ប្រទេសថៃត្រូវការរយៈពេល២ ទៅ៣ឆ្នាំ ទើបអាចស្តារសេដ្ឋកិច្ចបានមកវិញ

ដោយ ហ្សូលី

បាងកកៈ បន្ទាប់ពីទទួលរងពីផលប៉ះពាល់ដ៏ធ្ងន់ធ្ងរ ពីវិបត្តិជំងឺ Covid-19 មកលើសេដ្ឋកិច្ចថៃ។ ពេលនេះប្រទេសដែលពឹងផ្អែកលើវិស័យទេសចរណ៍នេះ ត្រូវបានស្ថាប័នជំនាញព្យាករណ៍ថា ប្រទេសថៃត្រូវការរយៈពេលយ៉ាងហោចណាស់ ២ទៅ៣ឆ្នាំ ដើម្បីស្តារសេដ្ឋកិច្ចឱ្យត្រឡប់មករកសភាពដើមវិញ។

ទោះបីជារដ្ឋាភិបាលថៃអាចគ្រប់គ្រងនៃការរាតត្បាតនៃជំងឺនេះ ដោយគ្មានករណីផ្ទះឡើងក្នុងស្រុកថ្មី អស់រយៈពេលប្រមាណ ២ខែចុងក្រោយនេះក៏ដោយ ប៉ុន្តែសេដ្ឋកិច្ចនៅតែត្រដាបត្រដួស ជាមួយនឹងការបិទអាជីវកម្មយ៉ាងច្រើន ដោយ ហេតុថា គ្មានភ្ញៀវទេសចរដែលមកកម្សាន្តនៅប្រទេសមួយនេះ។

ធនាគារ KrungThai បានចុះផ្សាយរបាយការណ៍ថា ដើម្បីស្តារសេដ្ឋកិច្ចប្រទេសថៃឡើងវិញ គឺត្រូវពេលប្រហែល២ ទៅ ៣ឆ្នាំ ខណៈដែលវិស័យសុខាភិបាល និងអាជីវកម្មតាមប្រព័ន្ធឌីជីថលកំពុងមានភាពលេចធ្លោ។ នេះបើតាមប្រសាសន៍របស់លោក Payong Srivanich នាយកគ្រប់គ្រងធនាគារ KrungThai ដែលបានដកស្រង់ចេញពីរបាយការណ៍របស់អង្គការសហប្រជាជាតិស្តីពី ជំងឺរាតត្បាត Covid-19 គឺជាវិបត្តិដ៏អាក្រក់គិតតាំងពីសង្គ្រាមលោកលើកទី។

ក្នុងឆ្នាំ២០២១ ជំងឺCovid-19 បានបង្កឱ្យសេដ្ឋកិច្ចពិភពលោកដាំក្បាលចុះ ប្រមាណ៦០ភាគរយ នៃវិបត្តិសេដ្ឋកិច្ចពិភពលោក។ ទោះបីជាយ៉ាងណា ថៃស្ថិតនៅក្នុងទីតាំងដែលល្អប្រសើរជាងប្រទេសជាច្រើនទៀត ដោយសារតែច្បាប់រូបិយវត្ថុ និងហិរញ្ញវត្ថុ ការសម្របខ្លួន និងប្រព័ន្ធបច្ចេកវិទ្យាក្នុងវិស័យឯកជន។

របាយការណ៍បានចង្អុលបង្ហាញថា ជំងឺ Covid-19 បាននាំយកនូវអនាគតដ៏ភ្លឺស្វាងនៃវិស័យអាជីវកម្មសុខាភិបាល និង ពន្លឿនការអភិវឌ្ឍបច្ចេកវិទ្យា។ របាយការណ៍ដដែលបន្តថា ក្នុងខែមេសា ការប្រតិបត្តិការទូរទាត់ មានប្រមាណជា១០លានប្រតិបត្តិការ ក្នុងមួយថ្ងៃ ពោលគឺជាចំនួនទ្វេរដងកើនឡើងលើសឆ្នាំមុន។

ធនាគារ KrungThai ដឹកនាំទិសដល់មជ្ឈមណ្ឌលស្រាវជ្រាវ និងបានព្យាករណ៍ថា សេដ្ឋកិច្ចថៃនៅឆ្នាំ ២០២០នេះបានធ្លាក់ចុះរហូតដល់៨.៨ភាគរយ៕

ចំណេះដឹង! តើអ្វីជានគររូបនីយកម្ម?

ដោយវុត្ថា

ភ្នំពេញៈ នគររូបនីយកម្មគឺជាការរៀបចំ និងពង្រីកក្រុង ដើម្បីតម្រូវតាមភាពចាំបាច់នៃដំណើរការរីកចម្រើនផ្នែកសង្គម និងសេដ្ឋកិច្ច។ ក្នុងន័យម្យ៉ាងទៀត នគរូបនីយកម្ម គឺជាដំណើររៀបចំដែនដី និងកិច្ចអភិវឌ្ឍទីក្រុងពិសេសការរៀបចំប្លង់ សម្រាប់ប្រើប្រាស់ដីធ្លីឱ្យបានសមស្របតាមភាពរីកចម្រើនសង្គមសេដ្ឋកិច្ចជាតិ។

កំនើននគរូបនីយកម្ម គឺជាការរីកសាយនៃការរៀបចំការពង្រីក និងការបង្កបង្កើតទីក្រុង ។ដូច្នេះ នគររូបនីយកម្មគឺជាការរៀបចំហេដ្ឋារចនាសម្ពន្ធ និងរៀបចំគ្រប់គ្រងប្រជាសាស្ត្រទីក្រុង ដើម្បីតម្រូវតាមការកើនឡើងនៃចំនួនប្រជាជនទីក្រុង ដោយសារភាពរីកចម្រើនសេដ្ឋកិច្ច និងសង្គម។

ក្នុងន័យបច្ចេកទេស Already urban គឺជាការសម្រេចបាននូវនគររូបនីយកម្ម ឬនិយាយឲ្យងាយយល់ គឺការសម្រេចបានការរៀបចំទីក្រុង ឲ្យស្របតាមការរីកចម្រើននៃសេដ្ឋកិច្ចជាតិ និងកំណើនប្រជាជនរស់នៅទីក្រុង។ ភាគរយនៃចំនួនប្រជាជនរស់នៅទីក្រុង ធៀបនឹងចំនួនប្រជាជនសរុបក្នុងប្រទេស គឺជាកត្តាមួយយ៉ាងសំខាន់សម្រាប់កំណត់ការសម្រេចបាននូវនគររូបនីយកម្ម៕

ប្រេស្ទីហ្ស៍ ហូម ខេមបូឌា និង Urban Village រៀបចំកម្មវិធីជប់លៀងអបអរការបើកសម្ពោធសាកល្បងអគារ Sky Prime Tower H

ដោយ រ៉ាណេត

ភ្នំពេញ៖ ស្របតាមក្ដីស្រលាញ់ និងបេសកកម្មក្នុងការជួយដល់ប្រជាជនកម្ពុជា ជនបរទេសដែលរស់នៅក្នុងប្រទេសកម្ពុជា ក៏ដូចជាវិនិយោគិនជាតិ និងអន្ដរជាតិ ឱ្យទទួលបាននូវគេហដ្ឋានក្នុងក្ដីស្រមៃជាមួយនឹងកម្រិតស្ដង់ដារនៃការរស់នៅកាន់តែល្អប្រសើរ និងឱកាសចំណេញខ្ពស់ពីការវិនិយោគ ក្រុមហ៊ុន ប្រេស្ទីហ្ស៍ ហូម ខេមបូឌា (Prestige Homes Cambodia) និង Urban Village បានសហការរៀបចំពិធីជប់លៀងអបអរការបើកដំណើរការសាកល្បងអគារ Sky Prime Tower H ដែលជាអគារដ៏ខ្ពស់ស្កឹមស្កៃជាងគេបង្អស់នៅតាមបណ្ដោយមហាវិថីហ៊ុនសែន និងអមដោយទេសភាពនៃផ្ទៃទឹកខៀវស្រងាត់គួរជាទីគយគន់នៃដងទន្លេបាសាក់ កាលពីថ្ងៃទី០១ ខែសីហា ឆ្នាំ២០២០ នៅសាលតាំងបង្ហាញនៃ Urban Village ក្នុង Factory Phnom Penh។

ភ្ញៀវកិត្ដិយសយ៉ាងច្រើនកុះករ បានអញ្ជើញចូលរួមក្នុងពិធីជប់លៀងនេះ ដើម្បីចែករំលែកពេលវេលាដ៏សប្បាយរីករាយជាមួយគ្នា ទស្សនាគម្រោងខុនដូដ៏ល្អប្រណិត និងទទួលបានសិទ្ធិក្នុងការក្លាយជាម្ចាស់នៃខុនដូនេះ។

ក្រុមហ៊ុន ប្រេស្ទីហ្ស៍ ហូម ខេមបូឌា គឺជាភ្នាក់ងារអចលនទ្រព្យ ដែលបានចុះបញ្ជីនិងទទួលបានអាជ្ញាបណ្ណពីក្រសួងពាណិជ្ជកម្ម និងក្រសួងសេដ្ឋកិច្ចនិងហិរញ្ញវត្ថុនៃកម្ពុជា ក្នុងការផ្ដល់ជូននូវដំណោះស្រាយជាទីពេញចិត្ដសម្រាប់គ្រប់តម្រូវការអចលនទ្រព្យទាំងអស់ ហើយក៏ជាដៃគូសហការដ៏សំខាន់របស់ Urban Village ដែលជាគម្រោងខុនដូដ៏មានកិត្យានុភាព និងជាម្ចាស់គ្រងពានរង្វាន់ការអភិវឌ្ឍខុនដូល្អបំផុតនៅកម្ពុជា និងពានរង្វាន់ធំៗចំនួន៥ផ្សេងទៀតពី Property Guru។

បន្ទាប់ពីទទួលបានជោគជ័យយ៉ាងខ្លាំងលើគម្រោងទី១ ពេលនេះ ក្រុមហ៊ុន ប្រេស្ទីហ្ស៍ ហូម ខេមបូឌា និង Urban Village កំពុងអបអរជោគជ័យជាថ្មីម្ដងទៀតនៅលើគម្រោងទី២ ដែលបានឈានដល់ការសាងសង់អគារខ្ពស់បំផុតចុងក្រោយ គឺ Sky Prime Tower H ដែលត្រូវបានប្រកាសដាក់លក់នាពេលថ្មីៗនេះ។

តាមលក្ខណៈភូមិសាស្ត្រ អគារ Sky Prime Tower H មានទីតាំងស្ថិតនៅក្នុងតំបន់អភិវឌ្ឍន៍លឿនបំផុតមួយនៃរាជធានីភ្នំពេញ ដែលហ៊ុំព័ទ្ធដោយសាលារៀន មន្ទីរពេទ្យ ផ្សារទំនើប ហាងទំនិញ អគារអាជីវកម្ម និងអាកាសយានដ្ឋានអន្តរជាតិភ្នំពេញថ្មី។ អគារ Sky Prime Tower H ក៏ស្ថិតនៅជាប់នឹង Factory Phnom Penh ដែលជាសហគមន៍មួយ ដែលមានការរចនាយ៉ាងល្អប្រសើរ និងផ្ដល់នូវភាពសម្បូរបែបដោយផ្ដោតសំខាន់លើ «ការរស់នៅ ការងារ និង ការកម្សាន្ដ» ។ លក្ខណៈពិសេសទាំងអស់នេះ អនុញ្ញាតឱ្យអ្នកស្នាក់នៅក្នុងអគារ Sky Prime Tower H ទទួលបាននូវភាពរីករាយនៃការរស់នៅយ៉ាងពិតប្រាកដ រាប់បញ្ចូលទាំងបរិក្ខារច្រើនប្រភេទ និងទេសភាពទីក្រុងដ៏ស្រស់បំព្រង។

លោកស្រី Catherine CHAN អភិបាលប្រតិបត្ដិនៃ Urban Village បានបង្ហាញចំណាប់អារម្មណ៍ថា៖ «ថ្ងៃនេះ គឺជាពេលវេលាដ៏រំភើបរីករាយមួយ ពីព្រោះយើងបានបន្ដបេសកកម្មក្នុងការផ្ដល់ជូននូវផ្ទះក្នុងក្ដីស្រមៃដល់អតិថិជនរបស់យើង។ គម្រោងទី១ គឺជាសមិទ្ធផលដ៏ធំធេង ហើយសម្រាប់គម្រោងទី២វិញ យើងក៏ទទួលបានជោគជ័យយ៉ាងឆាប់រហ័សដូចគ្នា ដោយសារតែការគាំទ្រ និងទំនុកចិត្តខ្ពស់ពីសំណាក់អតិថិជន ក៏ដូចជាកិច្ចសហប្រតិបត្តិការយ៉ាងសកម្មពីដៃគូរបស់យើង ដូចជា ក្រុមហ៊ុន ប្រេស្ទីហ្ស៍ ហូម ខេមបូឌា ជាដើម។

Urban Village តែងតែខិតខំសម្រេចឱ្យបានលើសពីការរំពឹងទុករបស់អតិថិជន ពីព្រោះយើងជឿជាក់ថា មនុស្សគ្រប់រូបត្រូវការផ្ទះមួយ ដែលអាចផ្តល់នូវភាពកក់ក្តៅ និងផាសុកភាព រួមជាមួយនឹងបរិស្ថានដ៏បរិសុទ្ធ បរិក្ខារសម្បូរបែប កន្លែងធ្វើការដែលមានភាពច្នៃប្រឌិតខ្ពស់ ទីតាំងទស្សនាសិល្បៈច្រើនទម្រង់ និងកន្លែងកម្សាន្តផ្សេង។ល។ យើងពិតជាមានមោទកភាព ពីព្រោះយើងអាចផ្ដល់នូវអ្វីៗទាំងអស់នេះជូនអតិថិជននៅក្នុងសហគមន៍ ដែលមានស្ដង់ដារនៃការរស់នៅល្អបំផុតរបស់យើង។ »

ចាប់តាំងពីបើកដំណើរការក្រុមហ៊ុនមក ប្រេស្ទីហ្ស៍ ហូម ខេមបូឌា បានបង្កើតនូវភាពជាដៃគូល្អឥតខ្ចោះជាមួយ Urban Village ហើយអាចពង្រីកមូលដ្ឋានអតិថិជនរបស់ខ្លួនឱ្យកាន់តែធំឡើង ដោយសារវិជ្ជាជីវៈខ្ពស់ និងសេវាកម្មដ៏លេចធ្លោ។ កត្តាទាំងនេះ បាននាំឱ្យក្រុមហ៊ុន ប្រេស្ទីហ្ស៍ ហូម ខេមបូឌា ឈ្នះពានរង្វាន់ភ្នាក់ងារអចលនទ្រព្យល្អបំផុតនៅកម្ពុជាប្រចាំឆ្នាំ២០១៩ ក្នុងកម្មវិធី Squarefoot Best of the Best Award លើកទី១០ ។ ទោះជាយ៉ាងនេះក្ដី សមិទ្ធផលមួយនេះ គឺគ្រាន់តែជាការចាប់ផ្តើមនៃភាពជោគជ័យជាច្រើនទៀត ដោយសារក្រុមហ៊ុនយល់ច្បាស់អំពីតម្រូវការទីផ្សារ និងមានការប្តេជ្ញាចិត្តឥតងាករេក្នុងការបន្តឈានមុខគេក្នុងវិស័យអចលនទ្រព្យ។

លោក រ័ត្ន ពន្លក ប្រធានផ្នែកលក់នៃ ក្រុមហ៊ុន ប្រេស្ទីហ្ស៍ ហូម ខេមបូឌា បានលើកឡើងថា៖ «ដោយសារចំនួននៃប្រជាជនក្នុងទីក្រុងភ្នំពេញមានការកើនឡើងយ៉ាងឆាប់រហ័ស នគរូបនីយកម្មត្រូវបានពង្រីកវិសាលភាពកាន់តែធំឡើង។ ជាក់ស្ដែង អចលនទ្រព្យដូចជា ខុនដូ អាផាតមិន និងបុរី ត្រូវបានអភិវឌ្ឍកាន់តែច្រើនឡើងនៅជុំវិញទីក្រុងភ្នំពេញ ដើម្បីឆ្លើយតបទៅនឹងតម្រូវការនៃការរស់នៅ ការធ្វើការ និងការប្រកបអាជីវកម្មជាដើម។ ទោះជាយ៉ាងណាក៏ដោយ យើងសង្កេតឃើញថា បរិមាណនៃអចលនទ្រព្យ អាចផ្គត់ផ្គង់តម្រូវការទាំងនេះបាន ប៉ុន្តែគុណភាពនៅតែជាបញ្ហាចោទនៅឡើយ។ ដូច្នេះ ក្រុមហ៊ុន ប្រេស្ទីហ្ស៍ ហូម ខេមបូឌា បានដាក់គោលដៅបន្ថែមគុណតម្លៃ និងបំពេញគុណភាពដែលខ្វះខាតនៅក្នុងទីផ្សារអចលនទ្រព្យរបស់យើង។ »

លោក រ័ត្ន ពន្លក បានបន្ថែមទៀតថា៖ «ការជួយឱ្យអតិថិជនរបស់យើងទទួលបាននូវអចលនទ្រព្យក្នុងក្ដីស្រមៃរបស់ពួកគាត់ គឺជាការសន្យារបស់យើង ហើយយើងបានរក្សាការសន្យានេះតាមរយៈការផ្ដល់សេវាកម្មដល់ពួកគាត់ក្នុងការក្លាយជាម្ចាស់ខុនដូល្អប្រណិត Urban Village ប្រកបដោយភាពជោគជ័យ។ តាមរយៈបទពិសោធន៍នៃការលក់ខុនដូ Urban Village គម្រោងទី១ និង គម្រោងទី២ (អគារE អគារF និងអគារG) យើងជឿជាក់ថា អគារ Sky Prime Tower H ដែលភ្ជាប់មកជាមួយនូវការរចនាបែបសហគមន៍ទំនើប និងតម្លៃសមរម្យ នឹងត្រូវបានលក់អស់ក្នុងរយៈពេលដ៏ខ្លី។ »

ដើម្បីអបអរសាទរការបើកសម្ពោធសាកល្បងនៃអគារ Sky Prime Tower H ក៏ដូចជាលើកទឹកចិត្ដដល់អ្នកទិញយូនីតខុនដូមុនគេ ក្រុមហ៊ុន ប្រេស្ទីហ្ស៍ ហូម ខេមបូឌា និង Urban Village កំពុងផ្តល់ជូនកម្មវិធីពិសេស ជាមួយនឹងកញ្ចប់គ្រឿងសង្ហារឹមឥតគិតថ្លៃ និងការបញ្ចុះតម្លៃលើអត្រាការប្រាក់ជាដើម។ កម្មវិធីពិសេសនេះ នឹងរឹតតែធ្វើឱ្យ Sky Prime Tower H ក្លាយជាគម្រោងខុនដូ ដែលទទួលបានតម្រូវការច្រើនជាងគេបង្អស់យ៉ាងពិតប្រាកដនៅកម្ពុជា។

អ្វីៗដែលអស្ចារ្យ គឺមាននៅសហគមន៍ Urban Village ហើយការប្រឹក្សានិងសេវាកម្មអចលនទ្រព្យដ៏ល្អបំផុត គឺមាននៅក្រុមហ៊ុន ប្រេស្ទីហ្ស៍ ហូម ខេមបូឌា។ សម្រាប់ព័ត៌មានបន្ថែម សូមទំនាក់ទំនងទៅទូរស័ព្ទលេខ ០១៥ ៣០៩ ៦៦៦ ឬ ផ្ញើសារទៅកាន់ទំព័រហ្វេសប៊ុក Prestige Homes Cambodia ៕

ផ្ទះវីឡាទំនើបអមដោយសួនផ្កាសាគូរ៉ាបែបជប៉ុនមាននៅកម្ពុជាហើយ

គម្រោងបុរីលំដាប់ខ្ពស់ថ្មីមួយស្ថិតនៅភាគខាងត្បូងនៃខណ្ឌដង្កោរាជធានីភ្នំពេញ បានលេចរូបរាងហើយ នោះគឺគម្រោងបុរី ជាម តិច ដឹសាគូរ៉ាផាក ដែលត្រូវបានប្រកាសសម្ពោធបើកលក់ជាផ្លូវការនៅថ្ងៃសៅរ៍ ទី១ ខែសីហា ឆ្នាំ២០២០នេះ។

នៅក្នុងកម្មវិធីសម្ពោធនេះផងដែរ មានការអញ្ជើញចូលរួមពីលោកជាម តិច អគ្គនាយកបុរី និងបុគ្គលិកគ្រប់ជាន់ថ្នាក់ព្រមជាមួយសំណាក់ភ្ញៀវកិត្តិយស និងបណ្តាអ្នកសារព័ត៌មានយ៉ាងច្រើនកុះករ។

លោកហោ ហេងលី ស្ថាបត្យករបានលើកឡើងថា “ការផ្លាស់ប្តូរបទពិសោធន៏ និង វប្បធម៌ថ្មីនៃការរស់នៅថ្មី ផ្តល់ជូននូវកន្លែងរស់នៅដែលមានសុវត្ថិភាព ផាសុកភាព និងសុភមង្គលសុខដុមរមនាជាគំនិតចំបងក្នុងការឌីហ្សាញរបស់ពួកយើងខ្ញុំ” ការចូលរួមសិក្សា និងសហការដោយអ្នកជំនាញលើប្រព័ន្ធហេដ្ឋារចនាសម្ព័ន្ធ ប្រព័ន្ធលូជំលាសទឹកភ្លៀង ទឹកកខ្វក់ ការគ្រប់គ្រងបណ្តាញទឹកស្អាត គ្រប់បណ្តាញអគ្គិសនី គ្រឹះអគារ និង គ្រឿងបង្គុំរបស់អគារ។ ការបរិច្ចាគទីធ្លាសំរាប់សួនច្បារ សួនកុមារ ផ្លូវដើរ ចំណតរថយន្ត សួនក្នុងរបងផ្ទះ ទាំងនេះគឺជាអ្វីដែលក្រុមការងារយើងខ្ញុំផ្តល់អាទិភាព។

លោកស្រីយួម ចាន់រ៉ានី ប្រធានផ្នែកលក់បានប្រាប់ឲ្យដឹងថា គម្រោងបុរី ជាម តិច គឺជាបុរីដំបូង និងតែមួយគត់នៅកម្ពុជាដែលមានផ្នត់គំនិតបង្កើតថ្មីដោយជ្រើសរើសការដាំផ្កាសាគូរ៉ាធ្វើជាសួនប្លែកៗដើម្បីផ្តល់ជូននូវការរស់នៅជាមួយភាពស្រស់បំព្រងនៃពិភពផ្កាសាគូរ៉ា និងការរស់នៅដែលផ្សារភ្ជាប់និងរដូវផ្ការីកជាមួយនិងពិធីបុណ្យផ្កាសាគូរ៉ាបែបជប៉ុន។

លំនៅដ្ឋានបែបវីឡាទាំង៥ប្រភេទ វីឡាឃ្វីន វីឡាសាគូរ៉ា វីឡាភ្លោះ វីឡាកូនកាត់ និងវីឡាកូនកាត់ SC ព្រមជាមួយនិងផ្ទះអាជីវកម្ម របស់គម្រោងបុរី ជាម តិច ពិតជាអស្ចារ្យជាមួយសោភ័ណភាពដ៏ស្រស់ត្រកាលដែលគ្របដណ្តប់ទៅដោយសួនផ្កាសាគូរ៉ា រួមជាមួយធម្មជាតិបៃតងចម្រុះដ៏ស្រស់បំព្រងនឹងធ្វើឲ្យជីវិតរបស់លោកអ្នកពោរពេញទៅដោយភាពស្រស់ថ្លា និងកាន់តែមានសុភមង្គល ព្រមជាមួយនឹងក្លឹបហាត់ប្រាណ អាងហែលទឹក កន្លែងពិកនិក ដែលអាចឲ្យលោកអ្នកធ្វើការរំសាយអស់នូវភាពតានតឹងដោយមិនចាំបាច់ទៅណាឆ្ងាយ។

ក្នុងឱកាសសម្ពោធបើកលក់ជាផ្លូវការនេះ បុរីជាម តិចផ្តល់ជូននូវប្រូម៉ូសិនពិសេសបញ្ចុះតម្លៃ ១០% ដើម្បីជាការលើកទឹកសម្រាប់អតិថិជនដែលបានអញ្ជើញចូលរួមដោយផ្ទាល់។

ទីតាំងគម្រោងបុរីជាម តិចនៅជាប់ផ្លូវជាតិលេខ២ ត្រឹមតែ១គីឡូម៉ែត្រពីផ្លូវសម្តេចតេជោហ៊ុន សែន។ តំបន់នេះជាតំបន់អភិវឌ្ឍន៍ចម្រុះសម្បូរបែបមានមហាវិថីធំៗ 50m, 60m, សម្តេចតេជោ និងគម្រោងធំៗជាច្រើនដូចជា៖ ផ្សារទំនើប Aeon 3, PH Diamond Place, ChipMong Megamall; មន្ទីរពេទ្យអន្តរជាតិ សាលារៀនអន្តរជាតិ ISPP; អាគារខុនដូខ្ពស់ៗ ទីក្រុងកូននាគ (ING CITY) ព្រមទាំងគម្រោងព្រលានយន្តហោះអន្តរជាតិថ្មីផងដែរ។

សម្រាប់ព័ត៌មានបន្ថែមទូរសព្ទលេខ 069 6789 39 / 089 289 456 ឬទំព័រហ្វេសប៊ុក Borey Cheam Tech

https://www.facebook.com/boreycheamtech/

កម្ពុជា ទទួលបានចំណូលជាង១៨លានដុល្លារ ពីការចូលទស្សនាតំបន់អង្គរ

ដោយ ៖ រ៉ាណេត

សៀមរាប ៖ នៅក្នុងរយៈពេល៧ខែ កន្លងទៅនេះ កម្ពុជាទទួលបានចំនួនជាង១៨លានដុល្លារតាមរយៈកំណើននៃចំនួនភ្ញៀវទេសចរអន្តរជាតិ ដែលចាប់ផ្តើមកើនឡើងវិញជាបណ្ដើរវិញនៅក្នុងតំបន់កម្សាន្តអង្គរ ខេត្តសៀមរាប។

តាមរយៈសេចក្ដីប្រកាសរបស់គ្រឹះស្ថានអង្គរនៅព្រឹកថ្ងៃទី១ ខែសីហា ឆ្នាំ២០២០នេះ បានបង្ហាញថា នៅរយៈពេល៧ខែ ឆ្នាំ២០២០នេះ មានភ្ញៀវទេសចរបរទេស ៣៨៩,៦៣០នាក់ បានទិញបណ្ណចូលទស្សនារមណីយដ្ឋានអង្គរ ដោយទទួលបានចំណូលសរុបប្រមាណ ១៨ ១៧០ ៩៩០ ដុល្លារអាមេរិក។
នៅក្នុងនោះ ចំនួនអ្នកទិញបណ្ណចូលទស្សនារមណីយដ្ឋានអង្គរនេះ មានការថយជាង ៧២ភាគរយ បើធៀបនឹងឆ្នាំ២០១៩កន្លងទៅ។

សេចក្តីប្រកាសព័ត៌មាននេះបានបង្ហាញដែរថា នៅក្នុងខែកក្កដា ឆ្នាំ២០២០នេះ មានអ្នកទិញបណ្ណចូលទស្សនាប្រមាណ ១៧៩០នាក់ រកចំណូលបាន ៧៨ ៤៤០ដុល្លារអាមេរិក។ ដោយឡែកចំណូលដែលបានពីការលក់បណ្ណចូលទស្សនារមណីយដ្ឋានអង្គ បានឧបត្ថម្ភចូលមូលនិធិមន្ទីរពេទ្យគន្ធបុប្ផាកម្ពុជា បានចំនួនសរុប ៧៧៩ ២៦០ ដុល្លារអាមេរិក ។

នៅក្នុងឆមាសទី២ ឆ្នាំ២០២០នេះ ក្រសួងទេសចរណ៍បានរៀបចំ និងដាក់ចេញឱ្យអនុវត្តនូវវិធីសាស្ត្រមួយចំនួនសម្រាប់ទាក់ទាញកំណើនទេសចរបរទេសមកកាន់កម្ពុជាឡើងវិញ ដែលក្នុងនោះ ក៏មានការរៀបចំគម្រោងគោលការណ៍ធ្វើដំណើរដោយកន្លែង ឬហៅថា Travel Bubble ដើម្បីរៀបចំកញ្ចប់ទេសចរណ៍ទទួលភ្ញៀវទេសចរអន្តរជាតិ ដែលមានការគ្រប់គ្រងត្រឹមត្រូវពីបណ្តាតំបន់ ឬប្រទេសដែលមានសុវត្ថិភាពពី COVID-19 ផងដែរ។

រដ្ឋមន្ត្រីក្រសួងទេសចរណ៍ លោកបណ្ឌិត ថោង ខុន បានមានប្រសាសន៍ថា សម្រាប់ការគោលការណ៍បើកការធ្វើដំណើរដោយកន្លែង ឬរបៀងនៃការធ្វើដំណើរ គឺកម្ពុជាធ្វើឡើងសំរាប់ទទួលតែភ្ញៀវទេសចរអន្តរជាតិពីតំបន់មានសុវត្ថិភាពពី COVID-19 ពីក្រៅប្រទេសមកកាន់តំបន់មានសុវត្ថិភាពពី COVID-19 នៅកម្ពុជា ហើយប្រសិនបើផែនការនេះធ្វើបានជោគជ័យ គឺអាចជំរុញឱ្យកម្ពុជាកសាងបាននូវមានទំនុកចិត្តនៃការងើបឡើងវិញនៃវិស័យទេសចរណ៍ ជំរុញការស្តារអាជីវកម្មទេសចរណ៍មានដំណើរការជាបណ្តើរៗឡើងវិញ ជួយបង្កើតការងារសម្រាប់អ្នកបាត់បង់ការងារដោយសារ COVID-19 និងធានាជំរុញកំណើនសេដ្ឋកិច្ចផងដែរ៕

កម្ពុជាកំពុងរៀបចំយុទ្ធសាស្ត្រទទួលវត្តមានភ្ញៀវទេសចរអន្តរជាតិបណ្ដើរៗឡើងវិញ

ដោយវុត្ថា

ភ្នំពេញ៖ ក្រសួងទេសចរណ៍ បានរៀបចំយុទ្ធសាស្ត្រទទួលវត្តមាន ភ្ញៀវទេសចរអន្តរជាតិបណ្ដើរៗឡើងវិញ ដែលធានាជាដាច់ខាតនូវសុវត្ថិភាពពីជំងឺ COVID-19 ខណៈដែលវិស័យទេសចរណ៍នៅក្នុងប្រទេសមានការធ្លាក់ចុះយ៉ាងគំហុកចាប់តាំងពីដើមឆ្នាំ ២០២០កន្លងមនេះ។

លោកថោង ខុន រដ្ឋមន្ត្រីក្រសួងទេសចរណ៍ នៅក្នុងកិច្ចប្រជុំជាមួយវិស័យឯកជនក្នុងវិស័យទេសចរណ៍មួយចំនួននៅកម្ពុជា កាលពីថ្ងៃទី៣១ ខែកក្កដា ឆ្នាំ២០២០នេះ ឱ្យដឹងថា មុនឈានដល់កិច្ចប្រជុំនេះ ក្រសួងទេសចរណ៍បានរៀបចំសេក្តីព្រាងគោលការណ៍ណែនាំស្តីពី ការធ្វើដំណើរដោយកន្លែង Travel Bubble or One way Closed-loop Charted Plane នៅកម្ពុជារួចហើយផងដែរ។

លោកបន្តថា ក្រសួងទេសចរណ៍នឹងពិគ្រោះជាមួយអ្នកជំនាញ និងក្រសួងសុខាភិបាល ដើម្បីរៀបចំគម្រោងគោលការណ៍ធ្វើដំណើរដោយកន្លែង ឬហៅថា Travel Bubble ដើម្បីរៀបចំកញ្ចប់ទេសចរណ៍ទទួលភ្ញៀវទេសចរអន្តរជាតិ ដែលមានការគ្រប់គ្រងត្រឹមត្រូវពីបណ្តាតំបន់ ឬប្រទេសដែលមានសុវត្ថិភាពពី COVID-19។

លោករដ្ឋមន្ត្រីបន្ថែមថា កំលុងពេលដែលពិភពលោកកំពុងជួបការរាតត្បាតជំងឺ COVID-19 នេះបានធ្វើឱ្យកម្ពុជាបាននិងកំពុងជួបការប៉ះពាលជាខ្លាំងដល់វិស័យទេសចរណ៍ និងបានធ្វើឱ្យអាជីវកម្មធំៗនៅក្នុងវិស័យទេសចរណ៍ជាង ៣,០០០
អាជីវកម្ម បានបិទទ្វារ ហើយមួយចំនួនទៀតក៏ផ្អាកអាជីវកម្ម។ ប្រការនេះធ្វើឱ្យបាត់បង់ការងារក្នុងវិស័យទេសចរណ៍ជាង ៥០,០០០នាក់ ដោយសារមិនមានភ្ញៀវអន្តរជាតិចូលមកទស្សនាកម្ពុជា។

លោកបន្ថែមថា សម្រាប់ការគោលការណ៍បើកការធ្វើដំណើរដោយកន្លែង ឬរបៀងនៃការធ្វើដំណើរ គឺកម្ពុជាធ្វើឡើងសំរាប់ទទួលតែភ្ញៀវទេសចរអន្តរជាតិពីតំបន់មានសុវត្ថិភាពពី COVID-19 ពីក្រៅប្រទេសមកកាន់តំបន់មានសុវត្ថិភាពពី COVID-19 នៅកម្ពុជា ហើយប្រសិនបើផែនការនេះធ្វើបានជោគជ័យ គឺអាចជំរុញឱ្យកម្ពុជាកសាងបាននូវមានទំនុកចិត្តនៃការងើបឡើងវិញនៃវិស័យទេសចរណ៍ ជំរុញការស្តារអាជីវកម្មទេសចរណ៍មានដំណើរការជាបណ្តើរៗឡើងវិញ ជួយបង្កើតការងារសម្រាប់អ្នកបាត់បង់ការងារដោយសារ COVID-19 និងធានាជំរុញកំណើនសេដ្ឋកិច្ចផងដែរ។

ទន្ទឹមនឹងការជំរុញឱ្យមានការបើកការធ្វើដំណើរដោយកន្លែងនេះ ដើម្បីទទួលភ្ញៀវទេសចរអន្តរជាតិមកកម្ពុជា លោកបណ្ឌិត ថោង ខុន ក៏បានជំរុញឱ្យបណ្តាក្រុមហ៊ុនអាកាសចរណ៍នានា សណ្ឋាគារ ផ្ទះស្នាក់ និងអាជីវកម្មនានានៅកម្ពុជា គឺត្រូវខិតខំថែរក្សាភាពអនាម័យឱ្យបានល្អប្រសើរ ដើម្បីផ្តល់សេចក្តីទំនុកចិត្តខ្ពស់ជូនភ្ញៀវទេសចរអន្តរជាតិ។
លោកបញ្ជាក់ថា សម្រាប់ការទទួលភ្ញៀវទេសចរអន្តរជាតិតាមបែប Travel Bubble នេះ គឺកម្ពុជាមានក្តីរំពឹងទទួលភ្ញៀវទេសចរអន្តរជាតិតែលើប្រភេទភ្ញៀវទេសចរចូលនិវត្តន៍ និងភ្ញៀវអ្នកមានអ្នកមានជាដើម ជាពិសេសភ្ញៀវទេសចរអន្តរជាតិនៅតាមតំបន់មានសុវត្ថិភាពនៅក្នុងតំបន់អាស៊ាន និងអាស៊ានបូក៣ ដែលត្រូវជាគោលដៅសិក្សាជាបឋម និងត្រូវធ្វើជាដំណាក់កាលៗ ដោយត្រូវមានការឯកភាពពីក្រសួងសុខាភិបាល និងមានការអនុញ្ញាតពីរាជរដ្ឋាភិបាល។

លោករដ្ឋមន្ត្រីបញ្ជាក់ថា ទោះយ៉ាងណាក៏ដោយ សម្រាប់ការទទួលភ្ញៀវទេសចរអន្តរជាតិដោយកន្លែង Travel Bubble នេះអាចអនុវត្តទៅបានលុះណាមានការឯកភាពគាំទ្រពីក្រសួងសុខាភិបាល និងការអនុញ្ញាតពីរាជរដ្ឋាភិបាល៕

រោងចក្រផលិតទុយោនៅក្នុងខេត្តកំពង់ស្ពឺបានក្លាយជាសហគ្រាសផលិតដ៏មានគុណភាពរបស់ជាតិ

ដោយវុត្ថា

ភ្នំពេញ៖រោងចក្រផលិតទុយោ របស់ TCU Polys Enterprise Co.,Ltd ដែលមានទីតាំងទីតាំងនៅភូមិសន្តិភាព ឃុំតាំងក្រូច ស្រុកសំរោងទង ខេត្តកំពង់ស្ពឺ បាននឹងកំពុងក្លាយជាសហគ្រាសផលិត និងផ្គត់ផ្គង់ទុយោនៅក្នុងប្រទេសកម្ពុជាប្រកបដោយគុណភាព ។

លោក ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៌ នៅក្នុងពិធីចុះពិនិត្យជាក់ស្តែងពីសង្វាក់ផលិតកម្ម នៃការផលិតទុយោទឹករបស់ក្រុមហ៊ុនកាលពីថ្ងៃទី ៣១ ខែកក្កដា ឆ្នាំ ២០២០ម្សិលមិញនេះ ឱ្យដឹងថា មហ៊ុន TCU Polys Enterprise Co.,Ltd ត្រូវបានបង្កើតឡើងនៅកម្ពុជាក្នុងឆ្នាំ២០១៦ ដែលមានដើមទុនវិនិយោគចំនួន១០ លានដុល្លារសហរដ្ឋអាមេរិក ។

លោកបន្តថា ឆ្លងកាត់ការរៀបចំទុកដាក់ និងខិតខំប្រឹងប្រែងឥតឈប់ឈរក្រុមហ៊ុនបានក្លាយជាសហគ្រាសផលិត និងស្រាវជ្រាវបំពង់ទឹកស្អាតសម្រាប់បរិភោគ ទឹកប្រឆាំងបាក់តេរី NANO PP-R បំពង់ទឹកតភ្ជាប់បំពង់ទឹកសម្រាប់បរិភោគ PE ,បំពង់បង្ហូរទឹក PVC-U បំពង់ថាមពល CPVC និងបំពង់ទុយោទឹកស្អាត HDPE ជាដើម ។

លោកបន្ថែមថា ចាប់តាំងពីកកើតមក ក្រុមហ៊ុនបានផ្គត់ផ្គង់ផលិតផលដែលមានគុណភាព និងសេវាកម្មប្រកបដោយជំនាញបច្ចេកទេសដល់សំណង់ធំៗ គម្រោងបង្ហូរទឹកក្រុង និងគម្រោងបង្ហូរទឹករបស់ប្រជាពលរដ្ឋជាដើម ។

លោក ចម ប្រសិទ្ធ បានចាត់ទុកគម្រោងវិនិយោគនេះ មានសារៈសំខាន់ណាស់ក្នុងការរួមចំណែកបំពេញតម្រូវការក្នុងវិស័យទឹកស្អាតនៅកម្ពុជាព្រោះក្រុមហ៊ុនបានអភិវឌ្ឍន៌ផលិតផលរបស់ខ្លួនឈរលើគុណភាពជាចំបង តាមរយៈការប្រើប្រាស់វត្ថុធាតុដើមសុទ្ធពិតប្រាកដ ដោយមានប្រព័ន្ធត្រួតពិនិត្យគុណភាព និងស្តង់ដារនៃប្រព័ន្ធគ្រប់គ្រងផលិតកម្មបានល្អប្រសើរ តាមរយៈបទបង្ហាញរបស់ខ្លួន ៕

ឧកញ៉ាសៀ រិទ្ធី ប្រាប់វិធីសាស្ត្រវិនិយោគដីបីចំណុចដើម្បីទទួលបានផលចំណេញ

ដោយស៊ីវ ម៉េង

ភ្នំពេញ៖ លោកឧកញ៉ាសៀ រិទ្ធី អគ្គនាយកក្រុមហ៊ុន World Bridge Group ដែលបានវិនិយោគលើអាគារខុនដូ និងក្រុមហ៊ុនជាច្រើនទៀតបានបង្ហើប ពីយុទ្ធសាស្ត្រក្នុងការវិនិយោគលើដីធ្លី ដើម្បីទទួលបានផលចំណេញខ្ពស់។

លោកឧកញ៉ាបានថ្លែងឲ្យដឹងនៅពេលថ្មីៗនេះថា លោកបានចាប់ផ្តើមក្រុមហ៊ុនដំបូងជា ក្រុមហ៊ុនបែប Logistic ដែលបាននិងកំពុងបន្ត ប៉ុន្តែលោកទទួលបានជោគជ័យខ្លាំងលើវិស័យអចលនទ្រព្យ ពិសេសការវិនិយោគលើដីធ្លី ដែលធ្វើឲ្យលោកក្លាយជាអ្នកមានក្នុងវិស័យនេះ។

នៅពេលនិយាយពីការវិនិយោគលើដីធ្លី លោកឧកញ៉ាសៀ រិទ្ធីបានបង្ហើបថា ដើម្បីទិញដីធ្លីទទួលបានផលចំណេញខ្ពស់ ត្រូវឈរលើកត្តាចំនួនបី ទី១ វិនិយោគនៅតំបន់ដែលស្ថិតក្នុង ផែនការអភិវឌ្ឍន៍របស់រដ្ឋាភិបាល ទី២ ត្រូវដឹងមុនគេ និងទិញមុនគំរោងអភិវឌ្ឍន៍ចាប់ផ្តើម ព្រោះបើទិញនៅតំបន់គេដឹងគ្រប់គ្នាហើយ យើងមិនទទួលបានផលចំ ណេញច្រើននោះទេ និងទី៣ ទិញដីដែលមិនមានបញ្ហា ព្រោះបើទិញកន្លែងមានបញ្ហា យើងនឹងមានរឿងឈឺក្បាលជាច្រើនត្រូវដោះស្រាយ។

នៅពេលសួរថា តើលោកក្លាយជាអ្នកមានដោយសារដីធ្លី ឬយ៉ាងណា? លោកឧកញ៉ាសៀ រិទ្ធីបានថ្លែងថា “បាទ ខ្ញុំក្លាយជាអ្នកមាន” ដោយសារការវិនិយោគលើវិស័យដីធ្លី។

លោកឧកញ៉ាសៀ រិទ្ធីបច្ចុប្បន្នបាន និងកំពុងក្លាយជាអ្នកវិនិយោគអចលនទ្រព្យលេចធ្លោមួយរូបនៅកម្ពុជា ដោយសារគំរោង The Bridge, The PeAk ទទួលបានជោគជ័យខ្លាំង និងមកំពុងវិនិយោគគំរោងលំនៅដ្ឋាន ប្រណីតមួយទៀតឈ្មោះ The Palm ស្ថិតនៅតាមបណ្តោយផ្លូវជាតិលេខ១ ដែលគម្រោងទាំងបីនេះ ចំណាយទឹកប្រាក់ប្រមាណ ១,០០០លានដុល្លារអាមេរិក៕

មន្ត្រីរដ្ឋសភាជំរុញឱ្យអាជ្ញាធខេត្តកែបពង្រឹងការចុះបញ្ជីដីធ្លីដើម្បីផ្តល់ទំនុកចិត្តដល់វិនិយោគិន

ដោយ វុត្ថា

កែបៈ មន្ត្រីជាន់ខ្ពស់នៃរដ្ឋសភាកម្ពុជា បានជំរុញឱ្យអាជ្ញាធរខេត្តពង្រឹងការចុះបញ្ជីដីធ្លីឱ្យបានត្រឹមត្រូវ នៅក្នុងមូលដ្ឋានខេត្តទាំងអស់ ដើម្បីផ្តល់ទំនុកចិត្តដល់ប្រជាពលរដ្ឋ និងវិនិយោគិនដែលមកបណ្តាក់ទុនវិនិយោគ និងពលរដ្ឋនៅក្នុងមូលដ្ឋាន។

លោក ប្រាជ្ញ ចន្ទ សមាជិកនៃរដ្ឋសភា នៅក្នុងកិច្ចពិភាក្សាការងារ និងឈ្វេងយល់អំពីការរីកចម្រើនរបស់ខេត្តកែប និងយន្តការដោះស្រាយករណីទំនាស់ដីធ្លី នៅក្នុងសប្តាហ៍នេះ បានជំរុញឱ្យអាជ្ញាធរពង្រឹងការចុះបញ្ជីដីធ្លី ដល់ពលរដ្ឋឲ្យបានគ្រប់ៗគ្នា ព្រោះការចុះបញ្ជីដីធ្លីជូនដល់ពលរដ្ឋ មិនត្រឹមផ្តល់ភាពស្របច្បាប់ ក្នុងការគ្រប់គ្រងដីធ្លីដោយស្របច្បាប់នោះទេ តែជាការផ្តល់ភាពកក់ក្តៅជូនប្រជាពលរដ្ឋ ជំរុញកិច្ចការវិនិយោគ លើកស្ទួយសេដ្ឋកិច្ចជាតិ សេដ្ឋកិច្ចប្រជាពលរដ្ឋផងដែរ ។

លោកបានថ្លែងថា “ការចុះបញ្ជីដីធ្លីនៅខេត្តកែបកាលពីកន្លងមក និងបច្ចុប្បន្ននេះ ពិតជាបានលឿន និងល្អ ខ្ញុំសូមវាយតម្លៃខ្ពស់ ចំពោះការខិតខំប្រឹងប្រែងបំពេញភារកិច្ចយ៉ាងសកម្មរបស់ថ្នាក់ដឹកនាំខេត្តកែប ដែលសម្រេចបាននូវសមិទ្ធផលជាច្រើន ជូនប្រជាពលរដ្ឋ” ។

លោកបន្តថា “វិវាទដីធ្លីភាគច្រើន កើតឡើងដោយសារការកាន់កាប់ដីធ្លីរបស់ពលរដ្ឋ មិនទាន់មានភាពច្បាស់លាស់” ។ លោកបន្ថែមថា “ដោយសារកម្ពុជាឆ្លងកាត់សង្គ្រាមជាច្រើនដំណាក់កាល ដូច្នេះការចុះបញ្ជីដីធ្លីជួបការលំបាក ប៉ុន្តែនាពេលបច្ចុប្បន្ននេះ ក្រោមការដឹកនាំរបស់ សម្តេចតេជោ ហ៊ុន សែន ប្រមុខរាជរដ្ឋាភិបាល បានកំពុងជំរុញកំណែទម្រង់ការគ្រប់គ្រង ដីធ្លី ហើយច្បាប់ និងបទដ្ឋានជាច្រើន ត្រូវបានរដ្ឋសភាអនុម័តដើម្បីអនុវត្តការងារនេះ” ។

លោក សោម ពិសិដ្ឋ អភិបាលខេត្តកែប ឱ្យដឹងថាខេត្តកែបទទួលបាននូវសមិទ្ធជាច្រើនដែលអនុវត្តបាន ពិសេសការងារលើផ្នែក ទេសចរណ៍ និងកិច្ចការពារសុខសន្តិភាព និងសុវត្ថិភាព ជូនអ្នកទេសចរជាតិ និងអន្តរជាតិ។ លោកបន្តថា ចំពោះបញ្ហាដីធ្លី អាជ្ញាធរបានខិតខំដោះស្រាយ និងការពារផលប្រយោជន៍ពលរដ្ឋជាធំ។ ប៉ុន្តែប្តេជ្ញាថែរក្សាធនធានធម្មជាតិ ដីរដ្ឋ ដីព្រៃ ឧទ្យានជាតិ ឆ្នេរសមុទ្រអោយបានល្អ ។

លោកអភិបាលខេត្តបន្តថា រដ្ឋបានខេត្តកែបានប្រើប្រាស់យន្តការផ្សេងៗ និងវិធីសាស្ត្រមួយចំនួនដែលខេត្តបាន និងកំពុងអនុវត្ត ដើម្បីដោះស្រាយ សម្របសម្រួល និងរកដំណោះស្រាយ ជូនប្រជាពលរដ្ឋក្នុងករណីដែលមានទំនាស់ដីធ្លី។ ក្នុងយន្តការទទួល និងដោះស្រាយពាក្យបណ្តឹងនេះ លោកអភិបាលខេត្ត បានបញ្ជាក់ពីការចូលរួមរបស់ការិយាល័យប្រជាពលរដ្ឋ ដែលទើបនឹងបង្កើតថ្មីនេះផងដែរ ៕

ខ័ណ្ឌដង្កោបាននិងកំពុងត្រៀមក្លាយជាតំបន់ CBD នាពេលឆាប់ៗខាងមុខ

ដោយៈ រ៉ាណេត

ភ្នំពេញៈ ខណ្ឌដង្កោនៅពេលបច្ចុប្បន្ននេះ បាននិងកំពុងត្រៀមក្លាយជាតំបន់នៃមជ្ឈមណ្ឌលពាណិជ្ជកម្ម (CBD) ចម្រុះ ដោយសារកត្តាសំខាន់ៗជាច្រើនពិសេសកំនើនប្រជាសាស្ត្រ ការរីកចម្រើននៃហេដ្ឋារចនាសម្ព័ន្ឋជាដើម។

លោកឧកញ៉ាតេង រិទ្ធី អគ្គនាយកក្រុមហ៊ុន R Investment Group បានមានប្រសាសន៍ប្រាប់ឱ្យដឹង តាមរយៈទូរស័ព្ទថា បច្ចុប្បន្ននេះ ខណ្ឌដង្កោកំពុងតែមានភាពទាក់ទាញយ៉ាងខ្លាំង ដោយសារតែនៅក្នុងខណ្ឌមួយនេះមានលំហូរ នៃចំនួនប្រជាជនចំណាកស្រុកចូលមករស់នៅច្រើន ដែលជំរុញឱ្យមានតម្រូវការលើការលើការស្នាក់នៅច្រើន។

លោកឧកញ៉ាបន្តថា “ការកើនឡើងនៃចំនួនប្រជាជន មិនមែនមានតែនៅក្នុងខណ្ឌដង្កោនេះមួយនោះទេ គឺវាមានការកើនឡើងស្ទើរតែគ្រប់ខណ្ឌ ប៉ុន្តែអ្វីដែលធ្វើឱ្យខណ្ឌនេះមានតម្រូវការស្នាក់នៅច្រើន រហូតមានការចូលខ្លួនមកអភិវឌ្ឍន៍ ពីសំណាក់អ្នកអភិវឌ្ឍ សំណង់បុរីជាច្រើន ក៏ព្រោះតែខណ្ឌដែលស្ថិតនៅភាគខាងត្បូង នៃរាជធានីភ្នំពេញមួយនេះ មានវិសាលភាពធំទូលាយងាយស្រួលក្នុងការអភិវឌ្ឍន៍ ជាពិសេសតម្លៃដីធ្លីនៅមានកម្រិតនៅឡើយ ដែលវាជាការផ្តល់ឱកាសសម្រាប់បណ្តាអ្នកវិនិយោគទាំងនោះ” ។

លោកឧកញ៉ាតេង រិទ្ឋីបានបន្តថា បច្ចុប្បន្ននេះ បើនិយាយពីតម្លៃដីធ្លីនៅក្នុងខណ្ឌដង្កោ បានកើនឡើងមួយកម្រិតធំរួចទៅហើយ ជាពិសេសកន្លែងដែលជាទីប្រជុំជន និងមានការអភិវឌ្ឍន៍រួចទៅហើយ។

ជាមួយគ្នានេះ អគ្គនាយកក្រុមហ៊ុនអចលនទ្រព្យ Khmer Foundation Appraisal (KFA) លោកឧកញ៉ា នួន រិទ្ធី ធ្លាប់បានមានប្រសាសន៍ឱ្យដឹងផងដែរថា ដង្កោ គឺជាខណ្ឌងាយស្រួលក្នុងការអភិវឌ្ឍន៍ ព្រោះខណ្ឌនេះមានសណ្ឋានដី និងអំណោយផលល្អច្រើន ម្យ៉ាងទៀត ភូមិសាស្ត្រនេះមានទីតាំងស្ថិតនៅជិត ទីប្រជុំជននៃរាជធានីភ្នំពេញ ដែលជាបណ្តុំនៃមណ្ឌលពាណិជ្ជ ហើយវាក៏មានភាពងាយស្រួល ក្នុងការពង្រីកខ្លួនទៅដល់ស្រុកកណ្ដាលស្ទឹង ដែលឃុំមួយចំនួនស្ថិតក្នុងស្រុកមួយនេះ ត្រូវបានកាត់ចូលមកក្នុងខណ្ឌដង្កោ។

លោកឧកញ៉ាបន្តថា លើសពីនេះទៅទៀត ក្រៅពីមានទំនោរទៅលើទីផ្សារលំនៅដ្ឋាន ខណ្ឌដង្កោ ក៏មានសួនឧស្សាហកម្មមួយចំនួននៅទីនោះផងដែរ រហូតត្រូវបានគេចាត់ទុកថា ជាតំបន់មានការអភិវឌ្ឍចម្រុះ។ ម្យ៉ាងទៀត ចំពោះទិសដៅនៃការអភិវឌ្ឍន៍នាពេលអនាគត វានឹងឆ្ពោះទៅរកតំបន់ជាយក្រុង ដែលស្ថិតនៅជុំវិញរាជធានីភ្នំពេញចម្ងាយប្រមាណ៣០គីឡូម៉ែត្រ ព្រោះបច្ចុប្បន្នតំបន់កណ្ដាលក្រុងភ្នំពេញ ស្ទើរតែអស់ដីក្នុងការអភិវឌ្ឍគម្រោងលំនៅឋានទៅហើយ ដែលធ្វើឱ្យអចលនវត្ថុកាន់តែមានតម្លៃខ្ពស់។

លោកឧកញ៉ា នួន រិទ្ធីបានបន្តថា អ្វីដែលធ្វើឱ្យខណ្ឌដង្កោ មានសក្ដានុពល ក៏ព្រោះតែតំបន់នេះមានប្រព័ន្ធទឹក ភ្លើង និងមានហេដ្ឋារចនាសម្ព័ន្ធខ្វាត់ខ្វែង ដែលអាចតភ្ជាប់ពីរាជធានីភ្នំពេញ ទៅតំបន់នេះងាយស្រួលក្នុងការធ្វើចរាចរណ៍ អាចកាត់បន្ថយការកកស្ទះបានយ៉ាងប្រសើរផងដែរ។ ហេតុផលមួយទៀតដែលធ្វើឱ្យមនុស្សជាច្រើន ក៏ដូចជាបណ្តាអ្នកធ្វើជំនួញលើវិស័យអចលនទ្រព្យ មានទំនោរទៅលើការវិនិយោគក្នុងខណ្ឌដង្កោ ជាពិសេសនៅប៉ែកខាងត្បូងតែម្ដង ក៏ព្រោះវាមានភាពល្អប្រសើរជាច្រើនដូចជា ស្ថិតនៅក្បែរផ្លូវ៦០ម៉ែត្រ ដែលបែងចែកទៅកាន់ផ្លូវជាតិលេខ២ និងផ្លូវជាតិលេខ៣ មានមជ្ឈមណ្ឌលពាណិជ្ជកម្ម ស្ថិតនៅជិតគម្រោងផ្សារទំនើប AEON3 ផ្សារទំនើបប៉េងហួត Eco Mall អាចធ្វើដំណើរត្រឹមជាង១០នាទីមកដល់កណ្តាលរាជធានីភ្នំពេញ៕