សម្រស់ភ្នំត្បែងបាក់កាំ ត្រូវបានផ្សព្វផ្សាយដោយក្រសួងបរិស្ថាន

ដោយៈ គង់ សូរិយា

ព្រះវិហារៈ សម្លេងទឹកជ្រោះលាន់រងំ សម្លេងសត្វយំរំពងព្រៃ និងផ្សែងអ័ព្ទកណ្តាលទ្រូងព្រៃ ពិតជាទិដ្ឋភាពដែលផ្គុំឡើងពីភាពចម្រុះ នៃធម្មជាតិ ដែលមានទស្សនីយភាពគួរឲ្យចាប់អារម្មណ៍បំផុត។

ងាកមកទស្សនា ភ្នំត្បែងបាក់កាំ ជារមណីយដ្ឋានធម្មជាតិមួយ ស្ថិតក្នុងសហគមន៍តំបន់ការពារធម្មជាតិចាក់អង្រែ ក្នុងភូមិសាស្ត្រខេត្តព្រះវិហារ។

យោងតាមព៌តមានបីបណ្តាញទំនាក់ទំនងសង្គម របស់ក្រសួងបរិស្ថានបានបង្ហាញថា សហគមន៍ភ្នំត្បែងបាក់កាំ ស្ថិតនៅក្នុងភូមិបាក់កាំ ឃុំឈានមុខ ស្រុកត្បែងមានជ័យ ខេត្តព្រះវិហារ ដោយទទួលស្គាល់ដោយក្រសួងបរិស្ថាននៅថ្ងៃទី១៨ខែកុម្ភៈ ឆ្នាំ២០២០ដែលមានផ្ទៃដីសរុប១១៦៦ ហិចតានៅតាមបណ្តោយភ្នំ មានសហគមន៍ចំនួន៣តំបន់ផ្សេងគ្នា ក្នុងនោះមានតំបន់ការពារធម្មជាតិដាតាវឹក តំបន់ការពារធម្មជាតិតាំងយូរ និង តំបន់ការពារធម្មជាតិចាក់អង្រែ។

តំបន់ជួរភ្នំនេះមានព្រៃស្រោង និងទឹកជ្រោះចាក់អង្រែ ដែលមានអន្លង់រាងដូចត្បាល់ និងពេលមានទឹកធ្លាក់រាងដូចអង្រែ នាខែវស្សាទីនេះប្រៀបដូចជាឋានសួគិ៍ និងទឹកជ្រោះនិមិត្ត៕

ការវិនិយោគហេដ្ឋារចនាសម្ព័ន្ឋរបស់រដ្ឋាភិបាល ជាកត្តាជំរុញឱ្យតម្លៃដីធ្លីហក់ឡើងបន្ថែមទៀត ទោះបីសេដ្ឋកិច្ចសកលមិនច្បាស់លាស់

ដោយៈ វឌ្ឍនៈ

ភ្នំពេញៈ ក្នុងរយៈពេលប៉ុន្មានខែចុងក្រោយនេះ រាជរដ្ឋាភិបាលកម្ពុជាបានសាងសង់ហេដ្ឋារចនាសម្ព័ន្ធថ្មី និងគម្រោងពង្រីកផ្លូវចាស់ឱ្យមានទំហំកាន់តែធំ បានជំរុញឱ្យពលរដ្ឋកំពុងទទួលក្ដីសង្ឃឹម ពីតម្លៃដីធ្លីនៅតាមប ណ្ដោយផ្លូវដែលកំពុងសាងសង់ និងស្ថាបនាទាំងនោះ ។

ជាក់ស្តែងគ្រាន់តែរាប់ត្រួស រយៈពេលពីរបីខែចុងក្រោយនេះ ផ្លូវជាច្រើនខ្សែ បានបើកការដ្ឋានសាងសង់ លើកកម្រិតគុណភាពនិងពង្រីកបន្ថែម ដូចជាផ្លូវលេខ៤១ តភ្ជាប់ពីផ្លូវជាតិលេខ៤ទៅផ្លូវជាតិលេខ៣ ខេត្តកំពត ផ្លូវលេខ៣១ តភ្ជាប់ពីផ្លូវជាតិលេខ៣ ត្រង់បែកគុសទៅទីរួមស្រុកកំពង់ត្រាច ផ្លូវលេខ៣៣ ពីកំពង់ត្រាចទៅទីរួមខេត្តកំពត ផ្លូវជាតិលេខ៧ ពីស្គន់ទៅ កំពង់ចាមជាដើម រួមជាមួយនឹងគម្រោងហេដ្ឋារចនាសម្ព័ន្ធជាច្រើនទៀត។

ការអភិវឌ្ឍទាំងនេះបាននិងកំពុងធ្វើឱ្យអ្នកមានដីធ្លី នៅតាមបណ្ដោយផ្លូវទាំងនោះ រង់ចាំឱកាសក្នុងការឡើងថ្លៃ ដើម្បីលក់យកប្រាក់ចំណេញទាំងពលរដ្ឋ និងអ្នកទិញដីពីមុនទុកចំណេញជាដើម ។

លោកងិន ភារុំ ភ្នាក់ងារដីធ្លីមួយរូបនៅខេត្តកំពត និងកែបបានមានប្រសាសន៍ឲ្យដឹងថា ការសាងសង់ផ្លូវនិងពង្រីកផ្លូវ ឃើញមានការចាប់អារម្មណ៍ពីសំណាក់អ្នកអភិវឌ្ឍន៍ អ្នកមានលុយក្នុងការទិញដី ដើម្បីទុកអភិវឌ្ឍន៍និងខ្លះទៀតទិញទុកចំណេញបន្ថែម ។

លោកបន្តថា “សម្រាប់ខេត្តកំពតនិងកែបមួយរយៈនេះ ឃើញថាចាប់ផ្ដើមមានការទិញលក់ដីធំៗឡើងវិញ ពោលគឺដីដែលមានតម្លៃរាប់ម៉ឺនដុល្លារដល់លានដុល្លារ ដោយអ្នកមានប្រាក់ច្រើន ជាពិសេសអ្នកនៅរាជធានីភ្នំពេញ”។ លោកបន្តថា “អ្នកខ្លះគាត់មានលុយ តែមិនដឹងវិនិយោគអ្វី គាត់ក៏ស្វែងរកទិញដីធ្លីទុក ដោយក្នុងនោះដែរពួកគាត់ជាមានលុយច្រើន ក៏ស្វែងរកដីដែលធំៗនៅតំបន់ ដែលមានសក្ដានុពល ដើម្បីរកដៃគូអភិវឌ្ឍន៍នៅពេលអនាគត”។

លោកងិន ភារុំ បានបន្ថែមថា នៅក្នុងឆ្នាំ២០២៣នេះឃើញថា ការទិញលក់ដីនៅកែប ចាប់ផ្ដើមមានសកម្មភាពបន្តិចឡើងវិញ ស្របនឹងឆ្នាំមុនសម្រាប់ក្រុមលោកផ្ទាល់ គឺមិនមានការទិញលក់នោះទេ ពោលគឺអ្នកលក់ដីច្រើនតែមិនមានអ្នកទិញ ។

លោកជឿជាក់ថា ការសាងសង់ផ្លូវពីភ្នំពេញ ទៅកាន់បណ្ដាខេត្តនានាក្នុងនោះ ក៏មានមកកាន់ទឹកដីនៃខេត្តកំពត និងកែប អាចនឹងធ្វើឱ្យតម្លៃដីធ្លីហក់ឡើងមួយកម្រិតទៀត”។លោកបន្តថា ការអះអាងនេះ ដោយសារតែផ្លូវទាំងនោះ នឹងធ្វើឱ្យការធ្វើដំណើររបស់ ប្រជាពលរដ្ឋកាន់តែស្រួល កាន់តែលឿន ស្របនឹងរដ្ឋបាលខេត្តនីមួយៗ ក៏កំពុងអភិវឌ្ឍន៍កន្លែងទេសចរណ៍ទាក់ទាញភ្ញៀវទេសចរជាតិនិងអន្តរជាតិផងដែរ”។

លោកស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនក៏បានលើកឡើងផងដែរថា រាជរដ្ឋាភិបាលមានគម្រោងអភិវឌ្ឍន៍ និងសាងសង់ហេដ្ឋារចនាសម្ព័ន្ធផ្លូវជាច្រើន ទាំងផ្លូវតភ្ជាប់ពីភ្នំពេញទៅបណ្ដាខេត្តនិងផ្លូវនៅតាមបណ្ដាខេត្តទៅបណ្ដាខេត្ត ក៏ដូចជាផ្លូវក្នុងខេត្តផ្ទាល់ ។ ការអភិវឌ្ឍទាំងនេះ មិនត្រឹមតែជំរុញសេដ្ឋកិច្ចក្នុងតំបន់ និងប្រទេសកម្ពុជាទេ តែវាក៏នឹងទាក់ទាញដល់វិនិយោគិនក្នុង និងក្រៅប្រទេសផងដែរ៕

កម្ពុជារំពឹងទទួលបានភ្ញៀវទេសចរអន្តរជាតិ៤លាននាក់នៅក្នុង ឆ្នាំ២០២៣នេះ

ដោយ: គង់ លាងហួរ

ភ្នំពេញ: មន្ត្រីទេសចរណ៍មួយរូបបានឱ្យដឹង នៅថ្ងៃអង្គារនេះថា ប្រទេសកម្ពុជា នឹងទទួលបានភ្ញៀវទេសចរអន្តរជាតិចំនួន៤លាននាក់ នៅឆ្នាំ២០២៣ បន្ទាប់ពីប្រទេសចិនបានបញ្ចប់ យុទ្ធសាស្ត្រកូវីដសូន្យរបស់ខ្លួននៅដើមមករាខែនេះ។

លោក គង់ សុភារក្ស ប្រធាននាយកដ្ឋានស្ថិតិទេសចរណ៍ នៃក្រសួងទេសចរណ៍បានមានប្រសាសន៍ថា ប្រទេសចិនគឺជាទីផ្សារទេសចរណ៍ក្រៅប្រទេស ដ៏សំខាន់បំផុតសម្រាប់ពិភពលោក ហើយការបង្កើនប្រសិទ្ធភាពរបស់ចិនលើយុទ្ធសាស្ត្រកូវីដ-១៩ គឺជាអត្ថប្រយោជន៍ មិនត្រឹមតែសម្រាប់កម្ពុជាប៉ុណ្ណោះទេ ប៉ុន្តែសម្រាប់ទេសចរណ៍នៅទូទាំងពិភពលោកផងដែរ។

លោកបានបញ្ជាក់ប្រាប់សារពត៌មានស៊ីនហួថា “យើងសង្ឃឹមថា នឹងមានភ្ញៀវទេសចរ អ្នកជំនួញ និងវិនិយោគិនចិនជាច្រើនទៀត នឹងធ្វើដំណើរមកកាន់ប្រទេសកម្ពុជា ដោយសារទំនាក់ទំនងដ៏ជិតស្និទ្ធរវាងប្រទេស និងប្រជាជនយើងទាំងពីរ”។

លោកបានបន្ថែមថា “វត្តមានភ្ញៀវទេសចរចិន មានសារៈសំខាន់ណាស់ ក្នុងការជួយជំរុញវិស័យទេសចរណ៍ និងសេដ្ឋកិច្ចរបស់យើង”។

យោងតាមលោក គង់ សុភារក្ស បានឱ្យដឹងថា កម្ពុជាបានស្វាគមន៍ភ្ញៀវទេសចរអន្តរជាតិចំនួន២,២៨លាននាក់ ក្នុងឆ្នាំ២០២២ ដែលក្នុងនោះភ្ញៀវទេសចរចំនួន១០៦.៨៧៥នាក់ ជាជនជាតិចិន។

រដ្ឋមន្ត្រីក្រសួងទេសចរណ៍កម្ពុជា លោក ថោង ខុន បានបញ្ជាក់ឲ្យដឹងផងដែរថា កម្ពុជាត្រៀមខ្លួនជាស្រេច ដើម្បីស្វាគមន៍ការវិលត្រឡប់មកវិញរបស់ប្រជាជនចិន ភ្ញៀវទេសចរ អ្នកជំនួញ និងវិនិយោគិនចិន។

លោកបានបន្តថា“ការបន្តទេសចរណ៍ក្រៅប្រទេស របស់ប្រទេសចិនគឺមានអត្ថប្រយោជន៍យ៉ាងខ្លាំង មិនត្រឹមតែសម្រាប់ប្រទេសកម្ពុជាប៉ុណ្ណោះទេ ប៉ុន្តែក៏សម្រាប់ពិភពលោកទាំងមូលផងដែរ”។

លោកបញ្ជាក់ថា “យើងសង្ឃឹមថា កម្ពុជានឹងទាក់ទាញភ្ញៀវទេសចរចិនបានយ៉ាងហោចណាស់១លាននាក់ក្នុងឆ្នាំ ២០២៣នេះ”។

វិស័យទេសចរណ៍ គឺជាសសរស្តម្ភសំខាន់មួយ ក្នុងចំណោមសសរស្តម្ភទាំង៤ ដែលជួយទ្រទ្រង់ដល់សេដ្ឋកិច្ចរបស់កម្ពុជា។

មុនមានការរាតត្បាតនៃជំងឺកូវីដ-១៩ កម្ពុជាបានទទួលភ្ញៀវទេសចរអន្តរជាតិចំនួន៦,៦លាននាក់ ក្នុងឆ្នាំ២០១៩ ដែលបង្កើតប្រាក់ចំណូលបាន៤,៩២ពាន់លានដុល្លារអាមេរិក និងរួមចំណែក១២,១ភាគរយដល់ផលិតផលក្នុងស្រុកសរុប (GDP) របស់ប្រទេសកម្ពុជា។

កម្ពុជាមានកេរ្តិ៍ឈ្មោះល្បីល្បាញ ដោយសារតំបន់បេតិកភណ្ឌពិភពលោកចំនួន៣គឺ ឧទ្យានបុរាណវិទ្យាអង្គរ ប្រាសាទព្រះវិហារ និងតំបន់បុរាណវិទ្យាសំបូរព្រៃគុក។

ក្រៅពីនេះ កម្ពុជាមានឆ្នេរសមុទ្រ ប្រវែង៤៥០គីឡូម៉ែត្រ ដែលលាតសន្ធឹងកាត់ខេត្តចំនួន៤ នាភាគនិរតីផងដែរ៕

អ្នកជំនាញៈការបន្តភាពរ៉ឹងមាំនៃវិស័យអចលនទ្រព្យកម្ពុជានៅក្នុងឆ្នាំ ២០២៣បានបង្ហាញភាពធន់ និងស្ថិរភាព

ដោយៈ សុផារី

ភ្នំពេញៈ ទោះប្រឈមនឹងស្ថានភាពលំបាកយ៉ាងណាក្តី អចលនទ្រព្យកម្ពុជា អាចនៅបន្តឈរជើងបាន ក្នុងរយៈពេល៣ឆ្នាំចុងក្រោយនេះ។

អ្នកជំនាញអន្តរជាតិមួយបានលើកឡើងថា ការបន្តឈរជើងរបស់អចលនទ្រព្យកម្ពុជានៅក្នុងឆ្នាំ២០២៣ បានបង្ហាញភាពធន់ និងស្ថិរភាព។

លោក Ross Wheble ប្រធានប្រចាំប្រទេស Knight Frank Cambodia បានមានប្រសាសន៍ចែករំលែក លើប្រធានបទ “ទិដ្ឋភាពជារួមក្នុងវិស័យហិរញ្ញវត្ថុ និងទស្សនវិស័យសម្រាប់ឆ្នាំ ២០២៣” ដែលរៀបចំដោយ International Business Chamber Cambodia ថា ទោះបីជាមានបញ្ហាប្រឈម ដែលបង្ហាញដោយអស្ថិរភាពពិភពលោកបច្ចុប្បន្ន អតិផរណាខ្ពស់ និងភូមិសាស្ត្រនយោបាយក៏ដោយ សេដ្ឋកិច្ចកម្ពុជានៅតែបន្តបង្ហាញភាពធន់ និងស្ថិរភាព។

លោកបានបញ្ជាក់ថា “យើងកំពុងមើលឃើញឱកាស សម្រាប់កំណើននៅក្នុងច្រករបៀងភាគខាងត្បូង នៃរាជធានីភ្នំពេញ និងតំបន់ព្រលានយន្តហោះថ្មី”។ លោកបន្តថា “តំបន់អរិយក្សត្រ និងទន្លេមេគង្គខាងកើតក៏បង្ហាញពីសក្តានុពលសម្រាប់ការអភិវឌ្ឍផងដែរ”។

លោកបានបន្តថា លើសពីនេះ ការបន្ធូរបន្ថយការរឹតបន្តឹងការធ្វើដំណើរដោយប្រទេសចិន ត្រូវបានគេរំពឹងថា នឹងជំរុញទេសចរណ៍ និងកែលម្អការកាន់កាប់សណ្ឋាគារ ដែលនឹងជំរុញឱ្យមានការកើនឡើងនៃការលក់រាយផងដែរ។ វិស័យឧស្សាហកម្ម និងភស្តុភារក៏កំពុងត្រៀមខ្លួន សម្រាប់កំណើនផងដែរ ជាមួយនឹងការកែលម្អហេដ្ឋារចនាសម្ព័ន្ធ របស់រដ្ឋាភិបាល បានបើកឱកាសសម្រាប់អ្នកអភិវឌ្ឍ។

លោកបានបន្ថែមថា យ៉ាងណាក្តីគេសង្គេតឃើញថា នាពេលបច្ចុប្បន្ននេះ អ្នកអភិវឌ្ឍកំពុងសម្លឹងមើលទីតាំងក្រៅពីខេត្ត និងទីក្រុងទាំងឡាយ រួមមាន ក្រុងភ្នំពេញ ក្រុងព្រះសីហនុ សៀមរាប ជាដើម ដើម្បីទាញយកឱកាសថ្មីៗ និងបំពេញតម្រូវការក្នុងស្រុកដែលកំពុងកើនឡើង។

ជាមួយគ្នានេះ អ្នកតាមដានដំណើរវិវត្តន៍នៃសេដ្ឋកិច្ច និងអចលនទ្រព្យកម្ពុជា លោកយិន លាងគង់ដែលជាអគ្គនាយកគេហទំព័រPropertyarea.asiaបានសម្តែងសុទិដ្ឋិនិយមផងដែរថា មានកត្តាសំខាន់ៗជាច្រើន ដែលវិស័យអចលនទ្រព្យនឹងងើបឡើងវិញនៅឆ្នាំនេះ ដែលកត្តាទាំងនោះរួមមាន ការរីកចម្រើននៃសេដ្ឋកិច្ចកម្ពុជា ដែលនឹងសម្រេចបានក្នុងរង្វង់៦ភាគរយនៅឆ្នាំនេះ ដោយទំហំប្រាក់ចំណូលប្រចាំឆ្នាំរបស់ប្រជាជននឹងកើនដល់ជិត២០០០លានដុល្លារ ដែលកំណើនប្រាក់ចំណូលរបស់ប្រជាពលរដ្ឋ នឹងធ្វើឲ្យមានលំហូរសាច់ប្រាក់ កាន់តែច្រើនចូលក្នុងវិស័យនេះ។

លោកបន្តថា “ការបង្កើនការវិនិយោគ ហេដ្ឋារចនាសម្ព័ន្ឋរបស់រដ្ឋាភិបាល ការបើកចំហប្រទេសចិនឡើងវិញ ការងើបឡើងនៃវិស័យទេសចរណ៍ ឧស្សាហកម្ម និងវិស័យកសិកម្ម សុទ្ឋតែជាកំលាំងចលករយ៉ាងសំខាន់ក្នុងការជម្រុញកំណើនទិញ លក់ក្នុងវិស័យអចលនទ្រព្យ”៕

ធនាគារហត្ថាបានចាប់ផ្តើមលក់មូលបត្របំណុលជាលើកដំបូងនៅផ្សារហ៊ុនថៃ ដោយប្រមូលទុនបានជិត១០០លានដុល្លារ

ដោយៈ គង់ សូរិយា

បាងកកៈ ធនាគារហត្ថាបានដាក់លក់សញ្ញាប័ណ្ណ ឬប័ណ្ណបំណុលរបស់ខ្លួនជាលើកដំបូង នៅក្នុងផ្សារហ៊ុនរបស់ប្រទេសថៃ ដោយប្រមូលបានទុនជិត១០០លានដុល្លារអាមេរិក។

ប្រធានអគ្គនាយកធនាគារហត្ថា លោកឧកញ៉ាហួត អៀងតុងបានមានប្រសាសន៍ឲ្យដឹងកាលពីល្ងាច ថ្ងៃទី១៧ មករាកន្លងមកថា ការលក់ប័ណ្ណបំណុលនៅផ្សារហ៊ុនរបស់ប្រទេសថៃ បានចាប់ផ្តើមនៅដើមខែមករានេះ ដែលជាលទ្ឋផលគឺគាប់ប្រសើរ ព្រោះយើងត្រូវការប្រមូលទុនបន្ថែម ដើម្បីផ្តល់ឥណទានដល់អតិថិជន ដើម្បីរួមចំណែកលើកស្ទួយសេដ្ឋកិច្ចកម្ពុជា។

លោកបន្តថា “នេះបង្ហាញពីឧត្តមភាពរបស់យើង នៅក្នុងទីផ្សារបរទេស ក៏ដូចជាទីផ្សារហិរញ្ញវត្ថុនៅកម្ពុជា ដែលធ្វើឲ្យអតិថិជនរបស់យើងកាន់តែមានទំនុកចិត្តបន្ថែមទៀត”។ លោកបន្តថា “ការរីកចម្រើនរបស់ធនាគារហត្ថា ដោយសារការគាំទ្រពីអតិថិជន ព្រោះយើងផ្តោតលើសេវាកម្មអតិថិជនកាន់តែមានភាពងាយស្រួល និងទទួលបានទំនុកចិត្តកាន់តែខ្ពស់ ដោយសារយើងយកអតិថិជនជាដៃគូរបស់យើង”។

លោកឧកញ៉ាហួត អៀងតុងបានបន្តថា ជាមួយនឹងវឌ្ឍនភាពនេះ ធនាគារហត្ថា ក៏បានទទួលបានជោគជ័យ លើការដាក់ដំណើរការសេវាកម្ម ធនាគារចល័តកាលពីដើមឆ្នាំនេះ ពិសេសយើងទទួលបានផលចំណេញប្រមាណ៦០លានដុល្លារកាលពីឆ្នាំ២០២២ ដែលផលចំណេញនេះសម្រេចបានលើសពីគោលដៅដែលបានគ្រោងទុក។

ធនាគារហត្ថា បានប្រែក្លាយពីមីក្រូហិរញ្ញវត្ថុហត្ថាកសិករ ទៅជាធនាគារពាណិជ្ជ ហើយបានក្លាយជាបុត្រសម្ព័ន្ឋរបស់ធនាគារក្រុងស្រ៊ី ដែលជាធនាគារឈានមុខមួយនៅប្រទេសថៃ។ ការក្លាយជាបុត្រសម្ព័ន្ឋនេះ បានធ្វើឲ្យធនាគារហត្ថា ក្លាយជាធនាគារពាណិជ្ជឈានមុខមួយ ក្នុងចំណោមធនាគារពាណិជ្ជធំៗនៅកម្ពុជា៕

សម្តេចតេជោ ហ៊ុន សែន សម្រេចឲ្យកសាងផ្លូវ២ខ្សែនៅភ្នំពេញដាក់ឈ្មោះថ្នាក់ដឹកនាំឥណ្ឌូនេស៊ី

ដោយ៖ សុផារី

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានសម្រេចឲ្យកសាងផ្លូវចំនួន២ខ្សែនៅក្នុងរាជធានីភ្នំពេញ ដោយដាក់ឈ្មោះថ្នាក់ដឹកនាំឥណ្ឌូនេស៊ីពីររូប រួមមាន លោកស៊ូកាណូ (Jalan Soekarno) និង លោក អាលីអាឡាតាស់ (Jalan Ali Alatas)។

លោក ឃួង ស្រេង អភិបាលរាជធានីភ្នំពេញ នៅថ្ងៃទី១៧ ខែមករានេះ បានថ្លែងអំណរគុណយ៉ាងជ្រាលជ្រៅ ចំពោះថ្នាក់ដឹកនាំប្រទេស នៃសាធារណរដ្ឋឥណ្ឌូនេស៊ី ដែលបានចូលរួមចំណែកក្នុងការផ្សះផ្សាជាតិកម្ពុជា រហូតធ្វើឲ្យប្រទេសកម្ពុជា មានសន្តិភាពពេញលេញ រហូតមកដល់សព្វថ្ងៃនេះ។

ផ្លូវ២ខ្សែ ដែលត្រូវបានកសាងនោះ តភ្ជាប់ពីផ្លូវជាតិលេខ៦ ទៅមហាវិថីឈ្នះឈ្នះ ក្នុងខណ្ឌជ្រោយចង្វារ ដើម្បីរំដោះចរាចរ ពិសេសរំដោះចរាចរ ខណៈដែលកម្ពុជានឹងត្រូវធ្វើជាម្ចាស់ផ្ទះនៃការប្រកួតកីឡា ស៊ីហ្គេមលើកទី៣២ និងប៉ារ៉ាហ្គេមលើកទី១២ ខែឧសភា ឆ្នាំ២០២៣ខាងមុខនេះ។

ផ្លូវ២ខ្សែនេះនឹងត្រូវដាក់ឈ្មោះជា វិថីស៊ូកាណូ (Jalan Soekarno) និងវិថីអាលីអាឡាតាស់ (Jalan Ali Alatas) ដើម្បីតបស្នងថ្នាក់ដឹកនាំប្រទេស នៃសាធារណរដ្ឋឥណ្ឌូនេស៊ី ដែលបានចូលរួមចំណែកក្នុងការផ្សះផ្សាជាតិកម្ពុជា រហូតធ្វើឲ្យប្រទេសកម្ពុជាមានសន្តិភាពពេញលេញ មកដល់សព្វថ្ងៃនេះ។

លោក ស៊ូឌីម៉ាន ហាសេង (Sudirman Haseng) ឯកអគ្គរដ្ឋទូត នៃសាធារណរដ្ឋឥណ្ឌូនេស៊ី បានសម្តែងនូវការត្រេកអរ ចំពោះព័ត៌មានដ៏ល្អបំផុត ដែលផ្លូវនៅរាជធានីភ្នំពេញចំនួន២ខ្សែ ត្រូវបានថ្នាក់ដឹកនាំកម្ពុជាដាក់ឈ្មោះថ្នាក់ដឹកនាំប្រទេស នៃសាធារណរដ្ឋឥណ្ឌូនេស៊ី។

លោកបានលើកឡើងពីការរីកចំរើនយ៉ាងឆាប់រហ័សរបស់រាជធានីភ្នំពេញ ដោយបញ្ជាក់ថា រាជធានីភ្នំពេញ មុនលោកមកកាន់តំណែងជាឯកអគ្គរដ្ឋទូត អគារខ្ពស់ៗ អាចរាប់បានដោយម្រាមដៃ តែពេលនេះ អគារខ្ពស់ៗបានរីកដូចផ្សិត មិនអាចរាប់ដោយម្រាមដៃបានដូចមុននោះទេ៕

ការសាងសង់អគារនិងអចលនទ្រព្យមានទុនចុះបញ្ជីធំជាងគេក្នុងទំហំចំនួន១.៧០១លានដុល្លារអាមេរិក

ដោយ៖ សុផារី

ភ្នំពេញ៖ គិតត្រឹមថ្ងៃទី១៦ ខែមករា ឆ្នាំ២០២៣ ក្រុមហ៊ុនដែលបានចុះបញ្ជីអាជីវកម្មតាមប្រព័ន្ធថ្នាលបច្ចេកវិទ្យាព័ត៌មានដំណាក់កាលទី១ មានចំនួន២.០៩១៥ក្រុមហ៊ុន និងចំនួននាមករណ៍បម្រុងទុកមានចំនួន១៣.០៦៨ក្រុមហ៊ុន ដែលមានដើមទុនចុះបញ្ជីសរុបចំនួន៥,៩ពាន់លានដុល្លារអាមេរិក។

នេះបើតាមការប្រកាសឱ្យដឹងពីក្រសួងសេដ្ឋកិច្ច និងហិរញ្ញវត្ថុ នៅថ្ងៃទី១៦ ខែមករា ឆ្នាំ២០២៣ បានឱ្យដឹងថា សកម្មភាពសាងសង់អគារមានទុនចុះបញ្ជីធំជាងគេ ចំនួន៩៧៨លានដុល្លារអាមេរិក ខណៈសកម្មភាពអចលនទ្រព្យ មានទុនចុះបញ្ជីចំនួន៧២៣លានដុល្លារអាមេរិក។

ក្នុងនោះផងដែរ សកម្មភាពអាជីវកម្មទាំង៥ ដែលមានទុនចុះបញ្ជីធំជាងគេ គឺ ការសាងសង់អគារ ដែលមានទុនចុះបញ្ជីចំនួន ៩៧៨លានដុល្លារអាមេរិក ឬស្មើនឹង១៧% នៃគម្រោងចុះបញ្ជីទាំងមូល និងការចុះបញ្ជីនៃសកម្មភាពអចលនទ្រព្យ ដោយប្រើអចលនទ្រព្យផ្ទាល់ខ្លួន ឬជួលពីគេ ដែលមានទុនចុះបញ្ជីចំនួន៧២៣លានដុល្លារអាមេរិក ឬស្មើនឹង១២%។

ក្រៅពីនេះ មានសកម្មភាពពិគ្រោះយោបល់ផ្នែកគ្រប់គ្រង មានទុនចុះបញ្ជីចំនួន៣៤៧លានដុល្លារអាមេរិក ឬស្មើនឹង៦% កម្មន្តសាលសម្លៀកបំពាក់ លើកលែងសម្លៀកបំពាក់ធ្វើពីរោមសត្វ មានទុនចុះបញ្ជីចំនួន២៨២លានដុល្លារអាមេរិក ស្មើនឹង៥% ការលក់ដុំឯកទេសផ្សេងៗ មានទុនចុះបញ្ជីចំនួន២៨៧លានដុល្លារអាមេរិក ស្មើនឹង៥% និងផ្សេងៗទៀត មានទុនចុះបញ្ជីចំនួន៣,៣០ពាន់លានដុល្លារអាមេរិក ស្មើនឹង៥៦%៕

Phnom Penh-Delhi road link on the cards

To strengthen trade, travel and people-to-people contact, a surface transport link with Cambodia and other ASEAN member states is being explored by India. According to reports, a Phnom Penh-Delhi road, formed through an extension of the India-Myanmar-Thailand (IMT) Trilateral Highway to the East-West Economic Corridor, will help bring Cambodia and other Southeast nations closer to a large Indian market.

The 3,200 km road project will allow Cambodia, Myanmar, Laos, Thailand and Vietnam greater access to the markets of India’s northeastern region and Bangladesh.

The project received a fresh impetus “during Bangladesh Prime Minister Sheikh Hasina’s four-day India visit, starting September 5 in 2022, Dhaka’s unabated interest on the matter was visible in the ministerial-level discussions,” stated Prarthana Sen, member of the Indian Association for Asian and Pacific Studies in a writeup.

The subject of road connectivity also came up during the ASEAN-India Summit in Phnom Penh in November, where it was agreed upon to give a push to the 1,360-km-long India-Myanmar-Thailand (IMT) Trilateral Highway for its early completion and take up its eastward extension to Lao People’s Democratic Republic, Cambodia and Vietnam.

A joint statement released after the Summit, attended by a high-powered delegation led by India’s Vice-President Jagdeep Dhankhar, underlined the need to link the Master Plan on ASEAN Connectivity (MPAC) 2025 and India’s initiatives under its Act East Policy.

The IMT Trilateral Highway could be extended to the $2.5 billion East-West Economic Corridor that further links itself with the Greater Mekong Sub-region (GMS) in Southeast Asia.

According to the Economic Research Institute for ASEAN and East Asia (ERIA) study, commissioned by India for a feasibility study on the IMT Trilateral Highway’s extension to the East-West Economic Corridor, the possibility of developing a southern route for extension looked more feasible than a northern route.

The southern road route could reach Aranyaprathet on the Thailand-Cambodia border after touching the Thai cities of Mae Sot and Bangkok. The proposed link road would then travel through important Cambodian cities, like Phnom Penh, to Bavet near the international border with Vietnam. In Vietnam, the corridor will connect the Go Dau port and the cities of Ho Chi Minh and Vung Tau.

As per the plan, the northern route could pass through the Shan state of Myanmar, and the Myanmar-Lao PDR Friendship Bridge at Xieng Kok in Laos till Pang Hok, the border crossing between Laos and Vietnam. After entering Vietnam through Tay Trang, the route could connect with the cities of Dien Bien Phu Phong, Hanoi and Hai Phong.

Source: Khmer Times

ក្រសួងសេដ្ឋកិច្ចៈវិស័យសំណង់រំពឹងកើនឡើង៧ភាគរយក្នុង ឆ្នាំ២០២៣នេះ

ដោយៈ វឌ្ឍនៈ

ភ្នំពេញៈ សកម្មភាពនៃការសាងសង់ នៅក្នុងប្រទេសកម្ពុជាឃើញថាចាប់ផ្ដើម មានសកម្មភាពឡើងវិញកាលពីមុន និងរំពឹងថា វិស័យនេះនឹងបន្តមានកំណើនឡើងវិញ នៅក្នុងឆ្នាំ២០២៣នេះ។

ជាក់ស្ដែងតាមការព្យាករណ៍របស់ក្រសួងសេដ្ឋកិច្ច និងហិរញ្ញវត្ថុបានបង្ហាញថា វិស័យសំណង់នៅក្នុងឆ្នាំ២០២៣នេះ ដោយរំពឹងថានឹងមានកំណើនឡើងវិញ ក្នុងរង្វង់ប្រមាណ៧ភាគរយក្នុងឆ្នាំ២០២៣នេះ។

អ្នកនាងគឹម គិនកេសា អ្នកគ្រប់គ្រងជាន់ខ្ពស់នៃក្រុមហ៊ុន CBRE Cambodia បានឱ្យដឹងថា នៅក្នុងឆ្នាំ ២០២២កន្លងទៅនេះ សកម្មភាពនៃការសាងសង់ក្នុងវិស័យសំណង់ នៅក្នុងប្រទេសកម្ពុជាឃើញថា ចាប់ផ្ដើមមានដំណើរការឡើងវិញ ជាពិសេសការដ្ឋានសំណង់ ដែលបានផ្អាកដំណើរការកាលពីអំឡុងវិបត្តិកូវីដ១៩ ក្នុងឆ្នាំ២០២០និងឆ្នាំ ២០២១ ។

តាមរយៈសកម្មភាព នៃដំណើរការសាងសង់ កាលពីចុងឆ្នាំ២០២២កន្លងទៅនេះ ជាសសញ្ញាល្អ សម្រាប់សកម្មភាពនៃការសាងសង់នៅក្នុងឆ្នាំ២០២៣នេះ ហើយរំពឹងថាការសាងសង់នឹងរំពឹង មានកំណើនឡើងវិញនៅក្នុងឆ្នាំនេះផងដែរ។

អ្នកនាងគឹម គិនកេសាបានបន្តថា វិស័យអចលនទ្រព្យនិងគម្រោងសំណង់ធំៗមួយផ្នែក នៅបន្តពឹងលើអ្នកវិនិយោគបរទេស។ ដូច្នេះបើសិនជាអ្នកវិនិយោគបរទេស ចូលមកកម្ពុជាច្រើនឡើងវិញនោះ សកម្មភាពនៃការសាងសង់ និងការវិនិយោគលើវិស័យសំណង់នឹងរំពឹងថា ទទួលបានកំណើននិងសកម្មភាពខ្ពស់ផងដែរ ។

អ្នកនាងកេសា បន្ថែមថា ការបើកប្រទេសឡើងវិញរបស់ចិន ក៏ជាកត្ដាល្អនិងជាសញ្ញាវិជ្ជមានមួយ សម្រាប់ការវិនិយោគផ្ទាល់ពីបរទេស មកកាន់កម្ពុជា ប៉ុន្តែភ្លាមៗទាំងចិននិងកម្ពុជា ត្រូវការពេលវេលា និងរកដំណោះស្រាយបញ្ហា។

នៅក្នុងវិស័យសំណង់នេះដែរគេសង្កេតឃើញថា គម្រោងសាងសង់លំនៅឋាននៅតែនាំមុខគេ ទាំងលំនៅឋានមានលក្ខណៈជាបុរី និងលំនៅឋានជាអគារសហកម្មសិទ្ធិ ដោយសារតែតម្រូវការផ្នែកនេះ នៅលើទីផ្សារនៅតែមានខ្ពស់ អ្នកវិនិយោគទាំងក្នុង និងក្រៅប្រទេសនៅតែបន្តផ្ដោតលើការអភិវឌ្ឍលំនៅឋាន។

ជាមួយគ្នានេះ លោកឧកញ៉ា នួន រឺទ្ធីអគ្គនាយកក្រុមហ៊ុនKFA បានលើកឡើងថា ទីផ្សារលំនៅឋាននៅក្នុងប្រទេសកម្ពុជា នៅតែបន្តកើនឡើងខ្ពស់ ទាំងលំនៅឋានតម្លៃសមរម្យ និងលំនៅឋានតម្លៃខ្ពស់ ហើយអ្នកអភិវឌ្ឍន៍លំនៅឋាន ក៏បានសម្លឹងមើលពីឱកាស ក្នុងការផ្គត់ផ្គង់លំនៅឋានជូនអតិថិជនរបស់ទៅតាមទីតាំងជាក់ស្ដែង៕

ធនាគារហត្ថាទទួលបានប្រាក់ចំណេញ៦០លានដុល្លារនៅឆ្នាំ២០២២ និងពង្រឹងគុណភាពសេវាកម្មបន្ថែមនៅឆ្នាំនេះ

ដោយៈ គង់ សូរិយា

ភ្នំពេញៈ គុណភាពសេវាកម្ម ទំនុកចិត្ត និងការបំពេញសេវាកម្មជូនអតិថិជនបានល្អ បានធ្វើឲ្យធនាគារហត្ថាទទួលបាន ផលចំណេញប្រមាណ៦០លានដុល្លារកាលពីឆ្នាំ២០២២។

លោកឧកញ៉ាហួត អៀងតុងប្រធានអគ្គនាយកធនាគារហត្ថាបានមានប្រសាសន៍ឲ្យដឹងតាមទូរស័ព្ទនាព្រឹកថ្ងៃទី១៧ មករានេះថា នៅឆ្នាំ២០២២ ដែលទើបបញ្ចប់កាលពីពេលថ្មីៗនេះ ធនាគារសម្រេចបានជោគជ័យតាមផែនការលើការបញ្ចេញឥណទាន និងការដាក់ប្រាក់បញ្ញើរពីអតិថិជន ពិសេសផលចំណេញរបស់យើង សម្រេចបានលើសផែនការ ដែលបានគ្រោងទុក។

លោកឧកញ៉ាបានបន្តថា “ខ្ញុំសូមថ្លែងអំណរគុណ ដល់សហសេវិក និងអតិថិជននៅទូទាំងប្រទេស ដែលបានប្រើប្រាស់សេវាកម្មរបស់ធនាគារ និងសូមជូនពរទទួលបានជោគជ័យគ្រប់អាជីវកម្ម”។ លោកឧកញ៉ាបានបន្តថា “ជាមួយគ្នានេះ យើងនឹងបន្តកិច្ចសហការជាមួយអតិថិជន ឲ្យកាន់តែប្រសើរឡើងបន្តទៀត ដើម្បីទទួលបានឱកាសរីកចម្រើនទាំងអស់គ្នា”។

លោកឧកញ៉ាហួត អៀងតុងបានបន្តថា ជាមួយគ្នានេះ នៅឆ្នាំ២០២៣ខាងមុខ ធនាគារហត្ថានឹងពង្រឹងការបន្តធ្វើការ ក្នុងភាពជាដៃគូ ព ង្រឹកគុណភាពសេវាកម្ម និងបង្កើនទំនុកចិត្តដល់អតិថិជនថែមទៀត ដើម្បី ឲ្យអាជីវកម្មនានារបស់អតិថិជនទទួលបានជោគជ័យ។

លោកឧកញ៉ាបានបន្តថា “ភាពជោគជ័យរបស់អតិថិជន ជាអ្វីដែលយើងចង់បាន ព្រោះយើងធ្វើការក្នុងភាពជាដៃគូ និងឈរលើមូលដ្ឋានឈ្នះ ឈ្នះទាំងអស់គ្នា”៕

1...1,0881,0891,090...3,260 Page 1,089 of 3,260