លោកច្រឹក សុខនីមៈបីជំហ៊ានឆ្ពោះទៅរកផលចំណេញខ្ពស់ពីការវិនិយោគលើវិស័យអចលនទ្រព្យ

ដោយៈស៊ីវ ម៉េង

ភ្នំពេញៈ ការវិនិយោគនៅក្នុងវិស័យអចលនទ្រព្យ ត្រូវបានគេធ្វើឡើងច្រើនវិធី និងច្រើនយុទ្ធសាស្ត្រ ក្នុងគោលបំណងរួមតែមួយ គឺចង់ទទួលបានប្រាក់ចំណេញខ្ពស់។

ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា លោក ច្រឹក សុខនីម បានបង្ហើបពីយុទ្ធសាស្ត្រសំខាន់ៗចំនួន៣ ដែលជាមូលដ្ឋានគ្រឹះ ដើម្បីជោគជ័យលើការវិនិយោគ និងចំណេញបានប្រាក់ច្រើន។
លោក ច្រឹក សុខនីម បានមានប្រសាសន៍ថា យុទ្ធសាស្ត្រចំនួន៣ ដែលត្រូវបានគេយកមកអនុវត្ត និងទទួលបានលទ្ធផលល្អមានដូចជា៖

ទី១ ការវិនិយោគជាលក្ខណៈបុគ្គល
ជាកិច្ចសហការជាដៃគូចាប់ពី២នាក់ រហូតដល់១០នាក់ ដោយការចូលបដិភាគទុនវិនិយោគ ដើម្បីទិញអចលនទ្រព្យទុក សម្រាប់វិនិយោគបន្តទទួលយកប្រាក់ចំណេញនៅពេលអនាគតរួមគ្នា ដោយការបែងចែងភាគលាភ ទៅតាមភាគរយនៃដើមទុន ដែលបានចូលរួម។ តើត្រូវមាននីតិវិធីដូចម្ដេច ដើម្បីអាចជៀសផុតពីហានិភ័យ ហើយមានអត្រាជោគជ័យខ្ពស់? ចម្លើយគឺត្រូវមានមូលដ្ឋាន ដើម្បីចងក្រងជាក្រុមដោយមានការចែកបែងចែកនូវអំណាចនៃការអនុវត្ត ការទទួលខុសត្រូវ និងការបំណែងចែកការងារ។

ការចងក្រងជាក្រុម គឺអាចជួយដុសខាត និងបណ្តុះចំណេះដឹងដល់សមាជិកក្នុងក្រុម ក្នុងការចេះសម្លឹងមើលពីបរិបថនៃទីផ្សារកាន់តែទូលាយ និងមានឱកាសរីកចម្រើនលឿន។

ទី២ ការវិនិយោគជាលក្ខណៈក្រុមតូចៗ
ការវិនិយោគបែបនេះ ភាគច្រើនក្រុមហ៊ុនដែលមានអជ្ញាប័ណ្ណ មានសិទ្ធិក្នុងការគ្រប់គ្រងមូលនិធិហិរញ្ញវត្ថុ ដែលប្រមូលបានពីការសហការចូលរួម វិនិយោគពីដៃគូតូចៗមកបង្កើតជាដើមទុន សម្រាប់វិនិយោគទៅលើគម្រោងធំ ដែលអាចមានលទ្ធភាពទទួលបានប្រាក់ចំណេញច្រើន ដោយមានការសន្មត់ពីថេរវេលាយ៉ាងច្បាស់លាស់ ពីក្រុមហ៊ុនមានអជ្ញាប័ណ្ណ ដែលជាអ្នកគ្រប់គ្រងមូលនីធិហិរញ្ញវត្ថុ។

លោក ច្រឹក សុខនីម បានបញ្ជាក់ថា នៅក្នុងចំណោមមូលដ្ឋានវិនិយោគទាំង៣ខាងលើនេះ សុទ្ធតែមានឱកាសទទួលបានភាគលាភដូចគ្នា ប៉ុន្តែអ្វីដែលសំខាន់ មុនពេលសម្រេចចិត្តវិនិយោគ នៅក្នុងចំណែកណាមួយ ចាំបាច់បំផុតត្រូវមានការសិក្សា ស្វែងយល់ និងប្រមូលព័ត៌មានពាក់ព័ន្ធឱ្យមានគ្រប់គ្រាន់ ឬអាចមានមេធាវីក្នុងការរក្សា និងការពារផលប្រយោជន៍។

លោកបន្តថា “អ្វីដែលសំខាន់ជាងទៅទៀត សម្រាប់ប្រភពព័ត៌មាន និងការរៀបចំឯកសារពាក់ព័ន្ធនានា លោកអ្នកក៏អាចប្រឹក្សាបន្ថែមជាមួយសមាជិក សមាគមអ្នកវាយតម្លៃ និងភ្នាក់ងារអចលនវត្ថុកម្ពុជា (CVEA) បានដោយមិនមានតម្រូវចំណាយថវិកានោះទេ”។

ទី៣ ការវិនិយោគរួមជាមួយក្រុមហ៊ុនដែលមានអជ្ញាប័ណ្ណ គ្រប់គ្រងមូលនិធិហិរញ្ញវត្ថុ (Real Estate Investment Trust)

អ្នកវិនិយោគត្រូវមានរូបមន្ត ក្នុងការចាប់ផ្ដើមចេញពីមូលដ្ឋាន ក្នុងការស្វែងរកប្រភ​ពនៃព័ត៌មាន ដែលស័ក្ដិសមទៅនឹងលទ្ធភាព នៃការវិនិយោគរបស់យើង នៅក្នុងតំបន់ ដែលមានលក្ខណៈដូចជាប្រភេទលំនៅដ្ឋាន ឬជាដីធ្លី ឬជាប្រភេទអាពាណិជ្ជកម្ម ដែលការវិនិយោគប្រភេទនេះ ចាំបាច់ត្រូវអាស្រ័យទៅលើចំណូលចិត្ត និងការប្រឹក្សាយោបល់បន្ថែម ពីអ្នកជំនាញភ្នាក់ងារអចលនវត្ថុកម្ពុជា ដែលស្ថិតនៅក្នុងសមាគម ដែលមានជាង១២០ក្រុមហ៊ុន និងជាង៣០០០ភ្នាក់ងារនៅទូទាំងប្រទេសកម្ពុជា ដោយមិនត្រូវបានចំណាយថវិកានោះទេ៕

សិក្សាគន្លឹះសំខាន់ៗចំនូន៥លើការវិនិយោគភាគហ៊ុនដើម្បីទទួលបានផលចំណេញនិងហានិភ័យទាប

ដោយៈលក្ខិណា

ភ្នំពេញៈ ការវិនិយោគលើភាគហ៊ុន ត្រូវពិនិត្យទៅលើច្រើនកត្តា មុននឹងសម្រេចចិត្តជ្រើសយកភាគហ៊ុនណាមួយ ដើម្បីកាត់បន្ថយហានិភ័យខ្ពស់។ ខាងក្រោមនេះ ជាកត្តាមួយចំនួនដែល អ្នកគួរពិចារណាមុនសម្រេចចិត្តទិញភាគហ៊ុនណាមួយ។

១. កត្តាសេដ្ឋកិច្ច
ភាគហ៊ុនងាយរងឥទ្ធិពលពីកត្តាផ្នែកខាងក្រៅ (External Factors) ណាស់ ហើ​យកត្តាសេដ្ឋកិច្ច ឬបញ្ហាផ្សេងៗនៅក្នុងប្រទេស អាចជះឥទ្ធិពលដល់តម្លៃហ៊ុនឲ្យឡើងឬចុះបានយ៉ាងងាយ។ ជាក់ស្តែងក្នុងរដូវកាលកូវីដ១៩នេះ តម្លៃហ៊ុនទូទាំងពិភពលោកបានធ្លាក់ចុះ ដែលធ្វើឱ្យអ្នកវិនិយោគជាច្រើនមានការព្រួយបារម្ភ។ ប៉ុន្តែវាអាចជាឱកាសល្អសម្រាប់អ្នកដែលចង់ទិញភាគហ៊ុនក្នុងតម្លៃថោកទៅវិញ។

២. របាយការណ៍ហិរញ្ញវត្ថុរបស់ក្រុមហ៊ុន
ក្រៅពីសង្កេតមើលកត្តាខាងក្រៅហើយ អ្នកគួរពិនិត្យមើលរបាយការណ៍ហិរញ្ញវត្ថុរបស់ក្រុមហ៊ុន ដែលអ្នកចាប់អារម្មណ៍។ របាយការណ៍នេះ អាចផ្តល់ព័ត៌មានសំខាន់ៗជាច្រើនទាក់ទងនឹងក្រុមហ៊ុន ដើម្បីជាជំនួយដល់ការសម្រេចចិត្តរបស់អ្នក។ អ្នកអាចពិនិត្យមើលថាតើក្រុមហ៊ុនចំណេញ ឬខាត ប៉ុន្មានក្នុងមួយឆ្នាំៗ ឬក្រុមហ៊ុនមានទ្រព្យសម្បត្តិ ឬបំណុលចំនួនប៉ុន្មាន។ល។

៣. សន្ទុះនៃការរីកចម្រើនរបស់ក្រុមហ៊ុន
មិនថាអ្នកចង់ទិញភាគហ៊ុនលក់(ជួញដូរ) ឬទិញទុករយៈពេលយូរនោះទេ អ្នកគួរតែស្វែងយល់បន្ថែមអំពី ក្រុមហ៊ុននោះ ជាពិសេសទៅលើការរីចម្រើនរបស់គេ។ ការរីកចម្រើននេះ អាចមើលទៅលើប្រាក់ចំណេញ ឬកេរ្តិ៍ឈ្មោះ (Brand name) របស់ក្រុមហ៊ុននោះ ព្រោះភាគហ៊ុនមួយអាចផ្តល់ភាគលាភ (dividend) បាន លុះត្រាតែក្រុមហ៊ុននោះមានប្រាក់ចំណេញ ឬ ប្រសិនបើក្រុមហ៊ុនមានកេរ្តិ៍ឈ្មោះល្អ ក៏វាអាចងាយស្រួលក្នុងការលក់ភាគហ៊ុនបានក្នុងតម្លៃខ្ពស់ ដែលវាអាចជួយកាត់បន្ថយកម្រិតហានិភ័យបានមួយចំណែកដែរ។

៤. ស្ថេរភាពរបស់ក្រុមហ៊ុន
ក្នុងន័យនេះ ស្ថេរភាពរបស់ក្រុមហ៊ុនសំដៅទៅលើបែបបទ នៃការគ្រប់គ្រងរបស់ក្រុមហ៊ុន និងដំណើរការ (តើអាចបន្តទៅមុខទៀតបាន ឬទេ)។ ក្រៅពីនោះ អ្នកអាចស្វែងរកបន្ថែម នូវព័ត៌មានហិរញ្ញវត្ថុរបស់ក្រុមហ៊ុន ដែលបានចុះផ្សាយជាសាធារណៈ (ទ្រព្យសម្បត្តិ បំណុល ប្រាក់ចំណេញប្រចាំឆ្នាំជាដើម) ដើម្បីដឹងពីលទ្ធភាពដែលក្រុមហ៊ុនអាចបន្តអាជីវកម្មទៅមុខ។

៥. សិក្សាបន្ថែមពីការវិនិយោគ
លើសពី៤ចំណុចខាងលើ យ៉ាងហោចណាស់ អ្នកគួរតែស្វ័យសិក្សាពីមូលដ្ឋានគ្រឹះមួយចំនួនអំពីការវិនិយោគ ដូចជា ការវិភាគសមាមាត្រសំខាន់ៗ រួមមាន P/E ratio, Return on Equity ratio, Earnings per share ជាដើម ដែលសុទ្ធសឹងជាកត្តាគួរពិចារណាថាភាគហ៊ុនមួយណា មានកម្រិតហានិភ័យអាចទទួលយកបាន និងអាចផ្តល់ផលចំណេញមកវិញខ្ពស់។

បន្ថែមពីនេះ អ្នកគួររតែសិក្សាឱ្យច្បាស់ផងដែរអំពីច្បាប់ និងក្រឹត្យក្រមផ្សេងៗក្នុងការវិនិយោគដែលមានចែង ជៀសវាងមានបញ្ហានាពេលក្រោយ៕

វិភាគៈតើសុបិនរបស់មហាយក្សចិន និងថៃអាចសម្រេចបាននូវការជីកព្រែកជីក “ក្រា” ដែលជាផ្លូវទឹកដ៏សំខាន់ថ្មីបានឬទេ?

ដោយៈ Lowy Institute (ថ្ងៃចន្ទ ទី៤ ខែតុលា ឆ្នាំ២០២១)

អន្តរជាតិៈ កាលពីអំឡុងឆ្នាំ១៦៧៧ ព្រះមហាក្សត្រថៃព្រះនាម រាមាធិបតីទី៣ (Ramathibodi III)មានក្ដីសុបិនដ៏ធំមួយ។ ព្រះអង្គបានបញ្ជូនក្រុមវិស្វករឱ្យចុះទៅសិក្សាពីលទ្ធភាព ក្នុងការជីកផ្លូវទឹកដ៏ធំមួយកាត់តាមច្រកសមុទ្រ នៃឧបទ្វីបម៉ាឡេ ដែលជាទូទៅគម្រោងនេះត្រូវបានគេហៅថា “ព្រែកជីកក្រា” ឬ Kra Canal ដើម្បីបើកផ្លូវ ពាណិជ្ជកម្មដោយផ្ទាល់មួយរវាងថៃ និងភូមា (មីយ៉ាន់ម៉ា)។

គម្រោងព្រែកជីកនេះ ត្រូវគេប្រដូចទៅនឹង “ព្រែកជីស៊ុយអេ នៅក្នុងតំបន់អាស៊ីអាគ្នេយ៍”។
ក្រុមវិស្វករថៃនៅពេលនោះ បានត្រឡប់មកវិញដោយបរាជ័យ ដោយសារតែគម្រោ​ងព្រែកជីកនេះមិនអាចធ្វើទៅរួច។ តែមកទល់នឹងសព្វថ្ងៃ គម្រោងនេះក៏ប្រហែលជា នឹងពិបាកទៅរួចដូចគ្នាដែរ ឬក៏ថៃនឹងត្រូវជជែកពីគម្រោងនេះ រាប់រយឆ្នាំទៅមុខទៀតក៏ថាបាន។

គម្រោងព្រែកជីកក្រា មិនត្រូវបានបោះបង់់ចោលឡើយ ដោយកាលពីពេលថ្មីៗនេះ វាត្រូវបានគេយកមកធ្វើជាប្រធានបទ ជជែកយ៉ាងផុលផុសឡើងវិញ នៅក្នុងប្រទេសថៃ។ ព្រែកជីកក្រា ត្រូវបានគេមើលឃើញថាគឺជាជម្រើស “ផ្លូវវាងមួយដ៏សំខាន់” នៃផ្លូវដ៏វែងអន្លាយ និងណែនណាន់តាន់តាប់ កាត់តាមច្រកសមុទ្រម៉ាឡាកា (Strait of Malacca) ដែលជាច្រកសមុទ្រមួយរត់កាត់ចន្លោះរវាង ម៉ាឡេស៊ី ឥណ្ឌូណេស៊ី និងសិង្ហបុរី ហើយតំណាងឱ្យ២៥ភាគរយ នៃការជួញដូរទំនិញរបស់ពិភពលោក។

កាលពីអតីតកាល បារាំងធ្លាប់មានបំណងសាងសង់ព្រែកជីកក្រាដែរ ខណៈអង់ ​គ្លេសបានរារាំង។ រីឯរដ្ឋាភិបាលថៃ នៅតែបន្តសិក្សាពីលទ្ធភាពស្ថាបនាព្រែកជីកនេះ។ បើតាមក្រុមតំណាងរាស្ត្រថៃ រដ្ឋាភិបាលចិនប្រហែលជាមានមហិច្ឆតា ចូលរួមស្ថាបនាព្រែកជីកក្រា តែវាមិនមែនជារឿងងាយស្រួលទេ។

ពិតមែនទៅ គំនិតបង្កើតផ្លូវសមុទ្រមួយតភ្ជាប់ ឈូងសមុទ្រថៃ និងសមុទ្រអាន់ដាម៉ាន់ (Andaman) ត្រូវបានរដ្ឋាភិបាលថៃទាត់ចោលកាលពីឆ្នាំ២០២០ ហើយក្ដីសុបិននៃគម្រោងព្រែកជីកក្រា ក៏បានប្រែក្លាយទៅជា គម្រោង “Thai Land Bridge” វិញផងដែរ​។”Thai Land Bridge” នេះជាគម្រោងសាងសង់បណ្ដាញផ្លូវហាយវ៉េ និងផ្លូកដែកសម្រាប់ការដឹកជញ្ជូនទំនិញទៅ និងមក កំពង់ផែសមុទ្រទឹកជ្រៅ ពីមួយទៅមួយផ្សេងទៀត។

នៅក្នុងករណីត្រូវបានសាងសង់ឡើងពិតមែន នោះគម្រោង Thai Land Bridge នឹងផ្ដល់ជម្រើស “ផ្លូវវាងមួយ” ដ៏ប្រសើរដោយអាចកាត់បន្ថយចម្ងាយធ្វើដំណើរបាន ១,២០០គីឡូម៉ែត្រ និងចំណេញពេលវេលាយ៉ាងហោចក៏២ ទ៣ថ្ងៃដែរ ធៀបទៅនឹងការធ្វើដំណើរកាត់តាមផ្លូវទឹក ដ៏មមាញឹកនៃច្រកសមុទ្រ Malacca។ មិនតែប៉ុណ្ណោះ វាថែមទាំងអាចសន្សំសំចៃថ្លៃដឹកជញ្ជូន ព្រមទាំងកាត់បន្ថយហានិភ័យ ត្រូវចោរសមុទ្រប្លន់ជាដើម។

និយាយពីប្រទេសចិនវិញ ក៏មានចំណាប់អារម្មណ៍ខ្លាំង និងកាន់តែច្បាស់ចំពោះគម្រោងព្រែកជីកក្រារបស់ថៃដែរ។
សន្តិសុខថាមពលចិន ពឹងផ្អែកយ៉ាងខ្លាំងលើការដឹកជញ្ជូនប្រេង និងឧស្ម័នកាត់តាមច្រកសមុទ្រMalacca។ បើតាមការវាយតម្លៃ៨០ភាគរយ នៃការនាំចូលថាមពលរបស់ចិន ត្រូវឆ្លងកាត់តំបន់ជាច្រើននៃច្រកសមុទ្រ Malacca។ តែអ្វីដែលសំខាន់បច្ចុប្បន្ន ចិនមានជម្លោះដែនទឹក ជាមួយម៉ាឡេស៊ីនៅឯសមុទ្រចិនខាងត្បូង ហើយក៏មានជម្លោះដែនទឹកជាមួយឥណ្ឌូណេស៊ីដែរ។

បញ្ហាធំសម្រាប់ចិន គឺស្ថិតនៅត្រង់នេះឯង ដោយសេដ្ឋកិច្ចចិនទាំងមូលអាចនឹងរង្គោះរង្គើរ ប្រសិនបើជម្លោះដែនទឹកជំរុញឱ្យម៉ាឡេស៊ី ឬឥណ្ឌូណេស៊ី បិទខ្ទប់ឬបង្កការរាំងស្ទះដល់ការធ្វើដំណើរ របស់កប៉ាល់ចិនកាត់តាមច្រកសមុទ្រ Malacca ឬក៏ឥណ្ឌាបិទខ្ទប់ផ្លូវទឹករបស់ខ្លួនមិនឱ្យចិន ឆ្លងកាត់ដោយសារតែរឿងជម្លោះព្រំដែន នៅថ្ងៃណាមួយ។

ការព្រួយបារម្ភ និងមហិច្ឆតារបស់ចិនត្រូវបានស្ដែងឡើង តាមរយៈបង្កើតគម្រោងបំពង់បង្ហូរប្រេង និងឧស្ម័នជាមួយមីយ៉ាន់ម៉ា ហើយនៅឆ្នាំ២០០៥ របាយការណ៍មួយ របស់ក្រសួងការពារជាតិអាមេរិក បានបង្ហើបឱ្យដឹងថា ចិនកំពុងពិចារណាវិនិយោគលើគម្រោងព្រែកជីកក្រារបស់ថៃ។ ការគ្រប់គ្រងផ្លូវដឹកជញ្ជូនមួយកាត់តាមប្រទេសថៃ នឹងអនុញាតឱ្យចិន មិនត្រឹមតែអាចពង្រឹង សន្តិសុខថាមពលរបស់ខ្លួនប៉ុណ្ណោះទេ តែវាអាចឱ្យចិន “មានផ្លូវក្រោយមួយ” ទុកប្រើនៅក្នុងករណីដែលមានការបិទឧ្ទប់ ច្រកសមុទ្រណាមួយប្រឆាំងនឹងខ្លួន។

បើតាមក្រុមអ្នកជំនាញ ចិនអាចមានប្រយោជន៍យ៉ាងធំពីគម្រោងព្រែកជីកក្រា ជាជាងគម្រោង “Thai Land Bridge” ពីព្រោះថាព្រែកជីក វាស័ក្តិសមនឹងយុទ្ធសាស្ត្រ ផ្លូវសូត្រសមុទ្រ ឬគំនិតផ្ដួចផ្ដើមខ្សែក្រវាត់ និងផ្លូវរបស់ចិន។ ពោលប្រសិនបើ ព្រែកជីកក្រាត្រូវបានសាងសង់មែន នោះចិននឹងមិនចាំបាច់ ត្រូវបញ្ជូនកប៉ាល់ដឹកទំនិញរបស់ខ្លួនឱ្យធ្វើដំណើរកាត់តាមច្រកសមុទ្រ Malacca ជាទីដែលសហរដ្ឋអាមេរិក មានឥទ្ធិពលខ្លាំងទៀតនោះទេ ហើយវាក៏បង្កភាពងាយស្រួយ ដល់នាវាចម្បាំងចិនអាចធ្វើប្រតិបត្តិការ ឬធ្វើដំណើរចូលទៅកាន់មហាសមុទ្រឥណ្ឌាផងដែរ។

ដូច្នេះ ការកែប្រែគម្រោងព្រែកជីកក្រា ទៅជាគម្រោង Thai Land Bridge អាចនឹងប៉ះពាល់ដល់មហិច្ឆតារបស់ចិន។ តែសម្រាប់ថៃវិញ ត្រូវបានគេមើលឃើញថា អាចនឹង ជ្រើសរើសយកគម្រោង Thai Land Bridge ច្រើនជាង ខណៈរដ្ឋមន្ត្រីដឹកជញ្ជូនថៃ លោក Saksayam Chidchob កាលពីខែមិថុនាកន្លងទៅនេះ ក៏ធ្លាប់លើកឡើងដែរថា គម្រោងនេះ អាចនឹងជាឱកាសមួយឱ្យថៃត្រឡប់ក្លាយទៅជាប្រទេស “ខ្លាសេដ្ឋកិច្ខ” ក្នុងតំបន់អាស៊ីអាគ្នេយ៍សាជាថ្មី។

វាមានហេតុផលសំខាន់ៗមួយចំនួនដែលគេយល់ថា ថៃអាចនឹងជ្រើសរើសយក Thai Land Bridge ក្នុងនោះរួមមាន នៅត្រង់ថាការសាងសង់ប្រព័ន្ធផ្លូវថ្នល់ និងផ្លូវដែក គឺវាមានភាពងាយស្រួលជាងការជីកព្រែក រីឯតម្លៃវិញ ក៏ថោកជាងដែរ នៅក្នុងបរិបទដែលសេដ្ឋកិច្ចថៃ កំពុងរងផលប៉ះពាល់ស្រាប់ដោយសារ COVID-19។

គម្រោងព្រែកជីកក្រា ត្រូវបានគេប៉ាន់ប្រមាណថានឹងត្រូវចំណាយ ប្រាក់អស់ជាង ៥៥ពាន់លានដុល្លារក្នុងការសាងសង់ រីឯគម្រោង Thai Land Bridge អាចនឹងត្រូវចំណាយប្រាក់ត្រឹមតែ១.៨៥ពាន់លានដុល្លារប៉ុណ្ណោះ។ នេះបើតាម វិទ្យាស្ថាន ISEAS-Yusof Ishak មានមូលដ្ឋាននៅសិង្ហបុរី។

បញ្ហាមួយដែលកាន់តែស្មុគស្មាញ ដែលធ្វើឱ្យគម្រោងព្រែកជីកក្រា ពិបាកនឹងទៅរួច នោះគឺរដ្ឋាភិបាលថៃ កំពុងតស៊ូប្រឆាំងជាមួយក្រុមឧទ្ទាមផ្ដាច់ទឹកដី នៅឯភាគខាងត្បូងនៃប្រទេស។ ម្លោះហើយ មានការព្រួយបារម្ភថា គម្រោងព្រែកជីក្រា អាចនឹងពុះចែកតំបន់ភាគខាងត្បូងនៃប្រទេសជាពីរ ដែលនេះអាចនឹងកាន់តែបង្កការងាយស្រួល និងលើកទឹកចិត្ត ដល់ក្រុមឧទ្ទាមទាមទារផ្ដាច់ទឹកដី។

ចំណុចមួយវិញទៀតកាន់តែសំខាន់ នោះគឺច្បាស់ណាស់ គម្រោងព្រែកជីកក្រាអាចប្រឈមមុខ នឹងការជំទាស់យ៉ាងខ្លាំងពីសំណាក់សហរដ្ឋអាមេរិក។

ជាការពិតណាស់ ថៃមានទំនាក់ទំនងជិតស្និទជាមួយចិន តែថៃខ្លួនឯងក៏ជាសម្ព័ន្ធមិត្តមួយរបស់សហរដ្ឋអាមេរិកដែរ។ ដូច្នេះហើយគម្រោងព្រែកជីកក្រា ចង់ឬមិនចង់វាអាចនឹងធ្វើឱ្យថៃក្លាយជាសាច់នំបុ័ងសាំងវិចគៀប នៅចំកណ្ដាលនៃជម្លោះ រវាងសហរដ្ឋអាមេរិក និងចិន ដែលនេះមិនមែនជាអ្វីដែលថៃចង់បាននោះទេ៕

ប្រភព៖ Lowy Institute (ថ្ងៃចន្ទ ទី០៤ ខែតុលា ឆ្នាំ២០២១)

លោកឧកញ៉ាម៉ាន់ ច័ន្ទឌីនិយាយពីស្ថានភាពទីផ្សារដីធ្លីក្នុងអំឡុងបច្ចុប្បន្ននិងបញ្ហាចំពោះមុខ

ដោយៈសុផារី

ភ្នំពេញៈ ក្នុងកំឡុងបុណ្យភ្ជុំបិណ្ឌ ប្រជាជនកម្ពុជាជាច្រើន បាននាំគ្នាត្រលប់ទៅកាន់ស្រុកកំណើត តាមបណ្តាខេត្តក្រុងនានា។ ក្នុងឱកាសនេះ អ្នកជំនាញមើលឃើញថា បុណ្យភ្ជុំបិណ្ឌជាឱកាសល្អសម្រាប់ការទិញដូរដីធ្លី។

លោកឧកញ៉ាម៉ាន់ ច័ន្ទឌី អគ្គនាយកក្រុមហ៊ុន Prenuim Housing Group បានមាន​ប្រសាសន៍ឲ្យដឹងតាមទូរស័ព្ទកាលពីថ្ងៃទី៤ តុលាកន្លងមកថា កំឡុងពេលនេះ ប្រជាជនភាគច្រើនមិនសូវសម្លឹង មើលការទិញវិនិយោគដីធ្លីនោះទេ ព្រោះស្ថានភាពចរន្តលុយមិនទាន់មានច្រើន និងភាគច្រើនមិនទាន់មានការងារធ្វើ។ ការទិញដូរដីធ្លី មានការប៉ះពាល់ខ្លាំង ព្រោះប្រជាជនបានបាត់បង់ចំណូលច្រើន បណ្តាលមកពីផលប៉ះពាល់កូវីដ ១៩ ។

លោកបន្តថា ពួកគាត់ធ្វើយ៉ាងណា ទប់លំនឹងខ្លួនឱ្យនឹងនរច្រើនជាង។ ភាគច្រើន ត្រលប់ទៅស្រុក គាត់យកប្រាក់ទៅជូនបងប្អូន ឱពុកម្តាយច្រើនជាង។

លោកបន្តថា “តម្លៃដីមិនទាន់ឡើងនោះទេ តែសម្រាប់អ្នកដែលមានសាច់ប្រាក់ក្នុងដៃកំឡុងពេលនេះ គឺជាពេលវេលាដ៏ល្អសម្រាប់ការវិនិយោគនៅលើដីធ្លី ព្រោះសព្វថ្ងៃមានការដាក់លក់ដីធ្លីច្រើន គាត់អាចជ្រើសរើសតថ្លៃទិញក្នុងតម្លៃល្អ និងមានជម្រើសច្រើ​នក្នុងការរើសទីតាំង”។ លោកថា “ការវិនិយោគដីក្នុងប្រទេសកម្ពុជាជារឿងល្អ មានឱកាសចំណេញច្រើន ជាពិសេសក្នុងកំឡុងពេលនេះ”។

លោកលើកឡើងថា កន្លងមកក្នុងត្រីមាសទី៣ ក្នុងឆ្នាំ២០២១នេះ កន្លែងខ្លះធ្លាក់ចុះ កន្លែងខ្លះឡើងប្រហែល១០ភាគរយ អាស្រ័យតាមតំបន់នីមួយៗ។

លោកឧកញ៉ាម៉ាន់ ច័ន្ទឌីបានបន្តថា “ការទិញលក់ដីធ្លី គួរមើលផ្លូវ មើលគម្រោងអភិវឌ្ឍន៍នៅជុំវិញ ប្រមូលព័ត៌មានពាក់ព័ន្ធថា រាជរដ្ឋាភិបាលមានគម្រោងនឹងធ្វើអ្វី ដូចជាតំបន់ភាគខាងត្បូងក្បែរព្រលានយន្តហោះថ្មី បឹងតាមោក ឆ្លងដល់តំបន់ព្រែកតាមាក់ ព្រែកព្នៅ ។ល។”។

លោករំពឹងថា នៅពេលដែលប្រទេសកម្ពុជាបើកទេសចរណ៍ឡើងវិញ ស្ថានភាពទីផ្សារនឹងកាន់តែល្អប្រសើរ ព្រោះប្រទេសកម្ពុជាបានចាក់វាក់សាំងបានច្រើន ហើយសេដ្ឋកិច្ចនឹងដំណើរការល្អវិញ ពេលនោះការទិញលក់ដីធ្លីនឹងអាចត្រលប់មករកសភាពដើម​វិញបណ្តើរៗផងដែរ៕

គម្រោងផ្លូវដែក MRT Putrajaya Line តម្លៃជិត១០ពាន់លានដុល្លារអាមេរិកគ្រោង ដាក់ឱ្យដំណើរការនៅខែក្រោយ

ដោយៈសុខុម

គូឡាឡាំពួ: ដំណាក់កាលទី១ នៃគម្រោងផ្លូវដែកខ្នាតយក្ស MRT Putrajaya Line ដែលពីមុនគេស្គាល់ថា MRT2 សម្រេចបាន៩៩,៩%ហើយនៅពេលនេះ ហើយតាមការរំពឹងទុកនឹងដាក់ឱ្យដំណើរការនៅខែវិច្ឆិកា ឆ្នាំ២០២១។ នេះបើយោងតាមសារព័ត៌មាន The Edge Markets ចុះផ្សាយកាលពីថ្ងៃច័ន្ទ ទី៤ តុលា។

ក្រុមហ៊ុន Mass Rapid Transit Corp Sdn Bhd ហៅកាត់ MRT Corp បានប្រកាសកាលពីថ្ងៃច័ន្ទ សប្ដាហ៍នេះថា ដំណាក់កាលទី២ នៃគម្រោងផ្លូវដែកដែលមានទំហំទុនវិនិយោគរហូតដល់ ទៅ៨,៧៧ពាន់លានដុល្លារអាមេរិកនេះ សម្រេចបានរហូតដល់ទៅ៩២,៥៣% ដែលតាមការរំពឹងទុកថា នឹងដាក់ឱ្យដំណើរការនៅខែមករា ឆ្នាំ២០២៣។

ក្រុមហ៊ុន MRT Corp បានចេញសេចក្តីថ្លែងការណ៍​ដោយដកស្រង់ប្រសាសន៍របស់លោក Wee Ka Siong រដ្ឋមន្ត្រីដឹកជញ្ជូនដូច្នេះថា “ការបញ្ចប់គម្រោងផ្លូវដែក MRT Putrajaya Line កើតឡើងចំពេលដ៏សំខាន់។

គម្រោងនេះ នឹងជួយសម្រួលដល់យើងទាំងអស់គ្នា នៅពេលពួកយើងត្រលប់ទៅធ្វើការវិញ និងនៅពេលការរស់នៅរបស់យើងត្រលប់ទៅរកភាពប្រក្រតីឡើងវិញ។ វានឹងដើរតួយ៉ាងសំខាន់ នៅក្នុងការស្តារសេដ្ឋកិច្ចប្រទេសរបសយើងឡើងវិញ”។

រដ្ឋមន្ត្រីរូបនេះបានលើកឡើងទៀតថា ខណៈប្រទេសម៉ាឡេស៊ី ឆ្ពោះទៅរកការងើបឡើងវិញពីវិបត្តិកូវីដ-១៩ សុវត្ថិភាពរបស់អ្នកដំណើរ នៅតែជាអាទិភាពកំពូល ហើយរាល់វិធានការទប់ស្កាត់ ការរីករាលដាលវីរុសកូវីដ-១៩ ត្រូវតែគោរពតាម។ លោកបញ្ជាក់ថា ក្រសួងដឹកជញ្ជូននឹងធ្វើឱ្យប្រាកដថា ប្រតិបត្តិករដឹកជញ្ជូនសាធារណៈ អនុវត្តន៍វិធានការទប់ស្កាត់ការរីករាលដាលវីរុសកូវីដ-១៩ ឱ្យបានម៉ឺងម៉ាត់។

ទន្ទឹមនេះនឹងដែរ លោក Shahidan Kassim រដ្ឋមន្រ្តីក្រសួងដែនដីសហព័ន្ធ ឬ Federal Territories (ដែលរួមមានដែនដី៣៖ គូឡាឡាំពួ Labuan និង Putrajaya) បានថ្លែងថា គម្រោងនេះនឹងក្លាយជាគំនិតផ្តួចផ្តើមដ៏សំខាន់មួយ ឆ្ពោះទៅកាន់ការកាត់បន្ថយការបំភាយឧស្ម័នកាបូន ចូលទៅក្នុងបរិយាកាសក្នុងទីក្រុងគូឡាឡាំពួ។

លោកបានបន្ថែមទៀតថា “គម្រោងនេះនឹងជួយកាត់បន្ថយ ការប្រើប្រាស់យានយន្តឯកជនដែលធ្វើឱ្យទីក្រុងគូឡាឡាំពួ ក្លាយជាទីក្រុងដែលមានបរិស្ថានកាន់តែស្អាត និងមាននិរន្តរភាពសម្រាប់ប្រជាជនទាំងអស់”។

លោកបន្តថា “យើងត្រូវការឱ្យពលរដ្ឋកាន់តែច្រើន ងាកមកប្រើប្រាស់មធ្យោបាយដឹកជញ្ជូនសាធារណៈ ហើយទុករថយន្តរបស់ពួកគេចោលនៅផ្ទះ ហើយគម្រោង MRT នេះគឺជាគំនិតផ្តួចផ្តើម ដ៏សំខាន់បំផុតមួយសម្រាប់យើង ដើម្បីសម្រេចបាននូវគោលដៅនេះ”។

យោងតាមផែនការមេបង្ហាញថា កំណាត់ផ្លូវដែកក្រោមដីប្រវែង១៣.៥គីឡូម៉ែត្រនៃគម្រោង MRT Putrajaya Line មានស្ថានីយក្រោមដីចំនួន៩។ ការងារស្ថាបនាកំណាត់ផ្លូវដែកក្រោមដីនេះ បានបញ្ចប់នៅថ្ងៃទី១១ ខែតុលា ឆ្នាំ២០២០ ដោយម៉ាស៊ីនខួងចំនួន១២ត្រូវបានប្រើប្រាស់ សម្រាប់ការខួងផ្លូវក្រោមដីភ្លោះនេះ៕ The Edge Markets៕

លោកឧកញ៉ាកាង សុធីបង្ហើបវិធីសាស្រ្តចំនួន៣ដើម្បីក្លាយជាភ្នាក់ងារដីធ្លីបានទទួលជោគជ័យ

ដោយៈគង់ សូរិយា

ភ្នំពេញៈ លោកឧកញ៉ា​កាង សុធី​អគ្គនាយក​ក្រុមហ៊ុន Century21 Land Station ដែលជាអ្នកជំនាញផ្នែកដីធ្លី និងទទួលបានជោគជ័យខ្ពស់ តាមរយៈការបំពេញការងារប្រកបដោយទំនុកចិត្ត បានចែករំលែកបទពិសោធន៍មួយចំនួន ដល់ភ្នាក់ងារដីធ្លី ដើម្បីទទួ​លបានជោគជ័យក្នុងអាជីពរបស់ខ្លួន។

លោកឧកញ៉ាបាន​បង្ហើប​ពី​វិធីសាស្ត្រ​មួយចំនួន ដើម្បី​ក្លាយជា​ភ្នាក់ងារ​អចលនទ្រព្យ​បាន​ដោយ​ជោគជ័យ អ្នកជា​ភ្នាក់ងារ​ត្រូវតែ​ប្រកាន់​គោលការណ៍​មួយចំនួន​ដូចជា៖

ភាពស្មោះត្រង់
លោក​ឧកញ៉ា​បាន​មានប្រសាសន៍​ឲ្យ​ដឹងថា គ្រប់មុខ​ជំនួញ​ភាពស្មោះត្រង់​សំខាន់​ណាស់ បើ​គ្មាន​ភាពស្មោះត្រង់​យើង​មិន​ទទួលបាន​ជោគជ័យ​ទេ ពិសេស​ក្នុង​វិស័យ​អចល​ទ្រព្យ។ លោក​បន្តថា ក្នុងនាម​ជា​ភ្នាក់ងារ​អចលនទ្រព្យ​យើង​មិនត្រូវ លោភលន់ ដោយ​ដាក់​តម្លៃបន្ថែម​លើ​តម្លៃ​អចលនទ្រព្យ​ណាមួយ ហើយ​នាំ​ភ្ញៀវ​ទៅ​ទិញ​នោះទេ ព្រោះ​ការដាក់​តម្លៃបន្ថែម នឹងធ្វើ​ឲ្យ​បាត់បង់​គុណ​តម្លៃ​របស់​យើង គេ​លែង​ទុកចិត្ត​យើង និង​លែង​ប្រើ​យើង​តទៅទៀត។

ផ្ទុយទៅវិញ បើ​យើង​មាន​ភាពស្មោះត្រង់ មិន​ស៊ី​លើ​ស៊ី​ក្រោម យកតែ​កម្រៃជើងសារ​តែ៣ភាគរយ តិច​ឬ​ច្រើនជាង​នេះ យើង​នឹង​ទទួលបាន​ការជឿទុកចិត្ត ហើយ​ភ្ញៀវ​ត្រលប់មក​ប្រើ​សេវាកម្ម​យើង​បន្តទៀត។

ភាពស្មោះត្រង់​ធ្វើ​ឲ្យ​យើង​មាន​ចំណូល​និង​ការងារ​ច្រើន
នៅពេល​យើង​នាំ​ភ្ញៀវ​ទៅ​ទិញ​ដី​កន្លែង​ណាមួយ យើង​នឹង​បាន​កម្រៃជើងសារ​ម្តង ពី​ម្ចាស់​ដី អ្នកទិញ​ដី​ឬ​អចលនទ្រព្យ​ដទៃទៀត​តាម​យើង ពេល​គេ​ទទួលបាន​ផលចំណេញ​លក់​ចេញ​ទៅវិញ យើង​នឹង​បាន​កម្រៃជើងសារ​ម្តងទៀត។ ហេតុនេះ​បើ​យើង​មាន​ម៉ូយ​ឬ​ភ្ញៀវ​ប្រើ​យើង​ជាប្រចាំ តែ៥ទៅ១០នាក់ យើង​មិន​ខ្វះ​ការងារ និង​មិន​ខ្វះ​ចំណូល​នោះទេ។

រក​អចលនទ្រព្យ​ពិសេស​ជូន​ភ្ញៀវ
ឧកញ៉ា​កាង សុធី​បាន​បន្តថា ការរក​អចលនទ្រព្យ​ជូន​ភ្ញៀវ មិនមែន​យើង​ចេះតែ​រក ចេះតែ​ជំរុញ​ឲ្យ​គេ​ទិញ​នោះទេ ហេតុនេះ​យើង​ត្រូវ​សិក្សា​ឲ្យ​បានច្បាស់់លាស់​ថា តើ​អច​ល​នទ្រព្យ​នោះ​មាន​សក្តានុពល និង​ផ្តល់​ផលចំណេញ​រយៈពេល​វែង ឬ​រយៈពេល​ខ្លី បើ​ចំណេ​ញ​ក្នុង​រយៈពេល​ណាមួយ យើង​ត្រូវ​ប្រាប់​ភ្ញៀវ​ឲ្យ​បាន​ត្រឹមត្រូវ និង​ដោយ​ភាពស្មោះត្រង់។

ពេល​យើង​ធ្វើបាន​បែបនេះ ភ្ញៀវ​ចំណេញ​នឹង​ផ្តល់​កម្រៃជើងសារ​ឲ្យ​យើង ​លើសពី​អ្វី ដែល​យើង​ត្រូវ​ទទួលបាន ក៏​អាច​ថា​បាន ហើយ​យើង​នឹង​ទទួលបាន​ទំនុកចិត្ត​ពី​ភ្ញៀវ​របស់​យើង​កាន់តែច្រើន មាន​ការងារ​កាន់តែច្រើន និង​រកបាន​ចំណូល​កាន់តែច្រើន។

លោក​ឧកញ៉ាកាង សុធី​បាន​បន្តថា “នៅក្នុង​មុខ​ជំនួញ អ្នក​ត្រូវតែមាន​ភាពស្មោះត្រង់ ព្រោះ​ភាពស្មោះត្រង់​នឹងធ្វើ​ឲ្យ​អ្នកទទួលបាន​ទំនុកចិត្ត និង​ជោគជ័យ​ក្នុង​អាជីព” ។ លោក​បន្តថា “ដោយសារ​ប្រកាន់​គោលការណ៍​នេះ ភ្ញៀវ​ជាច្រើន​បាន​បោះ​លុយ​ឲ្យ​លោក​ទិញ​ដី​ជូន​ពួកគាត់ ដោយ​ពួកគាត់​មិន​ទៅ​មើល​ដី​ផង ផ្ទុយទៅវិញ​ពួកគាត់​រង់ចាំតែ​យក​ផលចំណេញ និង​ពី​សេវាកម្ម ដែល​យើង​ផ្តល់ជូន​ពួកគាត់​ប្រកបដោយ​ទំនុកចិត្ត និង​ភាពកក់ក្តៅ”៕

សម្តេចតេជោនឹងបើកកិច្ចប្រជុំគណៈរដ្ឋមន្រ្តីនៅថ្ងៃទី៨ តុលាបន្ទាប់ពីខនខាន ដោយសារវិបត្តិកួវីដ

         ដោយៈគង់ សូរិយា

         ភ្នំពេញៈ សម្តេចតេជោនាយករដ្ឋមន្រ្តីហ៊ុន សែននឹងអញ្ជើញជាអធិបតីដ៏ខ្ពង់ខ្ពស់ក្នុងការបើកកិច្ចប្រជុំគណៈរដ្ឋមន្រ្តី បន្ទាប់ពីបានពន្យាពេលជាបន្តបន្ទាប់ ដោយសារវិបត្តិកូវីដ១៩។

កិច្ចប្រជុំពេញអង្គនេះ តាមរយៈប្រព័ន្ធបញ្ជូនរូបភាព និងសំឡេង (Video Conference) នៅព្រឹកថ្ងៃទី៨ ខែតុលា ឆ្នាំ២០២១ ខាងមុខនេះ។ នេះបើតាមការប្រកាសរបស់ លោក ផៃ ស៊ីផាន អ្នកនាំពាក្យរាជរដ្ឋាភិបាលកម្ពុជា។

ក្នុងកិច្ចប្រជុំពេញអង្គគណៈរដ្ឋមន្រ្តីនេះ នឹងធ្វើឡើងក្រោមអធិបតីភាពរបស់សម្តេចតេជោហ៊ុន សែន នាយករដ្ឋមន្រ្តីនៃកម្ពុជា ដោយមានរបៀបវារៈចំនួន៣ ដូចជាទី១ សេចក្តីព្រាងច្បាប់ស្តីពីភាពជាដៃគូរវាងរដ្ឋ និងឯកជន។ ទី២ សេចក្តីព្រាងកម្មវិធីវិនិយោគសាធារណៈ ៣ឆ្នាំរំកិល ២០២២-២០២៤។ ទី៣ បញ្ហាផ្សេងៗ៖ សំណើសុំការយល់ព្រមពីគណៈរដ្ឋមន្រ្តី ដើម្បីសុំការអនុម័តពីស្ថាប័ននីតិប្បញ្ញត្តិ លើសេចក្តីព្រាងច្បាប់ស្តីពី ការអនុម័តយល់ព្រមលើ កិច្ចព្រមព្រៀងបន្ថែមទៅលើកិច្ចព្រមព្រៀង រវាងរាជរដ្ឋាភិបាលកម្ពុជា និងអង្គការសហប្រជាជាតិ ទាក់ទងទៅនឹងការកាត់សេចក្តីនៅក្រោមច្បាប់កម្ពុជា នូវឧក្រិ​ដ្ឋកម្មដែលប្រព្រឹត្តឡើង នៅក្នុងរយៈកាលនៃកម្ពុជាប្រជាធិបតេយ្យ ស្តីពីការរៀបចំក្នុងពេលអន្តរកាល និងការបញ្ចប់ការងាររបស់អង្គជំនុំជម្រះវិសាមញ្ញ៕

 

 

ក្រុមហ៊ុនឧស្សាហកម្មដ៏ធំរបស់ប្រទេសថៃប្រកាសឈានជើងចូលទីផ្សារ អាមេរិកនិងអឺរ៉ុប

ដោយៈសុខុម

បាងកក: ក្រុមហ៊ុនB.Grimm Group ដែលជាក្រុមហ៊ុនឧស្សាហកម្ម ចំណាស់បំផុតរបស់ប្រទេសថៃ កំពុងពិចារណាបោះទុនវិនិយោគ លើគម្រោងថាមពលអគ្គិសនីជាច្រើននៅអឺរ៉ុបខាងកើត និងសហរដ្ឋអាមេរិក ដើម្បីដណ្ដើមចំណែកទីផ្សារថាមពលកកើតឡើងវិញដែលកំពុងកើនឡើង។ នេះបើយោងតាមកាសែត Bangkok Post ចុះផ្សាយនៅថ្ងៃទី៤ តុលា នេះ។

ពេលនេះក្រុមហ៊ុនមេ B.Grimm Group ដែលប្រាក់ចំណូលភាគច្រើនរបស់ខ្លួនទទួលបានពីក្រុមហ៊ុនបុត្រសម្ព័ន្ធ ចុះបញ្ជីនៅក្រុងបាងកក B.Grimm Power Plc កំពុងសិក្សាពីលទ្ធភាព ថាតើគួរវិនិយោគតែម្នាក់ឯង ឬតាមរយៈការចាប់ដៃគូសការជាមួយក្រុមហ៊ុនផ្សេង ព្រោះហិរញ្ញវត្ថុជាកត្តាសម្រេចចិត្តដ៏សំខាន់។ នេះបើយោងតាមការបញ្ជាក់ពីលោកស្រី Caroline Link ប្រធានក្រុមហ៊ុន B.Grimm Joint Venture Holding Co ដែលជាបុត្រសម្ព័ន្ធវិនិយោគដ៏សំខាន់មួយរបស់ក្រុមហ៊ុនខាងលើនេះ។

លោកស្រី Caroline Link វ័យ៣៩ឆ្នាំបានលើកឡើង ក្នុងបទសម្ភាសន៍ជាមួយទូរទស្សន៍ Bloomberg ថា “ថាមពលកកើតឡើងវិញ ជាវិស័យដែលគួរឱ្យចាប់អារម្មណ៍យ៉ាងខ្លាំងនាពេលបច្ចុប្បន្ន។ យើងមានសក្តានុពលរីកចម្រើន ក្នុងវិស័យថាមពល ហើយយើងនឹងផ្ដោតសំខាន់លើគម្រោងនានានៅអឺរ៉ុបខាងកើត”។

ក្រុមហ៊ុននេះ កំពុងស្វែងសិក្សាពីលទ្ធភាពវិនិយោគ លើរោងចក្រអគ្គិសនីដើរដោយថាមពលហ្គាសថ្មីៗ នៅក្នុងប្រទេសវៀតណាម ទីដែលខ្លួនបានដំណើរការគម្រោងថាមពលសូឡា (ពន្លឺព្រះអាទិត្យ) រួចទៅហើយ។

លោកស្រីបន្ថែមទៀតថា ម៉ាឡេស៊ី និងកូរ៉េខាងត្បូង ក៏ផ្តល់សក្តានុពលសម្រាប់ការបណ្តាក់ទុនថាមពលថ្មីៗផងដែរ។ លោកស្រីបញ្ជាក់ថា ប្រហែល២៦%នៃសមត្ថភាពផលិតថាមពលអគ្គិសនី សរុបកម្លាំង២.០០០មេហ្គាវ៉ាត់ របស់ក្រុមហ៊ុននេះ នាពេលបច្ចុប្បន្ន គឺបានមកពីប្រភពកកើតឡើងវិញ។

ក្រុមហ៊ុន B.Grimm Group ត្រូវបានគ្រប់គ្រងដោយលោក Harald Link ដែលត្រូវជាពុករបស់លោកស្រី Caroline Link និងគ្រួសាររបស់លោកស្រី ដែលកាន់កាប់ភាគហ៊ុនជាង៦០%ក្នុងក្រុមហ៊ុន B.Grimm Power Plc។ យោងតាមទិន្នន័យប្រមូលចងក្រងដោយទូរទស្សន៍ Bloomberg បង្ហាញថា ការកាន់កាប់ភាគហ៊ុននោះ មានទំហំយ៉ាងតិច១,៩ពាន់លានដុល្លារ។

អាជីវកម្មរបស់ក្រុមហ៊ុនមេ B.Grimm Group រួមមានសម្ភារៈសំណង់ ផ្នែកថែទាំសុខភាព និងការអភិវឌ្ឍអចលនទ្រព្យ។ ក្រុមហ៊ុននេះ ក៏មានការបណ្តាក់ទុនយូរមកហើយជាមួយក្រុមហ៊ុន Carrier Global Corp ដែលមានមូលដ្ឋាននៅរដ្ឋផ្លរីដា សហរដ្ឋអាមេរិក ផងដែរ។ បង្កើតឡើងក្នុងឆ្នាំ១៨៧៨ ដោយដាក់ឈ្មោះថា Siam Dispensary ក្រុមហ៊ុននេះត្រូវបានលោក Adolf Link ដែលត្រូវជាជីតាទួតរបស់លោកស្រី Caroline Link ទិញយកកាលពីប្រមាណ១០០ឆ្នាំមុន។

ក្រុមហ៊ុន B.Grimm Group មានផែនការពង្រីកអាជីវកម្ម ដើម្បីបង្កើនប្រាក់ចំណូលប្រចាំឆ្នាំរបស់ខ្លួន ឱ្យឈានដល់៤,៤៥ពាន់លានដុល្លារអាមេរិក នៅត្រឹមឆ្នាំ២០២៨ ជាពេលដែលក្រុមហ៊ុននេះ ដល់ខួបឆ្នាំទី១៥០របស់ខ្លួន៕ Bangkok Post៕

10,000 businesses a month close their doors permanently in 2021

Vietnam: In the first 9 months of 2021, the number of businesses closing their doors permanently reached 90,300, up 15.3 per cent from the last same term, said the General Statistics Office (GSO).
GSO’s report on the socio-economic situation in September 2021 said an average of 10,000 businesses a month withdraw from the market.

The report also said that 3,899 new enterprises opened in September, down 32.3 per cent compared to the previous month and a 62.2 per cent reduction on the same period in 2020.
In the first nine months of 2021, the total number of newly-established enterprises reached 85,500, down 13.6 per cent over the same period last year. The average registered capital of a newly established enterprise was VNĐ14 billion, down 3.1 per cent.

Capital registered in September was about VNĐ62.4 trillion, down 8.1 per cent over the previous month and down 69.3 per cent over the same period in 2020.
However, the number of registered employees stands at 49,900, an increase of 15 per cent compared to August 2021. This is a decrease of 39.9 per cent compared to the same period last year.
The prolonged COVID-19 pandemic has pushed many businesses close to bankruptcy. The report said that the true number of enterprises that have closed their doors may be higher, as many businesses could not carry out the procedures for withdrawing, due to COVID-19 restrictions.

In addition, the number of enterprises suspending business for a definite time was 45,100 enterprises, up 16.7 per cent over the same period last year. 32,400 businesses stopped operating while waiting for dissolution procedures, up 17.4 per cent, while 12,800 enterprises completed dissolution procedures, up 5.9 per cent.

In the first nine months of this year, 32,300 enterprises returned to operation, down 6.6 per cent compared to last year. Together with the number of newly-established enterprises, 117,800 businesses joined the market, down 11.8 per cent from the last same term.

Source: Viet Nam News

New 7-Eleven sales channel for SMEs

WRITER: LAMONPHET APISITNIRAN

Thailand: The Department of Industrial Promotion (DIP) has launched a new project to help small and medium-sized enterprises (SMEs) expand their sales channels online and in convenience stores by asking CP All Plc, the operator of 7-Eleven shops, to lend a hand.
Up to 100 sellers comprising SMEs and community enterprises will be selected to join the project if their products meet criteria set by CP All, said Nattapol Rangsitpol, chief of the department.
“This project will help SMEs and community enterprises to survive the pandemic’s impact and stimulate the grassroots economy,” he said.
The department expects expanded sales channels will provide sellers an opportunity to better distribute their products to consumers.

“7-Eleven is a well-known modern trade outlet with up to 10,000 branches countrywide,” said Mr Nattapol.
“Not only can entrepreneurs sell their products in convenience stores, but they may also get an opportunity to expand their business to the networks of 7-Eleven and CP All.”
The department and CP All are discussing cooperation in exchanging business know-how and jointly finding ways to develop and adjust entrepreneurs to changes in the market and public lifestyles, he said.
“This cooperation will pave the way to add value to entrepreneurs’ businesses,” said Mr Nattapol.
Yuthasak Poomsurakul, co-managing director of CP All, said Covid-19 caused a negative outcome for 7-Eleven stores, but the company is ready to work with the department to help SMEs sell goods that match consumer demand.
Mr Yuthasak believes 7-Eleven’s online and offline sales channels will help SMEs and community enterprises survive the crisis.

Source: Bangkok Post