ដោយៈ គង់ សូរិយា

       ភ្នំពេញៈ រដ្ឋលេខាធិការ​ក្រសួង​ពាណិជ្ជ​កម្ពុជា លោកអ៊ុក ប្រជាបាននិយាយថា ​ការ​ទាញ​ប្រយោជន៍​ពី​កិច្ច​ព្រមព្រៀងRCEP នឹង​ជួយ​ធ្វើ​កំណែ​ទម្រង់​ប្រទេស​កម្ពុជា ដើម្បី​ធានាបាន​នូវ​ប្រសិទ្ធភាព​នៅពេល​ខាងមុខ ខណៈ​កម្ពុជា ​នឹង​អាច​ចាក​ចេញ​ពី​ប្រទេស​ កម្រិត​អភិវឌ្ឍន៍​តិចតួច​នៅ​ឆ្នាំ ២០២៨ តាមរយៈ​ការបង្កើត​ក្របខ័ណ្ឌ​គតិយុត្ត​ទំនើប​ថ្មី។​

លោកបានថ្លែបបែបនេះ ក្នុង​វេទិកា​ធុរកិច្ច​អាស៊ាន​ស្តីពី “​ភាពជា​ដៃគូ​សេដ្ឋកិច្ច​គ្រប់​ជ្រុងជ្រោយ​តំបន់់”កាលពីសប្តាហ៍មុន តាម​ប្រព័ន្ធ​វីដេអូ​ដែល​សហការ​រៀបចំ​ ដោយ​សភា​ពាណិជ្ជកម្ម​កម្ពុជា និង​ក្រុមប្រឹក្សា​ពិគ្រោះ​យោ​បល់​ធុរកិច្ច​អាស៊ាន។

លោក​អ៊ុក ប្រជាបានអះអាងថា តាមរយៈ​ការ​ទាញ​ប្រយោជន៍​ជា​អតិបរមា​ នៃ​ពី​កិច្ច​ព្រមព្រៀង​ភាពជា​ដៃគូ​សេដ្ឋកិច្ច ​គ្រប់​ជ្រុងជ្រោយ​តំបន់ (RCEP) នឹង​ជួយ​កម្ពុជា​ឱ្យ​ចាក​ចេញ​ពី​ប្រទេស​ ដែល​មាន​កម្រិត​អភិវឌ្ឍន៍​តិចតួច​ក្នុង​ឆ្នាំ ២០២៨ ប្រកប​ដោយ​ប្រសិទ្ធ​ខ្ពស់ ដោយសារ​បង្កើតជា​ក្របខណ្ឌ​គតិយុត្ត​ទំនើប​ថ្មី។​

លោកបញ្ជាក់ថា “​យើង​នឹង​អាច​បង្កើតជា​ក្របខ័ណ្ឌ​គតិយុត្ត ​ទំនើប​ថ្មី ដែល​ជំរុញ​ការធ្វើ​កំណែទម្រង់​ ទាំង​ផ្នែក​ហេដ្ឋា​រចនា​សម្ព័ន្ធ​ច្បាប់ គតិយុត្ត និង​ស្ថាប័ន ដើម្បី​ធានា​ស្តង់ដា​ខ្ពស់​របស់​កម្ពុជា​នាពេល​ខាងមុខ ស្រប​ពេល​ដែល​កម្ពុជា អាច​នឹង​ចាក​ចេញពី​ឋានៈ​ប្រទេស​អភិវឌ្ឍន៍​តិចតួច (LDC) នៅ​ឆ្នាំ ២០២៨ និង​គ្រោង​ប្រែក្លាយជា​ប្រទេស​ដែលមាន​ចំណូល​មធ្យម​កម្រិត​ខ្ពស់​នៅ​ឆ្នាំ ២០៣០ និង​ចំណូល​កម្រិត​ខ្ពស់​នៅ​ឆ្នាំ ២០៥០”។​

កិច្ចព្រមព្រៀង RCEP ជា​កិច្ចព្រមព្រៀង​ពាណិជ្ជកម្ម​សេរី​ដ៏ធំ ​បំផុត​លើ​ពិភពលោក​ ដែល​មាន​សមាជិក​ចំនួន១៥ប្រទេស រួមមាន ​ប្រទេស​ជា​សមាជិក​អាស៊ាន​ទាំង ១០ និង​ប្រទេស​ដៃគូ​ពាណិជ្ជកម្ម​សេរី​អាស៊ាន​ចំនួន ៥ មាន​ដូចជា អូស្ត្រាលី ជប៉ុន កូរ៉េខាងត្បូង ចិន និង​នូវែលសេឡង់ គ្របដណ្តប់ ប្រជាជន​ប្រមាណ ២,២ ពាន់​លាន​នាក់ ឬ​ស្មើ៣០% នៃ​ចំនួន​ប្រជាជន​លើ​ពិភពលោក និង​មាន​ផលិតផល​ក្នុង​ស្រុក​សរុប​ប្រមាណ២៦,២ ទ្រីលាន​ដុល្លារ ឬ ៣០% នៃ​ផលិតផល​ក្នុង​ស្រុក​សរុប​របស់​ពិភពលោក និង​ទំហំ​ពាណិជ្ជកម្ម​ចំនួន​ប្រមាណ ២៨% នៃ​ទំហំ​ពាណិជ្ជកម្ម​ពិភពលោក​ទាំងមូល។៕

ដោយ: លាងហួរ

ប៉េកាំង: ការស្ទង់មតិឯកជនមួយបានបង្ហាញកាលពីថ្ងៃសៅរ៍ ទី១ ខែតុលាថា តម្លៃផ្ទះថ្មីនៅក្នុងប្រទេសចិន បានដាំក្បាលចុះ៣ខែជាប់ៗគ្នា ក្នុងខែកញ្ញា ដោយសារអតិថិជនធ្វើពហិកា ឈប់បង់ប្រាក់និងកត្តាសេដ្ឋកិច្ច។

វិបត្តិទីផ្សារអចលនទ្រព្យរបស់ប្រទេសចិន កាន់តែអាក្រក់ឡើងក្នុងរដូវក្តៅនេះ ដោយទិន្នន័យផ្លូវការបង្ហាញពីតម្លៃផ្ទះ ការលក់ និងការវិនិយោគទាំងអស់បានធ្លាក់ចុះ នៅក្នុងខែសីហា ដោយបន្ថែមសម្ពាធលើប្រទេសមានសេដ្ឋកិច្ចធំបំផុតទីពីររបស់ពិភពលោកមួយនេះ។

តម្លៃផ្ទះនៅក្នុងទីក្រុងចំនួន១០០ បានធ្លាក់ចុះ០,០២ភាគរយ នៅក្នុងខែកញ្ញា ធៀបនឹងខែមុនបន្ទាប់ពីការធ្លាក់ចុះ០,០១ភាគរយ នៅក្នុងខែក    ក្កដា។ នេះបើយោងតាមការស្ទង់មតិដោយ China Index Academy (CIA) ដែលជាក្រុមហ៊ុនស្រាវជ្រាវអចលនទ្រព្យឯករាជ្យ ធំបំផុតមួយរបស់ប្រទេសចិន។

ការស្ទង់មតិបានបង្ហាញថា ក្នុងចំណោមទីក្រុងទាំង១០០ ទីក្រុងចំនួន៥៦ បានប្រកាសពីការធ្លាក់ចុះតម្លៃផ្ទះប្រចាំខែ ។

តម្លៃផ្ទះថ្មីជាផ្លូវការសម្រាប់ខែកញ្ញា នឹងត្រូវបានចេញផ្សាយដោយការិយាល័យស្ថិតិជាតិនៅថ្ងៃទី១៩ខែតុលា។

ការដាំក្បាលចុះនៅក្នុងវិស័យអចលទ្រព្យចិន កាន់តែខ្លាំងឡើងៗបន្ទា​ប់ពីអ្នកអភិវឌ្ឍន៍ឈានមុខគេ មួយចំនួនបានខកខានសងបំណុល ហើយបរាជ័យក្នុងការបញ្ចប់គម្រោង ឬសូម្បីតែចាប់ផ្តើមសាងសង់ថ្មី ដែលជំរុញឱ្យអ្នកទិញផ្ទះជាច្រើនបញ្ឈប់​ការ​បង់​រំលោះ។

ការបិទខ្ទប់ជំងឺរាតត្បាត ក៏បានធ្វើឱ្យប៉ះពាល់ដល់ទំនុកចិត្តអ្នកប្រើប្រាស់ផងដែរ ខណៈដែលការបាត់បង់ការងារ និងកត្តាសេដ្ឋកិច្ចចុះខ្សោយបានធ្វើឱ្យមនុស្សជាច្រើន មានការប្រុងប្រយ័ត្ន ចំពោះការចំណាយរបស់ពួកគេ៕

ដោយៈ សុផារី

ភ្នំពេញៈ អ្នកជំនាញលើវិស័យអចលនទ្រព្យល្បីមួយរូប បានផ្តល់យោបល់ដល់អ្នកដែលមានចំណូលទាប និងមធ្យម បើចង់ធ្វើការវិនិយោគ សូមកុំវិនិយោគលើសពី៣០ភាគរយ នៃចំណូលប្រចាំខែរបស់ខ្លួន និងលើកទឹកចិត្ដឲ្យវិនិយោគលើវិស័យដីធ្លី ជាងជាការទិញលំនៅដ្ឋាន បើសិនជាពុំមានតម្រូវការចាំបាច់ ក្នុងការទិញមកស្នាក់នៅ។

លោកឧកញ៉ា នួន រិទ្ធី អគ្គនាយកនៃក្រុមហ៊ុនអចលនទ្រព្យ KFA បានមានប្រសាសន៍ឲ្យដឹងកាលពីចុងសប្តាហ៍មុនថា ក្នុងដំណាក់កាលនេះ យើងឃើញហើយថា អ្នកសាងសង់ក៏លក់ពុំមិនសូវបាន ហើយមានចំនួនតិចណាស់ដែលលក់បាន បើកលក់បាន គឺអតិថិជនជាអ្នកមានតម្រូវការចាំបាច់ ក្នុងការទិញលំនៅដ្ឋាន។

ដោយឡែក លំនៅដ្ឋានតម្លៃមធ្យម និងទាបឃើញថា ក៏មិនមានទីតាំងនៅតំបន់ទីប្រជុំជន ទីក្រុងផងដែរ ដែលភាគច្រើននៅតំបន់ជ្រាយក្រុង ឬក៏ក្រវាត់ក្រុងជាដើម។ ដូច្នេះអ្នកខ្លះក៏មិនសូវចង់បាន ដែលតម្រូវការមិនដូច នៅពេលមានសេដ្ឋកិច្ចល្អ ដែលម្នាក់ៗគិតថា នៅកន្លែងណាក៏បាន ដោយគិតថាងាយស្រួលលក់។

លោកឧកញ៉ានួន រិទ្ឋីបានបន្តថា  “ចំពោះអ្នកមានចំណូលទាប និងមធ្យម អាចមានឱកាសទិញដី ដើម្បីចំណេញបានច្រើន ជាងការទិញលំនៅដ្ឋាន ដែលមានតម្លៃទាប និងមធ្យម ដោយសារតែអ្វីៗ អ្នកអភិវឌ្ឍន៍បានគិតគូររួចហើយ”។លោកបន្តថា “ការរស់នៅក្នុងលំនៅដ្ឋានមធ្យម អាចប្រើពេលចន្លោះទៅ៣-៥ឆ្នាំ ទើបអាចលក់បានចំណេញ ដោយយោងតាមការអភិវឌ្ឍន៍សេដ្ឋកិច្ច ហើយការកើនឡើងថ្លៃផ្ទះ ឡើងថ្លៃដោយសារដី”។

លោកឧកញ៉ាបន្តថា ចំពោះអ្នកមានចំណូលទាប និងមធ្យម នៅពេលមានបញ្ហាប្រឈម នឹងស្ថានភាពសេដ្ឋកិច្ចបែបនេះ បើចង់វិនិយោគ គឺត្រូវចំណាយត្រឹមតែ១៥-៣០ភាគរយ នៃចំណូលដែលទទួលបាន។

លោកសង្កេតមើលឃើញថា អ្នកវិនិយោគខ្លះទិញតាមគេ ដោយចេះតែបោះលុយ ដូច្នេះពេលខ្លះចំតំបន់ ដែលមិនមានសក្ដានុពល១០ឆ្នាំ ក៏មិនទាន់មានហាងឆេងផង។ អ្នកខ្លះវិនិយោគទៅចំដី ដែលស្ថិតនៅក្រោមដែនរបស់រដ្ឋ ដែលនេះជាបញ្ហា។

ជាមួយគ្នានេះ លោកជឿថា ដំណាក់កាលនេះ ធនាគារទាំងអស់ ក៏មានការរឹតបន្ដឹង ពាក់ព័ន្ធនឹងហិរញ្ញប្បទានលើលំនៅដ្ឋាន និងអ្នកវិនិយោគដីធ្លីផងដែរ៕

ដោយៈ សុខុម

ឌូបៃ: ក្រុមហ៊ុនដ៏ធំមួយរបស់កាណាដា Moon World Resorts មានគម្រោងសាងសង់សណ្ឋាគារ ព្រះចន្ទមួយនៅក្នុងទីក្រុងឌូបៃ ប្រទេសអារ៉ាប់រួមអេមីរ៉ាត។ នេះបើយោងតាមសារព័ត៌មាន CNN ចុះផ្សាយកាលពីថ្ងៃទី២៧ ខែកញ្ញា ឆ្នាំ២០២២។

សណ្ឋាគារនេះ នឹងមានសណ្ឋានដូចព្រះចន្ទបេះបិទ ហើយអាចមានកម្ពស់រហូតដល់ទៅ២២៤ម៉ែត្រជាមួយនឹងបរិមណ្ឌល (បរិមាណផ្ទៃក្រៅ) ៦២២ម៉ែត្រអាស្រ័យលើទីតាំង និងការអនុញ្ញាតលើគម្រោងប្លង់។

លោក Michael R. Henderson ដែលជាសហស្ថាបនិកក្រុមហ៊ុនកាណាដា Moon World Resorts បានបង្ហើបប្រាប់សារព័ត៌មាន CNN ថា ចំណុចសំខាន់បំផុតនៃគម្រោងនេះ គឺផ្ដោតលើព្រះចន្ទ (Moon) ដែលជា “ប្រេនដ៏ល្បីល្បាញដែលមានការទទួលស្គាល់”។

លោកបានអះអាងថា “មនុស្សចំនួន៧,៥ពាន់លាននាក់ទៅហើយដែលបានស្គាល់វា ហើយគ្រប់គ្នាសុទ្ធតែចូលចិត្តវា”។

លោកMichael R. Henderson បានឱ្យដឹងថា សណ្ឋាគារ Moon World Resort នីមួយៗនឹងក្លាយជារីហ្សតប្រណីត បែបសហសម័យ ដោយនៅខាងក្នុង អគារមានអ្វីៗពិសេសជាច្រើន ដូចជា សាលសន្និបាត ភោជនីយដ្ឋាន ស្ប៉ា ដែលមានសណ្ឋានជាព្រះចន្ទ។

ក្រុមហ៊ុនកាណាដាមួយនេះ គ្រោងសាងសង់សណ្ឋាគារព្រះចន្ទប្រភេទនេះចំនួន៤ ដោយ១នៅទ្វីបអាមេរិកខាងជើង ១នៅអឺរ៉ុប ១នៅតំបន់មជ្ឈិមបូព៌ា (ឌូបៃ)  និង១នៅអាស៊ី។

ទោះជាយ៉ាងណា លោក Michael R. Henderson ក៏បានលើកឡើងដែរថា គម្រោងអាចនឹងមានការប្រេប្រួល ដូចនេះលោកបដិសេធមិនផ្ដល់ព័ត៌មានលម្អិតអំពីគម្រោងទាំងនេះទេ រហូតមកទល់ពេលនេះ៕ CNN៕

ដោយៈវឌ្ឍនៈ

ភ្នំពេញៈ ក្នុងចំណោមបណ្ដាខណ្ឌនានា ក្នុងរាជធានីភ្នំពេញ គេសង្កេតឃើញថាមានខណ្ឌចំនួនពីរ ដែលទាក់ទាញវិនិយោគិនក្នុងការអភិវឌ្ឍលំនៅជាពិសេសលំនៅឋានតម្លៃសមរម្យ ដោយមួយរយៈពេលចុងក្រោយនេះ ខណ្ឌដង្កោ និងខណ្ឌកំបូល ទទួលបានការអភិវឌ្ឍលំនៅឋានច្រើនជាងគេ។

ក្រលេកមើលទៅខណ្ឌដង្កោ ឃើញថាគម្រោងលំនៅឋានថ្មីៗជាច្រើនបានចាប់ផ្ដើមសាងសង់យ៉ាងមមាញឹក ទោះបីជាស្ថិតនៅក្នុងវិបត្តិនៃកូវីដ១៩ក៏តំបន់នេះ ទទួលគម្រោងអភិវឌ្ឍន៍លំនៅឋានថ្មីៗជាច្រើន និងមានការគាំទ្រ ពីសំណាក់ប្រជាពលរដ្ឋ ដែលជាអ្នកវិនិយោគនិងពលរដ្ឋទិញផ្ទះសម្រា​ប់ស្នាក់នៅផងដែរ។

ដោយឡែកខណ្ឌកំបូលវិញក៏ឃើញថា មានគម្រោងអភិវឌ្ឍន៍ច្រើនក្នុងរយៈពេលចុងក្រោយនេះ  និងបន្តអភិវឌ្ឍន៍ជាបន្តបន្ទាប់ រហូតមកដល់ពេលនេះ ។

លោកប៉ូ អ៊ាវគង់ អគ្គនាយកនៃក្រុមហ៊ុនអចនទ្រព្យ Advance បានមានប្រសាសន៍ឲ្យដឹងកាលពីចុងសប្តាហ៍មុនថា តំបន់ប៉ែកខាងលិចនិងប៉ែកខាងត្បូងភ្នំពេញ មានការអភិវឌ្ឍហេដ្ឋារចនាសម្ព័ន្ធថ្មីៗ ជាច្រើនជាពិសេសយើងឃើញមានគម្រោងអភិវឌ្ឍន៍ផ្លូវ ប្រព័ន្ធទឹក និងភ្លើង ហើយតំបន់ទាំងនោះតម្លៃ ក៏នៅមានកម្រិតទាបជាបណ្ដាខណ្ឌមួយចំនួន ក្នុងរាជធានីភ្នំពេញ ដូច្នេះហើយអ្នកអភិវឌ្ឍន៍លំនៅឋានតម្លៃសមរម្យ អាចស្វែងរកដីដើម្បីវិនិយោគ ឬអភិវឌ្ឍន៍លំនៅឋាន សម្រាប់លក់ជូនប្រជាពលរដ្ឋដែលមានតម្រូវការ។

លោកបន្តថា ការអភិវឌ្ឍលំនៅឋាននៅបណ្ដាខណ្ឌជាយក្រុង ក៏ជាការចូលរួមមួយក្នុងការរួមចំណែក ក្នុងផែនពង្រីកទីក្រុងភ្នំពេញ ពីព្រោះនៅពេលអនាគតខាងមុខ ទីក្រុងកាន់តែរីកសាយហើយតំបន់ ជាយក្រុងនាពេលបច្ចុប្បន្ននេះ នឹងក្លាយជាទីប្រជុំជនដ៏មានសក្ដានុពល ទាំងផ្នែកពាណិជ្ជកម្មនិងការរស់នៅ។

ចំណែកលោកបណ្ឌិតឧកញ៉ាគីម ហ៊ាង អ្នកជំនាញអចលនទ្រព្យជើងចាស់មួយរូបនៅកម្ពុជាក៏ធ្លាប់បានលើកឡើងផងដែរថា អ្នកអភិវឌ្ឍន៍លំនៅឋានតម្លៃក្រោម១០ម៉ឺនដុល្លារ អាចទៅកាន់ផ្លូវជាតិលេខ៣ ប៉ែកខាងត្បូងឈៀងខាងលិចភ្នំពេញ ពីព្រោះថាតម្លៃដីធ្លីនៅតំបន់នោះ នៅមានកម្រិតទាបនៅឡើយ ដែលវិនិយោគិនអាចទិញដីហើយ អភិវឌ្ឍន៍លំនៅឋានតម្លៃសមរម្យបាន តែបើទៅតំបន់ផ្សេងដូចជា ទៅតំបន់ខាងជើងភ្នំពេញជាតំបន់ដែលមានតម្លៃខ្ពស់បន្តិច ដោយផ្ទះខ្លះមានតម្លៃជាង១លានដុល្លារអាមេរិក ។

អ្នកស្រីអាន សុធីតា អគ្គនាយិកាប្រតិបត្តិនៃក្រុមហ៊ុនអចលនទ្រព្យPropNex Cambodia ក៏បានលើកឡើងផងដែរថា ខណ្ឌដង្កោជាខណ្ឌដែលមានការអភិវឌ្ឍហេដ្ឋារចនាសម្ព័ន្ធច្រើន ក្នុងរយៈពេលប៉ុន្មានចុងក្រោយនេះ ដែលធ្វើឱ្យអ្នកអភិវឌ្ឍន៍លំនៅឋាន បានងាកទៅតំបន់នោះ ដើម្បីអភិវឌ្ឍន៍លំនៅឋាន ហើយការអភិវឌ្ឍលំនៅឋាននៅតំបន់នោះក៏ឃើញថា មានកាន់តែច្រើនឡើងៗពីមួយឆ្នាំទៅមួយឆ្នាំ ៕

ដោយៈសុផារី

កែប: ក្រោយទទួលបានការអនុម័ត ពីក្រុមប្រឹក្សាអភិវឌ្ឍន៍កម្ពុជា (CDC) កាលពីពេលថ្មីៗកន្លងមកនេះ ក្រុមហ៊ុន ទ្រីភាព បានចាប់ផ្តើមដំណើរការអភិវឌ្ឍន៍កោះទន្សាយ នៅក្នុងខេត្តកែប ឲ្យក្លាយទៅជារីសតប្រណីតមួយហើយ។

ក្រុមហ៊ុនទ្រី ភាព នៅថ្ងៃទី១៩ ខែកញ្ញាឆ្នាំ២០២២ និងទើបត្រូវបានចែករំលែកថ្មីៗនេះ បានប្រកាសជូនដំណឹង ជុំវិញការប្រើប្រាស់រំសេវគ្រឿងបំផ្ទុះ សម្រាប់បំផ្ទុះបំបែកថ្មសំណង់ នៅតំបន់កោះទន្សាយដែលមានទីតាំងស្ថិតក្នុងភូមិកែប សង្កាត់កែប ក្រុងកែប ខេត្តកែប។

ក្រុមហ៊ុន ទ្រី ភាព កោះទន្សាយរីសត បានបញ្ជាក់ថា ខ្លួន ទទួលបានការអនុញ្ញាត ពីគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឈន៍កម្ពុជា ដើម្បីរៀបចំគម្រោងអភិវឌ្ឍន៍កោះទន្សាយ ប៉ុន្តែដោយទីតាំងលើកោះទន្សាយ ភាគច្រើនសម្បូរទៅដោយផ្ទាំងថ្ម ទើបក្រុមហ៊ុនមានការស្នើសុំទៅដល់ ក្រសួងរ៉ែ និងថាមពល ដើម្បីប្រើប្រាស់រំសេវគ្រឿងផ្ទុះ។

សម្រាប់ការបំផ្ទុះបំបែកថ្ម គឺចាប់ពីថ្ងៃចន្ទដល់ថ្ងៃព្រហស្បតិ៍ ចន្លោះពីម៉ោង៩ព្រឹក ដល់ម៉ោង៣រសៀល ហើយមុននិងធ្វើការបំផ្ទុះ ក្រុមហ៊ុននឹងបន្លឺសំឡេងស៊ីរ៉ែន ជាសញ្ញាក្នុងរយៈពេល១០នាទីម្តង ចំនួន៣ដង៕

China’s financial regulators have asked its six largest banks to offer at least 600 billion yuan (US$84.32 billion) of financial support to the property sector in a bid to gear up for the deepening liquidity crisis, Bloomberg News reported on Friday (Sep 30), citing people familiar with the matter.

The People’s Bank of China and the China Banking and Insurance Regulatory Commission have told these state-owned banks to help in any form including mortgages, loans to developers and purchases of their bonds, the report said.

The central bank on Thursday introduced measures for speeding up the use of special loans to ensure housing sales are completed, and its plans to guide commercial banks to provide financing support for the scheme.

The government has in recent months rolled out a raft of measures to support the economy, which narrowly escaped a contraction in the June quarter, but the recovery remains shallow due to strict COVID-19 curbs and a property slump.

PBOC and CBIRC could not be immediately reached for comment.