ដោយ: លាងហួរ

វ៉ាស៊ីនតោន: មូលនិធិរូបិយវត្ថុអន្តរជាតិ (IMF) កាលពីថ្ងៃអង្គារម្សិលមិញនេះបានព្យាករណ៍ថា សេដ្ឋកិច្ចពិភពលោកនឹងកើនឡើង៣,២ភាគរយនៅឆ្នាំនេះ និង២,៧ភាគរយនៅឆ្នាំ២០២៣។ នេះបើយោងតាមរបាយការណ៍ទស្សនវិស័យសេដ្ឋកិច្ច ពិភពលោកចុងក្រោយបង្អស់(WEO)។

របាយការណ៍នេះបានបង្ហាញថា សេដ្ឋកិច្ចពិភពលោកកំពុងជួបប្រទះ បញ្ហាប្រឈមដ៏ច្របូកច្របល់ជាច្រើន ដោយសារអតិផរណាបាននឹងកំពុងហក់ឡើងខ្ពស់ជាងការរំពឹងទុក ការរឹតបន្តឹងលក្ខខណ្ឌហិរញ្ញវត្ថុ បញ្ហាស    ង្គ្រាមរុស្ស៊ី និងអ៊ុយក្រែន និងជំងឺរាតត្បាតកូវីដ១៩។

របាយការណ៍ដដែលនេះបានកត់សម្គាល់ថា នេះគឺជាកំណើនទាបបំផុត ចាប់តាំងពីឆ្នាំ២០០១ លើកលែងតែវិបត្តិហិរញ្ញវត្ថុពិភពលោក និងដំណាក់កាលស្រួចស្រាវ នៃជំងឺរាតត្បាតហើយកំណើននេះ ឆ្លុះបញ្ចាំងពីការធ្លាក់ចុះដ៏ខ្លាំង សម្រាប់បណ្តាប្រទេសដែលមានសេដ្ឋកិច្ចធំៗ។

ដោយកត់សម្គាល់ថាហានិភ័យ ចំពោះទស្សនវិស័យនៅតែមានទំហំធំខុសពីធម្មតា របាយការណ៍ចុងក្រោយរបស់IMF បានបង្ហាញថា គោលនយោបាយរូបិយវត្ថុអាចប្រកាន់ជំហរខុស ក្នុងការកាត់បន្ថយអតិផរណា ថាមពល និងតម្លៃស្បៀងអាហារ ដែលអាចបណ្តាលឱ្យអតិផរណាបន្តអូសបន្លាយយូរ៕

ដោយ: លាងហួរ

អាមេរិក: ផ្សារហ៊ុនរបស់ក្រុមហ៊ុនMeta បានដាំក្បាលចុះជិត៦០ភាគរយ ដែលឆ្លុះបញ្ចាំងឱ្យឃើញពីភាពចលាចលទីផ្សារ និងការសង្ស័យរបស់អ្នកវិនិយោគមួយចំនួនដែលគិតថា Metaverse នឹងទទួលបានផលចំណេញខ្ពស់នៅពេលឆាប់ៗនេះ។

ការដាំក្បាលចុះនៃភាគហ៊ុនរបស់Meta អាចត្រូវបានចាត់ទុកថាជាសញ្ញាមួយ ដែលវិនិយោគិនមើលឃើញបញ្ហាប្រឈម ច្រើនជាងសក្ដានុពលនៅក្នុងអាជីវកម្មដែលមានស្រាប់របស់Meta ហើយមិនចាត់ទុកចក្ខុវិស័យ Metaverse ជាការជំនួសដែលអាចសម្រេចបាន។

តម្លៃភាគហ៊ុនរបស់Meta បានបិទនៅតម្លៃ១២៨,៥៤ដុល្លារប៉ុណ្ណោះក្នុងថ្ងៃទី១១ ខែតុលា។ កាលពីដំណាច់ខែកញ្ញា ក្រុមហ៊ុនបានប្រកាសថា ខ្លួននឹងផ្អាកការជួលភាគច្រើន ហើយលោកMark Zuckerberg បានព្រមានពីការបញ្ឈប់ការងារបុគ្គលិកអាចនឹងមកដល់។

ជាមួយគ្នានេះ ក្រុមហ៊ុនMetaក៏បានបាត់បង់អ្នករកចំណូលដ៏ធំម្នាក់​របស់ខ្លួន គឺលោកស្រី Sheryl Sandberg ដែលជាមនាយកប្រតិបត្តិ​របស់ Meta ហើយក្រុមហ៊ុននេះបានតែងតាំងលោក Javier Olivanជំនួស។

វិបត្តិនេះ បានកើតឡើងក្រោយពីចំនួនអ្នកប្រើប្រាស់ និងចំណូលរបស់ក្រុមហ៊ុនធ្លាក់ចុះក្រោយពីសង្គ្រាមរុស្ស៊ី និងអ៊ុយក្រែនបានផ្ទុះឡើង។

នៅក្នុងសេចក្តីថ្លែងការណ៍មួយ លោក Andy Stone អ្នកនាំពាក្យក្រុមហ៊ុន Meta បានមានប្រសាសន៍ថា “ក្រុមហ៊ុនជឿជាក់ថា ខ្លួននៅតែស្ថិតនៅលើផ្លូវត្រូវ”។

លោក Zuckerberg បានដំណើរការក្រុមហ៊ុនរបស់លោក ដោយជោគជ័យកាលពីមួយទសវត្សរ៍មុន ដោយផ្តោតលើរបៀបដែលផលិតផលរបស់ខ្លួន ដំណើរការលើស្មាតហ្វូនជំនួសឱ្យកុំព្យូទ័រលើតុ។ លោកបានបង្ហាញសញ្ញាពីការផ្លាស់ប្តូរស្រដៀងគ្នា កាលពីឆ្នាំមុនដោយលោកបាននិយាយថា ការវិនិយោគនៅក្នុង metaverse នឹងអនុញ្ញាតឱ្យ Meta ធ្វើឱ្យមានការផ្លាស់ប្តូរពីសម័យបច្ចេកវិទ្យាមួយទៅសម័យបន្ទាប់៕

សុខុម

តូក្យូ: ក្រុមហ៊ុន Nissan Motor Co Ltd បានទម្លាយឱ្យដឹងកាលពីថ្ងៃអង្គារ ទី១១ ខែតុលា ថា ខ្លួននឹងលក់អាជីវកម្មរបស់ខ្លួននៅរុស្ស៊ី ឱ្យទៅក្រុមហ៊ុនគ្រប់គ្រង ដោយរដ្ឋមួយក្នុងតម្លៃត្រឹមតែ១អឺរ៉ូ (០,៩៧ដុល្លារ) ដើម្បីចាកចេញពីប្រទេសនេះ ដោយត្រៀមខាតបង់ រហូតដល់ទៅប្រមាណ៦៨៧លានដុល្លារ។

ក្រុមហ៊ុនផលិតរថយន្តជប៉ុន មួយនេះបានផ្ទេរភាគហ៊ុនរបស់ខ្លួន នៅក្នុងក្រុមហ៊ុន Nissan Manufacturing Russia LLC ឱ្យទៅក្រុមហ៊ុន NAMI ដែលគ្រប់គ្រងដោយរដ្ឋ។ យោងតាមក្រសួងឧស្សាហកម្ម និងពាណិជ្ជកម្មរុស្ស៊ី ឱ្យដឹងថា កិច្ចព្រមព្រៀងនេះនឹងផ្តល់ឱ្យក្រុមហ៊ុន Nissan នូវសិទ្ធិទិញយកអាជីវកម្មនេះ ត្រលប់មកវិញក្នុងរយៈពេល៦ឆ្នាំ។

កិច្ចព្រមព្រៀងនេះធ្វើឱ្យក្រុមហ៊ុន Nissan ក្លាយជាក្រុមហ៊ុនអន្តរជាតិដ៏ធំចុងក្រោយបង្អស់ ដែលចាកចេញពីប្រទេសរុស្ស៊ី ចាប់តាំងពីរដ្ឋាភិបាលក្រុងម៉ូស្គូ បានបញ្ជូនទាហានរាប់ម៉ឺននាក់ ដើម្បីចូលឈ្លានពានប្រទេសអ៊ុយក្រែន កាលពីខែកុម្ភៈ ដើមឆ្នាំនេះ។

វាក៏ឆ្លុះបញ្ចាំងផងដែរនូវចំណាត់ការ ដោយម្ចាស់ភាគហ៊ុនកំពូលរបស់ Nissan គឺក្រុមហ៊ុនផលិតរថយន្តបារាំង Renault ដែលបានលក់ភាគហ៊ុនភាគច្រើនរបស់ខ្លួន នៅក្នុងក្រុមហ៊ុនផលិតរថយន្តរុស្ស៊ី Avtovaz ឱ្យទៅវិនិយោគិនរុស្ស៊ី ម្នាក់កាលពីខែឧសភា។

ក្រសួងដដែលនិយាយថា ការលក់អាជីវកម្មឱ្យទៅក្រុមហ៊ុន NAMI នឹងរួមបញ្ចូលទាំងទីតាំងផលិតកម្ម និងស្រាវជ្រាវរបស់ក្រុមហ៊ុន Nissan នៅ St Petersburg ព្រមទាំងមជ្ឈមណ្ឌលលក់ និងទីផ្សាររបស់ខ្លួននៅទីក្រុងមូស្គូ ផងដែរ។

ក្រុមហ៊ុន Nissan និយាយថា ខ្លួនរំពឹងថា នឹងទទួលរងការខាតបង់រហូតដល់ទៅ៦៨៧លានដុល្លារ ពីការដកខ្លួនចេញនេះ ប៉ុន្តែបានរក្សាការព្យាករប្រាក់ចំណូលរបស់ខ្លួន សម្រាប់ឆ្នាំសារពើពន្ធដែលនឹងបញ្ចប់ក្នុងខែមីនា ដើមឆ្នាំ២០២៣៕

BEIJING, Oct. 11 (Xinhua) — China invested a record 823.6 billion yuan (115.88 billion U.S. dollars) in water conservancy facilities from January to September, up 64.1 percent year on year, Vice Minister of Water Resources Liu Weiping said on Tuesday.

During the first nine months, China began construction on 42 major water conservancy projects, with a combined investment of over 1.9 trillion yuan, Liu told a press conference.

The construction of water conservancy projects created 2.09 million jobs during the nine months, including 1.71 million for rural workers.

Liu said China completed the annual target of investing 800 billion yuan in water conservancy projects three months ahead of schedule.

“This is because we have made the best use of economy-stabilizing measures and follow-up policies,” Liu said, adding that financial inputs from other sources like local government special bonds and private capital have also been used well.

He said China would continue to invest in the construction of water conservancy facilities in the fourth quarter to ensure its annual investment exceeds 1 trillion yuan.

Source: XINHUA

ដោយ៖ សុផារី

ភ្នំពេញ៖ ក្នុងត្រីមាសទី៣ ឆ្នាំ២០២២ ប្រតិបត្តិការទិញលក់ភាគហ៊ុនសរុបចំនួន១៥,៣៨លានដុល្លារ បានចុះបញ្ជីនៅផ្សារមូលបត្រកម្ពុជា (CSX) ខណៈដែលសន្ទស្សន៍នេះបានធ្លាក់ចុះចំនួន៥% ពី ៤៩១,៥ពិន្ទុនៅក្នុង ត្រីមាសទី២ ដល់៤៦៧,០២ពិន្ទុ។

យោងតាមរបាយការណ៍ស្ថិតិផ្លូវការនៃការផ្លាស់ប្តូរ ក្នុងត្រីមាសទី៣ ពាណិជ្ជករបានបើកគណនីសរុបចំនួន៣៣.៣៣៦ ដែលតំណាងឱ្យការកើនឡើង៩,៩% ពីមួយឆ្នាំទៅមួយឆ្នាំ ខណៈដែលការផ្លាស់ប្តូរមូលធននីយកម្មទីផ្សារសរុបឈានដល់១,៧៣ពាន់លានដុល្លារ។

នៅក្នុងត្រីមាសទី២ ប្រតិបត្តិការសរុបបានកត់ត្រាកំណើនការជួញដូរ ៤២១% ពីមួយឆ្នាំទៅមួយឆ្នាំ ជាមួយនឹងភាគហ៊ុន៣០លានដែលមានតម្លៃ៧៧,៩១លានដុល្លារបានផ្លាស់ប្តូរ ខណៈដែលសន្ទស្សន៍រួមធ្លាក់ចុះ១១ មកនៅ៤៩១ពិន្ទុ ហើយមូលធនប័ត្រទីផ្សារក៏ធ្លាក់ចុះ៩% ដល់១,៨៦ពាន់លានដុល្លារផងដែរ។

លោកស្រី គឹម សុផានីតា ប្រធាន​នាយកដ្ឋាន​ប្រតិបត្តិការ​ទីផ្សារ​របស់ CSX មានប្រសាសន៍ថា “នៅក្នុងត្រីមាសទី៣ ឆ្នាំ២០២២ សន្ទស្សន៍ CSX បានធ្លាក់ចុះប្រហែល៥% បើធៀបនឹងត្រីមាសទី២ ឆ្នាំ២០២២ ដោយសារវាបានធ្លាក់ចុះពី៤៩១,៤៥ពិន្ទុនៅក្នុង Q2 មកត្រឹមតែប្រហែល៤៦៧,០២ពិន្ទុនៅក្នុង Q៣”។

លោកស្រីមានប្រសាសន៍បន្តថា “ការធ្លាក់ចុះនេះ ដោយសារតែការកើនឡើងនៃអតិផរណា ការកើនឡើងនៃអត្រាប្រាក់បញ្ញើរបស់ធនាគារ និងផលប៉ះពាល់ពីសង្គ្រាមរុស្ស៊ី-អ៊ុយក្រែន ដែលអូសបន្លាយពេល ដែលបន្តដាក់សម្ពាធទីផ្សារមូលបត្រកម្ពុជា ដូចទីផ្សារពិភពលោកផ្សេងទៀត”។

លោកស្រីបានបន្ថែមថា “ទោះជាយ៉ាងនេះក្តី ឥទ្ធិពលអវិជ្ជមានចំពោះទីផ្សារកម្ពុជាមានតិចតួចបើប្រៀបធៀបទៅនឹងទីផ្សារភាគហ៊ុនសកល (មិនរាប់បញ្ចូលសហរដ្ឋអាមេរិក) ដែលមានការធ្លាក់ចុះជាង ១១% នៅក្នុង Q3”៕

សុខុម

បាងកក: គណៈកម្មការនិយ័តកម្មថាមពល (ERC) នៃប្រទេសថៃ កំពុងលើកទឹកចិត្តឱ្យពលរដ្ឋផលិតអគ្គិសនីពីសូឡាលើដំបូលផ្ទះ តាមរយៈការសម្របសម្រួលដំណើរការរៀបចំដំឡើងប្រព័ន្ធថាមពលសូឡា ដើម្បីឱ្យម្ចាស់ផ្ទះមានលទ្ធភាពលក់អគ្គិសនី ពីបន្ទះសូឡាលើដំបូលផ្ទះ ឱ្យទៅរដ្ឋាភិបាល។

លោក Khomgrich Tantravanich អគ្គលេខាធិការនៃគណៈកម្មការនិយ័តកម្មថាមពល (ERC)  លើកឡើងកាលពីថ្ងៃអង្គារ ទី១១ ខែតុលា ពេលវេលាដែលត្រូវការសម្រាប់តភ្ជាប់បណ្ដាញសូឡា ជាមួយបណ្ដាញអគ្គិសនីរដ្ឋ ដែលដំណើរការ ដោយអាជ្ញាធរអគ្គិសនីក្រុង (MEA) និងអាជ្ញាធរអគ្គិសនីខេត្ត (PEA) ដែលជាបុត្រសម្ព័ន្ធចែកចាយអគ្គិសនីរដ្ឋ នឹងត្រូវកាត់បន្ថយបានច្រើន។

អគ្គលេខាធិការរូបបញ្ជាក់ថា ជាធម្មតា ការតភ្ជាប់នឹងត្រូវការពេលចន្លោះពី៩០ថ្ងៃ ទៅ១៣៥ថ្ងៃ ប៉ុន្តែពេលវេលានេះនឹងត្រូវបានកាត់បន្ថយមកនៅចន្លោះពី៣០ថ្ងៃ ទៅ៦០ថ្ងៃ។

លោកបានបន្ថែមទៀតថា គណៈកម្មការនិយ័តកម្មថាមពល (ERC) នឹងផ្ដល់ការប្រឹក្សាអំពីការដំឡើងបន្ទះសូឡា និងការថែទាំជាដើម ដើម្បីជំរុញលើកទឹកចិត្តឱ្យគ្រួសារពលរដ្ឋ ភ្ជាប់គម្រោងថាមពលសូឡា។

គណៈកម្មការនិយ័តកម្មថាមពល (ERC) ចង់ជំរុញលើកទឹកចិត្តឱ្យគ្រួសារពលរដ្ឋកាន់តែច្រើនឡើងៗជួយផលិតអគ្គិសនីពីសូឡា បន្ទាប់ពីកម្មវិធីនេះទាក់ទាញចំណាប់អារម្មណ៍ ពីសាធារណជនតិចជាងការរំពឹងទុកកាលពីឆ្នាំមុន៕

ដោយ: លាងហួរ

ប៉េកាំង: រដ្ឋលេខាធិការក្រសួងធនធានទឹក នៃប្រទេសចិន លោក Liu Weiping បានមានប្រសាសន៍ឱ្យដឹង នៅថ្ងៃអង្គារនេះថា ប្រទេសចិនបានបណ្តាក់ទុនចំនួន៨២៣,៦ពាន់លានយ័ន (ប្រហែល១១៥,៨៨ពាន់លានដុល្លារអាមេរិក) លើឧបករណ៍អភិរក្សទឹក ចាប់ពីខែមករា ដល់ខែកញ្ញា កើនឡើង៦៤,១ភាគរយ ពីមួយឆ្នាំទៅមួយឆ្នាំ។

លោក Liu បានប្រាប់សន្និសីទសារព័ត៌មានថា ក្នុងរយៈពេល៩ខែដំបូង ប្រទេសចិនបានចាប់ផ្តើមសាងសង់លើគម្រោងអភិរក្សទឹកសំខាន់ៗចំនួន៤២ ជាមួយនឹងការវិនិយោគសរុបជាង១,៩ពាន់ពាន់លានយ័ន។

លោក Liu បានបន្តថា ប្រទេសចិនបានបញ្ចប់គោលដៅប្រចាំឆ្នាំ នៃការវិនិយោគ៨០០ពាន់លានយ័ន់ នៅក្នុងគម្រោងអភិរក្សទឹករយៈពេល៣ខែ មុនការគ្រោងទុក។

លោក Liu បានបន្ថែមថា “នេះគឺដោយសារតែយើងបានប្រើប្រាស់វិធានការរក្សាស្ថិរភាពសេដ្ឋកិច្ចដ៏ល្អបំផុត និងគោលនយោបាយជាបន្តបន្ទាប់គ្នា  ហើយប្រភពហិរញ្ញវត្ថុពីប្រភពផ្សេងទៀត ដូចជា មូលបត្របំណុលពិសេសរបស់រដ្ឋបាលក្នុងស្រុក និងដើមទុនឯកជន ក៏ត្រូវបានប្រើប្រាស់បានយ៉ាងល្អផងដែរ”។

លោកបានបញ្ជាក់ថា ប្រទេសចិននឹងបន្តវិនិយោគលើការសាងសង់កន្លែងអភិរក្សទឹកនៅក្នុងត្រីមាសទី៤ ដើម្បីធានាបាននូវការវិនិយោគប្រចាំឆ្នាំរបស់ខ្លួនលើសពី១ពាន់ពាន់លានយ័ន៕