ក្រុមហ៊ុនមួយត្រូវការដីធ្លី១ម៉ឺនហិចតានៅខេត្តមណ្ឌលគិរីដើម្បីសាងសង់កសិដ្ឋានចិញ្ចឹមគោទឹកដោះ

ដោយ៖​ សុថារី

មណ្ឌលគិរី៖ ក្រុមហ៊ុនចិញ្វឹមគោយកទឹកដោះ MOMO FARM បានបង្ហាញពីគម្រោងនៃការពង្រីកផ្ទៃដីផលិតកម្មរបស់ខ្លួនចំនួន១ម៉ឺនហិចតា នៅក្នុងខេត្តមណ្ឌលគិរី។

ក្នុងជំនួបនេះ រវាងលោករដ្ឋមន្ត្រី ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងតំណាងក្រុមហ៊ុននៅថ្ងៃទី១៨ ខែមករា ឆ្នាំ២០២៣ លោករដ្ឋមន្ត្រីបានសម្តែងនូវការគាំទ្រ ចំពោះការចង់ពង្រីកកសិដ្ឋានចិញ្ចឹមគោយកទឹកដោះរបស់ក្រុមហ៊ុន MOMO FARM។

លោក ឌិត ទីណា បានបញ្ជាក់ច្បាស់ថា បច្ចុប្បន្នក្រសួងមិនមានការផ្តល់ដីសម្បទានជូនក្រុមហ៊ុនឯកជនទៀតទេ ស្របតាមសេចក្តីសម្រេចរបស់រាជរដ្ឋាភិបាលកាលពីឆ្នាំ២០១២។ លោករដ្ឋមន្ដ្រីផ្ដល់អនុសាសន៍ដល់ក្រុមហ៊ុនធ្វើកិច្ចសន្យាជាមួយពលរដ្ឋដែលមានដីសម្រាប់ធ្វើការដាំស្មៅសម្រាប់ជាចំណីសត្វ។

ក្រសួងនឹងជួយសម្របសម្រួល ជំរុញការពង្រីកផលិតកម្មគោយកទឹកដោះនេះ ព្រោះបរិមាណគោយកទឹកដោះទូទាំងប្រទេសមានប្រមាណត្រឹម ១០០០ក្បាលប៉ុណ្ណោះ។

បច្ចុប្បន្ន ក្រុមហ៊ុន MOMO FARM មានសមត្ថភាពផលិតទឹកដោះគោស្រស់ប្រមាណ ២ពាន់លីត្រ ក្នុងមួយថ្ងៃ។ ក្រុមហ៊ុនមានផែនការពង្រីកអាជីវកម្មរបស់ខ្លួនបន្ថែមទៀត ដើម្បីឆ្លើយតបនឹងតម្រូវការទីផ្សារទឹកដោះគោស្រស់ក្នុងស្រុក។ ក្រុមហ៊ុនត្រូវការដីបន្ថែមប្រមាណ១ម៉ឺនហិចតានៅមណ្ឌលគិរី សម្រាប់ដំណើរការផលិតកម្មនេះ៕

បណ្តាក្រុមហ៊ុនចិនធំៗរំពឹងទទួលបានកំណើនប្រាក់ចំណេញដ៏ខ្ពស់បំផុតនៅឆ្នាំ២០២៣នេះ

ដោយ: គង់ លាងហួរ

ប៉េកាំង: បណ្តាក្រុមហ៊ុនចិននានាត្រូវបានគេរំពឹងថា នឹងរាយការណ៍ពីកំណើនប្រាក់ចំណូលខ្ពស់បំផុតរបស់ពួកគេក្នុងរយៈពេល៥ឆ្នាំខាងមុខ ខណៈប្រទេសចិនបានបើកសេដ្ឋកិច្ចឡើងវិញ និងរៀបចំគោលនយោបាយរូបិយវត្ថុបង្កើនក្តីសង្ឃឹមសម្រាប់ប្រាក់ចំណេញខ្ពស់។

យោងតាមទិន្នន័យរបស់ Refinitiv IBES បានឱ្យដឹងថា ប្រាក់ចំណេញរបស់ក្រុមហ៊ុនធំ និងមធ្យមរបស់ប្រទេសចិនត្រូវបានគេមើលឃើញថា នឹងកើនឡើង១៦,២ភាគរយ ក្នុងឆ្នាំ២០២៣ ដែលជាកំណើនដ៏លឿនបំផុតចាប់តាំងពីឆ្នាំ២០១៧។

ការវិភាគនេះគឺផ្អែកលើក្រុមហ៊ុនចំនួន១.១៦៤ក្រុមហ៊ុន ដែលមានមូលធនប័ត្រទីផ្សារយ៉ាងហោចណាស់១ពាន់លានដុល្លារ។

សុទិដ្ឋិនិយមបានកើនឡើង បន្ទាប់ពីប្រទេសចិនបានបើកដំណើរការសេដ្ឋកិច្ចឡើងវិញ ហើយទីក្រុងប៉េកាំងបានប្តេជ្ញាគាំទ្រគោលនយោបាយបន្ថែម ដើម្បីជំរុញសេដ្ឋកិច្ចក្នុងស្រុក  ដែលកំពុងរងគ្រោះ។

លោក Herald van der Linde ប្រធានយុទ្ធសាស្រ្តភាគហ៊ុននៅធនាគារ HSBC បានមានប្រសាសន៍ថា ការបន្ធូរបន្ថយការរឹតបន្តឹងជំងឺកូវីដ និងការគាំទ្រពីទីផ្សារអចលនទ្រព្យនឹងជំរុញដល់ទស្សនវិស័យ សម្រាប់អ្នកប្រើប្រាស់ និងវិស័យដែលទាក់ទងនឹងការធ្វើដំណើរ នៅក្នុងប្រទេសចិន។

ទន្ទឹមនឹងនេះ វិស័យបច្ចេកវិទ្យាត្រូវបានគេរំពឹងថា នឹងឃើញមានកំណើនប្រាក់ចំណូល២៧ភាគរយ ធៀបនឹង៩,៤ភាគរយ ក្នុងឆ្នាំ២០២២ ខណៈវិស័យអចលនទ្រព្យនឹងទទួលបានប្រាក់ចំណេញខ្ពស់ជាង៩,៤ភាគរយ បន្ទាប់ពីបានធ្លាក់ចុះ៤,៩ភាគរយកាលពីឆ្នាំមុន។

ក្រុមហ៊ុន E-commerce JD.com និងហេដ្ឋារចនាសម្ព័ន្ធបច្ចេកវិទ្យា និងក្រុមហ៊ុនផ្តល់វេទិកាទីផ្សារ Alibaba Group ត្រូវបានគេរំពឹងថា នឹងរាយការណ៍ពីកំណើនប្រាក់ចំណេញ២៨,៨ភាគរយ និង១៨,៣ភាគរយរៀងៗគ្នា។

ជាមួយគ្នានេះ ប្រាក់ចំណេញរបស់ក្រុមហ៊ុនបច្ចេកវិទ្យាខ្នាតយក្ស Tencent Holdings ត្រូវបានគេរំពឹងថា នឹងកើនឡើងប្រហែល១៩ភាគរយនៅឆ្នាំ២០២៣នេះ បន្ទាប់ពីធ្លាក់ចុះនៅឆ្នាំ២០២២៕

  

អ្នកជំនាញ៖ វិនិយោគដីធ្លីនៅទីក្រុងបង្កើតថ្មីនៅតែផ្តល់ផលចំណេញខ្ពស់សម្រាប់រយៈពេលមធ្យម

ដោយ៖ សុផារី

កណ្តាល៖ ការប្រកាសបង្កើតក្រុងថ្មីរបស់រាជរដ្ឋាភិបាលនាពេលថ្មីៗនេះមិនបានបង្កើតជាដំណឹងថ្មីខ្លាំងសម្រាប់អ្នកវិនិយោគឡើយ ដោយសារដំណឹងនេះត្រូវបានប៉ាន់ស្មានជាយូរមកហើយ។ អ្នកជំនាញអចលនទ្រព្យលើកឡើងថា ការវិនិយោគលើតំបន់បង្កើតថ្មីនាពេលនេះមិនទាន់ហុចផលភ្លាមៗនោះទេ តែវាសក្តិសមនឹងការវិនិយោគរយៈពេលមធ្យម និងវែងច្រើនជាង។

លោក ង៉ែត ជូ អ្នក​ជំនាញ​ផ្នែក​សេដ្ឋកិច្ច និងវិនិយោគមួយរូបបានឱ្យដឹងនៅថ្ងៃទី១៧ ខែមករា ឆ្នាំ២០២៣កន្លងមកថា ការបង្កើតក្រុងថ្មីមិនអាចធ្វើអោយទីផ្សារដីធ្លី ដែលកំពុងស្ងាត់កំរើកឡើងវិញភ្លាមៗបាននោះទេ។

យ៉ាងណាក្តី លោកថា នៅពេលនេះគឺជាពេលវេលាដ៏ល្អបំផុតសំរាប់ការវិនិយោគរយៈពេលវែង សម្រាប់ការវិនិយោគ ក្នុងរយៈពេលចាប់ពី៥ឆ្នាំឡើងទៅ ដោយផ្អែកលើហេតុផល២យ៉ាង។

លោកបានលើកឡើងថា ហេតុផលទី១ ជាផលចំណេញសម្រាប់អ្នកវិនិយោគ ដោយគាត់អាចទិញបានដី ដែលល្អៗ និងមានតម្លៃក្រោមតម្លៃទីផ្សារ យ៉ាងហោចណាស់ប្រមាណពី២០ភាគរយ ទៅ៣០ភាគរយ។

លោកបន្តថា ហេតុផលទី២ គឺ ការបង្កើតក្រុងថ្មីនឹងនាំមកនូវការអភិវឌ្ឍហេដ្ឋារចនាសម្ពន្ធ័ មិនថាលើការអភិវឌ្ឍប្រព័ន្ធទឹក ភ្លើង ផ្លូវ សាលារៀន មន្ទីរពេទ្យ ។ល។ ព្រមទាំងសេវាសាធារណៈ ដែលបង្កភាពងាយស្រួល និងកាន់តែខិតទៅជិតប្រជាពលរដ្ឋ ដែលនេះជាហេតុនាំឱ្យកាន់តែជំរុញល្បឿន នៃការអភិវឌ្ឍក្នុងតំបន់កាន់តែលឿនបន្ថែមទៀត។

លោកបានពន្យល់ណែនាំថា ប្រសិនបើចង់វិនិយោគ ចំណុចគន្លឹះនៃការវិនិយោគគឺ “វិនិយោគិនត្រូវចេះទិញដី ដែលល្អ ទិញក្រោមតម្លៃទីផ្សារ និងមានលុយគ្រប់គ្រាន់ ឬខ្ចីធនាគារតិចតួច ដើម្បីបង្រ្គប់”។

លោក ច្រឹក សុខនីម អ្នកជំនាញអចលនទ្រព្យកម្ពុជា បានមានប្រសាសន៍ថា ការបង្កើតទីក្រុងថ្មីនេះចាប់ផ្តើម តម្រូវការដីនឹងមានការកើនឡើង ដែលធ្វើឱ្យតម្លៃអចលនទ្រព្យកើនឡើង។ ប៉ុន្តែយ៉ាងណាក្តី ការរៀបចំក្រុងថ្មីនេះទាមទារនូវការវិនិយោគរបស់រាជរដ្ឋាភិបាល ក្នុងការកសាងហេដ្ឋារចនាសម្ព័ន្ធ ឱ្យបានកាន់តែប្រសើរជាងមុនផងដែរ។

លោកលើកឡើងថា សម្រាប់ឆ្នាំ២០២៣ តម្លៃដី​នៅក្នុងក្រុងបង្កើតថ្មីអាចនឹងមិនប្រែប្រួលខ្លាំងនោះទេ ដោយសារស្ថានភាពសេដ្ឋកិច្ចមិនសូវល្អ ក៏ដូចជាបញ្ហាអូសបន្លាយនៃសង្រ្គាមអ៊ុយក្រែន។ តែយ៉ាងណា ចាប់ពីឆ្នាំ២០២៤ និងឆ្នាំ២០២៥ តម្លៃដីអាចនឹងកើនឡើងពី២០% ទៅ៣០%នៃតម្លៃបច្ចុប្បន្ន។

យ៉ាងណាក្តី អ្នកជំនាញរូបនេះលើកឡើងថា ការបង្កើតក្រុងទាំងបីនេះ គឺជាយន្តការរបស់រាជរដ្ឋាភិបាល ដើម្បីជំរុញសេដ្ឋកិច្ចនៅតាមតំបន់ ឱ្យកាន់តែមានភាពទាក់ទាញ និងមានការរីកចម្រើនជាមុន ​ក៏ដូចជាការបង្កើនការផ្តល់សេវាសាធារណៈកាន់តែកៀក និងមានប្រសិទ្ធភាព៕

 

Yoon encourages global businesses to invest in Korea

DAVOS ― President Yoon Suk Yeol asked the CEOs of leading global companies, including IBM, Qualcomm, Intel and Blackstone, to invest in Korea, Wednesday (local time).

Yoon made the request during a luncheon with 15 CEOs of global companies and the heads of six major Korean businesses at a hotel in Davos, Switzerland, where they shared opinions on stable supply chains and the digital transition.

Yoon is in the alpine town to attend the World Economic Forum.

Among the CEOs of global firms were IBM Chairman Arvind Krishna, Qualcomm President Christiano Amon and Intel CEO Patrick Gelsinger. Along with the chiefs of the tech giants, big names from the financial sector were also present, including Blackstone Chairman Stephen Schwarzman, JP Morgan Chairman Jamie Dimon, Mubadala Investment CEO Khaldoon Al Mubarak and Bank of America International President Bernard Mensah.

On the Korean side, Samsung Electronics Chairman Lee Jae-yong, Hyundai Motor Group Executive Chairman Chung Euisun, SK Group Chairman Chey Tae-won, LG Group Chairman Koo Kwang-mo, Lotte Group Chairman Shin Dong-bin and Hanwha Solutions President Kim Dong-kwan were present.


Yoon to urge world leaders to unite to fix supply chain, climate issues at Davos Forum 2023-01-18 11:45  |  Politics
The luncheon was held as part of Yoon’s pledge to use his overseas trips as opportunities to assist Korean companies’ export aims and attract foreign investments. During dinner with Korean CEOs in the United Arab Emirates on Monday, Yoon described himself as “a salesman for Korea.

To address the complex crisis that we are facing these days, solidarity and cooperation between countries and companies are essential,” Yoon said. “While companies are pursuing sustainable growth and technological innovation to address global problems, the government should also assist them by making the market operate fairly and effectively.”

Yoon also noted that his administration’s policies are aimed at allowing the private sector to lead economic growth due to Korea possessing a top-level free trade agreement network, industrial capacity and a talented workforce.

Source: Korea Times

សិង្ហបុរីរំពឹងទាញចំណូលទេសចរណ៍២១ពាន់លានដុល្លារក្នុងឆ្នាំនេះ ក្រោយប្រទេសចិនបើកព្រំដែនឡើងវិញ

ដោយៈ សុខុម

ហុងកុង: សិង្ហបុរីបានសម្តែងសុទិដ្ឋិនិយមថា ចំនួនភ្ញៀវទេសចរដែលខ្លួន ទទួលបាននឹងកើនឡើងទ្វេរដង ធៀបនឹងឆ្នាំមុនឈានដល់១២ទៅ១៤លាននាក់ក្នុងឆ្នាំ២០២៣។

ក្តីរំពឹងនេះ ដោយសារប្រទេសចិន បានបើកព្រំដែនឡើងវិញ ក្រោយបោះបង់គោលនយោបាយសូន្យ-កូវីដ បូករួមជាមួយកំណើននៃការតភ្ជាប់ជើងហោះហើរ និងសមត្ថភាពហោះហើរ។

ក្រុមប្រឹក្សាទេសចរណ៍សិង្ហបុរី (STB) បាននិយាយកាលពីថ្ងៃអង្គារ ទី១៧ ខែមករា ថា ចំនួនភ្ញៀវទេសចរទាំងនោះ អាចធ្វើឱ្យសិង្ហបុរីទទួលបានចំណូលទេសចរណ៍ រហូតដល់ទៅ២១ពាន់លានដុល្លារសិង្ហបុរី ឬស្មើនឹង១៦ពាន់លានដុល្លារអាមេរិក បើធៀបនឹងប្រមាណ១៤ពាន់លានដុល្លារសិង្ហបុរី ឬស្មើនឹង១០,៦ពាន់លានដុល្លារអាមេរិកកាលពីឆ្នាំមុន ជាមួយនឹងចំនួនភ្ញៀវទេសចរ៦,៣លាននាក់។

យោងតាមសារព័ត៌មាន South China Morning Post ចុះផ្សាយកាលពីថ្ងៃពុធ ទី១៨ ខែមករា ឱ្យដឹងថា រដ្ឋបុរី ឬ ប្រទេសដែលមានតែទីក្រុងនេះ ទទួលបានភ្ញៀវទេសចរអន្តរជាតិ ត្រឹមតែ៣៣០.០០០នាក់ប៉ុណ្ណោះក្នុងឆ្នាំ២០២១ ជាពេលដែលពិភពលោក រឹតបន្តឹងការធ្វើដំណើរខ្លាំងក្លាបំផុត។

លោក Juliana Kua ជំនួយការនាយកប្រតិបត្តិ នៃក្រុមប្រឹក្សាទេស​ចរណ៍សិង្ហបុរី (STB) បានថ្លែងក្នុងសន្និសីទព័ត៌មានមួយថា “យើងស្ថិតក្នុងភូមិសាស្ត្រដ៏ល្អ ដែលបន្តទទួលស្វាគមន៍ភ្ញៀវទេសចរចិន ដែលវិលត្រលប់មកវិញក្នុងចំនួនយ៉ាងច្រើន”។

ក្នុងឆ្នាំ២០១៩ សិង្ហបុរី ទទួលបានភ្ញៀវទេសចរ មកពីប្រទេសចិន ចំនួន៣,៦លាននាក់ ដោយធ្វើឱ្យភ្ញៀវចិនរួមចំណែកធំបំផុត ដល់វិស័យ​ទេស​ចរណ៍របស់សិង្ហបុរី មុនពេលផ្ទុះវិបត្តិកូវីដ-១៩។

ភ្ញៀវទេសចរណ៍ ក៏បានចំណាយពេលស្នាក់នៅ ក្នុងប្រទេសសិង្ហបុរី ច្រើនជាងជាងមុនពេលវិបត្តិកូវីដ-១៩ ផងដែរ។

ក្រុមប្រឹក្សាទេសចរណ៍សិង្ហបុរី (STB)បានគូសបញ្ជាក់ថា ការស្នាក់នៅជាមធ្យម សម្រាប់ភ្ញៀវទេសចរ ដែលបានមកអំឡុងខែមេសា ដល់ខែធ្នូ ឆ្នាំ២០២២ បន្ទាប់ពីរដ្ឋាភិបាលបញ្ឈប់ ការតម្រូវឱ្យធ្វើចត្តាឡីស័ក ដោយពួកគេស្នាក់នៅចំនួន៤,៨១ថ្ងៃ បើធៀបនឹង៣,៣៦ថ្ងៃ ក្នុងរយៈពេលដូចគ្នាក្នុងឆ្នាំ២០១៩៕ South China Morning Post៕

ទីក្រុងមួយរបស់បារាំងក្លាយជាតំបន់ទេសចរណ៍ដ៏មានឥទ្ធិពលបំផុត របស់ពិភពលោក

ដោយៈ សុខុម

អន្តរជាតិ: ទីក្រុងប៉ារីស ដែលជារដ្ឋធានីនៃប្រទេសបារាំង គឺជាទីក្រុងដែលមានកេរ្តិ៍ឈ្មោះ ល្បីល្បាញខ្លាំងខាងអាហារល្អៗ សិល្បៈដ៏ល្អវិចិត្រ និងម៉ូតសម្លៀកបំពាក់ប្រណីតៗ ថ្លៃៗរួមទាំងកាបូបផងដែរ។

ទន្ទឹមនេះសន្ទស្សន៍ថ្មី ដែលចេញពីក្រុមប្រឹក្សាដំណើរកម្សាន្ត និងទេស​ចរណ៍ពិភពលោក (WTTC)បានបង្ហាញថា ប៉ារីស ថែមទាំងក្លាយជាទីក្រុងដ៏មានឥទ្ធិពលបំផុតរបស់ពិភពលោកផងដែរ សម្រាប់វិស័យទេសចរណ៍។

WTTC ជាស្ថាប័នឧស្សាហកម្មទេសចរណ៍ មិនស្វែងរកប្រាក់ចំណេ​ញ ដែលមានមូលដ្ឋាននៅអង់គ្លេស បានធ្វើការវិភាគទៅលើទិន្នន័យទេស​ចរណ៍ពីឆ្នាំ២០២២ ដើម្បីរកឱ្យឃើញថា តើនៅទីក្រុងមួយណា ដែលភ្ញៀវទេសចរចាយលុយជាងគេច្រើនបំផុត។

លក្ខខណ្ឌនៃការដាក់ចំណាត់ថ្នាក់ ជាទីក្រុងទេសចរណ៍ដ៏មានឥទ្ធិពលបំផុតនេះ គឺគេមិនរាប់បញ្ចូលសំបុត្រ ចូលទស្សនាសារៈមន្ទីរ និងបន្ទប់សណ្ឋាគារនោះទេ។ កត្តាដ៏សំខាន់ ដែលគេផ្ដោតនោះគឺថា តើរដ្ឋាភិបាលថ្នាក់ជាតិ និងក្រុមហ៊ុនក្នុងស្រុក កំពុងបោះទុនវិនិយោគច្រើនប៉ុនណានៅក្នុងទីក្រុងទាំងនេះ ក្នុងនាមជាគោលដៅទេសចរណ៍។

តួយ៉ាង ទីក្រុងប៉ារីស ពេលនេះកំពុងត្រៀមខ្លួន ទទួលធ្វើជាម្ចាស់ផ្ទះរៀបចំព្រឹត្តិការណ៍កីឡាអូឡាំពិក រដូវក្តៅឆ្នាំ២០២៤ (2024 Summer Olympics)។ ហើយទោះបីអគារថ្មីៗ ដែលនឹងត្រូវសាងសង់សម្រាប់ព្រឹត្តិការណ៍នេះមានតិចជាង៥%ក្ដី ក៏ទីក្រុងនេះកំពុងចាក់បញ្ចូលធនធានយ៉ាងច្រើនសន្ធឹកសន្ធាប់ ចូលទៅក្នុងហេដ្ឋារចនាសម្ព័ន្ធ សន្តិសុខ និងវិធានការផ្សេងៗទៀត ដែលនឹងជួយពួកគេត្រៀមខ្លួនរួចរាល់ សម្រាប់ការធ្វើជាម្ចាស់ផ្ទះរៀបចំព្រឹត្តិការណ៍កីឡាពិភពលោកនេះ។

បើគិតពីចំណុចនេះ វិស័យទេសចរណ៍សរុបនៃទីក្រុងប៉ារីស មានទំហំសរុបរហូត ដល់ទៅ៣៥,៦ពាន់លានដុល្លារឯណោះ គឺវាពិតជាច្រើនខ្លាំងណាស់៕ CNN៕

កម្ពុជារំពឹងទទួលបានជើងហោះហើរ៤៥០០០លើក ខណៈការព្យាករណ៍កម្ពុជានឹងទទួលបានទេសចរណ៍អន្តរជាតិ៤លាននាក់នៅឆ្នាំនេះ

ដោយៈ ជេស៊ីកា

       ភ្នំពេញៈ ការព្យាករណ៍បានបង្ហាញថា កម្ពុជាអាចទទួលបានភ្ញៀវទេសចរណ៍អន្តរជាតិចំនួន៤លាននាក់នៅឆ្នាំនេះ និងអាចរកចំណូលបាន៤០០០លានដុល្លារអាមេរិក។

យោងតាមរបាយការណ៍និទស្សន៍របស់រដ្ឋលេខាធិកាដ្ឋានអាកាសចរណ៍ស៊ីវិលបានបង្ហាញឲ្យដឹងកាលពីថ្ងៃទី១៨ មករាថា រហូតមកទល់ពេលនេះ មិនទាន់មានសញ្ញាសុទិដ្ឋិនិយម ពីការហោះហើរបស់ក្រុមហ៊ុនអាកាសចរណ៍ចិនកើនឡើងឬថយចុះឡើយ ប៉ុន្តែបច្ចុប្បន្នកម្ពុជាទទួលបានក្រុមហ៊ុនអន្តរជាតិចំនួន២៧ហោះហើរត្រង់មកកាន់កម្ពុជា។

របាយការណ៍បានឲ្យដឹងទៀតថា ជើងហោះហើរមានសក្តានុពល ឬហោះហើរមកកាន់កម្ពុជាញឹកញាប់ជាងគេ រួមមានភ្នំពេញ បាងកក ភ្នំពេញ​សឹង្ហបុរី ភ្នំពេញ កូឡាឡាំពួរ ភ្នំពេញហាណូយជាដើម។

របាយការណ៍ដែលផ្តល់ជូនពីលោកស៊ិន ចាន់សិរីវុត្ថាអ្នកនាំពាក្យរដ្ឋលេខាធិការដ្ឋានអាកាសចរណ៍ស៊ីវិលបានបង្ហាញទៀតថា ក្នុងឆ្នាំ២០២២ កម្ពុជាបានទទួលជើងហោះហើរ មកពីក្រៅប្រទេសចំនួន២៩.៩៤២ជើង។ គោលដៅដែលមានជើងហោះហើរមកកម្ពុជា ច្រើនជាងគេបំផុត គឺវៀតណាម ថៃ និងសិង្ហបុរី។

ជាមួយគ្នានេះ របាយការណ៍របស់ក្រសួងទេសចរណ៍ នៅថ្ងៃទី១៩ ខែមករា ឆ្នាំ២០២៣ បានឱ្យដឹងថា ក្នុងឆ្នាំ២០២២ កម្ពុជាទទួលបានភ្ញៀវទេសចរអន្តរជាតិជា២,២លាននាក់ ជាមួយនឹងជើងហោះហើរចូល ក្នុងប្រទេ​សជិត៣ម៉ឺនជើង៕

 

REIC expects housing prices to expand by 5-10% in 2023

Housing prices are projected to rise by 5-10% this year as the standard home construction price index continued an upward trend, with a year-on-year increase of 5.6% in the fourth quarter of 2022 amid a labour shortage.

Vichai Viratkapan, acting director-general of the Real Estate Information Center (REIC), said the construction price index of standard homes in the fourth quarter of 2022 was 131.9, up 5.6% from the same period of 2021 and down 0.2% from the third quarter of 2022.

“The year-on-year rise was derived from an increase in prices of the construction design and system job category,” he said.

“The largest increase was in structural engineering jobs which accounted for 28.6% with an increase of 6.1%.”
In the construction materials category, the prices of six items rose.

The largest increase was sanitaryware at 13.2%, resulting from high oil prices which had an impact on manufacturing and transportation costs.

It was followed by wood and wooden products (9.5%), steel and steel products (7.5%), electricity and water supply equipment (3.4%) and concrete products (2.5%). Other construction materials had a price increase of 3.9%.

Only tiles had a drop of 3.4% because tile producers reduced prices to maintain the market, said Mr Vichai.
“Soaring prices of construction materials will be pushed to home prices this year which will increase eventually,” he added.

When examining each quarter, the fourth quarter last year was the first time in eight quarters since the third quarter of 2020 when the construction price index of standard homes had a quarterly drop.

Source: Bangkok Post

ប្រធានាធិបតីកូរ៉េប្តេជ្ញាធ្វើកំណែទម្រង់ទីផ្សារការងារដើម្បីទាក់ទាញ លំហូរFDI

ដោយ: គង់ លាងហួរ

ក្រុងដាវ៉ូស: ប្រធានាធិបតីកូរ៉េខាងត្បូង លោក Yoon Suk Yeol បានស្នើដល់នាយកប្រតិបត្តិ នៃក្រុមហ៊ុនឈានមុខគេលើពិភពលោក រួមមាន IBM Qualcomm Intel និង Blackstone មកបណ្តាក់ទុនវិនិយោគនៅក្នុងប្រទេសរបស់ខ្លួន។

លោក Yoon បានធ្វើសំណើនេះ ក្នុងអំឡុងពេលអាហារថ្ងៃត្រង់ជាមួ យនាយកប្រតិបត្តិ នៃក្រុមហ៊ុនពិភពលោកចំនួន១៥រូប និងប្រធានអាជីវកម្មកូរ៉េធំៗចំនួន៦ នៅឯសណ្ឋាគារមួយក្នុងទីក្រុងDavos ប្រទេសស្វីស ជាកន្លែង ដែលពួកគេបានចែករំលែកមតិគ្នា លើខ្សែសង្វាក់ផ្គត់ផ្គង់ដែលមានស្ថេរភាព និងការផ្លាស់ប្តូរឌីជីថល។

លោក Yoon បានជំរុញឱ្យក្រុមថ្នាក់ដឹកនាំ លើពិភពលោករួបរួមគ្នាដើម្បីជួសជុលខ្សែសង្វាក់ផ្គត់ផ្គង់ និងបញ្ហាអាកាសធាតុនៅវេទិកា Davos ផងដែរ។

ពិធីជប់លៀងអាហារថ្ងៃត្រង់ ត្រូវបានរៀបចំឡើងជាផ្នែកមួយ នៃការ  ប្តេជ្ញាចិត្តរបស់លោកYoon ក្នុងការប្រើប្រាស់ដំណើរចេញ ក្រៅប្រទេសរបស់លោកជាឱកាសមួយ ដើម្បីជួយដល់គោលដៅនាំចេញរបស់ក្រុមហ៊ុនកូរ៉េនានា និងទាក់ទាញការវិនិយោគពីបរទេស។

លោក Yoon បានមានប្រសាសន៍ថា ដើម្បីដោះស្រាយវិបត្តិដ៏ស្មុគស្មាញ ដែលយើងកំពុងប្រឈមមុខ នាពេលសព្វថ្ងៃនេះ សាមគ្គីភាព និងកិច្ចសហប្រតិបត្តិការរវាងប្រទេស និងក្រុមហ៊ុននានាគឺមានសារៈសំខាន់ណាស់។

លោកបានបន្តថា “ខណៈពេលដែលក្រុមហ៊ុននានា កំពុងស្វែងរកកំណើនប្រកបដោយនិរន្តរភាព និងការច្នៃប្រឌិតបច្ចេកវិទ្យា ដើម្បីដោះស្រា យបញ្ហាសកលលោក រដ្ឋាភិបាលក៏គួរតែជួយដល់ពួកគេ តាមរយៈការធ្វើឱ្យទីផ្សារ​ដំណើរការ​ដោយ​យុត្តិធម៌ និង​មាន​ប្រសិទ្ធភាព”។

លោក Yoon ក៏បានកត់សម្គាល់ផងដែរថា គោលនយោបាយរបស់រដ្ឋបាលរបស់លោក គឺមានគោលបំណងអនុញ្ញាតឱ្យវិស័យឯកជន ដឹកនាំកំណើនសេដ្ឋកិច្ច ដោយសារប្រទេសកូរ៉េខាងត្បូង មានបណ្តាញកិច្ចព្រមព្រៀងពាណិជ្ជកម្មសេរីកម្រិតកំពូល សមត្ថភាពឧស្សាហកម្ម និងកម្លាំងពលកម្មដ៏មានទេពកោសល្យ។

ក្នុងអំឡុងពេលអាហារថ្ងៃត្រង់ លោក Yoon ត្រូវបានគេរាយការណ៍ថា លោកបានបង្ហាញពីការប្តេជ្ញាចិត្ត របស់រដ្ឋាភិបាលកូរ៉េ ក្នុងការធ្វើកំណែទម្រង់ទីផ្សារការងារដ៏តឹងរឹងរបស់ខ្លួន ដែលជាបញ្ហាមួយក្នុងចំណោមបញ្ហាជាច្រើន ដែលត្រូវបានលើកឡើងជាញឹកញាប់បំផុត និងបានធ្វើឱ្យក្រុមហ៊ុនបរទេសស្ទាក់ស្ទើរ ក្នុងការបោះទុនវិនិយោគ នៅក្នុងប្រទេសកូរ៉េខាងត្បូងផងដែរ៕

បំណុលរបស់រដ្ឋាភិបាលអាមេរិកឈានដល់ពិដានដែលលែងខ្ចីប្រាក់ បាន ជាក្ដីបារម្ភមួយទៀតសម្រាប់វិនិយោគិន

ដោយៈ សុខុម

ញូវយ៉ក: រដ្ឋាភិបាលសហរដ្ឋអាមេរិក បានឈានដល់ពិដានបំណុល (Debt ceiling) ខ្ចីបន្ថែមទៀតលែងបាន ហើយស្ថានភាពនេះ គឺជាក្ដីបារម្ភមួយទៀតរបស់បណ្ដាវិនិយោគិន សម្រាប់ទីផ្សារក្នុងឆ្នាំ២០២៣នេះ។

សហរដ្ឋអាមេរិក បានឈានដល់កម្រិតកំណត់ នៃការខ្ចីបុលរបស់ខ្លួនក្នុងចំនួន៣១,៤ទ្រីលានដុល្លារ កាលពីថ្ងៃព្រហស្បតិ៍ ទី១៩ ខែមករា ដោយបង្ខំឱ្យក្រសួងរតនាគារ ដាក់ចេញវិធានការបន្ទាន់ ដើម្បីគ្រប់គ្រងសាច់ប្រាក់ ដែលទំនងជាទប់ស្កាត់ ការខកខានសងបំណុលរហូតដល់ដើមខែមិថុនា។

ការឈានដល់ពិដានបំណុលនេះកើតឡើង ស្របពេលមានការប្រ​ឈមមុខដាក់គ្នា រវាងសភាជាន់ទាបដែលគ្រប់គ្រង ដោយគណបក្សសា​ធារណរដ្ឋ និងក្រុមប្រជាធិបតេយ្យរបស់ប្រធានាធិបតី ចូ បៃឌិន ដែលអាចឈានទៅដល់វិបត្តិសារពើពន្ធនៅប៉ុន្មានខែខាងមុខ។

វិនិយោគិនមួយចំនួនព្រួយបារម្ភថា សំឡេងភាគច្រើនដែលលើសខ្វះគ្នាដ៏តិចតួច របស់គណបក្សសាធារណរដ្ឋ នៅក្នុងសភាជាន់ទាប អាចធ្វើឱ្យកាន់តែពិបាក ឈានទៅដល់ការសម្របសម្រួលក្នុងពេលនេះ។

*តើអ្វីទៅជាពិដានបំណុល ឬ Debt ceiling?

ពិដានបំណុលគឺជាចំនួនអតិបរមា ដែលរដ្ឋាភិបាលសហរដ្ឋអាមេរិក អាចខ្ចីបាន ដើម្បីបំពេញកាតព្វកិច្ចហិរញ្ញវត្ថុរបស់ខ្លួន។ ហើយនៅពេលឈានដល់ពិដាន ក្រសួងរតនាគារមិនអាចចេញសេចក្ដីព្រាថវិកា បោះផ្សា​យមូលបត្របំណុល ឬធនបត្រ (ក្រដាសប្រាក់) បន្ថែមទៀតបានឡើយ។

ស្ថិតក្នុងស្ថានភាពបែបនេះ រដ្ឋាភិបាលអាមេរិក អាចត្រឹមតែទូទាត់វិក្កយបត្រចំណាយ តាមរយៈចំណូលពន្ធប៉ុណ្ណោះ។ បច្ចុប្បន្ន ពិដានបំណុលរបស់សហរដ្ឋអាមេរិក គឺស្មើនឹងប្រមាណ១២០% នៃទិន្នផលសេដ្ឋកិច្ចប្រចាំឆ្នាំរបស់ប្រទេសនេះ៕ Reuters៕

1...1,0831,0841,085...3,260Page 1,084 of 3,260

- Advertisement -
© រក្សាសិទ្ធិគ្រប់យ៉ាងដោយ PROPERTY AREA ASIA | Host by KH71