ដោយៈ រ៉ាណេត
ភ្នំពេញៈ គ្មាននរណាម្នាក់ ដែលបដិសេធមិនចង់ទទួលយកពាក្យថា ជោគជ័យនៅក្នុងវិស័យជំនួញនោះទេ។ ពាក់ព័ន្ធទៅនឹងការទទួលបានភាពភាពជោគជ័យនេះ សម្រាប់តែនៅក្នុងវិស័យអចលនទ្រព្យ លោកឧកញ៉ា នួន អក បានលើកយកពីចំណុចសំខាន់ៗដែលជាយុទ្ធសាស្ត្រ ក្នុងការពង្រឹងជំនួញក្នុងវិស័យនេះមកបង្ហាញដូចខាងក្រោម។
នៅលើគណនីទំនាក់ទំនងសង្គមផ្ទាល់ខ្លួន លោកឧកញ៉ា នួន អក បានចែករំលែកចំណេះដឹងថា សម្រាប់អ្នកវិនិយោគលើវិស័យអចលនទ្រព្យ គ្មានអ្នកណាម្នាក់ដែលមិនស្គាល់លោក Donald Trump មហាសេដ្ឋីលំដាប់ពិភពលោក ជនជាតិអាមេរិក ដែលជាអ្នកអភិវឌ្ឍន៍អចលនទ្រព្យ,អ្នកជំនួញ អ្នកវិនិយោគ ជាពិធីករ និងជាអ្នកនិពន្ធព្រមទាំងជាម្ចាស់អចលនទ្រព្យដ៏ធំនោះទេ។
លោកឧកញ៉ាបានបញ្ជាក់ថាទៀតថា ភាពជោគជ័យរបស់លោក អ្នកណាៗក៏ចង់ធ្វើតាមដែរ ជាពិសេសយុទ្ធសាស្ត្រនៃការវិនិយោគអចលនទ្រព្យ គោលគំនិត និងវិធីវិនិយោគជាអត្តសញ្ញាណរបស់លោក ត្រូវបានគេទទួលស្គាល់យ៉ាងទូលំទូលាយ។ វិធីនេះគេបានលើកយកមកធ្វើជាករណីសិក្សា និងបច្ចុប្បន្ន ក៏មានការរួមបញ្ចូលដោយសរសេរជាសៀវភៅសម្រាប់រៀនសូត្រផងដែរ ។
* គាត់ជឿថា អចលនទ្រព្យជាបេះដូងសំខាន់ នៃដំណើរការអាជីវកម្មគ្រប់ប្រភេទ និងជាសរសៃឈាមធំមួយ ដើម្បីបង្កើតទ្រព្យសម្បត្តិសម្រាប់មនុស្សគ្រប់គ្នា។ ដូច្នេះ បើគិតនឹងបង្កើតទ្រព្យសម្បត្តិ និងចង់កែតម្រង់អាជីវកម្មយ៉ាងឈ្លាសវៃ ចាំបាច់ត្រូវមានចំណេះដឹងផ្នែកអចលនទ្រព្យយ៉ាងល្អជាមុន ។
អចលនទ្រព្យ ជាទ្រព្យសម្បត្តិដែលមានរូបរាង ស្រស់ស្អាត និងបង្ហាញថា មានរសនិយម ទាំងនេះគឺជាហេតុផលនៅពីក្រោយ ដែលធ្វើឲ្យគាត់ចូលចិត្តអចលនទ្រព្យជាពិសេស។
* អាជីវកម្ម មិនថាជាការវិនិយោគអចលនទ្រព្យ ឬធ្វើអ្វីផ្សេងក្តី រមែងជាការងារសិល្បៈមួយដែលមានការអនុវត្តដូចៗគ្នា គឺត្រូវអភិវឌ្ឍន៍តិចនិក តស៊ូពុះពារ អត់ធន់ និងដឹងពីអ្វីដែលធ្វើជានិច្ច។
* ខ្លួនគាត់ផ្ទាល់ នឹងមិនព្រមទិញអចលនទ្រព្យណាជាដាច់ខាត ប្រសិនបើវិភាគហើយមិនឃើញ ពីការបន្ថែមតម្លៃយ៉ាងមានអត្ថន័យសំខាន់ ។
* ទីតាំងល្អតែម្យ៉ាង មិនមែនជាអ្វីដែលធានាដល់ការវិនិយោគ ឲ្យទទួលបានជោគជ័យទេ រឿងសំខាន់ម្យ៉ាងទៀតខ្វះមិនបាន គឺទីតាំងនោះនឹងត្រូវមានអនាគតល្អផងដែរ។
* ការព្រមចំណាយបន្ថែមទៀត ដើម្បីប្តូរជាមួយការបានទីតាំងល្អៗ ចាត់ទុកថា ជាគុណតម្លៃយ៉ាងខ្ពស់ និងជារឿងឈ្លៀសវៃជាងការចរចាដើម្បីប្តូរជាមួយទីតាំងមិនល្អ។
* ផ្តោតលើអ្វីមិនធម្មតា និងមិនដូចអ្នកដទៃ ដូចជា បើគិតនឹងបង្កើតអាផាតមិននៅកន្លែងណាមួយ អាផាតមិននោះនឹងត្រូវតែប្រណីតបំផុត ធំបំផុត និងល្អបំផុត ហើយមានតែមួយក្នុងតំបន់ ។
* ការជ្រើសរើសទីតាំងមាន៤ប្រភេទយ៉ាងតឹងរ៉ឹងបំផុតគឺ ១ ត្រូវតែល្អឥតខ្ចោះ (Great Views) ២ ជាទីតាំងមានឈ្មោះល្បីល្បាញ ប្រណីត និងពេញនិយមរបស់អ្នកមានប្រាក់ (Prestige) ៣ មានសក្តានុពលនៃភាពលូតលាស់ (Growth Potential) និង៤ ទីតាំងនោះត្រូវតែងាយស្រួល (Convenience) ។
* គាត់គិតថា ការជួបបញ្ហាធំ គឺជាការជួបឱកាសធំសំខាន់ក្នុងជីវិត ។ មនុស្សដែលមិនធ្លាប់ជួបបញ្ហាធំៗក្នុងជីវិតនោះ មានន័យថា មិនធ្លាប់ធ្វើរឿងសំខាន់ៗ ធំៗពីមុនមកឡើយ។
* គាត់ជឿថា គ្រប់បែបយ៉ាងក្នុងជីវិត គឺឱកាសមិនទៅតាមតម្រូវការរហូតទេ ។ ការព្រមទទួលយកការពិតចំណុចនេះ នឹងជួយឲ្យយើងអាចត្រៀម ដោះស្រាយល្អប្រសើរជាងមុន ។
* គោលគំនិតការងាររបស់លោក ដែលធ្វើហើយទទួលបានជោគជ័យជានិច្ចមាន៤គឺ ១-ចូលទៅពាក់ព័ន្ធ ២-ធ្វើឲ្យក្លាយជាការពិតឡើងមក ៣-គ្រប់គ្រងឲ្យទទួលបានជោគជ័យ និង៤-ផ្អាកធ្វើក្នុងពេលសមស្រប ។
* នៅពេលប្រឈមនឹងបញ្ហា ត្រូវសួរខ្លួនឯងជាមុនថា តើវាជាបញ្ហាតូចកើតឡើងបណ្តោះអាសន្ន ឬជាបញ្ហាធំឲ្យប្រាកដ ? រឿងនេះត្រូវដឹងជាមុន ព្រោះវាសំខាន់ណាស់ក្នុងការដោះស្រាយបញ្ហា។
* ការប្រមូលផល ជាមួយការសាបព្រួសគ្រាប់ពូជដំណាំ គឺជារឿងពាក់ព័ន្ធគ្នាយ៉ាងជិតស្និទ្ធ គ្រាន់តែវិនិយោគិនត្រូវយល់ជាមុនថា រឿងអ្វីគួរមកមុនឬមកក្រោយប៉ុណ្ណោះ ។
* ភាពក្រឡិចក្រឡុច (Resilience) ជាចំណែកសំខាន់ អាចជួយឲ្យមានសុវត្ថិភាពបាន។ ដូច្នេះមុននឹងវិនិយោគ ក្នុងអចលនទ្រព្យត្រូវប្រាកដចិត្តថា ខ្លួនយើងមានភាពក្រឡិចក្រឡុចច្រើនគួរសម។
* គាត់យល់ច្បាស់ជានិច្ចថា នៅក្នុងពិភពពិតជាក់ស្តែង ទីផ្សារអចលនទ្រព្យនឹងមិនល្អរហូតគ្រប់ពេលទេ ប៉ុន្តែនឹងមានឡើង មានចុះជាប្រចាំ ចាត់ទុកជារឿងធម្មតា ។
* បើត្រូវការមានសុវត្ថិភាពផ្នែកហិរញ្ញវត្ថុ ត្រូវពឹងលើខ្លួនឯងជាសំខាន់ សុំកុំគិតទៅពឹងពាក់អ្នកដទៃជាដាច់ខាត ។
* លោកតែងគិតពីរឿងហុងស៊ុយមកប្រើ ជាមួយគម្រោងអចលនទ្រព្យជាញឹកញាប់។ ពិតហើយ មិនមែនព្រោះតែអបិយជំនឿឡើយ ប៉ុន្តែព្រោះវាអាចបង្កើតប្រាក់ដល់គាត់ទៅវិញទេ ។
* ភាពឈ្លៀសវៃក្នុងការវិនិយោគអចលនទ្រព្យ គឺនៅត្រង់អាចប្រើប្រាស់ប្រាក់អ្នកដទៃ មកវិនិយោគជំនួសបាន។
* មិនថាសេដ្ឋកិច្ចឡើងឬចុះ ល្អឬអាក្រក់ ឱកាសវិនិយោគអចលនទ្រព្យតែងមានជានិច្ច។ គាត់និយាយថា សូម្បីតែក្នុងអំឡុងពេលសេដ្ឋកិច្ច ស្ថិតក្នុងដំណាក់កាលមិនល្អបំផុត ក៏មានន័យថាយើងគួររក្សាប្រាក់ទុកជាប់ខ្លួន ៕
ស្ថានទូតអូស្ត្រាលីប្រចាំកម្ពុជាបានអោយដឹងនៅថ្ងៃទី១៥ ឧសភា ២០២០ម្សិលមិញនេះថា ជំនួយឥតសំណងទាំងនេះ រួមមានជំនួយទីមួយដែលមានទឹកប្រាក់ចនួន ០២ លានដុល្លាអូស្រ្តាលី តាមរយះ អង្គការភី អេស អាយ (Population Services International) ដើម្បីគាំទ្រប្រតិបត្តិការភាពអាសន្នសុខភាពសាធារណ:នៅកម្ពុជា ក្នុងនោះរួមមានជំងឺកូវី១៩។
របាយការណ៍ (វាយតម្លៃចុងក្រោយនៃផលប៉ះពាល់សេដ្ឋកិច្ចសក្តានុពលនៃ COVID-19) បានរកឃើញថា ការខាតបង់សេដ្ឋកិច្ចនៅអាស៊ី និងប៉ាស៊ីហ្វិកអាចមានចាប់ពី ១,៧ ទ្រីលានដុល្លារក្នុងរយៈពេលខ្លីពី ៣ ខែទៅ ២,៥ ទ្រីលានដុល្លារក្នុងរយៈពេល ៦ ខែ។ តំបន់នេះមានចំនួនប្រហែល ៣០ ភាគរយ នៃការធ្លាក់ចុះជារួមនៃទិន្នផលសកល។
សម្តេចតេជោ ហ៊ុន សែន បានបញ្ជាក់ថា នៅតាមសាលារៀន កន្លែងហាត់ប្រាណ ក្លិបកម្សាន្ត ខារ៉ាអូខេ រួមទាំងការជួបជុំសាសនានានា ត្រូវតែបន្តពន្យារ និងផ្អាក។
