សង្គ្រាមសហរដ្ឋអាមេរិកលើប្រទេសអ៊ីរ៉ង់ជំរុញឱ្យតម្រូវការលំនៅឋាននៅទីក្រុងឌូបៃដាំក្បាលចុះ

ដោយ: សហសេវិក
អន្តរជាតិ: ក្រុមអ្នកវិភាគអះអាងថា សង្គ្រាមសហរដ្ឋអាមេរិកលើប្រទេសអ៊ីរ៉ង់បានធ្វើឱ្យតម្រូវការផ្ទះនៅទីក្រុងឌូបៃធ្លាក់ចុះ ដោយសារអ្នកទិញពន្យារពេលការទិញ ហើយក្រុមហ៊ុននានាពន្យារពេលការផ្លាស់ប្តូរទីតាំង និងបុគ្គលិកទៅកាន់មជ្ឈិមបូព៌ា។

យោងតាមក្រុមហ៊ុនប្រឹក្សាយោបល់អចលនទ្រព្យ Knight Frank បានឱ្យដឹងថា ការលក់ផ្ទះនៅទីក្រុងឌូបៃបានធ្លាក់ចុះយ៉ាងគំហុកនៅក្នុងខែឧសភា និងខែមិថុនា ដោយប្រតិបត្តិការបានដាំក្បាលចុះ៤៥ភាគរយ និង១៦,៤ភាគរយរៀងៗគ្នា បើប្រៀបធៀបទៅនឹងខែដូចគ្នាក្នុងឆ្នាំ ២០២៥។

ការលក់លំនៅឋានសរុបនៅក្នុងឆមាសទី១ ឆ្នាំ២០២៦ បានដាំក្បាលចុះ១៣,៦ភាគរយធៀបនឹងឆ្នាំមុន។ ក្រុមហ៊ុនប្រឹក្សាអចលនទ្រព្យ Knight Frank រំពឹងថា ប្រតិបត្តិការនឹងថយចុះបន្ថែមទៀត។

ជាមួយគ្នានេះ ក្រុមហ៊ុនប្រឹក្សាអចលនទ្រព្យ Juwai IQI បានលើកឡើងថា ជម្លោះនេះក៏បានបង្កឱ្យមានការភ័យស្លន់ស្លោក្នុងចំណោមអ្នកទិញមួយចំនួន ដែលបណ្តាលឱ្យពួកគេពិចារណាឡើងវិញអំពីការទិញ។

ទោះបីជាមានការធ្លាក់ចុះយ៉ាងណាក្តី ទីក្រុងឌូបៃនៅតែជាទីផ្សារលំនៅឋានប្រណីតឈានមុខគេរបស់ពិភពលោក។ ចាប់ពីឆ្នាំ ២០២៣ ដល់ឆ្នាំ ២០២៥ ទីក្រុងមួយនេះបានកត់ត្រាការលក់ផ្ទះប្រចាំឆ្នាំចំនួន៤២៦ទៅ៤៩៩ខ្នងដែលមានតម្លៃយ៉ាងហោចណាស់ ១០ លានដុល្លារអាមេរិក។

ជម្លោះនេះក៏បានបង្កើនការចំណាយសម្រាប់អ្នកអភិវឌ្ឍន៍ផងដែរ។ តម្លៃសម្ភារៈសំណង់នៅទូទាំងប្រទេសសមាជិកក្រុមប្រឹក្សាសហប្រតិបត្តិការឈូងសមុទ្រ (GCC) បានកើនឡើងជាង២០ភាគរយ ចាប់តាំងពីខែមករា ដែលបង្កការពិបាកក្នុងការបញ្ចប់គម្រោងទាន់ពេលវេលា។

ក្រុមហ៊ុន Knight Frank ក៏បានព្រមានផងដែរថា ការរំខានដល់ខ្សែសង្វាក់ផ្គត់ផ្គង់ និងការចំណាយលើការដឹកជញ្ជូន និងធានារ៉ាប់រងកាន់តែខ្ពស់ ដោយសារកំពង់ផែក្នុងតំបន់ផ្តល់អាទិភាពដល់ទំនិញសំខាន់ៗដូចជា ម្ហូបអាហារ និងថ្នាំពេទ្យ អាចធ្វើឱ្យការនាំចូលសម្ភារៈសំណង់កាន់តែពិបាក និងមានតម្លៃថ្លៃ៕

តើអចលនទ្រព្យប្រភេទណាដែលមានឱកាសរីកចម្រើនរយៈពេលវែង?

ដោយៈ គង់ សូរិយា

ភ្នំពេញៈ ផ្អែកលើហេដ្ឋារចនាសម្ព័ន្ធបច្ចុប្បន្ន នគរូបនីយកម្ម និងនិន្នាការសេដ្ឋកិច្ចរបស់ប្រទេសកម្ពុជា ផ្នែកអចលនទ្រព្យទាំងនេះគឺជាបេក្ខជនដ៏រឹងមាំបំផុតសម្រាប់កំណើន ក្នុងរយៈពេល៣ទៅ១០ឆ្នាំខាងមុខ។

ទោះជាយ៉ាងណា មិនមានលទ្ធផលណាមួយត្រូវបានធានានោះទេ ប៉ុន្តែអ្នកវិភាគជាច្រើនយល់ឃើញថា តំបន់ទាំងនេះជាតំបន់ដែលមានសក្តានុពលរយៈពេលវែងល្អបំផុត។

១. ដីនៅជិតអាកាសយានដ្ឋានអន្តរជាតិតេជោ

នេះគឺជាប្រធានបទរយៈពេលវែង ដ៏រឹងមាំបំផុតមួយដោយសារតែអាកាសយានដ្ឋានអន្តរជាតិថ្មី។ ផ្លូវ និងហេដ្ឋារចនាសម្ព័ន្ធថ្មីដែលតភ្ជាប់តំបន់នេះ ដែលធ្វើឲ្យមានតម្រូវការភស្តុភារ ពាណិជ្ជកម្ម និងលំនៅដ្ឋានកើនឡើងតាមពេលវេលា។

ផែនការអភិវឌ្ឍន៍របស់រដ្ឋាភិបាល នៅភាគខាងត្បូងនៃទីក្រុងភ្នំពេញ។ ដីជាធម្មតាទទួលបានអត្ថប្រយោជន៍ជាមុនសិន នៅពេលដែលហេដ្ឋារចនាសម្ព័ន្ធពង្រីក ទោះបីជាពេលវេលាអាចប្រែប្រួលក៏ដោយ។

២. ដីឧស្សាហកម្ម និងភស្តុភារ

ប្រទេសកម្ពុជា បន្តទាក់ទាញការវិនិយោគផលិតកម្ម និងខ្សែសង្វាក់ផ្គត់ផ្គង់។ តម្រូវការត្រូវបានគាំទ្រ ដោយតំបន់សេដ្ឋកិច្ចពិសេស (SEZs)។ ពាណិជ្ជកម្មឆ្លងដែនជាមួយវៀតណាម និងថៃ។ ឃ្លាំង និងកន្លែងភស្តុភារ។

តំបន់ជុំវិញក្រុងបាវិត ប៉ោយប៉ែត និងផ្លូវហាយវេសំខាន់ៗអាចទទួលបានអត្ថប្រយោជន៍ ប្រសិនបើការវិនិយោគនៅតែបន្ត។

៣. ដីលំនៅឋាននៅលើគែមដែលកំពុងពង្រីករបស់ទីក្រុងភ្នំពេញ

ជាយក្រុងភ្នំពេញ អាចបន្តរីកចម្រើន នៅពេលដែលទីក្រុងពង្រីក។ ទីតាំងដែលតភ្ជាប់ដោយផ្លូវរង្វង់ថ្មី ផ្លូវល្បឿនលឿន និងផ្លូវហាយវេសំខាន់ៗ ជារឿយៗឃើញតម្រូវការលំនៅដ្ឋានកើនឡើង តាមពេលវេលា។

៤. អចលនទ្រព្យពាណិជ្ជកម្មជុំវិញហេដ្ឋារចនាសម្ព័ន្ធសំខាន់ៗ

ការលក់រាយ ការិយាល័យ សណ្ឋាគារ និងគម្រោងប្រើប្រាស់ចម្រុះអាចដំណើរការបានល្អ ជាងនៅកន្លែងដែលមានកំណើនប្រជាជនខ្ពស់។ ការតភ្ជាប់ប្រើប្រាស់ដឹកជញ្ជូនបានល្អ សកម្មភាពអាជីវកម្ម។

តម្រូវការពឹងផ្អែកយ៉ាងខ្លាំង ទៅលើសេដ្ឋកិច្ចក្នុងស្រុក និងកម្រិតនៃការកាន់កាប់។

៥. ខុនដូ

ទីផ្សារខុនដូបានប្រសើរឡើង បើប្រៀបធៀបទៅនឹងរយៈពេលខ្សោយបំផុតរបស់វា ប៉ុន្តែវានៅតែមានបញ្ហាប្រឈម ដោយសារតែការផ្គត់ផ្គង់នៅតែខ្ពស់នៅក្នុងតំបន់មួយចំនួន។ អ្នកទិញមានការជ្រើសរើសច្រើនជាង។

ប៉ុន្តែគម្រោងដែលមានទីតាំងល្អ និងមានគុណភាពខ្ពស់ជាទូទៅមានទីតាំងល្អជាង គម្រោងប្រណីតដែលមានតម្រូវការទាប៕

តើទីក្រុង Victoria Parkland ប្រែក្លាយក្រុងតាខ្មៅទៅតំបន់ CBD យ៉ាងដូចម្តេច?

ដោយៈ ចំណាន

កណ្តាលៈ ការប្រែក្លាយដីស្រែ ទៅជាទីក្រុងមួយ ដែលមានភាពរសរវើក មិនមែនអ្នកណាក៏ស្រម៉ៃដល់នោះទេ ប៉ុន្តែអ្នកអភិវឌ្ឍន៍ដែលមានចក្ខុវិស័យរឹងមាំ និងច្បាស់លាស់ កំពុងប្រែក្លាយក្តីស្រម៉ៃទៅជាការពិត។

ទីក្រុងVictoria Parkland ស្ថិតនៅភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល។

លោកបណ្ឌិតតេង រិទ្ធីអគ្គនាយកគម្រោងទីក្រុងVictoria Parkland បានមានប្រសាសន៍ឲ្យដឹង កាលពីពេលថ្មីៗនេះថា ជាមួយចក្ខុវិស័យច្បាស់លាស់ មូលដ្ឋានបទពិសោធន៍រយៈពេល២០ឆ្នាំរបស់លោក គួបផ្សំនឹងមូលធនរឹងមាំ ការប្រែក្លាយតំបន់នេះ ជាCentral Business Development ជាអ្វីដែលមិនត្រឹមជាក្តីស្រម៉ៃទេ តែយើងកំពុងប្រែក្លាយវាទៅការពិត។

លោកបន្តថា “ជាមួយនឹងការពុះដីឡូត៍ខ្នាតវីឡា ការអភិវឌ្ឍច្បាស់លាស់ ទីក្រុងនេះនឹងរួមបញ្ចូលនូវផ្សារទំនើប ខុនដូ ផ្ទះអាជីវកម្ម អាគារការិយាល័យ និងសណ្ឋាគារជាដើម”។ លោកបន្ថែមថា “អ្នកមិនះអាចត្រឹមតែស្រមៃទេ តែយើងស្រម៉ៃហើយ និងកំពុងឆ្ពោះទៅសម្រេចគោលដៅ”។

នៅពេលលើកឡើងពីស្ថានភាព ទីផ្សារអចលនទ្រព្យនៅកម្ពុជា លោកបណ្ឌិតតេង រិទ្ធីបានបញ្ជាក់ថា “ជាធម្មតា ទីផ្សារមានការឡើងចុះជារឿងសាមញ្ញ ប៉ុន្តែបើយើងផ្តោតលើព័ត៌មានអវិជ្ជមាន និងគិតអវិជ្ជមាន ហើយជួបមនុស្សអវិជ្ជមាន យើងនឹងគិតអវិជ្ជមាន និងមិនអាចឆ្ពោះទៅមុខបានទេ”។ លោកបន្ថែមថា “នៅពេលយើងជួបមនុស្សវិជ្ជមាន និងកំពុងទិញលក់នៅក្នុងវិស័យនេះ ទើបយើងដឹងថា ទីផ្សារនៅតែដំណើរការ គ្រាន់តែការទិញលក់ អាចមានកំណើនយឺតជាងមុន ប៉ុន្តែវានៅតែមានតម្រូវការ”។

លោកបណ្ឌិតតេង រិទ្ធីបានបន្តថា យើងបន្តទទួលបានការគាំទ្រពីអតិថិជនបណ្តើរៗ ព្រោះការអភិវឌ្ឍរបស់យើងមានផែនការ ប្រកបដោយចក្ខុវិស័យច្បាស់លាស់ និងមិនអនុញ្ញាត្តឲ្យអ្នកវិនិយោគសាងសង់អ្វី ដែលមិនស្ថិតនៅក្នុងផែនការរបស់យើង ព្រោះអ្នកទិញដីមិនអាចទិញហើយសាងសង់រោងចិញ្ចឹមគោ ពពែក ឬជ្រូកនៅក្នុងគំរោងនេះបានទេ ប៉ុន្តែពួកគេអាចសាងសង់វីឡាប្រណីត ជាមួយម៉ូតផ្ទះដែលក្រុមហ៊ុនផ្តល់ជូន ឬឌីសាញតាមចំណង់ចំណូលចិត្តរបស់ពួកគេ៕

ផ្លូវជាតិលេខ៧១C បានបញ្ចប់សុពលភាពនៃការធានាគុណភាពហើយ

ដោយៈ ម៉ាណា

កំពង់ចាមៈ ក្រុមការងារបច្ចេកទេសក្រសួងសាធារណការ និងដឹកជញ្ជូន ដឹកនាំដោយលោក ខាន់ ម៉ាណេរ រដ្ឋលេខាធិការក្រសួងសាធារណការ និងដឹកជញ្ជូន បានអញ្ជើញចុះត្រួតពិនិត្យលក្ខណៈបច្ចេកទេសលម្អិត និងដឹកនាំពិធីប្រគល់-ទទួលបញ្ចប់សុពលភាពនៃការធានាគុណភាព គម្រោងសាងសង់ផ្លូវជាតិលេខ៧១សេ។

ការប្រគល់ និងទទួលនេះ បន្ទាប់ពីគម្រោងបានបញ្ចប់រយៈពេលថែទាំ និងធានាគុណភាពស្របតាមលក្ខខណ្ឌកិច្ចសន្យា និងបទដ្ឋានបច្ចេកទេសដែលបានកំណត់។

ពិធីនេះមានការអញ្ជើញចូលរួមពីថ្នាក់ដឹកនាំ និងមន្ត្រីជំនាញបច្ចេកទេសនៃក្រសួងសាធារណការ និងដឹកជញ្ជូន តំណាងរដ្ឋបាលខេត្តកំពង់ចាម និងខេត្តត្បូងឃ្មុំ មន្ទីរសាធារណការ និងដឹកជញ្ជូនខេត្តទាំងពីរ តំណាងក្រុមហ៊ុនសំណង់សៀងហៃគ្រុប (Shanghai Construction Group-SCG) ក្រុមហ៊ុនទីប្រឹក្សាបច្ចេកទេសក្វាងចូវ វ៉ានអាន (Guangzhou Wanan Construction Supervision-WACC) ព្រមទាំងមន្ត្រី និងភាគីពាក់ព័ន្ធ។

ការចុះត្រួតពិនិត្យលើកនេះ បានផ្តោតសំខាន់លើស្ថានភាព និងគុណភាពតួផ្លូវ ស្រទាប់ក្រាលកៅស៊ូ ស្ពាន លូ និងប្រព័ន្ធបង្ហូរទឹក ជើងទេរផ្លូវ ទីតាំងផ្លូវប្រសព្វ និងរង្វង់មូល គំនូសសញ្ញាចរាចរណ៍ ផ្លាកសញ្ញាចរាចរណ៍ បង្គោលគីឡូម៉ែត្រ បង្គោលសុវត្ថិភាព ភ្លើងសញ្ញាចរាចរណ៍ និងហេដ្ឋារចនាសម្ព័ន្ធរងផ្សេងៗ ដើម្បីវាយតម្លៃថា ការងារសំណង់ និងការងារជួសជុល ក្នុងអំឡុងពេលធានាគុណភាព ត្រូវបានអនុវត្តពេញលេញ ស្របតាមសៀវភៅបន្ទុក និងលក្ខខណ្ឌកិច្ចសន្យា។

ក្នុងឱកាសនោះ លោកខាន់ ម៉ាណេរ រដ្ឋលេខាធិការ ក្រសួងសាធារណការ និងដឹកជញ្ជូន បានថ្លែងកោតសរសើរ និងវាយតម្លៃខ្ពស់ចំពោះក្រុមហ៊ុនសាងសង់ ក្រុមហ៊ុនទីប្រឹក្សាបច្ចេកទេស ក្រុមការងារបច្ចេកទេសរបស់ក្រសួង រដ្ឋបាលខេត្ត និងមន្ទីរសាធារណការ និងដឹកជញ្ជូនខេត្តកំពង់ចាម និងខេត្តត្បូងឃ្មុំ ដែលបានសហការយ៉ាងជិតស្និទ្ធ ប្រកបដោយការទទួលខុសត្រូវ និងវិជ្ជាជីវៈខ្ពស់ ក្នុងការតាមដាន ត្រួតពិនិត្យ ថែទាំ និងកែលម្អគុណភាពផ្លូវ រហូតឈានដល់ការប្រគល់-ទទួលបញ្ចប់សុពលភាព នៃការធានាគុណភាពតាមកិច្ចសន្យា។

លោកបានបញ្ជាក់ថា “ការបញ្ចប់សុពលភាព នៃការធានាគុណភាព មិនមែនមានន័យថា ការយកចិត្តទុកដាក់លើការគ្រប់គ្រង និងថែទាំខ្សែផ្លូវត្រូវបានបញ្ចប់នោះទេ”។

ផ្ទុយទៅវិញ អង្គភាពពាក់ព័ន្ធ និងមន្ទីរសាធារណការ និងដឹកជញ្ជូនខេត្តទាំងពីរ ត្រូវបន្តតាមដានស្ថានភាពផ្លូវ ស្ពាន ប្រព័ន្ធបង្ហូរទឹក បរិក្ខារសុវត្ថិភាពចរាចរណ៍ និងហេដ្ឋារចនាសម្ព័ន្ធរងជាប្រចាំ ដើម្បីធានាបាននូវគុណភាព សុវត្ថិភាព និងអាយុកាលប្រើប្រាស់យូរអង្វែង។

ផ្លូវជាតិលេខ៧១សេ គឺជាខ្សែផ្លូវយុទ្ធសាស្ត្រដ៏សំខាន់ ដែលតភ្ជាប់ខេត្តត្បូងឃ្មុំ និងខេត្តកំពង់ចាម ដោយមានប្រវែងសរុប ១១៤,៩៩ គីឡូម៉ែត្រ ចាប់ផ្តើមពីចំណុចប្រសព្វផ្លូវជាតិលេខ៧ ត្រង់គីឡូម៉ែត្រលេខ ១៥៤+៧០០ ស្ថិតក្នុងឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ និងបញ្ចប់នៅចំណុចប្រសព្វផ្លូវជាតិលេខ៧១ ត្រង់គីឡូម៉ែត្រលេខ ៣០+៤០០ ស្ថិតក្នុងឃុំស្វាយទាប ស្រុកចំការលើ ខេត្តកំពង់ចាម។

គម្រោងសាងសង់ផ្លូវជាតិលេខ៧១សេ ត្រូវបានប្រកាសបើកការដ្ឋានរួមគ្នា ក្នុងឱកាសពិធីសម្ពោធ បើកឱ្យប្រើប្រាស់ជាផ្លូវការស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ ឬ “ស្ពានភ្ជាប់និស្ស័យ” កាលពីថ្ងៃទី២៣ ខែវិច្ឆិកា ឆ្នាំ២០២១ ក្រោមអធិបតីភាពដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី និងបច្ចុប្បន្នជាប្រធានព្រឹទ្ធសភា នៃព្រះរាជាណាចក្រកម្ពុជា និងត្រូវបានសម្ពោធបើកឱ្យប្រើប្រាស់ជាផ្លូវការ កាលពីថ្ងៃទី១២ ខែមេសា ឆ្នាំ២០២៥ ក្រោមអធិបតីភាពដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។

ចាប់តាំងពីបើកឱ្យប្រើប្រាស់ជាផ្លូវការ ផ្លូវជាតិលេខ៧១សេ បាននិងកំពុងដើរតួនាទីយ៉ាងសំខាន់ ក្នុងការតភ្ជាប់ការធ្វើដំណើរ សកម្មភាពពាណិជ្ជកម្ម និងទេសចរណ៍ ជាពិសេសសម្រាប់ប្រជាពលរដ្ឋរស់នៅក្នុងខេត្តត្បូងឃ្មុំ ខេត្តកំពង់ចាម និងខេត្តជាប់ព្រំប្រទល់ ព្រមទាំងសម្រួលដល់ការដឹកជញ្ជូនដំណាំ ផលិតផលកសិកម្ម និងផលិតផលកសិ-ឧស្សាហកម្មឱ្យកាន់តែឆាប់រហ័ស កាត់បន្ថយការចំណាយ និងចំណេញពេលវេលា៕

តើ Shopping Mall & Department Store ខុសគ្នាយ៉ាងដូចម្តេច?

ដោយៈ ម៉ាណា

ភ្នំពេញៈ ផ្សារទំនើប និងហាងលក់ទំនិញចម្រុះ មានភាពស្មុគ្រ ស្មាញ ដែលមានហាងឯករាជ្យជាច្រើន។ ផ្សារទំនើបឬShopping Mall មានហាងលក់រាយធំតែមួយដែលជាកម្មសិទ្ធិរបស់ក្រុមហ៊ុនតែមួយ។

ហាងនីមួយៗមានម្ចាស់ ឬម៉ាកយីហោផ្ទាល់ខ្លួន ហើយហាងទាំងអស់ជាកម្មសិទ្ធិរបស់ក្រុមហ៊ុនតែមួយ។

ជាធម្មតារួមមានភោជនីយដ្ឋាន ហាងកាហ្វេ រោងកុន ផ្សារទំនើប ធនាគារ និងការកម្សាន្ត។

ជាធម្មតាផ្តោតលើទំនិញលក់រាយ ដូចជា សម្លៀកបំពាក់ គ្រឿងសំអាង ស្បែកជើង ទំនិញប្រើប្រាស់ក្នុងផ្ទះ និងគ្រឿងបន្ថែម។ ម្ចាស់ផ្សារទំនើបជួលកន្លែងទៅឱ្យអ្នកលក់រាយផ្សេងៗគ្នា។

ឧទាហរណ៍៖ ផ្សារទំនើបអ៊ីអនម៉លភ្នំពេញ ផ្សារទំនើបឈីបម៉ុង ២៧១ មេហ្គាម៉ល។

ហាងលក់ទំនិញធំៗ ឬDepartment Store វាជាប្រភេទហាងធំមួយដែលបែងចែកជាផ្នែកៗ ដូចជាសម្លៀកបំពាក់បុរស សម្លៀកបំពាក់ស្ត្រីគ្រឿងសំអាង គ្រឿងសង្ហារិម សម្ភារៈផ្ទះបាយ។ ទាំងអស់ត្រូវបានគ្រប់គ្រងដោយក្រុមហ៊ុនតែមួយ ជាមួយនឹងប្រព័ន្ធទូទាត់ប្រាក់តែមួយ (ឬអ្នកលក់រាយដូចគ្នា)។

ការអភិវឌ្ឍលក់រាយធំៗភាគច្រើន នាពេលបច្ចុប្បន្ននេះគឺជាផ្សារទំនើប មិនមែនជាហាងលក់ទំនិញបែបប្រពៃណីទេ៕

តើផលចំណេញពីការវិនិយោគអចលនទ្រព្យនៅប្រទេសវៀតណាមមានភាពល្អកម្រិតណា?

ដោយៈ ម៉ាណា

វៀតណាមៈ ប្រទេសវៀតណាមនៅតែជាទីផ្សារអចលនទ្រព្យដ៏ទាក់ទាញបំផុតមួយ របស់អាស៊ីអាគ្នេយ៍នៅឆ្នាំ ២០២៦ ប៉ុន្តែផលចំណេញដែលរំពឹងទុកអាស្រ័យលើថា តើអ្នកកំពុងវិនិយោគសម្រាប់ប្រាក់ចំណូលពីការជួល ឬការកើនឡើងនៃដើមទុន។

ប្រទេសមានសេដ្ឋកិច្ចរីកចម្រើនលឿនជាងគេ នៅអាស៊ីអាគ្នេយ៍នេះ មានផលចំណេញពីការវិនិយោគល្អប្រសើរ ដោយផលចំណេញពីការជួលប្រចាំឆ្នាំ អចលនទ្រព្យលំនៅដ្ឋានជាមធ្យមចន្លោះពី៣ ទៅ៥%។

ទីតាំងល្អនៅក្នុងទីក្រុងហូជីមិញ ហាណូយ ឬតំបន់ឧស្សាហកម្ម FDI មានផលចំណេញប្រចាំឆ្នាំចន្លោះពី៥ ទៅ៧% សរុបក្នុងករណីល្អបំផុត។

ចំណែកការកើនឡើងនៃដើមទុន នៅទីតាំងសំខាន់ៗអាចកើនឡើងចន្លោះពី៨ ទៅ១៥% ក្នុងមួយឆ្នាំ ប្រសិនបើហេដ្ឋារចនាសម្ព័ន្ធ FDI និងកង្វះខាតការផ្គត់ផ្គង់នៅតែបន្ត។

បណ្តាស្រុកដែលមានការអភិវឌ្ឍ រសរវើកមួយចំនួនអាចដំណើរការបានល្អជាង ខណៈពេលដែលតំបន់ប្រណីត ដែលផ្គត់ផ្គង់លើសអាចឃើញប្រាក់ចំណេញទាបជាង ឬសូម្បីតែតម្លៃថេរ។

ផលចំណេញសរុបប៉ាន់ស្មានលើការវិនិយោគ (ROI) អភិរក្សនិយមមានផលចំណេញព៏ការវិនិយោគចន្លោះពី៦ ទៅ១០% ក្នុងមួយឆ្នាំ។ គម្រោងល្អនៅក្នុងតំបន់ដែលមានកំណើនខ្លាំង អាចរកផលចំណេញចន្លោះពី១០ ទៅ១៨% ក្នុងមួយឆ្នាំ។

គម្រោងពិសេសអាចធ្វើទៅបាន ប៉ុន្តែមិនមែនជារឿងធម្មតាទេ ហើយមានហានិភ័យខ្ពស់ជាង។

តើវានៅតែជាការវិនិយោគល្អទេ?នៅក្នុងប្រទេសមួយនេះ? ចម្លើយគឺវិជ្ជមាន ប៉ុន្តែត្រូវជ្រើសរើសឲ្យបានច្បាស់លាស់ ដោយសារប្រទេសនេះមានកត្តាវិជ្ជមានជាច្រើន ដូចជា កំណើនសេដ្ឋកិច្ចខ្លាំង និងការពង្រីកផលិតកម្ម។ លំហូរចូលជាបន្តបន្ទាប់នៃការវិនិយោគផ្ទាល់ពីបរទេស (FDI)ខ្ពស់។ គម្រោងហេដ្ឋារចនាសម្ព័ន្ធសំខាន់ៗ ដូចជាផ្លូវល្បឿនលឿន ប្រព័ន្ធរថភ្លើងក្រោមដី និងអាកាសយានដ្ឋាន។ នគរូបនីយកម្ម និងតម្រូវការលំនៅដ្ឋានកើនឡើង៕

កម្ពុជាបន្តបង្ហាញខ្កួនជាគោលដៅវិនិយោគដែលមានសក្តានុពលខ្ពស់

ដោយៈ គង់ សូរិយា

កណ្តាលៈ អគ្គលេខាធិការគណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា លោកជា វុទ្ធីបានថ្លែងថា កម្ពុជាបន្តបង្ហាញខ្កួនជាគោលដៅវិនិយោគដែលមានសក្តានុពលខ្ពស់។

លោកបានថ្លែងបែបនេះ ក្នុងឱកាសអញ្ជើញជាអធិបតីក្នុងពិធីបើកការដ្ឋានសាងសង់រោងចក្រ ផ្គុំដំឡើងរថយន្តរបស់ក្រុមហ៊ុន KNN Automotive Co., Ltd. ដែលជាក្រុមហ៊ុនបុត្រសម្ព័ន្ធរបស់ K N N Group ស្ថិតនៅស្រុកខ្សាច់កណ្តាល ខេត្តកណ្តាល។

ក្នុងឱកាសនោះ លោកជា វុទ្ធីបានបញ្ជាក់ថា “ការសម្រេចចិត្តវិនិយោគរបស់ក្រុមហ៊ុន គឺជាការបង្ហាញពីទំនុកចិត្តលើសុខសន្តិភាព ស្ថិរភាពនយោបាយ បរិយាកាសធុរកិច្ច និងសក្តានុពលសេដ្ឋកិច្ចរយៈពេលវែងរបស់កម្ពុជា”។ លោកបានបញ្ជាក់ថា “កម្ពុជាបន្តរក្សាបាននូវសន្ទុះកំណើនវិនិយោគជាវិជ្ជមាន ដោយក្នុងឆ្នាំ២០២៥ ក្រុមប្រឹក្សាអភិវឌ្ឍន៍កម្ពុជា បានចុះបញ្ជីគម្រោងវិនិយោគចំនួន៦៣០គម្រោង ក្នុងទំហំទុនវិនិយោគជិត១០ប៊ីលានដុល្លារអាម៉េរិក”។

គណៈកម្មាធិការវិនិយោគកម្ពុជា នឹងបន្តធ្វើការយ៉ាងជិតស្និទ្ធជាមួយវិនិយោគិន ដើម្បីសម្របសម្រួល ការអនុវត្តគម្រោងវិនិយោគឱ្យប្រព្រឹត្តទៅដោយរលូន និងទទួលបានជោគជ័យ ស្របតាមចក្ខុវិស័យរបស់រាជរដ្ឋាភិបាល ក្នុងការធ្វើឱ្យកម្ពុជាក្លាយជាគោលដៅវិនិយោគប្រកបដោយភាពប្រកួតប្រជែងខ្ពស់ និរន្តរភាព និងមានភាពទាក់ទាញសម្រាប់វិនិយោគិនមកពីជុំវិញពិភពលោក៕

មន្រ្តីជំនាញស្តារអរិយធម៌ដែលបាននឹងកំពុងឈានទៅរកការបាត់បង់ឡើងវិញ

ដោយៈ នាង សំណាង

សៀមរាបៈ អាជ្ញាធរជាតិអប្សរា តាមរយៈនាយកដ្ឋានអភិរក្សប្រាសាទ និងបុរាណវិទ្យា កំពុងជួសជុលពង្រឹងរចនាសម្ព័ន្ធបង្កាន់ដៃនាគជ្រុងខាងលិច នៃរួតទី១ ប៉ែកខាងត្បូង នៃប្រាសាទអង្គរវត្ត ប្រវែង២០ម៉ែត្រ។

បុរាណវិទូនៃអាជ្ញាធរជាតិអប្សរា លោក សយ សុភារិន្ទ បានមានប្រសាសន៍ឲ្យដឹងថា កន្លងមកស្ថានភាពបង្កាន់ដៃនាគ នៅប៉ែកខាងត្បូងបានបាក់ និងដួលរលំទាំងស្រុង ដែលតម្រូវឱ្យអាជ្ញាធរជាតិអប្សរាជួសជុល និងពង្រឹងរចនាសម្ព័ន្ធឡើងវិញ។ ដោយសារជាចំណុចពិសេសដែលភ្ញៀវទេសចរ តែងឈរថតពីមាត់ស្រះខាងត្បូងឆ្លុះចាំងកំពូលប្រាសាទ ហើយទីតាំងដែលបាក់នេះ នៅជាប់ប្លង់ថតផងនោះ ទើបអាជ្ញាធរជាតិអប្សរា “លើកគម្រោងអាទិភាព”សម្រាប់ការងារជួសជុល។

គម្រោងជួសជុលបង្កាន់ដៃនាគ ដែលមានប្រវែង២០ម៉ែត្រនេះ បានចាប់ផ្តើមនៅខែមិថុនា ហើយគ្រោងនឹងបញ្ចប់ នៅចុងឆ្នាំ២០២៦ខាងមុខ។ ក្រុមការងារបានរើថ្ម តថ្មដែលបាក់បែក និងដាប់ឆ្លាក់ជើងទម្រ រួមនិងកំណាត់ដងខ្លួននាគថ្មីជំនួស ទីតាំងដែលបាត់ថ្ម ឬថ្មខូចទ្រង់ទ្រាយ។ល។

អ្នកជំនាញបញ្ជាក់ថា ទីតាំង២០ម៉ែត្រនេះ មានដងខ្លួននាគចំនួន៨ និងជើងទម្រចំនួន៩។ ថ្មចាស់ដែលនៅសេសសល់ អាចតភ្ជាប់ដងខ្លួននាគបានពី៣ទៅ៤កំណាត់ប៉ុណ្ណោះ ក្រៅពីនោះគេត្រូវជំនួសថ្មថ្មី។

បច្ចុប្បន្ន អាជ្ញាធរជាតិអប្សរា កំពុងធ្វើសម្រង់ប្លង់ហានិភ័យបង្កាន់ដៃនាគជុំវិញប្រាសាទអង្គរវត្ត បន្ថែមទៀត សម្រាប់រៀបចំផែនការជួសជុលនាពេលអនាគត៕

The Cambodia Digital Awards 2026

By MOT

Phnom Penh, Cambodia’s national digital award that recognizes outstanding digital excellence and innovation.

Over the last 12 years, the Awards have been a premiere stage that brought together digital startups, digital innovators, enterprises and institutions across the country to showcase innovative solutions that had integrated digital technology which drive innovation, strengthen innovation capability and Cambodia digital economy. Furthermore, developing Cambodia’s digital ecosystem by connect Cambodia’s digital startup to regional and international opportunity.

Cambodia Digital Awards 2026 continues its mission to accelerate Cambodia’s digital transformation through the highlight of outstanding digital innovations entrepreneurial excellence that contribute to social development, digital economic growth and national economic growth. Cambodia Digital Awards 2026 encourages digital innovation across all sectors that contribute to shaping society and advancing digitalization.

The objectives of Cambodia Digital Awards 2026 are:

– Recognition: National recognition for digital product and service that have contribute to Cambodia digital transformation.

– Empowerment: Support businesses and institutions in the adoption of advanced technologies for sustainable growth in Cambodia.

– Connection: Strengthen regional and international collaboration between innovators and investors to enhance the digital ecosystem and expand regional and global reach.

– Opportunity: Provide a platform for all brilliant innovators to showcase their unique solution and achievements, attract investment and representation of Cambodia on the international stage.

The Cambodia Digital Awards is more than just a competition; it serves as a national platform while creating investment opportunity for digital startup. Notable, the 2025 first runner-up for the Best Minister Startup Award, secured an investment from Plug and Play. This achievement demonstrates the high standard of competition while highlighting the opportunity for digital startups and innovators on the national stage.

Award Categories and Prize Pool:
The Cambodia Digital Awards 2026 welcomes applications from all tech enterprises, private companies, digital startups and research institutes to participate in Cambodia Digital Awards 2026. A total prize pool of 30,000$ will be distributed across 5 categories:
– Best Minister Startup of the year
– Best Digital Research and Innovation of the year
– Best Digital Content of the year
– Best Private Sector of the year
– Best Digital Inclusion of the year

Application Period Cambodian innovators or institution who are interested in participating in the Cambodia Digital Awards 2026 can apply via the following registration link: https://mptc.gov.kh/cda26/ starting from July 24th 2026 until November 2nd 2026.

អចលនទ្រព្យដែលមានទស្សនវិស័យល្អបំផុតសម្រាប់កម្ពុជា នាពេលអនាគត

ដោយៈ ចំណាន

ភ្នំពេញៈ ប្រភេទអចលនទ្រព្យដែលមានទស្សនវិស័យល្អបំផុត នាពេលអនាគត ជាអចលនទ្រព្យប្រភេទណា?។

ការសិក្សារបស់អ្នកវិភាគបានបង្ហាញថា ដីអភិវឌ្ឍន៍នៅក្នុងច្រករបៀងកំណើន។ ឃ្លាំង និងអចលនទ្រព្យភស្តុភារកម្ម។ ផ្ទះអាជីវកម្មនៅតំបន់ដែលមានប្រជាជន និងសកម្មភាពអាជីវកម្មកើនឡើង និងលំនៅដ្ឋានតម្លៃសមរម្យ ដែលមានគោលបំណងឆ្លើយតប ទៅនឹងតម្រូវការក្នុងស្រុក ជាប្រភេទអចលនទ្រព្យល្អបំផុត។

ទោះជាយ៉ាងណា អ្វីដែលអ្នកអភិវឌ្ឍន៍ និងអ្នកវិនិយោគត្រូវប្រុងប្រយ័ត្នបន្ថែមទៀត គឺខុនដូប្រណីត ដែលការផ្គត់ផ្គង់មានកម្រិតខ្ពស់ទាក់ទងទៅនឹងតម្រូវការក្នុងប៉ុន្មានឆ្នាំថ្មីៗនេះ។ ចំណែកគម្រោងវិនិយោគបែបប្រថុយប្រថានកម្រិតខ្ពស់ ដោយគ្មានតម្រូវការអ្នកប្រើប្រាស់ចុងក្រោយច្បាស់លាស់។

ដីដាច់ស្រយាលក៏មានហានិភ័យ ព្រោះបើលោក អ្នកទិញតែលើការរំពឹងទុកនៃការកើនឡើងនាពេលអនាគត ភាពជាប់គាំងអាចមានរយៈពេលវែង។

ជាទស្សនវិស័យរួម គឺប្រសិនបើប្រទេសកម្ពុជាសម្រេចបានកំណើនផលិតផលក្នុងស្រុកសរុប (GDP) ប្រចាំឆ្នាំប្រហែល ៥-៦% ពេញមួយទសវត្សរ៍ដែលនៅសល់ ដោយមានការគាំទ្រពីគម្រោងហេដ្ឋារចនាសម្ព័ន្ធ ផលិតកម្ម ទេសចរណ៍ និងការបន្តធ្វើនគរូបនីយកម្ម គេអាចវាយតម្លៃលើមូលដ្ឋានគួរពិចារណាទាំងនេះ ទី១ ដីអភិវឌ្ឍន៍ ទី២ អចលនទ្រព្យឧស្សាហកម្ម/ភស្តុភារ៖ និងទី៣ លំនៅដ្ឋានដែលមានតម្លៃសមរម្យ ផ្ទះអាជីវកម្មដែលអាចបង្កើតចំណូលបាន។

កត្តាសំខាន់បំផុតនឹងជាការទិញ នៅទីតាំងដែលតម្រូវការពិតប្រាកដត្រូវបានបង្កើតឡើងដោយការងារ ការដឹកជញ្ជូន និងកំណើនប្រជាជន ជាជាងពឹងផ្អែកលើការរំពឹងទុកតែម្នាក់ឯង។ វិធីសាស្រ្តនោះបានបង្កើតផលចំណេញយូរអង្វែងជាងមុន នៅក្នុងទីផ្សារកំពុងអភិវឌ្ឍន៍៕