PropNex’s 1st recruitment seminar with the overwhelming response

PropNex (Cambodia) Co., Ltd is Singapore’s largest listed full-service real estate agency with headquarters in Phnom Penh, Cambodia. The services they provide are project marketing, residential and commercial brokerage, land and investment, property valuation, research consulting, and property management. Their business strategy is to provide cost-effective solutions and the expertise needed to achieve the market development goals of their clients. They aim to provide a transparent platform to their customers in the real estate market and help to end misleading and deceptive conduct practices within Cambodia’s Real Estate industry.

The belief in adding value and providing the best service has propelled them to nurture a group of world-class realty professionals that is led by a management team of visionaries. The PropNex brand has expanded regionally beyond Singapore to Indonesia, Malaysia, Vietnam, Cambodia, and the latest addition to the PropNex family, Australia.

Following the PropNex Group Royal Institution of Chartered Surveyors (RICS), known as the global professional organization that establishes best practice guidance for real estate sets as their Compliance and Standard. PropNex (Cambodia) Co., Ltd will continue to be the first Real Estate Company of choice in Cambodia. They are committed to meeting the needs and expectations of their customers, putting their interests first. They strive to improve, grow, and lead by example with an outstanding level of customer-driven service provided to our clients here in the kingdom.

They currently have 400 freelance agents and among many of their goals for the upcoming year, is to increase that number to 1000 salespersons. To achieve this, they are driven to conduct substantial recruitment seminars. They are enthusiastic to announce their first recruitment seminar held on the 23^rd of October 2022, Sunday, 10:00 – 12:00. It was conducted by 3 PropNex leaders; Sang Pisey, Khiev Manith and Anthony Wong that came from all walks of life, coming together to each share their own journey working in the real estate sector and their own proven systems that have enabled them to succeed in their careers, to inspire the audience and empower them to realize everything comes from yourself and everything is achievable with perseverance, authenticity, consistency and dedicated hard work. The objective of this recruitment seminar is to those, especially fresh graduates who are looking for a promising career that would take them to greater heights, breaking barriers to allow them to reach their fullest potential. During the seminar, they were introduced to new career opportunities and engaged in self-development activities opportunities, and interactive team activities.

The ultimate guide widens their perspectives to enable them to have a clearer vision of their career pathways that could result in employability. To inculcate the spirit of entrepreneurship and the power of building a local economy that results in jobs and opportunities in the local but with a global context in the real estate industry where they see themselves fit.

There was an outstanding crowd of participants who showed their keen interest in the recruitment seminar, with a handful of them deciding to join our PropNex family. The seminar was a huge success and we foresee a bright future ahead for them.

អ្នកជំនាញមើលឃើញឱកាសវិនិយោគ ស្របពេលចំនួនអ្នកលក់អចលនទ្រព្យមានចំនួនច្រើនជាងអ្នកទិញ

ដោយៈ សុផារី

ភ្នំពេញៈ ម្ចាស់គម្រោងអចលនទ្រព្យ បានសម្រួលលក្ខខណ្ឌក្នុងការបង់ប្រាក់ ដើម្បីជំរុញការលក់ ស្របពេលដែលអតិថិជនកំពុងប្រឈមនឹងវិបត្តិ។ អ្នកជំនាញអចលនទ្រព្យ មើលឃើញថានេះជាឱកាសល្អសម្រាប់អ្នក ដែលមានបំណងចង់វិនិយោគលើអចលនទ្រព្យ ដោយសារនាពេលអនាគត តម្លៃអចលនទ្រព្យទាំងនោះនឹងមានការកើនឡើងខ្ពស់។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុលោកច្រឹក សុខនីម បានលើកឡើងនៅចុងសប្តាហ៍កន្លងមកថា ប្រភេទអចលនទ្រព្យមួយចំនួន នឹងមានឱកាសក្នុងការទទួលបាន នូវផលចំណេញខ្ពស់នាពេលអនាគត ដោយសារក្នុងពេលនេះ មានភាពអំណោយផលលើលក្ខខណ្ឌនៃការបង់ប្រាក់ និងតម្លៃ។ ដូច្នេះ សម្រាប់អ្នកដែលមានប្រាក់ចង់វិនិយោគ អាចពិចារណាបោះទុនលើប្រភេទបុរី ឬផ្ទះអាជីវកម្មបាន។

លោកឱ្យដឹងថា “សម្រាប់លំនៅឋានដែលទិញហើយ អាចចំណេញច្រើននាពេលខាងមុខ ដូចជា ផ្ទះប្រភេទបុរី ឬផ្ទះ Shop house សម្រាប់ប្រើប្រាស់ជាអាជីវកម្មក្នុងរយៈពេលយូរ នឹងទទួលបានប្រាក់ចំណេញខ្ពស់”។

លោកមានប្រសាសន៍ឱ្យដឹងថា “នៅពេលនេះ លក្ខខណ្ឌតម្លៃការទូទាត់មានភាពបត់បែនច្រើន ដែលនេះជាសញ្ញាមួយល្អ អាចចាប់យកឱកាសប្រសិនមានប្រាក់ក្នុងការវិនិយោគ”។

លោកបានបន្ថែមទៀតថា ទោះបីប្រឈមនឹងវិបត្តិក្តី តម្លៃអចលនទ្រព្យមិនមានការធ្លាក់ចុះទេ គ្រាន់តែចំនួននៃការទិញលក់ដូរ មានការថមថយបន្ទិចតែប៉ុណ្ណោះ។ នៅពេលដែលស្ថានភាពវិបត្តិផ្សេងៗស្ងប់ស្ងាត់ វិស័យចលនទ្រព្យនឹងងើបឡើងវិញ តម្លៃក៏នឹងអាចស្ទុះឡើងផងដែរ ប៉ុន្តែពេលនេះតម្លៃនៅទ្រឹងនៅឡើយ។

ជាមួយគ្នានេះ អគ្គនាយិកាក្រុមហ៊ុន AMATAK Property Service លោកស្រី តាំង ហួរបានមានប្រសាសន៍ប្រាប់ Property Area Asia កាលពីពេលថ្មីៗនេះថា តម្លៃអចលនទ្រព្យនៅក្នុងប្រទេសកម្ពុជា ក្នុងកំឡុងប៉ុន្មានឆ្នាំចុងក្រោយនេះ មិនសូវមានការកើនឡើងខ្ពស់នោះទេ ប្រសិនបើឡើងក៏ឡើងតាមទីតាំងជាក់លាក់ណាមួយ ដែលទទួលបានការអភិវឌ្ឍជាងគេ។

លោកស្រីឱ្យដឹងទៀតថា “អតិថិជនខ្លះ បានដាក់តម្លៃទាបជាងទីផ្សារ ដោយសារពួកគាត់ត្រូវការសាច់ប្រាក់ ក្នុងការប្រើប្រាស់បន្ទាន់”។ ដូច្នេះលោកស្រីមើលឃើញថា នេះជាឱកាសល្អ សម្រាប់អ្នកមានលទ្ធភាពវិនិយោគអចលនទ្រព្យ ដោយសារ ក្នុងកំឡុងនេះ មានអ្នកដែលចង់លក់ច្រើន និងអាចលក់ក្នុងតម្លៃល្អជាងពីមុន៕

ទីក្រុងហាណូយគ្រោងបង្កើនកញ្ចប់ថវិកាវិនិយោគចំនួន៦៥០លានដុល្លារលើគម្រោងផ្លូវរថភ្លើង

ដោយ: លាងហួរ

ហាណូយ: ក្រុមប្រឹក្សាគ្រប់គ្រងផ្លូវដែកក្រុងហាណូយ (MRB) បានស្នើឱ្យបង្កើនការវិនិយោគសរុប លើគម្រោងផ្លូវដែកទីក្រុងណាមថាំងឡុង-ត្រងហឹងដាវ។

នៅក្នុងលិខិតដាក់ជូនគណៈកម្មាធិការប្រជាជន ទីក្រុងហាណូយ ទំហំវិនិយោគ ត្រូវបានស្នើឡើងក្នុងទំហំទឹកប្រាក់៣៥,៦ ពាន់ពាន់លានដុង(១,៤ពាន់លានដុល្លារ) កើនឡើង៦៤៧,៧លានដុល្លារ បើធៀបនឹងការសម្រេចចិត្តដែលបានអនុម័តពីមុន។

ចំណែកមូលហេតុ នៃការកើនឡើងទំហំវិនិយោគនេះ បណ្តាលមកពីប្រវែងផ្លូវរថភ្លើងក្រោមដី ត្រូវបានបង្កើនដល់៨,៩គីឡូម៉ែត្រ។

ដោយផ្អែកលើសំណើខាងលើ ក្រុមប្រឹក្សាMRB Hà Nội ក៏បានផ្តល់អនុសាសន៍ផងដែរនូវពេលវេលា នៃការបញ្ចប់គម្រោងនេះត្រឹមឆ្នាំ២០៣៤។

ទំហំវិនិយោគសរុបសម្រាប់គម្រោងនេះ មានចំនួន១៩,៥ពាន់ពាន់លានដុង(៧៨៥លានដុល្លារ) ដែលក្នុងនោះថវិកា១៦,៤ពាន់ពាន់លានដុងទទួលបាន ពីកម្ចីរបស់ទីភ្នាក់ងារសហប្រតិបត្តិការ អន្តរជាតិជប៉ុន(JICA)និង៣ពាន់ពាន់លានដុងពីថវិការបស់ទីក្រុងហាណូយ៕

តំបន់ជុំវិញគម្រោងអភិវឌ្ឍន៍ព្រលានយន្តហោះអន្តរជាតិតេជោនៅតែមានការចាប់អារម្មណ៍ពីសំណាក់វិនិយោគិន

ដោយៈវឌ្ឈនៈ

ភ្នំពេញៈ គម្រោងអភិវឌ្ឍន៍ព្រលានយន្តហោះអន្តរជាតិទាំងពីរនៅខេត្តកណ្តាល និងខេត្តសៀមរាប បានជំរុញឱ្យតំបន់ជុំវិញគម្រោងនោះមានភាពទាក់ទាញពីសំណាក់វិនិយោគិនជាតិ និងអន្តរជាតិ ដោយមកដល់ពេលនេះតំបន់ជុំវិញគម្រោងទាំង២ ក៏នៅតែមានការទាក់ទាញដដែល។

ប្រធានសាខានៃក្រុមហ៊ុនអចលនទ្រព្យ Century 21 Zillion Holding លោកសំ សីហាបានមានប្រសាសន៍ឱ្យដឹងតាមទូរស័ព្ទនាព្រឹកថ្ងៃទី២៥ តុលានេះថា តំបន់ជុំវិញគម្រោងអភិវឌ្ឍន៍ ព្រលានយន្តហោះអន្តរជាតិសៀមរាបអង្គរក្នុងខេត្តសៀមរាប នៅតែជាចំណាប់អារម្មណ៍របស់វិនិយោគិន ទោះបីជាស្ថានភាពនៃវិស័យ អចលនទ្រព្យបច្ចុប្បន្ននេះមិនទាន់មានភាពប្រសើរកក្ដី។

លោកបន្តថា “នៅជុំវិញតំបន់នោះ ឃើញមានអ្នកស្វែងរកទីតាំងវិនិយោគ ទៅតាមសក្ដានុពលនៃតំបន់នោះ ហើយនៅជុំវិញព្រលានយន្តហោះនោះដែរ ក៏មានទីតាំងមួយចំនួនបានត្រៀម សម្រាប់អភិវឌ្ឍជារីសត ជាបឹងហ្កាឡូ ជាដើម ប៉ុន្តែមិនមែននៅជិតគម្រោង អភិវឌ្ឍន៍ព្រលានយន្តហោះនោះទេ”។

លោកបន្ថែមថា សកម្មភាព នៃការវិនិយោគនៅក្នុងខេត្តសៀមរាបនាពេលបច្ចុប្បន្ននេះ មិនសូវមានភាពមមាញឹកខ្លាំងនោះទេ ផ្ទុយទៅវិញវាកាន់តែមានភាពស្ងប់ស្ងាត់ជាងមុនទៅទៀត ដែលមាន័យថាការទិញលក់អចលនទ្រព្យ ក្នុងខេត្តសៀមរាបរយៈពេលប៉ុន្មានខែចុងក្រោយនេះ គឺកាន់តែមានចំនួនតិចតួច ។

ក្រលេកទៅមើលព្រលានយន្តហោះអន្តរជាតិតេជោ ក្នុងស្រុកកណ្តាលស្ទឹងខេត្តកណ្ដាលឯណេះវិញ ក៏ឃើញថានៅតែទទួលបានការចាប់អារម្មណ៍ពីសំណាក់វិនិយោគិន ប៉ុន្តែនៅជុំវិញតំបន់គម្រោងអភិវឌ្ឍន៍ព្រលានយន្តនោះគឺភាគច្រើនតែទាក់ទាញទៅលើឧស្សាហកម្ម ដូច្នេះតម្លៃដីធ្លីនៅជុំវិញព្រលានយន្តហោះនេះ ក៏មិនមានតម្លៃខ្ពស់បន្តទៀតដែរ ។

បើតាមអ្នកនាំពាក្យរដ្ឋលេខាធិការដ្ឋានអាកាសចរស៊ីវិល លោកស៊ីន ចាន់សិរីវុត្ថាឱ្យដឹងថា គម្រោងព្រលានយន្តហោះអន្តរជាតិសៀមរាប គិតត្រឹមដំណាច់ខែកញ្ញា២០២២នេះ សម្រេចបានលទ្ធផលប្រមាណ៤៤ភាគរយ ខណៈព្រលានយន្តហោះអន្តរជាតិតេជោ ក្នុងស្រុកកណ្ដាលស្ទឹងខេត្តកណ្ដាលសម្រេចបានលទ្ធផលប្រមាណ៤០ភាគរយផងដែរ៕

ការប្រកួតប្រជែងខ្ពស់ក្នុងទីផ្សារបុរីជំរុញឱ្យអ្នកអភិវឌ្ឍន៍ចាប់យកនិន្នាការថ្មីចំនួនពីរ

ដោយ៖ សុផារី

ភ្នំពេញ៖ ការប្រកួតប្រជែងខ្ពស់នៅក្នុងទីផ្សារបុរី ក្នុងក្រុងភ្នំពេញបណ្តាលឱ្យអ្នកអភិវឌ្ឍន៍ងាកមកពិចារណាក្នុងការកំណត់តម្លៃ នៃបុរី និងបានងាកមកប្រើប្រាស់សេវាកម្មលក់របស់ក្រុមហ៊ុនភ្នាក់ងារអចលនទ្រព្យកាន់តែច្រើន ដើម្បីអាចបង្កើនការលក់បានច្រើន។

របាយការណ៍របស់ក្រុមហ៊ុន CBRE Cambodia បានឱ្យដឹងថា ក្នុងរយៈពេល៣ខែចុងក្រោយនេះ តម្លៃផ្ទះបុរីបានធ្លាក់ចុះ ចន្លោះ២ទៅ៤ភាគរយ ពីមួយត្រីមាសទៅមួយត្រីមាស។

ការធ្លាក់ចុះនេះបានជំរុញឱ្យមាននិន្នាការថ្មីៗចំនួនពីរកើតមានឡើង ចំពោះទីផ្សារលំនៅឋាន ក្នុងក្រុងភ្នំពេញ ហើយក៏ជំរុញឱ្យអ្នកអភិវឌ្ឍមានការសម្របខ្លួនកាន់តែល្អប្រសើរ ដើម្បីឈរជើងដណ្តើមចំណែកទីផ្សារមួយនេះបានពីដៃគូរប្រកួតប្រជែង។

កញ្ញា ពេជ្រ សូនីតា ប្រធានជាន់ខ្ពស់ផ្នែកលក់លំនៅឋាន និងសេវាកម្មបង់រំលោះ នៃក្រុមហ៊ុន CBRE Cambodia បានឱ្យដឹងកាលពីពេលថ្មីៗនេះថា ជាការពិត តម្លៃបុរីក្នុងក្រុងភ្នំពេញបានធ្លាក់ចុះ ជាការឆ្លើយតបនឹងបញ្ហានេះ អ្នកអភិវឌ្ឍន៍ចាប់ផ្តើមកាន់តែប្រយ័ត្នប្រយែង ក្នុងការអភិវឌ្ឍ និងការកំណត់តម្លៃនៃបុរីរបស់ខ្លួន។

បន្ថែមលើសនេះ កញ្ញាឱ្យដឹងទៀតថា “ស្របពេលដែលមានការប្រកួតប្រជែងកាន់តែខ្ពស់ពីសំណាក់គម្រោងទាំងអស់ក្នុងស្រុក និងក្រៅស្រុក អ្នកអភិវឌ្ឍន៍អន្តរជាតិមានទំនោរងាកមកសហការជាមួយក្រុមហ៊ុន បរធនបាលកិច្ច (Trust Company) ក្នុងគោលបំណងពង្រីក និងទាក់ទាញគម្រោងវិនិយោគបន្ថែមមកកាន់ប្រទេសកម្ពុជា”។

ជាមួយគ្នានេះ អ្នកនាង គីម គិនកេសា ប្រធានផ្នែកជាន់ខ្ពស់ និងទីប្រឹក្សា CBRE Cambodia ក៏បានឱ្យដឹងថា អ្នកអភិវឌ្ឍន៍នាពេលបច្ចុប្បន្ននេះ បានបង្វែរគោលដៅមកប្រើប្រាស់សេវាកម្មលក់របស់ក្រុមហ៊ុនមានជំនាញលក់ ជាជាងការប្រើប្រាស់តែប្រតិបត្តិការលក់របស់ផ្នែកលក់ នៃក្រុមហ៊ុនរបស់ខ្លួនតែមួយមុខ។ ការណ៍នេះបាននាំមកនូវការងារធ្វើកាន់តែច្រើនសម្រាប់ក្រុមហ៊ុនភ្នាក់ងារលក់អចលនទ្រព្យ និងឈ្មួញកណ្តាល៕

ក្រុមហ៊ុនធំមួយកំពុងរៀបចំសាងសង់រមណីយដ្ឋានទេសចរណ៍លើសមុទ្រក្នុងខេត្តព្រះសីហនុ

ដោយ៖ សុផារី

ព្រះសីហនុ៖ ក្រុមហ៊ុនឡឺសូឡីម៉ីឡាន អិនធើណេសិណល ត្រាវែល ឯ.ក LE SOLEIL MEILAN INTERNATIONNAL TRAVEL Co., LDT គ្រោងរៀបចំអភិវឌ្ឍន៍រមណីយដ្ឋានកម្សាន្តកីឡាទេសចរណ៍លើសមុទ្រ ដែលមានទីតាំងស្ថិតនៅភូមិ៤ សង្កាត់លេខ៤ ក្រុងព្រះសីហនុ។

ក្នុងកិច្ចប្រជុំស្តីពីគម្រោងរៀបចំរមណីយដ្ឋានកម្សាន្តកីឡាទេសចរណ៍លើសមុទ្រ របស់ក្រុមហ៊ុន កាលពីថ្ងៃទី ២៤ ខែតុលា ម្សិលមិញនេះ មានការចូលរួមពី លោក គួច ចំរើន អភិបាល នៃគណៈអភិបាលខេត្តព្រះសីហនុ និងតំណាងក្រុមហ៊ុនឡឺសូឡីម៉ីឡាន អិនធើណេសិណល ត្រាវែល ឯ.ក (LE SOLEIL MEILAN INTERNATIONNAL TRAVEL Co., LDT) ។

គម្រោងរៀបចំរមណីយដ្ឋានកម្សាន្តកីឡាទេសចរណ៍លើសមុទ្រនេះមានទីតាំងស្ថិតនៅភូមិ៤ សង្កាត់លេខ៤ ក្រុងព្រះសីហនុ ទល់មុខនឹងអគាររបស់ក្រុមហ៊ុន មានទំហំទទឹង១០០ម៉ែត្រ បណ្តោយ១៥០ម៉ែត្រ និងចម្ងាយពីឆ្នេរប្រមាណ២០ម៉ែត្រ នៅលើសមុទ្រដែលមានកីឡាដូចជា ប្រាសាទទឹក បាល់ទះលើទឹក ពោងបង្វិលលើទឹក ទូកពោង ពោងបណ្តែតលើទឹក ទោងជិះកម្សាន្ត និងទូកក្តោងជាដើម។ ក្រុមហ៊ុនមានបុគ្គលិកសម្អាតឆ្នេរជាប្រចាំ និងមានឆ្មាំសម្រាប់ជួយសង្គ្រោះផងដែរ។

តាមរយៈក្រុមហ៊ុន គម្រោងវិនិយោគរមណីយដ្ឋានកម្សាន្តកីឡាទេសចរណ៍លើសមុទ្រនេះ នឹងជួយទាក់ទាញទេសចរចូលមកកំសាន្តនៅខេត្តកាន់តែច្រើនឡើង។

រដ្ឋបាលខេត្តព្រះសីហនុ បានសម្តែងការគាំទ្រ ចំពោះគម្រោងរៀបចំសួនកម្សាន្តកីឡាទេសចរណ៍លើសមុទ្រ របស់ក្រុមហ៊ុនឡឺសូឡីម៉ីឡាន អិនធើណេសិណល ត្រាវែល ឯ.ក ដោយបានណែនាំឱ្យក្រុមហ៊ុនត្រូវដាក់ពាក្យចុះបញ្ជីវិនិយោគ តាមយន្តការអនុគណៈកម្មាធិការវិនិយោគខេត្តព្រះសីហនុ ហើយអនុគណៈកម្មាធិការវិនិយោគខេត្ត ត្រូវបើកកិច្ចប្រជុំពិនិត្យលើសំណើរបស់ក្រុមហ៊ុន និងពិភាក្សាលើលក្ខខណ្ឌដែលត្រូវអនុវត្ត ដែលនឹងត្រូវពិភាក្សាឆ្លងយោបល់ផ្លូវច្បាប់ ជាមួយក្រុមប្រឹក្សាអភិវឌ្ឍន៍កម្ពុជា និងស្ថាប័នពាក់ព័ន្ធ ដើម្បីមានមូលដ្ឋានអនុវត្តនីតិវិធីបន្ត៕

ក្រសួងនិងក្រុមហ៊ុនចិនកំពុងតែជំរុញផែនការសាងសង់ផ្លូវល្បឿនលឿនភ្នំពេញ-បាវិតឱ្យបានឆាប់រហ័ស

ដោយ៖ សុផារី

ភ្នំពេញ៖ រដ្ឋមន្ត្រីក្រសួងសាធារណការ និងដឹកជញ្ជូន និងជាប្រធានគណៈកម្មការអន្តរក្រសួងកាលពីម្សិលមិញនេះបានដឹកនាំកិច្ចប្រជុំពិភាក្សាការងារ ជាមួយក្រុមហ៊ុនសាជីវកម្មស្ពាន និងថ្នល់ចិន (CRBC) ដើម្បីជំរុញការស្ថាបនាផ្លូវល្បឿនលឿន តភ្ជាប់ពីរាជធានីភ្នំពេញទៅក្រុងបាវិត។

យោងតាមលោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូនកាលពីពេលថ្មីៗកន្លងមក បានឱ្យដឹងថា ក្រុមហ៊ុន CRBC កំពុងធ្វើការសិក្សា ដោយបានចុះ MOU រួចរាល់ហើយ និងត្រៀមចុះហត្ថលេខាលើកិច្ចព្រមព្រៀង នៅក្នុងខែវិច្ឆិកាខាងមុខ។ ក្រុមហ៊ុននេះត្រៀមចុះកិច្ចព្រមព្រៀងសម្បទានឱ្យបានមុនដាច់ឆ្នាំ ដើម្បីបើកការដ្ឋានឱ្យបាននៅពាក់កណ្ដាលឆ្នាំ២០២៣។

ក្នុងកិច្ចប្រជុំនៅទីស្ដីការក្រសួង ដោយមានការចូលរួមពីលោកទេសរដ្ឋមន្ត្រី ស៊ុន ចាន់ថុល និងតំណាងក្រុមហ៊ុន បានពិនិត្យនិងពិភាក្សាលើកិច្ចព្រមព្រៀងក្របខណ្ឌ កិច្ចសន្យាភាពជាដៃគូរវាងរដ្ឋ និងឯកជនឱ្យបានចប់ក្នុងពេលឆាប់ៗខាងមុខនេះ ដើម្បីឈានទៅបើកការដ្ឋានសម្រាប់គម្រោងផ្លូវល្បឿនលឿនភ្នំពេញ-ក្រុងបាវិត។

គម្រោងផ្លូវល្បឿនលឿនភ្នំពេញ-បាវិតនេះ គឺជាគម្រោងផ្លូវល្បឿនលឿនទី២ ក្នុងប្រទេសកម្ពុជាបន្ទាប់ផ្លូវល្បឿនលឿនភ្នំពេញ ក្រុងព្រះសីហនុ ខណៈផ្លូវនេះគឺជាផ្លូវថ្មីទាំងស្រុងដែលមានប្រវែងសរុបប្រហែល១៣៥គីឡូម៉ែត្រ។

គម្រោងនេះនឹងចាប់ផ្ដើមចេញពីភ្នំពេញនៅចំណុចផ្លូវក្រវាត់ក្រុងទី៣ កាត់តាមខេត្តកណ្តាល ខេត្តព្រៃវែង និងខេត្តស្វាយរៀង ឆ្ពោះទៅក្រុងបាវិត ព្រំដែនកម្ពុជា-វៀតណាមតែម្ដង៕

Laos Touted as One of the Best Places to Visit in 2023

Curated by the well-known travel magazine, Wanderlust, famous tourist spots in Laos have made it on the list of best places to visit in the world in January 2023.

Laos has been selected as among the 20 best places to visit in January 2023 by Wanderlust, UK’s leading independent travel magazine. It is the top ASEAN country on the list, ranking sixth, while Vietnam was featured in the No.8 position.

“We’d certainly recommend getting to grips with the Paris-esque charms of the capital, Vientiane, and taking your sweet time in Luang Prabang. There are, after all, over 33 temples to see, seemingly endless stretches of night market stalls, and even a mountain to climb: Mount Phou Si,” says the article.

Si Phan Don, also known as the Four Thousand Islands, Khon Phapheng waterfall, and Pakse City were listed as picturesque destinations to visit along the Mekong River as well.

A foreign travel expert in Laos, Jason Rolan, suggests a few more places to add to this already enviable list.

“In January, it will also be nice to take advantage of the climate in Laos’ northern regions like Xieng Khouang, Phongsaly, and Houaphan.

“Tourists often believe that Southeast Asia is all tropical, but in these places, one can experience chilly mornings and wake up to a sea of fog. But it’s not just the weather, the natural landscapes, diverse ethnic groups, and rich histories here also make them worth exploring again and again,” he informs.

តើក្រុមហ៊ុនសាងសង់ផ្លូវល្បឿនលឿនពិតជាប្រើ់ប្រាស់កៅស៊ូពិសេសអ៊ុតផ្លូវមែនឬ ខណៈផ្លូវត្រូវបានប៉ះនិងមានទឹករលករួចទៅហើយ

ដោយៈ គង់ សូរិយា

ភ្នំពេញៈ ការបើកដំណើរការផ្លូវល្បឿនលឿនភ្នំពេញ ព្រះសីហនុសាកល្បង និងមិនយកប្រាក់រយៈពេល១ខែបានត្រៀមបិទបញ្ចប់ហើយ នៅសល់តែរយៈពេល៥ថ្ងៃទៀតប៉ុណ្ណោះ។

សមិទ្ឋផលគួរជាទីមោទនភាព និងជាប្រវត្តិសាស្រ្តសំរាប់កម្ពុជា ពិតជារឿងអបអរសាទរសម្រាប់ប្រជាជាតិនេះ ប៉ុន្តែអ្វីដែលអ្នកបើកបររបស់យើងកក់សំគាល់ឃើញ គឺផ្លូវនេះមានស្នាមប៉ះ និងទឹករលករួចទៅហើយ បើទោះបីជាផ្លូវនេះបើកដំណើរការមិនទាន់បាន១ខែនៅឡើយ។

សាកល្បងបើកបរលើផ្លូវនេះលើកដំបូងកាលពីចុងសប្តាហ៍មុន លោកស៊ីវ ម៉េងមានអារម្មណ៍មិនមានផាសុខភាពទេ គាត់បាននិយាយថា ផ្លូវនេះមិនមានភាពរលោង និងបើកបររលូនដូចផ្លូវជាតិលេខ១ ដែលសាងសង់ដោយក្រុមហ៊ុនជប៉ុននោះទេ វាគ្រឺម និងមានទឹករលក ស្នាមបំណះ ក្នុងគន្លងផ្លូវចាកចេញពីក្រុងព្រះសីហនុ មកកាន់រាជធានីភ្នំពេញ។

លោកស៊ីវ ម៉េងបាននិយាយថា “ខ្ញុំអបអរសាទរនឹងសមិទ្ឋផលនេះ ប៉ុន្តែខ្ញុំខកចិត្តនៅពេលឃើញស្នាមបំណះ និងមានទឹករលកនៅលើផ្លូវដ៏ថ្មីសន្លាងនេះ”។លោកបន្តថា “ខ្ញុំជឿថាក្រុមហ៊ុនចិន ក៏មានសមត្ថភាពកសាងផ្លួវមិនចាញ់ជប៉ុននោះទេ ប៉ុន្តែគុណភាពផ្លូវនេះហាក់ជារឿងអស់សំណើចទៅវិញ”។

លោកស៊ីវ ម៉េងបានបន្តថា យ៉ាងណានេះ មិនមែនជាបន្ទុករបស់រដ្ឋាភិបាលទេ តែជាបន្ទុករបស់ក្រុមហ៊ុន ដែលត្រូវមើលថែរផ្លូវនេះ។

បើតាមអ្នកនាំពាក្យក្រសួងសាធារណៈការ និងដឹកជញ្ជូនលោកវ៉ាស៊ីម សូរិយាបានមានប្រសាសន៍កន្លងមកបានឲ្យដឹងថា ក្រុមហ៊ុនបានប្រើប្រាស់កៅស៊ូពិសេស ដែលមានលក្ខណៈធន់នឹងទឹក និងអាកាសធាតុយកមកក្រាលើផ្លូវល្បឿនលឿននេះ ដើម្បីធានាឲ្យផ្លូវនេះជាប់បានយូរ។

ដំណឹងល្អ

ក្រសួងសាធារណៈការ និងដឹកជញ្ជូន និងថ្នាក់ដឹកនាំក្រុមហ៊ុនគ្រប់គ្រងផ្លូវល្បឿនលឿនភ្នំពេញ-ក្រុងព្រះសីហនុ បានសម្រេចទម្លាក់តម្លៃខ្លះ ដើម្បីជួយសម្រួលឱ្យក្រុមហ៊ុនដឹកជញ្ជូន ប្រភេទរថយន្តកុងតឺន័រ មានលទ្ធភាពប្រើប្រាស់ផ្លូវនេះឱ្យមានភាពមមាញឹក។

អ្នកនាំពាក្យក្រសួងសាធារណការ និងដឹកជញ្ជូនលោកហ៊ាង សុធាយុត្តិ បានឱ្យដឹងនៅថ្ងៃទី២៤ តុលាថា ការសម្រេចបញ្ចុះតម្លៃខ្លះពីសំណាក់ក្រុមហ៊ុនធ្វើឡើង ក្រោយកិច្ចប្រជុំមួយរវាងក្រសួងសាធារណការ និងក្រុមហ៊ុនចិន China Road and Bridge នាពេលថ្មីៗនេះ។

លោកបន្តថា “យើងបានដឹកនាំប្រជុំ ជាមួយក្រុមហ៊ុនជជែកលើតម្លៃដែលកើតចេញពីបញ្ហាមួយចំនួន ដូចជា ការអូស ស្ទូច សណ្តោង ក្នុងករណីរថយន្តជួបឧប្បតិ្តហេតុអ្វីមួយ និងតម្លៃនៃការប្រើប្រាស់ផ្លូវល្បឿនលឿន ក្រសួងបានចរចាឱ្យក្រុមហ៊ុនធ្វើការបញ្ចុះតម្លៃ ហើយជាលទ្ធផលក្រុមហ៊ុនក៏សម្រេចទម្លាក់ខ្លះ។

ជានីតិវិធីក្រុមហ៊ុនកំណត់តម្លៃ រីឯក្រសួងមានភារកិច្ចពិនិត្យ និងគាំទ្រ ហើយការប្រកាសផ្សព្វផ្សាយពីតម្លៃប្រើប្រាស់ផ្លូវ និងតម្លៃអូស ស្ទូច សណ្តោង នឹងប្រកាសនាពេលឆាប់ៗ ក្រោយភាគីទាំង២សម្រេចលើតួលេខរួមនៃតម្លៃ។

លោកហ៊ាង សុធាយុត្តិបានបញ្ជាក់ថា “បងប្អូនប្រជាពលរដ្ឋ ដែលប្រើប្រាស់ផ្លូវល្បឿនលឿន អាចមើលតម្លៃនៅច្រកចូលបិទ ជាប់ប៉ាណូពណ៌ខៀវខាងស្ដាំដៃ”។

ការគិតគូរពីតម្លៃ នៃការប្រើប្រាស់ផ្លូវល្បឿនលឿន កើតមានបន្ទាប់ពីវិស័យឯកជន និងពលរដ្ឋទូទៅស្ទាក់ស្ទើរប្រើប្រាស់ ព្រោះមិនទាន់មានលទ្ធភាពចំណាយលើថ្លៃប្រើប្រាស់។

លោកស៊ិន ចន្ធី ប្រធានសមាគមភ័ស្តុភារកម្មកម្ពុជាស្វាគមន៍ចំពោះការគិតគូររបស់ក្រសួង មកលើវិស័យដឹកជញ្ជូនឯកជន ហើយក្រុមហ៊ុនឯកជនកំពុងយកចិត្តទុកដាក់ លើការត្រួតពិនិត្យគុណភាព និងបច្ចេកទេសយានយន្ត។

លោកបានបន្តថា យើងត្រៀមប្រើប្រាស់ផ្លូវល្បឿនលឿន ដោយសុវត្ថិភាទាំងអ្នកបើកបរ និងការគិតគូរលើការតកន្ទុយសណ្តោង ហើយយើងសង្ឃឹមថា រដ្ឋាភិបាលនឹងសម្របសម្រួល បញ្ចុះតម្លៃដឹកជញ្ជូនឱ្យសមស្រប។ បើតាមអ្នកជំនួញរូបនេះ រថយន្តកុងតឺន័រ ឆ្លងកាត់ផ្លូវល្បឿនលឿនទៅវិញទៅមក មានតម្លៃ១២០ដុល្លារ៕

ប្រទេសឡាវជាប់ឈ្មោះជាគោលដៅទេសចរណ៍ដ៏ទាក់ទាញ បំផុតមួយប្រចាំឆ្នាំ២០២៣

ដោយៈ សុខុម

វៀងចន្ទន៍: វាជាមោទកភាពមួយរបស់ប្រទេសឡាវ ដែលត្រូវបានទស្សនាវដ្ដីទេសចរណ៍ដ៏ល្បីឈ្មោះរបស់អង់គ្លេស Wanderlust ជ្រើសរើស ឱ្យជាប់ឈ្មោះ ក្នុងចំណោមគោលដៅទេសចរណ៍ ដ៏ទាក់ទាញបំផុតទាំង២០ ប្រចាំឆ្នាំ២០២៣។

យោងតាមសារព័ត៌មាន Laotian Times ចុះផ្សាយកាលពីថ្ងៃច័ន្ទ ទី២៤ ខែតុលាបានឱ្យដឹងថា ប្រទេសឡាវ បានជាប់កំពូលតារាងក្នុងចំណោមបណ្ដាប្រទេសអាស៊ាន ដោយជាប់ចំណាត់ថ្នាក់លេខ៦ ខណៈប្រទេសវៀតណាម ជាប់ចំណាត់ថ្នាក់លេខ៨។

អត្ថបទចុះផ្សាយដោយទស្សនាវដ្ដី ដ៏ល្បីឈ្មោះនេះសរសេរថា “យើងសូមណែនាំឱ្យអ្នកទាំងអស់គ្នាទៅគយគន់ សម្រស់ដ៏សែនទាក់ទាញនៃរដ្ឋធានីវៀងចន្ទន៍ ហើយកុំភ្លេចបន្តដំណើរទៅកម្សាន្តទៅហ្លួងព្រះបាង”។ទស្សនាវដ្តីនេះបានសរសេរអួតថា “ទន្ទឹមនេះក៏មានប្រាសាទបុរាណ រហូតដល់ទៅ៣៣ប្រាសាទ មានផ្សាររាត្រីដែលសម្បូរដោយស្តង់លក់ជាជួរយ៉ាងវែង ហើយក៏មានភ្នំមួយ សម្រាប់ឡើងទៅលេងផងដែរឱ្យឈ្មោះថា ភ្នំភូស៊ី (Mount Phou Si)”។

ជនជាតិបរទេសម្នាក់ឈ្មោះ Jason Rolan ដែលជាអ្នកជំនាញ ខាងទេសចរណ៍បានលើកឡើងថា តំបន់មួយចំនួនទៀតរបស់ឡាវ ក៏ត្រូវបានដាក់បញ្ចូល ក្នុងបញ្ជីឈ្មោះគោលដៅទេសចរណ៍ ដ៏គួរទាក់ទាញដែលគួរតែទៅលេងកម្សាន្តផងដែរ។

អ្នកជំនាញរូបនេះបានលើកឡើងទៀតថា “នៅខែមករា ឆ្នាំ២០២៣ ក៏ជាពេល វេលាដ៏ល្អសម្រាប់អ្នកទាំងអស់គ្នា ទទួលយកបទពិសោធន៍អាកាសធាតុដ៏ល្អ នៅតាមតំបន់ភាគខាងជើងនៃប្រទេសឡាវ ដូចជាខេត្ត Xieng Khouang ខេត្ត Phongsaly និងខេត្ត Houaphan ផងដែរ”។

អ្នកជំនាញរូបនេះបានបន្ថែមទៀតថា “ជាទូទៅ ភ្ញៀវទេសចរណ៍ជឿថា តំបន់អាស៊ីអាគ្នេយ៍ គឺសុទ្ធតែមានអាកាសធាតុត្រូពិក ប៉ុន្តែនៅកន្លែងទាំងអស់នេះ អ្នកទាំងអស់គ្នា ក៏អាចទទួលបានបទពិសោធន៍អាកាសធាតុដ៏សែនត្រជាក់នៅពេលរំលងអធ្រាត្រ ហើយភ្ញាក់ពីដំណេកព្រឹកឡើងឃើញសុទ្ធតែអ័ព្ទចុះផងដែរ។

ទោះជាយ៉ាងណា វាមិនមែនទាក់ទាញត្រឹមតែ អាកាសធាតុប៉ុណ្ណោះទេ ពោលគឺទេសភាពធម្មជាតិ ក្រុមជនជាតិដើមភាគតិច និងប្រវត្តិសាស្ត្រដ៏សម្បូរបែបនៅទីនេះ ក៏ធ្វើឱ្យកន្លែងទាំងនេះ មានភាពទាក់ទាញខ្លាំងដែលអ្នកចង់ទៅលេងកម្សាន្ត ម្ដងហើយម្ដងទៀតមិនចេះ ជិនណាយផងដែរ”៕ Laotian Times៕

1...1,2021,2031,204...3,260 Page 1,203 of 3,260