ដោយ:ម៉ាលីស

ភ្នំពេញៈ យើងដឹងហើយថាផ្លូវ៥១ នឹងក្លាយជាចរន្តផ្លូវខ្សែឆ្លងកាត់ ដ៏មានសក្តានុពល ទាំងវិស័យដឹកជញ្ជូន និងឧស្សាហកម្ម។ ដូចនេះតើទីផ្សារលំនៅស្ថាននៅតបន់នោះ នឹងទាក់ទាញការវិនិយោគដែររឺទេ?។

លោកប៊ុន ហួត ប្រធានទីផ្សារ និងផ្នែកលក់នៃក្រុមហ៊ុន PIXIU Property បានរៀបរាប់នៅក្នុងកិច្ចសំភាសពិសេស កាលពីដើមសប្តាហ៍នេះថា សក្តានុពលនៃផ្លូវ ៥១ ប្រៀបបីដូចជាផ្លូវនៃសរសៃឈាមមួយ រឺជាតារារះមួយនៃតំបន់ឧស្សាហកម្ម ដែលសំបូរទៅដោយរោងចក្រ និងសហគ្រា សនានា  ដែលអានិយាយបានថាជាផ្លូវ វេងស្រេងទី២អញ្ចឹងដែរ។

លោកបន្តថា ផ្លូវនេះតភ្ជាប់ពីគ្រប់តំបន់ មានដូចជា សៀមរាប បាត់ដំបង កំពត ក្រុងព្រះសីហនុជាដើម ជាពិសេសគឺកៀកទៅនឹងផ្លូវល្បឿនលឿនក្រុងព្រះសីហនុតែម្តង ហើយជាផ្លូវមមាញឹក សំរាប់ការដឹកជញ្ជូនផងដែរ”។

ចំណែកឯលំនៅដ្ឋាន ដែលស្ថិតនៅក្នុងតំបន់៥១នោះទៀតសោត គឺមានការរីកដុះដាល ដោយរោងចក្រ សហគ្រាសមានការផ្លាស់ប្តូរជាបណ្តើរៗទៅតំបន់នោះ ដែលធ្វើអោយកកើតលំនៅស្ថាន និងដីឡូតិ៍ ជាច្រើនកុះករផងដែរ។

លោកបញ្ជាក់ផងដែរថា តាមគោលដៅរាជរដ្ឋាភិបាល ដែលបានកំពុងអភិវឌ្ឍយ៉ាងសស្រាក់សស្រាំ នូវផ្លូវវប៉ុន្មានខ្សែចេញពីកប់ស្រូវមកនោះ នឹងភ្ជាប់ មកផ្លូវ៥១នេះតែម្តង។ ដូចនេះវាធ្វើអោយតំលៃដី លំនៅស្ថាន ក៏ដូចជា ការសាងសង់បុរីនានាមានការកើនឡើងផងដែរ។

លោកបានរៀបរាប់បន្ថែមថា ការវិនិយោគលើលំនៅដ្ឋាន មានភាពចំនេញ ដោយយោងទៅលើទីតាំងភូមិសាស្រ្ត ទីនោះជាតំបន់សក្តានុពលសំបូររោងចក្រ សហគ្រាស ដែលពីមួយឆ្នាំទៅមួយឆ្នាំទៅមួយឆ្នាំ កំនើនប្រជាជននឹងភាពកុះករកើនឡើងជាលំដាប់។ ដូចនេះពួកគាត់អាចទិញសំរាប់ទទួលផល រឺក៏អាចទិញ សំរាប់ប្រកបមុខរបររកស៊ីជួញដូរនានា។

លោកបានបញ្ជាក់ថា លោកទទួលកាន់គំរោងផ្តាច់មុខឈ្មោះថា TLL ១៣០ហិកតា ដែលស្ថិយលើបណ្តោយផ្លូវ៥១ គីឡូលេខ២៣នេះផងដែរ ដែលជាប់នឹងគំរោងដីឡូតិ៍សួន ឧស្សាហកម្មអ្នកឧកញ៉ាឡេង ណាវ៉ាត្រាតែម្តង។ លោកបញ្ជាក់ពីចំនុចពិសេស មួយចំនួនទាក់ទង នឹងគំរោងរបស់លោកថា ជាគំរោងផ្ទះអាជីវកម្មជាប់ផ្លូវជាតិ ហើយមួយវិញទៀត ក្នុងគំរោងផ្ទាល់ ក៏មានការសាងសង់ជារោងចក្រផងដែរ ដើម្បីបន្ថែមអោយគំរោងមានការអភិវឌ្ឍច្រើន។

ចំនុចពិសេសមួយទៀតនោះ លោកប៊ុន ហួតបានបញ្ជាក់ថា “គំរោងរបស់លោកគឺមានការអភិវឌ្ឍលឿន និងរំលោះសុទ្ធ ដែលធ្វើអោយមានការគាំត្រច្រើនពីសំនាក់អតិថិជនផងដែរ”។

ចាប់អារម្មណ៍បុរីនៅផ្លូវជាតិលេខ៥១ សូមទំនាក់ទំនងលេខទូរស័ព្ទចំនួនបីប្រព័ន្ឋ សលេខខ៥១📲Smart:     015 663 995 / 015 618 176

📲Cellcard: 089 663 995 /  099 733 277

📲Metfone: 066 553 168៕

ដោយៈ សុផារី

ភ្នំពេញៈ ក្នុងកំឡុងវិបត្តិកូវីដ១៩ បានប៉ះពាល់ដល់ស្ទើរគ្រប់វិស័យ ជាពិសេសវិស័យអចលនទ្រព្យ អ្នកវិនិយោគនិងអ្នកអភិវឌ្ឍន៍លើវិស័យដីធ្លីនៅក្នុងប្រទេសកម្ពុជាមួយចំនួន នៅតែបង្ហាញសុទិដ្ឋិនិយមថា ដីធ្លីនឹងបន្តងើបឡើងវិញក្នុងរយៈពេល២-៣ឆ្នាំខាងមុខនេះ។

លោកឧកញ៉ាបណ្ឌិតគីម ហ៊ាង ប្រធានក្រុមហ៊ុន KW Cambodia បានឲ្យដឹងថា វិបត្តិនៃជំងឺកូវីដ១៩កន្លងមកនេះ បានធ្វើឲ្យវិស័យអចលនទ្រព្យដីធ្លីបោះជំហា​នទៅមុខទាំងពិបាក ដោយសារតែក្នុងវិស័យអចលនទ្រព្យ មានច្រើនផ្នែកដូចជា ផ្នែកបុរី ផ្នែកដីឡូតិ៍ និងផ្នែកខុនដូ ដោយក្នុងនោះផ្នែកដីឡូតិ៍ បានទទួលរងផលប៉ះពាល់ច្រើន ព្រោះអ្នកអភិវឌ្ឍន៍ដីឡូតិ៍ លក់ដូឡូតិ៍ដល់ប្រជាពលរដ្ឋ ដែលមានចំណូលក្រោមមធ្យម។ ដូច្នេះអតិថិជនដែលមានចំណូលក្រោមមធ្យម សុទ្ធសឹងតែធ្វើការលើផ្នែកសេវាកម្ម និងឧស្សាហកម្ម។

លោកបន្តថា និយាយចំពោះផ្នែកបុរី ដែលមានចំណូលក្រោមមធ្យម បុរីមានតម្លៃមធ្យម និងបុរីមានតម្លៃថ្លៃ គឺការទិញលក់ប៉ះពាល់តែមួយចំនួនប៉ុណ្ណោះ ចំពោះបុរីតម្លៃក្រោមមធ្យមមានផលប៉ះពាល់ ប៉ុន្ដែបុរីមានតម្លៃថ្លៃ និងបុរីតម្លៃមធ្យម គឺមិនទាន់ប៉ះពាល់ច្រើននោះឡើយ ដោយសារតែជំងឺកូវីដ១៩នេះផ្ទុះឡើង បានធ្វើឲ្យប៉ះពាល់ដល់ចំណូល របស់ប្រជាពលរដ្ឋក្រីក្រ ប៉ុន្ដែមិនប៉ះពាល់ ដល់ប្រជាពលរដ្ឋជាអ្នកមាននោះឡើយ។

លោកបណ្ឌិតបានបញ្ជាក់ “គិតរយៈពេល២-៣ឆ្នាំខាងមុខនេះ ចំពោះអ្នករកស៊ីទិញលក់លើវិស័យអចលនទ្រព្យ នៅតែមានឱកាសចំណេញ និងមិនមានបញ្ហាចោទណាមួយកើតឡើងនោះទេ”៕

ដោយៈសុខុម

បាងកក: មជ្ឈមណ្ឌលព័ត៌មានអចលនទ្រព្យថៃ (REIC) បានរាយការណ៍ថា ជនជាតិចិន បានទិញខុនដូនៅប្រទេសថៃ ច្រើនជាងគេក្នុងចំណោមជនបរទេសក្នុងត្រីមាសទី១ ដើមឆ្នាំ២០២២ នេះ។ នេះបើយោងតាមកាសែត The Nation ចុះផ្សាយកាលពីថ្ងៃសុក្រ ទី២០ ខែឧសភា។

លោក Wichai Viratakaphan អគ្គនាយកស្តីទីនៃមជ្ឈមណ្ឌលព័ត៌មានអចលនទ្រព្យថៃ បានលើកឡើងថា ខុនដូចំនួន២.១០៧យូនីតសរុបជាប្រាក់១០.២៦ពាន់លានបាត (២៩៨លានដុល្លារអាមេរិក) ត្រូវបានលក់ និងផ្ទេរកម្មសិទ្ធិឱ្យទៅជនបរទេស ក្នុងត្រីមាសទី១ ដើមឆ្នាំ២០២២។

ក្នុងត្រីមាសទី១ ដើមឆ្នាំ២០២១ ជនបរទេសដែលបានទិញខុនដូច្រើនជាងគេរួមមាន៖

១- ជនជាតិចិន៖ ៩៤៩យូនីត

២- ជនជាតិរុស្ស៊ី៖ ១៣៤យូនីត

៣- ជនជាតិអាមេរិក៖ ១១៤យូនីត

៤- ជនជាតិអង់គ្លេស៖ ៩១យូនីត

៥- ជនជាតិអាល្លឺម៉ង់៖ ៨១យូនីត

៦- ជនជាតិបារាំង៖ ៧៧យូនីត

៧- ជនជាតិចិនតៃវ៉ាន់៖ ៥៣យូនីត

៨- ជនជាតិឥណ្ឌា៖ ៥១យូនីត

៩- ជនជាតិកាណាដា៖ ៤០យូនីត

១០- ជនជាតិអូស្ត្រាលី៖ ៣៤យូនីត

ចំពោះតម្លៃវិញ ជនបរទេសដែលបានចំណាយច្រើនជាងគេ តាមសញ្ជាតិក្នុងត្រីមាសទី១ ដើមឆ្នាំ២០២១ មានដូចជា៖

១- ជនជាតិចិន៖ ៤,៥៧ពាន់លានបាត (១៣២,៧លានដុល្លារអាមេរិក)។

២- ជនជាតិរុស្ស៊ី៖ ៤៣៥លានដុល្លារ (១២,៦៣លានដុល្លារអាមេរិក) ។

៣- ជនជាតិខ្មែរ៖ ៤០១លានបាត (១១,៦៤លានដុល្លារអាមេរិក)។

៤- ជនជាតិចិនតៃវ៉ាន់៖ ៣៩១លានបាត (១១,៣៥លានដុល្លារអាមេរិក)។

៥- ជនជាតិបារាំង៖ ៣៩០លានបាត (១១,៣២លានដុល្លារអាមេរិក)។

៦- ជនជាតិអាមេរិក៖ ៣៤៤លានដុល្លារ (១០លានដុល្លារអាមេរិក)។

៧- ជនជាតិអង់គ្លេស៖ ៣២៥លានបាត (៩,៤៤លានដុល្លារអាមេរិក)។

៨- ជនជាតិអូស្ត្រាលី៖ ៣១៨លានបាត (៩,២៤លានដុល្លារអាមេរិក)។

៩- ជនជាតិឥណ្ឌា៖ ២៧១លានដុល្លារ (៧,៨៧លានដុល្លារអាមេរិក)។

១០- ជនជាតិអាល្លឺម៉ង់៖ ២៥៥លានដុល្លារ (៧,៤លានដុល្លារអាមេរិក)។

ក្នុងត្រីមាសទី១ ដើមឆ្នាំមុន៤៥% នៃខុនដូដែលលក់ឱ្យជនបរទេស ត្រូវបានទិញយកដោយពលរដ្ឋចិន។

ទោះជាយ៉ាងណាក៏ដោយ លោក Wichai Viratakaphan និយាយថា វាគួរឱ្យភ្ញាក់ផ្អើលណាស់ដែលប្រជាជនកម្ពុជា បានចំណាយប្រាក់ខ្ពស់បំផុតទី៣ ក្នុងចំណោមអ្នកទិញបរទេស ហើយបានជាប់ឈ្មោះក្នុងចំណាត់ថ្នាក់កំពូលទាំង១០ (Top 10) ជាលើកដំបូងមិនធ្លាប់មាន៕  The Nation៕

 ដោយៈគង់ សូរិយា

       ភ្នំពេញៈ សំណួរទាំងនេះ នឹងជួយអ្នកកំណត់ភាពខ្លាំង និងភាពទន់ខ្សោយរបស់ពួកគេ ហើយចុងក្រោយអ្នកនឹងអាចសម្រេចចិត្តថា តើពួកគេសមស្របសម្រាប់អ្នក និងទ្រព្យសម្បត្តិរបស់អ្នក។

សំណួរសំភាសន៍អំពីបទពិសោធន៍ របស់អ្នកគ្រប់គ្រងអចលនទ្រព្យ

រឿងដំបូងដែលអ្នកនឹងចង់ដឹងគឺថា តើអ្នកគ្រប់គ្រងអនាគត ពិតជាធ្លាប់គ្រប់គ្រងទ្រព្យសម្បត្តិជួលពីមុន។ តំបន់នៃការសួរនេះមានន័យ ដើម្បីផ្តល់ ឱ្យអ្នកនូវការយល់ដឹង អំពីប្រវត្តិអ្នកគ្រប់គ្រងអចលនទ្រព្យ។ តាមរយៈចម្លើយរបស់ពួកគេ អ្នកនឹងសំរេចថាតើបទពិសោធន៍របស់ពួកគេ សមស្របនឹងតម្រូវការរបស់អ្នកជាវិនិយោគិនដែរឬទេ។

ឧទាហរណ៍ខ្លះនៃសំណួរដែលត្រូវសួរគឺ:

• តើអ្នកបានគ្រប់គ្រងទ្រព្យសម្បត្តិរយៈពេលប៉ុន្មាន?
• តើនេះគឺជាការងារពេញម៉ោងរបស់អ្នកឬទេ?
• តើអ្នកធ្វើការដោយខ្លួនឯងឬសម្រាប់អ្នកគ្រប់គ្រងទ្រព្យសម្បត្តិ / ក្រុមហ៊ុនគ្រប់គ្រង?
• តើអ្នកមានអចលនទ្រព្យប្រភេទ ណាខ្លះ ដែល អ្នកបានគ្រប់គ្រង?
• តើអ្នកមានបទពិសោធទាក់ទងនឹង * បញ្ចូលប្រភេទទ្រព្យសម្បត្តិដែលអ្នកជាម្ចាស់ទេ? – ប្រសិនបើអ្នកមានអគារចំនួន 10 ហើយអ្នកគ្រប់គ្រងមានបទពិសោធន៍ជាមួយគ្រួសារតែមួយពួកគេប្រហែលជាមិនមានបទពិសោធន៍ច្រើនសម្រាប់តម្រូវការជាក់លាក់របស់អ្នក។
• តើអ្នកកំពុងគ្រប់គ្រងអចលនទ្រព្យប៉ុន្មាន? – អ្នកមិនចង់ឱ្យទ្រព្យរបស់អ្នកបាត់បង់នៅក្នុងសាប់។
• តើអ្នកមានពេលវេលានិងធនធានដើម្បីបន្ថែមទ្រព្យសម្បត្តិរបស់ខ្ញុំ (ies) ទៅបន្ទុកការងាររបស់អ្នកឬទេ?
• តើអ្នកធ្លាប់ត្រូវបានគេបញ្ឈប់ពីការងារជាអ្នកគ្រប់គ្រងទ្រព្យសម្បត្តិដែរឬទេ?

  

សំណួរសមា្ភសន៍ទាក់ទងនឹងការអប់រំ:

ផ្នែកសំណួរបន្ទាប់ទាក់ទងទៅ នឹងការអប់រំរបស់អ្នកគ្រប់គ្រងអនាគត។ សំណួរអំពីការសិក្សានៅមហាវិទ្យាល័យ និងការអប់រំខ្ពស់ គឺមានសារៈសំខាន់ ប៉ុន្តែការផ្តោតអារម្មណ៍របស់អ្នកនៅទីនេះ គឺដើម្បីសិក្សាពីការអប់រំរបស់ពួកគេក្នុងនាមជាអ្នកគ្រប់គ្រងអចលនទ្រព្យ។

អ្នកចង់ដឹងថា តើពួកគេបានទទួលចំណេះដឹង និងការបណ្តុះបណ្តាលដែលចាំបាច់ ដើម្បីទទួលបានវិញ្ញាបនប័ត្រត្រឹមត្រូវ។ ឧទាហរណ៏នៃសំណួរដែលត្រូវសួរគឺ:

• តើអ្វីទៅជាកម្រិតអប់រំខ្ពស់បំផុតដែលអ្នកបានសម្រេច?
• តើអ្នកមានអាជ្ញាប័ណ្ណគ្រប់គ្រងឈ្មួញកណ្តាលឬទ្រព្យសម្បត្តិអចលនទ្រព្យរបស់អ្នកដែរឬទេ? – រដ្ឋភាគច្រើនទាមទារឱ្យអ្នកគ្រប់គ្រងអចលនទ្រព្យ មានអាជ្ញាប័ណ្ណដើម្បីឱ្យពួកគេអាចបង្ហាញអាផាតមិន។
• តើអ្នកមានវិញ្ញាបនប័ត្រប្រភេទណាមួយដែរឬទេ? – អង្គការពាណិជ្ជកម្មដូចជា IREM, NAA, NARPM និង CAI ផ្តល់វគ្គបណ្តុះបណ្តាលនិងបណ្តុះបណ្តាលនិងផ្តល់វិញ្ញាបនប័ត្របន្ទាប់ពីបញ្ចប់។
• តើអ្នកបានអនុវត្តជំហានណាមួយដើម្បីបន្តការគ្រប់គ្រងទ្រព្យសម្បត្តិរបស់អ្នកដែរឬទេ?

សំនួរសម្ភារះអំពីចំណេះដឹងអំពីច្បាប់ភតិកៈ:

អ្នកគ្រប់គ្រងអចលនទ្រព្យដែលមានចំណេះដឹងទូលំទូលាយអំពីច្បាប់ភតិសន្យានិងភតិកៈមិនអាចចរចារបានឡើយ។ ចាប់តាំងពីពួកគេតំណាងឱ្យអ្នកកំហុសឆ្គងណាមួយរបស់ពួកគេអាចបណ្តាលអោយមានបណ្តឹងប្រឆាំងនឹងអ្នកនិងទ្រព្យសម្បត្តិរបស់អ្នក។ ឧទាហរណ៏នៃសំណួរដើម្បីសួរអ្នកគ្រប់គ្រងអនាគតរួមបញ្ចូល:

• តើអ្នកយល់ច្បាប់ក្រុង, រដ្ឋនិងសហព័ន្ធសម្រាប់ការគ្រប់គ្រងទ្រព្យសម្បត្តិ និងដោះស្រាយជាមួយអ្នកជួលឬទេ?
• តើអ្នកយល់អំពីការទទួលខុសត្រូវរបស់ម្ចាស់ផ្ទះនៅក្រោមច្បាប់ភតិកៈទេ?
• តើអ្នកមានចំណេះដឹងអំពីច្បាប់លំនៅដ្ឋានត្រឹមត្រូវ ?
• តើអ្នកដឹងអំពីជំហាននានាដើម្បីបណ្តេញភតិកៈ ឱ្យបានត្រឹមត្រូវ ទេ?
• តើលេខកូដសុវត្ថិភាពសម្រាប់ប្រភេទអចលនទ្រព្យរបស់ខ្ញុំគឺជាអ្វី? – តើត្រូវការឧបករណ៍រកផ្សែងប៉ុន្មាន? តើពួកវាត្រូវតែមានខ្សែររឹងមែនទេ? តើអ្នកត្រូវការឆ្មាំបង្អួចនៅជាន់ទី 2 ដែរឬទេ?
• តើអ្នកស្គាល់ច្បាប់សម្រាប់ការប្រមូលនិងរក្សាទុកប្រាក់បញ្ញើសន្ដិសុខ ទេ?
• តើអ្នកដឹងពីអ្វីដែលត្រូវរួមបញ្ចូលក្នុងគោលនយោបាយសត្វចិញ្ចឹម និងបញ្ជីសត្វឆ្កែដែលគ្រោះថ្នាក់ ?
• តើអ្នកដឹងហេតុផលដែលអ្នកអាចបញ្ចប់ការជួលដែរឬទេ?៕
• 

 ដោយៈស៊ីវ ម៉េង

       ភ្នំពេញៈ អ្នកជំនាញជាន់ខ្ពស់កម្ពុជា វៀតណាម និងឥណ្ឌូនេស៊ីបានពិភក្សាគ្នាអំពី ដំណើរការអភិវឌ្ឍន៍លើវិស័យអចលនទ្រព្យនៅក្នុងតំបន់។

កិច្ចពិភាក្សាស្ដីពី Travel Abroad Virtually With Liborបានធ្វើឡើងកាលពីថ្ងៃទី១៩ ខែឧសភា ឆ្នាំ២០២២ លោក ច្រឹក សុខនីម ប្រធានសមាគមអ្នកវាយតម្លៃ និងភា្នក់ងារអចលនវត្ថុកម្ពុជា ត្រូវបានអញ្ជើញចូលរួមជាវាគ្មិនកិត្តិយស ក្នុងកិច្ចពិភាក្សាស្ដីពី Travel Abroad Virtually With Libor – Vietnam, Cambodia & Indonesia ដែលមានការអញ្ជើញចូលរួមពី លោក Doan Van Binh អនុប្រធានក្រុមប្រឹក្សាភិបាល នៃសមាគមអចលនទ្រព្យវៀតណាម និងលោក Rusmin Lawin អនុប្រធានអចលនទ្រព្យឥណ្ឌូនេស៊ី ទទួលបន្ទុកកិច្ចការអន្តរជាតិ ដែលត្រូវបានរៀបចំឡើងដោយ LONG ISLAND BOARD OF REALTORS តាមរយៈកម្មវិធី Zoom ។

ក្នុងគោលបំណង ពិភាក្សាពីគ្រប់ទិដ្ឋភាពទាំងអស់ នៃឧស្សាហកម្មអចលនទ្រព្យនៅក្នុងប្រទេសវៀតណាម កម្ពុជា និងឥណ្ឌូនេស៊ី ដើម្បីស្វែងយល់អំពីសេដ្ឋកិច្ច ទីផ្សារលំនៅដ្ឋាន ការលើកទឹកចិត្ត ការវិនិយោគបរទេស និងនីតិវិធីប្រតិបត្តិការ៕

ដោយៈ គង់ សូរិយា

       ភ្នំពេញៈ ស្របពេលការសាងសង់ផ្លូវ សម្រេចបានជាង៩៥ភាគរយ ក្រុមមន្រ្តីរដ្ឋាភិបាល និងក្រុមហ៊ុនសាងសង់ផ្លូវល្បឿនលឿនភ្នំពេញ ព្រះសីហនុនឹង បើកសម្ភោធគម្រោងផ្លូវល្បឿនលឿននេះ លើប្រព័ន្ធអ៉ីនធើណេត។

យោងតាមព៌តមាន ដែលបានបង្ហាញនៅលើផេកផ្លូវការរបស់ផ្លូវល្បឿនលឿនភ្នំពេញ ព្រះសីហនុកាលពីពេលថ្មីៗនេះបានឲ្យដឹងថា ប៉ុន្មានថ្ងៃមុននេះ គម្រោងផ្លូវល្បឿនលឿនភ្នំពេញ-ព្រះសីហនុ បានរៀបចំការបើកសម្ភាធលើប្រព័ន្ធអ៉ីន ធើណេតមួយ សម្រាប់មន្ត្រី និងអ្នកបច្ចេកទេសគ្រប់លំដាប់ថ្នាក់ នៃក្រសួងសាធារណការ និងដឹកជញ្ជូនកម្ពុជា ក៏ដូចជានិស្សិតមហាវិទ្យាល័យ មកពីវិទ្យាស្ថានវិស្វកម្មកម្ពុជា ដើម្បីស្វែងយល់អំពីអាថ៌កំបាំងនៃផ្លូវល្បឿនលឿននេះ។

ផ្លួវល្បឿនលឿនភ្នំពេញ-ក្រុងព្រះសីហនុ សម្រេចវឌ្ឍនភាពការងារបាន ៩០,៩៥ភាគរយ គិតត្រឹមថ្ងៃទី២២ ខែមេសា ឆ្នាំ២០២២ ត្រៀមដាក់ឱ្យប្រើប្រាស់សាកល្បង នៅខែកក្កដា ឆ្នាំ២០២២ ខាងមុខនេះ។

អ្នកបើកលើផ្លូវល្បឿនលឿន មិនតម្រូវឲ្យឈប់កណ្តាលផ្លូវ បត់នៅលើផ្លូវ មិនអាចឈប់បន្ទោរបង់ ហើយយានយន្តតូចៗ មិនអនុញ្ញាត្តឲ្យបើកបរលើ​ផ្លូវនេះនោះទេ។

អ្នកនាំពាក្យក្រសួងសាធារណៈការ និងដឹកជញ្ជូនលោកវ៉ាស៊ីម សូរិយាបានមានប្រសាសន៍ឲ្យដឹងកាលពីពេលថ្មីៗនេះថា ដោយសារផ្លូវនេះត្រូវគ្រប់គ្រងដោយក្រុមហ៊ុនសាងសង់ផ្លូវនេះ ប្រជាពលរដ្ឋនឹងមិនអាចជិះប  ញ្រ្ចាស ដូចលើផ្លូវដទៃទៀតតាមចិត្តពួកគេនោះទេ ហើយអ្នកបើកបរនឹងតម្រូវ​ឲ្យបើកក្នុងល្បឿនកំណត់មួយ ពិសេសអ្នកបើកយឺតត្រូវបើកនៅផ្នែកខាងស្តាំដៃបំផុត មិនអាចបើកកៀកនឹងសួនច្បារខាងឆ្វេងដៃ នៃលេនរបស់ផ្លូវម្ខាងៗនោះទេ៕