ដោយៈវឌ្ឍនៈ

ភ្នំពេញៈ លោកឧកញ៉ាហ៊ួត ជាអ្នកចែកចាយគ្រឿងសំណង់ដ៏ធំមួយនៅក្នុងប្រទេសកម្ពុជា និងបានចាប់ផ្ដើមអាជីវកម្មនេះនៅដើមឆ្នាំ២០១០ ដែលគិតមកដល់ពេលនេះមានរយៈពេលជាង១១ឆ្នាំហើយ និងបានបង្រីកសាខាជាពិសេសការលក់ Franchise ទៅកាន់ដៃគូអាជីវកម្មជាបន្តបន្ទាប់។

តើលោកឧកញ៉ាហ៊ួត ជាមានយុទ្ធសាស្ត្រអ្វីដែលធ្វើឱ្យលោកអាចលក់ Franchise បានច្រើនយ៉ាងនេះ?

លោកឧកញ៉ាបានមានប្រសាសន៍ថា កត្តាមួយចំនួន ដែលធ្វើឱ្យលោកទទួលបានជោគជ័យមកដល់ថ្ងៃនេះ និងបានលក់Franchise ទៅកាន់ដៃគូរបស់ខ្លួនក៏កាន់តែច្រើនដែរ។ តាំងពីការបង្កើតក្រុមហ៊ុនមក លោកបានព្យាយាមធ្វើអាជីវកម្មទៅលើផ្លូវមួយដែលល្អផ្លូវដែលត្រឹមត្រូវនិងមានគុណធម៌ ជាពិសេសនោះគឺការលក់សម្ភារៈជូនអតិថិជនប្រកបដោយទំនួលខុសត្រូវខ្ពស់។

លោកឧកញ៉ាបន្តថា កត្តាមួយទៀត ដែលធ្វើឱ្យលោកទទួលបានជោគជ័យមកដល់សព្វថ្ងៃនេះ គឺការផ្គត់ផ្គង់សម្ភារៈទំនើប តម្លៃសមរម្យតែមានគុណភាព ទៅកាន់ដៃគូនិងអតិថិជនរបស់ខ្លួន នៅក្នុងប្រទេសកម្ពុជា ដូច្នេះហើយទើបមានអតិថិជនកាន់តែច្រើនបានគាំទ្រទៅលើក្រុមហ៊ុនរបស់ហ៊ួត ជា។

លោកបានថ្លែងថា “ពីរហេតុផលនេះហើយ ដែលធ្វើឱ្យក្រុមហ៊ុនហ៊ួត ជាមានសាខាច្រើនជាងគេនៅក្នុងប្រទេសកម្ពុជា និងមានការគាំទ្រកាន់តែច្រើនពីអតិថិជននៅក្នុងប្រទេសកម្ពុជា”។

លោកឧកញ៉ាបន្ថែមថា បច្ចុប្បន្ននេះ ក្រុមហ៊ុនហ៊ួតជាបានលក់សិទ្ធិចែកចាយ ( Franchise ) ទៅកាន់អតិថិជនជាមួយនឹងតម្លៃត្រឹមតែ ៣០០០ដុល្លារក្នុងមួយសាខា ហើយក៏ទទួលបានការរីកចម្រើនជាងបន្តបន្ទាប់ ។មិនតែប៉ុណ្ណោះ ក្រុមហ៊ុនក៏បានផ្ដល់នូវក្ដីស្រលាញ់ទៅអតិថិជនដែលជាដៃគូចែកចាយរបស់ខ្លួន ដោយផ្ដល់ជូននូវការគ្រប់គ្រងផ្នែកទីផ្សារ ធ្វើយ៉ាងណាឱ្យលក់ដាច់ធ្វើយ៉ាងណាឱ្យអតិថិជនពេញចិត្ត និងជាពិសេសគឺការផ្ដល់ជូននូវសម្ភារៈដែលមានគុណភាពខ្ពស់ទៅកាន់ដៃគូចែកចាយយកទៅលក់បន្ត។

លោកឧកញ៉ាបានបញ្ជាក់ថា សម្ភារៈដែលក្រុមហ៊ុនចែកចាយនិងផ្ដល់ជូនដៃគូចែកចាយរបស់ខ្លួនមានមកពីប្រទេសម៉ាឡេស៊ី ប្រទេសចិន ប្រទេសអេស្ប៉ាញ ប្រទេសវៀតណាមនិងប្រទេសថៃផងដែរ។ ក្រៅពីប្រទេសទាំងនេះ ក្រុមហ៊ុនក៏មានយកផលិតផលដែលផលិតក្នុងស្រុកដើម្បីចែកចាយដល់អតិថិជននៅក្នុងប្រទេសកម្ពុជាផងដែរ៕

ដោយៈ ប៊ី

ភ្នំពេញៈ កម្ពុជាបានចាប់ផ្តើមអនុវត្តនូវច្បាប់ស្តីពី កិច្ចការពារអ្នកប្រើប្រាស់ ចាប់ពីថ្ងៃទី១ ខែកក្កដា ឆ្នាំ២០២១ ដោយមន្រ្តីស៊ើបអង្កេត របស់អគ្គនាយកដ្ឋាន ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ «ក.ប.ប.» នៃក្រសួងពាណិជ្ជកម្ម។

លោក ផាន អូន ជាប្រតិភូរាជរដ្ឋាភិបាល ទទួលបន្ទុកជាអគ្គនាយក នៃអគ្គនាយកដ្ឋាន ការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ (ក.ប.ប) នៃក្រសួងពាណិជ្ជកម្ម បានលើកឡើងនៅថ្ងៃទី១៥ ខែកក្កដា ឆ្នាំ២០២១ថា ច្បាប់ស្តីពី កិច្ចការពារអ្នកប្រើប្រាស់នេះ នឹងជំរុញឲ្យការប្រកួតប្រជែង ក្នុងវិស័យពាណិជ្ជកម្ម ប្រព្រឹត្តទៅប្រកបដោយសមធម៌។

លោកផាន អូនបានឲ្យដឹងថា ស្របពេលដែលអនុវត្ដច្បាប់នេះ មានវិធានការមួយចំនួន ក៏ត្រូវបានដាក់ឲ្យអនុវត្តផងដែរ ដោយរួមមាន៖ វិធានការពិន័យអន្តរការណ៍ ទណ្ឌកម្មផ្នែករដ្ឋបាល និងទណ្ឌកម្មដោយតុលាការ មានសមត្ថកិច្ច។

លោកបានបញ្ជាក់ថា រហូតមកដល់ពេលនេះ មន្រ្តីស៊ើបអង្កេតរបស់អគ្គនាយកដ្ឋាន ក.ប.ប. បានចុះស៊ើបអង្កេត ស្រាវជ្រាវ និងបានរកឃើញបទល្មើស មួយចំនួន នៅតាមបណ្តាទីតាំង អាជីវកម្មនានា ដោយបានអនុវត្តវិធានការ ពិន័យអន្តរការណ៍ចំពោះម្ចាស់អាជីវកម្ម ដែលបានប្រព្រឹត្តបទល្មើសផងដែរ។

លោកបន្ដទៀតថា ការអនុវត្តវិធានការច្បាប់ ចំពោះអំពើល្មើស និងច្បាប់ស្តីពីកិច្ចការពារអ្នកប្រើប្រាស់ នឹងបង្កើតបាននូវបរិយាកាស នៃការប្រកួតប្រជែង ក្នុងវិស័យ ពាណិជ្ជកម្ម សេវាកម្ម ប្រកបដោយយុត្តិធម៌ សមធម៌ ផ្តល់នូវទំនុកចិត្តរវាងអ្នកប្រើប្រាស់ និងធុរជន ដែលជាកត្តាជំរុញឲ្យមានកំណើន អតិថិជនសម្រាប់ធុរជន ដែលប្រកបអាជីវកម្មដោយសុចរិត។

លោកបានបញ្ជាក់យ៉ាងដូច្នេះថា “ការអនុវត្តវិធានការច្បាប់ ចំពោះអំពើល្មើស នឹងច្បាប់ស្តីពីកិច្ចការពារអ្នកប្រើប្រាស់ គឺដើម្បីការពារផលប្រយោជន៍ អ្នកប្រើប្រាស់ ទប់ស្កាត់ការប្រព្រឹត្តអំពើ និងសកម្មភាពមិនសុចរិត ការពារផលប្រយោជន៍ពាណិជ្ជករ បង្កើនផលិតភាព និងជំរុញឲ្យការប្រកួតប្រជែង ក្នុងវិស័យពាណិជ្ជកម្ម ប្រព្រឹត្តទៅប្រកបដោយសមធម៌”។

បើតាមប្រកាសអន្ដរក្រសួង ស្ដីពី នីតិវិធីពិន័យអន្ដរការណ៍ លើអំពើល្មើសនឹងច្បាប់ ស្ដីពី កិច្ចការពារអ្នកប្រើប្រាស់ របស់ក្រសួងសេដ្ឋកិច្ច និងហិរញ្ញវត្ថុ ក្រសួងយុត្តិធម៌ និងក្រសួងពាណិជ្ជកម្ម បានឲ្យដឹងថា មន្ត្រីស៊ើបអង្កេត នៃអគ្គនាយកដ្ឋាន ក.ប.ប. មានភារកិច្ច៖

* ចេញកំណត់ត្រា ស្ដីពីបណ្ណពិន័យអន្តរការណ៍
* ចេញវិក្កយបត្របង់ប្រាក់ពិន័យអន្តរការណ៍ ទទួលប្រាក់ពិន័យអន្តរការណ៍ និងចេញបង្កាន់ដៃបង់ប្រាក់ឲ្យបុគ្គលល្មើស ក្នុងករណីទទួលប្រាក់ពិន័យអន្តរការណ៍ ដោយផ្ទាល់ជាសាច់ប្រាក់ ឬជាមូលប្បទានបត្រ
* គ្រប់គ្រងវិក្កយបត្រ បង្កាន់ដៃបង់ប្រាក់ និងប្រាក់ចំណូលពីការពិន័យអន្តរការណ៍
* ចេញលិខិតជូនដំណឹងក្រើនរំលឹកចំពោះបុគ្គលល្មើស ឲ្យមកបង់ប្រាក់ពិន័យអន្តរការណ៍មិនឲ្យហួសកាលបរិច្ឆេទចុងក្រោយ ក្នុងករណីបុគ្គលនោះ មិនបានបង់ប្រាក់ពិន័យ ក្នុងរយៈពេល១៥ថ្ងៃ
* កសាងសំណុំរឿងទៅតាមនីតិវិធីច្បាប់ជាធរមាន ទៅតុលាការមានសមត្ថកិច្ច ក្នុងករណីបុគ្គលល្មើស មិនបានបង់ប្រាក់ពិន័យអន្តរការណ៍ នៅក្នុងរយៈពេលកំណត់៕

ដោយៈ ម៉ាណេត

ភ្នំពេញៈ ក្រុមការងារអន្តរក្រសួងអនុវត្តប្រព័ន្ធវាយតម្លៃហានិភ័យអ្នកដំណើរតាមផ្លូវអាកាស (ក.ប.អ.) បានរៀបចំដាក់ឱ្យដំណើរការប្រើប្រាស់ប្រព័ន្ធវាយតម្លៃហានិភ័យអ្នកដំណើរតាមផ្លូវអាកាសជាជំហានដំបូង ដើម្បីទទួលនូវព័ត៌មានអ្នកដំណើរជាមុន។ នេះបើយោងតាមសេចក្តីប្រកាសព័ត៌មានរបស់អគ្គនាយកដ្ឋានគយនិងរដ្ឋាករកម្ពុជា នៅថ្ងៃទី១៥ ខែកក្កដា ឆ្នាំ២០២១។

នៅថ្ងៃទី១៥ ខែកក្កដា ឆ្នាំ២០២១ ក្រុមការងារអន្តរក្រសួងអនុវត្តប្រព័ន្ធវាយតម្លៃហានិភ័យអ្នកដំណើរតាមផ្លូវអាកាស (ក.ប.អ.) បានរៀបចំដាក់ឱ្យដំណើរការប្រើប្រាស់ប្រព័ន្ធវាយតម្លៃហានិភ័យអ្នកដំណើរតាមផ្លូវអាកាស (Global Travel Assessment System – GTAS) ជាជំហានដំបូង ដើម្បីទទួលនូវព័ត៌មានអ្នកដំណើរជាមុន (Advance Passenger Information – API) ពីក្រុមហ៊ុនអាកាសរណ៍អន្តរជាតិ Singapore Airline មកកាន់ប្រព័ន្ធ GTAS ឆ្លងកាត់តាមថ្នាលផ្លាស់ប្តូរទិន្នន័យកម្ពុជា (Cambodia Data Exchange- CamDX) និងឈានទៅរៀបចំដាក់ឱ្យដំណើរការការទទួលព័ត៌មានកំណត់ត្រាឈ្មោះអ្នកដំណើរ (Passenger Name Record – PNR) នៅជំហានបន្ទាប់។

ការដាក់ឱ្យដំណើរការប្រើប្រាស់ប្រព័ន្ធវាយតម្លៃហានិភ័យអ្នកដំណើរតាមផ្លូវអាកាស (GTAS) ជាសមិទ្ធផល ដ៏ថ្លៃថ្លាថ្មីមួយទៀតរបស់រាជរដ្ឋាភិបាលកម្ពុជា ក្នុងការចូលរួមគោរពតាមនិយាម និងការណែនាំរបស់អង្គការអាកាសចរស៊ីវិលអន្តរជាតិ (International Civil Aviation Organization – ICAO) និង អង្គការគយពិភពលោក (World Custom Organization – WCO) នៃអង្គការសហប្រជាជាតិ ដែលបានស្នើសុំដល់បណ្តារដ្ឋជាសមាជិក ត្រូវសហការនិងពង្រឹងលើដំណើរការគ្រប់គ្រងសន្តិសុខអ្នកដំណើរតាមផ្លូវអាកាស នៅក្នុងប្រទេស តំបន់ និងពិភពលោក។

ប្រព័ន្ធ GTAS នេះ មានភាពស៊ីចង្វាក់ទៅនឹងឧត្តមានុវត្តន៍អន្តរជាតិ ដែលមានសមត្ថភាពដូចខាងក្រោម៖ ១. ទទួលយកទិន្នន័យអ្នកដំណើរជាមុនតាមផ្លូវអាកាស ពីក្រុមហ៊ុនអាកាសចរណ៍ ២. ផ្ដល់ព័ត៌មានអ្នកដំណើរទៅអាជ្ញាធរមានសមត្ថកិច្ចជាមុន មុនពេលហោះហើរ ផ្អែកតាមទិន្នន័យសំបុត្រយន្តហោះ និងការផ្ដល់ព័ត៌មានអ្នកដំណើរនៅពេល Check-In ៣. ធ្វើសន្ធានកម្មទិន្នន័យ (Interface) ជាមួយប្រព័ន្ធដទៃទៀត ៤. អភិវឌ្ឍមុខងារបន្ថែមតាមតម្រូវការប្រើប្រាស់ជាក់ស្ដែង (Open Source) ៥. តាមដានរំហូរព័ត៌មានអ្នកដំណើរ និងទំនិញរបស់អ្នកដំណើរ (Passenger Luggage) និង៦. ផ្ដល់ព័ត៌មានជាមុនដើម្បីវិភាគលើហានិភ័យការងារសំខាន់ៗមួយចំនួនដូចជា បទល្មើសរត់គេចពន្ធ ការប្រឆាំងការសម្អាតប្រាក់និងហិរញ្ញប្បទានភេរវកម្ម បទល្មើសគ្រឿងញឿន និងបទល្មើសឆ្លងដែននានា។

អនុលោមតាមការសម្រេចដ៏ខ្ពង់ខ្ពស់បំផុតរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ក្រុមការងារអន្តរក្រសួងអនុវត្តប្រព័ន្ធវាយតម្លៃហានិភ័យអ្នកដំណើរតាមផ្លូវអាកាស ត្រូវបានបង្កើតឡើង តាមរយៈសេចក្ដីសម្រេចលេខ ០៥៩ សហវ ចុះថ្ងៃទី២៤ ខែសីហា ឆ្នាំ២០២០ ដែលមានភារកិច្ចរៀបចំផែនការសកម្មភាពការងារដាក់ឱ្យ អនុវត្តប្រព័ន្ធ GTAS, រៀបចំសេចក្ដីណែនាំអនុវត្ត, ធ្វើការផ្សព្វផ្សាយនិងពិគ្រោះយោបល់ និងសហការសម្របសម្រួលជាមួយក្រសួង-ស្ថាប័នពាក់ព័ន្ធជាដើម។

ក្រុមការងារ ក.ប.អ. បានរៀបចំកិច្ចប្រជុំផ្សព្វផ្សាយ និងពិគ្រោះយោបល់ស្តីពីការត្រៀមដាក់អនុវត្តប្រព័ន្ធវាយតម្លៃហានិភ័យអ្នកដំណើរតាមផ្លូវអាកាស នៅ រដ្ឋលេខាធិការដ្ឋានអាកាសចរស៊ីវិល នាថ្ងៃទី១៣ ខែមករា ឆ្នាំ២០២១ ដើម្បីផ្សព្វផ្សាយបទប្បញ្ញត្តិ ពាក់ព័ន្ធនឹងដំណើរការប្រើប្រាស់ប្រព័ន្ធ GTAS ដល់ក្រុមហ៊ុនអាកាសចរណ៍ជាតិនិងអន្តរជាតិ និងភាគីពាក់ព័ន្ធ។

បន្ទាប់មក ក្រុមការងារ ក.ប.អ. បានជួបប្រជុំពិភាក្សាជាមួយក្រុមហ៊ុនគ្រប់គ្រងអាកាសយានដ្ឋាន អន្តរជាតិ (CAMS), ក្រុមហ៊ុនអាកាសចរណ៍ Cambodia Angkor Air, និងក្រុមហ៊ុនអាកាសចរណ៍ Singapore Airline ជាបន្តបន្ទាប់ ដើម្បីរៀបចំការតភ្ជាប់និងបញ្ជូនទិន្នន័យអ្នកដំណើរតាមផ្លូវអាកាស រហូតសម្រេចបានដាក់ឱ្យដំណើរការប្រើប្រាស់ប្រព័ន្ធ GTAS ដើម្បីទទួលព័ត៌មានអ្នកដំណើរជាមុន (API) ជាជំហានដំបូង នាថ្ងៃនេះ៕

ដោយៈសុខុម

តូក្យូ: រដ្ឋាភិបាលជប៉ុនជឿថា ភាពតានតឹងកាន់តែខ្លាំងឡើងជុំវិញ កោះតៃវ៉ាន់ ទាម​ទារឱ្យខ្លួនយកចិត្តទុកដាក់ខ្ពស់ ស្របពេលមហាយក្សចិន កំពុងបង្កើនសកម្មភាពយោធាក្នុងតំបន់នោះ ខណៈសហរដ្ឋអាមេរិក ក៏បង្កើនការគាំទ្រដល់កោះ ដែលគ្រប់គ្រងដោយខ្លួនឯងមួយនេះ។ នេះតាមកាសែត The Asahi Simbun ចុះផ្សាយកាលពីថ្ងៃទី១៤ កក្កដា។

ការព្រួយបារម្ភរបស់ប្រទេសជប៉ុន ជុំវិញបញ្ហាកោះតៃវ៉ាន់ ការប្រកួតប្រជែងកាន់តែខ្លាំងឡើងរវាងរដ្ឋាភិបាលក្រុងប៉េកាំង ជាមួយសហរដ្ឋអាមេរិក និងសកម្មភាពយោធាដែ​លកាន់តែគឃ្លើនរបស់ចិន នៅក្នុងតំបន់ ត្រូវបានគណៈរដ្ឋមន្ត្រីជប៉ុន សម្រេចដាក់បញ្ចូលទៅក្នុងរបាយការណ៍ប្រចាំឆ្នាំរបស់ក្រសួងការពារជាតិកាលពីថ្ងៃអង្គារ ដើមសប្ដាហ៍នេះ។

របាយការណ៍នោះបានលើកឡើងថា “ការធ្វើឱ្យស្ថានភាពកោះតៃវ៉ាន់ មានស្ថិរភាពពិតជាមានសារៈសំខាន់ណាស់ សម្រាប់សន្តិសុខជាតិរបស់ប្រទេសជប៉ុន និងស្ថិរភាពរបស់សហគមន៍អន្តរជាតិ”។ លោកបន្តថា “យើងចាំបាច់ត្រូវយកចិត្តទុកដាក់ឱ្យជាប់ចំពោះវិបត្តិដែលធ្ងន់ធ្ងរមិនធ្លាប់មាន”។

នៅពេលប្រទេសចិន បញ្ចេញសាច់ដុំរបស់ខ្លួននៅច្រកសមុទ្រតៃវ៉ាន់ (Taiwan Strait) និងតំបន់អាស៊ី-ប៉ាស៊ីហ្វិក កោះតៃវ៉ាន់ បានក្លាយជាចំណុចផ្ទាំងស៊ីបក្នុងតំបន់ នៅពេលជប៉ុនសហរដ្ឋអាមេរិក និងប្រទេសប្រជាធិបតេយ្យផ្សេងទៀត រឹតទំនាក់ទំនងកាន់តែជិតស្និទ្ធជាមួយកោះនេះ ដែលរដ្ឋាភិបាលក្រុងប៉េកាំង ចាត់ទុកជាដែនដីរបស់ខ្លួនរហូតមក។

របាយការណ៍ដដែលបានបន្ថែមថា “នៅពេលប្រទេសចិន ពង្រឹងឥទ្ធិពលយោធារបស់ខ្លួនយ៉ាងឆាប់រហ័ស ការផ្លាស់ប្តូរក្នុងតុល្យភាពអំណាចយោធា រវាងសហរដ្ឋអាមេរិក និងមហាយក្សចិន អាចនឹងជះផលប៉ះពាល់ដល់សន្តិភាព និងស្ថិរភាពក្នុងតំបន់ឥណ្ឌូ-ប៉ាស៊ីហ្វិក។ ដូចនេះចាំបាច់ត្រូវយកចិត្តទុកដាក់ឱ្យខ្លាំងជាងមុន ចំពោះនិន្នាការយោធានៃប្រទេសទាំង២ក្នុងតំបន់ដូចជា សមុទ្រចិនខាងត្បូង និងច្រកសមុទ្រតៃវ៉ាន់ ជាដើម”។

ជាការតឆ្លើយតប លោក Zhao Lijian អ្នកនាំពាក្យក្រសួងការបរទេសចិន បានចាត់ទុករបាយការណ៍នេះថាជា “ការភាន់ច្រលំធំ និងគ្មានទំនួលខុសត្រូវ”។

កោះតៃវ៉ាន់ បានស្ថិតក្រោមនឹកអាណានិគមរបស់ជប៉ុន អស់រយៈពេល៥០ឆ្នាំរហូតដល់ឆ្នាំ១៩៤៥ ហើយទំនាក់ទំនងរវាងភាគីទាំង២នៅតែរឹងមាំដដែល។

របាយការណ៍ដដែលអះអាងថា ប្រទេសចិន បានបង្កើនសមត្ថភាពយោធារបស់ខ្លួនរយៈពេល២០ឆ្នាំមកហើយ ដោយការចំណាយលើវិស័យការពារជាតិរបស់ខ្លួនធំជាងការចំណាយលើវិស័យយោធា របស់កោះតៃវ៉ាន់យ៉ាងតិច១៦ដង។ ថវិកាយោធារបស់ចិន ដែលមានចំនួនដល់ទៅ១៨១,៦ពាន់លានដុល្លារ គឺច្រើនជាងថវិកាចំណាយលើយោធាជប៉ុនរហូតដល់ទៅ៤ដង។

ប្រទេសចិន ក៏បានព្យាយាមកាត់បន្ថយ ទំនាក់ទំនងការទូតរបស់កោះតៃវ៉ាន់ផងដែរ ដោយធ្វើឱ្យទំនាក់ទំនងការទូតផ្លូវការ ជាមួយកោះនេះសល់ត្រឹមជាង១០ប្រទេប៉ុ   ណ្ណោះ។ កោះតៃវ៉ាន់ នៅតែដំណើរការបណ្តាញការិយាល័យ ពាណិជ្ជកម្មរបស់ខ្លួនធ្វើជាស្ថានទូតនៅក្រៅប្រទេស រួមទាំងនៅសហរដ្ឋអាមេរិក ប្រទេសជប៉ុន និងប្រទេសធំៗដទៃទៀត។

ប្រទេសជប៉ុន មានការព្រួយបារម្ភកាន់តែខ្លាំងឡើង ចំពោះបញ្ហាសន្តិសុខរបស់កោះតៃវ៉ាន់ ស្របពេលកំពុងមានភាពតានតឹងកាន់តែខ្លាំងឡើង រវាងរដ្ឋាភិបាលក្រុងប៉េកាំង និងរដ្ឋាភិបាលក្រុងវ៉ាស៊ីនតោន។ សហរដ្ឋអាមេរិក ដែលជាសម្ព័ន្ធមិត្តដ៏សំខាន់បំផុតរបស់ជប៉ុន បានបង្កើនការគាំទ្រផ្នែកយោធាដល់កោះតៃវ៉ាន់ រួមទាំងការបញ្ជូននាវាចម្បាំងទៅកាន់ច្រកសមុទ្រតៃវ៉ាន់ និងការលក់សព្វាអាវុធទៅឱ្យកោះនេះផង។

របាយការណ៍ខាងលើបានបញ្ជាក់ថា ការបង្កើនសមត្ថភាពយោធារបស់ចិន និងក   ង្វះព័ត៌មានច្បាស់លាស់ ជុំវិញការចំណាយរបស់ប្រទេសចិន លើវិស័យការពារជាតិរបស់ខ្លួន “បានក្លាយជាបញ្ហាកង្វល់យ៉ាងខ្លាំងចំពោះតំបន់ ក្នុងនោះរួមមានទាំងជប៉ុន និងសហគមន៍អន្តរជាតិផងដែរ”។

ទន្ទឹមនេះ ប្រទេសចិន ក៏បានអះអាងកាន់កាប់ស្ទើរតែទាំងអស់ នៃសមុទ្រចិនខាងត្បូង បានសាងសង់មូលដ្ឋានយោធា នៅលើកោះសិប្បនិម្មិតនានា ក្នុងតំបន់មានជម្លោះ ហើយតែងតែប្រឆាំង រាល់សកម្មភាពរបស់យោធាអាមេរិក នៅក្នុងតំបន់។ សហរដ្ឋអាមេរិក មិនអះអាងកាន់កាប់ដែនសមុទ្រនេះឡើយ ប៉ុន្តែបានបញ្ជូននាវាចម្បាំង និងយន្ដហោះរាប់ទសវត្សរ៍មកហើយដើម្បីល្បាត និងការពារការហោះហើរឆ្លងកាត់ដែនទឹក ដែលមមា​ញឹកនេះ៕