TOKYO: Japanese land prices rebounded in 2021, after a drop in the previous year, as the property market recovered from the COVID-19 pandemic’s hit to the economy, a government survey showed.

While Japan’s prolonged coronavirus-led border control kept demand for tourism-reliant areas stagnant, the rise of the stay-at-home lifestyle helped housing and logistics facility land prices recover, the survey found.

Overall, average land prices gained 0.6 per cent in 2021, data from Japan’s land ministry showed on Tuesday (Mar 22), following a 0.5 per cent drop in 2020, which marked the first decline in six years.

Residential land prices rose 0.5 per cent in 2021 after a 0.4 per cent drop in the previous year. A recovery in consumer sentiment and persistently low interest rates contributed to the first rise in two years, a land ministry official said in a media briefing.

Japan’s real gross domestic product grew 1.6 per cent in 2021 after a 4.5 per cent contraction in 2020, as the Bank of Japan kept interest rates very low.

Residential land prices in four major regional cities — Sapporo, Sendai, Hiroshima and Fukuoka — rose 5.8 per cent on growing demand for condominiums in undervalued suburban areas, the official said. Tokyo area’s housing land prices increased 0.6 per cent.

The figures, however, were modest compared to other advanced economies such as the United States, where housing cost’s double-digit growth is among the inflationary pressures tormenting policymakers.

Japan’s commercial land prices increased 0.4 per cent in 2021. The reading was not strong enough to cover the 0.8 per cent fall in the previous year, which reflected weaker property demand from tourist-oriented hotels, shops and restaurants due to a strict border shutdown.

The number of foreign visitors to the country last year was the lowest since 1964, according to Japan National Tourism Organisation.

Osaka, Japan’s second-largest metropolitan area and a popular tourist destination, saw its commercial property prices remain flat in 2021, while Tokyo’s grew 0.7 per cent.

“Osaka’s commercial lands had highly depended on foreign inbound (tourists), so their disappearance left a huge impact,” the official said, adding the blow to Osaka was deeper than other tourist spots such as Kyoto, where returning domestic visitors have filled in the gap caused by border control.

Meanwhile, nationwide prices of industrial lands for plants and warehouses rose 2 per cent in 2021, marking the sixth year of growth, following a 0.8 per cent gain in the previous year.

Demand for large logistic facilities near expressway exits are driving up prices due to surging e-commerce volumes, said the official.

Source: Reuters

ដោយ៖ សុខុម

តូក្យូ៖​ ការស្ទង់មតិរបស់រដ្ឋាភិបាលជប៉ុន បង្ហាញថា តម្លៃដីធ្លីនៅប្រទេសជប៉ុនបានហក់ឡើងក្នុងឆ្នាំ២០២១ បន្ទាប់ពីធ្លាក់ថ្លៃក្នុងឆ្នាំ២០២០ ខណៈទីផ្សារអចលនទ្រព្យងើបឡើងវិញពីវិបត្តិកូវីដ-១៩។ នេះបើយោងតាមសារព័ត៌មាន CNA ចុះផ្សាយកាលពីថ្ងៃអង្គារ ទី២២ មីនា។

ការស្ទង់មតិដដែលរកឃើញថា ខណៈការរឹតបន្តឹងព្រំដែនរបស់ជប៉ុន ដើម្បីទប់ស្កាត់ការរីករាលដាលវីរុសកូវីដ-១៩ ធ្វើឱ្យតម្រូវការសម្រាប់តំបន់ដែលពឹងផ្អែកលើវិស័យទេសចរណ៍នៅទ្រឹង ការកើនឡើងនូវការចំណាយនៅផ្ទះបានជួយឱ្យតម្លៃលំនៅដ្ឋាន និងតម្លៃដីធ្លីហក់ឡើង។

ផ្អែកតាមទិន្នន័យរបស់ក្រសួងដែនដីជប៉ុន បង្ហាញថា សរុបជារួមតម្លៃដីធ្លីជាមធ្យមបានហក់ឡើង០,៦%ក្នុងឆ្នាំ២០២១ ក្រោយពីធ្លាក់ថ្លៃ០,៥%ក្នុងឆ្នាំ២០២០ ដែលជាការធ្លាក់ចុះលើកដំបូងមិនធ្លាប់មានក្នុងរយៈពេល៦ឆ្នាំ។

តម្លៃដីលំនៅដ្ឋានបានហក់ឡើង០,៥%ក្នុងឆ្នាំ២០២១ បន្ទាប់ពីធ្លាក់ថ្លៃ០,៤%ក្នុងឆ្នាំ២០២០។ មន្ត្រីក្រសួងដែនដីមួយរូបបានលើកឡើងក្នុងសន្និសីទសារព័ត៌មានថា ទំនុកចិត្តច្រើនជាងមុននៅក្នុងទីផ្សារ និងអត្រាការប្រាក់ទាបបានរួមចំណែកធ្វើឱ្យតម្លៃលំនៅដ្ឋាន និងតម្លៃដីធ្លីហក់ឡើង។

ផលិតផលក្នុងស្រុកសរុប (GDP) របស់ប្រទេសជប៉ុន បានកើនឡើង ១,៦%ក្នុងឆ្នាំ២០២១ បន្ទាប់ពីធ្លាក់ចុះ៤,៥%ក្នុងឆ្នាំ២០២០ នៅពេលធនាគារកណ្តាលជប៉ុន រក្សាអត្រាការប្រាក់ឱ្យនៅទាបខ្លាំង។

មន្ត្រីដដែលនិយាយថា តម្លៃដីលំនៅដ្ឋានក្នុងទីក្រុងធំៗចំនួន៤ដូចជាក្រុង Sapporo ក្រុង Sendai ក្រុង Hiroshima និងក្រុង Fukuoka បានហក់ឡើង៥,៨%ដោយសារការកើនឡើងតម្រូវការខុនដូក្នុងតំបន់ជាយក្រុងដែលមានតម្លៃទាប។ ទន្ទឹមនេះតម្លៃដីលំនៅដ្ឋានក្នុងតំបន់ក្រុងតូក្យូ បានហក់ឡើង០,៦%។

ទោះជាយ៉ាងណា តួលេខទាំងនេះគឺតិចតួចណាស់ បើធៀបនឹងបណ្ដាសេដ្ឋកិច្ចជឿនលឿនផ្សេងទៀតដូចជាសហរដ្ឋអាមេរិក ជាដើមដែលតម្លៃលំនៅដ្ឋានបានហក់ឡើងដល់ទៅ២ខ្ទង់។

តម្លៃដីពាណិជ្ជកម្មរបស់ប្រទេសជប៉ុន បានហក់ឡើង០,៤%ក្នុងឆ្នាំ២០២១ ក្រោយពីធ្លាក់ថ្លៃ០,៨%ក្នុងឆ្នាំ២០២០ ដែលឆ្លុះបញ្ចាំងពីកម្សោយនៃតម្រូវការអចលនទ្រព្យក្នុងចំណោមសណ្ឋាគារ ហាង និងភោជនីយដ្ឋានដោយសារការរឹតបន្តឹងព្រំដែន។

ទន្ទឹមនឹងនេះ តម្លៃដីឧស្សាហកម្មទូទាំងប្រទេសជប៉ុន សម្រាប់សាងសង់រោងចក្រ និងឃ្លាំងជាដើមបានហក់ឡើង២,០%ក្នុងឆ្នាំ២០២១ ដែលជាការហក់ឡើងថ្លៃរយៈពេល៦ឆ្នាំជាប់ៗគ្នា ក្រោយពីហក់ឡើង០,៨%ក្នុងឆ្នាំ២០២០៕ Reuters៕

ដោយៈគង់ សូរិយា

ភ្នំពេញៈ ហេដ្ឋារចនាសម្ព័ន្ឋ និងលំនៅដ្ឋានបែបលំហែរ វីឡាជាច្រើនបាន និងកំពុងសាងសង់នៅទីក្រុងបូកគោ ដែលជាទីក្រុងថ្មីមួយបាននិងកំពុងរៀបចំជាទីក្រុងឆ្លាតវៃ។

នាយកផ្នែកលក់ និង ទីផ្សារក្រុមហ៊ុនសុខាអូតែល ​លោកសាយ សុភ័ត្រាបានមានប្រសាសន៍ឲ្យដឹង ក្នុងកិ​ច្ចសម្ភាសន៍ពិសេសនាព្រឹកថ្ងៃទី២២ មិនាថា រហូតមកទល់ពេលនេះ ក្រុមហ៊ុនកំ ពុងរៀបចំហេដ្ឋារចនាសម្ព័ន្ឋនានា ដើម្បីសមស្របនឹងទីក្រុងមួយ ដែលការគ្រប់គ្រង នឹងធ្វើឡើងស្របតាមស្តង់ដាទីក្រុងឆ្លាតវៃ។

លោកបន្តថា “រហូតមកទល់ពេលនេះ យើងបានបញ្ចប់ការសាងសង់ផ្លូវក្នុងទីក្រុងនេះ បានប្រវែងជាង៣០គីឡូម៉ែត្ររួចហើយ “។លោកបន្តថា ក្រុមហ៊ុនបាននិងកំពុងសាងសង់ ផ្លូវថ្មីមួយទៀត ដែលតភ្ជាប់រវាងទីក្រុងបូកគោ ឆ្ពោះទៅកាន់ផ្លូវជាតិលេខ៤ និងទៅកាន់តំបន់ពេជ្រនិល ដែលមានប្រវែងរហូតដល់១២០គីឡូម៉ែត្រ”។

លោកសាយ សុភ័ត្រា បានមានប្រសាសន៍ឲ្យដឹងបន្តថា ជាទីតាំងពិសេសមួយ ភ្នំបូកគោមានលក្ខខ័ណ្ឌអាកាសធាតុ ដ៏មានអំ​ណោយផល ដែលជួយអ្នកមានជំងឺសួត ផ្លាស្មាអាចធូរស្រាល ដែលកាលពីដើមឡើយ វេជ្ជបណ្ឌិតជនជាតិបារាំង បានសរសេរពីអាកាសធាតុនៅទីនេះ ជួយដល់សុខភាពអ្នកមានជំងឺសួត និងអ្នកជំងឺធម្មតាបានធូរស្រាល។

លោកបន្តថា ទីក្រុងបូកគោជាទីតាំងមួយ មានភាពអំណោយ​ផលដ៏ប្រសើរលើការតភ្ជាប់នានា ដូចជាផ្លូវជាតិលេខ៣ ផ្លូវជាតិលេខ៤ ផ្លូវល្បឿនលឿនភ្នំពេញ ព្រះសីហនុ ផ្លូវដែក និងអាកាស​យានដ្ឋានអន្តរជាតិក្រុងព្រះសីហនុ ដែលនៅក្បែរទីនេះ”។ លោកបន្តថា “រាជរដ្ឋាភិបាល តាមរយៈក្រសួងទេសចរណ៍ក៏បាន និងកំពុងសាងសង់កំពង់ផែ ទេសចរណ៍កម្រិតអន្តរជាតិមួយ នៅលើទឹកដីខេត្តកំពតផងដែរ”។

លោកសាយ សុភ័ត្រាបានបន្តទៀតថា ជាមួយគ្នានេះ ក្រុមហ៊ុនសុខាអូតែលបាន និងកំពុងសាងសង់ផ្លូវជាតិថ្មីស្រឡាងមួយ ដែលតភ្ជាប់ពីតំបន់វាលស្រែ៥០០ ទៅកាន់ផ្លូវជាតិលេខ៤ និងឆ្ពោះទៅតំបន់ពេជ្រ និលយាយម៉ៅ ដែលមានប្រវែង១២០គីឡូម៉ែត្រ(គិតពី កន្ទុយផ្លូវតំបន់វាលស្រែ៥០០) ដែលបច្ចុប្បន្នផ្លូវនេះ ត្រូវបានឈូស​ឆាយបានជាង១១គីឡូម៉ែត្ររូួចហើយ។

ផ្លូវនេះ ជាផ្លូវប្រភេទពីរគន្លងទៅ ពីរគន្លងមក ដែលផ្តល់ភាពងាយស្រួលក្នុងការធ្វើដំណើរ និងជាផ្លួវធំមួយផងដែរ។

ជាមួយគ្នានេះ អ្នកឧកញ៉ាសុខ គង់ ប្រធានក្រុមហ៊ុន Sokimex  Investment Group បានមានប្រសាសន៍ឲ្យដឹងផងដែរថា ការអភិ​វឌ្ឍន៍ទីក្រុងនេះ ទំហំផ្ទៃដីរហូតដល់៣០,០០០ហិកតា ជាដីធំណាស់ ដែលយើងត្រូវអភិវឌ្ឍន៍រយៈពេលពី១០ ទៅ២០ឆ្នាំមិនចប់នោះទេ ប៉ុ​ន្តែបើយើងមានដៃគូវិនិយោគជាតិ អន្តរជាតិចូលរូម យើងនឹងបង្កើតទីក្រុងនេះបានលឿន។

លោកបន្តថា “យើងស្វាគមន៍ការវិនិយោគ និងដៃគូសហការពីគ្រប់ទិសតិ ដើម្បីកសាងទីក្រុងនេះបានលឿន និងរួមចំណែកសំខា​ន់ជាមួយរាជរដ្ឋាភិបាល ក្នុងការកសាងសេដ្ឋកិច្ចជាតិ”៕

ដោយ៖ សុផារី

ភ្នំពេញ៖ ការវិនិយោគអចលនទ្រព្យ មិនថាការទិញដី ឬទិញលំនៅដ្ឋានសម្រាប់ស្នាក់នៅ ឬទុកលក់យកផលចំណេញវិញនោះទេ គឺទាមទារឲ្យអ្នកទិញ​យកចិត្តទុកដាក់ខ្ពស់លើកត្តាសំខាន់ៗមួយចំនួន។

លោកស្រី ហ្រ្គែស រចនី អគ្កនាយិកានៃក្រុមហ៊ុន Century 21 Cambodia បានលើកឡើងថា ក្នុងការវិនិយោគលើប្រភេទអចលនទ្រព្យដីធ្លីដើម្បីទទួលបាននូវផលចំណេញ អ្នកវិនិយោគមិនគួរអោបក្រសោបទ្រព្យទាំងនោះពេកនោះទេ។

ដើម្បីដោះស្រាយបញ្ហាការបង្វែរសាច់ប្រាក់សម្រាប់ការធ្វើអាជីវកម្ម លោកស្រីបានចែករំលែកប្រភេទនៃការវិនិយោគ អាស្រ័យតាមលទ្ធភាពជាក់ស្តែងរបស់អ្នកវិនិយោគ។

ការវិនិយោគអចលនទ្រព្យបែងចែកជាបីប្រភេទសំខាន់ៗ។ ប្រភេទទី១ គឺ ការវិនិយោគរយៈពេលវែង (Long Term Investment) អាចទទួលបានផលចំណេញចាប់ពីរយៈពេល៥ឆ្នាំឡើងទៅ តាមរយៈការអភិវឌ្ឍនៅក្នុងផែនការមេធំៗ (Master Plan) របស់រាជរដ្ឋាភិបាលកម្ពុជា។

ការវិនិយោគរយៈពេលមធ្យម (Medium Term Investment) ដែលនឹងអាចទទួលបានផលចំណេញត្រលប់មកវិញក្នុងរយៈពេលចាប់ពី៦ទៅមួយឆ្នាំ។ ការវិនិយោគរយៈពេលខ្លី ការវិនិយោគលឿន (Short Term Investment) អាចលក់ចេញក្នុងរយៈពេលចាប់ពី៣ខែទៅ៤ខែ។

លោកស្រីបានមានប្រសាសន៍ថា “ទិញអចលនទ្រព្យហើយ កុំស្រលាញ់អចលនទ្រព្យ”។ ក្នុងន័យនេះលោកស្រីបានន័យថា សម្រាប់ការវិនិយោគ មិនគួរទុកអចលនទ្រព្យយូរពេលនោះទេ ដោយគួរស្វែងរកនូវឱកាសក្នុងការលក់ចេញដើម្បីទទួលបាននូវផលចំណេញ។

លោកស្រីថា “ភាគច្រើនអ្នកទិញខ្លះ ទិញហើយស្រលាញ់ខ្លាំង ទិញហើយអោបអចលនទ្រព្យ ដែលធ្វើឱ្យលំហូរសាច់ប្រាក់ (Cash Flow)មានភាពតឹងតែង”។

លោកស្រីថា “សូមធ្វើការវិនិយោគ ប៉ុន្តែកុំធ្វើឱ្យខ្លួនឯងពិបាក ដោយសារស្រលាញ់ដីពេក ស្រលាញ់ប្រភេទអចលនទ្រព្យពេក រហូតដល់បាត់បង់នូវ Liquidity នៃការដកចេញនូវសាច់ប្រាក់ក្នុងការបង្វិលសាច់ប្រាក់នៃការធ្វើអាជីវកម្មរបស់បងប្អូន”។

លោកស្រីបន្តថា “ទិញស្រលាញ់ពិតមែន តែកុំទិញអោបដី ទិញដើម្បីធ្វើការវិនិយោគដើម្បីរកចំណូល ដើម្បីងាយស្រួលក្នុងការបង្វិលលំហូរសាច់ប្រាក់”។

លោកស្រីបន្ថែមថា “យើងអាចទិញលក់មួយកន្លែង ដែលចំណេញល្មម ហើយយកសាច់ប្រាក់ទៅទិញនៅមួយកន្លែងទៀតបានដើម្បីធ្វើការវិនិយោគបន្តបានដែរ”។

ក្នុងកំឡុងវិបត្តិកូវីដ១៩ ដែលប្រជាជនយើងប្រឈមនឹងការលំបាកក្នុងការលក់ចេញដើម្បីទទួលបាននូវសាច់ប្រាក់ត្រលប់មកវិញ។ លោកស្រីណែនាំការវិនិយោគប្រភេទទី២និងទី៣ ព្រោះទីផ្សារល្អតែងតែទទួលបានផលចំណេញ តែក្នុងកាលៈទេសៈលំបាកជាពិសេសប្រភេទអចលនទ្រព្យដែលមានទំហំធំៗតម្លៃចាប់ពី៥លានដុល្លាអាមេរិកឡើងទៅ៕

ដោយ៖ វឌ្ឍនៈ​

ភ្នំពេញ ៖ ស្របពេលរដ្ឋាភិបាលក៏បាននិងកំពុងអភិវឌ្ឍន៍ហេដ្ឋារចនាសម្ព័ន្ធទៅកាន់ខេត្តកោះកុង ខេត្ត​ជាប់​តំបន់ឆ្នេរ​មួយ​នេះ​កាន់តែបង្ហាញសក្ដានុពលនិងការទាក់ទាញការវិនិយោគកាន់តែ​ច្រើន​ ដោយ​រំពឹងថាវិនិយោគិនជាតិនិងអន្តរជាតិនឹងចូលទៅកាន់ខេត្តមួយនេះដើម្បីបណ្ដាក់ទុនវិនិយោគ។

រដ្ឋាភិបាលបានអភិវឌ្ឍន៍ផ្លូវថ្មីៗ តភ្ជាប់ពីខេត្តផ្សេងពីតំបន់ផ្សេងនិងពីរាជធានីភ្នំពេញទៅកាន់ខេត្តកោះកុងនិងអភិវឌ្ឍន៍ហេដ្ឋារចនាសម្ព័ន្ធក្នុងខេត្តនេះផ្ទាល់ដើម្បីសម្រួលដល់ការធ្វើដំណើរទេសចរ ពលរដ្ឋនិងវិនិយោគិនធ្វើ​ដំណើរ​មក​កាន់​ខេត្តកោះកុង។

គម្រោងធំៗមួយចំនួននៅក្នុងខេត្តកោះកុងក៏បានលេចរូបរាងឡើងបន្តបន្ទាប់ ដូចជា គម្រោងអភិវឌ្ឍន៍ព្រលានយន្តហោះតារាសាគរស្ថិតនៅក្នុងស្រុកបទុមសាគរខេត្តកោះកុង ជាដើម​។ ក្រោយពេលព្រលានយន្តហោះនេះចាប់ផ្ដើមដំណើរការ នឹងអាចទាញយកវិនិយោគិនពីប្រទេសចិននិងប្រទេសផ្សេងទៀតចូលទៅកាន់ខេត្តកោះកុងដោយផ្ទាល់​។

លោក ទុយ ប៉ោហេង ប្រធានក្រុមហ៊ុន Century 21 Zillion Holding ប្រចាំខេត្តនេះបានឱ្យដឹងថា គម្រោងផ្លូវដែលកំពុងអភិវឌ្ឍន៍នៅក្នុងខេត្តកោះកុង និងផ្លូវសំខាន់ៗពីតំបន់ផ្សេងចូលមកកាន់ខេត្តកោះកុងនឹងជំរុញឱ្យមានការវិនិយោគបន្ថែមទៀត ហើយនឹងធ្វើឱ្យតម្លៃដីធ្លីនៅក្នុងខេត្តនេះ មានសន្ទុះបន្ថែមទៀតផងដែរ។

លោក​បន្តថា ជាក់ស្ដែងដីធ្លីនៅតំបន់អភិវឌ្ឍន៍ហេដ្ឋារចនាសម្ព័ន្ធមួយចំនួនចាប់ផ្ដើមឡើងថ្លៃជាបន្តបន្ទាប់ ដែលធ្វើឱ្យវិនិយោគិនកាន់តែច្រើនកំពុងស្វែងរកការវិនិយោគនៅក្នុងខេត្តមាត់សមុទ្រនេះដើម្បីរកប្រាក់ចំណេញ។

លោករំពឹងថា នៅពេលអនាគតខេត្តកោះកុងនឹងកាន់តែទាក់ទាញការវិនិយោគ ហើយរំហូរទុនវិនិយោគនឹងចូលមកកាន់ខេត្តនេះថែមទៀតស្របពេលរដ្ឋបាលខេត្តក៏បានចុះហត្ថលេខាជាមួយខេត្តសំខាន់ៗរបស់ប្រទេសចិន ដើម្បីចងសម្ព័ន្ធភាពនិងទាញទេសចរចិន ក៏ដូចវិនិយោគិនចិនចូលមកកាន់ខេត្តនេះ។

លោក ច្រឹក សុខនីម ប្រធានសមាគមអ្នកវាយតម្លៃនិងភ្នាក់ងារអចលនវត្ថុកម្ពុជា បានថ្លែងថា ផ្លូវសំខាន់ៗរួមមានគម្រោងផ្លូវជាតិលេខ១០ ផ្លូវលេខ៤៨តភ្ជាប់ពីផ្លូវលេខ៤ទៅកាន់កោះកុង នឹងក្លាយជាផ្លូវសំខាន់ហើយនឹងទាក់ទាញទេសចរជាតិអន្តរជាតិវិនិយោគិនជាតិអន្តរជាតិបន្ថែម៕