ដោយ​ សុខុម

ហុងកុង: ដំណឹងដ៏រំជើបរំជួលថា កំពូលមហាសេដ្ឋីចិន Jack Ma សហស្ថាបនិកក្រុមហ៊ុន Alibaba ត្រូវឃាត់ខ្លួន បានធ្វើឱ្យភាគហ៊ុនរបស់ក្រុមហ៊ុនប្រភេទ E-commerce ខ្នាតយក្សមួយនេះធ្លាក់ចុះរហូតដល់ទៅ៩,៤% ដែលគិតជាប្រាក់ស្មើនឹង២៦ពាន់លានដុល្លារអាមេរិក។

ភាពជ្រួលច្របល់ក្នុងទីផ្សារភាគហ៊ុននេះ បានកើតមានឡើង ក្រោយពីស្ថានីយទូរទស្សន៍រដ្ឋ China Central Television (CCTV) បានផ្សាយកាលពីថ្ងៃអង្គារ ទី៣ ខែឧសភាថា ជនសង្ស័យម្នាក់មានត្រកូល Ma រស់នៅក្រុងហាងចូវ (Hangzhou) ទីដែលក្រុមហ៊ុន Alibaba បោះមូលដ្ឋានការិយាល័យកណ្ដាលត្រូវបានឃាត់ខ្លួន តាមការសង្ស័យពីបទបង្កអសន្តិ​សុខជាតិ។ នេះបើយោងតាមសារព័ត៌មាន CNN ចុះផ្សាយនៅថ្ងៃព្រហស្បតិ៍ ទី ៥ ខែឧសភា នេះ។

ស្ថានីយទូរទស្សន៍ចិន ដដែលបានផ្សាយថា ជនសង្ស័យត្រូវបានឃាត់ខ្លួនកាលពីថ្ងៃទី២៥ ខែមេសា តាមការសង្ស័យពីបទ “ឃុបឃិតជាមួយកងកម្លាំងប្រឆាំងប្រទេសចិន នៅក្រៅប្រទេស” និងបទ “ញុះញង់”។

សេចក្ដីរាយការណ៍នេះ បានធ្លាយទៅដល់ស្ថាប័នសារព័ត៌មានរដ្ឋផ្សេងៗទៀត និងស្ថាប័នសារព័ត៌មានទូទាំងប្រទេសចិនភ្លាមៗ បង្កការឆោឡោ និងធ្វើឱ្យអ្នកវិនិយោគសម្រុកលក់ចេញ ភាគហ៊ុននៅក្រុងហុងកុង ដែលធ្វើឱ្យតម្លៃទីផ្សាររបស់ក្រុមហ៊ុន Alibaba ខាតបង់រហូតដល់ទៅ២៦ពាន់លានដុល្លារអាមេរិក ក្នុងពេលត្រឹមតែប៉ុន្មាននាទី។

ទោះជាយ៉ាងណា អំឡុងពេលចលាចលនេះ លោក Hu Xijin អតីតអគ្គនិពន្ធនាយកកាសែតចិន Global Times បានប្រញាប់ចូលទៅបញ្ជាក់ លើបណ្ដាញទំនាក់ទំនងសង្គមចិន Weibo ថា សេចក្ដីរាយការណ៍ព័ត៌មាននោះ បានបង្កឱ្យមានការយល់ច្រឡំ ព្រោះជនសង្ស័យ ដែលត្រូវឃាត់ខ្លួនមានឈ្មោះ Ma Yun គឺមិនមែនកំពូលមហាសេដ្ឋី Jack Ma មេក្រុមហ៊ុន Alibaba នោះឡើយ។

ដើម្បីបញ្ជាក់ឱ្យកាន់តែច្បាស់បន្ថែមទៀត កាសែតGlobal Times បានចុះផ្សាយថា ជនសង្ស័យរូបនោះកើតក្នុងឆ្នាំ១៩៨៥ នៅក្រុងវិនចូវ (Wenzhou) បច្ចុប្បន្នមានវ័យ៣៧ឆ្នាំ និងមានមុខងារជានាយកផ្នែកស្រាវជ្រាវ និងអភិវឌ្ឍន៍ Hardwareនៅក្រុមហ៊ុនបច្ចេកវិទ្យាព័ត៌មាន (IT) មួយ ខណៈលោក Jack Ma កើតក្នុងឆ្នាំ១៩៦៤ នៅក្រុងហាងចូវ (Hangzhou) បច្ចុប្បន្នវ័យ៥៨ឆ្នាំ៕ CNN៕

WASHINGTON: The Federal Reserve on Wednesday (May 4) announced its biggest rate hike since 2000, with a half percentage point increase as it works to crush soaring US inflation.

With inflation at the highest rate in four decades, Federal Reserve Chair Jerome Powell sent a message directly to the American people, expressing concern for the pain caused by rising prices, and pledging to use all available tools to bring them down.

But he told reporters he remains confident the economy is strong enough to withstand rate increases without tipping into a recession.

After a quarter-point hike in March, the US central bank’s policy-setting Federal Open Market Committee (FOMC) pushed the benchmark interest rate above 0.75 per cent as it works to cool the economy, and confirmed more increases “will be appropriate”.

The hike will raise the costs of all types of borrowing, from mortgages to credit cards to car loans, cooling demand and business activity.

Inflation has become an overriding concern after the world’s largest economy saw annual consumer prices surge 8.5 per cent over the 12 months to March – the biggest jump since December 1981.

Policymakers continue to believe inflation will gradually return to the Fed’s two-per cent target as it raises borrowing costs, but in a statement following the conclusion of its two-day meeting, the FOMC said it will be “highly attentive to inflation risks”.

In an unusual move, Powell opened his news conference speaking to the American people.

“Inflation is much too high. And we understand the hardship that is causing,” he said, promising to use all tools available to bring it down “expeditiously”.

He acknowledged that higher interest rates also bring their share of pain, but “everyone would be better off if we can get this job done. The sooner, the better”.

To achieve that aim, he said “additional 50-basis point increases should be on the table at the next couple of meetings”, however, a more aggressive three-quarter point hike is not under consideration.

The Fed’s goal is to engineer a “soft landing”, reining in inflation while avoiding a contraction in economic activity, and Powell said that outcome is likely.

“It’s a strong economy, and nothing about it suggested … that it’s close to or vulnerable to a recession,” he said.

Source: CNA

ដោយៈសុផារី

ភ្នំពេញៈ ក្រុមហ៊ុន King Technologies Co, Ltd ដែលគេស្គាល់ថា ជាម្ចាស់ក្រុមហ៊ុនអ៉ីនធើណិត Opennetត្រូវបានផ្ទេរឱ្យក្រុមហ៊ុនEZECOM របស់អ្នកឧកញ៉ា គិត ម៉េងជាអ្នកគ្រប់គ្រងវិញ។

នេះបើតាមសេចក្តីប្រកាសព័ត៌មាន របស់អភិបាលបណ្តោះអាសន្ន នៃកូនបំណុលក្រុមហ៊ុន Opennet ដែលចេញផ្សាយនៅថ្ងៃទី៥ ខែឧសភានេះ។

សេចក្តីប្រកាសព័ត៌មានបានឱ្យដឹងថា អភិបាលបណ្តោះអាសន្ន នៃកូនបំណុលក្រុមហ៊ុនKing Technologies Co., Ltd. (Opennet) ប្រកាសថា អតិថិជនទាំងអស់របស់កូនបំណុលក្រុមហ៊ុន King Technologies Co., Ltd. (Opennet) ត្រូវបានផ្ទេរទៅឱ្យក្រុមហ៊ុន Ezecom Co., Ltd ចាប់ពីថ្ងៃប្រកាសព័ត៌មាននេះតទៅ។

ក្រុមហ៊ុន Opennet បានជួបបញ្ហាបំណុលមិនអាចដោះស្រាយបាន ទើបមានការតែងតាំងឲ្យអភិបាលបណ្តោះអាសន្ន ដើម្បីគ្រប់គ្រ ងបន្តលើក្រុមហ៊ុននេះ។ ប៉ុន្តែពេលនេះ ត្រូវបានផ្ទេរទៅឲ្យក្រុមហ៊ុន Ezecom របស់អ្នកឧកញ៉ា គិត ម៉េង ជាអ្នកគ្រប់វិញជំនួសវិញ៕

  ដោយៈគង់ សូរិយា

        ភ្នំពេញៈ ផ្លូវបេតុងមួយខ្សែមានប្រវែង៦,០០០ម៉ែត្រ​ ដែលប្រសិទ្ធនាមថា “​ រុក្ខវិថី បុប្ផា ប្រសិទ្ធ​ “​ ជុំវិញឧទ្យានជាតិកែប ត្រូវបានសម្ភោធដាក់ឱ្យប្រើប្រាស់ជាផ្លូវការ ដែលនឹងបម្រើដល់វិស័យទេសចរណ៍ក្នុងខែត្តកែប។​

ពិធីសម្ភោធផ្លូវរុក្ខវិថីនេះ ត្រូវបានធ្វើឡើង នៅថ្ងៃទី​៤ ខែឧសភា ក្រោមវត្តមានលោកបណ្ឌិត​ សាយ សំអាល់ រដ្ឋមន្ត្រីក្រសួងបរិស្ថាន​​ លោកជំទាវ ចម និម្មល រដ្ឋលេខាធិការក្រសួងពាណិជ្ជកម្ម លោកបណ្ឌិត សោម ពិសិដ្ឋ អភិបាលខេត្តកែបនិងអាជ្ញាធរពាក់ព័ន្ឋ។

រដ្ឋមន្រ្តីក្រសួងបរិស្ថាន លោកសាយ សំអាល់បានមានប្រសាសន៍ថា ផ្លូវបេតុង ប្រវែង៦,០០០ម៉ែត្រនេះ នឹងក្លាយជាផ្លូវទាក់ទាញ ភ្ញៀវទេសច​រណ៍ថ្មើជើង ឬទេសចរណ៍ប្រើរថយន្តតូចៗ និងទោចក្រយានយន្តតែប៉ុណ្ណោះ ប៉ុន្តែសម្រាប់ភ្ញៀវទេសចរណ៍ អាចមកលំហែកំសាន្តបែបធម្មជាតិ ស្រូបខ្យល់អាកាសបរិសុទ្ធ គយកន់រុក្ខជាតិពណ៍បៃតងជាច្រើន នៅក្នុងព្រៃឧទ្យានជាតិនេះ។

លោកបានសម្តែងសុទិដ្ឋិនិយមថា “ឧទ្យានជាតិនេះ និងប្រែក្លាយទៅជាបំណែកមួយ ជាមួយនឹងការធ្វើសមាហរណកម្ម វិស័យទេសចរណ៍​ សេដ្ឋកិច្ចខេត្ត និងបំណែកមួយទៀតជួយដល់សេដ្ឋកិច្ចរបស់ប្រជាពលរដ្ឋ”។

ឧទ្យានជាតិកែប គឺជាឧទ្យានជាតិមួយ ស្ថិតនៅកណ្តាលក្រុងកែប ខេត្តខេត្តកែប របស់ប្រទេសកម្ពុជាដែលត្រូវបានបង្កើតឡើងក្នុងឆ្នាំ ១៩៩៣។ខេត្តនេះមានទំហំផ្ទៃដី៦៦,៦គីឡូម៉ែត្រការ៉េ។ ឧទ្យាននេះរួមមានជួរភ្នំតូចមួយដែលមានផ្លូវ និងផ្លូវលំដែលពេញនិយមពីអ្នកទេសចរណ៍៕

ដោយ៖ សុផារី

ភ្នំពេញ៖ ផ្សារលក់ទំនិញម៉ាក្រូប្រកាសបោះទុនវិនិយោគប្រមាណ១២,៧លានដុល្លារអាមេរិក ក្នុងគម្រោងពង្រីកសាខាទីពីររបស់ខ្លួន ក្រោយជោគជ័យយ៉ាងខ្លាំងលើសាខាទី១នៅក្នុងប្រទេសកម្ពុជា។

ក្រុមហ៊ុនផ្សារលក់ទំនិញ MAKRO (CAMBODIA) COMPANY LIMITED នឹងសាងសង់គម្រោងមជ្ឈមណ្ឌលពាណិជ្ជកម្មធំមួយ ដែលជាសាខាផ្សារទំនើបម៉ាក្រូទី២ មានទីតាំងស្ថិតនៅស្តុបលីយ៉ុងផាត់ ផ្លូវជាតិលេខ៦អា ភូមិបាក់ខែងលើ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ និងត្រូវបានរំពឹងថា អាចបង្កើតការងារបានចំនួន១៦១កន្លែង។

នេះបើតាមសេចក្តីជូនដំណឹងរបស់គណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា (CDC) នៅរសៀលថ្ងៃទី៥ឧសភា២០២២នេះ ស្តីអំពីការអនុម័តគម្រោងវិនិយោគថ្មីចំនួន៦បន្ថែមទៀត ដែលមានទឹកប្រាក់វិនិយោគសរុបចំនួនជាង១៥២,៦លានដុល្លាអាមេរិក។

ក្រុមហ៊ុន Siam Makro Plc ដែលជាក្រុមហ៊ុនមេរបស់ក្រុមហ៊ុន MAKRO (CAMBODIA) COMPANY LIMITED កាលពីដើមឆ្នាំ២០២២នេះ បានប្រកាសផែនការវិនិយោគបន្ថែមចំនួន១១ពាន់លានបាត ឬស្មើនឹង លានដុល្លារអាមេរិក ក្នុងការពង្រីកអាជីវកម្ម ក្នុងនោះក្រុមហ៊ុននឹងពង្រីកបន្ថែមហាងថ្មីចំនួនពីរនៅក្នុងប្រទេសកម្ពុជា។

តាមរយៈផែនការពង្រីកនេះ បានធ្វើឱ្យចំនួនផ្សារ Makro មានចំនួនសរុប១៨៤នៅឆ្នាំ២០២២នេះ។ ក្នុងចំណោមចំនួនផ្សារសរុប មាន១៧២ផ្សារមានទីតាំងនៅក្នុងប្រទេសថៃ ហើយ១២កន្លែងទៀតស្ថិតនៅទីផ្សារបរទេស៕

ដោយ៖ វឌ្ឍនៈ

ភ្នំពេញ ៖ គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា (CDC) នៅរសៀលថ្ងៃទី៥ឧសភា២០២២នេះ បានអនុម័តគម្រោងវិនិយោគថ្មីចំនួន៦បន្ថែមទៀត ដែលមានទឹកប្រាក់វិនិយោគសរុបចំនួនជាង១៥២,៦លានដុល្លាអាមេរិក។

គម្រោងទាំង៦ដែលត្រូវបានក្រុមប្រឹក្សាអភិវឌ្ឍន៍អនុម័តរួមមាន ៖

១. RONG JIN C C CERAMIC CO., LTD. គម្រោងបង្កើតរោងចក្រផលិតឥដ្ឋការ៉ូគ្រប់ប្រភេទ ដែលមានទីតាំងវិនិយោគស្ថិតនៅភូមិអូរត្រាវ ឃុំអណ្តូងថ្ម ស្រុកព្រៃនប់ ខេត្តព្រះសីហនុ មានទុនវិនិយោគប្រមាណ ៧១,៥លានដុល្លារអាមេរិក និងអាចបង្កើតការងារបានចំនួន ៣០៤កន្លែង។

២. ELITE SOLAR (CAMBODIA) CO., LTD. គម្រោងបង្កើតរោងចក្រផលិតនិងផ្គុំដំឡើងបន្ទះសូឡា ដែលមានទីតាំងវិនិយោគស្ថិតនៅអគារលេខ A10 & A12 ផ្លូវជាតិលេខ៤ ភូមិស្វាយជ្រុំ ឃុំបែកចាន ស្រុកអង្គស្នួល ខេត្តកណ្តាល មានទុនវិនិយោគប្រមាណ ៤៧,២លានដុល្លារអាមេរិក និងអាចបង្កើតការងារបានចំនួន ៩៣៧កន្លែង។

៣. MAKRO (CAMBODIA) COMPANY LIMITED គម្រោងបង្កើតមជ្ឈមណ្ឌលពាណិជ្ជកម្ម ដែលមានទីតាំងវិនិយោគស្ថិតនៅភូមិបាក់ខែងលើ សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ មានទុនវិនិយោគប្រមាណ ១២,៧លានដុល្លារអាមេរិក និងអាចបង្កើតការងារបានចំនួន ១៦១កន្លែង។

៤. SHENG KA SHIN ELECTRONIC REBORN RESOURCE CO., LTD. គម្រោងបង្កើតរោងចក្រផ្គុំដំឡើងបន្ទះអេឡិចត្រូនិក ដែលមានទីតាំងវិនិយោគស្ថិតនៅភូមិព្រៃក្តួច ឃុំត្រពាំងក្រញូង ស្រុកត្រាំកក់ ខេត្តតាកែវ មានទុនវិនិយោគប្រមាណ ៩,៦លានដុល្លារអាមេរិក និងអាចបង្កើតការងារបានចំនួន ៥០៥កន្លែង។

៥. LHTL DECORATION (CAMBODIA) CO., LTD. គម្រោងបង្កើតរោងចក្រផលិតនិងផ្គុំដំឡើងខ្សែអំពូលភ្លើងតុបតែងនិងដើមឈើសិប្បនិម្មិតគ្រប់ប្រភេទ ដែលមានទីតាំងវិនិយោគស្ថិតនៅផ្លូវជាតិលេខ៤ ភូមិទេពភិរម្យ ឃុំវាលពន់ ស្រុកថ្ពង ខេត្តកំពង់ស្ពឺ មានទុនវិនិយោគប្រមាណ ៦,២លានដុល្លារអាមេរិក និងអាចបង្កើតការងារបានចំនួន ៣៥៦កន្លែង។

៦. JBT TECHNOLOGY CO., LTD. គម្រោងបង្កើតរោងចក្រផ្គុំដំឡើងអំពូលភ្លើងពណ៌លម្អគ្រប់ប្រភេទ ដែលមានទីតាំងវិនិយោគស្ថិតនៅភូមិកប់គង សង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ មានទុនវិនិយោគប្រមាណ ៥,៤លានដុល្លារអាមេរិក និងអាចបង្កើតការងារបានចំនួន ១.១៧៣កន្លែង៕

ដោយ៖ សុខុម​

វ៉ាស៊ីនតោន: ធនាគារកណ្តាលអាមេរិក កាលពីថ្ងៃពុធ ទី៤ ខែឧសភា បានប្រកាសដំឡើងអត្រាការប្រាក់ខ្ពស់បំផុតមិនធ្លាប់មានចាប់តាំងពីឆ្នាំ២០០០ ដោយដំឡើងពិន្ទុ​ភាគរយ​ចំនួន​ពាក់​កណ្តាល​​ ដើម្បីទប់អតិផរណាដែលកំពុងហក់ឡើងកាន់តែខ្ពស់នៅសហរដ្ឋអាមេរិក។

ដោយអតិផរណាហក់ឡើងក្នុងអត្រាខ្ពស់បំផុតមិនធ្លាប់មានក្នុងរយៈពេល៤ទសវត្សរ៍មកនេះ លោក Jerome Powell ប្រធានធនាគារកណ្ដាលអាមេរិក បានបញ្ជូនសារផ្ទាល់ទៅកាន់ពលរដ្ឋអាមេរិក ដោយបានបង្ហាញក្ដីបារម្ភចំពោះផលប៉ះពាល់ ដែលបណ្តាលមកពីការឡើងថ្លៃទំនិញ ហើយសន្យាថានឹងប្រើប្រាស់គ្រប់វិធីដើម្បីធ្វើឱ្យថ្លៃទំនិញធ្លាក់ចុះមកវិញ។ នេះបើយោងតាមសារព័ត៌មាន CNA ចុះផ្សាយនៅថ្ងៃព្រហស្បតិ៍ ទី០៥ ខែឧសភា នេះ។

ទោះជាយ៉ាងណា លោកបានថ្លែងប្រាប់ក្រុមអ្នកយកព័ត៌មានថា លោកនៅតែមានទំនុកចិត្តថា សេដ្ឋកិច្ចអាមេរិកមានភាពរឹងមាំគ្រប់គ្រាន់ ដើម្បីទប់ទល់នឹងការដំឡើងអត្រាការប្រាក់ ដោយមិនឱ្យធ្លាក់ចូលក្នុងវិបត្តិសេដ្ឋកិច្ច។

បន្ទាប់ពីការដំឡើងអត្រាការប្រាក់១ភាគ៤ភាគរយ​ក្នុងខែមីនា គណៈកម្មាធិការទីផ្សារបើកទូលាយសហព័ន្ធ (FOMC) នៃធនាគារកណ្តាលអាមេរិក បានជំរុញអត្រាការប្រាក់គោលឱ្យឡើងលើសពី០,៧៥% ដើម្បីរក្សាស្ថិរភាពសេដ្ឋកិច្ច ហើយបានអះអាងថា ការដំឡើងអត្រាការប្រាក់បន្ថែមទៀត “នឹងជាការសមស្រប”។

ការដំឡើងនេះនឹងធ្វើឱ្យអ្នកខ្ចីប្រាក់សម្រាប់កម្ចីគ្រប់ប្រភេទចំណាយច្រើនជាងមុន រាប់ចាប់ពីកម្ចីទិញផ្ទះ ប័ណ្ណឥណទាន រហូតដល់កម្ចីទិញរថយន្ត។

អតិផរណាបានក្លាយជាកង្វល់ដ៏ធំធេង បន្ទាប់ពីសហរដ្ឋអាមេរិក ដែលជាសេដ្ឋកិច្ចធំបំផុតរបស់ពិភពលោក ជួបវិបត្តិទំនិញឡើងថ្លៃខ្ពស់រហូតដល់ទៅ៨,៥% ក្នុងរយៈពេល១២ខែមកនេះ គិតមកទល់នឹងខែមីនា ដែលជាការហក់ឡើងខ្ពស់បំផុតមិនធ្លាប់មានចាប់តាំងពីខែធ្នូ ឆ្នាំ១៩៨១ មក៕

ដោយ៖ សុផារី

ភ្នំពេញ៖ កំពង់ផែទឹកជ្រៅកម្រិតអន្តរជាតិដ៏ធំនៅខេត្តកំពត ដែលនឹងក្លាយជាសរសៃឈាមដ៏សំខាន់សម្រាប់ការដឹកជញ្ជូនផ្លូវសមុទ្ររបស់ប្រទេសកម្ពុជា បានបើកការដ្ឋានសាងសង់ជាផ្លូវការ ជាមួយទុនវិនិយោគ១.៥០០លានដុល្លារអាមេរិក។

ពិធីបើកការដ្ឋានសាងសង់កំពង់ផែសមុទ្រទឹកជ្រៅកម្រិតអន្តរជាតិ ត្រូវបានធ្វើឡើងនៅថ្ងៃទី០៥ ខែឧសភា ក្រោមអធិបតីលោកឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីកម្ម និងសំណង់។

លោក ស៊ុន ចាន់ថុល លោកទេស រដ្ឋមន្ត្រីក្រសួងសាធារណការ និងដឹកជញ្ជូន បានមានប្រសាសន៍ឱ្យដឹងថា ក្រុមបច្ចេកទេសរបស់ក្រុមហ៊ុនបានបញ្ជាក់ថា គម្រោងមួយនេះនឹងចំណាយរយៈពេល១៨ខែ ប៉ុន្តែក្រសួងបានឱ្យរយៈពេលចំនួន២ឆ្នាំ ស្មើនឹង២៤ខែ ដោយគ្រោងនឹងបញ្ចប់នៅក្នុងឆ្នាំ២០២៥។

លោកបានបន្តថា គម្រោងនេះ យ៉ាងយូរបំផុតត្រឹម នឹងរួចរាល់ហើយបើកឱ្យដំណើរការនៅក្នុងឆ្នាំ២០២៥។ នៅក្នុងជំហានទី១ កំពង់ផែនេះនឹងអាចទទួលយកទំនិញ ៣០០.០០០ TEU ហើយនៅក្នុងឆ្នាំ២០៣០ នឹងមានសមត្ថភាពទទួលទំនិញបានរហូត ៦០០.០០០ TEU ហើយអាចពង្រីកបន្តបន្ទាប់បាន។

ក្រុមហ៊ុនកំពត ឡូជីស្ទីក អេនផត ឯ.ក បានទទួលបានគោលការណ៍អនុញ្ញាតពីរាជរដ្ឋាភិបាល ដើម្បីអភិវឌ្ឍមជ្ឈមណ្ឌលភស្តុភារកម្ម និងកំពង់ផែពហុបំណង នៅលើដីឯកជនរបស់ក្រុមហ៊ុន ដែលមានទំហំសរុប៦០០ហិកតា គ្រោងប្រើទុនវិនិយោគសរុបប្រមាណ១៥០០លានដុល្លារអាមេរិក ដោយត្រូវអនុវត្តជា៣ដំណាក់កាល។

គម្រោងនេះស្ថិតនៅក្នុងតំបន់ដែលមានអំណោយផលក្នុងការតភ្ជាប់ប្រព័ន្ធដឹកជញ្ជូនផ្លូវទឹក ផ្លូវគោក និងផ្លូវដែក មកកាន់រាជធានីភ្នំពេញ និងបណ្តាខេត្តនានា តាមរយៈផ្លូវជាតិលេខ៣ ផ្លូវជាតិលេខ៤១ ផ្លូវជាតិលេខ៤ ផ្លូវល្បឿនលឿនភ្នំពេញ-ក្រុងព្រះសីហនុ ផ្លូវជាតិលេខ៤៨ និងតភ្ជាប់ផ្លូវដែកភាគខាងត្បូង ទៅភាគខាងជើងនៃប្រទេស។

គម្រោងវិនិយោតអភិវឌ្ឍន៍មជ្ឈមណ្ឌលភស្តុភារកម្ម និងកំពង់ផែពហុបំណងកំពត និងបង្កើតនូវកំពង់ផែទឹកជ្រៅពហុបំណងដ៏ធំមួយទៀតនៅកម្ពុជា និងទំនើបលំដាប់អន្តរជាតិ នៅក្នុងតំបន់អាស៊ាន ដែលអាចឱ្យនាវាចំណុះ១០០ ០០០តោនចូលចតបាន។

គម្រោងនេះក៏នឹងក្លាយជាតំបន់សេដ្ឋកិច្ចពិសេស ដែលមានតំបន់ពាណិជ្ជកម្មសេរី ទីលានកុងតឺន័រ មជ្ឈមណ្ឌលភស្តុភារកម្មឃ្លាំងស្តុកទំនិញគ្រប់ប្រភេទ ឃ្លាំងភណ្ឌាគារតយ រោងចក្រផលិតនិងចែកចាយ រោងចក្រចម្រាញ់ប្រេងឥន្ធនៈ និងមជ្ឈមណ្ឌលប្រេងឥន្ធនៈ តំបន់លំនៅឋាន និងចំណតនាវាដឹកអ្នកដំណើរទេសចរ។

គម្រោងអភិវឌ្ឍន៍មជ្ឈមណ្ឌលភស្តុភារកម្ម និងកំពង់ផែពហុបំណងកំពតនឹងបង្កើតការងារដោយផ្ទាល់ និងដោយប្រយោលជូនប្រជាពលរដ្ឋប្រមាណ១០០០០កន្លែង នៅពេលដាក់ឱ្យដំណើការ។ លើសពីនេះទៅទៀត គម្រោងនេះជួយឱ្យសម្រេចឱ្យបានជោគជ័យនូវ “ផែនការមេស្តីពីការតភ្ជាប់ប្រព័ន្ធដឹកជញ្ចូនពហុមធ្យោបាយ និងភស្តុភារកម្ម” និងគោលដៅអភិវឌ្ឍន៍តំបន់ឆ្នេរសមុទ្រនៃគណៈកម្មាធិការជាតិគ្រប់គ្រង និងអភិវឌ្ឍតំបន់ឆ្នេរសមុទ្រកម្ពុជា។

ជាពិសេស ក៏នឹងដើរតួនាទីយ៉ាងសំខាន់ក្នុងការលើកដាក់ផ្ទេរទំនិញចេញ-ចូលទៅកាន់ទីផ្សារអន្តរជាតិ ដែលនឹងនាំមកនូវភាពងាយស្រួល និងប្រសិទ្ធភាពខ្ពស់ដល់ពាណិជ្ជករ និងអ្នកវិនិយោគ ក្នុងការនាំចេញផលិតផល កសិកម្ម ឧស្សាហកម្ម និងនេសាទ ទៅលក់នៅទីផ្សារក្នុងតំបន់ និងពិភពលោក ដូចជាចូលរួមចំណែកអភិវឌ្ឍវិស័យភស្តុភារកម្ម និងកំពង់ផែនៅកម្ពុជា សំដៅជួយលើកកម្ពស់ជីវភាពរស់នៅរបស់ប្រជាជននិង អភិវឌ្ឍសេដ្ឋកិច្ចជាតិ រួមចំណែកជំរុញសម្រេចគោលដៅ “ប្រែក្លាយកម្ពុជាទៅជាប្រទេសដែលមានចំណូល មធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានចំណូលខ្ពស់នៅឆ្នាំ ២០៥០”៕