ដោយៈវឌ្ឈនៈ

កែបៈ ក្រោយរដ្ឋបាលខេត្តកែប បានប្រកាសពីការកែលម្អឆ្នេរកម្សាន្ត នៅខេត្តកែបបន្ថែមទៀត ដើម្បីទាក់ទាក់ទាញភ្ញៀវទេសចរជាតិ និងអន្តរជាតិក្រោយវិបត្តិកូវីដ១៩ នឹងធ្វើឱ្យអចលនទ្រព្យនៅក្នុងខេត្តនេះ មានសន្ទុះមួយកម្រិតទៀត ជាពិសេសការទិញលក់ដីធ្លី។

ភ្នាក់ងារអចលនទ្រព្យប្រចាំខេត្តកែប និងកំពត បានបង្ហាញពីសុទិដ្ឋិនិយមចំពោះ វិស័យអចលនទ្រព្យ នៅក្នុងខេត្តបន្ថែមទៀតក្រោយពេលរដ្ឋបាលខេត្ត ប្រកាសកែលម្អឆ្នេរ ខណៈកន្លងមកទោះបីជាកម្ពុជា ជួបវិបត្តិដោយសារតែកូវីដ១៩ក្ដី ក៏សកម្មភាពនៃការទិញលក់អចលនទ្រព្យជាពិសេសដីធ្លី នៅក្នុងតំបន់នេះនៅតែមានជាហូរហែរ រហូតដល់អ្នកទិញនៅតែបន្តទិញទុក និងទិញដើម្បីអភិវឌ្ឍន៍នៅពេលចប់កូវីដ១៩។

លោកលឹម រដ្ឋា ភ្នាក់ងារអចលនទ្រព្យនៅខេត្តកំពត និងកែបបាននិយាយឲ្យដឹងនាព្រឹកថ្ងៃទី១០ មិថុនានេះថា គម្រោងកែលម្អឆ្នេរកម្សាន្តសាធារណៈ នៅក្នុងខេត្តកែប វាពិតជាល្អណាស់សម្រាប់ទាក់ទាញភ្ញៀវទេសចរ ហើយភ្ញៀវទេសចរក៏នឹងមានកន្លែង សម្រាប់កម្សាន្តកាន់តែច្រើន ដែលអាចធ្វើឱ្យចំនួនភ្ញៀវមកលេងខេត្តកែប កាន់តែច្រើននៅពេលអនាគត។

លោកថា “នៅពេលភ្ញៀវមកលេងកាន់តែច្រើន ពេលនេះតម្រូវការកន្លែងស្នាក់នៅ និងភោជនីយដ្ឋានស្តង់ដារក៏នឹងមានកំណើន ដែលជំរុញឱ្យមានការវិនិយោគលើប្រភេទសណ្ឋាគារ ផ្ទះសំណាក់និងភោជនីយដ្ឋានបន្ថែម ដូច្នេះតម្រូវការទីតាំងសម្រាប់អភិវឌ្ឍន៍នឹងកើនឡើងឆាប់ៗ”។

លោកបន្តថា សម្រាប់ដីធ្លីនៅក្នុងខេត្តកែប បើទោះបីជាកម្ពុជាស្ថិតនៅក្នុងវិបត្តិនៃជំងឺកូវីដ១៩ក្ដី តែភ្ញៀវស្វែងរកដីធ្លីសម្រាប់ទុកចំណេញ ឬទិញដើម្បីទុកអភិវឌ្ឍន៍អនាគតក៏នៅតែមានបន្តបន្ទាប់ ជាពិសេសភ្ញៀវនៅរាជធានីភ្នំពេញ ។ ប៉ុន្តែ នៅក្នុងអំឡុងពេលនៃការបិទស្ទប់រាជធានីភ្នំពេញ និងក្រុងតាខ្មៅ ការទិញលក់បានស្ងប់ស្ងាត់បន្តិចហើយវាក៏មានសកម្មភាពឡើងវិញ ពេលរដ្ឋាភិបាលបានបិទបញ្ចប់ការបិទខ្ទប់និងបម្រាមគោចរ ។

ភ្នាក់ងារអចលនវត្ថុផ្សេងទៀតនៅក្នុងតំបន់នេះ ក៏បានបញ្ចេញទស្សនៈស្រដៀងគ្នានេះដែរថា កែប ជាខេត្តជាប់មាត់សមុទ្រមួយនៃប្រទេសកម្ពុជា ហើយវាក៏នៅមិនឆ្ងាយពីរាជធានីភ្នំពេញ ដូច្នេះប្រជាពលរដ្ឋរាជធានីភ្នំពេញ ដែលចង់ទៅកម្សាន្តនៅកែប អាចធ្វើដំណើររយៈពេលខ្លីជាងមុន ហើយក៏មានផ្លូវស្រួល ដូច្នេះ នៅពេលចប់កូវីដ១៩ ខេត្តនេះនឹងទទួលបានភ្ញៀវទេសចរកាន់តែច្រើន ហើយពេលនោះ តម្រូវការលើវាកម្មបម្រើភ្ញៀវទេសចរនឹងមានកំណើនដូចគ្នា។

ជាមួយគ្នានឹងការកែលំអរឆ្នេរ អាជ្ញាធរខេត្តកែបក៏បាននិងកំពុងសាងសង់ផ្សាររាត្រី និងសាងសង់កំពង់ផែទេសចរណ៍កោះទន្សាយផងដែរ ពិសេសការកសាងហេដ្ឋារចនាសម្ព័ន្ឋក្នុងខេត្តនេះ ដែលសំដៅលើកកំពស់មុខមាត់របស់ខេត្តបន្ថែមទៀត។

រដ្ឋាភិបាល តាមរយៈក្រសួងទេសចរណ៍ ក៏បានបញ្ចប់ការរៀបចំផែនការមេ លើកកំពស់វិស័យទេសចរណ៍ ដោយប្រែក្លាយខេត្តកែបជាតំបន់សម្រាកវិស្សមកាលកម្រិតខ្ពស់ សំរាប់ខេត្តតូចច្រឡឹងនេះ។ ជាពិសេសរដ្ឋាភិបាល នឹងមិនអនុញ្ញាត្តឲ្យមានរោងចក្រ សហគ្រាស ដែលបង្កការបំពុលផ្សែងនោះទេ៕

ភ្នំពេញ ថ្ងៃទី 10 ខែមិថុនា ឆ្នាំ 2021 – ចាប់តាំងពីការបើកទទួលចុះឈ្មោះគម្រោងផ្សារជីស៊ី អូរឫស្សីចាប់តាំងពីថ្ងៃទី 29 ខែឧសភា 2021 នៅក្នុងការិយាល័យតាំងបង្ហាញដំបូងបង្អស់នៅអូឡាំព្យាស៊ីធី ផ្សារជីស៊ី អូរឫស្សីទទួលបានការឆ្លើយតបយ៉ាងច្រើនលើស លប់ពីសំណាក់សហគ្រិនក្នុងស្រុក និងក្រៅប្រទេស ម្ចាស់អាជីវកម្ម និងអ្នកវិនិយោគជាដើម។

ថ្វីបើការិយាល័យតាំងបង្ហាញនេះទើបតែបើកទ្វារប៉ុណ្ណោះ ប៉ុន្តែផ្សារជីស៊ី អូរឫស្សីមានចក្ខុវិស័យមួយជារបស់ខ្លួនរួចជាស្រេច ក្នុងការរៀបចំនូវផែនការសម្រាប់ពេលអនាគត។ ផ្សារជីស៊ី អូរឫស្សី នឹងក្លាយខ្លួនទៅជាទីតាំងដ៏មានភាពល្បីល្បាញសម្រាប់ទេសចរក្នុង ស្រុក និងក្រៅប្រទេសដែលតំណាងឲ្យប្រវត្តិសាស្ត្រ និងអត្តសញ្ញាណដែលផ្សារភ្ជាប់នូវអតីតកាល មកបច្ចុប្បន្នកាល និងទៅកាន់អនាគត កាលផងដែរ។ ផ្សារជីស៊ី អូរឫស្សីគឺជាការរួមបញ្ចូលគ្នានៃបេតិកភណ្ឌវប្បធម៌ខ្មែរដែលតំណាងឲ្យ គុណតម្លៃ និងចំណេះដឹង ប្រពៃណី និងទំនៀមទម្លាប់ ជំនាញ និងទ្រព្យសម្បត្តិ សម្រាប់ផ្ទេរពីមួយជំនាន់ទៅមួយជំនាន់។

លោក Caleb Loh ដែលជានាយកគម្រោងជីស៊ី អូរឫស្សី ក.អ បានមានប្រសាសន៍ថា “ការិយាល័យតាំងបង្ហាញនៃផ្សារបោះដុំ ជីស៊ី អូរឫស្សីដំបូងគេបង្អស់មានទីតាំងស្ថិតនៅចំកណ្ដាលស្នូលនៃរាជធានីភ្នំពេញ ដែលរួមមានហាងគម្រូមួយបង្ហាញឲ្យអ្នកដែលមក ទស្សនាទាំងអស់អាចគិតអំពីអាជីវកម្មដែលពួកគេអាចបើកដំណើរការបាននៅទីនេះ”។

លោកបានបន្ថែមថា “មានអតិថិជនជាច្រើនបានសាកសួរអំពីគម្រោងផ្សារបោះដុំជីស៊ី អូរឫស្សី។ ពួកគេចង់ឃើញថាទីនោះមាន រូបរាងដូចម្ដេចខ្លះ និងធ្វើយ៉ាងណាទើបពួកគាត់អាចមកមើលពីផលិតផលនេះជាក់ស្ដែង។ ភ្ញៀវទាំងអស់សុទ្ធតែបង្ហាញនូវចំណាប់អារម្មណ៍ យ៉ាងខ្លាំងចំពោះគម្រោងថ្មីរបស់យើង នេះជាហេតុដែលធ្វើឲ្យយើងបង្កើតនូវការិយាល័យតាំងបង្ហាញនេះឡើងដើម្បីឲ្យអតិថិជនអាច អញ្ជើញ មកមើលក៏ដូចជាសិក្សាអំពីគម្រោងរបស់យើង។ ភ្ញៀវទាំងអស់អាចសាកសួរអំពីគម្រោងលម្អិត តម្លៃ និងការបង់ប្រាក់ដើម្បីធ្វើការ ទិញនៅពេលដែលគម្រោងបើកលក់ក្នុងអំឡុងពេលប៉ុន្មានខែទៅមុខ។

ក្រុមហ៊ុនជីស៊ី អូរឫស្សី ក.អ ធ្លាប់បានធ្វើការចែករំលែកអំពីការផ្ដល់ជូនពិសេសសម្រាប់អតិថិជនដែលចុះឈ្មោះទុកជាមុន តាំងពីពេលដែលការិយាល័យតាំងបង្ហាញបើករហូតដល់នៅពេលឥឡូវនេះអត្រាចុះឈ្មោះបានលើសពី 100% រួចទៅហើយ។ លោក Caleb Loh ដែលជានាយកគម្រោងនៃជីស៊ី អូរឫស្សី ក.អ បានមានប្រសាសន៍បន្ថែមថា “សម្រាប់ពេលបច្ចុប្បន្ននេះការទទួល ចុះឈ្មោះលើកទី 1 ត្រូវបានផ្អាករួចទៅហើយ រហូតដល់មានការជូនដំណឹងបន្ថែមទៀត។ សូមរង់ចាំទទួលព័ត៌មានបន្ថែមទៀតអំពីការ ទទួលចុះឈ្មោះលើកទី 2 និងការផ្ដល់ជូនពិសេសៗបន្ថែមទៀតនឹងប្រកាសនៅពេលឆាប់ៗខាងមុខនេះ។ ផ្សារជីស៊ី អូរឫស្សីនឹងនៅតែបន្ត ផ្ដល់ជូនជម្រើសបង់ប្រាក់ដែលពិសេស និងងាយស្រួលសម្រាប់ឲ្យអតិថិជនទាំងអស់ អាចក្លាយជាម្ចាស់តូបក្នុងក្ដីស្រម៉ៃនៅក្នុងផ្សារជីស៊ី អូរឫស្សី”។

បន្ថែមពីលើនេះ ផ្សារជីស៊ី អូរឫស្សីក៏កំពុងតែធ្វើការសាងសង់នូវការិយាល័យលក់គម្រោងរបស់ខ្លួន នៅពីមុខទីតាំងគម្រោង ហើយ ការិយាល័យថ្មីនេះគ្រោងនឹងបញ្ចប់នៅក្នុងខែកញ្ញាដែលអនុញ្ញាតឲ្យអតិថិជនទាំងអស់អាចឃើញពីគម្រោង និងដំណើរការសាងសង់ក្នុង ពេលតែមួយ។

សម្រាប់ព័ត៌មានបន្ថែមអំពីផ្សារជីស៊ី អូរឫស្សីសូមចូលទៅកាន់គេហទំព័រហ្វេសប៊ុក របស់យើង៖

• GC Orussey Market – ផ្សារជីស៊ីអូរឫស្សី: https://www.facebook.com/gc.orusseymarket 
• ឆានែលតេឡេក្រាម – https://t.me/GCOrusseyMarket 
• លេខទូរស័ព្ទ និងតេឡេក្រាម: 099 331015, 098 331015

បញ្ចប់

ក្រុមហ៊ុន GCC គឺជាក្រុមហ៊ុនវិនិយោគ ដែលមានទីស្នាក់ការកណ្ដាលនៅទីក្រុងហុងកុង ដែលមានជំនាញលើ វិស័យ អភិវឌ្ឍអចលនទ្រព្យ  វិនិយោគដីធ្លី និងសេវាកម្មហិរញ្ញវត្ថុ (trust and fund management)។ ចក្ខុវិស័យដ៏ធំបំផុតនៃ GCC គឺក្លាយជាអ្នកអភិវឌ្ឍអចលនទ្រព្យ ផ្តល់ជូនសេវាកម្មពេញលេញ  360० នៅក្នុងប្រទេសកម្ពុជា។ បច្ចុប្បន្ននេះ GCC មានក្រុមហ៊ុនបុត្រសម្ព័ន្ធចំនួន 7 ទៀត រួមមាន GC City, GC Land, GC Empire, GC Realty, GC Design, GC Management និង GC Credit ។ គម្រោងបច្ចុប្បន្នរបស់ GCC រួមមាន៖ បុរី ណាឌី ដោយជីស៊ី ស៊ីធី, CEO Wyndham Residence ផ្សារជីស៊ី អូរឫស្សី GC Residence ជ្រោយចង្វារ  និង Lixin Century Innovation Park ក្រុងព្រះសីហនុ។

រៀបរៀងដោយការិយាល័យទីផ្សារ GCC 

 សម្រាប់ព័ត៌មានបន្ថែម សូមទំនាក់ទំនង

អ្នកនាង Leong Ka Yen

ប្រធានផ្នែកទីផ្សារ

លេខទំនាក់ទំនង: +855 96 820 6822  Email: [email protected]

 លោកង៉ែត ឧត្តមមុន្នី

ប្រធានត្រួតពិនិត្យទីផ្សារ

លេខទំនាក់ទំនង: +855 98 831 868 Email: [email protected]

ដោយៈវឌ្ឈនៈ

ភ្នំពេញៈ តំបន់ភាគខាងត្បូងរាជធានីភ្នំពេញបាន និងកំពុងបង្ហាញពីសក្ដានុពលក្នុងការទាគ់ទាញការវិនិយោគ លើគម្រោងលំនៅឋានប្រណិតៗ ក្នុងពេលគម្រោងធំៗជាច្រើនក៏ពុងបង្ហាញរូបរាងជាបន្តបន្ទាបផងដែរ ដូចជា គម្រោងព្រលាយន្តហោះអន្តរជាតិថ្មី គម្រោងផ្សារទំនើបអ៊ីអន៣ និងគម្រោងអភិវឌ្ឍន៍ហេដ្ឋារចនាសម្ព័ន្ធ ជាច្រើនទៀតរបស់រដ្ឋជាដើម។

លោកស្រីសុខ បូរី ប្រធានផ្នែកទីផ្សារនៃក្រុមហ៊ុនអភិវឌ្ឍន៍លំនៅឋានប្រណិតមួយនៅតំបន់ភាគខាងត្បូង រាជធានីភ្នំពេញបានឱ្យដឹងថា កត្តាដែលជំរុញឱ្យក្រុមហ៊ុនជ្រើសរើសយកទីតាំង ភាគខាងត្បូងរាជធានីភ្នំពេញ ក្នុងការអភិវឌ្ឍលំនៅឋានប្រណិតសម្រាប់ផ្គត់ផ្គង់ជូនប្រជាពលរដ្ឋ ដោយសារតែក្រុមហ៊ុនបានសម្លឹងមើលឃើញ សក្ដានុពលអភិវឌ្ឍន៍មួយចំនួន ក្នុងនោះផ្លូវក៏មានជួសជុលនិងសាងសង់ឡើងវិញ ហើយផ្លូវថ្មីៗក៏មានច្រើន ដែលជំរុញឱ្យសក្ដានុពលទាក់ទាញ ការវិនិយោគលើលំនៅឋាន មកកាន់តំបន់នេះកាន់តែច្រើនទៀត។

លោកបន្តថា “អនាគតពលរដ្ឋនឹងផ្លាស់ប្តូរមករស់កាន់តែច្រើន ព្រោះនៅជិតព្រលានយន្តហោះអន្តរជាតិភ្នំពេញថ្មី នៅជិតផ្សារទំនើបអ៊ីអន៣ និងមានគម្រោងអភិវឌ្ឍន៍ធំៗជាច្រើនទៀត”។

លោកស្រីបន្តថា នៅពេលខាងមុខឆាប់ៗនេះ តំបន់ភាគខាងត្បូងនឹងកាន់តែទាក់ទាញបន្ថែមទៀតដល់ការអភិវឌ្ឍលំនៅឋានប្រណិតៗ ដោយបច្ចុប្បន្នសកម្មភាពនៃការអភិវឌ្ឍ នៅតំបន់ភាគខាងត្បូងនៃរាជធានីភ្នំពេញ កាន់តែមានភាពមមាញឹកទោះបីជាកំពុងស្ថិតនៅក្នុងវិបត្តិនៃជំងឺកូវីដ១៩ក្ដី ។

ជាមួយគ្នានេះ លោកសន សៀននាយកក្រុមហ៊ុនអចលនទ្រព្យ ឃីរៀលអ៊ីស្ទេតក៏បានឱ្យដឹងផងដែរថា តំបន់ភាគខាងត្បូងរាជធានីភ្នំពិសេស ជាពិសេសនៅ ខណ្ឌដង្កោ តម្លៃដីមានសន្ទះងើបខ្ពស់ខ្លាំងជាងគេ ដែលទាញឱ្យតម្លៃជាធម្យមនៅរាជធានីភ្នំពេញ មានសន្ទុះដដែល ។ កត្តាដែលជំរុញឱ្យតម្លៃដីនៅតំបន់នេះ មានសន្ទុះងើបខ្ពស់ ដោយសារតែហេដ្ឋារចនាសម្ព័ន្ធធំៗ បានរត់កាត់តំបន់នេះ ដូចជាផ្លូវ៦០ម៉ែត្រ ផ្លូវក្រវ៉ាត់ក្រុងនិងផ្លូវសំខាន់ៗជាច្រើនទៀត ។

ចំណែកលោកច្រឹក សុខនីមប្រធានសមាគមអ្នកវាយតម្លៃ និងភ្នាក់ងារអចលនវត្ថុបានលើកឡើងថា ទីណាមានការអភិវឌ្ឍហេដ្ឋារចនាសម្ព័ន្ធកាន់តែច្រើនទីនោះ នឹងទទួលបានការវិនិយោគ លើវិស័យអចលនទ្រព្យកាន់តែច្រើន ពីព្រោះវិនិយោគិនអចលនទ្រព្យគេចូលចិត្តតំបន់ណា ដែលមានការអភិវឌ្ឍលើហេដ្ឋារចនាសម្ព័ន្ធច្រើន៕

ដោយៈចាន់ថា

ភ្នំពេញៈ តំបន់ជុំវិញព្រលានយន្តហោះអន្តរជាតិភ្នំពេញថ្មី បានបន្តស្រូបយកការវិនិយោគកាន់តែច្រើន ជាក់ស្តែងបុរីថ្មីមួយបានប្រកាសបើកការដ្ឋានសាងសង់ និងលក់ជាផ្លូវការនាព្រឹកថ្ងៃទី១០ មិថុនានេះ។

បុរីថ្មីនេះមានឈ្មោះ “បុរីខេមរភូមិ” បានលេចចេញរូបរាង និងប្រណិតភាពរបស់ខ្លួនជាផ្លូវការ ក្បែតំបន់ព្រលានយន្តហោះថ្មី នៃស្រុកកណ្តាលស្ទឹង នាពេលឆាប់ៗខាងមុននេះហើយ បន្ទាប់ពី ការដ្ឋានសាងសង់ សំណងបុរីខេមរភូមិនេះ ត្រូវបានធ្វើពិធីបញ្ចុះបឋមសិលា បើកការដ្ឋានសាងសង់ជាផ្លូវការ នាថ្ងៃទី១០ ខែមិថុនា ឆ្នាំ២០២១ នេះ នៅលើផ្ទៃដីប្រមាណ៣ហិចតា ស្ថិតក្នុងភូមិឆ្មាពួន ឃុំជើងកើប ស្រុកកណ្តាលស្ទឹង ខេត្តកណ្តាល។

លោកស្រី សុខ បូរី ប្រធានផ្នែកលក់បុរីខេមរភូមិ បានអោយដឹងនាពិធីបញ្ចុះបឋមសិលាសាងសង់បុរីនេះថា គំរោងបុរីខេមរភូមិនេះ ត្រូវបានវិនិយោគឡើង ដោយក្រុមហ៊ុន Monarchy land & Investment នៅលើផ្ទៃដីចំនួន៣ហិចតា ដែលមានចម្ងាយត្រឹមតែ ៧០០ម៉ែត្រ ពីផ្កូវជាតិលេខ២ (ខាងឆ្វេងដៃ បើមកពីព្រែកហូរ និង ខាងស្តាំដៃ បើមកពីរង្វង់មូលគួរស្រូវ) គឺត្រង់ចំណុចភូមិឆ្មាពួន ឃុំជើងកប។

គំរោង បុរីខេមរភូមិន្ទ ដែលត្រូវចាប់ផ្តើម សាងសង់ជាផ្លូវការនេះ មានការអភិវឌ្ឈន៍ ចេញជាសំណង់ លំនៅដ្ឋាន ជាង១០០ផ្ទះ ដែលចែកចេញជា ៣ប្រភេទផ្ទះ ក្នុងនោះ មានប្រភេទផ្ទះល្វែង អាជីវកម្ម ឬ (Shop house ),ប្រភេទផ្ទះវីឡាកូនកាត់ (link house)និង ប្រភេទផ្ទះវីឡាទោល(Single Villa)ហើយ ដែលសំណង់លំនៅដ្ឋានទាំងនេះ ប្រើពេលសាងសង ជាង១ឆ្នាំ (ចាប់ពីខែមិថុនា ឆ្នាំ២០២១ នេះ រហូតដល់ ខែមិថុនា ឆ្នាំ២០២២)។

បើតាមការបញ្ជាក់ របស់ លោកស្រី សុខ បូរី សំរាប់សំណង់លំនៅដ្ឋាន នៅក្នុង បុរីខេមរភូមិនេះ ត្រូវបានរចនា និងសាងសង់ឡើង តាមបែបស៊ីវិល័យ ស្របទៅតាមតម្រូវការ និងទំហំខុសៗគ្នា សំរាប់អតិថិជន ក្នុងនោះ ប្រភេទផ្ទះវីឡាកូនកាត់ ឬ (linkhouse) មានទំហំដី ៥ម៉ែត្រ គុណ២០ម៉ែត្រ និងមានទំហំផ្ទះ ៤ម៉ែត្រ គុណ ១០ ម៉ែត្រ, មាន២បន្ទប់គេង និង៣បន្ទប់ទឹក មានតំលៃចាប់ពី ៤.៨៨០០ ដុល្លារ អាមេរិច ឡើងទៅ។

ប្រភេទផ្ទះល្វែង អាជីវកម្ម ឬ (Shop house) មានទំហំដី ៤.២ម៉ែត្រ គុណ ២៥ម៉ែត្រ និងមានទំហំផ្ទះ ៤.២ម៉ែត្រ គុណ១៤.៥ម៉ែត្រ ) មាន៤បន្ទប់គេង និង ៥បន្ទប់ទឹក ដែលមានតំលៃចាប់ពី ៩.៨៨០០ ដុល្លារ អាមេរិច ឡើងទៅ។ និងទី៣ ជាប្រភេទផ្ទះវីឡាទោល ឬ (Single Villa) មានទំហំដី ១០ម៉ែត្រ គុណ២០ម៉ែត្រ និងមានទំហំផ្ទះ ៧ម៉ែត្រ គុណ១២ម៉ែត្រ មាន៦បន្ទប់គេង និង៧បន្ទប់ទឹក នៅសល់ដីចំហៀងផ្ទះ ១ម៉ែត្រកន្លះ ទីធ្លាមុខផ្ទះ ពី៦ម៉ែត្រ កន្លះ ទៅ៨ម៉ែត្រ អាចចតរថយន្តបាន២គ្រឿង ហើយនៅខាងក្រោយផ្ទះ មាននៅសល់ដី ចាប់ពី២ម៉ែត្រ ទៅ៤ម៉ែត្រកន្លះ ដែលមានតំលៃ ចាប់ពី ១៣ម៉ឺន ៨ពាន់ ៨០០ដុល្លារឡើងទៅ។ បានន័យថា តំលៃលំនៅដ្ឋាន ទាំងបីប្រភេទ នៅក្នុងបុរីខេមរភូមិនេះ មានតម្លៃសមរម្យ ឬទាបជាង បើប្រៀបធៀប និងសំណង់លំនៅដ្ឋាននៃបុរីផ្សេងៗ ហើយចំពោះអតិថិជន ដែលទិញផ្ទះ នៅក្នុងគំរោង បុរីខេមរភូមិនេះ និងទទួលបានប្លង់រឹង ដោយឥតគិតថ្លៃ ប្រសិនបង់ផ្តាច់ភ្លាមៗ ឬបង់ផ្តាច់ក្នុង រយះពេល២ឆ្នាំ។

ទី៣ ជាប្រភេទផ្ទះវីឡាទោល ឬ (Single Villa) មានទំហំដី ១០ម៉ែត្រ គុណ២០ម៉ែត្រ និងមានទំហំផ្ទះ ៧ម៉ែត្រ គុណ១២ម៉ែត្រ មាន៦បន្ទប់គេង និង៧បន្ទប់ទឹក នៅសល់ដីចំហៀងផ្ទះ ១ម៉ែត្រកន្លះ ទីធ្លាមុខផ្ទះ ពី៦ម៉ែត្រ កន្លះ ទៅ៨ម៉ែត្រ អាចចតរថយន្តបាន២គ្រឿង ហើយនៅខាងក្រោយផ្ទះ មាននៅសល់ដី ចាប់ពី២ម៉ែត្រ ទៅ៤ម៉ែត្រកន្លះ ដែលមានតំលៃ ចាប់ពី១៣,៨៨០០ដុល្លារឡើងទៅ។ បានន័យថា តំលៃលំនៅដ្ឋាន ទាំងបីប្រភេទ នៅក្នុងបុរីខេមរភូមិនេះ មានតម្លៃសមរម្យឬទាបជាង បើប្រៀបធៀប និងសំណង់លំនៅដ្ឋាននៃបុរីផ្សេងៗ ហើយចំពោះអតិថិជន ដែលទិញផ្ទះនៅក្នុងគំរោង បុរីខេមរភូមិនេះ និងទទួលបានប្លង់រឹង ដោយឥតគិតថ្លៃ ប្រសិនបង់ផ្តាច់ភ្លាមៗ ឬបង់ផ្តាច់ក្នុង រយះពេល២ឆ្នាំ។

ចំណែក លោកស្រី ឃួន លក្ខិណា អគ្គនាយិការង ក្រុមហ៊ុន Monarchy land & Investment និងជាតំណាង គំរោងបុរីខេមរភូមិ ក៏បានបន្ថែមដែរថា លក្ខណះពិសេស នៃគម្រោង បែបទំនើបកម្ម ស៊ីវីល័យ រចនាបថប្លែក រួមផ្សំបរិស្ថានល្អ រស់នៅ ដោយភាពថ្លៃថ្នូរ និងមោទនភាព នៃបូរីខេមរភូមិរបស់យើងនេះ គឺមានទីតាំងភូមិអំណោយផល និងមានសក្តានុពល ដោយនៅមិនឆ្ងាយ ពីផ្លូវជាតិលេខ២ ដែលជាផ្លូវហាយវេ ដែលកំពុងស្ថាបនាដោយរាជរដ្ឋាភិបាល។

គំរោងនេះមានចម្ងាយតែ៧០០ម៉ែត្រប៉ុណ្ណោះ ពីផ្លូវជាតិលេខ២) ក្បែរផ្លូវក្រវ៉ាត់ក្រុងទី៣ និងព្រលានយន្តហោះថ្មី ដែលកំពុងសាងសង់ ពិសេសនៅក្បែរ ផ្សារទំនើបអីអន៣ និងមិនឆ្ងាយពីផ្លូវ៦០ម៉ែត និងផ្លូវ៥០ម៉ែត្រ. ក្បែរសាលារៀន ទីប្រជុំជន មន្ទីរពេទ្យ វត្តអារាម និងតំបន់ពាណិជ្ជកម្ម មួយចំនួនទៀត ដែលកំពុងរីកដុះដាលដូចផ្សិត ជាបន្តបន្ទាប់នោះ។

លោកស្រីឃួន លក្ខិណាបានបន្តថា បន្ទាប់ពីគម្រោងបុរីខេមរភូមិនេះ ក្រុមហ៊ុន Monarchy land & investment នឹងមានគម្រោង អភិវឌ្ឈន៍ដំណង់លំនៅដ្ឋានបែបធម្មជាតិ ដែលជាគម្រោងទី២ បន្តពីគម្រោងទីមួយនេះ ដែលមានទីតាំងស្ថិតនៅក្នុងទីក្រុងតាខ្មៅ នៅមិនឆ្ងាយ ពីស្រុកកណ្ដាលស្ទឹងនេះ លើផ្ទៃដីប្រមាណ៣០ហិចតា ដែលជាដីមានភូមិសាស្ត្រ នៅតំបន់ជាប់មាត់ទន្លេ។

លោកស្រីបន្តថា “នៅទីនោះយើងនិង ប្រែក្លាយជាគម្រោងបែបលំនៅឋានសួនបរិស្ថានធម្មជាតិបៃតងសុទ្ធសាធ ហើយសង្ឍឹមថា នឹងទទួលបានការគាំទ្រដូចគ្នា និងបុរីខេមរភូមិនេះផងដែរ”៕

ដោយៈគង់ ម៉ាលីន

ភ្នំពេញៈ ជាមួយនឹងសក្តានុពលទីតាំងអំណោយផល គំរោងបូកគោលែនដ៏ដែលស្ថិតនៅក្នុងទីក្រុងបូកគោ ដែលសាងសង់ជាទីក្រុងឆ្លាតវៃ កំពុងវិវត្តន៍ទៅមុខយ៉ាងប្រសើរ ជាមួយនឹងការសាងសង់ផ្ទះល្វែង ផ្ទះអាជីវកម្ម សួនច្បារនិងហេដ្ឋារចនាសម្ព័ន្ឋដទៃទៀត។

ស្ថិតនៅក្បែរតំបន់រដ្ឋបាលក្រុងបូកគោថ្មី គំរោងបូកគោលែនដ៏កំពុងទាក់ទាញអតិថិជនអ្នកវិនិយោគជាតិ អន្តរជាតិ ដោយសារម្ចាស់គំរោងបាននិងកំពុងធ្វើការវិនិយោគ ជាមួយនឹងទំនុកចិត្ត និងមានដើមទុនគ្រប់គ្រាន់ ដើម្បីបំពេញតម្រូវចិត្ត និងឆ្លើយតបតាមតម្រូវការរបស់អតិថិជន។

អគ្គនាយកក្រុមហ៊ុនYoungsia Real Estate លោកCoolor Tanបានមានប្រសាសន៍ឲ្យដឹងតាមទូរស័ព្ទនាព្រឹកថ្ងៃទី១០ មិថុនានេះថា ជាមួយនឹងទីតាំងមានភាពអំណោយផល ដែលអាចប្រកបអាជីវកម្មបាន ពិសេសការសាងសង់ហាងកាហ្វេរូបជាផ្ទះយន្តហោះ បាននិងកំពុងធ្វើឲ្យគំរោងបូកគោលែនដ៏ ទាក់ទាញការវិនិយោគយ៉ាងច្រើន ពីអ្នកវិនិយោគក្នុងស្រុក ពិសេសអ្នកមានបំណងសាងសង់ផ្ទះលំហែរ នៅក្នុងជើងភ្នំបូកគោ ក៏ដូចជារស់នៅក្នុងទីក្រុង ដែលផ្តោតលើបរិស្ថានបៃតង និងមិនបំពុលបរិស្ថាននេះ។

លោកបន្តថា “ការរីកចម្រើននៃទីក្រុងបូកគោ នឹងផ្តល់ឲ្យអ្នករស់នៅតំបន់នេះទទួលបានផលចំណេញពីការវិនិយោគ និងផ្តល់នូវការរស់នៅប្រកបដោយផាសុខភាព”។

គំរោងបូកគោលែនដ៏ បានផ្តល់ឲ្យអ្នកវិនិយោគ ឬសាងសង់ផ្ទះលំហែរនូវដីឡូត៍ដែលមានស្តង់ដាអន្តរជាតិ ព្រោះមានការរៀបចំហេដ្ឋារចនាសម្ព័ន្ឋធំទូលាយ ជាមួយទំហំផ្លូវ១៨ម៉ែត្រ មានការរៀបចំប្រព័ន្ឋទឹកស្អាត អគ្គិសនី និងប្រព័ន្ឋលូធំៗ ដែលផ្តល់ឲ្យអ្នកវិនិយោគមិនចាំបាច់បារម្ភពីការរៀបចំហេដ្ឋារចនាសម្ព័ន្ឋទាំងនេះ។

លោកCoolor Tanបានបន្តថា តំបន់ស្ថិតនៅក្នុងទីក្រុងរណបបូកគោ កំពុងទាក់ទាញការវិនិយោគពីអ្នកវិនិយោគជាតិ អន្តរជាតិ ដែលចាប់អារម្មណ៍ជាមួយទស្សទានអភិវឌ្ឍន៍ជាទីក្រុងឆ្លាតវៃរបស់រដ្ឋាភិបាល ដោយបច្ចុប្បន្ននេះក្រុមការងារបច្ចេកទេសនៃរដ្ឋបាលខេត្តកំពត និងក្រុមហ៊ុនSokha Hotel Groupកំពុងរៀបចំសាងសង់អាគាររដ្ឋបាលក្រុង បន្ទាប់ពីស្ថាប័នទាំងពីរ សម្រេចជ្រើសរើសទីតាំងសំរាប់ ការសាងសង់អាគាររដ្ឋបាលខេត្ត កាលពីសប្តាហ៍មុន។

លោកជាវ តាយអភិបាលខេត្តកំពតធ្លាប់បានមានប្រសាសន៍ថា តំបន់ទីក្រុងបូកគោថ្មីកំពុងទាក់ទាញសក្តានុពល នៃគម្រោងវិនិយោគថ្មីៗជាច្រើន ពិសេសទោះបីខេត្តមានវិបត្តិជំងឺកូវីដ១៩ក្តី ប៉ុន្តែគំរោងអភិវឌ្ឍន៍នានា នៅក្នុងខេត្តមិនបានផ្អាកសកម្មភាពសាងសង់ ឬគំរោងរបស់ពួកគេនោះទេ៕