ប្រធានសមាគមវិនិយោគិនខ្មែរ-អន្តរជាតិដឹកនាំសមាជិកចូលរួមកិច្ចប្រជុំនិងទាក់ទាញអ្នកធុរកិច្ចនៅទីក្រុងឌូបៃ

ដោយៈ គង់ សូរិយា

ភ្នំពេញៈ លោកឧកញ៉ាប៊ី សុខបណ្ឌិតប្រធានសមាគមវិនិយោគិនខ្មែរ-អន្តរជាតិ បានដឹកនាំសមាជិកសមាគមមួយក្រុមទស្សនកិច្ច និងទាក់ទាញវិនិយោគបរទេសមកវិនិយោគនៅកម្ពុជា។

លោកឧកញ៉ាបានមានប្រសាសន៍ឲ្យដឹង ក្នុងពេលត្រៀមឡើងយន្តហោះទៅកាន់ទីក្រុងឌូបៃនាព្រឹកថ្ងៃទី១៣ មករានេះថា ដំណើរទស្សនកិច្ចនេះ នឹងធ្វើឡើងចាប់ពីថ្ងៃទី១៣ដល់១៧ មករាខាងមុខនេះ។ ក្នុងដំណើរទស្សនកិច្ចនេះ លោកនិងប្រតិភូនឹងចូលរួមប្រជុំ ដើម្បីផ្សព្វផ្សាយពីកាលានុវត្តន៍ភាពនៃឱកាសវិនិយោគរបស់កម្ពុជា ដល់អ្នកវិនិយោគអារ៉ាប់ និងអ្នកធុរកិច្ចជាច្រើនទៀត។

លោកឧកញ៉ាបានបន្តថា ជាមួយគ្នានេះ សមាគមក៏នឹងប្រកាសតែងតាំងលោកបណ្ឌិតALZAID ABDULMONIM MOHAMMED ជាទីប្រឹក្សាជាន់ខ្ពស់ផងដែរ។

ក្រោមការដឹកនាំ និងសម្របសម្រួលការងាររបស់លោកឧកញ៉ាប៊ី សុខបណ្ឌិតសមាគមវិនិយោគិនខ្មែរ- អន្តរជាតិមានសមាជិកកើនឡើងជាប្រចាំ ដែលភាគច្រើន សុទ្ឋតែជាអ្នកវិនិយោគលើបវិស័យចម្រុះ ព្រមទាំងមាន សមាជិកភាពជាវិនិយោគិនបរទេសផងដែរ៕

ខេត្តកំពង់ស្ពឺនិងកណ្តាលទទួលបានគម្រោងវិនិយោគថ្មីៗចំនួន២តម្លៃជាង៤៥លានដុល្លារ

ដោយ៖សុធីតា

ភ្នំពេញ៖ ក្រុមប្រឹក្សាអភិវឌ្ឍន៍កម្ពុជា (CDC) ទើបតែអនុម័តគម្រោងវិនិយោគថ្មីៗ ចំនួន២ទៀត សរុបទុនវិនិយោគជាង៤៥លានដុល្លារ និងអាចបង្កើតការងារបានជាច្រើនកន្លែង។

តាម Facebook ផ្លូវការរបស់ CDC បានចុះផ្សាយថា តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគ ជូនដល់ក្រុមហ៊ុនដូចខាងក្រោម៖

១៖ AROMA SUCCESS GARMENT CO., LTD គម្រោងបង្កើតរោងចក្រកាត់ដេរសម្លៀកបំពាក់ ដែលមានទីតាំងវិនិយោគស្ថិតនៅភូមិតាំងស្នោ ឃុំទំព័រមាស ស្រុកសំរោងទង ខេត្តកំពង់ស្ពឺ ក្នុងទុនវិនិយោគប្រមាណ៣៦,៦លានដុល្លារអាមេរិក និងអាចបង្កើតការងារបានចំនួន៣.១៥៨កន្លែង។

២៖ QI HENG XIN FACTORY CO., LTD គម្រោងបង្កើតរោងចក្រផលិតស្បែកជើង និងកាបូប ដែលមានទីតាំងវិនិយោគស្ថិតនៅផ្លូវជាតិលេខ២១ ដីឡូតិ៍លេខ២៧៨៧ តំបន់ A ភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល ក្នុងទុនវិនិយោគប្រមាណ៨,៨លានដុល្លារអាមេរិក និងអាចបង្កើតការងារបានចំនួន២.៩៣០កន្លែង៕

តម្លៃកញ្ចប់ទេសចរណ៍សម្រាប់ភ្ញៀវចិន ទៅកាន់ប្រទេសថៃហក់ឡើងរហូតដល់ទៅ២០ភាគរយ

ដោយៈ សុខុម

បាងកក: អាជ្ញាធរទេសចរណ៍ថៃ (TAT) បានអះអាងថា តម្លៃកញ្ចប់ទេសចរណ៍សម្រាប់ភ្ញៀវចិន មកកាន់ប្រទេសថៃ បានហក់ឡើងខ្ពស់មិនធ្លាប់មានរហូតដល់ទៅ២០% ដោយសារតម្រូវការកើនឡើងខ្ពស់។ នេះបើយោងតាមកាសែត Bangkok Post ចុះផ្សាយកាលពីថ្ងៃព្រហស្បតិ៍ ទី១២ ខែមករា។

លោក Chuwit Sirivejkul នាយកថ្នាក់តំបន់នៃអាជ្ញាធរទេសចរណ៍ថៃ ទទួលបន្ទុកទីផ្សារនៅអាស៊ីបូព៌ា បានលើកឡើងថា ដោយសារតម្រូវការពីទីផ្សារប្រទេសចិនកើនឡើង ភ្ញៀវទេសចរភាគច្រើន នឹងជ្រើសរើសការធ្វើដំណើរទេសចរណ៍ដោយខ្លួនឯងផ្ទាល់ ខណៈរដ្ឋាភិបាលចិន នៅមិនទាន់អនុញ្ញាតឱ្យការីទេសចរណ៍ (Tour Operator) នាំទេសចរជាក្រុមចេញក្រៅប្រទេស។

អ្នកជំនាញរូបនេះគូសបញ្ជាក់ថា ចំនួនមានកម្រិតនៃកញ្ចប់ទេសចរណ៍ បានធ្វើឱ្យចំនួនតភ្ជាប់ជើងហោះហើរមានតិចតួច រវាងប្រទេសទាំងពីរ និងភ្នាក់ងារទេសចរណ៍នៅក្នុងប្រទេសចិន។ លោកបន្ថែមទៀតថា តម្លៃកញ្ចប់ទេសចរណ៍ បានឡើងខ្ពស់ជាងកម្រិត មុនពេលផ្ទុះវិបត្តិកូវីដ-១៩ ដល់ទៅ២០%។

លោកបន្តទៀតថា ក្រុមហ៊ុនអាកាសចរណ៍ជាច្រើន នៅពេលនេះកំពុងប្រឹងប្រែងដុតដៃដុតជើង ដើម្បីបង្កើនចំនួនជើងហោះហើរ នៅក្នុងត្រីមាសទី១ ដើមឆ្នាំនេះ។

លោកបញ្ជាក់ថា បច្ចុប្បន្ន ចំនួនកៅអីយន្តហោះ ដែលត្រូវបានកក់មានចំនួន៣៤៤.៤៤៦កៅអី ហើយតាមការរំពឹងទុកថា ក្រុមហ៊ុនអាកាសចរណ៍នានាអាចនឹងដឹកភ្ញៀវទេសចរចិន ចំនួន៣២០.៣៩៧នាក់មកកាន់ប្រទេសថៃ នៅត្រឹមខែមីនា។

លោកបន្ថែមទៀតថា ការីទេសចរណ៍នៅក្នុងទីក្រុង បន្ទាប់បន្សំនានាអាចនឹងទទួលផលពីភ្ញៀវទេសចរចិន ជាពិសេសភ្ញៀវទេសចរមកលេងញឹកញាប់ ដែលចង់ស្វែងរកគោលដៅទេសចរណ៍ប្លែកៗ ដែលពួកគេមិនធ្លាប់ទៅលេង៕ Bangkok Post៕

Bangchak នឹងក្លាយជាក្រុមហ៊ុនលក់ប្រេងធំបំផុតរបស់ប្រទេសថៃ

ដោយ: គង់ លាងហួរ

បាងកក: ក្រុមហ៊ុនលក់រាយប្រេងរបស់រដ្ឋថៃ Bangchak បានឱ្យដឹងថា ខ្លួនបានចាប់ផ្តើមដំណើរការទិញ ភាគហ៊ុនចំនួន៦៥,៩៩ភាគរយរបស់ក្រុមហ៊ុន ExxonMobil Asia Holdings ដែលជាកិច្ចព្រមព្រៀងមានតម្លៃ១,៦ពាន់លានដុល្លារ។

Bangchak បានជូនដំណឹងដល់ផ្សារហ៊ុនថៃ (SET) នៅថ្ងៃតែមួយ ដែលក្រុមប្រឹក្សាភិបាលរបស់ខ្លួន បានអនុម័តជាឯកច្ឆ័ន្ទលើការទិញយកនេះ។

លោក Chaiwat Kovavisarach នាយកប្រតិបត្តិនៃក្រុមហ៊ុន Bangchak បានមានប្រសាសន៍ថា ការទិញយកនេះ នឹងអាចបញ្ចប់រួចរាល់នៅក្នុងឆមាសទីពីរ ឆ្នាំ២០២៣នេះ បន្ទាប់មកក្រុមហ៊ុននឹងដាក់សំណើដេញថ្លៃ សម្រាប់ភាគហ៊ុនធម្មតាដែលនៅសេសសល់។

លោក Chaiwat បានបន្តថា “កិច្ចព្រមព្រៀងទិញយកនេះ គឺជាជំហានដ៏សំខាន់មួយផ្សេងទៀត ឆ្ពោះទៅរកសន្តិសុខថាមពលកាន់តែខ្លាំង ដែលនឹងជួយធ្វើឱ្យមានតុល្យភាព នៃយុទ្ធសាស្រ្តរយៈពេលវែងរបស់យើងជាមួយនឹងតម្លៃសមរម្យ និងនិរន្តរភាពថាមពល”។

ក្រុមអ្នកវិភាគរំពឹងថា កិច្ចព្រមព្រៀងនេះ នឹងពង្រឹងប្រតិបត្តិការមួយចំនួនរបស់ ក្រុមហ៊ុន Bangchak។ ក្រៅពីការកើនឡើងបន្ថែមនៃស្ថានីយ៍ប្រេងឥន្ធនៈ កិច្ចព្រមព្រៀងនេះ នឹងផ្តល់ឱ្យក្រុមហ៊ុននូវសមត្ថភាពចម្រាញ់ប្រេងបន្ថែមទៀត។

នៅពេលដែលប្រតិបត្តិការនេះ ត្រូវបានបញ្ចប់រួចរាល់ហើយនោះ ក្រុមហ៊ុន Bangchak នឹងមានសមត្ថភាពចម្រាញ់ប្រេង ចំនួន២៩៤.០០០បារ៉ែលក្នុងមួយថ្ងៃ ហើយក្រុមហ៊ុនក៏នឹងមានស្ថានីយ៍ ប្រេងឥន្ធនៈចំនួន២.១០០កន្លែង ដោយកើនឡើងពី១.០៣០ស្ថានីយ៍ គិតត្រឹមខែធ្នូ ឆ្នាំ២០២២។

អ្នកវិភាគមួយរូបនៅមជ្ឈមណ្ឌលស្រាវជ្រាវ Kasikorn បានមានប្រសាសន៍ថា ក្រុមហ៊ុន Bangchak នឹងក្លាយជាអ្នកលក់រាយប្រេងដ៏ធំបំផុត ដែលមានចំនួនស្ថានីយ៍ប្រេងឥន្ធនៈច្រើនបំផុត ដោយនាំមុខក្រុមហ៊ុន PTG Energy ដែលមានស្ថានីយចំនួន២.០៦២កន្លែង នៅទូទាំងប្រទេសថៃ។

ចំណែក ក្រុមហ៊ុន PTT Oil and Retail (OR) ដែលបុត្រសម្ព័ន្ធក្រុមហ៊ុន PTT Group នឹងត្រលប់ទៅកាន់តំណែងលេខ៣វិញ ដោយច្ចុប្បន្ននេះក្រុមហ៊ុននេះមានស្ថានីយ៍ចំនួន១.៩៩៩កន្លែង។

តម្លៃភាគហ៊ុនរបស់ក្រុមហ៊ុន Bangchak បានហក់ឡើង៧,៨ភាគរយ កាលពីថ្ងៃព្រហស្បតិ៍ ទី១២ ខែមករានេះ រហូតដល់៣៤,២៥បាតក្នុងមួយហ៊ុន៕

អ្នកឧកញ៉ាគួច ម៉េងលីលើកឡើងពីចំណុចអវិជ្ជមានមួយចំនួនទាក់ទងនឹងបណ្តាញទំនាក់ទំនងសង្គម

ដោយៈ គង់ សូរិយា

ភ្នំពេញៈ ប៉ុន្មានឆ្នាំចុងក្រោយនេះ ខ្ញុំសង្កេតឃើញថាបណ្ដាញទំនាក់ទំនងសង្គមមានហ្វេសប៊ុក យូធូប ទីកតុក ជាដើមនោះ មានការពេញនិយមជាខ្លាំងនៅកម្ពុជា។

ទន្ទឹមនេះ ការផលិតវីដេអូរឿងអប់រំខ្លីបង្ហោះផ្សាយ លើបណ្ដាញទំនាក់ទំនងសង្គមទាំងនេះ ក៏មានសន្ទុះច្រើនគួរឱ្យកត់សម្គាល់ផងដែរ។

អ្នកឧកញ៉ា វេជ្ជបណ្ឌិត គួច ម៉េងលី ស្ថាបនិក ប្រធានក្រុមប្រឹក្សាភិបាល និងអគ្គនាយកប្រតិបត្តិ នៃក្រុមហ៊ុន ម៉េងលី ជេ. គួច អេឌ្យូខេសិន ដែលបានក្លាយជាអ្នកចែករំលែកចំណេះដឹងដ៏មានឥទ្ឋពលនៅក្នុងសង្គមខ្មែរ និងត្រូវបានសម្តេចប៉ាប ហ្រ្វង់ស៊ីសអញ្ជើញចូលរួមជាកិត្តិយសនៅបុរីម៉ូណាកូ នាសប្តាហ៍ខាងមុខបានមានប្រសាសន៍ថា “សន្ទុះនៃការផលិតវីដេអូរឿងអប់រំខ្លីនេះ វាបានជះផលវិជ្ជមាននិងអវិជ្ជមាន ទៅដល់សង្គមខ្មែរស្ទើរតែស្មើគ្នា ប៉ុន្តែពេលនេះខ្ញុំសូមលើកមកនិយាយតែចំណុចអវិជ្ជមានប៉ុណ្ណោះ”។

អ្នកឧកញ៉ាបានពន្យល់ថា ដោយសារកម្ពុជាយើងជាប្រទេសដែលកំពុងអភិវឌ្ឍ ហេតុនេះប្រជាពលរដ្ឋមួយចំនួន មានចំណេះដឹងទាប និងមិនសូវទូលំទូលាយ មានការគិតពុំស៊ីជម្រៅ គ្មានការត្រិះរិះពិចារណាវែងឆ្ងាយ។ ដូច្នេះ នៅពេលពួកគេមើលវីដេអូរឿងខ្លីដែលមានសកម្មភាពជួញដូរផ្លូវភេទ រំលោភ ស៊ិចស៊ី ស្រើបស្រាល កាប់ចាក់ ផឹកស៊ី និងប្រើពាក្យសម្ដីអាសអាភាស គឺពុំបានធ្វើឱ្យពួកគេទទួលបានគំនិតអប់រំវិជ្ជមាននោះទេ តែវាហាក់បីដូចជាបង្រៀនពួកគេ អំពីសកម្មភាពនិងពាក្យសម្ដីទាំងនោះទៅវិញ។

អ្នកឧកញ៉ាបានបញ្ជាក់ថា ផលិតករខ្លះមានក្រមសីលធម៌ខ្ពស់ ដូច្នេះពួកគេផលិតវីដេអូរឿងខ្លីដើម្បីអប់រំសង្គម ដែលជាឧត្ដមប្រយោជន៍សម្រាប់សង្គមជាតិ។ ចំណែកផលិតករខ្លះទៀត ពួកគេផលិតដើម្បីតែទាក់ទាញអ្នកទស្សនាប៉ុណ្ណោះ ដោយមិនខ្វល់ពីសីលធម៌សង្គមនោះឡើយ ព្រោះគោលដៅរបស់ពួកគេ គឺដើម្បីតែលុយ។ ដើម្បីតែលុយ ពួកគេបានធ្វើឱ្យអ្នកទស្សនារាប់សែន រាប់លាននាក់ ដើរតាមសកម្មភាពរឿងអវិជ្ជមានរបស់ពួកគេ ដែលធ្វើឱ្យសង្គមសម្បូរតែរឿងអវិជ្ជមាន។

អ្នកឧកញ៉ាគួច ម៉េងលីបានបន្តថា “ខ្ញុំយល់ថា ដើម្បីឱ្យវីដេអូរឿងអប់រំខ្លីបានជាប្រយោជន៍ដល់សង្គម លុះត្រាតែផលិតករមានក្រមសីលធម៌ខ្ពស់ មានមនសិការផលិតរឿង ក្នុងបំណងផ្ដល់ពុទ្ធិនិងអប់រំសង្គមពិត ពុំមែនផលិតដើម្បីផលប្រយោជនសួនតួ”។ អ្នកឧកញ៉ាបន្តថា “ជាពិសេស ពួកគេត្រូវយល់ពីកម្រិតចំណេះដឹងរបស់ប្រជាជនខ្មែរ ដើម្បីដឹងថាត្រូវផលិតវីដេអូអប់រំបែបណាទើបបានជាប្រយោជន៍ដល់ពួកគេ ទើបពួកគេមិនទទួលបានគំនិតអប់រំផ្ទុយឬអវិជ្ជមាន”។

រីឯសាលារៀនគ្រប់ភូមិសិក្សា ត្រូវបង្រៀនសិស្សអំពីសីលធម៌ ចរិយាធម៌ គុណធម៌ សុជីវធម៌ វប្បធម៌ ប្រពៃណី ទំនៀមទម្លាប់ ឱ្យបានច្រើនបំផុត ជាពិសេសត្រូវផ្ដល់ការអប់រំដល់សិស្សប្រកបដោយគុណភាព ពុំមែនផ្ដល់តែសន្លឹកសញ្ញាបត្រ។

ចំណែកគ្រួសារវិញ ត្រូវផ្ដល់ភាពស្និទ្ធស្នាល ភាពកក់ក្ដៅ ភាពត្រជាក់ត្រជំ និងការអប់រំណែនាំកូនៗប្រកបដោយគន្លងធម៌។ ចុងក្រោយ បុគ្គលខ្លួនឯងត្រូវប្ដេជ្ញាចិត្ត ធ្វើតែអ្វីដែលមានប្រយោជន៍ចំពោះខ្លួនឯង គ្រួសារ សង្គម និងប្រទេសជាតិទាំងមូល។ ចៀសវាងតាមដានវីដេអូបំពុលសង្គមដូចជា រឿងអាសអាភាស ប្ដីប្រពន្ធផិតក្បត់គ្នា គ្រួសារឈ្លោះទាស់ទែងឬលែងលះគ្នា អំពើហិង្សាគ្រប់រូបភាព ការជួញដូរផ្លូវភេទ ការឡាយលក់ផលិតផលដោយស្លៀកសម្លៀកបំពាក់មិនសមរម្យ ជាដើម៕

ហាងH&M នៅប្រទេសម៉ាឡេស៊ីជាប់បទចោទប្រកាន់ពីការលក់វីដេអូថតបានក្នុងបន្ទប់សាកសម្លៀកបំពាក់

ដោយ: គង់ លាងហួរ

អន្តរជាតិ: ប្រទេសម៉ាឡេស៊ី បានធ្វើរបាយការណ៍របស់ប៉ូលីសមួយ បន្ទាប់ពីអ្នកប្រើប្រាស់បណ្តាញTwitter សម្តែងការព្រួយបារម្ភថា វីដេអូដែលថតបានពីកាមេរ៉ាលាក់ទុក នៅក្នុងបន្ទប់សាកសំលៀកបំពាក់ នៅហាងH&M ត្រូវបានដាក់លក់តាមអ៉ីនធឺណិត។

ក្រុមហ៊ុននេះបានឱ្យដឹង នៅក្នុងសេចក្តីថ្លែងការណ៍មួយទៅកាន់ LifestyleTech ថា“ សុវត្ថិភាពរបស់អតិថិជន គឺមានសារៈសំខាន់បំផុតសម្រាប់យើង ហើយរបាយការណ៍របស់ប៉ូលីសត្រូវបានធ្វើឡើង ហើយការស៊ើបអង្កេតកំពុងបន្ត”។

ប្រភពពីក្រុមហ៊ុនបានបន្តថា “យើងបានធ្វើការត្រួតពិនិត្យបន្ទប់សាកសម្លៀកបំពាក់ទាំងអស់ ហើយយើងកំពុងធ្វើការ ដើម្បីធានាថាមិនមានការរំលោភលើសុវត្ថិភាព ដែលនឹងធ្វើឱ្យខូចដល់ភាពឯកជន របស់អតិថិជនរបស់យើងនោះឡើយ”។

H&M គឺជាក្រុមហ៊ុនសម្លៀកល្បីល្បាញ ដែលលក់បំពាក់ចម្រុះជាតិសាសន៍ ដែលមានមូលដ្ឋាននៅប្រទេសស៊ុយអែត និងមានជំនាញខាងសំលៀកបំពាក់ទាន់សម័យ សម្រាប់ បុរស ស្ត្រី ក្មេងជំទង់ និងកុមារ។

ក្រុមហ៊ុននេះត្រូវបានចោទប្រកាន់ថា បានលក់វីដេអូ ដែលត្រូវបានផ្សព្វផ្សាយនៅក្នុងប្រទេសម៉ាឡេស៊ី តាមអ៉ីនធឺណិត ដោយអ្នកលក់អះអាងថា មានការថតរឿងគូស្នេហ៍ និងបុគ្គលនៅក្នុងបន្ទប់សាកសំលៀកបំពាក់។

បញ្ហានេះត្រូវបានគូសបញ្ជាក់ជាលើកដំបូង ដោយអ្នកប្រើប្រាស់ ឈ្មោះ @meleisgw នៅលើបណ្តាញសង្គម Twitter នៅថ្ងៃទី០៨ ខែមករា ប៉ុន្តែនាងបានលុបការបង្ហោះចាប់តាំងពីពេលនោះមក៕

ហេដ្ឋារចនាសម្ព័ន្ធថ្មីៗរបស់រដ្ឋាភិបាលនឹងជំរុញឱ្យមានការវិនិយោគ លើវិស័យអចលនទ្រព្យ

ដោយៈ វឌ្ឈនៈ

ភ្នំពេញៈ ក្នុងរយៈពេលប៉ុន្មានឆ្នាំចុងក្រោយនេះ ជាពិសេសទោះបីជាកម្ពុជាស្ថិតនៅក្នុងវិបត្តិកូវីដ១៩ក្ដី ក៏រាជរដ្ឋាភិបាលនៅតែបន្តអភិវឌ្ឍន៍ហេដ្ឋរចនាសម្ព័ន្ធថ្មីៗជាបន្តបន្ទាប់ ហើយមកដល់ពេលបច្ចុប្បន្ននេះ ក៏រដ្ឋាភិបាលនៅតែបន្តអភិវឌ្ឍន៍ហេដ្ឋរចនាសម្ព័ន្ធទាំងនោះផងដែរ។

ការអភិវឌ្ឍហេដ្ឋារចនាសម្ព័ន្ធទាំងនោះ នឹងជំរុញឱ្យមានការអភិវឌ្ឍលើអចលនទ្រព្យបន្ថែម។

គម្រោងផ្លូវជាច្រើន ត្រូវបើកបើកការដ្ឋានសាងសង់ និងលើកកម្ពស់កម្រិតគុណភាពនៅចុងឆ្នាំ២០២២ និងដើមឆ្នាំ២០២៣នេះ ជាមួយនឹងការប្រកាសសាងសង់ គម្រោងហេដ្ឋារចនាសម្ព័ន្ធ ជាច្រើនទៀតរបស់រដ្ឋាភិបាល ដែលគម្រោងទាំងនោះ បាននិងកំពុងទាក់ទាញវិនិយោគិន ដើម្បីស្វែងរកឱកាសវិនិយោគ ដើម្បីរកប្រាក់ចំណេញនៅពេលអនាគត ហើយជាកាត់សម្គាល់ឃើញថា នៅតំបន់ណាដែលមានការវិនិយោគ ហេដ្ឋារចនាសម្ព័ន្ធ តំបន់នោះតែងមានការចាប់អារម្មណ៍ ពីវិនិយោគិនចុះសិក្សានិងត្រៀមវិនិយោគជាបន្តបន្ទាប់ផងដែរ ។

អ្នកនាងក្រី ម៉ាយ៉ាន ប្រធានសាខានៃក្រុមហ៊ុនKW ប្រចាំខេត្តកំពង់ចាមបានឱ្យដឹងថា គម្រោងអភិវឌ្ឍន៍ហេដ្ឋារចនាសម្ព័ន្ធ ឃើញថាមានការទាក់ទាញការវិនិយោគឯកជនបន្ថែមមែន ជាក់ស្ដែងគម្រោងអភិវឌ្ឍន៍ផ្លូវជាតិលេខ៧បាន និងកំពុងទាក់ទាញ ឱ្យគម្រោងរោងចក្រឧស្សាហកម្មនានា ស្វែងរកទីតាំងនៅតាមបណ្ដោយផ្លូវនោះ ដើម្បីដំណើរការខ្សែច្រវ៉ាក់ផលិតកម្មរបស់ខ្លួន ។

អ្នកនាងបន្តថា នៅពេលផ្លូវនេះកំពុងសាងសង់ គម្រោងដៃទៃទៀតរបស់ឯកជនក៏កំពុងរកទីតាំង និងរៀបចំដំណើរការសាងសង់ដូចគ្នា ហើយនៅពេលគម្រោងផ្លូវសាងសង់រួច គម្រោងវិនិយោគឯកជនក៏រួចរាល់ ដែលធ្វើឱ្យប្រជាពលរដ្ឋ នៅក្នុងតំបន់នោះ ទទួលបានអត្ថប្រយោជន៍ពីរផងដែ គឺផ្លូវស្រួលនិងមានការងារធ្វើ ។

ដោយឡែកគម្រោងដែលរដ្ឋាភិបាល កំពុងអភិវឌ្ឍន៍និងត្រៀមដាក់ដំណើរការ ក៏បាននិងកំពុងធ្វើឱ្យការវិនិយោគនៅកម្ពុជា កាន់តែប្រសើរផងដែរ ដែលជាកត្តាជំរុញឱ្យរដ្ឋាភិបាលបញ្ចេញថវិកា ដើម្បីអភិវឌ្ឍន៍ហេដ្ឋារចនាសម្ព័ន្ធមានស្ពាន ថ្នល់បន្ថែមជាបន្តបន្ទាប់ ។

លោកអ៉ិន ដារ៉ា ប្រធានKW ប្រចាំខេត្តបាត់ដំបងបានឱ្យដឹងផងដែរថា នៅពេលមានគម្រោងហេដ្ឋារចនាសម្ព័ន្ធ ការធ្វើដំណើររបស់វិនិយោគិន ទេសចរណ៍ និងពលរដ្ឋក្នុងតំបន់កាន់តែស្រួល ហើយអ្វីដែលពិសេសនោះ គឺតម្លៃដីធ្លីនៅតាមបណ្ដោយផ្លូវថ្មីៗនោះ ចង់មិនចង់ក៏ត្រូវតែឡើងថ្លៃផងដែរ ៕

ក្រុមហ៊ុនអចលនទ្រព្យ FPIT គ្រោងបោះទុនជិត១៥០លានដុល្លារអភិវឌ្ឍតំបន់ឧស្សាហកម្មក្នុងប្រទេសអាស៊ានចំនួនបី

ដោយ: គង់ លាងហួរ

អន្តរជាតិ: លោក Sopon Racharaksa នាយកប្រតិបត្តិនៃក្រុមហ៊ុន FPIT បានមានប្រសាសន៍ថា ឆ្នាំ២០២៣នេះ និងឆ្នាំក្រោយ នឹងក្លាយជាឆ្នាំ “គួរឱ្យរំភើប” សម្រាប់វិស័យអចលនទ្រព្យឧស្សាហកម្ម ខណៈប្រទេសផ្សេងទៀត ក្រៅពីប្រទេសចិន នឹងទទួលបានអត្ថប្រយោជន៍យ៉ាងច្រើន ពីគោលនយោបាយ China Plus One។

លោកបន្តថា ក្រុមវិនិយោគិនចិន និងបរទេស ដែលមានរោងចក្រនៅក្នុងប្រទេសចិន កំពុងស្វែងរកទីតាំងបន្ថែមនៅខាងក្រៅប្រទេសនេះ ដើម្បីបង្កើតរោងចក្រថ្មី មិនមែនសម្រាប់ការផ្លាស់ប្តូរទីតាំងទេ ប៉ុន្តែជាការពង្រីកជាមុនសិន មុននឹងកាត់បន្ថយទីតាំង ដែលមានស្រាប់នៅក្នុងប្រទេសចិន។

លោក Sopon បានអះអាងថា ប្រទេសវៀតណាមមានមូលដ្ឋានផលិតកម្មដ៏ធំសម្រាប់អាជីវកម្ម IT និងកំពុងបង្កើតខ្សែសង្វាក់ផ្គត់ផ្គង់ ដែលទាក់ទងនឹង IT ដែលជាលទ្ធផលនៃការវិនិយោគពីក្រុមហ៊ុនផលិតទូរស័ព្ទ Samsung និងក្រុមហ៊ុនផលិតបច្ចេកវិទ្យា Foxconn ។

ចំណែកប្រទេសថៃអាចទទួលបានអត្ថប្រយោជន៍ពីរលកទីមួយ ជាមួយនឹងកម្លាំងពលកម្មជំនាញ និងឧស្សាហកម្ម S-curve ថ្មី ដែលអាចគាំទ្រផលិតផលឆ្លាតវៃ ដូចជាឧបករណ៍អគ្គិសនីឆ្លាតវៃ។

វិនិយោគិនដែលមានបំណងផ្លាស់ប្តូរទីតាំងដោយផ្អែកលើការផលិតកំពុងស្វែងរកការផ្សព្វផ្សាយ និងកញ្ចប់ដ៏គួរឱ្យទាក់ទាញពីរដ្ឋាភិបាល ពីព្រោះការផ្លាស់ប្តូរទីតាំងអាចមានតម្លៃថ្លៃ។

លោកបានបន្តថា“គោលដៅដ៏មានសក្តានុពលគួរតែមាន ស្ថិរភាពនយោបាយ និងសេដ្ឋកិច្ចដើម្បីទាក់ទាញវិនិយោគិន”។

លោកបានបញ្ជាក់ថា បណ្តាប្រទេសមួយចំនួនដូចជា ថៃ វៀតណាម ម៉ាឡេស៊ី និងឥណ្ឌូណេស៊ី មានអព្យាក្រឹតគ្រប់គ្រាន់ ហើយមិនចូលភាគី ក្នុងជម្លោះរវាងចិន និងប្រទេសលោកខាងលិចឡើយ។

ដើម្បីទាញយកប្រយោជន៍ពីតម្រូវការដ៏មានសក្តានុពលនេះ ក្រុមហ៊ុន FPIT គ្រោងនឹងចំណាយប្រាក់ចំនួន៣ពាន់លានបាត(៨៩,៧លានដុល្លារ) ដើម្បីអភិវឌ្ឍផ្ទៃដីសរុប១៥មុឺនម៉ែត្រការ៉េ នៅក្នុងទីតាំងចំនួន៣ រួមទាំងស្រុក Bang Phli នៃខេត្ត Samut Prakan ។

នៅក្នុងស្រុក Wang Noi នៃខេត្តអយុធ្យា ក្រុមហ៊ុនមានផ្ទៃដីទំហំ៥០០ ទៅ៦០០រ៉ៃ សម្រាប់អភិវឌ្ឍមជ្ឈមណ្ឌលចែកចាយ និងដឹកជញ្ជូន ហើយផ្ទៃដីទំហំ៣០០ទៅ៤០០រ៉ៃ ត្រូវបានបែងចែកសម្រាប់សាងសង់រោងចក្រ។

ចំណែកនៅក្នុងបណ្តាខេត្តនៃច្រករបៀងសេដ្ឋកិច្ចភាគខាងកើត(EEC) ក្រុមហ៊ុន FPIT មានផ្ទៃដីសរុបចន្លោះពី៥០០ទៅ៦០០រ៉ៃ។ លោកបានមានប្រសាសន៍ថា ក្រុមហ៊ុន និងដៃគូ កំពុងសាងសង់ហេដ្ឋារចនាសម្ព័ន្ធ ផ្លូវថ្នល់ និងឧបករណ៍ប្រើប្រាស់ក្នុងដំណាក់កាលទី១ លើផ្ទៃដីទំហំ១.៥០០រ៉ៃ នៃគម្រោងបណ្តាក់ទុនរួមគ្នាថ្មី។

លោក Sopon បានបន្ថែមថា នៅក្នុងប្រទេសវៀតណាម និងឥណ្ឌូនេស៊ី ក្រុមហ៊ុន FPIT គ្រោងនឹងចំណាយប្រាក់ចំនួន២ពាន់លានបាត(៥៩,៨លានដុល្លារ) ដើម្បីអភិវឌ្ឍរោងចក្រ និងឃ្លាំងស្តុកទំនិញលើផ្ទៃដីទំហំសរុប១០ម៉ឺនម៉ែត្រការ៉េ នៅឆ្នាំ២០២៣នេះ។

លោកបានមានប្រសាសន៍ថា ក្រុមហ៊ុន FPIT មានផ្ទៃដីទំហំ៣០០រ៉ៃ ក្នុងប្រទេសវៀតណាម សម្រាប់ការអភិវឌ្ឍនាពេលអនាគត ហើយក្រុមហ៊ុននឹងពិភាក្សាជាមួយដៃគូក្នុងស្រុក អំពីការទិញដីបន្ថែមទៀត ដោយសារមានតម្រូវការសាងសង់កន្លែងឧស្សាហកម្មយ៉ាងខ្លាំង៕

TSMC Q4 profit rises 78%, helped by advanced chip sales

TAIPEI : Taiwanese chipmaker TSMC posted a 78 per cent rise in fourth-quarter net profit on Thursday, posting yet another quarterly record, as strong sales of advanced chips helped it defy a broader industry downturn that battered cheaper commodity chips.

Taiwan Semiconductor Manufacturing Co Ltd (TSMC), the world’s largest contract chipmaker and a major Apple Inc supplier, saw net profit for October-December hit a record T$295.9 billion ($9.72 billion) from T$166.2 billion a year earlier.

That compared with the T$289.44 billion average of 21 analyst estimates compiled by Refinitiv.

TSMC’s business has been boosted by a global chip shortage sparked by pandemic-fuelled sales of smartphones and laptops. While the shortage has eased, analysts said dominance in making some of the world’s most advanced chips has kept the firm’s order book full.

Revenue for the quarter climbed 26.7 per cent to $19.93 billion, versus TSMC’s prior estimated range of $19.9 billion to $20.7 billion.

TSMC’s share price fell 27.1 per cent in 2022, but is up 8.5 per cent so far this year giving the firm a market value of $412.78 billion.

The stock rose 0.4 per cent on Thursday versus a 0.1 per cent fall for the benchmark index.

Overall, the chip sector has been grappling with weak demand for gadgets such as smartphones as inflation accelerates and interest rates rise, against a backdrop of geopolitical tension.

In October, TSMC cut its annual investment budget by at least 10 per cent for 2022 and struck a more cautious note than usual on upcoming demand, flagging challenges from rising inflationary costs and predicting a chip downturn for 2023.

The firm said it spent $36.29 billion on capital expenditure in 2022, compared to a previous forecast of around $36 billon.

TSMC, Asia’s most-valuable listed firm, whose clients include chip majors such as Qualcomm Inc, has repeatedly said business would continue to be boosted by a “mega-trend” in the industry, brought by demand for high-performance computing chips for 5G networks and data centres, as well as increased use of chips in gadgets and vehicles.

($1 = 30.4420 Taiwan dollars)

Source: Reuters

ប្រាក់ចំណេញសុទ្ធរបស់ក្រុមហ៊ុនបន្ទះឈីបខ្នាតយក្ស TSMC ហក់ឡើង៧៨ភាគរយក្នុងត្រីមាសទី៤

ដោយ: គង់ លាងហួរ

តៃប៉ិៈ ក្រុមហ៊ុនផលិតបន្ទះឈីបធំបំផុតលើពិភពលោក Taiwan Semiconductor Manufacturing Co. បានប្រកាសពីកំណើនប្រាក់ចំណេញសុទ្ធចំនួន៧៨ភាគរយ ក្នុងត្រីមាសទី៤ ឆ្នាំ២០២២ ទោះបីជាតម្រូវការស្មាតហ្វូន កុំព្យូទ័រ និងគ្រឿងអេឡិចត្រូនិកផ្សេងទៀត មានការថយចុះគួរឱ្យកត់សម្គាល់យ៉ាងណាក្តី។

ក្រុមហ៊ុន Taiwan Semiconductor Manufacturing Co Ltd (TSMC) ដែលជាក្រុមហ៊ុនផលិតបន្ទះឈីបធំជាងគេលើពិភពលោក និងជាក្រុមហ៊ុនផ្គត់ផ្គង់ដ៏ធំរបស់ Apple Inc បានកត់សម្គាល់នូវប្រាក់ចំណេញសុទ្ធ ចាប់ខែតុលា ដល់ខែធ្នូ កើនឡើងដល់ប្រហែល៩,៧២ពាន់លានដុល្លារ បើធៀបនឹងកំណត់ត្រាប្រហែល៥,៤៥ពាន់លានដុល្លារ កាលពីឆ្នាំ២០២១។

អាជីវកម្មរបស់ក្រុមហ៊ុន TSMC ត្រូវបានជំរុញដោយការខ្វះខាតបន្ទះឈីបជាសកល ដែលបង្កឡើងដោយការលក់ស្មាតហ្វូន និងកុំព្យូទ័រយួរដៃ ដែលកំពុងរីករាលដាលដោយសារជំងឺរាតត្បាត។

តម្លៃភាគហ៊ុនរបស់ TSMC បានធ្លាក់ចុះ២៧,១ភាគរយ ក្នុងឆ្នាំ២០២២ ប៉ុន្តែវាកើនឡើង៨,៥ភាគរយនៅឆ្នាំនេះ ដែលផ្តល់ឱ្យក្រុមហ៊ុននូវតម្លៃទីផ្សារចំនួន៤១២,៧៨ពាន់លានដុល្លារ។

សរុបមក វិស័យបន្ទះឈីបបាន និងកំពុងប្រឈមមុខនឹងតម្រូវការតិចតួច សម្រាប់ឧបករណ៍នានាដូចជា ស្មាតហ្វូន ដោយសារអតិផរណា និងអត្រាការប្រាក់កើនឡើង ស្របពេលមានភាពតានតឹងភូមិសាស្ត្រនយោបាយ។

នៅក្នុងខែតុលា ក្រុមហ៊ុន TSMC បានកាត់បន្ថយថវិកាវិនិយោគប្រចាំឆ្នាំរបស់ខ្លួន យ៉ាងហោចណាស់១០ភាគរយ សម្រាប់ឆ្នាំ២០២២ និងមានការប្រុងប្រយ័ត្នជាងធម្មតា លើតម្រូវការនាពេលខាងមុខ ដោយបង្ហាញពីបញ្ហាប្រឈមលើការកើនឡើង នៃថ្លៃដើមអតិផរណា និងការព្យាករពីការធ្លាក់ចុះនៃបន្ទះឈីប សម្រាប់ឆ្នាំ២០២៣៕

1...1,2171,2181,219...3,382 Page 1,218 of 3,382