភាគរយ។

សារពត៌មានBloomberg បានរាយការណ៍ថា ទ្រព្យសម្បត្តិរបស់លោកHui បានធ្លាក់ចុះពី៤២ពាន់លានដុល្លារ ដែលស្ថិតនៅកម្រិតកំពូលក្នុងឆ្នាំ២០១៧ មកនៅត្រឹមប្រហែល៣ពាន់លានដុល្លារ។

Evergrande គឺជាក្រុមហ៊ុនអភិវឌ្ឍន៍អចលនទ្រព្យចិន ដែលជាប់បំណុលរហូតដល់៣០០ពាន់លានដុល្លារ និងជាចំណុចស្នូលនៃបញ្ហាអចលនទ្រព្យរបស់ប្រទេសចិន ចាប់តាំងពីឆ្នាំ២០២១។

លោក Hui Ka Yan ដែលត្រូវបានគេស្គាល់ថា Xu Jiayin ជាភាសាចិនកុកងឺ បានប្រើប្រាស់ទ្រព្យសម្បត្តិផ្ទាល់ខ្លួន ដើម្បីទប់ក្រុមហ៊ុនដែលកំពុងហ៊ុមព័ទ្ធដោយបញ្ហាបំណុល ដោយបានលក់ផ្ទះ និងយន្តហោះឯកជនរបស់លោក។

ទោះបីជាយ៉ាងណាក្តី វានៅតែមិនគ្រប់គ្រាន់ដដែល ហើយក្រុមហ៊ុន Evergrande បានខកខានសងមូលបត្របំណុល រាប់ពាន់លានដុល្លារអាមេរិករបស់ខ្លួនកាលពីខែធ្នូ ឆ្នាំ២០២១ បន្ទាប់ពីបានរៃអង្គាសប្រាក់អស់ជាច្រើនខែ ដើម្បីសងបំណុលដល់ម្ចាស់បំណុល អ្នកផ្គត់ផ្គង់ និងវិនិយោគិន។

កាលពីឆ្នាំ២០២២ ក្រុមហ៊ុនEvergrande ធ្លាប់បានបរាជ័យក្នុងការបញ្ចេញផែនការរៀបចំ រចនាសម្ព័ន្ធបំណុលបឋមរបស់ខ្លួន ដែលនាំឲ្យមានការព្រួយបារម្ភបន្ថែមទៀត អំពីអនាគតរបស់ក្រុមហ៊ុននេះ៕

អ្នកជំនាញណែនាំប្រភេទអចលនទ្រព្យដែលវិនិយោគិននិងអ្នកអភិវឌ្ឍន៍ងាកមកចាប់យកឱកាស

ដោយៈសុផារី

ភ្នំពេញៈ ទោះបីមានសញ្ញានៃការងើបឡើងវិញ នៃអចលនទ្រព្យកម្ពុជា ប៉ុន្តែក៏នៅមានផ្នែកខ្លះ ដែលនៅមិនទាន់អាចស្តារពីវិបត្តិនៅឡើយ។

ក្នុងការលៈទេសៈនេះ អ្នកជំនាញបាននិយាយថា ក្នុងឆ្នាំ២០២៣ វិនិយោគិន និងអ្នកអភិវឌ្ឍន៍ គួរតែងាកមកចាប់យកឱកាស នៃការវិនិយោគលើអចលនទ្រព្យប្រភេទឃ្លាំង រោងចក្រ ដីឧស្សាហកម្ម និងលំនៅដ្ឋានតម្លៃសមរម្យ ជាដើម។

អ្នកនាង ជិន ច័ន្ទដាលុច្ស ប្រធានផ្នែកវាយតម្លៃនិងប្រឹក្សា នៃក្រុមហ៊ុន CBRE Cambodia បានលើកឡើងថា វិស័យអចលនទ្រព្យនៅកម្ពុជា ស្ថិតក្នុងស្ថានភាពផ្សេងៗគ្នាតាមផ្នែកនីមួយៗ។ សម្រាប់ផ្នែកលំនៅដ្ឋាន ការិយាល័យ និងផ្សារលក់ទំនិញ តម្លៃលក់ និងជួលទូទៅ នឹងបន្តមានការធ្លាក់ចុះ ដោយសារតែបរិមាណផ្គត់ផ្គង់ ដែលមានស្រាប់ និងកំពុងសាងសង់។

អ្នកជំនាញរូបនេះផ្តល់យោបល់ថា វិនិយោគិន គួរងាកមកពិចារណាលើផ្នែកផ្សេងៗទៀតដូចជា សណ្ឋាគារតម្លៃសមរម្យ អចលនទ្រព្យឧស្សាហកម្ម លំនៅដ្ឋានតម្លៃសមរម្យ លំនៅដ្ឋានសម្រាប់សិស្ស និស្សិត លំនៅដ្ឋានលំហែ cloud kitchen ជាដើម។

អ្នកនាងគូសបញ្ជាក់ថា “រំពឹងថាចំនួនអចលនទ្រព្យលក់ប្រញាប់ តម្លៃក្រោមទីផ្សារ នឹងមានការកើនឡើង ដោយសារតែការអត្រាការប្រាក់កើនឡើង នឹងការយកកម្ចីវិនិយោគមានការលំបាកជាងមុន”។ អ្នកនាងបន្ថែមថា “ប៉ុន្តែក្នុងស្ថានភាពទីផ្សារបែបនេះ ផ្ដល់ឱកាសកម្រសម្រាប់អ្នកវិនិយោគ ដែលមានធនធានអាចទាញប្រយោជន៍ពីការធ្លាក់ចុះនៃតម្លៃ”។

លោក Marc Townsend អគ្គនាយកជាន់ខ្ពស់ CBRE Cambodia ប្រចាំតំបន់អាស៊ី បានពន្យល់ពីទីផ្សារអចលនទ្រព្យកម្ពុជាថា ឆ្នាំ២០២៣នេះ គឺជាឱកាសដ៏ធំ និងល្អបំផុតសម្រាប់វិនិយោគ រយៈពេល១០ឆ្នាំ៕

ក្រុមហ៊ុនចិនមួយគ្រោងវិនិយោគរោងចក្រកែច្នៃផលិតផលកសិកម្ម នៅក្នុងខេត្តបាត់ដំបង

ដោយៈ សុផារី

បាត់ដំបងៈ ក្រុមហ៊ុន Shop Shindou Shigeharu Limited Company បានបង្ហាញពីចំណាប់អារម្មណ៍ នៅក្នុងការបោះទុនវិនិយោគ លើការកែច្នៃផលិតផលកសិកម្ម នៅក្នុងខេត្តបាត់ដំបង នាពេលខាងមុខនេះ។

លោកសុខ លូ អភិបាល នៃគណៈអភិបាលខេត្តបាត់ដំបង បានអនុញ្ញាតទទួលជួបក្រុមហ៊ុន Shop Shindou Shigeharu Limited Company ថ្ងៃទី១៨ ខែមករា ឆ្នាំ២០២៣ ដើម្បីពិភាក្សាការងារអំពីគម្រោងដែលក្រុមហ៊ុនShop Shindou Shigeharu Limited Company មានគម្រោងបោះទុនវិនិយោគ លើការកែច្នៃផលិតផលកសិកម្ម នៅក្នុងខេត្តបាត់ដំបងនាពេលខាងមុខនេះ ។

ក្រុមហ៊ុន Shindo Shigeharu Shop Co. Ltd. គឺជាក្រុមហ៊ុនផលិតអាហារដ៏ល្អបំផុតនៅក្នុងខេត្តមួយរបស់ចិន ជាពិសេសខាងផ្លែឈើស្ងួត ដូចជា ក្រូចឆ្មារ/ ក្រូចពោធិ៍សាត់ដ៏ល្បីល្បាញរបស់ខេត្ត ហើយក្នុងនោះក្រុមហ៊ុនមានបំណងក្នុងការសិក្សា និងស្វែងយល់បន្ថែមទៀត មុននឹងការបោះទុនវិនិយោគ នៅក្នុងខេត្តបាត់ដំបង ក្នុងការកែច្នៃផលិតផលកសិកម្ម ដែលមានដូចជាផ្លែឈើហូបផ្លែជាដើម។

ក្នុងនោះ លោក សុខ លូ បានសម្ដែងនូវការសប្បាយរីករាយ ចំពោះក្រុមហ៊ុនដែលមានបំណង ក្នុងការវិនិយោគនៅក្នុងខេត្តបាត់ដំបង ពាក់ព័ន្ធនឹងគម្រោងកែច្នៃផ្លែឈើនេះ ស្របពេលដែលខេត្តបាត់ដំបង ជាខេត្តមួយដែលមានសក្ដានុពលខ្ពស់ ទាំងផ្នែកទេសចរណ៍ និងកសិកម្ម។

លោកបានមានប្រសាសន៍ថា រដ្ឋបាលខេត្តរងចាំការសហការជានិច្ច ព្រោះនេះ ក៏ជាគោលបំណងរបស់រដ្ឋបាលខេត្ត ក្នុងការលើកកម្ពស់វិស័យកសិកម្ម នៅក្នុងខេត្តបាត់ដំបង ព្រោះជារៀងរាល់ឆ្នាំ ផលិតផលកសិកម្មមួយចំនួន ដូចជាផ្លែស្វាយ ផ្លែមៀនប៉ៃលិន ឬម្នាស់ជាដើម មានចំនួនច្រើនដែលសេសសល់ និងមានតម្លៃថោក ដោយសារគ្មានរោងចក្រក្នុងការកែច្នៃផលិតផលទាំងនោះ៕

តំបន់ប៉ែកខាងជើងភ្នំពេញ កំពុងទាក់ទាញលើការអភិវឌ្ឍលំនៅឋាន តម្លៃខ្ពស់

ដោយៈ វឌ្ឍនៈ

ភ្នំពេញៈ នៅជុំវិញរាជធានីភ្នំពេញ បានបែងចែកលើការអភិវឌ្ឍលំនៅឋាន ដែលតំបន់ខ្លះផ្ដោតលើលំនៅឋានតម្លៃសមរម្យ តំបន់ខ្លះផ្ដោតតែលើលំនៅឋានតម្លៃខ្ពស់ ទោះបីជាតំបន់នោះ មិនទាន់មានមនុស្សទៅរស់នៅច្រើនក៏ដោយ។

យើងក្រលេកទៅមើលតំបន់ប៉ែកខាងជើង រាជធានីភ្នពេញនាពេលបច្ចុប្បន្ននេះ អ្នកវិនិយោគមួយចំនួន បានផ្ដោតលើការអភិវឌ្ឍលំនៅឋានដេលមានតម្លៃខ្ពស់ៗ ដើម្បីផ្គត់ផ្គង់ជូនអតិថិជនរបស់ខ្លួន។

បើយើងក្រលេកមើលទៅតំបន់ ស្ថិតនៅតាមបណ្ដោយផ្លូវជាសុផារ៉ា ឬផ្លូវ៥៩៨ យើងនឹងឃើញថាសំណង់លំនៅឋានថ្មីៗ បានចាប់ផ្ដើមរីកដុះដាលជាបន្តបន្ទាប់ តែកុំសួរពីតម្លៃផ្ទះនៅតំបន់ទាំងនោះ គឺសុទ្ធតែរាប់ម៉ឺនដុល្លារអាមេរិកក្នុងមួយល្វែង។ តែក្រុមហ៊ុនអភិវឌ្ឍន៍ក៏បាន ធ្វើទំនើបកម្មលើលំនៅឋានទាំងនោះ ដើម្បីឱ្យស័ក្តិសមនឹងតម្លៃផ្ទះនីមួយៗផងដែរ។

លោកសេម ប៉េ នាយកផ្នែកប្រតិបត្តិការ នៃក្រុមហ៊ុនអភិវឌ្ឍន៍លំនៅឋានមួយ នៅតាមបណ្ដោយផ្លូវជា សុផារ៉ាឱ្យដឹងថា ការវិនិយោគអចលនទ្រព្យនៅតំបន់តាមបណ្ដោយផ្លូវនេះ ហាក់មានការរីកដុះដាលខ្លាំង និងផ្ដោតទៅលើគម្រោងលំនៅឋាន តម្លៃខ្ពស់សម្រាប់អភិជន ដោយសារតែនៅតំបន់ជុំវិញនោះ មានសុទ្ធតែស្ថាប័នជាតិ ស្ថាប័នរដ្ឋធំដូចជាស្នងការប៉ូលីស ស្ថាប័នសាធារណការនិងដឹកជញ្ជូនជាដើម។

ក្រៅពីនេះក៏មានផ្សារទំនើប ដែលទើបអភិវឌ្ឍន៍ថ្មីៗជាច្រើន និងមានគម្រោងទំនើបៗជាច្រើនទៀត ដែលកំពុងអភិវឌ្ឍន៍នៅតាមបណ្ដោយផ្លូវនោះ ។

លោកបន្តថា សម្រាប់ក្រុមហ៊ុនរបស់លោក ក៏បាននិងកំពុងរួមចំណែកដល់ការអភិវឌ្ឍលំនៅឋានបែបអភិជនដែរ ដោយផ្ដោតលើអ្នកមានចំណូលខ្ពស់ ហើយគ្រប់ផ្ទះនីមួយៗដែលអភិវឌ្ឍន៍ ដោយក្រុមហ៊ុនគឺសុទ្ធតែបំពាក់បច្ចេកវិទ្យាទំនើបៗ មិនធ្លាប់មាននៅក្នុងប្រទេសកម្ពុជា។

នៅតំបន់ប៉ែកខាងជើងនេះដែរ យើងក៏ឃើញថាគម្រោងធំមួយរបស់លោកឧកញ៉ាគីមហ៊ាង និងលោកជំទាវឧកញ៉ាគង់ សំណាង ម្ចាស់បុរី វិមានសំណាង ។ បុរីនេះ ត្រូវបានអភិវឌ្ឍន៍ឡើង ដោយផ្ដោតលើអ្នកមានចំណូលខ្ពស់ដោយផ្ទះនីមួយៗ ក្នុងបុរីនេះមានតម្លៃរាប់ម៉ឺនដុល្លារ និងមានរហូតដល់ខ្ទង់លានដុល្លារផងក្នុងមួយល្វែង ។

លោកឧកញ៉ាបណ្ឌិតគីម ហ៊ាងម្ចាស់គម្រោងនេះ ធ្លាប់បានលើកឡើងថា លោកមើលឃើញពីចក្ខុវិស័យ និងសក្ដានុពលនៅតំបន់មួយនេះ ដែលធ្វើឱ្យលោកសម្រេចចិត្ត អភិវឌ្ឍន៍លំនៅឋានតម្លៃខ្ពស់នេះឡើង ជាក់ស្ដែងយើងឃើញសកម្មភាព នៃការអភិវឌ្ឍតំបន់មួយនេះ កំពុងតែមមាញឹកខ្លាំង ហើយវាស្ថិតនៅជិតគម្រោងរបស់រដ្ឋធំៗ គម្រោងដែលមានការទាក់ទាញវិនិយោគជាច្រើនទៀត ហើយមិនយូរមិនឆាប់តំបន់នេះ នឹងកាន់តែរីកចម្រើននិងពោរពេញ ដោយការអភិវឌ្ឍកាន់តែខ្លាំង។

លោកឧកញ៉ាបណ្ឌិតគីម ហ៊ាងបានបន្តថា តំបន់ភាគខាងជើងទាក់ទាញគំរោងវិនិយោគតម្លៃខ្ពស់ៗ ដោយសារតំបន់នេះប្រជុំដោយផ្សារទំនើបធំៗ ដូចជា EAON Mall2, Golbal House, Chip Mong Mall , Makro និងជាតំបន់ស្ថិតនៅកៀក នឹងពហុកីឡដ្ឋានមរតកតេជោ តំបន់សួនទឹកកំសាន្តលំដាប់អន្តរជាតិ ដែលបានវិនិយោគដោយអ្នកឧកញ៉ាលី យ៉ុងផាត់ជាដើម៕

គម្រោងស្ពានពីរខ្សែភ្ជាប់ខេត្តព្រៃវែង ទៅកាន់ខេត្តកំពង់ចាមកំពុង ត្រូវបានសិក្សា

ដោយៈ សហការី

កំពង់ចាមៈ ក្រសួងសេដ្ឋកិច្ច និងហិរញ្ញវត្ថុ និងក្រសួងអភិវឌ្ឍន៍ជនបទបាន និងកំពុងសិក្សាលើគម្រោងសាងសង់ស្ពានចំនួនពីរខ្សែ តភ្ជាប់ខេត្តព្រៃវែងមកកាន់ខេត្តកំពង់ចាម។

លោក អ៊ុក ភារៈ មន្រ្តីជាន់ខ្ពស់ក្រសួងសេដ្ឋកិច្ច និងហិរញ្ញវត្ថុ និងលោកវ៉ាស៊ី ណារ៉ុង តំណាងក្រសួងអភិវឌ្ឍន៍ជនបទ សហការជាមួយអាជ្ញាធរស្រុកកោះសូទិន ខេត្តកំពង់ចាម និងអាជ្ញាធរស្រុកស៊ីធរកណ្តាល ខេត្តព្រៃវែង នៅថ្ងៃទី១៩ ខែមករា ឆ្នាំ២០២៣នេះ បានចុះសិក្សាទីតាំងស្ថាបនាស្ពានបេតុងទាំង២កន្លែង។

ស្ពានទាំងពីរកន្លែងនោះមានទីតាំង រួមមាន ស្ពានទី១ ភ្ជាប់ពីភូមិព្រែកសណ្តែក ឃុំព្រែកចង្ក្រាន ស្រុកស៊ីធរកណ្តាល ខេត្តព្រៃវែង ទៅភូមិល្វេ ឃុំល្វេ ស្រុកកោះសូទិន ខេត្តកំពង់ចាម និងមានប្រវែង១១០ម៉ែត្រ។

ស្ពានទី២ ភ្ជាប់ពីភូមិព្រែកព្នៅ ឃុំព្រែកចង្ក្រាន ស្រុកស៊ីធរកណ្តាល ខេត្តព្រៃវែង ទៅភូមិកំពង់ចំបក់ ឃុំព្រែកតានង់ ស្រុកកោះសូទិន ខេត្តកំពង់ចាម និងមានប្រវែង១១០មែត្រ។

អាជ្ញាធរបានស្នើសុំឱ្យអាជ្ញាធរនៅមូលដ្ឋាន ទាំងពីរស្រុក ឃុំ និងភូមិ ចូលរួមសហការ ជាមួយក្រុមការងារក្នុងការសិក្សាផលប៉ះពាល់ និងអំពាវនាវឲ្យប្រជាពលរដ្ឋទាំងពីរស្រុកនេះ ចូលរួមលះបង់ ប្រសិនបើការប៉ះពាល់ ឬខូចខាត ដើម្បីផលប្រយោជន៍រួម៕

តម្លៃអចលនទ្រព្យនៅអារ៉ាប៊ីសាអូឌីតកើនឡើង១,៦ភាគរយនៅដំណាច់ឆ្នាំ២០២២

ដោយ: គង់ លាងហួរ

រីយ៉ាដ: តម្លៃអចលនទ្រព្យនៅក្នុងប្រទេសអារ៉ាប៊ីសាអូឌីតបានកើនឡើង១,៦ភាគរយ នៅក្នុងត្រីមាសទី៤ ឆ្នាំ២០២២ ធៀបនឹងរយៈពេលដូចគ្នាក្នុងឆ្នាំ២០២១។

កំណើននេះត្រូវបានជំរុញ ដោយការកើនឡើងនៃតម្លៃអចលនទ្រព្យបែបលំនៅដ្ឋាន។ នេះបើយោងតាមរបាយការណ៍ចុងក្រោយ ដែលចេញផ្សាយដោយអាជ្ញាធរទូទៅ សម្រាប់ស្ថិតិ(GASTAT)។

យោងតាមរបាយការណ៍របស់ GASTAT បានបង្ហាញថា តម្លៃអចលនទ្រព្យលំនៅដ្ឋានបានកើនឡើង២,៦ភាគរយ នៅក្នុងត្រីមាសទី៤ ឆ្នាំ២០២២ ដែលភាគច្រើនត្រូវបានជំរុញដោយការកើនឡើង២,៧ភាគរយ នៃតម្លៃដីឡូតិ៍។

យោងតាមរបាយការណ៍នេះ អនុវិស័យផ្សេងទៀតដូចជា អចលនទ្រព្យបែបពាណិជ្ជកម្ម និងកសិកម្មបានធ្លាក់ចុះយ៉ាងគំហុកក្នុងរង្វង់០,២ភាគរយ និង០,៨ភាគរយរៀងៗគ្នា។

របាយការណ៍ដដែលបានកត់សម្គាល់បន្ថែមថា តម្លៃផ្ទះវីឡាបានកើនឡើង១,៧ភាគរយ ខណៈតម្លៃអាផាតម៉ិន បានកើនឡើង២,២ភាគរយ។

ចំណែក តម្លៃផ្ទះបានធ្លាក់ចុះ០,៤ភាគរយពីមួយឆ្នាំទៅមួយឆ្នាំ នៅក្នុងត្រីមាសទី៤ ឆ្នាំ២០២២ ខណៈពេលដែលតម្លៃអគារលំនៅដ្ឋាន និងអគារពាណិជ្ជកម្មមានស្ថិរភាព និងមិនបានកត់ត្រាការផ្លាស់ប្តូរទាក់ទងណាមួយឡើយ។

របាយការណ៍ដដែលបានបន្ថែមថា តម្លៃអចលនទ្រព្យក្នុងវិស័យពាណិជ្ជកម្មបានធ្លាក់ចុះ០,២ភាគរយ ដោយសារការធ្លាក់ចុះនៃតម្លៃដីបែបពាណិជ្ជកម្ម។

ចំណែកតម្លៃអចលនទ្រព្យកសិកម្មក៏បានធ្លាក់ចុះផងដែរ ដោយសារការធ្លាក់ចុះ០,៨ភាគរយនៃតម្លៃដីកសិកម្ម៕

Chinese companies set for biggest earnings growth in 5 years in 2023: Refinitiv data

BENGALURU: Chinese companies are expected to report their highest earnings growth in five years, Refinitiv data shows, as economic reopening after COVID lockdowns and accommodative monetary policy raise hopes for higher profits.

According to Refinitiv IBES data, China’s large and mid-cap companies’ profits are seen rising 16.2 percent in 2023, the fastest growth since 2017.

The analysis is based on 1,164 companies with a market capitalization of at least $1 billion.

Optimism has risen after China reopened following three years of maintaining a strict zero-COVID-19 policy and Beijing pledged additional policy support to boost the ailing domestic economy.

Herald van der Linde, head of the equity strategy at HSBC, said the easing of COVID-19 restrictions and support from the property market would boost the outlook for consumer and travel-related sectors in mainland China.

The Reuters analysis showed utilities, consumer staples and consumer discretionary sectors are expected to lead growth with their estimated profit growth of 34.5 percent, 33.5 percent and 27.8 percent, respectively.

Meanwhile, the tech sector is expected to see earnings growth of 27 percent compared with 9.4 percent in 2022 while the property sector would witness 9.4 percent higher profits after a 4.9 percent drop last year.

E-commerce company JD.com and technology infrastructure and marketing platforms provider Alibaba Group are expected to report profit growth of 28.8 percent and 18.3 percent, respectively.

Profits of tech giant Tencent Holdings are expected to rise abbout 19 percent this year after a slump in 2022.

China’s video game regulator lifted many curbs for the industry and granted multiple publishing licenses to Tencent’s games for domestic release last month.

“We expect China to outperform Asia ex-Japan due to its faster-than-anticipated reopening, continuing domestic policy support, and potential for stronger earnings growth,” said Mark Haefele, chief investment officer at UBS Global Wealth Management, in a note this month.

Source: Reuters

Asian stocks edge up, dollar sags as markets mull Fed risks

TOKYO : Most Asian equity markets edged higher on Friday, while the U.S. dollar hung near its weakest level since May, with investors fretting about the risks of a global recession as the Federal Reserve presses on with interest rate increases.

U.S. Treasury yields remained elevated in Tokyo after bouncing off four-month lows overnight.

Japanese government bond yields stayed depressed, two days after the Bank of Japan defied investor pressure to loosen yield curve controls further.

Japan’s Nikkei added 0.16 per cent, while Australia’s benchmark edged 0.09 per cent higher, although South Korea’s Kospi slipped 0.24 per cent.

Hong Kong’s Hang Seng advanced 0.75 per cent and mainland blue chips were 0.32 per cent firmer.

Asian markets showed some

resilience despite a selloff on Wall Street overnight, with the S&P 500 losing 0.76 per cent.

E-Mini futures indicated a small bounce at the reopen though, gaining 0.24 per cent.

Worries about more Fed tightening were heightened by robust U.S. employment data and fresh hawkish rhetoric from central bank officials.

Weekly jobless claims were lower than expected, pointing to a tight labour market.

Boston Fed President Susan Collins said the central bank would probably need to raise rates to “just above” 5 per cent, then hold them there, while Fed Vice Chair Lael Brainard said that despite the recent moderation in inflation, it remains high and “policy will need to be sufficiently restrictive for some time”.

Source: Reuters

ក្រុមហ៊ុនមួយត្រូវការដីធ្លី១ម៉ឺនហិចតានៅខេត្តមណ្ឌលគិរីដើម្បីសាងសង់កសិដ្ឋានចិញ្ចឹមគោទឹកដោះ

ដោយ៖ សុថារី

មណ្ឌលគិរី៖ ក្រុមហ៊ុនចិញ្វឹមគោយកទឹកដោះ MOMO FARM បានបង្ហាញពីគម្រោងនៃការពង្រីកផ្ទៃដីផលិតកម្មរបស់ខ្លួនចំនួន១ម៉ឺនហិចតា នៅក្នុងខេត្តមណ្ឌលគិរី។

ក្នុងជំនួបនេះ រវាងលោករដ្ឋមន្ត្រី ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងតំណាងក្រុមហ៊ុននៅថ្ងៃទី១៨ ខែមករា ឆ្នាំ២០២៣ លោករដ្ឋមន្ត្រីបានសម្តែងនូវការគាំទ្រ ចំពោះការចង់ពង្រីកកសិដ្ឋានចិញ្ចឹមគោយកទឹកដោះរបស់ក្រុមហ៊ុន MOMO FARM។

លោក ឌិត ទីណា បានបញ្ជាក់ច្បាស់ថា បច្ចុប្បន្នក្រសួងមិនមានការផ្តល់ដីសម្បទានជូនក្រុមហ៊ុនឯកជនទៀតទេ ស្របតាមសេចក្តីសម្រេចរបស់រាជរដ្ឋាភិបាលកាលពីឆ្នាំ២០១២។ លោករដ្ឋមន្ដ្រីផ្ដល់អនុសាសន៍ដល់ក្រុមហ៊ុនធ្វើកិច្ចសន្យាជាមួយពលរដ្ឋដែលមានដីសម្រាប់ធ្វើការដាំស្មៅសម្រាប់ជាចំណីសត្វ។

ក្រសួងនឹងជួយសម្របសម្រួល ជំរុញការពង្រីកផលិតកម្មគោយកទឹកដោះនេះ ព្រោះបរិមាណគោយកទឹកដោះទូទាំងប្រទេសមានប្រមាណត្រឹម ១០០០ក្បាលប៉ុណ្ណោះ។

បច្ចុប្បន្ន ក្រុមហ៊ុន MOMO FARM មានសមត្ថភាពផលិតទឹកដោះគោស្រស់ប្រមាណ ២ពាន់លីត្រ ក្នុងមួយថ្ងៃ។ ក្រុមហ៊ុនមានផែនការពង្រីកអាជីវកម្មរបស់ខ្លួនបន្ថែមទៀត ដើម្បីឆ្លើយតបនឹងតម្រូវការទីផ្សារទឹកដោះគោស្រស់ក្នុងស្រុក។ ក្រុមហ៊ុនត្រូវការដីបន្ថែមប្រមាណ១ម៉ឺនហិចតានៅមណ្ឌលគិរី សម្រាប់ដំណើរការផលិតកម្មនេះ៕

1...1,0821,0831,084...3,260 Page 1,083 of 3,260