ដោយវុត្ថា
ភ្នំពេញៈ មន្ត្រីជាន់ខ្ពស់នៃក្រសួងកសិកម្ម រុក្ខាប្រមាញ់ និងនេសាទបានឱ្យដឹងថា ក្នុងរយៈពេល៥ខែ ដើមឆ្នាំ២០២០ នេះ កម្ពុជា បាននឹងអង្ករចេញទៅក្រៅប្រទេសមានចំនួន៣៥៦ពាន់តោន កើនឡើងប្រមាណ ៤២ , ៣៤ ភាគរយ បើធៀបទៅនឹង រយៈពេលដូចគ្នា កាលពីឆ្នាំ ២០១៩ កន្លងមកនេះ។
លោក ងិន ឆាយ ប្រតិភូរាជរដ្ឋាភិបាលទទួលបន្ទុកជអគ្គនាយក នៃអគ្គនាយកដ្ឋានកសិកម្ម នៅក្នុងសន្និសទីសារព័ត៌មានស្តីពី «សក្ដានុពលនាំចេញកសិផលកម្ពុជា ទៅកាន់ទីផ្សារអន្តរជាតិ ដែលមានការទាក់ទងនឹងភូតគាមអនាម័យ» នាថ្ងៃទី១៧ ខែមិថុនា ឆ្នាំ ២០២០នេះឱ្យដឹថា ការនាំចេញទៅកាន់ប្រទេសចិន បានកើនឡើងប្រមាណ២៥ភាគរយ បើធៀបទៅនឹងរយៈពេលដូចគ្នា២០១៩។
លោកបន្តថា ជាមួយគ្នានេះ ចំពោះការនាំចេញទៅកាន់ប្រទេសនូវសហភាពអឺរ៉ុបកើនឡើងប្រមាណ៥៦ភាគរយ បើទោះបីកម្ពុជាស្ថិតនៅក្នុងបញ្ហាប្រឈម ចំពោះការព្យួរប្រព័ន្ធអនុគ្រោះពន្ធEBAយ៉ាងណាក្តី។ ម្យ៉ាងទៀត ការនាំចេញទៅកាន់ទីផ្សារអស៊ាន៤៥ភាគរយ ប្រទេសឥណ្ឌា និងប្រទេសផ្សេងៗមានចំនួន៧៦ភាគរយ ។
លោកបន្ថែមថា ការកើនឡើងនេះ ដោយសារតែផលិតផលកសិកម្មរបស់កម្ពុជាជាពិសេស ការផលិតអង្ករមានគុណភាពល្អ និង ភូត្តគាមអនាម័យ និងមានស្តង់ដារខ្ពស់ និងម៉្យាងទៀត បើទោះបីកម្ពុជាជួបបញ្ហាជំងឺកូវីដ១៩ ក៏ដោយ ក៏យើងឃើញមានកើនឡើង។
លោកបន្ថែមថា ជាមួយគ្នានេះនៅតាមបណ្តាប្រទេសមួយចំនួនទៀត នៅតែបន្ត បញ្ជាទិញអង្ករពីកម្ពុជា ដោយមានការកើនឡើងជាបន្តបន្ទាប់ ក្នុងអំឡុងពេលនៃការរាតត្បាតនូវជំងឺកូវីដ១៩។
លោកងិន ឆាយបានបន្តដោយសម្តែងសុទិដ្ឋិនិយមផងងដែរថា តាមការប៉ាន់ស្មាន នៅពេលដំណាច់ឆ្នាំ២០២០នេះ កម្ពុជារំពឹងថា ការនាំចេញអង្កររបស់កម្ពុជាជិត១លានតោន ឬអាច៨០ម៉ឺនតោន ដែលកាលពីឆ្នាំ ២០១៩ កន្លងមកនេះ៦០ម៉ឺនតោន៕
កម្ពុជា ជាប្រទេសមួយស្ថិតក្នុងទិសដៅដែលមានសុវត្ថិភាពដើម្បីបើកជើងហោះហើរ។ នេះបើយោងតាការលើកឡើងរបស់មន្ត្រីជាន់ខ្ពស់របស់ថៃ។
លោក ងួន រតនៈ អភិបាល នៃគណៈអភិបាលខេត្តបាត់ដំបង នៅក្នុងដំណើរចុះពិនិត្យការសាងសង់ស្ពាននេះកាលពីថ្ងៃទី ១៦ ខែមិថុនា ឆ្នាំ ២០២០ បានពិនិត្យអំពីលក្ខណៈបច្ចេកទេស និងពិនិត្យរៀបចំគ្រោងស្ថាបនាផ្លូវផ្នែកខាងលិចនៃស្ពាន ដើម្បីជួយសម្រួលដល់ការធ្វើដំណើរមួយផ្នែកជូនបងប្អូនប្រជាពលរដ្ឋ នៅពេលបញ្ចប់ការសាងសង់ស្ពាននេះរួចរាល់ផងដែរ។
លោកបន្តថា ការស្ថាបនាសាងសង់ស្ពានថ្មថ្មី ទន្ទឹមគ្នាជាមួយ និងស្ពានថ្មចាស់ ដែលមានប្រវត្តិសាស្ត្របន្សល់ទុកពីសម័យអាណានិគមនិយមបារាំង មានចំណាស់អាយុកាល ជាង ១០០ឆ្នាំមកនេះ គឺស្ថិតនៅផ្នែកខាងត្បូងស្ពានចាស់ និងនៅចន្លោះពីគ្នាប្រវែង០៦ម៉ែត្រនៃស្ពានថ្មចាស់ ត្រូវបានប្រារព្វនូវពិធីក្រុងពាលីបើកការដ្ឋានសាងសង់ហើយ កាលពីថ្ងៃទី១២ ខែមករា ឆ្នាំ២០២០ កន្លងទៅនេះដោយកងកម្លាំងវិស្វកម្ម។
ស្ពានថ្មថ្មី ដែលសាងសង់ទន្ទឹមស្ពានថ្មចាស់នេះ មានរចនាបថដូចគ្នាទៅ និងស្ពានថ្មចាស់ ដែលបណ្តោយប្រវែង ១០០ម៉ែត្រ និងទទឹង ៨ ម៉ែត្រ ហើយនឹងគ្រោងបញ្ចប់ការសាងសង់នៅខែសីហា ឆាប់នេះផងដែរ៕
លោក ថោង ខុន រដ្ឋមន្ត្រី ក្រសួងទេសចរណ៍ នៅក្នុងកិច្ចប្រជុំការពិភាក្សាការងារគ្រប់គ្រងឆ្នេរខ្សាច់ និងត្រៀមរៀបចំបុណ្យសមុទ្រ កាលពីថ្ងៃទី ១៧ ខែមិថុនា ម្សិលមិញឱ្យដឹងថថា ឆ្នាំ២០២០នេះ ខេត្តព្រះសីហនុ នឹងធ្វើជាម្ចាស់ផ្ទះរៀបចំបុណ្យសមុទ្រលើកទី៩ ជុំទី៣ ដែលយើងបានរៀបចំគណៈកម្មអន្តរក្រសួងរៀបចំបុណ្យសមុទ្រនៅចុងខែធ្នូ។
លោករដ្ឋមន្ត្រីបន្ថែមថា ខេត្តព្រះសីហនុ មានការអភិវឌ្ឍយ៉ាងមមាញឹក មានផ្លូវ ៣៤ខ្សែ និងឆ្នេរខ្សាច់ជាង ៩គីឡូ ម៉ែត្រ ដែលប្រជាពលរដ្ឋនៅទូទាំងប្រទេស មានការកោតសរសើរ អបអរសាទរ ដែលជាស្នាដៃកូនខ្មែរ ជាអ្នកគូសប្លង់ និងសាងសង់ ហើយខ្មែរធ្វើបាន ដែលសមិទ្ធផលទាំងនេះ ឆ្លើយតបទៅនឹងការអភិវឌ្ឍរបស់ខេត្តព្រះសីហនុ ជម្រុញកំណើនទេសចរ និងសេដ្ឋកិច្ច បច្ចុប្បន្នភ្ញៀវក្នុងស្រុកមានប្រមាណ ៦០ម៉ឺននាក់ក្នុងមួយខែ កាលមិនទាន់មាន Covid-១៩ ភ្ញៀវក្នុងស្រុកមានជាង ១លាននាក់ ក្នុងមួយខែ ។
លោកបញ្ជាក់ថា ខេត្តព្រះសីហនុជាគោលដៅទេសចរណ៍ដែលមានផ្លូវ ឆ្នេរសមុទ្រ កោះ យើងក៏ត្រូវរៀបចំកន្លែងចតឡាន បង្គន់អនាម័យ បញ្ជរពត៌មាន ដើម្បីក្លាយជាគោលដៅទេសចរណ៍ទាក់ទាញ ។
