ដោយវុត្ថា

ខេត្តកែប៖ លោក លាង មុនីរិទ្ធ រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់បានមានប្រសាសាន៍ជំរុញឱ្យអជ្ញាធរត្រូវតាមដានជាប់ជាប្រចាំ អំពីការវិវដ្តប្រែប្រួល នៃស្ថានភាពសំណង់ ទាំងបញ្ហាវិជ្ជមាន អវិជ្ជមាន ទាំងការអភិវឌ្ឍន៍បច្ចេកវិទ្យាពាក់ព័ន្ធនឹងសំណង់ ដែលជាធាតុចូលក្នុងការរៀបចំលិខិតបទដ្ឋានគតិយុត្តិ និងដាក់ចេញនូវវិធានការដើម្បីជំរុញ និងបំពេញការអនុវត្តន៍ច្បាប់ ស្តីពីសំណង់ ឲ្យបានកាន់តែគ្រប់ជ្រុងជ្រោយ។

លោក លាង មុនីរិទ្ធ រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់នៅក្នុងវគ្គផ្សព្វផ្សាយច្បាប់ស្ដីពីសំណង់ ដល់អាជ្ញាធរមានសមត្ថកិច្ច មន្រ្តីជំនាញ និងវិស័យឯកជនកាលពីថ្ងៃទី ២៧ ខែកុម្ភៈ ម្សិលមិញនេះ បានឱ្យដឹងថា ការជំរុញឱ្យមានការតាមដានការវិវឌ្ឍន៍លើវិស័យសំណង់ជាប្រចាំនេះ ព្រោះការអនុវត្តន៍នៅមានការខ្វះចន្លោះ ឬអសកម្មដោយប្រការណាមួយនោះ វានឹងជះឥទ្ធិពលអវិជ្ជមាន និងទស្សនកម្មផ្សេងៗ ដល់រាជរដ្ឋាភិបាល រដ្ឋបាលថ្នាក់ក្រោមជាតិ វិនិយោគិន អ្នកប្រើប្រាស់សំណង់ ក៏ដូចជាសង្គមជាតិទាំងមូលជាក់ជាមិនខាន។

លោកថែ្លងថា ក្នុងនាមអាជ្ញាធរមានសមត្ថកិច្ច លើវិស័យសំណង់ ត្រូវអនុវត្តការងារឲ្យមានប្រសិទ្ធភាព ប្រកបដោយមនសិការវិជ្ជជីវៈ ស្មោះត្រង់នឹងវិជ្ជាជីវៈ មានតម្លាភាព និងគណនីភាព ចំពោះថ្នាក់លើ និងឈរលើគោលការច្បាប់ ក្នុងការចេញលិខិតអនុញ្ញាតិ ពាក់ព័ន្ធនឹងសំណង់ដូចជា លិខិតអនុញ្ញាតិសាងសង់ លិខិតបើកការដ្ឋានសំណង់ លិខិតបិទការដ្ឋានសំណង់ ឬវិញ្ញាប័ណ្ណប័ត្រប្រើប្រាស់សំណង់។

លោកបន្ថែមថា លើសពីនេះ ក៏ត្រូវខិតខំពង្រឹងការត្រួតពិនិត្យ ការដ្ឋានសំណង់ ការត្រួតពិនិត្យ សម្ភារៈបរិក្ខា និងផលិតផលសំណង់ ការដោះស្រាវវិវាទទាក់ទង់នឹងសំណង់ ការទប់ស្កាត់បទល្មើសសំណង់ជាដើម។

លោក កែន សត្ថា អភិបាល នៃគណៈអភិបាលខេត្តកែបបានឱ្យដឹងដែរថា ដោយផ្អែកលើច្បាប់ស្តីពីសំណង់ន និងការណែនាំបន្ថែមពីក្រសួងរៀបចំដែនដី នគរូបនីយកម្ម និងសំណង់ ធ្វើឲ្យខេត្តក៏ដូចជាមន្ទីរមានមូលដ្ឋានសម្រាប់ជម្រុញ និងអភិវឌ្ឍន៍នូវវិស័យសំណង់ប្រកបដោយចីរភាព។

ក្រសួងដែនដី នគរូបនីយកម្ម សំណង់ និងសុរិយោដី បានសហការជាមួយ មន្ទីររៀបចំដែនដី នគរូបនីយកម្ម និងសូរិយោដី ខេត្តកែប និងរដ្ឋបាលខេត្តកែប បានបើកវគ្គផ្សព្វផ្សាយច្បាប់ស្ដីពីសំណង់ ដល់អាជ្ញាធរមានសមត្ថកិច្ច មន្រ្តីជំនាញ និងវិស័យឯកជនគឺផ្ដោតសំខាន់លើវិស័យសំណង់ ពិសេសច្បាប់ស្ដីពីសំណង់ ដែលបានប្រកាសឲ្យប្រើដោយព្រះរាជក្រឹត្យលេខ នស/រកម/១១១៩/០១៩ ចុះថ្ងៃទី០២ ខែវិច្ឆិកា ឆ្នាំ២០១៩។

ច្បាប់ស្តីអំពីសំណង់មាន២២ជំពូក និង ១១១មាត្រា ច្បាប់នេះចង់ក្រងឡើងក្នុងគោលបំណងធានានូវ ៖ ទី១. គុណភាព សន្តិសុខ សុវត្ថិភាពសំណង់ ការពារទ្រព្យសម្បត្តិ និងសុខមាលភាពរបស់ម្ចាស់សំណង់ អ្នកប្រើប្រាស់សំណង់ និងសាធារណៈជន។ ទី២. សោភ័ណ្ឌភាព និងបរិស្ថានល្អ សម្រាប់ការរស់នៅប្រកបដោយចេរភាព សំដៅលើកកម្ពស់សុខមាលភាពសាធារណៈ។

ទី៣. ធានាបាននូវគណនីភាព ប្រសិទ្ធភាព ក្នុងការប្រកបការងារ និងការប្រកបវិជ្ជាជីវៈ ក្នុងវិស័យសំណង់ និងទី៤ បង្កើនការជឿទុកចិត្ត របស់វិនិយោគិន ក្នុងវិស័យសំណង់ និង ជំរុញទីផ្សារអចលនទ្រព្យកម្ពុជា ប្រកបដោយប្រសិទ្ធភាពលើផ្នែកសេដ្ឋកិច្ចសង្គម៕

ដោយ ហ្សូលី

ភ្នំពេញ៖ លំនៅដ្ឋានប្រណីតសម្រាប់ប្រកបអាជីវកម្មឬមុខរបរផ្សេងៗដែលស្ថិតនៅមិនឆ្ងាយប៉ុន្មានពីទីក្រុងភ្នំពេញនៅតាមបណ្តោយផ្លូវជាតិលេខ៥១កំពុងរីកដុះដាលឆាប់រហ័ស និងមានដំណើរការសាងសង់យ៉ាងសកម្ម។

ក្នុងនោះ បុរីអូរ៉ូរ៉ាស៊ីធី (Aurora City) ដែលជាក្រុមហ៊ុនអភិវឌ្ឍលំនៅដ្ឋានលើផ្ទៃដីចំនួន៣ហិកតាក៏មានទីតាំងនៅតាមបណ្តោយផ្លូវជាតិលេខ ៥១ ដែរ ស្ថិតនៅក្នុងភូមិក្បាលអូរ ឃុំព្រះស្រែ ស្រុកឧត្តុង្គ ខេត្តកំពង់ស្ពឺ ដែលជាគម្រោងទី២ បន្ទាប់ពីទទួលបានភាពជោគជ័យពីគម្រោងទី១ នៅតំបន់ក្រាំងធ្នង់ ក្រុងភ្នំពេញរួចមក។

ប្រធានគម្រោងបុរីអូរ៉ូរ់ាស៊ីធី លោក ឃិន សារ៉ាត់ បានមានប្រសាសន៍ថា “បុរីអូរ៉ូរ៉ា ចង់នាំយកគំរូថ្មីជាប្រភេទផ្ទះអាជីវកម្មមកកាន់តំបន់ផ្លូវជាតិលេខ ៥១ ដែលតំបន់នេះមិនធ្លាប់មានពីមុនមក ព្រោះជាទូទៅ នៅតាមបណ្តោយផ្លូវនេះមានតែផ្ទះបែបធម្មតា ឬក៏សាងសង់ជាហាងលក់ទំនិញសាមញ្ញតែប៉ុណ្ណោះ។ ដូច្នេះបុរីអូរ៉ូរ៉ា ចង់ពាំនាំការរស់នៅលំនាំថ្មីក្នុងទីក្រុងក្នុងយុគសម័យបច្ចុប្បន្ននេះ ដែលនឹងផ្សារភ្ជាប់តំបន់ជនបទជាមួយនឹងទីក្រុងក្នុងការលើកកម្ពស់កម្រិតស្តង់ដាររស់នៅ និងសុខមាលភាពប្រជាជន។”

លោក ឃិន សារ៉ាត់ បានបន្តថា ”បុរីអូរ៉ូរ៉ារំពឹងថា នៅថ្ងៃខាងមុខ ផ្លូវ៥១គឺជាផ្លូវក្រវ៉ាត់ក្រុងដែលមានចរន្តសេដ្ឋកិច្ចខ្លាំង ដែលភ្ជាប់ពីខេត្តកំពង់ស្ពឺ ខេត្តកណ្តាល និងរាជធានីភ្នំពេញ។ និយាយឱ្យចំទៅ វាភ្ជាប់ប៉ូលសេដ្ឋកិច្ច៣ ពីទិសខាងត្បូងគឺផ្លូវជាតិលេខ៤ ពីទិសខាងជើងផ្លូវជាតិលេខ៥ និងទិសខាងកើតពីភ្នំបាសិទ្ធទៅ។ ”

ប្រជាជនអាចបង្កើតជំនូញរកស៊ីបានដោយមិនកង្វល់រឿងទីតាំងនោះទេ ព្រោះថាតំបន់ផ្លូវជាតិលេខ ៥១ ជាតំបន់អភិវឌ្ឍនិងមានសក្តានុពល។ ម្យ៉ាងតំបន់នេះជាទីប្រជុំជន មានសាលារៀន មន្ទីរពេទ្យ រោងចក្រ សហគ្រាស ឃ្លាំងធំៗ សកម្មនៅក្នុងការធ្វើចរាចរណ៍និងដឹកជញ្ជូនទៅមក។ 

បច្ចុប្បន្ន បុរី អូរ៉ូរ៉ាស៊ីធី គម្រោងឧត្តុង្គនេះ កំពុងរៀបចំហេដ្ឋារចនាសម្ព័ន្ធដូចជា សួនច្បារ ផ្លូវដើរ ចំណតយានយន្ត ផ្លូវថ្នល់ចាក់បេតុងយ៉ាងរឹងមាំ និងមានទទឹងផ្លូវធំទូលាយ មានរៀបប្រព័ន្ធលូដែលមានមុខកាត់លូធំៗ និងការរចនាខឿនផ្លូវតាមបទដ្ឋានបែបអូស្រ្តាលី ដើម្បិបង្ករភាពងាយស្រួលក្នុងការធ្វើចរាចរណ៍ និងបង្កើនសោភ័ណភាព។
រីឯគេហដ្ឋានបែបអាជីវកម្មរបស់បុរីអូរ៉ូរ៉ាស៊ីធី ចែកចេញជា២ប្រភេទ និង៣ប្លុក ដែលមានសរុបប្រមាណជា២០០ល្វែង។ ផ្ទះអាជីវកម្ម Shop House ប្រភេទA ដែលនៅជាប់មាត់ផ្លូវជាតិ មានកម្ពស់២ជាន់កន្លះ បន្ទប់គេងចំនួន៣ ផ្តល់ទីធ្លាធំទូលាយ ត្រូវប៉ាន់សម្រាប់ការប្រកបអាជីវកម្ម ជួញដូរគ្រប់ប្រភេទ។ អ្វីដែលពិសេសនោះគឺមានរៀបចំសួនច្បារនិងមានចំណតចតឡាននៅពីមុខដ៏ធំផងដែរ។

មួយទៀតនោះគឺប្រភេទ B ជាប្រភេទផ្ទះអាជីវកម្ម Shop House ដូចគ្នាដែលសង់ស្របជាមួយផ្លូវចូលទៅរោងចក្រ ដែលមានកម្ពស់២ជាន់ និងមានបន្ទប់គេងចំនួន២ សាកសមសម្រាប់ការប្រកបអាជីវកម្ម រស់នៅ និងវិនិយោគទុកចំណេញបាននៅថ្ងៃអនាគត៕

ដើម្បីសាកសួរព័ត៌មានបន្ថែមលោកអ្នកអាចទំនាក់ទំនងបានតាមរយៈលេខទូរសព្ទ 012 222 016/ 017 222 069/ 017 222 099

http://www.facebook.com/aurora.ct168/videos/190385502196853/

ដោយៈ រ៉ាណេត

ភ្នំពេញៈ ជាការឆ្លើយតបទៅនឹងតម្រូវការរបស់អតិថិជន ក្រុមហ៊ុនអភិវឌ្ឍន៍លំនៅដ្ឋានបែបទំនើប និងទាន់សម័យ បុរីGALAXY 11 បានចាប់ផ្ដើមគម្រោងថ្មីនៅក្នុងប្លុកទី២ ដោយការសាងសង់លំនៅដ្ឋានអាជីវកម្មដ៏ប្រណីត និងមានភាពងាយស្រួលក្នុងការរស់នៅ ដែលមានចំនួនកំណត់ត្រឹមតែជាង២០ខ្នងតែប៉ុណ្ណោះ។

បន្ទាប់ពីទទួលបានភាពជោគជ័យ ទៅលើគម្រោងទីមួយដោយទទួលបានការគាំទ្រយ៉ាងច្រើន និងជឿទុកចិត្តពីសំណាក់អតិថិជន ក្រុមហ៊ុនអភិវឌ្ឍន៍លំនៅដ្ឋានបែបទាន់សម័យ និងប្រណីតភាព បុរី GALAXY 11 បានសម្រេចចាប់ផ្ដើមអនុវត្តគម្រោងទី២ ដោយការសាងសង់សំណង់លំនៅដ្ឋានអាជីវកម្មដ៏ស្រស់ស្អាត ផ្តល់នូវផាសុកភាពខ្ពស់ក្នុងការរស់នៅ ដែលអាចបង្ហាញពីភាពថ្លៃថ្នូរនៅក្នុងសង្គមនាពេលបច្ចុប្បន្ន និងថ្ងៃអនាគត។

នាយិកាផ្នែកទីផ្សារ និងការលក់ អ្នកស្រី យួម ចាន់រ៉ានី បានមានប្រសាសន៍ប្រាប់ឱ្យ​ដឹងតាមទូរស័ព្ទនារសៀលថ្ងៃទី២៧ កុម្ភៈនេះថា សម្រាប់គម្រោងថ្មី ដែលស្ថិតនៅក្នុងប្លុកទី២ នៃបុរី GALAXY 11 កាន់តែមានភាពទាក់ទាញ ងាយស្រួលទាំងការរស់នៅ ងាយស្រួលទាំងការប្រកបអាជីវកម្ម រួមជាមួយនឹងការផ្តល់ជូននូវតម្លៃត្រឹងតែជាង៩ម៉ឺនដុល្លារតែប៉ុណ្ណោះ ដោយគ្រប់អតិថិជនទាំងអស់ អាចមានជម្រើសក្នុងការទិញដោយបង់ផ្ដាច់ និងបង់រំលោះក្នុងរយៈពេលយូរឆ្នាំបានយ៉ាងងាយស្រួល។

អ្នកស្រីបញ្ជាក់ថា “គម្រោងថ្មីនេះ មានតែជាប្រភេទលំនៅដ្ឋានអាជីវកម្មតែប៉ុណ្ណោះ ហើយចំនួនក៏មានកំណត់ ពោលគឺក្រុមហ៊ុនបានកំណត់សាងសង់ត្រឹមតែ២៥ខ្នងតែប៉ុណ្ណោះសម្រាប់ដាក់លក់”។ អ្នកស្រីបានបន្តទៀតថា “គ្រប់លំនៅដ្ឋានដែលស្ថិតនៅក្នុងគម្រោងថ្មីនេះ គឺសុទ្ធតែត្រូវបានធានានូវគុណភាពសំណង់ សោភ័ណភាព និងមានផាសុកភាពខ្ពស់ទាំងនៅក្នុងលំនៅដ្ឋាន ក៏ដូចជាទីធ្លាបរិវេណខាងក្រៅផ្ទះផងដែរ”។

ជាមួយនឹងការចាប់ផ្ដើមអនុវត្តគម្រោងថ្មីនៅក្នុងបុរី GALAXY 11 ដែលជាប្រភេទលំនៅដ្ឋានអាជីវកម្មទាំងអស់នេះ ក៏មានការផ្តល់ជូននូវកម្មវិធីពិសេស សម្រាប់អតិថិជនផងដែរ ដូចជាការបញ្ចុះតម្លៃពិសេសភ្លាមៗបន្ទាប់ធ្វើការកក់ រួមជាមួយនឹងកាដូជាសម្ភារៈប្រើប្រាស់ទំនើបៗដូចជា ទូទឹកកក ម៉ាស៊ីនបោកសំលៀកបំពាក់ ទូរទស្សន៍ LED ទូរទាំង ទូរចង្ក្រានបាយលើក្រោម រួមជាមួយនឹងសម្ភារៈផ្សេងៗជាច្រើនទៀត។

គម្រោងលំនៅដ្ឋានបែបទំនើប ពោរពេញទៅដោយប្រណីតភាពនៃបុរី GALAXY 11 មានទីតាំងនៅ ភូមិព្រែកជ្រៃ សង្កាត់ស្ពានថ្ម ខណ្ឌដង្កោ រាជធានីភ្នំពេញ ដែលជាតំបន់មានសក្ដានុពលនៅជាយរាជធានីភ្នំពេញ និងជាតំបន់ប្រមូលផ្តុំទៅដោយគម្រោងអភិវឌ្ឍន៍ធំៗជាច្រើន ស្ថិតនៅជិតផ្លូវ៦០ម៉ែត្រ ជាពិសេសស្ថិតនៅលើផ្លូវទំហំ ៣២ម៉ែត្រ ដែលស្របទិសឆ្ពោះទៅគម្រោងសាងសង់ ព្រលានយន្តហោះភ្នំពេញថ្មី ដែលកាន់តែធ្វើឱ្យការរស់នៅមានភាពងាយស្រួលធ្វើអាជីវកម្មគ្រប់ប្រភេទ ប្រកបដោយសុវត្ថិភាពខ្ពស់ មិនចាញ់តំបន់អភិវឌ្ឍនៃផ្សារទំនើប AEON2 នោះទេ។

រួសរាន់ឡើង អ្នកមកមុន មានសិទ្ធិ និងឱកាសជ្រើសរើសយកទីតាំងល្អ រួមនឹងតម្លៃសមរម្យស្ថិតនៅក្នុងកញ្ចប់នៃកម្មវិពិសេស  ដែលផ្ដល់ជូនពីក្រុមហ៊ុន។ សម្រាប់ព័ត៌មានលម្អិតពីគម្រោងសូមទាក់ទងទូរស័ព្ទលេខ០១៧ ៦៦ ១១ ២២ / ០៩៨ ៦៦ ១១ ២២៕