ដោយៈសុផារី

ក្រុងព្រះសីហនុៈ គម្រោងសាងសង់ឃ្លាំងភស្តុភារពហុមុខងាររបស់ក្រុមហ៊ុន អ៊ីអនម៉ល(ខេមបូឌា)ឡូជី ផ្លាស ខូអិលធីឌី (Aeon Mall (Cambodia) Logi Plus Co., Ltd) នៅថ្ងៃទី១១ ខែឧសភា ឆ្នាំ២០២២ បានចាប់ផ្តើមបើកការដ្ឋានសាងសង់នៅតំបន់សេដ្ឋកិច្ចពិសេស កំពង់ផែស្វយ័តក្រុងព្រះសីហនុ។

ពិធីក្រុងពាលីបើកការដ្ឋានគម្រោងធំមួយនេះ មានការចូលរួមពីសំណា​ក់លោក ម៉ាង ស៊ីណេត អភិបាលរងខេត្តព្រះសីហនុ និងលោក ហែម វណ្ឌី រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ។

មជ្ឈមណ្ឌលពហុមុខងារនេះ នឹងត្រូវសាងសង់នៅលើផ្ទៃដី ៣០.០០០ម៉ែត្រការ៉េ នៅក្នុងតំបន់សេដ្ឋកិច្ចពិសេសកំពង់ផែ ក្រុងព្រះសីហនុ ដោយគ្រោងដាក់ដំណើរការនៅឆ្នាំ២០២៣ខាងមុខ។

គម្រោងនេះ នឹងក្លាយជាមជ្ឈមណ្ឌលដឹកជញ្ជូនពហុមុខងារ ដែលនឹងមានផ្ដល់សេវាកម្មគ្រប់ជ្រុងជ្រោយ ក្នុងការគ្រប់គ្រងនិងដឹកជញ្ជូនទំនិញនាំចូល (Fulfillment service) និង សេវាកម្មសម្របសម្រួលនីតិវិធីគយ (Customs clearance) នៅក្នុងភណ្ឌាគារគយមានដែនកំណត់ (Bonded Warehouse) របស់ខ្លួន។

លោកម៉ាង ស៊ីណេត អភិបាលរងខេត្តព្រះសីហនុ បានបញ្ជាក់ថា ខេត្តព្រះសីហនុជាប៉ូលសេដ្ឋកិច្ច រាជរដ្ឋាភិបាលកម្ពុជាជម្រុញខេត្តព្រះសីហនុ ជាតំបន់សេដ្ឋកិច្ចពិសេសគំរូពហុបំណង ជាច្រកចេញចូលអន្តរជាតិ មជ្ឍមណ្ឌ​លភស្តុភាកម្ម ដែលមានទំនាក់ទំនងជាមួយប្រទេសក្នុងតំបន់អាស៊ាន និងពិភពលោក និងជម្រុញខេត្តព្រះសីហនុ ជាទីក្រុងឆ្លាតវៃប្រើប្រាស់បច្ចេកវិទ្យាឌីជីថល។

លោកបានបន្ថែមថា “កម្ពុជា និងជប៉ុនមានទំនាក់ទំនង និងកិច្ចសហប្រតិបត្តិការល្អ ហើយរដ្ឋាភិបាលជប៉ុន បានផ្តល់ហិរញ្ញវត្ថុជាជំនួយមនុស្សធម៌ជាច្រើនមកដល់កម្ពុជា ព្រមទាំងស្នើសុំឱ្យធុរកិច្ចជប៉ុន ជួយផ្សព្វផ្សាយពីសក្តានុពលខេត្តព្រះសីហនុ ដល់ប្រជាពលរដ្ឋ និងអ្នកវិនិយោគជប៉ុន មកទេសចរណ៍ និងវិនិយោគនៅខេត្តព្រះសីហនុកាន់តែច្រើនបន្ថែមទៀត”៕

Hanoi – AEON Mall Vietnam plans to build its first trading centre in the central region, AEON Mall Hue, covering a total 86,000sq.m, with an investment of 170 million USD in Thua Thien-Hue province’s An Van Duong new urban area.

The provincial People’s Committee said the plan, which was accepted by the local authorities earlier in May, would open for operation in 2023 to celebrate the 50th anniversary of Vietnam-Japan diplomatic ties.

It said the province and AEON Mall Vietnam had signed a Memorandum of Understanding on the development of a trading centre to boost tourism, trade, and attraction of investment from Japan to Thua Thien-Hue.

In 2020, Thua Thien-Hue approved the development of the An Van Duong urban centre in Huong Tra township on 42.6ha.

Last month, during the meeting with the Japanese Consulate General, Yakabe Yoshinori, the province’s leaders called for investment from Japan to the locality in terms of tourism, trade, service, and high-tech industries.

Last month, the American Chamber of Commerce (AmCham) and Thua Thien-Hue also agreed to boost ties between businesses from the US and the province to promote Hue as a future green economic growth area.

Source: VNS

ដោយៈសុខុម

ញូវយ៉ក: ក្រុមហ៊ុនបច្ចេវិទ្យាខ្នាតយក្ស Apple របស់អាមេរិក បានបាត់បង់តំណែង ជាក្រុមហ៊ុនមានតម្លៃបំផុតរបស់ពិភពលោក ស្របពេលវិនិយោគិន សម្រុកលក់ចេញភាគហ៊ុនបច្ចេកវិទ្យាយ៉ាងគំហុក។ នេះបើយោងតាមសារព័ត៌មាន BBC ចុះផ្សាយនៅថ្ងៃព្រហស្បតិ៍ ទី១២ ខែឧសភា នេះ។

ផ្ទុយមកវិញ ក្រុមហ៊ុនផលិតប្រេង និងឧស្ម័ននៃប្រទេសអារ៉ាប៊ីសាអូឌីត Aramco បានដណ្តើមតំណែងកំពូលនេះ ពីក្រុមហ៊ុន Apple ដែលជាអ្នកផលិត iPhone ដ៏ល្បីល្បាញជាលើកដំបូងក្នុងរយៈពេលជិត២ឆ្នាំមកនេះ។

វិនិយោគិនបាន និងកំពុងសម្រុកលក់ចេញភាគហ៊ុន ក្នុងក្រុមហ៊ុនប    ច្ចេកវិទ្យាយក្សមួយនេះ ដើម្បីបង្វែរការវិនិយោគរបស់ខ្លួន ទៅលើទ្រព្យសកម្មដែលមានហានិភ័យតិច។

ទន្ទឹមនេះ រូបិយប័ណ្ណឌីជីថល Bitcoin និងរូបិយប័ណ្ណឌីជីថលសំខាន់ៗផ្សេងទៀតក៏បានបន្តដាំក្បាលចុះយ៉ាងខ្លាំងផងដែរ។

ភាគហ៊ុនក្នុងក្រុមហ៊ុន Apple បានធ្លាក់ចុះជាង៥ភាគរយ នៅក្រុងញូវយ៉ក សហរដ្ឋអាមេរិក កាលពីថ្ងៃពុធ ទី១១ ខែឧសភា ដោយតម្លៃសរុបរបស់ខ្លួន នៅលើទីផ្សារភាគហ៊ុន បានធ្លាក់ចុះមកនៅត្រឹម២,៣៧ទ្រីលានដុល្លារ។

កត្តានេះបានធ្វើឱ្យ Apple បាត់បង់តំណែងជាក្រុមហ៊ុនមានតម្លៃបំផុតក្នុងពិភពលោក ហើយតំណែងកំពូលនេះ ធ្លាក់ទៅលើក្រុមហ៊ុនផលិតប្រេង និងឧស្ម័ន Aramco ដែលមានតម្លៃ២,៤២ទ្រីលានដុល្លារ។

ភាគហ៊ុនរបស់ក្រុមហ៊ុន Apple បានធ្លាក់ចុះខ្លាំងរហូតដល់ទៅជិត២០%ចាប់តាំងពីដើមឆ្នាំមក បន្ទាប់ពីបណ្ដាវិនិយោគិនសម្រុកលក់ចេញភាគហ៊ុនបច្ចេកវិទ្យា៕ BBC៕

ដោយៈ សុផារី

វៀតណាមៈ ក្រុមហ៊ុន Aeon Mall ប្រទេសវៀតណាម គ្រោងបោះទុនវិនិយោគ ទំហំទឹកប្រាក់១៧០លានដុល្លារអាមេរិក សាងសង់មជ្ឈមណ្ឌលពាណិជ្ជកម្មដំបូងរបស់ខ្លួន នៅក្នុងតំបន់កណ្តាល គឺ Aeon Mall Heu ដែលមានទំហំសរុបជាង៨ម៉ឺនម៉ែត្រការ៉េ នៅក្នុងតំបន់ទីក្រុងថ្មី អាន វ៉ាន់ឌឿង របស់ខេត្ត ធូ ធៀន ហឿ (Thua Thien Hue)។

នេះបើយោងតាមការចុះផ្សាយរបស់សារព័ត៌មាន ក្នុងស្រុកវៀតណាម VNS នៅថ្ងៃទី១០ ខែឧសភាកន្លងមកនេះ។

ប្រភពដដែលបានលើកឡើងថា ផែនការនេះ ត្រូវបានទទួលយកដោយអាជ្ញាធរមូលដ្ឋានខេត្ត ធូ ធៀន ហឿ កាលពីដើមខែឧសភា ហើយគ្រោងនឹងបើកដំណើរការនៅឆ្នាំ២០២៣ ដើម្បីអបអរសាទរខួបលើកទី៥០ នៃទំនាក់ទំនងការទូតរវាងប្រទេសវៀតណាម និងប្រទេសជប៉ុន។

អាជ្ញាធរមូលដ្ឋានខេត្ត និងក្រុមហ៊ុន អ៉ីអនម៉លវៀតណាម បានចុះហត្ថលេខា លើអនុស្សរណៈនៃការយោគយល់គ្នា លើការអភិវឌ្ឍន៍មជ្ឈមណ្ឌលពាណិជ្ជកម្ម ដើម្បីជំរុញទេសចរណ៍ ពាណិជ្ជកម្ម និងការទាក់ទាញការវិនិយោគពីប្រទេសជប៉ុនមកកាន់ទីក្រុង ហឿ។

កាលពីខែមេសាកន្លងទៅ ក្នុងជំនួបជាមួយអគ្គកុងស៊ុលជប៉ុន ភាគីវៀតណាម តំណាងដោយថ្នាក់ដឹកនាំខេត្ត បានអំពាវនាវឱ្យមានការវិនិយោគពីប្រទេសជប៉ុន មកកាន់មូលដ្ឋានខេត្តក្នុងវិស័យទេសចរណ៍ ពាណិជ្ជកម្ម សេវាកម្ម និងឧស្សាហកម្មបច្ចេកវិទ្យាខ្ពស់។

ជាមួយគ្នានេះ សភាពាណិជ្ជកម្មអាមេរិក និង ខេត្ត ធូ ធៀន ហឿ ក៏បានព្រមព្រៀងគ្នា ក្នុងការជំរុញទំនាក់ទំនងរវាងធុរកិច្ចមកពី សហរដ្ឋអាមេរិក និងខេត្ត ដើម្បីលើកកម្ពស់ទីក្រុងហឿ ជាតំបន់កំណើនសេដ្ឋកិច្ចបៃតងនាពេលអនាគត។

ទីក្រុងហឿ និងទីក្រុងដាណាង គឺជាមជ្ឈមណ្ឌលទេសចរណ៍ពីរ នៅភាគកណ្តាលវៀតណាម ដែលជាគោលដៅជាទីពេញចិត្ត របស់អ្នកវិនិយោគ មកពីបណ្តាប្រទេសអឺរ៉ុប ជប៉ុន សហរដ្ឋអាមេរិក ក្នុងវិស័យបច្ចេកវិទ្យាខ្ពស់ ទេសចរណ៍ ភស្តុភារ ការថែទាំសុខភាព និងកសិកម្មជឿនលឿន ខណៈតំបន់ទាំង២នេះ ស្ថិតនៅលើផ្លូវជាតិ មានប្រព័ន្ធផ្លូវដែក កំពង់ផែសមុទ្រ អាកាសយានដ្ឋាន និងតំបន់ធំៗ សម្រាប់ការអភិវឌ្ឍតំបន់ឧស្សាហកម្ម៕

ដោយៈលាងហួរ

ប្រទេសថៃៈ ក្រុមហ៊ុនអភិវឌ្ឍន៍អចលនទ្រព្យ Frasers Property Thailand (FPT) ដែលបានចុះបញ្ជីក្នុង SET គ្រោងនឹងចំណាយប្រាក់ជិត៤០០លានដុល្លារ លើសណ្ឋាគារ លំនៅដ្ឋាន និងអចលនទ្រព្យឧស្សាហកម្មក្នុងចុងឆ្នាំនេះ ដោយសារវិស័យអចលនទ្រព្យបន្តងើបឡើងវិញ បន្ទាប់ពីការដាក់អោយបើកដំណើរការឡើងវិញរបស់ប្រទេសថៃ។

ប្រធានផ្នែកហិរញ្ញវត្ថុរបស់ក្រុមហ៊ុនខាងលើ លោក Somboon Wasinchutchawal បានមានប្រសាសន៍ថា ទុនវិនិយោគភាគច្រើន ដែលមានចំនួនជិត៣០០លានដុល្លារ ត្រូវបានបែងចែកទៅឱ្យអាជីវកម្មអភិវឌ្ឍន៍លំនៅដ្ឋាន រួមទាំងការទិញដីថ្មី និងការសាងសង់ផ្ទះ។ ថវិកាចំនួនជាង៥៧លានផ្សេងទៀត ត្រូវបានបម្រុងទុកសម្រាប់ការអភិវឌ្ឍអចលនទ្រព្យឧស្សាហកម្មថ្មី។

ចំណែក ទឹកប្រាក់ចំនួនជាង៤៨លានដុល្លារ សម្រាប់ការទិញសិទ្ធិជួលដែលនៅសេសសល់សម្រាប់ដី និងអគាររបស់ Mayfair Marriott Executive Apartments ពី GOLD Property Fund។

មូលនិធិនេះនឹងបានមកពីសាច់ប្រាក់ ចំណូលប្រតិបត្តិការ ប្រាក់កម្ចី និងចំណូលពីការលក់ឧស្សាហកម្ម ភស្តុភារចំនួន២៧ ផ្ទះដែលមានផ្ទៃដីទំហំ៧៦,៦៧៥ ម៉ែត្រការ៉េ នៅអាយុធ្យា ប្រាជីនបូរី និងចនបុរី ដែលមានតម្លៃ 1.65-1.75 ពាន់លានបាត ប្រគល់ជូនក្រុមហ៊ុន Frasers Property Thailand Industrial Freehold & Leasehold REIT (FTREIT) ក្នុងខែកញ្ញា ឆ្នាំ២០២២នេះ។

លោកThanapol Sirithanachai នាយកប្រតិបត្តិប្រចាំប្រទេសនៃ FPT  បានមានប្រសាសន៍ថា វិស័យអចលនទ្រព្យ បែបឧស្សាហកម្មដ៏រឹងមាំ បានកើនឡើងលើតម្រូវការសម្រាប់កិច្ចសន្យាជួលរយៈពេលខ្លីសម្រាប់រោងចក្រនិងឃ្លាំង។

លោកបានបន្តថា “ទស្សនវិស័យកាន់តែប្រសើរឡើង ត្រូវបានរំពឹងទុកនៅក្នុងត្រីមាសទី២នៃឆ្នាំ២០២២នេះ” ។ ត្រីមាសទី 1 ឆ្នាំ២០២២ អត្រាកាន់កាប់សម្រាប់រោងចក្រជួល និងឃ្លាំងមានចំនួន៨៥% ជាមធ្យម ដែលជំរុញដោយតម្រូវការពីអាជីវកម្មអេឡិចត្រូនិក”៕

ដោយៈគង់ សូរិយា

        អាមេរិកៈ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបញ្ជាក់អំពីជំហរការបរទេសរបស់កម្ពុជាថា កម្ពុជាមិនបានជ្រើសរើសចិន ប្រឆាំងនឹងអាមេរិក ឬជ្រើសរើសប្រទេសណាមួយ ដើម្បីប្រឆាំងប្រទេសណានោះឡើយ ដោយកម្ពុជាប្រកាន់ខ្ជាប់ នូវគោលនយោបាយការបរទេសចម្រុះពណ៌។

ការបញ្ជាក់អំពីជំហរនយោបាយការបរទេសនេះ បានធ្វើឡើងខណៈដែលសម្តេចមានវត្តមាននៅសហរដ្ឋអាមេរិក បន្ទាប់ពីមានការវាយប្រហារថា កម្ពុជាមាននយោបាយរណបចិន ប្រឆាំងនឹងសហរដ្ឋអាមេរិក ក៏ដូចជាងាកចេញពីវៀតណាម។

ថ្លែងក្នុងពិធីជួបសំណេះសំណាលជាមួយ ប្រជាពលរដ្ឋខ្មែររស់នៅសហរដ្ឋអាមេរិក និងកាណាដាប្រមាណ២ពាន់នាក់ នៅរដ្ឋធានីវ៉ាស៊ីនតោន នៅព្រឹកថ្ងៃទី១២ ខែឧសភា ឆ្នាំ២០២២នេះ (ម៉ោងនៅកម្ពុជា) សម្តេចតេជោ ហ៊ុន សែន បានបញ្ជាក់ថា “យើងអត់ត្រូវការជ្រើសរើសរវាងចិន និងអាមេរិក ទោះបីជាអ្នកឯងបង្ខំឲ្យខ្ញុំជ្រើសរើសមួយ ក៏ខ្ញុំអត់ធ្វើការជ្រើសរើស យើងអត់ត្រូវការជ្រើសរើសវៀតណាមទៅប្រឆាំងថៃ ទៅជ្រើសរើសថៃប្រឆាំងវៀតណាម ទៅជ្រើសរើសវៀតណាមប្រឆាំងចិន ទៅជ្រើសរើសចិនប្រឆាំងវៀតណាម គឺអត់ជ្រើសរើសទេ”។

សម្ដេចតេជោ ហ៊ុន សែន បានបញ្ជាក់បន្ថែមថា នៅក្នុងអាស៊ានក៏ដូចគ្នាដែរ យើងមិនមានជ្រើសរើសនរណានោះទេ។ សម្តេចបានបញ្ជាក់ថា វត្តមានរបស់សម្ដេចមកកាន់សហរដ្ឋអាមេរិកនេះ ម្ខាងក្នុងតួនាទីជាប្រធានអាស៊ាន និងម្ខាងទៀតតួនាទីជានាយករដ្ឋមន្ត្រីកម្ពុជា ដែលជាសមាជិកអាស៊ាន ដែលធ្វើឡើងតបតាមការអញ្ជើញរបស់ ប្រធានាធិបតីអាមេរិក ចូ បៃដិន។

សម្ដេចលើកឡើងថា កន្លងទៅមានអ្នកខ្លះលើកឡើងថា គេយកសម្ដេ​ចមកធ្វើទីងមោងនៅសហរដ្ឋអាំមេរិក។ សម្ដេចបានចោទសួរថា បើសម្ដេចជាប្រធានអាស៊ានទីងមោងនោះ ម៉្លេះសមាជិកអាស៊ាន៩ប្រទេសទៀតក៏ជាទីងមោងដូចគ្នា ហើយលោកចូ បៃដិន ប្រធានាធិបតីអាមេរិក ដែលជាដៃគូសន្ទនាអាស៊ាន ហើយធ្វើជាសហប្រធានកិច្ច ប្រជុំកំពូលពិសេសអាស៊ាន-អាមេរិក ក៏ជាទីងម៉ោងដូចគ្នាដែរ។

សម្ដេចតេជោ នាយករដ្ឋមន្រ្តី បានចាត់ទុកថា អ្នកដែលបានរិះគន់ថា សម្ដេចត្រូវបានគេយកមកធ្វើជាទីងមោង នៅសហរដ្ឋអាមេរិកនេះ គឺជាអ្នកដែលពុំមានការយល់ដឹង ទាក់ទងជាមួយនឹងច្បាប់អាស៊ាន និងគោលការណ៍របស់អាស៊ាននោះទេ៕